Ka një lloj rritjeje që nuk ndodh me bujë. Nuk ndodh me urime, me story motivuese apo me postime për “self love”.

Po rritesh kur nuk reagon më menjëherë.
Kur nuk i ngre më zërin kur je i mërzitur.
Kur mëson të ecësh larg njerëzve pa ndjenja faji, thjesht sepse vetja jote vjen e para.

Po rritesh kur ndalon së shpjeguari veten.
Kur nuk të plas më për mendimin e të tjerëve.

Kur nuk përpiqesh të detyrosh dikë të të kuptojë.

Sepse më në fund e kupton: jo gjithkush e meriton versionin tënd më të butë.

Rritja nuk është gjithmonë një histori suksesi.

Shpesh është një betejë e heshtur, mes versionit tënd të vjetër dhe asaj që po bëhesh.

Dhe ndonjëherë… rritja është kur i thua vetes:
“Po, u lodha. Por nuk dorëzohem.”

The post Ka gjëra që i shëron vetëm heshtja dhe rritja është një prej tyre appeared first on iconstyle.al.

Romanca që nisi para syve të publikut, brenda shtëpisë së “Big Brother VIP Albania”, duket se ka marrë një kthesë të papritur.

Egli Tako dhe Gjesti, që u komentuan gjatë për lidhjen e tyre gjatë spektaklit, nuk ndjekin më njëri-tjetrin në rrjetet sociale. Një detaj që nuk i shpëton syrit të askujt, veçanërisht kur bëhet fjalë për një çift që ndau emocione live me publikun.

Asnjë deklaratë publike, asnjë sqarim, vetëm një “unfollow” që flet më shumë sesa çdo fjalë. Ndërkohë, të dy kanë vijuar postimet individuale, por pa asnjë shenjë që lidhet me marrëdhënien që dikur i bëri bashkë.

A është ky fundi zyrtar i historisë së tyre? Apo thjesht një pauzë nga vëmendja publike?

The post Çfarë ndodhi mes Eglit dhe Gjestit? “Unfollow” dhe heshtje totale në rrjete sociale appeared first on iconstyle.al.

Aktorja e njohur hollywoodiane Sharon Stone po përjeton një moment të dhimbshëm, pasi nëna e saj, Dorothy Stone, është ndarë nga jeta, në moshën 91-vjeçare.

Në një postim prekës në Instagram, Stone ndau me ndjekësit e saj një foto familjare ku shihet duke buzëqeshur pranë së ëmës në një divan, shoqëruar me një dedikim të shkurtër.

Aktorja e përshkroi Dorothy-n si një grua “argëtuese dhe me komplekse”, duke theksuar dimensionet njerëzore të një nëne që jetoi një jetë të plotë, por jo të lehtë.

Dorothy Stone ishte e martuar me Joseph Stone që prej vitit 1950, dhe çifti qëndroi bashkë deri në ndarjen e tij nga jeta në vitin 2009, vetëm pak muaj përpara përvjetorit të 60-të të martesës së tyre.

The post Sharon Stone në zi: Humb nënën e saj në moshën 91-vjeçare appeared first on iconstyle.al.

Pas rikthimit madhështor me turneun “Live ’25”, grupi legjendar britanik “Oasis” ka goditur fort, këtë herë jo me muzikë, por me ironi.

Në një postim të fundit, grupi ka shkruar se “Çdo biletë për koncertin tonë vjen me një leje speciale për të tradhtuar me kë të dëshironi”, një thumb i drejtëpërdrejtë ndaj incidentit viral që tronditi koncertin e “Coldplay”.

Gjatë një nga netët në Manchester, Liam Gallagher shtoi kripë në plagë duke u tallur nga skena:

“A kemi ndonjë çift të dashuruar këtu? Mos u shqetësoni, tek ne s’ka kamera që të nxjerrin zbuluar si te Coldplay.”

Kujtojmë se gjatë një performance të “Coldplay”, CEO i kompanisë “Astronomer”, Andy Byron, u kap në ekranin gjigant duke u përqafuar ngrohtësisht me kolegen e tij Kristin Cabot, moment që shkaktoi shpërthim në rrjet dhe përfundoi me dorëheqjen e tij.

The post “Oasis” tall Coldplay-n pas skandalit viral: Në koncertin tonë mund të tradhtoni lirisht appeared first on iconstyle.al.

Ikona e kinemasë amerikane, Bruce Willis, po përballet me një përkeqësim të ndjeshëm të gjendjes së tij shëndetësore si pasojë e demencës frontotemporale, një sëmundje e rëndë neurodegjenerative që prek zonat e trurit përgjegjëse për komunikimin, sjelljen dhe lëvizjen.

Sipas burimeve pranë familjes, aktori i dashur tashmë nuk është më në gjendje të flasë dhe ka humbur edhe aftësinë për të lexuar. Gjendja e tij fizike është gjithashtu përkeqësuar, pasi përballet me vështirësi serioze në ecje.

Willis u largua nga aktrimi në vitin 2022, pasi u diagnostikua me afazi, një çrregullim që ndikon në aftësinë për të komunikuar, përpara se diagnoza të rikonfirmohej si demencë frontotemporale në fillim të vitit 2023.

Përgjatë viteve 2023 dhe 2024, raporte të shumta zbuluan se ylli i filmave si Die Hard dhe Pulp Fiction ishte bërë kryesisht jofjalor dhe kishte ndaluar së lexuari, ndërsa tani përballet edhe me sfida motorike të mëdha. Megjithatë, familja ka zgjedhur të mos ndajë detaje të mëtejshme për aspektin fizik të gjendjes së tij.

Në prill të këtij viti, bashkëshortja e tij Emma Heming Willis dhe vajzat e çiftit konfirmuan përmes një deklarate se sëmundja vazhdon të jetë progresive, por e qëndrueshme. “Bruce po përballet me këtë sfidë me dinjitet dhe i rrethuar nga dashuria jonë. Ne jemi pranë tij në çdo hap,” – thuhej në deklaratë.

Largimi i Bruce Willis nga skena kinematografike ka lënë një boshllëk të madh në botën e filmit dhe në zemrat e miliona fansave që janë rritur me filmat e tij.

The post Përkeqësohet gjendja shëndetësore e Bruce Willis: Aktori ka humbur aftësinë për të folur e për të lexuar appeared first on iconstyle.al.

Një studim interesant ka zbuluar se fëmijët marrin më shumë nga pamja e babait sesa e nënës.

Sipas shkencëtarëve, ndonëse të dy prindërit ndikojnë në paraqitjen fizike të një fëmije, disa tipare si forma e nofullës, hunda dhe gjatësia ndikohen më shumë nga gjenet dominante që vijnë nga babai.

Kjo lidhet me mënyrën se si gjenet transmetohen dhe cilët janë më të fortët në procesin e trashëgimisë.

Ndaj, nëse keni një nofull të theksuar apo një hundë të veçantë, mund t’ia dedikoni babait!

The post Studimi: Bukuria juaj vjen më shumë nga babai se nga nëna appeared first on iconstyle.al.

Të paktën 13 palestinezë humbën jetën dhe mbi 25 u plagosën pasi forcat izraelite sulmuan një kamp të zhvendosurish pranë detit në perëndim të Gazës.

Kampi strehonte civilë të evakuuar nga veriut. Ndërkohë, OBSH thotë se ofensiva ka kompromentuar ndihmat, pasi objektet e saj u sulmuan, ndërsa OKB akuzon ushtrinë izraelite për sulme ndaj stafit të saj dhe për “këputjen e litarëve të fundit të shpëtimit” për Gazën.

Deir al-Balah ndodhet aktualisht në qendër të operacionit më të madh izraelit që nga nisja e luftës.

The post Ushtria izraelite godet kampin me civilë në Gaza, 13 të vdekur, mes tyre gra e fëmijë appeared first on iconstyle.al.

Vajza e Angelina Jolie dhe Brad Pitt, Shiloh Jolie-Pitt, është kapur nga mediat amerikane në një lidhje me balerinën Keoni Rose në Studio City, Kaliforni. Ato janë parë duke u përqafuar brenda makinës dhe raportohet se jetojnë përkohësisht së bashku.

Thashethemet për lidhjen e tyre nisën në maj, pas momenteve të përbashkëta gjatë blerjeve.

Ndërsa Angelina Jolie është e shqetësuar për largimin e Shiloh nga shtëpia, ajo e mbështet dhe siguron që fëmijët të jenë të mbrojtur nga roje sigurie. Brad Pitt nuk kundërshton orientimin seksual të vajzës, por shpreh shqetësim për ndikimet rreth saj, duke fajësuar edhe Jolie-n për këtë situatë.

The post Shiloh Jolie-Pitt kapet mat me të dashurën: Lidhja e dy vajzave që po ‘trondit’ Hollywood-in! appeared first on iconstyle.al.

Ish-mbrojtësi legjendar i Liverpool-it, Joey Jones, ka ndërruar jetë në moshën 70-vjeçare, duke lënë pas një trashëgimi të pashlyeshme në futbollin britanik.

Jones ishte pjesë e skuadrës së Liverpool-it gjatë viteve 1975-1978, ku ndihmoi klubin të fitonte titullin e ligës dhe Kupën e Europës në 1977. Pas rikthimit te Wrexham, ai luajti edhe për Chelsea dhe Huddersfield, përpara se të mbyllte karrierën në vitin 1992 te Wrexham.

Në nivel kombëtar, Jones luajti 72 ndeshje për Uellsin, duke shënuar një gol. Pas tërheqjes nga fusha, ai punoi si trajner i moshave të reja dhe ambasador për të rinjtë te Wrexham.

Ish-bashkëlojtarët dhe miqtë e tij shprehen të tronditur dhe kujtojnë Joey-n si një lojtar luftarak dhe njeri të dashur jashtë fushës. John Aldridge dhe Mickey Thomas i kanë dedikuar mesazhe ngushëllimi familjes së tij.

Joey Jones do të mbetet gjithmonë një legjendë e futbollit britanik dhe një shembull frymëzimi për brezat e rinj.

The post Futbolli britanik në zi, ndahet nga jeta Joey Jones, ikonë e Liverpool-it dhe Uellsit appeared first on iconstyle.al.

Preta Gil ka ndërruar jetë më 20 korrik, pas një beteje të gjatë dhe të guximshme me kancerin. Lajmi u konfirmua përmes një deklarate në llogarinë e saj zyrtare në Instagram.

Artistja shumëdimensionale, këngëtare, aktore dhe moderatore, po trajtohej në Nju Jork kur u ndje keq rrugës për në aeroport dhe u shtrua me urgjencë në spital, ku ndërroi jetë.

Preta ishte vajza e muzikantit legjendar Gilberto Gil dhe e njohur për sinqeritetin me të cilin ndau publikisht betejën e saj me sëmundjen. Ajo kishte kryer kimioterapi dhe një ndërhyrje kirurgjikale në gusht të vitit të kaluar, pasi kanceri ishte përhapur në disa pjesë të trupit.

Ceremonia mortore do të mbahet në Rio de Janeiro, ku familjarë, miq dhe fansa do të mund të nderojnë figurën e saj.

The post Ndahet nga jeta në moshën 50-vjeçare këngëtarja e njohur braziliane appeared first on iconstyle.al.

Rosie Roche, 20 vjeç, kushërirë e largët e Princ William dhe Harry, është gjetur e pajetë nga nëna dhe motra e saj në banesën familjare në Wiltshire, më 14 korrik. Ajo po përgatitej për një udhëtim me miqtë kur ndodhi ngjarja tragjike. Pranë saj u gjet një armë zjarri, ndërsa policia e ka cilësuar vdekjen si jo të dyshimtë dhe pa përfshirje të palëve të treta.

Rosie ishte studente në vitin e parë për Letërsi Angleze në Universitetin e Durhamit dhe ishte shumë e dashur për energjinë, krijimtarinë dhe pasionin për librat. Familja dhe miqtë e saj janë shprehur të shkatërruar nga humbja. Një ceremoni përkujtimore do të mbahet në një datë të mëvonshme.

The post Tragjedi në familjen mbretërore: Gjendet e pajetë kushërira e William dhe Harry appeared first on iconstyle.al.

Një nga të mbijetuarit e tragjedisë së ndodhur pranë Dakës në Bangladesh, nxënësi i vitit të 10-të, Farhan Hasan, ka treguar mes lotësh se si pa shokun e tij të ngushtë të humbiste jetën vetëm pak metra larg tij, kur një avion ushtarak u rrëzua mbi ndërtesën e shkollës.

“Shoku im më i mirë vdiq para syve të mi. Avioni ra mbi ne, mbi prindërit që prisnin fëmijët e tyre jashtë. Ishte fundi i ditës së shkollës,” rrëfeu ai, duke përshkruar skenat e tmerrit.

Ngjarja ndodhi pak pas orës 13:00 me orën lokale, kur një avion stërvitor i forcave ajrore të Bangladeshit, tip F-7, pësoi defekt teknik dhe u përplas mbi Shkollën dhe Kolegjit “Milestone”, një godinë dykatëshe në periferi të kryeqytetit.

Dëshmitarë të tjerë flasin për momente paniku dhe shpërthime të fuqishme. “Kur shikova pas, pashë vetëm zjarr dhe tym. Fëmijë dhe kujdestarë ishin kudo,” tha një mësues për agjencinë Reuters.

Spitali Kombëtar i Djegieve konfirmoi se shumica e viktimave janë fëmijë të moshës 9 deri në 14 vjeç. Ndërkohë, në vendngjarje u mblodhën qindra qytetarë për të dhuruar gjak dhe për të ndihmuar të plagosurit.

The post “Shoku im vdiq para syve të mi” – Nxënësi rrëfen tmerrin pas përplasjes së avionit në Bangladesh appeared first on iconstyle.al.

Rob Kardashian ka thyer heshtjen. Në një bisedë të rrallë në podcast-in e Khloe-s, “Khloe in Wonder Land”, ai zbuloi pse ka zgjedhur të largohet nga ekranet dhe jeta publike.

“Nuk ka të bëjë me familjen, por me mua,” – tha Rob. “Nuk dua të jem para kamerave kur nuk ndihem mirë me veten.”

Anëtari më i tërhequr i klanit Kardashian pranoi se nuk është ndier rehat me veten për një kohë të gjatë dhe se preferon të zgjedhë paqen shpirtërore mbi famën.

“Nuk më sjell asgjë të mirë të jem pjesë e një gjëje që më rëndon. Dua thjesht lumturinë time,” – u shpreh ai.

The post “Zgjedh paqen, jo famën”! Rob Kardashian tregon pse është larguar nga sytë e publikut appeared first on iconstyle.al.

Pas dorëheqjes së CEO-së Andy Byron, i kapur nga “kiss cam” duke u përqafuar me shefen e HR-it, Kristin Cabot, në një koncert të Coldplay, drejtimin e kompanisë Astronomer e mori Pete DeJoy.

Në një deklaratë të sinqertë në LinkedIn, DeJoy pranoi efektin e papritur që skandali i quajtur tashmë “ColdplayGate” pati mbi kompaninë:

“Kjo vëmendje ka qenë e pazakontë dhe surreale për ekipin tonë. Nuk do kisha dashur të ndodhte kështu, por tashmë Astronomer është një emër i njohur në çdo shtëpi.”

Ai theksoi qëndrueshmërinë e ekipit dhe përkushtimin për të bërë gjërat “në mënyrën e duhur”, duke siguruar klientët se kompania nuk do t’i zhgënjejë.

Ndërkohë, momenti viral ku Byron dhe Cabot u tërhoqën menjëherë sapo u panë në ekranin gjigand, është kthyer në meme të pafundme dhe madje është imituar edhe nga të famshëm.
Chris Martin, vokalisti i Coldplay, ka bërë shaka me rastin në një koncert tjetër, ndërsa profili LinkedIn i të përfshirëve është fshirë që prej asaj nate.

The post Pas “ColdplayGate”, CEO i përkohshëm i Astronomer reagon: “Tani jemi emër i njohur në çdo shtëpi” appeared first on iconstyle.al.

Dashi

Dashuria: Megjithë disa keqkuptime në marrëdhëniet në çift, do të jeni të durueshëm dhe do të përpiqeni ta bëni këtë një ditë pozitive. Bëni hapësirë ​​për ndjenjat dhe jini të sinqertë. Beqarët tani do jenë gati për të kërkuar personin e duhur.

Puna: Sot mund të keni kënaqësi të madhe në vendin e punës. Jupiteri mbron biznesin tuaj dhe forcon përqendrimin tuaj.

Demi

Dashuria: Do të rizbuloni romantizmin tuaj të lindur dhe dashuria do të udhëtojë me shpejtësi të plotë. Do të animoheni nga një ndjeshmëri e madhe dhe nga aq shumë pasion saqë do t’ua mbush zemrën. Sot beqarët mund të marrin propozime të papritura që do t’i bëjnë ata të lumtur.

Puna: Pavarësisht nga forma e shkëlqyer fizike, do t’ju mungojë përqendrimi dhe aftësia për të qenë të qartë dhe të vendosur në ekspozimin e ideve tuaja.

Binjakët

Dashuria: Shmangni heshtjen nëse doni të rikuperoni një marrëdhënie të rëndësishme. Hapuni partnerit tuaj dhe besoni sekretet tuaja, nëse ai ju do do t’ju kuptojë dhe ju dashurojë edhe më shumë. Beqarët do duhet të marrin frenat e jetës së tyre ë dorë dhe ta drejtojnë atë drejt një të ardhme më konkrete.

Puna: Edhe në punë do të duhet të bëni një përpjekje për të komunikuar. Ju nuk mund të mendoni të bëheni dikush pa e vendosur veten në linjë.

Gaforrja

Dashuria: Sot problemet e dashurisë që dukej se ishin zgjidhur do të kthehen. Një person që me sa duket kishit harruar do të kthehet dhe të bëjë që zemra juaj të rrahë sërish! Beqarët po kërkojnë diçka për të gjallëruar jetën e tyre!

Puna: Disa çështje mund të gjejnë një zgjidhje, por mbase është koha për t’u përgatitur për një ndryshim.

Luani

Dashuria: Jini të drejtpërdrejtë dhe të sinqertë me partnerin tuaj dhe kërkoni sqarime nëse diçka nuk është në rregull me ju. I dashuri juaj do të vlerësojë sinqeritetin tuaj dhe do të besojë. Beqarët mund të gjejnë lehtësisht një shpirt binjak dhe të përjetojnë momente intensive dhe romantike.

Puna: mbështetuni në anën tuaj praktike për të bërë biznes ose për të bashkëpunuar.

Virgjëresha

Dashuria: Sot Venusi do të përmirësojë sferën tuaj sentimentale dhe do të jeni të kthjellët dhe të aftë të bashkëveproni më mirë me njerëzit që kanë nevojë për ndihmën tuaj. Beqarët do jenë plot sharm dhe do mbizotërojnë përreth tyre pa mundim.

Puna: Ditë e shkëlqyeshme për sferën profesionale. Do të jeni plot nisma dhe të gjitha propozimet tuaja do të kurorëzohen me sukses.

Peshorja

Dashuria: Një pengesë në sferën sentimentale do të çojë në diskutime në marrëdhëniet në çift. Mundohuni të kapërceni frikën tuaj dhe të reflektoni për atë që po ndodh. Beqarët do të jenë në gjendje të përqendrohen në disa aspekte themelore për të ardhmen e tyre.

Puna: Do të jetë një ditë ulje-ngritjesh, me ngjarje dhe keqkuptime të papritura për shkak të një nervozizmi. Zbut tensionet.

Akrepi

Dashuria: Sapo keni kaluar një kohë të vështirë dhe dyshoni për partnerin tuaj që ju sulmon edhe një herë. Ndiqni instinktet tuaja dhe lërini pasiguritë. Zemrat e vetmuara do të jenë në gjendje të planifikojnë një udhëtim, mbase me njohje të reja!

Puna: Diçka fillon të ecë në pjesën e përparme të punës dhe mund të keni këndvështrime të reja për të ardhmen. Mbani këmbët tuaja të qëndrueshme në tokë.

Shigjetari

Dashuria: Do të keni ide të hutuara dhe disa vështirësi do t’ju shqetësojnë. Pas këtyre momenteve, marrja e një vendimi do të jetë edhe më e vështirë, mbase është më mirë të shtyhet. Ata që janë beqarë do të jenë në gjendje të fillojnë me aventura të reja!

Puna: Rendisni këshillat e një kolegu që thjesht dëshiron t’ju marrë në rrugën e duhur. Shqyrtoni disa vendime.

Bricjapi

Dashuria: Do i përkushtoheni pa kushte partnerit tuaj por tregohuni të kujdesshëm për të mos e tepruar. Jini të matur me vëmendjen ndaj të dashurit por pa insistuar. Beqarët do duhet të bëjnë kujdes që të mos përfshihen shumë në biznesin e njerëzve të tjerë.

Puna: Një mërzitje e vogël do t’ju bëjë të humbisni mundësi të mira për të ardhmen tuaj. Merrni situatën në dorë nëse doni të merrni diçka.

Ujori

Dashuria: Do të jetë një ditë rutinë, pa shumë risi dhe me disa re në horizont. Pak vrull në jetën e dashurisë dhe disa shqetësime do ju bëjnë nervoz. Për beqarët do jetë një ditë mirë për të kaluar së bashku me miqtë e afërt.

Puna: Do të kaloni një ditë të rëndë në punë dhe nuk do të gjeni kohën për tu qetësuar. Jepini vetes pushim nëse doni të rimerrni përqendrimin.

Peshqit

Dashuria: Jeta e çifteve vazhdon pa risi, por kushtojini vëmendje partnerit i cili mbase pret diçka më shumë. Jini objektiv dhe reflektoni në sjelljen tuaj. Beqarët do mund të kalojnë më shumë kohë për veten e tyre dhe për të lënë mënjanë shpenzimet.

Puna: Ju jeni ambiciozë dhe dëshironi qëllime të rëndësishme. Shikoni përreth dhe shfrytëzoni disa mundësi.

The post Horoskopi ditor, e Martë 22 Korrik 2025 appeared first on iconstyle.al.

Kur termometri kalon 30°C dhe ajri bëhet i padurueshëm, ka disa mënyra të thjeshta për të freskuar shtëpinë edhe pa kondicioner.

Mbani dritaret mbyllur gjatë ditës. Hapini vetëm në mëngjes herët ose pas perëndimit për të qarkulluar ajrin e freskët.

Përdorni ventilatorë me truke. Vendosni përpara tyre një tas me akull për efektin “klime shtëpiake”. Nëse keni ventilator tavani, sigurohuni të rrotullohet në drejtim të kundërt me akrepat e orës.

Shmangni gatimin gjatë ditës. Përdorni aspiratorin dhe ventilatorët në banjo për të larguar nxehtësinë dhe lagështinë.

Luftoni lagështinë. Një dehumidifikues ose thjesht mbajtja e ambienteve të thata do e bëjë ndjeshëm më të freskët.

Freskoni edhe trupin. Pini shumë ujë, bëni dush të shpejtë dhe qëndroni për pak kohë në ambiente të freskuara si qendra tregtare apo biblioteka.

The post Si të përballoni vapën në shtëpi pa kondicioner? appeared first on iconstyle.al.

Një debat me nota ironie dhe sarkazme ka tërhequr vëmendjen së fundmi në emisionin e gazetarit Ronaldo Sharka, ku e ftuar ishte ish-banorja e BBVA4, Krisa Çaushi.

“Je e ftuar kot,” – i tha Ronaldo në mënyrë spontane, duke nxitur një reagim të menjëhershëm nga Krisa, e cila u përfshi në lojën me tone thumbuese të gazetarit.

“Se di, u pendova që të mora në emision,” vijoi ai, duke i dhënë ngjyrë bisedës që megjithëse u duk si përplasje, ishte më shumë një shkëmbim shakash në stilin ironik që e karakterizon emisionin.

Pjesë nga biseda:
Krisa Çaushi: Nëse jam e ftuar koti, atëherë nuk do duhej të më kishe marrë.

Ronaldo Sharka: Mendon që nuk do të kishe ardhur fare?.

Krisa Çaushi: Unë erdha për të respektuar meqë më ftove.

Ronaldo Sharka: Problemi jonë si emision që të ftojmë, të kontaktojmë, të hapim derën.

Krisa Çaushi: E po atëherë kënaqësi që unë erdha dhe mos ua pafsha më derën.

Ronaldo Sharka: Kënaqësia e gjitha e jotja sepse për neve nuk ka ndonjë kënaqësi.

Krisa Çaushi: Atëherë mend për herë tjetër.

@topalbania_radio

Plas keq në emision! Ronaldo përzë Krisën nga emisioni: Turp që të ftova!

♬ original sound – Top Albania Radio

The post “Je e ftuar kot!” – Replikat me thumb mes Ronaldo Sharkës dhe Krisës ndezin studion appeared first on iconstyle.al.

Shkencëtarët amerikanë kanë krijuar molekula dhe teknologji gjenetike që detyrojnë qelizat kancerogjene të vetëshkatërrohen, një qasje e re dhe premtuese në mjekësinë moderne.

Në Universitetin Penn State, studiuesit kanë ndërtuar një “circuit gjenetik” që i bën qelizat e kancerit të shkatërrojnë vetveten dhe të eliminojnë edhe qelizat përreth që janë rezistente ndaj barnave.

Një tjetër zbulim i rëndësishëm synon qelizat e kancerit të gjakut duke ndërhyrë në një proteinë kyçe, BCL6, e cila i mbron nga vdekja. Molekula e re detyron këtë proteinë të aktivizojë gjenet që i vrasin qelizat.

Të dy trajtimet janë testuar me sukses në laborator dhe tek minjtë, duke hapur rrugën për kura më efektive në të ardhmen.

The post Shpresë e re kundër kancerit: Qelizat vet*vriten për të shpëtuar trupin appeared first on iconstyle.al.

Ka raste kur Gaforrja ndien sikur gjithë të tjerët janë më me fat se ajo. Një jetë më e lehtë, një marrëdhënie më e bukur, më shumë mbështetje nga jeta dhe njerëzit përreth. Ndërsa ajo? E ndjen çdo sfidë si një barrë personale, si një provë që i është dhënë vetëm asaj.

Si një nga shenjat më emocionale të zodiakut, Gaforrja i përjeton ndjesitë me intensitet, por jo gjithmonë me qartësi. Ndjeshmëria e lartë shpesh e çon në krahasime të heshtura me të tjerët. Nuk është se nuk do të gëzohet për ta, por, ndonjëherë, nuk mundet. Sepse çdo sukses i të tjerëve i kujton mungesat apo dëshirat e saj të parealizuara.

Ajo nuk e shpreh hapur këtë ndjesi. Gaforrja rrallë flet për gjërat që e mundojnë vërtet. Por në brendësi, është duke luftuar me një ndjesi të vazhdueshme se jeta nuk është treguar aq e butë sa ajo ka pasur nevojë.

The post Ja cila shenjë nuk gëzohet me lumturinë e të tjerëve (edhe pse nuk e pranon as vetë) appeared first on iconstyle.al.

Një udhëtim që nisi me pushime në plazh, përfundoi në tragjedi. Të paktën gjashtë persona humbën jetën dhe 47 të tjerë mbetën të plagosur pasi autobusi me të cilin udhëtonin u përmbys në provincën veriore Espaillat, në Republikën Dominikane.

Sipas mediave lokale, shoferi dyshohet se humbi kontrollin e mjetit pranë qytetit San Victor, për shkak të një defekti në sistemin e frenimit. Pasagjerët po ktheheshin nga Playa Grande, një nga destinacionet më të frekuentuara bregdetare në vend.

Me 887 viktima në aksidente rrugore vetëm që nga fillimi i vitit, ky incident e shton më tej bilancin tragjik në një vend me rreth 11 milionë banorë, ku siguria rrugore mbetet një sfidë serioze.

The post Tragjedi në Republikën Dominikane: Autobusi përmbyset pas ekskursionit, 6 të vdekur dhe dhjetëra të plagosur appeared first on iconstyle.al.