Topi i Artë konsiderohet si çmimi individual më prestigjioz në botën e futbollit, i cili i akordohet çdo vit lojtarit më të mirë në botë.

Legjenda si Cristiano Ronaldo dhe Lionel Messi e kanë ngritur këtë trofe disa herë, por që nga triumfi i Ronaldos në vitin 2008, asnjë futbollist i Ligës Premier nuk e ka fituar më këtë çmim.

Megjithatë, klubet e Premier League shpesh përfshijnë në kontratat e lojtarëve klauzola të veçanta që parashikojnë bonuse financiare nëse futbollistët e tyre arrijnë të fitojnë Topin e Artë.

Në vitin 2021, pesë yje të njohur kishin të përfshira klauzola të tilla në kontratat e tyre – por asnjëri prej tyre nuk arriti të realizojë këtë sukses.

Anthony Martial

Kur Manchester United transferoi Anthony Martial nga Monaco në vitin 2015 për një marrëveshje që mund të arrinte deri në 58 milionë funte, klubi përfshiu një klauzolë të veçantë: Monaco do të përfitonte 7.2 milionë funte shtesë nëse Martial do të fitonte ndonjëherë Topin e Artë. Kjo klauzolë pasqyronte pritshmëritë e mëdha që kishin drejtuesit për talentin francez.

Por karriera e Martial në “Old Trafford” u shënua nga ulje-ngritje dhe ai kurrë nuk u përfshi në garën për Topin e Artë. Në verën e vitit 2024, ai u largua si lojtar i lirë, pasi realizoi 90 gola në 317 paraqitje me United.

Cristiano Ronaldo

Rikthimi i Cristiano Ronaldo-s te Manchester United në vitin 2021 u shoqërua me shpresën për të ripërtërirë lavditë e mëparshme, duke synuar edhe një tjetër trofe të Topit të Artë. Sipas mediave britanike, kontrata e tij përfshinte bonuse shtesë për arritje individuale, mes tyre një bonus prej 1 milion £ nëse do të fitonte Topin e Artë, çmimin e UEFA-s si Lojtari i Vitit ose nëse do të ndihmonte klubin të fitonte Ligën e Kampionëve.

Megjithatë, Ronaldo nuk u ngjit më në podiumin e Topit të Artë pas suksesit të tij të fundit në vitin 2017. Ai u largua nga United në fund të vitit 2022, pas një përplasjeje të bujshme me drejtuesit e klubit.

Mohamed Salah

Mohamed Salah është një ndër futbollistët më të dalluar të Premier League që nga momenti kur iu bashkua Liverpoolit në vitin 2017, duke fituar titullin e kampionit dhe çmime individuale të shumta. Pavarësisht këtyre sukseseve, renditja më e mirë e tij në Topin e Artë është vendi i pestë në vitin 2019.

Gazeta spanjolle Don Balon raportoi dikur se Salah kishte një klauzolë të veçantë në kontratë që i lejonte të kërkonte transferim te Barcelona ose Real Madrid nëse nuk do ta fitonte Topin e Artë. Ky transferim nuk ndodhi kurrë, ndërsa në vitin 2025 ai vendosi të rinovonte me Liverpoolin deri në vitin 2027.

Thiago Alcantara

Kalimi i Thiago Alcantara-s nga Bayern Munich te Liverpool në vitin 2020 për 26 milionë funte përfshinte gjithashtu bonuse të lidhura me arritjet individuale, mes tyre edhe një klauzolë për Topin e Artë. Por mesfushori elegant u pengua nga dëmtimet dhe nuk arriti të tregonte potencialin e tij të plotë në Premier League.

Gjatë katër viteve me Liverpoolin, ai regjistroi vetëm 98 paraqitje, ndërsa nuk u nominua kurrë për Topin e Artë. Pas përfundimit të kontratës në vitin 2024, Thiago vendosi të tërhiqej nga futbolli profesionist.

Bruno Fernandes

Që nga transferimi i tij nga Sporting CP në vitin 2020 për 47 milionë £, Bruno Fernandes është shndërruar në liderin e mesfushës së Manchester United. Kontrata e tij përfshinte një klauzolë sipas së cilës Sporting CP do të përfitonte 5 milionë euro shtesë për çdo herë që Fernandes do të përfundonte në top 3 të Topit të Artë.

Kjo klauzolë nuk është aktivizuar ende. Deri më sot, Fernandes është renditur në listën përfundimtare vetëm një herë, duke u pozicionuar i 21-ti në vitin 2021. Megjithatë, ai vazhdon të jetë një ndër lojtarët më të rëndësishëm të skuadrës, me 19 gola dhe 19 asiste në 57 ndeshje gjatë sezonit 2024/25. /Telegrafi/

The post Pesë yje të Ligës Premier kishin klauzola të veçanta për Topin e Artë në vitin 2021 – ja çfarë u ndodhi atyre që atëherë appeared first on Telegrafi.

Mohamed Salah po hyn në sezonin 2025/26 duke shpresuar të përsërisë heroizmat e tij nga sezoni 2024/25, në të cilin ai ndihmoi Liverpoolin të fitonte titullin e Ligës Premier.

Ylli egjiptian shënoi 34 gola dhe dha 23 asistime në 52 ndeshje sezonin e kaluar, përfshirë 29 gola në Ligën Premier.

Salah së fundmi dha një intervistë ku iu përgjigj disa pyetjeve interesante dhe të shpejta në lidhje me preferencat e tij.

Kur u pyet për një lojtar me të cilin shpresonte të luante në karrierën e tij, Salah u përgjigj: “Nuk kam luajtur me të në kulmin tim, por do të thosha se Eden Hazard”.

These answers……FACK. pic.twitter.com/KqS3ITNhgC

— Yakob (@yakobper90) July 18, 2025

Ai gjithashtu përmendi legjendën e Liverpoolit, Steven Gerrard, dhe ish-sulmuesin e Arsenalit, Thierry Henry, si disa futbollistë të mëparshëm me të cilët do të kishte dashur të luante si partner të sulmit.

Së fundmi, Salah u pyet për trajnerin e preferuar me të cilin ka punuar në karrierën e tij.

“Oooh… Luciano Spalletti”, ishte përgjigja e Salah.

Egjiptiani ka fituar titullin e Ligës Premier nën drejtimin e Jurgen Klopp dhe Arne Slot, por ka zgjedhur të mos e emërojë asnjërin prej tyre si trajnerin e tij të preferuar dhe kjo mund t’i befasoj jo pak njerëz. /Telegrafi/

The post Salah i zgjedh tre legjendat e Ligës Premier si partner të ëndrrave të tij, befason tifozët kur emëron trajnerin e preferuar appeared first on Telegrafi.

Ylli i Liverpoolit, Mohamed Salah, ka konfirmuar ambicien e tij për të fituar çmimin prestigjioz “Topi i Artë”, duke theksuar se motivimi i tij shkon përtej lavdisë personale.

Sulmuesi egjiptian ka qenë një nga lojtarët më të mirë të sezonit, me një performancë mbresëlënëse – 28 gola dhe 18 asistime – duke e udhëhequr Liverpoolin drejt suksesit në Ligë Premier dhe në arenën evropiane.

“Jam i sigurt se kam një shans të mirë për ta fituar këtë vit, por do ta shohim,” tha Salah, kur u pyet për aspiratat e tij drejt çmimit më të madh individual në futboll.

Ai theksoi se fokusi i tij kryesor mbetet te trofetë kolektivë me Liverpoolin, në veçanti Ligën Premier dhe Liga e Kampionëve.

Lexo po ashtu “Ky është shansi im më i mirë”, Mohamed Salah synon fitimin e Topit të Artë

Megjithatë, Salah e bëri të qartë se Topi i Artë ka një rëndësi të veçantë për të: “Dua ta fitoj për popullin tim”, u shpreh ai, duke nënvizuar krenarinë që do t’i sillte vendit të tij – Egjiptit./Telegrafi/

The post Mohamed Salah tregon se pse dëshiron ta fitojë Topin e Artë – ai ka një motiv të madh appeared first on Telegrafi.

Ylli i Liverpoolit, Mohamed Salah beson se mund ta vazhdojë karrierën e tij deri në moshën 40 vjeçare.

Salah e ka mbyllur një sezon të suksesshëm me Liverpoolin, duke fituar Ligën Premier dhe duke u zgjedhur lojtari më i mirë i sezonit.

Përveç kësaj, ylli egjiptian ishte edhe golashënuesi dhe asistuesi më i mirë i sezonit, duke treguar edhe një herë nivel të lartë të performancës.

Lexo po ashtu Salah fiton çmimin ‘Lojtari i sezonit’ në Ligën Premier dhe shkruan historinë

“Do të ndalem së luajturi kur të ndiej se është koha e duhur”, ka thënë fillimisht Salah në një intervistë me mediumin egjiptian ON Sports.

“Nëse më kërkoni mendimin tim, mendoj se mund të luaj deri në moshën 39 ose 40 vjeçare, por do të largohem më herët nëse ndiej se dua të ndalem. Kam arritur shumë”.

“Kontrata ime me Liverpoolin ishte gati të skadonte dhe do të isha transferuar në Arabinë Saudite, por ne finalizuam marrëveshjen e zgjatjes së kontratës me Liverpoolin”, përfundoi ylli egjiptian. /Telegrafi/

The post Salah flet për pensionimin, tregon deri kur mund të luajë appeared first on Telegrafi.

Ceremonia e “Topit të Artë” do të zhvillohet më 22 shtator në Paris, në Teatrin e Chatelet, dhe do të jetë edicioni i 69-të i këtij çmimi të rëndësishëm. 

Duket se këtë vit do të jetë shumë më e vështirë se zakonisht të zgjidhet një fitues, pasi askush nuk u dallua veçanërisht me paraqitjet apo arritjet e tij. Gjithashtu, këtë vit nuk pati gara të mëdha si Kampionati Botëror apo Kampionati Evropian. 

Ndër kandidatët që përmenden më shpesh në publik janë Mohamed Salah, Ousmane Dembele, Lautaro Martinez, Raphinha dhe Lamine Yamal. 

Dyshja e Barcelonës, Raphinha dhe Yamal, luajtën një sezon të shkëlqyer, të cilin e kurorëzuan me titullin kampion të Spanjës, ndërsa në Ligën e Kampionëve i thanë lamtumirë në gjysmëfinale, duke humbur në dy ndeshje kundër Interit. 

Ekipi italian drejtohet nga Lautaro Martinez, dhe ky sulmues do të ketë mundësinë të fitojë trofeun e kampionëve të Evropës. Interi gjithashtu ka një shans për t’u shpallur kampion i Italisë, megjithëse me gjasa minimale sepse Napoli ka avantazhin përpara xhiros së fundit. 

Rivali i Interit në finalen e Ligës së Kampionëve është PSG, e cila eliminoi Arsenalin. Ekipi francez po luan shkëlqyeshëm këtë sezon, ata fituan kampionatin francez shumë kohë më parë, dhe Dembele është veçanërisht i shkëlqyer, i cili është i pamëshirshëm përpara zonës së penalltisë së kundërshtarit këtë vit. 

Liverpooli i tha lamtumirë Ligës së Kampionëve më herët, por me besim fitoi kampionatin më të fortë, atë të Ligës Premier. Në këtë udhëtim, merita më e madhe i takon Salahut, i cili pati një tjetër sezon fenomenal me fanellën e Reds.

Se kush do ta fitojë “Topin e Artë” do të mësohet më 22 shtator në Paris. /Telegrafi/  

The post Sondazh/ Data e ceremonisë për “Topin e Artë” është caktuar, kush duhet ta fitojë çmimin? appeared first on Telegrafi.

Mohamed Salah do të vazhdojë ta veshë fanellën e Liverpoolit për disa sezone të tjera, pasi sulmuesi egjiptian e ka finalizuar qëndrimin e tij në Anfield me një zgjatje kontrate që e lidh atë me klubin deri në vitin 2027, duke i dhënë fund kështu muajve të spekulimeve rreth të ardhmes së tij të afërt.

Në Merseyside, lajmi po festohet si një trofe, duke siguruar praninë e njërit prej futbollistëve më vendimtarë të dekadës së fundit në Ligës Premier.

Me këtë veprim, klubi anglez përforcon angazhimin e tij për stabilitet sportiv pas disa sezoneve të nivelit të lartë me Salahun si yll. Sulmuesi anësor jo vetëm që ka qenë një golashënues i vazhdueshëm, por edhe një figurë kyçe në sukseset e fundit të Liverpoolit, duke përfshirë titujt vendas dhe ndërkombëtarë.

Rinovimi i kontratës së tij përfaqëson një shenjë të qartë se projekti sportiv vazhdon të sillet rreth talentit të tij.

Lexo po ashtu Rinovimi i Salah hap derën për largimin e yllit të Liverpoolit në fund të sezonit

Vendimi i lojtarit për të qëndruar në Angli është interpretuar gjithashtu si një përgjigje e drejtpërdrejtë ndaj ofertave të shumta nga Lindja e Mesme.

Klubet saudite kishin shtuar përpjekjet e tyre për ta joshur atë me kontrata shumë milionë dollarëshe, por egjiptiani ka zgjedhur të qëndrojë në elitën evropiane. Angazhimi i tij ndaj ekipit dhe konkurrencës duket se ka tejkaluar çdo ofertë financiare.

Megjithatë, sipas Fichajes, kjo nuk i ka dekurajuar emrat e mëdhenj të futbollit saudit. Planet e tij përfshijnë rikthimin në fushë në verën e vitit 2026, kur sulmuesi do të ishte 34 vjeç dhe mund të merrte në konsideratë një sfidë të re.

El futuro de Mohamed Salah está en Anfield tras su renovación, aunque en Arabia Saudí no se rindenhttps://t.co/qqG2Gz9SJK

— Fichajes.net (@fichajesnet) May 9, 2025

Kryeqyteti saudit, Riadi është i bindur se, me kalimin e kohës, mundësia e një kontrate të fundit të madhe në vendin e tyre mund ta joshë lojtarin.

Ndërkohë, Salah do të vazhdojë të udhëheqë sulmin e Liverpoolit me të njëjtën ambicie që e ka karakterizuar që nga ardhja e tij. /Telegrafi/

The post Arabia Saudite nuk heq dorë nga Mohamed Salah, do të tentojë përsëri transferimin e tij appeared first on Telegrafi.

Një emër tronditës mund ta sfidojë Raphinhan për Topin e Artë 2025 – dhe nuk është një nga gjashtë lojtarët që ylli i Barcelonës i emëroi si rivalë të tij.

Raphinha, 28 vjeç, shënoi golin e fundit të ekipit të tij gjatë humbjes 4-3 (7-6 në total) të Barcelonës kundër Interit në gjysmëfinalet e Ligës së Kampionëve të martën në mbrëmje (6 maj).

Dhe kjo mund të ketë një ndikim negativ në shanset e tij për të fituar Topin e Artë 2025 – megjithëse ai e ka fituar Kupën e Mbretit dhe duket se do ta fitojë La Ligën, pasi Barça është katër pikë përpara Real Madridit me katër ndeshje të mbetura.

Kur foli me gazetaren braziliane Isabela Pagliari, lojtari i kombëtares braziliane përmendi gjashtë lojtarë të tjerë që ai mendon se mund ta sigurojnë Topin e Artë.

Lexo po ashtu Përditësohet lista e favoritëve për Topin e Artë 2025 – Vendi i parë befasi, Salah bie nga ‘top 5’ dhe Vinicius i nënti

“Topi i Artë? Lamine [Yamal], Salah, Mbappe gjithashtu. Pedri, për mua, është një nga lojtarët më të mirë në botë. Vinicius, për mua, është gjithmonë një kandidat, edhe nëse shifrat e tij janë pak më të ulëta se vitin e kaluar”.

“Dhe, sigurisht, Rodrygo do të konsiderohej. Ai është spektakolar, fenomenal, i jashtëzakonshëm, një nga më të mirët që kam parë ndonjëherë”, ka thënë Raphinha.

Megjithatë, pas ndeshjes së mbrëmshme, mund të ketë një tjetër pretendentë që Raphinha nuk e përmendi.

Sipas Odds Checker, Lamine Yamal i Barcelonës është favoriti për të fituar çmimin e madh individual, ndërsa Ousmane Dembele i PSG-së dhe Raphinha përbëjnë treshen e parë të favoritëve.

I katërti është Mohamed Salah i Liverpoolit, ndërsa Pedri i Barcelonës është favoriti i pestë për ta fituar këtë çmim.

Edhe kapiteni i Interit, Lautaro Martinez, i cili shënoi golin e parë të skuadrës së Serie A të martën, është i gjashti në listën e favoritëve, një pozicion që pa dyshim do të forcohej nëse skuadra e tij arrin të fitojë Ligën e Kampionëve.

Pas argjentinasit vijnë Declan Rice, Robert Lewandowski, Gianluigi Donnarumma dhe Khvicha Kvaratskhelia që përbejnë top dhjetëshen.

Jashtë listës së 10 favoritëve kanë mbetur yjet e Real Madridit si Kylian Mbappe, i cili renditet i 11-ti, Vinicius Junior i 13-ti dhe Jude Bellingham i 19-ti. /Telegrafi/

The post Ndryshojnë shanset e pretendentëve kryesor për të fituar Topin e Artë 2025 appeared first on Telegrafi.

Mohamed Salah ka rinovuar kontratën e tij me Liverpool deri në vitin 2027. Menjëherë pas njoftimit zyrtar, sulmuesi egjiptian foli në mikrofonat e klubit, duke shprehur emocionet, ambiciet dhe lidhjen e thellë që e bashkon me qytetin dhe ekipin: “Është fantastike të jem këtu edhe për dy vite të tjera. Jam shumë i lumtur që kam nënshkruar një kontratë të re”.

“Ne kemi një ekip të madh, siç ka qenë në vitet e mëparshme. Zgjodha të qëndroj sepse besoj se mund të fitojmë më shumë trofe dhe të vazhdojmë të shijojmë futbollin”.

Sulmuesi egjiptian fokusohet te roli i tij brenda ekipit, si shembull për të rinjtë: “Më pëlqen të jem pikë referimi për të rinjtë. Kam ardhur këtu në moshën 24 vjeç, jam rritur si njeri dhe si futbollist. Kur të rinjtë më afrohen dhe më bëjnë pyetje, më gëzon. Ndonjëherë i shikoj dhe shoh veten. E kuptoj presionin, por ndërsa rritesh mëson ta përballosh atë”.

“Nuk zgjohem çdo ditë duke menduar se jam shembull, por përpiqem të jem gjithmonë profesionist, brenda dhe jashtë fushës. Arrij herët, stërvitem seriozisht. Fëmijët më të vegjël janë të zgjuar, i vënë re gjërat dhe shpesh më imitojnë mua, funksionon”.

Me shtatë ndeshje për të kaluar në Premier League, Liverpool është favorit i qartë për titull. Salah nuk e fsheh dëshirën e tij më të madhe: “E dua shumë. E thashë që në fillim të sezonit, fitimi i Premier është objektivi im. Tifozët e meritojnë. Herën e fundit nuk mundëm të festonim ashtu siç donim. Këtë herë duam ta bëjmë në Anfield, në rrugë, së bashku me ta”.

The post Liverpool, Salah: Premier League, pastaj trofe të tjerë appeared first on Albeu.com.

Mohamed Salah është ngjitur mbi disa yje në listën e fituesve më të mëdhenj të Ligës Premier pasi nënshkroi një marrëveshje të re fitimprurëse me Liverpoolin.

Salah më në fund ka nënshkruar një kontratë të re me Liverpoolin, duke zgjatur qëndrimin e tij legjendar në Anfield përtej sezonit 2024/25.

Kjo i jep fund spekulimeve disa muajshe, me 32-vjeçarin që ka lidhur një kontratë të vlefshme deri në vitin 2027.

Lexo po ashtu Salah i jep fund spekulimeve, rinovon kontratën me Liverpoolin

Ylli egjiptian thuhet se ishte në një marrëveshje me vlerë 350,000 funte (418,525 euro) në javë përpara se të nënshkruante kontratën e re me Liverpoolin.

Ai tani besohet se ka një kontratë me vlerë 400,000 funte (478,315 euro) në javë, edhe pse është pretenduar se do të merrte një ulje page.

Kjo do të thotë se ai tani është i dyti së bashku me Kevin De Bruyne në dhjetëshen me fituesit më të lartë në Ligën Premier.

De Bruyne gjithashtu fiton 400,000 funte (478,315 euro) në javë pasi ai do të largohet nga Manchester City kur kontrata e tij të skadojë këtë verë.

Sipas faqes së specializuar të pagave Capology, vetëm Erling Haaland fiton më shumë se Salah. Sulmuesi i City fiton momentalisht 525,000 funte (627,788 euro) në javë.

Emra tjerë si Casemiro, Bernardo Silva, Bruno Fernandes, Jack Grealish, Omar Marmoush, Kai Havertz dhe Gabriel Jesus përbëjnë dhjetëshen e parë.

10 fituesit më të mëdhenj në Ligën Premier

Erling Haaland (Manchester City) – 525,000 funte (627,788 euro) në javë

Mohamed Salah (Liverpool) – 400,000 funte (478,315 euro) në javë

Kevin De Bruyne (Manchester City) – 400,000 funte (478,315 euro) në javë

Casemiro (Manchester United) – 350,000 funte (418,525 euro) në javë

Bernardo Silva (Manchester City) – 300,000 funte (358,736 euro) në javë

Jack Grealish (Manchester City) – 300,000 funte (358,736 euro) në javë

Bruno Fernandes (Manchester United) – 300,000 funte (358,736 euro) në javë

Omar Marmoush (Manchester City) – 295,000 funte (352,757 euro) në javë

Kai Havertz (Arsenal) – 280,000 funte (334,820 euro) në javë

Gabriel Jesus (Arsenal) – 265,000 funte (316,883 euro) në javë

/Telegrafi/

The post Salah ngjitet në listën e pagave më të larta në Ligën Premier – Haaland i prinë dhjetëshes së fituesve appeared first on Telegrafi.

E ardhmja e Mohamed Salah duket larg Anfield dhe Liverpooli po punon për të gjetur zëvendësuesin e egjiptianit.

Liverpool po përgatitet për largimin e mundshëm të Mohamed Salah duke ofruar 140 milionë euro për Rodrygo Goes të Real Madridit.

Kontrata e Salah skadon në qershor 2025 dhe pa asnjë shenjë rinovimi, klubi po kërkon një zëvendësues.

Rodrygo, 24 vjeç, ka impresionuar me ritmin dhe aftësinë e tij për të ndikuar në sulm, duke e bërë atë një objektiv kyç për Liverpool.

Lexo po ashtu Nëse largohet Salah, Liverpooli synon ta zëvendësojë me ish-futbollistin e Real Madridit

Klubi raportohet se është serioz, me një ofertë prej 140 milionë eurosh në tavolinë, sipas Fichajes .

Salah ka qenë një lojtar vendimtar për Liverpoolin që nga ardhja e tij në 2017, por bisedimet për kontratën kanë ngecur, duke çuar në shtytjen e klubit për Rodrygo.

Lëvizja tregon ambicien e Liverpoolit për të qëndruar konkurrues si në Ligën Premier ashtu edhe në Evropë.

Me afrimin e afatit kalimtar të transferimeve, tifozët e Liverpoolit po presin me padurim përditësimet.

Oferta sinjalizon se klubi është gati për ndryshime të rëndësishme në vijën e tij sulmuese. /Telegrafi/

The post Salah drejt largimit, Liverpooli përgatitë 140 milionë euro për yllin e Realit appeared first on Telegrafi.

Mohamed Salah është ende i interesuar të kalojë në Ligën Saudite Pro këtë verë, raportojnë mediat britanike. Kontrata aktuale e egjiptianit me Liverpool skadon në verë dhe një marrëveshje për një zgjatje ende nuk është arritur.

Teksa po spekulohet gjithnjë e më shumë për të ardhmen e tij në Anfield, ka dalë informacioni se drejtuesit e klubit saudit po shqyrtojnë një ofertë për anësorin egjiptian dhe Al Hilal përmendet si kandidati më serioz për nënshkrimin e tij.

Sipas Telegraph, Salah ende dëshiron të shkojë në Arabinë Saudite, por prioriteti i tij është që së pari të dëgjojë atë që Liverpooli synon t’i ofrojë atij.

Javën e kaluar, në mediat egjiptiane u shfaqën pretendime se Liverpool kishte hapur tashmë negociatat me Rami Abbas, agjentin e Salah, në përpjekje për të rënë dakord për vazhdimin e bashkëpunimit të tyre.

Telegraph gjithashtu thekson se ka pak shanse që Salah të shkojë në Arabinë Saudite para Kupës së Botës për Klube këtë verë, por komunikimi mes palëve tashmë ekziston.

Lexo po ashtu Gara për “Këpucën e Artë” - Lewandowski i bën presion Salahut 

Salah është aktualisht favoriti kryesor për të fituar çmimin PFA Lojtari i Sezonit, pasi ka qenë një figurë kyçe në marshimin e Liverpool-it në krye të tabelës dhe atë që si prekje e titullit në Ligën Premier. Ai aktualisht ka 27 gola dhe kryeson garën për Këpucën e Artë, me gjashtë gola më shumë se Erling Haaland, i cili është i dëmtuar dhe ka gjasa të humbasë pjesën më të madhe të pjesës tjetër të sezonit. /Telegrafi/

The post Salah po afrohet më shumë me Arabinë Saudite – ky është klubi i është i interesuar për të appeared first on Telegrafi.

Sulmuesi polak Robert Lewandowski ka një formë të jashtëzakonshme dhe vazhdon të shënojë gola, duke iu afruar trofeut prestigjioz individual për sulmuesit kryesorë të Evropës. 

Lewandowski shënoi një dygolësh ndaj Gironas, duke e çuar numrin e golave në 24 dhe 25 në La Liga dhe duket se nuk ka ndërmend të ndalet. 

Sulmuesi jo vetëm që i është afruar 100 golave për Barcelonën, por është futur seriozisht edhe në garën për Këpucën e Artë.  

Në garën evropiane, Lewandowski qëndron në vendin e dytë, pas Mohamed Salah.  

Egjiptiani ka 29 gola në Ligwn Premier, por nuk ka shtuar numrin e tij këtë fundjavë, pasi Liverpool nuk luajti.  

Vlen të theksohet se Lewandowski ka fituar dy herë Këpucën e Artë teksa ishte në Bayern Munich në sezonet 2020/21 dhe 2021/22 dhe tani synon ta përsërisë këtë triumf në Spanjë. /Telegrafi/ 

The post Gara për “Këpucën e Artë” – Lewandowski i bën presion Salahut  appeared first on Telegrafi.

Drejtuesit e klubit të Liverpoolit thuhet se besojnë në rinovimin e kontratës së yllit kryesor të skuadrës, Mohamed Salah, edhe përkundër ofertave të shumta drejt tij.

Sipas mediumit talkSPORT, Liverpooli është optimist për arritjen e një marrëveshjeje për të vazhduar kontratën e yllit egjiptian, Salah.

Ylli egjiptian 32-vjeçar i skadon kontrata këtë verë, por pavarësisht interesimit nga Arabia Saudite dhe në mbarë Evropën, ai aktualisht nuk është në bisedime për një lëvizje.

Një ofertë prej 175 milionë eurosh nga Al Ittihad në vitin 2023 u refuzua dhe spekulimet kanë vazhduar, megjithëse Salah ka bërë pak për ta shuar atë.

Salah, i cili po shijon një sezon brilant me 27 gola dhe 17 asistime, është në rrugën e duhur për sezonin e tij më të mirë ndonjëherë.

Ai është vetëm tre asistime larg arritjes së rekordit të Ligës Premier për më shumë kontribute në një sezon dhe i duhen pesë gola të tjerë për të barazuar rekordin e tij prej 32 golave ​​nga sezoni i tij i parë te Liverpool.

Lexo po ashtu “Liverpooli nuk do të ketë para për t'i zëvendësuar”, legjenda angleze paralajmëron një sfidë të madhe nëse largohen tre yjet

Me zvogëlimin e spekulimeve për një lëvizje saudite, duket se Salah dëshiron të qëndrojë në Liverpool, me diskutime të fokusuara në të ardhmen e tij në Anfield.

Në kohën e tij në klub, Salah ka shënuar 243 gola dhe ka asistuar 110, duke fituar trofe të shumtë, duke përfshirë Ligën Premier dhe Ligën e Kampionëve. /Telegrafi/

The post Liverpooli është i bindur se Salah do të zgjasë kontratën, pavarësisht interesimit nga Arabia Saudite appeared first on Telegrafi.

Lojtarët dhe menaxherët me të ardhurat më të larta të Premier League janë zbuluar tashmë, ku nuk mungojnë befasitë.

Gazeta franceze L’Equipe ka shikuar se cilët yje marrin më shumë para në shtëpi çdo javë.

Zgjatja e kontratës së Erling Haaland me Manchester Cityn në fillim të vitit 2025 e ka bërë atë lojtarin më të paguar në Ligën Premier.

Sulmuesi norvegjez, 24 vjeç, tani fiton 2.57 milionë euro në muaj apo 30 milionë euro në vit, shumë më përpara se shoku i skuadrës, Kevin De Bruyne, i cili fiton 2.06 milionë euro apo rreth 25 milionë euro në vit.

Pas tyre janë Casemiro (Manchester United) dhe Mohamed Salah (Liverpool), të dy me fitime prej 1.88 milionë euro në muaj apo 22.5 milionë euro në vit.

Dyshja angleze, Marcus Rashford (Aston Villa) dhe Raheem Sterling (Arsenal) plotësojnë pesëshen e parë me 1.67 milionë në muaj apo 20 milionë euro në vit secili.

Për sa i përket menaxherëve, Pep Guardiola i Manchester Cityt kryeson listën me 1.98 milionë euro në muaj apo rreth 24 milionë euro në vit.

Spanjolli renditet para bashkëkombësit të tij, Mikel Arteta (Arsenal), i cili fiton 1.48 milionë euro në muaj apo rreth 18 milionë euro në vit dhe David Moyes (Everton) me 1.23 milionë euro në muaj apo rreth 15 milionë euro në vit. /Telegrafi/

The post Lojtarët dhe menaxherët më të paguar të Ligës Premier – befasi në dy listat appeared first on Telegrafi.

Fichajes raporton se Liverpooli është gati të bëjë një përpjekje të madhe financiare për të nënshkruar Rodrygon nëse Mohamed Salah nuk rinovon kontratën e tij.

Raportimet nga Anglia sugjerojnë se klubi, i drejtuar nga Arne Slot, planifikojnë t’i ofrojnë 120 milionë euro Real Madridit për të siguruar sulmuesin brazilian.

Rodrygo, me kontratë me Real Madridin deri në qershor 2028, është bërë një lojtar kyç nën drejtimin e Carlo Ancelotti, pavarësisht ardhjes së Kylian Mbappes.

Ai nuk ka ndërmend të largohet dhe shpreson të vazhdojë karrierën në Santiago Bernabeu, duke synuar të bëhet legjendë e klubit.

Ndërsa Liverpool e sheh Rodrygon si zëvendësuesin ideal për Salah, i cili ende nuk ka vendosur për të ardhmen e tij në Anfield, Real Madrid nuk ka ndërmend ta shesë atë.

Lexo po ashtu Thierry Henry injoron brutalisht Salahun dhe emëron favoritin e tij për Topin e Artë 2025

Klubet e shohin atë si një pjesë kyçe të projektit të tyre afatgjatë dhe do të konsideronin vetëm ofertat që plotësojnë klauzolën e tij të lirimit.

Pavarësisht interesimit nga Liverpooli dhe Manchester City, Rodrygo mbetet i fokusuar në të ardhmen e tij në Real Madrid, ku shpreson të fitojë më shumë tituj dhe të bëhet një ikonë e futbollit global. /Telegrafi/

The post Liverpooli ka sytë te zëvendësuesi i Salahut – kushton 120 milionë euro appeared first on Telegrafi.

Ylli i Barcelonës, Raphinha llogaritet momentalisht si favoriti kryesor për të fituar çmimin më të madh individual në futboll, Topin e Artë.

Portali i njohur sportiv Goal.com ka përditësuar listën e pretendentëve për Topin e Artë, ku nuk mungojnë befasitë.

Sulmuesi anësor i Barcelonës, Raphinha është ngjitur në vendin e parë, si favorit kryesor ndërsa Mohamed Salah i Liverpooli ka rënë nga top pesëshja.

Pas Raphinhas, lojtari i dytë pretendentë llogaritet ylli i Real Madridit, Kylian Mbappe, teksa sensacioni i Barcelonës, Lamine Yamal kompleton podiumin.

Harry Kane i Bayern Munichut llogaritet si pretendenti i katërt, ndërsa Ousmane Dembele (Paris Saint-Germain) renditet i pesti.

Dy yjet e Barcelonës, Pedri dhe Robert Lewandowski zënë vendet shtatë dhe tetë, teksa favoriti kryesor i vitit të fundit, Vinicius Junior renditet i nënti dhe Jude Bellingham që mbyll dhjetëshen.

Top 10 e pretendentëve të Topit të Artë

1.Raphinha (Barcelona)

2.Kylian Mbappe (Real Madrid)

3.Lamine Yamal (Barcelona)

4.Harry Kane (Bayern Munich)

5.Ousmane Dembele (Paris Saint-Germain)

6.Mohamed Salah (Liverpool)

7.Pedri (Barcelona)

8.Robert Lewandowski (Barcelona)

9.Vinicius Junior (Real Madrid)

10.Jude Bellingham (Real Madrid)

/Telegrafi/

The post Përditësohet lista e favoritëve për Topin e Artë 2025 – Vendi i parë befasi, Salah bie nga ‘top 5’ dhe Vinicius i nënti appeared first on Telegrafi.

Forma e jashtëzakonshme e Mohamed Salah këtë sezon nuk vazhdoi edhe gjatë ditës së sotme (e diel) kur Liverpooli u mposht në finale të Carabao Cup nga Newcastle United me rezultat 2-1. 

Salah po shijon sezonin e tij më produktiv në ‘Anfield’, pasi ka shënuar 32 gola dhe ka bërë 22 asistime në të gjitha garat. 

Forma e tij ka bërë që të ketë thirrja që egjiptiani ta fitojë Topin e Artë dhe të njihet zyrtarisht si lojtari më i mirë në botë. 

32-vjeçari kishte shpresuar që ta udhëheqë Liverpoolin drejt një tjetër trofeu të dielën në ‘Wembley’, por ata u mposhtën nga Newcastle të cilët fituan trofeun e tyre të parë pas plotë 70 vitesh.

Lexo po ashtu Liverpooli po përgatit një ofertë rekorde për transferimin e top sulmuesit argjentinas

Me vetëm 23 prekje të topit, Salah ishte çuditërisht në mesin e sulmuesve të Liverpoolit të cilët rrezikuan shumë pak portën e Nick Pope. 

Sipas Opta-s, në fakt kjo ishte hera e parë për Salah si lojtar i Liverpoolit që ai as nuk godet as nuk krijon ndonjë rast për gol në një ndeshje ku ka luajtur 90 minuta të plota. 

0 – For the first time in his Liverpool career, Mohamed Salah neither attempted a shot nor created a chance in a match where he played 90+ minutes. Uncharacteristic. pic.twitter.com/YYN9ZyAF7D

— OptaJoe (@OptaJoe) March 16, 2025

Liverpooli ishte duke synuar fitimin e tripletës javën e kaluar, por ekipi i drejtuar nga Arne Slot u eliminua nga Liga e Kampionëve pas disfatës ndaj PSG-së. 

‘Të Kuqtë’, natyrisht, janë në rrugën e duhur për ta fituar Ligën Premier pasi momentalisht kanë 12 pikë më shumë se Arsenali i vendit të dytë./Telegrafi/

The post Mo Salah vendosi një rekord të zi në humbjen ndaj Newcastle në finale të Carabao Cup appeared first on Telegrafi.

Sipas ish-sulmuesit brazilian Rivaldo, Mohamed Salah është një “kandidat i fortë” për Topin e Artë së bashku me Vinicius Junior, por dy lojtarë të Barcelonës aktualisht janë duke udhëhequr garën për çmimin individual.

Ndërsa hyjmë në fazat e fundit të sezonit 2024/25, flasim për Topin e Artë dhe se kush e meriton të ngrejë trofeun prestigjioz është temë e përhapur.

Ka ende shumë futboll për të luajtur, përfshirë finalen e Ligës së Kampionëve – një ngjarje që shpesh mund të vendosë fituesin – por kjo nuk i ka penguar tifozët dhe ekspertët të bëjnë parashikimet e tyre të hershme.

Lexo po ashtu Gavi konsideron Raphinhan pretendentë për Topin e Artë

Duke folur për CBS Sports të martën mbrëma, Thierry Henry emëroi sulmuesin anësor të Barcelonës, Raphinha, si favorit pas një sezone mbresëlënëse në garën elitare të Evropës.

Dikush që pajtohet me Henryn është ish-sulmuesi i Arsenalit dhe Barcelonës, Rivaldo.

52-vjeçari, i cili fitoi Topin e Artë në vitin 1999 pas një sezoni yjor me gjigantët katalunas, beson se Raphinha është një “kandidat i shquar” për çmimin së bashku me sensacionin adoleshent Lamine Yamal.

“Për momentin nuk shoh askënd përpara Lamine dhe Raphinha në garën për të fituar Topin e Artë”.

“Ndoshta nëse shikojmë jashtë Spanjës, Salah është një kandidat i fortë për sezonin e tij dhe Vinicius do të jetë gjithmonë aty. E gjithë kjo do të varet shumë nga Barcelona dhe nga pushtimi i titujve kolektivë, por të dy po kalojnë një sezon të mrekullueshëm”, ka thënë Rivaldo. /Telegrafi/

The post Rivaldo shpërfill Mo Salah dhe Vinicius Jr kur zgjedh dy favoritët për të fituar Topin e Artë 2025 appeared first on Telegrafi.

Sulmuesi egjiptian, Mohamed Salah ka shpërthyer në lot pas eliminimit të Liverpoolit nga Paris Saint-Germain në fazën e 1/8-tës në Ligën e Kampionëve.

Mbrëmjen e së mërkurës, PSG kaloi në çerekfinale të Ligës së Kampionëve pasi eliminoi Liverpoolin me penallti (4-1, pasi loja e rregullt dhe vazhdimet u mbyllen me rezultat 0-1, po as sa fitorja e Reds në Francë.

Heroi i skuadrës franceze ishte portieri Gianluigi Donnarumma, i cili priti dy penallti nga Darëin Nunez dhe Curtis Jones, duke ia siguruar ekipin e tij çerekfinalen ku do të luajnë me fituesin e ndeshjes Aston Villa-Club Brugge.

Lexo po ashtu Donnarumma hero në "Anfield" - PSG eliminon Liverpoolin pas penalltive nga Liga e Kampionëve

Megjithatë, figura tragjike e Reds padyshim se ishte lojtari më i mirë i tyre, Salah, i cili në këto dy ndeshje dështoi të lë gjurmë apo ta ndihmoj skuadrën e tij për të kaluar tutje.

Egjiptiani ishte ai që ishte në fokus të mediave pas ndeshjes dhe kamerat e kapën atë, ku dukej se ishte dukshëm emocional dhe i përlotur pas eliminimit të ekipit të tij.

Seeing Mohamed Salah crying breaks my heart pic.twitter.com/Dqt7rY81Jd

— (@fcsalah11) March 11, 2025

Këto lot dhe emocione thuhet se vijnë pasi Salah nuk ka rinovuar ende kontratën me Reds dhe në verë mund të largohet si lojtarë i lirë.

Ndryshe, Salah ka luajtur shkëlqyeshëm për Liverpoolin deri tani këtë sezon, pasi në 42 ndeshje të luajtura, ai shënoi 32 gola dhe shtoi 22 asistime. /Telegrafi/

THE OTHER SIDE OF THE COIN !!

Mohamed Salah in tears after being eliminated from the Champions League Round of 16. The Egyptian knows this might have been his last chance to win the trophy again, as he hasn’t renewed his contract

KEEP YOUR HEAD UP, PHARAOH! #salah pic.twitter.com/UwetAYEN62

— MARCA in English (@MARCAinENGLISH) March 12, 2025

Mo Salah was left in tears following Liverpool's exit in the Champions League
byu/DavidRolands insoccer

The post Salah shpërtheu në lot pas eliminimit të Liverpoolit nga Liga e Kampionëve appeared first on Telegrafi.

Trent Alexander-Arnold dhe Mohamed Salah u ndanë nga bashkëlojtarët te Liverpooli pas një grindjeje të dukshme në stërvitje.

Egjiptiani u filmua duke ecur drejt shokut të tij të skuadrës përpara se t’i jepte një shtytje të vogël në momentin në dukje të lehtë.

Sulmuesi anësor nuk mund të mos buzëqeshte teksa lojtarë si Ibrahima Konate, Harvey Elliott dhe Curtis Jones luanin paqebërësit.

Ndërkohë, Alexander-Arnold vazhdoi shkëmbimin me fjalë deri në fushën e stërvitjes.

Burime pranë klubit kanë konfirmuar që atëherë se gjithçka ishte pak argëtuese, sipas Liverpool Echo.

Liverpool aktualisht kryeson tabelën e Ligës Premier, 15 pikë përpara Arsenalit të vendit të dytë me nëntë ndeshje për të luajtur. /Telegrafi/

The post Shpërthen te Liverpooli: Salah dhe Alexander-Arnold me konfrontim të fortë appeared first on Telegrafi.