Nuk ka qetësi në mandatin e vetëm që Nisma ”Shqipëria Bëhet” fitoi në zgjedhjet parlamentare të 11 Majit. Në Komisionin e Ankimimeve dhe Sanksioneve u shqyrtua ankimimi ndaj vendimit të Komisionit Qendror të Zgjedhjeve, që i dha mandatin e fituar në qarkun Tiranë vajzës së tezes së Adriatik Lapajt. Por KAS mendon ndryshe dhe vendosi të shpallë fituese Ana Lajkun. Adriatik Lapaj në një reagim të…

Source

Nuk ka fund telenovela verore për të vetmin mandat të koalicionit “Shqipëria Bëhet”. Pak ditë pasi Komisioni Qëndror i Zgjedhjeve i dha mandatin kushërirës së tij, Kleana Xhuveli, Adriatik Lapaj është ankuar në Komisionin e Ankimimeve dhe Sanksioneve duke kërkuar që në karrigen e deputetit në shtator të ulet ai, si më i votuari i listës së hapur.

Në shkresën drejtuar KAS, partia e Lapajt kërkon që të njihen dorëheqjet e kandidatëve të listës së mbyllur në mënyrë që më pas të kalohet tek garuesit e listave preferenciale,Adriatik Lapaj renditet i pari me mbi 6000 vota. Po ashtu, kërkohet që të mos pranohet as revokimi nga dorëheqja për Kleana Xhuvelin dhe Zeqir Kordhonin. Pikërisht nga kërkesa e këtij të fundit për tu bërë deputet nisi edhe përcarja mes Lapajt dhe Shabanit. Dhe për të mos ja lene mandatin dajës së Shabanit, Kleana Xhuveli, kushërira e Lapajt revokoi dorëheqjen duke marrë mandatin e deputetes.

Me vendimin e 23 korrikut, Ilirjan Celibashi, jo vetëm që i la të dy jashtë kuvendit por i rrëzoi Adriatik Lapajt dhe Endri Shabanit edhe skemën që përdorën për të shmangur listat e mbyllura edhe si një simbolikë për një politike ndryshe ajo e të vjetërve. Por mesa duket, kanë më shumë të përbashkëta, përfshirë edhe luftën për një karrige./abcnews.al

Kryetari i Komisionit të Posacëm Antikorrupsin, Fatmir Xhafaj, mohoi zërat se nëpërmjet tij është tentuar të dublohet puna e organeve të drejtësisë.

Në asnjë paragraf të dokumentit prej 700 faqesh thotë Xhafaj, nuk asnjë ndërhyrje apo rishikim që mund të preke reformen në drejtësi, por ky dokument I shërben luftës kundër korrupsionit, edhe në përmbushje të detyrimeve që vijnë nga Bashkimi Europian në procesin e negociatave.

“Komisioni nuk u ngrit për të dublikuar punën e SPAK, ma gjeni një moment në gjetje edhe më thoni dhe dal jua sqaroj unë. E gjithe ca është thënë është një fortunë në gotë”

Xhafaj tha se institucionëve të drejtësisë nuk iu kërkua të merrnin pjesë në komision por të bënin ata një analizë të detajuar mbi punën e tyre dhe rekomandimet tja përcillnin kuvendit.  Por  nuk e fsheh nevojën për një analizë të thellë të punës së këtyre institucioneve, me nisjen e legjislatures se re.

“Po behet gati 10 vite nga ndryshimet kushtetuese, duhet te pare efektiviteti qe kane patur. Janë vetë ata që kanë sjellë 150 amandamente për ndryshim. Kush i bën këto, a i bën Kuvendi? Ne u thamë merrini këto, diskutojni së bashku dhe na thoni se çfarë kërkojeni. Ne ua dhamë këtë kompetencë, ua dhamë këtë shans e mundësi. Do e them sinqerisht, ata humbën një shans shumë të mirë, për të bërë analizën për punën e tyre dhe për të diskutuar dhe kaoluar ato amendamente që donin”

Megjithatë, Xhafaj nuk e fsheh shijen e hidhur që i ka lënë mungesa në komision e institucioneve të drejtësisë, specifikisht SPAK dhe GJKKO. Dhe kur pyetet për zgjatjen e mandatit të kreut të SPAK, jep këtë përgjigje:

“Deri më sot nuk kam parë argumenta, duhet që të ketë një diskutim. Diskutimi duhej të bëhej brenda institucioneve të drejtësisë. Në legjislaturën e re kur të bëhet konsolidimi i reformës në drejtësi do të ketë një qëndrim.”

Përplasja publike mes Adriatik Lapajt dhe Endri Shabanit vazhdon, me këtë të fundit që ka reaguar sërish ndaj deklaratave të kreut të “Shqipëria Bëhet”. Në reagimin e tij, Shabani e akuzon Lapajn për shpifje dhe manipulim të së vërtetës, duke e cilësuar sjelljen e tij si pjesë të një “teatri politik”. Sipas tij, Lapaj po […]

The post Vazhdon “telenovela” Shabani-Lapaj: S’dua më të bëhem deputet appeared first on BoldNews.al.

Një mandat për një Pazar. Adriatik Lapaj dhe Endri Shabani tani flasin me të njëjtën gjuhë, por jo për të njëjtin synim.

Kreu i Lëvizjes’ Shqipëria Bëhet’ zbuloi kërkesat që Shabani i parashtroi pas zgjedhjeve në këmbim të mandatit.

“Më kërkoi drejtimin e koalicionit, më kërkoi kandidimin për kryetar bashkie, dhe një fond prej 30 milion lekësh për koalicionin”

Edhe 24 orë ndajnë nga ndarja e mandatit të koalicionit, dhe Lapaj ka një ftesë të re për Shabanin.

“Ftoj të ulemi në tryezë. I kam thënë, hajdeni të japim të tre dorëheqjen nga mandate. Dhe të futet gruaja më e votuar. Nuk më është përgjigjur”

Por ku ndryshon Lapaj nga Shabani?

“T’ia japim ne mandatin dajos së Shabanit, Zeqiri që të bëhet mandati i 84 i PS? Po na pengon politika e vjetër. Nuk na duan në parlament, jemi më të sulmuarit në këto 20 vite”

Por duket se oferta e fundit e Lapajt tashmë është refuzuar. Shabani i kujton të mbajë fjalën e burrit.

“Shqipëria Bëhet pretendon se premtimi i Adriatikut për dorëheqje nuk ka qenë pjesë e marrëveshjes së koalicionit.  Po as premtimi i Zeqirit nuk ka qenë. Atëherë pse i kërkohet dorëheqja Zeqirit, por jo Adriatikut? Apo funksionon parimi: “bëj si të them unë, jo si bëj unë”?”

Megjithatë, tashmë Lapaj na tregoi se loja është në favor të tij. Ai ka futur në mes Shabanin dhe dajon, dhe në të gjitha rastet mandati i kalon partisë së tij. Në skenarin më të keq e merr kandidatja e tij Ana Dajko, në rastin më të mirë e merr vetë ai.

Këtë në dorë e ka Celibashi, i cili në rast se vendos të mos pranojë revokimin e dorëheqjeve, atëherë ia çon dhuratë mandatin Lapajt, ndërsa Lapaj e pranon për inat të Shabanit.

“Mësova njëherë nga gabimet, e bëra një deklaratë emocionale, vura mend”

TIRANË, 21 korrik/ATSH-Maela Marini/ Kryeministri Edi Rama u shpreh sot se mandati i katërt do të jetë mandati i Rilindjes Urbane 2.0.

Kjo, sipas kryeministrit, do të thotë më shumë hapësira publike të rikualifikuara me përfshirjen e arkitektëve të huaj.

Duke iu përgjigjur pyetjeve dhe komenteve të adresuara nga qytetarët në platformat sociale, Rama theksoi se “fatmirësisht kemi një rrjet arkitektësh të huaj si pakkush në këtë botë me një numër të konsiderueshëm edhe arkitektësh shqiptarë.

“Janë 60 arkitektë lokalë që janë angazhuar në Tiranë në 8 grupe pune, që po merren ndërkohë me projektet, sepse nuk është thjesht të heqim gjërat, por të krijojmë situata të reja të kualifikuara nga pikëpamja urbane në territoret e komuniteteve”, nënvizoi Rama.

Kryeministri siguroi se kjo gjë do të ndodhi në të gjithë perimetrin e Tiranës hap pas hapi.

“Tirana ka nevojë të ngjitet në një nivel tjetër të hapësirave publike, të kulturës urbane, cilësisë së shërbimeve dhe estetikës së shërbimeve sepse ky është momenti ku ne mund ta humbasim bastin e madh të Shqipërisë kampione e Ballkanit në turizëm, nëse nuk i japim cilësi estetike shërbimeve tona”, tha Rama.

Sipas tij, “ky është momenti edhe për transformimin e disa shërbimeve jetike nga shërbimi me ujë, tek shërbimi i pastrimit, të cilat do t’i reformojmë rrënjësisht.

“Ashtu sikundër edhe te kontrolli mbi territorin dhe kontrolli i sigurisë ushqimore. Këto janë piketa kyçe të mandatit të katërt dhe që lidhen drejtpërdrejt edhe me anëtarësimin e Shqipërisë në BE”, tha Rama. /j.p/

The post Rama: Mandati i katërt për Rilindjen Urbane 2.0, transformim i shërbimeve jetike appeared first on Agjencia Telegrafike Shqiptare.

Një mandat dhe një tufë me kandidatë që synojnë ta marrin, ku përçarja e një parti është debati i ditëve të fundit. Divorci politik mes Adriatik Lapaj dhe Endri Shabanit për mandatin e vetëm të Tiranës mori një zhvillim të ri. Në një reagim zyrtar, Lëvizja ”Shqipëria Bëhet” thekson se në këtë histori, të dhunuarit e vetëm janë 64.000 qytetarët që i votëbesuan dhe qindra aktivistët që dhanë…

Source

Pasi mandati i tij u shpall i pavlefshëm dhe prej thuajse një viti, Vangjel Tavo drejton Bashkinë e Himarës, duket se Fredi Beleri nuk dorëzohet për këtë bashki. Beleri edhe pse deputet i Parlamentit Evropian, ka vendosur të kërkojë mandatin e kryebashkiakut që fitoi në zgjedhjet e pjesshme vendore të 14 Majit. Fredi Beleri i […]

The post Beleri nuk dorëzohet për Himarën, kërkon rikthimin e mandatit të kryebashkiakut appeared first on BoldNews.al.

“Nëse marrim një mandat unë nuk hyj në parlament”

Karma po i kthehet shume shpejt Adriatik Lapajt. Endrit Shabani po tenton ta lërë jashtë parlamentit.

Daja i Shabanit, Zeqir Kordhoni, kandidat i koalicionit në listën e mbyllur të Tiranës, i ka kërkuar në KQZ ti japin mandatin e deputetit.

Në formularin e deklarimit, ai rezulton një punëtor ndërtimi dhe invalid, por emri i tij ishte vetëm pjesë e skemës së Lapajt e Shabanit për të mbushur listat e mbyllura me familjarë, qe vete te benin gare ne te hapur.

Në këtë letër dërguar Celibashit, Kordhoni shkruan se dorëheqjen nga mandati fiks në datën 11 maj, nuk e ka dhënë ai personalisht, por ia ka bërë partia e Lapajt, ndaj dhe KQZ i ka hequr emrin.

Ndersa kishin rene dakord per listen e mbyllur me familjare, në garën e Tiranës në listën e hapur, Lapaj e mposhti Shabanin me vota. Por mesa duket, edhe koalicioni i të rinjve, i ngjan shumë atyre të vjetërve. Me një ndryshim, shumë më banal.

Meqenëse nipi nuk i fitoi mandatin, le ta marrë dajoja.

Këto krisma i paralajmëroi Dashnor Sula prej marsit, kur kaloi ylberin e PD dhe besoi se Shqipëria Bëhet, por më pas mori vesh se Shqipëria edhe mund të bëhet, por Dashi deputet pak vështirë. Sepse Lapaj nuk i dha garancinë e dorëheqjeve nga lista e mbyllur.

Adriatik Lapaj që synonte fillimisht 71 mandate, por përfundoi me 1 mandat, ka vetëm një gur të fundit në dorë. E para në listën e mbyllur të Tiranës, mbetet  kandidatja e tij Ana Dajko. Ajo ka shansin të marrë mandatin, e për të lënë pas mosmarrëveshjes kokë mënjanë, si Lapajn dhe Shabanin me dajon e tij tashmë në mes. Të dy rrugëve, jashtë parlamentit.

https://www.instagram.com/reel/DLrkgdRtQCR/?utm_source=ig_web_copy_link

TIRANË, 4 korrik /ATSH/ Kryeministri Edi Rama, njëherësh kryetar i Partisë Socialiste feston sot ditëlindjen e tij të 61-të.

Akademia Politike e PS-së uroi Ramën me një video, të cilën vetë kreu i qeverisë e shpërndau në rrjetet sociale, e cila kishte në fokus veprimtarinë e kryeministrit përgjatë gjithë angazhimit të tij në politikë, që nga koha kur ishte kryetar i bashkisë së Tiranës si dhe përgjatë viteve të qeverisjes socialiste.

Video është bërë nga Inteligjenca Artificiale, ndërsa Akademia e Politike PS-së e ka cilësuar Ramën si “Partizani i Inteligjencës Artificiale”. Videoklipi shoqërohet edhe me një këngë dedikuar Ramës.

“Akademia Politike e Partisë Socialiste në ditëlindjen e 61-të, i uron edhe 100 vjet kampion”, shkruan Akademia Politike e PS-së.

Më 11 maj Partia Socialiste e drejtuar nga Edi Rama, fitoi mandatin e katërt për të qeverisur vendin. /m.q/j.p/

The post Në mandatin e katërt si Kryeministër, Rama feston sot 61-vjetorin appeared first on Agjencia Telegrafike Shqiptare.

Zegjine Çaushi e pati të shkurtër fatin në politikë. Rinumërimi në Fier i hoqi asaj mandatin dhe e dërgoi sërish në Roskovec. Me vetëm 10 vota më shumë në parlament pritet të shkojë kandidatja tjetër e PS, Maldrita Bardho, duke i dhënë kështu fund rinumërimit në Fier.

Belinda Balluku regjistroi kështu një humbje të vogël brenda fitores më të madhe që ajo firmosi në Fier për Partinë Socialiste. Por Gazmend Bardhi nuk mund ta quajë këtë fitore. Numri dy i demokratëve duhet të kenaqet se të paktën 4 vjet nuk do ketë mbi shpinë turpërimin e gjithë demokratëve dhe romuzet pa kripë të Zegjine Çaushit.

Berisha doli duar bosh nga rinumërimi, duke mbetur në rezultatin humbës vetëm me 4 mandate në Fier. Edhe partia e Lapajt nuk arriti të merrte mandatin e 12 të socialistëve. /abcnews.al

Nga rinumërimi i votave të 11 majit në qarkun e Fierit, kandidatja e Partisë Socialiste Maldrita Bardho ka kaluar përpara koleges së saj Zegjine Çaushi, duke siguruar aktualisht mandatin me një epërsi prej 9 votash.

Megjithatë, rezultati nuk është ende përfundimtar, pasi mbeten edhe 19 kuti votimi për t’u hedhur në sistem dhe për t’u verifikuar nga Komisioni Qendror i Zgjedhjeve.

Rinumërimi në këtë qark ka tërhequr vëmendje për shkak të rivalitetit të ngushtë mes dy kandidateve të së njëjtës forcë politike, dhe çdo votë mund të rezultojë vendimtare për fatin e mandatit.

The post Rinumërimi sjell përmbysje surprizë! E besuara e Ballukut drejt humbjes së mandatit në Fier, ja kandidatja që e sfidon appeared first on Sot News | Lajme.

Kur janë hapur kutitë e 65% e qendrave të votimit në procesin e rinumërimit të të gjithë qarkut të Tiranës, teksa lëvizjet e votës për partitë politike kanë rezultuar minimale, ajo që po shqetëson dhe krijon përplasje është rivlerësimi i votës së kandidatëve.

Nga rinumërimi i 794 kutive prej 207 gjithsej për t’u hapur rezultoi se 32 kandidatëve të Partisë Socialiste në listën e hapur të Tiranës i janë hequr plot 1724 vota krahasuar me numërimin e pas 11 majit, ndërsa 5 të tjerëve i janë shtuar 70 vota

Me shifra pak më vogla, por në të njëjtin trend, rezulton edhe në koalicionin opozitar, PD-ASHM. 27 kandidatëve opozitarë u janë hequr 705 vota, krahasuar me 130 vota që u janë shtuar 10 kandidatëve.

Pra me një mbledhje të thjeshtë, rezulton se vetëm për kandidatët e dy koalicionet e mëdha kanë ndryshuar me 2629 vota tabelat përmbledhëse të numërimit të 11 majit.

Kjo situatë ka sjellë pakënaqësi dhe reagime nga kandidatë të dy krahëve politikë.

Asllan Dogjani u përzu me polici nga qendra e rinumërimit në pallatin e sportit “Fahrie Hoti”, kur një votë që e kishte kryqin pak mbi kutinë, u përplas me anëtarët e KAS.

Deputeti socialist Erion Braçe, që figuron një prej kandidatëve që u janë hequr më shumë vota, edhe pse nuk rrezikon aspak mandatin, akuzoi anëtarët e KAS se duan t’i heqin ndokujt mandatin me këtë rinumërim, ndërsa disa vota për të me shenjën jashtë kutisë ose pas emrit, janë rivlerësuar si të pavlefshme.

Pakënaqësi për rinumërimin ka shfaqur edhe Ilir Alimehmeti, kandidati i PD, teksa ka publikuar një foto të një flete votimi, në të cilën shenja ka devijuar nga kutia e emrit të kandidatit tjetër demokrat Kreshnik Çollaku, ndërsa shtron pyetjen nëse është e pavlefshme, ashtu si e ka konsideruar KAS.

Më herët, kur procesi sapo kishte nisur dhe trendi i votave të pavlefshme po rritej ndjeshëm, ishte Partia Socialiste ajo që i kërkoi KAS të ndryshonte një vendimmarrje të tij dhe të quante të vota të vlefshme për kandidatët, edhe kur shenja ‘x’ apo ‘+’ është jashtë kutisë. Por KAS i qëndroi vendimit të tij, me argumentin se standardi ishte i barabartë për të gjithë.

Me qëllimin për të reduktuar votat e pavlefshme në votim, një manual i miratuar nga Komisioni Rregullator në KQZ përcaktonte të gjitha mënyrat e votimit. Ishin plot 31 të tilla, por të gjitha të përqendruara në votat e vlefshme për subjektet. Nëse do të ndiqej i njëjti standard si për subjektet politike, një shenjë e vendosur krah emrit të kandidatit, një tjetër që e rrethon emrin e tij, apo që shenja del jashtë kutisë, do të konsiderohej korrekte për ta cilësuar një votë të vlefshme. Por për anëtarin e KAS Ledio Braho manuali është thjesht një orientim dhe ata do t’i qëndrojnë vendimmarrjes, duke ia njohur palëve të drejtën e ankimit në Kolegj.

Por teksa vërtet manuali i KQZ uli ndjeshëm më 11 maj numrin e votave të pavlefshme krahasuar me ato të zgjedhjeve të 2021-shit, përplasja për votat e kandidatëve vijon, teksa pritet rinumërim edhe për 35% të kutive të Tiranës, e më pas qarku i Durrësit dhe ai i Fierit, ku i njëjti standard mund të lëvizë mandate deputetësh.

The post Rinumërimi ‘boshatis’ kutitë e kandidatëve/ Vendimi i KAS mund të ndryshojë mandatin për këto dy vende appeared first on Sot News | Lajme.

Deputeti i PS, Erion Braçe komentoi rezultatin e 11 majit dhe fitoren e thellë të PS me 83 mandate. Kjo ‘fuqi’ që shqiptarët i dhanë Partisë Socialiste me në krye Edi Ramën, për Braçen duhet të jetë një sinjal për të ndryshuar fort.

Për Braçen, procesi i rinumërimit po bëhet pa asnjë lloj prove, por gjithsesi ai thotë se PD po ndjek rrugën institucionale për pretendimet e saj, por kujdeset që të nënvizojë se në fund duhet të njohë vendimin publik të këtyre institucioneve.

“Në 2009 drejtoja fushatën elektorale të PS në Berat. Kam humbur mandatin e pestë në Berat, nuk është habi që PS fiton dy herë rresht nga 5 mandate në Berat. E kam humbur me 40 vota në raport me PD dhe 38 me LSI. Kodi atëherë nuk kishte këto parashikime që ka sot për rinumërimin. Berati në atë kohë u bë shembulli që i vlejti gjithë Shqipërisë për të hapur sytë dhe për të parë se çfarë kishte ndodhur gjatë procesit të rinumërimit.

Në berat natën e fundit para se të mbyllej procesi i rinumërimit të votave u prenë dritat në Pallatin e Kulturës ku po numëroheshin votat e bashkisë së Beratit. Ne menduam që pallati ka qenë bosh dhe në mëngjes rezultati ndryshoi. Kam kërkuar rinumërim për shkak se ishin 40 vota dhe 38 vota diferenca. Zotëria që keni pas shpinës suaj çoi haber dhe tha mund të hapet gjithë Shqipëria, vetëm berati jo.

Unë e kisha të qartë çfarë kishte ndodhur, për shkak të asaj lëvizje që pasoi zgjedhjet e 2009, sot rinumërohen votat automatikisht. Pa asnjë lloj prove, demonstratë, proteste, greve urie. Këta janë në të drejtën e tyre të kërkojnë rinumërim. Kjo tregon që ne nuk jemi ata, jemi ndryshe. Ja ku jemi për shkak të sakrificës që bënë socialistët, nuk u futën në kuvend, kanë bërë protesta, u futën në grevë urie dhe në fund fare morëm ndryshimet në kod që po i shfrytëzojnë këta.

Rinumërohet Tirana se në kod është shkruar që dy anëtarët e kas çojnë në rinumërim. Rinumërohet Fieri pa asnjë provë, nuk ka asnjë provë në Fier, pretendime kanë, por jo prova. Në Fier, nuk është PD që ka kërkuar rinumërim. Është një tjetër që para zgjedhjeve thoshte do marr 71 mandate, pas zgjedhjeve është me 1 mandat dhe thotë më kanë vjedhur 70 mandate. Se si mund të vidhen vetëm një magjistar si puna e tij mund ta konceptojë”, tha Braçe në emisionin ‘Frontline Interview’ në Report Tv.

Braçe iu drejtoi dhe një pyetje kundërshtarëve politikë.

“Pyetja që kam unë, nëse pas rinumërimit konfirmohen të gjithë këto mandate, do kenë më fytyrë të gjithë këta? Nëse votat dalin me ato gabimet njerëzore, që janë të natyrshme kur rri një javë duke rinumëruar, dalin të njëjtat dhe konfirmojnë të njëjtin numër mandatesh, çfarë do thonë?”, thekson Braçe.

The post “Rinumërimi i votave pa asnjë provë”, Erion Braçe: A do ketë më fytyrë PD nëse konfirmohen të njëjtat mandate? appeared first on Sot News | Lajme.

Misionit të Bashkimit Europina për Sundim të Ligjit në Kosovë (EULEX) në Kosovë i është zgjatur mandati deri më 14 qershor 2027.

Kështu është marrë vendim nga Këshilli i Bashkimit Evropian në Luksemburg më 05.06.2025.

Sipas këtij vendimi, në kontekstin e rishikimit strategjik të EULEX-it, Komiteti Politik dhe i Sigurisë ra dakord që misioni të zgjatet deri më këtë datë.

Hera e fundit kur EULEX-it iu zgjat mandati ishte më 5 qershor 2023, deri më 14 qershor 2025.

Më 4 shkurt 2008, Këshilli miratoi Veprimin e Përbashkët duke themeluar misionin EULEX në Kosovë.

Shuma referente financiare për mbulimin e shpenzimeve të EULEX në Kosovë nga data 15 qershor 2025 deri më 14 qershor 2027 është 170,866,980 euro.

Nga kjo shumë, 64 mijë e 492 980 euro janë për mbulimin e shpenzimeve të misionit në Kosovë, kurse 106 mijë e 374 janë për mbështetjen e procedurave gjyqësore të zhvendosura në një Shtet Anëtar.

EULEX ka ardhur në Kosovë në vitin 2008, pas shpalljes së pavarësisë, duke e zëvendësuar misionin e OKB-së, UNMIK, por me kompetenca më të kufizuara.

EULEX-it iu zvogëluan kompetencat edhe më shumë në vitet 2011 dhe 2012 kur Kosovës iu hoq ‘mbikëqyrja ndërkombëtare’ e pavarësisë.

The post EULEX-it i zgjatet mandati në Kosovë deri në vitin 2027 appeared first on Lapsi.al.

Kandidatja e Partisë Demokratike në qarkun e Durrësit, Ilirjana Kuçana, e cila nuk arriti të sigurojë një mandat deputeteje në zgjedhjet e 11 majit, ka ankimuar rezultatin pranë Komisionit të Ankimimeve dhe Sanksioneve (KAS) dhe Kolegjit Zgjedhor. Sipas saj, votat preferenciale brenda subjektit i janë devijuar në favor të kandidatit tjetër fitues, Arjan Ndoja, ish-prokuror i shkarkuar nga vettingu.

E ftuar në një emision televiziv, Kuçana u shpreh se beteja e saj nuk është për një mandat, por për dinjitet dhe transparencë zgjedhore. Ajo theksoi se ka kërkuar rinumërimin e kutive të votimit, duke shtuar se seanca gjyqësore në Kolegjin Zgjedhor do të mbahet më 12 qershor.

“Kodi Zgjedhor ka krijuar një garë të pabarabartë. Si mazhoranca, ashtu edhe opozita duhet të ndërhyjnë për ta ndryshuar. Votat e mia nuk janë as të blera, as të vjedhura – janë vota zemre,” tha ajo, duke kërkuar gjithashtu votim elektronik dhe listime më të ndershme të kandidatëve në të ardhmen.

Kuçana ngriti akuza të forta për ndërhyrje të bandave kriminale në procesin zgjedhor në qytetin e Durrësit. Ajo deklaroi se këto grupe kontrollojnë qytetin, emërojnë drejtorë dhe kanë ushtruar presion gjatë fushatës elektorale.

“Në Durrës fushata është bërë nën presionin e bandave kriminale. Nuk e pranoj përfaqësimin me figura të dyshimta në Kuvend. Kam marrë pamje filmike dhe po verifikoj ZAZ-të ku kam dyshime. Tani kam mbështetjen e partisë dhe të kreut të saj për të shkuar deri në fund të kësaj beteje,” u shpreh Kuçana.

Ajo përfundoi duke thënë se kjo është një betejë për të gjithë qytetarët, për dinjitetin dhe për një proces të ndershëm, duke nënvizuar se edhe votuesit socialistë meritojnë një proces zgjedhor transparent.

The post Përplasje brenda PD/ Kandidatja e Berishës kërkon hapjen e kutive, ja besniku i kryedemokratit që rrezikon mandatin appeared first on Sot News | Lajme.

Gjykata Kushtetuese rrëzon PD për mandatin e Vullnet Sinajt. PD kërkoi që të detyrojë Kuvendin të dërgojë në Gjykatën Kushtetuese të mocionit për papajtueshmerinë e mandatit të Sinajt.

Kërkesat e PD drejtuar Kushtetueses:

1. Zgjidhjen e konfliktit të kompetencave ndërmjet Kuvendit të Shqipërisë dhe subjektit kushtetues në konflikt, jo më pak se 1/10 e deputetëve.
2. Deklarimin si të papajtueshëm me Kushtetutën e Republikës së Shqipërisë, të vendimit nr. 5, datë 30.01.2025 “Për mosdërgimin e mocionit në Gjykatën Kushtetuese” për konstatimin e papajtueshmërisë së mandatit të deputetit Vullnet Sinaj.
3. Detyrimin e Kuvendit të Shqipërisë për dërgimin në Gjykatën Kushtetuese të mocionit për konstatimin e papajtueshmërisë të mandatit të deputetit Vullnet Sinaj

Në përfundim të seancës Kushtetuesja vendosi rrëzimin e kërkesës/ abcnews.al

Duke argumentuar se nuk është respektuar kuota gjinore në shpërndarjen e mandateve, Kandidatja e Partisë Demokratike në qarkun e Durrësit, Andia Ulliri, ka depozituar një ankesë zyrtare pranë Komisionit Qendror të Zgjedhjeve (KQZ), ku pretendon mandatin e deputetit Arjan Ndoja.

Në kërkesën e saj, Ulliri thekson se renditja e kandidatëve fitues, siç pasqyrohet aktualisht në faqen zyrtare të KQZ-së, nuk respekton përfaqësimin gjinor të përcaktuar qartë në Kushtetutë dhe në Kodin Zgjedhor.

“Veprimi juaj për të shpallur të zgjedhur z. Arjan Ndoja, i cili është renditur i pari në listë me vota parapëlqyese, është në kundërshtim me ligjin dhe përbën një shkelje të parimit kushtetues për përfaqësimin gjinor”, shkruan shkruan drejtuar KQZ-së.

Nga ana tjetër ajo referon ndryshimet e fundit ligjore të miratuara nga Kuvendi, ku pretendon përmes një amendamenti të Kodit Zgjedhor, se një në çdo tre kandidatë fitues në listë, pas rirenditjes nga votimi parapëlqyes, t’i përkasë gjinisë më pak të përfaqësuar.

“Në rastet kur nga rirenditja nuk rezulton që duke filluar nga kreu i listës një në tre emra të saj t’i përkasin gjinisë më pak të përfaqësuar, atëherë kandidatja e tretë në këtë listë dhe në vijim një në çdo tre emra të saj i përkasin gjinisë më pak të përfaqësuar sipas numrit të votave që kanë marrë”, thuhet ankimim.

Ulliri thekson se ky interpretim është mbështetur edhe nga Gjykata Kushtetuese në vendimin e saj Nr. 85, datë 24.12.2024, ku është pohuar se lista zgjedhore është një dhe e vetme, e ndarë në dy pjesë për qëllime teknike, por që në shpërndarjen përfundimtare të mandateve duhet të zbatohet kuota gjinore në listën totale.

“Interpretimi i bërë nga KQZ është i pambështetur në ligj dhe në asnjë vendim të Komisionit Rregullator. Kemi të bëjmë me një listë unike, e cila duhet të garantojë që 1 në 3 fitues të jenë nga gjinia më pak e përfaqësuar”, nënvizon ajo në fund të kërkesës.

The post Ankesë zyrtare, mosrespektimi i kuotës gjinore në shpërndarjen e…/ Çfarë pretendon Kandidatja e PD, Andia Ulliri appeared first on Sot News | Lajme.

Kreu i Partisë Mundësia, Agron Shehaj ka reaguar pas deklaratave nga Partia Demokratike se do të kërkojnë rinumërim të votave të pavlefshme në Tiranë me qëllim marrjen e mandatit të 14 dhe duke i hequr Mundësisë mandatin e dytë.

Sipas Agron Shehajt, dy mandatet e fituara në mënyrë të ndershme dhe të padiskutueshme në Tiranë janë objekt i një tentative për vjedhje në tavolinë. Sipas Shehajt, ajo që po ndodh është një përpjekje e dëshpëruar e partive të vjetra që refuzojnë ndryshimin.

Shehaj thekson se Partia Mundësia do të mbrojë çdo votë të qytetarëve, ashtu siç e ka bërë edhe më parë përballë presioneve politike apo policore.

Reagimi: 
Dy mandate. Dy votëbesime. Të ndershme. Të padiskutueshme. Dhe askush nuk do t’i rrëmbejë. Askush.

Ajo që po përpiqen të bëjnë është një grabitje. Një tjetër përpjekje e dëshpëruar nga partitë e vjetra që nuk duan të ndryshojnë.

Nuk mund të bërtasësh për farsë zgjedhore, dhe pastaj të vjedhësh një mandat në tavolinë. Kjo është hipokrizi. Dhe nuk do të ndodhë!

E kemi thënë më parë dhe po e themi sërish: votat tuaja nuk preken. Çdo votë për Partinë Mundësia është një votë për ndryshimin, dhe nuk do të preket, nuk do të tjetërsohet, nuk do të vidhet.

The post PD kërkon mandatin e Mundësisë/ Shehaj: Bërtasin për farsë, por duan ta vjedhin vetë appeared first on Lapsi.al.

Dash Shehi dha dorëheqjen pasi mori vetëm 546 vota në zgjedhjet e 11 Majit ku garoi në të koalicionin “Djathtas për Zhvillim”.

Lajmin e dha përmes një konference, ndërsa sot në një intervistë u shpreh se dorëheqja e tij nuk është fundi i botës dhe se me këtë veprim dha një shembull demokracie pasi është koha për t’iu hapur rrugën të rinjve. Sipas Shehit, njerëzit votojnë vetëm lidershipin politik dhe jo programet.

“Isha kryetar i koalicionit me Djathtas 1912 dhe dhashë dorëheqjen. Edhe shoqëria ka ndryshuar shumë. Pse dhashë dorëheqjen nuk është fundi i botës. Dhashë një shembull demokracie. Në politikë kanë hyrë dhe faktorë të rinj. Duhet t’ju hapim rrugë të rinjve.

LZHK ka një emër dhe besoj do qëndrojë si emër. PS fitoi, se nuk kishte alternativë. Edhe PS ka rënë në vota, por se PD ka humbur shumë më tepër vota. Edhe programet nuk votohen, njerëzit pyesin nëse atë që votojnë a e sjell në pushtet. Njerëzit votojnë vetëm lidershipin politik, jo programet.

Negociova dhe me parti të tjera të vogla për koalicion, por nuk ia dola. Ne betejën e humbëm pa hyrë në zgjedhje. Unë kam qenë dy herë jashtë parlamentit dhe mund ta bëjë politikën dhe jashtë parlamentit”, – tha Shehi.

The post “Dorëheqja nuk është fundi i botës”, nuk fitoi mandat, Dashamir Shehi: Duhet t’u hapim rrugën të rinjve appeared first on Albeu.com.