Lajmi i shuarjes më 12 korrik 2025 i diplomatit gjerman Werner Daum u komunikua në mediat shqiptare, pasi ai ndodhej këto ditë në Shqipëri, vendi ku përpara 35 vjetësh ishte i pari diplomat gjermano-perëndimor që hapi Ambasadën e RFGJ-së në Shqipërinë komuniste më 1987.

Ai asokohe gjatë qëndrimit tre vjeçar në Shqipëri ka pasur një aktivitet intensiv përtej kufijve të diplomacisë duke u angazhuar për hapjen dhe afrimin e Shqipërisë me botën perëndimore. Ai vet në një intervistë historike për DW (2010) është shprehur, se “kam qenë më shumë një ambasador i shqiptarëve tek qeveria ime, se sa anasjelltas”.

Daum brenda një kohë të shkurtër falë edhe njohjes së gjuhës shqipe arriti t’i njohë shqiptarët dhe të hyjë në komunikim direkt me njerëzit, sikurse është shprehur ai vet: “Unë e kam dashur Shqipërinë që në fillim, i kam dashur shumë shqiptarët, atë natyrë të mrekullueshme me male dhe det, pyjet. Jam ndierë shumë mirë atje.”

Ironi e fatit, që Daum ndërroi jetë pikërisht në Shqipëri, vendi ku punoi me pasion për hapjen dhe afrimin midis dy vendeve, njeriu që hapi portat e Ambasadës së RFGJ-së fund qershorin dhe fillim korrikun 1990 për pranimin e mijëra shqiptarëve, që në shenjë proteste ndaj sistemit vërshuan drejt selive diplomatike perëndimore për t’i dhënë goditjen e fundit regjimit komunist në Shqipëri, ngjarje që ka hyrë në histori si 2 Korriku.

Rreth kësaj ngjarjeje Daum për DW më 2010 ka shpjeguar atë se çfarë ndodhi ato ditë. Ambasada gjermane pranoi rreth 3200 shqiptarë që kërkonin të largoheshin nga Shqipëria:

“Unë dua të them se nuk ishin 3200 por 3199, por nuk ishte se shqiptarët erdhën në ambasadën gjermane. Shqiptarët e parë shkuan në ambasadën greke, unë kisha shumë miqësi me ambasadorin grek, ai quhej Kakabasis, fliste perfekt gjermanisht, kishte ndjekur një shkollë gjermane, ai ishte miku im më i mirë ndër diplomatët.

Ai nuk ishte vetëm një mik që fliste gjermanisht si unë, por ne ishim edhe komshinj, pasi ambasada greke ndodhej direkt pranë ambasadës gjermane. Natyrisht që shqiptarët erdhën fillimisht në ambasadën greke, sepse ata ishin shqiptarë që vinin nga jugu i Shqipërisë dhe që flisnin greqisht, dhe mendonin se ndoshta ambasada greke mund t´i ndihmonte ata.

Të parët ishin rreth 15 deri 25 veta, të tjerë shkuan tek ambasada egjiptiane, italiane, disa shkuan tek ambasada franceze. Dhe unë u dëshpërova që deri në ato momente asnjë nuk kishte ardhur në ambasadën gjermane. Mua më vinte turp dhe mendova se nuk është e mundur që njerëzit të kërkojnë strehim tek egjiptianët, grekët apo italianët, por jo tek ne.

Dhe me ndërgjegje të plotë i thashë punonjësit të sigurimit të kufirit federal se që sot e tutje ambasada do të jetë e ndriçuar në mbrëmje, që të gjitha dritat do të ndizen, dhe se porta e madhe që sheh nga rruga do të lihet e hapur që të bjerë në sy, kanati i derës nuk do të jetë i hapur fare, por i pakyçur dhe kjo duhej të ishte e dukshme.

Unë nuk mund ta duroja që njerëzit të mos kërkonin strehim në ambasadën gjermane. Kjo mori dhenë dhe njerëzit e parë erdhën, pastaj erdhën të tjerë, pastaj një kamion që prishi murin rrethues të godinës. Unë këto veprime i përshëndeta, por tani dua të them që kjo nuk u përshëndet nga qeveria ime dhe kjo mu tha në telefon./kb

Presidenti Bajram Begaj vizitoi Ohërin, ku u takua me Presidenten Siljanovska-Davkova për të diskutuar bashkëpunimin bilateral mes Shqipërisë dhe Maqedonisë së Veriut. Në këtë takim u theksua rëndësia e integrimit europian dhe nevoja për projekte të përbashkëta që sjellin vlerë për qytetarët e të dy vendeve.

Presidenti Begaj nënvizoi rolin kyç të faktorëve shqiptarë në Maqedoninë e Veriut, duke i cilësuar ata si urë lidhëse dhe garanci për zhvillimin e marrëdhënieve të qëndrueshme dhe progresive mes dy vendeve.

“Në Ohër për një vizitë njëditore, me ftesë të Presidentes Siljanovska-Davkova. Folëm për bashkëpunimin bilateral, rajonal dhe integrimin europian. Shqipëria dhe Maqedonia e Veriut ndajnë vullnetin për të bashkëpunuar në projekte me vlerë për qytetarët tanë
Faktori shqiptar në Maqedoninë e Veriut eshtë urë lidhësë, i rëndësishëm dhe garanci për progresin e vazhdueshëm të marrëdhënieve tona. Zhvilllimi i projekteve të përbashkëta jo vetëm ekonomike dhe infrastrukturore, por edhe kulturore e sociale është i arritshëm dhe i mirëpritur. Me forca të përbashkëta drejt progresit!”./kb

Ka vijuar edhe përgjatë kësaj të shtune, 12 korrik, operacioni për prishjen e ndërtimeve pa leje në Theth, pavarësisht kundërshtimit të banorëve.

Ndryshe nga ditët e tjera ku pati përplasje të ashpër mes banorëve, policisë dhe IKMT-së, situata në ditën e gjashtë ishte më e qetë, por tensionet nuk munguan.

Bëhet e ditur se situata u tensionua me mbërritjen e përfaqësuesve të Partisë Demokratike, deputetit Luçiano Boçi dhe ish-kryetarit të Bashkisë së Shkodrës, Bardh Spahia, të cilët duke mbështetur banorët, tentuan disa herë të çajnë kordonin e policisë, por pa sukses.

Aksioni u ndoq me kureshtje nga turistët e huaj, të cilët qëndronin në ballkonet e bujtinave të tjera.

Deri më tani në Theth janë shembur rreth 60 objekte pa leje, nga rreth 80 të tilla që janë evidentuar në këtë zonë.

Ndërkohë operacioni nuk do të ndërpritet edhe gjatë natës deri në shembjen e 80 objekteve./kb

Franca, Gjermania, Holanda dhe Italia kanë reaguar pasi presidenti i SHBA-së Donald Trump njoftoi tarifa prej 30% për të gjitha mallrat e BE-së të importuara në SHBA, duke i bërë thirrje BE-së të përshpejtojë përgatitjet për kundërmasa, negociata “pragmatike” dhe një “marrëveshje të drejtë”.

“Tarifat do t’i godasin rëndë kompanitë eksportuese evropiane. Në të njëjtën kohë, ato do të kenë një ndikim të fortë në ekonomi dhe konsumatorët në anën tjetër të Atlantikut”, tha ministrja gjermane përmes një deklarate.

Trump njoftoi se tarifat do të zbatohen për shumicën e mallrave të BE-së të importuara në SHBA nga 1 gushti. E njëjta përqindje vlen edhe për Meksikën.

Meksika e quajti “marrëveshje të padrejtë” të Trump dhe këmbënguli se sovraniteti i saj është i panegociueshëm, ndërsa shefja e BE-së, Ursula von der Leyen, kërcënoi të marrë “kundërmasa proporcionale” nëse është e nevojshme.

Dy palët thanë se duan të vazhdojnë negociatat me SHBA-në.

/kb

Kështjellat përrallore të mbretit të Bavarisë Ludwig II, Komisioni i UNESCO-s i ka shpallur trashëgimi e kulturës botërore. Krahas Neuschweinstein kategorizohen edhe tri kështjella të tjera si trashëgimi e kulturës botërore.

Në mbledhjen e Komisionit të Trashëgimisë së Kulturës Botërore të UNESCO-s në Paris u pranuan në listën e objekteve të mbrojtura të kulturës botërore kështjellat përrallore të mbretit të Bavarisë Ludwig i II si dhe shtëpia mbretërore në Berg.

Këto kështjella në mjedise idilike natyrore që prej mëse 140 vjetësh janë si një magnet për turistët. Vetëm vitin e kaluar janë joshur të vizitojnë këto vepra mjeshtërore rreth 1,7 milionë vizitorë nga brenda dhe jashtë vendit.

Tri kështjellat e famshme të Ludwig-ut të II u ndërtuan gjatë mbretërimit të tij me shuma maramendëse parash. Kështjellat Linderhof dhe Herrenchiemsee, ku janë vendosur ekspozitat qëndrore në kujtim të Ludwig-ut të II, si dhe kështjella Neuschwanstein.

Mbreti i famshëm bavarez
Ludwig i IIështë konsideruar në gjithë botën si gjermani më i njohur, megjithëse parë hollë ai ka qenë bavarez: Mbreti Ludwigu i II ka lindur më 25 gusht 1845 në kështjellën Nymphenburg afër Mynihut dhe ka vdekur më 13 qershor 1886 në liqenin Starnberger. Ludwigu i II. ka sunduar nga 1864 deri në vdekjen e tij si mbreti i Bavarisë. Ai nuk ka qenë mbret “konvencional”, të cilit nuk i interesonte shumë politika, lufta dhe administrata. Ai angazhohej për artin, ndërtimin e kështjellave shumë pompoze, mbështeste Richard Wagnerin dhe muzikën e tij./kb

13 korrik 1814

Më 13 korrik 1814, në Mbretërinë e Sardenjës, u themelua një forcë e re policore me karakter ushtarak – Arma e Karabinierisë, që me kalimin e kohës do të bëhej një nga institucionet më të qëndrueshme dhe më të rëndësishme të shtetit italian. Fillimisht u krijua nga Mbreti Viktor Emanuel I si një trupë elitare, e ngarkuar me ruajtjen e rendit publik dhe zbatimin e ligjit, në një epokë trazirash pas rrëzimit të Napoleonit.

Me shpërthimin e procesit të bashkimit italian në gjysmën e dytë të shekullit XIX, Karabinieria do të përfshihej gradualisht në përpjekjet e krijimit të një shteti të bashkuar dhe qendror. Në vitin 1861, me shpalljen e Mbretërisë së Italisë, ajo u njoh si “Forca e parë” e ushtrisë së re italiane – një status që simbolizonte rolin e saj jo vetëm në ruajtjen e rendit, por edhe në projektin kombëtar të Italisë moderne.

Gjatë gjithë historisë së saj, Karabinieria ka mbajtur një karakter të dyfishtë – si forcë ushtarake dhe si polici civile, e cila ka qenë shpesh në vijë të parë të ngjarjeve vendimtare të shtetit italian. Kjo dyfytyrësi do të pasqyrohej fuqishëm gjatë regjimit të Benito Musolinit, ku Karabinierët ndihmuan në shtypjen e opozitës, në ruajtjen e rendit fashist dhe në përforcimin e autoritetit të diktaturës. Por paradoksi i historisë qëndron në faktin se, pas kapitullimit të Italisë në vitin 1943, vetë Karabinierët do të ndihmonin në rrëzimin e Musolinit dhe shpërbërjen e regjimit të tij.

Kur Gjermania naziste pushtoi Italinë e veriut dhe shpërbëu një pjesë të madhe të ushtrisë italiane, edhe njësitë e Karabinierisë u goditën rëndë. Mijëra anëtarë të saj u internuan, u pushkatuan apo u dërguan në kampet e përqendrimit. Por një numër i konsiderueshëm i tyre iu bashkua Lëvizjes së Rezistencës italiane, duke luftuar për çlirimin e vendit dhe rivendosjen e një republike të lirë.

Në dekadat e pasluftës, Karabinieria mbeti shtylla kryesore e rendit publik në Itali, duke u angazhuar në përballjen me terrorizmin, mafian dhe emergjencat civile. Roli i saj u njoh edhe institucionalisht më 2001, kur ajo u bë një nga katër degët e Forcave të Armatosura italiane, përkrah Ushtrisë, Marinës dhe Forcës Ajrore. Ky status i veçantë i jep Karabinierisë një pozitë unike në botën demokratike – një trupë që vepron njëkohësisht si polici ushtarake, si polici civile dhe si instrument ndërhyrjeje kombëtare në kohë krize.

Sot, Karabinieria përfaqëson një nga institucionet më të besuara të shtetit italian, me një prani simbolike që shtrihet nga fshatrat më të largët deri në arenën ndërkombëtare. Por rrënjët e saj në ngjarjet dramatike të shekullit XIX dhe XX – ku është shfaqur herë si garant i ligjit, herë si vegël e pushtetit, e herë si mbrojtëse e popullit – i japin asaj një histori komplekse, që pasqyron vetë historinë e trazuar dhe dinamike të Italisë moderne.

Nëse dëshiron, mund të përfshi edhe një koment krahasues mbi rolin e saj në kontekstin e forcave të tjera të rendit europiane.

Përgatiti: L.Veizi

Dashi

Do kaloni një site shume romantike sot ju qe jeni ne çift dhe emocionet do jene te papërshkrueshme. Partneri do iu beje te lumtur ne çdo moment. Beqaret do takohen me disa persona dhe do diskutojnë gjere e gjate me ta për t’i njohur sa me mire. Ne planin financiar tregohuni te arsyeshëm dhe parashikues nëse nuk doni qe situata te ketë vështirësi.

Demi

Jo çdo gjë do shkoje ashtu si e kishit menduar sot ne jetën tuaj ne çift, prandaj here pas here mund te keni edhe ndonjë debat me partnerin. Kujdes! Për beqaret perspektivat janë goxha te mira. Disa mund te jene te shkathet dhe ta thellojnë me tepër njohjen me dike. Ne planin financiar duhet te ruani maturinë dhe te shpenzoni me shume kujdes.

Binjaket

Ka rrezik qe mosmarrëveshjet dhe debatet te jene te shumta sot ne jetën tuaj ne çift. Nuk do kuptoheni aspak me partnerin dhe nga ana tjetër do kërkoni ne çdo moment qe te dale e juaja. Beqaret do jene joshës dhe do e bëjnë me ne fund për vete personin qe kane pëlqyer gjithmonë. Ne planin financiar do jene te favorizuara edhe investimet apo transaksionet.

Gaforrja

Te dashuruarit do vazhdojnë te jetojnë ne një ambient harmonik dhe mjaft entuziazmues. Çdo gjë do shkoje ashtu si ata e kane dashuruar. Beqaret do jene me te interesuar për aventura sesa për lidhje serioze gjate kësaj dite. Mundësitë ne fakt do jene te shumta. Ne planin financiar gabimi me i vogël do iu kushtoje shume shtrenjtë. Mendohuni shume here para se te vendosni.

Luani

Jeta juaj ne çift nuk do jete aspak e keqe sot kështu qe ju do kaloni një dite mjaft te bukur dhe pa debate. Shfrytëzojeni kohen kur te jeni pranë partnerin tuaj për te folur edhe për ndonjë projekt te se ardhmes. Beqaret do jene ne kërkim te personin ideal, por nuk do mund ta gjejnë dot atë. Financat do fillojnë te përmirësohen paksa. Gjithsesi mos kërkoni te pasuroheni menjëherë.

Virgjeresha

Dite përgjithësisht e qete dhe pa asgjë te veçante kjo e sotmja për te dashuruarit. Do ndiheni mjaft mire ne krahët e atij qe dashuroni. Beqaret do lodhen pak duke kërkuar, por ne pasdite do gjejnë një person qe do iu përshtatet ne çdo pike. Financat nuk do jene te këqija, megjithatë nuk duhen ndërmarrë operacione te rrezikshme. Mund te lindin probleme te paimagjinueshme.

Peshorja

Plutoni do sjelle disa turbullira gjate kësaj dite ne jetën tuaj ne çift, Do e keni te vështirë te ruani një klime te qete dhe here pas here do debatoni me partnerin. Beqaret do e realizojnë me ne fund takimin me te bukur te jetës se tyre. Financat do jene goxha te mira. Mund te kryeni pa frike te gjitha shpenzimet me te domosdoshme.

Akrepi

Dite mjaft pasionante dhe e bukur kjo e sotmja për te dashuruarit. Do ndiheni si mbi re ne krahët e partnerit tuaj dhe nuk do doni te shkëputeni nga ai për asnjë çast. Beqaret do kenë mundësi te realizojnë disa takime. Harxhoni kohen e duhur për t’u njohur me mire para se te merrni vendime. Financat do përmirësohen ne mënyrë te papritur.

Shigjetari

Pas një kohe te gjate lidhjeje me ne fund do formalizoni gjithçka gjate kësaj dite. Do ndiheni te dy te gëzuar dhe entuziaste. Beqaret fatkeqësisht nuk do jene me fat dhe nuk do arrijnë as sot ta gjejnë partnerin ideal. Gjithsesi kjo nuk do te thotë qe ju te bini ne pesimizëm. Ne planin financiar duhet te bëni pak ekonomi nëse doni qe gjendja te stabilizohet.

Bricjapi

Nuk është ende koha e duhur për te diskutuar mbi disa tema delikate ne çift. Partneri nuk do jete shume ne humor dhe mund te keni probleme. Beqaret do kenë një dite normale. Merrini gjerat si t’iu vijnë dhe mos kërkoni me ngulm te filloni një histori dashurie. Financat do vijnë dalëngadalë duke u përmirësuar. Vazhdoni te shpenzoni me kursim edhe pak kohe.

Ujori

Çiftet do kenë një dite te zakonshme dhe fatmirësisht pa probleme. Jeta sentimentale e beqareve do varet tërësisht nga ata vete. Nëse tregohen te hapur dhe pranojnë ftesat qe do iu bëhen mund te kenë mundësi serioze për lidhje. Ne planin financiar do keni fat. Do arrini te ruani qëndrueshmërinë e te ardhurave edhe duke kryer ndonjë shpenzim te domosdoshëm.

Peshqit

Beni kujdes sot me ato qe do i thoni partnerit sepse po gabuat mund te keni probleme goxha serioze me te. Beqaret duhet te kujdesen pak me tepër për pamjen e tyre nëse duan te tërheqin vëmendjen e disa personave. Po e late veten pas dore do mbeteni me te njëjtin status. Ne planin financiar nuk duhet hedhur asnjë hap i pamenduar sepse do keni probleme./kb

Më 13 korrik 1793, një nga figurat më të spikatura dhe më kontradiktore të Revolucionit Francez, gazetari dhe politikani radikal Jean-Paul Marat, u vra ndërsa ndodhej në vaskën e banjës së tij, ku trajtonte sëmundjen e lëkurës që e mundonte prej kohësh. Vrasësja ishte Charlotte Corday, një e re aristokrate nga provinca e Normandisë dhe simpatizante e fraksionit politik Girondin, një grup liberal që kundërshtonte vijën e ashpër të jakobinëve.

Marat ishte një figurë komplekse: mjek me formim shkencor, teoricien politik, publicist dhe një prej zërave më të fuqishëm të revolucionit. Ai u bë i njohur për retorikën e tij të zjarrtë dhe qëndrimin e pamëshirshëm kundër armiqve të revolucionit, të cilët i denonconte përditë në gazetën e tij L’Ami du peuple (Miku i Popullit). Në shkrimet e tij, ai bënte thirrje për veprim të menjëhershëm, dënime të rënda, madje edhe dhunë revolucionare, duke u kthyer në frymëzuesin ideologjik të spastrimeve politike të vitit 1793.

Por ndikimi i tij i madh dhe mënyra radikale e të bërit politikë e kthyen Marat në një simbol të frikshëm për kundërshtarët. Charlotte Corday, e shqetësuar nga dhuna që përhapej në emër të revolucionit dhe me bindjen se Marat ishte motori i kësaj atmosfere terrori, vendosi të vepronte. Ajo arriti të futej në banesën e tij, duke pretenduar se kishte informacione për armiqtë e revolucionit. Marat e priti në vaskë dhe gjatë bisedës, Charlotte nxori një thikë të fshehur dhe e goditi për vdekje në kraharor.

Vrasja e Marat u bë menjëherë një ngjarje mitike. Ai u shpall martir i Revolucionit, një dëshmor që kishte sakrifikuar jetën për idealet republikane. Trupi i tij u vendos në Panteon si nderim për “shenjtorin e popullit”, ndërsa piktura e famshme e Jacques-Louis David, “Vdekja e Marat”, e përjetësoi momentin si një ikonë të dhimbshme të revolucionit.

Ndërkohë, Charlotte Corday u dënua dhe u ekzekutua me gijotinë katër ditë më vonë, më 17 korrik 1793. Me gjakftohtësi, ajo e quajti vrasjen një akt për të shpëtuar Francën nga tirania.

Vrasja e Marat shënoi një kthesë të rëndësishme në klimën politike të asaj kohe. Jakobinët e përdorën vdekjen e tij për të forcuar më tej kontrollin mbi pushtetin dhe për të justifikuar fazën më të errët të revolucionit – periudhën e Terrorit. Në fund, edhe vetë ata që e lavdëruan Marat si martir, do të bien nën hijen e gijotinës që ai e kishte mbështetur me aq zell.

Figura si Marat janë shembuj të skajshmërisë që mund të marrë ideali kur përzihet me pushtetin dhe fanatizmin. Në shumë revolucione të mëvonshme, nga ajo Ruse te lëvizjet maoiste, shfaqen figura të ngjashme që përfaqësojnë ndërthurjen e pasionit ideologjik me brutalitetin praktik. Marat mbetet një simbol i dyzuar: përkrahësit e shohin si tribun të popullit, ndërsa kritikët si pararendës të terrorit politik modern. Edhe Charlotte Corday, e cila e vret në emër të lirisë dhe arsyes, nuk shpëton dot nga tragjizmi i një kohe ku idealet dhe krimet ecin krah për krah. Revolucioni, siç dëshmon edhe kjo ngjarje, shpesh ha bijtë e vet – por në rrëfimin e Marat-it, ai i ha edhe shokët dhe armiqtë njëherësh.

Përgatiti: L.Veizi

Në Elbasan është çelur sezoni artistik veror me koncertin “Virtuozët”, një aktivitet që solli në skenë instrumentistë të talentuar të qytetit dhe vepra nga kompozitorë të mëdhenj botërorë.

Koncertet u mbajtën në Muzeun Etnografik dhe në Galerinë e Artit, brenda Kullës së Kalasë, duke sjellë një përvojë unike ku arti dhe trashëgimia kulturore ndërthuren. Drejtori i Qendrës së Artit, Klinton Kapaj, thotë se ky aktivitet synon promovimin e artistëve të rinj në bashkëpunim me profesionistët e skenës.

“Është një bashkëpunim i rëndesishëm me të gjithë talentet e qytetit në sektorin e muzikës Ddhe me shkollën e muzikës, për të bashkëvepruar dhe bashkërenduar gjithë këtë aktivitet të rëndësishëm që ne sot kishim. Bashkia Elbasan gjithmonë i mbështet dhe i përkrah talentet e qytetit dhe ndërthur në çdo aktivitet artistët me eksperiencë dhe talentet e reja”, tha Klinton Kapaj.

Aktiviteti artistik “Virtuozët” u ndoq me interes edhe nga turistë të huaj, të cilët u shprehën kuriozë për aktivitete të tilla.

“Është një mundësi e mirë të dëgjoj një nga violinistët më të mirë në Shqipëri. Është hera ime e dytë që jam këtu, por hera e parë që dëgjoj muzikë në këtë vend, kështu që do të jetë një eksperiencë ndryshe, dhe jam shumë e lumtur. Ky vend ka një akustikë shumë të mirë, ndaj dëgjimi i muzikës këtu do t’i japë asaj dimensione ëndërrimtare dhe do të jetë një eksperiment interesant”, theksoi një turiste.

Sezoni artistik veror në Elbasan sapo ka nisur, me aktivitete që zhvillohen në hapësira publike dhe në objekte të trashëgimisë kulturore, duke i dhuruar qytetit net të mbushura me art dhe emocion. m.p.

Barcelona duhet të sigurojë të ardhura këtë verë, me qëllim që të jetë në gjendje të regjistrojë transferimet e reja. Lojtari i vetëm i transferuar deri tani, Joan Garcia, edne nuk është regjistruar në La Liga.

Deri tani janë larguar Ansu Fati në huazim te Monaco, Pablo Torre u shit për 5 milionë euro te Mallorca, por klubi katalanas ka ende 50% të kartonit të tij, pritet të largohet edhe Ter Stegen.

Dy lojtarë të tjerë që janë në listën e largimeve të  drejtorit sportiv, Deco, janë edhe Ronald Araujo dhe Andreas Christensen. Sipas asaj që raporton AS, dy lojtarët nuk pranojnë të largohen nga Barcelona, madje janë rikthyer në stërvitje përpara afatit të vendosur nga klubi.

Përsa i përket mbrojtësit danez, kontrata e tij skadon vitin tjetër dhe drejtuesit katalanas duan ta largojnë që këtë verë, por deri tani nuk ka pasur asnjë ofertë konkrete për të.

Përsa i përket Ronald Araujo-s, kontrata e të cilit skadon në vitin 2031, drejtuesit e Barcelonës presin oferta mbi 60 milionë euro, por problemi kryesor është dëshira e lojtarit për të mos u larguar nga klubi katalanas. m.p.

Ministri i Jashtëm i Izraelit, Eli Cohen, ka dhënë një paralajmërim të drejtpërdrejtë ndaj Iranit lidhur me programin e tij bërthamor.

Në një intervistë për Top Channel, ai deklaroi se pengesat për një ndërhyrje ushtarake izraelite tashmë janë hequr dhe se në rast se Irani rifillon aktivitetet për zhvillimin e armëve bërthamore, Izraeli është i gatshëm të veprojë.

Eli Cohen theksoi se shteti izraelit po armatoset intensivisht për t’u përballur me çdo kërcënim potencial nga Teherani.

Duke folur gjithashtu për situatën në Rripin e Gazës, ai u shpreh se operacionet ushtarake në jug synojnë eliminimin përfundimtar të Hamasit.

Ministri shtoi se nëse Hamasi mposhtet, ekziston një plan i veçantë për të ardhmen e Rripit të Gazës dhe për stabilizimin e rajonit.

“Ne treguam aftësitë tona gjatë luftës 12-ditore. Nëse Irani vendos të rinisë programin e armëve bërthamore, ne do ta sulmojmë sërish. Të gjithë kanë frikë të sulmojnë Iranin, por ne jo.

Ne po armatosemi në mënyrë shumë serioze përballë programit bërthamor. Dhe në fakt, ne nuk po luftojmë vetëm për Izraelin, por për të gjithë botën e lirë. Hamas nuk do të qeverisë më në Gaza. Falë operacioneve tona, Nasrallah në Liban është neutralizuar dhe Assad u largua nga Siria. E njëjta gjë do të ndodhë në Gaza.

Eliminimi i Hamasit do t’i hapë rrugë një të ardhmeje ndryshe për banorët e Gazës, ku të drejtat e njeriut, demokracia dhe një ekonomi më e zhvilluar do të jenë të mundshme.”-tha Cohen. m.p.

Pronarët e dy farmacive në Korçë janë marrë nën hetim nga Policia nën dyshimin e kontrabandës së medikamenteve nga Greqia.

Kontrolli i ushtruar në mënyrë të befasishme nga autoritetet në ambientet e subjekteve të tyre, zbuloi sasi ilaçesh pa dokumentacion dhe të futura kontrabandë, ndërsa hetimet janë ende aktive.

Specialistët për Hetimin e Krimeve Ekonomike dhe Financiare konfirmuan se i referuan materialet në Prokurori, ku filloi procedimi penal për A. M., 28 vjeç, dhe L. Q., 43 vjeçe, banues në Korçë.

“Gjatë kontrollit të ushtruar në subjektet e tyre farmaci, që këta shtetas administronin, u gjetën dhe u sekuestruan, një sasi medikamentesh të dyshuara të futura kontrabandë nga Greqia”, bëri me dije policia vendore për detajet e para të këtij aksioni. m.p.

Zyrtari i Partisë Demokratike, Dorian Teliti zbuloi sot, sipas pretendimeve të tij, prapaskenat e aksionit të ndërmarrë nga IKMT, me urdhër të kryeministrit Edi Rama, për prishjen e objekteve të ndërtuara pa leje në Theth.

Sipas Telitit, me hyrjen në fuqi të “Paketës së maleve”, për të cilën u hapën sot zyrtarisht thirrjet për aplikime, Thethi do të përfundojë në duart e investitorëve strategjikë, ose oligarkëve të lidhur me qeverinë.

“Sot hyri në fuqi ‘Paketa e maleve’ dhe atje mesa duket në mendjen e qeveritarëve, të kryeministrit apo dikush tjetër do na dali tashmë me aplikim sipas ligjit të ri të ‘Paketës së Maleve’, ndonjë ose disa investitor strategjik, që do bëjnë zëvendësimin e këtyre godinave që u prishën tashmë, me godina të reja, më të bukura ndoshta nga ana e syrit, por ama është vetëm një zëvendësim dhe vendimmarrje e bazuar në interesa jo zhvillimore”, tha Teliti në “Off the Record” në A2 CNN.

I vendosur nga moderatori Andrea Danglli përballë konstatimit se banorët e Thethit janë pronarë të këtyre tokave prej shekujsh tashmë, Teliti sqaroi se kushdo që gëzon statusin e investitorit strategjik mund t’a marrë pronën përmes procedurave që përfshijnë shtetëzimin dhe kompensimin.

“Po aty do të ndërtohen, sepse ‘Paketa e Maleve’ bashkë me ligjin e investimeve strategjike e dinë shumë mirë këta që ta shpronëson. ‘Paketa e Maleve’ është e gërshetuar me ligjin e Investimeve Strategjike. Në momentin që vjen Investitori Strategjik me statusin e tij, të merr tokën tënde, të time, pronën e babës, prej tre shekujsh ta kesh ti edhe të stërgjyshit tënd. Ta merr, ta shtetëzon, të jep kompensimin dhe vazhdon puna. Koha do të flasë dhe fatkeqësisht koha na ka dhënë të drejtë”, shpjegoi Teliti. m.p.

59 deputetë laburistë i kanë bërë thirrje David Lammy-t, Sekretarit britaniku të Shtetit dhe Ministrisë së Jashtme që ta njohin menjëherë Palestinën si shtet.

Deputetë të qendrës dhe të krahut të majtë, përfshirë disa kryetarë komisionesh, i shkruan sekretarit të jashtëm këtë javë për të thënë se “duke mos e njohur [Palestinën] si shtet, ne minojmë politikën tonë të një zgjidhjeje me dy shtete dhe vendosim një pritje që status quo-ja të mund të vazhdojë dhe të shohë fshirjen dhe aneksimin efektiv të territorit palestinez”.

59 deputetët sugjerojnë që qeveria të ndjekë pesë masa të ndryshme për të parandaluar qeverinë izraelite nga zbatimi i planit të saj të Rafah, duke shtuar se ata besonin se Gaza po “pastrohej etnikisht” – një pretendim i mohuar me forcë nga Izraeli.

Letra u organizua nga Miqtë e Partisë Laburiste të Palestinës dhe grupi i Lindjes së Mesme. Aty thuhet se plani izraelit, i cili do të shihte “transferimin e popullsisë në skajin jugor të Gazës në përgatitje për deportim jashtë rripit”, është një përshkrim i saktë, por ata besojnë se një mënyrë më e qartë për ta përshkruar atë është “spastrimi etnik i Gazës”.

Zyrtarët izraelitë kanë thënë se duan të ndajnë popullsinë civile nga Hamasi, i cili ende kontrollon pjesë të Gazës dhe mban dhjetëra pengje të rrëmbyera në sulmin e 7 tetorit që shkaktoi luftën 21 muaj më parë.

Emmanuel Macron diskutoi njohjen e Palestinës si shtet në një konferencë të përbashkët për shtyp me Sir Keir Starmer të enjten, të njëjtën ditë që u nënshkrua letra. “Sot, të punojmë së bashku për të njohur shtetin e Palestinës dhe për të filluar këtë momentum politik është e vetmja rrugë drejt paqes”, u shpreh Macron.

Ndërsa Franca ende nuk e ka njohur një shtet palestinez, Norvegjia, Irlanda dhe Spanja e koordinuan njohjen e tyre vitin e kaluar. m.p.

Gazetari Basir Çollaku e sheh të rrezikshëm për turizmin në Shqipëri, precedentin e krijuar në fshatin turistik të Thethit, ku si pasojë e aksionit të shembjes së objekteve të ndërtuara pa leje nga ana e IKMT-së, ka pasur përplasje deri në hedhjen e molotovëve dhe nxjerrjen e armëve nga policia.

Çollaku deklaroi në A2 CNN, se kryeministri Edi Rama ka ngjallur frikë tek të huajt që vizitojnë vendin tonë, përmes këtij aksioni.

“Turistë të lemerisur dhe kujtojnë se kanë ngatërruar vend. Kanë prenotuar në Shqipëri dhe janë në një zonë lufte. Ne flasim për një vend ku ekziston ligji dhe shteti, jo në një vend ku ekziston individi dhe çdo gjë tjetër është derivat, i veprimeve, orekseve dhe mesazheve të tij. Këtu kjo lloj dhune që rrezikon ytë agravojë, nuk e di çfarë imazhi mund të kemi kur policë me automatik i drejtohen banorëve shqiptarë sigurisht”.

“Turistë të lemerisur dhe kujtojnë se kanë ngatërruar vend, kanë prenotuar në Shqipërinë dhe kujtojnë se janë në një zonë lufte. Jo vetëm në Theth por unë besoj se kjo do të jetë një goditje për turizmin në të gjithë Shqipërinë, sipas humorit mëngjesor të kryeministrit, i cili është i pashëndetshëm edhe në periudhën paszgjedhore me rezultatin e tij euforik, sepse ka të tjera ekuilibra, të tjera ngjarje, të tjera dosje të rëndësishme, ku ortakë të tij qeveritar, të kabinetit të ministrave, deputetë, kryebashkiakë, janë atje dhe janë në prag hekurash”, u shpreh Çollaku.

Parlamenti i Gjermanisë (Bundestagu) mbajti një seancë përkujtimore për 30-vjetorin e masakrës së Srebrenicës, ku u vranë mbi 8.000 boshnjakë në korrik të vitit 1995.

Në seancë morën pjesë deputetë, dy të mbijetuar të gjenocidit dhe ambasadorë të Bosnjë-Hercegovinës dhe Kosovës. Deputetët e Bundestagut e dënuan ashpër qasjen e Serbisë ndaj luftërave të përgjakshme në ish-Jugosllavi. Michael Brand, deputet i CDU-së, theksoi se Serbia e mbështetur nga Rusia ka udhëhequr luftëra që nga viti 1991.

Ai e quajti presidentin serb Vuçiç trashëgimtar të politikave të Millosheviçit dhe e akuzoi për lidhje me Putinin. Jasmina Hostert, një deputete e lindur në Sarajevë dhe e plagosur në luftë, mbajti një fjalim të ndjerë për dhimbjen dhe rëndësinë e përballjes me të kaluarën.

Gjatë seancës, një deputet i AFD-së relativizoi gjenocidin, çka u kundërshtua fuqishëm. Ky përvjetor riktheu në vëmendjen ndërkombëtare nevojën për drejtësi dhe paqe në Ballkan. m.p.

Nga kaçkavalli i Gjirokastrës te ‘Feta’ greke apo ‘Pecorino’ italian. Tanimë është më lehtë të gjesh një produkt të huaj në dyqane dhe markete sesa prodhim shqiptar.

Vetëm gjatë vitit të kaluar janë importuar nga jashtë 35.428 tonë produkte bulmetore, vezë e mjaltë, me vlerë 68 milionë euro. Vlera këto të rritura ndjeshëm me vitet e mëparshme, pasi në 2023-shin u importuan 31 mijë tonë me vlerë 62 milionë euro vetëm tek kjo kategori.

Sasia më e madhe e importit të bulmetit është nga Italia me 22 mln euro (8 mijë tonë), ndjekur nga Greqia me 5.2 milionë euro (1.586 tonë) e më pas Serbia me 2.5 milionë euro importe bulmeti.

Shtimi i prezencës së mallit të importit është i dukshëm edhe në produktet e tjera, që lidhen me prodhimin blegtoral në vend. Boshllëku i mishit vendas, po mbushet nga Brazili kryesisht.

Janë 48.602 tonë mish të importuara nga jashtë me vlerë 82 milionë euro vetëm gjatë vitit të shkuar. Harta e importit të mishit kalon përtej oqeanit, pasi janë blerën 26.5 milionë euro mish nga Brazili dhe 9.8 milionë euro nga SHBA apo 5.1 milionë euro nga Paraguai. Ndërsa në rajon kryeson mishi i blerë në Itali dhe Greqi.

Kërkesa në rritje për bulmet apo mish importi ka ardhur si rezultat i uljes së prodhimit vendas, i shkaktuar nga tkurrja e numrit të bagëtive. Shqipëria numëron më pak se 1.7 milionë krerë lopë e të imta, nga 2.4 milionë krerë para një dekade.

Të dhënat e Institutit të Statistikave tregojnë se prodhimi i qumështit dhe i nënprodukteve të tjera pësoi rënie vjet, situatë që vijon edhe përgjatë këtij viti, pasi importi i prodhimeve të importuara po shtohet.

Shifrat e INSTAT tregojnë se në vitet e fundit importi i produkteve të bulmetit dhe të mishit është rritur shpejt. Nga viti 2020 deri në fund të 2024-ës sipas përllogaritjeve janë blerë nga jashtë 300 milionë euro bulmet dhe 383 milionë euro produkte mishi dhe të brendshmet e tij.

Jo vetëm tek blegtoria, por edhe prodhimet bujqësore po zëvendësohen me ato të importuara kryesisht sa i takon drithërave ku pesha kryesore mbahet nga gruri. m.p.

Mbrojtësi i majtë i Gent, Archie Brown, ka zbuluar se ‘marrëveshja ishte pothuajse e përfunduar me Milan’, por shpjegon pse vendosi të bashkohet me Fenerbahce në vend të klubit italian. 

Mbrëmjen e kaluar pati shumë kaos dhe raportime kontradiktore rreth situatës, madje u tha se dy avionë privatë po e prisnin lojtarin, njëri për në Milano, tjetri për në Stamboll. 

Sot në mëngjes, Brown mori vendimin e tij dhe fluturoi drejt Turqisë për t’u bashkuar me ekipin e Jose Mourinhos, Fenerbahce, në Superligën e Turqisë. 

“Marrëveshja ishte praktikisht e kryer me Milanin. Isha gati të shkoja. Por më pas, mora një telefonatë gjatë natës nga presidenti i Fenerbahces”.  

“Ajo ndryshoi gjithçka. Pasioni që tregoi ai, vizioni, e bënë vendimin të qartë. E dija që duhej të vija te Fenerbahce”, ka thënë Brown. 

Ky version përputhet me raportimet në Itali, Belgjikë dhe Turqi, të cilat sugjeronin se edhe pse Milan ishte seriozisht i interesuar, Fenerbahce kishte qenë gjithmonë një hap përpara në garë. 

Nuk ishte çështje e vlerës së transferimit, që ishte rreth nëntë milionë euro në të dy rastet, apo e kushteve personale, ishte vendosmëria dhe pasioni i treguar nga pala turke. 

Archie Brown pritet të fitojë 1.5 milionë euro në sezon, me një kontratë katërvjeçare dhe opsion për një vit të pestë me Fenerbahcen./ D.C

Kreu i shërbimit të inteligjencës ushtarake të Ukrainës, Kirilo Budanov, zbuloi se Koreja e Veriut aktualisht furnizon deri në 40 përqind të municioneve të artilerisë ruse për luftën në Ukrainë.

Në një intervistë me Bloomberg, Budanov tha se regjimi i Kim Jong-un dërgon jo vetëm predha, por edhe raketa balistike dhe sisteme të plota artilerie. Sipas tij, Rusia në këmbim dërgon para dhe teknologji të përparuar, duke e ndihmuar kështu Phenianin të lehtësojë izolimin e tij ndërkombëtar.

“Këto janë armë të mira”, tha Budanov, duke zbuluar se deri në 60 përqind të humbjeve në njësitë e tij në tre muajt e fundit u shkaktuan nga raketat e Koresë së Veriut.

“Koreja e Veriut ka rezerva të mëdha dhe prodhimi i tyre nuk ndalet, vazhdon 24 orë në ditë”, shtoi ai më tutje.

Bashkëpunimi midis Rusisë dhe Koresë së Veriut është thelluar që kur Vladimir Putin vizitoi Phenianin për herë të parë në 24 vjet në qershor të vitit të kaluar dhe nënshkroi një Marrëveshje Partneriteti Strategjik. Budanov pretendon se Pheniani ka dërguar gjithashtu mijëra trupa për të ndihmuar ushtrinë ruse në rajonin e Kurskut, dhe inteligjenca perëndimore vlerëson se ushtria e Putinit ka marrë miliona predha nga Koreja e Veriut.

Ministri i Jashtëm rus Sergei Lavrov udhëtoi për në Phenian të premten, ndërsa këshilltari i sigurisë i Putinit, Sergei Shoigu, vizitoi Phenianin për herë të tretë brenda tre muajsh vetëm muajin e kaluar.

Pas ndërprerjes së papritur të javës së kaluar, Presidenti i SHBA-së Donald Trump ka urdhëruar rifillimin e dërgesave të armëve në Ukrainë, duke përfshirë sistemet kryesore të mbrojtjes ajrore. Edhe pse marrëdhënia e tij me Putinin është vënë shpesh në pikëpyetje, Trump këtë javë tha se presidenti rus po “vret shumë njerëz” dhe i quajti “marrëzi” përgjigjet e tij ndaj thirrjeve për armëpushim.

Budanov beson se mbështetja amerikane do të zgjasë. “Qëndrimi i tyre është konsistent. Si kreu i shërbimit, unë di më shumë sesa shihet në media”, deklaroi ai.

Ai thotë se një armëpushim është i mundur, por vetëm nëse Ukraina, Rusia dhe SHBA-të përfshihen në marrëveshje. “Mund të arrihet edhe para fundit të vitit”, thotë ai.

Vetëm më 9 korrik, Rusia lëshoi 728 dronë në Ukrainë, duke shkatërruar objekte dhe infrastrukturë civile. Kombet e Bashkuara raportuan se në qershor u shënua numri më i lartë i viktimave civile në tre vjet, me 232 të vdekur dhe 1,343 të plagosur.

Forcat ruse kanë bërë përparime të vogla, por të qëndrueshme. Muajin e kaluar, ato hynë në rajonin verilindor të Sumy-t dhe aktualisht po përparojnë drejt Donetskut dhe po përpiqen të depërtojnë në Oblastin e Dnipropetrovskit. m.p.

E ardhmja e Max Verstappen duket si një enigmë: për cilin ekip do të garojë në vitin 2026? A do të vazhdojë me Red Bullin, duke respektuar kontratën e tij deri në vitin 2028, apo do të kalojë te Mercedesi? Së fundmi, për të ardhmen e pilotit holandez ka folur Nelson Piquet Jr. Sipas brazilianit, 4 herë kampioni i Formulës 1 ka vendosur të kalojë te ekipi gjerman.

Një mendim që nuk ka kaluar pa u vënë re, duke marrë në konsideratë lidhjen familjare midis Nelson dhe Max. Në fakt, ish-kampioni i botës në Formula E është kunati i holandezit, i cili është i lidhur me Kelly Piquet që nga viti 2021. Piquet Jr. foli për të ardhmen e Verstappen gjatë podkastit “Pelas Pistas”, duke e nisur fillimisht me një koment në lidhje me formën aktuale të Mercedesit: “Këtë vit, ka fundjava ku gjërat nuk po shkojnë mirë për ekipin gjerman.

Nuk ka shumë gjëra që mund të bësh për këtë: një nga pilotët e tyre është një fillestar (Andrea Kimi Antoneli), i cili për fat të keq u godit nga Isak Haxhar fundjavën e kaluar”. Më pas erdhi deklarata e bujshme: “Mercedesi nuk pati një fundjavë të shkëlqyer në Silverston, por kush e di se çfarë do të ndodhë vitin tjetër, kur Maks të drejtojë për ta…”. Një deklaratë befasuese, e pasuar nga një sqarim i mëtejshëm nga braziliani, djali i tre herë kampionit në F1:

“Nëse Verstappen do të transferohej te Mercedesi, shoku i tij i skuadrës do të jetë Antonelli”. Kështu, holandezi do të zëvendësonte George Russell, një pilot me të cilin Verstappen nuk ka marrëdhënie të mira. Nelson theksoi se fjalët e tij ishin thjesht një opinion: “Max do të vazhdojë të garojë në F1 në 2026, kjo është e qartë. Mendoj se ai do të marrë një vendim për të ardhmen e tij në gusht”. Pra, për të mësuar saktësisht se me cilin ekip do të jetë Verstappen sezonin e ardhshëm, do të duhet të presim edhe disa javë./ D.C