Kryeministri i Polonisë, Donald Tusk, ka deklaruar pas një bisede me Presidentin ukrainas Volodymyr Zelenskyy, se beson që konflikti ushtarak Rusi-Ukrainë mund të shkojë drejt “ngrirjes” më shpejt nga sa pritej.

“Ka disa sinjale, dhe një ndjesi personale, që ndoshta do të kemi një ‘ngrirje’ të konfliktit. Nuk dua të them se lufta do të marrë fund, por një ‘ngrirje’ e situatës mund të ndodhë më shpejt nga sa mendohej”, tha Tusk para gazetarëve.

Sipas Kryeministrit Tusk, edhe Presidenti ukrainas është optimist për një armëpushim.

“Ka një shpresë për këtë. Sot është afati i një ultimatumi. Presidenti Zelenskyy është shumë i kujdesshëm, por gjithsesi optimist. Pala ukrainase ka një interes të madh që Evropa, përfshirë Poloninë, të jetë pjesë aktive në formësimin e një armëpushimi të mundshëm dhe më pas të paqes. Edhe ne jemi shumë të interesuar për këtë, sepse paqja në rajon do të ndikonte drejtpërdrejt në sigurinë tonë”, theksoi ai.

Shtetet e Bashkuara dhe Izraeli kanë të njëjtat objektiva për luftën në Gaza, por gjithashtu kanë edhe disa mosmarrëveshje për mënyrën si arrihen këto objektiva.

Këto ishin deklaratat e zëvendëspresidentit amerikan JD Vance gjatë një vizite në Londër ku u takua me ministrin e jashtëm britanik David Lammy.

Numri dy I shtëpisë së bardhë tha se dy qëllimet kryesore të administratës amerikane janë që Hamasi të mos vazhdojë të sulmojë njerëz të pafajshëm dhe të zgjidhet kriza humanitare në enklavën palestineze.

“Nuk do ta dimë saktësisht se si ta zgjidhim një problem shumë të ndërlikuar… Nëse do të ishte e lehtë të sillnim paqe në atë rajon të botës, do ta kishim bërë tashmë”, tha Vance.

Zëvendëspresidenti amerikan theksoi se Shtetet e Bashkuara nuk do të ndjekin Mbretërinë e Bashkuar dhe të njohin shtetin palestinez, nisur edhe nga fakti se atje nuk ka një qeveri funksionale.

Deklaratat e Vance mund të nënkuptojnë se mes Uashingtonit dhe Izraelit mund të ketë mosmarrëveshje për pushtimin e qytetit të Gazës. Megjithatë numri dy i shtëpisë së bardhë theksoi se nuk do të flasë për biseda private mes dy qeverive dhe shtoi se presidenti Donald Trump do të flasë vetë me median në një moment.

Ndërkohë shumë vende të tjera e dënuan vendimin e Izraelit për të pushtuar qytetin e Gazës.

Kancelari Gjerman Fridrich Merz tha se Berlini Zyrtar do te ndaloje te gjitha eksportet e armeve qe Izraeli po perdor ne Gaza, nje goditje e ashper kjo ndaj vendimit te Tel Avivit. Kryeministri britanik e quajti vendimin e Gjermanisë një shpërblim ndaj terrorizmit.

Vendimi u dënua gjithashtu nga Bashkimi Europian, kryeministri britanik Keir Starmer dhe nga vetë familjarët e pengjeve që janë ende në Gaza, të cilët frikësohen për fatin e të afërmve të tyre.

Read More...

13 vatra zjarri u identifikuan gjatë orëve të fundit ne vend, prej të cilave 7 janë ende aktive.

Ne qarku e Vlorës zjarri ne fshatin Navaricë, zjarri është spostuar në drejtim të malit mbi fshat. Në fshatin Leshnicë e Poshtme pas punës dhe ndërhyrjen nga ajri është shmangur rreziku për banesat. Në mbështetje të forcave në terren operuan helikopteri i Forcës Ajrore dhe dy avionët Fireboss, të ardhur nga Suedia.

Ne fshatin Tragjas zjarri zhvillohet në sipërfaqe me shkurre dhe bimësi të ulët. Në zonë po operojnë 17 efektivë nga MZSH Vlorë dhe 3 nga Shërbimi Pyjor. Momentalisht nuk ka rrezik për banesa.

Ne fshatin Lofkënd, ne Mallakastër. Nga angazhimi i forcave në terren dhe ndërhyrjes nga ajri është bërë i mundur izolimi i vatrës së zjarrit. Zjarri mbetet aktiv në dy vatra, në pjesën jugore dhe atë veriperëndimore. Në të dyja pikat është e pamundur operimi nga toka. Vijon puna për izolimin e vatrës së zjarrit me ndërhyrje nga ajri, ku operon avioni Kroat Canadair.

Fshatin Malaj Epërm, ne Mirditë. Zjarri vijon të jetë aktiv në një sipërfaqe pyjore me pishë, lis, shkurre dhe bimësi të dendur, në një terren të vështirë dhe që nuk mundëson operimin me mjete ujë hedhëse. Në zonë po operojnë 33 forca operacionale nga strukturat vendore. Forcat po punojnë kryesisht në krijimin e brezave ndarës për pengimin e përhapjes së zjarrit. Sipërfaqja e përshkuar nga zjarri vlerësohet paraprakisht në 10 hektare. Momentalisht nuk ka rrezik për zonat e banuara. Ne vendin e quajtur ”Mali i Allushit”, fshati Plan i Bardhë, bashkia Klos, është riaktivizuar vatra e zjarrit të shuar ditë më parë. Zjarri është vënë nën kontroll dhe nuk përbën rrezik për përhapje. Nuk ka rrezik për banesa.

Ne fshatin Lleshaj, ne Gramsh. Zjarri zhvillohet në një sipërfaqe pyjore me dushqe në një distancë të largët dhe terren i vështirë në kufi me bashkinë Përrenjas. Është punuar gjatë ditës dhe vatra e zjarrit është izoluar plotësisht. Ne Malin e Bërzhitës, ne bashkine e Tiranës zjarri zhvillohet në një sipërfaqe me bimësi të dendur. Në terren po punojnë 15 forca nga MZSH Tiranë. Vijon puna për shuarjen e zjarrit. Ndersa nuk ka rrezik për banesa.

Një vatër zjarr është aktivizuar në njësinë administrative Cepo të Gjirokastrës mes fshatrave Picar dhe Humelicë.

Në vendgjarje, aktualisht ka mbërritur i gjithe efektivi i Mzsh Gjirokastër.

Zjarrfikësit po punojnë për parandalimin e avancimit të flakëve drejt zonave të banuara./abcnews.al

Read More...

Një aksident ka ndodhur në vendin e quajtur” Qafa e Koshovicës” në Fier, ku një automjet tip “Benz” ka dalë nga rruga dhe është përmbysur.

Si pasojë janë dëmtuar tre pasagjerët, si dhe vet drejtuesi i automjetit, të cilët ndodhen në spital, në kujdesin e mjekëve, jashtë rrezikut për jetën.

Grupi hetimor po punon për zbardhjen e rrethanave dhe përcaktimin e shkakut të aksidentit./abcnews.al

Pasi kabineti i sigurisë izraelite mbrëmë udhëzoi IDF-në të pushtonte Qytetin e Gazës, Shefi i Shtabit, Gjenerali Eyal Zamir tha se ushtria do ta zbatojë planin “në mënyrën më të mirë të mundshme”.

“Ne do të vazhdojmë të udhëheqim nga përgjegjësia kombëtare që i është ngarkuar IDF-së dhe komandantëve të saj. Ne jemi përgjegjës për gatishmërinë e ushtrisë, sigurinë e shtetit dhe qytetarëve të tij, kthimin e pengjeve dhe mposhtjen e Hamasit, dhe kështu do të bëjmë”, tha Zamir.

“Përgjegjësia ime është t’ju ofroj juve dhe ushtarëve në veçanti sa më shumë siguri të jetë e mundur, të krijoj pauza dhe një qëndrueshmëri të duhur. Është në dritën e kësaj përgjegjësie që ne veprojmë”, shtoi ai.

Zamir njoftoi se IDF po “punon mbi planin e ri.

“Ne do ta thellojmë planifikimin, do të përgatitemi në nivelin më të lartë në të gjitha aspektet e tij dhe, si gjithmonë, do ta kryejmë misionin në mënyrën më të mirë të mundshme.”

Sipas ushtrisë, Zamir theksoi gjithashtu se “ndërsa lufta zhvillohet, IDF do të veprojë për të mbrojtur jetën e pengjeve, do t’u lejojë forcave të rifreskohen në mënyrë që të forcojnë qëndrueshmërinë dhe do të veprojë sipas vlerave dhe frymës së IDF-së”.

Një burrë ka humbur jetën në Greqi të premten, si pasojë e zjarreve të përhapura nga erërat e fuqishme.

Më shumë se 200 zjarrfikës, të mbështetur nga 11 avionë dhe shtatë helikopterë, po i luftojnë zjarret në Keratea, në juglindje të Athinës, tha për televizionin shtetëror ERT, Kostas Tsigkas, kreu i zjarrfikësve grekë.

Ai tha se banorët në disa vendbanime janë evakuuar për shkak të “zjarreve të mëdha” si pasojë e erërat e forta.

Zjarrfikësit gjetën trupin e një të moshuari brenda shtëpisë së tij të djegur në Keratea, ndërsa erërat e forta po ua vështirësojnë punën avionëve cisternë për të vepruar, tha zëdhënësi i shërbimit të zjarrfikësve, Vassilis Vathrakogiannis, në një konferencë për shtyp.

SHBA riafirmoi kundërshtimin e tyre ndaj njohjes së një shteti palestinez, duke përgatitur terrenin për diskutime diplomatike me Mbretërinë e Bashkuar, e cila kohët e fundit mori vendimin për të njohur shtetësinë palestineze.

Duke folur gjatë vizitës së tij në Mbretërinë e Bashkuar, zëvendëspresidenti i SHBA-së JD Vance tha se çështja do të ishte pjesë e bisedimeve me Sekretarin e Jashtëm David Lammy.

“Padyshim, Mbretëria e Bashkuar do të marrë vendimin e saj. Ne nuk kemi plane për të njohur një shtet palestinez”, tha Vance në Chevening House në Kent.

“Nuk e di se çfarë do të thoshte të njihej vërtet një shtet palestinez, duke pasur parasysh mungesën e një qeverie funksionale atje. Dhe ajo që presidenti e ka bërë shumë të qartë është se dy qëllimet tona janë shumë të thjeshta tani, në lidhje me situatën në Izrael dhe Gaza”, tha ai.

“Së pari, ne duam ta bëjmë atë në mënyrë që Hamasi të mos mund të sulmojë më kurrë civilë të pafajshëm izraelitë, dhe ne mendojmë se kjo duhet të vijë përmes zhdukjes së Hamasit”, shtoi ai.

“Së dyti”, tha ai, “presidenti është prekur shumë nga këto imazhe të tmerrshme të krizës humanitare në Gaza. Pra, ne duam të sigurohemi që ta zgjidhim këtë problem.”

“Mendoj se të gjithë ne mund të punojmë se si ta zgjidhim këtë problem. Natyrisht, nuk është një problem i lehtë për t’u zgjidhur, përndryshe do të ishte trajtuar tashmë, por mendoj se ndajmë të njëjtin fokus dhe atë qëllim”, shtoi ai.

“Mund të kemi disa mosmarrëveshje se si ta arrijmë saktësisht këtë qëllim dhe do të flasim për këtë sot.”

I pyetur nëse SHBA-së iu dha një paralajmërim paraprak për vendimin e kryeministrit izraelit Benjamin Netanyahu për të urdhëruar pushtimin e qytetit të Gazës, Vance tha se nuk do të diskutonte “biseda private”.

Ai tha se priste që Trump të fliste vetë me mediat për këtë çështje.

Kryeministri hungarez, Viktor Orban shprehu shqetësimin se Europa rrezikon të lihet mënjanë, nëse mbahet një takim mes Donald Trump dhe Vladimir Putin për luftën në Ukrainë.

Duke folur për transmetuesin shtetëror të Hungarisë, Orban theksoi se sa më shpejt të jetë e mundur, para ose pas takimit SHBA-Rusi, duhet të ketë një samit ruso-europian për luftën.

“Së shpejti mund të ketë një samit ruso-amerikan. Dhe nëse samiti ruso-amerikan ndodh, kjo është mirë, sepse më në fund mund të ketë paqe. Por nëse evropianët do të qëndrojnë jashtë kësaj, ne do të lihemi mënjanë në menaxhimin e çështjeve të sigurisë së kontinentit tonë. Unë vazhdoj të nxis që, sa më shpejt të jetë e mundur, të mbahet një samit ruso-evropian, para samitit ruso-amerikan, ose nëse jo, atëherë pas samitit ruso-amerikan”

Orban, një kritik i ashpër i Bashkimit Evropian, sugjeroi që një takim i tillë nuk duhet të drejtohet nga udhëheqësit e institucioneve evropiane.

Presidenti hungarez tha se Presidenti francez Emmanuel Macron dhe Kancelari gjerman Friedrich Merz duhet të negociojnë në emër të Evropës.

Deklaratat e Orban vijnë teksa mediat italiane raportuan se Donald Trump i kërkoi kryeministres italiane Georgia Meloni, organizimin e takimit të tij me Putin në Itali. Meloni u shpreh e gatshme të ndihmonte, por ideja nuk u prit mirë nga Moska, që e cilëson Italinë një vend krah Ukrainës.

Ndërkohë e premtja është afati i fundit që Donald Trump ka vendosur ndaj Vladimir Putin për të përparuar ne negociatat e paqes me Ukrainën, ndryshe ai do të vendosë sanksione shtesë.

Teksa ende nuk ka asnjë lajm nga Shtëpia e Bardhë për hapin e radhës, ushtarët ukrainas kanë thënë se Rusia po vazhdon sulmet në vijën e frontit në lindje. Madje sipas komandantëve ukrainas rusët i çuan njësitë e tyre të artilerisë më afër vijës së frontit.

Po ashtu gjatë natës pati sulme ajrore në qytetet Kharkiv dhe Sumy, ku te paktën tre persona mbetën të plagosur dhe pati dëme në infrastrukturë./abcnews.al

Sipas një zyrtari të lartë të Shtëpisë së Bardhë, një takim i nivelit të lartë midis Donald Trump dhe Vladimir Putin është planifikuar për në fund të javës së ardhshme.

Vendndodhja është ende në diskutim, sipas zyrtarit, por vendet për të cilat ka diskutime për mbajtjen e takimit janë Emiratet e Bashkuara Arabe, Hungaria, Zvicra dhe Italia, shkruan Sky News.

Detajet e mëtejshme ose logjistika janë ende të paqarta dhe shumë fluide, thanë ata.

Data e saktë nuk është ende e qartë dhe ata nuk e dinë nëse Volodymyr Zelenskyy do të jetë i përfshirë.

Zyrtari tha se rusët kanë paraqitur një listë kërkesash për një armëpushim të mundshëm dhe Uashingtoni tani po përpiqet të marrë mbështetjen e ukrainasve dhe aleatëve evropianë.

Nga ana e tyre, ukrainasit kanë thënë prej kohësh se nuk do të lëshojnë asnjë territor që Rusia e ka aneksuar në mënyrë të paligjshme./abcnews.al

Gazetarja Etleva Delia thotë se organizata kriminale, që u godit nga SPAK për trafikun e kokainës, kishte drejtues jo vetëm Franc Çopjan, por edhe Ervin Çelën, tashmë i arrestuar.

Në një intervistë për “Tirana Live” në ABC News, Delia u shpreh se kjo organizatë kishte gjeneruar miliarda euro të ardhura.

Delia shtoi se ky grup kriminal trafikonte sasi të mëdha droge në periudhë të shkurtër kohe.

“Një organizatë kompakte, lëvizte shuma të mëdha parash. Kishte mundësi të trafikonte sasi të mëdha droge në periudhë të shkurtër kohe. Emri i Franc Çopjas është lakuar fillimisht nga drejtësia belge. Ai u ekstradua nga Dubai në fund të vitit 2023. Nga këto të dhëna, e reja del nga zhvillimi dhe çfarë kanë zbuluar nga bisedat në aplikacionin Sky. Franc Çopja nuk ka qenë i  vetëm, por ka pasur bashkëdrejtues Ervin Çelën, i cili ndodhet në burg. Kishin bashkëpunim të ngushtë me njëri-tjetrin. Kanë qenë 28 ton kokainë, me vlerë 1.5-3.5 miliard euro. Paratë i sillnin në Shqipëri përmes autobusëve. Sasia bën diferencën, ka sasi më të madhe. Janë vendosur 16 masa sigurie.”, theksoi ai./abcnews.al

India ka pezulluar planet për të blerë armë dhe aeropalnë të rinj amerikanë, sipas tre zyrtarëve indianë të njohur me çështjen, në shenjën e parë konkrete të pakënaqësisë së Indisë pasi tarifat e vendosura mbi eksportet e saj nga presidenti Donald Trump i çuan marrëdhëniet në nivelin e tyre më të ulët në dekada.

India kishte planifikuar të dërgonte Ministrin e Mbrojtjes Rajnath Singh në Uashington në javët e ardhshme për një njoftim mbi disa nga blerjet, por ky udhëtim është anuluar.

Kjo e rriti tarifën totale mbi eksportet indiane në 50%, ndër më të lartat nga çdo partner tregtar i SHBA-së.

Presidenti ka një histori të tërheqjes së shpejtë të tarifave dhe India ka thënë se mbetet aktive në diskutime me Uashingtonin, shkruan BBC.

Një nga personat tha se blerjet e mbrojtjes mund të vazhdojnë sapo India të ketë qartësi mbi tarifat dhe drejtimin e lidhjeve dypalëshe, por “thjesht jo aq shpejt sa pritej”.

Një zyrtar tjetër tha se nuk ishin dhënë udhëzime me shkrim për të ndërprerë blerjet, duke treguar se Delhi kishte mundësinë të ndryshonte shpejt kursin, megjithëse “nuk kishte asnjë lëvizje, të paktën për momentin”.

Pas publikimit të këtij lajmi, qeveria e Indisë lëshoi një deklaratë që ia atribuoi një burimi të Ministrisë së Mbrojtjes duke i përshkruar raportet e lajmeve për një ndërprerje të bisedimeve si “të rreme dhe të fabrikuara”.

Deklarata tha gjithashtu se prokurimi po përparonte sipas “procedurave ekzistuese”.

Reuters raporton se diskutimet mbi blerjet e Indisë të automjeteve luftarake Stryker të prodhuara nga General Dynamics Land Systems dhe raketave antitank Javelin të zhvilluara nga Raytheon dhe Lockheed Martin, janë ndërprerë për shkak të tarifave.

Trump dhe kryeministri indian Narendra Modi kishin njoftuar në shkurt planet për të ndjekur prokurimin dhe prodhimin e përbashkët të këtyre artikujve.

Pronat e sekuestruara

Me vendimin nr. 543 date 07.08.2025, Gjykata e Posaçme ka vendosur sekuestrimin preventiv për gjithsej 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim  si më poshtë:

Resorte turistike:

• • “A….. PARK” Resort ku përfshihen hotele, godina shërbimi, restorant dhe ambiente tregtare,  Xhafzotaj, Durrës.

Vila dhe apartamente:

• • Vilë dy katëshe tip “ELYSIAN”, në bregdetin e Dhërmiut, bashkia Himarë (sipërfaqe totale rreth 378.2 m²), me vlerë tregu prej afërsisht 1.000.000 Euro.
  • Vilë e porositur datë 06.11.2024, në Tiranë.

Truall, toka dhe ndërtesa:

• • Pasuri truall dhe ndërtesa në Tiranë, Sharrë.
  • Pasuri (me status regjistrim të përkohshëm).
  • Pasuri nr. 349/45 në bashkëpronësi.
  • Tokë arë me sipërfaqe 5900 m², Sharrë, Tiranë.

Kuota dhe aksione në shoqëri tregtare:

• • Kuotat/aksionet në shoqëri tregtare,  Kavajë.
  • Shoqëri tregtare, Durrës.
  • Shoqëri tregtare, Rrogozhinë.
  • Shoqëri tregtare, Durrës.

Automjete:

• • Tre automjete.

Sekuestrime gjatë ekzekutimit të vendimeve të kontrollit:

• Mbi 111 800 Euro Cash;
• 4000 USD
• 880.000 Lekë

Qarkullimi dhe menaxhimi i parave

Hetimi ka treguar se ky grup kishte ngritur një mekanizëm financiar jashtëzakonisht të sofistikuar për të qarkulluar dhe fshehur të ardhurat nga aktiviteti kriminal. Një prej metodave kryesore ka qenë transporti fizik i parave “cash” nga vendet e BE-së drejt Shqipërisë, duke përdorur shoferë autobusësh kryesisht shqiptar të transportit ndërkombëtar të pasagjerëve. Kjo mënyrë kishte disa përparësi për grupin:

• Evitimi i gjurmimit bankar dhe i detyrimit ligjor për deklarimin e burimit të fondeve;
• Shmangia e kontrolleve doganore zyrtare, duke përdorur rrugë të shkurtra dhe pikat kufitare më pak të monitoruara;
• Siguria përmes rrjetit të besuar të shoferëve, numri i të cilëve ishte i kufizuar dhe i përzgjedhur në bazë të një marrëdhënieje të ndërtuar mbi besimin reciprok.

Shoferët, në këmbim të shërbimit dhe rrezikut të marrë përsipër, përfitonin rreth 2% tarifë mbi shumën e transportuar. Këto pagesa bëheshin drejtpërdrejt nga anëtarët e grupit dhe garantoheshin nga personat përgjegjës për menaxhimin e logjistikës financiare.

Koordinimi i pagesave

Figura kyçe si  F.G., E.Ç., si dhe bashkëpunëtorë të tjerë, luanin rol aktiv në organizimin e këtyre transfertave. Pagesat dhe kompensimet e brendshme shpesh maskoheshin përmes transaksioneve të tjera të fshehta, të dizajnuara për të mos lënë gjurmë në sistemin financiar zyrtar.

Përveç transportit fizik, rrjeti përdorte edhe sistemin informal të transfertave të njohur si “haëala” ose “token”, ku shumat e mëdha qarkullonin përmes një zinxhiri ndërmjetësish pa asnjë evidencë bankare. Një pjesë e konsiderueshme e fondeve kanalizohej drejt Bolivisë, e cila, për shkak të nivelit të ulët të kontrollit financiar dhe pozicionit të saj strategjik, shërbente si nyje kyçe për përfundimin e transaksioneve ndërkombëtare të parave.

Kombinimi i këtyre metodave, transporti fizik me shoferë të besuar dhe sistemi i transfertave informale, i mundësonte kësaj organizate kriminale qarkullimin e qindra milionë Euro cash, duke reduktuar ndjeshëm riskun e sekuestrimit dhe duke siguruar vazhdimësinë e aktivitetit të tij në shkallë ndërkombëtare.

Në përditësim…

Prokuroria e Posaçme ka dhënë njoftim zyrtar në lidhje me goditjen e trafikut të dorgës nga vendet e Amerikës Latinë, në Evropë.

SPAK thotë se gjatë hetimeve ndërkombëtare, janë identifikuar dhe goditur dy ngarkesa të mëdha kokaine, 28 ton të transportuara nga Amerika e Jugut drejt Evropës.

Mësohet se masë sigurie është lëshuar edhe për Franc Çopjan, i cili është akuzuar si një prej drejtuesve të grupit kriminal “Copja” në Elbasan. Ai aktualisht mbahet në burg në Belgjikë, shteti ky që mundi ta ekstradojë nga Dubai, për trafik lëndësh narkotike.

Njoftimi i SPAK

Prokuroria e Posaçme kundër Korrupsionit dhe Krimit të Organizuar (Prokuroria e Posaçme), ka kryer hetime kundër një organizate kriminale të nivelit të lartë, të përfshirë në trafikimin e kokainës dhe pastrimin e parave. Hetimet, të cilat përfshijnë bashkëpunimin intensiv me EUROPOL dhe autoritete nga Belgjika, Franca, Holanda, Gjermania dhe Italia, u bazuan në analizën e të dhënave të komunikimit të enkriptuara të platformës SkyECC. Nga këto hetime janë zbuluar dërgesa shumë-tonëshe kokainë nga Amerika Latine drejt porteve kryesore të BE-së, përfshirë Hamburgun, Anvers etj.

Kjo organizatë kriminale  operonte në një shkallë globale, duke bashkëpunuar me grupe të tjera kriminale për të lehtësuar transportet drejt porteve evropiane dhe investonte fitimet e mëdha në prona dhe biznese në Shqipëri dhe jashtë saj.

Në kontekstin e kësaj organizate kriminale, Prokuroria e Posaçme  ka kryer hetime në kuadër të procedimit penal nr.187/2023 për veprat penale te “Trafikimi i lëndëve narkotike”, “Pastrimi i produkteve të veprës penale”, “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal” parashikuar nga nenet 283/a, 287, 333/1 dhe 2 e 334/1 të Kodit Penal.

Prokuroria e Posaçme ka paraqitur kërkesë për caktimin e masës së sigurimit personal ndaj 16 (gjashtëmbëdhjetë) shtetasve shqiptarë, kërkesë e cila është miratuar nga Gjykata e Posaçme e Shkallës së Parë për Korrupsionin dhe Krimin e Organizuar (Gjykata e Posaçme) me vendimin nr.82 akti datë 06.08.2025, duke vendosur masën “arrest në burg”, bazuar në nenin 238 të Kodit të Procedurës Penale për 14 (katërmbëdhjetë) persona dhe për 2 (dy) të tjerëve ka caktuar masën e sigurimit detyrim për tu paraqitur ne policinë gjyqësore.

Drejtoria e Përgjithshme e Policisë së Shtetit në bashkëpunim me Byronë Kombëtare të Hetimit kanë ekzekutuar masat e sigurimit për 9 të hetuar (përfshirë edhe një nga drejtuesit), prej të cilëve 7 me masën“arrest me burg” dhe 2 me masën “detyrim paraqitje”, ndërsa një prej të hetuarve gjendet aktualisht i arrestuar në një vend të BE – së (drejtues i organizatës). Po punohet për ekzekutimin e masave të sigurimit për 6 persona të tjerë.

Masa “arrest me burg” në Shqipëri:

1. E.Ç
2. A.Ç
3. P.L
4. R.M
5. G.Ç
6. M.K
7. El.Ç

Masa “detyrim paraqitje” në Shqipëri:

8. D.P
9. K.Gj

I arrestuari në një vend të BE-së:

10. F.C

Për interesat e hetimit,  Prokuroria e Posaçme ka kërkuar dhe marrë miratimin e Gjykatës së Posaçme për kryerjen e kontrolleve në banesa, automjete dhe persona të cilat janë në vijim e sipër.

Sekuestrimet e sasive të kokainës:

Gjatë hetimeve ndërkombëtare, janë identifikuar dhe goditur dy ngarkesa të mëdha kokaine, të transportuara nga Amerika e Jugut drejt Evropës dhe më konkretisht:

• Shtator 2020 – Paraguaj → Belgjikë (Anvers)
  Grupi i drejtuar nga E.Ç. dhe F. G., në bashkëpunim me një shtetas brazilian, organizoi trafikimin e 11.6 ton kokainë, fshehur në kuti sapuni dhe kuti boje metalike me logon “Fox”. Ngarkesa u nis nga porti i Villeta (Paraguaj) dhe mbërriti në Anvers më 04.11.2020.
  Në vijim, gjatë operacioneve të policisë në Roterdam, u sekuestruan 600 kg kokainë dhe 2 milionë euro, si dhe u arrestuan shtetasit shqiptarë M.D. dhe N.B.
• Dhjetor 2020 – Shkurt 2021 – Paraguaj → Gjermani (Hamburg)
  E.Ç. dhe F.G. organizuan dhe financuan trafikimin e 16.4 ton kokainë, fshehur në bombola metalike me bojë/kollë ndërtimi dhe të stampuara me logo (“sy me rrufe të kuqe”, “Puma”, “shenja infinit”), me vlerë tregu prej 1.5 miliard deri 3.5 miliard euro. Ngarkesa, e shpërndarë në disa kontejnerë, mbërriti në Hamburg më 12.02.2021 dhe u sekuestrua nga autoritetet doganore gjermane. (Cocaine ‘worth billions’ seized in record Germany and Belgium haul).

Tipologjia e organizatës kriminale

Hetimet e kryera në bashkëpunim me autoritetet ligjzbatuese partnere dhe analiza e komunikimeve të përgjuara në aplikacionin SkyECC kanë zbuluar një strukturë kriminale të përmasave ndërkombëtare, e udhëhequr nga shtetasit E.Ç. dhe F.G., e cila kontrollonte në mënyrë të plotë zinxhirin e trafikut të kokainës – nga prodhimi, magazinimi dhe përpunimi në laboratorët e Paraguait, transporti ndërkombëtar dhe shpërndarja në tregjet europiane, deri te pastrimi dhe qarkullimi i të ardhurave të fituara.

Ngarkesat e mëdha të kokainës siguroheshin direkt nga prodhuesit nga drejtuesi i organizatës E. Ç. (i cili së bashku me vëllanë e tij A. Ç. ishin vendosur në Paraguai), magazinoheshin dhe bëheshin gati për transport në Paraguai. Lënda narkotike fshihej në mënyrë të sofistikuar në ngarkesa legale – kuti sapuni, bombola boje dhe kollose ndërtimi – të maskuara me marka tregtare si “Fox” apo me shenja të veçanta dalluese si “Puma” ose “sy me rrufe”. Këto ngarkesa transportoheshin me kontejnerë detarë nga portet e Amerikës së Jugut drejt porteve të mëdha evropiane, kryesisht Anvers (Belgjikë) dhe Hamburgu (Gjermani), ku më pas shpërndaheshin përmes rrjeteve të brendshme të tregut të drogës në BE.

Qarkullimi dhe menaxhimi i parave

Hetimi ka treguar se ky grup kishte ngritur një mekanizëm financiar jashtëzakonisht të sofistikuar për të qarkulluar dhe fshehur të ardhurat nga aktiviteti kriminal. Një prej metodave kryesore ka qenë transporti fizik i parave “cash” nga vendet e BE-së drejt Shqipërisë, duke përdorur shoferë autobusësh kryesisht shqiptar të transportit ndërkombëtar të pasagjerëve. Kjo mënyrë kishte disa përparësi për grupin:

• Evitimi i gjurmimit bankar dhe i detyrimit ligjor për deklarimin e burimit të fondeve;
• Shmangia e kontrolleve doganore zyrtare, duke përdorur rrugë të shkurtra dhe pikat kufitare më pak të monitoruara;
• Siguria përmes rrjetit të besuar të shoferëve, numri i të cilëve ishte i kufizuar dhe i përzgjedhur në bazë të një marrëdhënieje të ndërtuar mbi besimin reciprok.

Shoferët, në këmbim të shërbimit dhe rrezikut të marrë përsipër, përfitonin rreth 2% tarifë mbi shumën e transportuar. Këto pagesa bëheshin drejtpërdrejt nga anëtarët e grupit dhe garantoheshin nga personat përgjegjës për menaxhimin e logjistikës financiare.

Koordinimi i pagesave

Figura kyçe si  F.G., E.Ç., si dhe bashkëpunëtorë të tjerë, luanin rol aktiv në organizimin e këtyre transfertave. Pagesat dhe kompensimet e brendshme shpesh maskoheshin përmes transaksioneve të tjera të fshehta, të dizajnuara për të mos lënë gjurmë në sistemin financiar zyrtar.

Përveç transportit fizik, rrjeti përdorte edhe sistemin informal të transfertave të njohur si “haëala” ose “token”, ku shumat e mëdha qarkullonin përmes një zinxhiri ndërmjetësish pa asnjë evidencë bankare. Një pjesë e konsiderueshme e fondeve kanalizohej drejt Bolivisë, e cila, për shkak të nivelit të ulët të kontrollit financiar dhe pozicionit të saj strategjik, shërbente si nyje kyçe për përfundimin e transaksioneve ndërkombëtare të parave.

Kombinimi i këtyre metodave, transporti fizik me shoferë të besuar dhe sistemi i transfertave informale, i mundësonte kësaj organizate kriminale qarkullimin e qindra milionë Euro cash, duke reduktuar ndjeshëm riskun e sekuestrimit dhe duke siguruar vazhdimësinë e aktivitetit të tij në shkallë ndërkombëtare.

Prokurorët e çështjes, Altin Dumani dhe Vladimir Mara, theksojnë se:
“Kjo organizatë kriminale mund të konsiderohet si një nga organizatat shqiptare më të fuqishme në trafikun ndërkombëtar të kokainës. Ajo kishte kapacitetin për të ndikuar drejtpërdrejt në çmimin e kokainës në tregjet evropiane dhe për të menaxhuar sasi të mëdha të lëndës narkotike në periudha të shkurtra kohore. Fuqia financiare e lartë e kësaj organizate, strukturimi dhe organizimi i një niveli shumë të lartë si dhe aftësia për të rikuperuar humbjet që vinin nga sekuestrimet e dallojnë atë nga grupet e tjera kriminale të hetuara nga SPAK .”

Pronat e sekuestruara

Me vendimin nr. 543 date 07.08.2025, Gjykata e Posaçme ka vendosur sekuestrimin preventiv për gjithsej 14 pasuri të llojeve të ndryshme me vlera disa miliona eurosh, duke përfshirë resorte, vila, apartamente, trualle, automjete dhe kuota në shoqëri, në emër të personave nën hetim  si më poshtë:

Resorte turistike:

• • “A….. PARK” Resort ku përfshihen hotele, godina shërbimi, restorant dhe ambiente tregtare,  Xhafzotaj, Durrës.

Vila dhe apartamente:

• • Vilë dy katëshe tip “ELYSIAN”, në bregdetin e Dhërmiut, bashkia Himarë (sipërfaqe totale rreth 378.2 m²), me vlerë tregu prej afërsisht 1.000.000 Euro.
  • Vilë e porositur datë 06.11.2024, në Tiranë.

Truall, toka dhe ndërtesa:

• • Pasuri truall dhe ndërtesa në Tiranë, Sharrë.
  • Pasuri (me status regjistrim të përkohshëm).
  • Pasuri nr. 349/45 në bashkëpronësi.
  • Tokë arë me sipërfaqe 5900 m², Sharrë, Tiranë.

Kuota dhe aksione në shoqëri tregtare:

• • Kuotat/aksionet në shoqëri tregtare,  Kavajë.
  • Shoqëri tregtare, Durrës.
  • Shoqëri tregtare, Rrogozhinë.
  • Shoqëri tregtare, Durrës.

Automjete:

• • Tre automjete.

Sekuestrime gjatë ekzekutimit të vendimeve të kontrollit:

• Mbi 111 800 Euro Cash;
• 4000 USD
• 880.000 Lekë

Bashkëpunimi ndërkombëtar

Në këtë hetim të rëndësishëm, SPAK ka pasur një koordinim dhe bashkëpunim të shkëlqyer me EUROPOL, Eurojust, agjencitë ligjzbatuese të vendeve të BE-së. Nga partnerët ndërkombëtarë u angazhuan Policia Federale Gjyqësore e Belgjikës, Policia Kombëtare dhe SIRASCO nga Franca, Zyra Federale e Policisë Kriminale dhe Zyra Shtetërore e Policisë Kriminale Karlsruhe nga Gjermania, Policia e Holandës, si dhe Policia e Shtetit dhe Shërbimi për Bashkëpunim Ndërkombëtar Policor (SCIP) të shtetit italian. Ky bashkëpunim i ngushtë ndërmjet këtyre institucioneve ishte thelbësor për suksesin e operacionit dhe goditjen e kësaj organizate kriminale me ndikim ndërkombëtar.

Një falenderim i veçantë u drejtohet hetuesve të Byrosë Kombëtare të Hetimit (BKH) për punën voluminoze dhe cilësore të kryer si edhe Policisë së Shtetit për mbështetjen në ekzekutimin e masave të sigurisë.

Read More...

Një atentat ka ndodhur në Mal të Zi ndaj Marko Ljubiša Kan, personazh i njohur i botës së krimit në Mal të Zi.

I njohur me nofkën “Kan”, ai po qëndronte në pishinën e një hoteli, teksa një person, i veshur si turist e qëllon me armë, shkruan Vijesti.

Sipas pamjeve të publikuara nga mediat malazeze, autori shfaqet duke zbritur tinëz shkallët, e qëllon Kanin dhe largohet me shpejtësi.

Edhe pse qëlloi nga fare pranë, Kan nuk mori lëndime serioze për jetën, duke i shpëtuar atentatit.

Ambasada e Shteteve të Bashkuara në Tiranë ka njoftuar se duke filluar nga data 2 shtator 2025, të gjithë aplikantët për viza jo-emigruese, përfshirë edhe ata që kërkojnë rinovim, do të duhet të paraqiten për një intervistë me një zyrtar konsullor.

“Duke filluar nga data 2 shtator 2025, aplikantët për viza jo-emigruese në shumicën e kategorive të vizave, përfshirë edhe ata që po rinovojnë, do të jenë të detyruar të paraqiten për një intervistë me një zyrtar konsullor. Për më shumë informacion, vizitoni: http://bit.ly/3J8LncS”, thuhet në njoftimin e ambasadës.