Zvicra është e gatshme të ofrojë mikpritjen për një takim të mundshëm paqeje mes presidentëve të Rusisë dhe Ukrainës, duke garantuar imunitet për presidentin rus Vladimir Putin nëse ai vjen në territorin zviceran. Këtë e deklaroi të martën ministri i Jashtëm zviceran, Ignacio Cassis.

Deklarata vjen pasi Donald Trump propozoi një takim trilateral mes tij, presidentit ukrainas Volodymyr Zelensky dhe atij rus Vladimir Putin. Ende nuk është vendosur koha apo vendndodhja e takimit, por presidenti francez Emmanuel Macron propozoi që ai të mbahet në Gjenevëm ide që u mbështet edhe nga ministri i Jashtëm italian.

Putin është subjekt i një urdhër-arresti ndërkombëtar nga Gjykata Penale Ndërkombëtare që prej vitit 2023 për krime lufte në Ukrainë. Megjithatë, sipas Politico, ministri Cassis sqaroi se Putin nuk do të arrestohet nëse merr pjesë në një konferencë paqeje në Zvicër, për shkak të rolit neutral të vendit dhe statusit të Gjenevës si seli evropiane e OKB-së.

“Zvicra ka sqaruar pozicionin ligjor dhe është e gatshme për një takim të tillë,” tha Cassis, duke theksuar se gjithçka varet nga vullneti i fuqive të mëdha.

The post Zvicra e gatshme të presë bisedime paqeje për Ukrainën, garanton se nuk do arrestojë Putinin appeared first on Albeu.com.

Shefja e politikës së jashtme të Bashkimit Evropian, Kaia Kalas, deklaroi të martën se BE-ja do të vazhdojë të godasë ekonominë e luftës së Rusisë dhe se paketa e radhës e sanksioneve kundër Moskës pritet të jetë gati muajin e ardhshëm.

Gjatë një video-konference me Këshillin Evropian, Kalas theksoi se “uniteti mes liderëve të BE-së ishte i dukshëm” dhe se ajo ka vendosur sigurinë e Ukrainës dhe sanksionet ndaj Rusisë në krye të axhendës për takimin e ardhshëm të ministrave të jashtëm dhe të mbrojtjes së BE-së, javën që vjen.

“Nuk mund t’i besojmë presidentit rus për asnjë premtim apo angazhim,” shkroi Kalas në një postim në rrjetet sociale. “Prandaj, garancitë e sigurisë duhet të jenë të forta dhe të besueshme, për të parandaluar që Rusia të rimblidhet dhe të sulmojë sërish.”

The post Kaja Kallas: BE ka gati paketën e re të sanksioneve ndaj Rusisë! Nuk mund t’i besojmë Putinit appeared first on Albeu.com.

Dy vatra zjarri janë konstatuar pasditen e sotme pranë fshatit Borizanë, Krujë mbi zonën e fabrikës së çimentos dhe afër guroreve.

Burime lokale bëjnë me dije se dyshohet se zjarret janë vënë qëllimisht, me qëllim hapjen e terrenit për zgjerim ose hapje të re guroresh.

Për shuarjen e flakëve janë angazhuar zjarrfikësit e Gjirokastrës, por përhapja e zjarrit po bëhet edhe më e vështirë për shkak të erës së fortë, duke djegur sipërfaqe të mëdha me pisha të reja.

Situata është edhe më shqetësuese pasi rreth 1 km larg vatrës së zjarrit ndodhet depoja e dinamitit që furnizon guroret e zonës.

The post Përhapen me shpejtësi dy vatra zjarri në fshatin Borizanë, rrezikojnë t’i afrohen depos së dinamitit që furnizon guroret appeared first on Albeu.com.

Një ngjarje e rëndë është shënuar mesditën e sotme në fshatin Dukat Fshat të Vlorës, ku një person ka tentuar të vetëdigjet me benzinë.

Policia e Vlorës njofton se bëhet fjalë për shtetasin A.L., 76-vjeç i cili ka djegur veten me benzisë, fatmirësisht është ndaluar në kohë. 76-vjeçari ka marrë djegie në turp dhe është transportuar drejt spitalit të Tiranës.

Njoftimi i Policisë së Vlorës:

Vlorë/Informacion paraprak

Sot, në fshatin Dukat Fshat, në banesën e tij, ka tentuar të vetëdigjet me benzinë shtetasi A. L., 76 vjeç, i cili do të transportohet drejt spitalit të Tiranës, për mjekim të specializuar.

Grupi hetimor po kryen veprimet për zbardhjen e rrethanave të ngjarjes dhe dokumentimin e plotë të saj.

The post E rëndë në Vlorë, i moshuari tenton të vetëdigjet, lyhet me benzinë dhe i vendos flakën vetes appeared first on Albeu.com.

3 vatra aktive zjarri raportohen gjatë 24 orëve të fundit në vend.

Gjatë 24 orëve të fundit në vend raportohen 5 vatra zjarri, 3 vatra janë aktive dhe 2 në monitorim.

Vatra e zjarrit në Ternovë, njësia administrative Zerqan në bashkinë Bulqizë po mbahet nën monitorim për të eliminuar çdo mundësi riaktivizimi nga djegia e trungjeve të thatë brenda vatrës.

Situata vijon të monitorohet në fshatrat Kulumri dhe Lumi i Trunit në bashkinë Fushë-Arrëz.

Gjatë orëve të mëngjesit është bërë rivlerësimi i situatës dhe aktualisht po punohet për të parë nëse ka vatra aktive, si dhe për izolimin e cungjeve që vijojnë të digjen. Momentalisht, situata është e qetë dhe flakët janë shuar, por puna po vijon për të garantuar izolimin e plotë të vatrës.

Vatra e zjarrit në Malin e Bërzhitës në fshatrat Ibë dhe Durisht të njësive administrative Bërzhitë dhe Petrelë ndodhet në një terren shumë të largët dhe të vështirë për ndërhyrje nga toka. Aktualisht, nuk përbën rrezik për banesat apo zonën pyjore.

Zjarri i nisur më 10 gusht në fshatrat Damjan dhe Isufaj të Tiranës dhe i përhapur edhe në zonën e Pezë – Helmës, vijon të jetë aktiv në disa vatra të minimizuara, por që po mbahen nën mbikëqyrje deri në fikjen përfundimtare.

Në Parkun Natyror Gërmenj, njësia administrative Leskovik të bashkisë Kolonjë situata paraqitet më e qetë si pasojë e punës se forcave operacionale por dhe për shkak të reshjeve të shiut të rëna pasditen e djeshme.

The post Situata me zjarret në vend, raportohen 3 vatra aktive appeared first on Albeu.com.

Skemë për Pastrim Parash / Resorti i Sekuestruar nga SPAK, pronë e Raiffeisen Bank. 2 vite më parë i dha kredi Fadil Ballës

Gjatë prezantimit të raportit të SPAK në vitin 2024, kryeprokurori i posaçëm, z. Altin Dumani, deklaroi se bankat e nivelit të dytë që operojnë në Shqipëri janë të përfshira në skemat e pastrimit të parave.

Deklarata e Dumanit (2024):
“Një nga skemat komplekse të pastrimit të parave në Shqipëri përfshin përdorimin e bankave nga bizneset shqiptare si ndërmjetës për organizatat kriminale ndërkombëtare, si mafia italiane. Në një rast, një biznes shqiptar bashkëpunoi për t’i dhënë akses mafies ndërkombëtare që të integronte të ardhurat në sektorin bankar, përmes shtresëzimit të transfertave që do të kalonin nëpërmjet këtij biznesi.”

Një hetim i finalizuar pak ditë më parë me masa arresti dhe një njoftim zyrtar të SPAK për sekuestrimin e 17 tonëve kokainë dhe aseteve, mes tyre edhe “Ajman Park Resort”, ka zbuluar përfshirjen e Raiffeisen Bank.

Sipas dokumenteve të siguruara nga weblajm.com, rezulton se të gjitha aksionet dhe të drejtat pasurore që dispononte Fadil Balla, i janë kaluar Raiffeisen më datë 25 prill 2023. Ky transferim është bërë afro dy vite para goditjes dhe aksionit të SPAK, periudhë që përkon edhe me nisjen e hetimeve ndaj anëtarëve të grupit ku bënte pjesë Balla.

‘Depozitimi i marrveshjes siguruese Nr 1166 Rep, Nr 593/2
datë 25.04.2023, per krijimin e nje barre siguruese 100% te kapitalit qe zotëron Z. Fadil
Balla ne shoqerinë “AMR” SHPK (barredhenes), ne favor te “RAIFFEISEN BANK” SHA
(Barremarres)

Kalimi i aksioneve është kryer pasi Balla kishte marrë një kredi në Raiffeisen Bank dhe si garanci për shlyerjen e saj kishte lënë aksionet e tij në masën 100% të “Ajman Park”.

Kjo pasuri, që nga data 14 gusht, ka kaluar në administrimin e shtetit si pronë e sekuestruar, ndërsa banka që kishte dhënë kredinë është njoftuar për këtë veprim.

Burime pranë SPAK bënë me dije për weblajm.com se pjesë e hetimeve për pastrimin e parave dhe trafikun ndërkombëtar të drogës do të jetë edhe kontrata e kredisë së dhënë këtij biznesi nga Raiffeisen Bank.

Fadil, alias Julian Balla, është shpallur në kërkim në kuadër të këtij operacioni. Prej vitesh ai njihej në Shqipëri si ish-president i klubit të futbollit “Erzeni”, si dhe si biznesmen e pronar i “AMR Ajman Park”.

NJOFTIM PËR SHTYP
Datë 08.08.2025

SPAK godet organizatën kriminale shqiptare që ndikonte në tregun e kokainës në Evropë — rreth 17 tonë kokainë të sekuestruar

Prokuroria e Posaçme kundër Korrupsionit dhe Krimit të Organizuar (Prokuroria e Posaçme), ka kryer hetime kundër një organizate kriminale të nivelit të lartë, të përfshirë në trafikimin e kokainës dhe pastrimin e parave. Hetimet, të cilat përfshijnë bashkëpunimin intensiv me EUROPOL dhe autoritete nga Belgjika, Franca, Holanda, Gjermania dhe Italia, u bazuan në analizën e të dhënave të komunikimit të enkriptuara të platformës SkyECC. Nga këto hetime janë zbuluar dërgesa shumë-tonëshe kokainë nga Amerika Latine drejt porteve kryesore të BE-së, përfshirë Hamburgun, Anvers etj.

Kjo organizatë kriminale operonte në një shkallë globale, duke bashkëpunuar me grupe të tjera kriminale për të lehtësuar transportet drejt porteve evropiane dhe investonte fitimet e mëdha në prona dhe biznese në Shqipëri dhe jashtë saj.

Në kontekstin e kësaj organizate kriminale, Prokuroria e Posaçme ka kryer hetime në kuadër të procedimit penal nr.187/2023 për veprat penale te “Trafikimi i lëndëve narkotike”, “Pastrimi i produkteve të veprës penale”, “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal” parashikuar nga nenet 283/a, 287, 333/1 dhe 2 e 334/1 të Kodit Penal.

Prokuroria e Posaçme ka paraqitur kërkesë për caktimin e masës së sigurimit personal ndaj 16 (gjashtëmbëdhjetë) shtetasve shqiptarë, kërkesë e cila është miratuar nga Gjykata e Posaçme e Shkallës së Parë për Korrupsionin dhe Krimin e Organizuar (Gjykata e Posaçme) me vendimin nr.82 akti datë 06.08.2025, duke vendosur masën “arrest në burg”, bazuar në nenin 238 të Kodit të Procedurës Penale për 14 (katërmbëdhjetë) persona dhe për 2 (dy) të tjerëve ka caktuar masën e sigurimit detyrim për tu paraqitur ne policinë gjyqësore.

Drejtoria e Përgjithshme e Policisë së Shtetit në bashkëpunim me Byronë Kombëtare të Hetimit kanë ekzekutuar masat e sigurimit për 9 të hetuar (përfshirë edhe një nga drejtuesit), prej të cilëve 7 me masën“arrest me burg” dhe 2 me masën “detyrim paraqitje”, ndërsa një prej të hetuarve gjendet aktualisht i arrestuar në një vend të BE – së (drejtues i organizatës). Po punohet për ekzekutimin e masave të sigurimit për 6 persona të tjerë.

Masa “arrest me burg” në Shqipëri:

E.Ç
A.Ç
P.L
R.M
G.Ç
M.K
El.Ç
Masa “detyrim paraqitje” në Shqipëri:

8. D.P
9. K.Gj

I arrestuari në një vend të BE-së:

10. F.C

Për interesat e hetimit, Prokuroria e Posaçme ka kërkuar dhe marrë miratimin e Gjykatës së Posaçme për kryerjen e kontrolleve në banesa, automjete dhe persona të cilat janë në vijim e sipër.

Sekuestrimet e sasive të kokainës:

Gjatë hetimeve ndërkombëtare, janë identifikuar dhe goditur dy ngarkesa të mëdha kokaine, të transportuara nga Amerika e Jugut drejt Evropës dhe më konkretisht:

Shtator 2020 – Paraguaj → Belgjikë (Anvers)
Grupi i drejtuar nga E.Ç. dhe F. G., në bashkëpunim me një shtetas brazilian, organizoi trafikimin e 11.6 ton kokainë, fshehur në kuti sapuni dhe kuti boje metalike me logon “Fox”. Ngarkesa u nis nga porti i Villeta (Paraguaj) dhe mbërriti në Anvers më 04.11.2020.
Në vijim, gjatë operacioneve të policisë në Roterdam, u sekuestruan 600 kg kokainë dhe 2 milionë euro, si dhe u arrestuan shtetasit shqiptarë M.D. dhe N.B.
Dhjetor 2020 – Shkurt 2021 – Paraguaj → Gjermani (Hamburg)
E.Ç. dhe F.G. organizuan dhe financuan trafikimin e 16.4 ton kokainë, fshehur në bombola metalike me bojë/kollë ndërtimi dhe të stampuara me logo (“sy me rrufe të kuqe”, “Puma”, “shenja infinit”), me vlerë tregu prej 1.5 miliard deri 3.5 miliard euro. Ngarkesa, e shpërndarë në disa kontejnerë, mbërriti në Hamburg më 12.02.2021 dhe u sekuestrua nga autoritetet doganore gjermane. (Cocaine ‘worth billions’ seized in record Germany and Belgium haul).
Tipologjia e organizatës kriminale

Hetimet e kryera në bashkëpunim me autoritetet ligjzbatuese partnere dhe analiza e komunikimeve të përgjuara në aplikacionin SkyECC kanë zbuluar një strukturë kriminale të përmasave ndërkombëtare, e udhëhequr nga shtetasit E.Ç. dhe F.G., e cila kontrollonte në mënyrë të plotë zinxhirin e trafikut të kokainës – nga prodhimi, magazinimi dhe përpunimi në laboratorët e Paraguait, transporti ndërkombëtar dhe shpërndarja në tregjet europiane, deri te pastrimi dhe qarkullimi i të ardhurave të fituara.

Ngarkesat e mëdha të kokainës siguroheshin direkt nga prodhuesit nga drejtuesi i organizatës E. Ç. (i cili së bashku me vëllanë e tij A. Ç. ishin vendosur në Paraguai), magazinoheshin dhe bëheshin gati për transport në Paraguai. Lënda narkotike fshihej në mënyrë të sofistikuar në ngarkesa legale – kuti sapuni, bombola boje dhe kollose ndërtimi – të maskuara me marka tregtare si “Fox” apo me shenja të veçanta dalluese si “Puma” ose “sy me rrufe”. Këto ngarkesa transportoheshin me kontejnerë detarë nga portet e Amerikës së Jugut drejt porteve të mëdha evropiane, kryesisht Anvers (Belgjikë) dhe Hamburgu (Gjermani), ku më pas shpërndaheshin përmes rrjeteve të brendshme të tregut të drogës në BE.

Qarkullimi dhe menaxhimi i parave

Hetimi ka treguar se ky grup kishte ngritur një mekanizëm financiar jashtëzakonisht të sofistikuar për të qarkulluar dhe fshehur të ardhurat nga aktiviteti kriminal. Një prej metodave kryesore ka qenë transporti fizik i parave “cash” nga vendet e BE-së drejt Shqipërisë, duke përdorur shoferë autobusësh kryesisht shqiptar të transportit ndërkombëtar të pasagjerëve. Kjo mënyrë kishte disa përparësi për grupin:

Evitimi i gjurmimit bankar dhe i detyrimit ligjor për deklarimin e burimit të fondeve;
Shmangia e kontrolleve doganore zyrtare, duke përdorur rrugë të shkurtra dhe pikat kufitare më pak të monitoruara;
Siguria përmes rrjetit të besuar të shoferëve, numri i të cilëve ishte i kufizuar dhe i përzgjedhur në bazë të një marrëdhënieje të ndërtuar mbi besimin reciprok.
Shoferët, në këmbim të shërbimit dhe rrezikut të marrë përsipër, përfitonin rreth 2% tarifë mbi shumën e transportuar. Këto pagesa bëheshin drejtpërdrejt nga anëtarët e grupit dhe garantoheshin nga personat përgjegjës për menaxhimin e logjistikës financiare.

Koordinimi i pagesave

Figura kyçe si F.G., E.Ç., si dhe bashkëpunëtorë të tjerë, luanin rol aktiv në organizimin e këtyre transfertave. Pagesat dhe kompensimet e brendshme shpesh maskoheshin përmes transaksioneve të tjera të fshehta, të dizajnuara për të mos lënë gjurmë në sistemin financiar zyrtar.

Përveç transportit fizik, rrjeti përdorte edhe sistemin informal të transfertave të njohur si “haëala” ose “token”, ku shumat e mëdha qarkullonin përmes një zinxhiri ndërmjetësish pa asnjë evidencë bankare. Një pjesë e konsiderueshme e fondeve kanalizohej drejt Bolivisë, e cila, për shkak të nivelit të ulët të kontrollit financiar dhe pozicionit të saj strategjik, shërbente si nyje kyçe për përfundimin e transaksioneve ndërkombëtare të parave.

Kombinimi i këtyre metodave, transporti fizik me shoferë të besuar dhe sistemi i transfertave informale, i mundësonte kësaj organizate kriminale qarkullimin e qindra milionë Euro cash, duke reduktuar ndjeshëm riskun e sekuestrimit dhe duke siguruar vazhdimësinë e aktivitetit të tij në shkallë ndërkombëtare.

Prokurorët e çështjes, Altin Dumani dhe Vladimir Mara, theksojnë se:
“Kjo organizatë kriminale mund të konsiderohet si një nga organizatat shqiptare më të fuqishme në trafikun ndërkombëtar të kokainës. Ajo kishte kapacitetin për të ndikuar drejtpërdrejt në çmimin e kokainës në tregjet evropiane dhe për të menaxhuar sasi të mëdha të lëndës narkotike në periudha të shkurtra kohore. Fuqia financiare e lartë e kësaj organizate, strukturimi dhe organizimi i një niveli shumë të lartë si dhe aftësia për të rikuperuar humbjet që vinin nga sekuestrimet e dallojnë atë nga grupet e tjera kriminale të hetuara nga SPAK .”

Pronat e sekuestruara

Me vendimin nr. 543 date 07.08.2025, Gjykata e Posaçme ka vendosur sekuestrimin preventiv për gjithsej 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim si më poshtë:

Resorte turistike:

“A….. PARK” Resort ku përfshihen hotele, godina shërbimi, restorant dhe ambiente tregtare, Xhafzotaj, Durrës.
Vila dhe apartamente:

Vilë dy katëshe tip “ELYSIAN”, në bregdetin e Dhërmiut, bashkia Himarë (sipërfaqe totale rreth 378.2 m²), me vlerë tregu prej afërsisht 1.000.000 Euro.
Vilë e porositur datë 06.11.2024, në Tiranë.
Truall, toka dhe ndërtesa:

Pasuri truall dhe ndërtesa në Tiranë, Sharrë.
Pasuri (me status regjistrim të përkohshëm).
Pasuri nr. 349/45 në bashkëpronësi.
Tokë arë me sipërfaqe 5900 m², Sharrë, Tiranë.
Kuota dhe aksione në shoqëri tregtare:

Kuotat/aksionet në shoqëri tregtare, Kavajë.
Shoqëri tregtare, Durrës.
Shoqëri tregtare, Rrogozhinë.
Shoqëri tregtare, Durrës.
Automjete:

Tre automjete.
Sekuestrime gjatë ekzekutimit të vendimeve të kontrollit:

Mbi 111 800 Euro Cash;
4000 USD
880.000 Lekë
Bashkëpunimi ndërkombëtar

Në këtë hetim të rëndësishëm, SPAK ka pasur një koordinim dhe bashkëpunim të shkëlqyer me EUROPOL, Eurojust, agjencitë ligjzbatuese të vendeve të BE-së. Nga partnerët ndërkombëtarë u angazhuan Policia Federale Gjyqësore e Belgjikës, Policia Kombëtare dhe SIRASCO nga Franca, Zyra Federale e Policisë Kriminale dhe Zyra Shtetërore e Policisë Kriminale Karlsruhe nga Gjermania, Policia e Holandës, si dhe Policia e Shtetit dhe Shërbimi për Bashkëpunim Ndërkombëtar Policor (SCIP) të shtetit italian. Ky bashkëpunim i ngushtë ndërmjet këtyre institucioneve ishte thelbësor për suksesin e operacionit dhe goditjen e kësaj organizate kriminale me ndikim ndërkombëtar.

Një falenderim i veçantë u drejtohet hetuesve të Byrosë Kombëtare të Hetimit (BKH) për punën voluminoze dhe cilësore të kryer si edhe Policisë së Shtetit për mbështetjen në ekzekutimin e masave të sigurisë.//weblajm.com

The post Alarmi i SPAK për Pastrim Parash të Krimit me Bankat / Raiffeisen Bank i dha kredi anëtarit të grupit që groposnin miliona euro appeared first on Albeu.com.

Prej më shumë se 1 muajsh, Meriton Mjekiqi ka qenë i arrestuar nga Policia e Kosovës së bashku me vëllain e tij Rinorin. Ata ranë në prangat e policisë pasi u përfshiën në një sherr ku dhunuan barbarisht dhe plagosën shtëtasin Egzon Grajqevci.

Sot, më 19 gusht 2025, Meritoni ka njoftuar se Gjykata e Prishtinës ka dhënë vendim duke e liruar nga masa e arrestit.

Përmes një postimi në Instagram Story, ai njoftoi opinionin publik, miqtë dhe familjarët për vendimin e gjykatës.

“Me respekt, dua të njoftoj se jam liruar nga masa e arrestit në të cilën isha mbajtur. Falënderoj avokatët për profesionalizmin dhe përkushtimin gjatë gjithë kësaj periudhe. Faleminderit të gjithëve për durimin, mirëkuptimin dhe përkrahjen tuaj”, – ka shkruar ai.

The post Pas një muaji në burg, lirohet Merion Mjekiqi/ Ka dy fjalë për avokatët që e ndihmuan appeared first on Albeu.com.

Presidenti rus Vladimir Putin sugjeroi mbajtjen e një takimi të mundshëm me Presidentin ukrainas Volodymyr Zelensky në Moskë.

“Putini përmendi Moskën” gjatë telefonatës së tyre të hënën, tha një nga burimet për AFP-në, duke shtuar se Zelensky kishte thënë “jo” në përgjigje.

The post Negociatat për paqe në Ukrainë, Putin propozon Moskën si vend për takimin me Zelenskyn appeared first on Albeu.com.

Kryeministri izraelit Benjamin Netanyahu ka sulmuar ashpër kryeministrin Anthony Albanese, duke e akuzuar atë për tradhti të Izraelit dhe braktisje të hebrenjve të Australisë.

Shpërthimi i jashtëzakonshëm vjen pas revokimit të vizave nga Izraeli të diplomatëve australianë për Autoritetin Palestinez në hakmarrje për njoftimin e qeverisë sw Albanese se do të njohë një shtet palestinez dhe gjithashtu për ndalimin e një vizite nga një parlamentar izraelit i krahut të djathtë.

Në një postim në X, Netanyahu tha: “Historia do ta kujtojë Albanese për atë që është: Një politikan i dobët që tradhtoi Izraelin dhe braktisi hebrenjtë e Australisë.”

Netanyahu pretendon se ai po kërkon të paralajmërojë vendet e tjera që të mos ndërmarrin hapa për të njohur një shtet palestinez.

The post Netanyahu akuza të rënda kryeministrit Albanese: Ka braktisur komunitetin hebre në Australi dhe ka tradhtuar Izraelin appeared first on Albeu.com.

Biznesmeni dhe botuesi i disa mediave, Irfan Hysenbelliu është kërcënuar me jetë. Televizioni informativ që ai drejton, bën me dije se Hysenbelliu dhe familjarët e tij janë kërcënuar me jetë, por nuk japin më tepër detaje.

Mesazhi në adresë të familjes së biznesmenit dhe botuesit të News 24 dhe Gazetës Panorama, vjen vetëm një ditë pasi televizioni i parë informativ në Shqipëri, i drejtuar prej tij, u rikthye në transmetim në një godinë të re.

“Botuesi i News24 dhe Panorama Grup së bashku me familjarë të tij, janë kërcënuar me jetë nga një prej personazheve të denoncuar më herët për afera të dyshuara korruptive nga emisionet investigative në News24”, thotë reagimi.

Sipas mediave të zotit Irfan Hysenbelliu, ky shtetas raportohet se ka lidhje të ngushta me nivele të larta të qeverisjes. Po ashtu, bëhet me dije se avokatët e familjes do të ndjekin të gjitha procedurat ligjore, duke depozituar edhe provat përkatëse që provojnë kanosjen.

“Familja Hysenbelliu rikonfirmon mbështetjen e plotë për gazetarët dhe stafin e News 24 dhe Panorama Grup, duke i inkurajuar ata të vijojnë të pashqetësuar punën e tyre fisnike në raportimin e lajmit dhe denoncimin e korrupsionit”, përmbyllet reagimi.

Televizioni News 24 dhe të gjitha mediat që janë pjesë e grupit “Focus Media” në pronësi të Irfan Hysenbelliut, ndalën transmetimin për 10 ditë me radhë, deri dje më 18 Gusht, pasi Policia zbarkoi në godinën e medias dhe kërkoi që ta lironin, sipas vendimit të Gjykatës.

Sipas Avokaturës së Shtetit, prona ishte shtetërore dhe kompania e Irfan Hysenbelliu kishte 2 milionë euro detyrime të papaguara. Ndërkohë, “Focus Media” pretendon se ndërprerja e dhunshme e sinjalit, pa paralajmërim, është bërë qëllimisht.

The post Irfan Hysenbelliu dhe familja e tij kërcënohen me jetë, një ditë pasi News 24 u rikthye në transmetim appeared first on Albeu.com.

Dashi

Dite shume e qete dhe pa probleme kjo e sotmja për ata qe janë ne një lidhje. Nuk do keni aspak druajtje dhe do flisni hapur me personat qe keni ne krah. Beqaret do e nisin ditën pozitivisht, por ne fakt nuk do mund ta gjejnë as sot personin e duhur. Ne planin financiar nuk duhet te bëni asnjë lloj çmendurie edhe sikur gjendja e te ardhurave te jete e mire.

Demi

Tensioni do mbizotëroje gjate gjithë kësaj dite ne jetën tuaj ne çift. Debatet do jene te zjarrta dhe disa mund te arrijnë edhe ne piken me kulmore. Beqaret nuk duhet te nxitohen aspak, por duhet te reflektojnë mire para se te hedhin çdo lloj hapi. Saturni do iu nxite t’i menaxhoni me maturi te ardhurat. Nuk priten aspak vështirësi apo probleme.

Binjaket

Mos e gjykoni partnerin tuaj sot për gjithçka qe ai do beje sepse do e lëndoni tej mase. Secili ka nevoje te shprehet dhe te veproje si te dëshirojë, mjafton qe qëllimi te jete i duhuri. Beqaret para se te vendosin për diçka duhet te marrin edhe mendimin e disa miqve. Financat do jene goxha te favorizuara. Do kryeni edhe transaksione dhe situata do mbetet e njëjtë.

Gaforrja

Ka shume mundësi qe çifteve t’iu fiksohet ideja e ndarjes gjate kësaj dite. Asgjë nuk do ece ashtu si ata e kishin menduar dhe debatet e shumta do e bëjnë ditën te vështirë për t’u kaluar. Beqaret ka shume gjasa te kenë dashuri me shikim te pare. ne planin financiar edhe pse do merrni masa, situata nuk do jete aspak ne gjendjen me te mire te mundshme.

Luani

Qetësia do mbizotëroje gjate gjithë kësaj kohe ne jetën tuaj ne çift kështu qe shfrytëzojeni ditën për te folur për tema delikate. Partneri do jete me i kuptueshëm. Beqaret nuk duhet t’i besojnë pamjes se jashtme te disa personave sepse do zhgënjehen tej mase. Financat nuk do kenë aspak probleme, përkundrazi do jeni me te lirshëm te kryeni edhe ndonjë shpenzim me tepër.

Virgjeresha

Nëse keni pasur probleme me partnerin, sot është koha e duhur për te folur për to dhe për t’i zgjidhur. konfigurimi i yjeve do jete pozitiv dhe do krijoje një ambient mjaft te ngrohte. Beqaret do jene pasionante dhe te gatshëm për te bere ndonjë çmenduri për dashurinë. Shpenzimet duhet t’i kufizoni nëse nuk doni qe situata te marre tatëpjetën.

Peshorja

Fale mbështetjes qe do iu japë Venusi sot do ruani një komunikim goxha te ngrohte dhe do i zgjidhni mosmarrëveshjet e dikurshme me qetësi. Beqaret do vazhdojnë ta kërkojnë princin e kaltër por pa shume fat. Do iu duhet ende te presin edhe disa kohe. Te ardhurat do jene goxha delikate. Mendohuni mire edhe para se te kryeni shpenzimet te nevojshme.

Akrepi

Mund te ketë edhe disa probleme te vogla sot ne jetën tuaj ne çift dhe për këtë fakt nuk do ndiheni shume mire. Kujdes me ato qe do thoni. Beqaret do jene te lire te bëjnë atë qe duan. Emocionet do jene te mëdha, por jo te gjithë do mund te krijojnë një lidhje serioze. Disa mund te kenë edhe thjesht aventura. Financat do i menaxhoni me maturi dhe përkujdes.

Shigjetari

Dite plot ulje dhe ngritje kjo e sotmja për te dashuruarit. Gjerat nuk do ecin aspak ashtu si e kishit menduar kështu qe kujdes. Beqaret do kenë një dite te zakonshme. Nuk do mundojnë takimet, por ende nuk do jete koha për te filluar histori dashurie serioze. Ne planin financiar fati do jete ne anën tuaj. Shfrytëzojeni për ta stabilizuar dhe për ta përmirësuar situatën.

Bricjapi

Dite shume e paqëndrueshme dhe problematike kjo e sotmja për ata qe janë ne një lidhje. Asgjë nuk do ece si duhet. Beqaret duhet te mendohen shume here para se te hedhin hapa me tutje. Për disa nuk është koha për te filluar një histori dashurie. Ne planin financiar nuk duhen ndërmarrë rreziqe edhe sikur situata te jete ne gjendjen me te mire.

Ujori

Ambienti ne jetën tuaj ne çift do jete i ngrohte dhe harmonik gjate kësaj dite. Shfrytëzojeni sa te mundni sepse dite te tilla nuk vijnë shpesh. Beqaret nuk duhet te mbyllen ne vetvete sepse ne këtë mënyrë nuk kane për ta gjetur personin e duhur. Financat nuk do jene te këqija, megjithatë çdo hap qe do hidhet duhet bere me kujdes dhe maturi.

Peshqit

Dite e mrekullueshme kjo e sotmja për ata qe janë ne një lidhje. Gjithçka do shkoje me se miri madje nuk do mungojnë as surprizat e mëdha. Beqaret do joshin pa fund dhe do e takojnë një person qe do iu përshtatet. Shume gjera do ndryshojnë sot për ta. Ne planin financiar do bëni çmos qe ta ruani ekuilibrin sa me gjate. Investimet nuk duhen bere sot.

The post Horoskopi 19 Gusht, ja çfarë kanë parashikuar yjet për ju appeared first on Albeu.com.

“Jam shumë i lumtur që jam këtu. Fola me drejtorin e futbollit, Pablo Ortells, dhe me trajnerin, dhe ata kanë shumë besim tek unë.”

Këto ishin deklaratat e para nga Marash Kumbulla, një qendërmbrojtës 25-vjeçar, i lindur në Itali, por me origjinë shqiptare, i cili i bashkohet Mallorcës së Jagoba Arrasate në huazim nga skuadra e Serie A, Roma.

Klubi mallorkan ka një opsion blerjeje prej gjashtë milionë eurosh plus dy milionë të tjera në bonuse, siç njoftoi Fabrizio Romano.

“Më treguan shumë për projektin e Mallorcas dhe kur klubi më telefonoi, doja të isha këtu sa më shpejt të ishte e mundur”, u shpreh Kumbulla, i cili do të veshë fanelën me numër 4 në sfidën e tij të re.

Marrëdhënia e tij me Muriqin…

Kumbulla shpjegoi se ka një afërsi të veçantë me Muriqin . “Fola me Vedatin kur e takova këtu me Espanyolin. Kam një marrëdhënie të mirë me të dhe dua ta shoh së shpejti.”

Qendërmbrojtësi shqiptar ishte i huazuar te Espanyol sezonin e kaluar, sezonin 2024/25. Atje, ai luajti më shumë se 2.900 minuta në La Liga, duke u paraqitur në një total prej 35 ndeshjesh dhe duke shënuar tre gola.

Në prezantimin e tij si futbollist i Mallorcas, Marash Kumbulla u dërgoi mesazhin e mëposhtëm tifozëve: “Faleminderit për mikpritjen. Do të jap gjithçka për këtë stemë dhe dua të luaj këtu, në Mallorca, me ta.”

Lojtari i ri i Mallorcas mbërriti në Palma dje, të dielën. Ai i është nënshtruar vizitave mjekësore dhe ka nënshkruar kontratën e re si lojtar i Bermellón të hënën. Ai është planifikuar të stërvitet nesër, të martën, nën drejtimin e Jagoba Arrasate.

The post Është zyrtare: Marash Kumbulla, transferimi i katërt i Mallorcas… do bashkohet me Muriqin! appeared first on Albeu.com.

Të tjera detaje janë bërë publike në lidhje me ngjarjen e rëndë, ku një 59-vjeçar nga Devolli humbi jetën sapo doli nga klinika dentare.

Burime nga hetimet bëjnë me dije se 59-vjeçari kishte shkuar në klinikën dentare së bashku me dy djemtë, një kushëri dhe një grua të afërt. Pas mjekimit dentar, ku iu bë një mbushje, ai është ankuar disa herë, për gjendjen shëndetësore duke thënë “S’jam mirë”.

Sipas informacioneve paraprake, dyshohet se shkaku i vdekjes ka qenë një infarkt. Ndërkaq grupi hetimor ka sekuestruar kartelën mjekësore të pacientit, ku janë pasqyruar të gjitha procedurat e trajtimit që i janë kryer në klinikë.

Deri më tani, nuk është konstatuar ndonjë element që lidhet me ndonjë problem nga ana e dentistit, por vetëm pas daljes së ekspertizës mjeko-ligjore do të përcaktohet përfundimisht shkaku i saktë i vdekjes.

Për rastin është marrë në pyetje dentisti 36-vjeçar, i cili ka shpjeguar përpara bluve të Devollit, procedurën e ndjekur në trajtimin dentar të 59-vjeçarit që ka ndëruar jetë.

The post “Nuk jam mirë”/ 59-vjeçari që ndërroi jetë sapo doli nga klinika dentare u ankua disa herë! appeared first on Albeu.com.

Presidenti i SHBA, Donald Trump, ka ndërprerë takimin me liderët europianë dhe Presidentin e Ukrainës, Volodymyr Zelensky, për të telefonuar homologur rus, Vladimir Putin.

Donald Trump deklaroi më herët gjatë takimit me Presidentin e Ukrainës, Volodymyr Zelensky, se synon një takim trepalësh me qëllim arritjen e një marrëveshjeje për paqe në Ukrainë.

Liderët europianë i kërkuan Donald Trumpit që të mbështesin Ukrainën përballë Rusisë ndërsa kreu i Shtëpisë së Bardhë u shpreh se duhet të diskutojnë edhe për shkëmbim territoresh.

The post Lufta në Ukrainë, Donald Trump ndërpret takimin me udhëheqësit evropianë për të telefonuar Putinin appeared first on Albeu.com.

Aventura e Marvin Çunit me skuadrën e Sampdorias nuk ka nisur në mënyrën më të mirë të mundshme. Sulmuesi i Kombëtares shqiptare pa se si skuadra e tij u eliminua nga Kupa e Italisë përballë Specias, me penalltitë që u bënë vendimtare.

Çuni e nisi ndeshjen nga stoli, duke u aktivizuar vetëm në fillimin e pjesës së dytë nga trajneri. Por ai nuk ia doli që të gjente rrugën e rrjetës në minutat në fushë deri në mbyllje të sfidës me shifrat 1-1.

Për të përcaktuar fituesin u deshën penalltitë dhe aty Çuni gjuajti të dytën për skuadrën e tij, duke e realizuar me saktësi.

Por dy të tjera të humbura nga shokët e skuadrës bënë që ndeshja të mbyllje me suksesin me penallti të Specias dhe eliminimin e Sampdorias nga Kupa e Italisë.

The post La Rusinë për klubin e njohur italian, sulmuesi i Kombëtares eliminohet nga Kupa appeared first on Albeu.com.

Artisti i mirënjohur shkodran Frederik Ndoci ka ndarë këtë të hënë lajmin e trishtë të ndarjes nga jeta të nënës së tij.

Përmes një postimi në rrjetet sociale, Ndoci ka shkruar një dedikim të ndjerë, ku mes rreshtash shpreh dhimbjen e madhe që e ka kapluar pas kësaj ngjarjeje.

Postimi i plotë:
U fik flaka e shpirtit te Mames.
Poetet heshtin.
Vargu qorrohet.
Muza ka kthye shpinen.
vallzon me jeten cikli i saj…
Mortja fshin kosen.
Zogu s’cicron.
Nji flutur ka qysh ne mengjez
qe e ka zan gjumi mbi nje lule.
Kembanat e Hideshaim
i ndigjoj gjer ketu ne Tirane
Baba buzqesh krah hap.
Por e para i ka dal
Nana e saj Lula
me Violeten perdore…
Prela Martini Gjoni Frani Leci te heshtun
si kostandin
Qe presin buzqeshjen e Doruntines.
Po gezohet Parajsa
E ketu ferri mbretnon ne zemrat tona.
Rita trafiqeve te botes.
Juli infermjerja psikologja vajza e pleqnis…
Un ulu e bjer njii nat te tane ne krevat
Tuj kerkue gjumin e paqte…
Se ku ish struke…
Telefoni
Juli me syt e fikun
si gravurave te Ave Marias
Arrin te shqiperoj “u fik qiri MAM”
…nuk qame as njeni as tjetri…
Per disa sekonda sikur te ishim ne gare..
Kush do duket ma i permbajtun.
Kjau natyra sepse nje shi filloi…
Mori me vehte edhe lotet tan..
Me krye ulur borxhli i varfer
Jetim tashma
Sot Shpetuem prej borxhit te saj.
Qe asnji femij sa do u mundue mbet perjetsisht borxhli
Sepse nuk mujt me ia la ndonji her
nanes mundin e Saj.

The post Frederik Ndoci humb njeriun e afërt, dedikimi prekës i artistit përhapet në rrjetet sociale appeared first on Albeu.com.

Një 35-vjeçar shqiptar është vrarë me armë zjarri në Athinë, shkruan Protothema.

Ngjarja ndodhi në zonën e Agios Panteleimonas, ku shqiptari u qëllua me plumb në kokë.

Forca të forta policie dhe një mjek ligjor kanë mbërritur me shpejtësi në vendngjarje, ndërsa po zhvillohen hetime për rrethanat e ngjarjes.

The post Vri*et me armë zjarri 35-vjeçari shqiptar në Greqi appeared first on Albeu.com.

Presidenti francez Emmanuel Macron, gjatë fjalës së tij, përshëndeti bisedimet mes liderëve dhe theksoi rëndësinë e një samiti trilateral mes SHBA, Ukrainës dhe Rusisë. Megjithatë, ai shtoi se pas tij duhet të zhvillohet edhe një samit “katërpalësh”.

Nuk është ende e qartë nëse Macron nënkuptonte që Franca të jetë pala e katërt, apo nëse mendonte NATO-n, Bashkimin Evropian ose të ashtuquajturën “Koalicioni i Vullnetit”, shkruan Sky News.

“Kur flasim për garancitë e sigurisë, flasim për sigurinë e të gjithë kontinentit evropian,” tha Macron në tyrezën me Donald Trump dhe lideret e tjere te BE.

Ai nënvizoi se një nga garancitë kryesore që Franca dëshiron nga çdo marrëveshje është që Ukraina të ketë një ushtri të “besueshme” për “vitet dhe dekadat që vijnë”. Kjo, sipas tij, do të mbështetet nga një angazhim i liderëve evropianë për t’i dhënë Ukrainës garanci sigurie.

Macron shtoi gjithashtu se Presidenti Trump mund të jetë i sigurt që “evropianët janë shumë të vetëdijshëm se kanë pjesën e tyre të drejtë në garancitë e sigurisë për Ukrainën, por edhe se siguria e tyre është drejtpërdrejt në rrezik në këtë situatë”.

The post Macron i sugjeron Donald Trump takim ‘katërpalësh’: Siguria e të gjithë Evropës është në rrezik appeared first on Albeu.com.

Një 59-vjeçar ka humbur jetën pasditen e sotme në Bilisht sapo ka dalë nga një klinikë dentare.

Nga të dhënat e para mësohet se 59-vjeçari ka shkuar në klinikë për të bërë mbushje dhëmbi, dhe pasi ka mbaruar, duke dalë nga klinika është rrëzuar në tokë i pajetë.

Ngjarja e rëndë ka tronditur qytetin e Bilishtit ndërsa pritet ekspertiza mjeko ligjore që do të hedhë më tepër dritë mbi ngjarjen.

The post E rëndë në Bilisht! 55-vjeçari humb jetën sapo del nga klinika dentare appeared first on Albeu.com.

Presidenti i SHBA-së, Donald Trump i ka vënë ultimatum Volodymyr Zelenskyyt dhe Ukrainës. Trump ka përjashtuar mundësinë e lejimit të Ukrainës për tu bashkuar me NATO-n ose për të rimarrë Krimenë e pushtuar nga Rusia si pjesë e negociatave me Moskën.

Trump i postoi komentet në platformën e tij Truth Social të dielën në mbrëmje, disa orë para se të takohej me udhëheqës evropianë, përfshirë Keir Starmer, Emmanuel Macron, Friedrich Merz dhe Zelensky në Zyrën Ovale, në një përpjekje për të kundërshtuar një plan të mbështetur nga SHBA-ja që do ta shihte Ukrainën të hiqte dorë nga territori.

“Presidenti Zelensky i Ukrainës mund ta përfundojë luftën me Rusinë pothuajse menjëherë, nëse do të donte, ose mund të vazhdojë të luftojë. Nuk mund ta kthejmë Krimenë që Obama e dha 12 vjet më parë, pa u qëlluar asnjë të shtënë, dhe s’ka NATO për Ukrainën. Disa gjëra nuk ndryshojnë kurrë!!!”, shkroi Trump në Truth.

Një minutë më vonë, presidenti amerikan postoi se do të ishte një nder i madh të priste kaq shumë udhëheqës evropianë në të njëjtën kohë në Shtëpinë e Bardhë. Edhe para komenteve të Trump të dielën, Zelensky përballet me një detyrë të vështirë për të përmbysur dëmin e shkaktuar perspektivave të sigurisë së Ukrainës nga samiti Trump-Putin i së premtes në Alaska.

Më parë, Trump akuzoi median se e keqinterpretoi “takimin e tij të madh në Alaska”, një takim që shihet gjerësisht si një fitore për Putinin dhe një poshtërim për presidentin e SHBA-së. Të dielën, Trump pretendoi se kishte bërë “përparim të madh” në lidhje me Rusinë, pa dhënë detaje.

The post Presidenti i SHBA-ve këshillon Zelenskyn: Hiq dorë nga Krimea dhe anëtarësimi në NATO appeared first on Albeu.com.