Pensionistët në zonat rurale, e gëzojnë pensionin së paku 7.3 vite më shumë se ata që jetojnë në qytet, tregojnë të dhënat zyrtare nga Instituti i Sigurimeve Shoqërore.

Në nivel kombëtar, koha mesatare e gëzimit të pensionit arriti 22.4 vite në vitin 2024 me një rënie të lehtë me 4 muaj në krahasim me 2023-n.

Koha e gëzimit të pensionit mbeti e pandryshuar në 10 vitet e fundit, pasi edhe në 2015 ishte 22.3 vite.

Por duke analizuar ndarjen fshat-qytet, shihet së në zonat rurale pensionistët e gëzojnë pensionin shumë më gjatë se në qytete.

Në vitin e 2024 koha mesatare e gëzimit të pensionit në fshat ishte 28.2 vite, ndërsa në qytet 20.9 vite.

ë dhënat e katër viteve të fundit, tregojnë se për pensionit e qytetit koha e gëzimit të pensionit po vjen duke u ulur, ndërsa atyre në fshat po rritet.

Në zonat urbane, koha e përfitimit të pensionit ka mbetur pothuajse e pandryshuar gjatë katër viteve të fundit, duke u luhatur lehtësisht nga 20.9 vite nga 2021 në 2025.

Jeta në qytete po ndikohet faktorë të tillë si nivelet më të larta të stresit, ritmi më i lartë i jetës, cilësi e dobët ajrit dhe jetës sedentare.

Ndërkohë, në zonat rurale vërehet një rritje më e fortë dhe e qëndrueshme. Në vitin 2021, koha e përfitimit të pensionit në këto zona ishte 26.5 vite, dhe në vitin 2024 ajo ka arritur në 28.4 vite.

Kjo rritje mund lidhet edhe me stilin e jetesës më të qetë në zonat rurale, me më pak ndotje, lidhje më e fortë me natyrën dhe jetë më aktive për të moshuarit, të cilat ndikojnë pozitivisht në jetëgjatësi.

Arsyet pse koha e gëzimit të pensionit në zonat rurale, është dukshëm më e gjatë se në zonat urbane lidhen edhe me faktin se shumë banorë të zonave rurale, veçanërisht ata që kanë punuar në bujqësi, dalin në pension në një moshë më të re krahasuar me punonjësit në sektorin urban dhe shtetëror.

Po nga ana tjetër jeta në fshat përfshin më shumë aktivitet fizik, punë në tokë, ecje, kontakt me natyrën, më pak ndotje ajri dhe zhurmë, si dhe një regjim ushqimor më të natyrshëm dhe tradicional.

Këta faktorë kontribuojnë në një jetë më të gjatë dhe shpesh më të shëndetshme pas daljes në pension.

Gjithashtu, ritmi i jetës në zonat rurale është më i qetë dhe lidhjet familjare dhe komunitare janë më të ngushta.

Në 2023, shqiptarët kanë jetuar më gjatë se asnjëherë tjetër, në 79.6 vjeç, pas një ndikimi afatshkurtër që pati pandemia, kur pritjet për jetëgjatësinë u shkurtuan me rreth dy vite për shkak të efektit që dha Covid në shëndetin e popullatës.

Të dhënat historike të Kombeve të Bashkuara bëjnë të ditur se gjatë viteve të tranzicionit, ndonëse jetëgjatësia është rritur gradualisht nuk është shënuar ndonjë ndryshim i dukshëm.

Që nga viti 1990, jetëgjatësia e pritshme në lindje është rritur me 6.3 vjet. Në fillim të tranzicionit, mesatarisht një banor në Shqipëri pritej që të jetonte 72.7 vjeç.

Ndryshimi më i madh është bërë ngjate 1960-1990. Në Shqipëri, sipas Kombeve të Bashkuara, në vitin 1950, kur raportohet e dhëna më e hershme, pritshmëria për të jetuar ishte vetëm 44.5 vjeç./ Monitor

The post Bie koha mesatare e gëzimit të pensionit/ Të moshuarit në fshat e marrin së paku 7.3 vite më shumë se ata në qytet appeared first on Albeu.com.

Sot, më 24 korrik 2025, dollari amerikan, blihet me 82.5 lekë dhe shitet me 83.7 lekë.

Euro, blihet me 97 lekë dhe shitet 97.8 lekë.

Franga zvicerane, këmbehet në blerje me 103.7 lekë, ndërsa në shitje me 104.8 lekë.

Paundi britanik, blihet me 111.5 lekë dhe shitet me 112.9 lekë.

Dollari kanadez, sot në blerje këmbehet me 60.6 lekë, ndërsa në shitje me 62 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh me monedhat e huaja? Me sa po blihen dhe shiten dollari dhe euro appeared first on Albeu.com.

Ditën e sotme, territori Shqipëtar në orët e para të mëngjesit dhe mesditës, parashikohet që në të gjithë vendin tonë të ketë dominim të intervaleve të gjata me diell, ku më të dukshme do të jenë në zonat jugore.

Ndërsa pjesa e dytë e ditës pritet të sjellë kalime të lehta vranësirash kryesisht në zonat malore, por nuk do të mund të krijojnë mundësi për reshje.

Vija bregdetare dhe pjesërisht qytetet e zonës së ulët gjatë pasdites dhe mbrëmjes, do të vijojnë të jenë nën ndikimin e kthjellimeve.

Temperaturat e ajrit do të pësojnë rënie në mëngjes por rriten në mesditë, duke luhatur vlerat ditore nga 11°C vlera minimale deri në 41°C maksimalja në rang territori.

Era do të fryjë e lehtë deri mesatare përgjatë gjithë ditës, duke arritur shpejtësinë maksimale mbi 30 km/h nga drejtimi Jugperëndimor. Kjo do të bëjë që në brigjet detare të krijohet dallgëzim 2 ballë.

The post Parashikimi i motit 24 Korrik 2025, temperatura deri në 41°C appeared first on Albeu.com.

Dashi

Dashuria: Kjo është një ditë e keqe, por që do përmirësohet në vijim. Do të shtyheni të flisni me të dashurin, sepse qielli është vërtet magjik për ju. Nëse jeni beqarë dhe keni qëndruar vetëm për një kohë të gjatë, do të keni mundësi për njohje.

Puna: Lajm i mirë në frontin e punës, së shpejti do të ketë lajme të tjera që do t’ju bëjnë shumë të lumtur.

Demi

Dashuria: Sot shanset për të gjetur dashurinë nëse jeni beqar ose po e jetoni atë në një mënyrë më të pakujdesshme nëse po jetoni një marrëdhënie solide mund të rriten. Dita ju fton të përjetoni marrëdhënie në një mënyrë shumë më spontane. Venusi është në anën tuaj.

Puna: Dikush mund të ju bëjë një ofertë tërheqëse për punë, por shmangni lënien e të sigurtës.

Binjakët

Dashuria: Ditë interesante falë Hënës në aspekt të mirë. Një periudhë vërtet pozitive do të fillojë për ju, do të gjeni zgjidhje për problemet që dukeshin të pamundura për t’u zgjidhur. Suksese në dashuri për zemrat e vetmuara.

Puna: Sot do të jetë e rëndësishme të punoni për gjërat që mund të bëni. Kushdo që ka një biznes të vetin mund të ketë një kënaqësi shtesë.

Gaforrja

Dashuria: Dita ju fton të lidheni me të tjerët në një mënyrë pozitive dhe të fitoni një sfidë në sferën emocionale. Do të jetë mirë t’i jepeni pasionit pa hezitim. Edhe për beqarët sot është një ditë e ngjarjeve të shkëlqyera, shumë takime.

Puna: Rritja e biznesit për ata që kanë vendosur të mos ndalen dhe të vazhdojnë rrugën e tyre. Ndonjëherë dëgjimi i instinktit shërben.

Luani

Dashuria: Para se të bëni polemikë për diçka që nuk ka themel, hapni sytë. Mos e derdhni zemërimin që keni me dikë tjetër në dashuri. Beqarët do luftojnë për të imponuar zërin e tyre dhe dikush do të jetë në gjendje të keqkuptojë disa fjali të paqarta.

Puna: Në këtë periudhë jeni mjaft nervoz, mbase një marrëveshje nuk shkoi mirë dhe kjo ju bën të hutoheni.

Virgjëresha

Dashuria: Sot disa ide mund t’ju vijnë në kokë. Kushdo që ka përjetuar një krizë ose ka qenë gabim mund të zemërohet. Mos harroni të dëgjoni ndjenjat tuaja. Beqarët do duhet të qëndrojnë pranë një personi që nuk dëshiron të heqë dorë.

Puna: Sot do t’ju duhet t’i kushtoni vëmendje marrëdhënieve profesionale. Disa marrëveshje duhet të trajtohen me kujdes që të jenë në gjendje të kalojnë.

Peshorja

Dashuria: Në këtë ditë ju mund të përfitoni nga më pak angazhime për t’ju kushtuar më shumë kohë planifikimit të gjërave që duhet të bëni. Dashuria vazhdon në mënyrë paqësore. Nëse jeni beqarë dhe doni të takoni njerëz të rinj, thjesht duhet të kapni mundësitë!

Puna: Reflektoni për atë që nuk është e mirë për ju dhe do të jeni në gjendje të përpunoni një pikë kthese. Me kundërshtimin e Jupiterit nuk është e thjeshtë të gjesh zgjidhje.

Akrepi

Dashuria: Sot disa nga ju do të rizbulojnë dëshirën për të dashur dhe do të jenë më të prirur ta lini veten të lirë. Mos u tregoni shumë të kujdesshëm ndaj të tjerëve. Beqarët do duhet të shtyjnë një takim të rëndësishëm për shkak të një pengese.

Puna: Perspektiva të mira profesionale, surpriza të reja dhe kontrata pune fitimprurëse janë në rrugë e sipër.

Shigjetari

Dashuria: Dita e mahnitshme, erosi është duke u rritur dhe keqkuptimet me partnerin janë ulur. Midis kaq shumë butësive ju do të keni sukses të bëni të harroni disa nga dështimet tuaja! Për beqarët do jetë një ditë e këndshme plot lajme, takime të shkëlqyera në mbrëmje.

Puna: Dita do të dëshmojë të jetë e rëndësishme financiarisht, sot do të keni të ardhura të shkëlqyera që do t’ju kënaqin.

Bricjapi

Dashuria: Nuk mund të përjashtohet që sot dikush të ndjehet mire. Marsi nuk do të jetë më në kundërshtim në shenjën tuaj. Sot do të jetë dita e duhur për të folur me partnerin. Gjërat po bëhen më të mira për beqarët, diçka e re për të gjithë sot.

Puna: Dikush do të marrë lajme të mira në frontin e punës, më mirë të marrë atë që ofron jeta e mirë.

Ujori

Dashuria: Me Hënën në shenjën tuaj, kjo ditë duket vërtet interesante. Së shpejti Marsi nuk do të jetë më në kundërshtim dhe për këtë arsye do të keni dritën e gjelbër në marrëdhënie dhe takime. Edhe ata që janë beqarë mund të kenë më shumë zgjidhje.

Puna: Aspekti pozitiv i yjeve mund të ju ndihmojë financiarisht. Lajme të rëndësishme edhe për ata që duhet të kalojnë teste ose provime.

Peshqit

Dashuria: Një ditë e karakterizuar nga një hënë e mirë. Nëse përballeni me diskutime të rënda ose nëse dikush ju kundërshton, është më mirë të flisni tani dhe të mos shtyni diskutimet deri të dielën. Perspektiva të mëdha në jetën private të zemrave të vetmuara, mbase nuk do të jeni më vetëm!

Puna: Ka gjëra që mund të shkaktojnë fërkime të lidhura me punën. Megjithatë ju jeni duke fituar, kështu që mos u shqetësoni.

The post Horoskopi 24 Korrik, ja çfarë kanë parashikuar yjet për ju appeared first on Albeu.com.

Të paktën 10 punonjës kanë humbur jetën teksa luftonin me zjarret në provincën qendrore Eskisehir të Turqisë. Rreth 24 punonjës pyjorë dhe personel vullnetar shpëtimi mbetën të bllokuar brenda zjarrit pas një ndryshimi në drejtimin e erës, tha Ministri i Bujqësisë i Turqisë, Ibrahim Yumakli, në një postim në X.

Pesë punonjës pyjorë dhe pesë vullnetarë nga organizata e shpëtimit AKUT humbën jetën dhe 14 punonjës pyjorë u dërguan në spital, tha ai. Zjarri në distriktin Seyitgazi të provincës filloi të martën në mëngjes dhe filloi të përhapet drejt zonave të afërta, sipas raportimeve të mediave lokale.

Presidenti turk, Recep Tayyip Erdogan, shprehu ngushëllimet e tij për X. “Lutem për mëshirën e Zotit për vëllezërit dhe motrat tona që luftuan me koston e jetës së tyre për të mbrojtur pyjet tona dhe u shpreh ngushëllimet e mia familjeve të tyre dhe kombit tonë”, tha ai.

Ndërkohë, Nebi Hatipoglu, deputeti i zonës tha se komuniteti po përjeton pikëllim të thellë për humbjen e punëtorëve heroikë të pyllit që vdiqën ndërsa luftonin me flakët.

Temperaturat në të gjithë vendin kanë tejkaluar 40 gradë Celsius (104 gradë Fahrenheit) ditët e fundit dhe zjarret aktualisht po digjen në pesë zona – Sakarya, Bilecik, Eskisehir, Izmir, Karabuk dhe Manisa.

Qindra zjarre kanë shpërthyer në të gjithë Turqinë këtë verë, duke detyruar dhjetëra mijëra njerëz të evakuohen nga shtëpitë e tyre. Shoqata e Kërkim-Shpëtimit AKUT është një organizatë joqeveritare për ndihmë në kërkim-shpëtim në rast fatkeqësish.

The post Dhjetë punëtorë humbin jetën duke luftuar me zjarret në Turqi appeared first on Albeu.com.

I ftuar sot në emisionin “Live From Tirana” me Ronaldo Sharkën ka qenë Jozefin Marku. Ish-banori i edicionit të katërt të “Big Brother VIP” ka zbuluar ekskluzivisht më shumë detaje në lidhje me karrierën muzikore, projektet që do të vijnë, jetën personale dhe jo vetëm kaq…

Gjatë qëndrimit në shtëpinë e “Big Brother VIP” historia e tij e dashurisë me Loredanën ka qenë në qendër të vëmendjes, por edhe pas përfundimit të reality show-t, marrëdhënia e tyre ka ngjallur interes të madh. Jozi vendosi që të sqaronte gjithçka ekskluzivisht në radio. Ai madje konfirmoi edhe lidhjen e re të dashurisë.

Teksa u ndalën gjatë intervistës tek “Big Brother VIP”, Ronaldo e pyeti në lidhje me Gjestin dhe Jozi u përgjigj duke thënë se nuk ka pasur fare kontakt me të dhe se një bashkëpunim mes tyre do të ishte i pamundur.

Pjesë nga biseda:

Ronaldo: Ke komunikuar me Gjestin?

Jozi: Kurrë.

Ronaldo: Kurrë pas “Big Brother”-it?

Jozi: Anjëherë, zero.

Ronaldo: Keni rastisur ndokund?

Jozi: Jo. Asnjëherë.

Ronaldo: Po nëse menaxheri yt ose i Gjestit thotë që ju të bëni një këngë të dy? Do ta bënit?

Jozi: Këngë të dy është e pamundur mendoj.

Ronaldo: Pse? Ne jemi popull që dimë të falim…

Jozi: Patjetër që po, shumë ok për atë. E shoh diçka të pamundur. Nëse duam të themi gjëra kot po mund të themi por…

Ronaldo: Do të jesh i sinqertë në raport me publikun?

Jozi: Po.

Ronaldo: Zero shanse për bashkëpunime. As një mesazh ose nuk keni rastisur ndonjëherë në korridoret e Top Channel?

Jozi: Anjëherë, nuk e di po si duket na i bëjnë këto oraret unë paradite ai pasdite.

The post Është takuar dhe do të ketë një bashkëpunim me Gjestin? Joz Marku jep pergjigjen e papritur appeared first on Albeu.com.

Një aksident i rëndë ka ndodhur në aksin Lezhë-Shkodër, në afërsi të fshatit Fishtë.

Një automjet është përplasur me një trailer me targa Serbie dhe për pasojë ka dalë nga rruga duke përfunduar në kanal. Një person ka mbetur i vdekur, ndërsa 4 të tjerë janë plagosur rëndë.

Janë banorët e zonës dhe kalimtarë të rastësishëm që kanë bërë të mundur nxjerrjen e të lënduarve. Në vendngjarje kanë mbërritur policia dhe zjarrfikësja.

The post Aksident i rëndë në Lezhë, automjeti përplaset me një trailer,1 i vdekur dhe 4 të plagosur rëndë appeared first on Albeu.com.

Presidenti francez Emmanuel Macron dhe bashkëshortja e tij, Brigitte, ngritën të mërkurën një padi me 22 akuza për shpifje në Shtetet e Bashkuara kundër podkasteres së krahut të djathtë Candace Owens, lidhur me pretendimin se Brigitte mund të jetë burrë.

Padia e ngritur në Gjykatën e Lartë të Delaware pretendon se Owens ka transmetuar “një fushatë të pamëshirshme njëvjeçare shpifjeje kundër familjes Macron”, sipas një deklarate nga Tom Clare, avokati i familjes Macron.

Në mars, komentatorja konservatore Candace Owens ringjalli një teori absurde konspiracioni me një video në YouTube të titulluar “A është Zonja e Parë e Francës një burrë?”, sipas padisë.

E promovuar gjerësisht në X, Owens tha se teoria e konspiracionit ishte “ndoshta skandali më i madh në historinë politike”.

Që atëherë, Owens ka prodhuar video të shumta rreth Brigitte Macron për gati 4.5 milionë abonentët e saj në YouTube, përfshirë një serial me shumë pjesë të quajtur “Becoming Brigitte”.

Padia pretendon më tej se ajo ka shitur edhe mallra që promovojnë pretendimin.

The post Macron padit influenceren amerikane Candace Owens për pretendimet se gruaja e tij është burrë appeared first on Albeu.com.

48 orët e fundit, strukturat policore në Sarandës kanë kaluar në gjendje gatishmërie.

Si fillim forcat “RENEA”, në të gdhirë të 23 korrikut, krehën nga deti e toka një pjesë të konsiderueshme të zonave të braktisuara të periferisë, me qëllim kapjen e të paktën 5 personave të kërkuar, njëri prej të cilëve i paidentifikuar, të përfshirë në dy ngjarje me përdorim arme zjarri dhe një tjetër me shpërthim eksplozivi, në harkun kohor të 5 ditëve.

Ndërsa mbrëmjen e 23 korrikut, dy automjete civile me efektivë të operacionales së Vlorës, siç duket edhe në pamjet që sjell BalkanËeb, ndalonin në ecje makina të rastësishme në akset më turistike të Sarandës dhe Ksamilit.

Komisariati i Sarandës po mundohet të përballojë elemente të armatosura me strukturën e një komisariati të vogël, ku veprat penale të rënda dhe ato të krimit të organizuar, tashmë hetohen nga Drejtoria e Vlorës.

Strukturat kundër krimit të organizuar në Vlorë e Tiranë kanë buxhetin, specialistët dhe teknologjinë për të goditur këto grupe. Kanë qasje në survejim të sofistikuar, në bashkëpunim ndërkombëtar dhe në metoda hetimi.

Shkak është bërë vendimi për ndryshimin e strukturës në një Komisariat që mbulon të paktën 4 Bashki. Lënia e një barre kaq të madhe për një Komisariat të vogël, i shton më shumë problemet.

Fokusimi i këtyre ditëve i efektivit të Komisariatit tek ngjarjet e rënda, ka lënë zbuluar menaxhimin e trafikut në qytet, menaxhimin e plazheve apo trajtimin e konflikteve të vogla, që nesër mund të kenë pasoja më të mëdha.

The post Ngjarjet kriminale të ditëve të fundit, RENEA dhe Operacionalja kontrolle në Sarandë/ Në ndjekje të 5 personave në kërkim appeared first on Albeu.com.

Mbrëmjen e sotme, 23 korrik, përfaqësuesit e Rusisë dhe Ukrainës u takuan në Stamboll për raundin e tretë të bisedimeve, me ndërmjetësimin e Turqisë. Ministri i Jashtëm turk, Hakan Fidan, u bëri thirrje palëve që t’i japin fund “luftës së përgjakshme” që ka zgjatur mbi tre vjet.

Fidan falënderoi presidentët Putin dhe Zelensky për pjesëmarrjen, si dhe ish-presidentin amerikan Donald Trump për thirrjet e tij për paqe. Ai tha se raundet e mëparshme sollën rezultate si këmbimi i të burgosurve dhe trupave të ushtarëve të vrarë.

Turqia, që ruan marrëdhënie të mira me të dyja palët, është e gatshme të ndihmojë me monitorimin në rast të një armëpushimi.

Ndërkohë, Trump i ka dhënë Rusisë 50 ditë afat për t’i dhënë fund luftës, përndryshe ka paralajmëruar sanksione të reja. Kremlini nuk ka dhënë ende ndonjë shenjë për kompromis.

The post Mbyllet raundi i tretë i bisedimeve, zbardhen diskutimet mes Rusisë dhe Ukrainës në Turqi appeared first on Albeu.com.

Instituti Demokratik i Kosovës tha se pavarësisht se e vlerëson veprimin e presidentes së Kosovës, Vjosa Osmani, për të kërkuar sqarime nga Gjykata Kushtetuese, kjo organizatë ka disa vërejtje për këtë çështje.

Presidentja Osmani një ditë më parë iu drejtua Gjykatës Kushtetuese për sqarime se cilat janë pasojat juridike nëse deputetët nuk arrijnë të konstituojnë Kuvendin deri më 26 korrik – afat i vendosur nga Kushtetuesja.

E para e shtetit po ashtu kërkoi vendosjen e një mase të përkohshme, që do të pezullonte këtë afat deri në një vendim të Gjykatës Kushtetuese.

Përmes një reagimi, KDI tha se kërkesa e Osmanit e paraqitur vetëm pak ditë para përfundimit të afatit 30-ditor, ngre disa dilema.

“Fillimisht, është e paqartë se ku qëndron pretendimi për ‘konflikt të kompetencave’ mes Presidencës, Kuvendit dhe Qeverisë në këtë moment, përderisa afati ende nuk ka përfunduar, dhe Kuvendi ka ende hapësirë për të përmbushur detyrimin e tij për konstituim. Në këtë kuptim, kërkesa duket se paragjykon rezultatin e ditëve të mbetura dhe dobëson pritshmërinë që deputetët ta përmbushin përgjegjësinë e tyre”, u tha në reagim.

Duke folur për kërkesën për masë të përkohshme, KDI tha se një kërkesë e tillë duket “e paarsyeshme”, duke argumentuar se një masë e tillë iu mundëson “komoditet” për mosveprim subjekteve parlamentare dhe deputetëve.

“KDI konsideron që aktgjykimi i 26 qershorit është i qartë dhe ka përcaktuar afatin 30-ditor si detyrues dhe substancial për subjektet parlamentare, respektivisht deputetët. Në fakt, mosrespektimi i afatit përbën një dështim për të përmbushur një detyrim themelor kushtetues”, u tha në reagim.

KDI sërish u bëri thirrje deputetëve që të respektojnë Kushtetutën dhe të ndërmarrin veprimet e nevojshme për të përmbushur detyrimet e tyre brenda afateve.

“Ndërkohë, Gjykata Kushtetuese mund të qartësojë pasojat e skadimit të afatit, por nuk mund të shërbejë si mekanizëm për të pezulluar përgjegjësinë politike”, tha kjo organizatë.

Reagimi i KDI-së vjen pasi më herët gjatë 23 korrikut u ndërpre seanca konstituive, që ka nisur më 15 prill. Seanca e radhës është caktuar për të premten.

Deputetët nuk po bien dakord për formën e votimit për kryeparlamentarin e ri. Lëvizja Vetëvendosje, fituese e zgjedhjeve të shkurtit, po kërkon votim të fshehtë, por partitë që mandatin e kaluar ishin në opozitë, po e kundërshtojnë një formë të tillë të votimit.

Teksa po afrohet afati i 26 korrikut, LVV-ja dhe Nisma Socialdemokrate po negociojnë për të arritur deri te tejkalimi i ngërçit politik.

Kryeministri në detyrë, Albin Kurti, njëherësh kreu i LVV-së, ka deklaruar se këtë fundjavë pritet të shihet nëse do të ketë marrëveshje për formimin e institucioneve.

Ai ka pohuar se Vetëvendosje është e gatshme për bashkëqeverisje me Nismën e Limajt, të cilës ka thënë se i ka bërë edhe ofertë konkrete.

Fatmir Limaj nga Nisma Socialdemokrate, tha pas seancës se kërkesa e presidentes drejtuar Gjykatës Kushtetuese e ndihmon procesin jo vetëm për konstituimin e Kuvendit, por edhe për të ardhmen.

“Është edhe në interesin e partive politike që të pritet vendimi i Gjykatës në të dyja drejtimet, por edhe t’u jepet mundësia atyre që në këtë kohë – nëse ka masë të përkohshme – të gjendet një zgjidhje dhe të vihet te një shumicë parlamentare”, tha Limaj./REL

The post Ngërçi për konstituimin e Kuvendit/ Instituti Demokratik i Kosovës e cilëson “të paarsyeshme” kërkesën e Osmanit ndaj Gjykatës Kushtetuese appeared first on Albeu.com.

Prej datës 29 korrik deri më 3 gusht, do të nisin aplikimet për plotësimin online të formularit A2, për t’u bërë pjesë e garës në universitete publike dhe private.

Arjan Xhelaj, Drejtori i Rrjetit Akademik Shqiptar, është shprehur se kandidatët kanë mundësinë për të zgjedhin 10 degë që duan për të vazhduar studimet e larta.

Sipas Xhelajt, portali U-Albenia u jep mundësinë e aplikimit në bazë të mesatares që maturantët kanë gjatë kohës së gjimnazit dhe provimeve të maturës shtetërore.

Në institucionet e arsimit të lartë në vendin tonë ofrohen 650 programe studimi në ciklin bachelor dhe programe profesionale dy vjeçare.

The post Aplikimet në universitet, maturantët afat nga 29 korriku deri më 3 gusht për të aplikuar appeared first on Albeu.com.

Një vatër zjarri është aktivizuar në periferi të fshatit të Finiqit. Bëhet me dije se zjarrfikëset po shkojnë drejt vendit të ngjarjes. Ndërkohë sipas raportimeve, flakët po përhapen me shpejtësi dhe rrezikojnë të mbërrijnë të parku arkeologjik.

Ky park u përfshi nga flakët edhe një vit më parë. Prej disa ditësh, në vend vijojnë aktive disa vatra zjarri, përhapja e të cilave po favorizohet edhe nga era që fryn dhe temperaturat e larta.

Situata paraqitet më kritike në Parkun Kombëtar të Lurës, ku në ndihmë të zjarrfikësve kanë ardhur edhe avionët “Canadair” nga Greqia dhe Italia.

The post Bie zjarr në periferi të fshatit Finiq, flakët rrezikojnë të përhapen drejt parkut arkeologjik appeared first on Albeu.com.

Pano Soko ka njoftuar tërheqjen nga angazhimi i tij politik në partinë Nisma Thurrje, pas vendimit të Komisionit Qendror të Zgjedhjeve për t’i dhënë mandatin e deputetes Kleana Xhuvelit, kushërirës së Adriatik Lapajt.

Në një reagim të gjatë në Facebook, Soko e cilëson situatën e fundit si të papranueshme dhe të turpshme, duke theksuar se këto zhvillime kanë çuar në vendimin e tij për t’u tërhequr plotësisht nga çdo rol në këtë forcë politike, por sqaron se do vazhdojë të jetë aktiv në politikë.

Reagimi i Pano Sokos:

Ngjarjet e fundit që ndodhën, ishin një turpërim i pamerituar në sytë e gjithë atyre që na votuan dhe që me votën e tyre na ngarkuan përgjegjësinë e rëndë për të qënë zëri dhe fytyra e tyre në jetën politike e publike të vendit. Ngjarje kjo që personalisht besoj se do të jetë në kufijtë e të pamundurës për t’u rekuperuar, si në aspektin politiko-elektoral, por deri diku edhe në imazh publik.

Dhe ky turpërim kërkon përgjegjësi

Pavarësisht se personalisht u përpoqa me sa munda që çështja të merrte zgjidhje nga palët në konflikt, tentova me çdo formë e mënyrë të sillja racionalitet në një mjedis tejet të ngarkuar emocional, fatkeqësiaht nuk arrita dot.

Prandaj unë sot dua të përmbush përgjegjësinë për aq sa më takon përballë gjithë atyre që na besuan ndaj vendosa të tërhiqem nga çdo funksion dhe angazhim politik që kam në partinë ‘’Nisma Thurje’’.

Ne, në vetëm një javë, arritëm me sukses të bënim pluhur e hi gjithë atë punë shumëvjeçare për ngritjen e një alternative të re, jo vetëm me fytyra të reja, por edhe me një koncept të ri të të bërit politik, larg intrigave dhe sherreve banale për karrige, larg egove të sëmura dhe inateve personale që shndërrohen në kauza të forcës politike, larg meskinitetit fëminor që përcakton sjelljen politike, apo konfliktit antagonist siç rëndom kemi parë politikën të servirë në këto 35 vjet.

Në këtë javë ne treguam që nuk jemi shumë larg tyre.

Në vetëm një javë ne zhbëmë gjithë atë iniciativë fantastike, që ishte sfidimi i sistemit të listave të mbyllura dhe garimi me lista të hapura.

Sot mandatin e koalicionit Nisma Shqipëria Bëhet dhe Nismës Thurje si pjesë e koalicionit, e mori një person që as e donte, as nuk punoi për ta marrë, as e kishte ambicje, asgjë. Një person që me dëshirën e mirë për të ndihmuar, pranoi të hynte në listë fiktive dhe të luante rolin e saj si garante, por që sot e sheh veten me mandat.

Dhe kjo për mua është vijë e kuqe!

Ne iu premtuam njerëzve që në parlament do të çonim atë që ata vetë do të vendosnin me votën e tyre, do të çonim më të votuarit prej tyre.

Iu thamë që mos merakoseshin se e kishim të garantuar mekanizmin.

Dhe këto i bërtitëm me zë të lartë dhe pa pushim në çdo tubim, takim apo studio TV.

Por doli që i gënjyem! As nuk çuam dikë që u votua nga ata dhe as mekanizmin s’e patëm të garantuar.

Dhe në optikën time kjo është pikë-thyerje politike. Pas kësaj pikë-thyerje, unë nuk i shoh dot më njerëzit në sy. Më vjen turp kur më shkruajnë apo më ndalojnë në rrugë. Nuk më lejon cipa në faqe t’i shoh, sepse menjëherë skuqet.

Sepse personalisht besoj që morali dhe ndershmëria janë dy tipare themelore që i kanë munguar politikës deri më sot dhe që ne do të duhej të sillnim.

65 mijë votues sot përfaqësohen nga një person që as e njohin e as i njeh. Dhe pse? Sepse ne harruam idealet, kauzat dhe çdo gjë dhe u fokusuam tek një copë mandati.

PSD e Tom Doshit aplikoi listën e hapur me sukses. Ne që e ngritëm si kauzë dhe e shpikëm si mekanizëm, ne dështuam.

Ky është një turp!

Nuk dua të zgjatem, pasi për shumë elementë rreth kësaj që ndodhi jam shprehur në daljet e mia publike këto ditë dhe nuk do të doja të bija në përsëritje pasi vazhdoj të kem të njëjtin qëndrim.

Personalisht do të vazhdoj të jem aktiv në jetën publike, duke kontribuar me aq sa mundem në ndërgjegjësimin publik rreth çështjeve ekonomike, apo ato të korrupsionit e abuzimeve, siç kam bërë deri më sot. Sepse politika, për mua, ka qënë gjithmonë dhe vetëm vokacion. As kam përfituar ndonjëherë diçka prej saj dhe as e kam parë ndonjëherë si mjet përfitimi. Ka qënë dhe mbetet vokacion që do të vazhdoj ta përmbush.

Por tashmë si qytetar aktiv.

The post Pano Soko jep dorëheqjen nga “Nisma Thurje”: Për një javë shkatërruam punën e disa viteve, turp i madh! appeared first on Albeu.com.

Selena Gomez festoi dje ditëlindjen e saj të 33-të dhe përveç mesazhit emocional që ndau me fansat, një detaj i pazakontë në tortën e ditëlindjes tërhoqi vëmendjen e shumë njerëzve, duke i habitur ata.

Në vend të një njoftimi për ditëlindje, Selena shfrytëzoi rastin për të tërhequr vëmendjen ndaj një çështjeje të rëndësishme – shëndetit mendor të të rinjve.
Në ditëlindjen e saj, më 22 korrik, ajo i kujtoi publikut Fondin e Ndikimit të Rare – një organizatë që ajo e themeloi me qëllim përmirësimin e aksesit në shërbimet e shëndetit mendor për të rinjtë në të gjithë botën.

“Pesë vjet më parë, në ditëlindjen time, ne lançuam Fondin e Ndikimit të Rare me një qëllim të thjeshtë: të ndihmojmë të rinjtë në mbarë botën të ndihen të parë dhe të mbështetur. Shëndeti mendor ka qenë gjithmonë personalisht i rëndësishëm për mua dhe doja të krijoja diçka që do të bënte një ndryshim të qëndrueshëm”, shkroi Selena.

Ajo shtoi se deri më tani, falë donacioneve, fondi ka arritur të ndihmojë më shumë se dy milionë të rinj dhe të mbështesë 30 organizata në të gjithë botën. “Dhe ky është vetëm fillimi”, tha ajo dhe i ftoi të gjithë të bashkohen me iniciativën. “Faleminderit që jeni aty, për njëri-tjetrin dhe për brezin e ardhshëm. Kjo është ajo që do të thotë të kesh një ndikim të rrallë”.

Por, përveç këtij mesazhi, vëmendjen e tërhoqi edhe torta e ditëlindjes që ajo postoi. Konkretisht, torta jeshile në formë zemre nuk tërhoqi komente për shkak të detajit të pazakontë, ku në vend të qirinjve, torta kishte dekorime në formën e turshive.

The post Torta e çuditshme e Selena Gomez për ditëlindje: Ajo i zëvendësoi qirinjtë me turshi appeared first on Albeu.com.

Ish-deputetja dhe e bija e vetme e presidentit historik të Kosovës, Ibrahim Rugova, Teutë Rugova, është martuar zyrtarisht ditën e sotme.

Ajo ka kurorëzuar dashurinë me partnerin e saj, Agron Gjeloshin – djalin e aktivistit të njohur, Nik Gjeloshi – në një ceremoni të veçantë familjare, e cila u mbajt në shtëpinë e familjes Rugova, të njohur ndryshe si “Rezidenca Rugova” në Prishtinë.
Lajmi është bërë publik nga kunata e saj, stilistja e njohur Blerina Kllokoqi Rugova, e cila ka ndarë disa fotografi nga ceremonia, ku çifti shfaqet i lumtur dhe i emocionuar.

Kurorëzimi është bërë nga kryetari i Komunës së Prishtinës, Përparim Rama, i cili ishte i pranishëm për të zyrtarizuar këtë moment të rëndësishëm për çiftin.

Martesa e Teutës dhe Agronit ka mbledhur rreth vetes miq të ngushtë dhe familjarë, në një atmosferë të ngrohtë dhe intime, që respektoi figurën dhe trashëgiminë e presidentit Rugova, duke mbajtur ceremoninë në ambientet e shtëpisë së tij.

Ky kurorëzim përmbyll një kapitull dashurie mes dy familjeve me ndikim dhe kontribut të njohur në historinë dhe shoqërinë kosovare

The post Martohet Teuta Rugova, bija e presidentit historik Ibrahim Rugova – kurorëzimi bëhet në rezidencë nga Përparim Rama appeared first on Albeu.com.

Parlamenti izraelit, i njohur si Knesset, ka votuar me shumicë prej 71 deputetësh pro aneksimit të Bregut Perëndimor, një territor i pushtuar që nga viti 1967.

Kjo votë përfaqëson një hap të rëndësishëm drejt një aneksimi de facto të këtij rajoni, duke e trajtuar atë si pjesë të pandashme të shtetit izraelit, pavarësisht mungesës së një njohjeje zyrtare ndërkombëtare.

Vendimi për aneksim vjen në një kontekst politik dhe diplomatik jashtëzakonisht të ndjeshëm. Bregu Perëndimor është një territor që, sipas të drejtës ndërkombëtare dhe rezolutave të OKB-së, konsiderohet si tokë e pushtuar nga Izraeli pas luftës së vitit 1967, dhe është pjesë e asaj që pritet të jetë një shtet i ardhshëm palestinez në kuadër të zgjidhjes me dy shtete.

Aneksimi i tij, qoftë edhe në mënyrë të njëanshme apo faktike, konsiderohet nga shumica e vendeve dhe institucioneve ndërkombëtare si një shkelje e ligjit ndërkombëtar.

Ky hap i ndërmarrë nga Knesseti ka shkaktuar reagime të menjëhershme dhe të ashpra si brenda vetë Izraelit, ashtu edhe në arenën ndërkombëtare, raporton timesofisrael.

Shumë organizata ndërkombëtare për të drejtat e njeriut, liderë shtetërorë dhe përfaqësues diplomatikë kanë paralajmëruar se kjo lëvizje jo vetëm që do të përshkallëzojë më tej tensionet në rajon, por gjithashtu do të dëmtojë çdo përpjekje serioze për arritjen e një marrëveshjeje paqësore afatgjatë midis izraelitëve dhe palestinezëve.

Brenda Izraelit, opozita dhe pjesë të shoqërisë civile kanë shprehur shqetësim për ndikimin afatgjatë të këtij vendimi, si në aspektin e marrëdhënieve me partnerët ndërkombëtarë, ashtu edhe në aspektin moral dhe demokratik të shtetit.

Sipas tyre, aneksimi de facto i një territori të banuar nga një popullatë palestineze pa garantuar të drejtat e tyre politike dhe qytetare përbën një hap drejt thellimit të regjimit të ndarjes dhe diskriminimit.

Në këtë kontekst, vendimi i Knessetit shihet si një nga zhvillimet më të rëndësishme dhe më polemike në politikën izraelite të viteve të fundit, me pasoja të mundshme afatgjata për stabilitetin rajonal dhe perspektivën e një zgjidhjeje të drejtë dhe të qëndrueshme për çështjen palestineze.

The post Parlamenti izraelit votoi për aneksimin e Bregut Perëndimor appeared first on Albeu.com.

Aktivistja suedeze me famë ndërkombëtare, Greta Thunberg, protestoi pasditen e kësaj të mërkurë në sheshin “Skënderbej”, për të ngritur “zërin” për vuajtjet e popullit palestinez në Gaza për shkak të konfliktit me Izraelin.

Protesta nisi në orën 18:00 dhe u zhvillua nën moton “Ndaloni urinë, lejoni ushqimin dhe jetën”. Aktivistja Thunberg bëri thirrje në shqip: Liri për Palestinën.

Gjithashtu, në fjalën e saj ajo theksoi se arsyeja pse lufta në Gaza ka degraduar në gjendocid është heshtja e vazhdueshme e komunitetit ndërkombëtar ndaj akteve të Izraelit, që kanë ardhur duke u përshkallëzuar.

The post Aktivistja e njohur Greta Thunberg proteston në Tiranë: Liri për Palestinën dhe stop gjenocidit! appeared first on Albeu.com.

Jozefin Marku, ish-banor i “Big Brother VIP 4”, ka ndarë detaje rreth projekteve të tij të reja muzikore dhe jetës personale, por ajo që mori vëmendje të veçantë ishte marrëdhënia e tij me Loredanën. Historia e dashurisë mes tyre, e cila nisi gjatë kohës që qëndronin në shtëpinë më të famshme në Shqipëri, vazhdon të ngjallë interes edhe pas përfundimit të spektaklit. Por a është mbyllur përfundimisht kjo histori?

Në intervistë, Jozi u shpreh se nuk është takuar me Loredanën prej disa muajsh, ndërsa komentet e saj në emision i cilësoi si të ftohta dhe zhgënjyese.

Pjesë nga intervista:

Ronaldo: Ke diçka për t’i thënë sot?

Jozi: Asgjë, thjesht ka marrë një rrugë jo të mirë mendoj unë. Po shoqërohet me njerëz…

Ronaldo: Në ç’kuptim rrugë jo të mirë?

Jozi: Jo të mirë pra. Për ato kemi arritur këtu ku kemi arritur. Shoqërohet me njerëz të padëshirueshëm. Bën gjeste, aspak të mira dhe të hijshme.

Ronaldo: Çfarë gjestesh? E ke fjalën për këto komentet me Don Xhonin?

Jozi: Të gjitha në përgjithësi…

Ronaldo: I ke parë?

Jozi: Të them të drejtën nuk i marr seriozisht këto gjëra.

Ronaldo: Dy herë i ka kometuar Don Xhoni, një herë një zemër të kuqe dhe dje i kishte shkruar në një video në TikTok ‘zemër je’ e shoqëruar me një zemër të kuqe. Loredana i bën ‘like’.

Jozi: Mirë nuk është për t’u përzierë aty tek punët e Jozit, por…

Ronaldo: Nëse kjo histori është e mbyllur?

Jozi: Le të bëjnë çfarë të duan fundja. Secili ka jetën e vet thjesht janë disa gjëra që më duken shumë të vogla. Ata mendojnë sikur çfarë po bëjnë, por ne i lëmë të bëjnë çfarë të duan.

The post “Ka marrë rrugë jo të mirë…”/ Loredana e lidhur me Don Xhonin? Jozit nuk i kalon pa e komentuar appeared first on Albeu.com.

Avokatët ndërkombëtarë të Erion Veliajt, kanë reaguar pasi SPAK ka marrë zyrtarisht të pandehur kryebashkiakun e Tiranës, Erion Veliaj, duke i komunikuar katër akuza.

Avokatët shprehen se Erion Veliaj i mohon në mënyrë të prerë të gjitha akuzat për shkelje të ligjit. Mbrojtja e Veliajt thekson se ndalimi i kryebashkiakut të Tiranës dhe mbajtja e tij në qeli është e paarsyeshme, e panevojshme dhe joproporcionale.

Reagim i avokatëve ndërkombëtarë të z. Veliaj:

Sot, 163 ditë pas ndalimit të z. Erion Veliaj, rezultatet e hetimit të zgjatur nga SPAK i janë dorëzuar nga ana e prokurorisë së posaçme. Avokatët e z. Veliaj mund të nisin tashmë shqyrtimin e provave të çështjes, të kundërshtojnë qëndrimin e SPAK-ut ndaj tij dhe të paraqesin prova në mbështetje të mbrojtjes.

Z. Veliaj i mohon në mënyrë të prerë të gjitha akuzat për shkelje të ligjit. Ne mbetemi në bindjen se vijimi i ndalimit të z. Veliaj është i paarsyeshëm, i panevojshëm dhe joproporcional. Kemi shqetësime serioze se kërkesat e Konventës Evropiane për të Drejtat e Njeriut (KEDNJ) nuk janë respektuar në rastin e tij. Fatkeqësisht, prej gati 3 muajsh, z. Veliaj është penguar të ketë akses te avokatët e tij ligjorë ndërkombëtarë, gjë që cenon seriozisht aftësinë e tij për të ushtruar të drejtat që i garanton KEDNJ-ja.

Si një funksionar i zgjedhur në mënyrë demokratike, të cilit i është pamundësuar ushtrimi i mandatit, është thelbësore që SPAK të ketë vlerësuar domosdoshmërinë e vazhdimit të ndalimit të tij. Deri më sot, nuk ka asnjë provë që kjo është bërë.

Jemi thellësisht të shqetësuar për mënyrën se si është zhvilluar hetimi. Së fundmi, detaje në lidhje me përfundimin e hetimit dhe raportin e Prokurorisë janë rrjedhur në mediat shqiptare. Kjo rrjedhje informacioni është në përputhje me trajtimin që i është bërë z. Veliaj që prej ditës së arrestimit, ku të dhëna paragjykuese mbi hetimin e SPAK-ut janë publikuar vazhdimisht në hapësirën publike. Nga informacionet e marra prej avokatëve të tij vendas, kuptojmë se këto rrjedhje përbëjnë shkelje të sekretit hetimor sipas legjislacionit shqiptar.

Ne do të vazhdojmë të punojmë ngushtësisht me ekipin ligjor vendas të z. Veliaj dhe të ndjekim çdo mjet ligjor të mundshëm.

The post SPAK e mori të pandehur, avokatët ndërkombëtarë: Erion Veliaj mohon të gjitha akuzat! Kryebashkiakut të Tiranës po i shkelen të drejtat appeared first on Albeu.com.