Kryetari i Nismës Thurje, Endri Shabani, ka reaguar pas vendimit të Komisionit Qendror të Zgjedhjeve për të caktuar mandatin e koalicionit ku ai merrte pjesë bashkë me Shqipëria Bëhet. Shabani ironizon deklaratat e mëparshme të Lapajt se Nisma do bëhej “vota e 84-t” e Ramës, ndërsa sot, sipas tij, është vetë Lapaj që pretendon se […]

The post “Nuk e djegim jorganin për një plesht”/ Shabani pas caktimit të mandatit: Lapajt ia kam falur! appeared first on BoldNews.al.

Nga Edison Vatnikaj Një nga planet e Erion Veliajt duket se ka qenë futja në listën e kandidatëve për deputet në 11 maj. Mendimi për të marrë në këtë formë imunitetin duket se nuk i ka ecur, ndërsa plani është regjistruar edhe në dosjen e SPAK e që lidhet me bisedat që bëri me telefonin […]

The post Si dështoi plani/ Veliaj jashtë listës për deputet, u “pre në besë” nga Ulsi Manja appeared first on BoldNews.al.

Kandidati për deputet i koalicionit PD-ASHM, Aulon Kalaja, i cili nuk siguroi mandat në zgjedhjet e 11 Majit, ka ngritur padi në SPAK duke kërkuar sekuestrimin e kutive me pretendimin se janë tjetërsuar votat.

Aulon Kalaja: SPAK të sekuestrojë kutitë, ndërkohë do e çoj në Kushtetuese. Bëhet fjalë për 3 persona që kanë bashkëpunuar, kanë marrë vota dhe i kanë dërguar tek një x kandidat. Kjo nuk diskutohet fare. Duhet bërë hetim i gjithanshëm, ky është krim zgjedhor.

Është një grup i strukturuar kriminal bëhet fjalë për bashkëpunim të një grupi numëruesish me një person të caktuar që ka përfituar vota në këtë rast.

Ka njerëz që kanë futur duart tek votat e shqiptarëve duke i marrë 42 vota një kandidati, nuk është gabim njerëzor.

I kam përcaktuar kutitë ku ka krim zgjedhor, SPAK i ka gati. Është hetim shumë i thjeshtë.

Beteja ime do të vazhdojë, kam depozituar dy kallëzime këtu. Ndërkohë do të vazhdoj edhe në Kushtetuese për të goditur Kolegjin Zgjedhor që më rrëzoi për legjitimitet dhe një vendim tjetër që Kodi Zgjedhor ua pamundëson kandidatëve procesin e numërimit të votave, është antikushtetues.

Jam në dy procese paralele, në SPAK për sekuestrimin e kutive dhe rinumërimin dhe në Kushtetuese pikërisht për këtë nen.

The post Zgjedhjet e 11 Majit/ Aulon Kalaja padi në SPAK: Të sekuestrohen kutitë, numëruesit bashkëpunuan me kandidatët dhe u kaluan votat appeared first on Albeu.com.

Koalicioni qeverisës në Japoni ka humbur shumicën në Dhomën e Lartë të Parlamentit, por kryeministri Shigeru Ishiba ka bërë të qartë se nuk ka ndërmend të dorëhiqet nga detyra, pavarësisht rezultatit të pafavorshëm.

Zgjedhjet e zhvilluara të dielën u mbajtën në një klimë të shtuar pakënaqësie publike, të nxitur nga rritja e kostos së jetesës dhe tensionet në rritje në marrëdhëniet tregtare me Shtetet e Bashkuara.

Pas përfundimit të procesit të votimit, kryeministri Ishiba pranoi se rezultati ishte “i ashpër” dhe “i rëndë”, por nënvizoi se qeveria e tij do të vijojë punën për përmirësimin e kushteve ekonomike dhe avancimin e negociatave tregtare.

Koalicioni i përbërë nga Partia Liberale Demokratike (LDP) dhe partnerja e saj, Komeito, kishte nevojë për të paktën 50 mandate për të ruajtur shumicën në dhomën me 248 vende. Në fund të procesit zgjedhor, arriti të siguronte vetëm 47 vende.

Ndërkohë, Partia Demokratike Kushtetuese, opozita kryesore, fitoi 22 mandate, duke u renditur si forca e dytë më e madhe politike në këto zgjedhje.

Në këtë proces u votua për gjysmën e vendeve në Dhomën e Lartë, anëtarët e së cilës zgjidhen për mandate gjashtëvjeçare. Humbja e fundit për koalicionin qeverisës vjen pas një tjetër disfate të rëndësishme në vitin e kaluar, kur humbi kontrollin edhe në Dhomën e Ulët, gjë që pritet të ndikojë ndjeshëm në axhendën legjislative të qeverisë.

The post Humbja në zgjedhje, kryeministri japonez zotohet se nuk do të ‘lëshoj’ postin appeared first on Albeu.com.

Në korrik të 2024, Kuvendi miratoi amendamentin që parashikon që gratë deputete të kenë një vend të sigurt jo vetëm në listën e mbyllur që harton kryetari i partisë, por edhe në listat e hapura.

Për këtë do të ndiqet parimi “Një në tre emra i përket gjinisë më pak të përfaqësuar”. Pra në rastin konkret një në tre emra duhet të jetë grua.

Duke parë listat e mbyllura të kandidatëve për deputetë në zgjedhjet e 11 majit 2025, vemë re se ky standard është respektuar, ndërsa “lufta” e kuotave gjinore po bëhet në listat e hapura.

Për shkak të rezultatit pozitiv që ka marrë Partia Socialiste në këto zgjedhje, duke siguruar deri më tani 83 mandate, ky zbatim i kuotave gjinore është më i pranishëm në këtë forcë politike.

Deri më tani, katër kandidatë të PS-së nuk do të kenë mundësinë të futen në Kuvendin e ri në shtator, për shkak të respektimit të kësaj praktike për kuotat gjinore.

Në Durrës, PS, e cila ka fituar 8 mandate, në listën e mbyllur ka 3 kandidate gra dhe 2 kandidatë burra, ndërsa në listën e hapur fitues janë 3 kandidatë burra.

I fundit në listën e hapur fituese është kandidati Ilir Ndraxhi, i cili për shkak të kuotës gjinore do të zëvendësohet nga kandidatja Etleva Budini.

Në Berat, PS ka fituar 5 mandate, dy prej të cilëve vijnë nga lista e mbyllur dhe 3 nga lista e hapur. Mirëpo, për shkak se në listën e hapur 3 më të votuarit janë burra, kandidati i fundit, që është Julian Zyla, zëvendësohet me kandidaten më të votuar grua që është Hatixhe Konomi.

Situata është e njëjtë edhe në Korçë, ku PS ka fituar gjashtë mandate, tre në listën e mbyllur dhe tre në listën e hapur. Njëjtë edhe këtu, në listën e hapur tre më të votuarit janë burra, ndaj Arian Jaupllari, më pak i votuari ndër kandidatët burra do të zëvendësohet nga kandidatja Besa Spaho.

Edhe pse ende nuk ka përfunduar procesi i numërimit për kandidatët në listën e hapur, edhe në Tiranë rezultati është i ngushtë mes Blerina Gjylametit dhe Olta Xhaçkës.

Në Tiranë, PS ka fituar deri më tani (duke qenë se ende nuk ka përfunduar procesi i numërimit të votave të Diasporës) 19 mandate.

Në 12 kandidatët në listën e mbyllur janë fitues tetë kandidate gra dhe katër burra. Ndërsa në listën e hapur kemi 7 fitues deri më tani të radhitur sipas votave: Blendi Gonxhja, Erion Braçe, Ervin Hoxha, Fatmir Xhafaj, Ornaldo Rakipi, Xhemal Qefalia dhe Anila Denaj.

Për shkak të kuotave gjinore, Xhemal Qefalia mund të humbasë pozicionin e deputetit, ndërsa futet në listë Blerina Gjylameti.

Sipas amendamentit dhe Kodit Zgjedhor, edhe në rast se kandidatet gra dorëhiqen ato zëvendësohen me gra, duke u ruajtur kështu përfaqësimi gjinor.

Në podkastin “Zëra” në Citizens.al, Ines Leskaj, aktiviste e të drejtave të njeriut dhe njëkohësisht drejtuese e Rrjetit të Fuqizimit të Gruas në Shqipëri (AWEN) u shpreh se kuotat gjinore janë të rëndësishme dhe fakti që partitë i kanë në vëmendje është për t’u vlerësuar. Mirëpo, nuk duhet të mbetemi vetëm ay, pasi nevojitet më tepër angazhim dhe përfaqësim.

“Në këto zgjedhje dhe jo vetëm në këto zgjedhje, ne jemi të kënaqur që kuotat gjinore ekzistojnë. Pavarësisht se e kemi thënë shpesh si një diskriminim pozitiv. E kemi provuar edhe në situata ku nuk ka pasur kuota dhe ka pasur një panoramë krejt ndryshe sa i takon përfaqësimit të grave në politikë”, u shpreh Leskaj.

Sipas saj kuota është e domosdoshme mirëpo duhet pasur kujdes me përdorimin në fushatë të grave në këndvështrimin sidomos nga liderët politikë që kryesisht janë burra.

“Përdorimin për hir të faktit që ne jemi duke zbatuar kuota dhe ne jemi parti e hapur dhe po përfshijmë sa më shumë gra të jetë e mundur”, deklaroi Leskaj.

Ndërsa theksoi se duhen ndryshime të vërteta strukturore dhe sistemike brenda partive që të tregojnë haptazi që partitë e kanë seriozisht me përfshirjen e grave dhe jo vetëm për ti përdorur për figurën e tyre apo për shkak të kuotave.

Shqyrtoni podcastin:

• “Zëra”, Episodi 2: Ines Leskaj analizon përfaqësinë gjinore në politikë

The post Zgjedhjet 2025: Si ndikon kuota gjinore në mandatet e listës së hapur? appeared first on Citizens.al.

Një koalicion i organizatave të shoqërisë civile ka evidentuar një sërë problematikash që vënë në diskutim integritetin e procesit elektoral të zgjedhjeve parlamentare të 11 majit, megjithëse ato vlerësohen se u zhvilluan nën një klimë të qetë.

“Procesi shfaqi të njëjtin trend të disa zgjedhjeve të fundit në Shqipëri, kryesisht një klimë e qetë dhe pjesëmarrje të pjesës aktive qytetare, mbulim të gjerë mediatik dhe prani të zgjeruar të partive politike dhe kandidatëve, mesazhe sensibilizuese për pjesëmarrje dhe administrim aktiv nga KQZ për problematikat e shfaqura,” u tha sot në një deklaratë të përbashkët nga Komiteti Shqiptar i Helsinkit (KShH), Qëndresa Qytetare (QQ) dhe Instituti i Studimeve Politike (ISP).

Megjithatë raporti paraprak i vëzhgimit të këtyre tre organizatave hedh dritë mbi parregullsitë dhe sfidat e vazhdueshme që rrezikojnë demokracinë funksionale në vend.

Me mbi 60 vëzhgues të shpërndarë në 17 bashki të vendit, raporti paraprak i bërë me dije sot zbuloi shkelje të heshtjes zgjedhore, tensione mes vëzhguesve partiakë dhe komisionerëve, si dhe prezencë të individëve të paautorizuar në qendrat e votimit.

Të dhënat përfshijnë gjithashtu shqetësime për ndërhyrje të jashtme në procesin e votimit, probleme me pajisjet e identifikimit elektronik dhe trajtimin jo të denjë të personave me aftësi të kufizuara.

Vëzhguesit vunë re postime elektorale në rrjete sociale të kandidatëve të caktuar, shpërndarje të materialeve propagantistike në hapësirën publike me afishimie të billboard-ve dhe raste kur zyra elektorale janë mbajtur hapur gjatë heshtjes zgjedhore.

Gjatë procesit pati sinjalizime nga vëzhgues partiakë, komisionerë dhe deputetë për abuzime dhe intimidim të zgjedhësve sikurse ishin rastet e shenjuara në Bashkitë Lushnje, Tiranë (afër Shkollës Petro Nini), Pogradec, Vorë, etj.

Problematika pati dhe në mungesë të energjisë elektrike , mangësi për përdorimin dhe regjistrimin me kamera të procesit, mungesa e komisionerëve , vonesat për hapjen e qendrave të votimit dhe probleme teknike në funksionimin e pajisjeve PEI .

“Në raportet tona finale do të ketë qëndrime dhe vlerësime për të gjithë elementët e monitorimit,” thuhet në deklaratën paraprake të tre organizatave, të cilat theksojnë se vëzhguesit e tyre u lanë ta kryenin monitorimin e plotë, pavarësisht disa rasteve ku u ndeshën pengesa.

“Për mua ishte një shans i humbur, që Shqipëria për 35 vite të mos krijojë standarde normale të zgjedhjeve të një vendi demokratik, që supozohej të shkoj drejt BE,” u shpreh Afrim Krasniqi, drejtues i ISP, sipas të cilit, për përvojën e kaluar Shqipëria duhej të shfaqte maturi dhe të kishte zgjedhje me tregues të tjerë.

Ndërkohë, numri i ulët i pjesëmarrjes në votime (42%) krahasuar me zgjedhjet e vitit 2021, ngre pikëpyetje mbi besimin e qytetarëve në proceset politike.

KShH, QQ dhe ISP, argumentojnë se fushata e karakterizuar nga gjuha e urrejtjes dhe mungesa e platformave konkrete mund të ketë kontribuar në thellimin e apatisë politike dhe distancimit të votuesve.

Deklarata hedh dritë gjithashtu mbi shqetësimin për mosfunksionimin e duhur të organeve të drejtësisë dhe nxit nevojën për hetime më konkrete dhe të pavarura lidhur me krimet zgjedhore.

Me 54 kallëzime penale deri më 9 maj dhe 123 të tjera pranë SPAK, problematika si shitblerja e votës vijon të mbetet plagë e hapur e sistemit zgjedhor.

Në një atmosferë ku polarizimi politik sfidon rendin demokratik, raporti thekson domosdoshmërinë për depolitizimin e administratës zgjedhore dhe forcimin e rolit të institucioneve të pavarura.

Lexoni gjithashtu:

• Zgjedhjet 2025: Çfarë raportuam përtej filtrave të propagandës

The post Zgjedhjet 2025: Proces me klimë të qetë, por me probleme dhe shkelje appeared first on Citizens.al.

Më 11 maj 2025, Shqipëria voton në zgjedhjet e përgjithshme parlamentare. Gjatë këtij muaji, Citizens.al zgjodhi një formë ndryshe të raportimit të fushatës elektorale, duke u distancuar nga propaganda e partive politike, për t’u fokusuar tek ajo që ndodh realisht.

Çfarë na tregoi kjo fushatë? Më shumë sesa një garë idesh politike, partitë e vjetra vunë në skenë një lojë të pabarabartë, me shumë zhurmë dhe pak substancë. Aktorët kryesorë shfrytëzuan çdo aset për të ndikuar te publiku, ndërsa partitë e reja u fokusuan kryesisht me fushata njerëzore dhe aktivitet në rrjetet sociale.

Nën këtë dinamikë qytetarët u lanë shpesh përballë një oferte të mjegullt dhe të pashtjelluar politike teksa premtimet variuan nga “Pasaporta Evropiane”, te “Pastrimi i Shqipërisë”, “Heqja e vizave me SHBA-në”, “Vendosja e euros si monedhë zyrtare” etj.

Ky artikull sjell një panoramë të asaj që ndodhi — nga premtimet që sfidojnë logjikën ekonomike, te heshtja përballë komuniteteve të margjinalizuara; nga televizionet që përqafuan pushtetin, te diaspora e trajtuar si rezervuar votash.

Një vështrim kritik përtej retorikës, për të kuptuar dhe shpjeguar ofertën politike 2025.

Lexo: Barazia gjinore: Një pikë në fund të programit

Ne analizuam retorikën e zbrazët për përfaqësim dhe barazi, duke treguar se vetëm dy parti ofruan një qëndrim të qartë për barazinë gjinore. Për pjesën tjetër, kjo çështje trajtohet si një instrument për stabilitet familjar, jo si një çështje e demokracisë.

Premtimet për fuqizimin e vajzave dhe grave mbeten më shumë një dekor elektoral sesa një synim konkret. Për këtë çështje Citizens i kushtoi edhe një nga seritë e podkastit “Zëra”.

Lexo: Slogane të mëdha dhe parti pa bosht ideologjik

Nga “Shqipëria bëhet!” te “Shqipëria Madhështore”, e deri te slogane si “Shqipëria 2030 në BE vetëm me Edi Ramën dhe PS”, fushata e vitit 2025 u karakterizua nga mesazhe të mëdha dhe të personalizuara.

Partitë shqiptare vijuan të shmangin apo ngatërrojnë pozicionimin e qartë ideologjik, duke harruar konceptet tradicionale të së majtës dhe së djathtës.

Në këtë kontekst, Citizens i kushtoi vëmendje mënyrës sesi sloganet u përdorën si mjete të fuqishme emocionale për të tërhequr votues, më shumë sesa për të artikuluar vizione politike të qarta.

Lexo: “Televizionet përqafuan pushtetin”

Monitorimi i edicioneve informative të tre televizioneve kombëtare për tre javët e para të fushatës tregoi një prirje të qartë favorizuese ndaj partisë në pushtet dhe partisë më të madhe të opozitës, ku figura si Edi Rama dhe Sali Berisha dominuan ekranin.

Diversiteti politik u mbyt nga një propagandë e drejtuar te pushteti, duke lënë zërat alternativë pa mbulim. Partitë e reja nuk gjetën hapësira duke u shtyrë kështu gjithmonë e më shumë në një fushatë online, si një zgjidhje pa shumë kosto dhe përtej “duopolit mediatik PS-PD”.

Lexo: Premtime jashtë realitetit ekonomik

Një raport i Altax vlerësoi se realizimi i premtimeve elektorale kërkon disa dhjetëra miliardë euro, ndërkohë që buxheti vjetor i shtetit është vetëm 7-8 miliardë. Premtimet elektorale, në këtë kontekst, u dukën më afër “spekulimeve të mirëmenduara” sesa strategjive për zhvillim.

Lexo: Komunitetet e margjinalizuara u harruan sërish

Edhe në këto zgjedhje, komuniteti rom dhe egjiptian u la jashtë vëmendjes. Jeta e tyre në skajet e politikës pasqyron një mungesë të thellë të vullnetit për përfshirje dhe integrim të barabartë.

Ndërkohë PS me kandidimin e një figure të spikatur në shoqërinë civile nga ky komunitet u mundua ta portretizojë veten si alternativën e duhur që mund të japë zgjidhje dhe përfaqësim.

Por kjo dukej lëvizje e qëllimshme, pasi kështu PS la menjëanë përgjegjësitë e 12 viteve qeverisje për këtë komunitet.

Lexo: Arsimi dhe administrata nën trysninë e fushatës

Raportimet të ndryshme treguan për shfrytëzim të aseteve publike – shkolla dhe zyra shtetërore – në funksion të partisë në pushtet. Kjo praktikë që thellon mosbesimin ndaj institucioneve dhe dëmton integritetin e procesit zgjedhor u theksua në rrethe.

Mësues të ndryshëm treguan për trysninë që ndeshën nga politika, teksa shkollat dhe profilet e tyre online u kthyen në një makineri për të përzgjatur propagandën e qeverisë.

Lexo: Mjedisi pa shpresë dhe strategji

“Oferta e gjelbër” mbeti një deklaratë pa substancë nga ana e partive politike duke e lënë të pashpresë idenë se qeveria e ardhshme mund t’u japë zgjidhje problemeve të mjedisit përballë ndryshimeve klimaterike, projekteve për zhvillim dhe trysnisë për të prodhuar më shumë energji.

Premtimet për të kaluar nga hidrocentralet drejt energjisë diellore dhe erës përballen me sfida dhe pikëpyetje mbi qëndrueshmërinë dhe realizueshmërinë e tyre në një raport të balancuar ndërmjet interesave ekonomike dhe sociale.

Lexo: Diaspora si hambar për votat

Diaspora, me gjithë të drejtën historike për të votuar për herë të parë nga jashtë, u trajtua më shumë si një burim votash sesa një zë për përfaqësim të sinqertë.

Në një përpjekje për të siguruar mbështetjen e emigrantëve për zgjedhjet parlamentare, partitë politike kryesore kanë zhvilluar dhjetëra takime me diasporën, nga Evropa në Amerikë, por asnjë prej tyre nuk ofroi transparencë për shpenzimet, ndërsa kandidatët që vinin nga diaspora ishin të paktë.

Lexo: Por sa mund të ndikojë vota e diasporës?

Sipas të dhënave zyrtare të KQZ-së, rreth 245 mijë shqiptarë jorezidentë në Shqipëri u regjistruan për të votuar nga jashtë. Shumica ishin nga Italia (36.5%), Greqia (27.3%), Gjermania (10.2%) dhe Shtetet e Bashkuara të Amerikës (8.2%).

Me këtë numër dhe shpërndarje, votat e diasporës mund të ndikojnë në fatet e deri 4 mandateve në Tiranë dhe të paktën të 6 mandateve në Durrës, Fier dhe Elbasan.

Lexo: Financimi dhe listat: Transparencë me hije

Partitë e mëdha përfituan më shumë nga fondet publike, ndërsa të rejat mbetën jashtë skemës. Ndërkohë në listat zgjedhore u përfshinë 16 kandidatë nën hetim nga SPAK.

Ky fakt e vë në pikëpyetje besueshmërinë e sistemit të filtrimit etik të kandidatëve ndërsa ngarkon me përgjegjësi direkte partitë politike, dhe kryetarët e tyre të cilët jo vetëm që i përfshinë në lista, por disa prej tyre i vunë edhe në lista të mbyllura.

Lexo: Propaganda në rrjet, nga dezinformimi te memet

Fushata në rrjetet sociale u shoqërua edhe me angazhimin e profileve anonime dhe manipulimeve vizuale ku u përdor edhe inteligjenca artificiale. Kjo shndërroi informimin publik në një terren të vështirë për të dalluar të vërtetën nga publiku dhe qytetarët.

Këta të fundit u ekspozuan rrezikshëm përballë manipulimit, teksa mediat tradicionale dështuan të bëjnë filtrin e duhur.

Në prag të zgjedhjeve, ekspertja e të drejtave të njeriut dhe çështjeve të integritetit në politikë, Edlira Cepani, iu përgjigj pyetjeve të ndjekësve të Citizens.al mbi financimin e partive politike, premtimet elektorale dhe transparencës gjatë fushatës.

Zgjedhjet Parlamentare të vitit 2025 në Shqipëri mund të përshkruhen si një garë formale e zhvilluar në një “skenografi të kontrolluar”.

Edhe pse procesi u shënua nga një klimë më e qetë se në të shkuarën, zgjedhësit shpesh mbetën të painformuar, të papërfaqësuar dhe të papërfshirë realisht. Në një muaj ku format ishin të shumta, batutat të zëshme dhe ngjyrat të forta, ajo që mungoi më së shumti ishte përmbajtja.

Citizens.al do të vazhdojë të jetë këtu, pavarësisht fushatave dhe propagandës, për të ndjekur, analizuar dhe raportuar me integritet, ngjarjet që kanë vërtetë rëndësi.

The post Zgjedhjet 2025: Çfarë raportuam përtej filtrave të propagandës appeared first on Citizens.al.

Ditën e sotme, lideri demokrat Sali Berisha, duke folur për shembjen e ndërtimeve në Theth, u shpreh se Edi Rama e shkatërroi zonën si hakmarrje politike primitive ndaj banorëve të zonës, që në zgjedhjet e fundit nuk i dhanë votën Partisë Socialiste.

Gjithashtu, Berisha u shpreh se pak para zgjedhjeve, qeveria krenohej me zhvillimin turistik të Thethit dhe faktin që fshati kishte arritur në 2 mijë shtretër për turistët, një arritje e jashtëzakonshme duke marrë parasysh vështirësitë logjistike të zonës.

Berisha: Ky është rezultati i qendrës së votimit ku ju patë atë krim të shëmtuar.
PD në këtë qendër ka marrë 95 vota dhe PS 82 vota.

Pra, nuk kanë votuar PS-në, kanë votuar PD-në dhe kjo është hakmarrja primitive, kriminale e Edi Ramës ndaj tyre.

Dëgjojeni këtë.

Para zgjedhjeve mburreshin me ato ndërtime, mburreshin se Thethi kishte arritur të ketë 2 mijë shtretër.
Vërtet arritje shumë e madhe, po të kemi parasysh se një shtrat në Theth ka një kosto të paktën tre herë më të lartë se një shtrat në Tiranë apo bregdet, për shkak të infrastrukturës, distancës, etj.

Por ja ku janë 2 mijë shtretërit e Thethit, se si Edi Rama për shkak të disfatës elektorale, u hakmor në mënyrën më primitive, më çnjerëzore ndaj tyre.

Unë u bëj thirrje banorëve të Thethit, Shkodrës dhe mbarë Shqipërisë, të ngrihemi për t’u ndarë në mënyrë përfundimtare nga kjo e keqe e madhe që po rrënon çdo ditë shqiptarët dhe qenien e tyre.

Nga ky armik i egër i veriut të Shqipërisë në mënyrë të posaçme, por edhe shqiptarëve në tërësi, i cili rrezaton çdo ditë armiqësi, urrejtje, negativitet ndaj tyre.
Pra, ky është Thethi i 2 mijë shtretërve sot.

The post Ish-kryeministri Berisha: Edi Rama e shkatërroi Thethin sepse votuan PD-në në zgjedhje appeared first on Albeu.com.

Kreu i PD Sali Berisha, ka deklaruar sërish se opozita nuk i njeh zgjedhjet parlamentare të 11 majit për shkak të shkeljeve të pretenduara, ndërsa paralajmëroi se në shtator do të rikthehen protestat.

I pyetur në lidhje me rikthimin e protestave, Berisha tha se; “kjo është rruga e vetme” dhe se “protestat janë të vonuara”.

Berisha: Ky akt është një poshtërim i madh për çdo shqiptar. Çdo shqiptar kudo ku ndodhet duhet të angazhohet në një betejë me të gjitha mjetet për rikthimin e votës në Shqipëri me protesta të fuqishme në të gjitha vendet ku jetojnë dhe në Shqipëri. Ne këto zgjedhje nuk i njohim dhe do bëjmë çdo gjë që shqiptarët të votojnë të lirë. Protestat janë të vonuara, kemi vetëm një rrugë për rikthimin e votës. Nuk ka rrugë tjetër. Në shtator do të nisin protestat.

The post Berisha: Nuk i njohim zgjedhjet, çdo shqiptar në betejë për rikthimin e votës, në shtator rikthehen protestat appeared first on Albeu.com.

Deputeti i Partisë Demokratike, Dashnor Sula në “Debat” nga Alba Alishani, në  një emision televiziv shprehu bindjen se zgjedhjet e pjesshme për katër bashki të vendit, do të zhvillohen në muajin gusht.

Sipas tij tre kryebashkiakët e rinj të Beratit, Burrelit e Tepelenës do të zgjidhen para shtatorit, pasi drejtuesit e tyre braktisën postin duke garuar në zgjedhjet e përgjithshme të 11 majit.

Sula po ashtu kritikoi demokratët, që sipas tij janë duke shijuar pushimet dhe drekat e darkat, në një kohë kur mazhoranca në pushtet po përgatitet për këtë proces zgjedhor.

“Ti ke tre bashki që do jenë në zgjedhje të parakohshme të pjesshme. Berat, Burrel dhe Tepelenë. Opozita do jetë me pushime. Opozita ka që më 11 maj flet vetëm Berisha dhe nja dy kokrra të tjerë. Të tjerët flenë gjumë, ikin bëjnë pushime dhe marrin rreze dielli. E kanë mendjen nëpër tavolina të bëjnë ndonjë drekë, ndonjë darkë, të bashkohet Flamuri me të tjerët… e të tjerët”, tha Sula.

I pyetur nëse ka informacion se zgjedhjet e pjesshme do të zhvillohen në muajin gusht, në të katër bashkitë, përfshirë edhe Tiranën, pasi kryebashkiaku i saj Erion Veliaj ndodhet pas hekurave, Sula tha: “Po, patjetër”.

“Zgjedhje të pjesshme, nuk kanë lidhje me Kodin këto”, konfirmoi edhe njëherë ai, pasi analisti Arion Sulo konstatoi se Kodi elektoral përcakton se zgjedhjet zhvillohen në vjeshtë dhe në pranverë.

The post “Opozita me pushime,po merr rreze dielli”,Sula bën deklaratën e fortë:Rama mund të shpallë zgjedhjet e Tiranës në gusht appeared first on Sot News | Lajme.

KAS ka rrëzuar kërkesën ankimore të koalicionit të Partisë Demokratike lidhur me pavlefshmërinë e zgjedhjeve në qarkun e Elbasanit, Tiranës, Durrësit dhe Fierit. KAS përmes vendimit të sotëm bëri me dije se nuk do të ketë rinumërim për këtë qark. Pak ditë më parë përfundoi edhe rinumërimi i votave për qarqe si Fieri, Durrësi, Tirana, […]

The post Zgjedhjet/ KAS rrëzon kërkesën e PD për pavlefshmëri të zgjedhjeve në 4 qarqe appeared first on BoldNews.al.

Gjatë një interviste me gazetarët e diasporës nëpërmjet një lidhjeje “online”, kreu i Partisë Demokratike, Sali Berisha, ka folur mbi mundësinë e ripërsëritjes së zgjedhjeve parlamentare.

I pyetur se çfarë do bënte ndryshe nëse do të ribëheshin zgjedhjet, Berisha u shpreh me bindje se mund të kishte ndryshime në kandidatura.

“Nëse do të ribëheshin zgjedhjet, mund të kishte ndryshime në kandidatura, pa mëdyshje, mund të kishte angazhime më të gjëra”, tha ai, ndërsa theksoi se programi i PD ka qenë më i mirë se kurrë, pasi ka qenë ekspertizë e ekipit fitimtar të zgjedhjeve në SHBA

“Është bërë një punë shumë e madhe”, tha Berisha, por në kushtet e një farëse elektorale opozita nuk fiton, pasi sipas tij, vota vdes pa hyrë në kuti.

Berisha: Nëse do të ribëheshin zgjedhjet, mund të kishte ndryshime në kandidatura, pa mëdyshje, mund të kishte angazhime më të gjëra. Por, në këto zgjedhje mund të them se programi ka qenë më i mirë se kurrë, ekspertiza për zgjedhjet ka qenë ekspertiza e ekipit fitimtar të zgjedhjeve në SHBA.

Edhe në 2005 kam pas ekspertizën e fituesve më SHBA. Në doktrinën elektorale besohet se fitimtarët e zgjedhjeve presidencial enë SHBA, janë ekspertët më të mirë. Është bërë një punë shumë e madhe, por në kushtet e një farëse elektorale opozita nuk fiton, vota vdes pa hyrë në kuti.

The post Çfarë do bënte ndryshe nëse do të ribëheshin zgjedhjet? Berisha: Programi ynë ka qenë më i miri, mund të kishte ndryshime në… appeared first on Albeu.com.

Kreu i Partisë Demokratike, Sali Berisha, ka reflektuar mbi rezultatin e zgjedhjeve të 11 majit, gjatë një komunikimi me gazetarë shqiptarë nga diaspora. I pyetur se çfarë do të kishte bërë ndryshe nëse zgjedhjet e 11 majit do të ribëheshin, Berisha pranoi se mund të ishin bërë disa ndryshime në përzgjedhjen e kandidatëve dhe në mënyrën e angazhimit elektoral.

“Nëse zgjedhjet do të ribëheshin, parë në retrospektivë, do të kishte ndryshime në kandidatura. Mund të kishte angazhime më të gjera,” tha Berisha. Megjithatë, ai vlerësoi programin e PD-së si më të mirin që Shqipëria ka pasur ndonjëherë.

The post Çfarë do bënte ndryshe nëse do të ribëheshin zgjedhjet? Berisha habit me përgjigjen e tij: Do të kisha ndryshuar… appeared first on Sot News | Lajme.

Tritan Shehu, deputeti më jetëgjatë i Kuvendit, denoncon mazhorancën e qeverisë për tjetërsim të vullnetit të shqiptarëve më 11 maj.

Sipas tij, regjimi i instaluar në Shqipëri nuk përmbyset me votë, por me lëvizje popullore.

Deputeti i qarkut të Gjirokastrës, thotë për gazetën “Panorama” se, me 11 maj nuk kishte zgjedhje të lira, por masakër zgjedhore.

Shehu tregon se çfarë ndikimi kanë pasur te ndërkombëtarët denoncimet e vjedhjes së votës. Ai flet edhe për hapat e ardhshëm të opozitës për t’i siguruar Shqipërisë një proces të ndershëm zgjedhor.

Tritan Shehu, u përgjigjet edhe zërave për dorëheqjen e Sali Berishës nga drejtimi i PD-së se largimi i tij, do të kishte pasoja të rënda pasi e mban të bashkuar Partinë.

Tritan Shehu shpreh bindjen se Sali Berisha sot është i domosdoshëm në krye të PD-së e opozitës në vend.

Z.Shehu, më 11 maj PD-ja, përveç zgjedhjeve, a humbi edhe besimin e shqiptarëve, të cilët nuk e rikthyen as kësaj here në pushtet?

Para se t’i përgjigjesh kësaj pyetje duhet t’i përgjigjesh pyetjes pararendëse: A ishin këto zgjedhje të lira e të ndershme? Rezultati i tyre a shpreh vullnetin e votuesve, apo ishin të deformuara? Dhe pastaj mund të shkosh te pyetja e juaj. Kështu do ta filloj dhe unë nga duhet filluar.

Këto zgjedhje nuk ishin as të lira, as të ndershme, e rezultati i tyre nuk reflekton vullnetin e votuesve, qoftë këta brenda Shqipërisë qoftë jashtë vendit. Besoj se ju po i ndiqni faktet, provat që përditë PD e Berisha po publikojnë për deformimin e thellë të këtij procesi zgjedhor. Besoj se e lexuat raportin paraprak të OSBE/ODIHR-it me ato probleme madhore që ai ngre. Ju i keni ndjekur rezolutat e partive të qendrës e të djathta për atë proces. Do ketë edhe më shumë fakte e prova të tilla. Pra, ishte një proces i imponuar, deformuar nga regjimi ky, dhe si i tillë, rezultati nuk ka të bëjë aspak me vullnetin e qytetarëve.

Opozita e konsideron të pavlefshëm rezultatin zgjedhor ndërkohë nga rinumërimi i votave pati vetëm ndryshime minimale për PD dhe PS dhe nuk ndikohen mandatet…

Unë kur flas për deformim të procesit, por jo vetëm, si edhe OSBE, nuk e kam fjalën thjeshtë për atë proces të 24 a 48 orësh të fundit të votimit e numërimit, megjithëse dhe për atë proces dolën probleme serioze së fundmi, si p.sh. në Fier. E kam fjalën për një proces të gjerë zgjedhor, jo thjeshtë votimi teknik, nën një regjim. Besoj se sot askush nuk ka dyshime se në Shqipëri është instaluar një regjim, autokraci, që po shkon drejt diktaturës. Ju e shikoni çfarë po ndodh me veprimet arbitrare, antiligjore të Edi Ramës edhe ditët e fundit, me pushtetin vendor e deri tek AKU.

Dhe ky regjim i kthyer në parti-shtet përdori gjithçka për deformimin e votës, duke krijuar një masakër elektorale. Përdori paratë, krimin, drogën, policinë, presionin mbi administratën, mbi biznesin. Përdori mashtrimet joshëse, vendet e punës fiktive, paratë e buxhetit për të gënjyer pensionistët, ata në nevojë, investime elektorale, etj. etj.. Pra, përdori të gjithë makinën shtetërore, kriminale, korruptive etj. Dhe këto i shkruan edhe raporti i OSBE. Pra, u përdor i gjithë arsenali që përdorin regjimet për të deformuar vullnetin e qytetarëve në votim, sepse të tilla janë regjimet.

Por që nuk e rrëzuat dot me votë…

Regjimet nuk shemben me votë. Ky është një rregull i njohur, sepse ata tjetërsojnë rezultatet. Pra, rezultati, si përgjigje e pyetjes suaj të parë, nuk shpreh vullnetin e qytetarëve nën një regjim. Kështu ndodhi edhe në vendin tonë. Por kështu ndodhi dhe me votën e diasporës, veçanërisht në Greqi. Ju u njohët me faktet e asaj që ndodhi aty. Ishte skandaloze në të gjitha drejtimet. U shkelën edhe kontratat me DHL, zarfet nuk u shpërndanë te qytetaret, u falsifikuan etj..

Atëherë pse u futët në zgjedhje?

E lehtë sot të bësh këtë pyetje. Por diçka duhet të kuptojmë, bojkotet në përgjithësi, veçanërisht në kushtet tona janë dëmtuese, shkatërruese. Në qoftë se ne nuk do të kishim marrë pjesë ne atë proces, a mundet sot të ngrinim këto probleme të procesit, masakrën ndaj tij? A do të kishte një raport të OSBE-së si ky që kemi me probleme thelbësore? Jo nuk do të kishim. I gjithë faji e përgjegjësia do të ishte mbi PDnë. Sot do të ishim jashtë çdo mundësie veprimi.

Në fakt, ne kemi një eksperiencë shumë të hidhur nga bojkotet. Dorëzimi i mandateve ishte një gabim fatal i PD-së, që i hapi rrugën Ramës për të ndryshuar kodin elektoral, për të përvetësuar të gjithë pushtetin lokal, drejtësinë me pasoja të thella negative edhe aktuale. Unë e kam theksuar disa herë se një veprim i tillë nuk mund të ishte vetëm një gabim, ishte pjesë e komplotit, që u shpalos e vazhdon kundër PD-së, Berishës, pluralizmit shqiptar.

Ju flisni për komplot, edhe për “non grata” e Berishës sipas jush është pjesë e tij?

Absolutisht po! Ajo që u zhvillua e po zhvillohet edhe sot me atë proces farse ndaj Berishës është një komplot i vërtetë i realizuar në Shqipëri e jashtë saj, që synonte e synon t’i japë Ramës të gjithë pushtetet, të krijojë një opozitë fasadë. Pa dyshim me “shkopin e dirigjentit” të atyre që e orkestruan atë. Ju i keni ndjekur zhvillimet për thelbin politik të “non grata” të Berishës, izolimin e tij për mbi një vit, tentativat për të nxjerrë jashtë ligjit PD-në duke i rrëmbyer simbolet, emrin etj., dhe vazhdon e sot. Fatmirësisht shumë faktorë ndërkombëtarë kanë ndryshuar së fundmi dhe tashti “non grata” realisht nuk ekziston më, simbolet i fituam, Berisha është i lirë, pavarësisht inskenimeve të reja ndaj tij. Dhe kjo ndodhi në saj të rezistencës së PD-së e stoicizmit të Berishës, që kjo parti arriti të shpëtojë nga shpërbërja ku donin ta çonin, e sot lufton me të gjitha forcat për rivendosjen e demokracisë.

Dhe cila është zgjidhja?

Duhet çarmatosur regjimi nga mjetet që përdor për deformimin e votës, për t’i hapur rrugë një procesi të lirë e të drejtë votimi, pikërisht që rezultati të shprehë vullnetin e qytetarëve. Atëherë mund t’i përgjigjesh pyetjes suaj të parë.

Pra, së pari, duhet përballuar regjimi me lëvizje popullore. Unë këtë e kam shprehur qartë shumë më parë. Dhe më tej votimi mund të jetë i drejtë.

Po sot nga duhet ta rifillojë PD-ja? A duhet të ketë një proces analize brenda saj?

Duhet ta fillojë nga kjo që po zhvillon. Demonstrimi, faktimi i të gjithë çrregullimeve shkatërruese të procesit zgjedhor. Paraqitja e tyre para opinionit shqiptar, institucioneve ndërkombëtare që të gjithë të kuptojnë gravitetin e gjendjes politike në vendin tonë. Shqipëria është vend anëtar i NATO-së, në rrugën e integrimit europian, gjë që nuk mund të lerë në indiferencë partnerët tanë për atë që po ndodh këtu. Materialet janë paraqitur, të tjera po mblidhen e do të paraqiten duke krijuar kudo se paku një interes të veçantë e deri tek reagimet e qarta shqetësuese, që ju i dini. Pra, po kryhet një proces i tërë voluminoz në këtë drejtim. Ju flisni për analiza në PD. Pa dyshim që do të ketë. Por mbi bazën e asaj që ka ndodhur, të vërtetës që po del gjithmonë e me qartë. Edhe analiza, edhe konkluzione për punën tonë do të ketë, pa asnjë dyshim. Por sot PD e Berisha janë përfshirë totalisht në procesin e demonstrimit të krimit zgjedhor.

Pas humbjes së 11 majit, ka zëra se Berisha duhet të lërë drejtimin e PD-së…

Edhe këtu pyetja e parë është a ishin zgjedhje të vërteta apo ishin një farsë zgjedhore? Dhe në bazë të kësaj arrihet të pyetja juaj. Kjo është shumë e rëndësishme. Më lart unë argumentova se ishin farsë, pra dhe qëndrimi duhet mbajtur si për diçka të tillë. Në këto kushte nuk shtrohet çështja e dorëheqjes së Berishës. Por ka dhe më shumë. Në këto kushte regjimi, revanshi antidemokratik të Ramës e të tij, çfarë efekte pozitive do të sillte një largim i supozuar i Berishës nga drejtimi i PD? Jo vetëm asnjë, por do të kishte efekte shumë të rënda negative për PD, pluralizmin shqiptar, demokracinë.

Berisha është faktori kryesor i çlirimit të PD nga ai komplot që folëm më lart, faktori kryesor sot i demaskimit të farsës zgjedhore, faktori kryesor i mbajtjes së bashkuar të militantëve, anëtarëve, PD në tërësi e i frymëzimit për të qëndruar e përballur me regjimin. Kjo është e vërteta, mos të kemi iluzione. Berisha sot është i domosdoshëm në krye të PD-së e opozitës sonë. Çdo largim i tij do të sillte efekte shumë të rënda negative. Këtë duhet ta kuptojnë të gjithë ata që pa u thelluar deklarojnë ndryshe. Se sa për ata që duan Ramën si Sulltan, është e kuptueshme që do të nxisin për largimin e Berishës nga drejtimi.

Nisur nga kjo situatë, a duhet të rinovohet Partia Demokratike?

Absolutisht ka vend për rinovim. Dhe PD e ka bërë në vazhdimësi. Ashtu si ka nevojë për bashkëjetesë brezash, profesionesh, eksperiencash, gjinore, idesh brenda programit tonë etj.. PD është një parti e madhe, e hapur, që në forumet drejtuese të saj, si Këshilli Kombëtar, grupi parlamentar ka shumë të rinj të aftë e më perspektivë. Ky është një proces fiziologjik, që nuk duhet konsideruar si luftë brezash, që do ishte shkatërrues. Ta kthesh të tillë do të thotë se paku ta transformosh në një proces diskriminues e dëmtues të rëndë.

Ne kemi nevojë të zgjerohemi në të gjitha fashat e popullsisë, jo të përjashtojmë të tilla. Të punojmë të gjithë së bashku për t’iu kundërvënë këtij regjimi, i cili nga autokracia po shkon në diktaturë dhe që nuk është e lehtë për ta përmbysur. Prandaj duhet të jemi të qartë në këtë, pikërisht për të shtuar forcën përballë regjimit, që të mund t’i hapim rrugë një procesi të ndershëm zgjedhor.

Ju jeni deputeti më jetëgjatë në Kuvend. Çfarë ju mban ende aktiv në politikë?

Unë jam deputet që nga parlamenti i parë i 1991. Unë vij në politikë nga universiteti e spitali, duke u bërë pjesë e lëvizjes demokratike që në orët e para të saj, duke qenë në atë kohë mjek e drejtues i një nga departamentet universitare më të rëndësishmE klinike. Dhe gjithë ky aktivitet politik më bën realisht shumë krenar, ashtu si më bën dhe aktiviteti im universitar, mjekësor, shkencor në vazhdimësi.

Në lidhje me sa me pyesni, jam i vendosur të qëndroj aktiv në politikë për aq kohë sa perëndia të më japë shëndet e mundësi. Sot mendoj se është koha për të vazhduar të qëndrosh, të marrësh pjesë. Dhe kjo realizohet në shumë mënyra, edhe në qoftë se nuk do isha deputet përsëri, do të isha aktiv në politikë. Sot më shumë se kurrë, ashtu si më 1990-91 kërkohet pjesëmarrja e të gjithë atyre që aspirojnë në një Shqipëri demokratike, europiane, të zhvilluar e të lirë nga sulltanatet. Ne fatkeqësisht nuk e kemi luksin të tërhiqemi, të qëndrojmë të qetë në shtëpitë tona, kur vendi po shkon drejt katastrofës më të thellë në të gjitha aspektet. Ky është qëndrimi im, këto janë bindjet e mia, për të cilat do të luftoj sa të kem mundësi.

Ju jeni zgjedhur për të tretën herë deputet i Qarkut të Gjirokastrës. Sa e vështirë është që një deputet i opozitës t’iu përgjigjet shqetësimeve të qytetarëve?

Për të qenë shumë i qartë dua të them se për një deputet të opozitës nën një regjim si këtu, është shumë e vështirë të ndihmojë konkretisht njerëzit në zonën e tij. Regjimi nuk krijon hapësira për punën normale të deputetit të opozitës. Dhe kjo me jep një keqardhje të thellë duke parë si është katandisur ajo popullsi fisnike, vlerash, kulture e atij Qarku, si janë katandisur e degdisur institucionet e tij, universiteti, spitalet, si është shkatërruar ekonomia. Dhe mbi të gjitha si shkelen çdo ditë të drejtat e qytetarëve. Dhe është e vështirë të influencosh konkretisht për individin nga nëpërkëmbja që i bën regjimi. Dhe kjo të trishton fort.

Por unë përpiqem të ruaj marrëdhëniet njerëzore me ata njerëz të rrallë nga vlerat, të ngre vazhdimisht problemet e tyre në Kuvend, media, kudo ku mundem, qoftë edhe përballë shurdhësisë se regjimit. Përpiqem t’i ndihmoj sa mundem me profesionin tim si mjek, me kolegët e mi që janë gjithmonë të gatshëm të më përgjigjen e unë i falënderoj shumë për ketë. Pra, kryesisht për problemet e shëndetit. Sot në këtë gjendje të rëndë të shërbimit shëndetësor kujdesi për çdo të sëmurë merr rëndësi të veçantë. Dhe unë këtë përpiqem ta bëj, duke qenë natë e ditë i gatshëm për të ndihmuar ata banorë, që i falënderoj shumë, pavarësisht nga gjendja sociale, përkatësia politike etj. Përballë shëndetit nuk mund të ketë diferenca.

The post Tritan Shehu: Berisha e mban të bashkuar PD-në, largimi i tij sjell pasoja shumë të rënda, regjimet s’shemben me votë, por me lëvizje popullore appeared first on Albeu.com.

Peizazhi mediatik shqiptar, shumë i polarizuar, tregoi gjatë fushatës zgjedhore një pamje të pluralizmit të kompromentuar rëndë. Zgjedhjet parlamentare në Shqipëri më 11 maj 2025 u shënuan nga shtrembërimet serioze demokratike. Kjo është ajo që del nga raporti i fundit i misionit të OSBE/ODIHR-it, i cili, ndërkohë që njeh efikasitet organizativ, denoncuar një kontekst të […]

The post Raporti i OSBE-ODIHR për 11 Majin: Pabarazi, abuzime dhe frikësim në zgjedhje appeared first on BoldNews.al.

Anëtari i Këshillit bashkiak Tiranë i PD, Dorian Teliti në një  emision televiziv u shpreh se dorëheqja e drejtorëve në bashkinë e Vlorës ka ardhur si pasojë e presionit politik të kryeministrit Rama.

Teliti: Dorëheqja e tyre ka ardhur si pasojë e një presioni politik nga ana e kreut të mazhorancës që e bëri të qartë e të thjeshtë që largohuni vet për 24 orë ndryshe pastaj lindin pasojat.

Dhe frika pastaj i ka çuar të gjithë drejtorët e bashkisë së Vlorës të largohen nga detyra.

Bashkia është institucion i pavarur pra është institucion i pushtetit vendor dhe është i pavarur nga qeverisja qendore.

Është i pavarur nga operimi dhe diktati i politikës së Tiranës.

Fakti që ndërhyhet me postin kryeministror dhe fuqinë kryeministrore, ndërhyhet në një pushtet i cili nuk varet nga ana e kryeministrit, kjo pastaj është në shkelje të hapur të parimeve dhe të Konventave Ndërkombëtare që Shqipëria ka firmosur këtu e 30 vite më parë siç është ajo e Konventave të drejtave të Njeriut pikë së pari.

Po ashtu edhe të Autoriteteve Europiane lokale që e bëjnë të qartë që pushtetet janë të ndarë, askush nuk duhet të ndërhyjë por të mos kemi raste të tilla të kërcënimit dhe largimeve masive nga puna.

Historia e Vlorës është histori e çuditshme midis kryeministrit dhe kryetarëve të bashkive të Vlorës.

The post “Largohuni brenda 24 orëve”, Teliti akuzon: Rama përdori pushtetin për të shantazhuar drejtorët në Vlorë appeared first on Sot News | Lajme.

Këtë të premte, kryetari i Partisë Demokratike, Sali Berisha, doli në një konferencë për mediat, nga ku foli për zgjedhjet e 11 Majit.

Teksa i cilësoi zgjedhjet parlamentare si ‘farsë elektorale’, Berisha publikoi sot video të reja nga disa qendra votimi në Krujë, që sipas tij faktojnë manipulimin e votave.

Në videot e publikuara dhe të shpjeguara nga PD, vërehen votime familjare dhe patronazhistë që shoqërojnë zgjedhësit në kutinë e votimit.

“Votim familjar nën mbikëqyrjen e kamerës së qeverisë”, tha PD përmes videove të transmetuara.

Berisha: Tani, rikthehemi tek problemi themelor, shkatërrimtar për Shqipërinë dhe shqitparët. Farsa elektorale 11 maj, 2025.
Në themel te shkretimit të Shqipërisë, të përgjysmimit në 10 vite të popullatës së saj.

Në themel të rritjes së madhe të varfërisë në këtë vend. Në themel të dominimit total të Shqipërisë nga kartelet e drogës dhe krimi, qëndron mungesa e votës së lirë të shqiptarëve me një ndërthurje të këtyre faktorëve, ndaj dhe PD është e vendosur të paraqesë para shqiptarëve të gjithë farsën e shëmtuar që ndodhi më 11 maj, me besimin e plotë se, do të jetë një motiv i madh për ta për t’u ngritur dhe rivendosur me çdo çmim dhe me çdo kusht votën e lirë në Shqipëri, për t’u përballur me narkoshtetin.

Sot, këtu kemi video, nga një seri qendrash të Bashkisë së Krujës, ku ju do të shihni se si u votua në këtë bashki, ndërkohë që, policia politike e patronazhistëve kontrollonte në mënyrë anti-ligjore, anti-kushtetuese votën e qytetarëve, ose qytetarët votonin kolektivisht, ose votonin duke patur kamerat mbi kokë, në mënyrë që t’u lexohej vota. Kjo është fshehtësia e votës.

The post Berisha publikon video të reja nga zgjedhjet e 11 Majit: Ja se si patronazhistët shoqërojnë zgjedhësit në… appeared first on Albeu.com.

Ai ka artikuluar tezën e krijimit të një qeverie teknike. Deputeti demokrat, Dashnor Sula, i ftuar në një studio televizive thotë se kjo tezë është për të blerë kohë, me qëllim që të largoi vëmendjen nga shqetësimi real i demokratëve, që është humbja e zgjedhjeve.

Pas humbjes së zgjedhjeve të 11 majit, fakt që u provua edhe nga procesi i rinumërimit të votave, Sali Berisha nuk e shikon problemin në radhët e veta, por përpiqet të justifikojë goditjen me argumentin se zgjedhjet janë vjedhur dhe nuk kishte garë politike.

“Nuk është rasti i parë, njihet qasja e doktorit në raport me kundërshtarin apo me retorikën që përdor, që mban stekën lart dhe në fund pastaj, në shumë beteja që i ka artikuluar, përfshirë dhe qeverinë teknike dhe shumë gjëra të tjera dhe në fund janë shuar ato beteja dhe pa asnjë lloj rezultati, edhe ky rast kështu do jetë. Është konsum para pushimeve të gushtit dhe që të mbajë gjallë… deri sa të vijë parlamenti. Në shtator fillon një gjë tjetër, ngritjen e një narrative tjetër dhe kështu dëshiron të shtyjë dhe kjo është e qartë.”

Ai theksoi se Sali Berisha ka shuar zërat kritikë në partinë Demokratike dhe nuk ka asnjë konkurrent.

“Opozita s’ka konkurrues ndaj Berishës dhe kjo është disfatike dhe nuk ka njëri që t’i dalë përballë, as me zë ndryshe, as me konkurrim dhe në gjithçka. Vetëm Tabaku kemi një deputete të votuar, ndërsa gjithë lista tjetër janë deputetë të emëruar, pra janë deputetë pa vota”, tha Sula.

The post “Beteja që janë shuar”/ Pse Berisha lyp qeveri teknike, edhe pse humbi zgjedhjet, plas deputeti: ‘Këngë’ e vjetër appeared first on Sot News | Lajme.

Këtë të enjte, pas rinumërimit në qarkun e Tiranës dhe Fierit, në orën 09:00, në Pallatin e Sportit “Farie Hoti”, pritet të nisë procesi edhe për kutitë e Durrësit.

Në total, janë 290 kuti që do të rihapen, ku do të përfshihet edhe vota e diasporës për këtë qark.

Në këtë qark, beteja është mes Aulon Kalasë dhe ish-prokurorit Arjan Ndoja. Ky i fundit fitoi me një diferencë prej 1047 votash.

Kalaja nuk u mbështet nga PD në betejën e tij për rinumërim, por u ndihmua nga Partia Lëvizja e Legalitetit, i cili ishte në koalicionin PD-ASHM.

Kalaja protestoi edhe dje para Pallatit të Sportit “Farie Hoti”, ku po rinumëroheshin kutitë e fundit të Fierit, duke kërkuar korrektësi nga KAS dhe rinumërim të plotë të kutive të votimeve për Durrësin.

Ai kërkoi gjithashtu edhe këqyrjen e pamjeve filmike, me pretendimin se i janë transferuar votat brenda partisë.

Pritet të shihet nëse me rinumërimin e këtyre kutive, Kalaja do të mund të rikuperojë votat e nevojshme për të përmbysur rezultatin e Ndojës.

The post Pas Tiranës e Fierit, sot hapen kutitë në Durrës/ Garë brenda PD-së mes Aulon Kalasë dhe Arjan Ndojës appeared first on Albeu.com.

Ilir Alimehmeti nuk është i kënaqur as me procesin e rinumërimit të votave në qarkun e Tiranës, edhe përse ishte një nga kërkuesit që kjo gjë të realizohej në kuadër të transparencës.

I ftuar në  një emision televziziv, Alimehmeti u shpreh se KQZ e bëri rinumërimin si donte vetë dhe nuk pranoi të merrte për bazë videot e saj, nga të cilat ai në cilësinë e kandidatit bëri dhe kërkesën për rivlerësim.

“Rinumërimi si u bë nga KQZ dhe si u vendos nga KAS nuk u bë si kërkuam ne. Kërkesa ime u hodh poshtë nga KAS dhe Kolegji, duhet të pyesni këto organe se përse. Nuk kanë dashur qëllimisht të shihen videot pasi atyre zbulohet çfarë është bërë. Bëhet fjalë për kamerat e KQZ dhe ajo nuk dëshiroi të hapte videot, por kutitë.

Videot i hodhi poshtë dhe pranoi kërkesën e subjektit politik. Ishim të qartë që nuk do të prodhonin gjë. KQZ nuk hyri në rrënjën e manipulimit, nuk shkoi te videoja. Ne ia kishim ofruar si kampion dhe nuk pranuan. Ata bën çfarë deshën vetë dhe jo çfarë kërkuam ne. Baza e provës përbëhet nga video e KQZ, ne atë kemi parë. Nëse këtë video nuk e përdor më, atëherë nënkupton që po mbron manipulimin”, tha Alimehmeti.

The post “Rinumërimi u bë si donte KQZ dhe jo si donim ne”, Alimehmeti i pakënaqur: Nuk u morën parasysh videot si provë appeared first on Sot News | Lajme.