Seritë televizive si “Severance”, “The White Lotus”, “The Studio” dhe “Hacks” kanë marrë nominime kryesore në edicionin e 77-të të Primetime Emmy Awards, të cilat u shpallën të martën në mëngjes.

“Severance”, seriali i Apple TV+ që sapo përfundoi sezonin e dytë, mori 27 nominime, ndërsa në vend të dytë u rendit “The Penguin” (HBO Max) me 24 nominime. Po 23 nominime morën “The White Lotus” dhe “The Studio”, ky i fundit duke u bërë bashkë me “The Bear” për numrin më të madh të nominimeve në një seri komedie.

Një risi e këtij viti ishte Harrison Ford, që për herë të parë në moshën 83 vjeç mori një nominim për Emmy, për rolin e tij dytësor në sitcom-in “Shrinking”, shkruan HBO.

Nominimet u shpallën nga aktorët Harvey Guillén (“What We Do in the Shadows”) dhe Brenda Song (“Running Point”). Dy kategori të veçanta – për programet më të mira reality competition dhe talk show – u zbuluan ekskluzivisht në “CBS Mornings”.

Vitin e kaluar, kanali FX dominoi Ceremoninë, me fitues si “Shōgun” dhe “The Bear”, ndërsa komedia më e mirë u shpall “Hacks” nga HBO. Te miniseritë, “Baby Reindeer” i Netflix fitoi disa çmime.

Ceremonia e 77-të e Primetime Emmy Awards do të transmetohet drejtpërdrejt nga CBS më 14 shtator 2025, me komedianin Nate Bargatze si prezantues. Ai po ashtu mori një nominim për emisionin e tij varietë “Your Friend, Nate Bargatze”.

Kjo është lista e plotë e nominimeve për “Emmy Awards 2025”:

Seriali më i mirë dramatik
“Andor” (Disney+)
“The Diplomat” (Netflix)
“The Last of Us” (HBO Max)
“Paradise” (Hulu)
“The Pitt” (HBO Max)
“Severance” (Apple TV+)
“Slow Horses” (Apple TV+)
“The White Lotus” (HBO Max)

Seriali më i mirë komedi
“Abbott Elementary” (ABC)
“The Bear” (FX)
“Hacks” (HBO Max)
“Nobody Wants This” (Netflix)
“Only Murders in the Building” (Hulu)
“Shrinking” (Apple TV+)
“The Studio” (Apple TV+)
“What We Do in the Shadows” (FX)

Serial apo film i kufizuar / antologji më i mirë
“Adolescence” (Netflix)
“Black Mirror” (Netflix)
“Dying for Sex” (FX)
“Monsters: The Lyle and Erik Menendez Story” (Netflix)
“The Penguin” (HBO Max)

Filmi më i mirë televiziv
“Bridget Jones: Mad About the Boy” (Peacock)
“The Gorge” (Apple TV+)
“Mountainhead” (HBO Max)
“Nonnas” (Netflix)
“Rebel Ridge” (Netflix)

Programi më i mirë reality konkurrues
“The Amazing Race” (CBS)
“RuPaul’s Drag Race” (MTV)
“Survivor” (CBS)
“Top Chef” (Bravo)
“The Traitors” (Peacock)

Talk show më i mirë
“The Daily Show” (Comedy Central)
“Jimmy Kimmel Live!” (ABC)
“The Late Show with Stephen Colbert” (CBS)

Programi më i mirë varietesh i shkruar
“Last Week Tonight with John Oliver” (HBO Max)
“Saturday Night Live” (NBC)

Speciali më i mirë varietesh (live)
“The Apple Music Super Bowl LIX Halftime Show Starring Kendrick Lamar” (Fox)
“Beyoncé Bowl” (Netflix)
“The Oscars” (ABC)
“SNL50: The Anniversary Special” (NBC)
“SNL50: The Homecoming Concert” (Peacock)

Speciali më i mirë varietesh (i regjistruar)
“Adam Sandler: Love You” (Netflix)
“Ali Wong: Single Lady” (Netflix)
“Bill Burr: Drop Dead Years” (Hulu)
“Conan O’Brien: The Kennedy Center Mark Twain Prize For American Humor” (Netflix)
“Sarah Silverman: Postmortem” (Netflix)
“Your Friend, Nate Bargatze” (Netflix)

Emisioni më i mirë i lojërave televizive
“Celebrity Family Feud” (ABC)
“Jeopardy” (ABC)
“The Price is Right” (CBS)
“Wheel of Fortune” (ABC)
“Who Wants to Be a Millionaire” (ABC)

Aktorja kryesore në serial dramatik
Kathy Bates, “Matlock”
Sharon Horgan, “Bad Sisters”
Britt Lower, “Severance”
Bella Ramsey, “The Last of Us”
Keri Russell, “The Diplomat”

Aktori kryesor në serial dramatik
Sterling K. Brown, “Paradise”
Gary Oldman, “Slow Horses”
Pedro Pascal, “The Last of Us”
Adam Scott, “Severance”
Noah Wyle, “The Pitt”

Aktorja kryesore në serial komedi
Uzo Aduba, “The Residence”
Kristen Bell, “Nobody Wants This”
Quinta Brunson, “Abbott Elementary”
Ayo Edebiri, “The Bear”
Jean Smart, “Hacks”

Aktori kryesor në serial komedi
Adam Brody, “Nobody Wants This”
Seth Rogen, “The Studio”
Jason Segel, “Shrinking”
Martin Short, “Only Murders in the Building”
Jeremy Allen White, “The Bear”

Aktorja kryesore në serial të kufizuar ose film
Cate Blanchett, “Disclaimer”
Meghann Fahy, “Sirens”
Rashida Jones, “Black Mirror”
Cristin Milloti, “The Penguin”
Michelle Williams, “Dying for Sex”

Aktori kryesor në serial të kufizuar ose film
Colin Farrell, “The Penguin”
Stephen Graham, “Adolescence”
Jake Gyllenhaal, “Presumed Innocent”
Brian Tyree Henry, “Dope Thief”
Cooper Koch, “Monsters: The Lyle and Erik Menendez Story”

Aktorja dytësore në serial dramatik
Patricia Arquette, “Severance”
Carrie Coon, “The White Lotus”
Katherine LaNasa, “The Pitt”
Julianne Nicholson, “Paradise”
Parker Posey, “The White Lotus”
Natasha Rothwell, “The White Lotus”
Aimee Lou Wood, “The White Lotus”

Aktori dytësor në serial dramatik
Zach Cherry, “Severance”
Walton Goggins, “The White Lotus”
Jason Isaacs, “The White Lotus”
James Marsden, “Paradise”
Sam Rockwell, “The White Lotus”
Tramell Tillman, “Severance”
John Turturro, “Severance”

Aktorja dytësore në serial komedi
Liza Colón-Zayas, “The Bear”
Hannah Einbinder, “Hacks”
Kathryn Hahn, “The Studio”
Janelle James, “Abbott Elementary”
Catherine O’Hara, “The Studio”
Sheryl Lee Ralph, “Abbott Elementary”
Jessica Williams, “Shrinking”

Aktori dytësor në serial komedi
Ike Barinholtz, “The Studio”
Colman Domingo, “The Four Seasons”
Harrison Ford, “Shrinking”
Jeff Hiller, “Somebody Somewhere”
Ebon Moss-Bachrach, “The Bear”
Michael Urie, “Shrinking”
Bowen Yang, “Saturday Night Live”

Aktorja dytësore në serial të kufizuar ose film
Erin Doherty, “Adolescence”
Ruth Negga, “Presumed Innocent”
Deirdre O’Connell, “The Penguin”
Chloë Sevigny, “Monsters: The Lyle and Erik Menendez Story”
Jenny Slate, “Dying for Sex”
Christine Tremarco, “Adolescence”

Aktori dytësor në serial të kufizuar ose film
Javier Bardem, “Monsters: The Lyle and Erik Menendez Story”
Bill Camp, “Presumed Innocent”
Owen Cooper, “Adolescence”
Rob Delaney, “Dying for Sex”
Peter Sarsgaard, “Presumed Innocent”
Ashley Walters, “Adolescence”

Aktorja mysafire në serial dramatik
Jane Alexander, “Severance”
Gwendoline Christie, “Severance”
Kaitlyn Dever, “The Last of Us”
Cherry Jones, “The Handmaid’s Tale”
Catherine O’Hara, “The Last of Us”
Merritt Wever, “Severance”

Aktori mysafir në serial dramatik
Giancarlo Esposito, “The Boys”
Scott Glenn, “The White Lotus”
Shawn Hatosy, “The Pitt”
Joe Pantoliano, “The Last of Us”
Forest Whitaker, “Andor”
Jeffrey Wright, “The Last of Us”

Aktorja mysafire në serial komedi
Olivia Colman, “The Bear”
Jamie Lee Curtis, “The Bear”
Cynthia Erivo, “Poker Face”
Robby Hoffman, “Hacks”
Zoë Kravitz, “The Studio”
Julianne Nicholson, “Hacks”

Aktori mysafir në serial komedi
Jon Bernthal, “The Bear”
Bryan Cranston, “The Studio”
Dave Franco, “The Studio”
Ron Howard, “The Studio”
Anthony Mackie, “The Studio”
Martin Scorsese, “The Studio”. /Telegrafi/

The post Nominimet për “Emmy Awards 2025” – aktori 15 vjeçar i “Adolescence” bën histori si aktori më i ri i nominuar ndonjëherë appeared first on Telegrafi.

Nga Klodian Tomorri Dje Kapitali publikoi një investigim për rimbursimet fiktive me titull “Koçiut i plas bomba në tregun e ilaçeve/ Chiesi zbulon skemë gjigande të rimbursimeve fiktive në Shqipëri nga CFO Pharma dhe Bioplus.” Ne mbrëmje reagoi pronari i kompanisë CFO Pharma me një postim ne facebook. E pashë reagimin, e mirëkuptova dhe madje […]

The post Nëse investigon skandalet e qeverisë të sulmojnë Zegjinetë e PD-së appeared first on BoldNews.al.

Një numër i madh artistësh, aktivistësh dhe adhuruesish të animacionit u mblodhën të hënën mbrëma në Kinemanë e Liqenit në Parkun e Pejës për të hapur edicionin e 16-të të Festivalit Ndërkombëtar të Animacionit, Anibar, i cili këtë vit vjen me një pyetje urgjente dhe pa përgjigje të qartë: “Çfarë është e ardhmja?”.

Nën tingujt e korit dhe magjinë e animacionit, ceremonia e hapjes së festivalit u mbajt në një atmosferë të ngrohtë, me një publik entuziast nga vendi, rajoni e bota.

Mbrëmja nisi me një interpretim emocionues e të veçantë nga Kori i mirënjohur “Siparantum” nga Peja. Kurse, pas performancës, audienca pati mundësinë të shikojë filmin “Një Botë në
Kaos” nga David Crisp – një film që shpalos sfidat e shumta me të cilat po përballet planeti ynë.

Anibar këtë vit do të zgjasë deri më 20 korrik, për të sjellë mbi 160 filma nga 51 shtete të botës, ndër ta një kategori e veçantë e titulluar “Palestine Animated.” Filmat do të konkurrojnë në gjithsej 6 gara dhe 5 kategori jo-garuese.

Lexo po ashtu Të gjitha lajmet nga Anibar

Ndër tjera, një mori aktivitetesh – panele diskutimi, punëtori dhe propozime për animacione, do të mbahen nëpër hapësira të ndryshme të qytetit, përfshirë shfaqjet e filmave në Kinemanë Jusuf Gërvalla, Kinematë Kuba dhe Liqeni, Kinemanë Çarshia si dhe Galerinë e Arteve.

Po ashtu, programi profesional i festivalit, Anibar Pro, do të bashkojë krijues, mentorë, producentë dhe studio nga Kosova dhe vende të tjera evropiane për të shkëmbyer njohuri dhe për të zhvilluar projekte të reja në fushën e animacionit.

Anibar Pro mbështetet nga GENESIS, një iniciativë franceze-kosovare me mision fuqizimin e gjeneratave të reja të sipërmarrësve kreativë në animacion, lojëra digjitale dhe multimedia.

Për plot një javë, Peja do të gjallërohet me aktivitete krijuese, bashkëpunim, si dhe angazhim për mbrojtjen e mjedisit.

The post Festivali Anibar nis edicionin e 16-të appeared first on Telegrafi.

Një qytetare ka ngritur alarmin lidhur me cilësinë e produktit Ayran të kompanisë “Lufra” e cila po helmon shqiptarët me produktet e saj jashtë çdo standadi. Sipas denoncueses, ndonëse afati i skadencës së produktit është i shënuar për datën 26 korrik, por dhalla ka rezultuar e mykur menjëherë pas hapjes për konsum. Ky incident ngre […]

The post “Lufra” hedh në treg dhallë të mykur, qytetarja e alarmuar: Po na helmojnë! (VIDEO) appeared first on BoldNews.al.

Franshiza “Pirates of the Caribbean”, një nga më të suksesshmet në historinë e kinemasë, mund të sjellë sërish në ekran kastin origjinal: Johnny Depp, Orlando Bloom dhe Keira Knightley.

Sipas një raportimi të fundit nga ‘The DisInsider’, Disney është në diskutime për rikthimin e personazheve ikonë, Jack Sparrow, Will Turner dhe Elizabeth Swann, në filmin e gjashtë të sagës.

Në fillimet e saj, kjo aventurë, e prodhuar nga Jerry Bruckheimer, u mbështet te dinamika e tresheve Depp-Bloom-Knightley, duke krijuar një sukses të papritur që u kthye në një fenomen global.

Megjithatë, me kalimin e viteve dhe pas largimit të Bloom dhe Knightley, Depp mbeti protagonisti kryesor përkrah aktorëve të tjerë si Geoffrey Rush.

Zërat për rikthimin e mundshëm janë përforcuar edhe nga skena pas titrave të filmit të fundit të sagës, ku Will Turner (Orlando Bloom) dhe Elizabeth Swann (Keira Knightley) shfaqen së bashku.

Lexo po ashtu Të gjitha lajmet nga Johnny Depp

Në atë skenë, një hije misterioze hyn në dhomën e tyre, duke lënë të kuptohet rikthimi i Davy Jones, një nga antagonistët më të njohur të sagës. Kjo sugjeron një vijim të historisë që përfshin gjithë kastin origjinal.

Aktualisht, pak dihet për projektin e ri. Disa burime thonë se regjia do t’i besohet Joachim Ronning, ndërsa skenari po shkruhet nga Jeff Nathanson.

Fansat e sagës presin me padurim që këto spekulime të marrin konfirmim gjatë eventit më të rëndësishëm të Disney, D23 Expo, që do të zhvillohet nga 29 deri më 31 gusht 2025.

Nëse lajmet rezultojnë të vërteta, ky do të ishte një nga rikthimet më të bujshme në historinë e filmave aventurë. /Telegrafi/

The post Disney përgatit rikthimin e Johnny Depp, Orlando Bloom dhe Keira Knightley në “Pirates of the Caribbean” appeared first on Telegrafi.

Xhirimet e serialit televiziv të HBO-së “Harry Potter”, i cili përfaqëson rikthimin e shumëpritur në botën magjike të J.K. Rowling, kanë filluar zyrtarisht dhe është publikuar fotografia e parë nga xhirimet.

Kjo filloi në studion e Warner Bros. në Britaninë e Madhe, pothuajse 14 vjet që kur mbërriti episodi i fundit i filmave “Harry Potter”.

Seriali zbuloi gjithashtu pamjen e parë të Dominic McLaughlin si Harry Potter, i cili buzëqeshi i veshur me një kostum me syze të rrumbullakëta dhe një uniformë shkolle, të dallueshme për personazhin.

McLaughlin-it i bashkohen Arabella Stanton si Hermione Granger dhe Alastair Stout si Ron Weasley.

Treshja e re u zgjodh nga më shumë se 30 mijë aktorë që morën pjesë në audicione vjeshtën e kaluar.

Kasta e re e aktorëve e njoftuar të hënën përfshin Rory Wilmot si Neville Longbottom, Amos Kitson si Dudley Dursley, Louise Brealey si Madam Rolanda Hooch dhe Anton Lesser si Garrick Ollivander.

Gjithashtu është konfirmuar se seriali do të shfaqet premierë në vitin 2027 në HBO dhe HBO Max.

The cast so far for the new Harry Potter series on HBO Max pic.twitter.com/JmW3v9gorE

— Daily Harry Potter (@TheDailyHPotter) June 6, 2025

Versioni i ri i HBO-së i serialit të dashur do të ndjekë Potterin e ri teksa zbulon se është një magjistar, lë familjen e tij pas dhe shkon në Shkollën e Magjisë dhe të Shkëlqimit Hogwarts. /Telegrafi/

The post Publikohet fotografia e parë nga xhirimet e serisë “Harry Potter” appeared first on Telegrafi.

Gjatë një interviste për promovimin e filmit “Oppenheimer”, aktorja Florence Pugh zbuloi një incident teknik të sikletshëm që ndodhi gjatë xhirimeve të një skene intime me Cillian Murphy.

Skena në fjalë përfaqëson marrëdhënien e personazhit të Oppenheimer (Murphy) me Jean Tatlock (Pugh), një pjesë thelbësore e filmit që përfshin disa skena nudo.

Pugh tregoi se kamera u prish pikërisht në mes të një skene seksi, ndërsa të dy aktorët ishin plotësisht të zhveshur në një set të mbyllur.

Ajo tha me humor se nuk ishte koha më e përshtatshme për një ndërprerje teknike dhe se kishte shumë pak kamera në dispozicion.

Për ta kthyer situatën në një moment pozitiv, Pugh vendosi të mësojë diçka rreth kamerave.

Ndërsa një teknik (të cilin ajo e quajti kirurg i kamerës) hyri për të rregulluar pajisjen, ajo e pyeti me kureshtje për problemin teknik.

Nga ana tjetër, Murphy konfirmoi se regjisori Christopher Nolan e përfshiu qëllimisht skenën eksplicite, duke qenë i vetëdijshëm se do ta çonte filmin drejt një klasifikimi R (vetëm për të rritur).

Ai e justifikoi vendimin duke thënë se skenat janë “shumë të fuqishme dhe jo të tepruara”.

Murphy gjithashtu vlerësoi performancën e Pugh, duke e cilësuar si “mahnitëse”, pavarësisht kohës së kufizuar në ekran.

Filmi “Oppenheimer”, fitues i çmimeve Oscar është tashmë i disponueshëm në Netflix. /Telegrafi/

The post Florence Pugh rrëfen një moment të sikletshëm gjatë xhirimeve të një skene intime me Cillian Murphy në “Oppenheimer” appeared first on Telegrafi.

Filmi më i ri i Warner Bros, “Superman”, ka debutuar me sukses të madh në kinematë amerikane dhe ndërkombëtare, duke shënuar një fillim të fuqishëm për epokën e re të super-heronjve të DC Comics në ekranin e madh.

Gjatë fundjavës së hapjes, filmi ka arkëtuar 110 milionë euro në Shtetet e Bashkuara dhe Kanada, ndërsa në tregjet ndërkombëtare ka grumbulluar 90 milionë euro, duke çuar totalin global në 200 milionë euro, sipas të dhënave të konfirmuara nga Warner Bros të dielën.

Ky film përfaqëson një rilindje të françizës së Supermanit, një nga figurat më ikonike të botës, që u shfaq për herë të parë në vitin 1938. Në këtë version të ri, rolin e luan aktori David Corenswet, i cili për herë të parë merr përsipër këtë karakter legjendar.

Suksesi ose dështimi i këtij filmi shihet si vendimtar për të ardhmen e studios Warner Bros dhe të degës së saj të specializuar, DC Studios. Megjithëse DC ka në portofol emra të mëdhenj si “Batman” dhe “Wonder Woman”, ndër vite nuk ka arritur të rivalizojë fuqinë tregtare të Marvel-it dhe sukseset e tij nën ombrellën e Disney-t.

Filmi i ri është shkruar dhe drejtuar nga James Gunn, i njohur më parë për trilogjinë e suksesshme të “Guardians of the Galaxy” në Marvel.

Gunn u emërua bashkëdrejtor i DC Studios në vitin 2022, së bashku me producentin Peter Safran, me qëllimin për të reformuar dhe rilindur universin kinematografik të DC-së.

Me një nisje kaq të fortë dhe interes të lartë nga publiku, “Superman” pritet të jetë një ndër shtyllat kryesore në rindërtimin e botës së DC-së në ekranin e madh dhe të japë tonin për filmat e ardhshëm që do të ndjekin këtë linjë të re kreative. /Telegrafi/

The post “Superman” rikthehet fuqishëm – filmi i ri mbledh 200 milionë euro në fundjavën e parë appeared first on Telegrafi.

Këngëtari i njohur amerikan, Chris Brown, është deklaruar i pafajshëm për dy akuza të reja në lidhje me një sulm të dyshuar në një klub nate në Londër në vitin 2023. Ai u paraqit në Gjykatën e Kurorës në Southwark të premten, më 11 korrik, për seancën më të fundit gjyqësore.

Sipas BBC, 36-vjeçari u deklarua i pafajshëm për shkaktim të dëmtimit të vërtetë trupor ndaj producentit muzikor Abe Diaw, si dhe për mbajtje të një arme të rrezikshme, në këtë rast një shishe tekile, gjatë incidentit të dyshuar.

Prokuroria e përshkroi sulmin si të “paprovokuar”, ndërsa gjatë daljes nga gjykata, Brown – përshëndeti shkurtimisht fansat që kishin ardhur ta mbështesnin. Më herët, më 20 qershor, autori i hitit “Forever” ishte deklaruar po ashtu i pafajshëm për shkaktim të lëndimeve të rënda trupore lidhur me të njëjtin incident.

Chris Brown u arrestua më 15 maj 2025 nga Policia Metropolitane e Londrës në një hotel në Manchester. Sipas deklaratës zyrtare:

“Një 36-vjeçar u arrestua rreth orës 02:00 në lidhje me një sulm të dyshuar më 19 shkurt 2023 në një lokal në Hanover Square.”

Më 21 maj, ai u lirua me garanci prej 6.7 milionë dollarësh, duke paguar menjëherë 4.5 milionë dhe pjesën tjetër brenda një jave. Atij iu kërkua të dorëzojë pasaportën nëse nuk është në udhëtim për turne, dhe të njoftojë gjykatën për adresën e banimit.

Derisa të nisë gjyqi më 24 tetor 2026, Brown nuk lejohet të largohet nga Mbretëria e Bashkuar, nuk mund të kontaktojë me akuzuesin dhe nuk mund të vizitojë klubin ku ndodhi incidenti.

Në nëntor 2023, Abe Diaw e paditi Brown në një gjykatë civile në Los Angeles, duke pretenduar se ishte goditur në kokë  dhe kishte pësuar lëndime të përhershme, përfshirë çarje në kokë, dëmtime në këmbë dhe shqetësim të madh emocional. Si armë u përmend një shishe tekile Don Julio 1942.

Sidoqoftë, më 27 qershor 2025, Diaw kërkoi të tërhiqte padinë civile, me vendim që e ndalon atë të rihapë çështjen në të ardhmen. Megjithatë, procesi penal në Mbretërinë e Bashkuar mbetet aktiv dhe Brown përballet ende me akuzat penale.

The post Chris Brown deklarohet i pafajshëm për sulmin në Londër appeared first on Lapsi.al.

Një tjetër incident raportohet nga Thethi, në vazhdën e prishjes së ndërtimeve pa leje.

Disa persona kanë gjuajtur me molotov fadromat e IKMT si dhe urën në lagjen “Gjelaj”.

Dëmet janë të konsiderueshme. Policia ndërkohë është vënë në ndjekje të tyre.

The post Sulm në Theth/ Fadromat e IKMT-së qëllohen me molotov nga disa persona appeared first on Sot News | Lajme.

Një sulm ajror izraelit ka goditur palestinezë pranë një qendre mjekësore në Rripin e Gazës të enjten, duke i vrarë 10 fëmijë dhe gjashtë të rritur, sipas zyrtarëve shëndetësorë.

Sulmi ndodhi në një kohë kur nuk duket se do të arrihet së shpejti ndonjë marrëveshje në bisedimet për armëpushim që janë duke u zhvilluar.

Pamjet e verifikuara nga sulmi në Deir al-Balah, në pjesën qendrore të Rripit të Gazës, shfaqin trupat e grave dhe fëmijëve të shtrirë në pellgje gjaku, raporton Reuters.

Një video tjetër shfaq disa fëmijë të palëvizshëm të shtrirë mbi një karrocë gomari.

“Ajo nuk bëri asgjë, ishte e pafajshme, betohem. Ëndrra e saj ishte që lufta të përfundonte dhe që ata të njoftonin sot, në mënyrë që ajo të kthehej në shkollë”, tha Samah al-Nouri, duke qëndruar pranë trupit të vajzës së saj që u vra në sulm.

“Ajo thjesht po merrte trajtim në një qendër mjekësore. Pse i vranë?” tha ajo.

Ushtria izraelite tha se e goditi një militant që kishte marrë pjesë në sulmin e udhëhequr nga Hamasi më 7 tetor 2023 në Izrael, i cili e shkaktoi fillimin e luftës në Gazë.

Hamasi është organizatë e shpallur terroriste nga Shtetet e Bashkuara dhe fuqitë e tjera.

Ushtria izraelite shtoi se është në dijeni të raportimeve për kalimtarë të plagosur dhe theksoi se po e heton këtë incident.

Sulmi me raketë në Deir al-Balah ndodhi ndërsa negociatorët izraelitë dhe të Hamasit po zhvillonin bisedime me ndërmjetësit në Katar për një marrëveshje të propozuar për armëpushim 60-ditor dhe për lirimin e pengjeve.

Një zyrtar i lartë izraelit tha të mërkurën se nuk pritej arritja e ndonjë marrëveshjeje për të paktën një ose dy javë, megjithatë sekretari amerikan i Shtetit, Marco Rubio, tha të enjten se është shpresëplotë për një marrëveshje.

“Mendoj se jemi më pranë, ndoshta më afër se sa kemi qenë prej kohësh”, tha Rubio për gazetarët në samitin e ASEAN-it në Malajzi.

Në disa runde bisedimesh indirekte mes Izraelit dhe grupit militant palestinez Hamas nuk është arritur ndonjë përparim që nga rifillimi i fushatës ushtarake izraelite në mars, pas një armëpushimi të mëparshëm.

Sulmet e përsëritura nga forcat izraelite javët e fundit kanë vrarë qindra banorë të Gazës, shumë prej tyre civilë, dhe kanë plagosur mijëra të tjerë, sipas autoriteteve lokale shëndetësore.

Presidenti amerikan, Donald Trump, u takua këtë javë me kryeministrin izraelit, Benjamin Netanyahu, për të diskutuar situatën në Gazë.

Zyrtari izraelit që ishte në Uashington me Netanyahun tha se, nëse të dyja palët pajtohen për planin e armëpushimit, Izraeli do ta përdorte atë periudhë për të ofruar një marrëveshje për paqe të përhershme që do të kërkonte çarmatosjen e Hamasit.

Nëse Hamasi refuzon, “ne do të vazhdojmë” me operacionet ushtarake në Gazë, tha zyrtari në kushte anonimiteti.

Një zyrtar palestinez tha se bisedimet në Katar janë në krizë dhe se çështjet e diskutueshme, përfshirë nëse Izraeli do të vazhdojë të pushtojë pjesë të Gazës pas një armëpushimi, nuk janë zgjidhur ende.

Lufta nisi pasi Hamasi sulmoi Izraelin më 7 tetor 2023, duke vrarë rreth 1.200 njerëz dhe duke marrë peng 251 të tjerë.

Shumica e pengjeve janë liruar gjatë armëpushimeve të mëparshme.

Ofensiva e Izraelit në Gazë ka vrarë më shumë se 57.000 palestinezë, mbi gjysma e tyre gra dhe fëmijë, sipas Ministrisë së Shëndetësisë në Gazë. /REL

The post Sulmi ajror izraelit vret 10 fëmijë pranë një qendre mjekësore në Gaza appeared first on Sot News | Lajme.

Të gjithë janë dakord: po bëhet gjithnjë e më keq. Banorët e Kievit, ashtu si qytetarët e qyteteve të tjera ukrainase, kanë kaluar shumë gjëra. Pas 3 vitesh e gjysmë me fate të luhatshme, ata janë ende të fortë dhe jashtëzakonisht elastikë.

Por muajt e fundit, ata kanë përjetuar diçka të re: valë të gjera dhe të koordinuara sulmesh nga ajri, që përfshijnë qindra dronë dhe raketa, shpesh të përqendruara në një qytet të vetëm. Mbrëmë, ishte Kievi. Dhe javën e kaluar gjithashtu. Ndërkohë, ishte edhe Lutsk në perëndimin e largët.

Tre vjet më parë, dronët Shahed të furnizuar nga Irani ishin një risi relative. Mbaj mend që dëgjova të parin të bënte një hark të ngadaltë në qiellin e natës mbi qytetin jugor të Zaporizhzhisë në tetor 2022.

Por tani të gjithë janë të njohur me tingullin dhe versionin e tij më të frikshëm të kohëve të fundit: një ulërimë bombardimi në zhytje që disa e kanë krahasuar me aeroplanin gjerman Stuka të Luftës së Dytë Botërore.

Zhurma e tufave të dronëve që po afroheshin i ka kthyer civilët në strehimoret kundër bombardimeve, në metro dhe në parkingje nëntokësore për herë të parë që nga ditët e para të luftës.

“Shtëpia u drodh sikur të ishte bërë prej letre” më tha Katya, një banore e Kievit, pas bombardimeve të rënda të natës së kaluar. “E kaluam gjithë natën ulur në banjo.” “Shkova në parking për herë të parë,” më tha një banore tjetër, Svitlana. “Ndërtesa u drodh dhe mund të shihja zjarre përtej lumit.”

Sulmet nuk marrin gjithmonë jetë, por ato po përhapin frikë dhe po gërryejnë moralin. Pas një sulmi në një bllok banimi në Kiev javën e kaluar, një gjyshe e tronditur, Mariia, më tha se nipi i saj 11-vjeçar ishte drejtuar nga ajo, në strehimore, dhe tha se e kuptonte kuptimin e vdekjes për herë të parë.

Ai ka çdo arsye për të qenë e frikësuar. Misioni i OKB-së për Monitorimin e të Drejtave të Njeriut në Ukrainë (HRMMU) thotë se qershori shënoi numrin më të lartë të viktimave civile mujore në tre vjet, me 232 të vrarë dhe mbi 1300 të plagosur. Shumë do të jenë vrarë ose plagosur në komunitete afër vijave të frontit, por të tjerë janë vrarë në qytete larg luftimeve.

“Rritja e sulmeve me raketa dhe dronë me rreze të gjatë veprimi në të gjithë vendin ka sjellë edhe më shumë vdekje dhe shkatërrime për civilët larg vijës së frontit”, – thotë Danielle Bell, drejtuese e HRMMU-së. Modifikimet në dizajnin e dronëve Shahed i kanë lejuar atij të fluturojë shumë më lart se më parë dhe të zbresë mbi objektivin e tij nga një lartësi më e madhe. Rrezja e tij e veprimit është rritur gjithashtu, në rreth 2,500 km dhe është i aftë të mbajë një ngarkesë më vdekjeprurëse (nga rreth 50 kg eksploziv në 90 kg).

Hartat e gjurmimit të prodhuara nga ekspertët vendas tregojnë masa të dronëve Shahed që ndonjëherë marrin rrugë rrethore nëpër Ukrainë përpara se të synojnë objektivat e tyre. Shumë prej tyre – shpesh deri në gjysmën e tyre – janë karrem, të projektuar për të ngatërruar dhe mbingarkuar mbrojtjen ajrore të Ukrainës. Vijat e tjera të drejta tregojnë rrugët e raketave balistike ose të lundrimit: shumë më pak në numër, por armët në të cilat mbështetet Rusia për të shkaktuar dëmin më të madh.
Analiza nga Instituti për Studimin e Luftës me seli në Uashington tregon një rritje të sulmeve me dronë dhe raketa të Rusisë në dy muajt pas inaugurimit të Donald Trump në janar. Marsi pa një rënie të lehtë, me rritje të herëpashershme, deri në maj, kur numrat papritmas u rritën në mënyrë dramatike.

Rekorde të reja janë vendosur me rregullsi alarmuese. Qershori pa një rekord të ri mujor prej 5,429 dronësh, korriku ka parë më shumë se 2,000 vetëm në 9 ditët e para. Me rritjen e prodhimit në Rusi, disa raporte sugjerojnë se Moska së shpejti mund të jetë në gjendje të qëllojë mbi 1,000 raketa dhe dronë në një natë të vetme. Ekspertët në Kiev paralajmërojnë se vendi është në rrezik të mbingarkohet.

“Nëse Ukraina nuk gjen një zgjidhje se si të merret me këto dronë, do të përballemi me probleme të mëdha gjatë vitit 2025”, thotë ish-oficeri i inteligjencës Ivan Stupak. “Disa nga këta dronë po përpiqen të arrijnë objekte ushtarake, por pjesa tjetër, po shkatërrojnë apartamente, po bien në ndërtesa zyrash dhe po shkaktojnë shumë dëme te qytetarët.”

Me gjithë aftësitë e tyre në rritje, dronët nuk janë një armë e sofistikuar. Por ato përfaqësojnë një shembull tjetër të hendekut të madh në burime midis Rusisë dhe Ukrainës. Kjo gjithashtu ilustron bukur maksimën, që i atribuohet udhëheqësit të Bashkimit Sovjetik gjatë Luftës së Dytë Botërore, Joseph Stalin, se “sasia ka një cilësi të vetën”.

“Kjo është një luftë burimesh”, thotë Serhii Kuzan, i Qendrës Ukrainase për Siguri dhe Bashkëpunim me seli në Kiev. “Kur prodhimi i raketave të veçanta u bë shumë i ndërlikuar – shumë i shtrenjtë, shumë komponentë, shumë rrugë furnizimi të ndërlikuara – ata u përqendruan në këtë lloj të veçantë droni dhe zhvilluan modifikime dhe përmirësime të ndryshme.”

Sa më shumë dronë në një sulm të vetëm, thotë Kuzan, aq më shumë njësitë e mbrojtjes ajrore të Ukrainës, të cilat janë në vështirësi, kanë vështirësi t’i rrëzojnë ato. Kjo e detyron Kievin të mbështetet në furnizimin e saj të çmuar me avionë luftarakë dhe raketa ajër-ajër për t’i rrëzuar ata.

“Pra, nëse dronët shkojnë si një tufë, ata shkatërrojnë të gjitha raketat e mbrojtjes ajrore”, thotë ai. Prandaj Presidenti Zelensky bën thirrje të vazhdueshme drejtuar aleatëve të Ukrainës që të bëjnë më shumë për të mbrojtur qiellin e saj. Jo vetëm me raketat Patriot – jetësore për t’iu kundërvënë kërcënimit më të rrezikshëm balistik rus – por edhe me një gamë të gjerë sistemesh të tjera.

Të enjten, qeveria britanike tha se do të nënshkruante një marrëveshje mbrojtjeje me Ukrainën për të siguruar më shumë se 5,000 raketa të mbrojtjes ajrore. Kievi do të kërkojë shumë më tepër marrëveshje të tilla në muajt e ardhshëm. ©BBC, LAPSI.al

The post Në Ukrainë po bëhet keq e më keq/ Si po e ndryshon Rusia luftën me dronët e saj appeared first on Lapsi.al.

Shërbimi Sekret i SHBA-së, agjencia që mbron presidentët, familjet e tyre dhe udhëheqësit e huaj që vijnë për vizitë, ka pezulluar gjashtë punonjës. Masa erdhi pasi u gjendën përgjegjës për sulmin ndaj Donald Trump gjatë tubimi zgjedhor në Butler të Pensilvanisë, më 13 korrik 2024.

Zëvendësdrejtori i agjencisë, Matt Quinn tha në një intervistë me CBS News se masat disiplinore variojnë nga 10 deri në 42 ditë, duke specifikuar se punonjësit do të kenë “përgjegjësi të kufizuara” ose “role me një nivel të reduktuar të përgjegjësisë operacionale” pas kthimit të tyre.

Quinn më parë mbrojti vendimin për të mos pushuar askënd nga puna pas sulmit ndaj Butler, kur 20-vjeçari Thomas Matthew Crooks qëlloi nga një çati pranë skenës ku Trump po mbante fjalimin elektoral, duke e goditur presidentin në vesh.

Një person vdiq si pasojë e sulmit, ndërsa Crooks u vra nga një snajper i Shërbimit Sekret.

Gjatë intervistës, Quinn pranoi se agjencia ishte përgjegjëse për sulmin, i cili përfaqësonte “një dështim operacional”. “Ne jemi të përqendruar në adresimin e shkakut rrënjësor të problemit dhe mangësive që na vunë në atë situatë, për t’u siguruar që kjo të mos ndodhë më kurrë”.

The post “Gabime që s’duhen përsëritur”/ Pas sulmit ndaj Trump: 6 agjentë të Shërbimit Sekret pezullohen appeared first on Sot News | Lajme.

KIEV, 10 korrik /ATSH-DPA/ – Rusia nisi një seri sulmesh me dronë dhe raketa në kryeqytetin ukrainas gjatë natës, duke aktivizuar mbrojtjen ajrore në qendër të Kievit dhe shkaktuar dy viktima dhe 13 të pagosur.

Shpërthime nga ato që besohet se ishin raketa dhe dronë u dëgjuan në të gjithë qytetin, ndërsa mbrojtja ajrore iu përgjigj valëve të shumta sulmesh.

Forca ajrore ukrainase kishte paralajmëruar paraprakisht për raketa balistike që po vinin dhe dhjetëra dronë luftarakë.

Zyrtarët thanë se mbetjet e dronëve që binin shkaktuan zjarre në disa rrethe. Sirenat e sulmeve ajrore u aktivizuan në më shumë se gjysmën e vendit.

Ukraina ka qenë duke u mbrojtur nga një pushtim rus në shkallë të plotë për më shumë se tre vjet dhe po u kërkon aleatëve perëndimorë të forcojnë sistemet e saj të mbrojtjes ajrore mes sulmeve gjithnjë e më intensive ruse. /os/

The post KIEV – Sulme masive ruse gjatë natës, 2 të vdekur dhe 13 të plagosur appeared first on Agjencia Telegrafike Shqiptare.

MOSKË, 9 korrik /ATSH-AFP/ – Ukraina pretendoi sot se Rusia nisi sulmin e saj më të madh me dronë dhe raketa gjatë natës që nga fillimi i pushtimit në shkurt 2022, mes përshkallëzimit të sulmeve ruse dhe një ngërçi diplomatik.

Ky raund i ri sulmesh vjen pasi presidenti i SHBA-së Donald Trump njoftoi të hënën se po dërgonte “më shumë armë” në Kiev, kryesisht armë “mbrojtëse”, dhe të nesërmen akuzoi Vladimir Putinin se po fliste “budallallëqe” për Ukrainën.

“Rusia nisi 728 dronë dhe 13 raketa”, sipas Forcave Ajrore Ukrainase, të cilat pretenduan se kishin kapur ose shkatërruar përkatësisht 711 dhe shtatë prej tyre.

Sulmet e natës lanë një person të vdekur në rajonin Khmelnytskyi (perëndim) dhe tetë të plagosur në Kiev, Sumy (verilindje), Zaporizhzhia (jug) dhe Kherson (jug), sipas autoriteteve lokale.

Presidenti ukrainas Volodymyr Zelensky, i cili mbërriti sot në Romë për bisedime me homologun e tij italian, Sergio Mattarella, papa Leonen XIV dhe të dërguarin e SHBA-së Keith Kellogg, denoncoi refuzimin e Rusisë për të rënë dakord për një armëpushim.

Ai bëri thirrje edhe një herë për “sanksione të ashpra” kundër Moskës dhe ekonomisë së saj, veçanërisht sektorit të naftës, “i cili ka ushqyer makinën e luftës së Moskës për më shumë se tre vjet”.

“Të gjithë ata që duan paqe duhet të veprojnë”, këmbënguli ai.

Kievi ka akuzuar edhe Pekinin për shumë muaj se furnizon Moskën me pjesë thelbësore për programin e raketave dhe dronëve të Rusisë dhe do të donte të shihte sanksione perëndimore kundër Kinës.
Shërbimi i Sigurisë Ukrainase (SBU) njoftoi sot arrestimin e dy shtetasve kinezë, babë dhe bir, të dyshuar për spiunazh në lidhje me prodhimin e raketave ukrainase kundër anijeve “Neptune”.
Ndërkohë, Ministria ruse e Mbrojtjes pretendoi se kishte shënjestruar dhe “goditur” disa objekte të aviacionit ushtarak në Ukrainë gjatë natës, përveç rrëzimit të 86 dronëve ukrainas në territorin e saj.
Ndërkohë, sulmet ruse vranë tetë civilë sot në mëngjes në rajonin e Donetskut në Ukrainën lindore, sipas zyrës së prokurorit rajonal./ /os/

The post FOKUS – Rusia nis sulmin e saj më të madh me dronë dhe raketa kundër Ukrainës appeared first on Agjencia Telegrafike Shqiptare.

Kievi tha të mërkurën se Rusia kreu sulmin më të madh me raketa dhe me dronë gjatë pushtimit mbi trevjeçar të Ukrainës, duke goditur kryesisht perëndimin e saj.

Forca ajrore e Ukrainës tha se Rusia sulmoi me 728 dronë dhe me 13 raketa, duke shtuar se sistemet e mbrojtjes ajrore ukrainase penguan 711 dronë, dhe se të paktën shtatë raketa u shkatërruan, raporton AFP.

“Ky është sulm tregues, i cili ndodhi pikërisht në kohën kur po bëhen aq shumë përpjeke për të arritur paqe, për të arritur armëpushim. Por, vetëm Rusia po vazhdon t’i minojë ato”, shkroi presidenti i Ukrainës, Volodymyr Zelensky, në mediat sociale.

Ai u bëri thirrje aleatëve që të ashpërsojnë sanksionet ndaj Rusisë, veçanërisht duke goditur sektorin e saj të energjisë, një rrjedhë e rëndësishme të ardhurash për arkën e luftës të Rusisë.

“Partnerët tanë dinë se si të zbatojnë trysni në një mënyrë që do ta detyrojë Rusinë të mendojë për përfundimin e luftës, e jo për kryerjen e sulmeve të reja”, shtoi Zelensky.

Prefekti i qytetit perëndimor Luck, Igor Polishchuk, tha se në një “ndërmarrje” shpërthyen zjarre, dhe se askush nuk është raportuar të jetë vrarë apo plagosur.

Sulmi i fundit ia kaloi rekordit të mëparshëm rus prej 550 dronësh dhe raketash, të lëshuara më herët këtë muaj. Ai ndodhi pasi Shtetet e Bashkuara ndryshuan qëndrim sa i përket reduktimit të furnizimit të Ukrainës me armë.

“Rusia e kreu këtë sulm pasi SHBA-ja deklaroi publikisht se do të na furnizojë me armë”, tha shefi i stafit të presidentit ukrainas, Andriy Yermak, në mediat sociale. REL/

The post Ukraina thotë se Rusia kreu sulmin më të madh të luftës me dronë e me raketa appeared first on Sot News | Lajme.

Marka amerikane e modës American Apparel është vënë nën vëzhgimin e publikut pasi Netflix publikoi dokumentarin “Trainwreck: The Cult of American Apparel”, i cili heton skandalet që ndodhën prapa skenave.

Ky dokumentar me regji të Sally Rose Griffiths zbulon ngritjen dhe rënien e këtij ish-gjigandi të modës. Trajton temën e ngacmimit në vendin e punës nën udhëheqjen e Drejtorit Ekzekutiv Dov Charney.

Ai themeloi American Apparel në vitin 1989, ndërsa ishte ende student në Universitetin Tufts. Menjëherë pas kësaj, ai hoqi dorë nga studimet. Marka e përmendur kishte një reputacion të mirë deri në vitin 2014, kur Charney u akuzua për ngacmim dhe abuzim seksual. Ai i mohoi të gjitha akuzat.

Dokumentari përfshin, ndër të tjera, dëshmi nga ish-punonjës dhe klipe audio në të cilat Charney i quan punëtorët “budallenjtë e javës” dhe i abuzon më tej verbalisht ata.

Gjithashtu u publikua një regjistrim në të cilin ai flet hapur për marrëdhënie seksuale me punonjëse femra. Në një rast, ai eci lakuriq para dy punonjëseve femra, gjë që u shfaq gjithashtu. U tha se gjykata i rrëzoi këto raste për shkak të marrëveshjeve të konfidencialitetit të nënshkruara nga punonjësit.

Bordi i drejtorëve të American Apparel më pas hetoi Charney-n dhe fillimisht e pezulloi atë për sjellje të gabuar dhe shkelje të politikave të kompanisë, dhe ai u shkarkua në vitin 2014.

Menaxheri i Charney-t tha në një deklaratë për Entertainment Weekly se pavarësisht rrëfimit të këtij dokumentari të Netflix-it, ai nuk u shpall kurrë përgjegjës për ngacmim seksual apo ndonjë gjë tjetër. /Telegrafi/

The post Dokumentari i ri i Netflix zbulon “kultin” e ish-gjigantit të modës: Abuzimi seksual në fokus appeared first on Telegrafi.

Në kuadër të aksionit ndaj bashkive të kontrolluara nga Partia Republikane e Popullit, në opozitë, policia në Turqi ka arrestuar kryetarët e tre qyteteve.

Bëhet fjalë për kryetarët e qyteteve Adana, Adijaman dhe Antalia, të cilët ranë në pranga ditën e shtunë nën akuzën e korrupsionit.

Duke reaguar përmes rrjeteve sociale, njëri prej të arrestuarve, nënkryetari i Partisë Republikane të Popullit, Burhanetin Bulut deklaroi se:

“Ata që përdorin gjyqësorin si një mjet për hakmarrje politike nuk duan t’ia dinë për ligjin, por mbrojnë pushtetin personal”.

Bulut theksoi se, ai dhe partia të cilës i përket nuk do t’i nënshtrohen kurrë atij që e quajti “sistem i pistë”, që sulmon vullnetin e popullit.

Edhe kryebashkiakët e tjerë e njoftuan përmes rrjetit “X” arrestimin. “Më morën nga shtëpia ime në Ankara këtë mëngjes dhe po më çojnë në Stamboll”, tha kryetari i lokalitetit Adijaman, Abdurrahman Tutdere.

Përveç arrestimeve, policia turke kreu edhe një seri kontrollesh në zyrat e kryebashkiakëve, të cilët dyshohen se kanë bashkëpunuar me një organizatë kriminale.

Në kuadër të këtij hetimi, i udhëhequr nga Zyra e Kryeprokurorit Publik, u kryen 10 arrestime, përfshirë zyrtarët e lartë të pushtetit vendor.

LEXONI GJITHASHTU:

• Shkarkohet nga detyra drejtori i burgut të Drenovës të Korçës, Fatjon Fasho
• Xhelal Sveçla: Kërcënimi për bombë në Kuvendin e Kosovës, sulm hibrid nga Serbia

The post Turqi: Arrestohen kryebashkiakët e tre qyteteve, opozita: Sulm politik appeared first on Euronews Albania.

Një person është vrarë dhe 26 të tjerë janë plagosur pas një nate sulmesh intensive ruse në pothuajse çdo lagje të Kievit, thonë zyrtarët.

Sipas mediave të huaja, një re tymi i athët varej mbi kryeqytetin ukrainas të premten në mëngjes, pas orëve të muzgut, të ndërprera nga zhurma e armëve të mbrojtjes ajrore, zhurma e dronëve dhe shpërthime të mëdha. Ukraina tha se Rusia qëlloi një rekord prej 539 dronësh dhe 11 raketash.

Sulmet erdhën disa orë pas një telefonate midis Presidentit të SHBA-së Donald Trump dhe atij të Rusisë Vladimir Putin, pas së cilës Trump tha se ishte “i zhgënjyer” që Putini nuk ishte gati t’i jepte fund luftës kundër Ukrainës.

Moska thotë se lufta do të vazhdojë për aq kohë sa është e nevojshme për të arritur objektivat e saj.

Sulmet ajrore të Rusisë gjatë natës thyen një tjetër rekord, thanë forcat ajrore të Ukrainës, me 72 nga 539 dronë që depërtuan në mbrojtjet ajrore, nga një rekord i mëparshëm prej 537 të lëshuar të shtunën e kaluar në mbrëmje.

Alarmet për sulme ajrore tingëlluan për më shumë se tetë orë, ndërsa disa valë sulmesh goditën Kievin, “objektivin kryesor të sulmeve”, thanë forcat ajrore në aplikacionin e mesazheve Telegram.

Pamjet e shpërndara në mediat sociale nga shërbimi shtetëror i emergjencave të Ukrainës treguan zjarrfikësit duke luftuar për të shuar zjarret në Kiev pas sulmit të Rusisë gjatë natës.

Presidenti ukrainas Volodymyr Zelensky i dënoi sulmet si një nga sulmet më “demonstrativisht domethënëse dhe cinike” të luftës, duke i përshkruar si një “natë të ashpër dhe pa gjumë”.

Duke vënë në dukje se kjo ndodhi menjëherë pas telefonatës së Putinit me Trumpin, Zelensky shtoi në një postim në Telegram: “Rusia edhe një herë tregon se nuk ka ndërmend t’i japë fund luftës”.

Ai u bëri thirrje aleatëve ndërkombëtarë, veçanërisht SHBA-së, të rrisin presionin mbi Moskën dhe të vendosin sanksione më të mëdha.

Më vonë të premten, Zelensky dhe Trump zhvilluan një telefonatë në lidhje me furnizimin me armë amerikane, të cilën udhëheqësi ukrainas e quajti një “bisedë shumë të rëndësishme dhe të frytshme”. Kjo ndodhi pasi Uashingtoni vendosi të ndalojë disa dërgesa të armëve kritike në Ukrainë, përfshirë ato të përdorura për mbrojtjen ajrore.

“Ne folëm për mundësitë në mbrojtjen ajrore dhe ramë dakord se do të punojmë së bashku për të forcuar mbrojtjen e qiejve tanë”, tha Zelensky në një postim në ‘X’

The post Oferta e Trump për armëpushim refuzohet, Rusia intensifikon sulmet në Ukrainë appeared first on Sot News | Lajme.

Izraeli ka përshkallëzuar ofensivën e tij në Gaza përpara bisedimeve të afërta për një armëpushim, me anije luftarake dhe artileri që kanë nisur një nga bombardimet më vdekjeprurëse dhe më intensive në territorin e shkatërruar palestinez prej shumë muajsh.

Mjekët dhe zyrtarët në Gaza raportuan se rreth 90 persona u vranë gjatë natës dhe të enjten, përfshirë shumë gra dhe fëmijë. Ata thanë se natën e së martës dhe të mërkurën numri i viktimave ishte më i lartë. Ndër viktimat ishte Marwan al-Sultan, një kardiolog dhe drejtor i spitalit indonezian në Gazën veriore, i cili vdiq në një sulm ajror që vrau gjithashtu gruan dhe pesë fëmijët e tij.

Në total, rreth 300 persona mund të jenë vrarë këtë javë dhe mijëra të tjerë të plagosur, sipas zyrtarëve.

Pavarësisht valës së re të dhunës në Gaza, shpresat për një armëpushim janë rritur pas njoftimit të Donald Trump të martën se Izraeli kishte pranuar kushtet e një marrëveshjeje të mundshme me Hamasin.

Marrëveshja do të përfshinte një pauzë fillestare 60-ditore të armiqësive, një tërheqje të pjesshme të forcave izraelite nga Gaza dhe lirimin e disa prej pengjeve që mbahen ende nga Hamasi.

The post Ofensivë e përgjakshme në Gaza, Izraeli intensifikon ofensivën mes shpresave për paqe appeared first on Sot News | Lajme.