Nuk janë kampione të kontinentit, por diçka më shumë. Kombëtarja e femrave të Spanjës në futboll është kampione e botës në fuqi, dhe me këtë status është padyshim favorite për të fituar Kampionatin Europian për vajza.

Pretendimet e iberikeve u konfirmuan që në ndeshjen e parë në grup, atë ndaj Portugalisë që e fituan 5-0. Një diferencë e frikshme, dhe “Furitë e Kuqe” sikur morën hakun e kombëtares së djemve që u mund nga “luzitanët” e Ronaldos në finalen e Ligës së Kombeve pak javë më parë.

Ester Gonzales u shpall lojtarja më e mirë e ndeshjes në stadiumin “Vankdorf” të Bernës, ku jo më kot biletë kishin blerë më shumë se 29 500 tifozë.

Golat e tjerë u shënuan nga Viki Lopez, Aleksia Putejas dhe Kristina Martin-Prieto. Vajzat e trajneres Montserrat Tome mbajtën topin 72 për qind si dhe patën 22 gjuajtje ndaj 7 të rivaleve, me kornet që ishin në kontrastin e thellë me shifrat 10-1.

Në pritje të Anglisë e Gjermanisë, Spanja ishte me të vërtetë e frikshme. Shumë më pak entuziazmuese Italia, por që gjithsesi e bëri detyrën. Vajzat e kaltra fituan 1-0 ndaj Belgjikës, në një sukses të merituar edhe pse të vështirë.

Goli I vetëm I ndeshjes u shënua nga Ariana Karuzo në fund të pjesës së parë. Italia nuk ka emrin e Spanjës, të Gjermanisë apo të Shteteve të Bashkuara, duke qenë se prej gati 30 vitesh nuk njeh suksese në arenën ndërkombëtare.

Gjithsesi, objektivi është çerekfinalja, dhe më pas çdo gjë do të ishte bonus./abcnews.al

Kombëtarja zvicerane e futbollit për femra pësoi një humbje të rëndë 7-1 në një ndeshje miqësore kundër ekipit të moshave të deri 14-vjeç të Luzernit të djemve, në një ndeshje që ishte e mbyllur për publikun. Edhe pse ndeshje të tilla janë pjesë e përgatitjeve të rregullta për gara të mëdha si Kampionati Europian i […]

The post Zvicra e femrave humbet 7-1 ndaj djemve 14-vjeçarë, federata u përpoq të fshihte rezultatin appeared first on BoldNews.al.

Një studim i fundit nga Australian National University ka zbuluar se meshkujt priren të bien në dashuri dukshëm më herët se femrat.

Në një anketë me 808 të rinj nga 33 vende të ndryshme, u vu re se burrat zakonisht shprehin fjalët “Të dua” që brenda muajit të parë të lidhjes, ndërsa femrat presin pothuajse dyfishin e kohës për të ndarë të njëjtën ndjenjë.

Megjithatë, studimi tregon se femrat kanë tendencën të përjetojnë ndjenja më të thella dhe të mendojnë më shpesh për partnerin, pasi bien realisht në dashuri.

Sipas ekspertëve, këto rezultate lidhen jo vetëm me biologjinë, por edhe me pritshmëritë shoqërore që ndikojnë në mënyrën si secili gjini përjeton dhe shpreh ndjenjat.

The post Studimi: Meshkujt bien në dashuri më shpejt se femrat appeared first on iconstyle.al.

Për çdo 100 femra, sot në vendin tonë ka 97.8 meshkuj. Të dhënat e fundit për popullsinë, të nxjerra nga INSTAT, flasin për një raport pothuajse të balancuar, megjithatë në raport me vitet e kaluara, po vihet re një thyerje e balancës në favor të femrave.

Dy vite më parë, në vitin 2023, të dhënat nga censusi i popullsisë treguan se në Shqipëri kishte afërsisht 1.36 milionë burra dhe 1.39 milionë gra. Kjo përkthehet në një raport prej 102 grash për çdo 100 burra, që do të thotë se kishte rreth 2% më shumë gra sesa burra.

Nëse e krahasojmë me Bashkimin Europian, më 1 janar 2023, në BE kishte 229 milionë gra dhe 219 milionë burra. Kjo korrespondon me një raport prej 104.6 gra për 100 burra.

Gjatë dy dekadave të fundit, Shqipëria renditet ndër vendet europiane me rritjen më të lartë të raportit gjinor në favor të grave.

Ajo çka vihet re ndër vite është se, edhe pse në norma të qëndrueshme, raporti i meshkujve dhe femrave në vendin tonë po shfaq ulje nga viti në vit. Kjo mund të jetë si pasojë e disa faktorëve, si ulja e lindshmërisë dhe emigrimi i gjinisë mashkullore.

The post 97.8 meshkuj për 100 femra, gratë po dominojnë raportin gjinor në Shqipëri appeared first on Euronews Albania.

Tre vende nordike kryesojnë listën për gratë ku mund të punojnë dhe jetojnë, ndërsa dy vende të Evropës Jugore janë në fund, sipas një studimi të kohëve të fundit.

Një studim i ri zbuloi se Danimarka, Finlanda dhe Suedia janë tre vendet e para midis 16 vendeve evropiane të renditura për nga favorizimi i tyre ndaj grave në vendin e punës dhe kushtet e jetesës në vitin 2025.

Hulumtimi nga një kompani lojërash fati online, CasinooftheKings, mblodhi të dhëna nga Eurostat, OECD, Organizata Ndërkombëtare e Punës dhe Instituti Evropian për Barazi Gjinore për të analizuar treguesit ekonomikë dhe socialë të lidhur me gjininë në 16 vende.

10 treguesit kryesorë përfshijnë hendekun gjinor të pagave, pronësinë e llogarisë bankare dhe pjesën e grave që janë sipërmarrëse. Danimarka kryeson listën, me një rezultat jetësor prej 83, duke reflektuar boshllëqe më të vogla në punësim dhe barazi të lartë gjinore.

Vendi ofron lejen më të gjatë të lehonisë në renditje, me 18 muaj, dhe ka një indeks të lartë të barazisë gjinore prej 0.78. Danimarka ka gjithashtu hendekun më të vogël gjinor në pozicionet menaxheriale, me 27.9%.

Në vendin e dytë është Finlanda, me një rezultat jetësor prej 80. Vendi ka më shumë sipërmarrëse femra sesa Danimarka, me 1.9%, dhe hendekun më të vogël të punësimit në renditje, me 1.5%. Megjithatë, ajo mbetet prapa në disponueshmërinë e lejes së lindjes dhe hendekun gjinor të pagave.

Suedia renditet e treta në listën e vendeve më të mira për gratë për të punuar dhe jetuar në vitin 2025, duke marrë 79 pikë. Vendi ka hendekun më të gjerë gjinor në pozicionet menaxheriale në 10 vendet e para, me 42.3%, por dallohet me një hendek të vogël pagash prej 7.3% dhe një vit të plotë leje lindjeje.

Nga ana tjetër, Italia dhe Greqia janë në fund të listës, me rezultate jetese prej 52 dhe 56. Italia ka hendekun më të lartë të punësimit midis të gjitha vendeve të analizuara, e ndjekur nga Greqia.

Ndërkohë, Mbretëria e Bashkuar ka përqindjen më të vogël të grave sipërmarrëse, dhe Franca ka hendekun më të gjerë mesatar të pagave gjinore, me 22.2%.

The post Cilat janë vendet më të mira evropiane për gratë për të punuar dhe jetuar në vitin 2025? appeared first on iconstyle.al.

Përpjekjet e ekipit të femrave të Barcelonës për të triumfuar për herë të tretë radhazi në Ligën e Kampionëve, janë ndalur nga Arsenali.

Ekipi i udhëhequr nga Pere Romeu hyri në finale që u zhvillua në Portugali si favorit i fortë për të fituar finalen pas një tjetër sezoni ku dëshmuan dominimin e tyre.

Gjiganti katalanas e mbrojti titullin në Liga F si dhe në Superkupën e Spanjës, teksa do të luajnë finale e Kupës së Mbretit ndaj Real Madridit.

Sidoqoftë, nuk do të ketë një ripërsëritje të vitit 2024 ku fituan katër trofe, pasi vashat e Arsenalit befasuan të gjithë në kryeqytetin portugez duke fituar me rezultat 1-0.

CHAMPIONS OF EUROPE. THE ONLY IN THE LAND pic.twitter.com/6HELAUEn23

— Arsenal Women (@ArsenalWFC) May 24, 2025

Disfata që pësuan ndaj Arsenalit do të thotë se Barcelona Femeni mbetet me tre tituj të Ligës së Kampionëve të fituar në 2021, 2023 dhe 2024.

Kjo i mban katalanasit si ekipin e tretë më të suksesshëm në histori të kësaj gare mbrapa Eintracht Frankfurtit me katër dhe Lyonit me tetë sosh.

Barcelona do të ketë edhe dy ndeshje më shumë për t’i luajtur këtë sezon, pasi do të përballen me Real Madridin më datë 7 qershor në Kupën e Mbretit në Huesca./Telegrafi/

THE CROWNING MOMENT IN N5 pic.twitter.com/MCWvYVmulg

— Arsenal Women (@ArsenalWFC) May 24, 2025

The post Arsenali mposht Barcelonën në finale të Ligës së Kampionëve për femra appeared first on Telegrafi.

Tirana u shpall kampione e Shqipërisë në volejboll për femra për sezonin sportiv 2024-2025. Bardheblutë mposhtën në finalet play off ish-kampionet e Skënderbeut, që dorëzuan titullin pikërisht në fushën e tyre. Finale të dominuara nga Tirana, që i fituan të trija takimet me meritë, duke u konfirmuar si skuadra më e mirë e këtij sezoni. […]

The post Volejboll femra/ Tirana shpallet kampione e Shqipërisë, zbret nga froni Skënderbeun appeared first on BoldNews.al.

Nëse flini më shumë se partneri juaj në baza ditore, shkenca po vjen të konfirmojë se ju keni nevojë për më shumë gjumë se ai. Në të vërtetë, studiuesit në Qendrën e Kërkimit të Gjumit në Universitetin Loughborough të Britanisë arritën në përfundimin se gratë përdorin më shumë mendjen e tyre dhe, për rrjedhojë, kanë nevojë për më shumë gjumë.

Konkretisht, siç tha drejtori i qendrës kërkimore, Jim Horne: “Truri i grave është i programuar ndryshe, kështu që ato kanë nevoja më të mëdha për gjumë”. Ata priren të kryejnë shumë detyra dhe të jenë fleksibël, kështu që përdorin një pjesë më të madhe të trurit të tyre sesa meshkujt.”

Efekti i gjumit në funksionin e trurit ende nuk është kuptuar plotësisht, megjithatë mungesa e tij ndikon në funksionet më të larta mendore si vendimmarrja dhe kontrolli i emocioneve dhe sjelljes. Gjumi i pamjaftueshëm gjithashtu duket se prek më shumë gratë: në një studim nga Horne me 210 gra dhe burra të moshës së mesme, ai ishte i lidhur më ngushtë me ata me nivele të larta stresi , agresioni , nervozizmi dhe depresioni.

Por sa më shumë gjumë u duhet femrave? Rreth 20 minuta më shumë në ditë, përgjigjen studiuesit. Mund të duket pak, por në baza javore përkthehet në dy orë e njëzet minuta.

The post Përse gratë kanë nevojë për më shumë gjumë se burrat? appeared first on iconstyle.al.

Flamurtari në basketboll për femra i afrohet edhe më shumë titullit kampion për sezonin sportiv 2024-2025. Skuadra vlonajte fitoi 78-69 ndaj Tiranës të shtunën në “Asllan Rusi” dhe udhëheq 2-0 serinë e finaleve. Mikeshat nga Vlora u shkëputën 24-15 që në periodën e parë dhe më pas administruan avantazhin deri në fund dhe janë një […]

The post Basketboll femra/ Flamurtari mund Tiranën në “Asllan Rusi”, një fitore larg titullit appeared first on BoldNews.al.

Flamurtari në basketboll për femra e ka nisur në mënyrën më të mirë serinë e finaleve për titullin kampion, duke triumfuar përballë Tiranës në shtëpi. Vlonjatet e mbyllën duelin në shifrat 68-53, duke hedhur një hap përpara në luftën për titull. Skuadra vendëse luajti mirë që në nisje të sfidës, duke realizuar 22 pikë në […]

The post Basketbolli për femra, Flamurtari mposht Tiranën në finalen e parë appeared first on BoldNews.al.

Flamurtari në basketboll për femra e ka nisur në mënyrën më të mirë setin e finaleve për titullin kampion, duke triumfuar përballë Tiranës në shtëpi. Vlonjatet e mbyllën duelin në shifrat 68-53, duke hedhur një hap përpara në luftën për titull.

Skuadra vendëse luajti mirë që në nisje të sfidës, duke realizuar 22 pikë në periodën e parë kundrejt 16 të kundërshtarit, ndërsa e ruajti ritmin deri në fund, ku dhe u kurorëzua fituese, por asgjë nuk ka mbaruar.

“Kjo fitore na jep shumë moral, entuziazëm dhe në ndeshjen e dytë që kemi ditën e shtunë do jemi me këtë optimizëm, me këtë dëshirë dhe themi se edhe ndeshjen në Tiranë do e fitojmë”, tha trajneri i Flamurtarit, Agim Dalipi.

Ndërkohë, trajnerja e Tiranës, Mirza Alibegaj, ka theksuar se ka ende ndeshje në vijim për të përcaktuar skuadrën kampione.

“Fitoi ekipi që luajti më mirë, ishte më mirë në fushë. Ne na mungojnë dy nga lojtarët tona kryesore, janë të dëmtuara. U munduam të jepnim maksimumin tonë, nuk arritëm të fitonim. Do mundohemi në ndeshjen e dytë të japim maksimumin tonë”, u shpreh ajo.

Takimi i dytë final mes Flamurtarit dhe Tiranës do të luhet ditën e shtunë në kryeqytet.

The post Titulli në basketboll për femra, Flamurtari mposht Tiranën në finalen e parë appeared first on Euronews Albania.

SHQIPËRI- Kanceri testikular hyn tek tumoret që ne i shohim rrallë në popullatë, megjithatë tepër i shpeshtë te grupmosha 15-35 vjeç e meshkujve. Nga viti në vit shifrat kanë ardhur në rritje dhe sipas specialistëve përveç riskut që vjen nga faktori gjenetik i trashëgimisë familjare, faktorët e tjerë të drejtpërdrejtë është konsumi i kanabisit dhe stili i jetesës.

“Mesatarisht në një vit kemi rreth 50 raste të reja. Faktorët lidhen kryesisht me historinë familjare, nëse babai apo vëllai janë të diagnostikuar me këtë tumor edhe mundësia është më e lartë, histori personale nëse ka pas një tumor të tillë, mundësia për tu prekur testikuli tjetër është më e lartë,, faktor gjenetik, faktorët e infertilitetit në përgjithësi lidhen me të. Faktorë të jashtëm si ekspozimi ndaj estrogjeneve, pesticideve, konsumi i kanabisit, apo një stil jo i mirë jetese, mungesa e aktivitetit fizik, etj”

Sipas mjekëve kanceri testikular hyn tek tumoret më të trajtueshme me 98% të rastit, por, shqetësuese për bluzat e bardha mbetet stigma në shoqëri për kontrollet periodike në diagnostikim të hershëm.

“Atë që shohim ne është stigma, djemtë jo shumë të prirur për të ardhur në stad të hershëm. Apeli për vetëkontroll mujor, për të parë simptomat e shenjat si enjtja e testikulit”

Problematika më e madhe që vjen nga kancerit testikular mund të jetë mundësia për t’u bërë baba, dhe për këtë mjekët e kanë një zgjidhje,

“Trajtimi që përdoret kanë një ndikim në infertilitetin. Pas trajtimit testkiluar”

Përveç simptomave klasike që mund të jetë një dhimbje ose enjteje e testikulit, mjekët këshillojnë që mos të neglizhohet një dhimbje mesi, apo një dhimbje në fund të barkut, pasi mund të çojnë në diagnostikim të kancerit të testikulit/abcnews.al

Është elementi që përcakton kryesisht pamjen tonë të përgjithshme, kështu që nuk është për t’u habitur që është gjëja e parë që burrat vënë re te një grua.

Arsyeja për këtë është një sondazh i Pantene që arriti në përfundimin se tipari i parë i jashtëm që tërheq shumicën e meshkujve (74%) tek një grua janë flokët e saj. Këto duket se janë gjëja e parë që meshkujt i kushtojnë vëmendje (44%), pasuar nga rrobat (26%), këmbët (25%) dhe grimi (4%).

Burrat kanë më shumë gjasa t’i afrohen një gruaje me flokë të bukur në një lokal sesa një gruaje me një dekolte të ulët.

Prezantuesi Steve Ward (i reality show-t Tough Love) thotë: “Të gjithë mund të veshin një bluzë të shkurtër, madje edhe unë!” Por flokët e shëndetshëm dhe të rregulluar i dërgojnë menjëherë mesazhin një mashkulli se je e përgjegjshme, elegante, e menduar dhe vlerëson pamjen tënde, tipare që tërheqin një mashkull.”

Nëse jeni tipi me një pamje flokësh të çrregullt, mos u shqetësoni, padyshim që ekziston një mashkull për ju, i cili do t’ju vlerësojë pikërisht ashtu siç jeni.

The post Kjo është gjëja e parë që meshkujt vënë re tek një femër appeared first on iconstyle.al.

Ekipi i Tiranës në volejboll për femra ka befasuar të gjithë në qytetin e Korcës, duke mundur 3-2 Skënderbeun vendas në finale dhe fituar Kupën e Shqipërisë për këtë sezon (16-25, 25-15, 17-25, 25-18, 15-11). Një fitore me përmbysje e skuadrës bardheblu, që arrin të fitojë një trofe të rëndësishëm ndaj korcareve, që ishin favorite, […]

The post Volejboll/ Tirana fiton Kupën e Shqipërisë për femra appeared first on BoldNews.al.

Ishte lajmi kryesor në mbarë botën kur ish-presidenti i Federatës Mbretërore të Futbollit Spanjoll (RFEF), Luis Rubiales u dënua për sulm seksual në shkurt. Megjithatë, prokuroria e çështjes po kërkon rigjykim ndaj Rubiales, duke ndjerë se dënimi dhe vendimi nuk i përshtaten krimit.

Rubiales u suspendua nga FIFA dhe qeveria spanjolle për tre vjet pasi puthi sulmuesen spanjolle, Jenni Hermoso pa pëlqim. Pas një procesi të gjatë gjyqi, në të cilin Hermoso e përshkroi atë si ‘njollosje’ të disa prej ditëve më të mira të jetës së saj, Rubiales u shpall fajtor për sulm seksual.

Prokuroria kishte kërkuar dënimin me 2.5 vjet burg për Rubiales, një prej të cilëve për sulm seksual dhe 1.5 për detyrim, për të cilin u gjykuan edhe ish-drejtori i marketingut Ruben Rivera, ish-drejtori sportiv Albert Luque dhe ish-menaxheri Jorge Vilda.

Ndërsa vendimi i fajësisë u duartrokit dhe u përshkrua si një moment historik në futbollin spanjoll dhe shoqërinë spanjolle, shumë njerëz gjithashtu menduan se dënimi ishte jashtë pritshmërive. Rubiales, Rivera, Vilda dhe Luque u liruan nga akuzat për detyrim, ndërsa të parët iu gjobitën vetëm 10 mijë euro për sulmin seksual.

Tashmë prokuroria ka apeluar vendimin ndaj Rubiales, duke kërkuar anulimin e dënimit dhe në thelb rigjykim. Në një dokument prej 26 faqesh, ata kanë paraqitur prova që mendojnë se provojnë se gjyqtari Jose Manuel Fernandez Prieto nuk ishte i paanshëm në punën e tij.

Lexo po ashtu Luis Rubiales shpallet fajtor për sulm seksual për puthjen e Jenni Hermoso, i jepet dënim qesharak

Relevo shpjegon se apelimi i tyre përqendrohet rreth sjelljes së Fernandez Prietos në gjyq, faktit që ai i ndaloi ata të bënin pyetje dhe më e rëndësishmja, se jo të gjitha provat kundër Rubiales ishin referuar në vendimin e tij për ta hequr atë nga detyrimi. Ata besojnë se është ‘e pamundur’ që akuzat për shtrëngim të jenë hequr me shkronjat e ligjit.

Vetë Rubiales ka deklaruar se ai ‘do të vazhdojë të luftojë’, duke ruajtur pafajësinë e tij dhe thuhet se kërkon të paraqesë apelin e tij. Duket se çështja ka të ngjarë të zvarritet për ca kohë akoma, ndërsa procesi i apelit po fillon. /Telegrafi/

The post Prokuroria kërkon rigjykim për Luis Rubiales appeared first on Telegrafi.

Petrit Qoli, nën akuzë për veprën penale të vrasjes me paramendim dhe i përfshirë në dosjen “Plumbi i artë”, ka hedhur akuza të forta ndaj bashkëpunëtorit Nuredin Dumani. Ky i fundit nuk u paraqit në seancë, për arsye shëndetësore. Nga njëra anë ai ka treguar se po detyrohet të bëhet vrasës si Nuredin Dumani. Petrit […]

The post Dosja në SPAK/ I akuzuari për vrasje denoncon: Nuredin Dumani shijon femra në burg appeared first on BoldNews.al.

Jo shumë kohë më parë, një video e Paige Connell duke shpjeguar pse ajo ka ndaluar së marrë këshilla profesionale nga burrat u bë virale në TikTok. Dhe jo pa arsye, pasi atje, Paige thekson diçka që shpesh anashkalohet: Kur burrat flasin për rrugën e tyre në karrierë dhe suksesin, ata rrallë përmendin kontributin e heshtur, por vendimtar të grave në jetën e tyre. Qofshin ato gra, partnere apo nëna, janë ato që marrin përsipër peshën e punës shtëpiake dhe emocionale, duke i lejuar burrat të përqendrohen në karrierën e tyre pa shpërqendrime.

Me pak fjalë, “të punosh fort” dhe “të kapërcesh pengesat” është shumë më e arritshme kur dikush tjetër kujdeset për fëmijët dhe shtëpinë.

Kjo është arsyeja pse është kaq e rëndësishme të kesh këshilla nga gratë për gratë. Avancimi profesional, pavarësia financiare, marrëdhëniet – të gjitha kërkojnë një perspektivë që kupton përvojat reale të grave, sepse këshillat e përgjithësuara nga burrat nuk i përgjigjen gjithmonë rrethanave tona.

@sheisapaigeturner I do not often take advice from men, even the most successful of men, because the common thread is usually that they were able to become successful, because there was a woman standing beside them, or behind them, supporting them. Without acknowledging this, the advice means very little because women often don’t have men standing besides them, or behind them to support them. #caseyneistat #diaryofaceo #millennialmom #workingmom #wfhmom #corporatemom #successfulwomen ♬ original sound – Paige

Më poshtë, kemi përmbledhur disa podkaste, të krijuara nga gratë, të mbushura me frymëzim dhe këshilla thelbësore për karrierën, siç i kemi parë në Girlboss:

Girlboss Radio me Avery Francis: Biseda të hapura dhe të sinqerta me gratë që e kanë ripërcaktuar suksesin sipas kushteve të tyre. Nëse doni histori autentike dhe këshilla praktike për karrierën pa teori të panevojshme, ky është podkasti juaj.

Feministja financiare me Tori Dunlap: Motoja e saj është “Luftoni sistemin patriarkal. “Bëhu i pasur.” Tori Dunlap na udhëzon se si t’i rrisim të ardhurat tona, të menaxhojmë financat tona me besim dhe të krijojmë pasuri në një botë që ende kujdeset për burra të fuqishëm financiarisht.

Me Kara Swisher: Gazetarja zhvillon intervista dinamike me figura të fuqishme nga biznesi, teknologjia, media dhe politika, duke ofruar një vështrim të mprehtë mbi zhvillimet që formësojnë botën tonë.

Payton Sartain: Ndikuesi dhe sipërmarrësi Payton Sartain ndan shumë këshilla – nga mënyra se si të kapërceni një ndarje deri në mënyrën se si të trajtoni ndryshimet e jetës me besim.

Hot Smart Rich me Maggie Sellers: Maggie Sellers, investitor dhe ekspert i medias, zbulon sekretet rreth skenës së startup-eve dhe jep këshilla se si të përmirësojmë jetën tonë në të gjitha nivelet – profesionalisht, financiarisht dhe personalisht.

Podcast-i Dream Bigger me Siffat Haider: Siffat Haider, themeluesi i markës së mirëqenies Arrae, bisedon çdo javë me njerëz frymëzues – nga ekspertë të mirëqenies deri te sipërmarrësit kryesorë – me synimin e evolucionit dhe një jetë në ëndërr.

Lemme Say This with Peyton Dix dhe Hunter Harris: Nëse doni të ndiheni sikur jeni pjesë e një bisede grupi të këndshme kaotike, ky është një podcast për ju. Prezantuesit komentojnë me humor kaustik kulturën pop, tendencat virale dhe shumë kënaqësi fajtore.

The post Pse është koha për të ndaluar marrjen e këshillave për karrierë nga burrat appeared first on iconstyle.al.

Në fund të fundit, a janë burrat më romantikë se gratë? Një studim i ri vjen për të mbështetur pikërisht këtë. Domethënë, meshkujt janë dukshëm më romantikë se femrat dhe jo vetëm kaq.

Në fakt, sipas hulumtimeve meshkujt priren të dashurohen më shpejt dhe më shpesh, ndërsa thonë “të dua” rreth 42 ditë më herët se femrat. Ndër të tjera, hulumtimi tregon se meshkujt përfitojnë nga marrëdhëniet romantike më shumë se femrat, të paktën për sa i përket shëndetit mendor dhe jetëgjatësisë.

Dhe zbulimet kërkimore nuk mbarojnë këtu. Kur bëhet fjalë për ndarjet, hulumtimet sugjerojnë se ato kanë më pak gjasa të inicohen nga një burrë, me rreth 65% të ndarjeve të nxitura nga gratë. Për më tepër, meshkujt priren të mbështeten tek partnerët e tyre romantikë për mbështetje emocionale dhe intimitet më shumë sesa femrat.

Rezultatet u botuan në një punim të titulluar “Marrëdhëniet romantike kanë rëndësi më shumë për burrat sesa për gratë”, nga Iris V Wahring, Jeffry A. Simpson dhe Paul AM Van Lange, të cilët studiuan dallimet gjinore në marrëdhëniet heteroseksuale dhe u përpoqën të analizonin besimet stereotipike rreth marrëdhënieve romantike, të tilla si që gratë janë emocionalisht të rezervuara ose që burrat janë emocionalisht të varur nga partneri i tyre.

 

View this post on Instagram

 

A post shared by The Times and The Sunday Times (@thetimes)

The post Sipas një studimi, meshkujt janë më romantikë se femrat appeared first on iconstyle.al.

Ditën e sotme, Jozi, ish-banori i “Big Brother Vip Albania 4” ishte i ftuar sot në “Wake Up”. Ai foli për eksperiencën dhe për marrëdhënien me Lorin, por po ashtu tha se ka marrë shumë mesazhe edhe nga vajzat jashtë.

Pyetje– A i shkruajnë vajzat Jozit dhe si reagon ai?

Jozi– Kam pafund mesazhe. Ka mjaft goca të mira që shkruajnë pafund mesazhe të bukura. Patjetër që iu kthej mesazh. Por nuk është se s’jam mësuar kam shumë vite që e kam këtë.

The post Jozi ka shumë ‘kërkesa’ pas daljes nga BBVA: Më shkruajnë shumë goca të bukura appeared first on Albeu.com.

Përzgjedhësi i Kosovës në konkurrencën e vajzave, Sami Sermaxhaj, ka publikuar listën e futbollisteve të ftuara për dy ndeshjet e para të edicionit të ri të Ligës së Kombeve. 

Kosova do t’i luajë dy ndeshjet e para ndaj Maqedonisë së Veriut, ku takimi i parë do të luhet në Shkup të premten me 21 shkurt, kurse ajo e kthimi më datë 24 shkurt në ‘Fadil Vokrri’. 

‘Dardanët’ ishin kombëtarja e vetme që e mbylli Grupin 4 të Ligës B pa fitore dhe për këtë arsye ra nga ai grup. 

Vlen të theksohet se ato nuk kanë shënuar asnjë gol në kualifikimet për Euro 2025, teksa kanë pësuar 17 të tillë në gjashtë ndeshje sa i kanë luajtur gjithsej. 

Në grupin ku bënte pjesë Kosova vendi i parë i takoi Uellsit që grumbulloi 14 pikë, ndërsa në pozitën e dytë dhe të tretë u renditën Ukraina me 11 pikë dhe Kroacia me nëntë sosh./Telegrafi/

Lista e futbollisteve të ftuara për këto dy ndeshje: 

The post Përzgjedhësi Sermaxhaj publikon listën e Kosovës për dy ndeshjet e Ligës së Kombeve appeared first on Telegrafi.