Rusia ka vazhduar sulmet e saj të natës në disa rajone të Ukrainës, duke shkaktuar dëme materiale dhe zjarre, ndërsa autoritetet lokale po punojnë për të vënë situatën nën kontroll.

Në rajonin Sumy, në verilindje të vendit, një stacion karburanti u godit nga një sulm ajror rus gjatë natës. Pamjet nga vendngjarja tregojnë përmasat e dëmit dhe ndërhyrjen e shpejtë të shërbimeve të emergjencës për të shuar flakët.

Ndërkohë, në rajonin e Dnipropetrovskut, në lindje të Ukrainës, një dron rus u rrëzua nga mbrojtja ajrore ukrainase. Zyrtarët lokalë raportojnë gjithashtu se qyteti i Nikopolit, në juglindje të vendit, u godit disa herë nga sulmet ruse.

Sulmet ajrore të natës janë kthyer në një praktikë të rregullt të ushtrisë ruse gjatë këtij konflikti, duke mbajtur të lartë tensionin dhe pasigurinë për civilët ukrainas.

Sakaq, ditën e sotme në Alaska do të mbahet takimi mes presidentëve amerikan dhe rus sa i takon një armëpushimi të mundshëm në frontin e luftës. Analistët e shohin me skepticizëm arritjen e një marrëveshjeje, ndërkohë që Zelensky vazhdon stoik ndaj bindjeve të tij se Ukraina nuk do t’i jap asnjë tokë pushtuesve. / abcnews.al /

Shtëpia e Bardhë ka konfirmuar oraret kryesore për udhëtimin dhe takimin e presidentit amerikan Donald Trump me presidentin rus Vladimir Putin në Anchorage të Alaskës, ndërsa diskutimet do të fokusohen në luftën në Ukrainë.

Presidenti Trump do të niset nga Shtëpia e Bardhë në orën 06:45 të mëngjesit me orën lokale të Uashingtonit (11:45 BST) për të udhëtuar drejt Alaskës.

Takimi me Putinin do të nisë rreth në orën 11:00 me orën lokale të Anchorage (20:00 BST), pas një udhëtimi prej rreth nëntë orësh.

Bisedimet pritet të zgjasin gati shtatë orë, me Trump që planifikon të largohet nga Anchorage në orën 17:45 (02:45 BST të nesërmen).

Ndërkohë, takimi po ngjall kritika në Uashington. Kongresmeni Mike Quigley, bashkëkryetar i Grupit të Kongresit për Ukrainën, tha se Trump “po përpiqet të blejë kohë” me këtë takim.

“Pse nuk është Zelenskyy aty tani? Pse presidenti ka lejuar të kalojnë gjashtë afate pa veprim?” – pyeti ai gjatë një interviste me prezantuesin Mark Austin.

Sipas Quigley, Trump “ka kapitulluar përballë Putinit” dhe po shpreson që “diçka magjike” të ndodhë nga ky takim, ndërsa Rusia vazhdon të fitojë terren në Ukrainë.

/ abcnews.al /

Dashi

Nëse ndiheni te lumtur pranë partnerit sot do kaloni çaste edhe me te këndshme. Do bashkëpunoni për gjithçka dhe do argëtoheni pa fund. Beqaret do hezitojnë t hedhin çdo lloj hapi për te filluar një lidhje dhe do mbeten me te njëjtin status. Financat fatmirësisht do jene te mira. Gjithsesi rekomandohet qe çdo lloj shpenzimi te kryhet me maturi.

Demi

Pasioni do shtohet mjaft ne jetën tuaj ne çift. Gjithçka do ndryshoje ne jetën e tyre dhe tashme do i shohin gjerat me një sy tjetër. Beqaret do kenë serish vështirësi për ta gjetur princin e tyre te kaltër dhe here pas here mund te bien ne melankoli. Ne planin financiar tregohuni te kujdesshëm dhe mos kërkoni qe situata te përmirësohet menjëherë.

Binjaket

Gjerat nuk do shkojnë ashtu si ju i kishit menduar sot ne jetën tuaj ne çift dhe mërzitja do e pushtoje gjithë këtë dite. Nuk do përjetoni aspak emocionet qe keni ëndërruar. Beqaret nuk duhet te vrapojnë me sy mbyllur drejt dashurisë sepse mund te pengohen dhe te lëndohen. Financat fillimisht duhet t’i riorganizoni nëse doni qe situata te filloje te përmirësohet.

Gaforrja

Dite e paqëndrueshme dhe shpeshherë delikate kjo e sotmja për ata qe janë ne një lidhje. Asgjë nuk do ece ashtu si ju e kishit menduar. Beqaret do kenë mundësi te mira për te gjetur një person qe do iu përshtatet ne çdo sektor. Ne planin financiar do përballeni me sfida te vështira te cilat nuk mund te kalohen pa ndihmën apo këshillat e specialisteve.

Luani

Yjet do iu bekojnë sot juve qe jeni ne një lidhje dhe gjithçka do shkoje për mrekulli. Do i zgjidhni me qetësi edhe disa hatërmbetje te se kaluarës. Beqaret do kenë një dite te zakonshme dhe pa ndonjë takim te veçante. Merrini gjerat shtruar sepse nuk keni çfarë te bëni tjetër. Merkuri do iu ndihmoje ne planin financiar dhe do iu gjeni zgjidhje problemeve.

Virgjeresha

Priten ndryshime shume te mëdha sot ne jetën tuaj sentimentale. Partneri do jete i gatshëm edhe për ndonjë çmenduri dhe do iu surprizoje pa mase. Beqaret do ëndërrojnë me kot për princin e kaltër sepse mundësitë gjate kësaj dite nuk do jene aspak te mira. Financat nuk do jene aspak ne një gjendje te qëndrueshme. Duhet shume maturi dhe kujdes për t’ia dale mbanë.

Peshorja

Pozicioni i Hënës ne qiellin tuaj te dashurisë do ketë ndikim mjaft pozitiv tel lidhja qe keni. Do tregoheni me tolerante dhe me te kuptueshëm me partnerin. Beqaret do tërhiqen tej mase nga një person i cili nuk do i beje aspak te lumtur madje mund t’iu krijoje edhe ankth. Financat fatmirësisht do jene ne një gjendje te qëndrueshme. Vazhdoni te shpenzoni me kujdes.

Akrepi

Marrëdhënia me atë qe keni ne krah do jete e tendosur sot dhe here pas here mund te keni edhe debate te forta. Te dy do kërkoni te dale e juaja dhe nuk do hapni rruge aspak. Beqaret me ne fund do kenë takime te rëndësishme dhe mund te fillojnë lidhje serioze. Ne planin financiar fati do iu buzëqeshë. Jo vetëm qe nuk do keni vështirësi, por mund te ketë edhe përmirësime.

Shigjetari

Ambienti do jete edhe me i ngrohte gjate kësaj dite ne jetën tuaj sentimentale. Do afroheni mjaft me partnerin dhe do e keni me te thjeshte për te folur hapur. Beqaret mund te zbulojnë me ne fund personin e ëndrrave. Gjithçka do jete shume me ndryshe për ta duke filluar qe sot. Financat do jete aq te mira sa mund te përfitoni për te hequr edhe disa para mënjanë.

Bricjapi

Duhet t’i kushtoni me shume vëmendje se kurrë sot jetës suaj ne çift dhe nuk duhet absolutisht ta lini pas dore atë qe keni ne krah. Ka disa persona qe iu vrojtojnë nga larg dhe mund te përfitojnë për t’ua rrëmbyer. Beqaret vetëm ne mbrëmje mund te realizojnë ndonjë takim interesant. Financat nuk do jene shume te mira kështu qe tregohuni te kujdesshëm.

Ujori

Shprehjani partnerit tuaj sot gjithçka qe ndjeni dhe mendoni dhe mos u mbyllni ne vetvete. Ne këtë mënyrë do i zgjidhni edhe problemet dhe do ndiheni me te qete. Beqaret do bëjnë edhe sakrifica vetëm për te gjetur një person, por serish do jene pa fat. Financat do jene te mira për aq kohe sa ju te tregoheni te organizuar dhe te shpenzoni me kujdes.

Peshqit

Rutina do mbizotërojë gjate gjithë kësaj dite ne jetën tuaj sentimentale. Asgjë nuk do shkoje ashtu si e kishit menduar dhe serish emocionet nuk do ekzistojnë. Beqaret do jene ende pa fat dhe nuk do e gjejnë ende personin e tyre te ëndrrave. Me financat nuk duhet te bëni çmenduri sepse situata mund t’iu dale jashtë kontrollit dhe do jete e vështirë te rivendoset ekuilibri.

Ditën e premte, vendi ynë do të jetë nën ndikimin e kushteve atmosferike relativisht të paqëndrueshme.

Moti parashikohet fillimisht i kthjellët, ndërsa gradualisht pritet shtim vranësirash mesatare deri të dendura më të theksuara në relievet malore. Në mesditë deri pasdite, vranësirat do të pasohen me reshje lokale shiu me intensitet të ulët lokalisht në jugperëndim dhe qendër të vendit, po ashtu në verilindje në relievet në male.

Era do të fryjë me drejtim veriperëndim-jugperëndim, me shpejtësi mesatare 6 m/s, ndërsa përgjatë vijës bregdetare dhe në zonat luginore era do të fitojë shpejtësi deri në 8 m/s.

Valëzimi i detit pritet të jetë 1 deri në 2 ballë.

Turqia do të ndihmojë Sirinë me armatime, pajisje logjistike dhe trajnime ushtarake, sipas një burimi nga Ministria e Mbrojtjes së Turqisë, në kuadër të një marrëveshjeje të re bashkëpunimi ushtarak të firmosur mes dy vendeve.

Nëpërmjet një memorandumi mirëkuptimi të arritur pas negociatave disamujore, Ankaraja dhe Damasku kanë hedhur hapin e parë drejt një marrëveshjeje më të gjerë në fushën ushtarake, që përfshin trajnimin e ushtrisë siriane, ndihmën për pajisje dhe ndarjen e informacionit dhe përvojës.

“Memorandumi synon të koordinojë dhe planifikojë trajnime ushtarake, të ofrojë këshillim, ndarje informacioni dhe përvojash, si dhe sigurimin e pajisjeve ushtarake, sistemeve të armatimit, materialeve logjistike dhe shërbimeve të lidhura,” – tha burimi i Ministrisë së Mbrojtjes të enjten për mediat.

Turqia, anëtare e NATO-s, është shfaqur si një prej aleatëve kryesorë të Sirisë që pas rrëzimit të Presidentit Bashar al-Assad vitin e kaluar. Ankaraja ka deklaruar synimin për të ndihmuar në rindërtimin e forcave të armatosura siriane dhe të institucioneve shtetërore, si dhe për të mbështetur integritetin territorial të vendit.

Ndërkohë, Turqia është shprehur gjithashtu e pakënaqur me mungesën e zbatimit të një marrëveshjeje të arritur në mars mes Damaskut dhe Forcave Demokratike Siriane (SDF), të mbështetura nga SHBA. Sipas Ankarasë, SDF të cilën ajo e konsideron organizatë terroriste nuk ka përmbushur asnjë nga detyrimet e marrëveshjes dhe veprimet e saj po rrezikojnë unitetin politik të Sirisë.

Firmosja e memorandumit vjen pas takimeve të shumta mes ministrave të jashtëm dhe të mbrojtjes të të dy vendeve, si dhe shefave të shërbimeve inteligjente.

/ abcnews.al /

Melania Trump, zonja e parë e Shteteve të Bashkuara të Amerikës ka kërcënuar se do të padisë Hunter Biden, djalin e ish presidentit Amerikan Joe Biden duke kërkuar prej tij një dëmshpërblim prej më shumë se 1 miliardë dollarë, pas deklaratave të tij se ajo ishte prezantuar me bashkëshortin e saj  Donald Trump nga trafikanti  seksual Jeffrey Epstein. Avokatët e zonjës Trump e kanë përshkruar pretendimin si “të rremë, shpifës, fyes dhe nxitës”. Në një intervistë të dhënë më herët këtë muaj, Hunter Biden kritikoi ashpër lidhjet e dikurshme të Donald Trump me Epstein-in, duke thënë se ky i fundit kishte ndërmjetësuar njohjen e çiftit presidencial. Donald Trump ka pranuar se dikur ka qenë mik me Epstein-in, por ka deklaruar se marrëdhëniet e tyre u prishën në fillim të viteve 2000, pasi financieri i ndjerë kishte marrë punonjës nga spa-ja e klubit të tij të golfit në Florida.

Në një letër drejtuar avokatit të Hunter Biden, ekipi ligjor i zonjës së Parë kërkon tërheqjen e menjëhershme të deklaratës dhe një kërkimfalje publike, ndryshe ajo do të ndërmarrë veprime ligjore për dëmshpërblim që tejkalon 1 miliard dollarë. Në letër thuhet se pretendimi ka shkaktuar “dëm të madh financiar dhe në reputacionin ” e Melania Trump.

Pretendimi i Hunter Biden u lidh edhe me shkrime të gazetarit Michael Wolff, autor i një biografie kritike për Donald Trump. Megjithatë, media amerikane The Daily Beast, e cila kishte publikuar një artikull mbi këtë çështje, e ka hequr më pas artikullin dhe ka kërkuar falje, pasi avokatët e zonjës Trump kundershtuan  përmbajtjen e artikullit . Nuk ka asnjë provë që Melania dhe Donald Trump janë prezantuar nga Epstein. Sipas një interviste të dhënë për mediat amerikane në vitin 2016, Melania ka treguar se e ka njohur Donald Trump në nëntor 1998, në një festë të organizuar nga një agjent modelesh.  Mundesia qe Melania Trump te padise djalin e ish presidentit Amerikan vjen ne nje kohre kur presioni mbi Shtëpinë e Bardhë për publikimin e të ashtuquajturave “dosje Epstein” – dokumente të pazbuluara më parë për hetimet ndaj tij eshte shtuar . FBI –ja dhe Departamenti Amerikan i Drejtësisë kanë deklaruar se në realitet nuk egziston asnjë listë klientësh të shantazhuar të lidhur me Epstain.

/ abcnews.al /

Paris SG është Superkampion i Europës. Pas Champions, parizienët fitojnë për herë të parë në historinë e tyre edhe Superkupën në kontinentin e vjetër, duke mundur Tottenham në një finale dramatike, të vendosur vetëm pas goditjes së penalltive.

E nëse parizienët festojnë një tjetër triumf, me shumë pengje largohen nga kjo sfidë londinezët, që panë t;iu ikte nga duart një sukses thuajse I sigurtë.

Në fakt, kundër parashikimeve “Spurs” dominuan pjesën më të madhe të ndeshjes, ndërsa e panë veten në epërsië të dyfishtë.

Miki Van Der Ven shbllokoi finalen në stadiumin e Udine në minutën e 39-të.

Goli I mbrojtësit vendosi edhe pjesën e parë me avantazhin e Tottenham.

Pas pushimit, skuadra londineze dyfishoi shumë shpejt shifrat, me mbrojtësin tjetër Romero në minutën e 48-të.

Pavarësisht përpjekjeve, rezultati qëndroi i pandryshuar deri në minutën e 85-të.

Atëherë kur dukej gjithçka e mbyllur, do të vinte përmbysja e madhe.

Pesë minuta nga fundi I kohës së rregullt, Li Kang rihapi sfidën për Paris SG.

Më pas në minutën e tretë shtesë, Goncalo Ramos shënoi edhe golin e dytë për kampionët francezë, duke bërë që fati i finales të vendosej nga pika e 11 metrave.

Të besuarit e Luis Enrique u treguan më të saktë në goditjet e penalltive, duke e mbyllur këtë garë 5-3.

Një triumf i vërtetetë për parizienët, që pas Champions fitojnë për herë të parë edhe Superkupën e Europës, duke nisur në mënyrën më të mirë sezonin e ri. / abcnews.al /

Read More...

Vetëm 90 minuta dhe një gol larg. Kaq I duhet Egantias për të shkruajtur historinë e saj edhe në Kupat e Europës. Kampionët e Shqipërisë do të luajnë sot në orën 21:00 sfidën e kthimit në raundin e tretë kualifikues të Conference League kundër Olimpija Ljubjanë.

Barazimi 0-0 në ndeshjen e parë të luajtur në kryeqytetin slloven favorizojnë skuadrën e drejtuar nga Edlir Tetova, aq më tepër që në fushën e saj do të ketë edhe ndihmën e tifozëve.

Me mision kualifikimin për herë të parë në play off e një turneui europian, Egnatias I duhet një tjetër paraqitje nga ajo e një jave më parë, ku mendoi më shumë për të mos pësuar.

Për të shkuar më larg në Conference League, kampionët shqiptarë duhettë shënojnë  ashtu si në dy sfidat e raundit të dytë, ku fituan ndaj Dinamo Minsk 2-0 në transfertë dhe 1-0 në shtëpi.

Pra, Edlir Tetova dhe të besuarit e tij e dinë si bëhet, ndërsa Egnatia vjen në këtë sfidë thuajse e plotë.

Mungesa e vetme është ajo e Fangaj, që u ndëshkua me karton të kuq në ndeshjen e vajtjes.

Për këtë arsye, nuk priten ndryshime në formacion, por sigurisht detyrat në fushë do të ndryshojnë, pasi kampionëve të Shqipërisë iu duhet një diferencë me një gol për të arritur objektivin historik për një biletë në play off e Conferennce League. / abcnews.al /

Pas përpjekjeve intensive të mijëra forcave të emergjencave situata nga zjarret në vend te enjten sipas ministrisë së mbrojtjes   paraqitet  më e stabilizuar.

Në Delvinë vijon puna për fikjen e flakëve në vatrën e  Syrit të Kaltër. Zjarri vazhdon të jetë  aktiv në lartësitë e Malit të Sopotit dhe në fshatrat Pecë, Sirikat dhe Kardhikaq të Finiqit.   Në fshatin Kuç të Vlorës flakët vijojnë në një sipërfaqe me shkurre dhe pyje.  Një vatër zjarri është  shfaqur dhe në fashtin Brataj.  Puna për shuarjen e zjarrit po vijon dhe në Hormovë të  Tepelenës.

Që në orët e para të mëngjesit  ka vijuar puna për shuarjen e zjarrit të rënë në një zonë pyjore  fshatin Kullollas dhe Kodovjat të Gramshit.

Zjarrëfikësve dhe forcave të armatosura I kanë shkuar në ndihmë dhe një helicopter çek dhe një sllovak.

Flakët janë të pranishme  gjithashtu  në sipërfaqe me shkurre në  fshatin Mukaj dhe Sojnik por nuk paraqesin rrezik për banesat.

Në fshatin Plashnik të Poliçanit ku  për shkak të intensitetit të lartë të zjarrit dhe erës së fortë  një ditë më para u rrezikuan banesat dhe u evakuan 20 banorë  në ndihmë të forcave tokësore kanë shkuar   2 helikopterët e Emirateve të Bashkuara Arabe si dhe 2 helikopterët që operonin në bashkinë Gramsh.

Ndërsa në  fshatin Vokopolë vatra e zjarrit ka qenë me intensitet të ulët dhe po mbahet në monitorim.

Vatra e zjarrit midis qytetit të Poliçanit dhe fshatit Mbrakull vazhdon, por situata ka qenë e qetë dhe nën kontroll nga forcat zjarrfikëse

Forcat zjarrfikëse po mbajnë në monitorim dhe vatrën e zjarrit në afërsi të fshatit Val në Bulqizë.

Zjarri në territorin e kësaj bashkie është zhvilluar në disa vatra, por me intensitet të lartë në zonë me pyjore.

Aktive vijojnë te jenë vatrat e zjarrit dhe në  “Malin e Bërzhitës” në fshatin  Ibë por dhe në Vaqarr.

Zjarrfikësit arriten të mos lejojnë përhapjen e tyre në zonën e banuar por për shkak të terrenit të vështirë  nuk mundën ti fikin plotësisht.

Puna për shuarjen e zjarrit po vijon dhe në  fshatrat Spanesh dhe Kazie, të Rrogozhinës.

Zjarr ka rënë dhe në Parkun Natyror Korab-Koritnik ku vazhdon angazhimi i forcave në terren për izolimin dhe shuarjen e plotë të zjarrit.

Në fshatin Gërmenj të Kolonjës ku një ditë më para pati shpërthime të municioneve që ndodheshin në perimetrine e vatrës së zjarrit forcat operacionale po hapin rrugën  dhe brezat e sigurisë kundër zjarrit.

Nga  57 vatra zjarri raportuar 24 orët e fundit  në të gjithë vendin 29 janë ende  aktive. / abcnews.al /

Air Canada, kompania ajrore më e madhe në vend, do të nisë të enjten anulimin gradual të fluturimeve, pasi sindikata që përfaqëson ekuipazhin ajror lëshoi një njoftim 72-orësh për grevë.

Në një deklaratë, Air Canada paralajmëroi se pasagjerët që nuk kanë konfirmuar fluturimet e tyre nuk duhet të paraqiten në aeroport, pasi kompania do të fillojë reduktimin e fluturimeve.

Sindikatat e ekuipazhit që përfshin 10,000 punonjës, thanë se kishin negociuar në mirëbesim, por kompania kishte refuzuar të adresonte kërkesat kryesore, përfshirë rritjen e pagave dhe kompensimin për punën e papaguar.

Air Canada, nga ana tjetër, lëshoi një njoftim për bllokim prej 72 orësh, duke akuzuar sindikatën për kërkesa të “tejskajshme” dhe për refuzimin e ndërmjetësimit të detyruar nga palë të treta.

Kompania me seli në Montreal, e cila operon në 64 vende me një flotë prej 259 avionësh, tha se ndërprerja e paplanifikuar e shërbimeve përbën një rrezik të madh, si për kompaninë, ashtu edhe për punonjësit. Rreth 130,000 pasagjerë në ditë, përfshirë 25,000 kanadezë, mund të preken gjatë sezonit kulmor të udhëtimeve verore.

Air Canada tha se po pozicionon strategjikisht avionët dhe ekuipazhet përpara ndërprerjes së mundshme, në mënyrë që të mund të realizojë mirëmbajtjet rutinë dhe të rifillojë sa më shpejt fluturimet pas grevës.

Fluturimet e para të prekura do të jenë ato të Air Canada dhe Air Canada Rouge, të enjten, ndërsa fluturime të tjera do të anulohen të premten. Kompania njoftoi se të gjitha fluturimet do të ndalojnë tërësisht të shtunën.

Fluturimet Air Canada Express, që përbëjnë rreth 20% të pasagjerëve të përditshëm të kompanisë, nuk do të preken.

Pasagjerët me fluturime të anuluara do të njoftohen dhe do të marrin rimbursim të plotë, tha kompania. Air Canada gjithashtu ka bërë marrëveshje me kompani të tjera ajrore kanadeze dhe të huaja për të ofruar alternativa udhëtimi për klientët. Sidoqoftë, këto opsione mund të kërkojnë kohë dhe nuk janë të garantuara menjëherë.

/ abcnews.al /

Read More...

Read More...

Kryeministri Edi Rama ka reaguar përmes një postimi në rrjetet sociale, duke vlerësuar punën e Policisë së Shtetit në luftën kundër zjarrvënieve që kanë përfshirë vendin gjatë muajve të fundit. Ai thekson se ky sezon është shoqëruar me një rritje të numrit të rasteve të zjarrvënieve, por edhe me numrin më të madh të autorëve të kapur nga forcat e rendit.

” Policia e Shtetit ditë natë në këmbë për identifikim dhe kapjen e zjarrvënësve, në një sezon me një rritje të numrit të tyre po edhe me numrin më të madh të kapur nga forcat e rendit.

Read More...

Shqipëria është përfshirë nga zjarret më shkatërruese në një dekadë.Sipas të dhënave të sistemit europian për zjarret  dhe pyjet rezulton se në vendin tonë në 7 muaj janë djegur si pasojë e zjarreve mbi 49 mijë hektarë tokë.Nga të dhënat vërehet se kjo është sipërfaqja më e madhe e regjistruar   që prej vitit 2012 ku rezulton se në të gjithë vitin janë djegur mbi 53 hektarë sipërfaqe në të gjithë vitin.Ndërkohë në total  sipas të dhënave rezulton se janë 93 vatra zjarresh.

Aktualisht situate e zjarreve në vend paraqitet e nënkontroll ndërsa Autoriteti Kombëtar i Veterinarisë dhe Mbrojtjes së Bimëve ka ngritur grupet e punës për monitorimin e fermave dhe raportimin mbi gjendjen e shëndetit të kafshëve blegtorale në zonat e prekura nga zjarret në bashkitë Delvinë, Finiq dhe Gramsh.Nga të dhënat e deritanishme nga terreni, konstatohet:

Nga të dhënat e deritanishme nga terreni, konstatohet se në Fshatrat Tremul dhe Aliko (Njësia Administrative Aliko, Bashkia Finiq): Janë shkaktuar dëme në kullota dhe parcela me ullinj, por nuk ka humbje në bagëti. Fermerët janë udhëzuar për hapat që duhet të ndjekin në rast rreziku.

Në  Njësinë  Administrative Dhivër  po të Bashkisë Finiq janë dëmtuar kullota dhe ullishte. Fermat që rrezikoheshin nga mungesa e ushqimit për bagëtitë u evakuuan në zona të sigurta me kullota, larg vatrave të zjarrit.

Në bashkinë Delvinë situata paraqitet e rënduar. Grupet e punës vijojnë monitorimin në terren. Paraprakisht dyshohet për djegien e një ferme me 25 krerë të imtash dhe 9 parqe bletësh, me gjithsej 500 zgjoje.

Fshatrat Skëndërbegas, Arunas, Shëmbërdhenjë, Bletës dhe Kullollas: Janë konstatuar të djegur 9 krerë gjedh, 95 krerë të imtash dhe 50 zgjoje bletësh. Grupet e punës janë në terren për evidentimin e plotë të dëmeve dhe në ndihmë të fermerëve. Kafshët e ngordhura po groposen. Deri më tani, sipas protokolleve veterinare janë groposur 39 krerë të imta dhe gjedh.

Autoriteti Kombëtar i Veterinarisë dhe Mbrojtjes së Bimëve u bën thirrje fermerëve të bashkëpunojnë ngushtë me autoritetet shtetërore për mbrojtjen e jetës së tyre dhe shëndetit të kafshëve. / abcnews.al /

Policia e Shtetit ka intensifikuar veprimet për parandalimin dhe ndëshkimin e zjarrvënieve në të gjithë territorin e vendit, përgjatë muajve të verës. Sipas të dhënave zyrtare, nga muaji qershor deri më 14 gusht, strukturat e Policisë kanë identifikuar 137 autorë zjarrvëniesh, nga të cilët: 46 janë arrestuar, 91 janë proceduar penalisht.

Forcat Kombëtare të Sigurisë, njësitë e posaçme “Shqiponja”, patrullat e përgjithshme dhe forcat operacionale, nën drejtimin e qarqeve dhe Drejtorisë së Përgjithshme të Policisë së Shtetit, vijojnë të jenë aktive në terren, duke mbështetur Emergjencat Civile dhe forcat zjarrfikëse në evakuimin e banorëve dhe shuarjen e flakëve.

Ndërkohë, strukturat operacionale të Policisë po përdorin dronë për të kontrolluar dhe monitoruar zonat me rrezik zjarri, me qëllim identifikimin në kohë reale të autorëve të zjarrvënieve, të cilët shpesh rrezikojnë jo vetëm pronën private, pyjet dhe kullotat, por edhe jetën e banorëve dhe forcave të ndërhyrjes. Policia e Shtetit apelon për të gjithë banorët që të mos shkaktojnë zjarre. Blegtorët dhe fermerët janë përgjegjës për tokat dhe kullotat që kanë në pronësi apo në përdorim.

Policia e Shtetit ka bërë thirrje të fortë për qytetarët, që të mos ndezin zjarr për djegien e mbetjeve bujqësore apo për pastrimin e tokave, pa njoftuar dhe marrë masa paraprake me institucionet përgjegjëse.

Autoritetet rikujtojnë se shkaktimi i zjarrit, qoftë me dashje apo nga pakujdesia, është vepër penale dhe do të ndiqet me masa të rrepta ligjore.

/ abcnews.al /

Situata në Bashkinë Delvinë paraqitet e qetë dhe nën kontroll, pa asnjë vatër aktive zjarri që nga pasditja e djeshme. Sipas autoriteteve vendore, nuk është konstatuar asnjë përhapje e re flakësh në territorin e bashkisë, ndërsa strukturat mbeten në gatishmëri të plotë.

Një vatër zjarri është regjistruar më herët në fshatin Varfaj, ku kanë ndërhyrë me shpejtësi shërbimet zjarrfikëse, të cilat kanë bërë të mundur izolimin e flakëve, duke parandaluar çdo rrezik për banesat apo zonat pyjore përreth.

Autoritetet lokale theksojnë se monitorimi vijon në mënyrë të vazhdueshme, veçanërisht gjatë ketyre ditëve me temperatura të larta dhe erëra të forta, që rrisin rrezikun e zjarreve. / abcnews.al /

Situata e zjarrit në afërsi të Parkut Natyror të Gërmenjës mbetet e pandryshuar, por me një përhapje më të madhe të sipërfaqes së djegur drejt territorit grek, për shkak të erërave që kanë favorizuar lëvizjen e flakëve.

Që në orët e para të mëngjesit, forcat zjarrfikëse dhe strukturat mbështetëse janë angazhuar në terren për të monitoruar dhe kontrolluar vatrën, me qëllim parandalimin e përhapjes së zjarrit brenda zonës së mbrojtur të parkut.

Në operacion janë përfshirë rreth 40 forca dhe 9 mjete:
11 forca zjarrfikëse me 2 mjete zjarrfikëse, 6 forca të Zonave të Mbrojtura, 5 vullnetarë, 9 forca ushtarake (5 xhenierë, 4 kimistë) me 2 mjete ushtarake, 3 forca policie me 1 mjet policie, 4 forca pyjore me 1 mjet pyjor, 6 forca të bashkisë me 3 mjete agregate.

Bashkia e Kolonjës ka angazhuar gjithashtu tre mjete për hapje rruge pyjore, për të mundësuar afrimin e automjeteve zjarrfikëse sa më pranë vatrës së zjarrit, e cila ndodhet rreth dy orë larg në një terren të vështirë dhe të pashkueshëm me mjete të zakonshme.

Përgjatë terrenit ka rrezik nga municione të pashpërthyera, çka e bën ndërhyrjen edhe më të kujdesshme dhe të koordinuar. Autoritetet shqiptare janë në kontakt dhe bashkëpunim të vazhdueshëm me palën greke, për të menaxhuar situatën në zonën kufitare.

WhatsApp ka deklaruar se autoritetet ruse po përpiqen të bllokojnë shërbimin e saj të mesazheve për shkak se platforma – në pronësi të Meta Platforms – mbron të drejtën e njerëzve për komunikim të sigurt dhe të koduar. Kompania premton se do të vazhdojë përpjekjet për ta bërë të mundur përdorimin e komunikimit të enkriptuar në Rusi.

Deklarata e WhatsApp vjen pasi Rusia ka nisur të kufizojë disa thirrje përmes Telegram dhe WhatsApp, duke i akuzuar platformat e huaja për mosbashkëpunim me forcat e rendit në rastet e mashtrimit dhe terrorizmit.

“WhatsApp është privat, me enkriptim nga fundi në fund, dhe i sfidon përpjekjet e qeverive për të shkelur të drejtën e njerëzve për komunikim të sigurt — dhe pikërisht për këtë arsye, Rusia po përpiqet ta bllokojë atë për mbi 100 milionë njerëz rusë,” thuhet në deklaratën zyrtare të kompanisë.

“Ne do të vazhdojmë të bëjmë gjithçka që mundemi për ta bërë komunikimin e enkriptuar të qasshëm për njerëzit kudo, përfshirë edhe në Rusi,” përfundon WhatsApp.

Ky zhvillim thellon përplasjen mes platformave teknologjike perëndimore dhe autoriteteve ruse, në një klimë gjithnjë e më të tensionuar rreth kontrollit të informacionit dhe privatësisë në internet. / abcnews.al /