Barcelona vendosi të mos e shiste Ferran Torres në afatin kalimtar të verës, pavarësisht se mori dy oferta prej 50 milionë eurosh nga Liga Premier për ta tërhequr spanjollin nga Blaugranët. Tottenham Hotspur dhe Newcastle United ishin dy klubet që bënë lëvizje në javët e fundit.

Lojtari spanjoll, i cili më parë ishte në listën e transferimeve, ka fituar një vend në skuadër pas performancave të shkëlqyera sezonin e kaluar.

Roli i tij si një zëvendësues i vlefshëm i ka fituar atij besimin e Hansi Flick, i cili ka kërkuar posaçërisht që bërthama e ekipit të tij të mbetet e pandryshuar.

La oferta millonaria que rechazó el Barcelona por Ferran Torreshttps://t.co/R1i1TAE86V

— Fichajes.net (@fichajesnet) August 9, 2025

Interesimi nga Liga Premier

Interesi për Ferranin nuk është asgjë e re. Klube si Aston Villa, i menaxhuar nga Unai Emery, u përpoqën ta nënshkruanin atë verën e kaluar me një ofertë prej 20 milionë eurosh, shumë larg nga 55 milionë eurot që Barça i pagoi fillimisht Manchester Cityt. Tani, shifra është rritur në 50 milionë euro, duke reflektuar zhvillimin e lojtarit dhe vlerën e tregut.

Përveç Aston Villas, Tottenham dhe Neëcastle e kishin vendosur emrin e tij në listën e objektivave të tyre prioritarë. Përvoja e mëparshme e Torres në Ligën Premier, ku luajti për një sezon e gjysmë me Cityn, ishte një nxitje shtesë për këto ekipe, të cilat e shohin atë si një nënshkrim të menjëhershëm me cilësi dhe potencial për të shënuar gola.

Laporta dhe Deco mbrojnë lojtarin

Pavarësisht tundimit financiar, Laporta dhe Deco e kanë mbrojtur Ferranin. “Nuk duam të shkaktojmë trazira midis stafit të trajnerëve me largime më të rëndësishme”, deklaruan anëtarët e bordit.

Ky qëndrim përforcon mesazhin se Barcelona dëshiron stabilitet sportiv për të garuar në La Liga dhe në Evropë.

Vetë Torres e ka bërë të qartë se qëllimi i tij është të qëndrojë në Camp Nou. Sipas burimeve të brendshme, sulmuesi është i hapur për të rinovuar kontratën e tij dhe për të mbetur i lidhur me projektin e Flick për një kohë të gjatë. Kjo besnikëri, e kombinuar me shkathtësinë e tij në sulm, e bën atë një aset strategjik për Barcelonën.

Një e ardhme e lidhur me Camp Nou

Vendosmëria e Barçës do të thotë që, të paktën për këtë sezon, Torres do të vazhdojë të vishet Blaugrana. Bordi është i bindur se lojtari do ta ruajë ose edhe do ta tejkalojë formën e tij aktuale, duke e vendosur veten si një forcë sulmuese.

Me tregun e transferimeve ende të hapur, klubet kryesore evropiane do të vazhdojnë të monitorojnë situatën e tij. Megjithatë, qëndrimi i Barçës është i qartë: nuk do të ketë negociata, pavarësisht se sa miliona vijnë nga Anglia.

/Telegrafi/

The post Zbulohet oferta e lartë që Barcelona ia refuzoi dy klubeve të Ligës Premier për yllin e skuadrës appeared first on Telegrafi.

Barcelona ka konfirmuar se çështja e tyre kundër Marc-Andre Ter Stegen ka përfunduar, pasi ai nënshkroi një raport mjekësor të nevojshëm për të përpunuar dokumentacionin e regjistrimit në La Liga dhe pas këtij gjesti klubi vendosi t’ia rikthej shiritin e kapitenit.

Ter Stegen më në fund ka nënshkruar raportin mjekësor që i lejon Barcelonës të shkurtojë 80% të pagës së tij dhe të regjistrojë dikë tjetër si Marcus Rashford apo Joan Garcia.

“Barcelona njofton se lojtari Marc-Andre ter Stegen ka nënshkruar autorizimin për Shërbimet Mjekësore të Klubit për të paraqitur raportin e detyrueshëm mjekësor në La Liga pas ndërhyrjes kirurgjikale”.

“Dosja disiplinore konsiderohet e mbyllur dhe lojtari rifillon shiritin e kapitenit të ekipit të parë me efekt të menjëhershëm”, thuhet në njoftim.

FC Barcelona official statementhttps://t.co/igQa8YJln6

— FC Barcelona (@FCBarcelona) August 8, 2025

Nënshkrimi i dokumentit do t’i lejojë Barcelonës të informojë La Ligën se një lojtar i ekipit të parë, Ter Stegen, do të mungojë për katër ose më shumë muaj, gjë që do të aktivizojë një klauzolë në rregullore që u lejon atyre të kompensojnë pagën e tij.

Lufta midis Ter Stegen dhe Barcës tani ka mbaruar zyrtarisht, por kjo nuk do të thotë që gjermani do të jetë numri 1 i Barcelonës këtë sezon.

Portieri gjerman pritet të rikuperohet nga operacioni në 3-5 muajt e ardhshëm. /Telegrafi/

The post Ter Stegen nënshkruan raportin mjekësor që i lejon Barcelonës të regjistrojë lojtarë – klubi ia kthen shiritin e kapitenit appeared first on Telegrafi.

Pas heqjes zyrtare nga roli i kapitenit të Barcelonës, portieri gjerman Marc-André Ter Stegen vendosi të thyente heshtjen. Me një deklaratë të gjatë, ai sqaroi ngjarjet e muajve të fundit, të cilat u karakterizuan nga një dëmtim dhe disa zëra që dyshonin për transparencën dhe profesionalizmin e tij. “Ishin muaj të vështirë, si fizikisht edhe […]

The post I hoqën shiritin e kapitenit, Ter Stegen: Kam qenë gjithmonë i ndershëm dhe profesional appeared first on BoldNews.al.

UEFA ka gjobitur Lamine Yamal dhe Robert Lewandowski me nga 5,000 euro secilin për shkelje të rregulloreve antidoping, pas ndeshjes së kthimit të Ligës së Kampionëve midis Barcelonës dhe Interit në Itali, raporton Marca.

Të dy lojtarët nuk respektuan Nenin 21.8 të Rregullores Anti-Doping, i cili kërkon që futbollistët të paraqiten menjëherë në pikën e kontrollit të caktuar pas përfundimit të ndeshjes.

Sipas raportit, dyshja nuk u drejtuan menjëherë drejt zonës së kontrollit antidoping, çka çoi në masa disiplinore.

Lexo po ashtu Barcelona në garë me kohën për të regjistruar shtatë lojtarë

Dyshohet se kjo mund të ketë ndodhur për shkak të zhgënjimit nga humbja dramatike, pasi Barcelona u mposht nga Interi në kohën shtesë me rezultatin 4-3.

Katalanasit ishin vetëm dy minuta larg fitores 3-2 në kohën e rregullt, përpara se Francesco Acerbi të barazonte rezultatin, duke e çuar sfidën në shtesë. /Telegrafi/

The post UEFA gjobit Yamalin dhe Lewandowskin për shkelje të rregullores anti-doping appeared first on Telegrafi.

Një dramë jashtë fushës po trondit prapaskenat e Barcelonës.

Marrëdhënia mes Gavit dhe Fermin Lopez, dy mesfushorë të rinj që u rritën së bashku në akademinë blaugrana, thuhet se është përkeqësuar ndjeshëm për shkak të një sherri mes të dashurave të tyre.

Sipas Corriere dello Sport, e dashura e Gavit, Ana Pelayo, dhe partnerja e Ferminit, Berta Gallardo, të dyja influencuese nga Sevilla, kanë shkëmbyer ofendime në rrjetet sociale, duke ndezur një përçarje që ka ndikuar edhe tek lojtarët, shkruan DailyMail.

Tensioni u përshkallëzua kur Fermin postoi një mesazh të fshehtë në Instagram, që më pas e fshiu: “Njerëzit e këqij nuk fitojnë kurrë. As ata që e kthejnë kokën nga ana tjetër, as ata që e bëjnë tradhtinë një stil jetese dhe frikacakërinë një moto. Ata humbasin çdo ditë, sepse grimi me të cilin mbulohen çdo mëngjes herët a vonë zhduket, dhe ata përfundojnë duke i treguar botës se kush janë në të vërtetë”.

Ky mesazh u interpretua si i drejtuar ndaj Gavit dhe Anës, veçanërisht pasi Fermin nuk i uroi ditëlindjen Gavit më 5 gusht.

Mediat raportojnë se Zahara, një shoqe e Bertës, kishte interes për Gavi shumë kohë përpara lidhjes së tij me Ana Pelayo.

Pas shpalljes së lidhjes, Zahara dyshohet se postoi video tallëse në TikTok për Anën. Gavi dhe Ana nuk reaguan, gjë që u interpretua si shpërfillje.

Ndërkohë, Berta dhe Fermin patën një ndarje të shkurtë, pasi nuk ndiqeshin më në Instagram pas pushimeve në Republikën Dominikane, por u ribashkuan pak ditë më vonë.
Asnjëri nga futbollistët nuk e ka komentuar publikisht situatën. /Telegrafi/

The post Përplasje në mes të të dashurave, përfshihen edhe dy yjet e Barcelonës appeared first on Telegrafi.

Të premten e ardhshme, më 15 gusht, fillon sezoni 2025-26 i LaLiga-s. Një ditë më vonë, Barcelona do të luajë ndeshjen e saj të parë në “Son Moix” kundër Majorkës.

Koha po mbaron dhe klubi Blaugrana nuk i ka bërë të gjitha detyrat e shtëpisë për ta përgatitur skuadrën për ndeshjen.

Pavarësisht se kanë bërë lëvizje në tregun e transferimeve dhe kanë nënshkruar me tre lojtarë, ata ende nuk i kanë regjistruar ata.

Por, nuk janë vetëm nënshkrimet. Deri më sot, lista e lojtarëve të Barcelonës në La Liga, ka tetë lojtarë që ende nuk janë regjistruar, megjithëse rrethanat ndryshojnë shumë në secilin rast.

Dhe ky është një problem për Flik, i cili nuk e di saktësisht se kujt mund t’i besojë për Mallorcën. Janë të gjitha spekulime dhe qëllime të mira, por realiteti është se ka ende shumë punë për t’u bërë dhe ka lojtarë të rëndësishëm që nuk janë në dispozicion të trajnerit.

Tetë lojtarët që nuk janë regjistruar janë: Joan Garsia, Shezni, Gerard Martín, Hektor Fort, Bernal, Rashford, Runi Bardgi dhe Oriol Romeu, megjithëse ky i fundit është pothuajse i sigurt se do të largohet nga klubi.

PORTA – Problemi më i madh është te porta. Joan Garsia, për të cilin klubi pagoi 25 milionë te Espanjoli dhe Shezni, i cili rinovoi kontratën e tij disa javë më parë, ende nuk janë regjistruar.

Megjithatë, dy portierët në të cilët klubi nuk mbështetet janë: Ter Shtegen dhe Injaki Penja. Ka një luftë të hapur me të parin, sepse ai refuzon të nënshkruajë autorizimin që klubi të dërgojë raportin mjekësor në LaLiga pas operacionit të tij për shkak të mospërputhjeve në kohëzgjatjen e mungesës së tij.

Dhe Injaki Penja, portieri i katërt i Flik, ka qenë në kërkim të një destinacioni gjatë gjithë verës.

SULMI – Problemi i dytë vjen nga sulmi, ku dy nënshkrimet e reja të ekipit nuk janë regjistruar në La Liga.

Më i rëndësishmi është Rashford, një sulmues i cili duhet të jetë një pjesë kyçe e skemës së Flik gjatë gjithë sezonit.

Bardgi mund të nënshkruajë me ekipin rezervë. Asnjëri prej tyre nuk është aktualisht i regjistruar dhe është e habitshme që Ansu Fati, mbetet i regjistruar pavarësisht se është huazuar te Monako.

MËNYRAT PËR T’U REGJISTRUAR – Ka dy mënyra që Barcelona të regjistrojë lojtarë. Njëra është të përdorë regjistrimin e Ter Shtegen nëse gjermani mungon për të paktën katër muaj.

Dhe tjetra është që auditori, dhe më pas La Liga, të autorizojë ndenjëset VIP në “Camp Nou”. Nëse do të ishte kështu, Barcelona do të kthehej te rregulli 1:1 dhe do të ishte në gjendje të regjistronte nënshkrimet.

The post Vetëm tetë ditë para fillimit të La Ligës, Barcelona ka ende shtatë lojtarë për t’u regjistruar appeared first on Albeu.com.

Revista prestigjioze, France Football ka shpallur sot (e enjte) gjatë ditës kandidatët për Topin e Artë 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat në sezonin paraprak.

Fituesi i mëparshëm është Rodri i Manchester Cityt, i cili këtë vit nuk gjendet fare në listë, por ka shumë yje tjerë që përbejnë listën pre 30 lojtarëve të nominuar.

Në listë nuk mungojnë emra si favoritët e përmendur tashmë si Lamine Yamal, Ousmane Dembele, Gianluigi Donnarumma, Vitinha, Mohamed Salah dhe Raphinha.

Here are the 2025 Ballon d’Or nominees!#ballondor pic.twitter.com/tehmbU4R0j

— Ballon d’Or (@ballondor) August 7, 2025

Përveç tyre lista përfshin edhe yje tjerë si Kylian Mbappe, Jude Bellingham, Lautaro Martinez, Harry Kane, Pedri, Erling Haaland dhe Achraf Hakimi.

Më poshtë keni listën më të gjithë 30 emrat e nominuar për Topin e Artë 2025:

– Ousmane Dembele (Paris Saint-Germain);

– Gianluigi Donnarumma (Paris Saint-Germain);

– Jude Bellingham (Real Madrid)

– Desire Doue (Paris Saint-Germain)

– Denzel Dumfries (Inter)

– Serhou Guirassy (Dortmund)

– Erling Haaland (Man City)

– Viktor Gyokeres (Arsenal)

– Achraf Hakimi (Paris Saint-Germain)

– Harry Kane (Bayern Munich)

– Khvicha Kvaratskhelia (Paris Saint-Germain)

– Robert Lewandowski (Barcelona)

– Alexis Mac Allister (Liverpool)

– Lautaro Martinez (Inter)

– Scott McTominay (Napoli)

– Kylian Mbappe (Real Madrid)

– Nuno Mendes (Paris Saint-Germain)

– Joao Neves (Paris Saint-Germain)

– Pedri (Barcelona)

– Cole Palmer (Chelsea)

– Michael Olise (Bayern Munich)

– Raphinha (Barcelona)

– Declan Rice (Arsenal)

– Fabian Ruiz (Paris Saint-Germain)

– Virgil van Dijk (Liverpool)

– Vinicius Jr (Real Madrid)

– Mohamed Salah (Liverpool)

– Florian Wirtz (Liverpool)

– Vitinha (Paris Saint-Germain)

– Lamine Yamal (Barcelona)

/Telegrafi/

The post France Football zbulon emrat e 30 lojtarëve të nominuar për Topin e Artë 2025 appeared first on Telegrafi.

Presidenti i FC Barcelonës, Joan Laporta, ka shprehur vlerësimin e tij për Paris Saint-Germain gjatë një interviste për prezantuesen e CNN World Sport, Amanda Davies, duke deklaruar se të dy klubet ofruan futbollin më të mirë në botë sezonin e kaluar.

“Të gjithë ata që e duan futbollin, mendojnë se PSG dhe FC Barcelona ofruan futbollin më të mirë në botë” – u shpreh Laporta.

Ai u shpreh i zhgënjyer që dy skuadrat nuk u përballën në finalen e Ligës së Kampionëve 2024/25 apo në Kupën e Botës për Klube, duke e quajtur këtë një mundësi të humbur.

“Është për të ardhur keq që nuk patëm mundësinë të përballeshim në finale, as në Ligën e Kampionëve dhe as në Kupën e Botës për Klube”, shtoi ai.

Komentet e Laportës pasqyrojnë respektin e ndërsjellë mes dy gjigantëve evropianë, të cilët arritën deri në gjysmëfinalet e Championsit, me PSG-në që në fund e fitoi trofeun.

Laporta gjithashtu përgëzoi presidentin e UEFA-s, Aleksander Çeferin, për formatin e ri të Ligës së Kampionëve, duke e cilësuar atë si një përmirësim për garën më prestigjioze të klubeve në Evropë.

Lexo po ashtu Gjendja e Camp Nout ka shokuar edhe Joan Laportan

Ai shprehu optimizëm për një përballje të mundshme me PSG-në këtë sezon, duke thënë: “Shpresoj të përballemi me ta në Ligën e Kampionëve”.

Kjo deklaratë vjen në një kohë kur të dyja ekipet po përgatiten për sezonin e ri 2025/26 – Barcelona nën drejtimin e Hansi Flick, ndërsa PSG vazhdon projektin ambicioz me Luis Enrique në krye.

Laporta nuk i kurseu lavdërimet edhe për skuadrën aktuale të Barcelonës, ku spikasin yje të rinj si Lamine Yamal, si dhe afrimet e bujshme si Roony Bardghji dhe Marcus Rashford, të cilët pritet të jenë shtylla kyçe në objektivat e klubit për sezonin e ardhshëm. /Telegrafi/

The post Joan Laporta dëshiron që Barcelona të përballet me top ekipin në Ligën e Kampionëve appeared first on Telegrafi.

Barcelona ndodhet në një situatë të vështirë financiare, pasi marrëdhënia me kapitenin dhe portierin Marc-Andre ter Stegen është tensionuar seriozisht. Klubi rrezikon pasoja të rënda ekonomike nëse vendos të ndërpresë kontratën me gjermanin.

Sipas raportimeve të La SER më 6 gusht 2025, Ter Stegen ka refuzuar të nënshkruajë një raport mjekësor që do t’i mundësonte Barcelonës ta klasifikonte dëmtimin e tij si afatgjatë. Kjo do t’i lejonte klubit të lironte fondet për regjistrimin e lojtarëve të rinj.

Portieri ka kontratë të vlefshme deri në qershor 2028 dhe nuk pranon të heqë dorë nga asnjë pjesë e të ardhurave të dakorduara, që arrijnë në rreth 42 milionë euro bruto për tre sezonet e mbetura, ose afërsisht 14 milionë euro në vit.

Sipas beIN SPORTS, kjo shumë përbën një barrë të rëndë për Barcelonën. Ndërprerja e njëanshme e kontratës jo vetëm që nuk e zgjidh problemin, por e përkeqëson situatën duke mos sjellë asnjë përfitim financiar në afatshkurtër.

Problemi kryesor lidhet me kufirin e shpenzimeve (LCPD) të vendosur nga La Liga, i cili ndalon klubet të tejkalojnë shpenzimet në raport me të ardhurat. Në shkurt 2025, ky limit për Barcelonën ishte 463 milionë euro, megjithëse klubi pretendon se tani ka kaluar mbi 500 milionë.

Rregulloret e La Ligës përfshijnë në këtë limit edhe shumat që paguhen për prishjen e kontratave apo kompensimet e largimit. Nëse Barcelona e ndërpret kontratën e Ter Stegen, ajo do të detyrohet të përballojë të gjithë shumën prej 42 milionë eurosh si “para të vdekura”.

Kjo do të thotë se klubi nuk do të fitojë asnjë hapësirë për regjistrime të reja dhe, për më tepër, do të rëndohet financiarisht për disa vite. Kjo situatë po pengon gjithashtu përpjekjet për të regjistruar portierët Joan Garcia dhe Wojciech Szczesny. /Telegrafi/

The post Barcelona në probleme të mëdha, ndërprerja e kontratës të Ter Stegen i kushton dhjetëra miliona euro appeared first on Telegrafi.

Pas dy vitesh, Barcelona më në fund do të jetë në gjendje të luajë ndeshjet në shtëpi në stadiumin e saj Camp Nou, megjithëse me një kapacitet të reduktuar.

Rinovimi i stadiumit filloi pas përfundimit të sezonit 2022/23, por puna u vonua dhe gjatë asaj kohe Barcelona i luajti ndeshjet e saj si vendas në stadiumin Montjuic.

Edhe pse punimet padyshim nuk kanë përfunduar, klubi dhe autoritetet e qytetit kanë rënë dakord që kampionët spanjollë të mund të kthehen në stadiumin e tyre me një kapacitet të reduktuar.

Kapaciteti në këtë fazë fillestare, derisa stadiumi të kalojë të gjitha kontrollet e mbetura dhe të marrë të gjitha lejet e nevojshme, do të jetë vetëm 27,000 vende.

BREAKING: #FCBarcelona and the City Council of Barcelona are CLOSE to an AGREEMENT for the RETURN to the Spotify Camp Nou with 27,000 capacity. [@QueThiJugues] pic.twitter.com/WK2eZJt770

— infosfcb (@infosfcb) August 5, 2025

Futbollistët e Barcelonës duhet të zhvillojnë ndeshjen e tyre të rikthimit në stadiumin ikonik që të shtunën, kur është planifikuar ndeshja për trofeun “Joan Gaspar” kundër Comos.

Katalunasit do të jenë pritës për herë të parë në kampionat vetëm në ndeshjen e xhiros së katërt, e cila do të luhet më 14 shtator, dhe kur ndeshet me Valencia në Camp Nou. /Telegrafi/

The post Barcelona më në fund kthehet në Camp Nou, por me një kapacitet shumë modest appeared first on Telegrafi.

Fanella e re me numrin 10 të Lamine Yamal te Barcelona ka thyer rekorde historike, duke u bërë jo vetëm fanella më e shtrenjtë në historinë e klubit, por edhe më e shitura në kohë rekord – dhe njëkohësisht më e shtrenjta në gjithë Spanjën, sipas raportimeve të Diario AS.

Versioni për tifozë nis nga 114.99 €, ndërsa me personalizim të plotë, duke përfshirë emrin, numrin dhe arnat zyrtare, çmimi shkon deri në 204.90 euro – duke e bërë atë fanellën më të shtrenjtë në La Liga.

Efekti komercial ishte i menjëhershëm. Brenda vetëm 24-48 orëve nga lançimi, u shitën afërsisht 70,000 njësi në nivel global, duke gjeneruar rreth 10 milionë euro të ardhura për Barcelonën – kryesisht nga versionet për të rritur (134.99 euro) dhe ato profesionale për lojtarë (184.99 euro).

Punonjësit në dyqanet zyrtare të klubit e përshkruan situatën si një “çmenduri absolute”, me disa lokacione që shisnin mbi 400 fanella në vetëm dy ditë.

Vendimi i Barcelonës për t’i besuar fanellën ikonike me numër 10 Yamalit – e veshur më parë nga legjenda si Lionel Messi, Ronaldinho dhe Rivaldo – përkoi me rinovimin e kontratës së tij deri në vitin 2031, duke e konsoliduar 17-vjeçarin si gurthemelin e së ardhmes së klubit. /Telegrafi/

The post Fanella me numër 10 e Lamine Yamal thyen rekordet te Barcelona – më e shtrenjta dhe më e shitura në histori appeared first on Telegrafi.

Barcelona u gjend në një situatë të ndërlikuar ligjore dhe financiare për shkak të trajtimit të Marc-Andre ter Stegen pas operacionit në shpinë.

Sipas mediave spanjolle, portieri gjerman refuzoi të nënshkruante formularin me anë të të cilit klubi mund të dërgonte një raport mjekësor në komisionin e La Ligës, i cili është një hap i nevojshëm për të vlerësuar dëmtimin dhe ndoshta për të liruar një pjesë të pagës së tij si pjesë e Fair Play Financiar.

Ky veprim i habiti drejtuesit e Barcelonës, të cilët menjëherë përfshinë ekipin e tyre ligjor. Klubi po shqyrton nisjen e një procedure të brendshme disiplinore dhe një padie kundër Ter Stegen, me mundësinë e sanksioneve, nëse avokatët arrijnë në përfundimin se refuzimi i tij dëmton seriozisht interesat e klubit – si sportive ashtu edhe financiare.

Menaxhmenti beson se, megjithëse Ter Stegen ka të drejtë ligjore për mbrojtjen e të dhënave të tij shëndetësore, si punonjës i klubit ai ka edhe detyrime të caktuara kontraktuale ndaj klubit që e paguan. Nëse përcaktohet se sjellja e tij bllokon drejtpërdrejt regjistrimin e një lojtari tjetër dhe prish stabilitetin e ekipit, kjo mund të ketë pasoja ligjore.

Lexo po ashtu Barcelona përballet me pengesë për limitin e pagave, pas refuzimit të Ter Stegen

Nëse La Liga konfirmon se është një dëmtim afatgjatë (pesë muaj ose më shumë), Barcelona mund të përdorë 80 për qind të pagës së tij vjetore për të nënshkruar zëvendësuesin e tij, Joan Garcia.

Një skenar i ngjashëm ndodhi verën e kaluar kur lëndimet e Andreas Christensen dhe Ronald Araujo mundësuan regjistrimin e Dani Olmos dhe Inigo Martinezit pas konfirmimit të La Ligës.

Megjithatë, pa firmën personale të Ter Stegen, i gjithë procesi është aktualisht i bllokuar. Raportet mjekësore janë ligjërisht private dhe nuk mund të ndahen pa pëlqimin e lojtarit.

Situata ndërlikohet edhe më tej nga fakti se qëndrimet e klubit dhe lojtarit në lidhje me ashpërsinë e dëmtimit janë krejtësisht të ndryshme. Ter Stegen njoftoi më parë nëpërmjet rrjeteve sociale se pret të kthehet në fushë pas tre muajsh, ndërsa mjekët e klubit vlerësojnë se rikuperimi do të zgjasë të paktën katër deri në pesë muaj.

| BREAKING: Marc-André ter Stegen has REFUSED to let Barça submit his post-surgery medical report to La Liga’s medical commission — a key requirement for registering him as a long-term injury and freeing up FFP space.

The club has now launched a disciplinary case, viewing… pic.twitter.com/0mB3gHMe1w

— Managing Barça (@ManagingBarca) August 5, 2025

Në raportin e tij zyrtar, klubi e etiketoi operacionin si një “përsëritje” në të njëjtën rajon lumbar ku Ter Stegen iu nënshtrua operacionit në vitin 2023 – duke sugjeruar ashpërsinë e dëmtimit.

Barcelona tashmë u përpoq të organizonte një bisedë me portierin pas kthimit të tij nga turneu, por përgjigjja e tij ishte e drejtpërdrejtë – ai nuk dëshiron të nënshkruajë asnjë dokument.

Nuk ka frustrim të fshehur në klub – ata besojnë se refuzimi i Ter Stegen ka një efekt negativ jo vetëm në klub, por edhe te shokët e tij të ekipit – veçanërisht Joan Garcia, i cili ende nuk mund të regjistrohet për shkak të kësaj.

Se çfarë do të ndodhë përfundimisht me Ter Stegen dhe Barcelonën, do ta mësojmë së shpejti. /Telegrafi/

The post Barcelona në telashe serioze, klubi po shqyrton padi kundër Ter Stegenit appeared first on Telegrafi.

Barcelona ka përfunduar aktivitetin e saj në merkato për verën, duke përforcuar skuadrën me nënshkrime si Joan Garcia, Marcus Rashford dhe Roony Bardghji.

Megjithëse kanë qarkulluar zëra për largimin e mesfushorëve Fermin Lopez dhe Marc Casado, të dy pritet të qëndrojnë në Camp Nou.

Sipas gazetës The Athletic, asnjëri nga dy lojtarët nuk është në listën e transferimeve, ndërsa klubi shpreh besim të plotë në zhvillimin dhe potencialin e tyre.

Fermin Lopez, 22 vjeç, pati një sezon mbresëlënës me tetë gola dhe dhjetë asiste në edicionin 2024/25, ndërsa Marc Casado, 21 vjeç, kontribuoi me një gol dhe gjashtë asiste në 36 paraqitje.

Manchester United dhe Chelsea kanë shprehur interes për të dy mesfushorët, por ata janë të vendosur të vazhdojnë karrierën e tyre te Barcelona.

Trajneri Hansi Flick ka plane të qarta për sezonin e ardhshëm dhe synon t’i përfshijë të dy lojtarët në rotacionin e ekipit të parë.

Qëndrimi i klubit është i prerë, nuk janë planifikuar shitje të mëdha këtë verë, ndërsa Flick është i përgatitur të menaxhojë një skuadër të gjerë për sezonin 2025/26. /Telegrafi/

The post Flick ia mbyll derën e largimit dy talentëve të Barcelonës appeared first on Telegrafi.

Barcelona pritet të miratojë disa largime nga skuadra në javët e fundit të afatit kalimtar veror në La Liga, në mënyrë që të finalizojë regjistrimet  e lojtarëve për sezonin e ri. 

Blaugranasit ndodhen në një situatë delikate, teksa trajneri Hansi Flick synon të regjistrojë transferimet verore Marcus Rashford dhe Joan Garcia, që të jenë të gatshëm për ndeshjen hapëse të sezonit më 16 gusht ndaj Mallorcas. 

Rashford ka deklaruar se është i sigurt që klubi do ta zgjidhë çështjen në kohë dhe se kjo nuk do të ndikojë në debutimin e tij, ndërsa Garcia është ende në pritje të një vendimi për situatën e Marc-Andre Ter Stegen. 

Barcelona pritet të marrë së shpejti lajme mbi mungesën e portierit gjerman pas ndërhyrjes kirurgjikale në shpinë.  

Ter Stegen ka thënë vetë se do të mungojë vetëm për tre muaj, por nëse vlerësimi mjekësor nga La Liga e rrit këtë periudhë në katër muaj, atëherë Barcelona mund të aktivizojë një rregull që i lejon të lirojnë 80% të hapësirës së rrogës së tij për të regjistruar Garcian. 

Ky do të ishte vetëm një zgjidhje e përkohshme, por mjaftueshëm për të shmangur një tjetër siklet për Flick dhe klubin në lidhje me regjistrimet në Kataloni. 

Ndër lojtarët që pritet të largohen është mbrojtësi i djathtë Hector Fort. Kjo pasi përpara tij në hierarki janë Jules Kounde dhe Eric Garcia, ndërsa në krahun e majtë mbulimi vjen nga Alejandro Balde, Gerard Martin dhe Jofre Torrents. 

Skuadra e sapongjitur në Ligue 1, Paris FC, ka shfaqur interes për Fort, ndërsa sipas Mundo Deportivo, në garë për të janë edhe Milan, Borussia Dortmund dhe Ajax. /Telegrafi/

The post Barcelona po pret oferta për mbrojtësin e vlerësuar spanjoll appeared first on Telegrafi.

Marcus Rashford ka shënuar golin e parë si lojtar i Barcelonës në turneu parasezonal në Azi. 

Pas humbjes së vendit në formacionin e Manchester United nën drejtimin e Ruben Amorim, Rashford gjeti një shans të ri me Barcelonën.  

Pas një sezoni premtues te Aston Villa që u ndërpre nga një dëmtim, ai u huazua te Barcelona dha dëshmoi se ka ende vlerë, me një marrëveshje sezonale që përfshin opsionin për transferim të përhershëm në 2026. 

Gjatë turneut parasezonal në Azi, Rashford është adaptuar mirë me bashkëlojtarët si Lamine Yamal dhe pjesën tjetër të ekipit. 

Rashford’s first goal pic.twitter.com/y4Kji3xTld

— FC Barcelona (@FCBarcelona) August 4, 2025

Në takimin ndaj Daegu FC, ai shënoi golin e pestë për katalanasit, me një goditje të saktë nga 12 metra, duke vulosur fitoren e thellë në miqësore. 

Ky ishte goli i parë i Rashford si lojtar i Barcelonës, një sinjal i qartë për energjinë dhe ndoshta rikthimin në versionin më të mirë të vetes për sezonin që po vjen për sulmuesin 27-vjeçar./Telegrafi/

The post Marcus Rashford gjen golin e parë me fanellën e Barcelonës appeared first on Telegrafi.

Barcelona vazhdon të besojë në aftësinë e saj për të regjistruar transferimet e reja, Roony Bardghji, Marcus Rashford dhe Joan Garcia, pa pasur nevojë për shitje të tjera lojtarësh. 

Presidenti Joan Laporta po ashtu ka theksuar se klubi nuk ka ndërmend të përdorë rregullin emergjent për zëvendësim të një lojtari të dëmtuar për të regjistruar Garcian. 

Nëse një lojtar mungon për shkak të dëmtimit për katër muaj, klubet e La Ligas mund të përdorin deri në 50 për qind  të kufirit të pagave për të regjistruar një lojtar zëvendësues, shifra që rritet në 80 për qind nëse mungesa është pesë muaj ose më shumë. 

Kur u raportua se Marc-Andre Ter Stegen mund të ketë nevojë për operacion për problemin e tij të shpinës, u mendua se Barcelona do ta shfrytëzonte këtë rregull për të regjistruar Garcian, pasi ai ende nuk ka zyrtarisht status. 

Megjithatë, Ter Stegen njoftoi se do të mungojë vetëm për tre muaj. 

Vendimi i La Ligas për të miratuar ndryshimin do të varet nga raporti mjekësor i Ter Stegen. Ndërkohë, thuhet se doktori Amelie Le­glise, kirurgu i tij, ka dorëzuar një raport mjekësor që parashikon mungesën në mes të katër dhe pesë muajve. 

Lexo po ashtu Ter Stegen zbulon raportin që ka me drejtuesit e Barcelonës

Ekzistojnë kontrolle për këtë rregull. Nëse Ter Stegen nuk mungon minimumi tre muaj (kur mungesa është paraqitur si katër muaj), ose nuk mungon të paktën katër muaj (kur mungesa është paraqitur si pesë muaj ose më shumë), La Liga mund të penalizojë Barcelonën. 

Sanksioni i parashikuar do të ndikojë në limitin e pagave të klubit, duke e ulur atë me trefishin e rrogës së Ter Stegen në këtë rast./Telegrafi/

The post Ky është dënimi që e pret Barcelonën nëse Ter Stegen rikthehet nga lëndimi para kohës appeared first on Telegrafi.

  Suksesi aktual sportiv i Barcelonës po përkthehet edhe në përfitime të mëdha komerciale, me klubin që ka regjistruar të ardhura rekord nga sponsorët në fanella.  

Sipas presidentit Joan Laporta, ‘Barcelona Licensing & Merchandising’ (BLM) raportoi të ardhura mes 140 dhe 150 milionë eurove në vitin financiar të fundit. 

Klubi përfiton nga disa sponsorë të mëdhenj që janë të pranishëm në fanellat e ekipeve si për meshkuj, ashtu edhe për femra. Dy partnerët më të mëdhenj janë Spotify dhe Nike, të cilët kontribuojnë pjesën më të madhe të të ardhurave. 

Spotify, sponsori kryesor i fanellës, paguan rreth 65 milionë euro në sezon, plus bonuse që e çojnë totalin në rreth 70 milionë euro. 

Kjo përfshin 57.5 milionë euro për reklamën në pjesën e përparme të fanellës, 5 milionë për logot në veshjet stërvitore, 5 milionë për të drejtat e emërtimit të stadiumit ‘Spotify Camp Nou’, dhe bonuse të tjera. 

Nike, e cila rinovoi marrëveshjen në nëntor të vitit 2024, i paguan klubit 122 milionë euro në vit. Kjo shumë përfshin një bonus nënshkrimi prej 158 milionë eurosh, i shpërndarë gjatë kontratës, si dhe bashkëpunime në shitjen me pakicë. 

Gjatë turneut aktual në Azi, sponsorë të tjerë si Ambilight TV dhe Cupra janë gjithashtu të pranishëm në fanellat e ekipit. 

Lexo po ashtu Drejtori sportiv zbulon negociatat e Barcelonës për Alexander Isak

Ambilight TV kontribuon me rreth 12 milionë euro në vit, duke u shfaqur në mëngën e majtë, ndërsa Cupra paguan 7 milionë euro në vit për të drejtat globale të partneritetit dhe për branding gjatë miqësoreve dhe fazës përgatitore. 

Në total, Barcelona përfiton mbi 209 milionë euro në vit nga sponsorët në fanella, një shifër që po rritet lehtësisht nga partneritete të reja si ai me Cupra. 

Kjo rrjedhë e fuqishme financiare nga sponsorët siguron një bazë të fortë ndërsa klubi synon të ndërtojë suksese të reja sportive./Telegrafi/

The post Kur marketingu shënon gola – Barcelona arkëton më shumë se shumica e klubeve nga sponsorët appeared first on Telegrafi.

Fermin Lopez është shndërruar në një nga talentet më të kërkuar të Barcelones dhe interesimi për të sa vjen e shtohet, kryesisht nga Anglia..

Mesfushori ofensivë nga Huelva ka treguar teknikë të lartë, shpërthim në zonën kundërshtare dhe aftësi për të shënuar e asistuar. Sezonin e kaluar kontribuoi me 8 gola dhe 10 asiste në të gjitha kompeticionet.

Lopez luan kryesisht në rolet ofensive të mesfushës, por ka treguar fleksibilitet edhe në krahun e majtë, veçanërisht kur mungonte Raphinha apo Lamine Yamal. Aftësia për t’u përshtatur dhe për të punuar në presion e bën atë një element të vlefshëm për Hansi Flick.

Interesi për të është rritur veçanërisht nga klubet angleze. Chelsea ka ofruar një shkëmbim me Christopher Nkunku, por Barcelona e ka refuzuar menjëherë. Edhe Manchester United ka bërë një ofertë prej 70 milionë euro për kartonin e tij, por katalanasit kanë thënë jo.

Ky vendim ka ardhur pas kërkesës direkte të trajnerit Flick, i cili e sheh Fermin Lopez si pjesë të pandashme të projektit të tij te Barcelona. Ai ka ndërhyrë personalisht duke i kërkuar lojtarit të qëndrojë dhe i ka shprehur besimin e plotë.

Lopez i ka premtuar trajnerit qëndrimin, duke deklaruar se dëshira e tij është të arrijë sukses te Barcelona dhe të forcojë pozicionin e tij si titullar në vitet e ardhshme.

Brenda klubit, ai vlerësohet jo vetëm për cilësitë teknike, por edhe për karakterin e tij të përulur dhe profesional. Ka kaluar çdo hap me përkushtim dhe tashmë ka debutuar edhe me përfaqësuesen spanjolle.

Barcelona nuk ka në plan të shqyrtojë shitjen e tij, përveç nëse vetë lojtari kërkon largimin, por një situatë e tillë nuk ekziston. Fermin Lopez mbetet një nga asetet më premtuese të së ardhmes blaugrana. /Telegrafi/ 

The post Oferta nga Chelsea dhe Man Utd, Hansi Flick merr vendim për të ardhmen e Fermin Lopez appeared first on Telegrafi.

Barcelona po punon kundër kohës për të balancuar financat, për të realizuar nënshkrime të reja dhe për të liruar hapësirë në një skuadër që trajneri Hansi Flick e konsideron të pabalancuar në disa aspekte, sipas gazetës Sport.

Në këtë drejtim, klubi është duke shqyrtuar largimin e disa lojtarëve këtë verë dhe tre emra janë aktualisht në listën e transferimeve të mundshme: Fermin Lopez, Marc Casado dhe Andreas Christensen.

Sipas burimeve pranë klubit, drejtori sportiv Deco dhe trajneri gjerman kanë arritur në përfundimin se mesfusha është e mbipopulluar.

Krahas emrave të konsoliduar si Frenkie de Jong dhe Pedri, Barça ka në dispozicion edhe të rinj premtues si Gavi, Dani Olmo dhe Marc Bernal, të cilët po konsiderohen pjesë e rëndësishme e projektit afatgjatë.

Në këtë kuadër, Marc Casado shihet si një nga hallkat më të dobëta, pasi humbi terren gjatë pjesës së dytë të sezonit të kaluar. Pavarësisht potencialit të tij, klubi është i hapur ndaj ofertave, me një vlerësim rreth 30 milionë euro.

Nga ana tjetër, Fermín López ka tërhequr interesim të madh nga Manchester United, i cili raportohet të jetë i gatshëm të ofrojë një shumë afër 70 milionë euro për shërbimet e tij.

Lexo po ashtu Formacioni i mundshëm i Barcelonës për sezonin e ardhshëm bazuar në ndeshjet parasezonale deri më tani

Mesfushori ka refuzuar interesimin nga klube të tjera, përfshirë Chelsea dhe disa ekipe nga Arabia Saudite, por një kalim në Ligën Premier mund të bëhet realitet nëse dy klubet arrijnë marrëveshje.

Situata e Andreas Christensen është pak më ndryshe. Edhe pse nuk është prioritet për Hansi Flick, danezi ka treg dhe mund të luajë një rol kyç në përmirësimin e financave të klubit.

Drejtuesit janë të vetëdijshëm se shitjet e mençura janë thelbësore për të rifreskuar skuadrën dhe për të përmbushur kërkesat e regjistrimeve pranë La Ligës.

Presidenti Joan Laporta ka theksuar se procesi i regjistrimit të lojtarëve është duke ecur, por pranon se për të hapur rrugën për përforcime të reja, është e nevojshme që disa emra të largohen.

Gushti do të jetë një muaj vendimtar për të ardhmen sportive dhe financiare të Barcelonës. /Telegrafi/

The post Barcelona përgatit tri largime në ditët e ardhshme appeared first on Telegrafi.

Presidenti i Barcelonës, Joan Laporta, ka dhënë një përditësim pozitiv në lidhje me përpjekjet e vazhdueshme të klubit për të regjistruar lojtarët përpara sezonit të ri të La Ligës.

Duke folur me gazetarët, Laporta tha: “Po ecën mirë. Është më mirë të punohet sesa të publikohet”.

“Ne po bëjmë punën tonë dhe jemi të bindur se do të jemi në gjendje t’i regjistrojmë të gjithë”, përfundoi presidenti i Barcelonës.

Lexo po ashtu Laporta zbulon se a do të ketë më transferime te Barcelona këtë verë

Klubi katalunas është përballur me sfida të vazhdueshme me rregulloret strikte të Fair Play Financiar të La Ligës në sezonet e fundit, duke kërkuar shpesh lëvizje të minutës së fundit ose manovra financiare për të përfunduar regjistrimet e lojtarëve.

Kjo verë nuk ka qenë ndryshe, me nënshkrime të reja si Joan Garcia, Marcus Rashford dhe rinovime të mundshme për lojtarë kyç që presin të marrin lejen.

Me përgatitjet parasezonale që po përfundojnë dhe planifikimin e skuadrës që po i afrohet përfundimit, Barca do të gjendet në një situatë të vështirë nëse fjalët e Laportës nuk janë të vërteta. /Telegrafi/

The post Joan Laporta konfirmon se regjistrimi i lojtarëve është në rrugën e duhur appeared first on Telegrafi.