Ledion Liço do të moderojë sërish Big Brother VIP Albania, duke hyrë kështu në sezonin e tij të tretë si drejtues i spektaklit më të ndjekur televiziv në vend.

Lajmi u konfirmua në fund të promos së publikuar sot nga Top Channel, duke i dhënë fund thashethemeve për moderuesin e këtij sezoni.

Edhe këtë vit, si çdo sezon tjetër, janë përfolur disa emra të tjerë, përfshirë edhe atë të Arbana Osmanit, por Top Channel ka bërë të qartë se Ledioni do të mbetet në krye të formatit.

Për momentin nuk është zbuluar ende data e nisjes së sezonit të ri, por pritshmëritë janë të larta si për surprizat brenda shtëpisë së famshme, ashtu edhe për personazhët që do të bëhen pjesë e spektaklit.

The post Top Channel konfirmon lajmin, ja kush do ta drejtojë “Big Brother VIP Albania 5” appeared first on Albeu.com.

Një aksident i trefishtë me pasojë plagosjen e katër personave ka ndodhur pasditen e kësaj të enjteje në tunelin e Llogarasë.

Të plagosurit janë dërguar me urgjencë drejt spitalit ndërsa gjendja e tyre ende nuk bëhet me dije.

Policia ndodhet në vendngjarje ndërsa për shkak të përplasjes së tre automjeteve në tunelin e Llogarasë është krijuar trafik i rënduar.

The post Aksident i trefishtë në Tunelin e Llogarasë, plagosen katër persona/ Trafik i rënduar, policia në vendngjarje appeared first on Albeu.com.

Kristjan Asllani e ka parë nga TV ndeshjen që skuadra e tij e re, Torino, luajti këtë fundjavë ndaj skuadrës së tij të vjetër, Interit. Por që nga kjo javë, ai do të ketë rol si protagonist në fushën e lojës me ekipin torinez, pasi projektohet që të jetë menjëherë titullar në rreshtimin e skuadrës.

Puna që e pret është e madhe, pasi Torino u duk në gjendje të mjerueshme në humbjen 5-0 që pësoi përballë zikaltërve, duke dhënë rrallëherë shenja jete e ideje loje.

Por trajneri Marko Baroni ka bërë të qartë se gjërat do të ndryshojnë nga kjo javë dhe ndryshimi i parë është pikërisht aktivizimi i Asllanit.

Sipas mediave italiane, Baroni i ka bërë një vend në ekip lojtarit në ndeshjen e të dielës ndaj Fiorentinës, si për ironi të fatit një prej skuadrave të tjera që e ndiqte me shumë interes futbollistin dhe e kishte kërkuar në radhët e saj.

Kësisoj, Asllani do të ketë mundësinë të tregojë se sa vlen, për më tepër përballë publikut vendas në një sfidë që do të jetë padyshim shumë interesante.

The post Asllani është gati, projektohet titullar në fundjavë ndaj skuadrës që e kërkonte me ngulm në merkato appeared first on Albeu.com.

Një aksident rrugor është shënuar pasditen e sotme në qytetin e Ballshit, ku një vajzë e mitur ka mbetur e plagosur pasi është përplasur nga një automjet.

Ngjarja ndodhi rreth orës 16:30, kur një automjet me drejtues shtetasin S. F., 18 vjeç, përplasi një vajzë 7-vjeçare. E mitura është dërguar menjëherë në spital dhe aktualisht ndodhet nën kujdesin e mjekëve.

Drejtuesi i mjetit është shoqëruar nga policia në Komisariat për veprime të mëtejshme procedurale.

Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.

The post Aksident në Ballsh/ 7-vjeçarja përpl*set nga një makinë, drejtuesi 18-vjeçar shoqërohet nga policia appeared first on Albeu.com.

Kryeminsitri i Kosovës, Albin Kurti ka liruar nga detyra e zv.kryeministren, Emilija Rexhepi. Lirimi nga detyra vjen pasi Rexhepi është zgjedhur nënkryetare e Kuvendit. Lirimi i Rexhepit nga posti i zëvendëskryeministres në detyrë për Çështje të Pakicave dhe të Drejtat e Njeriut është bërë më 27 gusht.

Nënkryetarë të tjerë janë zgjedhur edhe Albulena Haxhiu nga Lëvizja Vetëvendosje, Vlora Çitaku nga Partia Demokratike e Kosovës dhe Kujtim Shala nga Lidhja Demokratike e Kosovës. Ndërsa në postin e Kryetarit të Kuvendit u zgjodh Dimal Basha.

‘‘Emilija Rexhepi lirohet nga detyra e zëvendëskryeministres, pas emërimit të saj nënkryetare e Kuvendit. Kryeministri në detyrë i Republikës së Kosovës, Albin Kurti, e ka liruar dje nga detyra zëvendëskryeministren për Çështje të Pakicave dhe të Drejtat e Njeriut, Emilija Rexhepi, pas emërimit të saj në pozitën e nënkryetares së Kuvendit nga radhët e komuniteteve joshumicë joserbe’’, thuhet në njoftim.

The post U zgjodh nënkryetare e Kuvendit, Kurti liron nga detyra Emilija Rexhepin appeared first on Albeu.com.

Një vatër zjarri është aktivizuar mesditën e sotme në malin e fshatit German, Njësia Administrative Komsi, Bashkia Mat.

Flakët kanë rënë rreth orës 12:00, në një zonë të thepisur dhe malore, ndërsa ende nuk dihet shkaku i saktë i zjarrit. Burime nga terreni bëjnë me dije se vatra ndodhet në një zonë të vështirë dhe fikja e saj është e vështirë.

Dyshohet se zjarri mund të ketë ardhur nga pakujdesia e ndonjë bariu që kulloste bagëtinë, ose si pasojë e zjarrvënies së qëllimshme.

Aktualisht në vendngjarje ndodhen punonjës të shërbimit pyjor të Bashkisë Mat, forca zjarrfikëse dhe banorë të zonës, por terreni malor paraqet rrezikshmëri.

Zona kryesisht është me ah dhe arrëni, ndërsa pritet që flakët të vihen nën kontroll në orët në vijim, me shtimin e forcave të ndërhyrjes.

The post Vatër zjarri në malin e Gërmanit në Mat, terreni i vështirë pengon ndërhyrjen e zjarrfikësve appeared first on Albeu.com.

42-vjeçari, Hajrulla Xhivini është ekstraduar ditën e sotme nga Italia. Mësohet se Xhivini ishte në kërkim ndërkombëtar pasi në shkurt të 2024 ai ka kanosur një gjyqtar të Lushnjes.

Policia bën me dije se ndaj tij është caktuar masa “arrest në burg” për veprat penale “Kanosja për shkak të detyrës” dhe “Prishja e qetësisë publike”. Gjithashtu sot është ekstraduar nga Gjermania edhe një 34-vjeçar. Ai është dënuar me burg për veprën penale “Prodhimi dhe shitja e narkotikëve”.

Njoftimi:

Interpol Tirana Vijon bashkëpunimi me homologët, në kuadër të operacionit “The ëanted”, për finalizimin e procedurave të ekstradimit të shtetasve të kapur jashtë vendit. -Ekstradohet nga Italia, një shtetas i cili gjatë muajit shkurt 2024, kanosi në mënyrë të përsëritur, për shkak të detyrës, gjyqtarin e Gjykatës Administrative Lushnjë. -Ekstradohet nga Gjermania, një shtetas i kërkuar për prodhim dhe shitje të narkotikëve.

1-Si rezultat i bashkëpunimit të Interpol Tiranës me Interpol Romën, në kuadër të operacionit “The ëanted”, për kapjen e shtetasve në kërkim ndërkombëtar dhe ekstradimin e tyre, u finalizuan procedurat për ekstradimin nga Italia, të shtetasit H. Xh., 42 vjeç, banues në Tiranë.

Gjykata e Shkallës së Parë e Juridiksionit të Përgjithshëm Tiranë, në vitin 2024, i ka caktuar atij, masën e sigurisë “Arrest në burg”, për veprat penale “Kanosja për shkak të detyrës” dhe “Prishja e qetësisë publike”. Shtetasi H. Xh. akuzohet se gjatë muajit shkurt 2024, ka kanosur në mënyrë të përsëritur, nëpërmjet celularit, për shkak të detyrës, shtetasin E. L., gjyqtar i Gjykatës Administrative Lushnjë, si dhe ka protestuar para Gjykatës së Lartë.

2-Gjithashtu, si rezultat i bashkëpunimit me homologët gjermanë, u finalizua ekstradimi nga Gjermania, i shtetasit shqiptar B. S., 34 vjeç. Gjykata e Shkallës së Parë e Juridiksionit të Përgjithshëm Korçë, i ka caktuar atij, masën e sigurisë “Arrest në burg” për veprën penale “Prodhimi dhe shitja e narkotikëve”. Shtetasi B. S. akuzohet për shitje të dozave të kokainës, në qytetin e Pogradecit. Shtetasit e ekstraduar iu dorëzuan Drejtorisë së Përgjithshme të Burgjeve.

The post Kanosi një gjyqtar të Lushnjes, ekstradohet nga Italia Hajrulla Xhivini appeared first on Albeu.com.

Presidentja e KE, Ursula von der Leyen, ka bërë me dije në rrjete sociale se pas sulmit masiv në Kiev ku janë prekur edhe zyrat e delegacionit të BE, ka zhvilluar një telefonatë me Presidentin e SHBA, Donald Trump dhe Presidentin e Ukrainës, Volodymyr Zelensky.

Ursula von der Leyen shprehet se Presidenti i Rusisë, Vladimir Putin, duhet të ulet në tryezën e negociatave ndërsa theksoi se duhet të sigurohet paqe e drejtë dhe e qëndrueshme për Ukrainën.

“Sapo fola me Presidentin Volodymyr Zelensky, pastaj me Presidentin e SHBA-së Donald Trump, pas sulmit masiv ndaj Kievit që goditi edhe zyrat tona në BE.

Putini duhet të ulet në tryezën e negociatave. Ne duhet të sigurojmë një paqe të drejtë dhe të qëndrueshme për Ukrainën me garanci të forta dhe të besueshme sigurie që do ta transformojnë vendin në një forcë mbrojtëse të paprekshme. Evropa do të luajë rolin e saj të plotë”, shkroi Ursula von der Leyen ndërsa veçoi edhe rëndësinë e instrumentit mbrojtës europian SAFE, i cili do të shërbejë për forcimin e ushtrisë ukrainase.

The post Sulmi ndaj zyrës së delegacionit të BE në Kiev, Von der Leyen: Putin të ulet në tryezën e negociatave! Telefonova Trump dhe Zelenskyn appeared first on Albeu.com.

Këngëtarja e njohur, Era Istrefi, ka ngritur shqetësim mes fansave të saj pas një postimi në rrjetet sociale, ku tregon se nuk është në gjendje të mirë shëndetësore.

Në një foto të publikuar në Instagram, Era shihet duke marrë infuzion, por pa dhënë asnjë detaj të mëtejshëm mbi arsyet e kësaj gjendjeje.

Postimi ka ngjallur menjëherë reagime të shumta nga ndjekësit, të cilët kanë shprehur shqetësimin dhe kanë bërë pyetje se çfarë mund të ketë këngëtarja.

The post Era Istrefi në gjendje jo të mirë shëndetësore, fansat shqetësohen për këngëtaren appeared first on Albeu.com.

Një aksident është regjistruar pasditen e sotmre në aksin Fier-Lushnje. Aksidenti ka ndodhur në afërsi të Savrës. Sipas raportimve në aksident janë përfshirë 5 automjete të cilat janë përplasur njëri pas tjetrit.

Fatmirësisht nuk ka raportime për të lënduar. Vetëm dëme materiale ka nga aksidenti. Përshkak të aksidentit është rënduar trafiku ndërsa policia po monitoron dhe kontrollon trafikun. Ende nuk dihen shkaqet e këtij askidenti ndërsa policia ka nisur hetimet.

The post Aksident në aksin Fier-Lushnje/ 5 makina përplasen njëra pas tjetrës, trafik i rënduar në afërsi të Savrës appeared first on Albeu.com.

Dashi

Do luani shume me ndjenjat e partnerit tuaj sot dhe do e lëndoni tej mase atë. Marrëdhënia mes jush nuk do ece aspak si e kishit menduar. As beqaret nuk do kenë fat edhe pse do mundohen me sa te mundin te gjejnë personin për te cilin t’iu rrahe zemra fort. Financat do fillojnë te përmirësohen fale një ndihme shume te madhe qe do iu japin disa te afërm.

Demi

Rutina do mbizotërojë sot ne jetën tuaj ne çift. Kjo mund t’iu mërzitë pa mase dhe shpesh nuk do bini ne pesimizëm. Beqaret duhet ende te presin edhe pak kohe për te gjetur personin qe iu përshtatet. Mundësitë sot nuk do jene te mira. Ne planin financiar fati nuk do jete ne anën tuaj kështu qe mund te përballeni edhe me disa vështirësi. Kujdes!

Binjaket

Mundësitë për aventura do jene te shumta gjate kësaj dite. Përfitoni nëse jeni beqare, por kurrsesi nëse keni një lidhje te qëndrueshme dhe afatgjate. Nuk duhet te shkatërroni gjithçka qe keni ndërtuar vetëm për disa kënaqësi te momentit. Financat duhet t’i menaxhoni me sa me shume maturi dhe kujdes ne mënyrë qe gjithçka te ece di duhet.

Gaforrja

Dite harmonike dhe emocionuese kjo e sotmja për te dashuruarit. Gjithçka do shkoje ashtu si ju e kishit ëndërruar prej kohesh. Shfrytëzojeni çdo sekonde. Beqaret nga ana tjetër nuk do kenë aspak dëshirë ta sakrifikojnë lirinë qe kane vetëm për te filluar një lidhje. Ne planin financiar me mire menaxhojini me kujdes ato para qe keni sesa te ndërmerrni rreziqe dhe te gaboni.

Luani

Marrëdhënia ne çift do konsolidohet gjate kësaj dite. Do e keni me te lehte t’ia shprehni ndjenjat partnerit dhe do kaloni çaste harmonike me te. Venusi do jete i pozicionuar mire ne sektorin e dashurisë te beqareve. Shume ëndrra do bëhen me ne fund realitet. Maturi dhe sa me shume maturi duhet te tregoni ne planin financiar. Vetëm kështu situata do mbetet e qëndrueshme.

Virgjeresha

Marrëdhënia ne çift do jete përgjithësisht e ngrohte gjate kësaj dite. Tensioni do shuhet menjëherë dhe do i shihni gjerat me një sy tjetër. Beqaret do jene joshës dhe do bëjnë për vete cilindo qe do ja vene syrin. Edhe financat me ne fund do stabilizohen. Kjo për shkak te uljes se shpenzimeve dhe te ndihmës me te ardhura te familjareve.

Peshorja

Jeta ne çift do marre një kthese te gabuar sot. Asgjë nuk do ece mire dhe debatet do jene te pafundme. Kujdes! Beqaret duhet t’i shfrytëzojnë sa te mundnit mundësitë qe do iu jepen për takime sepse koha mund te ike dhe dite te tilla nuk mund te rikthehen serish. Gjendja financiare nuk do jete e keqe. Vazhdoni menaxhimin e te ardhurave ashtu si para disa kohesh.

Akrepi

Mos hezitoni t’i deklaroni partnerit tuaj sot çdo gjë qe keni ne zemrës sepse vetëm kështu marrëdhënia me te do behet me e zjarrte dhe nuk do ketë konflikte. Beqaret do i marrin gjerat si t’i vijnë dhe do ia lënë gjithçka kohës. Ekuilibri financiar nuk do tronditet aspak. Do keni mundësi te kryeni edhe ndonjë shpenzim te majme por mjaft te rëndësishëm.

Shigjetari

Dashuria për çiftet nuk do ece si duhet sot. Nuk do jeni aspak ne humor dhe do debatoni ashpër me atë qe keni ne krah. Beqaret nuk do takojnë persona interesante kështu qe edhe sot do mbeten vetëm. Gjithsesi dita nuk do jete e mërzitshme .Ne planin financiar do jeni largpamës dhe do kryeni çdo shpenzim me shume maturi. Disa do kenë edhe përmirësime.

Bricjapi

Perspektivat për jetën ne çift janë te mira sot, sidomos për ata qe kane shume cite se bashku. Ne mbrëmje do ndodhe edhe diçka e mrekullueshme qe askush nuk e kishte menduar. Edhe jeta sentimentale e beqareve do ketë ndryshime rrënjësore. Financat do vazhdojnë te jene te mbrojtura. Do ndiheni te qete edhe ne këtë sektor.

Ujori

Lidhja ne çift do forcohet me tepër gjate kësaj dite. Edhe ata qe kane pasur debate dhe mosmarrëveshje do ndihen me te qete se me pare. Beqaret duhet te përgatiten për emocione te fuqishme. Gjithçka do ndryshoje për ta gjate kësaj dite. Nëse financat nuk janë ne gjendjen me te mire duhet shpejt te merrni masa strikte qe ta stabilizoni atë.

Peshqit

Sot, ju qe jeni beqare do realizoni një nga takimet me te bukura te jetës suaj. I gjithë horizonti do ndryshoje. Te dashuruarit duhet te bëjnë pak me tepër lëshime dhe ta tolerojnë atë qe kane ne krah. Vetëm kështu marrëdhënia e tyre do ece ne rrugën e duhur. Te ardhurat do kenë goxha përmirësime saqë edhe ju do mbeteni me goje hapur.

The post Horoskopi 28 Gusht, ja çfarë kanë parashikuar yjet për ju appeared first on Albeu.com.

Askush nuk të jep para falas, dhe këtë shqiptarët duhet ta kishin mësuar nga skemat piramidale të vitit 1997.

Por pas tre dekadash “Sudja e re” tashmë gjendet online. Qindra qytetarë shqiptarë po bien pre skemave të reja piramidale, ku u propozohet të blejnë kriptomonedha që nuk ekziston ose u kërkohet që të investojnë para me pretendimin se brenda 45 ditësh ato do të marrin 2-fishin e parave të hedhura

“Kemi qytetarë që do të investojnë vjen maturimi atyre ju lejohet të tërheqin para e tyre por që u kërkon komision, ose ju kërkon që të sjellin një person të ri dhe ky do të investojë të njëjtën shumë. Duke parë që despozitat po shtohen përsëri njerëzit do të shtojnë para, dhe kjo shkon deri në pikën që anëtarët që do të duan të dalin nga sistemi dhe shpallet falimenti në këtë moment 905 e personave që ishin pjesë e kësaj skemë do të dalin pa asnjë para”, shprehet Besmir Semanaj, ekspert IT.

Klientët gjenden në rrjetet sociale dhe ofertat për të fituara ara pa derdhur djersë tashmë bëhen në TikTok.

“Ku në grupe të caktuara qofshin whatsapp, telegram”, shprehet Erion Demiri, ekspert IT.

“Tani kush e do platformën e re të më kontaktojë këtu keni dhe adresën e Telegramit, 1000 euro është depozitimi minimal.

Dhe krijon skema të tilla duke u bazuar në faqe zyrtare dhe më pas të shpërndajnë mesazhe dhe linqe ku ti ke mundësi të hedhësh para, dhe premtimi mbetën I njëjtë do të fitosh para shumë shpejt”, shprehet një Tiktok-er.

Emrat e këtyre grupeve mund të ndryshojnë në çdo moment dhe nuk është vetëm një, por janë qindra platforma që po mundohen të grabisin shqiptarët. Ndërsa mashtruesit zhduken menjëherë sapo kuptojnë që grupi tyre po gjurmohet nga uniformat blu./TCh

The post Rikthehen skemat piramidale online, qindra shqiptarë mashtrohen me kriptomonedha appeared first on Albeu.com.

Izraeli tha të hënën se po kërkonte tërheqjen e një raporti mbi të cilin OKB-ja u mbështet për të shpallur gjendjen e urisë në Gaza, tha një zyrtar i ministrisë së Jashtme izraelite.

Vendi ka kufizuar rëndë dhe ndonjëherë ka ndërprerë plotësisht ndihmën humanitare për Rripin e Gazës që nga fillimi i luftës me Hamasin, e cila shpërtheu pas sulmit të paprecedentë të lëvizjes islamiste palestineze Hamas në territorin izraelit më 7 tetor 2023.

“Izraeli kërkon që IPC të tërheqë menjëherë raportin e saj të fabrikuar”, u tha gazetarëve drejtori i përgjithshëm i ministrisë së Jashtme izraelite, Eden Bar Tal. Gjatë një konference për shtyp, zyrtari tha se Klasifikimi i Integruar i Sigurisë Ushqimore (IPC) është “i politizuar” dhe e akuzoi atë për “falsifikim” të disa elementëve të raportit të publikuar më 22 gusht.

“Tani, nëse IPC nuk e bën këtë, ne do t’u drejtohemi donatorëve, do t’i informojmë ata për këto mangësi”, kërcënoi Bar Tal në përgjigje të një pyetjeje nga AFP.

“Jemi të bindur se ata do të arrijnë në përfundimin e duhur, të mos financojnë më një institut kërkimor që është i politizuar, manipulues dhe që vepron si një mjet në shërbim të një organizate terroriste të korruptuar”, tha ai.

Pas muajsh paralajmërimesh, IPC me seli në Romë shpalli një zi buke më 22 gusht që preku 500,000 njerëz në Rripin e Gazës, i cili mbulon pothuajse një të tretën e territorit palestinez, përfshirë Qytetin e Gazës.

IPC e mbështetur nga OKB-ja parashikoi gjithashtu se zia e bukës do të përhapej në guvernatorët qendrorë të Rripit të Gazës, Deir el-Bala dhe Khan Yunis në jug, deri në fund të shtatorit, duke mbuluar rreth dy të tretat e Gazës.

Zia e bukës në Gaza “mund të ishte shmangur” pa “pengimin sistematik izraelit”, e kishte akuzuar shefi humanitar i OKB-së, Tom Fletcher, në Gjenevë në atë kohë.

“Kjo zi buke do të na përndjekë dhe duhet të na përndjekë të gjithëve”, kishte theksuar ai. Kryeministri izraelit, Benjamin Netanyahu i hodhi poshtë gjetjet e IPC-së si “gënjeshtra të hapura”, duke shtuar se vendi i tij “nuk ka një politikë të urisë” së popullsisë dhe citoi shifrat mbi ndihmën për Gazën, të cilën ai e kishte lejuar të hynte.

Cogat, agjencia e ministrisë së Mbrojtjes përgjegjëse për menaxhimin e çështjeve politike në territoret palestineze, gjithashtu e denoncoi raportin e IPC-së si “të rremë dhe të anshëm”.

Në një deklaratë të lëshuar sot, Cogat tha se gati 280 kamionë që transportonin ndihmë humanitare hynë në Gaza dje.

Agjencitë humanitare që veprojnë në Rripin e Gazës shpesh vënë në dyshim vlefshmërinë e deklaratave të tilla, duke theksuar se autoritetet izraelite nuk i lejojnë ato të veprojnë në mënyrë efektive në territorin palestinez për t’iu përgjigjur krizës humanitare.

The post Izreali kërkon tërheqjen e raportit të OKB-së që shpalli zinë e bukës në Gaza: Janë falsifikuar disa elementë appeared first on Albeu.com.

Ndërsa Holanda shkon drejt zgjedhjeve dhe disa ministrat kanë dhënë dorëheqjen, kryeministri Dick Schoof dhe kabineti i tij sot kanë një përballje parlamentare që mund të çojë në dorëheqjen e tyre, duke e zhytur vendin në një krizë politike të paprecedentë.

Dhoma e Përfaqësuesve në Hagë do të debatojë një mocion mosbesimi që mund të çojë në dorëheqjen e parakohshme të Schoof ose të gjithë kabinetit të tij, raporton Bloomberg.

Me qeverinë e tij tashmë në tranzicion pas rënies së qeverisë së koalicionit katërpartiak në qershor, ekziston një vakum në rast të një vote mosbesimi.

Të premten, një parti e qendrës së djathtë u largua nga koalicioni për shkak të mosmarrëveshjeve mbi masat më të ashpra kundër Izraelit për shkak të luftës në Gaza. Largimi i Ministrit të Jashtëm, Kaspar Feldkamp dhe kolegëve të tij nga partia Pakti i Ri Social e la qeverinë teknike me vetëm dy parti dhe një pakicë edhe më të vogël, vetëm 32 nga 150 vende.

Zgjedhjet janë planifikuar për në tetor, por në peizazhin politik të fragmentuar të Holandës, negociatat për të formuar një qeveri ka të ngjarë të zgjasin me muaj, duke e lënë vendin në një periudhë potencialisht të zgjatur pasigurie.

Nëse qeveria shpëtohet, Schoof do të ketë nevojë për mbështetjen e partive të tjera të opozitës për të zbatuar politikat e tij, të cilat nga ana tjetër bëjnë kërkesa që ai nuk ka gjasa të jetë në gjendje t’i përmbushë.

Për shembull, udhëheqësi i ekstremit të djathtë Geert Wilders i tha transmetuesit shtetëror NOS se ai do ta ndihmonte kryeministrin të qëndronte në pushtet vetëm nëse kabineti garanton një ndalim të menjëhershëm të azilkërkuesve. Nga ana tjetër, partia më e madhe e opozitës së krahut të majtë po bën thirrje për një qëndrim më të ashpër ndaj Izraelit, por kjo është ajo që shkaktoi krizën e fundit.

The post Qeveria holandeze në prag të kolapsit,kabineti i kryeministrit Schoof drejt largimit appeared first on Albeu.com.

Një tjetër aksident i rëndë rrugor raportohet të ketë ndodhur mbrëmjen e sotme në aksin rrugor Elbasan-Librazhd pranë zonës së Labinot-Fushës.

Ngjarja raportohet të ketë ndodhur rreth orës 20:00 teksa një automjet ka dalë nga rruga, Të plagosur nga ky aksident kanë mbetur dy persona, njëri prej të cilëve është plagosur rëndë, por referuar burimeve paraprake, ndodhet jashtë rreziku për jetën.

Dy të lënduarit janë dërguar me urgjencë në spital dhe ndodhen nën kujdesin mjekësor ndërsa policia ka mbërritur në vendngjarje.

Sakaq, shkaqet dhe rrethanat e aksidentit ende nuk janë të ditura ndërsa po punohet për zbardhjen e plotë të rastit.

The post Aksident në aksin Elbasan-Librazhd, makina devijon nga rruga/ Plagoset rëndë një person, niset me urgjencë drejt spitalit appeared first on Albeu.com.

Kryeministri Edi Rama raportohet se e ka bërë gatin listën me emrat e rinjë me të cilët do të qeverisë mandatin e tij të katër. Një burim i PS-së për Top Channel ka njoftuar se Rama këtë listë do ta njoftojë më datë 11 shtator në orën 10 në Tiranë.

Kabineti i Ramës do të njoftohet një ditë pas betimit të deputetëve të rinj dalë nga zgjedhjet e 11 Majit. Lista me emrat është një mister edhe për ministrat të cilët do të mësojnë për fatin e tyre dhe postin përkatës që do të marrin në rast se do të ketë ndryshime.

Në mbledhjen e kryesisë socialiste të 11 Shtatorit po ashtu do të mësohet se kujt do t’ia besojë Rama postin e zëvendëskryeministrit, kryetarit të parlamentit dhe kreun e grupit parlamentar. Krahas ministrave të rinj pritet edhe riformatimi disa ministrive të cilat brenda vetes me strukturën e sotme përfshinë shumë dikastere.

The post Gati lista me emrat e rinj, Rama vendos datën e shpalljes së kabinetit të ri qeveritar appeared first on Albeu.com.

Dhjetëra ushtarë izraelitë kanë kryer një operacion në qytetin Nablus të Bregut të pushtuar Perëndimor, thanë dëshmitarët dhe zyrtarët palestinezë më 27 gusht, ndërkaq Gjysmëhëna e Kuqe ka raportuar për të paktën shtatë të plagosur gjatë këtij operacioni.

Ushtria izraelite ka konfirmuar për AFP-në se forcat e saj po kryejnë një operacion në këtë qytet në veri të Bregut Perëndimor, por nuk kanë dhënë detaje se cili është qëllimi i tij. Operacioni nisi në orën 03:00, sipas kohës lokale, thanë banorët, të cilët raportuan se ushtarët me autoblinda ia mësynë disa lagjeve të qytetit të vjetër të Nablusit, që ka një popullsi prej rreth 30.000 banorësh.

Operacioni vjen një ditë pasi forcat izraelite në Ramallah, ku gjendet selia e Autoritetit Palestinez, bën bastisje në një këmbimore në qendër të qytetit, duke lënë të plagosur dhjetëra palestinezë, sipas Shoqatës palestineze të Gjysmëhënës së Kuqe.

Guvernatori i Nablusit, Ghassan Daghlas, i tha AFP-së se “sulmi i së mërkurës… është thjesht një shfaqje force pa asnjë justifikim”. Ndërkaq, një dëshmitar tha se ushtarët dëbuan një çift nga shtëpia e tyre.

Është raportuar po ashtu për përleshje në pjesën lindore të qytetit të vjetër, kur të rinjtë hodhën gur në drejtim të ushtrisë izraelite, e cila raportohet se është përgjigjur me zjarr dhe me gaz lotsjellës. Gjysmëhëna e Kuqe tha se ekipet e saj kanë trajtuar pesë të plagosur me plumba gome, ndërkaq një tjetër ishte plagosur me armë zjarri.

Ndërkaq, zëdhënësi i Autoritetit Palestinez, Nabil Abu Rudeineh, përmes një deklarate dënoi “përshkallëzimin izraelit në qytetet dhe kampe të refugjatëve”, duke i quajtur operacionet e fundit “të rrezikshme dhe të papranueshme”.

Qyteti i vjetër i Nablusit ka qenë në qendër të disa operacioneve të mëdha izraelite, përfshirë ato në vitet 2022 dhe 2023 gjatë aksioneve të gjera kundër një grupi lokal të luftëtarëve të armatosur, si dhe në vitin 2002 gjatë intifadës së dytë – apo kryengritjes – palestineze.

Në fillim të qershorit 2025, një operacion ushtarak izraelit në Nablus rezultoi me vrasjen e dy palestinezëve. Që nga fillimi i luftës në Gaza në tetor të vitit 2023, dhuna është rritur ndjeshëm në Bregun Perëndimor, të cilin Izraeli e ka okupuar që nga viti 1967.

Trupat izraelite ose kolonët në Bregun Perëndimor kanë vrarë të paktën 972 palestinezë, përfshirë militantë dhe civilë, që nga fillimi i luftës në Gaza, sipas një përllogaritjeje të AFP-së bazuar në shifrat e Autoritetit Palestinez. Në të njëjtën periudhë, të paktën 36 izraelitë, si civilë ashtu edhe pjesëtarë të forcave të sigurisë, janë vrarë në sulme ose gjatë operacioneve ushtarake në këtë territor, sipas shifrave izraelite./ REL

The post Ushtria izraelite kryen operacion në Bregun Perëndimor, plagosen 7 persona appeared first on Albeu.com.

Ambasada ruse në Beograd deklaroi se për situatën në Serbi zgjidhja e vetme është “dialogu në fushën e së drejtës”, siç theksoi, “sipas rregullave serbe”.

Në një postim në Telegram, Ambasada ruse theksoi se “vëren” se vëmendja e saj e kushtuar situatës në Serbi “kohët e fundit nuk ka kaluar pa u vënë re”, pa sqaruar për çfarë bëhet fjalë.

“Sipas mendimit tonë, kjo do të thotë vetëm një gjë: vlerësimet tona pasqyrojnë me saktësi, korrektësi, përgjegjësi dhe me qëllime të mira realitetin”, njoftoi Ambasada ruse, por po ashtu nuk sqaroi se për cilat vlerësime bëhet fjalë.

Kremlini veçse i ka dhënë mbështetje autoriteteve në Beograd, të cilat përballen me protesta antiqeveritare që po zgjasin që disa muaj, teksa demonstruesit po kërkojnë mbajtjen e zgjedhjeve të jashtëzakonshme parlamentare. Zyrtarët rusë përsërisin pohimet e autoriteteve serbe se protestat përbëjnë të ashtuquajturën “revolucion me ngjyra”, një term që i referohet kryengritjeve në ish-republikat sovjetike kundër regjimeve autoritare.

Ministria e Jashtme e Rusisë tha më herët gjatë gushtit se “disa forca në Serbi, nën mbulesën e sloganeve për ‘kërkimin e drejtësisë dhe demokracisë’, nuk hezitojnë të përdorin agresion të hapur, barbarizëm dhe dhunë”, ndërsa ambasadori rus në Serbi, Aleksandar Bocan-Harcenko, javën e kaluar deklaroi se Perëndimi dëshiron të zëvendësojë presidentin e Serbisë, Aleksandar Vuçqç, me një politikan të dobët që kontrollohet nga Bashkimi Evropian.

Kjo deklaratë e ambasadorit rus ka nxitur kritika nga opozita në Serbi, e cila e ka vlerësuar si ndërhyrje në çështjet e brendshme të shtetit.

Ambasada ruse në Beograd në njoftimin e fundit theksoi se “as nuk mund të flitet për ndonjë ‘ndërhyrje’ nga ana jonë në çështjet e brendshme të Serbisë” dhe se “Rusia, përgjatë historisë, ka mbështetur në mënyrë të qëndrueshme dhe të palëkundur sovranitetin, pavarësinë, autonominë dhe integritetin territorial të Serbisë, si dhe lirinë e popullit serb”.

“Ne nuk dyshojmë se ekziston vetëm një rrugë, dhe ajo është dialogu në fushën e së drejtës. Sipas rregullave serbe. Për Serbinë. Për popullin e saj”, tha Ambasada ruse në Beograd.

Presidenti i Serbisë, Aleksandar Vuçiq, ditëve të fundit ka bërë dy herë thirrje për dialog me protestuesit. Thirrjen e dytë ai e bëri gjatë një interviste për Euroneës Serbia të hënën, ku gjithashtu deklaroi se anëtarësimi i Serbisë në BE mbetet prioriteti i tij.

Ambasada ruse shtoi se “vërejmë se dhuna është ende në arsenalin e tyre”, pa sqaruar për kë e ka fjalën.

Protestat që zgjasin disa muaj në Serbi, të cilat nisën me kërkesën për llogaridhënie për shkak të vdekjes së 16 personave gjatë shembjes së strehës prej betoni në Stacionin Hekurudhor të Novi Sadit më 1 nëntor të vitit të kaluar, gjatë verës u karakterizuan nga përgjigja e dhunshme e policisë, por edhe pjesëmarrjes së përkrahësve të Partisë Progresive Serbe në pushtet, të cilët gjatë tubimeve ishin të pajisur me shkopinj dhe kanë hedhur mjete piroteknike ndaj kundërshtarëve të pushtetit./REL

The post Ambasada ruse në Beograd: Për situatën në Serbi, zgjidhja vetëm sipas rregullave të shtetit appeared first on Albeu.com.

Policia po zhvillon mbrëmjen e sotme një aksion në zonën e Shkozetit në Durrës. Mësohet se nga ky aksion janë shoqëruar disa persona. Personat e shoqëruar raportohet se konsiderohen me rrezikshmëri të lartë.

Një numër i madh efektivësh nga sektorë të ndryshëm të Drejtorisë së Policisë së Qarkut Durrës janë angazhuar për këtë aksion i cili po vijon. Pritet një njoftim zyrtar lidhur me aksionin për të zbardhur detaje rreth të arrestuarve dhe akuzave që rëndojnë ndaj tyre.

The post Aksioni i policisë në Shkozet, personat e shoqëruar me rrezikshmëri të lartë appeared first on Albeu.com.

Hysen Durmishi është ministri i ri i Mjedisit, Planifikimit Hapësinor dhe Infrastrukturës në Kosovë. Durmishi u caktuar ditën e sotme nga kryeministri i Kosovës, Albin Kurit pas dorëheqjes së ministrit Liburn Aliu. Durmishi ka qenë më parë zëvendësministër. Kurti e ka uruar për postin Durmishin ndërsa shtoi se shpreson të ketë sukese në përmbushjen e detyrave si ministër.

“Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Mjedisit, Planifikimit Hapësinor dhe Infrastrukturës, Hysen Durmishi, ushtrues të detyrës së Ministrit të Mjedisit, Planifikimit Hapësinor dhe Infrastrukturës, pas dorëheqjes dhe lirimit nga detyra të ministrit të këtij dikasteri, Liburn Aliu. Kryeministri Kurti e uron z. Durmishi për përgjegjësinë e re dhe i dëshiron suksese në përmbushjen e detyrave”, thuhet në njoftim.

Liburn Aliu njoftoi sot se ka dhënë dorëheqjen si ministër në detyrë në Qeverinë e Kosovës, për shkak të zgjedhjes së Dimal Bashës në postin e kryetarit të Kuvendit të Kosovës një ditë më parë. Ai shpjegoi se dorëheqja e tij vjen pasi dje bashkëpartiaku i tij, Dimal Basha u zgjodh kryetar i Kuvendit të Kosovës. Aliu tregoi se e kishte njoftuar kryeministrin në detyrë, Albin Kurti për vendimin e tij menjëherë pas zgjedhjes së Bashës të martën.

“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua”, tha Aliu.

The post Dorëheqja e Liburn Aliut, Hysen Durmishi caktohet ministër i Mjedisit, Planifikimit Hapësinor dhe Infrastrukturës në Kosovë appeared first on Albeu.com.