Sulmuesi Mirlind Daku shkëlqeu të shtunën te Rubin Kazani, duke i shënuar të dy golat në barazimin 2:2 ndaj Orenburgut. Ndeshja ishte e xhiros së shtatë të elitës ruse.

Pas golave, Daku i kushtoi momentet e veçanta gjyshit të ndjerë, duke zbuluar një fanellë me fotografi të tij dhe gjyshit, i cili kishte ndërruar jetë disa ditë më parë.

VIDEO

Sinjali – aty ku e vërteta flet para lajmit!

/GazetaSinjali/

The post Emocionuese: Mirlind Daku i shënon dy gola  ndaj Orenburg, ia dedikon gjyshit të ndjerë appeared first on Sinjali.

Kuvendi i Kosovës ka njoftuar se të hënën do të mbahet mbledhja e Kryesisë së Kuvendit të Kosovës.

Në një njoftim për media, Kuvendi bën të ditur se takimi i Kryesisë do të nisë në ora 13:00 dhe se ai do të ketë karakter konsultativ.

Ndryshe, kryetari i Kuvendit, Dimal Basha, sot e konsideroi të mbyllur seancën konstituive. Ai theksoi se moszgjedhja e nënkryetarit nga komuniteti joshumicë serb nuk mund të pengojë konstituimin e Kuvendit.

“Janë ezauruar të gjitha opsionet për zgjedhjen e nënkryetarit të pestë që vjen nga komuniteti jo shumicë serb. Asnjëri nuk është zgjedhur nënkryetar, ku 8 prej tyre nuk kanë marrë votat e nevojshme për nënkryetar të Kuvendit në të gjitha tentativat, ndërsa dy prej tyre kanë refuzuar të jenë kandidat për nënkryetar. Ne si Kuvend nuk kemi mundësi tjetër se si të vazhdojmë për sa i përket nënkryetarit që vjen nga komuniteti jo shumicë serb, prandaj me këtë rast konsideroj se e kemi ezauruar edhe pikën e katërt të rendit të ditës së seancës konstituive dhe meqenëse nuk ka mundësi tjetër objektive se si të procedohet tutje konsideroj se kjo seancë konstituive konsiderohet e përmbyllur…”, tha ai.

Basha shtoi se në emër të funksionalizmit të Kuvendit dhe realizimit të rezultatit zgjedhor të 9 shkurtit, moszgjedhja e njërit nga pesë nënkryetarët apo njërit nga gjashtë anëtarët e Kryesisë së Kuvendit nuk mund të pengojë funksionimin e Kuvendit.

“Pas përmbylljes së seancës konstituive konsideroj se Kuvendi duhet të vazhdojë punën siç parashihet me Kushtetutë. Si të veprohet tutje me punën tonë si Kuvend, konsideroj që t’i konsultoj anëtarët e Kryesisë së Kuvendit”, tha ai.

Sinjali – aty ku e vërteta flet para lajmit!

/GazetaSinjali/

The post Kuvendi e konfirmon: Të hënën në ora 13:00 do të mbahet mbledhja e Kryesisë appeared first on Sinjali.

Kryetari i Kuvendit të Kosovës, Dimal Basha, e shpalli “të mbyllur” seancën konstituive, pavarësisht se Kuvendi dështoi të zgjedhë nënkryetarin nga komuniteti joshumicë serb të shtunën.

Dy deputetë të Listës Serbe, Miljana Nikolliq dhe Igor Simiq, nuk morën asnjë votë në tri runde votimi secili, pasi u hodhën në votim përmes shortit nga kryetari Basha.

As deputeti tjetër nga ky komunitet, Nenad Rashiq, nuk arriti të zgjidhej, pasi mori 56 vota për, pesë më pak se të paktën 61 votat e nevojshme.

Dështimi për të zgjedhur një deputet nënkupton se Kuvendi nuk ka më asnjë përfaqësues nga komuniteti joshumicë serb për ta votuar për nënkryetar. Ditë më parë, Kuvendi kishte zgjedhur kryetarin dhe katër nënkryetarë.

Kryetari Basha theksoi se seanca konstituive “mbyllet këtu”, megjithëse Rregullorja e punës së Kuvendit thotë se seanca konstituive përfundon me zgjedhjen e kryetarit dhe pesë nënkryetarëve të Kuvendit.

“Ne si Kuvend nuk kemi mundësi tjetër se si të vazhdojmë në lidhje me nënkryetarin që vjen nga pakica serbe, prandaj, në këtë rast, konsiderojë se e kemi ezauruar edhe pikën e katërt të rendit të ditës, konsideroj se kjo seancë konstituive është e mbyllur”, tha Basha.

Ai e thirri një mbledhje të kryesisë së Kuvendit për të hënën, më 1 shtator.

“Në emër të funksionalizimit të Kuvendit dhe materializimit të rezultatit zgjedhor të 9 shkurtit, konsiderojnë se moszgjidhja e njërit prej gjashtë anëtarëve të kryesisë së Kuvendit nuk mund të bëhet pengesë që bllokon konstituimin e Kuvendit”, theksoi Basha.

LVV e cilëson Kuvendin të konstituar, të tjerët e kundërshtojnë

Për Lëvizjen Vetëvendosje, fituesen e zgjedhjeve të shkurtit, Kuvendi i Kosovës “është konstituar”, por ky qëndrim është kundërshtuar nga partitë e tjera parlamentare dhe nga ekspertët ligjorë.

Dy deputetë të LVV-së, Hekuran Murati dhe Albulena Haxhiu, thanë pas seancës se vendi duhet të vazhdojë me formimin e Qeverisë së re.

“Situata është kushtetuese, sepse kemi shterur të gjitha mundësitë. Janë tentuar të gjithë kandidatët, dhe asnjë nuk ka marrë votat. Në situatë të tillë nuk mund të bllokohet vendi. Të vijmë te situata e mandatarit, pastaj shohim. Të vazhdohet me institucionet, krijimin e tyre. A i kemi numrat do ta shihni në seancën kur votohet Qeveria”, tha Murati.

Haxhiu shtoi se “është e rëndësishme të ecim përpara me kryesinë, kryetarin dhe nënkryetarët e zgjedhur, jemi të interesuar të ecim përpara ose me Qeverinë e re, ose me zgjedhje”.

Lidhja Demokratike e Kosovës thekson se Kuvendi nuk është konstituuar ende.

“Kushtetuta e Republikës, Rregullorja e Kuvendit dhe aktgjykimet përkatëse të Gjykatës Kushtetuese janë të qarta dhe pa ekuivok sa i përket procedurave dhe kushteve të konstituimit të tij. Çdo tentim për të interpretuar ndryshe apo për të anashkaluar këto dispozita themelore përbën shkelje të rendit kushtetues dhe cenim të parimeve demokratike mbi të cilat mbështetet shteti ynë”, thuhet në reagimin e LDK-së në Facebook.

LDK thekson se Kuvendi nuk mund të funksionojë dhe të marrë vendime pa përmbushur më parë procesin e konstituimit sipas ligjit dhe rregullores. Partia nuk ka votuar as për zgjedhjen e Bashës kryetar, as për nënkryetarët e zgjedhur, përfshirë sot nënkryetarin nga komuniteti joshumicë serb.

Kryetari i PDK-së, Memli Krasniqi, tha se Lëvizja Vetëvendosje po “tallet me Kuvendin dhe qytetarët”.

“Nuk varet nga vullneti dhe interpretimi i kryetarit të Kuvendit se a përfundon a jo seanca konstituive, por kjo është e qartë sipas Kushtetutës dhe Rregullores së punës”, tha Krasniqi.

Sinjali – aty ku e vërteta flet para lajmit!

/GazetaSinjali/

The post Çfarë ndodhi sot në Kuvend? appeared first on Sinjali.

Ministri i Jashtëm danez, Lars Lokke Rasmussen, ka bërë thirrje për rritjen e presionit ndaj presidentit rus, Vladimir Putin, me qëllim ndalimin e luftimeve në Ukrainë.

Rasmussen foli për situatën në Ukrainë dhe Gazë para takimit të ministrave të jashtëm të Bashkimit Evropian në Kopenhagë të shtunën. Lidhur me Ukrainën, ai theksoi se është e domosdoshme të forcohet presioni mbi Kremlinin.

“Mendoj se është mjaft e qartë se ai po zvarrit kohën, duke u përpjekur të blejë kohë dhe të largojë vëmendjen nga sulmet e tij të vazhdueshme ndaj civilëve dhe infrastrukturës dhe së fundmi, edhe nga përfaqësimi i BE-së në Kiev”, tha Rasmussen.

Shtetet e Bashkuara paralajmëruan Rusinë të premten në një takim urgjent të Këshillit të Sigurimit të OKB-së, duke kërkuar që të lëvizë drejt paqes dhe të takohet me Ukrainën, ose të përballet me sanksione të mundshme.

Sa i përket situatës në Gazë, Rasmussen theksoi se BE-ja e konsideron Izraelin një partner, por ka shqetësime lidhur me qeverinë aktuale.

“Lajmet që vijnë nga Gaza nuk janë shumë inkurajuese kur bëhet fjalë për zonën e re të luftës ose zonën e luftimeve apo idetë që vijnë prej andej”, shtoi ai.

Rasmussen theksoi se ministrat e BE-së do të diskutojnë operacionin e zgjeruar ushtarak të Izraelit në qytetin e Gazës dhe mundësinë e vendosjes së ndalimeve të eksportit nga vendbanimet e paligjshme në Bregun Perëndimor.

Sinjali – aty ku e vërteta flet para lajmit!

/GazetaSinjali/

The post Ministri i Jashtëm danez: Më shumë presion ndaj Putinit për ndaljen e sulmeve në Ukrainë appeared first on Sinjali.

Deputetja e LDK-së, Hykmete Bajrami, u paraqit sot për të dytën herë në hollin e Kuvendit para mediave, pas deklarimeve të Albulena Haxhiut dhe Hekuran Muratit nga Lëvizja Vetëvendosje.

Bajrami ka reaguar ndaj kritikave të Haxhiut dhe Muratit për partitë tjera që nuk votuan Nenad Rashiqin për nënkryetar nga komuniteti serb. Ajo përmendi publikimin e përgjimeve të Mimoza Kusarit me Milan Radoiçiqin, duke e cilësuar si “hipokrizi” që VV-ja të akuzojë partitë e tjera për bashkëpunim me Listën Serbe.

“Është hipokrizi me dalë para mediave dy eksponentë të VV-së dhe me apostrofuar parti të tjera se kinse jemi me Listën Serbe. Ndërkohë që janë përgjimet e Mimoza Kusarit duke qenë shefe e 58 deputetëve, me Listën Serbe dhe Milan Radoiciqin. Ata që ne na quajnë bashkëpunëtorë të tyre, keni dëshmi se kanë bashkëpunuar për vota për të zgjedhur persona në Kushtetuese dhe Ligjin për veteranët”, tha ajo.

Bajrami shtoi se Vetëvendosja ka pasur mundësinë të shpallë Listën Serbe organizatë terroriste, por nuk e ka bërë këtë.

“Është hipokrizi me dalë e me tregu se si ne duhet të bëhemi të gjithë bashkë që të përjashtojmë Listën Serbe nga Kuvendi. Ata janë aty. Këta kur e kanë pasë rastin me i shpallë organizatë terroriste dhe i kanë pasë kompetencat, nuk e kanë bë. I kanë pasë faktet se kanë qenë pjesë në sulmin e Banjskës, dhe nuk e kanë bërë”.

Sipas Bajramit, Vetëvendosja nuk ka numrat e nevojshëm për formimin e qeverisë.

“Është hipokrizi të thuhet se i kemi numrat për qeveri në ndërkohë që këta numra Albin Kurti nuk ia ka dhënë Albulena Haxhiut plot 48 herë, pse kërkojnë numra nga opozita për ta bërë nënkryetar Rashiqin. Është hipokrizi të thuhet se partitë opozitare po e mbajnë Kuvendin të bllokuar, ndërkohë që ne i kemi numrat për qeveri”, tha ajo.

Sinjali – aty ku e vërteta flet para lajmit!

/GazetaSinjali/

The post Bajrami: Hipokrizi që LVV të apostrofojë partitë e tjera me Listën Serbe, kur janë përgjimet e Mimoza Kusarit appeared first on Sinjali.

Pas një stuhie të madhe që përfshiu Shqipërinë mesditën e së shtunës, fluturimet në Aeroportin e Rinasit kanë rinisur, pasi u ndërprenë për afro dy orë.

Kujtojmë që një stuhi e madhe përfshiu Shqipërinë e karakterizuar nga era e fortë dhe shirat, njofton euronews.al.

Stuhia ndërpret përkohësisht fluturimet në aeroportin e Rinasit – Pamje

Sinjali – aty ku e vërteta flet para lajmit!

/GazetaSinjali/

The post Rinisin fluturimet në aeroportin e Rinasit pas 2 orë ndërprerje për shkak të stuhisë appeared first on Sinjali.

Përveç se një regjim ushqimor i shëndetshëm, disa vitamina specifike mund të jenë të dobishme gjatë muajve të nxehtë të verës për një shëndet optimal, thonë ekspertët botërorë të shëndetit.

Vitamina A

Siç është vërejtur nga shumë studime, vitamina A ndihmon në formimin dhe mirëmbajtjen e lëkurës, dhëmbëve, indeve skeletore dhe membranave të mukozës të shëndetshme.

Përfitimi që lëkura merr nga vitamina A është më i rëndësishmi gjatë verës. Kjo sepse ne priremi të kalojmë më shumë kohë jashtë gjatë kësaj stine.

Prandaj është thelbësore të përmirësoni dhe të kujdeseni për shëndetin e lëkurës.

Edhe pse pjesa më e madhe e njerëzve marrin mjaftueshëm vitaminë A nga ushqimi, mungesa e saj është e rrallë.

Sidoqoftë, nëse nuk merrni mjaftueshëm, mund të konsideroni marrjen e suplementeve të vitaminës A.

Vitamina C

Kjo vitaminë, është një antioksidant që ndihmon në mbrojtjen e qelizave nga dëmtimi i radikaleve të lira.

Ndër të tjera, vitamina C gjithashtu forcon sistemin imunitar, i cili mund të dobësohet si rezultat i udhëtimeve të shumta gjatë verës.

Temperaturat jashtëzakonisht të ngrohta mund të shkaktojnë simptoma të ftohjes dhe gripit, të cilat më së miri shmangen me vitaminën C.

Vitamina D

Duket e çuditshme që mund t’ju duhet të rrisni marrjen e vitaminës D gjatë verës, pasi trupi ynë prodhon vetë “vitaminën e diellit” kur lëkura e zhveshur ekspozohet ndaj diellit.

Por sipas ekspertëve, vitamina D e gjeneruar nga dielli nuk shpërndahet në mënyrë të barabartë.

Faktorë të tillë si koha e ditës, vendndodhja gjeografike, ndotja e ajrit, mosha, ngjyra e lëkurës dhe përdorimi i kremit të diellit, mund të kufizojnë efektivitetin e saj.

Nëse nuk po merrni mjaftueshëm vitaminë D nga rrezet e diellit, ngrënia e ushqimeve të fortifikuara me këtë vitaminë dhe marrja e suplementeve të saj, mund të ndihmojë në ngushtimin e hendekut.

Vitamina E

Vitamina E i siguron lëkurës tuaj antioksidantë për të eliminuar radikalet e lira të dëmshme dhe për të mbrojtur lëkurën tuaj nga dëmtimet e mëtejshme.

Kjo vitaminë është gjithashtu e njohur për aftësinë e saj për të nxitur prodhimin e kolagjenit, i cili është thelbësor për ruajtjen e elasticitetit të lëkurës.

Kjo është pikërisht ajo që lëkura juaj ka nevojë gjatë muajve të nxehtë dhe të thatë të verës.

Përveç kësaj, vitamina E luan një rol në luftimin e mikrobeve.

Sinjali – aty ku e vërteta flet para lajmit!

/GazetaSinjali/

The post Cilat janë vitaminat specifike për trupin gjatë verës? appeared first on Sinjali.

UEFA ka publikuar zyrtarisht listën e ndeshjeve për fazën e grupeve të Ligës së Kampionëve, duke zbuluar datat dhe oraret e të gjitha përballjeve për edicionin 2025/26.

Faza e grupeve do të nisë më 16 shtator dhe do të përfundojë me finalen që do të zhvillohet më 30 maj në Budapest, ku skuadrat më të mira të Evropës do të luftojnë për të fituar titullin elitar.

Xhiro e parë e ndeshjes

E martë 16 shtator 2025

Athletic Club vs Arsenal (18:45)

PSV Eindhoven vs Union Saint-Gilloise (18:45)

Juventus vs Borussia Dortmund

Real Madrid vs Marseille

Benfica vs Qarabağ

Tottenham vs Villarreal

E mërkurë 17 shtator 2025

Olympiacos vs Pafos (18:45)

Slavia Praha vs Bodø/Glimt (18:45)

Ajax vs Inter

Bayern München vs Chelsea

Liverpool vs Atlético de Madrid

Paris Saint-Germain vs Atalanta

E enjte 18 shtator 2025

Club Brugge vs Monaco (18:45)

Kopenhagen vs Leverkusen (18:45)

Frankfurt vs Galatasaray

Manchester City vs Napoli

Newcastle United vs Barcelona

Sporting CP vs Kairat Almaty

Xhiro e dytë e ndeshjes

E martë, 30 shtator 2025

Atalanta vs Club Brugge (18:45)

Kairat Almaty vs Real Madrid (18:45)

Atlético de Madrid vs Frankfurt

Chelsea vs Benfica

Inter vs Slavia Praha

Bodø/Glimt vs Tottenham

Galatasaray vs Liverpool

Marseille vs Ajax

Pafos vs Bayern München

E mërkurë, 1 tetor 2025

Qarabağ vs Copenhagen (18:45)

Union Saint-Gilloise vs Newcastle United (18:45)

Arsenal vs Olympiacos

Monaco vs Manchester City

Leverkusen vs PSV Eindhoven

Borussia Dortmund vs Athletic Club

Barcelona vs Paris Saint-Germain

Napoli vs Sporting CP

Villarreal vs Juventus

Xhiro e tretë e ndeshjeve

E martë 21 tetor 2025

Barcelona vs Olympiacos (18:45)

Kairat Almaty vs Pafos (18:45)

Arsenal vs Atlético de Madrid

Leverkusen vs Paris Saint-Germain

Copenhagen vs Borussia Dortmund

Newcastle United vs Benfica

PSV Eindhoven vs Napoli

Union Saint-Gilloise vs Inter

Villarreal vs Manchester City

E mërkurë 22 tetor 2025

Athletic Club vs Qarabağ (18:45)

Galatasaray vs Bodø/Glimt (18:45)

Monaco vs Tottenham

Atalanta vs Slavia Praha

Chelsea vs Ajax

Frankfurt vs Liverpool

Bayern München vs Club Brugge

Real Madrid vs Juventus

Sporting CP vs Marseille

Xhiro e katërt e ndeshjeve

E martë 4 nëntor 2025

Slavia Praha vs Arsenal (18:45)

Napoli vs Frankfurt (18:45)

Atlético de Madrid vs Union Saint-Gilloise

Bodø/Glimt vs Monaco

Juventus vs Sporting CP

Liverpool vs Real Madrid

Olympiacos vs PSV Eindhoven

Paris Saint-Germain vs Bayern München

Tottenham vs Copenhagen

E mërkurë 5 nëntor 2025

Pafos vs Villarreal (18:45)

Qarabağ vs Chelsea (18:45)

Ajax vs Galatasaray

Club Brugge vs Barcelona

Inter vs Kairat Almaty

Manchester City vs Borussia Dortmund

Newcastle United vs Athletic Club

Marseille vs Atalanta

Benfica vs Leverkusen

Xhiro e pestë e ndeshjeve

E martë 25 nëntor 2025

Ajax vs Benfica (18:45)

Galatasaray vs Union Saint-Gilloise (18:45)

Borussia Dortmund vs Villarreal

Chelsea vs Barcelona

Bodø/Glimt vs Juventus

Manchester City vs Leverkusen

Marseille vs Newcastle United

Slavia Praha vs Athletic Club

Napoli vs Qarabağ

E mërkurë 26 nëntor 2025

Copenhagen vs Kairat Almaty (18:45)

Pafos vs Monaco (18:45)

Arsenal vs Bayern München

Atlético de Madrid vs Inter

Frankfurt vs Atalanta

Liverpool vs PSV Eindhoven

Olympiacos vs Real Madrid

Paris Saint-Germain vs Tottenham

Sporting CP vs Club Brugge

Xhiro e gjashtë e ndeshjeve

E martë 9 dhjetor 2025

Kairat Almaty vs Olympiacos (16:30)

Bayern München vs Sporting CP (18:45)

Monaco vs Galatasaray

Atalanta vs Chelsea

Barcelona vs Frankfurt

Inter vs Liverpool

PSV Eindhoven vs Atlético de Madrid

Union Saint-Gilloise vs Marseille

Tottenham vs Slavia Praha

E mërkurë 10 dhjetor 2025

Qarabağ vs Ajax (18:45)

Villarreal vs Copenhagen (18:45)

Athletic Club vs Paris Saint-Germain

Leverkusen vs Newcastle United

Borussia Dortmund vs Bodø/Glimt

Club Brugge vs Arsenal

Juventus vs Pafos

Real Madrid vs Manchester City

Benfica vs Napoli

Xhiro e shtatë e ndeshjeve

E martë 20 janar 2025

Kairat Almaty vs Club Brugge (16:30)

Bodø/Glimt vs Manchester City (18:45)

Copenhagen vs Napoli

Inter vs Arsenal

Olympiacos vs Leverkusen

Real Madrid vs Monaco

Sporting CP vs Paris Saint-Germain

Tottenham vs Borussia Dortmund

Villarreal vs Ajax

E mërkurë 21 janar 2025

Galatasaray vs Atlético de Madrid (18:45)

Qarabağ vs Frankfurt (18:45)

Atalanta vs Athletic Club

Chelsea vs Pafos

Bayern München vs Union Saint-Gilloise

Juventus vs Benfica

Newcastle United vs PSV Eindhoven

Marseille vs Liverpool

Slavia Praha vs Barcelona

Xhiro e tetë e ndeshjeve

E mërkurë 28 janar

Ajax vs Olympiacos

Arsenal vs Kairat Almaty

Monaco vs Juventus

Athletic Club vs Sporting CP

Atlético de Madrid vs Bodø/Glimt

Leverkusen vs Villarreal

Borussia Dortmund vs Inter

Club Brugge vs Marseille

Frankfurt vs Tottenham

Barcelona vs Copenhagen

Liverpool vs Qarabağ

Manchester City vs Galatasaray

Pafos vs Slavia Praha

Paris Saint-Germain vs Newcastle United

PSV Eindhoven vs Bayern München

Union Saint-Gilloise vs Atalanta

Benfica vs Real Madrid

Napoli vs Chelsea

Të gjitha ndeshjet tjera nisin në orën 21:00 përveç nëse përcaktohet ndryshe;

Sinjali – aty ku e vërteta flet para lajmit!

/GazetaSinjali/

The post Publikohet lista e ndeshjeve për fazën e ligës së Ligës së Kampionëve 2025/26 appeared first on Sinjali.

Një stuhi e fuqishme ka përfshirë Shqipërinë, duke shkaktuar ndërprerjen e përkohshme të fluturimeve në Aeroportin Ndërkombëtar të Tiranës “Nënë Tereza”.

Pista është përfshirë nga erë dhe shi i fortë, duke bërë të pamundur operimin normal të fluturimeve.

Autoritetet kanë ndërprerë aktivitetin deri në përmirësimin e kushteve atmosferike.

Në pamjet e siguruara nga Euronews Albania tregojnë pasagjerë që presin fluturimet, ndërsa terminali është mbushur me njerëz.

Stuhia ndërpret përkohësisht fluturimet në aeroportin e Rinasit
Një stuhi e fuqishme ka përfshirë Shqipërinë, duke shkaktuar ndërprerjen e përkohshme të fluturimeve në Aeroportin Ndërkombëtar të Tiranës "Nënë Tereza". pic.twitter.com/DxdiVSFZ2N

— Euronews Albania (@EuronewsAlbania) August 30, 2025

Sinjali – aty ku e vërteta flet para lajmit!

/GazetaSinjali/

The post Stuhia ndërpret përkohësisht fluturimet në aeroportin e Rinasit – Pamje appeared first on Sinjali.

Rita Ora po mbyll një tjetër sezon veror të suksesshëm në karrierën e saj muzikore, duke lënë pas një seri koncertesh të mbushura me emocione dhe mirënjohje ndaj publikut.

Këngëtarja me famë botërore ndau në Instagram momente nga shfaqjet e fundit, duke reflektuar mbi rrugëtimin e saj artistik dhe lidhjen e veçantë me fansat.

Në postimin e saj, Rita Ora u shpreh se këto ditë i kanë rikujtuar një moment të rëndësishëm në karrierën e saj: përvjetorin e 13-të të albumit debutues, ORA.

“Dy javët e mia të fundit… ishte 13-vjetori i albumit tim të parë ORA. Nuk mund ta besoj që ka kaluar kaq shumë kohë që nga publikimi i tij! Më ka bërë të ndihem shumë nostalgjike dhe emocionale, pasi e mbaj mend sikur ishte dje. Shfaqja e mbrëmshme në Zurich Openair dhe java e kaluar… jam gjithmonë mirënjohëse që mund të lidhem me njerëzit dhe të krijoj momente të vërteta që do t’i mbajmë mend përgjithmonë. Të shohësh gëzim dhe dashuri tek publiku është arsyeja pse unë vazhdoj të jap gjithçka nga vetja ime. Faleminderit që jeni familja ime për të gjitha këto vite – mezi po pres t’ju tregoj atë që kam punuar… shumë shpejt!”, shkroi ajo.

View this post on Instagram

A post shared by RITA ORA (@ritaora)

Sinjali – aty ku e vërteta flet para lajmit!

/GazetaSinjali/

The post Rita Ora mbyll turneun veror me emocione: S’mund ta besojë, 13 vjet nga albumi im i parë – ndihem sikur të ishte dje appeared first on Sinjali.

Së paku një person ka humbur jetën dhe 28 të tjerë janë lënduar pas sulmeve ruse në Zaporizhzhia të Ukrainës.

Nga të plagosurit, tetë persona janë hospitalizuar, përfshirë edhe tre fëmijë, njoftuan shërbimet shëndetësore.

Guvernatori rajonal, Ivan Federov, tha se mijëra banorë kanë mbetur pa energji elektrike. Sulme gjatë natës pati edhe në rajonin e Dnipropetrovskit. Seria e fundit e sulmeve në Zaporizhzhia vjen vetëm dy ditë pas sulmit të dytë më të madh ajror rus mbi Kievin që nga fillimi i luftës.

Pjesë të Dnipropetrovskut dhe Pavlohradit, në lindjen qendrore të Ukrainës, janë goditur gjithashtu. Infrastruktura është dëmtuar, megjithëse nuk ka raportime për viktima apo të lënduar.

Guvernatori i Dnipros, Serhiy Lysak, tha se 18 raketa janë shkatërruar gjatë sulmit.

Sinjali – aty ku e vërteta flet para lajmit!

/GazetaSinjali/

The post Një i vrarë dhe 28 të lënduar pas sulmeve ruse në Zaporizhzhia të Ukrainës appeared first on Sinjali.

Qendra Kombëtare për Menaxhim Kufitar (QKMK) ka përditësuar të dhënat, duke njoftuar se kohët e pritjeve në pikat kufitare të Kosovës janë rritur.

Në pikëkalimin kufitar të Dheu i Bardhë, pritjet për të dalë nga Kosova arrijnë deri në 40 minuta, ndërsa për hyrje po aq, 40 minuta.

Në Merdarë, pritjet për daljen nga vendi arrijnë deri në 20 minuta. Në pikat e tjera kufitare fluksi i udhëtarëve dhe koha e pritjes mbeten më të ulëta, sipas QKMK-së.

Sinjali – aty ku e vërteta flet para lajmit!

/GazetaSinjali/

The post Deri në 40 minuta pritjet për dalje nga Kosova te Dheu i Bardhë appeared first on Sinjali.

Lidhja Demokratike e Kosovës ka reaguar pas përmbylljes së seancës konstitutive nga Vetëvendosje, e cila shpalli Kuvendin “të konstituuar”, duke vlerësuar se moszgjedhja e një anëtari serb në kryesinë e Kuvendit nuk mund të konsiderohet e ezauruar.

LDK thotë se Kuvendi nuk mund të funksionojë dhe të marrë vendime pa përmbushur më parë procesin e konstituimit.

Reagimi i plotë:

Lidhja Demokratike e Kosovës thekson se Kuvendi i Republikës së Kosovës ende nuk është konstituuar. Kushtetuta e Republikës, Rregullorja e Kuvendit dhe aktgjykimet përkatëse të Gjykatës Kushtetuese janë të qarta dhe pa ekuivok sa i përket procedurave dhe kushteve të konstituimit të tij.

Çdo tentim për të interpretuar ndryshe apo për të anashkaluar këto dispozita themelore përbën shkelje të rendit kushtetues dhe cenim të parimeve demokratike mbi të cilat mbështetet shteti ynë. Kuvendi nuk mund të funksionojë dhe të marrë vendime pa përmbushur më parë procesin e konstituimit, siç e përcaktojnë qartë Kushtetuta, Rregulloren e Punës së Kuvendit dhe aktgjykimet e Gjykatës Kushtetuese.

Vonesat e vazhdueshme në konstituimin e Kuvendit dhe në formimin e institucioneve përbëjnë një dëm të madh për vendin. Këto vonesa po pengojnë funksionimin normal të jetës institucionale dhe përgjegjësia e barra kushtetuese, politike e morale bie kryekëput mbi LVV-në dhe drejtuesin e saj.

Lidhja Demokratike e Kosovës mbetet e përkushtuar për respektimin e plotë të rendit kushtetues dhe të rregullave demokratike, duke garantuar që institucionet e Republikës së Kosovës të veprojnë në përputhje me normat kushtetuese dhe të jenë shembull i funksionimit demokratik.

Sinjali – aty ku e vërteta flet para lajmit!

/GazetaSinjali/

The post LDK del me komunikatë: Kuvendi nuk është konstituuar, çdo interpretim tjetër shkel rendin kushtetues appeared first on Sinjali.

Moti i keq me reshje të dendura shiu dhe erë të fortë ka përfshirë vendin, ndërsa në Lezhë janë regjistruar edhe përmbytje.

Bëhet me dije se janë përmbytur disa zona kryesore, përfshirë bulevardin “Gjergj Fishta” dhe bllokun e banimit “11 Janari” në lagjen Besëlidhja.

Niveli i ujit ka arritur deri në 30 centimetra, duke bllokuar hyrjet e pallateve dhe duke e bërë të vështirë lëvizjen e automjeteve dhe këmbësorëve.

Situata e rënduar nga moti i keq ka sjellë edhe ndërprerje të furnizimit me energji elektrike, ku probleme janë raportuar edhe në zonën turistike të Shëngjinit.

Autoritetet lokale po ndjekin nga afër zhvillimin e situatës për të marrë masat e nevojshme.

Sinjali – aty ku e vërteta flet para lajmit!

/GazetaSinjali/

The post Moti i keq në Shqipëri, reshjet e dendura shkaktojnë përmbytje në Lezhë appeared first on Sinjali.

Gazeta Sinjali raportoi sot për një ngjarje tronditëse që ka ndodhur mbrëmë në kryeqytet, ku një e re ka humbur jetën tragjikisht në poligonin e qitjes “Fazani-S”.

Siç mësoi Sinjali, viktima është identifikuar si Lindore Sejdiu, 24-vjeçare, e cila rreth orës 19:20 është plagosur me armë zjarri në pjesën abdominale.

Ajo është dërguar me urgjencë në QKUK, por përkundër përpjekjeve të mjekëve, rreth orës 22:00 ka ndërruar jetë.

E reja Sejdiu, do të varroset sot pas namazit të Ikindisë, në varrezat e Uglarit.

“Lajmërim Varrimi

Me dhimbje të madhe njoftojmë se motra jonë e dashur Lindore sejdiu ndërroi jetë

Varrimi do të bëhet sot pas namazit të Ikindisë, në varrezat e Uglarit

Të gjithë familjarët, miqtë dhe dashamirët ftohen të marrin pjesë në përcjelljen e saj për në shtepin e fundit”, thuhet në njoftimin e familjarve.

Ekskluzive | 24-vjeçarja humb jetën në poligonin e qitjes “Fazani – S” në Prishtinë – pronari i lokalit përfundon në ndalim

E trishtë: Kjo është 24 vjeçarja që humbi jetën tragjikisht në poligonin “Fazani-S” në Prishtinë

Sinjali – aty ku e vërteta flet para lajmit!

/GazetaSinjali/

The post E dhimbshme: Sot i jepet lamtumira e fundit 24-vjeçares që vdiq në poligonin e qitjes “Fazani – S” në Prishtinë appeared first on Sinjali.

Seanca konstitutive e Kuvendit të Kosovës u shpall “e mbyllur” nga kryetari Dimal Basha, i cili e deklaroi parlamentin “të konstituuar”, edhe pa zgjedhjen e një Nënkryetari nga komuniteti serb.

Nenad Rashiq, i mbështetur nga Vetëvendosje, nuk arriti të sigurojë votat për këtë pozicion, ndërsa Lista Serbe insistoi në Sllavko Simiqin dhe nuk mori pjesë në shortin e organizuar nga kryetari i Kuvendit.

“Konsideroj që moszgjedhja e njërit nga pesë nënkryetarët nuk mund të bëhet pengesë që bllokon konstituimin e Kuvendit të Kosovës. Si të veprohet tutje me punën tonë, do t’i konsultoj anëtarët e Kryesisë së Kuvendit të hënën”, tha Basha dhe mbylli seancën.

“Prandaj me këtë rast, konsideroj që kemi ezauruar pikën e 4-të të rendit të ditës, dhe meqë nuk ka mundësi tjetër, konsideroj që kjo seancë është përmbyllur. Pas përmbylljes së kësaj seance, konsideroj që Kuvendi duhet të vazhdojë punën siç parashihet në Kushtetutë”, shtoi ai.

Memli Krasniqi i Partisë Demokratike të Kosovës e quajti këtë veprim “përtej talljes me shtetin” dhe theksoi se Kuvendi nuk është konstituar.

“Qytetarët po e shohin dhe nuk do ta harrojnë. Përtej talljes me shtetin është bërë edhe e rrezikshme. E kanë kthyer në Big Brother Kuvendin, me pa kush po eliminohet e kush po humb. Kjo ska ndodhur asnjëherë, ka mungesë totale të përgjegjësisë. Ka shpërfillje të rendit kushtetues. Janë duke sharruar edhe më tej në shkelje kushtetuese”, tha Krasniqi.

Ndërsa kryetari i Lidhjes Demokratike të Kosovës, Lumir Abdixhiku, e cilësoi situatën si “çmenduri”.

“S’marrim pjesë në çmenduri të tilla”, tha ai, duke kritikuar thirrjen e Bashës për diskutime me nënkryetarët e zgjedhur për të përcaktuar hapat e ardhshëm.

Kurse, deputeti i Vetëvendosjes, Hekuran Murati tha se Vetëvendosja “edhe kështu siç janë gjërat, pa një Nënkryetar serb” do të shkojë në zgjedhjen e qeverisë së Albin Kurtit, për të cilën pretendojnë se i kanë votat.

“Nuk ka më rrugë tjetër. Nënkryetarët janë zgjedhur, krejt çka ka mbetur është një alternativë se si të procedohet tutje pa një Nënkryetar, që është një nga 6, ose vendi të shkojë në zgjedhje. Pra, ne jemi të gatshëm të vazhdojmë me krijimin e Qeverisë kështu siç është, institucionet të vazhdojmë tutje. Ose të kthehemi në zgjedhje, që s’do ta dëshironim. Opozita nuk është e interesuar që ta testojnë Kurtin nëse i ka votat për qeveri, kjo është mundësia.”, tha Murati.

Sinjali – aty ku e vërteta flet para lajmit!

/GazetaSinjali/

The post Pa e zgjedhur nënkryetarin serb, Basha e konsideron Kuvendin të konstituar: PDK e LDK e quajnë “tallje” dhe “çmenduri” appeared first on Sinjali.

Andriy Parubiy, ish-kryetari i Verkhovna Rada të Ukrainës, është vrarë sot në Lviv, në një ngjarje që tronditi skenën politike të vendit.

Rreth mesditës, oficerët e zbatimit të ligjit morën një telefonatë për të shtëna me armë zjarri në lagjen Sykhiv të Lvivit.

“Viktima vdiq në vend si pasojë e plagëve të marra. Është vërtetuar se i ndjeri është një figurë e njohur publike dhe politike i lindur në vitin 1971”, thuhet në raportin policor.

Presidenti ukrainas, Volodymyr Zelensky, është informuar menjëherë për vrasjen e ish-kryetarit të parlamentit, duke e konsideruar ngjarjen një tragjedi të rëndë. Forcat e rendit janë në kërkim të autorit dhe po punojnë për të zbuluar identitetin e tij.

“Ministri i Punëve të Brendshme të Ukrainës, Ihor Klymenko, dhe Prokurori i Përgjithshëm, Ruslan Kravçenko, sapo kanë zbardhur rrethanat e para të njohura të vrasjes së tmerrshme në Lviv. Andriy Parubiy është vrarë. Ngushëllimet e mia për familjen dhe të afërmit e tij. Të gjitha forcat dhe mjetet e nevojshme janë angazhuar në hetimin dhe kërkimin e vrasësit”, shkroi Zelensky në Telegram.

Sinjali – aty ku e vërteta flet para lajmit!

/GazetaSinjali/

The post Vritet ish-kryetari i parlamentit ukrainas, reagon Zelensky: Të gjitha forcat janë në kërkim të vrasësit appeared first on Sinjali.

Hykmete Bajrami, deputete e Lidhjes Demokratike të Kosovës, ka kritikuar ashpër mbylljen e seancës konstituive nga kryeparlamentari Dimal Basha pa zgjedhur nënkryetarin nga komuniteti serb, duke e konsideruar këtë një shkelje flagrante të Kushtetutës.

“Ishit dëshmitarë të një shkelje flagrante të Kushtetutës, ku kryetari i sapozgjedhur mbylli seancën konstituive pa të drejtë sepse rregullorja e thotë qartë që Kuvendi konstituohet dhe seanca mbyllet vetëm në rastin kur zgjedhet kryetari dhe zgjedhen të gjithë nënkryetarët”, ka thënë ajo në një deklaratë për mediat pas seancës.

Bajrami ka sqaruar se LDK-ja ka refuzuar të votojë ndaras për nënkryetarët, duke u bazuar në aktgjykimin e Gjykatës Kushtetuese që obligon deputetët të vazhdojnë konstituimin sipas agjendës së dakorduar më 8 prill. Sipas saj, ka pasur pajtim që nënkryetarët të votohen në paketë.

Sinjali – aty ku e vërteta flet para lajmit!

/GazetaSinjali/

The post Bajrami: Kryeparlamentari bëri shkelje flagrante të Kushtetutës appeared first on Sinjali.

Deputeti i Lëvizjes Vetëvendosje, Xhelal Sveçla, ka theksuar se është detyrë jetike që Lista Serbe të mbetet jashtë Kryesisë së Kuvendit të Kosovës.

Sveçla ka publikuar një postim në Facebook, duke kujtuar përfshirjen e këtij subjekti në sulmin ndaj Kushtetutshmërisë dhe institucioneve të Republikës.

“Meqenëse ky subjekt ka qenë i përfshirë aktivisht në sulmin ndaj Kushtetushmërisë, institucioneve të Republikës, KFOR-it, misioneve të huaja, gazetarëve e qytetarëve, është detyrë jetike që ky subjekt të mbetet jashtë Kryesisë”, ka shkruar ai.

Sinjali – aty ku e vërteta flet para lajmit!

/GazetaSinjali/

The post Sveçla për Listën Serbe: Detyrë jetike që ky subjekt të mbetet jashtë Kryesisë appeared first on Sinjali.

Pak ditë para nisjes së vitit të ri shkollor, një i mitur ka shkaktuar dëme në një shkollë në Kurbin të Shqipërisë.

Ngjarja ka ndodhur më 24 gusht, ndërsa policia njofton se ndaj 16-vjeçarit ka nisur hetimi në gjendje të lirë.

Sipas policisë, i mituri dyshohet se ka thyer xhamat e shkollës në Fushë-Mamurras dhe ka dëmtuar kamerat e sigurisë.

“U referuan materialet në Prokurori dhe filluan procedimin penal në gjendje të lirë për një shtetas të mitur, 16 vjeç, pasi më datë 24.08.2025, dyshohet se ka thyer xhamat e një shkolle në Fushë-Mamurras, Kurbin, si dhe ka dëmtuar kamerat e sigurisë”, njofton policia.

Sinjali – aty ku e vërteta flet para lajmit!

/GazetaSinjali/

The post Pak ditë para nisjes së vitit të ri shkollor, 16-vjeçari thyen xhamat dhe kamerat e shkollës në Shqipëri appeared first on Sinjali.