Dashi

Dite here pas here problematike kjo e sotmja për te dashuruarit. Nuk do ndiheni aspak mire kur te debatoni me partnerin, megjithatë çdo gjë do kaloje pas disa orësh. Beqaret duhet t’i bëjnë sytë katër nëse duan ta gjejnë princin e tyre te kaltër. Ai do jete rreth e rrotull tyre. Ne planin financiar kërkoni edhe këshillat e miqve sot nëse përballeni me vështirësi.

Demi

Ne përgjithësi jeta juaj ne çift do jete e bukur dhe e mbushur me emocione te forta sot. Shfrytëzojeni çdo minute kur te jeni pranë atij qe dashuroni. Beqaret me ne fund do kenë dashuri me shikim te pare dhe do ndihen te plotësuar. Ne planin financiar nuk do arrini dot ta shtrëngoni rripin dhe kjo mund te sjelle probleme me vone. Kujdes!

Binjaket

Duke qene se Marsi do ndikoje negativisht sot ne jetën tuaj ne çift, asgjë nuk do shkoje si me pare. Mundohuni te paktën te mos tregoheni kokëfortë dhe te toleroni me tepër. Beqaret duhet te tregohen te matur dhe jo te pranojnë çdo lloj ftese qe do iu behet. Ne planin financiar do mbizotërojë gjate gjithë kohës ekuilibri. Nuk pritet as problemi me i vogël.

Gaforrja

Marrëdhënia me partnerin do jete e paqëndrueshme sot. Here do dashuroheni ne mënyrë pasionante dhe here do keni debate te zjarrta. Beqaret nuk do e kenë mendjen për te filluar histori dashurie dhe nuk do përfitojnë aspak nga ftesat qe do iu bëhen. Sektori i financave do jete ne një gjendje shume me te mire se kohet e fundit. Mund t’ia lejoni vetes edhe ndonjë shpenzim me tepër.

Luani

Sot do i shihni gjerat me një sy tjetër ne planin sentimental. Nuk do kërkoni me nga partneri gjera te pamundura, përkundrazi do i merrni gjerat si t’iu vijnë. Beqaret nuk do jene me fat ne dashuri kështu qe përsëri do mbeten vetëm. Ne planin financiar planetë do iu ndihmojnë t’i zgjidhni problemet qe keni pasur dhe do ndiheni me te qete kur te shpenzoni.

Virgjeresha

Perspektivat për jetën ne çift janë shume te mira sot. Do bëni gjithçka qe ndjeni dhe do merrni shume dashuri nga ai qe keni ne krah. Beqaret do e kenë gjithmonë e me te vështirë te bëjnë për vete dike qe pëlqejnë. Financat për pjesën me te madhe do jene te mira. Do kryeni shpenzimet e dëshiruara dhe situata do mbetet e njëjtë.

Peshorja
Çiftet do kenë një dite te vështirë. Asgjë nuk ka për te shkuar ashtu si ata e kishin menduar dhe here pas here do vuajnë ne qetësi. Takimet e beqareve do jene shume vendimtare sot. E ardhmja do ndryshoje ne pa momente. Ne planin financiar nuk duhen ndërmarre shume rreziqe edhe sikur situata te jete ne gjendjen me te mire te mundshme.

Akrepi

Dite e zymte edhe për ju kjo e sotmja. Nuk do kuptoheni si duhet me partnerin tuaj dhe debatet do jene te njëpasnjëshme. Kujdes edhe me xhelozinë. Ata qe deri me sot kane qene vetëm do marrin disa propozime interesante te cilat nuk duhen humbur për asnjë moment. Ne planin financiar nuk do keni probleme, por as fushe me lule nuk do e keni situatën.

Shigjetari

Do e dyfishoni maturinë ne jetën tuaj ne çift dhe do mundoheni ne çdo moment t’ia bëni qejfin njeri-tjetrit. Do i sqaroni sa hap e mbyll sytë edhe problemet e vogla. Beqaret do tregohen shume kërkues dhe nuk do kënaqen me takimet qe do realizojnë. Ne planin financiar situata do jete e qete për pjesën me te madhe. Nuk priten probleme dhe vështirësi.

Bricjapi

Te dashuruarit do ndihen te qete dhe do dashurohen ashtu si ta ndiejnë. Dita do jete pozitive. Ka shume mundësi qe beqaret te bien ne dashuri me një peron qe e kane njohur prej kohesh, por qe nuk mendonin se mund ta kishin ndonjëherë me shume sesa mik. Ne planin financiar mos kërkoni te pasuroheni shpejt sepse mund te bëni gabime.

Ujori

Do jeni sensuale dhe te dashur me partnerin tuaj sot. Gjerat do shkojnë ashtu si ju i kishit menduar gjithmonë. Shfrytëzojeni çdo minute apo sekonde. Beqaret nuk duhet te nxitohen dhe te zgjedhin menjëherë një person për ta pasur ne krah sepse mund te bëjnë gabime te cilat do i lëndojnë me vone. Buxhetin duhet ta menaxhoni me sa me shume kujdes dhe maturi.

Peshqit

Klima ne jetën tuaj ne çift do jete mjaft pasionante. Emocionet do jene te njëpasnjëshme dhe do ndiheni për mrekulli. Beqaret do vazhdojnë te jene ne kërkim, por ende nuk do e gjejnë personin e duhur. Financat do arrini t’i mbani te stabilizuara edhe pse dëshira për shpenzime do jete e papërmbajtshme. Disa miq do iu gjenden pranë dhe do iu këshillojnë ne çdo moment.

The post Horoskopi ditor, e hënë 28 korrik 2025 appeared first on iconstyle.al.

Parlamenti pritet të nisë sesionin e shtatorit me shqyrtimin e draftit të ri të Kodit Penal dhe disa nene të tij kanë ndezur polemika të forta, veçanërisht në lidhje me lirinë e medias.

Neni 516 parashikon 2 deri në 6 vite burg për zbardhjen apo publikimin e të dhënave sekrete që lidhen me dëshmitarët apo bashkëpunëtorët e drejtësisë edhe nëse bëhen nga gazetarë apo media.

Ndërsa neni 536 ndëshkon me deri në 3 vite burg komentet publike që mund të ndikojnë në pavarësinë e gjykatës, përpara dhënies së vendimit.

Organizatat e gazetarëve janë të shqetësuara dhe e cilësojnë këtë një kërcënim të drejtpërdrejtë ndaj fjalës së lirë dhe rolit të medias si kontrollues i pushtetit.

The post 2 deri në 6 vite burg për zbardhjen e informacionit: Çfarë pritet të ndryshojë për gazetarët appeared first on iconstyle.al.

Sipas një analize të marrëdhënieve afatgjata, çiftet që ndajnë eksperienca si clubbing apo festivale, lidhen më fort sepse përjetojnë emocione intensive bashkë.

Bëhen gati si ekip
Kërcejnë e qeshin në një hapësirë të përbashkët, por të lirë
Ndihen të afërt pa pasur nevojë për fjalë të mëdha

Jo çdo lidhje forcohet nga bisedat serioze. Ndonjëherë, është muzika, ritmi dhe një natë ku gjeni veten… në sytë e tjetrit.

The post Studimi: Dashuritë që dinë të festojnë, zgjasin më shumë! appeared first on iconstyle.al.

Ish-banori i Big Brother VIP Kosova 3, Eduart Kuqi, ka komentuar së fundmi konfliktin mes Jozit dhe Gjestit, që shpërtheu në javët e fundit të formatit dhe vazhdon të përflitet edhe jashtë.

I ftuar në emisionin “Koment për Koment”, Eduarti lexoi një nga komentet që e përmendte mbështetjen e tij ndaj Gjestit në kohën e sherrit me Jozin. Dhe këtë herë, ai vendosi të japë një reflektim ndryshe.

“Ky koment është shumë i vërtetë dhe shumë i saktë se kemi folur fjalë të mëdha për Jozin, por në fakt unë mund të them një gjë: unë Jozin tani neve si Dukagjinit na ka penguar pak, kur ta shikon hollë e hollë, nuk ka faj. Jozi nuk ka pasur faj”, u shpreh ai.

Eduarti ka qenë banor vetëm për dy javë në shtëpinë më të famshme në Kosovë, por kjo kohë ka mjaftuar për t’i formuar një mendim të qartë për Gjestin.

“Unë dy javë sa kam qëndruar brenda nuk kam mundur ta duroj, e leje më që ka dalur sa ditë para finales. E kish paralajmëruar demek: ‘Mos më provoko më’, por ai e ka shfrytëzuar atë mundësi, nuk i ka nervat e veta. Secili njeri reagon ndryshe në ato momente.”

Madje, ai theksoi se nëse do të ishte në vend të Jozit, ndoshta reagimi i tij do të ishte edhe më i ashpër:

“Po të isha në vend të Jozit ndoshta kisha reaguar edhe më keq”, përfundoi Eduarti, duke shtuar se nuk ka më kontakte me asnjërin prej tyre.

The post Eduart Kuqi komenton sherrin Jozi–Gjesti: Kur e sheh hollë, Jozi kishte të drejtë appeared first on iconstyle.al.

Një ngjarje e rëndë është regjistruar ditën e djeshme në zonën e Skelës në Vlorë, ku një kamarier 18-vjeçar është dhunuar brutalisht nga një oficer policie jashtë detyrës dhe një person tjetër me precedentë penalë.

Ngjarja ndodhi në ambientet e një hoteli të frekuentuar, gjatë orarit të punës së të riut. Kamarieri ka rrëfyer momentet e tensionit, të cilat nisën për një keqkuptim banal në porosi.

“Para gjysmë ore erdhën dy zotërinj, u ulën në tavolinë. Porosinë e mori kamarieri tjetër dhe më thanë ta çoja unë. Ishte një shishe ujë e madhe, një e vogël dhe një makiato. Kur ia çova, njëri prej tyre më tha: ‘Veç një ujë sill se ai tjetri është i trashë’ dhe filloi të shante.”

“I thashë, ‘o vëlla, ta heq unë ujin, nuk ka nevojë të shash, edhe ai tjetri pa dashje e ka bërë’. Pasi ia hoqa ujin, vijnë të dy burrat, nga 40 vjeç e sipër, më ndjekin deri në banak. Njëri më qëllon tre herë: një herë me shpullë dhe dy herë me grusht. Vetëm se i çova një bidon më tepër. Edhe syzet m’i hodhi në tokë, mirë që nuk m’i theu. Më goditi dhe tri herë të tjera në qafë.”

Personat e përfshirë në dhunë janë identifikuar si Ardian Isufi, ish-shef i qarkullimit rrugor në Vlorë dhe aktualisht nënkomisar në Policinë Kufitare Dibër dhe Leart Bimo, një person me precedent penal. Ngjarja ndodhi në prani të klientëve, të cilët u larguan menjëherë të tronditur.

Pas dhunës ndaj kamarierit, konflikti ka vazhduar me stafin dhe pronarët e hotelit. Sipas burimeve, Isufi është përplasur fizikisht edhe me ta, dhe si pasojë ka përfunduar në reanimacion me dëmtime në kokë, fytyrë dhe shpatull. Mësohet se ndodhet jashtë rrezikut për jetën.

Ndaj tij është marrë masa e pezullimit nga detyra, ndërsa policia ka nisur hetimet për të dyja palët e përfshira.

The post “Më qëlloi 3 herë për një shishe ujë”/ Dhunohet kamarieri 18-vjeçar në Vlorë, nënkomisari përfundon në reanimacion pas përplasjes me stafin e hotelit appeared first on iconstyle.al.

Një ndryshim i thellë po ndodh në mënyrën si gratë shqiptare i konceptojnë marrëdhëniet, familjen dhe vetë përmbushjen personale.

Ndërsa në Shtetet e Bashkuara parashikohet që deri në vitin 2030 rreth 45% e grave të moshës 25-44 vjeç të jenë beqare dhe pa fëmijë, ky trend po reflektohet gjithnjë e më shumë edhe në realitetin shqiptar.

Shumë vajza dhe gra në të 20-at dhe 30-at po zgjedhin të mos ndjekin më modelin tradicional të martesës dhe mëmësisë në moshë të re.

Po përqendrohen te karriera dhe vetëzhvillimi.
Po kërkojnë më shumë pavarësi financiare dhe emocionale.
Po thyejnë pritshmëritë sociale që për dekada kanë qenë të padiskutueshme.

Ky nuk është një refuzim i familjes apo i të pasurit fëmijë, por një riformulim i asaj që do të thotë përmbushje për një grua sot.
Të jetosh vetëm, pa partner apo pa fëmijë, nuk shihet më si dështim. Por si një zgjedhje personale dhe legjitime.

The post Një në dy gra mund të jetë beqare dhe pa fëmijë deri në vitin 2030 appeared first on iconstyle.al.

Policia e Berlinit arrestoi 57 persona gjatë një proteste pro-palestineze që u zhvillua pranë marshit të Krenarisë, ku morën pjesë rreth 10.000 vetë. Protesta, e organizuar nga grupi “Internationalist Queer Pride for Liberation”, degjeneroi në përplasje fizike dhe përdorim të simboleve të ndaluara, duke çuar në plagosjen e 17 efektivëve të policisë.

Në një distrikt tjetër, 64 persona u arrestuan gjatë paradës së Krenarisë, ndërsa 20 të tjerë u ndaluan në një protestë të ekstremit të djathtë kundër saj.

Rritja e protestave pro-palestineze vjen mes tensioneve në rritje për ofensivën izraelite në Gaza, e cila sipas Ministrisë së Shëndetësisë palestineze ka lënë mbi 59.000 të vrarë. Gjermania ka nisur të shprehë kritika më të ashpra ndaj Izraelit dhe ka përmendur njohjen e shtetit palestinez si pjesë të zgjidhjes me dy shtete.

The post Përplasje në Berlin: 57 të arrestuar në protestën pro-palestineze pranë paradës së Krenarisë appeared first on iconstyle.al.

Reperi i njohur shqiptar, Getoar Selimi, ka komentuar me ton kritik gjendjen aktuale të tregut muzikor në Shqipëri, gjatë një interviste në emisionin “Goca dhe Gra”.

Getoari u ndal veçanërisht te mungesa e origjinalitetit në këngët dhe bashkëpunimet që publikohen, duke i cilësuar ato si shumë të ngjashme dhe të konsumueshme, pa identitet të veçantë.

“Këngët që dalin verës janë të gjitha njësoj, bashkëpunimet, zhanri është i njëjtë, vetëm ndërrojnë artistët. Është bërë konsum,” tha ai, duke nënvizuar se për të, muzika duhet të ketë një qëllim më të thellë.

Ai shtoi se edhe vendimi për të sjellë një album të ri ishte i mirëmenduar dhe nuk vinte si pjesë e një vale bashkëpunimesh apo trendi.

“Një artist sot duhet të dijë si të menaxhojë veten. Kam bërë album vetëm për këtë arsye, për njerëzit që më duan dhe e kërkojnë muzikën time. Bashkëpunimet që kam bërë nuk janë të zakonshme,” u shpreh Getoari.

The post Getoar Selimi “thumbon” industrinë muzikore: “Këngët sot janë të gjitha njësoj” appeared first on iconstyle.al.

Moderatorja Erjona Rusi ishte e ftuara e puntatës së fundit të këtij sezoni në emisionin që vetë ajo ka moderuar gjatë gjithë vitit. Kësaj here, në një format të veçantë, ajo u vendos përballë ish-kolegut të saj Arjon Muça dhe rrëfeu më shumë nga vetja.

Ndër momentet më prekëse të bisedës, ishte rrëfimi i saj për periudhën kur babai i saj ishte i sëmurë. Me lot në sy, Erjona ndau me publikun një përvojë që e ka lënë thellë të prekur, duke prekur edhe problematikat e sistemit shëndetësor në Shqipëri.

Erjona Rusi: Kam një kujtim shumë të keq që lidhet me sëmundjen e babit, më është ngulitur shumë thellë, momenti më i vështirë si qenie njerëzore dhe që ka të bëjë edhe me politikat e këtij shteti me faktin se sa social ka qenë shteti shqiptar.

Njerëzit e paralizuar apo me aftësi ndryshe përfitojnë kemp, një shumë qesharake, por që të përfitosh kempin duhet që pas një viti të bëhet një rikontroll, mjekët e kempit duhet të vërtetonin që i sëmuri vazhdon të jetë i sëmurë dhe unë i jam lutur, po lutur atyre mjekëve që të vinin ta shihnin babin tek shtëpia, unë sa kisha marrë një makinë të vogël dhe u thashë ju marr unë me makinë dhe hajdeni shiheni se babin s’e lëvizim dot, nuk erdhën, do ta sillni këtu thanë, unë me mamin dhe vëllanë e kemi marrë babin me batanije se nuk e ngrinim dot, e kemi futur në makinë që ta shihnin mjekët dhe të merrnim kempin pastaj ne. Po e di ç’ndjesi e ndyrë dhe e poshtër njerëzore është ta shohësh të afërmin tënd në atë gjendje? Isha shumë e vogël, të isha kjo Erjona që jam sot përpara atyre mjekëve, ata do ta harronin, unë kurrë s’do ta bëja, jo vetëm nga ana ekonomike se sot jam më mirë, por namin do të bëja.

Ishte edhe një rast kur isha në spital, isha gati t’i fusja thonjtë në fyt një mjeku se e hoqi nga reanimacioni dhe e çoi në dhomë se s’kishte marrë lekët, si mund të luash me jetët e njerëzve se s’ke marrë lekët, mbase emrat mund t’i kem harruar, por i mbaj mend, s’dua t’i takoj, kam urrejtje shumë, nuk janë të gjithë mjekët kështu. Kam pasur eksperienca të tmerrshme me babin dhe mjekët.

The post “Ishte momenti më i vështirë si qenie njerëzore”/ Erjona Rusi shpërthen në lot teksa rrëfen dhimbjen për babain appeared first on iconstyle.al.

I ftuar në emisionin “Goca dhe Gra” në Top Channel, reperi i njohur Getoar Selimi ka komentuar situatën e sotme në botën e muzikës, veçanërisht përplasjet dhe konfliktet mes artistëve të zhanrit rap.

Duke ruajtur gjithmonë një profil të kujdesshëm publik, Getoari tha se është përpjekur të mos përfshihet në përplasje që do të dëmtonin imazhin e tij:

“Jam mundu gjatë gjithë kohës të ruaj atë imazhin tim, nuk kisha me humb për asnjë ide që mund të ma cenojë këtë pjesë.”

Ai theksoi se përplasjet kanë qenë gjithmonë të pranishme në botën e repit, por me ndryshimin e kohërave, sidomos me ardhjen e rrjeteve sociale, është bërë më e lehtë të kuptosh se me kë ke të bësh.

“Sot ke lloj-lloj injorantësh në rrjete sociale që janë shumë të famshëm, mbase bëjnë edhe shumë lek me këtë punë. Më parë s’kemi pas rrjete sociale dhe s’e kemi ditur me kë kemi të bëjmë dhe me kë na takon jeta.”

Deklarata e Getoarit vjen në një periudhë kur përplasjet publike mes artistëve në rrjet po shtohen dhe shpesh shndërrohen në çështje virale.

The post Getoar Selimi flet për përplasjet mes reperëve: “Sot ka shumë injorantë të famshëm që bëjnë edhe lek nga kjo punë” appeared first on iconstyle.al.

Një burrë 42-vjeçar ka plagosur 11 persona me thikë në një qendër Walmart në Traverse City, Michigan. Autoritetet thonë se sulmi duket të ketë qenë i rastësishëm dhe i dyshuari veproi i vetëm.

Tre prej viktimave po i nënshtrohen operacioneve urgjente, ndërsa gjashtë ndodhen në gjendje kritike. Sulmi nisi pranë arkave dhe u krye me një thikë palosëse.

Të pranishmit ndihmuan në ndalimin e agresorit dhe në trajtimin e të plagosurve deri në mbërritjen e forcave të rendit. FBI dhe Policia e Shtetit po asistojnë në hetim.

Guvernatorja e Miçiganit dhe zyrtarë të tjerë kanë reaguar ashpër ndaj aktit, ndërsa autoritetet bëjnë thirrje për vigjilencë.

The post Sulm me thikë në Walmart, 11 të plagosur, 6 në gjendje kritike appeared first on iconstyle.al.

Eduart Kuçi, një nga personazhet më të komentuar të muajit të fundit në mediat online, ishte i ftuar së fundmi në rubrikën “Koment për koment” në emisionin Prive, ku u përball me komentet më pikante të ndjekësve.

Për herë të parë, Edi zgjodhi të flasë publikisht për raportin me Anisën, një temë që ka nxitur shumë aludime në rrjet. I qetë dhe i drejtpërdrejtë, ai u shpreh:

“Respekte për Anisën, është shumë çikë e mirë, e respektueshme. Nuk kam bo asnjë postim për Anisën, asi postime kam bo gjithmonë, nuk u kan kungj për të apo për raportin që kom pas me të. Na jemi shok e respektojmë njëri-tjetrin, kurgjo nuk kena.”

Deklarata e tij, që vjen pas heshtjes së gjatë mes zërave të rrjeteve sociale, hedh dritë mbi marrëdhënien mes tyre dhe i jep fund spekulimeve, të paktën për momentin.

The post Eduart Kuçi thyen heshtjen për herë të parë për Anisën! Ja ç’thotë ai appeared first on iconstyle.al.

Këngëtarja e njohur Dafina Zeqiri ka emocionuar ndjekësit e saj në rrjete sociale me një postim të veçantë për ditëlindjen e partnerit të saj, Kreshnik Gjergji. Krahas një fotografie nga momenti i lindjes së djalit të tyre, Dafina i ka bërë një dedikim plot dashuri dhe mirënjohje.

“Urime ditëlindjen njeriut që ma ndryshoi jetën përgjithmonë! Shoku jem ma i mirë, burri jem dhe babi i djalit tonë. Të dua pafund!”, ka shkruar ajo.

Momenti është nga ambientet e maternitetit, ku çifti duket i lumtur dhe i emocionuar teksa përjetojnë ardhjen në jetë të fëmijës së tyre të parë.

The post “Ti ma ndryshove jetën!”/ Dafina Zeqiri prek me dedikimin për partnerin në ditëlindje appeared first on iconstyle.al.

Camila Cabello ka bërë zyrtarisht publike lidhjen me të dashurin e saj prej 7 muajsh, biznesmenin libanez Henry Junior Chalhoub. Këngëtarja 28-vjeçare ndau me ndjekësit një foto të ëmbël nga pushimet në Ibiza, ku shihet dorë për dore me partnerin, teksa në mbishkrim shkruan: “Po bie në dashuri”.

Çifti është parë më herët duke shkëmbyer përqafime dhe puthje gjatë një zhytjeje në ujërat e Detit Balearik, një romancë që tashmë s’ka më asgjë për të fshehur.

Henry Junior është trashëgimtar i perandorisë Chalhoub, një emër i madh në industrinë e luksit me bazë në Dubai. Dyshja janë parë së bashku në evente të rëndësishme si Formula 1 në Monako, sfilatat e modës në Paris e Londër dhe festa ekskluzive në Arabinë Saudite.

The post Nga Ibiza me dashuri: Camila Cabello s’fsheh më asgjë për lidhjen e saj appeared first on iconstyle.al.

Një prej lëvizjeve më të mëdha ekonomike po ndodh para syve tanë: brezi i të rinjve të lindur pas viteve 1980 pritet të bëhet gjenerata më e pasur ndonjëherë.

Ndërsa brezi i lindur pas Luftës së Dytë Botërore që ka mbajtur për dekada shumicën e pasurisë botërore, po plaket, pasuritë e tyre pritet të kalojnë te brezat më të rinj.

Nëse kjo gjeneratë di ta menaxhojë me zgjuarsi këtë trashëgimi të jashtëzakonshme, mund të ndryshojë mënyrën si ndahet pasuria në botë dhe të ndikojë fuqishëm ekonominë e së ardhmes.

The post Brezi i lindur pas viteve ’80 drejt pasurisë më të madhe në histori appeared first on iconstyle.al.

Tiri Gjoci ka thyer heshtjen rreth marrëdhënies së tij me Donald dhe Romeo Veshajn, pas një pyetjeje anonime në rrjetet sociale.

“Po, është e vërtetë. Ka pasur një kohë kur hanim në shtëpitë e njëri-tjetrit,” u përgjigj Tiri me sinqeritet. Ai tha se koha, profesionet dhe interesat e ndryshme i bënë të ndjekin rrugë të ndara, por theksoi se kjo është diçka normale.

“Kam respekt dhe mirënjohje për familjen Veshaj,” përfundoi ai, duke mbyllur çdo mundësi për spekulime mbi ndonjë konflikt.

The post Çfarë ka ndodhur mes Tirit dhe vëllezërve Veshaj? appeared first on iconstyle.al.

Zjarri që ka përfshirë malin e Borshit vijon me intensitet të lartë, duke shkaktuar një situatë alarmante për gjithë zonën. Edhe pse forcat zjarrfikëse të Himarës kanë qenë në terren gjatë gjithë ditës, vatra e zjarrit nuk është vënë ende nën kontroll.

Terreni i thyer dhe i vështirë ka penguar ndërhyrjen efektive të ekipeve, ndërkohë që flakët po i afrohen zonës së banuar të Puqerasit dhe vetë fshatit Borsh. Sipas burimeve zyrtare, disa banesa janë në rrezik, ndërsa tymi i dendur ka përfshirë të gjithë vijën bregdetare nga Borshi në Qeparo e deri në Himarë.

Në terren ndodhen forcat zjarrfikëse, efektivë të FNSH, Policia e Shtetit si dhe përfaqësues të Bashkisë Himarë. Më herët, një vatër e rrezikshme që i afrohej një manastiri është izoluar me sukses. Megjithatë, shqetësimi mbetet i madh, pasi era që fryn në zonë mund të përhapë më tej flakët, duke i afruar drejt zonave të banuara.

Situata mbetet kritike dhe nevojitet ndërhyrje nga ajri për të shmangur përshkallëzimin e zjarrit. Banorët kërkojnë ndihmë dhe mbështetje të menjëhershme.

The post Situatë alarmante në Borsh, flakët jashtë kontrollit u afrohen shtëpive! appeared first on iconstyle.al.

Dashi

Dashuria: Ata që kanë takuar kohët e fundit një person të veçantë, tashmë do të fillojnë të ndiejnë fluturat në stomakun e tyre, me të vërtetë mund të jenë të duhurat me të cilët të ndërtojnë një të ardhme të fortë. Për beqarët, një ditë e mbushur me takime dhe kënaqësi po formësohet.

Puna: Dita mund të jetë sfiduese në punë, të përpiqeni të përmirësoni gjendjen shpirtërore dhe të jeni më pak impulsiv.

Demi

Dashuria: Ushqeni marrëdhënien në çift me disa befasi për t’i bërë partnerit. Një udhëtim, një darkë romantike do të thotë shumë! Beqarët mund të bëjnë pushtime dhe të argëtohen me disa njohje të reja pa u angazhuar vetë.

Puna: Sot situatat profesionale do të përmirësohen dhe do të ketë disa të ardhura shtesë që do t’ju lejojnë të bëni plane.

Binjakët

Dashuria: Rimëkëmbje e madhe nga pikëpamja sentimentale, falë aspektit të shkëlqyeshëm të Venusit që së shpejti do të favorizojë një rikuperim të mirë edhe në dashuri. Beqarët që kanë mundësinë të zbulojnë ndjenjat e tyre, gjithashtu favorizohen.

Puna: Në punë, kundërshtimi i Mërkurit mund ta vështirësojë marrëdhënien tuaj me partnerë dhe bashkëpunëtorë.

Gaforrja

Dashuria: Në dashuri do të dëshironit më shumë konfirmim, veçanërisht sepse disa dyshime mund t’ju shtyjnë të rishqyrtoni rëndësinë e një lidhjeje. Për momentin, beqarët duhet të shmangin marrjen e vendimeve sentimentale shumë të rrezikshme.

Puna: Lajmet e rëndësishme në vendin e punës janë duke shkuar. Diçka po ndryshon, edhe nëse është një evolucion i ngadaltë.

Luani

Dashuria: Sigurisht që shumë probleme në çift janë tejkaluar, por sipas yjeve në ditët në vazhdim do të na mbetet akoma të marrim disa gjëra prapa. Nëse jeni beqar mund të detyroheni të rivlerësoni zgjedhjet e së kaluarës, ose mund të filloni përsëri.

Puna: Sot do të ketë një shans të mirë për të marrë një konfirmim në punë, do t’ju ndihmojë të kuptoni më mirë se ku të shkoni.

Virgjëresha

Dashuria: Do të shqetësoheni për disa situata në të cilat do të udhëhiqeni të bëni një zgjedhje. Partneri do ju mbështesë në të gjitha zgjedhjet tuaja dhe gjithashtu do t’ju japë këshilla të vlefshme. Njohje të reja vijnë për beqarët, do të bëni marrëveshje me njerëz shumë të ndryshëm nga ju.

Puna: Disa prej jush do të ndjehen të inkurajuar të ndërmarrin studime të reja ose mënyra të reja të punës. Lajmet vijnë mjaft pozitive.

Peshorja

Dashuria: Do të jetë një ditë mjaft e bezdisshme, do të jetë e lehtë të bëni gabime shpërqendrimi ose ta lini veten të ndikohet nga reagime tepër impulsive. Ata që janë afër jush mund ta kundërshtojnë atë. Shumë beqarë po revolucionarizojnë aspekte të ndryshme të jetës së tyre, duke filluar nga miqësitë.

Puna: Në punë, kjo është koha kur ju mund t’i jepni më shumë hapësirë ​​interesave dhe përparësive tuaja.

Akrepi

Dashuria: Marrëdhënie të mira në çift dhe takime të reja, por kujdes nga Hëna e kundërt, kjo mund t’ ju krijojë një vonesë të vogël ose më keq. Beqarët mund të përfitojnë nga mundësitë e mira të krijuara nga yjet për të jetuar në mënyrë aktive jetën e tyre të dashurisë.

Puna: Do të keni vendosmëri dhe aftësi të jashtëzakonshme dhe do të jeni në gjendje të theksoni veten. Mos e humbni kohën.

Shigjetari

Dashuria: Përballë Venusit mund të shkoni në disa keqkuptime në dashuri ose familje. Ka çështje të pazgjidhura që nuk mund të shtyhen më. Nëse jeni beqarë, përpiquni të merrni pak kohë për t’u çlodhur.

Puna: Në punë do të jeni në gjendje të mbani një ekuilibër të caktuar dhe t’i përkushtoheni angazhimeve përkundër vështirësive.

Bricjapi

Dashuria: Venusi në tranzit në shenjë sjell avantazhe në dashuri. Ka vendime të rëndësishme për të marrë, madje edhe në familje kjo është koha e duhur për të paraqitur idetë tuaja. Beqarët do u duhet t’i kushtojnë vëmendje takimeve të reja dhe të vlerësojnë mirë.

Puna: Në përgjithësi është një periudhë veçanërisht pozitive edhe në punë, projektet që lindin tani favorizohen mbi të gjitha.

Ujori

Dashuria: Dashuria sot do t’ju japë kënaqësi të madhe. Edhe çiftet që janë bashkë për një kohë të gjatë mund të gjejnë më shumë mirëkuptim. Venusi i bën takimet speciale dhe beqarët mund të takojnë shpirtin binjak. Dëgjo zemrën!

Puna: Shmangni ndjekjen e polemikave ose provokimeve që rrezikojnë të krijojnë vështirësi veçanërisht në menaxhimin e punës.

Peshqit

Dashuria: Një ditë e bukur për ndjenjat, sot mund të mbështeteni në një gjendje pozitive astrologjike. Takimet janë të preferuara, kështu që lërini të shkojnë. Sensual dhe tërheqës, beqarët do godasin dhe do të jenë në qendër të vëmendjes dhe do të bëjnë kaq shumë pushtime.

Puna: Një lajm i mirë që vjen në punë, pavarësisht konkurrencës ju do të jeni në gjendje të arrini atë që dëshironi në fund.

The post Horoskopi ditor, e Diel 27 Korrik 2025 appeared first on iconstyle.al.

Christina Aguilera ka ndezur rrjetet sociale pas publikimit të disa fotografive ku shfaqet më seksi se kurrë. Këngëtarja 44-vjeçare pozon me të brendshme të zeza e transparente në një dhomë hoteli, duke lënë shumë pak vend për imagjinatë.

Në një nga fotot më të komentuara, Aguilera kthehet me shpinë nga kamera, duke theksuar format e saj të admiruara. “Në raftin e sipërm,” shkruan ajo me ironi në mbishkrimin e postimit që menjëherë u bë viral.

Këto imazhe vijnë pak pas prezencës së saj glamuroze në Londër, ku mori pjesë në premierën e Burlesque: The Musical dhe shkëlqeu me një fustan të zi elegant dhe bizhuteri prej argjendi.

Ndërkohë, transformimi i saj fizik ka ndezur diskutime në rrjet, shumë ndjekës spekulojnë për ndërhyrje estetike apo përdorim të medikamenteve për humbje peshe. Një gjë është e sigurt: Christina Aguilera di si të kthejë gjithë vëmendjen tek vetja.

The post Christina Aguilera “thyen” Instagramin me poza provokuese, fansat të çmendur pas transformimit të saj appeared first on iconstyle.al.

Greqia po përballet me dhjetëra vatra aktive zjarri, të nxitura nga temperaturat mbi 45°C dhe erërat e forta. Në Kryoneri, 30 km nga Athina, banorët dhe zjarrfikësit u përpoqën të shpëtonin shtëpitë nga flakët, ndërsa autoritetet urdhëruan evakuimin e këtij fshati dhe të Drosopigit.

Zjarre të fuqishme janë regjistruar edhe në Peloponez, Kretë, Evia dhe Kythira, ku roja bregdetare shpëtoi dhjetëra persona të bllokuar në plazh.

Greqia ka kërkuar ndihmë nga BE përmes mekanizmit RescEU, duke përfshirë avionë zjarrfikës dhe ekipe të huaja.

Pesë persona janë shtruar në spital, ndërsa dy zjarrfikës u lënduan lehtë në Evia. Ekspertët paralajmërojnë se për shkak të ndryshimeve klimatike, Mesdheu po kthehet në një “pikë të nxehtë” për zjarret çdo verë.

The post Greqia në flakë: shtëpi të shkrumbuara, evakuime masive dhe thirrje për ndihmë ndërkombëtare appeared first on iconstyle.al.