Komisioni i Ankimimeve dhe Sanksioneve (KAS) vendosi këtë të hënët, me shumicë votash, rrëzimin e kërkesës ankimore të Partisë Demokratike – Aleanca për Shqipërinë Madhështore (PD-ASHM) për shpalljen e pavlefshmërisë së zgjedhjeve të 11 majit në qarqet Elbasan, Fier, Durrës dhe Tiranë.

Kërkesa u vlerësua si e pambështetur në ligj dhe në prova e për rrjedhojë, nuk do të ketë përsëritje të zgjedhjeve në këto katër qarqe.

Ndërkohë, javën e kaluar përfundoi rinumërimi i votave në disa prej qarqeve, përfshirë Tiranën dhe Fierin, pa sjellë ndryshime në rezultatin e shpallur për zgjedhjet e 11 majit.

LEXONI GJITHASHTU:

• Rinumërimi në Tiranë, anëtari i KAS: Nuk ndryshon shpërndarja e mandateve
• Manipulim apo gabim? Braho: KAS po shqyrton rritjen e votave për kandidaten në Fier

The post KAS rrëzon kërkesën e PD-ASHM për shpalljen e pavlefshme të zgjedhjeve në 4 qarqe appeared first on Euronews Albania.

Tiranë, 7 korrik /ATSH/ Komisioni i Ankimimeve dhe Sanksioneve (KAS) rrëzoi sot kërkesat e koalicionit “Partia Demokratike-Aleanca për Shqipërinë Madhështore” për shpalljen të pavlefshme të zgjedhjeve të zhvilluara në qarqet Elbasan, Fier, Tiranë dhe Durrës.

KAS rrëzoi këto kërkesa me argumentin e mungesës së provave dhe si të pambështetura në ligj.

KAS la po ashtu në fuqi vendimet e Komisionerit Qendror të Zgjedhjeve për miratimin e tabelave përmbledhëse të rezultateve të votimeve të zonave zgjedhore respektive.

KAS me shumicë votash vendosi pranimin e kërkesës ankimore të depozituar nga koalicioni “Nisma Shqipëria Bëhet”, për kundërshtimin e vendimit të KSHZ “Për miratimin e tabelës përmbledhëse të rezultatit të votimit në zonën zgjedhore qarku Fier, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025”, si edhe ndryshimin e vendimit të Komisionerit dhe pasqyrimin e rezultateve të rinumërimit dhe rivlerësimit të votave për këtë zonë zgjedhore gjatë procesit ankimor.

Gjithashtu, vendosi ndryshimin e vendimit të KSHZ “Për miratimin e tabelës përmbledhëse të rezultatit të votimit në zonën zgjedhore qarku Tiranë, në zgjedhjet për Kuvendin të datës 11 maj 2025”, sipas rezultateve të dala nga rinumërimi dhe rivleresimi i votave të kryer gjatë procesit ankimor për këtë qark.

KAS pranoi pjesërisht kërkesën ankimore të depozituar nga subjekti zgjedhor Partia “Lëvizja e Legalitetit”, për kundërshtimin e vendimit të KSHZ “Për miratimin e tabelës përmbledhëse të rezultatit të votimit në zonën zgjedhore qarku Durrës, për subjektet zgjedhore dhe kandidatët për deputetë në zgjedhjet për Kuvendin të datës 11 maj 2025” dhe vendosi reflektimin e rezultateve të rinumërimit dhe rivlerësimit të votave të kryer gjatë procesit ankimor./a.gj/j.p/

The post Pavlefshmëri e zgjedhjeve në Elbasan, Tiranë, Fier, Durrës, KAS rrëzon kërkesat e PD appeared first on Agjencia Telegrafike Shqiptare.

KAS ka rrëzuar kërkesën ankimore të PD-ASHM lidhur me pavlefshmërinë e zgjedhjeve në qarkun e Elbasanit, Tiranës, Durrësit dhe Fierit. Përmes vendimit të sotëm, KAS bëri me dije se nuk do të ketë rinumërim për këtë qark duke cerfitikuar njekohesisht zgjedhjet e 11 majit.

Ndërkohë pak ditë më parë përfundoi rinumërimi i votave për qarqe si Fieri, Durrësi, Tirana, Kukësi por pa ndryshime sinjifikative në rezultatin e 11 majit.

The post Pavarësisht pretendimeve, KAS certifikon zgjedhjet në katër qarqe kyçe appeared first on Sot News | Lajme.

KAS ka rrëzuar kërkesën ankimore të koalicionit të Partisë Demokratike lidhur me pavlefshmërinë e zgjedhjeve në qarkun e Elbasanit, Tiranës, Durrësit dhe Fierit. KAS përmes vendimit të sotëm bëri me dije se nuk do të ketë rinumërim për këtë qark. Pak ditë më parë përfundoi edhe rinumërimi i votave për qarqe si Fieri, Durrësi, Tirana, […]

The post Zgjedhjet/ KAS rrëzon kërkesën e PD për pavlefshmëri të zgjedhjeve në 4 qarqe appeared first on BoldNews.al.

Certifikimit të zgjedhjeve të 11 majit duket se është drejt fundit. Ndërkohë që KAS pritet të vendosë sot për katër qarqet e vendit. Bëhet fjalë konkretisht për qarkun e Elbasanit, Tiranës, Durrësit dhe Fierit.

Ishte pikërisht qarku i Elbasanit, ku PD ngriti për herë të parë pretendimet për trenin bullgar. Ndërkohë që nga rinumërimi i votave nuk pati ndryshim në rezultat./abcnews.al

Komisioni i Ankimimeve dhe Sanksioneve (KAS) pritet të vendosë sot për vlefshmërinë e zgjedhjeve në 4 qarqet: Tiranë, Durrës, Fier dhe Elbasan pas rinumërimit të votave. KAS do të mblidhet paraditen e sotme në orën 11:00.

Partia Demokratike-ASHM ankimoi rezultatet e zgjedhjeve në qarqe duke kërkuar pavlefshmëri dhe përsëritje të zgjedhjeve, por në 8 prej qarqeve, kërkesa u rrëzua. Javën e kaluar u mbyll rinumërimi i kutive të Durrësit, 85 prej të cilave ishin të diasporës, ku nuk u prodhua ndryshim në rezultat.

Nga procesi i rinumërimit në Tiranë u gjetën gabime të konsiderueshme, ndërsa në Fier ky proces i dha mandatin me 10 vota diferencë Maldrita Bardhos. Kjo e fundit e refuzoi, duke ia lënë Zegjine Çaushit, e cila kishte fituar në raundin e parë.

The post Përfundimi i rinumërimit, KAS vendos sot për vlefshmërinë e zgjedhjeve në 4 qarqet appeared first on Lapsi.al.

E hëna do të mbyllë përfundimisht punën e Komisionit të Ankimeve dhe Sanksioneve për zgjedhjet e 11 majit.

Trupa me pesë anëtarë do të marrë vendimet për katër qarqet e mbetura dhe që iu nënshtruan rinumërimit, përkatësisht Elbasanin, Tiranën, Fierin dhe Vlorën.

Nga verifikimi I fletëve nuk pati ndryshime në mandate por dha sinjale për të hapur hetim për shkak të numrit të lartë të votave preferenciale në qarkun Fier dhe Durrës.

Nëse KAS rrëzon kërkesat për rivotim të këto katër qarqe, hallka e fundit ligjore për ankimimet e opozitës mbetet Kolegji Zgjedhor, e cila deri më tani ka rrëzuar çdo ankimim të depozituar nga të djathtët.

Pas vendimit të Kolegjit, kryekomisionerit Ilirian Celibashi i hapet rruga për certifikimit e mandateve të fituara në 11 maj ç’ka vulos përfundimisht 140 deputetët e legjislaturës së 11 që nis në shtator.

Nga zgjedhjet e pranverës, PS fitoi me 83 mandate ndërsa PD së bashku me aleatët fituan 50 mandate. Ndërkaq 7 mandate të tjera arritën t’i rrëmbejnë partitë e vogla.

The post Zgjedhjet drejt finalizimit/ KAS ‘vulos’ 11 majin, gati certifikimi i 140 deputetëve të rinj appeared first on Sot News | Lajme.

Rinumërimi i votave në qarkun e Durrësit nuk solli asnjë ndryshim mandatesh mes forcave politike.

Ajo që humbi më tepër vota ishte vetë Partia Demokratike, edhe pse kërkesa për rinumërim u bë nga kandidati i të njëjtës parti, Aulon Kalaja.

Në përditësimin zyrtar të KQZ-së, rezulton se Partia Demokratike ka humbur 18 vota, ndërsa Partia Socialiste 5 vota. Po ashtu, koalicioni “Djathtas për Zhvillim” humbi 5 vota nga korrigjimi.

Sipas të dhënave të KQZ, Arjan Ndoja ka rezultuar me 88 vota të marra padrejtësisht, ndërsa Aulon Kalasë i janë rikthyer 11 vota që nuk i ishin përfshirë në numërimin e parë, por ky rezultat nuk i siguroi Kalasë një ulëse në Kuvend.

Aulon Kalaja thotë se KAS dhe KQZ anuluan numërimin e të gjitha votave të qarkut Durrës; sipas tij, në datën 3 qershor me një vendim të vetë KQZ-së duhej të hapeshin 290 kutitë brenda vendit dhe 85 kutitë e Diasporës, por ky vendim ndryshoi duke lejuar të hapen vetëm 154 kuti plus kutitë e Diasporës.

Në një video të postuar në rrjetet sociale, Aulon Kalaja ndërprerjen e rinumërimit të të gjitha votave të qarkut Durrës e quan “krim zgjedhor” që mbështetet nga vetë KQZ dhe KAS.

Pavarësisht këtij vendimi, Kalaja thotë se nuk do të ndalet së kërkuari hapjen e kutive të tjera, edhe pse kjo kërkesë do të shkaktojë zemërim te kolegët e partisë së tij.

Sa i përket kandidatëve të tjerë në PD, 54 vota i shtohen Emri Vatës, 17 i shtohen Edlira Harizit, 24 Ndrec Pjetrit, ndërsa 39 i hiqen Petro Vokopolës. Te socialistët, Arkend Balla ka marrë 63 vota pa meritë, që i hiqen nga numërimi i parë. Ani Dyrmishi rikuperon 18 vota, Alban Xhelili 25, kurse Erjon Xhili humb 37 vota.

The post Rinumërimi në Durrës/ Kandidati i PD akuzon KAS: Do ta vazhdoj betejën, edhe pse kjo do zemërojë kolegët appeared first on Sot News | Lajme.

TIRANË, 4 korrik /ATSH/ Përfundon procesi i rinumërimit të votave për qarkun e Durrësit, si pjesë e verifikimeve paszgjedhore nga Komisioni i Ankesave dhe Sanksioneve.

Sipas rezultateve zyrtare, Partia Demokratike ka humbur 18 vota, ndërsa Partia Socialiste ka humbur 5 vota.

Ndryshimet janë të vogla dhe nuk ndikojnë në ndarjen e mandateve, por vijnë si pjesë e një procesi transparence dhe kontrolli për mbarëvajtjen e zgjedhjeve.

Gjithashtu ka përfunduar edhe procesi i rinumërimi të kutive të diasporës për qarkun e Durrësit.

Nga zarfet e emigrantëve, PD-së i shtohen 15 vota pas rinumërimit, ndërsa PS-së 11 të tilla.

Sa i përket disa prej kandidatëve të listave të hapura, Arjan Ndojës së PD-ASHM i hiqen pas rinumërimit 88 vota që nuk i takonin, ndërsa Aulon Kalasë i shtohen 11 vota.

Ky i fundit ishte renditur në listat e hapura poshtë Ndojës, pas daljes së rezultateve.

Megjithë 11 votat e shtuara Kalaja nuk i merr dot mandatin e deputetit Arjan Ndojës për PD-në në qarkun Durrës.

/gj.m//r.e//a.f/

The post Përfundon rinumërimi për qarkun e Durrësit: PD humb 18 vota, PS 5 appeared first on Agjencia Telegrafike Shqiptare.

Kostas Tsimikas ka nderuar shokun e tij të ngushtë dhe ish-bashkëlojtarin Diogo Jota përmes një postimi prekës në rrjetet sociale, të shoqëruar me një imazh rrënqethës të fanellës me numrin 20 të Jotas, vendosur në vendin e aksidentit tragjik. 

Pamja e dhimbshme tregon fanellën e Liverpoolit me emrin e Jotas, e fotografuar në Cernadilla të Spanjës, ku ndodhi aksidenti fatal në orët e para të mëngjesit të së enjtes. 

Në përshkrimin e postimit në Instagram, Tsimikas i kushtoi një mesazh emocional mikut të tij të afërt, duke kujtuar kohën kur të dy u transferuan te Liverpool në të njëjtin vit, në vitin 2020, dhe përjetuan momente të paharrueshme së bashku. 

Reagimi i plotë i Tsimikas: 

Ai mban numrin 20 dhe quhet Diogo. U transferuam në klub në të njëjtën periudhë. Ishim ‘djemtë e rinj’ në qytet. 

Kemi ndarë dhe festuar disa nga momentet më të bukura të karrierës sonë bashkë. Para njërës prej atyre të fundit, më the ‘Ti jep krosin, unë shënoj’  dhe ashtu ndodhi. Qeshëm shumë, folëm për gjithçka. 

Ishe një lojtar i veçantë, një njeri i veçantë, një legjendë e vërtetë, Diogo. Do të kujtohesh gjithmonë dhe do të jesh gjithmonë i dashur. 

Zemra dhe lutjet e mia janë me Rute, me djemtë tuaj, vajzën e vogël, me familjen tënde dhe të gjithë ata që ju donin dhe prisnin të ktheheshit në shtëpi. 

Ti dhe vëllai yt André do të na mungoni përgjithmonë. 

 

View this post on Instagram

 

A post shared by TK21 (@tsimikas21)

/Telegrafi/ 

The post Fanella e Diogo Jotas vendoset në vendin ku ndodhi aksidenti tragjik appeared first on Telegrafi.

The post Skandal në Fier?/ KAS: Kandidatja demokrate mori 597 vota shtesë, pritet vendim për kallëzim penal appeared first on Sot News | Lajme.

Teksa po vijon rinumërimi i votave për Bashkinë e Fierit, anëtari i Komisionit të Ankimimeve dhe Sanksioneve , Ledio Braho, është ngritur shqetësimi lidhur me sasinë e votave që i janë shtuar deputetes së koalicionit “Shqipëria Madhështore”, Silva Hasaj.

Vetëm nga rinumërimi i dy bashkive, Lushnjë dhe Divjakë, Hasaj ka përfituar 586 vota shtesë. Braho tha se në disa qendra votimi janë konstatuar lëvizje të votave me mbi 15 apo 20 vota, duke shtuar se kjo situatë kërkon verifikime të mëtejshme.

“Duke iu referuar shifrës, në disa qendra votimi ka lëvizje me mbi 15 apo 20 vota dhe ne do e diskutojmë si KAS, në momentin që do përfundojë procesi i rinumërimit për qarkun Fier.

Referuar statistikave besoj se mund të kërkojmë nga komisioneri që ai të kryejë veprimet e mëtejshme për të verifikuar këtë situatë sepse duhen hapur më tej edhe kutitë e materialeve zgjedhore duhen verifikuar kush kanë qenë numëruesit dhe të shofim si do të vijojë”, tha Braho.

Sipas tij, nëse rezulton që lëvizjet e votave janë bërë nga të njëjtat grupe, mund të kemi të bëjmë me një vepër penale dhe do të ketë bazë për depozitimin e një kallëzimi penal. Në rastet ku diferenca është minimale, me 1 apo 2 vota, Braho tha se situata mund të trajtohet me sanksione administrative, sipas vendimmarrjes së KQZ-së dhe KAS-it.

“Nëse do jenë gupet e numërimit të njëjta që kanë bërë lëvizje të tilla të votave, ka elementë mjaftueshëm për të depozituar një kallëzim penal sepse do shihet qartë se lëvizjet janë shumë të mëdha. Nëse janë grupe numërimi të ndryshme, apo atje ku ka lëvizje me një apo dy vota ato kryesisht, janë në pjesën e sanksioneve administrative që është komisioneri shtetëror i zgjedhjeve që ia propozon KAS-it sipas procedurës dhe në vijojmë me vendimmarje për dënim administrativ me gjobë. Kjo do shihet në varësi të grupit të numërimit se ku kanë qenë lëvizjet më të mëdha të votave.

Duhen parë secila qendër votimit për secilin kandidat që të arrijmë në përfundim lidhur me këtë çështje. Nga kutia e votimit nuk dalin të gjitha votat që të dalim në një përfundim nëse është gabim njerëzor apo të jemi në kushtet e një vepre penale”, tha Braho.

LEXONI GJITHASHTU:

• “Ervis Martinajn s’e njoh, as Malkon”- Dëshmon në gjyq babai i vëllezërve Duka
• Dyshohet se abuzoi seksualisht me vajzën 12-vjeçe, kush është 36-vjeçari i arrestuar

The post Manipulim apo gabim? Braho: KAS po shqyrton rritjen e votave për kandidaten në Fier appeared first on Euronews Albania.

Nis sot rinumërimi i votave për partitë dhe kandidatët në qarkun Fier, pas përfundimit të procesit në Tiranë javën e kaluar. Nga ora 09:00, në Pallatin e Sportit “Farie Hoti” në kryeqytet do të nisë hapja e 587 kutive të votimit për të kontrolluar saktësinë e rezultateve fillestare në këtë qark që prodhon 16 mandate në parlament.

Rinumërimi është jetik për dy forca të vogla politike nëse vërtetohen gabime në numërimin apo vlefshmërinë e votave. Nisma “Shqipëria Bëhet” e Adriatik Lapajt humbi mandatin për rreth 500 vota, dhe nëse gjatë rinumërimit Azmer Duleviç fiton këto vota që mund t’i jenë hequr, ai bëhet deputet. Kjo do të thotë se PS mund të humbasë një mandat, dhe në këtë rast jashtë parlamentit do të mbetej Zegjine Çaushi.

Rinumërimi është jetik për disa parti nëse vërtetohen gabime. Nisma “Shqipëria Bëhet” e Adriatik Lapajt” e Adriatik Lapajt humbi mandatin për rreth 500 vota, dhe nëse gjatë rinumërimit Azmer Duleviç fiton këto vota që mund të jenë hequr gabimisht, ai do të bëhet deputet. Kjo do të thotë se Partia Socialiste do të humbasë një mandat, dhe në këtë rast jashtë parlamentit do të mbetej Zegjine Çaushi.

Zegjine Çaushi rrezikon mandatin jo vetëm nga jashtë partisë, por edhe brenda PS-së, pasi fitoi me vetëm 64 vota më shumë se rivalja e saj brenda partisë, Maldrita Bardhos.

Partia “Mundësia” gjithashtu duhet të sigurojë të paktën 519 vota nga rinumërimi dhe t’i marrë PS-së një deputet për të hyrë në parlament.

Në rinumërimin e qarkut të Tiranës, që përfundoi të premten, nuk pati ndryshim rezultati por vetëm lëvizje të vogla votash që u konsideruan gabime njerëzore dhe jo trafikim votash nga KAS.

The post Rinumërimi nis për Fierin, Tirana pa ‘trafikim’ votash/ Lapaj lufton për një mandat në PS appeared first on Sot News | Lajme.

Deputeti i PD, Asllan Dogjani shprehet se zgjedhjet e 11 majit, treguan një vullnet të deformuar të qytetarëve shqiptarë, të cilin sipas tij e legjitimoi si vjedhje edhe vetë Komisioni i Ankimimeve dhe Sanksioneve. Dogjani tha se KAS ka përdorur dy standarde gjatë procesit të rinumërimit të votave, duke favorizuar Partinë Socialiste. Për Dogjanin, standardet […]

The post Dogjani: KAS legjitimoi deformimin e votës nga Edi Rama appeared first on BoldNews.al.

Kandidati i Partisë Demokratike për deputet në qarkun Tiranë, Ilir Alimehmeti, ka ngritur akuza të forta lidhur me procesin e rinumërimit të votave të zgjedhjeve të 11 majit. Alimehmeti deklaroi se votat janë manipuluar që në ditën e zgjedhjeve dhe se rinumërimi nuk po shërben për të zbardhur të vërtetën, por për ta mbuluar atë.

Ai theksoi se KAS-KQZ duhet të shqyrtojë pamjet filmike të procesit të votimit dhe numërimit, të cilat sipas tij tregojnë qartë manipulime, por kjo kërkesë është rrëzuar si nga KAS ashtu edhe nga Kolegji Zgjedhor.

“Video me verbalin e parë të numërimit nuk korrespondon. Kërkesa ime ka qenë bazuar mbi këto video. Është hedhur poshtë nga KAS , i jemi drejtuar kolegjit zgjedhor, është hedhur poshtë nga kolegji zgjedhor. Më pas subjekti ka kërkuar çfarë ka kërkuar dhe është pranuar. Pastaj unë nuk jam pjesë e këtij procesi, unë mbështes procesin në numërim.

Nuk kam qenë fare i pranishëm të rinumërimi, sepse unë këtë proces e konsideroj rinumërim të diçkaje që është manipuluar në kuti, sepse te videot fillestare origjinale nuk tregojnë këto rezultate”

Alimehmeti akuzoi gjithashtu Komisionin e Ankimimeve dhe Sanksioneve se po i jep konotacione negative disa kandidatëve të opozitës, duke cenuar imazhin dhe kredibilitetin e tyre në publik.

“Për shkak të përdorimit të termave të gabuar që nuk mendoj se është e rastësishme, hiqen disa votave kandidatëve, disa njerëz, një pakicë voton te mbiemri, me vendim administrativ të KAS janë quajtur që këto vota duhet t’i hiqen kandidatit. Po këto nuk mund të quhen të shtuara, apo të pamerituara. Ky konotacion negativ bëhet qëllimisht për të bërë pis x kandidat dhe kjo është e vërteta”, tha ndër të tjera Alimehmeti.

Ilir Alimehmeti: Në radhë të parë kërkesa jonë ishte bazuar në videot që vetë KQZ bën në procesin e rinumërimit dhe jo tashmë te votat që ato kanë qenë, ti numëroji një herë, dy herë , 3 herë ato tashmë janë manipuluar.

Video me verbalin e parë të numërimit nuk korrespondon. Kërkesa ime ka qenë bazuar mbi këto video. Është hedhur poshtë nga KAS , i jemi drejtuar kolegjit zgjedhor, është hedhur poshtë nga kolegji zgjedhor. Më pas subjekti ka kërkuar çfarë ka kërkuar dhe është pranuar. Pastaj unë nuk jam pjesë e këtij procesi, unë mbështes procesin në numërim.

Nuk kam qenë fare i pranishëm të rinumërimi, sepse unë këtë proces e konsideroj rinumërim të diçkaje që është manipuluar në kuti, sepse te videot fillestare origjinale nuk tregojnë këto rezultate.

Arsyeja e dytë për shkak të përdorimit të termave të gabuar që nuk mendoj se është e rastësishme, hiqen disa votave kandidatëve, disa njerëz, një pakicë voton te mbiemri, me vendim administrativ të KAS janë quajtur që këto vota duhet t’i hiqen kandidatit. Po këto nuk mund të quhen të shtuara, apo të pamerituara. Ky konotacion negativ bëhet qëllimisht për të bërë pis x kandidat dhe kjo është e vërteta.

The post “KAS refuzon videot e manipulimit”/ Alimehmeti ngre alarmin: Pse nuk u pa e vërteta? appeared first on Sot News | Lajme.

Anëtari i KAS në KQZ, Ledio Braho, i ftuar në emisionin Log. në News 24, deklaroi se nga rinumërimi i votave nuk janë konstatuar raste të trafikimit të votës, por vetëm gabime njerëzore.

Braho theksoi se ky proces lidhet vetëm me fazët e votimit dhe jo se çfarë ka ndodhur para ditës së zgjedhjeve. Braho u shpreh se pretendimet për manipulime nuk qëndrojnë. Po ashtu ai shtoi se nuk janë bërë shumë shpenzime, duke marrë parasysh zgjedhjet e pjesshme në disa bashki, (të cilat kishin shpenzime) dhe që u bënë pas skandaleve të ndryshme.

Anëtari i KAS, Ledio Braho: Nuk ka trafik votash. Kjo që po bëjmë ka të bëjë me pjesën e procesit zgjedhor, jo çfarë ka ndodhur përpara ditës së votimit. Shifrat që rezultojnë aty dhe që ka pretendime, janë krejtësisht relevante, që nuk mund të cilësohen trafikim vote. Janë gabime njerëzore pra më së shumti. Nuk janë harxhuar shumë para, nëse marrim parasysh se ka pasur zgjedhje në disa bashki para kohe pas skandaleve të ndryshme.

The post Rinumërimi i votave/ Anëtari i KAS Ledio Braho: S’ka trafikim votash, janë konstatuar vetëm gabime njerëzore appeared first on Sot News | Lajme.

Kur janë hapur kutitë e 65% e qendrave të votimit në procesin e rinumërimit të të gjithë qarkut të Tiranës, teksa lëvizjet e votës për partitë politike kanë rezultuar minimale, ajo që po shqetëson dhe krijon përplasje është rivlerësimi i votës së kandidatëve.

Nga rinumërimi i 794 kutive prej 207 gjithsej për t’u hapur rezultoi se 32 kandidatëve të Partisë Socialiste në listën e hapur të Tiranës i janë hequr plot 1724 vota krahasuar me numërimin e pas 11 majit, ndërsa 5 të tjerëve i janë shtuar 70 vota

Me shifra pak më vogla, por në të njëjtin trend, rezulton edhe në koalicionin opozitar, PD-ASHM. 27 kandidatëve opozitarë u janë hequr 705 vota, krahasuar me 130 vota që u janë shtuar 10 kandidatëve.

Pra me një mbledhje të thjeshtë, rezulton se vetëm për kandidatët e dy koalicionet e mëdha kanë ndryshuar me 2629 vota tabelat përmbledhëse të numërimit të 11 majit.

Kjo situatë ka sjellë pakënaqësi dhe reagime nga kandidatë të dy krahëve politikë.

Asllan Dogjani u përzu me polici nga qendra e rinumërimit në pallatin e sportit “Fahrie Hoti”, kur një votë që e kishte kryqin pak mbi kutinë, u përplas me anëtarët e KAS.

Deputeti socialist Erion Braçe, që figuron një prej kandidatëve që u janë hequr më shumë vota, edhe pse nuk rrezikon aspak mandatin, akuzoi anëtarët e KAS se duan t’i heqin ndokujt mandatin me këtë rinumërim, ndërsa disa vota për të me shenjën jashtë kutisë ose pas emrit, janë rivlerësuar si të pavlefshme.

Pakënaqësi për rinumërimin ka shfaqur edhe Ilir Alimehmeti, kandidati i PD, teksa ka publikuar një foto të një flete votimi, në të cilën shenja ka devijuar nga kutia e emrit të kandidatit tjetër demokrat Kreshnik Çollaku, ndërsa shtron pyetjen nëse është e pavlefshme, ashtu si e ka konsideruar KAS.

Më herët, kur procesi sapo kishte nisur dhe trendi i votave të pavlefshme po rritej ndjeshëm, ishte Partia Socialiste ajo që i kërkoi KAS të ndryshonte një vendimmarrje të tij dhe të quante të vota të vlefshme për kandidatët, edhe kur shenja ‘x’ apo ‘+’ është jashtë kutisë. Por KAS i qëndroi vendimit të tij, me argumentin se standardi ishte i barabartë për të gjithë.

Me qëllimin për të reduktuar votat e pavlefshme në votim, një manual i miratuar nga Komisioni Rregullator në KQZ përcaktonte të gjitha mënyrat e votimit. Ishin plot 31 të tilla, por të gjitha të përqendruara në votat e vlefshme për subjektet. Nëse do të ndiqej i njëjti standard si për subjektet politike, një shenjë e vendosur krah emrit të kandidatit, një tjetër që e rrethon emrin e tij, apo që shenja del jashtë kutisë, do të konsiderohej korrekte për ta cilësuar një votë të vlefshme. Por për anëtarin e KAS Ledio Braho manuali është thjesht një orientim dhe ata do t’i qëndrojnë vendimmarrjes, duke ia njohur palëve të drejtën e ankimit në Kolegj.

Por teksa vërtet manuali i KQZ uli ndjeshëm më 11 maj numrin e votave të pavlefshme krahasuar me ato të zgjedhjeve të 2021-shit, përplasja për votat e kandidatëve vijon, teksa pritet rinumërim edhe për 35% të kutive të Tiranës, e më pas qarku i Durrësit dhe ai i Fierit, ku i njëjti standard mund të lëvizë mandate deputetësh.

The post Rinumërimi ‘boshatis’ kutitë e kandidatëve/ Vendimi i KAS mund të ndryshojë mandatin për këto dy vende appeared first on Sot News | Lajme.

Kolegji Zgjedhor ka rrëzuar ankimimin e Partisë Demokratike për rezultatin zgjedhor në qarkun e Shkodrës. Më herët u rrëzuan dhe ankimimet për qarkun e Dibrës dhe Beratit. PD kishte kërkuar që zgjedhjet në qarkun e Shkodrës të shpallen të pavlefshme dhe të përsëriten duke pretenduar se janë bërë manipulime. Nga zgjedhjet e 11 majit në […]

The post Ankimimi për rezultatin e zgjedhjeve në qarkun e Shkodrës, Kolegji Zgjedhor rrëzon PD-në appeared first on BoldNews.al.

Kandidati për deputet i Partisë Demokratike, Asllan Dogjani, ka reaguar ashpër ndaj procesit të rinumërimit të votave, duke denoncuar shkelje të rënda dhe veprim me standarde të dyfishta nga Komisioni i Ankimimeve dhe Sanksioneve (KAS). I ftuar në “News 24”, Dogjani sqaroi përplasjen verbale që pati me anëtarin e KAS-it, Ilir Rusmajli, duke e akuzuar […]

The post U përplas me Rusmajlin/ Dogjani: Rinumërimi me dy standarde, KAS po tjetërson vullnetin qytetar appeared first on BoldNews.al.

Procesit i rinumërimit të votave vijon për qarkun e Tiranës. Gazetari i ABC Neës, Andon Kello, raporton nga pallati i sporti “Fahrije Hoti” se janë numëruar deri tani 515 qendra votimi ose 202 mijë vota, ndërsa deri tani nuk ka asnjë ndryshim rezultati.

Janë gjetur 12 vota më pak se sa ato të regjistruara në votimin fillestar. Rritet numri i votave të pavlefshme, kemi 500 vota të pavlefshme. Subjekti që po i heqin më shumë vota është PD me 276 vota të hequra, ndjekur nga PS me 201 vota, dhe Mundësisë 11 vota” tha ai.

Po ashtu u përjashtua edhe deputeti i PD Asllan Dogjani nga pallati i Sporti, pasi u përplas me Ilir Rusmailin për një votë.

“Asllan Dogjani është përjashtuar me vendim të KAS. Ai ka patur një debat me anëtarin Ilriu Rusmajlin, i cili pretendon për një votë të vlefshme, por KAS vendosi të ishte pavlefshme dhe KAS ka marrë vendim dhe ka kërkuar ndihmën e Policisë për ta larguar nga pallati me pretendimin se ka kërcënuar anëtarët e KAS dhe ka intimiduar numëruesit dhe ka prishur rendin dhe qetësinë në ambientet e Fahrije Hoti”, raportoi gazetari.

Më vonë, deputeti demokrat theu masën e KAS dhe u fut sërish në ambientet e rinumërimit.

The post Rinumërimi ndez Tiranën/ Asllan Dogjani largohet me polici, thyen urdhrin e KAS appeared first on Albeu.com.