Për herë të parë në vendin tonë janë dhënë katër çmime për agro-gazetari, dy për video artikuj dhe dy të tjerë për artikuj të shkruar.

Çmimin e parë në kategorinë për artikull të shkruar e fitoi Nadije Ahmeti me shkrimin “Perimet vendore shkojnë jashtë, tregu mbushet me import” kurse çmimin e parë për video storje e fitoi Ibrahim Berisha dhe Erza Elezaj me video-storjen me titull “Në 4 ari tokë, Shqipja rindërtoi jetën e saj”. Të dyja këto janë publikuar në Radio Evropa e Lirë.

Me çmimin e dytë për artikull të shkruar u vlerësua Bubulina Peni dhe Donjeta Rexhbogaj me artikullin, “Nën qiellin që ndryshon, gratë bartin mbi supe ndryshimet klimatike në bujqësi”, publikuar në Telegrafi.com

Në kategorinë për video storje, çmimin e dytë shkoi për gazetaren e Kimete Hoti me artikullin “La Zvicrën dhe gjen lumturinë mes bagëtive në Kosovë: Mbi 1 mijë litra qumësht në ditë” të botuar në Insajderi.

Gazetarët, storjet e të cilëve u vlerësuan në këtë event, e vlerësuan këtë iniciativë si nismë që do të ndikojë në rritjen e vullnetit të tyre, por edhe cilësisë së raportimeve.

Erëza Elzaj, bashkë-autore e video-artikullit fitues të vendit të parë, tha se storjet për gratë në bujqësi prapa vetës fshehin rrëfime shumë emocionale.

“Gratë në vendin tonë, por sidomos në zonat rurale përballen me vështirësi të mëdha, me mungesë të integrimit”, tha ajo pas pranimit të çmimit.

Veton Rruka, Menaxheri i Projektit nga Caritas-i Zviceran në Kosovë, theksoi se media luan rol të rëndësishëm në informim të publikut e me këtë rast edhe për informim në bujqësi.”

Kurse Sefedin Haxhia, Menaxher i Komunikimit në Caritas-in Zviceran, ndër të tjera tha se synimi është i iniciaitvës Agro-Media është të jetë garë e përvitshme dhe që të rris nxisë gazetarët për më shumë raportime e storje – si në sasi ashtu edhe në cilësi – në temat e bujqësisë e zhvillimit rural. Ai dha detaje edhe detaje më të shumta rreth projekti Agro-Media Partnership, brenda të cilit u organizua edhe kjo garë gazetareske.

Thirrja për këtë kompeticion ishte aktive nga 1 korriku – 10 gusht, teksa janë pranuar aplikuar 21 artikuj.

Kjo garë u organizua në kuadër të projektit EREA, i cili implementohet nga Caritas-i Zviceran dhe financohet nga Bashkëpunimi Austriak për Zhvillim.

The post Caritas-i Zviceran në Kosovë ndan katër çmime për agro-gazetari appeared first on Telegrafi.

Asociacioni i Gazetarëve të Shqipërisë (AGSH) ka reaguar pas kërcënimeve të bëra ndaj gazetarit Almer Toska, pas publikimit të një shkrimi investigativ në portalin Timoni.al, ku në qendër ishte biznesmeni Julian Morina. Në deklaratën e saj, AGSH e cilëson ngjarjen si një akt tipik frikësimi ndaj medias, i cili nuk duhet të tolerohet në një […]

The post Kërcënimi i gazetarit nga biznesmeni Lul Morina, AGSH: Akt që nuk duhet të tolerohet appeared first on BoldNews.al.

Gazetari Eni Ferhati ka komentuar heshtjen e Këshillit të Lartë Gjyqësor për sulmet e kryeministrit Edi Rama ndaj gjyqëtarëve. Në një prononcim, Ferhati tha se KLGJ vepron me standarde të dyfishta, pasi reagon për deklaratat e Berishës dhe Metës dhe hesht për Ramën. Po ashtu Ferhati theksoi se KLGJ mund të ketë frikë. “Kam parë […]

The post “Reagon për opozitën dhe hesht për Ramën”/ Gazetari Ferhati: KLGJ me dy standarde! Ndoshta kanë frikë appeared first on BoldNews.al.

TIRANË, 24 gusht /ATSH/ Ditën e nesërme, në 25 gusht do të mbahen homazhet në nder të gazetarit dhe publicistit të njohur, Artur Zheji.

Homazhet do mbahen nga ora 10:00 deri në 12:00 në ambientet e Universitetit të Arteve të Bukura.

Gazetari, analisti dhe ish-drejtori i përgjithshëm i ATSH-së, Artur Zheji u nda dje nga jeta në moshën 64-vjeçare. Ai ndërroi jetë në qytetin e Sarandës, ku ndodhej për pushime së bashku me familjen.

Zheji njihej si një nga figurat e spikatura në gazetari dhe publicistikë.

Me një karrierë të gjatë në media, Zheji u bë një nga zërat dhe penat më të spikatur të gazetarisë dhe debatit publik në Shqipëri. Ai ka shërbyer në funksione drejtuese në disa media, në Radio Televizionin Shqiptar dhe Agjencinë Telegrafike Shqiptare (ATSH).

Për vite me radhë, Zheji do të jepte kontributin e tij si analist, drejtues emisioni, por edhe si editorialist dhe komentues politik, duke lënë gjurmë në mendimin mediatik shqiptar.

I lindur më 29 gusht 1961, Artur Zheji ishte i biri i euriditit të njohur shqiptar Petro Zhejit dhe aktores së njohur shqiptare Besa Imamit.

Zheji u diplomua për regjisor në Institutin e Lartë të Arteve, ku spikati dhe la gjurmën e tij në dramaturgjinë shqiptare. Në skenën e Teatrit Kombëtar, u vendos në skenë drama e tij “Raimonda”, përgjatë kohës së diplomimit.

Pas diplomimit, Zheji u zhvendos në Itali ku qëndroi për rreth 10 vite. Aty, ai punoi në “Radio Radicale” si specialist i çështjeve të Evropës dhe Ballkanit, përgjatë kohës së luftës së Kosovës, duke u bërë kështu dhe një zë i rëndësishëm i shqiptarëve në arenën ndërkombëtare.

Që prej vitit 2017, ai ishte drejtues i emisionit politik dhe analitik 360 Gradë.

Humbja e tij e papritur ka tronditur jo vetëm familjen, por edhe kolegët dhe opinionin publik, të cilët e shihnin si një figurë me integritet dhe profesionalizëm të lartë. Vdekja e tij është një humbje e madhe për gazetarinë, analizën politike dhe median shqiptare në përgjithësi.

/e.i/j.p/

The post Ndarja nga jeta e Artur Zhejit, homazhet nesër në Universitetin e Arteve të Bukura appeared first on Agjencia Telegrafike Shqiptare.

Një lajm i trishtë ka ardhur nga bota e medias, teksa gazetari dhe publicisti Artur Zheji është ndarë nga jeta këtë të shtunë. Mediat shkruajnë se Zheji ka ndërruar jetë teksa ishte me pushime në qytetin e Sarandës. U raportua se Artur Zheji ishte duke drekuar me bashkëshorten dhe djalin në një restorant në rrugën […]

The post E trishtë/ Ndahet nga jeta gazetari Artur Zheji appeared first on BoldNews.al.

Gazetari Osman Stafa ka denoncuar sot situatën kritike në Shërbimin e Kimioterapisë të Spitalit Onkologjik, ku vetëm 5 infermierë shërbejnë për rreth 90-100 pacientë në ditë.

Në një postim në facebook, ai shkruan se infermierët përballen me punë të rëndë dhe rreziqe serioze, pasi pacientët që marrin kimioterapi duhet monitorim të vazhdueshëm për efektet anësore, ndërhyrje të menjëhershme në rast komplikacionesh dhe kujdes të veçantë në përgatitjen dhe administrimin e medikamenteve.

Stafa: Shërbimi i Kimioterapisë, në Spitalin Onkologjik ka 7 infermerë. 2 punojnë në Kabë (vendi ku shkrihen kimioterapitë në Farmacinë Qëndrore), dhe 5 punojnë me njerëzit që bëjnë kimio.

Aktualisht në Kimioterapi, punojnë vetëm 5 infermierë, sepse 2 janë me pushime, dhe numri i atyre që bëjnë kimio në ditë janë rreth 90-100 pacientë.

A e imagjinoni sesi mund t’ia bëjnë 3, apo edhe 5 infermiere t’u shërbejnë rreth 90-100 pacientëve në ditë. S’po bëjnë gjilpëra dhe po ikin. Rrinë aty me orë të tëra, mund të kenë komplikacione, mund të mos ndihen mirë.

Është çmenduri, pasi bëhet fjalë për infermierë, që ka pafund që duan të hyjnë në punë, dhe nuk i fusin. Pse nuk i punësojnë?

Kur pacientët marrin kimioterapi: Duhet monitorim i vazhdueshëm për efektet anësore të menjëhershme (të fikët, aritmi, vështirësi në frymëmarrje, reaksione alergjike të rënda).

Duhet kujdes i posaçëm në përgatitjen dhe administrimin e medikamenteve, sepse një dozë e gabuar ose një infuzion i pa kontrolluar mund të jetë fatal.

Duhet asistencë për çdo komplikacion që mund të ndodhë gjatë infuzionit, sepse çdo sekondë vonesë kushton jetën. Ne po mbajmë një Gjermani të tërë me infermierë, s’mbajmë dot Spitalin Onkologjik

The post Denoncimi i gazetarit: Kimioterapia në Spitalin Onkologjik pa infermierë appeared first on Albeu.com.

Gazetari i Radios Evropa e Lirë, Vladyslav Yesypenko, ka treguar për herë të parë rreth torturave që i ka përjetuar pasi është arrestuar në Krimenë e pushtuar nga Rusia më 2021.

Duke folur për Shërbimin ukrainas të Radios Evropa e Lirë, në intervistën e tij të parë prej kur është liruar nga burgu rus në qershor, Yesypenko ka treguar se si rrahjet dhe elektroshoku janë përdorur për ta detyruar që të bëjë një deklaratë para gjykatës, të cilën më vonë e ka tërhequr.

“Fillimisht të rrahin, pastaj e përdorin elektroshokun, më vonë të rrahin prapë, dhe sërish e përdorin elektroshokun. Dhe përderisa vazhdon kjo situatë, ata të bëjnë pyetje”, ka thënë ai.

“U kam thënë, djem ndaluni dhe do të nënshkruaj çfarë të ketë nevojë. Nëse më thoni që e kam vrarë [ish-presidentin amerikan] Kennedy, mirë, do të them se e kam vrarë. Por, ju lutem ndaleni torturën”.

Yesypenko ka shtetësi ruse dhe ukrainase, dhe ka punuar si kontribuues në një program të Radios Evropa e Lirë për Krimenë. Ai është liruar nga burgu pas më shumë se katër vjetësh prej kur ishte ndaluar nën dyshimet për mbledhje të informacioneve për inteligjencën ukrainase, akuzë të cilën e ka mohuar.

Përgjatë intervistës, Yesypenko e ka kujtuar momentin e arrestimit të tij më 10 mars 2021. Ai ka thënë se është ndaluar nga një polic trafiku sa ka qenë duke vozitur me një mik në Krime. Mirëpo, thuajse menjëherë, agjentët e Shërbimit rus të Sigurisë, janë shfaqur afër dhe e kanë rrëzuar në tokë.

Shërbimi rus i Sigurisë (FSB) e ka publikuar një video të një granate afër ulëses së shoferit në makinën e Yesypenkos. Ai thotë se ata ia kanë montuar granatën aty dhe që ajo është përdorur si prova kryesore kundër tij në gjykatë.

Disa muaj më vonë, Yesypenko është akuzuar për “posedim apo transportim të lëndëve shpërthyese”, ndonëse prokurorët më vonë e kanë pranuar se granata e “gjetur’ në makinën e tij nuk i ka pasur shenjat e tij të gishtërinjve.

Yesypenko ka thënë se pas arrestimit atij i janë mbyllur sytë, i janë lidhur duart dhe është dërguar në një bodrum. Aty ka nisur tortura kundër tij.

“E kam kuptuar që nuk isha hero në atë pikë. Thjesht doja të jetoja. Doja që ajo të përfundonte sa më shpejt që ishte e mundur. Kaq”, ka thënë ai.

“Në atë moment nuk kishte rëndësi çfarë nënshkruaja. E kuptova që në atë moment më duhej të mbijetoja”.

“Ata të kërkojnë në çdo vend”

Një apo dy ditë më vonë, Yesypenkon e ka vizituar një avokate e angazhuar nga Rusia, Violetta Sinyeglazova, e cila është siguruar që ai do t’i nënshkruajë deklaratat e rreme që i ishin përgatitur.

“Ajo më ka thënë që nëse i nënshkruaj dokumentet, gjykata do ta shohë veprimin si rrethanë lehtësuese kur të marrë vendimin”, kujton ai.

Shtatë ditë më vonë, ai e parë që në dhomën e gjyqit nuk i janë afruar shumë zyrtarë të FSB-së dhe ka arritur të flasë me një avokate që ka qenë aty për të ndalurit tjerë.

“Ajo më ka thënë ‘pra, ju jeni Yesypenko. Ata po të kërkojnë në çdo vend – gruaja dhe avokatët. Shumë mirë që jeni shfaqur’”.

Ditën pasuese, një avokat i pavarur ka arritur dhe Yesypenko e ka nënshkruar një deklaratë duke thënë se braktisë avokaten Sinyeglazova për shkak të ekipit të ri ligjor.

Më 18 mars, tetë ditë pas arrestimit të tij, Yesypenko e ka dhënë një intervistë për televizionin shtetëror Crimea-24. Ai ka thënë se ajo ka qenë njëra prej kushteve për t’u rrëfyer publikisht sa ka qenë nën presion.

Shërbimi rus i Sigurisë ia ka dhënë një letër për ta lexuar, të cilën ai e ka përsëritur përgjatë intervistës. Në letër është thënë kinse ai e ka pasur granatën në makinë.

“Ata kanë dashur ta komprometojnë Radion Evropa e Lirë. Ata kanë dashur t’i tregojnë botës se njerëzit që punojnë për Radion Evropa e Lirë janë edhe spiunë”, ka thënë ai.

Kërcimi “përtej humnerës”

Gjyqi ishte planifikuar të niste më 6 prill. Mirëpo, Yesypenko ka thënë se disa ditë më parë i ka ardhur në vizitë një zyrtar i FSB-së, i quajtur Korovin, i cili i ka ofruar cigare dhe ka tentuar të mësojë më shumë nëse Yesypenko do të vepronte sipas skriptës.

Korovin ka thënë se gruaja e Yesypenkos dhe avokatë tjerë do të ishin në dhomën e gjyqit, por që ai duhet të punonte vetëm me Sinyeglazova. Yesypenko është pajtuar, mirëpo ai ka gënjyer.

“Aty e kuptova që jam duke bërë kërcim përtej humnerës. Kurrë nuk i dihet a keni sukses apo jo” ka thënë ai.

“Secilën herë që i bëja ato deklarata ndihesha keq. Ndihesha se po tradhtoj gjithçka që më përket mua”.

Mirëpo, në gjykatë ka vendosur të rrezikojë. Duke hequr dorë nga fjalimi i skriptës, ai ka treguar se është torturuar, se që gjithçka që i ka ndodhur ka qenë ilegale dhe që do të kalojë në ekip të pavarur të mbrojtjes.

“Ka qenë diçka tronditëse për gjyqtarët dhe ka qenë tronditëse për prokurorët, sepse gjyqi ishte planifikuar të shkonte ndryshe”, ka thënë ai.

Disa ditë më vonë, Departamenti amerikan i Shtetit ka kërkuar lirimin e Yesypenkos dhe u është bashkuar shqetësimeve të ngritura nga grupet për të drejta të njeriut lidhur me trajtimin e tij.

Mirëpo, ai nuk është liruar. Për shumë muaj të tjerë, seancat gjyqësore kanë vazhduar dhe Yesypenko ka thënë se i është bërë presion për të bashkëpunuar, dhe është kërcënuar me torturë shtesë.

Në shkurt të vitit 2022, një gjykatë në Krime, e administruar nga Rusia, e ka dënuar atë me gjashtë vjet burgim nën akuzat për spiunim, të cilat ai, punëdhënësi i tij dhe grupet për të drejta të njeriut i kanë cilësuar si të fabrikuara.

Gjykata Supreme në Krime, e kontrolluar nga Moska, ia ka zvogëluar më vonë dënimin në pesë vjet.

Pak pas lirimit të tij më 20 qershor, ai është nisur me aeroplan për në Jerevan të Armenisë.

“Ka qenë moment shumë emocional. E kam kuptuar se jam i lirë dhe gjithçka ka përfunduar. Ka qenë sikur të lindja sërish”, ka thënë ai.

Prej Armenisë, ai ka udhëtuar në Pragë, ku është takuar me familjen dhe më pas është kthyer në Ukrainë.

“Kur kemi hyrë në stacionin hekurudhor në Kiev, e kam parë qytetin, zhurmën dhe rrëmujën. Aty e kam kuptuar se jam kthyer në shtëpi”./ REL

Nga Gary O’Donoghue, BBC

Donald Trump e ka zakon të telefonojë gazetarët pa paralajmërim. Presidenti amerikan duket se preferon një bisedë të improvizuar në telefon sesa një intervistë të ulur përpara kamerave.

Të hënën në mbrëmje, më erdhi radha mua. Dhe për t’ju thënë të drejtën, isha në gjumë kur më telefonoi Shtëpia e Bardhë.

Kisha kaluar pjesën më të madhe të pesë ditëve duke besuar se ekzistonte një mundësi e vogël që të realizoja një intervistë me të, për të shënuar një vit nga atentati ndaj tij në Butler, Pennsylvania.

Raportimi im për atë ngjarje kishte bërë bujë në mbarë botën dhe ndoshta kishte tërhequr vëmendjen e presidentit. Kështu që gjykova se ndoshta ajo lidhje mund të ishte çelësi për të siguruar një intervistë presidenciale, gjëra mjaft të rralla për mediat e huaja të lajmeve në SHBA.

Të dielën në mbrëmje më thanë se isha vetëm minuta larg nga telefonata, kështu që unë dhe ekipi im ishim gati për të regjistruar, por ajo nuk erdhi. Të hënën në mbrëmje, kisha hequr dorë nga ideja se intervista do të ndodhte. Pas disa javësh rraskapitëse në terren pa pushim, po flija. Dhe pikërisht atëherë ra telefoni.

Iu përgjigja gjysmë në gjumë, dhe dëgjova zërin e Sekretares për Shtyp, Karoline Leavitt:

“Përshëndetje Gary, jam këtu me presidentin, po ta kaloj.”

U hodha në dhomën e ndenjjes, duke kërkuar me ngut regjistruesin digjital; linja ra dhe mendova se e humba. Por ata u kthyen dhe kaluam pothuajse 20 minuta duke folur për gjithçka – nga ajo natë e kobshme në Butler, tek frustrimet e tij me Vladimir Putin, ndryshimi i qëndrimit ndaj NATO-s dhe mendimet për Mbretërinë e Bashkuar.

Ja pesë pikat kryesore nga ajo bisedë e papritur:

1. Trump shfaq një anë ndryshe

Ishte reflektues në disa raste dhe tregoi ndjeshmëri kur foli për tentativën për vrasje – është e dukshme që nuk ndihet rehat duke diskutuar për atë ngjarje.

Për një president që shpesh njihet për mënyrën spontane të të folurit dhe që adhurohet për këtë nga mbështetësit e tij, pati disa pauza të gjata dhe reflektime që rrallë i sheh prej tij.

Kur e pyeta nëse ajo ngjarje e kishte ndryshuar, u shpreh me një ndjeshmëri të rrallë:

“Nuk më pëlqen të qëndroj i zhytur në mendime për atë ngjarje, sepse nëse e bëj, do të ishte, e di, mund të ndryshojë jetën… dhe unë nuk dua që të jetë kështu.”

Pastaj shtoi se beson te “fuqia e të menduarit pozitiv, apo fuqia e mosmendimit pozitiv”.

Kur e pyeta nëse i beson presidentit rus Vladimir Putin, pasoi një pauzë shumë e gjatë. Më në fund tha:
“Nuk i besoj pothuajse askujt, të them të drejtën.”

2. Pa angazhim për shifra konkrete të deportimeve

Kalova në politikën e brendshme amerikane dhe e pyeta nëse plani i tij për deportime masive po funksionon – si në shpejtësi, ashtu edhe për faktin që ndonjëherë përfshihen edhe persona që ai ndoshta nuk do të donte të deportoheshin.

Presidenti këmbënguli se ekipi i tij po bën një “punë të shkëlqyer” në realizimin e premtimeve elektorale, duke përmendur një ulje drastike të numrit të emigrantëve që kalojnë nga Meksika.

Disa anëtarë të stafit të tij janë shprehur të zhgënjyer nga ritmi i ngadaltë i deportimeve. Kur e shtyva të tregonte një shifër që do ta konsideronte sukses gjatë këtij mandati të dytë, Trump nuk pranoi të jepte numra.

“Nuk i vendos një shifër, por dua që kriminelët të dalin jashtë shpejt, dhe po e bëjmë këtë, siç e di,”- tha ai. “Po i çojmë në El Salvador, e shumë vende të tjera.”

3. Më shumë frustrim ndaj Putinit

Trump shprehu hapur zhgënjimin e tij ndaj presidentit rus Vladimir Putin, duke e përmbyllur një ditë ku kishte kërcënuar me sanksione të dyta ekonomike ndaj Moskës nëse nuk arrihej një marrëveshje për Ukrainën brenda 50 ditëve.

Pasi kishte premtuar gjatë fushatës se do t’i jepte fund shpejt luftës, Trump dukej i habitur që ende nuk kishte arritur një marrëveshje me Putinin.

“Mendova se kishim bërë marrëveshje katër herë dhe pastaj kthehesh në shtëpi, dhe sheh që sapo kanë sulmuar një azil pleqsh apo diçka në Kiev. Thashë: ‘Çfarë dreqin ishte kjo?’”

Presidenti ukrainas Zelensky dhe liderë të tjerë europianë e kanë akuzuar prej kohësh Putinin se nuk është serioz për përfundimin e luftës – kështu që këto ndjenja dyshimi nuk janë të reja për ta.

Kur e pyeta Trump-in nëse e kishte mbyllur kapitullin me liderin rus, ai la ende një derë hapur:
“Nuk kam përfunduar me të, por jam i zhgënjyer nga ai.”

4. Ton i ri ndaj NATO-s

Kur ia përmenda që dikur e kishte quajtur NATO-n “të vjetëruar”, ai më tha se tani mendon të kundërtën – se aleanca është në një fazë të re dhe po forcohet.

Së fundmi kishte pritur në Shtëpinë e Bardhë Sekretarin e Përgjithshëm të NATO-s, Mark Rutte – me të cilin duket se ka një marrëdhënie të mirë. Ata njoftuan për një marrëveshje për shitjen e armëve amerikane për NATO-n, që më pas do t’i dërgohen Ukrainës.

Trump dha shenja se po hiqte dorë nga pakënaqësia e tij e hershme për barrën financiare që SHBA mbante ndaj aleatëve të tjerë.

“Ishte shumë e padrejtë sepse Shtetet e Bashkuara paguanin pothuajse 100% të kostove, por tani ata po paguajnë vetë faturat dhe mendoj se kjo është shumë më mirë,” tha ai – duke iu referuar zotimit të fundit nga vendet anëtare për të rritur shpenzimet në mbrojtje në 5% të PBB-së.

“E kemi ndryshuar NATO-n shumë,” përfundoi ai.

5. Respekt për Starmer-in dhe Mbretërinë e Bashkuar

Trump theksoi respektin e tij për Mbretërinë e Bashkuar dhe për kryeministrin e saj të ri, Sir Keir Starmer – me të cilin kohët e fundit kishte nënshkruar një marrëveshje për heqjen e disa barrierave tregtare.

“Më pëlqen shumë kryeministri, edhe pse është liberal,” tha ai.

Ai vlerësoi marrëdhëniet mes SHBA-së dhe Britanisë si po aq “të veçanta” saç i mendojnë shumë britanikë, dhe shtoi se beson që Britania do të qëndrojë krah SHBA-së nëse shpërthen një luftë.

Nuk u duk i shqetësuar për mungesën e një ftese zyrtare për të mbajtur fjalim në Parlament gjatë vizitës së tij shtetërore më vonë këtë vit:
“Le t’i lëmë të shijojnë pushimet,” tha ai me të qeshur.

Për mikpritësin e tij të ardhshëm, Mbretin Charles, u shpreh me fjalë të mira:
“Është një zotëri i madh.”

Dhe e mori me sportivitet një fjalim të fundit që Mbreti kishte mbajtur në Parlamentin kanadez, që disa e interpretuan si një kritikë të nënkuptuar ndaj Trump-it. Ai e hodhi poshtë me një buzëqeshje.

Gazetari Basir Çollaku e sheh të rrezikshëm për turizmin në Shqipëri, precedentin e krijuar në fshatin turistik të Thethit, ku si pasojë e aksionit të shembjes së objekteve të ndërtuara pa leje nga ana e IKMT-së, ka pasur përplasje deri në hedhjen e molotovëve dhe nxjerrjen e armëve nga policia. Çollaku deklaroi se kryeministri Edi […]

The post “Po i pret turistët me kallash”/ Gazetari: Rama i ka lemerisur të huajt appeared first on BoldNews.al.

Gjatë bisedës, gazetari Cena theksoi faktin se shpopullimi i Shqipërisë ka qenë i mirë menduar nga Edi Rama që para vitit 2013.

Largimi masiv i shqiptarëve nga vendi, ka qenë një plan i mirëmenduar nga Edi Rama dhe bashkëpunëtorët e tij. Pohimi është bërë nga gazetari Artan Cena, gjatë një bisede të zhvilluar në një studio televizive.

Cena shtoi se nga Shqipëria janë larguar gati gjysma e qytetarëve shqiptarë të që jetonin në vend, dhe ata që kanë ikur janë edhe pjesa më vitale dhe ata që reagonin më shpesh.

Artan Cena:

‘Bilanci më tragjik i dekadës të zezë të Edi Ramës është shpopullimi i vendit. Nga Shqipëria llogaritet se kanë ikur të paktën 2 milionë banorë ose të paktën gjyma e qytetarëve që janë të regjistruar. Të cilat janë larguar nga Shqipëria për arsye kryesore ekonomike. Emigrimi tek shqiptarët është kthyer në një mjet për të shpëtuar, dhe jo si një zgjedhje për të jetuar. Shqiptarët ikin për të jetuar, sepse në vend nuk jetohet më. Përgjithësisht në Shqipëri pjesa më e madhe, që janë larguar janë të rinjtë. Mosha 20, 25 deri në 45 vjeç. Dhe ata janë personat më aktivë në vend. Kjo ka sjellë që vala e reagimit dhe e reaksionit popullor të jetë më e ulët se e viteve të mëparshme.

Nga Shqipëria ka ikur pjesa që reagon, ka ikur rinia, kanë ikur njerëzit të cilët kërkonin diçka më të mirë. Dhe këtë të mirë që nuk e kanë gjetur në Shqipëri, e kanë kërkuar nëpër vende të tjera. Intelektualët më të mirë që kanë ikur jashtë vendit reagojnë çdo ditë në Facebook, Instagram, Twitter apo dhe TikTok. Por reagimi aq i madh që është në rrjetet sociale, nuk vërehet se është në realitet në vend.

Unë mendoj se i gjithë ky emigrim masiv, ka qenë një projekt i mirë menduar përpara se Rama të vinte në pushtet në vitin 2013. Përfaqësues të PD kanë bërë të pamundurën, me qëllim që t’i shkurtohet jeta këtij lloj regjimi. Por Rama ka kapur çdo gjë në vend që nga drejtësia, sistemi gjyqësor apo dhe ekonomia e bën të vështirë largimin e tij nga pushteti. Por kjo nuk do të thotë që njerëzit të dorëzohen përpara pushtetit, duhet të luftojnë më shumë dhe duhet të gjejnë mënyrat e qarta për ta luftuar’.

The post “Plan i mirëmenduar”/Shpërthen gazetari:Shpopullimi i Shqipërisë, synimi i Ramës për të qëndruar sa më gjatë në pushtet appeared first on Sot News | Lajme.

“Mbi 10 deputetë të PS-së janë përfaqësues të krimit në parlament”. Kështu u shpreh gazetari dhe kandidati për deputet i PD-së në zgjedhjet 11 majit Basir Çollaku. Ai shpreson që në fillim të shtatorit SPAK t’i çojë për ndjekje penale. Sipas tij ata mund të kundërshtojnë Ramën, por jo donatorët e tyre që u investuan […]

The post “Çfarë pret SPAK-u?!”, gazetari: Mbi 10 deputetë të PS përfaqësues të krimit appeared first on BoldNews.al.

Gazetari Basir Çollaku komentoi situatën e rëndë të Shqipërisë në arenën ndërkombëtare. Vendi është përshkruar nga mediat dhe institucionet globale si një shtet i kontrolluar nga grupet narkotike. Rasti i fundit është reportazhi i Radios Publike Franceze që denoncoi portin e Durrësit si një pikë kyçe e trafikut ndërkombëtar të drogës, duke theksuar ndikimin në […]

The post Çollaku: Shqipëria identifikohet globalisht si shtet i kontrolluar nga grupet narkotike appeared first on BoldNews.al.

Gazetari Osman Stafa ngre alarmin për situatën kritike në Spitalin Onkologjik, ku prishja e Akseleratorit Linear 2 po ndalon trajtimin e pacientëve me kancer. Stafa  denoncon mungesën e një plani emergjent dhe indiferenicën e institucioneve për një problem që kërcënon jetën e mijëra njerëzve. Sipas tij, situata është përkeqësuar nga fakti se Shqipëria disponon vetëm […]

The post Alarmante në Onkologjik/ Gazetari denoncon: Nërpriten trajtimet për pacientët me kancer! appeared first on BoldNews.al.

Gazetari Juljan Hoxhaj bëri një analizë të thellë mbi gjendjen e demokracisë në Shqipëri, duke vënë theksin tek përfshirja e grupeve kriminale në procesin politik dhe në Kuvend. Ai deklaroi se demokracia në vend ndodhet në pikën më të errët dhe më të ulët, duke argumentuar se nuk mund të flitet më për demokraci reale […]

The post Gazetari: Deputetët e zgjedhur nga bandat me bekimin e qeverisë Rama appeared first on BoldNews.al.

Gazetari Xhemajl Rexha ka sjell detaje nga samiti i NATO-s që u mbajt ditën e sotme në Hagë.

Nga ky samit, udhëheqësit e vendeve anëtare të NATO-s u zotuan të rrisin shpenzimet e tyre të mbrojtjes në 5% të Produktit të Brendshëm Bruto deri në vitin 2035.

Gazetari Rexha theksoi se ajo çfarë u vu re, është se Kosova nuk u la pa u përmendur qoftë nga vetë Presidenti Donald Trump, por edhe nga Presidenti turk, Recep Tayyip Erdogan.

“Presidenti Donald Trump mori shumë pyetje nga shumë gazetarë, nga ku vetëm 15 deri 20 prej tyre kanë arritur të bjënë pyetje.

Ndërsa për rajonin tonë, është e rëndësishme që Kosova u përmend dy herë në dy aspekte të ndryshme. Presidenti Trump, siç e ka thënë disa herë se e meritonte çmimin Nobel për Paqe, thekson se ka stopuar një luftë ndërmjet Kosovës dhe Serbisë. Ndërkaq, një referencë të dytë e cila mbetet akoma më e paqartë, mbas 15 minutash nga ku u përmend për herë të parë Kosova, Trump në anglisht tha se: “Serbia was up to it”, që mund të përkthehet në shumë forma, një ndër këto është edhe nëse Serbia po planifikon diçka ndaj Kosovës”, tha Rexha.

Gazetari shtoi se presidenti turk, Erdogan ka folur për situatën në veri të Kosovës dhe prezencën e KFOR-it turk në vend.

Rexha nënvizon se Erdogani ka përmendur faktin se derisa KFOR-i turk ndodhet aty, shpreson të mos ketë ndonjë problem.

“Edhe Erdogan ka mbajtur një konferencë për shtyp. Ai është pyetur nga një gazetar nga Kosova për prezencën e KFOR-it në Kosovë. Presidenti Erdogan tha se përderisa KFOR vazhdon të jenë në veri të Kosovës, ishalla nuk do ndodhë ndonjë gjë”, tha Xhemajl Rexha.

LEXONI GJITHASHTU:

• Ambasada Amerikane në Tiranë trajnon prokurorët shqiptarë për sigurinë digjitale
• “Serbia do të përplasej, por i dhamë fund”, Trump: Kemi punuar me ta dhe me Kosovën

The post “Shpresoj të mos ndodhë”, Gazetari sjell detaje nga deklarata e Erdogan për Kosovën appeared first on Euronews Albania.

Me dhimbje, lajmërohet ndarja nga jeta e gazetarit dhe mësuesit të njohur, Vehbi Furxhi, në moshën 84 vjeçare. Për shumë vite, Furxhi ka lënë një shenjë të pashlyeshme në jetën kulturore dhe mediatike të qytetit të Korçës.

Si drejtues i kulturës në këtë qytet, ai kontribuoi në zhvillimin e shumë aktiviteteve kulturore dhe artistike, duke sjellë edhe inovacione në fushën e gazetarisë. Më pas, Furxhi e udhëhoqi Radio Korçën për një periudhë të gjatë, duke bërë të mundur që ky institucion mediatik të bëhej një nga më të rëndësishmit në juglindje të Shqipërisë.

Pas daljes në pension, ai vazhdoi të kontribuonte në fushën e edukatës si mësues në shkollën e mesme bujqësore, duke ndihmuar breza të tërë të rinjsh të formoheshin dhe zhvillonin karrierën e tyre profesionale.

Vehbi Furxhi njihet për kontributin e tij si gazetar i guximshëm, veçanërisht për shkrimet e tij të mprehta në revistën Hosteni. Po ashtu, ai ka qenë botues i gazetës Korça, duke e bërë atë një platformë të rëndësishme për informacion dhe diskutime për qytetin dhe rajonin.

The post E trishtë! Mbyll sytë përgjithmonë gazetari i njohur (Emri+Foto) appeared first on Sot News | Lajme.

Me dhimbje, lajmërohet ndarja nga jeta e gazetarit dhe mësuesit të njohur, Vehbi Furxhi, në moshën 84 vjeçare. Për shumë vite, Furxhi ka lënë një shenjë të pashlyeshme në jetën kulturore dhe mediatike të qytetit të Korçës.

Si drejtues i kulturës në këtë qytet, ai kontribuoi në zhvillimin e shumë aktiviteteve kulturore dhe artistike, duke sjellë edhe inovacione në fushën e gazetarisë. Më pas, Furxhi e udhëhoqi Radio Korçën për një periudhë të gjatë, duke bërë të mundur që ky institucion mediatik të bëhej një nga më të rëndësishmit në juglindje të Shqipërisë.

Pas daljes në pension, ai vazhdoi të kontribuonte në fushën e edukatës si mësues në shkollën e mesme bujqësore, duke ndihmuar breza të tërë të rinjsh të formoheshin dhe zhvillonin karrierën e tyre profesionale.

Vehbi Furxhi njihet për kontributin e tij si gazetar i guximshëm, veçanërisht për shkrimet e tij të mprehta në revistën Hosteni. Po ashtu, ai ka qenë botues i gazetës Korça, duke e bërë atë një platformë të rëndësishme për informacion dhe diskutime për qytetin dhe rajonin.

LEXONI GJITHASHTU:

• Mbahet koncerti me këngë pogradecare “Serenata mbi liqen”
• “Festa e grurit” në Fier, tradita e myzeqesë që lidh brezat

The post Ndahet nga jeta gazetari dhe mësuesi i njohur në Korçë appeared first on Euronews Albania.

Gazetari britanik Vaugan Smith, i njohur për shkrepjet filmike që dokumentuan sulmin ndaj familjes Jashari në Prekaz gjatë luftës në Kosovë, ka ndarë rrëfimin e tij mbi ato ditë të errëta.

Në një intervistë për Radio Televizionin e Kosovës (RTK), Smith ka treguar për momentet dramatike kur raportonte nga fronti i luftës, duke vënë në rrezik edhe jetën e tij.

“E dija se po ndodhte një sulm nga forcat serbe në një fshat, në Prekaz. Kur filluam të tërhiqemi, dëgjova një krismë të plotë të kallashnikovit mbi drejtimin tonë. Pastaj ndjeva se diçka më goditi në bark, por nuk mendova shumë për të sepse s’ndjeva dhimbje”, tha ai.

Smith tregon se arriti të largohej bashkë me ekipin deri tek automjeti që kishin. Megjithatë, në mendjen e tij mbizotëronte profesioni.

“Isha i kënaqur me incizimet që i kisha, sepse unë jam gazetar konkurrues”.

Ai ka zbuluar edhe vështirësitë për transmetimin televiziv të pamjeve të luftës në Kosovë në mediat ndërkombëtare.

“Ngjarje si në Prekaz nuk kam parë e vizituar deri tani. Kjo është dashur të bëhet me publicitet dhe raporti nuk do të kishte emrin e Adem Jasharit, sikur atëherë bota të mos kuptonte për këtë ngjarje. Bota komunikoi edhe përmes diasporës, nuk janë vetëm njerëz me maska, po ndodh krim e masakra”, tha ai.

Gazetari britanik ka kujtuar edhe momentin kur ekipi i tij filmoi viktimat në Skënderaj.

“I filmuam kufomat dhe i pamë që ishin afër 60 veta të vrarë. Pastaj doli fakti që dy familjarë ishin ekzekutuar dhe gjëra të tmerrshme u zbuluan”.

Smith e cilëson veten me fat që arriti të shpëtonte.

“Mendoj se unë isha me fat që të mos vritem nga plumbi. Ndoshta edhe ju keni qenë me fat, sepse i tërë rrëfimi ishte i rëndësishëm. E gjithë kjo rezultoi me lirinë e Kosovës, e cila erdhi si shkak i ndërhyrjes nga jashtë”, tha ai.

Vaughan Smith është themelues i agjencisë së pavarur “Frontline News TV”, e cila ka mbuluar disa nga konfliktet më të rënda në botë, si dhe i “Frontline Club” në Londër.

“The Guardian” e ka përshkruar Smith si “një ish-oficer ushtrie, gazetar aventurier dhe liberal i krahut të djathtë”.

The post Gazetari britanik që xhiroi familjen Jashari: Ngjarje si në Prekaz s’kam parë deri me tani appeared first on Albeu.com.

Teksa energjitë e strukturave ligj-zbatuese ishin përqendruar në Lezhë, në Tiranë ndodh një sulm edhe më tronditës. 4 persona që udhëtonin në një mjet luksoz, dy prej të cilëve të mitur, ranë në pritë nën një breshëri armësh. “Ato kanë shpëtuar se i ka ndihmuar Zoti, edhe plumbat nuk kanë prekur organet jetësore të tyre, […]

The post U plagosën dy fëmijë në Lundër, gazetari: Ngjarja nuk lidhet me atentatin ndaj Prendit appeared first on BoldNews.al.

Një gazetar i njohur saudit, i arrestuar në vitin 2018 dhe i dënuar për akuza për terrorizëm dhe tradhti ndaj shtetit, është ekzekutuar – njoftuan autoritetet saudite. Grupet aktiviste pohojnë se akuzat ndaj tij ishin të sajuara.

Turki Al-Jasser, në fund të të dyzetave, u ekzekutua të shtunën, sipas agjencisë zyrtare të lajmeve Saudi Press Agency, pasi dënimi me vdekje ishte miratuar nga gjykata më e lartë e vendit.

Autoritetet kishin bastisur shtëpinë e Al-Jasserit në vitin 2018, duke e arrestuar dhe sekuestruar kompjuterët e tij dhe telefonat. Nuk është bërë e ditur se ku u zhvillua gjyqi apo sa zgjati.

Sipas Komitetit për Mbrojtjen e Gazetarëve me qendër në Nju Jork (CPJ), autoritetet saudite pretendonin se Al-Jasser qëndronte pas një llogarie në rrjetin X (dikur Twitter) që ngrinte akuza për korrupsion ndaj anëtarëve të familjes mbretërore. Gjithashtu, Al-Jasser thuhet se kishte postuar disa komente kontroverse në lidhje me militantët dhe grupet ekstremiste.

Carlos Martínez de la Serna, drejtor i programit të CPJ, dënoi ekzekutimin dhe theksoi se mungesa e llogaridhënies pas vrasjes së kolumnistit të Washington Post, Jamal Khashoggi, në konsullatën saudite në Stamboll në vitin 2018, ka lejuar që përndjekja ndaj gazetarëve në mbretëri të vazhdojë pa pengesa.

“Mospërgjegjësia ndërkombëtare për Jamal Khashoggin nuk ishte vetëm një tradhti ndaj një gazetari,” tha ai, duke shtuar se ajo “e ka inkurajuar sundimtarin de facto, princin e kurorës Mohammed bin Salman, të vazhdojë përndjekjen e shtypit.”

“Ekzekutimi i Al-Jasser-it është një dëshmi e përsëritur se në Arabinë Saudite, dënimi për të kritikuar apo për të vënë në dyshim princin e kurorës Mohammed bin Salman është vdekja,” u shpreh Jeed Basyouni, drejtuese e sektorit për Lindjen e Mesme dhe Afrikën e Veriut në organizatën Reprieve, që vepron kundër dënimit me vdekje.

Basyouni shtoi se Al-Jasser ishte gjykuar dhe dënuar “në fshehtësi të plotë për ‘krimin’ e gazetarisë.”

Një skuadër vrasëse saudite vrau Khashoggin në konsullatën saudite në Stamboll. Komuniteti amerikan i inteligjencës përfundoi se princi i kurorës kishte dhënë urdhrin për operacionin, por autoritetet saudite këmbëngulin se ai nuk kishte lidhje me vrasjen.

Al-Jasser kishte drejtuar një blog personal nga viti 2013 deri në 2015 dhe ishte i njohur për artikujt e tij mbi lëvizjet e Pranverës Arabe në vitin 2011, të drejtat e grave dhe korrupsionin.

Arabia Saudite është përballur me kritika nga organizatat për të drejtat e njeriut për numrin dhe metodat e saj të ekzekutimeve, përfshirë prerjen e kokës dhe ekzekutimet masive. Në vitin 2024, ekzekutimet në vend u rritën në 330, sipas aktivistëve dhe organizatave për të drejtat e njeriut, ndërsa mbretëria vazhdon të godasë fort çdo formë mospajtimi.

Muajin e kaluar, një analist britanik i Bank of America u dënua me 10 vjet burg në Arabinë Saudite, për shkak të një postimi të fshirë më pas nga rrjetet sociale, sipas avokatit të tij.

Ndërkohë, në vitin 2021, një shtetas me shtetësi të dyfishtë saudito-amerikane, Saad Almadi, u arrestua dhe më pas u dënua me më shumë se 19 vjet burg, për akuza të lidhura me terrorizmin për shkak të postimeve të tij në Twitter, të bëra ndërsa jetonte në SHBA. Ai u lirua në vitin 2023, por i është ndaluar të largohet nga mbretëria.

The post Ekzekutohet me vendim gjykate gazetari në Arabinë Saudite appeared first on Lapsi.al.