Ishte gara më e shumëpritur, që pas asaj në Olimpiadën e Parisit verën e shkuar.

Kampioni olimpik Noah Lyles dhe rivali I tij më I madh Kishane Thompson u përballën në pistën e Chorzoë në Poloni, për takimin e radhës në garën mbretëreshë të 100 metrave, në një turne të rëndësishëm të atletikës siç është “Diamond League”.

Triumfi ishte i gjithi për atletin xhamajkan, që kaloi i pari finishin, duke marrë revanshin personal ndaj amerikanit, që fitoi me vetëm 5 të mijëtat e sekodës në përballjen e fundit në Paris.

Thompson vendosi kohën 9 sekonda e 87 të qindat, duke barazuar edhe rekordin e turneut.

Me diferencë prej 3 të qindat në vendin e dytë u rendit Noah Lyles, ndrësa podiumin e plotësoi atleti tjetër amerikan Kenny Bednarek.

Fitorja e xhamajkanit projekton një sfidë të fortë dhe spektakolare në garat e shpejtësisë në prag të Botërorit të Atletikës që do të zhvillohet në Tokyo nga datat 13 deri në 21 shtator. / abcnews.al /

Presidenti Volodymyr Zelenskyy ka mbërritur në Bruksel, ku është pritur nga Presidentja e Komisionit Evropian, Ursula von der Leyen. Ky takim është konfirmuar nga vetë von der Leyen, e cila shprehu nëpërmjet rrjetit social X se do ta mirëpresë Zelenskyy-n të dielën — për të vijuar më pas bashkë me të në një takim me liderët e “Koalicionit të Gatshëm” në Bruksel. Të hënën do t’i bashkohet delegacionit për në Shtëpinë e Bardhë, sipas kërkesës së Presidentit Zelenskyy.

Pas takimit në Bruksel, Zelenskyy dhe von der Leyen do të mbajnë një konferencë të përbashkët për media gjatë ditës.

Takimi europian shërben si një përgatitje për ofensivë diplomatike përpara vizitës vendimtare në Uashington. Dhjetëra liderë evropianë, përfshirë Ursula von der Leyen, janë gati të bashkohen me Ukrainën në mbështetje të saj në bisedimet me Donald Trump. / abcnews.al /

Shqipëria po preferohet gjithmonë e më shumë jo vetëm për detin por edhe për historinë e kulturën.Kruja është transformuar në një destinacion të mirfilltë për turistët gjatë kësaj vere .Vetëm në 4 muaj janë regjistruar rreth 1.3 milionë vizitorë të cilët kanë preferuar të eksplorojnë muzeun Historik Kombëtar dhe atë Etnografik por edhe  parkun Kombëtar të Qaf Shtamës, malin e Skënderbeut, si dhe objekte kulti.Turistët e huaj  vlerësojnë  historinë  ,kulturën por edhe mikpritjen që u ofrohet.

Ndikim në tërheqjen e turistëve në këtë zonë ka dhënë shtimi i numrit të bujtinave, cilësia e gatimeve tradicionale dhe çmimet me standarte që i ofrohen turistëve.

Drejtuesit e në Muzeun e Krujës theksojnë se turistët kryesor gjatë kësaj vere janë amerikan por nuk kanë munguar edhe nga shtete europiane. / abcnews.al /

Read More...

Gjykata e Korçës ka dhënë masën për të arrestuarit për vrasjen e 14-vjeçarit në Pirg të Maliqit.

Për autorin është dhënë masa arrest në burg, bashke me babain dhe xhaxhain, për 4 te miturit” detyrim paraqitje” nen mbikqyrje te prinderve.

Kujtojmë se ngjarja e rëndë e së premtes ranë në prangat e policisë, autori i dyshuar 14-vjeçari E.Guri. Policia arrestoi gjithashtu babain dhe xhaxhain e autorit, Edison Guri dhe Roland Guri, pasi sipas policisë pastruan gjurmët dhe  fshehën thikën me të cilën 14-vjecari kreu krimin.

Në pranga ranë 4 të mitur të tjerë të pranishëm në konflikt pasi me dëshminë e tyre tentuan të mbulonin ngjarjen, si dhe një 34 vjeçar i identifikuar si Flori Çela pasi ndihmoi autorin të largohej nga vendngjarja. Ndaj të miturit Guri rëndon akuza e vrasjes me dashje dhe drejtim i mjetit në mënyrë të parregullt.

Konflikti mes viktimës dhe Gurit nisi një vit më parë, ndërkohë që situate agravoi të premten ku viktima kishte shkuar të qethej në berberhanen e fshatit aty ku kishte hasur autorin.

Ndërkohë, në rrjetin social TikTok, autori i vrasjes postonte video me armë, duke sjellë në fokus rastet e të miturve që paralajmërojnë të tilla fatalitete. / abcnews.al /

Eriseld Zeneli punon që prej vitit 2022 në një prej institucioneve më të rëndësishme të Bashkimit Europian. Historia e 33 vjeçarit është e ngjashme me atë të shumë emigrantëve shqiptarë.

Eriseldi lindi në Lushnje në periudhën kur në Shqipërinë e atyre viteve nisën ndryshimet e mëdha. Pas izolimnit të gjatë, babai i tij si çdo shqiptar në atë kohë i kishte sytë përtej detit, drejt lirisë e një jete më të mirë.

“Fillimisht u nis babai im në 93 dhe pas tre vitesh e ndoqëm unë dhe mamaja ime. Në fillim nuk ka qenë e lehtë për shkak të gjuhës dhe sigurisht në atë peeiudhë kishte edhe pak mosbesim nga ana e italianëve ndaj emigrantëve duke qenë dhe numri i madh i shqiptarëve që arritën në atë kohë.”

Në Italinë ku u rrit dhe u formua profesionalisht, 33 vjeçari thotë se u përshtat menjëherë dhe përtej rasteve sporadike të racizmit kujton mikrpritjen e italianëve që hapën dyert për shqiptarët.

“Kujtimi im nuk është ndonjë kujtim traumatik. Pas pak kohësh fillova kopshtin dhe ashtu si çdo fëmijë e mësova gjuhën shpejt dhe u intregrova mirë. Problemet erdhën pak më vonë, gjatë shkollës 9 vjecare, aty kam vuajtur episodet e para të rracizmit, pastaj u përmirësua situata kur fillova shkollën e mesme në Bolonja, në qytet. Aty gjeta një mentalitet më të hapur, si nga ana e profesorëve edhe studentëve, mund të them që shumica e italianëve janë mikrpitës.”

Gjatë periudhës që studionte, në Itali nisi edhe të punonte.

“Kam punuar në bord të trenave. Shërbeja si shef treni, është një figurë, oficer publik në bord të trenave dhe isha përgjegjës për sigurinë e psagjerëve dhe të mjetit hekurudhor si dhe për koordinimin e stafit në bord sepse në trenat me shpejtësi të lartë, stafi është gati 10 persona dhe janë kamerierët, pastruesit, inspektori i biletave.”

Kur në dorë kishte një diplomë nga universiteti i Bolonjës në Shkencat e Edukimit, në kërkim të një vendi pune dinjitoz, ishte Parlamenti Europian që hapi dyert për të.

“Unë kam një master në psikologjinë e organizatave që arrita ta përfundoja me rezultatet maksimale dhe menjëherë pas masterit aplikova për një praktrikë pranë Parlamentin Europian, ku u pranova dhe u caktova direkt në drejtorinë e Personelit.   Fillimisht si praktikant dhe pas 7 muajsh arrita të fitoja një kontratë stabël.”

Europën e vërtetë që ndoshta prindërit e tij e kërkuan në vitet ‘90 pasi u larguan nga Shqipëria e gjeti kur u punësua në institucionin e lartë të politikbërjes europiane, teksa thotë se u përshtat menjëherë.

“Nuk ka qenë shumë e vështirë sepse ndihet amjenti, ndihet Europa. Të gjithë janë të mirëpritur dhe nuk e kam ndjerë në asnjë moment faktin që jam shqiptar apo vi nga Italia dhe direkt ka qenë shumë e thjehstë sepse çdo shtet i Europës ka të drejtë të ketë një përfaqësues të stafit të vet. Ka staf nga e gjithë Evropa dhe është shumë e lehtë të bashkëpunosh.”

Shqipja e 33 vjeçarit është ruajtur bukur, ndërsa më shumë kujtime nga vendi ku lindi, në Lushnjen e tij, i ka në fëmijëri.

“Aty kam kaluar tre vitet e para të jetës time. Kur isha i vogël në fakt kthehesha me prindërit e mi çdo behar, e kaloja në Shqipëri. Pastaj vitet e fundit, për shkak të angazhimeve profesionale mund të kthehem më rrallë, por gjithësesi mundohem të kthehem sa më shpesh.”

Në këndvështrimin e tij Shqipëria ka ndryshuar, megjithatë duhet ende punë drejt rrugëtimit për të arritur standardet europiane.

“Unë besoj se vitet e fundit Shqipëria ka bërë progrese të dukshme, ekonomike, në infrastrukturë, zhvillimi i turizmit dhe shumë të tjera, por për të rinjtë ende përballen me paga të ulëta, mungesë meritokracie, kjo është problem. Duhet një arsim më cilësor më i drejtë, si dhe një punësim transparent dhe meritokrat edhe paga konkuruese për t’i lejuar të rinjtë të krijojnë një të ardhme në Shqipëri.”

Një histori suksesi që frymëzon është kjo e Eriseld Zenelit dhe mesazhi i tij për të rinjë është ky!

“Eksperienca ime është që me përkushtim, studim dhe pak guxim mund të arrish të fitosh edhe një vend nëpër institucionet europiane. Nuk ka nevojë të jesh fëmijë i njerëzve me pozita. Unë psh, jam djali i një shofer kamioni dhe një amvise, por ia arrita. Mos e humbni kurrë shpresën dhe mos nguroni të studioni sepse këto na hapin rrugën në Europë!” / ABCNEWS.AL /

Departamenti amerikan i shtetit ka pezulluar dhënien e vizave për qëllime mjekësore palestinezëve nga Gaza, teksa kanë filluar hetimet për ccdokënd që shkel në territorin amerikan.

Në një deklaratë Departamenti i Shtetit tha se po kryen hetime të plota dhe të detajuara mbi proceset që janë përdorur ditët e fundit për të dhënë një numër të vogël vizash të përkohshme mjekësore dhe humanitare.

Ky vendim vjen pasi disa figura publike të krahut të djathtë në SHBA, kanë pretenduar se palestinezët nga Gaza që shkojnë në Amerikë, punojnë për organizata islamike që kanë lidhje miqësore me Hamasin.

Vendimi është dënuar nga disa grupe palestineze për të drejtat e njeriut. Fondi i Ndihmës për Fëmijët Palestinezë tha në një deklaratë se ky hap do të ketë një ndikim shkatërrues dhe të pakthyeshëm në mundësinë për të ccuar fëmijë të plagosur dhe në gjendje kritike nga Gaza në Shtetet e Bashkuara për trajtim mjekësor që mund t’u shpëtojë jetën.

Lajmi vjen teksa Izraeli sulmoi spitalin Al-Ahli në qytetin e Gazës dhe shtatë palestinezë u vranë dhe disa të tjerë u plagosën. Dëshmitarët thanë se sulmi kishte në shënjestër një grup civilësh të mbledhur në oborrin e spitalit.

Qendrat mjekësore dhe spitalet në Gaza janë thuasje plotësisht të shkatërruara nga thuajse 2 vjet luftë dhe mungesa e furnizimeve mjekësore e ka bërë një betejë për mjekët në enklavë që të kurojnë pacientët.

Nga ana tjetër Irzaeli vijon planin e tij për zgjerimin e operacioneve në Gaza, për të marrë kontrollin e plotë të qytetit.

Vendimi është kundërshtuar nga familjarët e pengjeve që mbahen ende nga Hamasi, të cilët protestuan duke bllokuar një autostradë në Izrael, në kërkim të jë marrëveshjeje që do t’i jepte fund luftës. Po ashtu shumë biznese në disa qytete të vendit ishin në grevë të dielën në shenjë proteste për vendimet e qeverisë izraelite.

/ abcnews.al /

Volodymyr Zelensky nuk do të shkojë I vetëm në Uashington. Në takimin e tij me Donald Trump, do të jetë e pranishme presidentja e komisionit europian Ursula von der Leyen dhe liderë të tjerë europianë. Kancelari gjerman Friedrich Merz, kryeministrja italiane Georgia Meloni, presidenti francez Emmanuel Macron dhe kryeministri I Finlandes Alexander Stubb do te jene gjithashtu krah Zelensky.

Ka qenë vetë von der leyen ajo që njoftoi praninë e saj në takim, me kërkesë të presidentit ukrainas.

Zelensky do të udhëtojë këtë të diel drejt Brukselit, ku do e presë shefja e Komisionit Europian, teksa liderët e tjerë të kontinentit mbajnë këtë pasdite një takim virtual për të diskutuar fundin e luftës në Ukrainë.

Takimi bashkëkryesohet nga kryeministri britanik, Keir Starmer, presidenti francez Emmanuel Macron dhe kancelari gjerman Merz, me pjesëmarrjen e më shumë aleatëve të Ukrainës.

Ky takim është pjesë e “koalicionit të të vullnetshëmve”, një grup shtetesh që synon të mbeshtese arritjen e nje marrëveshje per fundin e luftes në Ukrainë dhe të sigurojë një paqe të qëndrueshme. Udhëheqësit e koalicionit janë të angazhuar për të ndihmuar Ukrainën dhe për të mbështetur përpjekjet e saj në luftën kundër agresionit rus.

Në një deklaratë të përbashkët, një grup udhëheqësish evropianë thonë se janë “të gatshëm të punojnë” drejt një samiti trepalësh.

Presidenti Trump, sipas medias amerikane Axios, ka shprehur gatishmërinë për të zhvilluar një takim trepalësh me presidentët e Rusisë dhe Ukrainës, Vladimir Putin dhe Volodymyr Zelensky, te premten më 22 gusht.

Por teksa përpjekjet për paqen vazhdojnë, Rusia dhe Ukraina akuzojnë njëra tjetrën për sulme. Në rajonin e Summy ka pasur rreth 100 sulme nga trupat ruse, ndërsa nuk ka pasur qetësi as për Kherson. Edhe Rusia akuzoi Ukrainën se ka sulmuar me 300 dronë gjatë natës, pjesa më e madhe e të cilëve u rrëzuan.

Presidenti Zelensky ka akuzuar Rusinë se po kundërshton thirrjet e sumta për armëpushim dhe nuk po I ndaj vrasjet, duke ndërlikuar përpjekjet për t’I dhënë fund luftës. Zelensky tha se Vladimir Putinit I mungon vullneti për për të zbatuar një urdhër të thjeshtë për të ndaluar sulmet.

Nga ana tjetër në një deklaratë të përbashkët, udhëheqësit e vendeve nordike dhe qtyre baltike thonë se Putinit nuk mund t’i besohet, por mbështetja e tyre për Ukrainën mbetet e palëkundur.

Read More...

Presidenti ukrainas Volodymyr Zelenskyy do të takohet të hënën me presidentin amerikan Donald Trump në Shtëpinë e Bardhë. Ai do të shoqërohet në këtë takim nga presidentja e Komisionit Europian, Ursula von der Leyen — e cila konfirmoi pjesëmarrjen “në kërkesë të Presidentit Zelenskyy” — si dhe nga liderë europianë të tjerë si kancelari gjerman Friedrich Merz, presidenti francez Emmanuel Macron, kryeministrja italiane Giorgia Meloni dhe presidenti finlandez Alexander Stubb.

Pse po bashkohen në këtë takim?

Minimizimi i rrezikut të një përplasjeje të re në Zyrën Ovale
Ky veprim shihet si përpjekje për të shmangur një skenë edhe më të tensionuar të tipit të asaj që ndodhi në shkurt, kur Zelenskyy u përball  në Shtëpinë e Bardhë. Prania e liderëve europianë mund të veprojë si një mbrojtje diplomatike dhe stabilizuese.

Sigurimi i përfshirjes europiane në çdo negociatë për paqe
Samiti në Alaska mes Trump dhe Putin ngriti shqetësimin që pa të pranishëm europianët dhe vetë Ukraina, mund të negociohen çështje territoriale vendimtare. Megjithëse nuk u arrit marrëveshje për armëpushim, u diskutua për pjesë të territorit ukrainas si Donetsk dhe Luhansk dhe planet për garantime sigurie.

Forcimi i solidaritetit transatlantik dhe sigurimit për Ukrainën
Prania e liderëve europianë synon të fuqizojë mbështetjen për Ukrainën — në mënyrë simbolike dhe praktikisht — duke vënë theksin se çdo zgjidhje duhet të përfshijë Ukraina dhe garanci ushtarake e politike nga BE dhe NATO. / abcnews.al /

Protestues të zemëruar u përleshën me policinë në Beograd të shtunën, ndërsa tensionet u rritën më tej pas disa ditësh demonstratash të dhunshme.

Protestuesit thone se nuk do te ndalen pa u rrezuar qeveria dhe derisa presidenti Vucic te therrase zgjedhje te reja. Por Vuçiç,  ka refuzuar kërkesën e protestuesve për të mbajtur zgjedhje të parakohshme parlamentare.

Vuçiç i ka akuzuar protestuesit se kanë ndjekur urdhra nga jashtë për të “shkatërruar Serbinë” dhe premtoi një goditje ndaj lëvizjes mbarëkombëtare të udhëhequr nga studentët e universitetit.

Në Valjevo, qytet rreth 100 kilometra larg Beogradit, një grup të rinjsh hodhën fishekzjarrë në zyrat e Partisë Progresive Serbe, duke brohoritur slogane kundër Presidentit Aleksandar Vuçiç.

Ata i vunë flakën zyrave të partisë përpara se të përlesheshin me policinë në një zonë në qendër të qytetit.

Policia hodhi disa herë gaz lotsjellës dhe u sul drejt demonstruesve, të cilët hodhën gurë dhe molotov drejt tyre.

Ne Beograd, Policia vendosi automjete të blinduara në disa pjesë të kryeqytetit.

Përleshjet midis policisë dhe besnikëve të presidentit Aleksandar Vuçiç nga njëra anë dhe protestuesve antiqeveritarë nga ana tjetër kanë lënë dhjetëra të plagosur e të arrestuar.

Disa postime në mediat sociale këtë javë tregojnë policë të armatosur duke i rrahur demostruesit me shkopinj përpara se t’u vinin prangat. Dhunes nuk I kane shpetuar as gratë dhe të rinjtë.

Ministri i Brendshëm i Serbisë, Ivica Daçiç, ka mohuar qe policia te kete perdorur forcë të tepruar, duke fajësuar demonstruesit për sulm ndaj oficerëve te policise.

Serbia është përfshirë nga protestat që nga nëntori I kaluar, kur shembja e nje structure të stacionit të trenit ne Novi Sad vrau 16 persona. Shumë njerez fajesuan për tragjedinë punën e dobët te kryer, si pasojë e korrupsionit në projektet e infrastrukturës. Protestat e udhëhequra nga studentët kishin qenë kryesisht paqësore për muaj të tërë, por u shndërruan në të dhunshme javët e fundit. / abcnews.al /

Barcelona e nisi me një fitore të madhe sezonin e ri në La Liga.

Kampionët spanjollë mundën 3-0 Majorkën në transfertë, në një sfidë ku nuk munguan polemikat.

Por ky detaj nuk e zbeh aspak paraqitjen e skuadrës së Hansi Flick, që I mjaftuan vetëm shtatë minuta për golin e epërsisë.

Rafinja nuk e shpërdoroi asistimin e Yamal, duke shbllokuar rezultatin e sfidës.

Në minutën e 23-të, ishte Ferran Torres që dyfishoi diferencëm, por realizimi I sulmuesit spanjoll u shoqërua me shumë protesta nga vendasit.

Ata pretenduan se goli duhej anuluar, pasi aksioni vijoi me një prej mbrojtësve të Majorkës të dëmtuar.

Tensioni bëri që të zotët e shtëpisë të mbeteshin me nëntë lojtarë në fushën e lojës.

Morlanes mori kartonin e dytë të verdhë, ndërsa Vedat Muriqi u dërgua menjëherë në dhomat e zhveshjes për shkak të një ndërhyrje vrastare në dëm të portierit Joan Garcia.

Me forca më të shumta në fushë, Barcelona e ktheu ndeshjen në një monolog në zonën kundërshtare, por shifrat 2-0 mbetën në fuqi deri në fundin e kohës së rregullt.

Vetëm në minutën e katërt shtesë, Lamin Yamal vulosi triumfin e skuadrës “blaugrana” me një nga golat e repertorit të tij.

Me këtë sukses, Barcelona nis në mënyrën më të mirë të mundëshme mbrojtjen e titullit kampion, ndërsa I dërgon një mesazh të qartë të gjithë rivalëve.  / abcnews.al /

Bajerni i Mynihut ka nisur me trofe sezonin e ri të futbollit gjerman. Skuadra bavareze shpërbleu të gjitha parashikimet, duke fituar Superkupën.

Viktima e parë e kampionëve të Bungesligës ishte Shtutgart, që u dorëzua në finale me rezultatin 2-1.

Ashtu si Bayern, edhe Harri Kejn u nis me gol në edicionin e ri.

Sulmuesi anglez ndali topin në rrjetë në minutën e 18-të, duke vendosur edhe fatin e pjesës së parë.

Pas pushimit, në skenë u ngjit Luis Diaz.

Sulmuesi kolumbian, që ishte dhe blerja më e shtrenjtë e bavarezëve në merkaton e verës shënoi golin e parë në sfidën e parë zyrtare, duke dyfishuar rezultatin.

Shtutgart vetëm sa zbuti humbjen me golin e Leveling në limitet e kohës së rregullt, ndërsa nuk prishi festën e bavarezëve.

Bayern Munich ngriti lart trofeun e Superkupës së Gjermanisë, duke projektuar një tjetër sezon si dominues në futbollin në vend.

Bavarezët janë si gjithmonë favoritë në Bundesliga, që rikthehet në fushë fundjavën e ardhshme, ndërsa objektivi madhor i skuadrës së drejtuar nga Vinsent Kompani është Champions League. / abcnews.al /

Read More...

Brenda vetëm 24 orëve, Uragani Erin ka pësuar ndryshime të shpejta në intensitetin e tij, duke u bërë një stuhi e Kategorisë 5, që është niveli më i rrezikshëm. Erin kaloi nga një stuhi e kategorisë 1 me erëra 75 metër në orë, në kategorinë 5 me erëra 160 metër për orë brenda harkut kohor të një dite.

Edhe pse uragani ndryshoi sërish, duke kaluar në një stuhi të Kategorisë 4, sërish mbetet në fuqi paralajmërimi për dëme katastrofike të mundshme.

Ndërsa Erin nuk parashikohet të arrijë në tokë, ai pritet të prodhojë dallgë dhe rryma të rrezikshme ndërsa lëviz për në veri javën e ardhshme.

Plazhet në Bahamas, pjesa më e madhe e bregdetit lindor të Shteteve të Bashkuara dhe madje edhe brigjet e Atlantikut të Kanadasë do të preken.

Zonat bregdetare të SHBA si Long Island, Neë York dhe Cape Cod përballen me një rrezik më të lartë.

Ndikimi i uraganit tashmë po ndihet në shumë ishuj dhe për disa nga ishujt e Karaibeve janë dhënë paralajmërime për stuhi tropikale.

Shirat e dendur mund të shkaktojnë përmbytje të mëdha dhe rrëshqitje toke dhe Porto Riko dhe Ishujt Virgjër mund të preken këtë të diel.

Erin duhet të fillojë të dobësohet ngadalë të hënën, por do të mbetet një uragan i madh deri në fund të javës së ardhshme.

Stuhitë që ndryshojnë kaq shpejt e ndërlikojnë parashikimin dhe e bëjnë më të vështirë për agjencitë qeveritare planifikimin për emergjencat.

Shkencëtarët e kanë lidhur intensifikimin e shpejtë të uraganeve në Oqeanin Atlantik me ndryshimet klimatike, pasi ngrohja globale po bën që atmosfera të mbajë më shumë avuj uji dhe temperaturat e oqeanit të rriten ndjeshëm. / abcnews.al /

Ndërkohë që Uashingtoni përgatitet të mirëpresë Presidentin ukrainas, Volodymyr Zelensky, per takimin me kreun e shtepise se bardhe  të hënën, udhëheqësit evropianë do te zhvillojne pasditen e se djeles ne një takim virtual për të diskutuar situatën e luftës në Ukrainë.

Takimi do bashkëkryesohet nga kryeministri britanik, Keir Starmer, presidenti francez Emmanuel Macron dhe kancelari gjerman Friedrich Merz, me pjesëmarrjen e më shumë aleatëve të Ukrainës.

Ky takim është pjesë e “koalicionit të të vullnetshëmve”, një grup shtetesh që synon të mbeshtese arritjen e nje marrëveshje per fundin e luftes në Ukrainë dhe të sigurojë një paqe të qëndrueshme. Udhëheqësit e koalicionit janë të angazhuar për të ndihmuar Ukrainën dhe për të mbështetur përpjekjet e saj në luftën kundër agresionit rus.

Në  një deklaratë të përbashkët, një grup udhëheqësish evropianë thonë se janë “të gatshëm të punojnë” drejt një samiti trepalësh.

Presidenti Trump, sipas medias amerikane Axios, ka shprehur gatishmërinë për të zhvilluar një takim trepalësh me presidentët e Rusisë dhe Ukrainës, Vladimir Putin dhe Volodymyr Zelensky, te premten më 22 gusht.

Nderkaq Presidenti ukrainas Volodymyr Zelensky thote se “ndalimi i vrasjeve është një element kyç për ndalimin e luftës”, por shton se Rusia po i ndërlikon përpjekjet për t’i dhënë fund luftës.

Në një postim në X ai shkruan: “Ne shohim që Rusia kundërshton thirrje të shumta për armëpushim dhe ende nuk ka përcaktuar se kur do t’i ndalë vrasjet.” “Kjo e ndërlikon situatën.”thote zelensky.

Ai shton se mund të duhen “po aq shumë përpjekje” që Rusia të arrijë një “bashkëjetesë paqësore” me Ukrainën, duke akuzuar Putinin se i mungon “vullneti për të zbatuar një urdhër të thjeshtë për të ndaluar sulmet”.

Në një deklaratë të përbashkët, udhëheqësit e Tetë vendeve nordike baltike thonë se Putinit “nuk mund t’i besohet”, por keto vende “mbeten të palëkundura” në mbështetjen e tyre për Ukrainën.

Shërbimet e Komisariatit të Policisë Nr. 4 kanë finalizuar me sukses operacionin policor me emër koduar “The Walker”, pas marrjes së informacionit se një person po qarkullonte me armë zjarri.

Si rezultat i këtij operacioni u arrestua shtetasi K. P., 32 vjeç, banues në Tiranë, i cili rezulton i dënuar më parë për prodhim dhe shitje narkotikësh dhe vjedhje.

Gjatë kontrollit fizik në zonën e rrugës ‘5 Maji’, trupa policore i gjeti 32-vjeçarit një armë zjarri pistoletë, e cila u sekuestrua si provë materiale. / abcnews.al /

Komisariati i Policisë Himarë, në bashkëpunim me Policinë Kufitare Himarë, i erdhën në ndihmë një turisteje çeke, e cila kishte mbetur e bllokuar në një zonë të thepisur, në vendin e quajtur “Filikurë”.

Sot, pas marrjes së njoftimit se një turiste çeke, gjatë zbritjes me litar në terren shkëmbor, ishte rrëzuar dhe kërkonte ndihmë, shërbimet e patrullës së Rendit dhe ato të Policisë Kufitare organizuan punën dhe kaluan menjëherë në vendin e raportuar.

Pas lokalizimit të turistes, u bë e mundur zbritja e saj në mënyrë të sigurt nga shkëmbinjtë dhe transportimi me mjetin lundrues të Policisë Kufitare drejt portit të Himarës, e më pas drejt qendrës shëndetësore, për kontroll mjekësor ku ndodhet jashtë rrezikut për jetën.

Policia apelon që vizitorët dhe pushuesit, gjatë eksplorimeve në terrene të vështira, të tregojnë kujdes maksimal dhe të marrin masat e nevojshme për sigurinë e tyre.

/ abcnews.al /

Ukraina po përballet me krizë të dyfishtë nga njëra anë, luftimet e vazhdueshme dhe goditjet ajrore që vijojnë të shkaktojnë viktima dhe shkatërrime; nga ana tjetër, një tavolinë e ftohtë diplomatike mes presidentit Vladimir Putin dhe presidentit Donald Trump në Alaska duket si simbol i një lëvizjeje strategjike në mes të një lufte që asokohe hyn në vitin e katërt.

Ministria e Mbrojtjes e Rusisë deklaroi se forcat e saj shkatërruan dhe interceptuan 300 dronë ukrainas gjatë natës, sipas raportimit nga agjencia shtetërore e lajmeve Interfax.

Njëkohësisht, sipas kësaj agjencie, trupat ruse goditën edhe depot e raketave taktike “SAPSAN”, të cilat Russia i përshkruan si të mbështetura nga NATO. Deri më tani, këto pretendime nuk janë verifikuar nga burime ndërkombëtare të pavarura. / abcnews.al /

Evropianët dhe britanikët janë aktualisht në duart e Donald Trump sa i përket çështjes së Ukrainës, dhe momenti i së vërtetës po afrohet.

Armëpushimi është hedhur poshtë, aq sa Mbretëria e Bashkuar dhe aleatët në kontinent nuk e përmendin më fare në deklaratat e tyre, edhe pse deri para dy ditësh ishte një kërkesë thelbësore.

Por vendimi i presidentit amerikan ka qenë i qartë, dje në mëngjes, gjatë një telefonate herë pas here të tensionuar me Macron-in, Starmer-in, Merz-in, Meloni-n; sekretarin e NATO-s Rutte, Von der Leyen-in dhe Costa-n për BE-në; presidentin finlandez Stubb dhe atë polak Nawrocki, në vend të kryeministrit pro-evropian Tusk.

Mesa duket, Trump nuk e do më Tusk-un në bisedat transatlantike, duke preferuar në vend të tij presidentin “MAGA”, populist dhe mikun e tij.

Liderët evropianë përballë Trump-it

Në kryeqytetet evropiane dhe në NATO ka nisur të përhapet paniku. Së pari, bindja se Trump “i jep gjithmonë të drejtë atij që flet i fundit me të”, d.m.th. Putinit.

Pastaj, New York Times shkroi se presidenti amerikan ka ftuar edhe liderët evropianë, bashkë me Zelensky-n, në Uashington të hënën.

Deri mbrëmë, Starmer, Macron, Meloni dhe të tjerët po shqyrtonin dilemën. Lënia e Zelensky-t vetëm përballë Trump-it, në një rikthim të mundshëm të skenës në Zyrën Ovale të muajit shkurt, do të ishte një rrezik i madh. Sidomos, duke pasur parasysh se çfarë kërkesash ekstreme mund të bëjë Trump në emër të Putin-it, përfshirë dorëzimin e rajoneve të tëra si Donetsku apo njohjen e rusishtes si gjuhë zyrtare.

Për më tepër, tani që liderët evropianë janë të ftuar nga vetë Trump, mosprania e tyre do të ishte e dëmshme, duke qenë se ata vazhdojnë të deklarojnë se “asnjë paqe nuk mund të arrihet pa përfshirjen e Ukrainës”. Për më tepër, një takim i mundshëm trepalësh Trump-Putin-Zelensky duhet të ndodhë në Evropë.

Por edhe liderët evropianë janë të ekspozuar ndaj të njëjtit rrezik si Zelensky, dhe nëse ndodh një përballje brenda Shtëpisë së Bardhë, kjo mund të çojë në një përçarje të rëndë mes vendeve perëndimore. Prandaj, po shqyrtohet mundësia që në Uashington të shkojë vetëm një përfaqësues evropian në emër të të gjithëve.

Optimizëm për fundin e luftës

Megjithatë, ka edhe optimizëm. Një lider zakonisht i kujdesshëm si Starmer tha: “Fundi i luftës në Ukrainë nuk ka qenë kurrë kaq pranë.”

Edhe liderët e tjerë evropianë, nga Merz te Stubb e deri te vetë Meloni, konfirmojnë: Trump ka dhënë miratimin për garanci sigurie për Kievin.

“Për çdo lloj marrëveshjeje,” shtoi Starmer.

Jo vetëm në drejtim të zgjerimit të mbrojtjes dhe ushtrisë ukrainase, por edhe në një formë të “nenit 5”, për mbrojtjen e Ukrainës.

Ukraina do të mbetet zyrtarisht jashtë NATO-s, por do të mbrohet nga aleatët, veçanërisht nga SHBA-të në rast sulmesh të ardhshme nga Moska.

Ky është një moment kyç edhe për të ashtuquajturën “Koalicioni i të Vullnetshmëve”, të cilin Trump e ka përmendur në bisedat para samitit në Alaskë, dhe që tani duket se po bëhet realitet.

Jo vetëm kaq: në Anchorage, sipas burimeve të informuara në Londër, Putin ka dhënë miratimin e tij për praninë e trupave perëndimore në Ukrainë.

Nëse kjo është e vërtetë, do të përbënte një kthesë historike dhe një sukses për Starmer, Macron, Merz dhe dhjetëra vende të tjera të “të të vullnetshmëve”, që kërkojnë të menaxhojnë periudhën pas luftës në Ukrainë.

Evropa dhe plani për Ukrainën

Nuk është rastësi që dje, liderët e Koalicionit në një deklaratë të përbashkët ritheksuan bindjen se Ukraina duhet të anëtarësohet si në BE ashtu edhe në NATO.

Sot, ata do të zhvillojnë një video-konferencë për të përpunuar detajet përfundimtare të një plani që është përgatitur prej javësh, përpara një angazhimi të mundshëm të drejtpërdrejtë në terren me trupa perëndimore në Kiev. Këto forca me shumë mundësi nuk do të jenë një forcë paqeruajtëse e plotë ose e stacionuar në qytete dhe infrastrukturë, të paktën fillimisht.

Më shumë gjasa ka që të jenë trupa “siguruese”, që do të mbështesin forcat ukrainase dhe sidomos do të ofrojnë mbulim ajror. Sipas vetë anëtarëve të Koalicionit, përfshirë edhe Melonin, këto trupa do të kenë një “rol aktiv”.

Sepse një nga qëllimet kryesore të Koalicionit është kthimi i shpejtë në normalitet i Ukrainës, ose i asaj që do të mbetet prej saj pas kërkesave dhe copëtimit të imponuar nga Putin-i.

Një paqe që ndoshta nuk do të jetë e drejtë, siç kërkojnë evropianët, por që mund të jetë e qëndrueshme. / abcnews.al /