“WhatsApp ka mbyllur 6.8 milionë llogari të lidhura me mashtrues që synojnë njerëz në mbarë botën në gjysmën e parë të këtij viti”, kështu thuhet në njoftimin e Meta-s.

Shumë prej tyre ishin të lidhur me qendra mashtrimi të drejtuara nga kriminelë të organizuar në Azinë Juglindore, të cilët shpesh përdornin punë të detyruar në operacionet e tyre.

Meta e bëri njoftimin ndërsa WhatsApp nxori masa të reja kundër mashtrimit për të njoftuar përdoruesit për aktivitete të mundshme mashtruese, siç është shtimi i një përdoruesi në një bisedë në grup nga dikush që nuk është në listën e tij të kontakteve.

Masa goditëse synon një taktikë gjithnjë e më të zakonshme në të cilën kriminelët rrëmbejnë llogaritë e WhatsApp ose shtojnë përdorues në biseda në grup duke promovuar skema të rreme investimi dhe mashtrime të tjera.

Meta tha se WhatsApp “zbuloi dhe mbylli llogaritë në mënyrë proaktive përpara se qendrat e mashtrimit të ishin në gjendje t’i vinin ato në funksionim”.

Në një rast, WhatsApp punoi me Meta-n dhe OpenAI-në, zhvilluesin e ChatGPT, për të penguar mashtrimet e lidhura me një grup kriminal kamboxhian që ofronte para në dorë për pëlqime në postimet në mediat sociale për të promovuar një skemë piramidale të rreme të qirasë së skuterëve.

Thuhej se mashtruesit kishin përdorur ChatGPT për të krijuar udhëzimet e lëshuara viktimave të mundshme.

Zakonisht, mashtruesit do të kontaktonin fillimisht objektivat e mundshëm me një mesazh teksti përpara se ta zhvendosnin bisedën në mediat sociale ose aplikacionet e mesazheve private.

The post Meta aksion pastrimi, WhatsApp mbyll 6.8 milionë llogari: Merreshin me mashtrime appeared first on Albeu.com.

Këshilli Mbikëqyrës i Bankës së Shqipërisë ka miratuar raportin e politikës monetare për tremujorin e tretë të vitit, duke nxjerrë në pah njëseri zhvillimesh pozitive për ekonominë shqiptare.

Sipas Guvernatorit Gent Sejko, analiza e fundit tregon se pagat në vend kanë vijuar të rriten, ndërsa parametrat e stabilitetit ekonomik dhe financiar janë përmirësuar ndjeshëm.

Inflacioni ka qëndruar në nivele të ulëta, por ka shënuar një rritje të lehtë gjatë dy muajve të fundit, duke u afruar me objektivin tonë,” – u shpreh z. Sejko.

Po ashtu, kreditimi është rritur, dhe tregjet financiare janë karakterizuar nga stabilitet dhe qetësi.

Banka vlerëson se qasja e qëndrueshme ndaj objektivit ligjor për stabilitetin e çmimeve ka krijuar kushte të favorshme monetare për të ruajtur kontrollin e inflacionit dhe për të mbështetur rritjen e qëndrueshme të ekonomise

Sipas përditësimit të fundit të projeksioneve të Bankës së Shqipërisë, pritshmëritë për të ardhmen mbeten pozitive:

Ekonomia shqiptare pritet të vijojë të rritet me ritme pranë potencialit.

Inflacioni pritet të rikthehet në objektiv brenda gjysmës së parë të vitit 2026.

Në këtë kontekst, Banka e Shqipërisë gjykon se qëndrimi aktual i politikës monetare mbetet i përshtatshëm, duke mos kërkuar ndryshime të menjëhershme në normat e interesit apo ndërhyrje shtesë në treg.

Fjala e plotë e guvernatorit të BSH, Gent Sejko

Sot, më 6 gusht 2025, Këshilli Mbikëqyrës i Bankës së Shqipërisë mori në shqyrtim dhe miratoi Raportin e Politikës Monetare për tremujorin e tretë.

Analiza e informacionit të disponuar sugjeron se ekonomia shqiptare, punësimi dhe pagat kanë vijuar të rriten, ndërsa parametrat kryesorë të stabilitetit makroekonomik, monetar e financiar të vendit janë përmirësuar më tej. Në veçanti, inflacioni ka vijuar të qëndrojë në nivele të ulëta, duke shënuar një rritje të lehtë drejt objektivit në tremujorin e dytë. Po ashtu, tregjet financiare kanë qenë përgjithësisht të qeta dhe kreditimi ka ardhur në rritje.

Kjo ecuri pasqyron, ndër të tjera, edhe kontributin pozitiv të politikës së kujdesshme monetare të ndjekur nga Banka e Shqipërisë. Përqasja jonë konsistente ndaj objektivit ligjor të stabilitetit të çmimeve ka gjeneruar kushte monetare të përshtatshme për kontrollin e inflacionit dhe për rritjen e qëndrueshme të ekonomisë.

Përditësimi i parashikimeve tona sugjeron se këto trende pozitive zhvillimi do të vijojnë edhe në të ardhmen. Ndonëse pasiguritë në ambientin e huaj mbeten të larta, ekonomia shqiptare pritet të vijojë të rritet me ritme pranë potencialit, ndërsa inflacioni pritet të kthehet në objektiv në gjysmën e parë të vitit të ardhshëm.

Në këto rrethana, Këshilli Mbikëqyrës i Bankës së Shqipërisë gjykoi se qëndrimi aktual i politikës sonë monetare mbetet i përshtatshëm.

Më lejoni t’ju ofroj, në vijim, një pasqyrë më të detajuar të opinionit tonë mbi zhvillimet ekonomike e financiare, si dhe të detajoj vendimin e politikës monetare dhe arsyet që e motivuan atë.

Inflacioni i çmimeve të konsumit shënoi nivelin mesatar 2.3% në tremujorin e dytë të vitit, duke regjistruar një rritje të lehtë dhe të pritur krahasuar me tremujorin e parë. Megjithatë, edhe pas kësaj rritjeje, norma e inflacionit vijon të qëndrojë nën objektivin tonë prej 3%. Në këndvështrimin e artikujve të shportës së konsumit, rritja e inflacionit u diktua nga rritja më e shpejtë e çmimeve të ushqimeve dhe të qirave, ndërkohë që inflacioni i artikujve të tjerë të shportës ishte relativisht i qëndrueshëm.

Në këndvështrimin makroekonomik, ecuria e inflacionit pasqyroi rritjen e njëkohshme të inflacionit bazë dhe jobazë. Inflacioni bazë u rrit nga niveli 2.4% në tremujorin e parë në nivelin 2.6% në tremujorin e dytë, si pasojë e stabilitetit në rritje të kursit të këmbimit dhe e presionit të vazhdueshëm që rritja e shpejtë e pagave ka sjellë në inflacion. Paralelisht me të, edhe inflacioni jobazë shënoi rritje, por ajo u amortizua pjesërisht nga ngadalësimi i ritmit të rritjes së çmimeve në partnerët tanë tregtarë.

Këto tendenca kanë qenë – në tërësi – në linjë me pritjet tona. Megjithatë, niveli i inflacionit rezultoi disi më i ulët se parashikimet tona, si pasojë e reduktimit të marzheve të fitimit të bizneseve, e vijimit të goditjeve pozitive të ofertës, si dhe e rënies më të shpejtë se pritjet të inflacionit në Eurozonë.

Sipas të dhënave të Instat-it, vëllimi i aktivitetit ekonomik në vend u rrit me 3.4% në tremujorin e parë të vitit. Informacioni indirekt mbi zhvillimet ekonomike sugjeron për ritme të ngjashme rritjeje edhe gjatë tremujorit të dytë. Rritja ekonomike e gjysmës së parë të vitit është mbështetur nga zgjerimi i konsumit dhe investimeve, si dhe i eksportit të shërbimeve. Ky profil kërkese agregate ka nxitur zgjerimin e sektorëve të ndërtimit e të shërbimeve, ndërkohë që sektori i bujqësisë dhe ai i industrisë kanë vijuar të tkurren gjatë tremujorit të parë.

Në këndvështrimin makroekonomik, rritja ekonomike është mbështetur nga bilancet e shëndosha të sektorit privat, besimi pozitiv për të ardhmen i familjeve dhe bizneseve, zgjerimi i të ardhurave nga turizmi, si dhe kushtet e favorshme të financimit.

Politika e kujdesshme dhe konsistente monetare e Bankës së Shqipërisë ka pasur një rol parësor në përmirësimin e kushteve të financimit. Lehtësimi i qëndrimit të politikës monetare gjatë katër tremujorëve të fundit ka ulur kostot e financimit të sektorit bankar dhe yield-in e bonove 12-mujore të thesarit, i cili shërben si referencë për normat e interesit të kredive. Paralelisht me të, normalizimi i pritjeve për inflacionin ka ndihmuar në kontrollin e segmentit afatgjatë të kurbës së normave të interesit dhe ka nxitur funksionimin normal të tregjeve financiare. Së fundi, rritja e prezencës së Bankës së Shqipërisë në tregun e brendshëm valutor ka ndihmuar në absorbimin e presioneve forcuese të kursit të këmbimit, duke mundësuar një nivel më të qëndrueshëm të tij.

Për rrjedhojë, tregjet financiare vijojnë të karakterizohen nga likuiditet i bollshëm, prime të reduktuara rreziku, bilance të shëndosha të sektorit bankar, si dhe një përqasje pozitive të tij ndaj kreditimit.

Kredia për sektorin privat vijoi të rritet më tej gjatë tremujorit të dytë. Ritmi i rritjes së portofolit të kredisë shënoi nivelin 15.4%, me një ngadalësim të lehtë krahasuar me tremujorin e parë, por duke qenë më se i mjaftueshëm për të mbuluar nevojat për fonde të bizneseve e familjeve. Në veçanti, kreditimi i sektorit privat vijon të mbetet i fokusuar në mbulimin e nevojave të bizneseve për investime, si dhe të familjeve për konsum e blerje banesash.

Përditësimi i parashikimeve të skenarit bazë sugjeron se perspektiva e zhvillimeve ekonomike mbetet pozitive.

Aktiviteti ekonomik në vend pritet të vijojë të rritet në horizontin afatmesëm, me ritme solide dhe pranë potencialit. Rritja ekonomike do të nxitet nga zgjerimi i mëtejshëm i konsumit, investimeve dhe eksportit të turizmit, dhe do të mundësojë një rritje të mëtejshme të punësimit e të pagave.

Inflacioni parashikohet të kthehet në objektivin tonë prej 3% gjatë gjysmës së parë të vitit 2026. Kjo ecuri do të ndihmohet nga një balancim më i mirë mes kërkesës dhe ofertës për mallra e shërbime, nga stabilizimi i inflacionit në tregjet ndërkombëtare, nga një ecuri më e qëndrueshme e kursit të këmbimit, si dhe nga ankorimi më i mirë i pritjeve për inflacionin.

Megjithatë, panorama e rreziqeve për të ardhmen mbetet komplekse. Në veçanti, rritja e barrierave tregtare në tregjet e huaja dhe rritja e tensioneve gjeopolitike mbeten faktorë të rëndësishëm pasigurie në parashikimet ekonomike. Materializimi i skenarëve më negativë të rrezikut do të kishte pasoja potenciale negative në ecurinë ekonomike dhe nivelin e çmimeve në vend.

Bazuar në sa më sipër, Këshilli Mbikëqyrës i Bankës së Shqipërisë vendosi:

të mbajë të pandryshuar normën bazë të interesit, në nivelin 2.5%;

të mbajë të pandryshuar normën e interesit të depozitës njëditore, në nivelin 1.5%;

të mbajë të pandryshuar normën e interesit të kredisë njëditore, në nivelin 3.5%.

Këshilli Mbikëqyrës gjykon se qëndrimi aktual i politikës monetare mbetet i përshtatshëm për përmbushjen e objektivit tonë të stabilitetit të çmimeve në të ardhmen. Ai mundëson transmetimin gradual në tregjet financiare të uljes së normës bazë të interesit që ndërmorëm në fillim të muajit korrik, si dhe ofron një balancë të drejtë midis nxitjes së rritjes ekonomike në afatin e shkurtër me ruajtjen e stabilitetit të çmimeve në afatin e mesëm.

Gjithashtu, Këshilli Mbikëqyrës vëren se balanca e përgjithshme e presioneve afatmesme po afrohet gradualisht drejt objektivit tonë të inflacionit. Në këtë kontest, vendimet e ardhshme të politikës monetare do të vijojnë të kushtëzohen nga informacioni i ri, dhe në veçanti nga analizat dhe vlerësimet mbi ecurinë e presioneve të brendshme inflacioniste. Këto vendime do të jenë gjithnjë në përputhje me objektivin tonë të stabilitetit të çmimeve, konsistente me kahun e politikës fiskale dhe ecurinë e kursit të këmbimit në vend, si dhe me zhvillimet potenciale në tregjet ndërkombëtare dhe partnerët tanë të huaj tregtarë”.

The post Mblidhet Këshilli Mbikqyrës i BSH-së, guvernatori Sejko: Ekonomia shqiptare pritet të rritet, norma bazë e interesit 2 % nuk ndryshon appeared first on Albeu.com.

Pas një angazhimi të madh dhe energjik në festivalin Sunny Hill, këngëtarja e njohur ndërkombëtare Dua Lipa ka nisur disa ditë të merituara pushimi në jug të Shqipërisë. Ajo ka zgjedhur të pushojë në një prej destinacioneve më luksoze dhe të preferuara të vendit, në resortin ekskluziv Kep Merli, i vendosur në bukurinë natyrore të Ksamilit.

Vila ku po qëndron Dua Lipa është vërtetë e jashtëzakonshme. Me gjashtë dhoma të rehatshme, një pishinë private përpara vilës, dhe madje edhe një plazh të vogël privat, ajo siguron jo vetëm luks dhe komoditet, por edhe një ambient të qetë dhe të sigurt për pushime relaksuese.

Kjo rezidencë është veçuar nga vilat e tjera të resortit, duke i ofruar artistes privatësinë më të madhe, një gjë shumë e rëndësishme për një personazh publik me famë botërore si ajo.

The post Brenda vilës luksoze në Ksamil ku po i bënë pushimet Dua Lipa appeared first on Albeu.com.

Këngëtari i njohur turk, Edis, ishte një nga emrat më të spikatur në edicionin e sivjetshëm të Sunny Hill Festival, duke sjellë një performancë elektrizuese që ngriti në këmbë mijëra fansa në zemër të Prishtinës.

Me karizmën e tij, energjinë në skenë dhe komunikimin e ngrohtë me publikun, ai la një përshtypje të paharrueshme në një nga festivalet më të rëndësishme të muzikës në rajon.

Ai gjithashtu shprehu mirënjohjen ndaj artistes me famë botërore Dua Lipa dhe babait të saj, Dukagjin Lipa, të cilët janë organizatorët kryesorë të festivalit.

The post Edis pas performancës elektrizuese në Sunny Hill: Prishtina ishte me të vërtetë e paharrueshme appeared first on Albeu.com.

Artistja e njohur shqiptare, Dafina Zeqiri, ka prekur zemrat e fansave të saj me një postim të ëmbël dhe plot ndjenjë, tre javë pas ardhjes në jetë të djalit të saj.

Ajo dhe partneri i saj, Kreshniku, janë bërë prindër për herë të parë, duke i vendosur vogëlushit emrin Daskan – një emër i veçantë, po aq sa edhe vetë çifti.

Pas një periudhe të gjatë suksesi dhe ekspozimi publik, Dafina po përjeton tani një nga rolet më të veçanta në jetë – rolin e një nëne.

Në videon e ndarë në rrjetet sociale, ajo shfaqet duke i përkëdhelur butësisht dorën e vogël të Daskanit – një moment i qetë, por i mbushur me dashuri të pastër dhe të pakushtëzuar.

Çfarë e bëri postimin edhe më të veçantë ishte përshkrimi që e shoqëronte:

“Nënë me orar të plotë, e me zemër të mbushur plot”.

Kaq pak fjalë, por që bartin një peshë të madhe emocionale, duke reflektuar gjendjen e saj të tanishme – plotësisht e përkushtuar ndaj mëmësisë.

The post Dafina Zeqiri ndan çaste të ëmbla me vogëlushin, Daskan appeared first on Albeu.com.

Një tjetër episod tragjik ka goditur Rripin e Gazës, ku një kamion që transportonte ndihma humanitare është përmbysur, duke shkaktuar vdekjen e të paktën 20 personave dhe plagosjen e dhjetëra të tjerëve. Ngjarja ndodhi në orët e para të mëngjesit, ndërsa kamioni po lëvizte në një nga rrugët e zonës, në përpjekje për të shpërndarë ndihmat për popullsinë e uritur.

Autoritetet në Gaza kanë akuzuar ushtrinë izraelite se ka mbyllur rrugët kryesore dhe ka detyruar automjetet e ndihmave të kalojnë në rrugë të dëmtuara dhe të pasigurta, të mbushura me civilë që presin me ditë të tëra për furnizime me ushqime dhe produkte bazë.

Sipas autoriteteve lokale, mjeti i ndihmave është përmbysur mbi një turmë personash që po përpiqeshin të merrnin ushqim, në një rrugë që më herët kishte qenë objekt bombardimesh. Qeveria e Gazës e ka cilësuar ngjarjen si “rezultat i një sjelljeje të qëllimshme kriminale”, duke theksuar se situata humanitare në territor është përkeqësuar ndjeshëm dhe ka hyrë në një fazë “kaotike dhe katastrofike”.

Në deklaratën e saj, qeveria akuzon Izraelin për “krimin e urisë masive kundër më shumë se 2.4 milionë banorëve të Gazës”, duke theksuar se bllokimi i pikave kufitare dhe pengesat për hyrjen e ndihmave janë pjesë e një politike sistematike për të “thyer qëndresën e popullit palestinez dhe për të shkatërruar strukturën e saj shoqërore”.

Autoritetet në Gaza u kanë bërë thirrje organizatave ndërkombëtare dhe bashkësisë ndërkombëtare që të ndërhyjnë urgjentisht për të ndaluar atë që e quajnë “krim i vazhdueshëm”, duke kërkuar hapjen e plotë, të sigurt dhe të qëndrueshme të pikave kufitare dhe garantimin e një fluksi të pandërprerë të ndihmave ushqimore, mjekësore dhe të karburantit.

The post Tragjedi në shpërndarjen e ndihmave në Gaza, kamioni përmbyset, 20 të vdekur appeared first on Albeu.com.

Sondazhet e reja të publikuara nga Gallupzbuluan se cili është politikani që amerikanët e shohin më pozitivisht.

Ndërsa Papa Leo XIV dhe Presidenti ukrainas Volodymyr Zelenskyy kryesojnë listën e ‘personazheve’ më të pëlqyera për vitin 2025, u vlerësuan edhe një numër i vogël politikanësh amerikanë.

Dhe është një 83-vjeçar, dy herë ish-kandidat presidencial dhe socialist i deklaruar i Vermontit, ai që del në krye midis polakëve.

Senatori i Pavarur i Vermontit, Bernie Sanders, ishte më i pëlqyeri, duke marrë një vlerësim pozitiv prej 49 përqind, krahasuar me vetëm 38 përqind që e shohin atë në mënyrë të pafavorshme. Ky është një avantazh prej 11 pikësh, më i madhi që ka fituar ndonjë politikan amerikan.

Në vendin e dytë ishte e dashura e socialistëve demokratë, Alexandria Ocasio-Cortez, edhe pse vlerësimi i saj i miratimit është shumë i ulët. Ajo mori një vlerësim pozitiv prej 34 përqind, krahasuar me 38 përqind që e shohin atë në mënyrë të pafavorshme. Njëzet e tetë përqind e të anketuarve nuk kishin asnjë mendim për kongresmenen, duke zbuluar se ajo është një fletë e bardhë për një numër të konsiderueshëm amerikanësh.

Deficiti i saj prej 4 pikësh ishte më i ulëti i çdo politikani amerikan të fituar, përveç Sandersit.

Zëvendëspresidenti i Presidentit Donald Trump , JD Vance, u pa si më i favorshëm se vetë presidenti.  Tridhjetë e tetë përqind e të anketuarve e shihnin Vance pozitivisht dhe 49 përqind e shihnin negativisht. Trump, nga ana tjetër, u pa pozitivisht nga 41 përqind e të anketuarve dhe negativisht nga 57 përqind.

Robert F. Kennedy Jr., një anëtar i kabinetit të Trump dhe ish-kandidat i pavarur në garën e vitit 2024, kishte mbështetjen e 42 përqind të të anketuarve muajin e kaluar, ndërsa 47 përqind e panë atë në mënyrë të pafavorshme në korrik.

Sekretari i Shëndetësisë dhe Shërbimeve Njerëzore ishte figura më popullore në rrethin e Trump, me vetëm pesë përqind vlerësim neto negativ.

Sondazhi u zhvillua nga 7 korriku deri më 21 korrik. Gallup zbuloi se Papa kishte një vlerësim pozitiv prej 57 përqind dhe një vlerësim jo të favorshëm prej 11 përqind, duke i dhënë udhëheqësit fetar rezultatin më të lartë të favorshëm. Renditja e Zelensky-t në vendin e dytë u nxit nga një përgjigje pozitive prej 52 përqind dhe një përgjigje negative prej 34 përqind.

Ish-aleati i Trump dhe CEO i Tesla-s, Elon Musk, ishte figura më pak e pëlqyer që bënte lajme, me kryeministrin izraelit Benjamin Netanyahu që renditej pak mbi të. Shifrat e Musk ishin thellësisht negative: vetëm 39 përqind e të anketuarve e gjetën CEO-n e teknologjisë simpatik, ndërsa pothuajse dyfishi i tyre shprehën një pikëpamje të pafavorshme.

Kjo mund të shpjegojë pse ai është distancuar nga politika në javët e fundit. Vlerësimet e Musk kanë rënë ndjeshëm që nga një sondazh i mëparshëm i Gallup në janar, ku ai kishte një favorizim prej 24 përqind.

Marco Rubio dhe Robert F. Kennedy Jr., gjithashtu janë parë shumë më pak të favorshme që nga janari. Kennedy Jr., pati mbështetjen e 46 përqind të të anketuarve në janar, dhe më pas pati 47 përqind që votuan kundër tij në korrik.

The post Politikani më i pëlqyer i Amerikës zbulohet në një sondazh të ri, ku qëndron Papa dhe Zelensky? appeared first on Albeu.com.

Pas suksesit të jashtëzakonshëm që pushtoi ekranet dhe zemrat e miliona fansave në mbarë botën, Wednesday rikthehet me sezonin e dytë – dhe këtë herë është më i errët, më i ndërlikuar dhe më misterioz se kurrë më parë.

Pjesa e parë e këtij sezoni të ri publikohet sot, më 6 gusht, duke hapur një kapitull krejtësisht të ri në jetën e enigmatikes Wednesday Addams. Me një stil akoma më gotik dhe një atmosferë që të mban pezull që nga minuta e parë, sezoni i dytë premton të zbulojë sekrete të fshehta dhe ngjarje që do të trondisin botën e Nevermore Academy.

Ky serial që tashmë ka bërë namin global, do të jetë sërish në dispozicion në platformën e njohur Netflix, ku fansat do të kenë mundësinë të zhytën në një botë të errët dhe plot tension.

Por pritja nuk mbaron këtu! Pjesa e dytë e sezonit do të publikohet më 3 shtator, duke sjellë një vazhdimësi të ngjarjeve që premtuan të jenë edhe më emocionuese, plot kthesa dhe mistere që do t’i mbajnë të gjithë në ankth deri në fund.

Nëse menduat se e njihnit Wednesday, kjo rikthim do t’ju bindë se errësira ka vetëm filluar.

The post Rikthehet seriali i shumëpritur Wednesday, sot publikohet pjesa e parë e sezonit të dytë appeared first on Albeu.com.

Fituesi i edicionit të fundit të “Big Brother VIP Albania”, këngëtari Gjesti, ka tërhequr vëmendjen e publikut me një veprim mjaft të papritur dhe intrigues ndaj ish-banores së “Big Brother VIP Kosova”, Kader Kicaj.

Në një prej fotografive të publikuara në profilin e saj në Instagram, ku Kader shihej duke pozuar me bikini dhe duke rrezatuar vetëbesim e hijeshi, Gjesti nuk i kurseu reagimet.

Ai i komentoi me një emoji të çokollatës — një detaj i vogël por që nuk kaloi pa u vërejtur nga ndjekësit e shumtë.

Reagimi i Kaderit erdhi menjëherë, ajo iu përgjigj me fjalën e shkurtër, por shumë domethënëse: “Jom” — një pranim i drejtpërdrejtë që konfirmoi komplimentin e bërë nga Gjesti dhe krijoi një valë reagimesh nga fansat.

Megjithëse ky ndërveprim i dyshes ka ngjallur shumë spekulime dhe ka ndezur kureshtjen e publikut, deri më tani nuk janë dhënë detaje të tjera që të lënë të kuptohet nëse mes tyre ka diçka më shumë se një flirt virtual.

The post Bëhet “lëmsh” rrjeti, Gjesti i komenton Kaderit në njërin postim të saj – por nuk mungon reagimi ish-banores ndaj këngëtarit appeared first on Albeu.com.

Sean “Diddy” Combs ka bërë deklarata tronditëse në lidhje me kushtet e burgut, përmes një apelimi të ri për lirim me kusht.

Avokati i reperit, Marc Agnifilo, i ka kërkuar gjyqtarit Arun Subramanian të dielën që 55-vjeçari të lirohet me kusht përpara se t’i shpallet masa e burgimit më 3 tetor, përmes një “letre të shkurtër”.

Në kërkesën e dorëzuar, të siguruar nga Page Six, avokati pretendon se Qendra Metropolitane e Paraburgimit në Brooklyn është një institucion “çnjerëzor”.

“MDC shpeshherë shërben ushqim të skaduar ose të infektuar me larva mizash (krimba)”, thuhet në dokumentin e paraqitur nga Agnifilo, i cili referon edhe një fotografi.

“Ushqimi i infektuar me larva, siç tregohet në atë foto, fatkeqësisht nuk është një përvojë e pazakontë,” shkroi ai.

Agnifilo e konsideron këtë dhe bllokimet e shpeshta të të burgosurve si “rrethana të jashtëzakonshme” që meritojnë të merren parasysh.

Combs ndodhet në këtë burg të New Yorkut që nga arrestimi i tij në shtator 2024 — një institucion që ka strehuar edhe të famshëm të tjerë si R. Kelly dhe Ghislaine Maxwell.

Në atë kohë, fituesi i çmimeve Grammy u akuzua për trafikim seksual, pjesëmarrje në organizatë kriminale dhe prostitucion.

Tetë javë pasi nisi gjyqi i tij i shumë komentuar në maj, Combs u shpall fajtor për dy akuza të “transportimit të individëve për qëllime prostitucioni” — ndërsa u shpall i pafajshëm për akuzat më të rënda.

Ai përballet me një dënim maksimal prej 20 vjetësh burg, 10 për secilën akuzë.

The post Diddy thotë se po u shërbejnë ushqim të skaduar në burgun e tij appeared first on Albeu.com.

A do të jetë Kiara Tito prezantuesja e edicionit të ardhshëm të “Kënga Magjike”? Kjo pyetje ka filluar të qarkullojë gjerësisht në rrjetet sociale pas një videoje që ka bërë xhiron ne rrjet, ku Kiara dhe Luizi, shfaqen në shoqërinë e Ardit Gjebreas dhe familjes së tij.

Në video, Luizi dëgjohet duke thënë me ironi karakteristike:

“E zëvendëson goca e tij Arditin. Ju mendoni se me mua? Harrrojeni! Me Kiara Titon.”

Kjo deklaratë ka ngjallur menjëherë reagime të shumta, duke shtuar dyshimet se ndoshta Kiara mund të jetë në bisedime për të qenë pjesë e prezantimit të festivalit të njohur muzikor në vitin 2025.

The post Kiara Tito drejt prezantimit të “Kënga Magjike 2025”? appeared first on Albeu.com.

Në episodin e fundit të “The Dalina Show”, Vesa Luma zgjodhi të flasë hapur për zërat që qarkulluan kohët e fundit mbi martesën e saj me Big Bastën. Për herë të parë, ajo pranoi se pas spekulimeve kishte diçka të vërtetë. Vesa ndau detaje të rralla nga e kaluara e saj, duke shpjeguar se sfidat personale që ka kaluar që në fëmijëri kanë ndikuar edhe në mënyrën se si ajo përballon vështirësitë në një marrëdhënie.

Një nga momentet që ndikoi në tensionet mes çiftit ishte pjesëmarrja e Big Bastës në reality show-n “Ferma VIP”. Vesa pranoi se kishte dyshime dhe shqetësime për këtë vendim. Lidhur me zërat e ndarjes, Vesa tha se ka pasur sfida dhe mosmarrëveshje, por asnjëherë ndarje.

Deklarata e saj:

“Unë kam pasur një fëmijëri shumë të vështirë, që nga mungesa e figurës kryesore që është babai, lufta, duhej të hyja në punë menjëherë sepse duhej të ndihmoja nënën që ishte shumë e re. Duke u lidhur shumë me nënën dhe me motrat dhe duke pasur frikë që një familje vjen që në një moment gjithçka mund të shpërbehet, kjo më ka dhënë forcën që mos të them fjalën e fundit të parën. Edhe unë edhe Geri [Big Basta] kemi momente kur nuk jemi mirë, kemi përplasjet tona, po fjala e fundit nuk është thënë asnjëherë.

Në rastin e Fermës ka diçka të vërtetë sepse unë realisht nuk kam menduar në ndonjë moment që Geri të jetë në një ambient të tillë, duke e ditur natyrën e tij shumë të qetë. Dhe formate të tilla nuk kanë qenë asnjëherë për natyra të tilla, sipas meje. Unë kisha frikë nga mënyra se si do ta perceptonin njerëzit ose thosha ‘ja ndenje 5-6 javë dhe dole? Ç’kuptim kishte?’ Kisha dhe frikë se ai mos përballej me një dëshpërim tjetër që mund të sillte ndonjë vendim të nxituar.

Sado që kemi profesione të njëjta, asnjëherë s’kemi marrë vendime njëri për tjetrin, vetëm mbështesim njëri-tjetrin dhe në momentin që thashë ‘po të mbështes’, thashë ‘do të të mbështes 100%’, kur u pajtova.

Dhe unë besoj që mund të më ketë shpëtuar ndonjë fjalë te dikush, kjo ka qenë arsyeja pse unë realisht e kam pasur të vështirë të pranoj të hynte Geri brenda në reality show. Kjo ka qenë mbase arsyeja, ndoshta njerëzit, fjala-fjalën dhe ka ardhur aty ku ka ardhur. Pastaj, i kanë edhe çikë qejf njerëzit këto gjëra, në momentin që del një lajm ‘u nda Vesa me bashkëshortin’, fillojnë dhe vazhdojnë radhazi ato dhe nuk ndalojnë më dhe çfarëdo që ti thua më pas, thjesht është e kotë.

Shpesh më thonë njerëzit pse s’kam reaguar atëherë. Unë me Gerin kemi qenë gjithmonë bashkë. Dhe ishte moment shumë i mirë që të tregonte Geri gjithë vlerat që kishte dhe nëse unë do të reagoja në atë moment, prapë njerëzit do merren me Vesën dhe Big Bastën.

Dhe unë kisha shumë dëshirë që publiku ta kuptonte vërtet se çfarë personi, artisti dhe njeriu është Geri dhe prandaj nuk kam reaguar sepse doja njerëzit të shihnin atë. Kjo pastaj u keqkuptua.

Mund ta them me bindje të plotë, kemi pasur mosmarrëveshje, por s’jemi ndarë kurrë. Jam shumë me fat që kam Gerin në jetën time sepse është një mbështetje shumë e madhe. Jetën familjare e kemi kult, nuk luajmë me atë gjë.”

The post Vesa Luma flet për herë të parë për krizën në martesë: Mosmarrëveshje ka pasur appeared first on Albeu.com.

Sunny Hill Festival përmbylli me sukses edicionin e sivjetmë, duke sjellë në skenë emra të njohur dhe performanca të paharrueshme për një publik të entuziazmuar.

Festivali pati pjesëmarrës nga vende të ndryshme të botës, me një prani të veçantë të një numri të madh fansash nga Turqia, të cilët u bënë pjesë e atmosferës unike që ofron kjo ngjarje.
Një nga pjesëmarrëset e këtij festivali ishte edhe aktorja dhe influencerja Müge Boz, e cila ndau në rrjetet e saj sociale disa përshtypje të sinqerta për përvojën e saj dhe për artistët që performuan gjatë festivalit.

Në mesazhet e saj, ajo veçoi po ashtu reperin shqiptar Ledri Vula si një nga emrat që i tërhoqën më shumë vëmendjen. Në një postim të shkurtër, Müge shkroi:

“Ledri Vula ishte nga emrat që më tërhoqën vëmendjen. Ai konsiderohet reperi më i mirë i Kosovës. Edhe pse nuk jam fanse e rap-it, muzika e tij më pëlqeu shumë, ndaj vendosa ta përfshij në sugjerimet e mia për ju”.

Por ajo që e bëri momentin edhe më special ishte reagimi i vetë Ledri Vulës. Për habinë e ndjekësve, reperi komentoi në postimin e Müge Boz, duke i shprehur falënderimet e tij në gjuhën turke.

Ai gjithashtu shtoi me një mesazh në anglisht: “Shihemi vitin tjetër,” duke treguar entuziazmin për një rikthim të mundshëm në Sunny Hill Festival.

The post Ledri Vula tërheq vëmendjen e aktores turke në Sunny Hill, reperi i përgjigjet në turqisht appeared first on Albeu.com.

Presidenti amerikan Donald Trump foli rreth gjendjes aktuale të tregjeve në SHBA, por u pyet në lidhje me një premtim për investimet e bëra në marrëveshjen tregtare BE-SHBA.

Një premtim i diskutueshëm investimi që është pjesë e marrëveshjes tregtare BE-SHBA do të duhet të respektohet nga BE-ja ose tarifat e përgjithshme prej 35% do të aplikohen në bllok, paralajmëroi Trump.

Trump u pyet në lidhje me marrëveshjen që ai arriti me shtrëngim duarsh me presidenten e Komisionit Ursula von der Leyen në Skoci, shkruan euronews.

Ai mbështeti qëndrimin e SHBA-së – të cilin e deklaroi një fletë faktesh e Shtëpisë së Bardhë – se marrëveshja përfshinte një premtim që BE të investonte 600 miliardë dollarë në SHBA deri në fund të mandatit të tij të dytë.

“Ky investim i ri është përveç mbi 100 miliardë dollarëve që kompanitë e BE-së tashmë investojnë në SHBA çdo vit”, thuhej në fletën faktesh pas marrëveshjes.

Komisioni Evropian nuk është në gjendje të hartojë dhe zbatojë investime në emër të sektorit privat.

600 miliardë dollarët janë përshkruar nga Komisioni si një tregues i bazuar në kontaktet e ekzekutivit me industrinë.

“Nuk është diçka që BE-ja, si autoritet publik, mund ta garantojë – është diçka e bazuar në qëllimin e kompanive private”, tha një zyrtar i lartë javën e kaluar.

I pyetur se çfarë elementësh kishte në premtim, Trump tha se nëse nuk ndodhte, “atëherë ata paguanin tarifa prej 35%”.

Trump tha se premtimi i investimeve ishte një nga arsyet pse ai kishte ulur tarifat në një normë të përgjithshme prej 15%, kështu që nëse nuk përmbushet, atëherë tarifat më të larta do të rikthehen në fuqi.

Ndryshe, Komisioni të martën pezulloi një paketë kundërmasash tregtare që synonin mallra amerikane me vlerë 93 miliardë euro, e cila ishte planifikuar të hynte në fuqi më 7 gusht, ndërsa vazhdon të negociojë një deklaratë të përbashkët që formalizon marrëveshjen e arritur nga von der Leyen dhe Trump në Skoci.

The post Trump kërcënon BE-në me tarifa prej 35% nëse ajo nuk investon 600 miliardë dollarë në SHBA appeared first on Albeu.com.

Ndërsa sezoni i ri i “Wenna” po fillon dhe Jenna Ortega vazhdon të ndriçojë Hollywood-in, tani thuhet se ajo do të ketë një pasuri prej 5 milionë dollarësh deri në vitin 2025.

Vetëm 22 vjeç, kjo yll i ri ka parë pasurinë e saj të rritet ndjeshëm falë rolit të saj kryesor në serialin e njohur të Netflix, koncerteve të mëdha në filma dhe marrëveshjeve me marka të njohura.

Ortega e pa për herë të parë kur ishte fëmijë në serialin “Jane the Virgin” dhe “Stuck in the Middle” të Disney-t . Por suksesi i saj i madh erdhi me serialin “Wenday” të Netflix-it. Interpretimi i saj i serialit të famshëm ” Wenday” të Addams-it bëri që seriali të fitonte vëmendjen e fansave dhe kritikëve, duke e çuar atë në listat më të larta të shikueshmërisë në platformë.

Raportet nga Celebrity Net Worth tregojnë se Ortega fitoi rreth 250,000 dollarë për secilin serial në sezonin e parë, duke arritur në mbi 2 milionë dollarë. Deri në vitin 2025, të ardhurat e saj nga seriali duket se do të rriten ndjeshëm , ndërsa ajo do të bëhet producente ekzekutive për sezonin e dytë të “Wednesday”.

Fluksi i parave të Jenna Ortega-s nuk vjen vetëm nga televizioni. Ajo ka luajtur në një sërë filmash të suksesshëm si Scream VI, X, The Fallout dhe Beetlejuice. Këto role me shumë gjasa sjellin fitime të mëdha, duke i dhënë asaj një rritje të konsiderueshme të pasurisë neto.

Përtej aktrimit, Ortega ka arritur marrëveshje me marka të mëdha si Neutrogena, Adidas dhe Prada, duke e bërë atë një përcaktuese trendesh dhe një emër të madh në publicitet dhe reklama. Ajo madje shkroi një libër të quajtur “It’s All Love” në vitin 2021, duke zgjeruar burimet e saj të të ardhurave.

The post Pasuria neto e Jenna Ortega në vitin 2025: Cila është pasuria e yllit të ‘Wensday’? appeared first on Albeu.com.

Komiteti Mbikëqyrës i Dhomës së Përfaqësuesve të SHBA-së, i udhëhequr nga republikani James Comer, ka thirrur në gjyq disa ish-zyrtarë qeveritarë, përfshirë Bill dhe Hillary Clinton dhe ish-drejtorin e FBI-së James Comey, ndërsa i ka kërkuar gjithashtu Departamentit të Drejtësisë të gjitha dokumentet përkatëse mbi Jeffrey Epstein deri më 19 gusht.

Komiteti gjithashtu kërkon të detyrojë personat e mëposhtëm të dëshmojnë: ish-Prokurorët e Përgjithshëm Loretta Lynch, Eric Holder, Meryl Garland, William Barr, Jeff Sessions dhe Alberto Gonzalez, si dhe ish-drejtorin e FBI-së Robert Mueller.

Konfliktet politike dhe presionet për transparencë

Sipas Axios, ky veprim është një sfidë e drejtpërdrejtë për udhëheqjen republikane në Kongres, pasi komiteti po kërkon të gjitha dokumentet që lidhen me çështjen Epstein, pas njoftimit të fundit nga Departamenti i Drejtësisë se nuk kishte “listë klientësh” dhe se vdekja e tij ishte për shkak të vetëvrasjes. Ky qëndrim ka provokuar reagime midis bazës së mbështetësve të Trump, të cilët po bëjnë thirrje për hetime të mëtejshme.

Pavarësisht përpjekjeve të Trump për të “mbyllur” çështjen, ligjvënësit demokratë arritën të miratojnë një rezolutë për të lëshuar thirrjet në gjyq në një veprim të papritur, pak para se Kongresi të mbyllej për në gusht. Republikanët, si Nancy Mays, Scott Perry dhe Brian Jack, iu bashkuan atyre në votim, duke intensifikuar presionin dypartiak për zbulime të mëtejshme.

Ndërkohë, përfaqësuesit Thomas Massie (R-Kenia) dhe Ro Canna (D-Kenia) po udhëheqin një iniciativë të veçantë për të deklasifikuar dosjet e çështjes. Votimi pritet të mbahet në shtator, me qëllim mbledhjen e 218 nënshkrimeve – një numër që do të kërkonte që Dhoma e Përfaqësuesve ta sillte çështjen në një debat publik

The post Çështja Epstein rihapet: Thirrje në gjyq për çiftin Clinton nga Kongresi amerikan appeared first on Albeu.com.

Zendaya ka mahnitur fansat teksa është parë me unazën e saj verbuese të fejesës, me vlerë 200 mijë dollarë, gjatë një shëtitjeje të qetë në Richmond Park me të fejuarin e saj Tom Holland.

Çifti, që u fejua gjatë festave të fundvitit, u takua për herë të parë në xhirimet e “Spider-Man” në vitin 2016 dhe që atëherë janë kthyer në një nga çiftet më të dashura të Hollywood-it.

Veshur thjesht dhe të buzëqeshur, ata kaluan kohë të qetë së bashku, ndërsa paralelisht po përgatiten të ndajnë edhe një herë ekranin, këtë herë në superprojektin e Christopher Nolan, “Odisea”, shkruan DailyMail.

Tom do të interpretojë Telemakun, djalin e Odiseut, ndërsa roli i Zendayas ende mbahet sekret.

Ajo është parë së fundmi duke xhiruar në ishujt italianë, duke ngjallur spekulime për rolin e Athinës, Kalipsos apo Nausicaas.

Filmi, i bazuar në poemën epike të Homerit, pritet të jetë më i kushtueshmi në karrierën e Nolan, me një buxhet prej 250 milionë dollarësh dhe xhirime në Greqi, Marok, Itali, Islandë dhe SHBA.

“Odisea” do të jetë gjithashtu filmi i parë i xhiruar tërësisht me teknologjinë më të fundit IMAX dhe pritet të dalë në kinematë botërore më 17 korrik 2026.

Filmi përfshin një kast të jashtëzakonshëm si Matt Damon, Anne Hathaway, Charlize Theron, Robert Pattinson dhe më shumë.

Vetëm dy javë pas premierës së “Odiseas”, Zendaya dhe Tom Holland do të rikthehen edhe një herë si çifti ikonik në “Spider-Man: Brand New Day”.

The post FOTO/ Unaza mijëradollarëshe e Zendayas shkëlqen në krah të Tom Holland appeared first on Albeu.com.

Olsi Bylyku ka zgjedhur një mënyrë shumë të ndjerë për të uruar ditëlindjen e partneres së tij, Denades. Aktori dhe moderatori i njohur ka publikuar një foto ku shihet duke shkëmbyer një puthje me të dashurën, ndërsa bashkangjitur ka ndarë edhe një dedikim prekës.

Në mesazhin e tij, Olsi shpreh mirënjohjen për mbështetjen dhe përkushtimin që ajo ka treguar në çdo hap të marrëdhënies së tyre. Ai rrëfen sesi ajo ka qenë aty pa kushte, pa kërkuar shpjegime, thjesht duke dashur dhe qëndruar pranë tij.

“Te dashurosh është bukur, por të dashurosh dhe të riskosh është lavdi”, shkruan ai, duke e falënderuar që e ka mësuar çfarë është dashuria e vërtetë.

“Gëzuar ditëlindjen Amla. Të dua!”, përmbyll Olsi dedikimin e tij.

The post Olsi Bylyku prek ndjekësit me dedikimin për partneren: Të dashurosh dhe të riskosh është lavdi appeared first on Albeu.com.

Një vatër zjarri është shënuar sot në zonën e Grykshit, pjesë e bashkisë Peqin. Flakët janë përhapur në një sipërfaqe me bimësi të dendur, duke rrezikuar përhapjen në zona më të gjera.

Shërbimet zjarrfikëse kanë ndërhyrë menjëherë për të vënë situatën nën kontroll, ndërsa nuk raportohet për dëme në banesa apo të lënduar.
Shkaqet e zjarrit mbeten ende të paqarta. Autoritetet kanë nisur hetimet për të përcaktuar nëse ka qenë zjarrvënie e qëllimshme apo shkaktuar nga temperaturat e larta.

The post VIDEO/ Zjarr në Peqin, flakët përfshijnë zonën e Grykshit appeared first on Albeu.com.

Raportet mes Gjestit dhe Stresit duket se kanë hyrë në një fazë të ftohtë, pas publikimit të videos virale ku reperi shfaqet në një skenë të afërt me Jozin.

Reagimi i parë publik i Gjestit ishte largimi i Stresit nga lista e ndjekësve në Instagram – veprim të cilin më pas e pasoi edhe Stresi, duke bërë të njëjtën gjë.

Por, duket se unfollow-i nuk ka qenë i vetmi sinjal që Gjesti kishte për të dhënë. Gjatë një koncerti të fundit, ai ironizoi hapur situatën duke thënë në skenë: “Sa puthje po vijnë, asnjë s’më puthi”, duke shkaktuar të qeshura dhe brohorima në publik. Një koment që shumë e lidhën drejtpërdrejt me momentin mes Stresit dhe Jozit.

Ndërkohë, Stresi ka reaguar më parë duke sqaruar se videoja ishte pjesë e një skenari promovues për një bashkëpunim muzikor me Jozin, duke mohuar çdo keqkuptim.

The post Gjestit nuk i del inati me Stresin, vazhdon me ironi publike appeared first on Albeu.com.