Një grua që pretendon se ka punuar si asistente e financierit amerikan Jeffrey Epstein ka rrëfyer për BBC detaje nga vitet që, sipas saj, ka kaluar nën ndikimin e tij, duke e përshkruar marrëdhënien me të si një sistem të ndërtuar mbi kontrollin psikologjik, emocional dhe financiar.

Gruaja, e identifikuar me pseudonimin Anya për të ruajtur identitetin e saj, thotë se jetoi për disa vite në një nga apartamentet e Epstein në Manhattan, ku qëndronin edhe gra të tjera që punonin pranë tij.

Sipas dëshmisë së saj, pak ditë pas vdekjes së Epstein në vitin 2019, vëllai i tij Mark Epstein i kërkoi të largohej nga apartamenti. Mark Epstein ka mohuar më herët se kishte pasur dijeni për aktivitetet kriminale të të vëllait.

Anya thotë se ende po përpiqet të kuptojë atë që ka përjetuar gjatë viteve nën ndikimin e financierit. Ajo e përshkruan kontrollin e tij si një formë abuzimi që nuk ishte gjithmonë e dukshme.

“Ende po përpiqem të pajtohem me faktin se jam abuzuar për vite me radhë. Zinxhirët nuk ishin të dukshëm, por ishin aty”, ka rrëfyer ajo.

Sipas saj, Epstein kishte krijuar një rreth të ngushtë grash që vareshin prej tij në shumë aspekte të jetës dhe vendimet e tyre kontrolloheshin prej tij.

“Ai ishte si udhëheqësi i një sekti. Gjithçka sillej rreth tij”, është shprehur Anya.

Ajo tregon se gjithçka nisi kur ishte modele në Evropë. E lindur në Rusi dhe e rritur në një familje që i jepte rëndësi arsimit, ajo kishte ndërtuar një karrierë në industrinë e modës dhe kishte punuar për marka të njohura si Fendi dhe Chanel.

Sipas saj, njohja me Epstein erdhi përmes skautit të modeleve Daniel Siad, i cili i kishte premtuar mundësi të reja në botën e modës. Në atë kohë, Anya mendonte se po përballej me një mundësi të rëndësishme profesionale.

“Më parë pyesja veten çfarë do të kishte ndodhur nëse nuk do të kisha hyrë atë ditë në agjenci. Sot besoj se ishte një kurth i planifikuar”, ka deklaruar ajo.

Avokati i Daniel Siad ka mohuar më herët se klienti i tij kishte dijeni për aktivitetet kriminale të Epstein.

Takimi i parë mes tyre u zhvillua në apartamentin e Epstein në Paris. Anya thotë se nuk u ndje e kërcënuar, pasi aty ndodheshin edhe gra të tjera. Sipas saj, Epstein u interesua për jetën personale, familjen dhe ambiciet e saj, duke krijuar përshtypjen se e kuptonte dhe e mbështeste.

Ajo rrëfen se për muaj me radhë ai e mbajti të lidhur përmes premtimeve për mundësi në industrinë e modës, ndërsa njëkohësisht kontrollonte mënyrën e paraqitjes së saj dhe i bënte komente për pamjen fizike.

Sipas dëshmisë së saj, për afro një vit ajo u përpoq të arrinte standardet që Epstein kërkonte për trupin e saj, duke besuar se kjo do ta ndihmonte në karrierë.

Më vonë, ajo zbuloi se disa prej premtimeve për kontrata modelingu nuk kishin qenë reale dhe se ishte mbajtur me shpresa të rreme.

“E kuptova se gjithçka kishte qenë një manipulim shumë i sofistikuar”, është shprehur ajo.

Anya rrëfen gjithashtu se pas një takimi me Epstein në Palm Beach, ku ai po vuante një dënim të mëparshëm, ajo përjetoi një situatë që e përshkruan si abuzim seksual. Sipas saj, reagimet e njerëzve përreth e bënë të dyshonte edhe te përjetimi i saj.

Ajo thotë se pikërisht kjo pasiguri dhe manipulimi emocional ishin ndër faktorët që e mbajtën të lidhur me Epstein për një kohë të gjatë.

The post Kontroll, kërcënime dhe abuzime, rrëfimi tronditës i ish-asistentes së Jeffrey Epstein appeared first on Albeu.com.

Policia ka dhënë informacion zyrtar lidhur me aksidentin e regjistruar paraditen e kësaj të diele në aksin Rrëshen–Skuraj, në vendin e quajtur Fang, ku dy automjete u përplasën me njëri-tjetrin.

Sipas njoftimit paraprak të uniformave blu, nga përplasja kanë mbetur të dëmtuar drejtuesit e mjeteve dhe pesë pasagjerë, mes tyre edhe dy të mitur të moshave 12 dhe 9 vjeç.

Të gjithë të lënduarit janë transportuar në spital për të marrë ndihmën mjekësore dhe, sipas bluzave të bardha, ndodhen jashtë rrezikut për jetën.

Njoftimi:

Milot/Informacion paraprak

Më datë 19.07.2026, rreth orës 11:00, në aksit rrugor Rrëshen–Skuraj, në vendin e quajtur Fang, automjeti me drejtues shtetasin D. L. është përplasur me automjetin tjetër me drejtues shtetasin A. L.

Si pasojë e aksidentit janë dëmtuar drejtuesit e automjeteve dhe pasagjerët Y. L., K. L. dhe A. L., si dhe dy të mitur, 12-vjeç dhe 9-vjeç.

Të dëmtuarit janë transportuar për ndihmë mjekësore jashtë rrezikut për jetën.

Grupi hetimor ndodhet në vendngjarje dhe po kryen veprimet procedurale për sqarimin e plotë të rrethanave të aksidentit.

The post Aksident në aksin Rrëshen-Skuraj/ Policia jep detaje: 7 persona të plagosur, mes tyre dy të mitur appeared first on Albeu.com.

Vala e fortë e të nxehtit që ka përfshirë Ballkanin Perëndimor do të vijojë edhe në ditët e para të javës, duke sjellë temperatura ekstremisht të larta që në disa zona pritet të arrijnë deri në 43 gradë Celsius.

Sipas parashikimeve meteorologjike, e hëna do të shënojë temperatura maksimale prej 40-41°C, ndërsa të martën termometri mund të ngjitet në 41-42°C, me vlera lokale që mund të prekin edhe 43°C. Edhe e mërkura do të mbetet nën ndikimin e të nxehtit intensiv.

Megjithatë, nga e enjtja, më 23 korrik, sinoptikanët parashikojnë një ndryshim të situatës atmosferike. Depërtimi i masave më të freskëta të ajrit pritet të sjellë ulje të temperaturave, ndërsa në disa zona të Ballkanit jugperëndimor mund të ketë reshje shiu dhe stuhi të izoluara.

Evropa po përjeton një nga verat më të nxehta të viteve të fundit. Temperaturat rekord kanë goditur veçanërisht vendet e rajonit, ndërsa që nga muaji qershor raportohet se mbi 12 mijë persona kanë humbur jetën në kontinent si pasojë e valëve ekstreme të të nxehtit.

The post I nxehti ekstrem, temperaturat deri në 43°C! Ja kur merr fund vala përvëluese appeared first on Albeu.com.

Përcillet për në banesën e fundit gazetari Enrik Mehmeti, i cili u nda në mënyrë të parakohshme nga jeta ditën e djeshme, pas një aksidenti tragjik rrugor në Vlorë.

Pas homazheve në teatrin “Petro Marko” të qytetit, ku nuk munguan mijëra qytetarë, miq, kolegë, të afërm dhe deri kryeministri Edi Rama, rreth oprës 14:00, gazetarit kurajoz të News24 iu dha lamtumira e fundit, duke e përcjellë për në banesën e fundit.

Gazetari Enrik Mehmeti, humbi jetën pasditen e së shtunës, në moshën 40-vjeçare, pas një aksideti me motor në plazhin e Porto Novës, në Zvërnec.

Gazetari Enrik Mehmeti ka raportuar ngjarjet nga qarku i Vlorës. Për vite me radhë, Mehmeti ishte fytyra dhe zëri që solli në ekranin e News24 ngjarjet më të rëndësishme të jugut të vendit, nga kronika e zezë te operacionet policore, zhvillimet sociale, politike dhe turistike.

Ai njihej për praninë e menjëhershme në vendngjarje, raportimet ekskluzive dhe këmbënguljen për të sjellë informacionin e verifikuar, edhe në situata të vështira.

Ai iu bashkua News24 që në ditët e para të themelimit të televizionit, duke raportuar me përkushtim dhe profesionalizëm për ngjarjet e ndodhura në qytetin e Vlorës, nga kronika e zezë, operacionet e bujshme policore, problematikat sociale, turizmi etj.,

Më herët edhe kreu i PD, Sali Berisha dhe Sekretari i Përgjithshëm i PL-së, Blushi dhanë mesazhet e ngushëllimit në rrjetet sociale.

The post U nda nga jeta në moshën 40-vjeçare, përcillet mes lotëve për në banesën e fundit gazetari Enrik Mehmeti appeared first on Albeu.com.

Me anë të një shkrimi të publikuar në rrjetet sociale, analisti i njohur Lutfi Dervishi, ka reaguar pas debatit të krijuar nga deklarata e tij për patronazhistët, të cilët i cilësoi si “qenie të pështira”, duke sqaruar arsyet e këtij qëndrimi.

Dervishi bëri një krahasim mes personit që hap varre dhe patronazhistit, duke argumentuar se ndërsa i pari kryen një punë të vështirë dhe të dhimbshme, i dyti, sipas tij, ndërhyn në jetën private të qytetarëve dhe i përdor nevojat e tyre për interesa politike.

“Patronazhisti fut hundët në jetën private të njerëzve, mbledh të dhënat e tyre personale, ua studion hallet, frikërat dhe varësitë, pastaj i shndërron të gjitha në monedhë shkëmbimi për një votë. U kërkon punonjësve të administratës lista me familjarë e të afërm, duke ua matur besnikërinë politike me numra dhe jo me dinjitet”, shkroi Dervishi.

POSTIMI I PLOTË:

Sqarim për “qenien e pështirë”

Kanuni i Lekë Dukagjinit thotë se ka punë për të cilat nuk thuhet kurrë “puna e mbarë”. Njëra prej tyre, e njohur prej shekujsh, është hapja e varreve.

Pikërisht kjo traditë më erdhi në mendje kur dikush më pyeti sot pse i kam quajtur patronazhistët “qenie të pështira”. Për mua, në fakt, ekzistojnë vetëm dy kategori njerëzish që nuk e meritojnë këtë urim: ai që hap varre dhe patronazhisti.

Dikush mund të thotë se krahasimi është i padrejtë. Varrmihësi kryen një punë të nevojshme, ndërsa patronazhisti thjesht bën fushatë, si gjithkush tjetër në politikë. Por dallimi është i madh: varri hapet për atë që s’mund ta shmangësh, vdekjen; patronazhisti të hap derën e poshtërimit. I pari kryen një rit të dhimbshëm mbi të vdekurit. I dyti kryen një proces degradues mbi të gjallët, duke i trajtuar sikur të ishin numra, jo njerëz.

Patronazhisti fut hundët në jetën private të njerëzve, mbledh të dhënat e tyre personale, ua studion hallet, frikërat dhe varësitë, pastaj i shndërron të gjitha në monedhë shkëmbimi për një votë. U kërkon punonjësve të administratës lista me familjarë e të afërm, duke ua matur besnikërinë politike me numra e jo me dinjitet.

Dhe nuk e bën këtë për bindje ideologjike apo për të përhapur një filozofi politike. Nuk e bën nga idealizmi, por nga interesi i ngushtë person. E bën për të siguruar një vend pune në shtet, një ngritje në karrierë, një tender, një emërim, një favor për veten ose për të afërmit. Pikërisht ky është degradimi më i madh: kur dinjiteti i tjetrit shitet për përfitimin tënd.

Ka profesione të rënda e të rëndomta që i shërbejnë shoqërisë dhe meritojnë respekt maksimal. Varrmihësi e ka fituar këtë respekt. Varrmihësi është njeri. Patronazhisti është qenie e pështirë.

The post I quajti “qenie të pështira”, Lutfi Dervishi: Patronazhisti fut hundët në jetën private të shqiptarëve, ua studion hallet dhe frikërat dhe i shndërron në monedhë shkëmbimi për një votë! appeared first on Albeu.com.

Në kulmin e sezonit turistik, një nga problematikat më shqetësuese në vijën bregdetare të Vlorës mbetet mungesa e vrojtuesve të plazhit.

Si në plazhet publike ashtu edhe në ato private, kullat e vrojtimit janë bosh. Në shumë raste, ato përdoren nga pushuesit thjesht si vende për t’u ulur ose për të gjetur pak hije, ndërsa personeli që duhet të garantojë sigurinë në det mungon.

Të moshuarit, të cilët frekuentojnë çdo ditë këtë plazh publik, kërkojnë që siguria të mos mbetet vetëm në tabela paralajmëruese, por të garantohet me praninë e vrojtuesve të trajnuar.

Kjo situatë përsëritet prej vitesh në vijën bregdetare të Vlorës, ndonëse legjislacioni parashikon që stacionet e plazhit të jenë të pajisura me vrojtues të certifikuar.

The post Plazhet pa vrojtues/ Pushuesit të shqetësuar në Durrës, apel prindërve: Mos i lini fëmijët vetëm appeared first on Albeu.com.

Homazhet për gazetarin Enrik Mehmeti, i cili humbi jetën tragjikisht mbrëmjen e djeshme si pasojë e një aksidenti rrugor, po zhvillohen në teatrin “Petro Marko”, në Vlorë. Mehmeti u shuan në moshën 40-vjeçare, ndërsa la pas një karrierë të gjatë në media dhe televizion. Homazhet në nderim të gazetarit do të mbahen nga ora 12:00-14:00, ndërsa përcjellja për në banesën e fundit do të bëhet në orën 14:00.

Në homazhe kanë marrë pjesë miq, të afërm, kolegë dhe kryeministri i vendit, Edi Rama. Në lidhje me këtë ngjarje ka reaguar edhe Policia e Vlorës, e cila përmes një njoftimi zyrtar bëri me dije se aksidenti ka ndodhur në zonën e Dajlanit, në bregdet dhe jashtë zonës rrugore.

Dyshohet se gazetari ka humbur kontrollin e një motomjeti me katër rrota, i cili më pas është përmbysur. Si pasojë e përmbysjes, ai ka pësuar dëmtime të rënda trupore. Në motomjet ndodhej si pasagjer edhe një 18-vjeçar, i cili ka pësuar dëmtime të lehta pa probleme për jetën. Grupi hetimor, nën drejtimin e Prokurorisë, po kryen të gjitha veprimet procedurale në vendngjarje për dokumentimin e plotë të rrethanave dhe përcaktimin e shkakut të kësaj ngjarjeje aksidentale.

The post U nda nga jeta në moshën 40-vjeçare/ Nisin homazhet në teatrin “Petro Marko” në Vlorë, në nder të gazetarit Enrik Mehmeti appeared first on Albeu.com.

Lojtarët e Argjentinës, mund të hapin mesazhe ku pretendojnë se Ishujt Falkland i përkasin atyre, nëse fitojnë Botërorin.

Ky raportim vjen nga “Sky Sport”.

Grupi i posaçëm i punës për FIFA-n në Shtëpinë e Bardhë e dha dritën jeshile. Drejtuesit i grupit, Andrju Xhuliani, beson se lojtarët argjentinas gëzojnë të drejtën të shprehin mendimin e tyre.

“Malvinas janë argjentinase”, ishte mesazhi i hapur pas eliminimit të Anglisë. Ky veprim u pa si politik dhe madje kishte mendime se FIFA do të marrë masa.

FIFA ndërkohë ka vendosur që ta gjykojë si episod pas këtij Botërori. Më parë ndërkohë janë parë edhe pezullime me raste të ngjashme.

The post FIFA jep dritën jeshile për Argjentinën? Ndizet finalja me propozimin e fundit që thyen rregullat appeared first on Albeu.com.

Edhe pse kanë mbetur rreth dy muaj nga nisja e sezonit të ri të vjeljes së ullirit, shumë fermerë në qarkun e Fierit ende nuk kanë arritur të shesin vajin e ullirit të prodhuar vitin e kaluar.

Hasan Hasani, fermer 82-vjeçar nga Frakulla, prej shtatë vitesh kultivon rreth 600 rrënjë ullinj të certifikuar për prodhim bio. Pavarësisht cilësisë së lartë të produktit, ai thotë se nuk gjen treg për vajin që prodhon.

Në mungesë të pikave të grumbullimit në zonë, fermerët detyrohen ta shesin vajin jashtë vendit, duke paguar rreth 1 euro për litër vetëm për transportin. Sipas tyre, në këtë mënyrë tregtimi nuk pajisen as me faturë tatimore.

Edhe përpunuesit e vajit të ullirit konfirmojnë vështirësitë që po kalon sektori. Sipas Viktor Pajës, shumë fermerë në zonën e Mallakastrës kanë lënë ullishtet pa kujdesin e duhur dhe rrezikojnë të mos e vjelin prodhimin këtë vit, pasi ende nuk kanë shitur vajin e sezonit të kaluar.

Një nga arsyet kryesore është konkurrenca e vajit të importit, i cili, megjithëse shpesh me cilësi më të ulët, shitet me çmime që e bëjnë të vështirë konkurrimin e prodhimit vendas.

Fermerët kërkojnë që shteti të ndërhyjë si rregullator i tregut, duke mbështetur prodhimin vendas dhe duke krijuar mekanizma më efektivë për shitjen e vajit të ullirit.

Sipas të dhënave të databazës së Kombeve të Bashkuara për tregtinë ndërkombëtare, Shqipëria importoi gjatë vitit 2024 rreth 721.5 ton vaj ulliri, një sasi që, sipas prodhuesve vendas, ka ndikuar drejtpërdrejt në vështirësitë e tyre për të gjetur treg.

The post Treg i huaj për vajin e ullirit/ Fermerët ankohen se nuk kanë shitur ende atë të vitit të kaluar, detyrohen ta shesin jashtë appeared first on Albeu.com.

Ylli i futbollit Lionel Mesi, pritet të luajë sot ndeshjen e fundit me Argjentinën në një Botëror. Ëndrra është për të fituar për herë të dytë, pikërisht trofeun më të rëndësishëm të futbollit.

Disa orë para ndeshjes me Spanjën, Mesi ka shkruar një letër motivuese. Argjentinasi duket mjaft i karikuar duke larguar edhe presionin nga skuadra.

“Pjesa më e bukur e gjithë këtyre viteve nuk kanë qenë vetëm trofetë, por i gjithë rrugëtimi. Të ndaja çdo ditë me këtë grup, të konkurronim së bashku, të ngriheshim në momentet e vështira dhe të shijonim çdo hap të këtij rrugëtimi.

Faleminderit secilit prej shokëve të mi të skuadrës, stafit teknik dhe të gjithë njerëzve që punojnë çdo ditë që kjo lombëtare të vazhdojë të jetë një familje.

Çfarëdo që të ndodhë nesër(sot), ky grup tashmë ka shkruar një histori që nuk do ta harrojmë kurrë dhe që askush nuk do të mund ta fshijë. Forca Argjentina”, shkruan Mesi. /Panorama Sport

The post Ndeshja e fundit, Lionel Mesi prek me fjalët për Argjentinën para finales: Askush nuk mund ta fshijë! appeared first on Albeu.com.

Një person ka mbetur i plagosur aksidentalisht me armë gjahu në fshatin Vajkal të Bulqizës, pas një incidenti të ndodhur gjatë orëve të natës.

Ngjarja është regjistruar rreth orës 23:00 në një zonë bujqësore të fshatit. Sipas të dhënave paraprake, personi që kishte dalë me armë gjahu tip “çifte” ka menduar se në tokën e mbjellë ndodheshin kafshë të egra që po dëmtonin prodhimet bujqësore.

Gjatë të shtënave, ai ka kuptuar se nuk kishte pasur përballë një kafshë, por një person, i cili kishte mbetur i plagosur si pasojë e goditjes.

I dëmtuari është dërguar menjëherë në Spitalin e Bulqizës, ku ka marrë ndihmën e parë mjekësore. Burime nga bluzat e bardha bëjnë me dije se gjendja e tij është e qëndrueshme dhe jashtë rrezikut për jetën.

The post Bulqizë/ E ngatërroi me kafshë të egër, të shtënat me çifte lënë të plagosur një banor appeared first on Albeu.com.

Një javë pas vrasjes së Edmond Sulës në Bërxullë, autori i dyshuar i atentatit vijon të mbetet i paidentifikuar. Mënyra e ekzekutimit dhe kujdesi i treguar gjatë ngjarjes e kanë bërë më të vështirë identifikimin e personit që qëlloi ndaj 50-vjeçarit.

Hetuesit e Policisë së Tiranës po vijojnë verifikimin e disa pistave, ndërsa deri tani asnjëra prej tyre nuk ka sjellë një rezultat konkret për zbardhjen e ngjarjes.

E shkuara e Edmond Sulës, i njohur edhe si Ali Sula, dhe konfliktet e mëparshme e kanë zgjeruar rrethin e hetimit. Autoritetet po analizojnë marrëdhëniet e tij personale, aktivitetet ekonomike dhe përplasjet e mundshme që mund të kenë çuar në atentat.

Për këtë arsye, autoritetet shqiptare pritet t’u drejtohen zyrtarisht homologëve në Maqedoninë e Veriut, për të marrë më shumë informacion mbi aktivitetin dhe marrëdhëniet e Sulës në këtë kompani.

Paralelisht, hetuesit po shqyrtojnë edhe pista të tjera që lidhen me konfliktet në komunitet, dyshimet për dhënie parash me fajde, si dhe përplasjet e mundshme nga aktiviteti në fushën e pronave.

Puna për identifikimin e autorit dhe zbardhjen e motivit të vrasjes vijon, ndërsa grupi hetimor po mbledh dhe analizon çdo element që mund të çojë në zbardhjen e atentatit në Bërxullë.

The post Një javë pas vr*sjes së Edmond Sulës në Bërxullë/ Policia verifikon pista të reja: Sula, bashkëaksioner në një kompani në Maqedoninë e Veriut appeared first on Albeu.com.

Sekretari i Shtetit i SHBA-së, Marco Rubio, u bëri thirrje të shtunën autoriteteve kubane të lirojnë 700 të burgosur që ai i përshkroi si politikë, pas mbërritjes në Shtetet e Bashkuara të artistit disident kubanez Luis Manuel Otero Alcantara.

Mediat shkruajnë se ai vuajti një dënim me pesë vjet burg në vend nën regjimin e qeverisë komuniste.

“Ne bëjmë thirrje për lirimin e menjëhershëm të më shumë se 700 të burgosurve politikë të burgosur padrejtësisht nga regjimi. Bashkësia ndërkombëtare duhet të ndalojë së mbylluri sytë ndaj shkeljeve të të drejtave të njeriut të kryera nga regjimi kubanez dhe të bashkohet me ne në kërkimin e fundit të represionit kundër tyre”, tha shefi i Departamentit të Shtetit në një njoftim për shtyp të lëshuar nga shërbimet e tij.

The post Rubio kërkon që Kuba të lirojë 700 të burgosur që ai i quan politikë: Regjimi kubanez po shkel të drejtat e njeriut! appeared first on Albeu.com.

Një zjarr i madh pyjor ka rënë në Parkun Kombëtar Muritz, në verilindje të Gjermanisë dhe është përhapur në rreth 400 hektarë tokë. Ai ka vazhduar të djegë një ish-polin stërvitjeje ushtarake, ndërsa qindra personel emergjence janë vendosur për të luftuar flakët, me helikopterë të Bundeswehr që ofrojnë mbështetje ajrore.

Situata është komplikuar nga municionet e pashpërthyera dhe mbetjet e tjera të municioneve në ish-polingun e stërvitjes.

Zyrtarët thanë se municione të kalibrit të madh mbeten në zonë, ndërsa granata antitank janë gjetur edhe më parë në vend.

🇩🇪 Im Müritz-Nationalpark in Mecklenburg-Vorpommern brennt ein ehemaliges Truppenübungsgelände auf einer Fläche von 269 Hektar. Rund 375 Einsatzkräfte versuchen das Feuer von außen einzudämmen. Wegen alter Munition im Boden können die Brandbekämpfer nicht direkt an die Flammen… pic.twitter.com/TNnaodabDB

— Nachrichten (@NewsFokus) July 16, 2026

Mediat shkruajnë se nxehtësia nga zjarri ka shkaktuar shpërthime, duke i penguar zjarrfikësit të afrohen te burimi i flakëve. Ekipet po punojnë nga një distancë e sigurt duke përdorur sisteme të specializuara spërkatësish dhe barriera mbrojtëse.

Till Bachhaus, ministri i mjedisit i Mecklenburg-Pomeranisë Perëndimore, tha se shërbimi i zjarrfikësve ishte i bindur se mund ta kontrollonte situatën, që do të thotë se nuk ishte shpallur gjendje e jashtëzakonshme.

Shkaku i zjarrit mbetet i panjohur, ndërsa operacionet e shuarjes së zjarrit pritet të vazhdojnë për disa ditë të tjera. Banorët dhe turistët janë këshilluar të qëndrojnë larg zonës së rrezikshme dhe të shmangin shtigjet e afërta për çiklizëm dhe ecje në natyrë.

The post VIDEO/ Bie zjarr në një park kombëtar në Gjermani, përfshihen rreth 400 hektarë tokë appeared first on Albeu.com.

Kylian Mbape, zhvilloi një Botëror të jashtëzakonshëm, duke shënuar plot 10 gola, rekordi më i mirë në një edicion të Kupës së Botës në shekullin XXI.

Vetëm legjenda gjermane Gerd Myler, ka realizuar 10 gola në një Botëror të vetëm, në vitin 1970.

Ndërkohë, Xhud Bellingham, ka hyrë në historinë e futbollit anglez me shtatë gola, duke vendosur rekordin absolut për më shumë gola nga një futbollist i Anglisë në një edicion të Kupës së Botës ose Kampionatit Evropian.

The post Mbape dhe Bellingham shkruajnë historinë në Botërorin 2026 appeared first on Albeu.com.

Gazetari i News24, Enrik Mehmeti, u shua në moshën 40-vjeçare në një aksident tragjik me motor në plazhin e Porto-Novës në Vlorë. Homazhet në nderim të Enrikut do të mbahen nga ora 12:00-14:00, në teatrin “Petro Marko” në Vlorë.

Ndërsa përcjellja e gazetarit për në banesën e fundit do të bëhet në orën 14:00.

Pasioni për gazetarinë që fëmijë, rrugëtimi i Enrik Mehmetit në 20 vite karrierë!

I apasionuar pas Lajmit të Fundit, por u bë lajmi më i pabesueshëm dhe më i trishtë për këdo që pati fatin ta njohë, të bisedojë dhe të punojë me të, Enrik Mehmeti la pas një karrierë të gjatë e të begatë në median e shkruar e vizive.

Ai iu bashkua Neës24 që në ditët e para të themelimit të televizionit, duke raportuar me përkushtim dhe profesionalizëm për ngjarjet e ndodhura në qytetin e Vlorës, nga kronika e zezë, operacionet e bujshme policore, problematikat sociale, turizmi etj., duke lënë pas një humbje të madhe për familjen mediatike Focus Media Group.

Me guxim të jashtëzakonshëm që kur ishte fëmijë, në plumbat që vërshëllenin pranë tij në vitin famëkeq 1997, Enrik Mehmeti asokohe vetëm 11-vjeç iu bashkua kampit misionar “Alba” si përkthyes, duke u bërë kështu zëri i të pamundurve.

Në guximin e fëmijës, të burrëruar ende pa u rritur, Enrik Mehmeti siç ka deklaruar më parë, kuptoi se gazetaria ishte misioni i tij i jetës, duke rendur jo thjesht në kërkim të lajmit, por lajmi ndodhte atje ku ai ishte, në kohë reale.

Me vendosmërinë si forcë të karakterit të tij dhe fjalën si mjetin më të fuqishëm të gazetarit, ai iu bashkua si korrespondent edhe televizionit “Rai” në Itali, duke transmetuar drejtpërdrejt ngjarje nga Shqipëria.

Largimi i parakohshëm nga jeta, është një humbje e madhe për komunitetin e gazetarëve, humbje për Vlorën e vlonjatët, për të cilët u bë zëri i munguar dhe imazhi që i përfaqësonte!

The post Humbi jetën tragjikisht në aksident, homazhet për gazetarin Enrik Mehmeti mbahen në Teatrin “Petro Marko” në Vlorë appeared first on Albeu.com.

Ditën e sotme, vendi ynë do të mbetet nën ndikimin e masave ajrore të qëndrueshme dhe të nxehta. Moti parashikohet i kthjellët ndërsa vranësirat të pakta kalimtare në zonën e Lindjes-Juglindjes kryesisht në male.

Era parashikohet të fryjë me drejtim nga kuadrati i perëndimit, me shpejtësi mesatare 7 m/s. Valëzim në det të forcës 1-2 ballë.

The post Njihuni me parashikimin e motit për ditën e sotme, 19 Korrik 2026 appeared first on Albeu.com.

Kristjan Asllani, do të udhëtojë me Interin për fazën përgatitore në Gjermani. “La Gazzetta dello Sport” konfirmon se pavarësisht kësaj, do të largohet në momentin kur të mbërrijë oferta e duhur.

Deri tani asgjë nuk ka kënaqur Interin. Ndaj dhe Asllani do të stërvitet me pjesën tjetër të skuadrës në pritje të zhvillimeve të reja.

Fakt është se Interi tashmë është i gatshëm për ta lënë të lirë Asllanin për një shifër rreth 10 milionë euro. Ka pasur interes nga klubet në Itali, ndërsa nuk përjashtohet mundësia e huazimit me opsionin e blerjes së kartonit.

Asllani nuk qëndroi nën urdhrat e trajnerit Kivu gjatë edicionit të kaluar. Fillimisht kontribuoi te Torino dhe më pas te Beshiktashi.

The post Kristjan Asllani përfundon në Gjermani, zbulohet plani i Interit për liderin e Kombëtares appeared first on Albeu.com.

Një foto e publikuar në rrjetet sociale ka tërhequr vëmendjen e ndjekësve, shoqëruar me një mesazh emocional për takimet që mbeten të rëndësishme edhe kur një histori ka përfunduar.

“Ka takime që nuk ndryshojnë të shkuarën, por i japin paqe zemrës”, shkruhet në imazhin ku shfaqen dy persona duke pozuar së bashku në një ambient të qetë.

Postimi ka nxitur reagime të shumta, me shumë ndjekës që e kanë interpretuar si një reflektim mbi marrëdhëniet, kujtimet dhe rëndësinë e momenteve që sjellin qetësi emocionale.

Mesazhi është shpërndarë gjerësisht në rrjet, duke u kthyer në një temë diskutimi për mënyrën se si njerëzit përballen me të kaluarën dhe lidhjet e rëndësishme në jetën e tyre.

The post Stresi dhe Kejsi bëhen bashkë, ja dedikimi i reperit: Ka takime që i japin paqe zemrës (FOTO) appeared first on Albeu.com.

Andy Burnham, pritet të jetë kryeministri i ri i Mbretërisë së Bashkuar, pasi të marrë drejtimin e Partisë Laburiste dhe Keir Starmer të dorëzojë zyrtarisht dorëheqjen te Mbreti Charles III.

Burnham, ish-kryebashkiak i Mançesterit të Madh, është kandidati i vetëm për kreun e laburistëve, pasi ka siguruar mbështetjen e shumicës së deputetëve të partisë.

Zgjedhja e tij pritet të miratohet në një konferencë të posaçme të Partisë Laburiste në Londër.

Në fjalimin e tij të parë si lider i partisë, Burnham pritet të vendosë në fokus prioritetet e tij politike, përfshirë rritjen ekonomike, transferimin e kompetencave drejt pushtetit vendor, forcimin e shërbimeve publike dhe reformimin e kujdesit social.

Ai pritet të premtojë një qeveri “qartësisht laburiste”, duke deklaruar se do të përballet me çështjet e mëdha që, sipas tij, janë lënë pas dore nga politika britanike.

Kalimi i pushtetit do të bëhet pa zgjedhje të reja parlamentare, pasi sistemi parlamentar britanik lejon zëvendësimin e liderit të partisë në pushtet dhe të kryeministrit, për sa kohë që partia ruan shumicën në Dhomën e Komunave.

Të hënën, Keir Starmer do të paraqesë dorëheqjen e tij te Mbreti Charles III në Pallatin Buckingham. Më pas, monarku pritet t’i japë mandatin Andy Burnham për krijimin e qeverisë së re, duke e emëruar atë zyrtarisht kryeministër të Mbretërisë së Bashkuar.

The post Pas dorëheqjes së Keir Starmer, Andy Burnham drejt postit të kryeministrit britanik appeared first on Albeu.com.