Deri në mesditë, dje në vend ishin regjistruar gjithsej 14 zjarre në ambient të hapur.

Drejtoria për Mbrojtje dhe Shpëtim njoftoi se katër prej tyre ishin ende aktive – në komunën e Dojranit, pranë fshatit Nikoliq, ku po digjet një pyll i ulët, në komunën Cashka ku ka tym në një zonë shkëmbore pa flakë të dukshme, në Kumanovë në vendin Preovce ku po digjet bimësi e ulët, si dhe në Nagoriçan të vjetër.

Qytetarët morën një mesazh SMS për gjendjen e shpallur të jashtëzakonshme për shkak të zjarreve, me një njoftim për ndalimin e lëvizjes në pyje.

Qendra për Menaxhimin e Krizave shpjegoi se ky ishte një mesazh testues, i dërguar me qëllim të kontrollit të sistemit për njoftim masiv të popullsisë në rast të situatave të krizës.

The post QMK: Katër zjarre aktive në territorin e Maqedonisë së Veriut appeared first on Telegrafi.

Deri në mesditë, në vend janë regjistruar gjithsej 14 zjarre në hapësira të hapura. Nga Drejtoria për Mbrojtje dhe Shpëtim kumtojnë se 4 prej tyre mbeten aktive – në komunën e Dojranit afër fshatit Nikoliç, ku digjet pyll me drurë të ulët, në komunën e Çashkës nën Solunska Glava ku ka tym në një zonë shkëmbore pa flakë të dukshme, njoftojnë autoritet. Po ashtu, në Kumanovë në vendin Preovcë me djegie të vegjetacionit të ulët, si dhe në Nagoriçan të Vjetër në fshatin Rugincë.

“Gjashtë zjarre janë vënë nën kontroll. Dy janë lokalizuar – në komunën e Prilepit afër fshatit Beshishte dhe në komunën e Shën Nikollës afër fshatit Delisincë, ku u përfshi vegjetacion i ulët dhe një shtëpi e vjetër e braktisur. Në orët e kaluara janë shuar plotësisht dy zjarre – në Çuçer Sandevë afër kishës Shën Trinia dhe në Makedonski Brod afër fshatit Belicë”, thonë nga Drejtoria për Mbrojtje dhe Shpëtim.

Nga QMK sqarojnë se përveç pjesës qendrore të vendit, pjesa tjetër e territorit të shtetit është nën rrezik të lartë zjarresh, dhe ka një rrezik të ulët në zonat përreth maleve të Sharrit dhe rajoneve të tjera më pak të rrezikuara.

The post QMK: Sot janë regjistruar 14 zjarre, katër janë ende aktive, gjashtë nën kontroll appeared first on Telegrafi.

Bashkimi Evropian ka njoftuar një plan të ri për përballimin e krizave, që përfshin krijimin e rezervave strategjike me mallra jetike si ushqimi, uji, karburanti dhe ilaçet. Strategjia e re vjen mes shqetësimeve në rritje për kërcënime të mundshme ushtarake nga Rusia, si dhe fatkeqësi natyrore, pandemi dhe sulme kibernetike. Plani, i quajtur “Strategjia e […]

The post BE përgatitet për kriza: Shtetet anëtare të grumbullojnë ushqime, karburant, ilaçe dhe ujë appeared first on BoldNews.al.

Për shuarjen e zjarrit në deponinë mes Vizbegut dhe Shutkës po intervenohet edhe me avion.

Nga QMK thonë se me kërkesë të tyre, tashmë po veprojnë avionët.

“Me kërkesë të Qendrës për Menaxhim me Kriza (QMK), tashmë është duke vepruar aeroplani “Air Tractor” i Drejtorisë për Mbrojtje dhe Shpëtim (DMSH) për shuarjen e zjarrit në rajonin e Vizbegut”, thonë nga QMK.

Më herët komandanti i Njësisë Territoriale të Zjarrfikësve të Qytetit të Shkupit, Zvonko Tomeski, tha se në terren janë dërguar katër automjete që po intervenojnë së bashku me dy automjete nga “Higjiena Komunale”.

The post QMK: Për shuarjen e zjarrit në Vizbeg po intervenohet edhe me “Air Tractor” appeared first on Telegrafi.

Nga Artan Fuga Në kushtet e anomisë sociale së tranzicionit dhe teknologjisë numerike! Rrjetet sociale e kanë ndryshuar shumë gjuhën dhe të shprehurit në shqip, ashtu sikurse përdoren në jetën e përditshme. Nuk është çështja te njerëzit, dhe komunikimet e tyre në rrjetet sociale, por edhe në portalet profesionale. Mbi të gjitha ka një përdorim […]

The post Kriza e sotme e të shprehurit shqip! appeared first on BoldNews.al.

Zjarri në Gërçishtë të Vallandovës, i cili shpërtheu dje pasdite, sot në mëngjes përsëri është aktivizuar i nxitur nga era e fuqishme dhe e nxehtë dhe për momentin është kapluar sipërfaqe e madhe me çka zjarri është shpërndarë në dy krahë prej të cilëve njëri lëviz drejt fshatrave Kazan Doll dhe Furka, ndërsa i dyti drejt komunës Bogdanci, njoftuan sot pasdite nga Qendra për Menaxhim me Kriza (QMK).

Në shuarjen e zjarrit janë angazhuar më shumë se 50 persona, ndërsa kryetari i Vallandovës, Pero Kostadinov ka kërkuar mbështetje ajrore për shuarjen e zjarrit, por siç informojnë nga QMK ishin njoftuar nga MPB se për arsye teknike nuk mund të sigurojnë mbështetje me helikopter.

“Përveç kësaj, QMK-ja parashtroi një kërkesë edhe Drejtorisë për Mbrojtje dhe Shpëtim (DMSH), por deri më tani nuk ka pasur përgjigje. Paralelisht, i është dërguar kërkesë Shtatmadhorisë së Armatës për mundësinë e angazhimit të mbështetjes ajrore dhe pritet përgjigje nga ana e tyre”, thuhet në kumtesën e QMK-së.

Nga aty shtojnë se ky është një zjarr serioz që përfshin një sipërfaqe të madhe me vendbanime të shpërndara, gjë që përbën kërcënim potencial për jetën dhe shëndetin e popullsisë, si dhe për objektet, pronën dhe infrastrukturën në rajonin e prekur nga zjarri.

The post QMK: Zjarri në rajonin e Vallandovës nuk është vendosur ende nën kontroll, po përhapet në dy krahë appeared first on Telegrafi.

Ka shpërthyer një zjarr i madh pranë fshatit Marvinci, Vallandovë.

Siç njoftojnë nga Qendra për Menaxhim me Kriza, po digjet bar i thatë dhe shkurre të ulëta.

Bëjnë të ditur se në terren po intervenon Njësia Territoriale e Zjarrfikësve Vallandovë me një automjet zjarrfikës dhe dy zjarrfikës.

Qendra për Menaxhim me Kriza (QMK) ka proceduar kërkesë deri te Ministria e Punëve të Brendshme (MPB) dhe Drejtoria për Mbrojtje dhe Shpëtim (DMSH) për mbështetje ajrore për shuarjen e zjarrit. MPB do të dërgojë helikopter për të ndërhyrë nga ajri, përcjell “TV21”.

Zjarr ka shpërthyer edhe në pranë fshatit Furkë, Dojran.

Po digjet bar i thatë dhe shkurre të ulëta. Në terren kanë dalë:
• Njësia Territoriale e Zjarrfikësve Gjevgjeli me një automjet zjarrfikës dhe tre zjarrfikës
• Shoqata Vullnetare e Zjarrfikësve Dojran me një automjet zjarrfikës dhe tre zjarrfikës

The post Shpërthen zjarr në Vallandovë, QMK kërkon helikopterë nga MPB-ja appeared first on Telegrafi.

TIRANE, 29 qershor /ATSH/ – Pasojat ekonomike për vendet e Ballkanit Perëndimor nga konflikti në Lindjen e Mesme janë indirekte dhe të kufizuara, sipas të dhënave për tregtinë e jashtme dhe analizave të ekspertëve ekonomikë.

Ata thonë se ndikimi është më i dukshëm përmes qëndrimeve ideologjike ose përplasjeve gjeopolitike.

 Mal i Zi

Turizmi në këtë vend tashmë po përjeton pasoja negative, për shkak të anulimit të dhjetëra fluturimeve dhe rezervimeve hoteliere nga Izraeli.

“Tri linja ajrore izraelite i kanë pezulluar përkohësisht fluturimet e pasagjerëve për në Mal të Zi. Ato kanë anuluar më shumë se 70 fluturime për në Tivat, të planifikuara deri në fund të qershorit”, thanë nga Aeroporti i Malit të Zi për Radion Evropa e Lirë.

Sulmet e Izraelit dhe Shteteve të Bashkuara kundër objekteve bërthamore dhe ushtarake në Iran, si dhe kërcënimet për mbylljen e rrugëve kryesore ujore shkaktuan një tronditje të lehtë në tregun e naftës dhe rritën çmimet e naftës bruto dhe të derivateve të saj.

Zhvillimet e mëtejshme të mundshme, pas arritjes së një armëpushimi, janë kryesisht hipotetike dhe varen nga ajo nëse dhe sa do të përshkallëzohet konflikti dhe nëse do të shkaktojë trazira më të mëdha në tregun global të energjisë.

Fluturime të anuluara për në Mal të Zi

Trafiku ajror nga Izraeli në Mal të Zi, sipas informacioneve të fundit, është pezulluar deri më 30 qershor.

Deri tani është konfirmuar se turistët izraelitë i kanë anuluar rezervimet e tyre në hotelet e Kollashinit, në pjesën veriore të Malit të Zi.

Këtë e ka bërë të ditur Zorica Millashinoviq, drejtoreshë e Organizatës Turistike të Kollashinit, në një deklaratë për televizionin shtetëror malazez.

Verën e kaluar, mbi 130.000 udhëtarë nga Izraeli kanë mbërritur në Mal të Zi me avion.

“Nga prilli deri në tetor, rreth 112.000 pasagjerë kanë përdorur linjën Tel Aviv – Tivat, ndërsa më shumë se 18.500 kanë përdorur atë Tel Aviv – Podgoricë”, bënë të ditur nga Aeroporti i Malit të Zi për Radion Evropa e Lirë.

Ministrja e Turizmit e Malit të Zi, Simonida Kordiq, ka thënë më herët se viti 2024 ka qenë një vit rekord për numrin e turistëve izraelitë.

Të dhënat nga Zyra Shtetërore e Statistikave – Monstat tregojnë se, vitin e kaluar, në Mal të Zi kanë qenë 74.000 turistë nga Izraeli, të cilët kanë kaluar 249.000 net.

Sipas këtyre të dhënave, ata kanë qenë turistët joevropianë më të shumtë në atë vend dhe numri i tyre është rritur vazhdimisht që nga viti 2021.

Për këtë vit ishte paralajmëruar mbërritja e 200.000 turistëve nga Izraeli në Mal të Zi. Kjo, sipas deklaratës së Nimrod Rinotit, konsull nderi i Malit të Zi në Izrael, dhënë në muajin maj.

Ministria e Energjisë në këtë vend paralajmëroi se, “për shkak të përshkallëzimit aktual të konfliktit në Lindjen e Mesme”, çmimet e naftës mund të rriten, por shtoi se furnizimi me produkte nafte nuk është i kërcënuar për momentin.

“Kujtoj se në vitin 2022 [kur filloi pushtimi rus i Ukrainës], çmimet e produkteve dhe shërbimeve të shumta u rritën pa ndonjë bazë realiste, dhe ato çmime nuk u kthyen më, edhe pse çmimet e karburanteve tani janë pothuajse 25 për qind më të ulëta. Një praktikë e tillë është e papërgjegjshme”, tha ministri i Energjisë në Mal të Zi, Admir Shahmanoviq.

Ai shtoi se krizat globale nuk duhet të lejohen të përdoren si justifikim për rritje të çmimeve.

Kriza energjetike, rrezik kryesor për Serbinë

“Në rast të një shpërthimi të krizës në Lindjen e Mesme, rreziku kryesor ekonomik për Serbinë lidhet me burimet e energjisë, kryesisht naftën dhe gazin”, thotë për Radion Evropa e Lirë Branimir Jovanoviq, nga Instituti i Vjenës për Studime Ekonomike Ndërkombëtare.

Ai paralajmëron se nëse përsëritet skenari i vitit 2022 – kur pas shpërthimit të luftës në Ukrainë, çmimet e energjisë mbetën në një nivel më të lartë për disa muaj – ai do të çojë në rritje të çmimeve dhe përkeqësim të standardeve të jetesës.

Kosova veçanërisht e ekspozuar

Adrian Shtuni, nga Qendra Ndërkombëtare kundër Terrorizmit, thekson se Kosova është veçanërisht e ndjeshme ndaj pasojave ekonomike që mund të shkaktojë konflikti në Lindjen e Mesme.

Ai shpjegon se situata do të përkeqësohej ndjeshëm në rast se Irani vendos të mbyllë Ngushticën e Hormuzit, nga kalon rreth 20 për qind e konsumit global të naftës dhe gazit natyror.

Varësia energjetike e Maqedonisë së Veriut

Derisa sulmet midis Iranit dhe Izraelit vazhdonin, çmimet e energjisë luhateshin. Për pasojë, në tregun e Maqedonisë së Veriut kishte disa rritje të çmimeve të naftës.

Pritjet e udhëheqësve të Komisionit Rregullator të Energjisë në këtë vend janë që trendi i stabilizimit të çmimeve të naftës të vazhdojë, duke pasur parasysh armëpushimin e shpallur disa ditë më parë mes Izraelit dhe Iranit.

“Besoj se do të kemi stabilizim të çmimeve të produkteve të naftës dhe çmimeve të gazit natyror, e rrjedhimisht edhe të çmimeve të energjisë elektrike”, thotë për Radion Evropa e Lirë kryetari i Komisionit Rregullator të Energjisë, Marko Bislimoski.

Udhëheqësi i Unionit të Dhomave të Tregtisë, Trajan Angelovski, thotë se është jashtëzakonisht e rëndësishme që të mos ketë veprime ushtarake, sepse çmimet e energjisë mund të prishin shumë gjëra, shkruan REL.   /os/

The post KOMENT – Cilat janë dy pikat më të cenueshme të Ballkanit nga kriza në LM appeared first on Agjencia Telegrafike Shqiptare.

BDI denoncon praktikat diskriminuese të punësimeve, kësaj radhe në Qendrën për Menaxhim me Kriza, ku në konkursin e fundit janë pranuar 12 maqedonas dhe vetëm 3 shqiptarë, në një institucion që udhëhiqet nga një drejtor me përkatësi shqiptare, por në shërbim të politikave të OBRM-PDUKM-së.

“Kjo situatë është alarmante dhe e papranueshme. Për shqiptarët nuk ka asnjë kuptim nëse një drejtues është shqiptar në emër, por jo në vepra, duke diskriminuar shqiptarët dhe duke shkelur barazinë. Kur menaxhimi është thjesht zbukurim etnik për të mbuluar dominimin sistematik të një etnie në institucione, atëherë kemi të bëjmë me shërbim ndaj padronit dhe jo ndaj interesit publik apo barazisë etnike.

BDI nuk do të heshtë përballë kësaj hipokrizie politike, ku në emër të përfaqësimit shqiptar, bëhen pazare të pista për pushtet, ndërsa shqiptarët vazhdojnë të diskriminohen edhe në institucionet që udhëhiqen gjoja nga shqiptarë, por që shkelin mbi interesin e shqiptarëve dhe karakterin multietnik të shtetit.

E rikujtojmë opinionin se fryma e Marrëveshjes së Ohrit nuk mund të zbatohet me shqiptarë dekorativë në krye të institucioneve, që zbatojnë urdhra nga qendrat anti-shqiptare të vendimmarrjes”, thuhet në kumtesën e BDI-së./Telegrafi/

The post BDI: Shqiptarët janë të diskriminuar në punësimet në QMK appeared first on Telegrafi.

Me një fluks “të paprecedent” kokaine dhe qetësuesish dhimbjeje të falsifikuar që përmbajnë substanca të rrezikshme sintetike me bazë opimi, problemi i drogës në Evropë është bërë më kompleks se kurrë.

Kështu thotë Agjencia e Bashkimit Evropian për Drogën, EUDA, sipas të cilës shitja e drogave po arrin pikun në të gjithë bllokun për shkak të rritjes së vartësisë, problematikave të kujdesit shëndetësor dhe dhunës në rritje mes bandave.

“Sot përballemi me një situatë që po ndryshon me shpejtësi”, ka deklaruar Alexis Goosdeel, drejtor ekzekutiv i agjencisë për Euronews.

Rreth 7 mijë e 500 persona humbën jetën si pasojë e mbidozave të drogës në 2023-shin, kuotë kjo në rritje krahasuar me vitin paraardhës, kur viktimat ishin 7.100.

Shumica e mbidozave vijnë si pasojë e drogave me bazë opiumi, por rreziqet po ndryshojnë pasi njerëzit po u drejtohen edhe drogave sintetike dhe po përdorin substanca të ndryshme.

Kështu, pasi talebanët morën nën kontroll Afganistanin në 2021-shin dhe ndaluan prodhimin e opiumit, vitin që pasoi njerëzit i kthyen sytë ndaj drogave me derivat fentanili, ose sintetike.

Në 2023-shin, autoritetet çmontuan 14 laboratorë prodhimi heroine në Evropë, shumica e të cilëve të ngritur në Holandë.

Ndërkohë, vitin e kaluar, rreth 4.6 milionë të rritur evropianë përdorën kokainë, duke e kthyer atë në stimuluesin më të përdorur.

Kokaina po bëhet gjithashtu edhe më popullore, pasi në 2023-shin, vendet anëtare të BE-së sekuestruan 419 tonë, duke shënuar vitin e shtatë rresht të rekordeve.

Konfiskimet më të mëdha u kryen në Belgjikë, 123 tonë, Spanjë, 118 tonë dhe Holandë, 59 tonë, që mbeten portat kryesore të hyrjes së kokainës në Evropë.

Ndërkohë, 8.4 për qind e të rriturve, ose 24 milionë persona, përdorën kanabisin vitin e kaluar, duke e kthyer atë në drogën më të zakonshme.

Edhe konfiskimet e kanabisit u rritën lehtshëm në 2023-shin pasi ranë një vit më parë, konstaton raporti.

LEXONI GJITHASHTU:

• SPAK finalizon një operacion të madh antidrogë në bashkëpunim me autoritetet e huaja
• Asgjësohet karteli ballkanas: Kapen 8 tonë kokainë, drejtohej nga Dubai

The post Kriza e drogës gërryen BE-në: Rriten vdekjet, “lumë” substancash sintetike appeared first on Euronews Albania.

Deputetët e Kuvendit të Kosovës kanë dështuar për të 24-ën herë radhazi të konstituojnë legjislaturën e nëntë, e dalë nga zgjedhjet e shkurtit. Pavarësisht thirrjeve nga shoqëria civile dhe faktorët ndërkombëtarë për të krijuar sa më shpejt institucionet e reja, procesi po ngec në zgjedhjen e kryetarit të Kuvendit.

Në seancën e fundit konstituive, kryesuesi Avni Dehari kërkoi sërish nga Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK), NISMA dhe Lista Serbe që të propozojnë anëtarët për një komision që do të mundësonte votimin e fshehtë për kryeparlamentarin, por ata refuzuan. Më pas, propozimi për formimin e këtij komisioni u hodh në votim, por nuk mori numrin e duhur të votave, duke çuar në ndërprerjen e seancës. Seanca do të vazhdojë të hënën.

Qendra e mosmarrëveshjeve mbetet kandidatura e Albulena Haxhiut nga Lëvizja Vetëvendosje, Guxo e Alternativa, e cila nuk ka arritur të sigurojë 61 votat e nevojshme për t’u zgjedhur kryetare. Vetë Vetëvendosja dhe partnerët e saj insistojnë për votim të fshehtë, ndërkohë që partitë opozitare kundërshtojnë këtë format, duke theksuar se seanca filloi me votim të hapur dhe duhet të vazhdojë kështu.

Aleanca për Ardhmërinë e Kosovës ka dërguar çështjen e votimit të fshehtë në Gjykatën Kushtetuese, duke kërkuar ndërprerjen e seancave deri në marrjen e një vendimi mbi këtë temë.

Ndërkohë, PDK-ja dhe AAK-ja e shohin Haxhiun si një figurë përçarëse dhe kanë kërkuar që të propozohet një kandidat tjetër, por Lëvizja Vetëvendosje, fituese e zgjedhjeve, vazhdon të mbrojë kandidaturën e saj, duke përjashtuar mundësinë e ndryshimit të kandidatit.

Përveç zgjedhjes së kryetarit, deputetët duhet të zgjedhin edhe pesë nënkryetarët e Kuvendit, që do të përmbyllnin procesin e konstituimit të legjislaturës së nëntë. Vetëm pas përfundimit të këtij procesi do të mund të fillojnë bisedimet për formimin e Qeverisë së re.

Kriza politike ka ardhur si pasojë e mungesës së shumicës absolute në Kuvend, pasi asnjë parti nuk fitoi numrin e nevojshëm të ulëseve për të qeverisur vetëm. Lëvizja Vetëvendosje doli e para në zgjedhjet e shkurtit me 48 ulëse, shumë larg 61 që duhen për shumicën, ndërsa PDK-ja, LDK-ja, AAK-Nisma dhe Lista Serbe mbeten në opozitë, duke refuzuar marrëveshje politike.

Kreu i Vetëvendosjes dhe kryeministri në detyrë, Albin Kurti, ka deklaruar se është i gatshëm për kompromis dhe bashkëpunim me partitë e tjera, duke përmendur edhe pakicat dhe Nismën Socialdemokrate si partnerë të mundshëm në qeverisje.

LEXONI GJITHASHTU:

• Dështon për herë të 23-të tentimi për konstituimin e Kuvendit të Kosovës
• Kosovës i bëhet thirrje ta shfrytëzojë “mundësinë e re” në rrugën drejt BE-së

The post Kosova në krizë parlamentare, dështon për të 24-ën herë seanca konstituive appeared first on Euronews Albania.

Shefi i Zyrës së Bashkimit Evropian në Kosovë, Aivo Orav, ka bërë thirrje për krijimin sa më të shpejtë të institucioneve të reja pas zgjedhjeve parlamentare të mbajtura më 9 shkurt, duke theksuar nevojën për një partner qeveritar me të cilin BE-ja të mund të bashkëpunojë për proceset integruese.

“Bashkimi Evropian ka nevojë për një partner të qëndrueshëm në qeveri për të punuar dhe diskutuar për të ardhmen evropiane të Kosovës,” u shpreh Orav gjatë një tryeze diskutimi të organizuar të mërkurën nga Instituti i Prishtinës për Studime Politike dhe Lëvizja FOL, me fokus në integrimin e Kosovës në BE.

Orav theksoi se procesi i heqjes së masave ndëshkuese ndaj Kosovës ka filluar dhe kjo e bën edhe më të rëndësishëm bashkëpunimin me autoritetet vendore. Ai shtoi se angazhimi i ndërsjellë është i domosdoshëm për të ecur përpara në rrugën e integrimit evropian.

Megjithatë, ambasadori i BE-së në Kosovë rikujtoi se një nga çështjet kyçe që mbetet për t’u adresuar është themeli i Asociacionit të komunave me shumicë serbe, të cilin e konsideroi si pjesë të obligimeve që rrjedhin nga marrëveshjet e Brukselit.

“Është e rëndësishme që të gjitha marrëveshjet e arritura në kuadër të dialogut të zbatohen pa vonesa,” u shpreh ai.

LEXONI GJITHASHTU:

• Thellohet kriza politike në Kosovë, dështon për herë të 22-të konstituimi i Kuvendit
• Kosova pa Kuvend të ri edhe pas përpjekjes së 21-të

The post Kosova në krizë parlamentare, shefi i zyrës së BE-së thirrje partive politike appeared first on Euronews Albania.

Përpjekja e 22-të për konstituimin e Kuvendit të Kosovës përfundoi sërish pa sukses. Koalicioni i përbërë nga Lëvizja Vetëvendosje, Lista Guxo dhe Alternativa nuk arriti të sigurojë mbështetjen e nevojshme për formimin e Komisionit për votimin e fshehtë të kryetarit të Kuvendit.

Në seancën e mbajtur sot, në sallën plenare ishin të pranishëm 109 deputetë. Pro formimit të komisionit votuan 54 deputetë, një ishte kundër dhe nuk pati asnjë abstenim. Megjithatë, mungesa e shumicës së thjeshtë prej 61 votash bëri që procesi të ndërpritet sërish.

Kryesuesi i seancës, Avni Dehari, njoftoi se ajo do të rifillojë më 29 maj, në orën 11:00.

“54 deputetë kanë dhënë votën për, kundër ka qenë një, abstenim nuk ka. Ndërpritet seanca, me 29 maj shihemi në orën 11:00”, deklaroi ai.

Koalicioni qeverisës ka propozuar Albulena Haxhiun si kandidate për kryetare të Kuvendit, por kandidatura e saj nuk është pranuar nga partitë opozitare, të cilat e konsiderojnë atë si një emër jo unifikues dhe të papranueshëm.

Bllokada në Kuvend zgjat tashmë për më shumë se një muaj, që prej 15 prillit, kur deputetët dhanë betimin. Pavarësisht përpjekjeve të përsëritura, palët politike nuk kanë arritur ende një marrëveshje për të përmbyllur konstituimin e institucionit më të lartë ligjvënës në vend.

LEXONI GJITHASHTU:

• Kosova pa Kuvend të ri edhe pas përpjekjes së 21-të
• Osmani takoi Kallas: Kosova e gatshme për hapin e radhës drejt BE-së

The post Thellohet kriza politike në Kosovë, dështon për herë të 22-të konstituimi i Kuvendit appeared first on Euronews Albania.

Kryeministri në detyrë i Kosovës, Albin Kurti, ka refuzuar sërish të japë përgjigje konkrete në lidhje me ngërçin institucional dhe pamundësinë për konstituimin e Kuvendit të Kosovës.

Gjatë pjesëmarrjes në ceremoninë e nisjes së ndërtimit të objekteve për banim të përballueshëm, Kurti u pyet nga gazetarët për takimin me presidenten Vjosa Osmani dhe për përgjegjësinë që ai mban në lidhje me krizën politike që po zvarritet prej javësh. Megjithatë, shefi i ekzekutivit në detyrë nuk dha një përgjigje të drejtpërdrejtë.

“Për ato çështjet tjera të bllokimeve janë në Prishtinë, ne jemi për ndërtim këtu”, deklaroi shkurt Kurti, duke shmangur komentet për situatën e tensionuar në Kuvend.

Kuvendi i Kosovës nuk ka arritur ende të konstituohet, ndonëse dje u zhvillua përpjekja e tetëmbëdhjetë për këtë proces. Seanca u ndërpre sërish pa ndonjë rezultat konkret dhe pritet të rifillojë nesër në orën 11:00.

Ngërçi institucional ka rritur shqetësimin në opinionin publik dhe është bërë objekt debatesh të forta politike, ndërkohë që partitë vijojnë përplasjet për ndarjen e posteve kyçe dhe krijimin e institucioneve të reja pas zgjedhjeve të fundit.

LEXONI GJITHASHTU:

• Kuvendi i Kosovës nuk konstituohet, kur do mbahet seanca e radhës
• A do e drejtojë seancën e parë të Kuvendit? Përgjigjet Berisha

The post “Për bllokimet jemi në Prishtinë”, Kurti shmang komentet për krizën politike appeared first on Euronews Albania.

Përballë një vale rekord turistësh këtë verë, Greqia po përjeton një mungesë të theksuar të fuqisë punëtore në sektorin e turizmit dhe mikpritjes. Restorantet, hotelet dhe resortet në mbarë vendin përpiqen të plotësojnë rreth 80,000 vende të lira pune, që variojnë nga kuzhinierë dhe kamarierë, te pastrues dhe roje plazhi.

The Guardian shkruan se kjo mungesë është rezultat i largimit të shumë punëtorëve pas pandemisë dhe rënies demografike.

Ndërkohë, një pjesë e madhe e qytetarëve grekë zgjedhin punë më të qëndrueshme në zyra, duke shmangur orët e zgjatura dhe sfidat e punës në turizëm.

Si përgjigje, qeveria ka nisur procesin e legalizimit të mijëra emigrantëve të paregjistruar dhe po rekruton punëtorë nga vende si India, Egjipti dhe Bangladeshi. Gjithashtu, azilkërkues të trajnuar janë përfshirë në tregun e punës, një hap domethënës për një vend që ka qenë kritik ndaj migracionit dhe ka ndjekur politika të ashpra kufitare.

Me turizmin që përbën një të katërtën e Produktit të Brendshëm Bruto të vendit dhe me pritshmëritë që numri i vizitorëve të arrijë në 40 milionë deri në vitin 2028, autoritetet theksojnë se gjetja e një zgjidhjeje të menjëhershme për këtë krizë të punësimit është thelbësore.

LEXONI GJITHASHTU:

• Akuzohet për spiunazh në operacionet e NATO-s, burgoset një burrë në Greqi
• AfD e Gjermanisë ekstremiste e krahut të djathtë, Rubio kritikon vendimin

The post Greqia në krizë për punëtorë: 80 mijë vende të lira pune në turizëm appeared first on Euronews Albania.

Në kohët e pasigurisë gjeopolitike BE do të bëhet më rezistente ndaj krizave. Komisioni i BE-së ka paraqitur një dokument për sigurinë e brendshme. Synohet më shumë mbrojtje e të dhënave dhe forcimi i Europolit. “Mjedisi ynë i sigurisë ka ndryshuar në mënyrë dramatike. Kërcënimet e sotme janë të mëdha, globale dhe në rritje në […]

The post DW: Si do të rrisë BE-ja sigurinë e brendshme appeared first on BoldNews.al.

Një analizë e krizës aktuale permanente dhe katër shtylla me këndvështrim të majtë për të garantuar daljen prej saj. Ky ishte thelbi i prezantimit të programit nga Lëvizja BASHKË, të mërkurën, me të cilin ajo do të hyjë në zgjedhjet e 11 majit.

Mes shumë anëtarëve dhe mbështetësve të Lëvizjes, drejtuesja e eventit Ariela Zeneli ia dha fjalën drejtuesit shkencor të punës së grupit të programit, pedagogut të shkencës politike Sofokli Meksi. Pas tij aktivistët Redi Muçi, Jani Marka, Redi Kociaj dhe Bora Mema parashtruan katër shtyllat programore: shteti zhvillimor, shteti social, shteti i së drejtës dhe pjesëmarrja demokratike.

Programi i forcës së drejtuar nga Arlînd Qori është, ne fakt, produkt i punës së rreth 50 ekspertëve dhe profesionistëve, të cilët kanë punuar 15 muaj për të studiuar rrugëdaljet nga kriza permanente.

“Ky program ka për të qenë udhërrëfyesi ynë jo vetëm për 11 majin, por për dekadën e ardhshme” u tha në tubim refreni i të cilit qe se

“Shqipëria ka nevojë për një transformim të madh ekonomik, social dhe demokratik” dhe se asaj i duhet një plani i detajuar i mëkëmbjes së bujqësisë, industrisë, infrastrukturës, energjetikës e turizmit të qëndrueshëm. Partia e Arlind Qorit do të jetë me numrin 2 në fletën e votimit të 11 majit.

©Lapsi.al

The post Lëvizja Bashkë prezanton programin/ Katër shtyllat e daljes nga kriza appeared first on Lapsi.al.

Qeveria franceze ka gati një manual që do të shpërndahet për qytetarët e vendit për t’i përgatitur ata për “kriza të mëdha” që mund të ndodhin. I quajtur “manuali i mbijetesës” ai synon që të ofrojë informacione dhe praktika të nevojshme për të mbijetuar gjatë situatave ekstreme, duke përfshirë katastrofa klimatike, aksidente industriale, epidemitë, rrjedhje […]

The post Franca, “manual mbijetese”! Qeveria përgatit popullin për kriza të mëdha, udhëzues edhe në rast lufte appeared first on BoldNews.al.

Njësia territoriale kundër zjarreve në Gostivar, mbrëme pas mesnate ka intervenuar në një objekt të kapluar nga zjarri në Negotinë (Komuna e Vrapçishtit).

“Bëhet fjalë për një magazinë për prodhimin e poliesterit e përbërë nga tre objekte, dy prej të cilave janë djegur plotësisht, ndërsa i treti pjesërisht” njofton Qendra për Menaxhim me Krizat.

Në ndihmë të zjarrfikësve të Gostivarit kanë ardhur edhe zjarrfikës nga Tetova, të cilët kanë intervenuar deri në orën 04:00.

“Shërbimi i Emergjencave nga Gostivari njofton se një zjarrfikës gjatë intervenimit ka rënë nga shkallët dhe ka pësuar lëndime, për çka është dërguar në spitalin e Gostivarit. Zjarri është lokalizuar në orën 05:30, por ende ka prush dhe tym. Për këtë shkak zjarrfikësit janë ende në terren”, njofton QMK.

The post Digjet depoja e poliesterit në Negotinë appeared first on Telegrafi.

Qendra Rajonale për Menaxhimin e Krizave – Veles (QRMK) njofton se një zjarr ka shpërthyer në shtëpinë e të moshuarve në fshatin Çemersko të Kavadarit.

Sipas QRMK-Veles, në vendngjarje po ndërhyjnë 10 zjarrfikës me 3 makina zjarrfikëse, si dhe tre ekipe mjekësore dhe dy automjete policore me 8 policë.

Në ndërkohë, me dy automjete janë evakuuar 30 persona të cilët ishin të vendosur në shtëpinë e të moshuarve në Kavadar”, thonë nga QRMK./Telegrafi/

The post Shpërthen zjarr në shtëpinë e të moshuarve në Kavadar, janë evakuuar 30 persona appeared first on Telegrafi.