Versioni më i fundit i softuerit iOS 26 po testohet nga inxhinierët e Apple dhe së shpejti do të jetë i disponueshëm për përdoruesit.

Kompania Apple ka publikuar versionin e katërt për zhvilluesit të sistemit të saj të ri operativ iOS 26, i cili sjell ndryshime në dizajn si dhe njoftime të përmbledhura për lajme, të ndihmuara nga inteligjenca artificiale.

Sipas portalit Tech Crunch, versioni i ri do të jetë së shpejti i disponueshëm për testim publik beta, i cili është paralajmëruar për ditët në vijim.

Sistemi operativ iOS 26 beta prezanton një ekran të ri mirëseardhjeje dhe paraqitje hyrëse për funksione kryesore, si opsionet e përmirësuara të Sirit dhe kamerës.

Apple vazhdon të përpunojë dizajnin e quajtur “Liquid Glass”, duke shtuar më shumë transparencë në disa aplikacione, si dhe një sfond të ri dinamik që ndryshon ngjyrat.

Gjithashtu, së bashku me iOS 26, janë publikuar edhe versionet beta për iPadOS, macOS, watchOS, tvOS, visionOS dhe Xcode. /Telegrafi/

The post Apple teston versionin e ri iOS 26 – çfarë ka të re te iPhone appeared first on Telegrafi.

Në një zhvillim të fundit që ka ngjallur shqetësime rajonale, Rusia po shton në mënyrë të konsiderueshme praninë ushtarake në Armeni.

Sipas burimeve të gazetës armene Graparak, gjatë javëve të fundit në bazën ushtarake ruse në qytetin Gyumri janë dërguar në masë armë, municione dhe pajisje të tjera ushtarake. Raportohet se aeroplanë transportues ushtarak kanë zbarkuar çdo ditë në këtë bazë, duke sjellë ngarkesa të konsiderueshme të pajisjeve luftarake.

Autoritetet armene deri më tani nuk kanë bërë ndonjë koment zyrtar në lidhje me këtë zhvillim. Po ashtu, edhe autoritetet ruse nuk kanë dhënë ndonjë deklaratë publike, duke mbajtur një qasje të heshtur në një kohë kur tensionet në rajon janë në rritje.

Ky zhvillim vjen në një moment të ndjeshëm për marrëdhëniet ruso-armene, të cilat janë përkeqësuar kohët e fundit për shkak të afrimit gjithnjë e më të madh të Armenisë me Perëndimin, si dhe tensioneve të vazhdueshme me Azerbajxhanin. Për më tepër, Rusia ndodhet në një konflikt të ashpër diplomatik me Azerbajxhanin, i cili akuzon Kremlinin për mbështetje të heshtur ndaj interesave armene në rajon.

Sipas Graparak, kjo lëvizje e Moskës mund të jetë një përpjekje për të ruajtur ndikimin strategjik në Kaukazin Jugor, në një kohë kur Armenia ka sinjalizuar se mund të largohet nga Organizata e Traktatit të Sigurisë Kolektive (CSTO) dhe Bashkimi Ekonomik Euroaziatik – dy struktura të dominuara nga Rusia, raportojnë mediat.

Disa analistë vlerësojnë se Kremlini po përgatitet për një realitet të ri gjeopolitik në të cilin Armenia nuk do të jetë më pjesë e aleancave tradicionale me Rusinë.

Për momentin, nuk dihet saktësisht qëllimi i dërgesave ushtarake, por prania në rritje e trupave dhe armatimeve në Gyumri mund të përbëjë një përpjekje për të forcuar pozitat ruse në rajon dhe për të dërguar një mesazh të qartë si për autoritetet armene, ashtu edhe për rivalët gjeopolitikë të Rusisë.

Zhvillimet e mëtejshme priten me shqetësim nga aktorët ndërkombëtarë, të cilët e shohin Kaukazin si një zonë me potencial të lartë për përplasje të reja ushtarake dhe ndërlikime gjeopolitike. /Telegrafi/

The post Rusia gati të hap një front të ri të luftës – dërgon ushtrinë në kufi me Armeninë appeared first on Telegrafi.

Shkuarja në zgjedhje të reja me urdhër të Gjykatës Kushtetuese si pasojë e ngërçit në Kuvend do ta komprometonte rëndë këtë institucion, thotë ish-kryetari i Gjykatës Kushtetuese, Enver Hasani.

Ai, në një intervistë me shkrim për KosovaPress, thotë se pa konstituim të Kuvendit nuk mund të ketë zgjedhje të jashtëzakonshme, ani pse tejkalohet afati tridhjetë ditorë i Gjykatës Kushtetuese, ku ka obliguar deputetët që deri më 26 korrik të konstituojnë legjislaturën e nëntë.

Në ditën e fundit të këtij afati, deputetët e Kuvendit të Kosovës dështuan sot të zgjedhin trupat e legjislativit edhe në përpjekjen e 53-të, derisa pritet të mblidhen edhe një herë të shtunën në orën 22:00.

Gjykata Kushtetuese më 24 korrik ka nxjerrë masë të përkohshme për seancën konstituive, ku ua ndalon deputetëve të marrin vendime nga 27 korriku deri më 8 gusht.

Përkitazi me këtë, Hasani thotë se Kushtetuesja, në aktgjykimin final pas tejkalimit të masës së përkohshme më 8 gusht, do të konstatojë se deri në ndërrimin e rendit të ditës nga kryesuesi i seancës, Avni Dehari, gjithçka ka qenë në përputhje me Kushtetutën, mirëpo prej 1 majit, kur është propozuar votimi i fshehtë për kryeparlamentarin, ka nisur gjendja jo-kushtetuese, që tani duhet të adresohet nga Kushtetuesja.

Sipas tij, Gjykata duhet të sqarojë vetëm edhe një çështje – sa herë mund të propozohet i njëjti kandidat brenda afatit tridhjetëditor, duke llogaritur nga dita kur ka nisur jo-kushtetutshmëria për shkak të veprimit të Avni Deharit.

“Shkuarja në zgjedhje me urdhër të Gjykatës Kushtetuese do ta komprometonte rëndë këtë institucion aq thelbësor për Kosovën dhe për rrugën e saj euroatlantike. Kjo për dy arsye të pakontestueshme. Së pari, pa konstituim të Kuvendit nuk mund të shkohet në zgjedhje, sepse një Kuvend që nuk është konstituaur thjesht nuk ekziston në rendin kushtetues. Kjo është çështje elementare e logjikës juridike dhe e teorisë së shtetit. Një veprim i tillë do të ishte një anomali e paimagjinueshme në ndonjë sistem serioz kushtetues: do të futeshim realisht në Librin e Ginisit për absurditete juridiko-kushtetuese. Më tej, një precedent i tillë do të hapte rrugën që pas çdo cikli zgjedhor, subjektet humbëse të instrumentalizonin kryesuesin e përkohshëm për të bllokuar qëllimisht konstituimin e Kuvendit, duke e shndërruar rendin parlamentar në një krizë ciklike dhe duke instaluar anarki institucionale të qëndrueshme. Në zgjedhjet tjera, beteja do të ishte për gjetjen e një kandidati sa më të moshuar për deputet”, thekson ai.

Sipas tij, edhe nëse do të pranohej, për hir të diskutimit teorik, se Kuvendi është formalisht i konstituuar, Gjykata Kushtetuese nuk do të mund dhe nuk do të duhej të jepte një urdhër për shpërndarje të Kuvendit apo për organizim zgjedhjesh.

“Një akt i tillë do të përbënte një ndërhyrje të papranueshme në fushën e vullnetit sovran të qytetarëve, si dhe një shkelje të parimit të vetëpërmbajtjes institucionale, që është një shtyllë themelore e doktrinës kushtetuese në të gjitha demokracitë evropiane. Gjykata Kushtetuese është garant i rendit kushtetues, jo aktor politik. Roli i saj është rregullator dhe i arbitrit, jo zëvendësues i vullnetit të përfaqësuesve të zgjedhur. Ky qëndrim nuk ka të bëjë vetëm me parimet e demokracisë formale, por me ekuilibrin e ndërsjellë dhe respektin institucional mes Kuvendit dhe Gjykatës Kushtetuese – dy pushtete që interpretojnë dhe mishërojnë vullnetin kushtetues të popullit, të shprehur në Kushtetutën e Republikës së Kosovës, si akti më i lartë juridik dhe politik i shoqërisë sonë”, shton ai.

Ai thekson se dekretimi për shkuarje në zgjedhje, në rast krize, mund të ndodhë vetëm si sanksion kushtetues, përmes procesit të decertifikimit të të zgjedhurve të parë të popullit.

“Vetëm në këtë formë ruhet legjitimiteti i votës dhe i rendit demokratik. Edhe ky sanksion, sidoqoftë, nuk mund të jetë ndëshkim kolektiv, por duhet të jetë proporcional dhe individual, për dy arsye themelore: E para, sepse shumica e deputetëve aktualisht po i përgjigjen detyrimit të tyre kushtetues. Mandati i deputetit në sistemin tonë kushtetues – ashtu si në shumicën e vendeve evropiane – nuk është mandat imperativ, pra nuk është i detyrueshëm në kuptimin e bindjes ndaj urdhrave të një autoriteti të jashtëm politik. E dyta, një pjesë e deputetëve që nuk po marrin pjesë në votim nuk po shkelin detyrimin kushtetues, por po e refuzojnë një proces të deformuar dhe jo-kushtetues, të imponuar nga Avni Dehari. Kjo përbën shprehje të ndërgjegjes parlamentare dhe të autonomisë së mandatit të deputetit, e cila është e paprekshme dhe e mbrojtur me normë të drejtpërdrejtë kushtetuese”, deklaron Hasani.

Duke komentuar aktgjykimin e mundshëm të Kushtetueses, pas tejkalimit të masës së përkohshme më 8 gusht, Hasani thotë se Gjykata Kushtetuese ka për të konstatuar që deri në ndërrimin e rendit të ditës nga kryesuesi Avni Dehari, gjithçka ka qenë në përputhje me Kushtetutën, mirëpo sipas tij pas asaj dite ka nisur një gjendje jo-kushtetuese, e cila tani duhet të adresohet nga vetë Gjykata.

“Këtë e bazoj në faktin se në vendimin për masën e përkohshme, Gjykata ka treguar se ka kërkuar procesverbalet e seancave konstituive të Kuvendit që nga viti 2008 e tutje. Kjo do të thotë se ajo synon të thotë që deputetët duhet të ndjekin të njëjtën praktikë: votim të hapur dhe me vetëm një kandidat. Në këtë rast, Gjykata duhet të sqarojë vetëm edhe një çështje: sa herë mund të propozohet i njëjti kandidat brenda afatit tridhjetë ditorë, duke llogaritur nga dita kur ka nisur jo-kushtetutshmëria për shkak të veprimit të Avni Deharit. Nuk ka rrugë tjetër që Gjykata mund ta justifikojë këtë situatë. Nëse vepron ndryshe, komprometohet”, përfundon ai.

The post Hasani: Zgjedhjet me urdhër të Kushtetueses do ta komprometonin rëndë rendin kushtetues appeared first on Telegrafi.

Një zjarr i fuqishëm ka përfshirë fshatin Lubizhdë të Prizrenit.

Flakët kanë përfshirë një shtallë të kafshëve gjersa raportohet se disa prej lopëve kanë ngordhur në incident.

Fejzulla Berisha nga Brigada e Zjarrfikësve të Prizrenit ka konfirmuar se zjarri ka përfshirë një shtallë dhe është përhapur me shpejtësi, duke rrezikuar edhe banesat përreth, raporton rtvbesa.

“Po bëjmë çmos për ta vënë zjarrin nën kontroll. Fatmirësisht deri tani nuk raportohet për të lënduar, por dëmet materiale janë të konsiderueshme,” tha Berisha.

Sipas informacioneve nga vendi i ngjarjes, zjarrfikësit janë përballur me vështirësi të mëdha për shkak të terrenit dhe erërave që kanë favorizuar përhapjen e flakëve.

Autoritetet u kanë bërë thirrje banorëve të zonës të jenë të kujdesshëm dhe të bashkëpunojnë me shërbimet emergjente. /Telegrafi/

The post Zjarret përfshijnë shtallë me lopë, rrezikohen edhe shtëpitë në Lubizhdë të Prizrenit appeared first on Telegrafi.

Aplikacioni Snapchat tani mund t’i njoftojë miqtë e përdoruesit nëse ai ka arritur i sigurt në shtëpi dhe kjo pa qenë nevoja që ai vetë të dërgojë ndonjë mesazh.

Snapchat ka prezantuar një funksion të ri të quajtur Home Safe, i cili dërgon njoftime kontakteve të përzgjedhura.

Këto njoftime mund t’u dërgohen vetëm personave me të cilët përdoruesi tashmë ndan vendndodhjen, dhe për shkak se kjo veçori është e çaktivizuar nga parazgjedhja, duhet të aktivizohet në Snap Map, qoftë për të gjithë miqtë ose vetëm për disa prej tyre. Miqtë e përdoruesit do të marrin njoftimin vetëm një herë, pas së cilës ai do të çaktivizohet automatikisht.

Home Safe tingëllon veçanërisht e dobishme nëse përdoruesi dhe miqtë e tij tashmë kanë zakonin të kontrollojnë njëri-tjetrin pas daljeve ose të njoftojnë prindërit që kanë arritur në shtëpi.

Për të aktivizuar këtë veçori, duhet të preket Bitmoji në Snap Map dhe më pas opsioni “My Home” për të vendosur vendndodhjen e shtëpisë. Pas kësaj, sa herë që përdoruesi dëshiron të njoftojë dikë që ka arritur në shtëpi, mjafton të hapë bisedën (chat), të prekë ikonën Map, dhe pastaj butonin Home Safe.

Snapchat prej kohësh ofron opsionin e ndarjes së vendndodhjes, dhe ndër vite ka përmirësuar veçoritë e sigurisë. Ndarja e vendndodhjes në kohë reale, që lejon përdoruesit të ndajnë vendndodhjen e tyre të saktë me miqtë, u prezantua në vitin 2022.

Vitin e kaluar, u shtuan funksione të reja të ndjekjes së vendndodhjes në Family Center, që u mundëson prindërve të marrin njoftime nëse fëmija e tyre largohet nga shtëpia ose shkolla. /Telegrafi/

The post Snapchat mund të njoftojë automatikisht miqtë se përdoruesi ka arritur në shtëpi ‘shëndoshë e mirë’ appeared first on Telegrafi.

Adoleshentja kineze gati vdes pasi konsumoi vetëm perime dhe laksativë për dy javë për të humbur peshë.

Një vajzë 16‑vjeçare nga provinca Hunan në Kinë pothuajse humbi jetën, pasi ndoqi një dietë ekstreme për dy javë.

E identifikuar si Mei, ajo konsumoi vetëm sasi të vogla perimesh dhe përdori laksativë në përpjekje për t’u përshtatur në një fustan të ditëlindjes.

Gjendja e saj u rëndua papritur: filloi të humbiste forcë në ekstremitete dhe ndjeu vështirësi në frymëmarrje. Mjekët e çuan urgjent në spital dhe bënë një ndërhyrje emergjente që zgjati 12 orë për t’i shpëtuar jetën.

Analizat zbuluan një rënie drastike të nivelit të kaliumit në gjak (hipokalemi serioze), që çoi në dobësi muskulore dhe probleme të frymëmarrjes. Mjeku Peng Min nga Spitali Popullor i Hunanit njoftoi se kjo gjendje mund të shkaktojë dështim respirator dhe arrest të papritur kardiak. Një mjek tjetër, me mbiemrin Li, shtoi se dieta e balancuar dhe dehidratimi mund të ulin ndjeshëm nivelin e kaliumit.

Dr. Peng rekomandoi konsumin e patateve, bananeve dhe pulës, si dhe pirjen e ujit për të ruajtur nivele adekuate të kaliumit në trup.

Mei është shëruar plotësisht dhe është ndaluar nga spitali. Ajo premtoi se kurrë më nuk do të përdorë metoda ekstreme për humbje peshe.

Ky rast është vetëm një nga disa në Kinë që lidhen me dieta ekstreme dhe dëmton serioz trupin. Vitin e kaluar, një burrë 26‑vjeçar u hospitalizua për hipokalemi pasi përdori agjërim të alternuar dhe ushtrime të rënda, duke ngrënë vetëm gjatë një dritareje 8‑orëshe çdo ditë.

Një grua 38‑vjeçare gjithashtu përfundoi në spital për helmim me ujë pasi konsumoi 4 litra ujë të kripur menjëherë sipas udhëzimeve online. /Telegrafi/

The post Adoleshentja gati sa nuk vdiq pasi hëngri vetëm perime dhe laksativë për dy javë për të humbur peshë appeared first on Telegrafi.

Adoleshenti Kenny Laynez-Ambrosio (18), shtetas amerikan, po udhëtonte me nënën dhe dy miq në North Palm Beach, kur u ndaluan nga policia rrugore e Floridës.

Kontolla rutinore u kthye në një arrestim të dhunshëm, të cilin ai e regjistroi fshehurazi me celular. Pasi policia kërkoi dokumentet e të gjithëve dhe thirri përforcime, mbërritën agjentë të patrullës kufitare që përdorën elektroshok dhe kapje mbytëse ndaj pasagjerëve – dy prej të cilëve pa dokumente.

Kenny thotë se nuk planifikonte të filmonte, por filloi kur pa që situata po përkeqësohej. Njëri nga oficerët hapi derën dhe kapi për fyti mikun e tij, që nuk fliste anglisht dhe nuk kundërshtoi. Ai vetë nuk kishte frikë për veten, por për shokët.

Pavarësisht se u tha oficerëve që është shtetas amerikan, edhe ai u shtrirë në tokë dhe u kërcënua me elektroshok. U arrestua dhe mbajtur për 6 orë. Një nga agjentët i tha se “këtu nuk ke asnjë të drejtë. Ti je ‘migo’.” Në video dëgjohen oficerët duke bërë shaka me arrestimin dhe duke përmendur një bonus prej 30 mijë dollarësh.

Teenage US citizen, Kenny Laynez-Ambrosio, told “You’ve got no rights”. pic.twitter.com/20HdjyrHYh

— SharonBC,Canada (@SharonBurnabyBC) July 26, 2025

Laynez-Ambrosio u akuzua për pengim pa dhunë dhe u dënua me punë vullnetare e kurs zemërimi. Ai pretendon se në paraburgim e kërcënuan që të fshinte videon, por nuk pranoi.

Dy miqtë e tij u dërguan në një qendër emigracioni dhe tani presin gjyqin. Sipas një prifti që ndihmon familjen, incidenti ka thelluar mosbesimin mes komunitetit emigrant dhe policisë.

Kenny shpreson që videoja e tij do të ndihmojë në ngritjen e ndërgjegjësimit për trajtimin e emigrantëve.

“Nuk duhej të ndodhte kështu. Ata janë njerëz të mirë që thjesht kërkojnë të punojnë ndershmërisht,” tha ai. /Telegrafi/

The post Adoleshenti filmoi fshehurazi arrestimin brutal të tij nga policia amerikane appeared first on Telegrafi.

Ish-ushtari elitar i Forcave Speciale të Ushtrisë Amerikane (i njohur si Green Beret), Anthony Aguilar, ka deklaruar se ka qenë dëshmitar i drejtpërdrejtë i veprimeve të dhunshme dhe çnjerëzore të ushtrisë izraelite (IDF) ndaj civilëve palestinezë në Gaza.

Sipas tij, forcat izraelite kanë qëlluar në mënyrë të përsëritur me topa tanku dhe dhe mortaja mbi turmat e mëdha të palestinezëve të paarmatosur dhe të uritur, të cilët ishin mbledhur pranë pikave të ndarjes së ndihmave humanitare të organizatës GHF (Global Humanitarian Foundation).

Aguilar, i cili po punon si kontraktor sigurie për GHF në Gaza, i ka dhënë një intervistë rrëqethëse transmetuesit britanik BBC, ku i ka përshkruar sulmet si “të pa përzgjedhura” dhe “të përbindshme”.

NEW: Former U.S. Green Beret Anthony Aguilar claims he repeatedly saw Israeli forces (IDF) firing tank and mortar rounds into crowds of unarmed, starving Palestinians at GHF aid sites in Gaza.

“I witnessed war crimes,” the GHF security contractor told the BBC, calling the… pic.twitter.com/JauxDbLAb7

— Clash Report (@clashreport) July 26, 2025

Ai thekson se nuk kishte parë kurrë më parë një nivel të tillë dhune dhe mizorie, madje as gjatë shërbimit të tij në zonat më të rrezikshme të luftës.

“Kam qenë dëshmitar i krimeve të luftës. Ato që pashë ishin akte brutale dhe të qëllimshme kundër njerëzve të pafajshëm – burra, gra dhe fëmijë – që po përpiqeshin të siguronin ushqim për të mbijetuar. Sulmet ishin pa paralajmërim dhe pa dallim – thjesht një sulm i drejtpërdrejtë mbi njerëz të uritur dhe të pambrojtur”, pohoi ai.

Deklaratat e tij kanë shkaktuar tronditje dhe janë bërë pjesë e diskutimeve ndërkombëtare mbi situatën humanitare në Gaza dhe respektimin e ligjit ndërkombëtar të luftës.

Aguilar kërkoi që komuniteti ndërkombëtar të ndërhyjë për të hetuar këto veprime dhe për të garantuar mbrojtjen e civilëve në zonat e konfliktit. /Telegrafi/

The post Dëshmia tronditëse e ish-ushtarakut amerikan: Izraelitët qëllojnë me mortaja mbi palestinezët që presin për ndihma appeared first on Telegrafi.

Ghislaine Maxwell, personi i vetëm që është dënuar për skandalin që lidhet me pedofilin Jeffrey Epstein, ka ofruar të zbulojë “të gjitha sekretet e tij” në këmbim të një faljeje nga presidenti amerikan, Donald Trump.

Sipas avokatëve të saj, Maxwell shpreson që Trump do të vendosë ta falë, gjë që do t’i mundësonte asaj të dalë nga burgu 17 vite para përfundimit të dënimit.

Kjo deklaratë vjen në një kohë kur zyrtarë të Departamentit amerikan të Drejtësisë janë duke u takuar me Maxwell dhe duke biseduar për çështjen Epstein.

Maxwell është personi i vetëm që është dënuar në lidhje me rastin Epstein, i cili u hap pas arrestimit të ish-financierit, raporton cnn.

Epstein ishte akuzuar për trafikim njerëzor, pedofili dhe abuzim seksual, por kreu vetëvrasje në qelinë e paraburgimit përpara se të fillonte gjyqi.

Rasti i tij është rikthyer në qendër të vëmendjes pasi disa media amerikane kanë raportuar se në listën e “klientëve” të tij, pra personave që kanë vizituar ishullin e tij ku janë kryer shumë krime, figuron edhe Donald Trump, si dhe persona të tjerë me ndikim.

Trump i ka mohuar këto pretendime, por kohët e fundit janë shfaqur shumë prova të reja që e lidhin atë me Epsteinin.

Ndër to janë edhe foto të reja nga dasma e Trumpit, si dhe një letër që presidenti amerikan i kishte dërguar Epsteinit për ditëlindjen e tij të 50-të.

Gjithashtu, “Wall Street Journal” ka raportuar kohët e fundit se Trump është informuar se emri i tij ndodhet në dokumentet që lidhen me rastin Epstein.

Gjatë fushatës zgjedhore, Trump kishte premtuar se do t’i publikonte të gjitha dokumentet, por më pas hoqi dorë nga ky premtim, duke deklaruar se gjithçka është “një mashtrim i organizuar nga Partia Demokratike.”

Ndaj tij po ushtrohet presion që të bëjë publike dokumentet, por ndihmohet nga liderët e Partisë Republikane në të dyja dhomat e Kongresit amerikan, të cilët po refuzojnë që të hapin diskutime për këtë çështje. /Telegrafi/

The post Bashkëpunëtorja do t’ia zbulon të gjitha sekretet pedofilit të ndjerë Epstein, kërkon që të falet nga Trumpi appeared first on Telegrafi.

Përleshjet në kufirin mes Tajlandës dhe Kamboxhias vazhdojnë për të tretën ditë radhazi, dhe sot janë shfaqur vatra të reja të konfliktit, ndërsa të dyja palët po kërkojnë mbështetje diplomatike, duke pretenduar se kanë vepruar në vetëmbrojtje dhe duke i bërë thirrje palës kundërshtare për armëpushim dhe fillim të negociatave.

Të paktën 30 persona kanë humbur jetën dhe më shumë se 130 mijë janë zhvendosur në përleshjet më të ashpra mes Tajlandës dhe Kamboxhias në 13 vitet e fundit, raporton reuters.

Marina tajlandeze njoftoi se të shtunën në mëngjes ndodhi një përplasje në provincën bregdetare Trat, duke hapur një vatër të re të konfliktit më shumë se 100 kilometra larg nga pikat e tjera të përleshjeve përgjatë kufirit për të cilin dy vendet janë në konflikt prej dekadash. Deri më tani kanë vdekur 19 ushtarë tajlandezë, ndërsa zëdhënësja e Ministrisë së Mbrojtjes së Kamboxhias, Maly Socheata, deklaroi se në përleshje kanë vdekur pesë ushtarë dhe tetë civilë.

Ambasadori tajlandez në OKB i tha Këshillit të Sigurimit të premten se ushtarë tajlandezë janë plagosur dy herë që nga mesi i korrikut për shkak të minave të vendosura nga Kamboxhia në territorin tajlandez, gjë që Kamboxhia e ka mohuar fuqishëm. Gjithashtu, ambasadori tha se Kamboxhia kishte nisur sulmet të enjten në mëngjes.

Lexo po ashtu Pse po luftojnë Tajlanda dhe Kamboxhia?

“Tajlanda i bën thirrje Kamboxhias të ndalojë menjëherë të gjitha aktet armiqësore dhe agresive dhe të rikthehet në dialog me mirëbesim,” deklaroi Cherdchai Chaivaivid.

Dy vendet kanë pasur mosmarrëveshje për kufirin për dekada, ku pronësia mbi tempujt hindu Ta Moan Thom dhe Preah Vihear nga shekulli i XI-të janë pikat më të diskutueshme.

Gjykata Ndërkombëtare e Drejtësisë në vitin 1962 ia dha Preah Vihearin Kamboxhias, por tensionet u shtuan në vitin 2008 kur Kamboxhia u përpoq ta regjistronte tempullin në Listën e Trashëgimisë Botërore të UNESCO-s. Ushtruesi i detyrës së kryeministrit të Tajlandës, Phumtham Wechayachai, shprehu shqetësim serioz për përshkallëzimin e tensioneve në kufirin me Kamboxhian. Pas ditës së dytë me radhë të incidenteve të armatosura, ai paralajmëroi se situata mund të dalë jashtë kontrollit.

Tensionet u përshkallëzuan në fund të majit kur një ushtar kamboxhian u vra në një përplasje të shkurtër. Të dyja palët më pas vendosën trupa shtesë, dhe kriza diplomatike e çoi qeverinë e koalicionit të Tajlandës drejt shpërbërjes. /Telegrafi/

The post Përshakllëzohet konflikti midis Tajlandës dhe Kamboxhias – 30 të vdekur dhe 130 mijë të zhvendosur appeared first on Telegrafi.

Në orët e para të mëngjesit të 4 korrikut, cingëroi telefoni i gjeneralit amerikan, Keith Kellogg. Në anën tjetër të linjës ishte Radosław Sikorski, ministri i Jashtëm i Polonisë, me një mesazh që do të rezultonte vendimtar në zhvillimin e mëtejshëm të pushtimit rus në Ukrainë.

Më herët gjatë natës, konsullata polake në Kiev ishte dëmtuar në një sulm të ashpër me raketa dhe dronë rusë.

“Putini po tallet me përpjekjet tuaja për paqe”, i tha Sikorski zyrtarit amerikan, Kellogg, i cili ishte gjeneral-lejtnant në pension dhe i dërguari kryesor i presidentit amerikan, Donald Trumpit për Ukrainën. “Ju lutem, rifilloni dërgesat e municioneve kundërajrore për Ukrainën,” shtoi ai.

Lexo po ashtu Shtëpia e Bardhë thotë se Trump po punon “në mënyrë agresive” për t’i dhënë fund luftës Rusi-Ukrainë

Dërgesat e armëve ishin ndalur papritur vetëm dy ditë më parë, gjë që bëri shumëkënd të mendojë se administrata Trump po ia kthente sërish shpinën Ukrainës, shkruan The Telegraph.

Megjithatë, lajmi për sulmin ndaj ambasadës së një vendi anëtar të NATO-s e tronditi veçanërisht gjeneralin Kellogg. Si një ushtarak me përvojë, ai e dinte se incidente të tilla mund të çojnë në një përshkallëzim të pakontrolluar të konfliktit, transmeton Telegrafi.

Ajo që pasoi ishte ngjarja e parë në një varg zhvillimesh që çuan në një kthesë të plotë nga ana e Trumpit. Menjëherë pas bisedës me Sikorskin, Kellogg telefonoi presidentin. Trumpi u përgjigj pothuajse menjëherë. Pas urimeve të zakonshme për Ditën e Pavarësisë, të dy kaluan te tema kyçe – Ukraina.

Sulmi që ndryshoi gjithçka

Gjatë natës, Kievi përjetoi sulmin më të rëndë që nga fillimi i luftës, me 11 raketa dhe plot 539 dronë. Momenti kyç ishte fakti që goditjet ndodhën vetëm disa orë pas një telefonate midis liderit amerikan dhe presidentit rus, Vladimir Putin dhe për mundësinë e përfundimit të luftës. Dihej tashmë se presidenti amerikan ishte gjithnjë e më i zhgënjyer nga refuzimi i udhëheqësit rus për të ndalur sulmet ndaj qyteteve ukrainase, pavarësisht ofertës amerikane për një armëpushim.

Gjenerali Kellogg e informoi shefin e tij për sulmin më të fundit dhe faktin që ishte goditur ambasada e Polonisë, një aleate kyçe e NATO-s. Ai e shfrytëzoi rastin për të kërkuar rifillimin urgjent të dërgesave të sistemeve kundërajrore Patriot për Ukrainën.

U diskutuan rreziqet dhe përfitimet e dërgimit të sistemeve të avancuara amerikane, por reagimi i Trumpit ishte befasueshëm i shpejtë. Ai urdhëroi Pentagonin të lirojë menjëherë një pjesë të sistemeve PAC-3, të cilat ishin bllokuar përkohësisht për shkak të një pezullimi të përkohshëm të ndihmës, me qëllim vlerësimin e rezervave amerikane.

Lexo po ashtu Franca tërhiqet nga plani i NATO-s për të financuar armët amerikane për Ukrainën

Trump gjithashtu i dha urdhër Kelloggut të kontaktonte ministrin e Mbrojtjes, Pete Hegseth, dhe të siguronte vazhdimin e dërgesave. Më vonë u zbulua se Trump ishte plotësisht i befasuar nga vendimi i mëparshëm i Hegsethit për të pezulluar ndihmën për Ukrainën, pa informuar as Shtëpinë e Bardhë dhe as Kongresin. Zyrtarë të lartë, përfshirë Kelloggun dhe Sekretarin amerikan të Shtetit, Marco Rubio, për këtë mësuan nga mediat.

Por kësaj here ishte ndryshe. Kellogg telefonoi Hegsethin dhe ia përcolli vendimin e presidentit. “Nëse nuk më beson, telefonoje vetë presidentin,” thuhet se i ka thënë ai. Po atë ditë, më 4 korrik, presidenti amerikan i premtoi edhe presidentit ukrainas, Volodymyr Zelensky se Ukraina do të merrte më në fund ndihmën për mbrojtjen kundërajrore.

Iniciativa evropiane dhe parimet MAGA

Në Uashington, ndër përkrahësit më të mëdhenj të ndihmës për Ukrainën, kjo u interpretua si momenti kur Trump e kuptoi se forcimi i Kievit me fuqinë ushtarake amerikane mund të ishte rruga drejt paqes. Megjithatë, Pentagonit iu deshën plot katër ditë për të nisur dërgesën e parë të raketave Patriot.

Kthesën e Trumpit e shfrytëzuan menjëherë kryeqytetet evropiane. Kancelari gjerman, Friedrich Merz ofroi blerjen e sistemeve Patriot që do të dërgoheshin drejtpërdrejt në Ukrainë. Sekretari i përgjithshëm i NATO-s, Mark Rutte, shkoi edhe më tej, duke i propozuar Trumpit që aleatët evropianë dhe Kanadaja të rimbursojnë plotësisht kostot e armëve amerikane të dërguara në Kiev – me vlerë prej miliarda dollarësh.

Ishte një propozim që Trumpi e pranoi me entuziazëm. Këshilltarët e tij, si Kellogg, e bindën se një situatë ku Evropa paguan për armët amerikane që mbrojnë kontinentin evropian është një demonstrim i përkryer i parimit të tij “Ta Bëjmë Amerikën Sërish të Madhe” (MAGA).

Lexo po ashtu Trump thotë se armët tashmë po dërgohen në Ukrainë

Vetëm nëntë ditë më vonë, më 13 korrik, Trump së bashku me Rutten njoftuan një paketë ndihme prej 10 miliardë dollarësh, duke shoqëruar njoftimin me kërcënime për sanksione të rënda tregtare ndaj Rusisë dhe të gjithë atyre që blejnë karburantet e saj fosile.

Efekti domino i dërgesave

Deri në fund të të njëjtës javë, sistemi i parë Patriot dhe raketat përkatëse mbërritën në Ukrainë falë marrëveshjes me Gjermaninë. Pentagoni dhe Shtëpia e Bardhë e shfrytëzuan këtë hap për të inkurajuar edhe shtetet e tjera evropiane që të ndërmarrin rrezikun dhe të dërgojnë rezervat e tyre në Kiev, me premtimin se SHBA do t’i zëvendësonte më vonë.

Në fillim të kësaj jave, Berlini njoftoi një marrëveshje me Uashingtonin për dhurimin e pesë baterive të tjera. Gjermania do të financojë dy, ndërsa Norvegjia të tretën. Pritet që zëvendësimet të vijnë nga një porosi që fillimisht ishte destinuar për Zvicrën, të cilës Uashingtoni i ka bërë të ditur se dërgesat po ridrejtohen për të mbështetur Kievin. /Telegrafi/

The post Detaje të reja të kthesës totale të Trumpit kundër Putinit – telefonata që ndryshoi gjithçka appeared first on Telegrafi.

Është prezantuar një replikë e re e konzolës ikonike Nintendo Game Boy nga viti 1989.

LEGO ka paraqitur një kopje të besueshme të kësaj konzole legjendare, të dedikuar për koleksionistët dhe adhuruesit e teknologjisë retro. Seti i ri përmban plot 421 pjesë dhe ka pothuajse të njëjtën madhësi si konzola origjinale.

Seti, me emërtimin LEGO Icons 72046, përfshin të gjitha detajet e pajisjes ikonike: butona funksionalë, rrotullues për zë dhe kontrast, vendin e njohur për video-lojërat, madje edhe tre shtesa lentikulare me ekrane retro – njëra prej tyre shfaq lojën legjendare Super Mario Land.

Blerësit do të marrin gjithashtu dy kartela “Game Pak” që mund të futen në konzolë ose të ekspozohen në një bazament.

Çmimi i setit është 59,99 euro dhe porositë paraprake janë tashmë të hapura. Seti pritet të jetë i disponueshëm në dyqane nga 1 tetori 2025.

Është interesante që LEGO nuk ka përdorur fare ngjitëse – të gjitha detajet, përfshirë logon, tekstet dhe numrat serialë, janë të shtypura direkt mbi pjesët. Në pjesën e pasme të setit ndodhet edhe një dedikim i fshehtë për datën origjinale të lansimit të Game Boy-it (21 prill 1989).

Seti është pjesë e linjës premium të LEGO-s për të rriturit, dhe shumë adhurues të video lojërave dhe koleksionistë tashmë e kanë cilësuar si një produkt “të domosdoshëm” për fansat nostalgjikë të viteve ’80 dhe ’90. /Telegrafi/

The post LEGO dhe Nintendo kanë ringjallur Game Boy-in e vitit 1989 appeared first on Telegrafi.

Në kufirin midis Kamboxhias dhe Tajlandës është rindezur sërish një konflikt i armatosur.

Përplasjet që kanë eskaluar gjatë ditës së djeshme janë thellësisht të rrënjosura në historinë e rajonit dhe përfshijnë një ndërthurje të ndërlikuar të së kaluarës koloniale, trashëgimisë kulturore, pasioneve nacionaliste dhe paqëndrueshmërisë politike bashkëkohore.

Shkaku kryesor i këtij konflikti nuk është as nafta, as zgjerimi territorial, por – një gur i vjetër, shkruan bbc.

Më saktë, bëhet fjalë për tempullin Prasat Ta Muen Thom dhe faltoret përreth tij, të vendosura në kodra të pyllëzuara dhe të paarritshme lehtë, pranë kufirit midis dy shteteve.

Lexo po ashtu Përshkallëzimi më i keq në 10 vjet - luftimet midis Tajlandës dhe Kamboxhias vazhdojnë në ditën e dytë të konfliktit

Ky tempull, i ndërtuar në shekullin XI në stilin klasik të arkitekturës khmere, ka qenë pjesë e një rruge që lidhte qytetet e mëdha të ish-perandorisë Khmere, përfshirë edhe legjendarin Angkor.

Sot, tempulli ndodhet pikërisht në vijën ndarëse midis provincës kamboxhiane, Oddar Meanchey dhe provincës tajlandeze, Surin. Dhe pikërisht kjo vijë – është problemi.

Kufiri mes Kamboxhias së sotme dhe Tajlandës është përcaktuar në fund të shekullit XIX-të dhe në fillim të shekullit XX-të përmes një sërë marrëveshjesh midis Francës koloniale të asaj kohe (e cila kontrollonte Kamboxhian e sotme) dhe Siamit të atëhershëm (Tajlanda e sotme). Megjithatë, shumë prej atyre hartave kanë qenë të pasakta, dhe vijat ndarëse nuk janë zbatuar në mënyrë të qëndrueshme në terren.

Vendimi i Hagës dhe tensionet e reja-vjetra

Në vitin 1962, Gjykata Ndërkombëtare e Drejtësisë (ICJ) vendosi që tempulli Preah Vihear, një tjetër simbol i kulturës khmere, i takon Kamboxhias.

Por, gjykata nuk u shpreh qartë për territorin që rrethon tempullin, duke lënë hapësirë për interpretime të ndryshme. Tajlanda kurrë nuk e pranoi plotësisht këtë vendim, dhe çështja e tempujve si Ta Muen Thom mbeti në një boshllëk ligjor dhe politik.

Tensionet u përshkallëzuan veçanërisht nga viti 2008 deri në 2011, kur konfliktet midis dy ushtrive u përsëritën disa herë, me viktima dhe të plagosur nga të dyja palët. Edhe atëherë, si tani, në qendër të mosmarrëveshjeve ishin tempujt, simbolika territoriale dhe përfitimet politike.

Lexo po ashtu Tajlanda dhe Kamboxhia publikojnë videot e sulmeve të fuqishme ndaj njëra-tjetrës

Në fillim të vitit 2025, tensionet sërish janë ndezur. Në muajin shkurt, ushtarët tajlandezë ndaluan turistët kamboxhianë të këndonin himnin kombëtar pranë tempullit Prasat Ta Muen Thom. Në muajin maj ndodhi një përplasje e shkurtër e armatosur në “Trekëndëshin e Smaragdët” – pika ku takohen kufijtë e Tajlandës, Kamboxhias dhe Laosit. Një ushtar kamboxhian humbi jetën.

Kryeministri kamboxhian, Hun Manet ka njoftuar se do të kërkojë opinionin e Gjykatës Ndërkombëtare të Drejtësisë, duke theksuar se dëshiron të shmangë një konflikt më të gjerë. Megjithatë, Tajlanda nuk e njeh juridiksionin e ICJ-së në këtë rast, duke këmbëngulur në bisedime bilaterale.

Tensionet rriten pas publikimit të një audio-incizimi

Tensionet u përshkallëzuan në mes të qershorit, kur u përhap një incizim zanor i një bisede private midis ish-kryeministrit kamboxhian, Hun Sen dhe kryeministres tajlandeze, Paetongtarn Shinawatra.

Hun Sen e publikoi këtë incizim pa pëlqimin e palës tjetër, gjë që shkaktoi krizë politike në Bangkok dhe rrëzimin e koalicionit qeverisës. Tajlanda akuzoi Phnom Penh për “tradhti të besimit”, ndërsa opinioni publik reagoi me zemërim, duke përkeqësuar më tej marrëdhëniet.

Lexo po ashtu Pamje të reja të luftimeve mes forcave tajlandeze dhe kamboxhiane

Në muajin korrik, disa ushtarë tajlandezë u plagosën nga shpërthimi i minave, për të cilat autoritetet pretendojnë se janë mina të reja ruse PMN-2.

Bangkoku akuzoi Kamboxhian për shkelje të të drejtave të njeriut dhe marrëveshjeve ndërkombëtare, ndërsa Phnom Penh u kundërpërgjigj duke thënë se minat janë “tajlandeze” dhe se akuzat janë të motivuara politikisht.

Dita kur pylli përpiu paqen

Në orët e para të mëngjesit të 24 korrikut, gjithçka ndryshoi. Fillimisht u raportuan fluturime dronësh kamboxhianë, e më pas palët akuzuan njëra-tjetrën për hapjen e zjarrit pranë tempullit Ta Muen Thom.

Disa orë më vonë, Tajlanda dërgoi gjashtë aeroplanë luftarakë F-16, të cilët bombarduan pozicionet kamboxhiane, duke pretenduar se po shkatërronin “infrastrukturë ushtarake armike”. Kamboxhia reagoi duke lëshuar raketa BM-21 “Grad”, që goditën një pompë karburanti në provincën tajlandeze Si Saket, ku u vranë të paktën tetë civilë, përfshirë edhe një fëmijë. Më vonë gjatë ditës, u raportua edhe një sulm ndaj një spitali në Phnom Dongrak.

Të dyja palët kanë shpallur “gatishmëri të plotë luftarake”, janë evakuuar civilët, të gjitha pikat kufitare janë mbyllur, ndërsa marrëdhëniet diplomatike u përkeqësuan edhe më tej me tërheqjen e ambasadorëve.

Lexo po ashtu Shpërthen konflikti, shfaqen pamjet e para të luftimeve të ushtrisë tajlandeze dhe kamboxhiane

Tempujt që ndodhen në qendër të konfliktit nuk janë thjesht monumente. Ata janë simbole të identitetit kombëtar. Në sytë e kamboxhianëve, ata përfaqësojnë zemrën e qytetërimit të tyre – një dëshmi materiale e fuqisë së lashtë dhe trashëgimisë kulturore. Për Tajlandën, ato janë prona historike, burime strategjike dhe çështje sovraniteti.

Pikërisht për këtë arsye, çdo gur i atyre rrënojave mban peshën e së kaluarës, dhe çdo plumb i qëllohet rreth tyre mund të shkaktojë një valë emocionesh dhe pasionesh nacionaliste. Edhe pse të dyja palët pohojnë se nuk duan luftë, ajo tashmë është në zhvillim. Kanalet diplomatike janë bllokuar, retorika kombëtare po bëhet gjithnjë e më e ashpër dhe kufiri po shndërrohet në një vijë fronti.

Njëra palë thotë se po mbron tempujt e vet, tjetra se po mbron sovranitetin. Edhe pse mund të duket si një incident i radhës në tokën aziatike, thellësia historike e konfliktit, paqëndrueshmëria e brendshme politike dhe rëndësia strategjike e territorit e bëjnë këtë krizë jashtëzakonisht të rrezikshme.

Çdo gabim i mëtejshëm apo provokim mund ta shtyjë rajonin drejt një kaosi më të madh – për shkak të vijave të kufirit që janë caktuar më shumë se një shekull më parë. /Telegrafi/

The post Pse po luftojnë Tajlanda dhe Kamboxhia? appeared first on Telegrafi.

Sipas një raportimi të agjencisë Reuters, Elon Musk urdhëroi ndërprerjen e shërbimit satelitor Starlink në jug të Ukrainës gjatë kundërofensivës së saj në vitin 2022 në rajonin e Khersonit.

Ky veprim shkaktoi ndërprerje të menjëhershme në komunikimet ushtarake dhe operacionet me dronë, duke ndikuar ndjeshëm në ecurinë e luftës.

Në atë periudhë, forcat ukrainase ishin në prag të një rrethimi strategjik të trupave ruse. Megjithatë, ndërprerja e papritur e shërbimit të internetit satelitor e bëri të pamundur koordinimin mes njësiteve luftarake, duke detyruar ushtrinë ukrainase të ndalojë përkohësisht avancimin dhe të rishikojë planet e saj operacionale.

Lexo po ashtu Rikthehet në funksion Starlink i Muskut

Ky incident ka ngjallur shqetësime serioze në nivel ndërkombëtar lidhur me ndikimin që figura private si Elon Musk mund të kenë në konflikte globale, veçanërisht kur teknologjia që zotërojnë luan një rol kyç në fushën e betejës.

Starlink, rrjeti satelitor i kompanisë SpaceX, është bërë një element i rëndësishëm për komunikimet ushtarake të Ukrainës që prej fillimit të pushtimit rus në shkurt 2022.

Veprimi i Musk nxori në pah rreziqet e varësisë nga një ofrues privat për infrastrukturë kritike në kohë lufte.

Vendimet individuale të tij, pa ndonjë kontroll institucional apo ndërkombëtar, mund të kenë pasoja të gjera për sigurinë e vendeve të përfshira dhe për balancën gjeopolitike në botë.

Ndryshe, gjatë ditës së djeshme , Starlink nuk ka punuar rreth 3 orë. SpaceX tha se shkaku ishte një problem i brendshëm i softuerit, i cili tashmë është rregulluar. /Telegrafi/

The post Musk ia kishte ndërprerë qëllimisht internetin ukrainasve gjatë kundërofensivës ndaj Rusisë appeared first on Telegrafi.

Një tragjedi e rëndë ka ndodhur në qytetin rus të Saratovit, ku një ndërtesë banimi shumëkatëshe shpërtheu papritmas, duke shkaktuar dëme të mëdha dhe humbje jetësh.

Pamjet e momentit tregojnë një shpërthim jashtëzakonisht të madh, i cili çoi në rrëzimin e menjëhershëm të një pjese të ndërtesës. Rënia e mureve dhe pjesëve të tjera të strukturës krijoi një situatë kaotike dhe dramatike për banorët dhe shërbimet emergjente që mbërritën në vendngjarje.

Raportet paraprake nga autoritetet lokale tregojnë se epiqendra e shpërthimit ishte një apartament në katin e nëntë të ndërtesës, ku dyshohet se filloi shpërthimi i gazit. Pas këtij incidenti, më shumë se 30 apartamente u dëmtuan rëndë ose u shkatërruan plotësisht, duke lënë shumë familje pa strehë dhe në nevojë të ndihmës urgjente.

Video released of the moment a residential building exploded in Saratov

The footage shows a powerful blast and the instant collapse of part of the high-rise. Preliminary reports indicate the epicenter was an apartment on the 9th floor.

More than 30 apartments were damaged or… https://t.co/d3ajaBfliM pic.twitter.com/O1cNJb39jE

— NEXTA (@nexta_tv) July 25, 2025

Një pjesë e tërë e ndërtesës u rrëzua, dhe ekspertët e emergjencave shprehen të shqetësuar se struktura mund të jetë ende e paqëndrueshme dhe ka rrezik të shembet edhe më shumë, ndaj zona është vënë nën kontroll të rreptë dhe banorët janë evakuuar menjëherë për shkak të sigurisë.

Autoritetet lokale kanë konfirmuar me trishtim vdekjen e tre personave, mes tyre edhe një fëmijë, ndërsa përpjekjet për gjetjen e personave të tjerë nën rrënoja vazhdojnë me intensitet. Të gjitha ekipet e shpëtimit dhe emergjencës janë angazhuar maksimalisht për të ndihmuar banorët dhe për të kontrolluar situatën.

Sipas hetimeve të para, shkaku më i mundshëm i këtij shpërthimi tragjik është një rrjedhje gazi në apartamentin e nëntë, që ka shkaktuar një shpërthim të fuqishëm. Autoritetet po vazhdojnë hetimet për të përcaktuar saktësisht shkaqet dhe për të parandaluar raste të ngjashme në të ardhmen.
/Telegrafi/

The post Tragjedi në Saratov të Rusisë – shpërthim në një ndërtesë banimi, midis viktimave është një fëmijë appeared first on Telegrafi.

Numri i gazetarëve të vrarë në Rripin e Gazës që nga fillimi i luftës në vitin 2023 ka arritur në 232, sipas një deklarate të lëshuar sot nga Zyra për Media e Qeverisë së Gazës. Viktima më e fundit është fotoreporteri palestinez, Adam Abu Harbid, i cili humbi jetën gjatë kryerjes së detyrës së tij për të dokumentuar zhvillimet në terren.

Në deklaratën e publikuar në platformën Telegram, Zyra për Media e dënoi ashpër vrasjen e gazetarëve, duke e cilësuar atë si një fushatë të organizuar dhe të qëllimshme nga forcat izraelite për të heshtur zërat mediatikë palestinezë dhe për të penguar shpërndarjen e informacionit nga zona e konfliktit.

“Zyra për Media dënon në mënyrën më të ashpër vrasjen sistematike të gazetarëve palestinezë dhe vendosjen e tyre në shënjestër nga ana e okupatorit izraelit. Kjo përbën një shkelje të qartë të ligjit ndërkombëtar humanitar dhe të Konventave të Gjenevës, që garantojnë mbrojtjen e gazetarëve në zonat e luftës”, thuhet në deklaratë.

Zyra shton se vrasjet e gazetarëve nuk janë thjesht pasoja të luftës, por përfaqësojnë, sipas tyre, një strategji të qëllimshme për të fshehur të vërtetën dhe për të penguar dokumentimin e ngjarjeve që po ndodhin në Gazë.

Për këtë arsye, Zyra për Media i ka bërë thirrje të hapur organizatave ndërkombëtare të mediave, përfshirë Federatën Ndërkombëtare të Gazetarëve (IFJ), Federatën Arabe të Gazetarëve, si dhe shoqatave dhe unioneve të gazetarëve në mbarë botën, që të ngrejnë zërin kundër, siç thuhet, krimeve të përsëritura dhe sistematike ndaj punonjësve të medias në Gazë.

“Kërkojmë një reagim të qartë dhe të vendosur nga komuniteti ndërkombëtar i mediave për të ndalur këtë dhunë të paprecedentë ndaj gazetarëve dhe për të kërkuar mbajtjen përgjegjëse të autorëve të këtyre krimeve,” përfundon deklarata.

Organizatat ndërkombëtare të të drejtave të njeriut dhe liritë e shtypit janë nën presion në rritje për të hetuar rastet e raportuara të sulmeve ndaj gazetarëve dhe për të kërkuar llogaridhënie nga palët e përfshira në konflikt. /Telegrafi/

The post Mbi 230 gazetarë që nga nisja e luftës në Gaza appeared first on Telegrafi.

Pasagjerët që udhëtuan me këtë aeroplan të konsumuar dhe të vjetër, dhe që zbarkuan në Blagoveshchensk, regjistruan një video që flet vetë për kushtet e mjerueshme në të cilat ishte ky aeroplan.

Në pamje duket qartë se An-24 dukej jashtëzakonisht i vjetër dhe i dëmtuar, me njolla dhe shenja të përdorimit të gjatë.

Avujt e lagështirës ishin të dukshëm pranë hapësirës së bagazheve mbi kokë, gjë që tregon mungesën e mirëmbajtjes dhe rrezikun potencial për sigurinë e pasagjerëve.

Megjithatë, autoritetet e trafikut ajror e konsideruan këtë avion ende të përshtatshëm për fluturim, duke injoruar sinjalet e qarta të amortizimit të tij.

Just look at the terrible condition of the An-24 plane that crashed in Russia

Passengers flying on this worn-out aircraft and disembarking in Blagoveshchensk recorded a video that speaks for itself.

The An-24 looked extremely old. Vapors were visible near the overhead… pic.twitter.com/xIQdL7rpPT

— NEXTA (@nexta_tv) July 24, 2025

Ky aeroplan An-24 ishte pothuajse 50-vjeçar, ndërtuar në vitin 1976, dhe për një mjet fluturues kjo është një moshë shumë e madhe, që kërkon kujdes dhe mirëmbajtje të jashtëzakonshme për të garantuar sigurinë.

Pas zbarkimit në Blagoveshchensk, aeroplani vazhdoi udhëtimin e tij drejt qytetit të Tynda-s.

Fatkeqësisht, ne tashmë e dimë si përfundoi kjo histori tragjike. Kjo ngjarje është një kujtesë e rëndë për rëndësinë e sigurisë në aviacion dhe nevojën për kontrolle të rrepta dhe mirëmbajtje të vazhdueshme të aeroplanëve, sidomos atyre të vjetër.

Në fund, kjo tragjedi tregon pasojat e përdorimit të mjeteve të vjetra dhe të dobëta pa standarde të rrepta sigurie, duke rrezikuar jetën e pasagjerëve dhe ekuipazhit. /Telegrafi/

The post Publikohen pamjet e fundit të gjendjes së frikshme të aeroplanit që rrëzua në Rusi appeared first on Telegrafi.

Sekretari amerikan i shtetit, Marco Rubio, deklaroi se Uashingtoni “e kundërshton fuqishëm” planin e presidentit francez, Emmanuel Macron për të njohur shtetin palestinez, ndërsa administrata e presidentit amerikan, Donald Trump njoftoi se nuk do të marrë pjesë në konferencën e ardhshme të Kombeve të Bashkuara që synon zgjidhjen me dy shtete për palestinezët.

Rubio, të enjten vonë, në rrjetin X kritikoi vendimin e Macronit, duke e quajtur atë një “vendim të pamatur” dhe duke thënë se ai “vetëm i shërben propagandës së Hamasit dhe pengon paqen”.

The United States strongly rejects @EmmanuelMacron’s plan to recognize a Palestinian state at the @UN general assembly.

This reckless decision only serves Hamas propaganda and sets back peace. It is a slap in the face to the victims of October 7th.

— Secretary Marco Rubio (@SecRubio) July 25, 2025

Më herët, Macron kishte deklaruar se do ta formalizojë vendimin e Francës për të njohur shtetin palestinez në Asamblenë e Përgjithshme të OKB-së në shtator.

“Në përputhje me angazhimin historik për një paqe të drejtë dhe të qëndrueshme në Lindjen e Mesme, kam vendosur që Franca të njohë Shtetin e Palestinës”, shkroi Macron në rrjetin X.

Aktualisht, të paktën 142 nga 193 shtetet anëtare të OKB-së e njohin ose planifikojnë të njohin shtetin palestinez. Megjithatë, disa vende perëndimore me ndikim – përfshirë Shtetet e Bashkuara, Mbretërinë e Bashkuar dhe Gjermaninë – e kanë refuzuar një gjë të tillë.

Anëtarë të Bashkimit Evropian si Norvegjia, Irlanda dhe Spanja njoftuan në muajin maj se kishin nisur procesin e njohjes së shtetit palestinez.

Por vendimi i Macronit do ta bënte Francën – një nga aleatët më të afërt të Izraelit dhe anëtare të G7-ës – shtetin më të madh dhe ndoshta më me ndikim evropian që e njeh Palestinën.

Fidèle à son engagement historique pour une paix juste et durable au Proche-Orient, j’ai décidé que la France reconnaîtra l’État de Palestine.

J’en ferai l’annonce solennelle à l’Assemblée générale des Nations unies, au mois de septembre prochain.… pic.twitter.com/7yQLkqoFWC

— Emmanuel Macron (@EmmanuelMacron) July 24, 2025

Kryeministri izraelit, Benjamin Netanyahu e dënoi këtë vendim, duke thënë se një hap i tillë “shpërblen terrorizmin dhe rrezikon krijimin e një vasali tjetër iranian”.

“Shteti palestinez në këto kushte do të ishte një platformë për shkatërrimin e Izraelit, jo për bashkëjetesë paqësore me të”, tha Netanyahu në rrjetin X.

Megjithëse pozicioni zyrtar i SHBA-së tradicionalisht mbështet një zgjidhje me dy shtete, vetë presidenti Donald Trump ka shprehur dyshime për realizueshmërinë e saj. Që kur u kthye në Shtëpinë e Bardhë në janar, Trump ka sugjeruar që SHBA mund të “marrë nën kontroll” Gazën, të zhvendosë mbi dy milionë palestinezë nga territori dhe ta shndërrojë atë në një “rivierë të Lindjes së Mesme”.

Ky plan i Trumpit është dënuar nga shumë organizata për të drejtat e njeriut, vende arabe, palestinezët dhe OKB-ja, duke e cilësuar si një formë të “spastrimit etnik”.

We strongly condemn President Macron’s decision to recognize a Palestinian state next to Tel Aviv in the wake of the October 7 massacre. Such a move rewards terror and risks creating another Iranian proxy, just as Gaza became.

A Palestinian state in these conditions would be a…

— Benjamin Netanyahu – בנימין נתניהו (@netanyahu) July 24, 2025

Në qershor, ambasadori amerikan në Izrael, Mike Huckabee, deklaroi se nuk beson se një shtet i pavarur palestinez është më një objektiv i politikës së jashtme amerikane.

Zëdhënësja e Departamentit të Shtetit, Tammy Bruce, u përgjigj duke thënë se Huckabee “flet në emër të vet” dhe se vendimmarrja për politikën i takon Trumpit dhe Shtëpisë së Bardhë.

Të enjten, zëvendëszëdhënësi i Departamentit të Shtetit, Tommy Pigott, deklaroi se SHBA nuk do të marrë pjesë në konferencën e ardhshme të OKB-së për zgjidhjen me dy shtete. Konferenca, e cila organizohet bashkë nga Franca dhe Arabia Saudite, është planifikuar të mbahet midis 28 dhe 30 korrikut dhe synon të hartojë një plan për t’i dhënë fund konfliktit shumëdekadësh dhe për njohjen e shtetit palestinez.

Pigott u tha gazetarëve se nuk kishte asgjë të re për të shtuar, përveç se Uashingtoni “nuk do të jetë i pranishëm”.

Po rritet presioni ndërkombëtar mbi Izraelin për të përfunduar luftën shkatërrimtare në Gazë, e cila filloi pas sulmit të Hamasit më 7 tetor 2023 në jug të Izraelit, ku u vranë rreth 1.139 persona dhe mbi 200 të tjerë u morën peng dhe u dërguan në Rripin e Gazës.

Përgjigjja e Izraelit, që ka zgjatur tashmë 21 muaj, ka rezultuar në vdekjen e pothuajse 60 mijë palestinezëve dhe plagosjen e mbi 144 mijë të tjerëve.

Bisedimet shumëmujore për armëpushim, me ndërmjetësim nga SHBA, Egjipti dhe Katari, ende nuk kanë sjellë një marrëveshje.

Të hënën, 28 vende, përfshirë Mbretërinë e Bashkuar, Japoninë dhe disa shtete evropiane, publikuan një deklaratë të përbashkët duke i bërë thirrje Izraelit që “të ndalojë menjëherë luftën” në Gazë.

Në atë deklaratë u dënua gjithashtu “dërgimi pikë-pikë i ndihmave” si dhe “vrasjet çnjerëzore të civilëve, përfshirë fëmijë, që përpiqen të plotësojnë nevojat bazë për ujë dhe ushqim”. /Telegrafi/

The post SHBA-ja kritikon ashpër Francën që paralajmëroi njohjen e shtetit palestinez appeared first on Telegrafi.

Google po përgatitet për prezantimin e madh të serisë së re Pixel 10 më 20 gusht, por duket se surpriza kryesore është zbuluar më herët.

Në dyqanin Google Play u shfaq aksidentalisht një fotografi promovues që zbuloi dizajnin e gjithë serisë së ardhshme të telefonave të zgjuar Pixel 10, një muaj para ngjarjes zyrtare.

Foto, e cila u vu re së pari nga gazetarët e portalit Android Authority, tregon të gjitha katër modelet e pritura.

Google just leaked its entire Pixel 10 series through the Play Store https://t.co/yYpNdBJWNo

— Android Authority (@AndroidAuth) July 23, 2025

Pixel 10 bazik shfaqet në ngjyrën Indigo, ndërsa modelet më të avancuara – Pixel 10 Pro, Pixel 10 Pro XL dhe telefoni i palosshëm Pixel 10 Pro Fold – shfaqen në një nuancë elegante Moonstone.

Kjo është hera e parë që shohim gjithë linjën e produkteve së bashku, pas prezantimit të pjesshëm të dizajnit të modelit Pixel 10 Pro nga Google kohët e fundit.

Përveç dizajnit, imazhi zbuloi edhe një ofertë të veçantë për blerësit e parë amerikanë. Google do të ofrojë një zbritje prej 50 dollarësh, dhe promocioni do të vlejë deri më 13 tetor 2025.

Pritet që oferta të jetë aktive menjëherë pas përfundimit të prezantimit më 20 gusht. Edhe pse Google ende nuk ka zbuluar të gjitha ngjyrat, falë imazheve të rrjedhura më herët, ekziston një ide e qartë se si do të duken pajisjet e reja në variante të ndryshme. /Telegrafi/

The post Google aksidentalisht zbuloi të gjithë linjën e Pixel 10 appeared first on Telegrafi.

Megjithëse afërsisht 40 për qind e qytetarëve jo-anëtarë të Bashkimit Evropian janë të mbikualifikuar për punët e tyre, ata fitojnë pothuajse 18 për qind më pak se vendasit.

Sipas një studimi të publikuar në revistën Nature, emigrantët fitojnë mesatarisht 17.9 për qind më pak në vit se vendasit në Evropë dhe Amerikën e Veriut.

Hulumtimi analizoi pagat e 13.5 milionë punonjësve në nëntë vende, përfshirë Danimarkën, Francën, Gjermaninë, Holandën, Norvegjinë, Spanjën dhe Suedinë, gjatë periudhës 2016-2019.

Tre të katërtat e kësaj diference pagash ishin rezultat i mungesës së qasjes në punë me paga më të larta, ndërsa vetëm një e katërta e diferencës i atribuoheshin dallimeve në paga midis punëtorëve emigrantë dhe vendas në të njëjtin punë, raporton euronews.

Në Spanjë, diferenca në paga ishte mbi 29 për qind, më e larta ndër të shtatë vendet evropiane. Të huajt përbëjnë 13 për qind të fuqisë punëtore të vendit, duke kontribuar në rritjen ekonomike dhe shtimin e popullsisë.

Në Norvegji, Gjermani, Francë dhe Holandë, emigrantët fitojnë midis 15 dhe 20 për qind më pak se vendasit.

Ndërsa në Suedi – një vend ku shumë emigrantë të punësuar gjejnë punë në sektorin publik – diferenca ishte vetëm 7 për qind.

Vendi ku lindën emigrantët gjithashtu kishte rëndësi, transmeton Telegrafi.

Diferencat më të mëdha mesatare të pagave ishin për emigrantët nga Afrika nën-Sahariane, me 26.1 për qind, dhe nga Lindja e Mesme dhe Afrika e Veriut, me 23.7 për qind.

Emigrantët nga Evropa, Amerika e Veriut dhe vendet e tjera perëndimore përjetuan një ndryshim shumë më të vogël mesatar në paga krahasuar me vendasit, vetëm 9 për qind.

Megjithatë, fëmijët e emigrantëve kishin një diferencë më të vogël të konsiderueshme në të ardhura, duke fituar mesatarisht 5.7 për qind më pak se punonjësit me prindër vendas.

Dallimet në paga brenda të njëjtit punë midis vendasve dhe fëmijëve të emigrantëve janë njëlloj shumë të vogla, nën 2 për qind në të gjitha vendet.

Çfarë mund të bëhet për të reduktuar këtë diferencë pagash?

Në vitin 2023, 39.4 2 për qind e qytetarëve jo-anëtarë të BE-së ishin të mbikualifikuar për punët ku punonin, sipas të dhënave më të fundit të Eurostat-it.

Sipas një studimi të McKinsey, përmirësimi i lëvizshmërisë sociale mund të rrisë Prodhimin e Brendshëm Bruto (GDP) të vendeve evropiane me 3 2 për qind deri në 9 2 për qind dhe të mbyllë hendekun e aftësive që pritet të shfaqet deri në vitin 2030, pa pasur nevojë për trajnime të reja apo ndryshim karriere.

Një grup masash mund të zbatohet për të reduktuar në mënyrë efektive ndarjen në nivel pune, thanë kërkuesit e studimit.

Këto përfshijnë trajnime në gjuhë, trajnime profesionale, programe ndihme për kërkimin e punës që lidhin drejtpërdrejt punonjësit me punëdhënësit, përmirësimin e qasjes në arsimin vendas dhe njohjen e kualifikimeve të huaja.

Aktualisht, disa vende të BE-së kanë zbatuar iniciativa për të trajtuar këtë çështje.

Në vitin 2024, Gjermania zbatoi Ligjin për Imigracionin e Aftë, i cili lejoi diplomantët e huaj të punojnë ndërkohë që gradat e tyre po njiheshin zyrtarisht.

Franca këtë vit reformoi lejen e qëndrimit “Carte Talent” – një leje qëndrimi shumëvjeçare për shtetasit e huaj në Francë – për të tërhequr profesionistë të kualifikuar dhe për të adresuar mungesat në tregun e punës, sidomos në sektorin shëndetësor.

“Këto lloj politikash ndihmojnë që punonjësit e lindur jashtë vendit të kontribuojnë në kapacitetin e tyre të plotë, dhe që vendet të përfitojnë plotësisht nga emigracioni në aspektin e rritjes së produktivitetit, të ardhurave më të larta nga taksat dhe zvogëlimit të pabarazive,” thanë në studim kërkuesit Marta M. Elvira, Are Skeie Hermansen dhe Andrew Penner.

“Politika e mençur e emigracionit nuk mbaron në kufi – aty fillon”, shtuan ata. /Telegrafi/

The post A fitojnë emigrantët më pak se punonjësit vendas në BE? appeared first on Telegrafi.