Real Madridi ka njoftuar zyrtarisht se për sezonin financiar 2024/2025 ka arritur një rekord të ri në të ardhura, me plot 1.185 miliardë euro të gjeneruara dhe një fitim neto prej 24 milionë eurosh pas taksave.

Këto rezultate theksojnë menaxhimin financiar të shkëlqyer të klubit të drejtuar nga Florentino Perez, duke shënuar një nga momentet më të forta ekonomikisht në historinë moderne të klubit.

Në mënyrë të veçantë, klubi ndan vetëm 43% të të ardhurave për pagat bruto dhe neto të skuadrës, shumë më poshtë pragut të rekomanduar prej 70 për qind nga UEFA.

Në fakt, kjo është përqindja më e ulët që nga sezoni 2009/2010, duke reflektuar kontrollin e rreptë të politikave të brendshme të pagave, pa ndikuar aspak në performancën e ekipit.

Mbappe dhe hierarkia e pagave

Lojtari më i paguar aktualisht te “Los Blancos” është Kylian Mbappe, i cili përfiton 31 milionë euro bruto në sezon (rreth 16 milionë euro neto). Në krahun tjetër të spektrit, Endrick Felipe, përforcimi i ri brazilian, përfiton mbi 4 milionë euro bruto (rreth 2 milionë neto), duke qenë lojtari më i lirë në aspektin financiar.

Në krahasim me vitin e kaluar, të ardhurat totale janë rritur me më shumë se 10 për qind, ndërsa përqindja e shpenzimeve për paga është ulur nga 47 për qind në 43 për qind. Klubi thekson se ky është një tregues i “përsosmërisë së brendshme financiare”, pasi të dy përqindjet janë nën kufirin optimal prej 50 .

Lexo po ashtu 'Bomba' e mesnatës: Nëse Vinicius nuk rinovon, Real Madridi ka në listë top sulmuesin

Rroga në defanziv: Alaba dhe Courtois kryesojnë

Në repartin mbrojtës, David Alaba kryeson me një pagë prej 22.5 milionë euro bruto (11.25 milionë neto), i ndjekur nga portieri Thibaut Courtois me 15 milionë bruto (7 milionë neto). Rudiger dhe Militão ndajnë një pagë të ngjashme prej 14.5 milionë bruto (7.25 milionë neto), ndërsa Carvajal dhe Mendy marrin rreth 10.5 milionë bruto (5.25 milionë neto) secili.

Fran García (5.2 milionë bruto/2.6 neto) dhe Andriy Lunin (4.5 milionë bruto/2.25 neto) përmbyllin listën. Ndërkohë, Lucas Vazquez dhe Jesus Vallejo janë larguar, përkatësisht me paga prej 9.4 dhe 1.8 milionë euro bruto.

Mesfusha nën komandën e Bellingham

Jude Bellingham është lojtari më i paguar në mesfushë, me 20.8 milionë euro bruto (10.4 milionë neto), duke kaluar Fede Valverde që merr 16.7 milionë bruto (8.4 neto). Pas tyre renditen Tchouameni dhe Camavinga, me 12.5 milionë bruto (6.3 neto). Dani Ceballos dhe Arda Guler përfitojnë 10.4 dhe 5.2 milionë bruto përkatësisht, me paga neto që shkojnë në 5 dhe 2.6 milionë euro.

Veterani Luka Modric ka reduktuar ndjeshëm pagën pas rinovimit, duke marrë 10.5 milionë bruto sezonin e kaluar (afro 5 neto).

Lexo po ashtu Alonso nuk e lejon top yllin të largohet nga Real Madridi

Sulmi: Mbappe dhe Vinicius në krye

Në sulm, Mbappé mbetet i pakapshëm me 16 milionë euro neto në sezon, pa llogaritur bonuset e firmës. Vinicius Junior ka të njëjtën pagë si Bellingham – 20.8 milionë bruto (10.4 neto) – dhe synon një rinovim që ta vendosë në nivelin e francezit, megjithëse negociatat mbeten të ndërlikuara.

Rodrygo Goes përfiton 12.5 milionë bruto (6.25 milionë neto), ndërsa Brahim Diaz merr 7.3 milionë bruto (3.7 neto). Endrick Felipe përmbyll listën, por në horizont është edhe talenti Gonzalo García, i cili mund t’i bashkohet ekipit të parë pas paraqitjeve të shkëlqyera në Kupën e Botës për Klube. Klubi është në negociata për rinovimin e kontratës së tij, e cila skadon në vitin 2027 dhe përmban një klauzolë lirimi prej 50 milionë eurosh. /Telegrafi/

The post Pagat bruto dhe neto të lojtarëve të Real Madridit – ka pakënaqësi në zhveshtoren e Los Blancos appeared first on Telegrafi.

Vedat Muriqi ka vendosur t’i qëndrojë besnik Mallorcas – jo për para, por për familjen dhe vazhdimësinë.

Sulmuesi i Kosovës ka rinovuar kontratën me klubin spanjoll deri në verën e vitit 2029, duke u konfirmuar si një nga figurat kyçe të skuadrës.

Pavarësisht pritshmërive të tifozëve për një rritje page pas rinovimit, 31-vjeçari zbuloi në një intervistë për “Cadena Ser” se paga e tij do të mbetet e njëjtë me atë të sezonit të kaluar – rreth 4 milionë euro në vit, çka e bën gjithsesi lojtarin më të paguar të ekipit.

“Shumë njerëz pyesin për pagën time. Me rinovimin, unë thjesht do të fitoj njësoj si më parë, por për një periudhë më të gjatë. Paratë nuk janë gjithçka për mua”, u shpreh Muriqi.

Ai shtoi se vendimin për të qëndruar e kishte marrë në koordinim me vajzën e tij. “Agjenti më tregoi për disa oferta, por kur e pyeta vajzën nëse dëshironte të largohej nga Mallorca, ajo më tha jo”.

Muriqi iu bashkua Mallorcas në vitin 2022 nga Lazio për shumën prej tetë milionë eurosh, dhe që nga ajo kohë është bërë lider në fushë dhe i dashur për tifozët.

Lexo po ashtu “Historia e Piratit do të vazhdojë të shkruhet”, Mallorca njofton blindimin e Vedat Muriqit

Deri tani ka regjistruar 118 paraqitje, duke realizuar 35 gola dhe 11 asistime në të gjitha garat.

Me këtë vendim, Muriqi jo vetëm që konfirmon stabilitetin e tij si lider i Mallorcas, por tregon edhe se ndonjëherë, lumturia dhe familja vlejnë më shumë sesa milionat shtesë. /Telegrafi/

The post Ka rinovuar kontratën me Mallorcan, Vedat Muriqi zbulon se sa fiton appeared first on Telegrafi.

Neymar mund të rikthehet në futbollin evropian, dhe një nga kandidatët më seriozë për të siguruar shërbimet e tij është Olympique Marseille, sipas disa burimeve të afërta me klubin.

Sulmuesi brazilian, i cili aktualisht luan për Santos, thuhet se po shqyrton një rikthim në Evropë për të rifituar formën më të mirë konkurruese dhe për t’u përgatitur sa më mirë për Kampionatin Botëror të ardhshëm.

Raportohet se klubi francez tashmë ka nisur negociatat për transferimin e tij. Edhe pse marrëveshja nuk pritet të jetë e lehtë, drejtuesit e Marseille besojnë se dëshira e Neymar për t’u rikthyer në një ligë elitare evropiane mund të jetë vendimtare.

Braziliani është entuziast për mundësinë që të bëhet pjesë e një projekti ambicioz, në të cilin do të kishte një rol kyç në fushë dhe jashtë saj.

Për këtë arsye, Marseille është e gatshme të bëjë lëvizje të rëndësishme financiare dhe sportive për ta bindur yllin e Amerikës së Jugut dhe për të finalizuar transferimin sa më shpejt që të jetë e mundur, sipas mediave që ndjekin nga afër zhvillimet e fundit.

Statistikat e Neymar dhe lidhja me Francën

Neymar është i njohur mirë në futbollin francez. Ai ka luajtur për Paris Saint-Germain nga viti 2017 deri më 2023, pas transferimit rekord prej 222 milionë eurosh nga Barcelona. Gjatë qëndrimit në “Parc des Princes”, ai fitoi pesë tituj të Ligue 1, luajti një finale të Ligës së Kampionëve, dhe shënoi 118 gola duke dhënë 79 asiste në 173 ndeshje zyrtare.

Lexo po ashtu Neymar u përballë me tifozët e vet për të mbrojtur Danilo në ndeshjen e tensionuar mes Santos dhe Flamengos

Rikthimi i tij te një klub francez si Marseille do të përbënte një lëvizje të bujshme, veçanërisht për shkak të rivalitetit të fortë midis Marseille dhe PSG – dy klubet më të mëdha në futbollin francez. Përballja e tyre klasike në Ligue 1 njihet si Le Classique, ndërsa ata janë gjithashtu dy ekipet e vetme franceze që kanë fituar tituj në arenën evropiane.

E ardhmja e afërt

Neymar aktualisht ka kontratë me Santosin deri në fund të këtij viti. Vendimi për të ardhmen e tij pritet të merret në muajt e ardhshëm, ndërsa Marseille mbetet me shpresë se mund ta rikthejë në skenën evropiane një nga talentet më të mëdhenj të brezit të tij. /Telegrafi/

The post Neymar kthehet në Evropë në një transferim surprizë? appeared first on Telegrafi.

Tensionet janë rritur në kampin e Real Madridit në lidhje me të ardhmen e Vinicius Junior. Ndryshe nga raportimet e disa mediave, ylli brazilian nuk e ka nënshkruar ende rinovimin e kontratës, ndërsa negociatat mbeten të bllokuara.

Siç raportoi më herët Defensa Central, rrethi i ngushtë i lojtarit nuk e sheh si të sigurt vazhdimësinë afatgjatë të tij në Madrid, dhe situata ka mbetur e pandryshuar me kalimin e kohës.

Sipas Cadena SER, presidenti Florentino Perez mund të ketë filluar të marrë në konsideratë skenarë të tjerë, madje edhe atë të një largimi të mundshëm të Viniciusit. Edhe pse dëshiron që ai të qëndrojë, Perez nuk është i gatshëm të shkelë strukturën aktuale të pagave të klubit.

Ai nuk do të shkojë përtej mundësive financiare të Realit për të mbajtur numrin 7 në skuadër. Një nga emrat që përflitet si zëvendësues i mundshëm është Erling Haaland.

Problemi financiar

Bllokimi në negociata është kryesisht financiar. Vinicius përfaqësohet nga agjencia Roc Nation Sports (në pronësi të Jay-Z), si dhe nga Thassilo Soares dhe Frederico Pena. Ata raportohet se kanë kërkuar një komision deri në 20 milionë euro – një shumë që drejtuesit e klubit në Concha Espina nuk janë të gatshëm ta paguajnë.

Përballë një oferte të mundshme nga Arabia Saudite, Real Madridi mund të konsiderojë shitjen e Viniciusit, edhe pse më e mundshme është që kjo të ndodhë në vitin 2026, kur ai do të ketë vetëm një vit të mbetur në kontratë. Nëse nuk arrihet marrëveshje për rinovim, largimi do të ishte pothuajse i pashmangshëm. Klubi dëshiron ta lidhë Viniciusin deri në vitin 2029 ose 2030, çka do të garantonte qëndrimin e tij edhe gjatë të tridhjetave.

Lexo po ashtu Alonso nuk e lejon top yllin të largohet nga Real Madridi

Opsioni Haaland

Sipas SER, Real Madridi po shqyrton një tjetër pistë — transferimin e Erling Haaland — për të “zëvendësuar” Viniciusin. Sulmuesi i Manchester Cityt është ndjekur prej vitesh nga madrilenët, por Perez pezulloi interesimin në favor të objektivit kryesor, Kylian Mbappé, që u bashkua me klubin verën e kaluar. Tani, me Mbappé në skuadër, Real Madridi mund të ëndërrojë një dyshe të fuqishme me Haaland dhe francezin.

Çmimi i Haaland

Haaland, i cili ka rinovuar me Manchester City deri në vitin 2024 (me klauzola shtesë), ka një vlerë tregu prej 180 milionë eurosh sipas Transfermarkt. Kontrata e tij e fundit eliminoi klauzolën e lirimit prej 200 milionë eurosh, e cila nuk do të riaktivizohet deri në vitin 2029 – duke krijuar një dritare mundësie për një transferim të mundshëm.

Norvegjezi 25-vjeçar thuhet se është i hapur për një kalim në Spanjë. Ai mund të shërbejë si zëvendësues ideal për Viniciusin, nëse ky i fundit largohet. Për një shumë mes 150 dhe 200 milionë eurosh, Florentino Pérez do të ishte i gatshëm ta linte brazilianin të largohej dhe të ndërmerrte një ofensivë për Haaland. /Telegrafi/

The post ‘Bomba’ e mesnatës: Nëse Vinicius nuk rinovon, Real Madridi ka në listë top sulmuesin appeared first on Telegrafi.

Jurgen Klopp është një nga trajnerët më të respektuar në botën e futbollit, i njohur për aftësinë e tij për të zbuluar dhe zhvilluar talentet më të mëdha të futbollit botëror.

Me një sy të jashtëzakonshëm për talentin dhe një ndjeshmëri të veçantë për të nxjerrë më të mirën nga lojtarët e tij, ai ka qenë udhëheqësi pas sukseseve të emrave si Robert Lewandowski, Mohamed Salah dhe Virgil van Dijk.

Por, edhe Klopp nuk ka qenë imun ndaj gabimeve apo rasteve të humbura – disa yje të mëdhenj i kanë shpëtuar nga duart në momentet vendimtare të karrierës së tyre.

Gjatë një mbledhjeje fondesh në Cape Town, Klopp zbuloi tre emra të mëdhenj të cilët kishte pasur mundësinë t’i transferonte herët në karrierë, por për arsye të ndryshme nuk ndodhi kurrë.

Sadio Mane – një rast i dytë i shpëtuar

Një nga bashkëpunimet më të suksesshme të Klopp ishte padyshim me Sadio Manen në Liverpool, ku të dy fituan Premier League dhe Champions League. Por bashkëpunimi i tyre mund të kishte nisur shumë më herët. Klopp pranoi se kishte pasur mundësinë ta sillte senegalezin te Borussia Dortmund, por kishte hezituar.

“Ka disa tifozë të Dortmundit këtu, ndaj më duhet të kërkoj falje që nuk e transferova Sadio Manen. Ishte një gabim. Mund të them se isha i ri dhe naiv, por nuk isha aq i ri dhe as aq naiv,” – tha ai me humor.

“E kuptova kur e sollëm në Liverpool. Mendova: ‘O Zot, këto janë shumë para për një djalë që mund ta kisha marrë tri vite më parë për shumë më pak’.”

Heung-min Son – një tjetër rast i humbur

Një tjetër emër që i ka mbetur peng Klopp-it është ai i Heung-min Son. Ai pranoi se e kishte ndjekur koreano-jugorin që në kohën kur luante për Hamburgun në Bundesliga. Edhe pse ishte në radarët e Dortmundit, marrëveshja nuk u realizua dhe Klopp nuk është i sigurt pse.

“Nuk e transferova Sonin – atëherë ishte te Hamburgu, mendoj. Nuk më kujtohet pse nuk e sollëm” – tha ai.

“Sapo u përballa me të në Premier League, mendova: ‘Zot i madh, çfarë budallai'”.

Kevin De Bruyne – goditja e dyfishtë

Emri i tretë në listën e pengjeve të Klopp është Kevin De Bruyne. Sot një nga mesfushorët më të mirë në botë dhe lider i dominimit të Manchester Cityt, De Bruyne dikur u konsiderua si dështim te Chelsea. Pasi rifilloi karrierën me sukses te Wolfsburgu, Klopp kishte mundësinë ta sillte te Dortmund – por ajo mundësi shkoi huq.

“Për tifozët e Dortmundit – Kevin De Bruyne ishte shumë afër. Pastaj na shkatërroi në finalen e Kupës me Wolfsburgun. Kjo ishte një goditje e dyfishtë” – kujtoi ai me ironi. /Telegrafi/

The post Klopp rrëfen për tre yjet që i shpëtuan nga dora: Mendova, o Zot, çfarë budallai isha appeared first on Telegrafi.

Futbollisti i njohur brazilian Hulk ishte sërish në qendër të vëmendjes gjatë ndeshjes dramatike mes Atletico Mineiro dhe Bucaramangas, e vlefshme për kualifikimin në 1/16 e finales së Copa Sudamericana.

Skuadra braziliane siguroi kalimin në fazën tjetër pas një serie të tensionuar penalltish, ku mposhti ekipin kolumbian. Por para se të fillonte gjuajtja e penalltive, ndodhi një episod interesant dhe disi komik në fushë.

Hulk u përfshi në një bisedë me gjyqtarin e takimit, Esteban Ostojich, që fillimisht dukej miqësore dhe e qetë. Gjyqtari dëgjoi me vëmendje, madje miratoi me kokë dhe i bëri shenjë Hulkit me gishtin e madh lart – gjest që sugjeronte mirëkuptim.

Megjithatë, sapo Hulk u largua për të shkuar drejt lojtarëve të tjerë, gjyqtari e ndaloi dhe në mënyrë të papritur i dha karton të verdhë, për kundërshtim verbal apo sjellje josportive, duke e lënë brazilianin të shtangur.

Pavarësisht incidentit, Hulk mori përsipër të gjuante penalltinë e parë për ekipin e tij dhe shënoi me siguri të plotë, pa i dhënë asnjë mundësi portierit të kundërshtarëve.

Në fund, Atletico Mineiro doli fituese dhe u kualifikua në raundin e 16-të të turneut, ku do të përballet me Godoy Cruz. /Telegrafi/

The post Po qeshnin të dy për një rast gjatë ndeshjes, gjyqtari shokon Hulkun kur e ndëshkon me karton appeared first on Telegrafi.

Real Madrid është një nga klubet e mëdha evropiane që ka kaluar një sezon jashtëzakonisht të ngarkuar.

“Los Blancos” zhvilluan gjithsej 68 ndeshje zyrtare dhe 3 miqësore, duke pasur shumë pak kohë për rikuperim para fillimit të sezonit të ri.

Skuadra e drejtuar nga Xabi Alonso zhvilloi ndeshjen e fundit më 14 korrik, në Kampionatin Botëror për Klube, ku u eliminua nga Chelsea në gjysmëfinale.

Bonuse për një sezon të gjatë dhe sfidues

Pavarësisht se nuk e fituan turneun, të gjithë futbollistët e Real Madridit u shpërblyen me bonuse të konsiderueshme për kontributin e tyre gjatë sezonit të ngarkuar. Sipas raportimeve të Marca, çdo lojtar ka marrë një total prej 280,000 euro, të ndara si më poshtë:

50,000 euro për kalimin e fazës së grupeve

80,000 euro për kualifikimin në çerekfinale

150,000 euro për kalimin në gjysmëfinale

Lexo po ashtu Luka Modric shkakton bum financiar te Milani vetëm disa ditë pas transferimit

Lamtumira e Modricit dhe nisja e një kapitulli të ri

Në mesin e lojtarëve të vlerësuar ishte edhe veterani Luka Modric, i cili luajti në Kupën e Botës për Klube përpara se të transferohej te Milani.

Kapiteni i Kroacisë, që do të mbushë 40 vjeç në shtator, luajti 63 ndeshje për Realin në sezonin që lamë pas – një arritje mbresëlënëse për një futbollist në këtë moshë.

Pushim i shkurtër para sezonit të ri

Lojtarët e Real Madridit kanë në dispozicion vetëm pak ditë për t’u çlodhur. Ata do të rikthehen në stërvitje më 4 gusht, ndërsa ndeshjen e parë të sezonit të ri në La Liga do ta luajnë më 19 gusht kundër Osasunës. /Telegrafi/

The post Zbulohet se sa e pagoi Real Madridi, Modricin pas ndeshjes së tij të fundit appeared first on Telegrafi.

Tifozët e Real Madridit janë mësuar me saga të gjata transferimesh – me rastin e Kylian Mbappe ndoshta si më të zgjaturin në kujtesën e fundit.

Megjithatë, një tjetër histori që përsëritet çdo verë është ajo e Dani Ceballos, i cili vazhdimisht lidhet me një rikthim te Real Betis.

28-vjeçari nga Sevilla rinovoi kontratën me Los Blancos dy vite më parë, duke u lidhur me klubin deri në vitin 2027.

Lexo po ashtu Zyrtare? Jo ende – por Konate i ka dhënë fjalën Real Madridit

Megjithatë, në çdo verë që nga ajo kohë, emri i tij ka dalë sërish në qarkullim si objektiv i Betisit. Vetë Los Verdiblancos kanë shfaqur interes të përsëritur, por kanë deklaruar hapur se nuk do të paguajnë një tarifë të lartë transferimi për të.

Alonso i jep siguri Ceballosit

Këtë javë, u raportua se Dani Ceballos, ashtu si edhe shoku i skuadrës Eduardo Camavinga – i cili gjithashtu ka pasur pak minuta së fundmi – nuk është në shitje. Sipas Cadena SER, trajneri Xabi Alonso ka ndërhyrë personalisht, duke i thënë Ceballos se nuk do të largohet këtë verë.

Vetë mesfushori kishte lënë të hapur mundësinë e largimit, duke thënë publikisht se ishte “i hapur për çdo gjë”, madje edhe duke lënë sinjale në rrjetet sociale për një rikthim të mundshëm te Betis. Por duket se Alonso ende e sheh të nevojshëm për projektin e tij.

Roli i Ceballos në skemën e Alonsos

Një nga arsyet që shtoi spekulimet për largimin e Ceballos ishte mungesa e minutave gjatë Kupës së Botës për Klube, ku ai luajti më pak se 90 minuta në gjashtë ndeshje. Në sezonin e ardhshëm, ai do të duhet të konkurrojë me emra si Arda Guler, Aurelien Tchouameni, Federico Valverde, Camavinga dhe Jude Bellingham për një vend në mesfushë.

Lexo po ashtu Manchester City mund t'ia prish Real Madridit planet e transferimeve

Një manovër taktike nga Alonso?

Është përfolur gjerësisht se Alonso dëshiron të sjellë edhe një mesfushor tjetër gjatë kësaj vere. Mirëpo, drejtuesit e klubit kanë treguar hezitim për të investuar sërish në atë repart. Sipas disa burimeve, mospërdorimi i Ceballos në turin e SHBA-ve mund të ketë qenë një sinjal për drejtuesit: Alonso ndoshta nuk është plotësisht i bindur nga lojtari dhe kërkon një përforcim të ri. /Telegrafi/

The post Alonso nuk e lejon top yllin të largohet nga Real Madridi appeared first on Telegrafi.

Manchester United po fokusohet në nënshkrimin e lojtarëve me përvojë në Ligën Premier, në vend të atyre ende të papjekur për nivelin e ekipit të parë – konfirmoi trajneri Ruben Amorim në një konferencë për shtyp.

“Na duhet përvojë”, deklaroi ai. “Matheus (Cunha) është ende i ri, por ka përvojë. E sheh çdo fundjavë – ai po bën gjëra kundër lojtarëve me të cilët do të përballemi. Kjo është e vlefshme kur zgjedh lojtarët që të duhen”.

Ai shtoi se ky ka qenë një drejtim që klubi ka ndjekur edhe këtë sezon.

Lexo po ashtu Ratcliffe u shpall 'luftë të hapur' tifozëve të Man United

“Kjo ishte një politikë që u përpoqëm ta përdorim këtë sezon, kështu që mund të them po. Nuk është vetëm përvoja – ata kanë edhe karakteristikat që na duhen, por fokusohemi te lojtarët që mund të përballojnë presionin”, shtoi portugezi.

Matheus Cunha dhe Bryan Mbeumo, të cilët kanë luajtur për disa sezone në Ligën Premier, tashmë janë transferuar në Old Trafford.

Në kërkim të një sulmuesi të ri qendror (nr. 9), United është lidhur me emra të konfirmuar si Ollie Watkins, por ende mbetet për t’u parë nëse do të arrijnë ta sigurojnë një nënshkrim të tillë gjatë kësaj vere. /Telegrafi/

The post Amorim zbulon transferimet që i dëshiron te Man United appeared first on Telegrafi.

Lautaro Martinez dhe Hakan Calhanoglu kanë lënë pas mosmarrëveshjet e tyre të fundit, duke dhënë shenja pajtimi gjatë grumbullimit parasezonal të Interit. Dyshja u pa duke ndarë një përqafim miqësor, ndërsa mesfushori turk hodhi poshtë thashethemet për një largim drejt Galatasarayt.

Calhanoglu iu bashkua stërvitjes këtë të mërkurë dhe qartësoi situatën e tij, duke theksuar se ndonëse kishte interes nga Galatasaray, asnjëherë nuk kishte pasur një marrëveshje konkrete me Interin apo me të personalisht.

Përmes një postimi në Instagram Stories, Lautaro publikoi një foto ku shihet i ulur pranë Calhanoglus, duke buzëqeshur dhe përqafuar shokun e skuadrës – një gjest që duket se i jep fund spekulimeve për ndasi brenda ekipit.

Si nisi konflikti mes Lautaro Martinez dhe Calhanoglu?

Përplasja mes dy lojtarëve ndodhi gjatë Kupës së Botës për Klube, pasi Interi u eliminua në fazën e 1/16-ave nga Fluminense. Pas ndeshjes, kapiteni Lautaro dha një deklaratë të fortë për mediat:

“Kemi një mesazh të qartë: kushdo që dëshiron të qëndrojë, duhet të qëndrojë. Kushdo që nuk dëshiron të jetë këtu, duhet të largohet.”

Kjo deklaratë u interpretua si një shigjetim ndaj Calhanoglus, në mes të spekulimeve se ai dëshironte të transferohej te Galatasaray – klubi i zemrës që nga fëmijëria e tij.

Lexo po ashtu Calhanoglu gati të rifillojë stërvitjen me Interin edhe pas mosmarrëveshjes me Lautaron

“Nuk dua të përmend emra,” shtoi Lautaro. “Por pashë shumë gjëra që nuk më pëlqyen. Unë jam kapiteni, jam lideri i këtij grupi dhe kam përgjegjësinë të flas hapur. Mesazhi është i qartë: qëndron kush do të luftojë për trofe të rëndësishëm, të tjerët le të largohen.”

Ndërkohë, Calhanoglu dhe agjenti i tij kanë deklaruar publikisht se ai është i lumtur te Interi dhe nuk ka pasur asnjë synim për t’u larguar. /Telegrafi/

The post Pajtohen Calhanoglu dhe Lautaro appeared first on Telegrafi.

Kanë kaluar vetëm dy javë që kur Luka Modric nënshkroi me Milanin, por ndikimi i tij tashmë po ndjehet fuqishëm — veçanërisht në aspektin financiar.

Mesfushori legjendar kroat ka gjallëruar atmosferën te “Rossonerët”, duke nxitur një bum të menjëhershëm në shitjen e biletave sezonale.

Sipas raportimeve, Milani ka shitur tashmë mbi 30,000 bileta sezonale, një shifër mbresëlënëse që u arrit madje përpara se të fillonte shitja e përgjithshme për publikun.

Për më tepër, vetëm 24 orë pas njoftimit zyrtar të transferimit të Modric, u shitën mbi 1,500 bileta, një tregues i qartë se tifozët mezi presin ta shohin në veprim ish-yllin e Real Madridit në “San Siro”.

Për Milanin, kjo nuk është vetëm një përforcim në fushë, por edhe një sukses i madh komercial që pritet të zgjerohet edhe më tej me afrimin e sezonit të ri. /Telegrafi/

The post Luka Modric shkakton bum financiar te Milani vetëm disa ditë pas transferimit appeared first on Telegrafi.

Është bërë publike kontrata e jashtëzakonshme e Hulk Hogan me WCW, pas ndarjes nga jeta të ikonës së mundjes në moshën 71-vjeçare.

Anëtari i “WWE Hall of Fame”, me emrin e vërtetë Terry Bollea, ndërroi jetë të enjten si pasojë e një ataku kardiak.

Sipas policisë, ekipet e urgjencës ndërhynë në banesën e tij në Clearwater, Florida, por ai ndërroi jetë më vonë në spital.

Homazhet për Hoganin kanë vërshuar në rrjetet sociale, me figura të njohura, përfshirë edhe ish-presidentin Donald Trump, që udhëhoqën mesazhet e ngushëllimit për një nga emrat më të mëdhenj të historisë së mundjes profesioniste.

Vdekja e tij ka risjellë në vëmendje shumë detaje të panjohura nga jeta dhe karriera e tij – mes tyre edhe kontrata e tij marramendëse me WCW, e nënshkruar në vitin 1998.

Në kulmin e “Luftës së të Hënës në Mbrëmje” mes WWE dhe WCW, Hogan bëri një lëvizje të bujshme në vitin 1994, duke kaluar në WCW – një vendim që ndryshoi rrjedhën e industrisë së mundjes.

Lexo po ashtu Zbulohen detaje të dhimbshme pak para se Hulk Hogan të ndërronte jetë

Duke u shndërruar në një personazh negativ dhe duke u bërë fytyra kryesore e fraksionit legjendar NWO së bashku me Kevin Nash dhe Scott Hall, Hogan përfitoi një pasuri të madhe gjatë kësaj periudhe.

Ai u bë atleti më i paguar i WCW-së, dhe në qershor të vitit 1998 nënshkroi një marrëveshje të re me kushte të paprecedenta në këtë industri.

Çfarë përmbante kontrata e vitit 1998?

Dokumenti pesëfaqësh, drejtuar Hoganit, përfshinte një bonus nënshkrimi prej 2 milionë dollarësh, që do të paguhej brenda 14 ditësh. Marrëveshja përfshinte gjithashtu gjashtë paraqitje vjetore me pagesë për shikim, ku ai do të ishte ylli kryesor.

Për këto ngjarje, Hogan përfitonte 15% të të ardhurave nga shitjet e transmetimeve në SHBA përmes “pay-per-view”, ose një shumë minimale prej 675 mijë dollarësh për çdo ngjarje, cilado që ishte më e lartë.

Lexo po ashtu Publikohet audioja e thirrjes 911 teksa Hulk Hogan pësoi arrest kardiak në shtëpinë e tij

Përveç kësaj, ai përfitonte bonuse që varionin nga 250 mijë deri në 1.75 milionë dollarë, bazuar në suksesin e ngjarjeve, si dhe tre pagesa vjetore nga 1.35 milionë dollarë secila, si paradhënie për tre vitet e para të kontratës.

Përfitime të tjera nga marrëveshja me WCW

Hogan negocionte gjithashtu 25% të të ardhurave bruto nga shitja e biletave për çdo episod të “Monday Nitro” dhe “WCW Thunder” ku shfaqej – me një total prej 16 paraqitjesh vjetore.

Ai përfitonte të njëjtën përqindje edhe për ngjarjet jashtë televizionit, dhe 50% të fitimeve neto nga shitja e produkteve me emrin dhe imazhin e tij.

Si pjesë e fraksionit NWO, ai përfitonte një pagesë mujore prej 20,000 dollarësh për përfaqësimin e grupit me veshje bardh e zi, si dhe një “tarifë konsulence” prej 100,000 dollarësh në vitin e katërt të kontratës.

Gjithashtu, Hogan kishte kontroll të plotë kreativ mbi personazhin e tij dhe shfaqjet ku do të merrte pjesë. Ai përfitonte udhëtime me klas të parë, transport me limuzinë, akomodim në suita dhe 175 dollarë në ditë për shpenzime personale.

Kontrata nuk u realizua e plotë pasi WWE bleu WCW në mars të vitit 2001, duke i dhënë fund epokës së famshme të “Luftës së të Hënës”.

Lexo po ashtu WWE reagon për vdekjen e Hulk Hogan, zbulon shkaqet e ndarjes nga jeta të legjendës së WWE-së

Pas kësaj, Hogan u rikthye në WWE në shkurt të vitit 2002 dhe zhvilloi një ndeshje të paharrueshme kundër The Rock në WrestleMania 18 në Toronto.

Në vitet e fundit, para vdekjes së tij, Hulk Hogan kishte nisur një projekt të ri për promovimin e mundjes amatore së bashku me ish-ekzekutivin e WCW, Eric Bischoff, si dhe linjën e vet të pijeve “American Real Beer”. /Telegrafi/

The post Hulk Hogan kishte nënshkruar një nga kontratat më fitimprurëse në histori dhe ajo përfshinte përfitime të çmendura appeared first on Telegrafi.

Pas fitores mahnitëse me nokaut ndaj Daniel Dubois, Oleksandr Usyk konfirmoi edhe një herë statusin e tij si një nga emrat më të mëdhenj në historinë moderne të boksit. Ukrainasi tani shkruan historinë si kampioni i padiskutueshëm në tri kategori të ndryshme – një arritje e paprecedent për një boksier meshkuj.

Por menjëherë pas këtij triumfi, një zhvillim i ri ka trazuar ujërat në prapaskenë: WBO ka lëshuar një urdhër zyrtar për Usyk që të zhvillojë mbrojtjen e radhës së titullit kundër Joseph Parker, boksierit nga Zelanda e Re që ka qenë më parë kampion bote dhe që kohët e fundit ka rifituar vëmendjen me paraqitje solide.

Ky vendim i papritur nga Organizata Botërore e Boksit (WBO) mund të mos i ketë pëlqyer aspak njeriut më me ndikim aktualisht në industrinë e boksit – saudianit Turki Alalshikh, arkitekti i super-eventeve në Riyadh Season.

Jo Dubois, jo Fury, as Joshua – por Parker

Tifozët prisnin që Usyk të përballej me emra të mëdhenj si Tyson Fury për një revansh dramatik, ose ndoshta me Anthony Joshuan për një duel tjetër të kalibrit të lartë. Megjithatë, WBO e ka marrë situatën në dorë dhe ka urdhëruar që Usyk të hyjë në negociata me kampin e Parkerit brenda 30 ditëve – në të kundërt, meçi do të shkojë në ankand publik (purse bid).

Lexo po ashtu Tifozët zgjedhin kundërshtarin e radhës për Usyk - i vetmi që mund ta mposhtë

Konflikti i axhendave: Çfarë kërkon Arabia Saudite?

Arabia Saudite ka investuar miliona në ngjarjet më të mëdha të boksit dhe Turki Alalshikh është kthyer në një figurë kyçe për organizimin e dueleve të nivelit botëror. Ai ka shprehur haptazi dëshirën për të parë Usyk në ring me britanikun në ngjitje Moses Itauma – një fenomen 19-vjeçar me rekord të pacënuar 12-0, i shpallur “Prospekti i Vitit” nga revista The Ring.

Në një postim në rrjetet sociale, Alalshikh e tha qartë: “Dua të shoh Usyk kundër Itauma. Kjo është ndeshja që duhet të ndodhë”.

Ky qëndrim lë të kuptohet se plani i Arabisë Saudite nuk përputhet me atë të WBO, duke shtuar pasiguri mbi vendndodhjen dhe realizimin e meçit Usyk vs Parker.

Një përballje sportive… dhe politike

Ndeshja Usyk vs Parker, në letër, është përballje e fortë – dy kampionë të kalitur, me përvojë dhe respekt në botën e boksit. Por komercializimi i sportit ka bërë që vëmendja të mos përqendrohet vetëm te aspekti sportiv, por edhe te interesat e mëdha financiare dhe politike që ndikojnë në mënyrën se si formohen duelet sot.

Raportime të “The Ring” tregojnë se organizatorët e Riyadh Season nuk janë aspak entuziastë për këtë përballje dhe nuk kanë ndërmend ta përfshijnë në kalendarin e tyre.

Lexo po ashtu Shkenca pas grushtit të boksierit të kategorisë së rëndë: Të grushtohesh nga Dubois, është më keq sa që mendoni

Çfarë do të ndodhë më tej?

Nëse palët nuk bien dakord brenda 30 ditëve, WBO do të organizojë një ankand për të vendosur se kush do ta organizojë meçin. Por presioni nga sponsorë, promotorë dhe sidomos nga Turki Alalshikh, mund ta ndryshojë krejt rrjedhën e asaj që pritet të ndodhë.

OFFICIAL NOTICE
The WBO has officially ordered negotiations for the mandatory heavyweight title bout between Oleksandr Usyk and Joseph Parker.

Both parties have 30 days to reach an agreement, or the WBO will proceed to a purse bid.

Let the countdown begin. #WBO #Boxing pic.twitter.com/DStmBAMjxB

— WBO (@WorldBoxingOrg) July 24, 2025

A do të ngulë këmbë WBO në vendimin e saj? A do të pranojë Usyk të ndjekë rrugën e detyruar apo do të negociohet një marrëveshje anësore për të realizuar një tjetër “super fight”?

Meçet e mëdha nuk zhvillohen më vetëm në ring – ato vendosen në zyrat e pushtetshme të promotorëve dhe sponsorëve.

Tani, sytë janë nga Usyk… dhe nga Rijadi. /Telegrafi/

The post Kundërshtari i radhës i Usyk i caktuar nga WBO nuk pëlqehet nga promovuesi arab Turki Alalshikh appeared first on Telegrafi.

Kalimi i Marcus Rashford në formë huazimi te Barcelona ka bërë bujë në media, por gjatë prezantimit zyrtar, vëmendjen nuk e tërhoqën vetëm fjalët e tij – ishte gjuha e trupit ajo që foli më shumë.

Kur u pyet për ish-klubin e tij, Manchester United, Rashford u përgjigj shkurt: “Nuk kam asgjë të keqe për të thënë për Man Utd”.

Megjithatë, eksperti i gjuhës së trupit, Darren Stanton, vlerëson se 27-vjeçari po përpiqej të fshihte emocione më të thella.

“Gjëja kryesore që vërehet është se Rashford ndryshoi pozicionin e syve dhe nisi të shikonte poshtë dhe djathtas – kjo tregon se po i qasej ndjenjave të tij të brendshme”, shpjegoi Stanton.

“Sytë e tij u hapën dukshëm më shumë, një tregues i stresit. Ai gjithashtu bëri ngritje të dyfishta të supit – një shenjë klasike që sugjeron mospërputhje mes ndjenjave të vërteta dhe asaj që shprehet me fjalë”.

Lexo po ashtu Stafi mjekësor i Barcelonës ka mbetur gojë-hapur nga ajo që panë nga Rashford

Sipas ekspertit, Rashford tregoi edhe sinjale të tjera të tensionit, përfshirë gëlltitje të shpeshta dhe lëpirje të buzëve – të dyja shenja të zakonshme të stresit të lartë.

“Ai nuk po gënjen”, shtoi Stanton, “por është e qartë se nuk ndihej rehat të fliste për këtë temë”. /Telegrafi/

The post Eksperti i gjuhës trupore deshifron se çfarë ndjeu vërtet Rashford gjatë pyetjes për Man Utd në prezantimin te Barcelona appeared first on Telegrafi.

Pavarësisht se ka shpenzuar pothuajse 300 milionë euro këtë verë, Liverpool mbetet në pozitë të favorshme financiare për të ndjekur transferimin e sulmuesit të Newcastle, Alexander Isak, për një shumë rreth 150 milionë euro – falë planifikimit të zgjuar financiar dhe të ardhurave të fuqishme të klubit.

Hapësira brenda rregullave të PSR (Profit and Sustainability Rules)

Gjatë tre viteve të fundit, Liverpool ka regjistruar një tepricë neto prej 55 milionë euro sipas rregullores PSR. Kur kësaj i shtohen 115 milionë euro humbje të lejuara, klubi ka një hapësirë veprimi prej 160 milionë euro. Me parashikime për një fitim shtesë prej 55 milionë euro për sezonin 2024–25, shpenzimi financiar i klubit kalon 200 milionë euro.

Përfitimet nga amortizimi i transferimeve

Pagesat e transferimeve ndahen gjatë kohëzgjatjes së kontratës. Një marrëveshje prej 120 milionë paund për Isak, e shpërndarë në 5 vite, do të rëndonte vetëm 30 milionë euro në vit në bilancet financiare, duke lënë hapësirë për investime të tjera.

Lexo po ashtu Plani sekret i Liverpoolit për të transferuar Alexander Isakun

Të ardhura të forta dhe shitje lojtarësh

Të ardhurat e Liverpool sezonin e kaluar kapën shifrën mbi 700 milionë paund, të ndikuara nga marrëveshjet për fanellat, sponsorizimet komerciale dhe të ardhurat nga ndeshjet.

Shitjet e lojtarëve si Caoimhin Kelleher (22 milionë euro) dhe Jarell Quansah (35 milionë euro) kanë ndikuar menjëherë në përmirësimin e bilancit financiar, duke forcuar edhe më tej pozicionin e klubit ndaj PSR.

Linjë kredie fleksibile

Një linjë kredie prej 350 milionë euro i ofron klubit fleksibilitet në afatet e pagesave dhe lehtëson përputhjen me rregulloret, pasi konsiderohet si fonde të siguruara.

Strategjia e kujdesshme e shpenzimeve, të ardhurat e qëndrueshme dhe hapësira financiare brenda rregullave i japin Liverpoolit fleksibilitet të plotë për të realizuar një transferim të madh si ai i Alexander Isak, pa rrezikuar shkelje të rregullave të qëndrueshmërisë financiare. /Telegrafi/

The post Shpjegohet pse Liverpooli mund ta përballojë transferimin e Alexander Isakut appeared first on Telegrafi.

Një gjest i pazakontë u shënua të enjten në Poloni, gjatë ndeshjes mes Oleksandriyas dhe Partizanit të Beogradit, në kuadër të raundit të dytë kualifikues të Ligës së Konferencës.

Futbollistët e skuadrës ukrainase zgjodhën të mos i shtrëngonin duart me lojtarët e Partizanit para fillimit të takimit – një akt i heshtur proteste që u shoqërua me prezantimin e tyre në fushë të mbështjellë me flamurin kombëtar të Ukrainës.

Sipas mediave kroate, ky bojkot vjen si reagim ndaj marrëdhënieve të ngushta mes Serbisë dhe Rusisë, si dhe pjesëmarrjes së Partizanit në një turne të zhvilluar në territorin rus – një veprim që klubi ukrainas e ka cilësuar si provokues dhe armiqësor, në kontekstin e agresionit rus në Ukrainë.

Tensioni nuk mungoi as në tribuna.

Raportohet se një pjesë e tifozëve ukrainas kanë kënduar slogane të dhunshme, përfshirë edhe thirrjen “Vrite serbin” – një moment që ka nxitur reagime të shumta në rrjetet sociale dhe më gjerë.

Pavarësisht protestës dhe atmosferës së tensionuar, Partizani doli fitues nga ndeshja, duke triumfuar me rezultat 2-0 dhe duke siguruar një epërsi të rëndësishme për ndeshjen e kthimit. /Telegrafi/

The post Lojtarët e ekipit ukrainas refuzuan t’u zgjasin dorën atyre serbë – tensione pati edhe në tribuna appeared first on Telegrafi.

Mesfushori i Fulhamit, Alex Iwobi, ka zbuluar se i është kërkuar të ndalojë së shpërndari përmbajtje “prapa skenave” në Snapchat, pas shqetësimeve të ngritura nga ekipi mediatik i klubit.

Lojtari 29-vjeçar i kombëtares së Nigerisë ishte bërë i njohur nga tifozët për ndarjen e pamjeve nga brenda dhomës së zhveshjes, duke postuar shpesh video nga seancat stërvitore dhe nga dita e ndeshjeve.

Megjithatë, Iwobi së fundmi u ka treguar ndjekësve të tij se aktiviteti i tij në Snapchat është vënë nën shqyrtim nga klubi.

Në një video të publikuar, ai shpjegoi: “Për ata që pyesin veten pse nuk po postoj më fotografi BTS në dhomën e zhveshjes: një person nga ekipi i medias më tha se nuk kam kapur gjërat e duhura. Prandaj, nuk do të ketë më BTS”.

Ai shtoi: “Më kanë thënë gjithashtu se mund të gjobitem nëse vazhdoj ta bëj këtë… Po përpiqen të ndalojnë ‘snap-in’ në dhomën tonë të zhveshjes”.

Ndërsa tifozët e kanë shijuar përmbajtjen e tij të sinqertë, Iwobi theksoi se tani duhet të “respektojë rregullat” dhe të ndalojë së postuari nga brenda hapësirave të ekipit.

Kujtojmë se ai më herët ka qenë në qendër të vëmendjes për publikimin aksidental të zgjatjes së kontratës së Tom Cairney, përpara se klubi ta kishte njoftuar zyrtarisht. /Telegrafi/

The post Alex Iwobit i ndalohet të postojë foto për Fulhamin në Snapchat pasi aksidentalisht publikoi formacionin e ekipit appeared first on Telegrafi.

Kanë përfunduar pa gola 45 minutat e parë mes Larnes dhe Prishtinës në duelin e parë për fazën kualifikuese në fazën e Ligës së Konferencës.

Skuadra kosovare e nisi shumë mirë ndeshje, duke rrezikuar portën e vendasve në disa raste.

Pas 12 minutash lojë, Prishtina e ka pasur mundësinë më të mirë për të shënuar ndaj Larnes së Irlandës së Veriut.

Pas harkimit të Valmir Veliut nga e majta, Rohan Ferguson e priti tentimin me kokë të Blend Baftiut.

Gjuajtja ishte qendrore dhe portieri i skuadrës irlandeze e priti pa telashe gjuajtjen e Baftiut.

Prishtina vazhdoi të kërkonte golin e epërsisë, mirëpo mbrojta kundërshtare ishte e ngjeshur.

Mbetet të shihet nëse në 45 minutat e dytë do të ketë ndonjë gol, por edhe ky rezultat i konvenon Prishtinës, pasi ndeshjen kthyese e zhvillon në “Fadil Vokrri”. /Telegrafi/

The post Mbyllet pa gola pjesa e parë mes Prishtinës dhe Larnes appeared first on Telegrafi.

Juventusi ka finalizuar transferimin e Joao Marion nga Porto, për një shumë prej 11.4 milionë euro plus 1.2 milionë euro në shpenzime shtesë, në kuadër të një marrëveshjeje që përfshin gjithashtu kalimin e Alberto Costës në drejtim të kundërt.

Transferimi u përmbyll sot, pasi futbollisti portugez iu nënshtrua testeve mjekësore dhe nënshkroi kontratë deri në qershor të vitit 2030.

Në njoftimin zyrtar të klubit italian theksohet se pagesa totale prej 12.6 milionë euro do të shpërndahet gjatë katër viteve financiare, duke ndihmuar menaxhimin ekonomik të klubit sipas rregullave të qëndrueshmërisë financiare.

“I'm very happy to be here, it feels amazing.”

Listen to Joao Mario’s first interview as a Juventus player!

— JuventusFC (@juventusfcen) July 24, 2025

Joao Marion, 25 vjeç, është një mbrojtës i djathtë, i njohur për fleksibilitetin taktik, pasi mund të aktivizohet edhe si mesfushor krahu apo pjesë e një treshje sulmuese, sipas nevojës. Ai ka kaluar të gjitha nivelet e akademisë së FC Portos, dhe sezonin e kaluar realizoi 42 paraqitje zyrtare, duke dhënë 7 asiste.

Në të njëjtën kohë, Alberto Costa do të transferohet në FC Porto në një marrëveshje të veçantë me vlerë 16 milionë euro. Ky paraqet një përfitim të konsiderueshëm për Juventusin, duke marrë parasysh se Costa ishte transferuar nga Vitoria Guimaraes në janar për vetëm 12.5 milionë euro.

Ky transaksion i dyfishtë pritet të ndikojë pozitivisht në planet sportive dhe financiare të të dy klubeve për sezonin e ri. /Telegrafi/

The post Zyrtare: Juventusi transferon Joao Marion appeared first on Telegrafi.

Manchester United po shqyrton mundësinë që të vendosë një tarifë deri në 4,700 euro për tifozët – vetëm për të fituar të drejtën për të blerë një biletë sezonale në stadiumin e ri të planifikuar.

Sipas raportimeve të Mail Sport, një propozim shumë i diskutueshëm për të futur të ashtuquajturën “Licencë Personale e Vendit” (PSL) – një sistem i zakonshëm në SHBA, por i papërdorur deri më tani në Ligën Premier – është paraqitur tifozëve nga kompania konsulente amerikane CSL International.

Zyrtarët e United kanë sqaruar se nuk është marrë ende asnjë vendim përfundimtar dhe se projekti është ende në fazën eksploruese. Megjithatë, nëse implementohet, kjo do të detyronte tifozët të paguanin mijëra euro paraprakisht, përpara se të blinin biletën e tyre sezonale çdo vit.

Sipas këtij modeli, që përdoret shpesh në SHBA për të ndihmuar në financimin e stadiumeve të reja, tifozët që paguajnë për një PSL do të kenë të drejtën e refuzimit të parë për ulësen e tyre për 30 vitet e ardhshme. Por, nëse nuk e blejnë biletën sezonale në një sezon të caktuar, ata automatikisht e humbasin këtë të drejtë.

Pas ardhjes së bashkëpronarit Sir Jim Ratcliffe dhe grupit të tij INEOS, United ka prezantuar konceptin për një stadium të ri me kapacitet 100,000 vende, të dizajnuar nga arkitekti i njohur Lord Norman Foster. Stadiumi do të ndërtohet pranë Old Trafford dhe synon të jetë një ndër më modernët në botë.

Kostoja e ndërtimit të stadiumit pritet të kalojë 2.35 miliardë euro. Klubi është duke kërkuar mbështetje financiare nga qeveria për infrastrukturën përreth, por ka bërë të ditur se vetë do të sigurojë fondet për ndërtimin e vetë stadiumit. /Telegrafi/

The post Ratcliffe u shpall ‘luftë të hapur’ tifozëve të Man United appeared first on Telegrafi.