Zyra e të Drejtave të Njeriut e OKB-së sapo ka lëshuar një deklaratë duke dënuar sulmet e Izraelit ndaj gazetarëve në Gaza.

Pesë u vranë nga Al Jazeera – përfshirë Anas al Sharif – dhe mjekët kanë thënë se një gazetar i gjashtë i pavarur u vra gjithashtu, shkruan Sky News.

Grupi tha: “Ne dënojmë vrasjen nga ushtria izraelite të 6 gazetarëve palestinezë duke synuar tendën e tyre, në shkelje të rëndë të ligjit ndërkombëtar humanitar.”

“Izraeli duhet të respektojë dhe mbrojë të gjithë civilët, përfshirë gazetarët.”

Ata shtuan se të paktën 242 gazetarë palestinezë janë vrarë në Gaza që nga sulmi i 7 tetorit ndaj Izraelit në vitin 2023.

“Ne bëjmë thirrje për akses të menjëhershëm, të sigurt dhe të papenguar në Gaza për të gjithë gazetarët,” thanë ata./abcnews.al

Agjencia e Menaxhimit Emergjent në Kosovë ka bërë të ditur të hënën se në vend janë të regjistruara 38 vatra zjarri dhe prej tyre 24 vazhdojnë të jenë aktive, ndërsa 14 të tjera janë lokalizuar.

Ajo ka thënë se është duke e menaxhuar situatën në koordinim të plotë me njësitet e zjarrfikjes dhe shpëtimit, por nuk ka treguar saktësisht se në cilën zonë janë aktive zjarret. Sipas raportimeve në media lokale, situatë e rënduar është në fshatin Kçiq të Mitrovicës, pasi aty janë djegur edhe shtëpi banimi.

Kosova dhe gjithë rajoni i Ballkanit po përballen me temperatura mbi 30 gradë Celsius këtë javë. Ministria e Shëndetësisë në Kosovë u ka rekomanduar institucioneve publike dhe private që t’i zbatojnë masat për mbrojtjen e punëtorëve nga i nxehti i madh.

“Temperaturat e larta ndikojnë negativisht në shëndetin e njeriut, veçanërisht te grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta”, është thënë në njoftimin e Ministrisë së Shëndetësisë.

Ndërkohë, zjarret pyjore kanë rezultuar me evakuim të banorëve në disa zona të Shqipërisë, teksa zjarrfikësit kanë tentuar t’i shuajnë ato.

Sipas Ministrisë së Mbrojtjes, në Shqipëri kanë qenë aktive 40 zjarre në 24 orët e fundit. Situata më kritike është raportuar në zonën bregdetare të Finiqit, afër Vlorës, ku 10 persona janë evakuuar dhe disa shtëpi janë djegur, sipas raportimeve të mediave lokale.

Autoritetet shqiptare kanë angazhuar ushtrinë që me aeroplanë dhe helikopterë t’i luftojnë zjarret. Prej fillimit të muajit korrik raportohet të jenë djegur rreth 34.000 hektarë në gjithë Shqipërinë. Policia dyshon se disa zjarre janë ndezur me qëllim dhe që 20 persona janë arrestuar në javët e fundit./REL/

Forcat e armatosura të Ukrainës kryen një seri sulmesh me dronë në rajonet ruse, duke sulmuar ndërmarrjet e operuara nga industria e mbrojtjes dhe objektet e infrastrukturës.

Një nga objektivat ishte fabrika e prodhimit të instrumenteve Arzamas në rajonin e Nizhny Novgorod.

Kjo ndërmarrje prodhon sisteme optike, elektronike dhe navigimi për automjete ushtarake, aeroplanë dhe raketa.

Arzamas ndodhet rreth 759 kilometra larg kufirit të Ukrainës.

Sipas guvernatorit rajonal Gleb Nikitin, një punonjës i ndërmarrjes u vra, ndërsa dy të tjerë u plagosën dhe u dërguan në spital.

Në rajonin e Tulës, një sulm me dronë ukrainas “mbi një nga ndërmarrjet civile” vrau dy persona dhe plagosi tre, sipas autoriteteve lokale.

Ndryshe, natën e së dielës, rafineria e naftës Saratov në jugperëndim të Rusisë u sulmua nga dronë.

Zëvendës kryeministrja, njëherësh ministrja e Infrastrukturës dhe Energjisë, Belinda Balluku inspektoi punimet që po kryhen për ndërtimin e rrugës Berat-Ballaban.

Me Ballukun, ishte dhe Ministrja e Turizmit dhe Mjedisit, Mirela Kumbaro.

Balluku tha se kjo rrugë, është zhvillim ekonomik dhe turistik për të gjithë zonën.

“Projekti ka nisur për të rritur kualitetin e jetës së banorëve të zonës. Kjo është rrugë që kalon në 3 krahina të rëndësishme, Përmet, Skrapar dhe Berat.”, theksoi ndër të tjera Balluku./abcnews.al

Një vatër zjarri është aktivizuar afër Syrit të Kaltër në Sarandë.

Mësohet se prej zjarrit, rrezikohet monumenti natyror.

Turistët janë evakuuar, teksa në terren ndodhen vetëm zjarrfikësit e MZSH Finiq. Pa ndërhyrje nga ajri, shpëtimi i Syrit të Kaltër bëhet i pamundur./abcnews.al

Numër i lartë personash  kanë  hyrë e kanë dalë nga  Shqipëria përmes portit të Durrësit javën e fundit.  Kryesisht emigrantë që jetojnë dhe punojnë në Itali.  Vetëm në pesë ditë  me tragetet Durrës- Bari dhe Durrës -Ankona kanë ardhur dhe kanë ikur nga vendi ynë me shumë se 42  mijë e  500 persona  me 13 mijë e 300 automjete.

Sipas Policisë Kufitare ditë më e ngarkuar ka qenë e shtuna e 9 gushtit kur kanë hyrë e kanë dalë mbi 12 mijë pasagjerë me rreth 3900 automjete. Për të përballuar fluksin e pasagjerëve, tragetet e linjës Durrës-Bari dhe anasjelltas kanë kryre lundrime të dyfishta nga e mërkura deri të dielë.   Ndërsa trageti I linjës  Durrës – Ankona ka kryer lundrime të përditshme.

Ndërkohë ka vijuar kthimi I shqiptarëve që jetojnë e punojnë në Greqi dhe këtë fillimi jave për të pushuar në atdhe.  Nga Kapshtica deri në mesditë kanë hyrë në Shqipëri mbi 3 mijë persona.  Megjithë numrin e lartë të udhëtarëve në  doganë nuk  janë krijuar radhë.  Autoritetet  shqiptare dhe greke po punojnë me kapacitet të plotë.

Rreth 20 mijë persona hynë në vend   këtë fundjavë vetëm nga pika kufitare e Kakavijës.  Bashkë më emigrantët është vënë re shtimi i turistëve që vijnë nga Greqia në Shqipëri.

Me qëllim mos krijimin e radhëve në  doganë autoritetet kanë shtuar numrin e sporteleve. Policia kufitare  po punon me  4 sportele ne hyrje dhe 3 ne dalje ndersa ajo greke  3 ne dalje dhe 2 ne hyrje.

Radhë deri në dy kilometra është krijuar në doganën e Qafë  Botës.

Ata që kanë udhëtuar  drejt Greqisë nga kjo pikë kufitare paraditen e të hënës  priten deri  në rreth 3 orë për të kaluar kufirin.

Vonesat vijnë nga  autoritetet greke të cilat punojnë me dy sportele ndërsa autorietet  shqiptre po  punojnë  me tre sportele./abcnews.al

Organizata kriminale e drejtuar prej Franc Çopjas dhe Ervis Çelës, të goditur së fundi gjatë një operacioni të kordinuar nga SPAK me Europol, rezulton se kanë trafikuar drejt Shqipërisë miliona euro.

Në dosjen hetimore të siguruar nga ABC News, dalin bisedat mes anëtarëve të kësaj organizate, teksa flasin për sjelljen e shumave të konsiderushme parash, shifra kto që arrijnë deri në 1 milion euro kesh në një rrugë të vetme.

Në komunikimet, që SPAK ka administruar nga aplikacioni Sky ECC, në tetor të vitit 2020, Ervis Çela komunikon me vëllain e tij që jeton në Paraguai, Ardjan Çela, me të cilin kryen një bisedë e cila dyshohet se ka të bëjë me përfitimet financiare nga trafikimi i lëndëve narkotike. Ervisi e vë në dijeni Ardjanin se Franc Çopja do të dorëzojë në Shqipëri një shumë prej 1 milion euro.

Ardjan Çela: “Me kismet fundjavës t’kaloj 1 milion në Shqipëri… I ka pagujt krejt ky…ka 2 milion plus ktej… Po çon dhe lekë në Shqipëri”

Në dosjen e SPAK dalin edhe shuma të tjera, ku Ervis Çela informohet nga vëllai I tij Albin Cela.

Albin Çela: ‘Solli 1.160 ky shoku. Ja kish dhonë në mes të rrugës… Ai çuni në TR’.

Në një tjetër episode, që del në dosjen e SPAK,  Ervis Çela komunikon me Fadil Ballën i cili aktualisht ndodhet në kërkim nga policia.

Ervis Çela: “Më ke nja 600… dollar më shumë tani… A më the fut 110 copa… Dhe un i futa… S’ta prish qefin. Ti s’ke më shtëpi ku me fut lekët… Janë mush plot… Më ke lon pas dore. Edhe 2 milion dhe e mbyll punën”.

Më 10 gusht, Gjykata e Posaçme, konfirmoi arrestet me burg për 6 të prangosur të kësaj Organizate, Albin Çela, Petrit Sulejmanin, Renato Musakun, Gert Çerma, Marenglen Kamami dhe Elidon Çelën.

I vetmi nga 8 të prangosurit për të cilin Gjykata ka zbutur masën e sigurisë është Riza Çela, të cilin e ka çuar në arrest shtëpie. Kjo organizatë sipas SPAK, ka trafikuar 28 ton kokainë nga Paraguai në vende të Bashkimit Europian./abcnews.al

Senatori kolumbian Miguel Uribe ka ndërruar jetë në spital, dy muaj pasi u qëllua në kokë gjatë një tubimi elektoral.

Uribe ishte në garë brenda partisë së tij të krahut të djathtë për të qenë kandidati për president. Ai iu nënshtrua disa operacioneve pas sulmit të 7 qershorit, por nuk ia doli të mbijetonte.

39 vjeëari kishte hedhur hapa të mëdhenj në politikë që në moshë të re. kur ishte vetëm 25 vjeë ai u zgjodh në këshillin bashkiak të Bogotës, ku ishte një kundërshtar i shquar i Gustavo Petro, presidenti aktual I vendit.

Në vitin 2016, në moshën 30 vjeçare, Uribe u emërua sekretar i qeverisë së qytetit, personi më i ri që mbante këtë pozicion.

Ai dha dorëheqjen nga ky post në vitin 2018 dhe kandidoi si I pavarur për bashkinë e Bogotës, por pa sukses.

Në zgjedhjet legjislative të vitit 2022, Uribe kryesoi listën e kandidatëve të Senatit për partinë e Qendrës Demokratike me sloganin “Kolumbia e Para”, duke fituar një vend në dhomën e përfaqësuesve.

Ai ishte ndër zërat opozitarë më të fortë ndaj qeverisë së Petros, duke kritikuar strategjinë e paqes të qeverisë që synonte t’i jepte fund konfliktit të armatosur mes bandave dhe qeverisë kolumbiane.

Vrasja ka rikthyer kujtimet e dhunës politike në të kaluarën e Kolumbisë. Në vitet 1980 dhe 1990, katër kandidatë presidencialë u vranë në sulme të ndryshme, për të cilat u fajësuan kartelet e drogës.

Vdekja e Uribes i shton edhe më shumë tragjedi historisë së familjes së tij.

Nëna e tij, gazetarja Diana Turbay, u vra në vitin 1991 pasi u rrëmbye nga Karteli Medellin, i kryesuar nga bosi i drogës Pablo Escobar.

Kryeministri Edi Rama ka ndarë pamje nga vijimi i aksionit për lirimin e hapësirave publike.

Përmes një video në rrjetet sociale, shihen heqje të strukturave të disa lokaleve.

“Ecim”, shkruan Rama krahas videos./abcnews.al

Europa vijon të përballet me temperature ekstreme, teksa një pjesë e kontinentit është në betejë të përditshme me flakët që kanë djegur mijëra hektarë pyje.

Në Itali në Malin Vezuv, operacionet për shuarjen e flakëve kanë vijuar për më shumë se 48 orë dhe në ndihmë ka ardhur dhe ushtria.

Rreth 80 zjarrfikës vazhdojnë punën të hënën, me përforcime që kanë mbërritur nga të gjitha rajonet e Italisë. Që nga mëngjesi I së hënës, katër avionë Canadair kanë ardhur në ndihmë nga ajri.

Autoritetet e parkut kombëtar të Vezuvit thanë se rrjeti i shtigjeve pranë vullkanit ishte mbyllur për arsye sigurie dhe për të lehtësuar operacionet e shuarjes së zjarreve, ndërsa parku arkeologjik i Pompeit mbetet i hapur për publikun.

Shkaku i zjarrit nuk dihet ende, megjithëse ka dyshime të forta se ishte zjarrvënie e qëllimshme.

Edhe Spanja po përballet me zjarret, sidomos në rajonet e Castilla Leon dhe Navarra. Temperaturat e larta dhe erërat e forta e kanë bërë më të vështirë luftën ndaj flakëve.

Deri më tani këtë vit, zjarret kanë përfshirë rreth 36,000 hektarë sipërfaqe pyjore në Spanjë. Sipas të dhënave zyrtare, mbi 15 zjarre të mëdha janë përhapur në vend në vitin 2025, mbi mesataren e 10 viteve të fundit.

Ne Portugali zjarrfikesit po perballen me zjarret ne disa rajone. Disa shtëpi duhej të evakuoheshin, gjithashtu edhe një azil pleqsh.

Rreth 2,000 zjarrfikës janë në terren për shuarjen e flakeve, teksa temperaturat mbi 40 grade e kane veshtiresuar punen.

Zjarre ka pasur edhe në Kroaci, konkretisht në fshatin bregdetar Jesenice pranë Splitit.

Flakët arritën shumë pranë shtëpive dhe autoritetet u detyruan të mbyllnin rrugën kryesore nga Omis në Split.

Sipas departamentit të zjarrfikësve kroatë, flakët u përhapën në tre kilometra dhe disa banorë u evakuuan nga zona.

Rreth 140 zjarrfikës u dërguan në vendngjarje dhe 3 avionë Canadair ndihmuan nga ajri për shuarjen e flakëve./abcnews.al

Një 33-vjeçar është arrestuar në kuadër të operacionit policor të koduar “Done deal”.

Shiste doza Kokaine në lagje të ndryshme të qytetit, arrestohet 33-vjeçari.

Ndërkaq, procedohen 2 shtetas që kishin blerë doza, nga i arrestuari.

Nga kontrollet, në banesën e të arrestuarit Dhionis Proko u gjetën doza Kokaine dhe 1 peshore elektronike, ndërsa në automjetin me të cilin lëviznin 2 të proceduarit, u gjet një sasi e vogël Kokaine, e dyshuar e blerë nga 33-vjeçari./abcnews.al

Në Kukës, këtë të hënë ka nisur aksioni për lirimin e hapësirave publike, ku bizneset kanë çmontuar vullnetarisht strukturat e vendosura në trotuare dhe hapësira të tjera të përbashkëta.

Sipas Inspektoriatit të Mbrojtjes së Territorit të Bashkisë Kukës, të gjitha bizneset janë njoftuar paraprakisht për lirimin e hapësirave, ndërsa gjatë aksionit është hasur mirëkuptim nga ana e tyre. Drejtori i IMT-së, Admir Oruçi, u shpreh se procesi ka nisur pa kundërshtime,me biznese që kanë ndërhyrë vetë për çmontimin e konstruksioneve.

Fillimisht, ndërhyrjet po fokusohen në rrugët kryesore të qytetit, me synim heqjen e konstruksioneve metalike dhe lirimin e trotuareve për kalimin e qytetarëve.

Më pas, sipas Drejtorit Oruçi,aksioni do të shtrihet edhe në lagjet e Kukësit, ku verifikimet paraprake kanë konstatuar rrethime dhe zënie pa kriter të hapësirave publike.

Ndërhyrjet në Kukës, janë pjesë e aksionit të gjerë për lirimin e hapësirave publike në gjitha bashkitë e vendit./abcnews.al

Niveli i kredive me probleme mbetet i qëndrueshëm. Sipas të dhënave të Bankës së Shqipërisë gjatë qershorit niveli i kredive të këqia ose i kredive që nuk shlyhen në afat  rezultoi 4% nga  4.12% që u regjistrua në muajin maj.

nëse e krahasojmë me të njëjtën periudhë të një viti më parë ulja e nivelit të huave që nuk paguheshin në kohë rezulton më e fortë .Në qershor të 2024 ato rezultonin  se ishin 4.70% Në total në bilancet e bankave janë tashmë 357 milione euro hua me probleme duke pësuar një ulje me 17 milionë euro nëse e krahasojmë me qershorin e vitit 2024.

Nëse shohim tendencën e ndjekur  nga raporti i kredive me probleme kundrejt totalit të kredive ka ardhur në rënie, duke prekur shifrat më të ulëta historike, ndikuar edhe nga performanca e mirë ekonomike.

Ky është një tregues mjaft optimist i cili konfirmon se aftësia paguese e qytetarve dhe e bizneseve është përmirësuar në vend.Po ashtu ndikim në këtë drejtim ka pasur edhe rritja e nivelit të punësimit

Qëndrueshmëria e  nivelit të kredive e me probleme është një sinjal pozitiv për sistemin bankar dhe përmirësimin e  gjendjes financiare të huamarrësve.

Tashmë norma e interesit ka  zbritur në 2.50% si një masë për të stabilizuar çmimet e konsumit por njëkohësisht  kjo ul edhe kosttot për qytetarët dhe bizneset që kanë një kredi në monedhën kombëtare.Kjo nënkupton që këstet e kredive të reja do të jenë më të lira se ato që janë aprovuar aktualisht.

Kriza e çmimeve,duket se nuk pati ndikim negativ në drejtim të aftësisë paguese të familjeve dhe bizneseve. Kjo ka bërë që gjatë dy viteve të fundit, kreditë me probleme të vijojnë tendencën rënëse, ndërsa sektori bankar ka vijuar huadhënien e cila vlerësohet në nivele të kënaqshme./abcnews.al

Një aksident ka ndodhur në aksin e vjetër Mamurras – Thumanë, ku tre persona kanë mbetur të plagosur. tre te plagosur.

Në aksident janë përfshirë dy autovmjete, njëra me shtetas ukrainas. Dy të rinj të plagosur janë dërguar në Spitalin e Traumës në gjendje të rëndë, ndërsa një grua që udhëtonte me shtetasin e huaj ndodhet jashtë rrezikut.

Në vendngjarje ndodhet grupi hetimor për të zbardhur shkaqet e aksidentit./abcnews.al

Analisti Arben Meçe thotë se pavarësisht se është i vonuar, aksioni për lirimin e hapësirave publike, është i domosdoshëm.

Në një intervistë për “Tirana Live” në ABC News, Meçe u shpreh se tashmë po tregohet vullnet.

Meçe shtoi se kryeministri Edi Rama ndërhyri lidhur me këtë aksion, pasi bashkitë nuk kanë punuar.

“Të zhduken këto ndërtime. Është i vonuar si aksion, por në të gjitha rastet, është i domosdoshëm. Është i domosdoshëm sepse kishin bllokuar lëvizjen e qytetarëve, nuk guxoje të futeshe nëpër lulishtet e Tiranës. Shqipëria është i vetmi vend i mbushur me kafene, tregon parazitizëm. Janë me dhjetëra raste kur qytetarët kanë kërkuar prishjen e ndërtimeve pa leje, por në vesh të kujt? Kemi dy vjet që nuk kemi lënë vend në bashki pa vajtur, por nuk ka pasur vullnet. Tashmë po shohim vullnet. Mjafton të kesh vullent, çdo gjë bëhet. Flitet për ndërtime pa leje. Thethi tregoi një fenomen të tmerrshme, u okupua për 3 muaj ajo hapësirë që duhet të jetë e virgjër. Ligji vonon, por nuk harron. Pse duhet të ndërhyjë kryeministri për një gjë që duhet të reagojë bashkia? Çfarë biznesi? Kafeneja nuk është biznes. Ja ku e ke Tiranën. Cili biznes u godit? Janë 4 kompani që kanë kapur Tiranën, te kafja është biznesi i Shqipërisë?”, theksoi ai./abcnews.al

Si rezultat i administrimit të shpejtë të informacioneve të siguruara në rrugë operative, specialistët e Seksionit për Hetimin e Narkotikëve arrestuan në flagrancë shtetasin F. M., 31 vjeç, banues në Elbasan.

Gjatë kontrollit fizik, shërbimet e Policisë i gjetën dhe i sekuestruan, në cilësinë e provës materiale, një sasi lënde të dyshuar narkotike cannabis sativa, të ndarë në doza, gati për shitje.

Kryeministri Edi Rama ka prezantuar sot projektin më të ri të modernizimit të infrastrukturës ushtarake në vend, duke theksuar se ky transformim prek çdo qelizë të Forcave të Armatosura dhe është në përputhje të plotë me standardet më moderne të Aleancës së Atlantikut të Veriut (NATO).

Projekti shumëfunksional i Akademisë së Forcave të Armatosura është konceptuar nga studioja me famë botërore “Bofill Taller de Arquitectura”, dhe përfshin një kampus të integruar ku ndërthuren zonat akademike, stërvitore, sportive, logjistike dhe komanduese. Ky vizion bashkëkohor synon të sjellë një frymë të re në edukimin dhe përgatitjen e kuadrove ushtarakë shqiptarë.

“Investimi në kapitalin njerëzor mbetet prioritet i yni. Kjo pasqyrohet qartë edhe në rritjen e ndjeshme të interesit për programet Bachelor të Akademisë, ku për sezonin e ri janë regjistruar 1634 aplikime nga të rinj të vendit,” – deklaroi Rama.

Turistët e huaj po shfaqin gjithmonë e më tepër interes për te eksploruar sa më shumë destinacione ne Shqipëri.Platforma e njohur e udhëtimeve  në botë Travel and Tours World shkruan se turizmi në Shqipëri po evoluon ndërsa preferencat e vizitorëve  po ndryshojnë. Në një kohë që  mbërritjet e udhëtarve të  huaj rriten, çmimet e hoteleve po përshtaten për të tërhequr më shumë udhëtarë me buxhet të kufizuar që kërkojnë përvoja përtej pushimeve në plazh.

Sipas Travel and tours World operatorët vendas të hoteleve dhe ofruesit e tureve kanë vënë re se lloji i turistëve që vizitojnë Shqipërinë kete vit ka ndryshuar ndjeshëm. Vizitorët e sotëm janë më pak të interesuar të kalojnë ditë të gjata në plazh, duke preferuar në vend të kësaj të eksplorojnë aspekte më të larmishme të vendit me çmime të përballueshme.

Këta vizitorë janë të përqendruar në eksplorimin e bukurisë natyrore, historisë dhe kulturës së Shqipërisë, shpesh me synim mbajtjen e kostove të ulëta. Rajone si Saranda, Ksamili dhe Himara, të cilat tradicionalisht kanë një kërkesë të lartë gjatë verës, i janë përgjigjur këtij ndryshimi duke ulur çmimet e tyre..

Ksamili vlerësohet një vend i preferuar për familjet, dhe sipas Travel and Tours world ka parë një ndryshim të dukshëm në përballueshmërinë e çmimeve këtë vit. Me herët çmimet e larta kishin kufizuar kohëzgjatjen e qëndrimeve të shumë familjeve por rënia e fundit e çmimeve të hoteleve ua ka bërë më të lehtë familjeve të shijojnë pushime më të gjata. Udhëtarët po zbulojnë se qiratë e apartamenteve dhe hotelet, dikur të shtrenjta, tani po ofrojnë vlerë shumë më të mirë.

Për shembull, një dhomë hoteli me tre yje në Ksamil mund të gjendet për vetëm 550 euro për një javë në fillim të gushtit – një ofertë tërheqëse për udhëtarët që kujdesen për buxhetin

Durrësi  dhe Golemi vazhdon të tërheqë turistë vendas dhe ndërkombëtarë, falë kombinimit të çmimeve të përballueshme dhe opsioneve të larmishme të akomodimit. Rajoni përfiton gjithashtu nga turizmi i organizuar, i cili siguron një fluks të qëndrueshëm vizitorësh.

Ndërsa Shëngjini dhe Velipoja po zhvillohen gjithashtu shkruan Travel and tours world. Dikur të konsideruara të përballueshme, këto zona kanë filluar të tërheqin turistë të nivelit më të lartë.

Fluksi i opsioneve të reja të akomodimit, i kombinuar me profilin turistik në zhvillim, ka riformësuar tregun, duke çuar në rregullime të konsiderueshme të çmimeve përgjatë bregdetit.

Për udhëtarët që kërkojnë një përvojë të pasur kulturore me një çmim të përballueshëm, Shqipëria mbetet një destinacion tërheqës. / abcnews.al /

Rreth orës 11:30, në plazhin e Divjakës, ka humbur jetën duke notuar në det, shtetasi V. Th., 70 vjeç, banues në Lushnjë.

Grupi hetimor dhe eksperti mjekoligjor po punojnë për përcaktimin e shkakut të vdekjes, ku paraprakisht dyshohet për arrest kardiak. Vijon puna për sqarimin e plotë të rrethanave të rastit. / abcnews.al /

Merkato e verës nuk ka qenë aspak ekzaltuese, ndërsa parashikimet për sezonin e ri të Serie A janë larg emrit të madh të Juventusit.

Por si një revansh ndaj të gjithë zërave mediatikë, “Zonja e Vjetër” tregoi të gjithë forcën në miqësoren e fundit, të fituar 2-1 në një fushë aspak të lehtë si ajo e Borussia Dortmund.

Në “Signal Iduna Park” të mbushur plot si të ishte një sfidë e Champions League, heroi i mbrëmjes ishte Andrea Kambiaso, I cili shënoi të dy golat e fitores për juventinët.

Mbrojtësi i kombëtares italiane kaloi në epërsi skuadrën italiane në minutën e 16-të, ndërsa kjo rrjetë vendosi edhe pjesën e parë, pavarësisht rasteve të shumta të regjistruara në të dyja portat.

Pas pushimit, Kambiaso vulosi mbrëmjen e madhe si protagonist me realizimin e dytë personal në minutën e 53-të.

Vetëm në limitet e kohës së rregullt, Borussia Dortmund ngushoti diferencën.

Beier shënoi golin e nderit për gjermanët, por nuk prishi sukesin e Juventus, që jep një mesazh force për të gjithë rivalët në prag të sezonit të ri të Serie A.  / abcnews.al /