Ukraina festoi këtë të dielë 34 vjetorin e Shpalljes së Pavarësisë nga Bashkimi Sovjetik, në atë që konsiderohet festa më e rëndësishme shtetërore pavarësisht se prej 3 vitesh vendi është në luftë me Rusinë.

Në një fjalim drejtuar Kombit Presidenti Ukrainas Volodymir Zelensky u shpreh se është vetë çështje kohe përpara se Ukraina të jetë e bashkuar sërisht si një familje, ndërsa shtoi se një paqe e drejtë është ajo ku Ukraina vendos vetë për të ardhmen e saj. Zelensky ripërsëriti zotimin e tij se nuk do të ketë lëshime territoriale, ndërsa shtoi se ndonëse nuk e kanë fituar ende këtë luft, sigurisht që Ukraina as nuk ka humbur.

Dhjetëra Liderë Botëror uruan Ukrainën në përvjetorin e pavarësisë së saj ku mes tyre edhe Presidenti Amerikan Donald Trump. Në letrën drejtuar Zelenskyt kreu I Shtëpisë së Bardhë teksa vlerëson sakrficat dhe qëndresën e popullit Ukrainas për liri shkruan se duhet ti jepet fund vrasjeve të pakuptimta nëpërmjet një marrëveshje paqeje të qëndrueshme dhe afatgjatë.

Në ceremoninë e 34 vjetorit të pavarësisë Ukrainase që u mbajt këtë të dielë në Kiev mori pjesë edhe I dërguari i Donald Trump për Luftën Rusi- Ukrainë Keith Kellog I cili u nderua nga Zelensky me cmimin Urdhëri I Meritës.

Krah presidentit Ukrainas në këtë ditë të rëndësisshme ishte edhe kryeministri Kanadez Mark Carney I cili tha se vendi I tij do të qëndrojë gjithmonë në krah të Kievit. Në mesin e dhjetërave personaliteteve të larta që Uruan Ukrainën për Pavarësisnë e saj ishte edhe Papa Leoni I 14 I cili në letrën drejtuar Zelensyt shkroi se ai lutet për plagët e popullit Ukrainas dhe shpreson që shumë shpejt të ketë heshtje të armëve dhe t’I hapet rrugë dialogut dhe paqes.

Nderkohe qe ne Kiev mbaheshin festimet e pavaresise Ukrainase  Rusia fajsoi këtë të dielë Kievin, duke thene se forcat ushtarake te trye kishin sulmuar me dron njërin prej centraleve të saj bërthamore në rajonin   perëndimor të Kurskut, duke thënë se sulmi kishte shkaktuar një zjarr që u shua shpejt dhe fatmirësisht nuk pati viktima.

Moska zyrtare tha se sulmi me drone kishte dëmtuar një transformator, megjithatë sipas njoftimit të dhënë në Telegram nivelet e rrezatimin në centralin bërthamor ishin brenda normës. Agjencia Ndërkombëtare e Energjisë Atomike iu ka bërë thirrje vazhdimisht si Rusisë ashtu edhe Ukrainës që të tregojnë përmbajtje maksimale  sa i perket sulmeve ndaj objekteve bërthamore përgjatë luftës.

Kremlini tha se sulmet Ukrainase goditën këtë të dielë edhe portin Ust – Lugë në Shën Petersburg duke shkaktuar zjarr në një terminal të madh karburanti. Për shuarjen e flakëve u angazhuan dhjetëra forca zjarrfikëse. / abcnews.al /

Mezi pret që të vendosë këmbën në fushë.

Armando Broja ende nuk është aktivizuar tek Bërnli në Angli, ndonëse trajneri I tij, Skot Parker, jep një afat për rikthimin, dhe nuk flitet për tepër larg.

Tekniku anglez deklaroi pas fitores 2-0 që skuadra e tij arriti në Premier Ligë ndaj Sandërlendit, se sulmuesi shqiptar është vetëm fare pak prapa formës së shokëve të tij, dhe se ai mund të ketë minuta që në ndeshjen e radhës.

Bërnli do të luajë këtë të martë në fushën e vet ndaj Derbi Kauntit në Kupën e Ligës, apo siç njihet zyrtarisht në Angli, Kupa Karabao.

Parker theksoi se nuk dëshiron të ndërmarrë asnjë rrezik me Brojën, padyshim duke pasur parasysh problemet e mëdha fizike që ka pasur sulmuesi 23-vjeçar në dy vitet e fundit.

Broja, që luajti sezonin e kaluar I huazuar tek Evertoni, realizoi transferimin e shpresuar, dhe Çelsi arriti qëllimin që kishte.

Bërnli e mori yllin kuqezi për 23 milionë euro, diçka më pak sesa 30 milionë që Blutë e Londrës kërkonin fillimisht, por gati dyfishin e vlerës që kartoni I tij ka në tregun e futbollit. / abcnews.al /

Përgjatë një jave, në kuadër të kontrolleve për sigurinë detare, janë bllokuar 26 mjete lundruese për shkeljeve të ndryshme. Në total, nga Ksamili në Koman, janë kontrolluar 414 mjete.

Konkretisht, janë bllokuar 16 jet ski, 4 skafe, 3 gomone dhe 3 varka metalike.

Sipas Policis së Shtetit, 11 prej mjeteve lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me gjobë prej 100 mijë lekësh secili.

Gjithashtu, janë shpëtuar në det 28 turistë vendas dhe të huaj, si dhe 9 mjete lundruese.

Policia Kufitare apelon për respektimin me rigorozitet të rregullave të përdorimit të mjeteve lundruese. / abcnews.al /

I heshtur, me kokën Ulur dhe pa asnjë koment për Gazetarët . Ky është momenti kur Pandeli Nakoleci, 40 vjecari shqiptar që vrau bashkëshorten e tij në Volos të Greqisë u paraqit këtë të dielë në Prokurori.

Autori i krimit makabër nuk zgjodhi ti përgjigjej pyetjes “Pse e bëre ?” të gazetarëve duke ruajtur kështu heshtjen. Mediat greke raportuan se 40 vjecari nuk kishte treguar shenja pendese per krimin e kryer  sipas dëshmive të tij të para përballë hetuesve, ndersa kishte pretenduar se motiv I krimit kishte qene tradhetia nga 36 vjecarja.

Pandeli Nakoleci u arrestua të shtunën, 24 orë pasi kreu krimin e rëndë në një parking në qendër të Volosit, rreth 200 metra larg shtëpisë ku jetonte me bashkëshorten dhe fëmijet e tyre.

40 vjecari Pandeli Nakoleci  i cili vrau në mënyrë macabre bashkeshorten e tij në sytë e fëmijëve të tyre të mitur njihej si perdorues I lendeve Narkotike dhe familjare te tij kane treguar per ABC News se ai kishte pasur probleme te shendetit mendor.Çifti kishte pasur shumë debate kohët e fundit, ndërsa autori 40-vjeçar qershorin e kaluar me urdhër të prokurorit, u dërgua në një klinikë për ekzaminim psikiatrik, pasi tentoi vetëvrasje.

Pandeli Koleci ishte arrestuar dy herë më parë për posedim droge në vitin 2019, ndërsa në vitin 2018 ai u dënua me një vit burg për dëshmi të rreme. Në vitin 2020 ai u dënua me 4 vjet burg për pjesëmarrje në një organizatë kriminale dhe trafik droge. Më herët, në vitin 2013, ai u arrestua për falsifikim dhe hyrje të paligjshme në shtetin fqinj. / abcnews.al /

Ministri i Jashtëm i Holandës, Caspar Veldkamp, ​​dha dorëheqjen pasi nuk arriti të siguronte votat e nevojshme në parlament për të vendosur sanksione të reja ndaj Izraelit për luftën në Gaza.

Veldkamp kishte informuar parlamentin e vendit se kishte ndërmend të sillte masa të reja kundër Izraelit, por nuk arriti të siguronte mbështetjen e partnerëve të tij të koalicionit.

61-vjeçari, ish-ambasadori në Izrael u tha gazetarëve se mendonte se nuk ishte në gjendje ta zbatonte i vetëm qëndrimin dhe të ndjeke një rrugë që e konsideron të nevojshme.

Pas dorëheqjes së Veldkamp, ​​anëtarët e mbetur të kabinetit të partisë së tij të qendrës së djathtë, Kontrata e Re Sociale, gjithashtu dhanë dorëheqjen, duke e lënë qeverinë holandeze në rrëmujë.

Në qershor të këtij viti, qeveria e mëparshme u rrëzua pasi partia e ekstremit të djathtë u tërhoq nga koalicioni katërpartiak i vendit për shkak të një grindjeje në lidhje me imigracionin.

Tre partitë e mbetura qëndruan në një qeveri të përkohshme deri në mbajtjen e zgjedhjeve në tetor.

Qeveria holandeze po përballet me një presion në rritje, për të ndryshuar politikat e saj ndaj Izraelit.

Muajin e kaluar, mijëra njerëz demonstruan në stacionet e trenave në të gjithë vendin, duke mbajtur tenxhere dhe tiganë për të sinjalizuar mungesën e ushqimit në Gaza.

/ abcnews.al /

Vjeshta po afron, dhe bashkë me të edhe fati i Bashkisë së TIranës. Me Erion Veliajn 7 muaj tashmë në qeli, opozita nga krahu tjetër ka gjetur zgjidhjen për karrigen e kryebashkiakut.

Nënkryetari demokrat i këshillit bashkiak, Dorian Teliti kërkon zgjedhje të parakohshme për Bashkinë e Tiranës.

“Partia Demokratike e konsideron këtë situatë të papranueshme dhe rikujton qytetarët dhe institucionet se qeverisja pa votë është uzurpim, jo demokraci. Ndaj ne ritheksojmë kërkesën tonë të qartë: zgjidhja e vetme për të rikthyer normalitetin dhe funksionimin demokratik në Bashkinë e Tiranës është mbajtja e zgjedhjeve të parakohshme të lira dhe. Pa zgjedhje te lira, nuk ka zgjidhje!  “

Sipas Telitit, Bashkia e Tiranës prej arrestimit të Erion Veliaj, ka shënuar një regres me kryebashkiakën e komanduar, ndaj dhe zgjidhja  e vetme është vetëm vota.

“Tirana është sot pasqyra më e qartë e një qeverisjeje vendore të degraduar, të kapur nga interesa të ngushta politike, ku përfaqësimi është zëvendësuar nga emërimi, dhe transparenca nga arroganca. Bashkia e Tiranës po përballet tani me një krizë të rëndë të qeverisjes së saj financiare dhe buxhetore. Sipas të dhënave zyrtare të vetë bashkisë për 7 muajt e parë të vitit 2025, vihet re një shpërdorim flagrant i taksave të qytetarëve.”

Pak ditë para zgjedhjeve të 11 majit, grupi i këshilltarëve bashkiakë të PD dorëzuan në Bashkinë e Tiranës një kërkesë për shkarkimin e Erion Veliajt si kryebashkiak dhe mbajtjen e zgjedhjeve të parakohshme lokale.

Cuditërisht, të dyja palët, si PD dhe PS, në mbledhjet e fundit të këshillit bashkiak, kwrkeswn e kanw mënjanuar, ndërsa në distance Erion Veliajn, Sali Berisha e mbron, kurse Edi Rama e injoron Megjithatë, nga fjalët tek veprat, duket se të dy janë dakord, se Bashkia nuk mund të vazhdojë më të drejtohet nga një kryebashkiak në qeli, por të shkojë në zgjedhje të parakohshme. / abcnews.al /

Një krim brenda familjes ka tronditur Greqinë. Një shqiptar, 40 vjeç, vrau gruan e tij 36-vjecare, me të cilën kishte katër fëmijë dhe me pas u arratis.

Krimi ndodhi në pallatin ku jetonte familja në rrugën Konstanta ne Volos. Sherri filloi në apartamentin e tyre dhe çifti zbriti në hyrje të pallatit ku vazhduan debatin.

Më pas, burri, dyshohet se vrau gruan e tij gjithashtu shqiptare me një objekt të mprehtë dhe u largua menjëherë nga vendi i krimit. E gjithë skena brutale është zhvilluar në sy të katër fëmijëve te mitur te çiftit. Autori i krimit, ndërtues me profesion, doli me vrap nga pallati pasi kreu aktin e rende, nderkohe qe eshte arrestuar te shtunen në një parking në qendër të Volosit. Sipas autoriteteve policore nuk ka pasur histori dhune në familje, megjithatë, autori i krimit ishte përdorues droge dhe kishte tentuar vetëvrasje në qershor. Hetimet kane nisur, ndërsa autoritetet po ndërtojnë dinamiken e plote te ngjarjes për te përcaktuar shkaqet që çuan në vrasjen e gruas.

/ abcnews.al /

Kristian Shpendi e nisi në mënyrën më të mirë sezonin e ri në Itali. Sulmuesi shqiptar shënoi që në javën e parë të Serisë B, ndërsa skuadra e tij Çezena fitoi 3-1 në Peskarë. Miqtë patën epërsi gjatë gjithë kohës, ndërsa Shpendi realizoi për avantazhin 2-1 në nisje të pjesës së dytë.

Sulmuesi 22-vjeçar ishte I dalluar edhe sezonin e kaluar në Serinë B duke shënuar 11 herë, por pastaj pësoi një dëmtim që e pengoi për një kohë te gjatë. Ish-ylli I Shqipërisë U21 shpreson të jetë protagonist edhe këtë vit, dhe të ngjitet në elitën e futbollit italian, qoftë në radhët e Çezenës, apo edhe duke kaluar në ndonjë skuadër tjetër.

Read More...

Read More...

Read More...

Dy adoleshente me origjinë shqiptarë humbën jetën në një aksident tragjik pranë fshatit Kolibar të Kërçovës në Maqedoninë e Veriu.

Policia tha se ngjarja ndodhi pasditen e 21 gushtit në një rrugë lokale në fshatin Kolibari. Një adoleshente 15 vjece, duke drejtuar një motoccikletë me targa të Kërccovës, humbi kontrollin dhe doli nga rruga. 15 vjecarja dhe pasagjerja e saj e mitur nga fshati Greshnicë, rajoni i Kërçovës, humbën jetën nga lëndimet e marra në vendin e aksidentit.

Eriona Ramadani dhe Albina Abazi ishin nxënëse në shkollën e mesme të muzikës “Drita”. Përmes një reagimi në rrjetet sociale, shkolla shprehu ngushëllimet për familjet e vajzave dhe tha se ngjarja ka i ka tronditur tej mase.

“Me dhembje të thellë dhe zemra të tronditura morëm lajmin për ndarjen tragjike nga jeta të dy nxënëseve tona të dashura, Eriona Ramadani dhe Albina Abazi. Humbja e tyre ka prekur thellë çdo kënd në shkollën tonë dhe ka lënë pas një boshllëk të pazëvendësueshëm”, thuhet në reagimin e shkollës.

Ngjarja ka tronditur komunitetin e Kërçovës, ndërsa autoritetet lokale po vijojnë hetimet për të zbardhur rrethanat e aksidentit tragjik. / abcnews.al /

Në Gjermani po debatohet mundësia e dërgimit të ushtarëve për një forcë ndërkombëtare paqeruajtëse në Ukrainë, pas sugjerimeve për një takim të mundshëm mes Presidentit rus, Vladimir Putin dhe Presidentit ukrainas, Volodymyr Zelenskyy. Forca e tillë do të vendosej në vend për të garantuar që luftime të reja të mos rifillojnë.

Kancelari gjerman, Friedrich Merz, thekson se Gjermania duhet të përqendrohet kryesisht te forcimi i ushtrisë ukrainase për të parandaluar sulmet e ardhshme, por ai nuk përjashton pjesëmarrjen e vendit të tij në një mision paqeruajtës. Megjithatë, partitë e tjera në koalicion, veçanërisht socialdemokratët (SPD), shprehen të kujdesshëm dhe paralajmërojnë kundër vendimeve të nxituara.

Mbështetja publike për dërgimin e trupave gjermanë është e ulët. Sipas një sondazhi të realizuar nga Civey, 51% e qytetarëve janë kundër, ndërsa vetëm 36% mbështesin një mision të tillë. Politikanët konservatorë nga Gjermania lindore dhe partitë e majta, si Partia e Majtë dhe AfD, janë më të ashpër në kundërshtimin e idesë, duke e parë atë si të rrezikshme për vendin.

Ekspertët dhe analistët politikë vlerësojnë se në këtë moment debati mbi dërgimin e trupave paqeruajtëse mbetet kryesisht teorik, pasi nuk ka asnjë tregues konkret se Putini është i gatshëm të përfundojë luftën.

Një tjetër fillim I ri, si gjithmonë me buzëqeshje.

Kristian Asllani është tashmë lojtar I Torinos, duke fituar duelin e vullneteve me Interin e tij, e duke mbetur sërish në Itali.

Mesfushori I kombëtares shqiptare hodhi poshtë kalimin tek Betisi në Spanjë, dhe mund të thuhet se për të ekziston një “dashuri” italiane.

Ylli kuqezi, që sot është 23 vjeç, ka provuar vetëm futbollin në Apenine gjatë gjithë karrierës, e ndoshta do t’i jetë besnik deri në fund.

Fillimet I pati tek Empoli, pasi u largua nga Shqipëria në moshën 2-vjeçare, duke u regjistruar në Akademinë e klubit toskan.

Nga viti 2012 deri në 2021 ishte me ekipet e moshave, duke provuar kampionatin italian madje edhe Championsin për të rinj, e më në fund, kur ishte 18-19 vjeç u bë pjesë e ekipit të parë të Empolit.

Hyri me vrull në Serinë A, dhe spikati pikërisht në “tempullin” “San Siro” duke I shënuar gol Interit, destinit të tij të ardhshëm.

Klubi zikaltër nuk vonoi ta merrte dhe pagoi 15.7 milionë euro, më shumë sesa vlerësimi virtual në tregun e futbollit që ishte 12 milionë.

Me zikaltërit luajti 99 ndeshje, shënoi 4 gola e shërbeu 5 asistë, por dihet se nuk u bë kurrë lojtar titullar.

Kjo, edhe pse trajneri I ri Kristian Kivu e aktivizoi si titullar në të katër ndeshjet e Kupës së Botës për Klubet.

Betis u refuzua, me Bolonjën nuk pati dakordësi, ndërsa akordi I Interit me Torinon është për huazim njëvjeçar kundrejt pagesës 1.5 milionë euro, dhe pagimit të 11.5 milionë eurove të tjera verën e ardhshme.

Ka zëra se shuma e transferimit mund të arrijë në 15 milionë euro, ndërsa rroga e Asllanit besohet se shkon deri në 2 milionë euro në sezon.

Ai ka kontratë 1-vjeçare, me mundësi rinovimi për tre sezone të tjera. / abcnews.al /

Nuk ishte e lehtë, por klasi për diferencën.

Çelsi jo më kot fitoi Kupën e Botës për Klubet duke mundur 3-0 Paris SG në tokën amerikane, dhe ja ku e shfaqi fytyrën e tij të vërtetë.

Blutë e Londrës lanë pas barazimin zhgënjyes të javës së parë të Premier Ligës angleze ndaj Kristël Palasin duke fituar thellësisht derbin e radhës të kryeqytetit.

Uest Hem u shkatërrua 5-1 në fushën e vet, dhe skuadra e trajnerit Enco Mareska u duk krejt tjetër në krahasim me atë që nuk shënoi dot asnjë gol një javë më parë.

“Çekiçat” shënuan të parët që në 6’ me anë të brazilianit, Lukas Paketa.

Zhoao Pedro barazoi në 15’, pastaj Pedro Neto shtoi golin e dytë dhe Enco Fernandez vulosi shifrat 3-1 që në pjesën e parë.

Pas pushimin, detyrën e përfunduan Moises Kaisedo dhe Trevoh Çalobah, madje pa kaluar as një orë lojë.

Çelsi ka potencial të madh e padyshim që pritet rival I kampiones në fuqi të Anglisë, Liverpul, apo edhe I pretendentëve të tjerë për titull si Arsenali apo Mançester Siti, pa folur për të tjerët.

Ish-ekipi I Armando Brojës vazhdon të bëhet gjithnjë e më I fortë, siç e tregoi në Kupën e Botës për klubet ku u ngjit në majë të planetit. / abcnews.al /

Korea e Jugut ka konfirmuar se më herët gjatë javës qëlloi me armë për të paralajëmruar ushtarët e Koresë së Veriut, të cilët kaluan kufirin tokësor mes dy vendeve.

Incidenti ndodhi teksa Koreja e Veriut po punon vazhdimisht që nga viti i kaluar për të mbyllur përgjithmonë kufirin e saj me Jugun.

Shefat e Përbashkët të Shtabit të Koresë së Jugut thanë në një deklaratë se disa trupa të Koresë së Veriut që punonin në rajonin kufitar kaluan vijën e demarkacionit ushtarak midis dy vendeve rreth orës 15:00 sipas orës lokale në Seul të marten. Ushtria e Seulit përdori një mitraloz për të qëlluar më shumë se 10 të shtëna paralajmëruese drejt ushtarëve të të vendit fqinj, të cilët më vonë u kthyen në very të vijës.

Ngjarja u bë publike teksa Presidenti i ri i Koresë së Jugut, Lee Jae Myung, u largua nga Seuli të shtunën për një vizitë në Tokio dhe Uashington.

Media shtetërore e Koresë së Veriut i quajti të shtënat një provokim të qëllimshëm dhe Pheniani ka akuzuar Seulin se rrezikon tensione të pakontrollueshme.

Një rrip toke i quajtur Zona e Demilitarizuar ndan veriun dhe jugun, dhe incidentet që rrisin tensionet nuk janë të pakëta. Kufiri nuk është i rrethuar dhe tabelat rrugore janë të mbuluara nga bimësia e dendur.

Dy Koretë kanë qenë të ndara që nga përfundimi i Luftës Koreane në vitin 1953.

Ato nuk nënshkruan një traktat paqeje dhe për këtë arsye teknikisht kanë mbetur ende në luftë që atëherë, megjithëse kanë kaluar vite që kur secila palë e ka bombarduar tjetrën. / abcnews.al /

Në luftë me zjarret në temperature ekstreme, sakrifica për të shpëtuar jetë dhe pronën e shqiptarëve. Në këto ditë verë kemi parë se forcat zjarrfikëse, heronjtë e heshtur përballen me rreziqe të mëdha në çdo ditë të punës. Në çdo zjarr, ata nuk rrezikohen vetëm nga flakët, por edhe nga tymi dhe gazrat toksikë që çlirohen gjatë emetimit.

Jorgo Canollari, prej 5 vitesh punon si zjarrëfikës në qarkun e Tiranës.

“Jemi në Damian, morëm sinjalin se ka flakë, kemi 40 minuta që po e shuajmë….

Në qindra aksione të kryera për shuarjen e zjarreve, 35 vjeçari tregon vështirësitë e hasura në terren. Përveç temperaturave të larta dhe përballjes me flakët, ai thotë se shpesh herë është gjendeur në vështirësi edhe nga intoksikimi për shkak të tymit.

“Ne me intoksikim përballemi çdo ditë në punë. Ndjejmë marrje mednsësh, vështirësi në frymëmarrje,  dhimbje koke”…

Mjekja toksikologe në QSUT, Esmeralda Thoma shpjegon se intoksikimi i zjarrëfikësve ndodh për shkak të ekspozimit për një kohë të gjatë ndaj gazrave të ndryshme që emetohen në ajër, siç është ai i monoksidit të karbonit.

“Nëse flasim në rastet e monoksidit të karbonit në ambientet e jashtme siç ka ndodh në rastet e zjarrit, si rasti i komisarit, në këto raste ndodh, për të çlirimit të sasis së madhe të monoksidit të karbonit, për njësi kohe. Rrjedhimisht individi është i ekspozuar në sasi të madhe monoksidi në njësi kohe”.

Për zjarrëfikësit, zjarret në bodrume janë më të vështirat për tu shuar, ndërsa për bluzat e bardha ambjentet e mbyllura shihen më të rrezikuara për intoksikim, për shkak se sasia e gazrave toksik është më i lartë. Toksikologia Thoma shpjegon shenjat që shfaqë një individi në rastet e helmimit nga tymi.

“Ambientet e bodrumeve janë më të vështira për ne….”

“Shenjat klinike që fillojn janë jo specifike, karakterizohen nga marrje mend, ndjesi të vjella, dobësim. Dhe me kalimin e kohës e të sasisë së ekspozimit të monoksidit të karbonit, shenjat klinike avancojnë. Derisa mund të shkojë në gjendje kome apo në vdekje, është vrasës i heshtur, pacienti nuk e kupton asnjë momentë, vetëm në rastet kur dikush tjetër qëllon aty, sidomos në ambjentet e mbyllura.”

Helmimet nga gazrat toksik nuk kanë pasoja afatgjata. Megjithatë, për punonjësit e zjarrëfikësve, të cilët janë të ekspozuar vazhdimisht ndaj këtyre rreziqeve, mjekët thonë se pasojat shkojnë deri në humbje të përkohëshme të kujtesës.

“Problemi i intoksikimit me monoksid karboni, është afatshkurtër, thjeshtë koha ku qëndron zjarrëfikësi apo një indivit tjetër në atë ambjent ku është duke u emetuar dioksid karboni. Aty është i gjithë rreziku…. Në rast se aty kalohet ky rrezik, nxirret personi koshient nga ai ambjent ku emetohet monoksidi i karbonit, pasojat do ishin të përgjithshme. Irritim të rrugëve respiratore të sipërme, me kollë e tështima, dhimbje koke e cila persiston pas kalimit të situatës akute të rrezikëshme, dhimbja mund të jetë edhe 1-2 javë, jo problematike.”

Në çdo rast zjarri, mjekët këshillojn largimin nga vendi ku ka emetim gazi, ndërsa për zjarrëfikësit rekomandojn veshje specifike kundra gazit, dhe konsumimi i sa më shumë lëngjëve për hidratim e vetëpastrim të organizmit. / abcnews.al /

Pesë persona humbën jetën pasi një autobus turistik që po kthehej nga ujërvara e Niagarës u përmbys në perëndim të Nju Jork.

Shumica e personave 54 që ishin në autobus ishin nga India, Kina dhe Filipinet. Disa u hodhën nga automjeti, dhe të tjerë mbetën të bllokuar brenda për disa orë.

Zyrtarët e policisë dyshojnë se shoferi i autobusit u shpërqendrua dhe humbi kontrollin duke dalë jashtë rrugës e duke rënë në një kanal.

Shkaku i përplasjes është ende nën hetim, por problemet mekanike janë përjahstuar. Hetuesit nuk kanë vendosur ende nëse do të ngrenë akuza për rastin.

Pasagjerët ishin të moshës midis një dhe 74 vjeç dhe disa fëmijë ishin në mjet në kohën e aksidentit dhe policia beson se shumica nuk kishin vendosur rripa sigurie.

Të paktën 30 persona u dërguan në spitale me një sërë lëndimesh nga kritike deri te të lehta. Disa kishin lëndime në kokë dhe dhe thyerje kockash, ndërsa të tjerë ishin në gjendje të qëndrueshme.

Autobusi turistik po kthehej në Nju Jork nga ujëvarat e famshme në kufirin SHBA-Kanada, kur u përplas midis Buffalos dhe Rochesterit. (Roçester)

Autostrada ndërshtetërore u bllokua përkohësisht pas aksidentit dhe zyrtarët u bënë thirrje shoferëve të shmangnin zonën. Disa ambulanca dhe helikopterë mbërritën në vendngjarje për të marrë të plagosurit. / abcnews.al /

Si rezultat i koordinimit të punës dhe shkëmbimit të informacioneve me partnerët spanjollë, nëpërmjet INTERPOL-it, shërbimet e Drejtorisë së Forcës së Posaçme Operacionale, në kuadër të operacionit “Operacionalja 58”, lokalizuan, kapën dhe vunë në pranga, me qëllim ekstradimin në Spanjë, shtetasin Gj. Gj., alias Gj. M., alias Gj. R., alias Gj. R., 40 vjeç, lindur në Lezhë.

Gjykata e Instruksionit nr. 1 Castellon de la Plana/Spanjë, në vitin 2025, ka caktuar masën e sigurisë “Arrest në burg”, për veprat penale “Krime kundër shëndetit publik/Kultivim i bimëve narkotike”, “Pjesëmarrje në organizatë kriminale” dhe “Vjedhje e energjisë elektrike”.

Ky shtetas ka qenë pjesë e një grupi kriminal, me ndarje të qartë të funksioneve të anëtarëve, duke filluar nga gjetja e ambienteve, marrja me qira, përshtatja e ambienteve për kultivim droge dhe montimi i pajisjeve me qëllim kultivimin e drogës. Gjatë operacionit policor në Spanjë janë gjetur dy ambiente të përshtatura për kultivim, një në Oropesa dhe një në Cabanes. / abcnews.al /

Kjo e shtunë ka shënuar fluks të shtuar në pikën e kalimit kufitar të Qafë Thanës. Numri i lartë i udhëtarëve është regjistruar si në hyrje ashtu edhe në dalje të territorit shqiptar.

Siç shihet në këto pamje, dhjetëra automjete kanë krijuar radhë në të dyja kahet, duke shtuar kohën e pritjes për udhëtarët.

Për të përballuar situatën dhe për të lehtësuar qarkullimin, autoritetet kufitare shqiptare dhe ato të Maqedonisë së Veriut po punojnë me 8 sportele aktive në total.

Sipas burimeve zyrtare, masat synojnë të menaxhojnë më mirë lëvizjet e shtuara, që lidhen kryesisht me fundjavën dhe periudhën e pushimeve verore.

Megjithatë, pritjet vijojnë të mbeten një shqetësim për udhëtarët që kalojnë në këtë nyje të rëndësishme kufitare, që lidh Shqipërinë me Maqedoninë e Veriut.

/ abcnews.al /