Ekipet e sotme ndryshojnë shpesh: dikush largohet, dikush tjetër bashkohet, rolet ndërrohen, strategjitë përshtaten, konfliktet dalin në sipërfaqe dhe performanca bie. Megjithatë, shumë drejtues vazhdojnë punën pa ndalur për të riformatuar ekipin pas këtyre ndryshimeve.

Udhëheqësit më të mirë e dinë që suksesi nuk është statik, por kërkon rifreskim të vazhdueshëm. Më poshtë renditen gjashtë hapa për t’i rikthyer ekipet në rrugën e duhur:

1. Rishikoni: Kuptoni problemin para se të veproni
Mos merrni vendime pa analizuar më parë shkakun. Pyeteni veten: A jemi të qartë me qëllimet? A ka tensione apo mosbesim? A mungon motivimi? A ndikon ndonjë presion i jashtëm? Bisedat individuale, anketat anonime ose një anëtar i besuar që raporton për problemet apo shqëtësimet, mund të ndihmojnë për të zbuluar problemin real.

2. Rilidhuni: Rindërtoni besimin dhe sigurinë psikologjike
Nëse ka pasur turbulenca, me shumë gjasa ka rënë besimi. Filloni me një bisedë ku secili ndan ndjesitë e veta. Krijoni hapësirë për reflektim, ndarje përvojash dhe dhënie feedback-u konstruktiv. Vetë drejtuesi duhet të udhëheqë me transparencë dhe ndjeshmëri.

3. Riformuloni: Cili është qëllimi ynë tani?
A është ende i qartë vizioni? Mos supozoni, sqaroni pritshmëritë dhe objektivat afatshkurtra dhe afatgjata. Shpjegoni pse puna e ekipit ka rëndësi për organizatën dhe për klientët. Frymëzoni besim në të ardhmen.

4. Ripërcaktoni: Si do të punojmë bashkë?
Riorganizimi sjell paqartësi për rolet dhe mënyrën e bashkëpunimit. Sqaroni përgjegjësitë, procesin e vendimmarrjes, sjelljet e pritshme dhe ritmin e takimeve. Një kompani përmirësoi praktikat e saj të takimeve duke përcaktuar qartë kush duhet të marrë pjesë, sa duhet të zgjasin takimet, si duhet të përgatiten pjesëmarrësit dhe me çfarë ritmi duhet të zhvillohen ato.

5. Ndryshoni: Ndërtoni mbi arritjet e vogla
Sukseset e shpejta forcojnë energjinë e ekipit. Caktoni objektiva të realizueshme brenda 30-60 ditëve dhe festoni arritjet. Ndryshoni zakonet: takime të shkurtra javore, reflektim pas projekteve dhe biseda zhvillimore një më një.

6. Rirregulloni: Mbani gjallë ritmin
Rikthimi i ekipit nuk është një akt i vetëm. Monitoroni progresin, jepni feedback të shpeshtë, dhe rishikoni vazhdimisht çfarë funksionon e çfarë jo. Një bord drejtues në një firmë logjistike përmirësoi ritmin duke rikujtuar normat e harruara të diskutimit të barabartë dhe respektimit të radhës së fjalës.

Ekipet, si çdo sistem i gjallë, kërkojnë përkujdesje dhe ripërtëritje të qëllimshme. ‘Riformatimi’ nuk është dështim, është udhëheqje. / HBR, Shqip.al

The post Si të riktheni motivimin e ekipit appeared first on Revista Monitor.

Një 38-vjeçar humbi jetën pas një aksidenti në punë në një gurore në zonën e Mamurrasit, në Kurbin. Sipas Policisë së Kurbinit, ngjarja ndodhi rreth orës 12:00, kur punëtori i identifikuar si P. P., banues në fshatin Sanxhak të Kurbinit, u dëmtua aksidentalisht ndërsa riparonte një prej makinerive të punës.Policia bëri me dije se dëmtimi […]

The post Aksidenti në punë i merr jetën 38-vjeçarit appeared first on Reporter.al.

Nga 1 korriku deri më 12 shtator 2025, punonjësit e sektorit publik në Dubai do të përfitojnë nga një javë pune me katër ditë dhe orare më të shkurtra pune, si pjesë e iniciativës “Vera Fleksibël”.

Vendimi, që shtrihet në të gjitha institucionet qeveritare të Dubait, synon të përmirësojë ekuilibrin punë-jetë, të rrisë produktivitetin dhe të përmirësojë jetën familjare gjatë muajve të verës. K

y hap e pozicionon Dubain si një nga qytetet e pakta në botë, që zbaton fleksibilitet pune në këtë shkallë.

Nisma vjen pas një pilotimi të suksesshëm në vitin 2024 në 21 institucione publike, i cili rezultoi me një rritje prej 98% në kënaqësinë e punonjësve dhe përmirësim të klimës së përgjithshme në vendin e punës.

Sipas modelit të ri, punonjësit ndahen në dy grupe:

• Grupi i parë punon nga e hëna në të enjte, 8 orë në ditë, me ditën e premte pushim – gjithsej 32 orë pune në javë.
• Grupi i dytë punon nga e hëna në të enjte 7 orë në ditë dhe 4.5 orë të premten – për një total prej 32.5 orësh në javë.

Drejtori i Përgjithshëm i Departamentit të Burimeve Njerëzore të Qeverisë së Dubait, Abdullah Ali bin Zayed Al Falasi, deklaroi se kjo nismë tregon angazhimin e qartë të qytetit për të ndërtuar një mjedis pune të qëndrueshëm, fleksibël dhe të orientuar te njeriu.

Ky zhvillim përkon me diskutimin global mbi javën e shkurtuar të punës, që po fiton terren edhe në vende, ku disa kompani po eksperimentojnë me modele katërditore dhe punë hibride për të luftuar lodhjen dhe për të rritur mirëqenien e punonjësve. / Medianet.au, Gulf News, Shqip.al

The post Dubai zbaton javën katërditore të punës dhe orar të reduktuar gjatë verës appeared first on Revista Monitor.

Klajdi Musabelliu sëfundmi ka qenë i ftuar në  “Natën me Aulonën” ku përveç eksperiencës në Big Brother VIP dhe karrierës në muzikës ka folur edhe për përfshirjen në politikë.

Aulona e pyet se pse u mor dhe pse doli nga përfshirja në Partinë Socialiste për Integrim.

“Jam marrë 13 vjet me politikë.”- tha këngëtari.

 Aulona Musta:  Pse dole nga politika? Je marrë me LSI-në.

 Klajdi Musabelliu: Po me Lëvizjen Socialiste për Integrim. Ky ka qenë edhe një ndër gabimet që unë kam bërë në jetën time. Më ka kushtuar artistikisht. Sepse u përzie gjëja. Nuk e di si ndodhi që u përzie kjo gjëja. Pra zëri me figurën. Kalova nga këngëtar në emigrant po nuk ka problem. Ishte një gabim që unë e di sa më ka kushtuar po nuk ka problem. Tashmë iku, ishte një eksperiencë.

The post “U mora 13 vjet me politikë”/ Klajdi Musabelliu: Më kushtoi artistikisht, kalova nga këngëtar në emigrant appeared first on Albeu.com.

Produktiviteti nuk do të thotë të bëni më shumë, por të përqendroheni te gjërat që kanë më shumë rëndësi, duke i lënë vetes hapësirë për të marrë frymë.

Adarsh Rai, trajner i inteligjencës emocionale dhe CEO i HR Brain HUB, ndan dhjetë këshilla praktike për të punuar në mënyrë më të zgjuar, jo më shumë.

1. Filloni me detyrën më të vështirë
Zgjidhni që në mëngjes punën më të vështirë dhe përballuni me të përpara se t’ju shpërqendrojnë e-mailet apo mesazhet. Ndjesia e përmbushjes do t’ju japë shtysë për pjesën tjetër të ditës.

2. Përdorni teknikën 25-minutëshe
Vendosni një alarm për 25 minuta dhe përqendrohuni vetëm në një detyrë. Pastaj pushoni pesë minuta. Ky ritëm përmirëson fokusin dhe ruan energjinë gjatë ditës.

3. Detyrat e ngjashme kryejini së bashku
Telefonatat, e-mailet apo punët administrative bëjini në një bllok kohe. Do të kurseni energji dhe kohë duke shmangur kalimet e shpeshta nga një lloj pune në tjetrin.

4. Mbani një listë të vetme detyrash
Mos shpërndani shënime nëpër copa letre apo aplikacione të ndryshme. Një listë e vetme – fizike ose dixhitale – ju ndihmon të qëndroni të organizuar dhe të mos harroni asgjë.

5. Mësoni të thoni “jo”
Nuk mund të pranoni çdo kërkesë apo takim. Çdo “jo” është një “po” për prioritetet tuaja. Krijoni hapësirë për atë që ka vërtet rëndësi.

6. Automatizoni detyrat e përsëritura
Faturat, rezervimet, planifikimi i vakteve, gjeni mënyra të shpejta ose të automatizuara për t’ju ardhur në ndihmë. Sa më pak kohë të humbur në rutina, aq më shumë kohë për punë me vlerë.

7. Lëvizni rregullisht
Mos rrini ulur për orë të tëra. Çdo orë, bëni një shëtitje të shkurtër, shtrihuni ose bëni një ushtrim të lehtë. Do të ndiheni më energjikë dhe trupi do t’ju falënderojë.

8. Jepini një temë çdo dite
Planifikoni ditët sipas llojit të punës; për shembull, e hëna për planifikim, e marta për takime, e mërkura për punë intensive. Kjo ju ndihmon të shmangni shpërqendrimet.

9. Shpërbleni veten për arritjet e vogla
Kur përfundoni një detyrë, lejoni vetes një pushim, një kafe, një shëtitje apo media sociale. Kjo motivon trurin të kërkojë progres të vazhdueshëm.

10. Rishikoni javën që kaloi
Çdo fundjavë, pyeteni veten: Çfarë funksionoi? Çfarë më lodhi? Çfarë duhet ndryshuar? Ky zakon i vogël ndihmon për të përmirësuar vazhdimisht mënyrën se si punoni.

Mos harroni: nuk ka të bëjë me sasinë e punës që bëni, por me mënyrën se si e menaxhoni kohën dhe energjinë. Punoni me zgjuarsi, jo më gjatë, por më mirë. / Rediff, Shqip.al

The post Si të rrisni produktivitetin pa u munduar shumë appeared first on Revista Monitor.

Në një kohë kur bota e punës është gjithnjë e më komplekse dhe drejtuesit ndodhen përballë presioneve të vazhdueshme për të vepruar shpejt dhe me vendosmëri, aftësitë për të mbajtur një ekuilibër mes të dhënave, eksperiencës dhe ndjesisë së brendshme është bërë thelbësore.

Një nga tiparet që po vlerësohet gjithnjë e më shumë në drejtim nuk është vetëm inteligjenca emocionale apo mendimi strategjik, por intuita.

Në kuptim më të thellë, intuita nuk është ndonjë “fuqi magjike”, por një aftësi e brendshme që na ndihmon të kuptojmë diçka menjëherë, pa pasur nevojë për një analizë të gjatë ose për të ditur të gjitha faktet. Shpesh është si një ndjesi në stomak, një paqartësi që nuk mund të artikulohet, por që sinjalizon se “diçka nuk është në rregull”.

Eksperti Marcel Schwantes shpjegon se intuita është një prej mjeteve më të vlefshme për drejtuesit modernë, por vetëm nëse shoqërohet me integritet dhe vetëdije. Vetëm kështu ajo mund të shërbejë si mbrojtje nga gabimet, vendime të gabuara në punësime apo projekte që duken joshëse, por nuk përputhen me vlerat themelore të një organizate.

Në praktikë, intuita ndihmon në disa drejtime kyçe:

Në marrjen e vendimeve – Një pauzë e shkurtër pas çdo takim apo diskutimi mund të shërbejë për të reflektuar mbi ndjesinë e brendshme: “A ndihem mirë me këtë vendim?”, “A ka diçka që po më shqetëson?”

Në përzgjedhjen e njerëzve – CV-ja mund të jetë perfekte, por mungesa e kureshtjes, energjisë apo përgjigje të mjegullta në intervistë janë sinjale për t’u marrë seriozisht.

Në ndërtimin e kulturës së punës – Kultura nuk ndërtohet vetëm me përfitime apo slogane, por me atë që drejtuesit tolerojnë dhe çfarë shpërblejnë. Nëse diçka në sjelljen e ekipit “nuk të duket e drejtë”, nuk është e rastësishme, është një thirrje për të ndërhyrë.

Në gjuhën e trupit – Trupi shpesh flet përpara mendjes: shpatulla të tensionuara, lodhje pas një bisede, frymëmarrje e parregullt. Janë sinjale për t’u dëgjuar.

Fraza si “Nuk jam i sigurt pse, por kjo nuk më duket në rregull”, “Nuk jam i qetë qetësi për këtë drejtim”, apo “E kam parë këtë model më parë dhe përfundoi keq”, nuk janë për t’u anashkaluar. Shpesh, ato janë mburoja që të mbron nga përsëritja e gabimeve të së kaluarës.

Nëse mëson të dëgjoni intuitën dhe të drejtoni me integritet, keni në dorë një nga mjetet më të fuqishme që lidershipi mund të ofrojë. Dhe kjo është një aftësi që nuk mësohet në manuale apo tekste shkollore, por zhvillohet përmes vëmendjes ndaj vetes. / INC, Shqip.al

The post Intuita, arma sekrete e drejtuesve të suksesshëm appeared first on Revista Monitor.

Përhapja e punës nga shtëpia ndryshon ndjeshëm në Europë, e lidhur me faktorë kulturorë dhe ekonomikë

Britania e Madhe ka nivelin më të lartë të punës në distancë ndër 18 vende europiane, me punonjës që punojnë mesatarisht 1.8 ditë në javë nga shtëpia. Në një shkallë më të gjerë, kjo rendit Britaninë e Madhe të dytën nga 40 vende në botë.

Por, përveç Britanisë së Madhe, si ndryshojnë normat e punës nga shtëpia në Europë dhe në botë? Dhe çfarë mund të shpjegojë këto ndryshime mes vendeve?

Sondazhi Global mbi Marrëveshjet e Punës (G-SWA) tregon se tendencat e punës në janë zhvilluar që nga pandemia COVID-19. Botimi i katërt i këtij studimi, kryer midis nëntorit 2024 dhe shkurtit 2025, përfshin punonjës me kohë të plotë të moshës 20 deri 64 vjeç që kanë përfunduar arsimin terciar (kolegj ose universitet).

Ndërsa mesatarja globale e punë në distancë është 1.2 ditë në javë, normat e punës nga shtëpia ndryshojnë ndjeshëm në 40 vendet e studiuara, duke varuar nga vetëm 0.5 ditë në javë në Korenë e Jugut deri në 1.9 ditë në Kanada.

Britania e Madhe udhëheq

Disa faktorë shpjegojnë renditjen e Britanisë së Madhe në krye, sipas Dr. Cevat Giray Aksoy, ekonomist i lartë në EBRD dhe profesor i asociuar i ekonomisë në King’s College London.

“Britania e Madhe ka një nivel të lartë të individualizmit kulturor, që lidhet ngushtë me komoditet në ambientet e punës autonome,” tha Dr. Aksoy.

Ai theksoi se Britania ka kaluar periudha të gjata dhe të rrepta izolimi, duke përshpejtuar zbatimin e infrastrukturës dhe normave të punës në distancë. Gjithashtu, tregu i punës britanik është i përqendruar në sektorë shërbimesh, si financat, konsulenca dhe media, ku puna nga shtëpia është një opsion praktik.

Finlanda, Gjermania, Portugalia mesatarisht mbi 1.5 ditë pune nga shtëpia

Në Europë, Finlanda (1.7 ditë) dhe Gjermania (1.6 ditë) renditen pas Britanisë së Madhe. Normat e punës nga shtëpia janë gjithashtu relativisht të larta në Portugali (1.5 ditë), si dhe në Hungari dhe Holandë (të dyja me 1.4 ditë).

Punonjësit në Çeki, Itali dhe Suedi punojnë nga shtëpia mesatarisht 1.3 ditë në javë, pak më shumë se mesatarja globale. Rumania, Spanja dhe Austria janë në linjë me mesataren globale, duke raportuar secila 1.2 ditë pune në distancë.

Çfarë i shpjegon ndryshimet në punën nga shtëpia?

Dr. Aksoy i atribuon ndryshimet ndërmjet vendeve europiane një përzierjeje faktorësh strukturalë, kulturorë dhe ekonomikë.

“Faktori më i fuqishëm parashikues është individualizmi, një tipar kulturor që thekson autonominë personale, vetë-mjaftueshmërinë dhe pavarësinë mbi qëllimet kolektive ose mbikëqyrjen e ngushtë,” shpjegoi ai.

Faktorë të tjerë që ndikojnë janë ashpërsia dhe zgjatja e izolimeve COVID-19, dendësia e popullsisë dhe struktura industriale e çdo ekonomie. Për shembull, vendet me një pjesë më të madhe të sektorëve të përshtatshëm për punë në distancë, si IT dhe financa, janë më të përgatitura për modele hibride. Vendet me popullsi të dendura shpesh kanë nivele më të larta të punës nga shtëpia, pjesërisht për shkak të distancave të gjata të përshkuara për në punë.

Pse Greqia ka nivelin më të ulët?

Greqia raporton nivelin më të ulët të punës nga shtëpia në Europë, me vetëm 0.6 ditë në javë.

“Një pjesë e shpjegimit qëndron në strukturën e ekonomisë greke, që mbështetet fort në sektorë si turizmi, shitja me pakicë dhe hoteleria, punë që zakonisht kërkojnë praninë fizike,” tha Dr. Aksoy.

“Por edhe faktorë më të thellë kulturorë dhe institucionalë luajnë rol. Greqia ka një nivel relativisht të ulët të individualizmit,” shtoi ai.

Gjithashtu, dixhitalizimi dhe praktikat e menaxhimit ishin relativisht të pakërkuara para pandemisë, çka ngadalësoi normalizimin e punës nga shtëpia.

Vendet nordike ndahen në tendenca të ndryshme të punës nga shtëpia

Ndërsa Finlanda renditet e dyta në Europë me 1.7 ditë pune nga shtëpia, Norvegjia dhe Danimarka kanë norma shumë më të ulëta, vetëm 0.9 ditë. Suedia, me 1.3 ditë, ndodhet në mes, duke reflektuar një ndarje të qartë në tendencat e punës në distancë mes vendeve nordike.

Finlanda ka një kulturë më individualiste dhe i kushton shumë rëndësi ekuilibrit punë – jetë dhe autonomisë së punonjësve krahasuar me Danimarkën dhe Norvegjinë, të cilat mund të ruajnë praktika më tradicionale menaxhimi.

Organizatat finlandeze, sidomos në sektorin publik dhe teknologji, kanë qenë adoptues të hershëm të politikave fleksibile të punës edhe para pandemisë.

Në mesin e pesë ekonomive më të mëdha europiane, Franca ka nivelin më të ulët të punës nga shtëpia, me punonjës që punojnë mesatarisht vetëm 1 ditë në javë nga shtëpia. Turqia renditet pas saj me 0.9 ditë, ndërsa Polonia është pak më përpara me 1.1 ditë.

Në përgjithësi, niveli i punës nga shtëpia ka rënë globalisht, nga mesatarja 1.6 ditë në javë në vitin 2022 në 1.33 ditë në 2023. Në vitet 2024 dhe 2025, kjo shifër ka rënë në 1.27 ditë. / Euronews, Shqip.al

The post Puna nga shtëpia në Europë, MB kryeson, Greqia ka nivelin më të ulët appeared first on Revista Monitor.

Punonjësit në distancë përballen gjithnjë e më shumë me ndjesinë e izolimit. Sipas raportit Gallup 2024, 1 në 5 të punësuar ndihen shpesh të vetmuar, ndërsa 23% e punonjësve totalisht në distancë e konsiderojnë vetminë si sfidën e dytë më të madhe.

Kjo nuk është vetëm një çështje emocionale, mungesa e lidhjeve shoqërore ndikon në shëndetin mendor, shton ankthin, pagjumësinë dhe lodhjen, ndërsa për kompanitë sjell më pak angazhim dhe më shumë largime nga puna.

Ja si mund të përballoni izolimin gjatë punës nga shtëpia:

1. Vendosni kufij fizikë dhe kërkoni ndërveprim njerëzor
Ndryshoni ambientin të paktën një ditë në javë – punoni në një kafene, bibliotekë ose hapësirë të përbashkët për të ndjerë energjinë shoqërore. Shfrytëzoni fleksibilitetin për të kaluar kohë me familjen, fqinjët apo për shëtitje gjatë pushimit të drekës, ndërveprimet e vogla ndikojnë ndjeshëm në mirëqenie.

2. Përdorni teknologjinë për lidhje kuptimplota
Zgjidhni video-telefonatat për diskutime të rëndësishme – ndihmojnë në shmangien e keqkuptimeve dhe përforcojnë lidhjet personale. Regjistroni mesazhe me video për feedback apo shpjegime dhe angazhohuni në organizime jonformale si “virtual coffee”. Edhe një telefonatë mund të jetë më efektive sesa një e-mail i gjatë.

3. Ndërtoni lidhje sociale në vendin e punës
Bashkohu në grupe të brendshme në Slack/Teams për interesa të përbashkëta si librat apo prindërimi. Propozoni aktivitete si dreka virtuale apo këshilla produktiviteti. Merrni pjesë në aktivitetet sociale të kompanisë – edhe nëse janë vullnetare – dhe bisedoni me kolegët për tema joprofesionale për të ndërtuar lidhje reale.

4. Ruani kufijtë midis jetës personale dhe punës
Krijoni një hapësirë të dedikuar për punë dhe krijoni zakone, si p.sh. shëtitje pas pune. Planifikoni aktivitete pas orarit të punës, që të mos zvarriteni në detyra të pafundme. Kujdesuni për shëndetin mendor dhe fizik përmes ushtrimeve, gjumit të mirë dhe aktiviteteve me të tjerët.

5. Promovoni një kulturë gjithëpërfshirëse pune në distancë
Mundohuni që mbledhjet të jenë në orare tëpërshtatshme edhe për kolegët në distancë dhe sugjeroni aktivitete sociale për ta. Kërkoni mundësi zhvillimi profesional dhe përfitime të barabarta për punonjësit në distancë (si mbështetje për hapësira bashkëpunimi apo buxhet për pajisje).

Izolimi social gjatë punës në distancë mund të parandalohet me veprime të qëllimshme. Ndërtimi i lidhjeve përmirëson jo vetëm mirëqenien tuaj por edhe performancën dhe rritjen profesionale. Këto strategji janë më efektive kur zbatohen së bashku dhe përshtaten me nevojat që ndryshojnë me kohën. / Forbes, Shqip.al

The post Si të shmangni izolimin social kur punoni nga shtëpia appeared first on Revista Monitor.

Rregullat e reja për taksimin e kërkim-zhvillimit tronditën sektorin teknologjik

Për gati shtatë dekada, kompanitë amerikane mund të zbrisnin menjëherë të gjitha shpenzimet për kërkim-zhvillim (R&D), nga pagat e inxhinierëve deri te zhvillimi i softuerëve. Kjo politikë, në fuqi që nga viti 1954 sipas Nenit 174 të Kodit Tatimor, nxiste inovacionin dhe mbante aktivitetet R&D brenda SHBA-së.

Por në vitin 2022, një ndryshim i miratuar në vitin 2017 hyri në fuqi: shpenzimet për R&D duhej të amortizoheshin në pesë vjet për aktivitetet vendase dhe në pesëmbëdhjetë vjet për ato jashtë vendit. Kjo masë, e dizajnuar për të balancuar uljen e normës së tatimit mbi fitimin, solli pasoja të menjëhershme.

Shumë kompani, sidomos startup-et dhe ato me humbje, u përballën me fatura tatimore shumë më të larta, në një kohë kur financimi nga kapitali sipërmarrës ishte në rënie dhe kostot e huamarrjes në rritje. Si rrjedhojë, filluan pushimet masive nga puna.

Që nga fillimi i vitit 2023, industria e teknologjisë ka humbur më shumë se gjysmë milioni vende pune. Gjigantë si Meta, Microsoft, Amazon, Alphabet dhe Salesforce reduktuan mijëra pozicione, kryesisht në departamentet e zhvillimit dhe inxhinierisë – ekipet më të prekura nga humbja e zbritjeve të menjëhershme të R&D.

Meta uli fuqinë punëtore me gati një të katërtën, Microsoft shkurtoi rreth 7 %, dhe Amazon, Alphabet dhe Salesforce eliminuan mijëra pozicione. Firmat më të vogla, të cilave u mungonte mbështetja financiare e gjigantëve të industrisë, u përballën me realitete edhe më të ashpra. Twilio, Shopify dhe Coinbase shkurtuan secila pjesë të konsiderueshme të stafit të tyre, 22 %, 30 % dhe 36 %, përkatësisht, gjatë dy viteve të fundit.

Ndikimi u ndje përtej sektorit teknologjik tradicional – edhe kompanitë e shitjes me pakicë, logjistikës apo shëndetësisë u prekën, pasi investimet në softuer dhe analiza të dhënash ishin mbështetur në trajtimin tatimor të mëparshëm.

Ndryshimi në Nenin 174 i shtyu shumë kompani nga humbje tatimore në fitim të tatueshëm, pa rritje reale të qarkullimit, edhe kur fluksi i tyre aktual i parave nuk ishte përmirësuar. Si rezultat, pushimet nga puna dhe shkurtimet kanë ndikuar në ekonominë dixhitale e më gjerë, e cila, së bashku me teknologjinë bazë, përbën rreth 20 % të PBB-së së SHBA-së.

Madhësia e shkurtimeve të vendeve të punës ka qenë çuditërisht disproporcionale krahasuar me sektorët e tjerë. Ndërsa shumica e industrive pësuan shkurtime vendesh pune në shifra të ulëta njëshifrore, teknologjia përjetoi një rritje 60 % të shkurtimeve të vendeve të punës midis viteve 2022 dhe 2023, me divizione të tëra – veçanërisht në R&D – që u zhdukën pothuajse brenda natës.

Pasojat shtrihen përtej vetë kompanive, duke prekur ekonomitë lokale dhe industritë e shërbimeve, që mbështeten në punëtorët e teknologjisë me paga të larta për të mbështetur kërkesën për gjithçka, nga strehimi te restorantet dhe transporti.

Ndërsa Kongresi debaton nëse do të anulojë ndryshimin e Seksionit 174, politika mbetet komplekse. Rivendosja e rregullave të vjetra do të zvogëlonte të ardhurat nga taksat dhe mund të shihet si favorizim i korporatave të mëdha, edhe pse pasojat më të gjera ekonomike vazhdojnë. Për shumë punëtorë dhe komunitete tashmë të prekura, për çdo lehtësim që mund të vijë, mund të jetë shumë vonë. / TechSpot, Shqip.al

The post Ndryshimi tatimor që shkaktoi valën e pushimeve nga puna në sektorin teknologjik appeared first on Revista Monitor.

Emri më i ri në krye të listës së Forbes për gratë më të pasura që e kanë ndërtuar vetë pasurinë është Lucy Guo, një sipërmarrëse 30-vjeçare nga Los Angeles dhe themeluese e platformës inovative “Passes”

Taylor Swift nuk është më miliarderja më e re që e ka krijuar pasurinë e saj nga e para. Ky status tashmë i takon Lucy Guo, e cila është shndërruar në një simbol të suksesit të vetë-ndërtuar në botën e teknologjisë.

Në edicionin përvjetor të Forbes, i cili shënon 10 vjetorin e listës së grave më të pasura në SHBA që kanë krijuar pasurinë vetë, Guo jo vetëm që ka hyrë fuqishëm në listë, por është edhe më e reja ndër to, me një pasuri të vlerësuar në 1.3 miliardë dollarë.

Kush është Lucy Guo?

E lindur në SHBA nga prindër emigrantë kinezë, Lucy u rrit në Zonën e Gjirit të San Franciskos dhe filloi të merrej me programim që në shkollën e mesme. Edhe pse u regjistrua në universitetin prestigjioz Carnegie Mellon për të studiuar shkenca kompjuterike, vendosi të largohej për të ndjekur ambiciet e saj në industrinë e teknologjisë.

Në vitin 2015, ajo filloi punë si dizajnere produktesh në Quora, ku u njoh me partnerin e saj të ardhshëm në biznes, Alexander Wang. Pas një periudhe të shkurtër në Snapchat, ata bashkëthemeluan kompaninë Scale AI në vitin 2016, një startup që sot vlerësohet me miliarda dollarë. Edhe pse Guo u largua nga kompania në vitin 2018, ajo ruajti një pjesë të rëndësishme të aksioneve, që sot përbën themelin e pasurisë së saj.

Po atë vit, ajo u përfshi në listën prestigjioze Forbes “30 Under 30”, që përzgjedh të rinjtë më premtues në fusha të ndryshme, transmeton Telegrafi.

 

View this post on Instagram

 

A post shared by Lucy Guo (@guoforit)

“Passes” – platforma që po ndryshon lojën

Në vitin 2022, Guo nisi projektin e saj më të fundit, Passes, një platformë ku krijuesit e përmbajtjes mund të ndërtojnë komunitete, të lidhen drejtpërdrejt me fansat dhe të monetizojnë përmbajtjen e tyre përmes mesazheve private, podkasteve, përmbajtjes ekskluzive dhe transmetimeve live.
Brenda vetëm dy vjetësh, platforma tërhoqi mbi 50 milionë dollarë investime dhe e vendosi Lucy Guo si një nga emrat më të fuqishëm në industrinë e teknologjisë dhe sipërmarrjes digjitale.

Një jetë luksoze, por e përkushtuar punës

Guo ndan jetën mes Los Angeles dhe Miamit. Në një intervistë për Fortune, ajo rrëfeu se shkon në punë me skateboard elektrik ose shoqërohet nga një asistent personal. Megjithëse jeton në kushte luksoze, Guo thekson se fokusi i saj kryesor është puna.

Ajo ha drekë në tavolinën e saj, nuk gatuan, nuk bën pazar dhe mbështetet kryesisht në dërgesa ushqimore. Edhe në udhëtime, ajo vazhdon të punojë të paktën tetë orë në ditë. “Nuk kam pasur kurrë një pushim të mirëfilltë”, shprehet ajo.

“Disiplina është më e rëndësishme se gjumi”

Përveç punës, Guo është një pasionante e fitnesit. Ajo ndjek çdo ditë seanca të dyfishta trajnimi në Barry’s Bootcamp, dhe ka shënuar stërvitjen e saj të 3,000-të. Ajo thotë se disiplina ka një rol kyç në suksesin e saj – madje edhe më shumë se pushimi.

Kohën e lirë e kalon në festivale muzikore dhe festa tekno, duke balancuar intensitetin e jetës profesionale me momente argëtimi.

Presioni i pritshmërive kulturore

Në një postim në Instagram, Lucy pranoi se hyrja në të tridhjetat ishte një moment reflektimi për të, veçanërisht sepse ende nuk është martuar dhe nuk ka fëmijë, gjë që, sipas saj, në kulturën kineze shpesh shihet si dështim. Por ajo e mbylli me një buzëqeshje: “Çdo vit jam më e sigurt, më e lumtur, më e pasur dhe më tërheqëse.”

Gratë e tjera më të pasura në listë

Në krye të listës qëndron sërish Diane Hendricks, bashkëthemeluese e ABC Supply, me një pasuri prej 22.3 miliardë dollarësh. Emra të njohur përfshijnë Oprah Winfrey, që renditet e 13-ta me 3.1 miliardë dollarë dhe Kim Kardashian, që ndodhet në vendin e 19-të me 1.7 miliardë dollarë. /Telegrafi/

The post Histori frymëzuese: Njihuni me miliarderen më të re në botë që pasurinë e ka ndërtuar vetë appeared first on Telegrafi.

Pavarësisht frikës së përhapur se inteligjenca artificiale do të automatizojë punët dhe do të ulë pagat, ajo në fakt po i bën njerëzit “më të vlefshëm, jo më pak”, tregon një studim i ri nga kompania ndërkombëtare e shërbimeve profesionale PwC.

“Ajo që i shqetëson njerëzit në këtë mjedis është shpejtësia me të cilën zhvillohet teknologjia,” tha Joe Atkinson, Shefi Global për IA në PwC. “E vërteta është që ritmi i këtij inovacioni është jashtëzakonisht i shpejtë – më i shpejti që kemi parë ndonjëherë në historinë e zhvillimit teknologjik.”

“Sipas raportit, IA në fakt po krijon vende pune,” shton Atkinson.

Në fakt, si vendet e punës ashtu edhe pagat janë në rritje pothuajse në çdo profesion të ekspozuar ndaj IA – pra, në punët ku teknologjia mund të aplikohet – përfshirë edhe ato që janë më lehtësisht të automatizueshme, si shërbimi ndaj klientit apo programimi kompjuterik, sipas raportit “AI Jobs Barometer 2025”.

“Pra, sfida, sipas nesh, nuk është nëse do të ketë punë apo jo – por sa të përgatitur janë punonjësit për t’i marrë ato,” shton Stubbings.

Raporti, që analizoi mbi 800 milionë njoftime pune dhe mijëra raporte financiare të kompanive në gjashtë kontinente, sfidon gjashtë mite të zakonshme mbi ndikimin e IA:

1. Produktiviteti

Miti: IA nuk ka pasur ende ndikim domethënës në produktivitet.
Realiteti: Që nga viti 2022, rritja e produktivitetit në industritë më të përshtatshme për të përvetësuar IA është katërfishuar, ndërkohë që ka rënë pak në ato më pak të ekspozuara (si fizioterapia). Për shembull, industria e publikimeve softuerike shënoi trefish rritje në të ardhurat për punonjës.

2. Pagat

Miti: AI do të ndikojë negativisht te pagat dhe fuqia negocuese e punëtorëve.
Realiteti: Punonjësit me aftësi në AI fitojnë mesatarisht 56% më shumë se ata pa këto aftësi në të njëjtat profesione – një rritje nga 25% që ishte vitin e kaluar. Gjithashtu, pagat po rriten dyfish më shpejt në industritë më të ekspozuara ndaj IA.

3. Numri i vendeve të punës

Miti: IA do të ulë numrin e vendeve të punës.
Realiteti: Edhe pse rritja e punësimit është më e lartë në profesione më pak të ekspozuara (65% nga 2019 deri në 2024), ajo mbetet e fortë edhe në profesione të ekspozuara ndaj IA (38%).

4. Pabarazia

Miti: IA do të përkeqësojë pabarazitë në mundësi dhe paga.
Realiteti: Punët që mund të përmirësohen ose automatizohen nga IA po përjetojnë rritje si në paga, ashtu edhe në punësim. Kërkesat për diploma universitare po bien më shpejt në këto profesione, duke hapur mundësi për miliona punonjës.

5. Aftësitë

Miti: AI do t’i bëjë punët më pak të kualifikuara.
Realiteti: Në fakt, IA mund t’i pasurojë këto punë duke liruar punonjësit nga detyrat e mërzitshme dhe duke i orientuar drejt vendimmarrjes dhe aftësive më të ndërlikuara. Për shembull, nga operator të të dhënave, punonjësit mund të kalojnë në role me më shumë vlerë si analistë të të dhënave.

6. Automatizimi

Miti: AI do të ulë vlerën e punëve të automatizueshme.
Realiteti: Jo vetëm që pagat në këto profesione janë në rritje, por IA po i transformon ato në punë më komplekse dhe kreative – duke i bërë njerëzit më të vlefshëm.

A mund të jetë e dobishme një rritje më “e butë” e vendeve të punës?

Studimi sugjeron edhe një këndvështrim tjetër: në një botë ku shumë vende përballen me rënie të popullsisë në moshë pune, një rritje më e ngadaltë e vendeve të punës të ekspozuara ndaj IA mund të jetë e favorshme.

Shtimi i produktivitetit përmes IA mund të krijojë një “efekt shumëzues” për fuqinë ekzistuese punëtore dhe të plotësojë boshllëqet që kompanitë nuk do të mund t’i mbushnin ndryshe. Po ashtu, ndihmon edhe në rritjen e bizneseve. / CNBC, Shqip.al

The post Inteligjenca artificiale po i bën punonjësit më të vlefshëm, jo të panevojshëm appeared first on Revista Monitor.

Nëse doni të dini nëse inteligjenca artificiale (IA) do të zvogëlojë pagën e punonjësve në krahasim me atë që prodhojnë në një ditë pune tipike, mund të pyesni atë vetë.

ChatGPT do të përgjigjej me “ky rezultat është shumë i mundshëm”. Por gjithashtu tha “nuk është i pashmangshëm”.

Hendeku midis pagave dhe produktivitetit ka qenë një shqetësim për dekada. Rritja e automatizimit ka luajtur një rol në këtë.

Një studim i kohëve të fundit në terren i zhvilluesve të softuerëve të pajisur rishtazi me asistentë të IA-së hodhi një vijë të qartë për çështjen në fjalë; ata me më pak përvojë dhe më pak të paguar ishin në gjendje të kishin fitimet më të mëdha relative të produktivitetit, duke sugjeruar që kolegët e tyre më me përvojë nuk kanë një justifikim për të fituar paga më të larta.

Në një kohë të sigurisë financiare në rënie për klasat e mesme, mund të jetë një problem.

Pothuajse gjysma e ekonomistëve kryesorë të anketuar për Perspektivën e fundit të Ekonomistëve Kryesorë të WEF mendojnë se “shtimi i punonjësve” do të jetë një nga përfitimet më të mëdha të IA-së për rritjen ekonomike, por “rritja e pabarazisë” renditet midis rreziqeve më të mëdha të vlerësuara nga ana e tyre.

Tre nga katër thanë se shpenzimet qeveritare për “përmirësimin e aftësive dhe ri-punësimin” duhet të jenë një përparësi.

Sipas teorisë standarde ekonomike, produktiviteti dhe pagat duhet të rriten në thelb në të njëjtën kohë. Duke filluar nga vitet 1970, pagat filluan të shkëputeshin nga produktiviteti në SHBA dhe Europë. Japonia pasoi me një shkëputje edhe më dramatike në dekadën pasuese.

Shkaqet e cituara përfshijnë një përqendrim të rritjes së pagave midis njerëzve në pozicione më të larta, një zhvendosje të përgjithshme të të ardhurave nga punëtorët tek aksionarët dhe një tolerancë më të madhe për papunësinë, nëse kjo do të thotë të mbahet nën kontroll inflacioni.

Ndërkohë, automatizimi, ndërsa ka krijuar shumë fitues, gjithashtu rezulton në mënyrë të pashmangshme në humbës.

Madhësia e hendekut midis produktivitetit dhe pagave që na mbetet mund të ndryshojë në varësi të mënyrës se si matet.

Pyetja është nëse më pak njerëz do të jenë në gjendje të përfitojnë nga ndonjë fitim i ardhshëm i këtij produktiviteti në rritje. Dëshira për t’u ofruar sa më shumë punonjësve mjetet dhe trajnimet më të mira nuk është domosdoshmërisht e njëjta gjë.

ChatGPT ofron disa sugjerime se si të përballohet situata që do të krijohet. Parandalimi i stanjacionit të pagave, mbështetja në riinvestimin e çdo fitimi ekonomik që krijon IA në zhvillimin e aftësive dhe politika të drejta për paga. / WEF

The post IA rrit produktivitetin, por a mund të na bëjë edhe më të paguar? appeared first on Revista Monitor.

Në botën e biznesit, suksesi shpesh sjell në mendje imazhe harmonie dhe bashkëpunimi. Por sipas Steve Stoute, tregtar, sipërmarrës dhe drejtues muzikor, një përbërës që shpesh anashkalohet mund të jetë po aq kritik: konflikti.

Mund të duket e pazakontë, por Stoute argumenton se mosmarrëveshja, kur trajtohet me respekt dhe qëllim, mund të jetë një forcë e fuqishme për rritje dhe inovacion brenda ekipeve. Në një intervistë të kohëve të fundit, ai theksoi se “ka diçka të gabuar nëse një biznes nuk ka konflikt”.

Stoute, klientët e të cilit përfshijnë Jay-Z, McDonald’s, New York Knicks dhe drejtuesen ekzekutive të Google, Lorraine Twohill, beson se nxitja e një kulture mospajtimi të shëndetshëm është thelbësore. “Të bësh njerëzit të ndihen mirë me sfidën është një vlerë shumë e rëndësishme”, tha ai. “Ajo që po përpiqem të bëj është, që njerëzit të përqafojnë idenë se është në rregull të mos biesh dakord”.

Edhe në epokën e videokonferencave, ku është më e lehtë të anashkalosh bisedat e pakëndshme, Stoute bën çmos që ta mbajë temën e konfliktit në qendër të vëmendjes. “Njësoj siç flas unë për bonuset ose kujdesin shëndetësor ose fitoret apo humbjet, ne flasim për konfliktin,” vuri në dukje ai. “Nëse tensioni anashkalohet, atëherë kompania nuk do ta arrijë potencialin e saj të plotë.”

Qasja e tij mbështetet nga ekspertë në negociata dhe psikologji. Robert Bordone, specialist negociatash dhe ish-profesor në Shkollën e Drejtësisë në Harvard, i inkurajon udhëheqësit ta shohin konfliktin si një peizazh, që mund të lundrohet, jo të shmanget, përmes kuriozitetit dhe sinqeritetit. Nuk ka të bëjë me fitimin e një argumenti, por me kuptimin e pikëpamjeve të ndryshme.

Kurt Gray, profesor i psikologjisë sociale në Universitetin e Karolinës së Veriut, Chapel Hill, e përforcon këtë ide. Ai sugjeron trajtimin e mosmarrëveshjeve si biseda, jo si gara. Qëllimi është të kuptohen motivimet e personit tjetër, përpara se të ofrohet një mendim i ndryshëm. “Vendosja e një lidhjeje me dikë, duke e parë atë si një qenie njerëzore, është shumë e rëndësishme,” tha ai.

Në fund të fundit, mesazhi i Stoute është i qartë: konflikti nuk duhet të jetë shkatërrues. Kur i qasemi me respekt dhe empati, bëhet një nxitës i fuqishëm i inovacionit, besimit dhe suksesit afatgjatë. / CNBC, Shqip.al

The post Konflikti në punë, çelësi i suksesit në biznes appeared first on Revista Monitor.

Që nga izolimi i Covid-19, puna në distancë është bërë një pjesë integrale e jetës profesionale, me miliona njerëz që zhvillojnë mbledhje me pizhama dhe menaxhojnë ngarkesat e punës nga tavolinat e kuzhinës. Megjithatë, nën sipërfaqen e kësaj normaleje të re qëndron një çekuilibër i vazhdueshëm: në çiftet heteroseksuale, burrat kanë shumë më tepër gjasa të punojnë në një ambjent që shërben si zyrë në shtëpi – shpesh një dhomë gjumit të lirë – ndërsa gratë përshtaten me hapësira pune të improvizuara diku tjetër në shtëpi.

Shkrimtarja Ella Risbridger e përshkroi këtë fenomen shkurt në recensionin e saj të *Consider yourself kissed*, një roman nga Jessica Stanley. Ajo vërejti se në familjet me një dhomë të lirë dhe një çift heteroseksual që punon nga shtëpia, burri zakonisht zë atë hapësirë ndërsa gruaja punon “diku tjetër”. Arsyet për këtë rregullim mund të duken racionale – të ardhura më të mëdha, më shumë video-telefonata, “nevojë për qetësi”,  por ato janë gjithnjë të njëjtat.

Kjo pabarazi nuk është vetëm trillim. Romani i Stanley-t eksploron se si jeta profesionale e grave nuk është prioritet përmes ndarjes së hapësirës shtëpiake. Duk përfshirë periudhën kohore midis viteve 2013 – 2023, historia nxjerr në pah se si kalimi në punën nga shtëpia gjatë pandemisë shpesh bëri që karrierat e burrave të lulëzonin – të ndihmuara nga mjediset e punës – ndërsa gratë u lanë mënjanë vazhdimisht. Burri në roman, një gazetar politik, e sheh karrierën e tij të rritet, ndërsa dhoma e lirë bëhet natyrshëm studioja e tij.

Kjo është një histori e njohur. Gjatë izolimit, pabarazitë strukturore në paga shpesh nënkuptonin, që burrat pozicionoheshin si ata që siguronin pjesë më të madhe të të ardhurave të familjes, dhe për këtë arsye hapësirave të tyre të punës u jepej përparësi. Studime të shumta kanë dokumentuar se gratë, veçanërisht ato pa një hapësirë ​​pune të dedikuar, përjetonin ndërprerje më të shpeshta, stres më të madh dhe produktivitet të zvogëluar.

Një pjesëmarrës në një studim mbi punën në distancë në Indi vuri në dukje: “Burri im e mbyll dhomën nga brenda kur duhet të përqendrohet. Unë nuk e kam atë liri. Nuk kam dhomën time.”

Çështja nuk është e re. Në vitin 1929, Virginia Woolf argumentoi në mënyrë të famshme se që një grua të shkruajë – ose të punojë – ajo duhet të ketë “një dhomë të vetën”. Pothuajse një shekull më vonë, qasja në hapësirën intelektuale dhe profesionale mbetet e pabarabartë. Në shtëpinë moderne, hapësirat private ende vazhdojnë të zihen nga burrat, pavarësisht zhvendosjes drejt përgjegjësive të përbashkëta shtëpiake dhe profesionale.

Të dhënat e fundit nga Anketa e Aftësive dhe Punësimit në Mbretërinë e Bashkuar e vitit 2024 zbuluan, se 60% e burrave që punonin nga shtëpia kishin një hapësirë ​​pune të dedikuar, krahasuar me vetëm 40% të grave.

Kjo pabarazi nuk ka të bëjë vetëm me rehatinë – ka të bëjë me barazinë. Kur puna e grave kryhet nga tavolinat e ngrënies, divanet ose qoshet e zhurmshme, ajo është më e ndjeshme ndaj shikimit si dytësore ose e ndërprerë. Kjo ndikon drejtpërdrejt në përparimin në karrierë dhe shëndetin mendor. Studimet kanë treguar vazhdimisht se qasja e pabarabartë në hapësirat e punës përkeqëson hendekun midis gjinive si në të ardhura ashtu edhe në njohjen profesionale.

Ndërsa ka përjashtime – familje që ndajnë hapësirën në mënyrë të barabartë ose gra, që kanë rimarrë zyrat e tyre – ato mbeten thjesht kaq: përjashtime. Autore të tilla si Helen Garner, në ditarët e saj të botuar “How to End a Story”, kanë zbuluar koston emocionale të mungesë së hapësirës personale, duke përshkruar me detaje të papërpunuara se si këmbëngulja e burrit të saj për izolim të heshtur krijoi një çarje midis jetës së tyre dhe punës krijuese.

Ndërsa puna në distancë çimentohet në peizazhin modern, vazhdon të mbetet pa përgjigje pyetja: Kur do të kenë gratë një studio të tyren? Derisa hapësira shtëpiake të ndahet në mënyrë të barabartë, hendeku midis gjinive në vendin e punës do të vazhdojë të pasqyrohet në shtëpi – në heshtje, por fuqishëm. / The Guardian, Shqip.al

The post Në një shtëpi, por jo të barabartë: Burrat përfitojnë më tepër nga puna në distancë appeared first on Revista Monitor.

“Çfarë muaji! Të gjithë do të pyesim akoma nuk kam gjetur një punë? Akoma nuk kam dashuruar? Akoma nuk kam marrë lekë? Do të bëjmë bilancin. Akoma në jetën time më mungon një makinë, më mungon palestra, më mungon një libër, më mungon një…burrë?!” Kështu e çeli Meri Shehu parashikimin e saj të yjeve për […]

The post Peshorja arrin kulmin e suksesit, Peshqve u vjen dashuria/ Meri Shehu zbulon shenjën fatlume të qershorit appeared first on BoldNews.al.

Inteligjenca Artificiale (IA) mund të jetë duke zëvendësuar disa vende pune në teknologji në nivel fillestar, sugjeron një studim i ri.

Sipas studimit, ndërsa është e vështirë të thuhet në mënyrë përfundimtare nëse teknologjia po zëvendëson plotësisht rolet e punës, firmat e teknologjisë rekrutuan më pak të diplomuar nga universitetet në vitin 2024 sesa në vitin 2023, ndërsa punësimi i profesionistëve me përvojë u rrit.

Studiuesit analizuan trendet në 80 milionë kompani dhe 600 milionë punonjës në LinkedIn. Vëzhgimet e tyre vijnë pas gjetjeve të ngjashme të Forumit Ekonomik Botëror, në të cilin 40% e punëdhënësve synojnë të zvogëlojnë numrin e punonjësve për t’iu përshtatur automatizimit të IA-së.

IA mund të jetë duke marrë përsipër role, që më parë kryheshin nga njerëzit, sipas një studimi të ri nga SignalFire. Sipas Raportit të Gjendjes së Talenteve 2025 (State of Talent Report), kompanitë e mëdha të teknologjisë ulën punësimin e të diplomuarve universitarë me një shifër marramendëse 25% krahasuar me vitin e kaluar. Ndërkohë, startup-et ulën punësimin e të diplomuarve me 11%.

Në të njëjtën kohë, punësimi i profesionistëve me përvojë u rrit. Kompanitë e mëdha të teknologjisë rritën punësimin e punonjësve me dy deri në pesë vjet përvojë me 27%, ndërsa startup-et e rritën atë me 14%.

IA preferon punësimet e pakualifikuara

Raporti i SignalFire është pjesë e një numri gjithnjë e në rritje provash, që kompanitë po i drejtohen IA-së në kurriz të punësimeve të reja.

Në prill, Forumi Ekonomik Botëror publikoi një anketë, që zbuloi se 40% e punëdhënësve synojnë të shkurtojnë stafin për të krijuar hapësirë ​​për automatizim.

Në të njëjtën kohë, u raportua në New York Times vitin e kaluar se drejtuesit në Goldman Sachs dhe Morgan Stanley po shqyrtonin shkurtimin e punësimeve të reja në favor të IA-së.

Diku tjetër, gjigandi i teknologjisë Microsoft njoftoi se rreth 6,000 punonjës u pushuan nga puna në një raund të madh pushimesh në maj, me programuesit ndër më të prekurit.

Edhe pse nuk deklaroi në mënyrë të qartë se arsyeja ishte inteligjenca artificiale, shkurtimet e vendeve të punës pasuan komentet e CEO-s Satya Nadella, në të cilat ai konfirmoi se rreth 30% e koduesve të kompanisë ishin shkruar nga inteligjenca artificiale.

Dhe jo shumë kohë para kësaj, Duolingo konfirmoi se do të ndalonte së përdoruri kontraktorë, si pjesë e një ndryshimi drejt të qenit një kompani që i jep prioritet inteligjencës artificiale.

Studime të tjera sugjerojnë se inteligjenca artificiale nuk është zgjidhje e shkëlqyer

Ndërsa nuk ka dyshim se, gjithnjë e më shumë, firmat po i drejtohen inteligjencës artificiale për të zgjidhur problemet e tyre të biznesit, ka ende shpresë. Gjithashtu, po grumbullohen prova se ajo nuk është ende zgjidhja e shkëlqyer, që shumë kishin shpresuar.

Në prill, studiuesit në Carnegie Mellon punësuan një kompani fiktive tërësisht me agjentë të Inteligjencës Artificiale – të cilët ishin në gjendje të kryenin vetëm 24% të detyrave që u ishin caktuar.

Në të gjithë sektorin e biznesit, kompanitë mezi presin të integrojnë inteligjencën artificiale në operacionet e përditshme – ndonjëherë në kurriz të planifikimit të duhur të strategjive të tyre.

Me 58% të bizneseve, që përdorin Inteligjencën Artificiale të motivuara nga “presioni nga konkurrentët”, është e qartë se po shohim shumë vendimmarrje të nxituara.

Bizneset dhe punonjësit kudo mund të përfitojnë nga një përpjekje e vogël, përpara se të ndërmarrin hapa të tillë. / Tech.co

The post Automatizimi, IA po zë vendin e të diplomuarve të rinj në teknologji appeared first on Revista Monitor.

Kur bëhet fjalë për krijimin e një karriere të suksesshme, nuk ka shumë parime aq të fuqishme sa zakoni i përmirësimit të vetes.

Mark Cuban, sipërmarrës miliarder dhe investitor, ia atribuon pjesën më të madhe të suksesit të tij një ideje të thjeshtë, por të thellë: Investoni në veten tuaj.

“Disa nga investimet më të mira, që kam bërë ndonjëherë kanë qenë investimi në veten time, para së gjithash. Kur je në fillimet e tua – mund të kesh ose jo një punë, nuk ke para, je i pasigurt për karrierën tënde. Ajo që mësova herët është se nëse bëj përpjekje, mund të mësoj pothuajse çdo gjë.
Mund të më duhet shumë kohë, por duke bërë përpjekje, mësova vetë përdorimin e teknologjisë. Mësova vetë të programoja. Ishte e vështirë dhe m’u desh shumë kohë, por ky investim në vete më ka dhënë fryte për pjesën tjetër të jetës.
Unë e kuptova se të mësuarit ishte vërtet një aftësi dhe se duke vazhduar të mësoj deri më sot, jam në gjendje të konkurroj, të mbaj ritmin dhe të vazhdoj përpara shumicës së njerëzv, sepse realiteti është se shumica e njerëzve nuk i kushtojnë kohë të mësuarit. Dhe kjo gjithmonë më ka dhënë një avantazh konkurrues.” (Marc Cuban, 2020)

Më poshtë renditen pesë arsye praktike pse investimi te vetja është një nga lëvizjet më të zgjuara, që mund të bëni për të pasur sukses në biznes:

1. Bëheni avantazhi juaj konkurrues
2. Ndërtoni besim dhe qartësi
3. Ekipi pasqyron rritjen tuaj
4. Përmirësoh vendimmarrjen
5. Ju mbron nga lodhja dhe pikat e dobëta

Në fund të fundit, biznesi juaj mund të rritet vetëm aq shpejt aq sa vetë ju. Investimi te vetja nuk është opsional – është themelor. Siç tha Mark Cuban, përpjekja që bëni për të mësuar dhe për t’u zhvilluar sjell dividentë për gjithë jetën. Është investimi i vetëm, që asnjë rënie tregu ose konkurrent nuk mund t’jua heqë. / INC, Shqip.al

The post Një zakon i thjeshtë për një jetë të suksesshme appeared first on Revista Monitor.

Ky është mentaliteti i grave që nuk dorëzohen kurrë

Një gjë e mirë rreth njerëzve të suksesshëm është se gjithmonë lënë gjurmë për neve që vendosim t’i ndjekim hapat e tyre.

Ju mund t’i krahasoni jetët e njerëzve të suksesshëm dhe do të shihni një profil të ngjashëm psikologjik mes tyre.

Ju mund ta mësoni atë se çfarë dinë ata dhe pastaj do të bëheni të aftë ta arrini të njëjtin nivel të suksesit që ata e kanë arritur.

Nuk ka rëndësi çfarë moshe keni ose sa para i fitoni, rëndësi ka vetëm vullneti për ta ndryshuar cilëndo trajtë që është duke ju mbajtur larg suksesit.

Njerëzit e suksesshëm zakonisht kanë shumë të përbashkëta, por më poshtë do t’ju sjellim vetëm disa prej shprehive të grave të suksesshme, transmeton Telegrafi.

Caktoni qëllime dhe bëjeni më të mirën për t’i realizuar ato

Femrat e suksesshme caktojnë qëllime dhe e bëjnë të pamundurën për t’i realizuar ato, pavarësisht sa vështirë e kanë.

Bëhuni zemërgjere dhe ndihmojuni tjerëve

Ato e dinë se kanë nevojë për njerëz tjerë që të ecin përpara në jetë, andaj edhe u ndihmojnë tjerëve kurdo që munden.

Edukojeni vetveten

Njohuria është fuqi, dhe kjo nuk i referohet vetëm njohurive të fituara nga shkollimi, por edhe njohurive të jetës në përgjithësi.

Sfidojeni vetveten

Femrat e suksesshme e sfidojnë veten sepse e dinë që vetëm përmes sfidave do të përmirësohen dhe do të piqen.

Provoni gjëra të reja

Ato që kanë sukses në jetë janë të prira t’i kenë në qejf ndryshimet, pasi që e dinë se shumëllojshmëria është erëz e jetës. /Telegrafi/

The post Suksesi nuk është rastësi: Këto janë shprehitë e grave që ecin përpara appeared first on Telegrafi.

Artan Lame, lindi në Tiranë në vitin 1967. I martuar dhe me dy fëmijë, ai është një figurë e njohur në fushat e administratës shtetërore, trashëgimisë kulturore dhe shoqërisë civile.

Arsimimi dhe Aktiviteti Profesional

Lame ka përfunduar Fakultetin e Gjeologjisë dhe Minierave, dega Inxhinieri Markshajderi. Ai ka shërbyer si publicist, opinionist dhe koleksionist, duke kontribuar në studimin e historisë shqiptare dhe mbrojtjen e trashëgimisë kulturore. Në vitin 2000, ai u emërua Drejtor i Trashëgimisë Kulturore në Ministrinë e Kulturës. Nga 2000 deri në 2002, ka mbajtur postin e Nënkryetarit të Bashkisë së Tiranës, dhe nga 2002 deri në 2005 ka qenë Zëvendësministër i Territorit dhe Turizmit. Në vitin 2013, ai u emërua Drejtor i Përgjithshëm i ALUIZNI-t, pozicion që mbajti deri në vitin 2023.

Aktiviteti Politik dhe Shoqëror

Artan Lame, ka qenë anëtar i Partisë Socialiste dhe ka kandiduar për deputet në zgjedhjet parlamentare të vitit 2005, 2009 dhe 2013. Nga viti 2011 deri në vitin 2013, ai ka qenë anëtar i grupit të punës për hartimin e Programit të PS-së. Në fushën e shoqërisë civile, ai ka shërbyer si Nënkryetar i Federatës së Koleksionistëve Shqiptarë dhe ka përfaqësuar Shqipërinë në organizata ndërkombëtare si “World Collectors Club” në Gjenovë dhe “Instituto degli Studi Araldici” në Milano. Gjithashtu, ai ka qenë Komisar për Shqipërinë në Panairin “IBRA ‘99” në Nuremberg.

Botimet dhe Kontributi Akademik

Artan Lame, ka kontribuar në botime të ndryshme, duke përfshirë rubrikat e përjavshme “Shqipni e harrume” në revistën “JAVA” (2005-2013) dhe “Shqipni tavolinash” në gazetën “SHQIP” (2006-2013). Ai ka bashkëautor në librin “TIRANA në kartolina deri më 1944” (2000) dhe ka botuar dy vëllime të titulluar “Medaljet shqiptare (1914-1944)” dhe “Medaljet shqiptare (1945-2002)” (2010). Gjithashtu, ai ka kontribuar në librin “TIRANA, Planin, Building, Living” (2011) dhe ka bashkëautor në librin “Piramida e Tiranës” (2011).

Dekorimet dhe Nderimet

Në vitin 2010, Lame u nderua me çmimin “Book of the Year” nga MIC London për librin “Medaljet shqiptare 1914-2002”. Në vitin 2012, ai u dekorua nga Presidenti i Republikës me “Medaljen e Mirënjohjes” për aktivitetet e tij në 100-vjetorin e Pavarësisë së Shqipërisë.

Artan Lame, ka lënë një gjurmë të thellë në administratën shtetërore dhe në fushën e trashëgimisë kulturore, duke kontribuar në ruajtjen dhe promovimin e vlerave historike dhe kulturore të Shqipërisë.

The post Ndërroi jetë në moshën 58-vjeçare, kush ishte Artan Lame dhe karriera e tij appeared first on Albeu.com.

Për vite me radhë, kemi besonim se inteligjenca artificiale (IAI) nuk do të na rrezikonte punën – thjesht do t’i ndihmonte punpnjësit të kryenin më mirë detyrat e tyre. Por IA nuk është më vetëm një mjet; ajo po zëvendëson në heshtje detyrat që dikur kryheshin nga njerëzit, nga caktimi i takimeve deri te shkrimi i raporteve e më gjerë.

Kërcënimi i vërtetë nuk janë vetëm të tjerët që përdorin IA – është vetë IA, duke automatizuar proceset e punës nga fillimi në fund. Dhe ja paradoksi: sa më shumë të mbështeteni te IA për të rritur produktivitetin, aq më shumë rrezikoni të bëheni të zëvendësueshëm. Efektiviteti ju shndërron në një shabllon – i lehtë për t’u kopjuar, i lehtë për t’u automatizuar. Pra, mos prisni që drejtuesi të ripërcaktojë rolin tuaj. E ardhmja u përket atyre, që përdorin IA jo vetëm për të bërë më shumë, por për t’u bërë më të mirë.

Dhjetë mënyra për të shmangur automatizimin nga IA

Riinvestoni kohën e kursyer nga IA në detyra me vlerë më të lartë, të përqendruara te njeriu
Përdorni automatizimin për të eliminuar mundin, por shpenzojeni atë kohë të fituar për të thelluar marrëdhëniet me klientët, me kolegët ose duke zgjidhur problemet që kërkojnë empati ose gjykim.

Lidhni boshllëqet e komunikimit
Veproni si përkthyes midis ekipeve teknike dhe jo-teknike. IA ende ka vështirësi me nuancat, humorin dhe leximin e emocioneve.

Kombinoni aftësitë në mënyra unike dhe strategjike
Fitoni njohuri dhe përvojë në fusha të ndryshme, duke e bërë të kopjoheni.

Bëhuni të paparashikueshëm
Rutina dhe parashikueshmëria janë lehtësisht të automatizuara. Krijoni ndryshueshmëri në detyrat tuaja. Eksperimentoni. Ndërthurni disiplinat. Shtoni kompleksitete që IA nuk mund ta modelojë lehtë.

Forconi inteligjencën emocionale
Kultivoni empatinë, këmbënguljen, përshtatshmërinë dhe aftësinë për të zgjidhur konfliktet – aftësi thelbësore njerëzore që janë ende shumë larg mundësive të IA.

Zhvilloni njohuritë në fusha të veçanta
Krijoni ekspertizë ku konteksti, nuanca, interpretimi kanë rëndësi – fusha të veçanta (niche) ku edhe Inteligjenca artificiale has pengesa, për shkak të mungesës së bazës në botën reale, si këshillimi, puna sociale etj.

Investoni në ‘markën’ tuaj personale
Shkruani, flisni dhe ndani mendimin tuaj. Vizibiliteti krijon mundësi. Njerëzit punësojnë dhe mbajnë ata që njohin, jo shabllone që mund t’i zëvendësojnë.

Zotëroni mjetet e IA në fushën tuaj
Mos konkurroni me IA – promovojeni atë. Mësoni njohuritë mbi inteligjencën artificiale në fushën tuaj. Njerëzit që i kuptojnë mjetet a IA kanë më pak gjasa të zëvendësohen prej tyre.

Bëhuni elementi njerëzor në ciklin e punës
IA shpesh ka nevojë për mbikëqyrje njerëzore – redaktim, rafinim, vlerësim. Këto aftësi janë gjithnjë e më të vlefshme.

Qëndroni kurioz dhe të përshtatshëm
Trajtojeni këtë epokë jo si një ndryshim teknologjik, por si një revolucion njohës. Aftësia juaj për të çmësuar dhe për të rimësuar do të jetë më e rëndësishme se çdo grup aftësish statike.

Evoluoni më shpejt se mjedisi

Ju duhet të evoluoni më shpejt se mjedisi që ju rrethon. Kjo do të thotë të përqafoni IA si një mjet, edhe pse kultivoni në mënyrë aktive pjesët e vetes, që IA nuk mund t’i prekë. Mëso të bëheni një version më pak i parashikueshëm dhe më krijues i vetes ose bëhuni gati të përballeni me automatizimin.

Tani për tani, e keni ende në dorë të zgjidhni. / Forbes, Shqip.al

The post Si të mos zëvendësoheni nga robotët: Këshilla për karrierën appeared first on Revista Monitor.