Nga Basir Çollaku Tirana, Tepelena, Tropoja, Mati e Berati, janë pesë bashki të cilat do të kalojnë detyrimisht në zgjedhje të pjesëshme lokale, ndonëse afatet ligjore janë kapërcyer e shkelmuar prej kohësh. Shkelësi është i njohuri urdhër-munguari kryeministër, kontrolluesi i procedurës së pushtetit në qendër e nëpër qarqe, ku prefektët, pas lajmërimeve nga këshillat bashkiakë […]

The post Vendoret, Rama kandidat në 5 bashki appeared first on BoldNews.al.

Hajrulla Çeku do të jetë kandidat për Prishtinën nga radhët e Lëvizjes Vetëvendosje. Lajmi konfirmohet nga burime të Kosova Press. Hajrulla Çeku aktualisht është ministër në detyrë i Kulturës, Rinisë dhe Sportit dhe pritet që këtë të enjte të shpallë kandidaturën për Komunën e Prishtinës.

Edhe parti të tjera politike në Kosovë, kanë nisur tashmë të prezantojnë kandidatët e tyre për kryetar të bashkive (komunave), në kuadër të zgjedhjeve lokale që do të zhvillohen në 12 tetor 2025. AAK-ja do të kandidojë me Bekë Berishën, ndërsa PSD-ja me Besa Shahinin, ish Ministre e Arsimit në Shqipëri në periudhën 2019-20.

The post Kandidaturat për Bashkinë e Prishtinës/ Ja kush konfirmohet në detyrë appeared first on Sot News | Lajme.

Kandidati i Partisë Demokratike për kryetar bashkie të New York, Brad Lander, është arrestuar sot nga agjentët e Imigracionit dhe Doganave. BBC raporton se Lander, i cili është edhe zyrtari më i lartë financiar i New York-ut, është arrestuar për “sulm ndaj zbatimit të ligjit dhe pengim të punës së një oficeri federal”. Përmes një […]

The post VIDEO/ Arrestohet kandidati demokrat për kryetar bashkie të New York-ut, Brad Lander appeared first on BoldNews.al.

Kryedemokrati Sali Berisha ka komentuar propozimin e Agron Shehajt që partitë opozitare të krijojnë koalicion dhe të dalin me kandidat të përbashkët, por jo politik, në garën për Bashkinë Tiranë.

Berisha u shpreh se është dakord që të dalin me kandidat të përbashkët, duke theksuar se e mbështet plotësisht propozimin.

Por theksoi ish-kryeministri “që të pretendohet të zgjidhet kryetari i Bashkisë së kryeqytetit një njeri jopolitik këtë nuk e kam dëgjuar ndonjëherë”.

“Të paktën duhet të ketë një program ku çmonton të gjithë batërdinë bazuar në politikën e narkoshtetit”, deklaroi Berisha.

Pyetje: Agron Shehaj ka deklaruar se partitë opozitare do të duhet të dalin me një kandidat jopolitik në zgjedhjet lokale për bashkinë e Tiranës? A e mbështesni?

Sali Berisha: Për të dalë partitë opozitare me një kandidat këtë e mbështes plotësisht, por që të pretendohet të zgjidhet kryetari i Bashkisë së kryeqytetit një njeri jopolitik këtë nuk e kam dëgjuar ndonjëherë.

Sepse të paktën duhet të ketë një program ku çmonton të gjithë batërdinë bazuar në politikën e narkoshtetit. Nuk e di ç’nënkuptohet me një kandidat jo politik, por për një kandidat të përbashkët, plotësisht e drejtë.

The post Kandidat i përbashkët bashkie/ Berisha i përgjigjet Shehajt appeared first on Lapsi.al.

Kreu i Partisë Mundësia, Agron Shehaj, ka shuar zërat se ai do të kandidojë në zgjedhjet e ardhshme lokale për Bashkinë e Tiranës.

Shehaj propozoi bashkëpunim mes të gjitha forcave opozitare dhe mbështetjen e një kandidature të përbashkët, jo politike, me qëllim maksimizimin e shanseve për të fituar Bashkinë e Tiranës. Ai e konsideroi këtë si alternativën e vetme reale për një përmbysje të balancave aktuale në kryeqytet.

“Jo, nuk kam ndër mend të kandidoj. Mendoj se mundësitë që opozita të mundë kandidatin e PS-së janë shumë të vogla sidomos në kushtet që jemi, ku thjesht shohim rezultatet e zgjedhjeve të Tiranës. Ekziston një mundësi për këtë, dhe mundësia është nëse ne do vendosim të gjithë bashkë të kandidojmë dhe mbështesim një kandidat jo politik. Të gjejmë një kandidat, anëtar të asnjë partie politike, por një kandidat teknik që gëzon respektin e shoqërisë shqiptare”, deklaroi Shehaj në emisionin Now në Euronews.

The post Propozimi i Shehajt: Opozita me kandidat të përbashkët në zgjedhjet për Bashkinë appeared first on Lapsi.al.

Një kandidat për president Miguel Uribe Turbay, në Kolumbi, është qëlluar tre herë me armë zjarri, gjatë mittingu në kryeqytetin, Bogota.

Miguel Uribe Turbay, 39-vjeç, u qëllua me dy plumba në kokë, ndërsa po u drejtohej disa njerëzve në një park të ditën e shtunë.

Sipas mediave lokale, policia ka arrestuar një të dyshuar në vendin e ngjarjes.

Gruaja e Uribes, Maria Claudia Tarazona, i kërkoi kombit të lutet për jetën e tij.

“Miguel po lufton aktualisht për jetën e tij”, tha ajo.

#Ultimahora| precandidato a la presidencia de Colombia Miguel Uribe es atacado con disparos durante un discurso que daba en la ciudad de Bogotá. pic.twitter.com/4RP3f5LQx2

— Perspectiva (@Perspectiva503) June 8, 2025

Partia Centro Democratico e Uribes e denoi sulmin, duke thënë se vuri në rrezik “demokracinë dhe lirinë në Kolumbi”.

The post Kandidati për president në Kolumbi, plagoset rëndë gjatë mitingut (VIDEO) appeared first on Albeu.com.

Ish-drejtori i Policisë së Shtetit, Gledis Nano, ka shprehur zyrtarisht vullnetin për të kandiduar për postin e Drejtorit të Byrosë Kombëtare të Hetimit (BKH).

Ai është një nga katër emrat që kanë aplikuar për këtë pozicion të rëndësishëm, brenda afatit zyrtar që përfundon këtë të premte.

Sipas burimeve, kandidatët e tjerë janë dy oficerë të BKH-së, Menton Cuku dhe Joni Keta.

Procesi i përzgjedhjes së kreut të ri të BKH-së zhvillohet nga SPAK dhe pritet me interes, për shkak të rolit kyç të kësaj strukture në luftën kundër korrupsionit dhe krimit të organizuar.

The post Gara për drejtuesin e BKH-së/ Ish-kreu i Policisë në listën e aplikantëve (EMRAT) appeared first on Albeu.com.

UASHINGTON, 1 qershor /ATSH-DPA/ – Presidenti i SHBA-së, Donald Trump, ka tërhequr nominimin e tij të sipërmarrësit miliarder të teknologjisë, Jared Isaacman, si kreu i NASA-s “pas një shqyrtimi të plotë”.

Me marrjen e detyrës në janar, Trump propozoi Isaacman, një bashkëpunëtor i ngushtë i shefit të SpaceX, Elon Musk, për të pasuar Bill Nelson në krye të agjencisë hapësinore, i cili u largua në fund të presidencës së Joe Biden.

Sipas raporteve të medias amerikane, Isaacman duhej të miratohej nga Senati së shpejti.

Por, dje në mbrëmje, Trump shkroi në platformën e tij Truth Social se së shpejti do të njoftonte një kandidat të ri “i cili do të jetë i lidhur me Misionin dhe do ta vendosë Amerikën të Parën në Hapësirë”, pa dhënë më shumë detaje.

Në një tregues të distancës në rritje nga Trump, Musk u përgjigj në platformën e tij të mediave sociale X se “kjo është e tmerrshme. Nuk mund të mendoj për një person më të mirë për këtë punë sesa Jared”.

Vendimi i Trump i zuri vëzhguesit në befasi, pasi ai e kishte lavdëruar shumë Isaacman në dhjetor para se të merrte detyrën, duke thënë se ai do të “nxisë misionin e zbulimit dhe frymëzimit të NASA-s”.

Duke iu përgjigjur vendimit të Trump, Isaacman postoi në X se ishte mirënjohës për mundësinë dhe tha se do ta mbështeste presidentin dhe NASA-n.

“Nuk e kam kryer misionin tim të fundit – çfarëdo forme që mund të marrë në fund të fundit”, tha ai.

Isaacman ka marrë pjesë në dy misione private hapësinore.

Në vitin 2021, ai ishte një nga ekuipazhin e parë jo-profesional në hapësirë, duke u bashkuar me tre të tjerë në një udhëtim treditor rreth Tokës.

Në shtator të vitit të kaluar, ai ishte pjesë e misionit Polaris Dawn së bashku me tre turistë të tjerë hapësinorë, duke ndërmarrë një shëtitje në hapësirë.

Në të dy misionet ai bashkëpunoi me SpaceX të Musk./  a.jor.

The post SHBA – Trump tërheq nominimin e aleatit të Musk, Isaacman, si kreu i NASA-s appeared first on Agjencia Telegrafike Shqiptare.

Endrit Braimllari, kandidati i Partisë Socialiste në zgjedhjet e 11 majit nga listat e hapura, ndonëse nuk arriti të sigurojë një mandat deputeti, ka komentuar me tone pozitive garën elektorale dhe angazhimin e tij në këtë proces.

Braimllari shprehu mirënjohjen për përfshirjen në listat e PS-së, vlerësoi organizimin dhe disiplinën e strukturave socialiste dhe theksoi rëndësinë e komunikimit me qytetarët gjatë fushatës. Ai theksoi se pavarësisht rezultatit personal, ka qenë i përkushtuar në kontributin për fitoren e PS-së, ndërsa nuk kurseu as kritikat për gjendjen e opozitës, të cilën e cilësoi si të paralajmëruar prej vitesh.

“Doja të jepja kontribut në fitoren e PS-së. Gara në listën e hapur të Partisë Socialiste ishte e fortë. PS ishte një ekip i organizuar dhe i disiplinuar, atë që kisha përshtypje, e preka dhe në terren. Është ekip që punon fort në terren dhe gara është pozitive në vetvete. Gara i shërbeu rritjes së PS-së dhe fitores në fund të zgjedhjeve. Vetë rezultati tregon sesa të organizuara janë partitë politike. Logoja e Partisë Socialiste është e fortë. Unë punova se vota nuk vjen rastësisht, por logo të ndihmon që të kapësh objektivat më shpejt. Jam ndjerë në borxh, që më përfshinë në listat e hapura.

Nëse garon me partitë kryesore, logoja të ndihmon goxha. PS e ka këtë rezultat se punon përditë, duhet të interesohesh për njerëzit. Komunikimi më i rëndësishëm është ai i drejtpërdrejtë me qytetarin. Nuk kisha dhe shumë kohë të bëja fushatë, pasi nëse do kisha kohë e të punoja më fort, e mund të kisha rezultat më të mirë. Do zbatohet rruga europiane e Shqipërisë dhe çdo qytetar do të ketë pasaportën e BE-së. Pasioni im është politika dhe ndihem mirë që jam ende në politikë. Më vjen shumë keq për opozitën. Është për të ardhur keq që Ilir Alimehmeti është jashtë parlamentit. Këtë situatë me opozitën e kam parashikuar që më 2013, kam thënë se nëse vijojnë njësoj do jenë aty ku janë sot. Nuk mund të thuash “do na vjedhin” në mënyrë të përsëritur, duke bërë njerëzit pesimistë.”, tha ai.

The post La PL-në për PS-në, por s’fitoi si deputet, ja çfarë thotë Braimllari për ekipin e Partisë Socialiste appeared first on Sot News | Lajme.

Kandidati për deputet, Ilir Alimehmeti, ka falënderuar qytetarët që e mbështetën me mbi 18 mijë vota në zgjedhjet e 11 majit, edhe pse nuk ia doli do të siguronte një vend në Parlament. “Të dashur qytetarë, miq e bashkëluftëtarë të ndershmërisë, 18.125 herë ju i thatë “po” shpresës, ndryshimit dhe të vërtetës. 18.125 zemra besuan se politika mund të jetë ndryshe – më njerëzore, më e drejtë…

Source

Ka përfunduar numërimi i votave preferenciale për kandidatët për deputetë në qarkun e Lezhës. Në këtë qark PD-ASHM mori shumicën me 4 deputetë, ndërsa socialistët siguruan 3 ulëse në Parlament.

Opozita e Sali Berishës do të përfaqësohet nga Agron Gjekmarkaj dhe Elda Hoti, që siguruan mandatin si kandidatë të listës së mbyllur, si edhe Gjin Gjoni me 8873 vota dhe Kastriot Piroli me 5632 vota, nga lista e hapur.

Nga radhët e socialistëve Ulsi Manja dhe Ermal Pacaj siguruan mandatin automatikisht si kandidatë të votuar nga logoja e Partisë Socialiste. Ndërkohë pjesë e Kuvendit të ri nën logon e PS u fut vetëm një kandidate nga lista e hapur, Marjeta Neli, e cila siguroi 6745 vota.

The post Votat preferenciale për Lezhën, ja kandidati më i votuar demokrat që u fut në Parlamentin e ri appeared first on Sot News | Lajme.

Ka përfunduar numërimi i votave për kandidat në Qarkun e Kukësit, ku për shkak numërit të vogël të mandateve, nga listat e hapura do të dalë vetëm një deputet nga PD, teksa dy të tjerë janë të fiksuara nga listat e mbyllura PD-PS, nga një për secilën parti Lulzim Hoxha dhe Eduard Shalsi. Nga demokratët […]

The post Përfundon numërimi për kandidatët në Kukës, Isuf Çelaj humbet mandatin me votat brenda vendit appeared first on BoldNews.al.

Kandidati i Partisë Demokratike për Tiranën, Kreshnik Çollaku, i ftuar në një intervistë televizive ka komentuar zhvillimin paszgjedhor të 11 Majit. Çollaku tha se qëndrimi i Berishës për të vijuar numërimin është, në lloj mënyre, pranim i rezultatit.

Më tej, ai tha se opozita duhet të dalë nga ideja e të bërit opozitën qaramane dhe të bëjë pyetjen se, nga kjo disfatë e dalë, përse del e humbur sërish. Nga ana tjetër, Çollaku tha se reagimi për kontestim mund të bëhej para ditës së votimit, ku pati disa raste publike.

“Këto janë reagime normale, e udhës është që të pritet, të mbështetet procesi i çdo vote. Ky ka qenë apeli i zotit Berisha. E vetmja pikëpyetje që unë kisha, dhe të jem fare i sinqertë, është nëse do të pranohej apo jo procesi, sepse gjatë ditës së votimit dhe para ditëve të votimit dukej se kishte situata jashtëzakonisht të nxehta me denoncime, struktura të blerjes së votave dhe krime elektorale në të gjithë vendin.

Edhe ditën e zgjedhjeve, ngjarjet te Njësia 5, edhe të gjitha me radhë. Unë mendoj që me këtë përgjigje, me këtë qetësi, praktikisht drejtuesit e PD-së e kanë pranuar procesin. Kur pranon procesin, është një farë pranimi”, tha Çollaku.

Ndërsa rezulatin e komentoi kështu:

Logjikisht, derisa pranon procesin, pranon dhe rezultatin dhe mendoj që në këtë logjikë do të kalohet dhe te pranimi i rezultatit. Unë hyj te politikanët që besoj se vendi nuk ka nevojë për një opozitë qaramane. Kështu që, në ato rastet kur dalim nga disfata dhe s’kemi bërë asgjë për të kuptuar pse na ndodhi, po jemi qarë, që na vodhi, na vodhi. Kjo duhet të marrë fund.

The post “Opozita nuk duhet të bëjë më qaramanen”/ Kandidati i PD-së, Çollaku: Berisha kërkoi vijimin e numërimit, pranoi… appeared first on Sot News | Lajme.

TIRANË, 10 maj /ATSH/ Policia e Lezhës ka referuar në Prokurori kandidatin e koalicionit Partia Demokratike – Aleanca për Shqipërinë Madhështore, pasi është denoncuar nga një qytetar.

Drejtoria Vendore e Policisë Lezhë njoftoi sot se specialistët për Hetimin e Krimeve në Komisariatin e Policisë Lezhë kanë kryer veprimet hetimore procedurale dhe referuar materialet hetimore në Prokurorinë pranë Gjykatës Shkallës Parë Lezhë,
në ngarkim të shtetasit Gj. Gj. 55 vjeç, banues në Lezhë ( kandidat për deputet i subjektit politik “Partia Demokratike”, pasi ndaj tij është bërë kallëzim nga shtetasi V. K., 66 vjeç, banues në Lezhë, se i ka shkuar te banesa duke i kërkuar votën.

/a.f/

The post Policia e Lezhës dërgon në prokurori kandidatin e PD-ASHM, Gjin Gjoni appeared first on Agjencia Telegrafike Shqiptare.

Policia e Sarandës ka arrestuar në flagrancë kandidatin e koalicionit “Shqipëria Bëhet” në Sarandë, Ergys Isufi, pasi është kapur me kokainë.

Fillimisht kandidati për deputet ka tentuar të largohet, por blutë mundën ta neutralizojnë.

Aktualisht, burimet bëjnë me dije se policia ka bastisur banesën e tij në Sarandë dhe po kryen kontroll.

The post Arrestohet për drogë kandidati për deputet i koalicionit Nisma Shqipëria Bëhet appeared first on Lapsi.al.

Emisioni “Plug” Kemi faktuar deri më tani skema korruptive të qeverisë, ministrive e bashkive të ndryshme të vendit, afera të cilat tejkalojnë abuzimin 1. 2 miliardë euro. Pas skemave 5D, 5B, 5T, 5K sot do të ndalemi në në qarkun e Dibrës, ku skema është po e njëujtë, por ndryshojnë vetëm emrat dhe protagonistët, e […]

The post Agron Malaj, “Pashai” me biznese e koncesione/ Si u pasurua kandidati i preferuar i Ramës në Mat appeared first on BoldNews.al.

TIRANË, 4 maj/ATSH/ Drejtoria rajonale e policisë së Fierit njoftoi sot se  ndërhyri për të pshmangur përshkallëzimin e konfliktit ndërsa Policia Bashkiake u ndesh me rezistencë kur po hiqte një poster fushate në qendër të qytetit.

Drejtori i Policisë Bashkiake kishte njoftuar policinë  se një subjekt politik kishte vendosur poster në kundërshtim me ligjin dhe se po kundërshtonte forcat e Policisë Bashkiake për heqjen e këtij posteri.

“Pas njoftimit të marrë, në vendngjarje kanë shkuar shërbimet e Policisë të cilat për të parandaluar përshkallëzimin e konfliktit, kanë shoqëruar personin që po kundërshtonte policinë bashkiake, kanditatin për deputet të Partisë Demokratike, shtetasin F. S., i cili është lënë i lirë menjëherë. Drejtoria Vendore e Policisë Fier siguron subjektet politike dhe qytetarët se shërbimet e Policisë janë të angazhuara maksimalisht për të parandaluar e goditur paligjshmëritë si dhe për të garantuar rendin e sigurinë”, njoftoi policia.

Reagimi i Drejtorisë Vendore të Policisë Fier vjen pas një lajmi të publikuar për shoqërimin në Komisariat të shtetasit F. S. (kandidat për deputet i subjektit politik Partia Demokratike).

Drejtoria Vendore e Policisë Fier siguron subjektet politike dhe qytetarët se shërbimet e Policisë janë të angazhuara maksimalisht për të parandaluar e goditur paligjshmëritë si dhe për të garantuar rendin e sigurinë.

Bardhi: Përpjekje për intimidim të opozitës

Kreu i Grupit Parlamentar të Partisë Demokratike dhe drejtues politik I kësaj partie në Fier, Gazment Bardhi në reagimin ndaj shoqërimit në komisariat të kandidatit demokrat për deputet në Fier, Fatjon Semanjaku e cilësoi si akt të paprecedent me qëllim intimidimin e opozitës në javën vendimtare të zgjedhjeve.

“Kandidati Semanjaku është penguar fillimisht nga banditë me uniformë të të korruptuarit në krye të bashkisë, Armando Subashi, që të ushtrojë veprimtarinë e tij elektorale përmes stendave që janë forma më demokratike e komunikimit me qytetarët. Ky akt përbën një tejkalim të pashembullt të ndarjes mes shtetit dhe parties”, u shpreh Bardhi.

The post Kandidati i PD kundërshtoi heqjen e posterit, Policia e Fierit: Ndërhymë për mospërshkallëzimin e konfliktit appeared first on Agjencia Telegrafike Shqiptare.

Konklava për të zgjedhur Papën e ri fillon më 7 maj. Teksa nuk ka kandidatë zyrtarë për këtë post, këta janë kardinalët që konsiderohen si kryesuesit e garës.

Të mërkurën e ardhshme, 133 zgjedhës kardinalë do të mbyllen brenda Kapelës Sistine në Vatikan dhe do të fillojnë procesin sekret të zgjedhjes së papës së ardhshëm. Ndërsa pjesa më e madhe e procesit do të zhvillohet me katër raunde votimi çdo ditë derisa një kardinal të marrë shumicën prej dy të tretash të votave. Procesi zakonisht zgjat nga 15 deri në 20 ditë.

Por, me një javë që ka mbetur deri në fillimin e procesit për zgjedhjen e Peshkopit të ri të Romës, cilët kardinalë konsiderohen mjaftueshëm të zotë për të udhëhequr Kishën Katolike Romake?

Kardinali Pietro Parolin

Diplomati veteran 70-vjeçar ishte sekretari i shtetit i Papa Françeskut, duke e bërë atë në thelb kryeministrin e Selisë së Shenjtë.

Edhe pse i lidhur ngushtë me pontifikatin e Papa Françeskut, Parolin është shumë më i përmbajtur në personalitet dhe diplomatik në qasjen e tij ndaj udhëheqjes sesa jezuiti argjentinas të cilit i shërbeu, dhe ai e di se ku Kisha Katolike mund të ketë nevojë për një korrigjim të kursit.

Kardinali Luis Antonio Tagle

67-vjeçari Tagle është në listat për t’u bërë Papa i parë aziatik, një zgjedhje që do të njihte një pjesë të botës ku kisha po rritet.

Papa Françesku solli në Romë kryepeshkopin popullor të Manilës, i cili u bë kardinal nga Papa Benedikti XVI, për të drejtuar zyrën e ungjillëzimit misionar të Vatikanit, e cila i shërben nevojave të Kishës Katolike në pjesën më të madhe të Azisë dhe Afrikës.

Kardinali Fridolin Ambongo Besungu

65-vjeçari Ambongo, i emëruar kardinal nga Papa Françesku, është një nga udhëheqësit katolikë më të zëshëm të Afrikës, duke kryesuar kryedioqezën që ka numrin më të madh të katolikëve në kontinent, e cila shihet si e ardhmja e kishës.

Ai ka qenë kryepeshkop i kryeqytetit të Kongos që nga viti 2018 dhe kardinal që nga viti 2019.

Kardinali Matteo Zuppi

Zuppi, 69 vjeç, u bë prift sipas imazhit të Papa Françeskut, i cili e ngriti shpejt në detyrë: së pari në kryepeshkop të kryepeshkopatës së pasur të Bolonjës në Italinë veriore në vitin 2015, përpara se t’i jepte titullin e kardinalit në vitin 2019.

Ai është i lidhur ngushtë me Komunitetin Sant’Egidio, një organizatë bamirëse katolike me seli në Romë që pati ndikim nën Papa Françeskun, veçanërisht në dialogun ndërfetar.

Kardinali Peter Erd?

I njohur nga kolegët e tij si një teolog, studiues dhe edukator i thellë, Erd?, 72 vjeç, është një pretendent kryesor midis konservatorëve. Ai ka shërbyer si kryepeshkop i Esztergom-Budapest që nga viti 2002 dhe u bë kardinal nga Gjon Pali II vitin pasardhës.

Ai ka marrë pjesë në dy konklava, në vitin 2005 dhe 2013, për zgjedhjen e Papa Benediktit dhe Papa Françeskut.

The post Rritet tensioni në Vatikan/ Cili kardinal ka më shumë gjasa të bëhet Papa? appeared first on Sot News | Lajme.

Partia Demokratike ka kallëzuar në Prokurorinë e Tiranës, kandidatin e PS për deputet në Shkodër, zona e Fushë Arrëzit, Ervin Doda. Në kallëzimin penal i cili mban firmën e Sekretarit të Përgjithshëm të PD, Flamur Noka, kandidati i PS akuzohet se ka fshehur të dhëna në formularin e dekriminalizimit për të shkuarën e tij, më konkretisht 5 muaj burg për veprat penale të dyshuara kanosje dhe armëmbajtje pa leje.

Sipas kallëzimit, Ervin Doda është arrestuar në vitin 2016 dhe ka bërë 5 muaj burg si dyshuar për veprat penale kanosje dhe armëmbajtje pa leje. (Në përfundim Doda është shpallur i pafajshëm).

Doda ka plotësuar formularin e dekriminalizimit në vitin 2023 në cilësinë e anëtarit të Këshillit Bashkiak të Fushë Arrëzit, përfaqësues i PS.

Gjithashtu, Ervin Doda ka plotësuar formularin e dekriminalizimit në vitin 2025 si kandidat për deputet në zgjedhjet e 11 majit.

Në kallëzimin e PD thuhet se Ervin Doda, në të dy formularët, duke iu përgjigur pyetjes nr. 4, ka deklaruar se nuk ka qenë ndonjëherë i arrestuar për kryerjen e një vepre penale, ndërkohë që rezulton se ka bërë 5 muaj burg.

Në këto kushte, në materialin kallëzues thuhet se kandidati për deputet Ervin Doda ka konsumuar elementet e veprës penale të falsifikimit të vulave, stampave ose formularëve, parashikuar në nenin 190, paragrafi i dytë i Kodit Penal.

The post PD kallëzon në Prokurori kandidatin e PS në Shkodër: Fshehu dënimin me burg appeared first on Lapsi.al.

Kandidati i “Aleancës për Shqipërinë Madhështore” në qarkun e Tiranës, Rudin Hylviu ka njoftuar këtë te diel se ka vendosur të mos bëjë më fushatë për veten e tij, por duke mbështetur publikisht kandidaten Loranca Hoxha. Ai thotë se duhet të jenë të bashkuar për të përfaqësuar sa më mirë Kavajën.

Ai theksoi se Loranca, si kandidate femër është e vetmja që ka shancet të zgjidhet deputete dhe prandaj ai ka vendosur të tërhiqet nga fushata e tij teksa e cilësoi vetësakrificë politike. Hylviu theksoi se ky është një vendim për t’i dhënë Kavajës përfaqësimin dhe zërin e saj në foltoren e parlamentit, gjë e cila i ka munguar që nga viti 2005.

“Të dashur miq, Nëpërmjet këtij statusi dua të bëj publik një vendim mjaft të rëndësishëm. Dua të njoftoj publikisht vazhdimin e fushatës sime në mbështetjen e plotë dhe publike ndaj kandidates Loranca Hoxha.

Ky vendim nuk ishte i lehtë, por rrjedh nga nevoja që të gjithë të jemi të bashkuar drejt një misioni më të madh dhe ai është përfaqësimi i Kavajës me një mandat në parlamentin e ardhshëm. Sistemi ynë elektoral është i ndërtuar në mënyrë të tillë, që matematikisht Loranca, si kandidate femër, është e vetmja që ka shancet të zgjidhet deputete. Këtë vetësakrificë politike, po e bëj për t’i dhënë Kavajës përfaqësimin dhe zërin e saj në foltoren e parlamentit, gjë e cila i ka munguar që nga viti 2005.

Me këtë veprim shpreh bindjen e thellë se Loranca Hoxha do të jetë zëri i mijëra qytetarëve Kavajas dhe se do të mbrojë me forcë interesin e qytetit tonë. Me qëllim maksimalizimin e votës, emri im do të qëndrojë në fletën e votimit, por të gjitha votat duhet të shkojnë drejt emrit të Loranca Hoxhës. Duke ju falenderuar të gjithëve për mbështetjen, bashkë do të vijojmë betejën tonë për Kavajën dhe fitoren madhështore të 11 majit” – shkruan Hylviu në faqen e tij në Facebook. /LAPSI.al

The post Tërhiqet nga gara kandidati i PD për Tiranën: Tani do të mbështes… appeared first on Lapsi.al.