Kamerat e sigurisë kanë dokumentuar lëvizjet e dyshuara të parave brenda Filialit të Postës Shqiptare në Durrës, në dosjen ku ish-drejtoresha Elisabeta Mataj e cila akuzohet për përvetësimin e rreth 69 milionë lekëve të rinj, fonde të destinuara për pensione, ndihmë ekonomike dhe pagesa të tjera sociale.
Pamjet filmike të datës 14 janar 2026 të administruara nga Prokuroria, tregojnë komunikimin mes ish-drejtoreshës dhe vartëseve të saj, ndërsa sipas hetimeve, në disa episode shefja e financës merrte thasët me para nga arka dhe i dërgonte në zyrën e drejtoreshës, në kundërshtim me procedurat e parashikuara.
Vetëm pak minuta më pas, sipas dosjes hetimore, Mataj shihet duke u larguar nga zyra me një qese të bardhë transparente, përmbajtja e së cilës nuk mund të përcaktohet nga pamjet.
Për këtë çështje, Gjykata ka lënë në fuqi masën “arrest në burg” për ish-drejtoreshën Elisabeta Mataj, ndërsa dy vartëset e saj, ish-shefja e financës Valbona Duni dhe arkëtarja Paola Dana, janë nën masën e sigurisë “arrest në shtëpi”.
Euronews Albania mëson se përvetësimi i fondeve dyshohet të ketë nisur që në muajin nëntor të vitit 2025, vetëm pak javë pasi Elisabeta Mataj mori drejtimin e filialit të Postës në Durrës. Sipas burimeve, skema ka vijuar për disa muaj, ndërsa në fazën e fundit situata u bë kritike, duke sjellë edhe vonesa në shpërndarjen e pensioneve për qytetarët.
Burime për Euronews bëjnë me dije se, përballë përshkallëzimit të situatës dhe mungesës së fondeve, shefja e financës Valbona Duni paraqiti dorëheqjen. Megjithatë, hetimet e Prokurorisë vijojnë për të zbardhur të gjithë skemën e dyshuar të përvetësimit të parave dhe përgjegjësitë individuale të personave të përfshirë.
Rreshteri Michael Emmanuel Swinton u vra gjatë një shpërthimi të kontrolluar të një sistemi dronësh me një drejtim më 19 korrik në Irak. Swinton ishte nga Fayetteville, Karolina e Veriut.
“Rreshteri Michael Emmanuel Swinton, 30 vjeç, nga Fayetteville, Karolina e Veriut, u vra në aksion gjatë një shpërthimi të kontrolluar të një Sistemi Ajror pa pilot me një drejtim të rrëzuar më 19 korrik 2026, në Bazën Ajrore të Erbilit, Irak. Incidenti është nën hetim”, tha Departamenti i Mbrojtjes në një deklaratë.
Komanda Qendrore e SHBA-së kishte njoftuar më parë se dy ushtarë amerikanë u vranë në sulmet iraniane në Jordani dhe se, veçmas, një anëtar i shërbimit amerikan u vra në Irakun verior “gjatë një shpërthimi të kontrolluar të municioneve të pashpërthyera nga një dron sulmi njëkahësh iranian i rrëzuar”.
Gjykata e Lartë këtë të martë ka marrë vendimin dhe ka shpallur zyrtarisht listën përfundimtare të kandidatëve që plotësojnë kushtet ligjore për t’u zgjedhur anëtar i Këshillit të Lartë Gjyqësor.
Njëkohësisht, Kryetari i Gjykatës së Lartë, Sokol Sadushi shpalli datën e zhvillimit të Mbledhjes së Përgjithshme të Gjyqtarëve për zgjedhjen e anëtarëve të Këshillit të Lartë Gjyqësor e cila do të mbahet më 25 shtator ora 10:00.
Zgjedhjet do të zhvillohen për zgjedhjen e 1 gjyqtari nga radhët e gjyqtarëve të gjykatës së shkallës së parë, 1 gjyqtari nga radhët e gjyqtarëve të apelit dhe 1 gjyqtari nga radhët e gjyqtarëve të Gjykatës së Lartë, për anëtarë të Këshillit të Lartë Gjyqësor.
Kandidatët:
Arbena Ahmeti – Gjykata e Lartë
Sandër Simoni – Gjykata e Lartë
Igerta Hysi – Gjykata e Posaçme e Apelit për Korrupsionin dhe Krimin e Organizuar
Fatri Islamaj – Gjykata e Apelit të Juridiksionit të Përgjithshëm Tiranë
Matilda Llangozi – Gjykata e Shkallës së Parë të Juridiksionit të Përgjithshëm Tiranë
Brunilda Kadi – Gjykata e Shkallës së Parë të Juridiksionit të Përgjithshëm Tiranë
Manjola Xhaxho – Gjykata e Shkallës së Parë të Juridiksionit të Përgjithshëm Tiranë
Të shtunën më 25 korrik do të zhvillohet International Half Marathon & Minimarathon Enkelana Edicioni V në Pogradec. Lidhur me këtë maratonë janë marrë disa masa ku do të ketë bllokim të përkohshëm të qarkullimit në disa akse rrugore.
Sipas njoftimit maratona starton në orën 19:00 deri në orën 21:30. Bllokimi i qarkullimit do të jetë në Pogradec -Buçimas -Tushemisht -kthim në qendër të Pogradecit.
Gjithashtu Brenda qytetit do të ketë bllokim tek Bulevardi Reshit Çollaku dhe Bulevardi Kajo Karafili. Si rrugë alternative mund të përdoret aksi rrugor Qukës-Qafë Plloçë.
“Në kuadër të zhvillimit të International Half Marathon & Minimarathon Enkelana Edicioni V, që do të zhvillohet më 25 Korrik 2026, nga ora 19:00 deri në 21:30, do të ketë bllokim të përkohshëm të qarkullimit në këto akse rrugore:
Pogradec
Ora: 19:00 – 21:30
Pogradec – Buçimas – Tushemisht – kthim në qendër të Pogradecit
Ora: 19:00 – 21:30
Brenda qytetit, në të njëjtin orar, do të jenë të bllokuara:
Bulevardi Reshit Çollaku Ora: 19:00 – 21:30
Bulevardi Kajo Karafili Ora: 19:00 – 21:30
Njoftohen përdoruesit e aksit nacional të juglindjes se, gjatë këtij intervali kohor, lëvizja mund të kryhet nëpërmjet aksit rrugor Qukës-Qafë Plloçë, si itinerar alternativ.
Ftojmë të gjithë drejtuesit e mjeteve dhe qytetarët të tregojnë mirëkuptim, të respektojnë sinjalistikën rrugore dhe udhëzimet e Policisë rrugore si dhe të planifikojnë lëvizjet e tyre në përputhje me kufizimet e përkohshme të qarkullimit.
Faleminderit për mirëkuptimin dhe bashkëpunimin në realizimin e kësaj maratone sportive ndërkombëtare”, thuhet në njoftim.
Departamenti Amerikan i Drejtësisë, DOJ njoftoi se gati 3,000 faqe interneti janë bllokuar ose sekuestruar për transmetim të paligjshëm të ndeshjeve të Kupës së Botës.
Më shumë se 1,000 domene u mbyllën vetëm në SHBA gjatë turneut, me një numër të ngjashëm të bllokuar në Kolumbi.
Agjencitë e zbatimit të ligjit në Amerikë dhe në të gjithë Amerikën e Jugut e kryen veprimin në kuadër të hetimeve të quajtura “operacioni jashtë loje” dhe “operacioni “kartoni i kuq”.
Ivan J. Arvelo, drejtor i Qendrës Kombëtare të Koordinimit të të Drejtave të Pronësisë Intelektuale (NIPRCC), tha se transmetimi i paautorizuar i ndeshjeve të Kupës së Botës shkelte të drejtat e pronësisë intelektuale dhe nxit organizatat kriminale.
Departamenti i Drejtësisë tha në fund të muajit të kaluar se kishte hequr 400 faqe interneti për transmetim të paligjshëm të Kupës së Botës. Tani qindra të tjera janë hequr ose bllokuar.
Zbatimi i ligjit është mbikëqyrur kryesisht nga Zyra e Imigracionit dhe Doganave (ICE), një agjenci federale që përfshin NIPRCC-në.
Transmetimi i paligjshëm i sporteve shpesh ndodh përmes faqeve të internetit ose faqeve të internetit të krijuara posaçërisht për ngjarjen. Kompanitë dhe transmetuesit kanë vlerësuar se aktiviteti u kushton miliarda dollarë në vit.
Për shkak të popullaritetit të tij global, sipas analistëve, futbolli është piratuar në një “shkallë industriale”. Kostoja në rritje e marrëveshjeve të të drejtave për ndeshjet ka rezultuar në çmime më të larta për tifozët në shtëpi, veçanërisht nëse ata zgjedhin të paguajnë për shërbime të shumta për të parë ndeshjet e ekipit të tyre.
Kjo ka bërë që disa tifozë t’i drejtohen transmetimeve të paligjshme të ndeshjeve të mëdha për të shmangur kosto të tilla.
Pjesa më e madhe e të ardhurave të FIFA-s vjen nga shitja e të drejtave të transmetimit te rrjetet e ndryshme globale mediatike që duan të transmetojnë ndeshjet në televizion.
Zyra e Prokurorit të Përgjithshëm Kolumbian tha se kishte bërë madje disa arrestime në lidhje me operacionet.
Katër anëtarë të asaj që quhej “grupi kiberkriminal” Los Ciberinfiltrados u arrestuan për dyshimin se kishin fituar dhe shpërndarë në mënyrë të paligjshme akses në ndeshjet e Kupës së Botës.
830 faqe të tjera interneti në Argjentinë, Ekuador, Peru, Brazil dhe Republikën Dominikane u mbyllën gjithashtu.
Presidenti i SHBA-së, Donald Trump është gati të vendosë tarifa të reja për dhjetëra vende që këtë javë, raportoi të martën Financial Times, ndërsa tarifa e tij e përkohshme globale prej 10% është planifikuar të skadojë të premten.
FT tha se detyrimet e reja më të menjëhershme pritet të jenë në të njëjtin nivel me tarifat prej 10% që janë aktualisht në fuqi, por administrata po punonte gjithashtu në hetime të tjera që mund t’i jepnin asaj autoritetin ligjor për të propozuar detyrime më të larta.
Gjithashtu Shtëpia e Bardhë njoftoi të hënën se presidenti Trump po vendos tarifa prej 50% për shumicën e mallrave kanadeze në përgjigje të hakmarrjes së vendit ndaj tarifave të mëparshme të SHBA-së, duke deklaruar se Kanadaja ka diskriminuar padrejtësisht makinat, alkoolin dhe produktet e qumështit amerikan.
Tarifat do të prekin një gamë të gjerë produktesh, tha Shtëpia e Bardhë, duke përfshirë verën, shkopinjtë e hokejit dhe çimenton. Ato përfshijnë gjithashtu mallra që më parë mbroheshin nga taksat e importit sipas marrëveshjes Shtetet e Bashkuara-Meksikë-Kanada, USMCA.
Tarifat e reja do të përjashtojnë produktet e energjisë, peshkun, mineralet kritike dhe potasin. Ato gjithashtu përjashtojnë produktet që tashmë i nënshtrohen tarifave që synojnë mbrojtjen e sigurisë kombëtare, të tilla si çeliku dhe alumini.
Shtëpia e Bardhë tha se tarifat do të hyjnë në fuqi brenda 30 ditësh, duke lënë kohë për negociata të mundshme midis dy vendeve.
Ligjvënësit francezë votojnë të martën për një ligj që synon të ndalojë aksesin në mediat sociale për fëmijët nën moshën 15 vjeç.
Nëse miratohet, Franca do të ndjekë shembullin e Australisë, ku ndalimi i parë në botë për personat nën 16 vjeç në platformat si Facebook, Snapchat, TikTok dhe YouTube hyri në fuqi në dhjetor, ndërsa shqetësimet rriten mbi ndikimin që mediat sociale kanë në shëndetin dhe sigurinë e të miturve.
Presidenti Emmanuel Macron, i cili në prill u bëri thirrje të rinjve të fikin telefonat dhe të lexojnë në mënyrë që të bëhen qytetarë më të mirë, dëshiron që ligji të hyjë në fuqi në kohë për fillimin e vitit të ardhshëm akademik.
Projektligji i Francës, për të cilin senatorët dhe deputetët ranë dakord në nivel komisioni të hënën vonë, kërkon që platformat e mediave sociale të krijojnë sisteme të verifikimit të moshës të miratuara nga rregullatori francez i privatësisë.
Votimi në parlament pritet të zhvillohet në mesditë ose vonë pasdite. Me legjislacionin e propozuar, fëmijët nën 15 vjeç nuk do të lejohen të hapin një llogari në mediat sociale që nga 1 shtatori. Platformat e mediave sociale do të kenë edhe katër muaj të tjerë për të mbyllur llogaritë që janë tashmë të hapura.
Enciklopeditë online dhe faqet e internetit edukative do të mbeten të disponueshme për fëmijët dhe adoleshentët.
Platformat e mediave sociale në përgjithësi kundërshtojnë ndalimet e përgjithshme dhe theksojnë se tashmë kanë masa për të mbrojtur përdoruesit më të rinj, duke përfshirë kufizimet e moshës. Por ato janë zotuar gjithashtu të zbatojnë masat aty ku qeveritë miratojnë ndalime.
Vende në të gjithë Evropën dhe më gjerë po shqyrtojnë mënyra për të kufizuar mediat sociale, pasi janë bërë gjithnjë e më të vetëdijshme për rreziqet për fëmijët.
Presidenti iranian, Masoud Pezeshkian këtë të martë ka deklaruar se vendi i tij është i angazhuar në një luftë në shkallë të plotë që shtrihet në ekonominë e Iranit.
“Realiteti është se sot Republika Islamike e Iranit është e angazhuar në një luftë në shkallë të plotë”, tha ai.
“Lufta e sotme nuk është thjesht një luftë raketash; armiku ka arritur në përfundimin se nuk mund ta detyrojë popullin iranian të dorëzohet përmes sulmeve ushtarake.
Ekonomia dhe mjetet e jetesës së njerëzve janë arena më e rëndësishme e përballjes me armikun”, shtoi Pezeshkian.
Presidenti iranian ka paralajmëruar shpesh për pasojat ekonomike dhe sociale të konfliktit me Shtetet e Bashkuara.
“Është e papranueshme për ne të jetojmë në një shoqëri ku njerëzit përballen me probleme të jetesës, papunësi, varfëri dhe vështirësi.
Nëse presionet ekonomike prodhojnë pakënaqësi sociale dhe kjo pakënaqësi përhapet, kapitali i madh social i krijuar nga njerëzit në mbështetje të sistemit mund të dëmtohet”, tha Pezeshkian.
Në një takim me drejtuesit e mediave muajin e kaluar, Pezeshkian tha se ruajtja e unitetit dhe kohezionit kombëtar është përparësia kryesore e Iranit në rrethanat aktuale.
Që atëherë, SHBA-të kanë rifilluar bllokadën e porteve iraniane dhe kanë bombarduar infrastrukturën kritike si rrugët, hekurudhat, urat dhe tunelet.
Papunësia në Iran është përkeqësuar që nga fillimi i konfliktit dhe monedha e tij ka arritur nivele të reja minimale. Në qershor, norma vjetore e inflacionit ishte 88%, sipas të dhënave zyrtare.
Dy persona janë vënë në pranga dhe dy të tjerë janë proceduar penalisht lidhur me një konflikt të regjistruar në qytetin e Durrësit. Policia bën me dije se konflikti ka ndodhur në Golem ku të arrestuarit dhe të proceduarit kanë dhunuar me sende të forta 5 pushues turq.
Të arrestuarit janë identifikuar si David Kondo dhe Eluert Qose. Ata janë punonjës në subjektin ku ndodhi përplasja dhe akuzohen për veprat penale “Plagosja e rendë me dashje”, kryer në bashkëpunim, dhe “Prishja e qetesisë publike”.
“Durrës/ U konfliktuan fizikisht dhe me sende të forta, me 5 pushues turq, arrestohen 2 shtetas dhe procedohen penalisht 2 të tjerë (punonjës në subjektin ku ndodhi konflikti).
Menjëherë pas njoftimit për një konflikt ndërmjet disa shtetasve, në një lokal në plazh, në Golem, shërbimet e Stacionit të Policisë Plazh organizuan punën dhe shkuan në vendngjarje, me qëllim identifikimin dhe nxjerrjen përpara përgjegjësisë penale, të shtetasve përgjegjës. Në vijim të veprimeve procedurale për rastin:
-u arrestuan në flagrancë shtetasit D. K., 33 vjeç dhe E. Q., 37 vjeç, të dy banues në Durrës, përkatësisht menaxher dhe punonjës në hapësirën e plazhit në këtë subjekt, pasi dyshohet se gjatë konfliktit për motive të dobëta, kanë goditur me sende të forta, 2 pushues turq;
-u referuan materialet në Prokurori, ku nisi procedimi në gjendje të lirë, për veprat penale “Plagosja e lehtë me dashje”, kryer në bashkëpunim, dhe “Kanosja”, për shtetasit I. Sh., 48 vjeç dhe T. D., 49 vjeç, përkatësisht banakier dhe punonjës sigurie në këtë subjekt, pas dyshohet se kanë goditur dhe kanosur 3 shtetas turq. Materialet procedurale iu referuan Prokurorisë së Durrësit, për veprime të mëtejshme”, njofton policia.
Këtë të martë është zhvilluar seanca paraprake për kryebashkiakun e Kolonjës Erion Isain dhe 14 të pandehur zyrtarë të bashkisë dhe ARRSH-së. Pas nisjes së seancës u mor vendimi që gjyqi të shtuhet për më datë 9 shtator.
Shkak i shtyrjes u bë shkak mungesa e njoftimeve të palëve në mënyrën e duhur. Isa dhe të pandehurit e tjerë akuzohen për shkelje të barazisë në tendera dhe shpërdorim detyre.
Bëhet fjalë për një hetim mbi 3 procedurash prokurimi në vitin 2020 që në total e kalojnë vlerën e 30 milionë eurove. GJKKO pritet të vendosë nëse e pranon kërkesën e SPAK për kalimin në gjykim të dosjes, e kthen pas për plotësim hetimesh ose e pushon çështjen.
Hetimet për plagosjen me armë zjarri të ndodhur mbrëmjen e së dielës në një lokal në lagjen “Vullnetari” në Elbasan kanë zbuluar detaje të reja mbi dinamikën e ngjarjes.
Sipas burimeve konfidenciale pranë Prokurorisë, objektivi i atentatit nuk ka qenë asnjëri prej të plagosurve, por një person tjetër që ndodhej në ambientet e lokalit në momentin e të shtënave. Katër personat e mbetur të plagosur rezultojnë të kenë qenë qytetarë të rastësishëm, të cilët janë prekur nga plumbat gjatë sulmit. Ata kanë marrë dëmtime të lehta dhe ndodhen tashmë në banesat e tyre, jashtë rrezikut për jetën.
Burimet hetimore bëjnë me dije se një nga pistat kryesore ku është përqendruar hetimi lidhet me veprimtarinë kriminale në fushën e narkotikëve, ndërsa po verifikohen edhe lidhjet e mundshme të personit që dyshohet se ishte shënjestra e atentatit.
Nga analizimi i pamjeve të kamerave të sigurisë, autori shfaqet i maskuar me një maskë silikoni dhe me flokë të gjata bionde, duke krijuar në pamje të parë përshtypjen e një gruaje. Megjithatë, sipas burimeve, bëhet fjalë për një djalë, identiteti i të cilit ende nuk është bërë i mundur të përcaktohet.
Gjatë këqyrjes së vendit të ngjarjes, ekspertët e Policisë Shkencore kanë sekuestruar gjashtë gëzhoja, të cilat do t’i nënshtrohen ekzaminimeve balistike për të ndihmuar në identifikimin e armës së përdorur dhe të autorit.
Ndërkohë, Policia e Elbasanit, në bashkëpunim me Prokurorinë, vijon kontrollet dhe veprimet hetimore për zbardhjen e plotë të ngjarjes dhe kapjen e autorit, i cili mbetet ende në arrati.
Një turiste rreth 30 vjeçe është transportuar me urgjencë në Spitalin Rajonal të Vlorës, pasi ka shfaqur probleme të rënda shëndetësore gjatë një zhytjeje të zhvilluar paraditen e sotme. Fatkeqësisht ajo ka ndërruar jetë për shkak të kompikacioneve.
Sipas informacioneve paraprake, ajo ishte pjesë e një grupi zhytësish në zonën e Radhimes ku ndodhet dhe anija e mbytur Spitaliers, ku gjatë zhytjes dyshohet se ka pësuar mungesë oksigjeni, apo problem tjeter te shendetit.
Turistja nuk është ndier mirë dhe është ndihmuar menjëherë nga zhytësit e tjerë, të cilët e kanë nxjerrë në sipërfaqe dhe më pas e kanë transportuar drejt Spitalit Rajonal të Vlorës.
Burime nga spitali bëjnë me dije se 30-vjeçarja ka mbërritur në gjendje të rëndë, me vështirësi në frymëmarrje dhe shenja të një komplikacioni serioz.
Ajo ka ndërruar jetë sapo mbërriti në Spitalin Rajonal të Vlorës. Burime nga spitali bëjnë me dije se turistja ishte e shoqëruar nga një person tjetër, i cili është në gjendje të vetëdijshme dhe po merr trajtimin e nevojshëm mjekësor.
Autoritetet kanë nisur veprimet procedurale për të zbardhur plotësisht rrethanat e ngjarjes, ndërsa pritet edhe ekspertiza mjeko-ligjore për të përcaktuar shkakun e saktë të vdekjes.
Gazetarja e Euronews Albania, Eksiola Shehu ka zbuluar detaje të reja lidhur me seancën e fundit plenare në Kuvend si dhe mbledhjen që pritët rë zhvillojë të premten kryeministri Edi Rama me Grupin Parlamentar dhe e kabinetin qeveritar.
Ajo u shpreh se deputetëve të mazhorancës u është kërkuar të mos largohen nga kryeqyteti apo jashtë vendit për pushime dhe të jenë në gatishmëri për datën 27 korrik, ku mund të thirret një seancë e mundshme parlamentare shtesë.
Shehu theksoi se seanca plenare e 23 korrikut do të jetë e ngjeshur me projektligje dhe raportime që u shtynë nga seanca e kaluar për shkak të debateve me opozitën.
“Në të mirë të të gjitha këtyre pikave mendoj se socialistët po i japin një hapësirë dhe një mundësi tjetër opozitës që një reformë siç është ndarja e bashkive, e cila do të implementohet nëse do të jetë një numër më i ulët në zgjedhjet e 2027-s, pritet t’i japi më tepër kohë opozitës.
Por opozita duket e vendosur për të mos prezantuar të enjten një raport, edhe pse zoti Balla i ftoi ditën e djeshme, për shkak sepse sipas tyre janë tejkaluar hallkat dhe nuk ka përfunduar i gjithë procesi në komisionin e posaçëm të reformës territoriale, edhe pse i ka përfunduar afati.
Në fakt, edhe gjatë sesioneve të tjera, të paktën gjatë viteve të fundit, herë pas here deputetët lajmërohen që të jenë në gatishmëri dhe të qëndrojnë në kryeqytet, të mos largohen jashtë vendit. Edhe këtë radhë në fakt kështu ka ndodhur, nga komunikimet që unë kam patur me deputetë të Partisë Socialiste u është komunikuar që të jenë në gatishmëri për datën 27 korrik, pra të hënën e ardhshme, se mund të ketë një seancë parlamentare.
Edhe pse, siç përmenda, në Konferencën e Kryetarëve, aty ku miratohet kalendari, programi dhe datat e seancave, seanca që është miratuar e fundit është data 23 korrik, të paktën nga komunikimet që kam patur është lajmëruar deputetëve që të jenë të prezentë javën e ardhshme në Shqipëri, në Tiranë, sepse mund të ketë një seancë parlamentare në datën 27 korrik, por pa dhënë detaje të tjera se përse mund të jetë kjo seancë.
Në fakt, pyetje të cilën e kemi edhe ne gazetarët, duke marrë parasysh faktin se ditën e enjte do të kemi rendin e ditës së një dite më parë, për shkak të konfliktit që u përfshi pozita me opozitën. Dhe shkaku u bë sërish Avokati i Popullit, edhe kur u zgjodh edhe ditën e djeshme, pasi sipas tyre është zgjedhja në mënyrë antikushtetuese, është në Gjykatën Kushtetuese, e kësisoj nuk do duhet të raportonte, çka u zhvendos me propozim të socialistëve që gjithë rendi i ditës me projekt-rezolutat e institucioneve të kalonte në rendin e 23 korrikut, përfshi këtu edhe të gjitha projektligjet të cilat po diskutohen… janë diskutuar dje, janë diskutuar gjatë javës së kaluar në komisionet parlamentare.
Pra, ditën e enjte do të kemi një rend të ngjeshur duke mos lënë vend për javën e ardhshme. Megjithatë, se përse janë lajmëruar deputetët për të qenë në gatishmëri, kjo do të mbetet për t’u parë.
Një ditë pas së enjtes, ditën e premte në orën 9:30 te Pallati i Brigadave, në të njëjtin vend, do të mbahet mbledhja e zgjeruar e grupit parlamentar dhe e kabinetit qeveritar, mbledhja e fundit për këtë sezon politik për t’i lënë hapësirë për të pushuar deputetët e për t’u rikthyer në shtator.
Pa dyshim që rendi i ditës apo tematikat për të cilat u shpërndahet deputetëve nuk e kanë marrë ende, pasi njoftimi është bërë vetëm ditën e djeshme teksa deputetët ishin në seancë plenare, në grupin e ËhatsApp-it të socialistëve. Pritet që rendi i ditës t’u bëhet me dije gjatë 48 orëve të fundit, ndoshta ditën e nesërme.
Dhe me interes pa dyshim në këtë rast janë mesazhet që zoti Rama do të japë apo nëse do të kemi ndonjë ndryshim të mundshëm. Gjithçka është e përfshirë dhe të gjithë skenarët janë. Pra shpeshherë ne gazetarët bëjmë edhe lidhje të caktuara nëse seanca për të cilën janë lajmëruar deputetët për të qenë në gatishmëri lidhet me mbledhjen e grupit të zgjeruar ditën e premte për të pasur ndonjë ndryshim të mundshëm. Këtë gjë, pyetjen në fakt të kësaj që kemi të gjithë ne gazetarët, e ka vetëm zoti Rama në dorë”, u shpreh ajo.
Presidenti rumun, Nicusor Dan ka njoftuar se një anije me flamur liberian që lundronte nga Egjipti në Ukrainë është goditur në brigjet e Rumanisë në një sulm që ka të ngjarë të lidhet me luftën e Rusisë në Ukrainë.
Këtë vit, dronët rusë dhe ukrainasë kanë shkelur vazhdimisht hapësirën ajrore dhe ujërat territoriale të Rumanisë, thanë zyrtarë në Bashkimin Evropian dhe shtetin fqinj anëtar të NATO-s, Ukrainën.
“Mbrëmë, LPG Gas Lisbon, një anije me flamur liberian, u godit jashtë ujërave territoriale rumune, afërsisht 20 milje detare larg bregdetit rumun”, shkroi Dan në X.
Dan tha se ekipet e shpëtimit rumunë kishin evakuuar ekuipazhin, përfshirë tre anëtarë të plagosur, dhe një rimorkiator ishte dërguar për t’u siguruar që anija të mos devijonte nga uji dhe të paraqiste rrezik për lundrimin.
“Institucionet shtetërore janë në gatishmëri dhe do të sqarojnë rrethanat, shkaqet dhe përgjegjësitë që lidhen me këtë incident të rëndë, me shumë mundësi pjesë e luftës së paligjshme të agresionit të Federatës Ruse kundër Ukrainës”, tha Dan.
Rusia, e cila nisi një pushtim të plotë të Ukrainës në vitin 2022, ose ka mohuar përgjegjësinë për sulmet e raportuara ndaj Rumanisë, ose ka thënë se ato janë kryer nga Ukraina, ose ka fajësuar “provokimin” ukrainas.
Kryeministri Edi Rama këtë të martë në një lidhje live në mediat e tij sociale ka folur lidhur me Paketën e Maleve, për të cilën protestuesit kanë kërkuar edhe shfuqizimin. Rama theksoi se ka patur interes të lartë nga emigrantët. Ai shtoi se ky është një rezultat i shumë bisedave dhe përpjekjeve. Sipas tij, Paketa e Maleve shitet në tregun e fjalëve si një tjetër akt tradhtie.
“Këtu nuk jemi në kushtet ku shiten malet. Këtu jemi në kushtet kur malet po hapen për ata që në male kanë trashëguar një pronë. Këtu jemi në kushtet kur njerëz të cilët kanë një pemëtore, të cilët e mirëmbajnë prej vitesh dhe për të cilën kanë pamundësi të kenë letrat për arsyet që thashë, mund të pajisen me një leje për të bërë një agropërpunim.
Jemi në kushtet kur mijëra emigrantë kanë shprehur interes sepse duan të investojnë. Turizmi do shkojë duke u bërë ekonomi gjithnjë e më domethënëse. Paketa e maleve është politikë për njerëzit, të drejtën e pronës, zhvillimit të pronës. Politikë që u shkon për shtat atyre që për vite nuk kanë mundur ta kthejnë pronën në aset financiar.
Ca do me thënë të anulohet paketa e maleve, dmth që këto njerëz të mbeten pezull sepse disave që malet i shohin nga qyteti, nuk kam parë ndonjë komunitet nga këta që preken se për shkak nuk e kanë këtë paketë, të çohen të thonë që kjo paketa po na merr pronat. Ata mezi e presin, kjo është rezultat i shumë bisedave, i shumë përpjekjeve, nuk është diçka që lindi sa hap e mbyll sytë. Shitet në tregun e fjalëve si një tjetër akt tradhtie. Unë tradhtar, një temë tjetër kjo”, tha Rama.
Presidentja në detyrë e Kosovës, Albulena Haxhiu ka njoftuar se ka nënshkruar dekretet për lirimin nga detyra të 7 prokurorëve serbë që kishin dhënë dorëheqje në vitin 2022.
Dekretet vijnë 24 orë pas vendimit të Këshillit Prokurorial të Kosovës për të refuzuar kërkesën e prokurorëve për t’u kthyer në sistemin e drejtësisë.
“Shteti ynë funksionon mbi parimet e rendit kushtetues dhe sundimit të ligjit. Askush nuk mund të mbajë peng funksionimin e institucioneve dhe as të krijojë paqartësi juridike përmes proceseve të papërfunduara. Republika e Kosovës do të vazhdojë të veprojë me vendosmëri, në përputhje me ligjin dhe në mbrojtje të integritetit të institucioneve të saj”, ka thënë Haxhiu.
Gjatë javës pritet që kërkesën për kthim të gjyqtarëve ta shqyrtojë edhe Këshilli Gjyqësor i Kosovës.
Trupat e ushtrisë libaneze filluan të vendosen në qytetin jugor libanez Zawtar al-Gharbiyeh të martën, pasi forcat izraelite u tërhoqën nga zona, tha një zyrtar i lartë libanez i sigurisë, në përputhje me një plan të ndërmjetësuar nga SHBA-të.
Plani parashikon që trupat e ushtrisë libaneze të konfiskojnë armë nga grupi Hezbollah i lidhur me Iranin në pjesë të Libanit jugor dhe tërheqje graduale të trupave izraelite. Ushtria izraelite tha të hënën se plani, i quajtur programi i zonës pilot, ka filluar. Të martën nuk pati asnjë koment të menjëhershëm.
Dorëzimi i territorit të së martës është prova e parë e planit, të cilin Libani shpreson se do ta lejojë atë të rivendosë kontrollin mbi një rrip toke rreth 10 km thellë në vend që mbetet i pushtuar nga trupat izraelite.
Dhjetëra fshatra janë rrafshuar në atë zonë dhe infrastruktura publike është shkatërruar, duke përfshirë spitalet, termocentralet dhe pompat e ujit. Dhjetëra mijëra libanezë që e quajnë këtë zonë shtëpi nuk kanë mundur të kthehen.
Raundi i fundit i luftimeve midis Hezbollahut dhe Izraelit shpërtheu në fillim të marsit, dy ditë pasi Shtetet e Bashkuara dhe Izraeli nisën sulme ajrore kundër Iranit. Hezbollahu tha se veprimet e tij ishin në mbështetje të Teheranit.
Ushtria libaneze tha se njësitë e saj filluan të vendoseshin në Zawtar al-Gharbiyeh në rajonin Nabatieh të martën.
Ushtria përsëriti një thirrje për banorët që të mos hyjnë në qytet derisa situata e sigurisë të stabilizohet dhe të ndjekin udhëzimet nga njësitë ushtarake të dislokuara për sigurinë e tyre.
Ushtria izraelite konfirmoi të hënën se po ridislokonte forcat e saj si pjesë e programit pilot.
“Piloti shërben si një provë e sovranitetit të Forcave të Armatosura Libaneze në tre fshatrat pilot, si autoriteti i vetëm zyrtar i autorizuar për të mbajtur armë në zonë”, tha një zyrtar ushtarak izraelit.
Zyrtarët izraelitë kanë shprehur skepticizëm në lidhje me aftësinë e Libanit për të çarmatosur Hezbollahun, por Izraeli e sheh marrëveshjen e arritur muajin e kaluar si një hap jetësor drejt ndërtimit të paqes me Libanin në planin afatgjatë.
Presidenti libanez Joseph Aoun pritej të takohej më vonë të martën me Presidentin e SHBA-së Donald Trump në Uashington.
What if the mobile network could think for itself? It may sound like something out of a science fiction movie, but it is already becoming reality. For many people, Artificial Intelligence is still associated with chatbots and virtual assistants. But Vodafone Group is showing that AI can do much more. In Albania, it is helping transform the physical infrastructure that keeps people connected every day.
Imagine a mobile antenna that doesn’t simply broadcast a signal, but constantly analyses how people move, where network demand is highest and how external conditions are changing. Now imagine that antenna making its own decisions, automatically adjusting its position to deliver better coverage and capacity without requiring an engineer to climb the mast. This is one of the telecommunications industry’s earliest examples of Physical AI: Artificial Intelligence that doesn’t just analyses data but interacts with physical infrastructure, making autonomous decisions that directly improve network performance.
As part of Vodafone Group’s innovation programme, Vodafone Albania is bringing this technology to the Albanian market through a live pilot in Tirana. The trial combines an AI-powered brain with a robotic arm developed in partnership with HUMAX Networks, capable of rotating and tilting live 4G and 5G antennas to optimize network performance in real time.
Francisco (Paco) Martin Pignatelli, Director of Mobile Access Engineering, Vodafone, said:
“By combining AI, automation and robotics our network can now dynamically follow user’s movement and demand patterns, delivering superior connectivity and customer satisfaction.”
The project supports Vodafone’s broader ambition to build increasingly autonomous and adaptive networks, where AI, automation and open architectures work together to improve customer experience and network efficiency.
But what does this actually mean for the people using the network every day, and everywhere?
For us, all of this translates into one thing, a better experience without anyone even noticing.
Think about a crowded shopping Centre on a Saturday afternoon. Thousands of people are browsing, streaming music, sharing videos and making calls at the same time. A few hours later, that same crowd has dispersed and internet traffic has shifted towards nearby residential neighborhoods as people return home. Traditionally, adapting the network to these changing patterns would require engineers to manually reconfigure antennas, a process that could take days or even weeks. With the new AI-powered system, antennas can be repositioned in approximately 20–30 minutes, allowing the network to respond significantly faster to changing demand.
Using Artificial Intelligence, the system continuously analyses traffic patterns, predicts where demand is increasing and autonomously instructs a robotic arm to rotate or tilt the antenna towards the areas that need additional capacity. The adjustment takes place while maintaining a seamless customer experience without requiring engineers to climb the mast.
The technology also forms part of Vodafone’s wider efforts to automate, and modernize radio access networks (RAN) through open, software-driven architectures. By combining AI, automation and digitalized network infrastructure, Vodafone is laying the foundations for future networks that can make increasingly intelligent decisions with minimal human intervention.
By factoring in variables such as traffic patterns and weather conditions, the system can anticipate where capacity will be needed before congestion occurs, helping optimize the network before demand peaks.
For you, the experience feels effortless. There are no settings to change, no applications to install and no notifications explaining what’s happening behind the scenes. The network simply performs better, quietly adapting to people’s lives rather than expecting people to adapt to it.
Tirana pilot is part of Vodafone Group’s broader strategy to develop autonomous, AI-native networks across its markets, helping create infrastructure that can sense, learn and adapt automatically to changing customer needs. Because perhaps the most remarkable innovation is not the technology we notice, it’s the technology that quietly works in the background, making everyday life just a little bit better without asking for our attention.
For Vodafone Albania, this project once again reinforces Albania’s role as an innovation market within Vodafone Group. Following the recent demonstration of AI-powered Network Slicing technology in partnership with Nokia, the country is becoming one of the environments where technologies shaping the next generation of intelligent networks are developed.
Brenda çdo sistemi që duket kompleks, në fund ekziston një thjeshtësi e madhe: njeriu. Sot flasim çdo ditë për Inteligjencën Artificiale. E dëgjojmë në konferenca, e lexojmë në media, e shohim në aplikacione. Por për shumicën prej nesh, AI vazhdon të mbetet një koncept që diskutohet më shumë sesa përjetohet. Vodafone Albania po teston një qasje krejt tjetër. Jo duke folur për Inteligjencën Artificiale, por duke e bërë atë pjesë të padukshme të jetës sonë të përditshme.
Imagjinoni një antenë celulare që nuk transmeton vetëm sinjal. Ajo “vëzhgon” vazhdimisht mënyrën si lëvizin njerëzit, ku rritet trafiku i internetit dhe si ndryshojnë kushtet përreth. Më pas vendos vetë të ndryshojë pozicion, duke u rrotulluar ose anuar drejt zonës ku nevoja është më e madhe. Dhe e bën këtë pa pritur që një inxhinier të ngjitet në kullën e antenës.
Ky është një nga shembujt e parë të asaj që industria e telekomunikacionit e quan Physical AI: Inteligjencë Artificiale që nuk kufizohet vetëm në analizimin e të dhënave, por ndërhyn fizikisht në infrastrukturë për të përmirësuar performancën e rrjetit pa patur nevojë për ndërhyjen e njeriut.
Përmes një projekti pilot në Tiranë, Vodafone Albania po sjell për herë të parë këtë teknologji në vend. Zgjidhja kombinon një “tru” të fuqizuar nga Inteligjenca Artificiale me një krah robotik të zhvilluar në partneritet me HUMAX Networks, i aftë të rrotullojë dhe anojë antenat aktive 4G dhe 5G në kohë reale, në mënyrë që rrjeti të përshtatet vazhdimisht me nevojat e përdoruesve.
Ky projekt është pjesë e vizionit të Vodafone Group për ndërtimin e rrjeteve autonome dhe AI-native: rrjete që nuk presin më komandat e njeriut, por perceptojnë, mësojnë dhe përshtaten vetë.
“Duke kombinuar Inteligjencën Artificiale, automatizimin dhe robotikën, rrjeti ynë tashmë mund të ndjekë në mënyrë dinamike lëvizjen e përdoruesve dhe ndryshimet e kërkesës për shërbime, duke ofruar lidhje më cilësore dhe një eksperiencë më të mirë për klientët,” – shprehet Francisco (Paco) Martin Pignatelli, Drejtor i Mobile Access Engineering në Vodafone.
Por çfarë do të thotë kjo në praktikë?
Imagjinoni një të shtunë pasdite. Fillimisht jeni në shtëpi duke parë video, duke ndarë reels me miqtë apo duke bërë një telefonatë. Pak më vonë gjendeni në një koncert me mijëra njerëz. Brenda pak minutash, kërkesa për internet shumëfishohet.
Deri më sot, përshtatja e rrjetit në situata të tilla kërkonte ndërhyrje manuale nga inxhinierët e Vodafone Albania, të cilët rikonfiguronin antenat sipas nevojës. Ishte një proces që mund të zgjaste ditë, madje edhe javë. Me teknologjinë e re, e njëjta përshtatje mund të ndodhë brenda vetëm 20–30 minutash.
Sistemi analizon vazhdimisht trafikun, parashikon se ku do të nevojitet më shumë kapacitet dhe udhëzon në mënyrë autonome krahun robotik të ndryshojë pozicionin e antenës. Gjithçka ndodh ndërkohë që përdoruesit vazhdojnë të përdorin rrjetin normalisht, pa ndërprerje dhe pa e kuptuar se në sfond po zhvillohet një proces kompleks optimizimi.
Madje, sistemi nuk mbështetet vetëm te të dhënat e trafikut. Ai merr në konsideratë edhe faktorë si kushtet atmosferike. Nëse moti ndryshon ose parashikohet një rritje e fluksit në një zonë të caktuar, rrjeti mund të përshtatet paraprakisht, përpara se të krijohet mbingarkesa.
Për përdoruesit, e gjithë kjo përkthehet në diçka shumë të thjeshtë: internet më të qëndrueshëm, mbulim më të mirë dhe një eksperiencë më cilësore. Pa aplikacione për të instaluar. Pa cilësime për të ndryshuar. Pa njoftime që shpjegojnë çfarë po ndodh. Rrjeti thjesht bëhet më inteligjent.
Ky projekt është pjesë e strategjisë më të gjerë të Vodafone për modernizimin e rrjeteve radio (RAN) përmes arkitekturave të hapura dhe të bazuara në softuer. Duke bashkuar Inteligjencën Artificiale, automatizimin dhe dixhitalizimin e infrastrukturës, kompania po ndërton themelet e gjeneratës së ardhshme të rrjeteve: rrjete që marrin vendime gjithnjë e më inteligjente me ndërhyrje minimale njerëzore.
Testimi në Tiranë konfirmon gjithashtu rolin gjithnjë e më të rëndësishëm që Shqipëria po merr brenda ekosistemit të inovacionit të Vodafone Group. Pas demonstrimit të teknologjisë AI-powered Network Slicing të Vodafone Albania në partneritet me Nokia, Shqipëria po shndërrohet në një vend ku zhvillohen teknologjitë që do të formësojnë të ardhmen e konektivitetit.
Ndoshta ky është kuptimi i vërtetë i Inteligjencës Artificiale, jo ta vërejmë më shumë, por ta ndiejmë më pak, sepse ajo punon në sfond që gjithçka të funksionojë më mirë.
Login
