Dashi

Bëjini sytë katër gjate kësaj dite juve qe jeni ne një lidhje. Disa persona te jashtëm do mundohet t’iu prishin pune dhe t’ua marrin nga duart atë qe keni ne krah. Beqaret do arrijnë me ne fund ta bëjnë për vete personin qe aq shume kane pëlqyer. Situata financiare do ketë ulje dhe ngritje te shpeshta. Nuk është koha për te dhënë hua apo për te bere investime.

Binjaket

Pasioni ne çift do shtohet sot. Do ndiheni me mire pranë atij qe dashuroni dhe gati për te marre edhe ndonjë vendim për te ardhmen. Beqaret me mire te qëndrojnë vetëm sepse jeta mund t’iu ndërlikohet me tepër nëse fillojnë ndonjë lidhje. Ne planin financiar do kaloni disa vështirësi megjithatë do arrini t’ia dilni me sukses. Nuk do e lëshoni veten asnjë çast.

Gaforrja

Venusi dhe Marsi do kujdesen mjaft gjate kësaj dite dhe do iu ndihmojnë t’iu gjeni zgjidhje te gjitha problemeve qe keni ne çift. Gjithçka do shkoje me se miri. Beqaret do vazhdojnë te jene ne kërkim te shpirtit binjak, por pa fat. Ne planin financiar situata mund t’iu dale tërësisht jashtë kontrollit nëse nuk merrni sa me shpejt masat e duhura.

Luani

Do iu duhet ende shume pune për t’ia mbushur mendjen partnerit se nuk do e gënjeni me dhe do tregoheni te sinqerte me te. Buka e thyer nuk ngjitet me. Gjithmonë ai do ketë hijen e dyshimit. Beqaret nuk do e vuajnë aspak vetminë megjithatë pritet te ndodhin disa takime impresionuese. Te ardhurat fatmirësisht nuk do kenë asnjë lloj problemi.

Virgjeresha

Pasioni do shtohet papritur sot ne jetën tuaj ne çift dhe vete do mahniteni nga gjerat qe do ndodhin. Shfrytëzojeni çdo sekonde sa me shume qe te mundeni. Beqaret do realizojnë takime mbresëlënëse te cilat kane për t’ua ndryshuar përgjithmonë jetën. Financat nuk do jene te këqija, por nëse doni qe te keni përmirësime duhet te flisni me specialistet.

Peshorja

Klima ne jetën tuaj ne çift do filloje te ngrohet pas një periudhe me debate dhe mosmarrëveshje. Do i kuptoni gabimet dhe do dini te kërkoni falje. Beqaret nuk do jene shume te shoqërueshëm dhe nuk do mundin ta ndryshojnë statusin. Ne planin financiar perspektivat janë te mrekullueshme. Do jeni shume te qarte për hapat qe duhet te hidhni.

Akrepi

Ne jetën tuaj ne çift do ndodhin gjera te jashtëzakonshme gjate kësaj dite. Rutina do marre fund dhe emocionet do jene me te fuqishme se kurrë me pare. Shfrytëzojeni ditën sa te mundni. Beqaret duhet te mendojnë me shume për te ardhmen dhe jo te hidhen ne krahët e dikujt vetëm për disa emocione te momentit. Ne planin financiar do jeni shume te kujdesshëm.

Shigjetari

Dite e mrekullueshme kjo e sotmja për ata qe janë ne një lidhje. Do bini dakord me partnerin tuaj për gjithçka dhe bashkëpunoni do jete goxha i forte. Beqaret nuk do këmbëngulin shume për ta bere për vete atë qe pëlqejnë, por do shohin edhe mundësi te tjera. Ne planin financiar do ketë disa probleme për shkak te shpenzimeve marramendëse qe do kryeni.

Bricjapi

Nëse marrëdhënia ne çift nuk është e mire mos e acaroni edhe me tepër atmosferën sepse me pas nuk do arrini dot ta rregulloni situatën. Beqaret jo te gjithë do jene me fat, megjithatë nuk duhet te mbyllen për asnjë moment ne vetvete. Sektori i financave do vije duke i stabilizuar fale perkujdesit tuaj, por edhe fale ndormes qe do iu japin disa familjare.

Ujori

Qielli yjor do dominohet nga Venusi gjate kësaj dite. Do i jepni me shume rëndësi se kurrë lidhjen qe keni krijuar dhe mund te bëni edhe ndonjë çmenduri vetëm qe te rikthehet pasioni i zjarrte. Beqaret do kenë vetëm flirtime dhe joshje me sy, asgjë me shume sesa aq. financat do mund te përmirësohen tej mase nëse ju shpenzoni me maturi dhe i menaxhoni mire te ardhurat.

Peshqit

Asnjë planet nuk do ndikoje ne sektorin tuaj te dashurisë sot. Nuk priten konflikte me partnerin, por as ndonjë pasion shume i zjarrte. Beqaret do kenë dashuri me shikim te pare ne momentet qe ata me pak i presin. Financat nuk do jene te këqija, megjithatë pak maturi dhe një menaxhim me i mire do iu ndihmonte se tepërmi.

The post Një ditë pasioni dhe vendimesh të rëndësishme për këto shenja – Horoskopi, e Diel 31 Gusht 2025 appeared first on Albeu.com.

Pas suksesit të madh të sezonit të parë, Arbana Osmani ka ndarë me ndjekësit e saj një lajm që ka entuziazmuar të gjithë adhuruesit e programit “Mirembrëma Yje”: sezoni i dytë po vjen shumë më shpejt nga sa pritej – dhe këtë herë me një shtëpi të re televizive.

Në një postim në rrjetet sociale, moderatorja e dashur ka zbuluar se ky sezon do të jetë edhe më i pasur në përmbajtje dhe surpriza.

Të ftuarit do të jenë më të shumtë, temat më të larmishme dhe momentet më të papritura, duke e kthyer çdo episod në një përvojë të veçantë për publikun.

Arbana ka premtuar një atmosferë të ngrohtë dhe emocionale, ku bisedat do të shkojnë përtej ekranit, duke prekur zemrat e shikuesve.

Për të gjithë ata që mezi po e presin rikthimin, lajm i mirë është se sezoni i dytë pritet të mbajë shikuesit të lidhur fort pas ekranit, duke forcuar edhe më tej lidhjen që ky program ka krijuar me publikun shqiptar.

“Mirembrëma Yje” tashmë është kthyer në një traditë, por këtë herë Arbana premton ta çojë në një nivel krejtësisht të ri.

The post Arbana Osmani rikthehet me një sezon të ri të “Mirëmbrëma Yje” appeared first on Albeu.com.

Për më shumë se gjashtë orësh, trafiku në aksin Lezhë–Rruga e Kombit është paralizuar gjatë pasdites së sotme, trafik që ka zgjatur deri në orët e vona të kësaj mbrëmjeje për shkak të fluksit të madh të automjeteve që janë larguar nga plazhet e Tales, Shëngjinit dhe Velipojës.

Radhët kilometrike kanë nisur që në orën 14:00 dhe kanë bllokuar jo vetëm rrugën kryesore nga Balldreni, por edhe rrugët dytësore që lidhin zonat bregdetare me kryeqytetin.

The post Kaos në Lezhë, makinat bllokohen më shumë se 6 orë në akset e plazheve të Tales, Shëngjinit dhe Velipojës appeared first on Albeu.com.

Organizata ndërkombëtare e ekspertëve, Instituti për Ekonomi dhe Paqe, ka publikuar Indeksin Global të Paqes (GPI) të këtij viti.

U konstatua se këtë vit rënia e këtij indeksi vazhdoi në nivel global.

Arsyeja për këtë është se konfliktet e mëdha janë në nivelin e tyre më të lartë që nga fundi i Luftës së Dytë Botërore.

Përveç kësaj, siç është konstatuar, gjithnjë e më shumë shtete po militarizohen për shkak të tensioneve gjeopolitike në rritje, prishjes së aleancave tradicionale dhe pasigurisë ekonomike në rritje.

‘Aktualisht ka 59 konflikte aktive, më shumë që nga Lufta e Dytë Botërore dhe tre më shumë se vitin e kaluar. Zgjidhja e konflikteve është në nivelin më të ulët në 50 vitet e fundit. Numri i konflikteve që përfunduan me një fitore të qartë ka rënë nga 49% në vitet 1970 në 9% në dekadën e dytë të shekullit të 21-të. Përveç kësaj, numri i konflikteve që përfunduan me marrëveshje paqeje ishte 23% në vitet 1970, ndërsa në dekadën e dytë të shekullit të 21-të ishin 4%’, tregoi Instituti për Ekonomi dhe Paqe me seli në Sidnej.

U vu re se konfliktet po ndërkombëtarizohen gjithnjë e më shumë, duke e bërë zgjidhjen e tyre më të vështirë.

Konkretisht, 78 vende janë të përfshira në konflikte përtej kufijve të tyre.

E gjithë kjo ka rezultuar në përkeqësimin e nivelit global të paqes me rreth 0.36%, që është rënia e 13-të e nivelit të paqes në 17 vitet e fundit.

Sipas GPI-së, Islanda është ende vendi më paqësor në botë, ajo është renditur e para që nga viti 2008.

Ndër dhjetë vendet e para janë edhe Irlanda, Zelanda e Re, Austria, Zvicra, Singapori, Portugalia, Danimarka, Sllovenia dhe Finlanda.

Shqipëria renditet e 52-ta ndërsa Kosova e 63-ta.

Rusia është në fund të listës, në vendin e 163-të. Kjo është hera e parë që është emëruar vendi më pak paqësor në botë në këtë raport.

The post Rusia vendi më pak paqësor në botë, ja ku renditet Shqipëria dhe Kosova appeared first on Albeu.com.

Tabloidi britanik “Daily Mail” i ka kushtuar një artikull të gjatë një të riu shqiptar, Edmond Kallmi, i cili është dënuar për vrasje në Shqipëri dhe më pas u arrestua përsëri në Britani.

50-vjeçari nga Berati, i njohur për sjellje të dhunshme, ishte ekstraduar një herë pas një krimi të tmerrshëm në vitin 1998, kur bashkë me një mik qëlluan për vdekje një grua që mbante në krahë djalin e saj njëvjeçar.

Në tetor 2022, ai kërcënoi një shofer grua në Ferndale me një armë të rreme gjatë një grindjeje rrugore. Në gjyqin e tij, u tha se arma dukej reale dhe frikësoi viktimën, për çka u dënua me 18 muaj burg. Autoritetet raportuan se ai kishte fshehur armën pas incidentit dhe policia gjeti vetëm bombola gazi dhe kushineta me sfera.

Kallmi ndodhet aktualisht në qendrën e largimit të imigracionit në Colnbrook, ndërsa autoritetet britanike nuk kanë dhënë detaje nëse dhe kur do të deportohet.

Drejtori i Qendrës për Kontrollin e Migracionit, Robert Bates, e përshkruan të riun si një “kërcënim jashtëzakonisht të padëshirueshëm”.

Rasti i Kallmit është shembull i një personi me histori kriminale që ka mundur të qëndrojë ilegalisht në Britani jo një, por dy herë, duke nxjerrë në pah dobësitë në kontrollet e kufijve.

The post “Daily Mail” investigim për vr*sësin nga Berati: Si u fut dy herë ilegalisht në Angli?! appeared first on Albeu.com.

Fillimi i një viti të ri shkollor sjell një mori përgjegjësish për prindërit. Blerja e pajisjeve dhe rrobave shkollore, plotësimi i formularëve dhe organizimi i gjithçkaje të nevojshme për t’i përgatitur fëmijët për shkollë janë të gjitha shqetësime të mëdha gjatë kësaj kohe.

Por me gjithë fokusin te pajisjet dhe përgatitja, është e lehtë të anashkalohet diçka po aq e rëndësishme, sipas profesorit dhe studiuesit të psikologjisë Dr. James Pawelski dhe këshilltares Suzie Pileggi Pawelski.

“Një zakon kyç që nuk duhet ta harrojmë është inkurajimi i fëmijëve për të ndërtuar miqësi të shëndetshme dhe të sinqerta. Është kjo lidhje që sjell një ndjenjë pranimi dhe mirëkuptimi, i ndihmon ata të zhvillojnë qëndrueshmëri dhe ofron mbështetje në vitet kur kanë më shumë nevojë. Në një kohë kur shumë të rinj vuajnë nga vetmia, investimi në marrëdhënie bëhet thelbësor”, shpjegojnë Dr. James dhe Suzie.

Miqësitë sjellin përfitime të rëndësishme, ato zvogëlojnë stresin, rrisin kënaqësinë në jetë dhe ndihmojnë në të mësuarit e aftësive të tilla si bashkëpunimi, kompromisi dhe komunikimi.

“Ato shoqërohen gjithashtu me performancë më të mirë akademike dhe më pak ankth. Marrëdhëniet e hershme shoqërore kanë një efekt pozitiv afatgjatë dhe përmes tyre fëmijët fitojnë vlera të tilla si besimi dhe ndershmëria”-theksojnë ekspertët.

Së fundmi, është e rëndësishme të kujtojmë se kemi nevojë për miqësi në çdo moshë.

“Gjatë kësaj periudhe përgatitjeje për shkollën, nuk duhet të harrojmë sa shumë më të forta janë lidhjet sesa çdo lëndë apo aktivitet.

Qofshim shtatë apo shtatëdhjetë vjeç, miqësitë janë themeli i mirëqenies sonë dhe investimi në to gjithmonë ia vlen”, përfunduan Dr. James dhe Suzie.

The post Flasin ekspertët! – Çelësi i një viti shkollor të suksesshëm për fëmijët nuk është ajo që mendoni ju PRINDËR! appeared first on Albeu.com.

Ylli i muzikës pop, Rita Ora është në prag të përfundimit të një tjetër turneu të suksesshëm veror.

Artistja me famë botërore ka ndarë me ndjekësit e saj në Instagram disa momente nga koncertet e fundit, duke reflektuar mbi rrugëtimin e saj muzikor dhe lidhjen e veçantë me publikun.

“Dy javët e mia të fundit… ishte 13-vjetori i albumit tim të parë ORA. Nuk mund ta besoj që ka kaluar kaq shumë kohë që nga publikimi i tij!

Më ka bërë të ndihem shumë nostalgjike dhe emocionale, pasi e mbaj mend sikur ishte dje.

Shfaqja e mbrëmshme në Zurich Openair dhe java e kaluar… jam gjithmonë mirënjohëse që mund të lidhem me njerëzit dhe të krijoj momente të vërteta që do t’i mbajmë mend përgjithmonë.

Të shohësh gëzim dhe dashuri tek publiku është arsyeja pse unë vazhdoj të jap gjithçka nga vetja ime. Falëminderit që jeni familja ime për të gjitha këto vite, mezi po pres t’ju tregoj atë që kam punuar… shumë shpejt!”, ka shkruar ajo.

The post Më shumë se një dekadë në botën e muzikës, Rita Ora vjen me mesazhin EMOCIONUES: “Mezi po pres që…” appeared first on Albeu.com.

Policia britanike njoftoi se arrestoi pesë persona të shtunën, pasi disa burra me maska u përpoqën të hyjnë me forcë në një hotel që përdorej nga azilkërkuesit, një ditë pasi qeveria fitoi një vendim gjykate për përdorimin e një tjetër hoteli për të strehuar migrantët.

“E kuptojmë ndjeshmërinë lidhur me këto çështje, por kur protesta paqësore kalon në kriminalitet, duke përfshirë lëndime për oficerët tanë, ne do të marrim veprime të menjëhershme,” tha Komandanti Adam Slonecki në një deklaratë.

Në një incident tjetër, tre burra u arrestuan mbrëmjen e së premtes jashtë një tjetër hoteli që përdorej për të strehuar azilkërkues në Epping, në lindje të Londrës.

Qeveria e Kryeministrit Keir Starmer fitoi një vendim gjykate të premten, i cili shfuqizoi një vendim të mëparshëm që kërkonte largimin e azilkërkuesve nga hoteli në Epping, ku një banor ishte akuzuar për sulm seksual.

Shqetësimi për imigracionin ka shpërthyer në krye të agjendës politike në Britani pas një rritjeje të migrantëve që përdorin anije të vogla për të arritur në vend.

Më shumë se 32,000 migrantë janë strehuar në rreth 200 hotele në të gjithë vendin deri në fund të qershorit, sipas të dhënave të qeverisë.

The post Tension në Londër: Policia arreston pesë protestues kundër azilkërkuesve appeared first on Albeu.com.

Reshjet e dendura të shiut kanë shkaktuar probleme në disa pjesë të qytetit të Vlorës. Trafiku ka qenë i rënduar dhe disa rrugë janë përmbytur, duke shkaktuar shqetësime për qytetarët.

Në aksin Vlorë-Radhimë, pranë tunelit të Ujit të Ftohtë, në vendin e njohur si “Gjurma”, është hapur një gropë e madhe në asfalt.

Gropa është aq e thellë sa mund të përfshijë një makinë të tërë, duke krijuar rrezik për shoferët.

Ndërkohë, në lagjen “10 Korriku”, reshjet kanë sjellë grumbullim dheu dhe balte, duke e bërë qarkullimin e këmbësorëve dhe automjeteve të vështirë.

The post FOTO-LAJMI/ Moti i keq, hapet një gropë e madhe pranë tunelit të Ujit të Ftohtë në Vlorë appeared first on Albeu.com.

Gjykata e Posaçme ka caktuar masën e sigurisë “arrest me burg” për inspektorin e IMT-së së Tiranës, Gerald Fuçia. Ai u vu në pranga me urdhër të Prokurorisë së Posaçme, pas një denoncimi nga një pronar lokali se bashkë me disa të tjerë, Fuçia kishte kërkuar 1000 euro ryshfet për disa tenda që ishin pa leje.

Avokatja e këtij të fundit është shprehur se Klajdi Zhilla, një tjetër i akuzuar për ryshfet ishte ai që merrte paratë nga biznesi.

“Klajdi Zhilla është personi që ka mbajtur kontakt me personin e dëmtuar dhe ka shkuar edhe ka tërhequr shumën monetare. Kjo shumë i është dhënë kamarierit të lokalit Cormeun për ta mbajtur aty nga vetë Klajdi Zhilla dhe policia ka sekuestruar këtë shumë që Klajdi Zhilla kishte marrë tek qytetari. është Klajdi Zhilla që ka patur kontaktet me qytetarin dhe është ai që ka tërhequr shumën tek banaku i lokalit që kapi Policia. Dhe pikërisht kjo shumë ka dalë nga buxheti i shtetit për efekt të këtij operacioni”, raportohet se ka thënë avokatja.

Ndërkohë Klajdi Zhilla ishte shpallur në kërkim me urdhër të SPAK, por u vetëdorëzua paraditen e sotme në polici.  Zhilla është shprehur se është vënë në dijeni nga media se ishte në kërkim dhe është vetëdorëzuar për të sqaruar pozicionin e tij. Në kuadër të aksionit të SPAK, në pranga bashkë është vënë dhe një tjetër punonjës i IMT Tiranë, Edmond Çela.

Në kërkim është vënë edhe një person tjetër. Arrestimi i Fuçias dhe Çelës ka ndodhur në lokalin e ish-deputetit, Mark Frroku në Kombinat. Policia më 27 gusht gjithashtu ka vënë në pranga ish-kryeinspektorin e Inspektoratit të Mbrojtjes së Territorit (IMT) në Bashkinë Durrës, Ardian Halili. Ai akuzohet për ndërtim të paligjshëm në një zonë bregdetare në fshatin Shetaj të Ishmit. Ditën e djeshme është kryer edhe shembja e resortit pa leje.

The post Akuzohet se kërkoi ryshfet për një tendë pa leje/ GJKKO cakton arrest me burg për inspektorin e IMT Tiranë, Gerald Fuçia: Nuk kam lidhje me ngjarjen appeared first on Albeu.com.

Erërat e forta  dhe moti i keq kanë shkaktuar dëme në disa pjesë të qytetit të Shkupit.

Shërbimet kompetente po e ndjekin situatën me kujdes, ndërsa Qendra për Menaxhimin e Krizave është në koordinim të vazhdueshëm me të gjitha institucionet përkatëse në terren.

Sipas raportimeve ka dëme materiale dhe zjarre.

Siç informojnë nga ky institucion, Drejtori Muhamed Ali, së bashku me shërbimet e përhershme në QMK, i koordinojnë aktivitetet dhe informojnë të gjitha institucionet kompetente për të siguruar ndërhyrje në kohë për të siguruar lëvizjen e qytetarëve.

The post Maqedoni e Veriut/ Erërat e forta dhe moti i keq shkaktojnë dëme në Shkup appeared first on Albeu.com.

Në mesin e muajit Gusht, ish-kryebashkiaku i Himarës, Jorgo Goro, doli nga ambjentet e burgut, pasi përfundoi dënimin e parë me 2 vjet e 20 ditë burgim, lidhur me çështjen e tjetërsimit të pronave në Dhërmi përmes dokumentave të falsifikuara, ku përfitues fundor i tokës ishte Artan Gaçi, bashkëshorti i deputetes së PS, Olta Xhaçka.

Goro, doli nga qelia duke u kthyer i lirë në Himarë, por një vendim tjetër dënimi i shkon nga pas, duke u bërë shkak që ish-funksionari i Partisë Socialiste në Himarë, mund të rikthehet përsëri në burg.

Një dënim me 1 vit e 4 muaj burgim, vijon të qëndrojë mbi “kokën” e Jorgo Goros, që nëse do lihet në fuqi dhe në Gjykatën e Apelit të Posaçëm, e çon automatikisht Goron në burg.

Ky është dënimi i dytë ndaj Goros për abuzimet me pronat në bregdet.

Në këtë hetim ai akuzohet se ka kryer veprime të kundraligjshme në cilësinë e kreut të Bashkisë së Himarës lidhur me dy procedurat e plotësimit të akteve të marrjes së tokës bujqësore në pronësi për familjet bujqësore, në dëm të mësuesit Irakli Likoka, banues në Bashkinë Himarë.

Gjatë fazës së pretencës prokuroria, kërkoi gjatë konkluzioneve përfundimtare, që veç deklarimit fajtor dhe dënimit të pandehurve, të vendosej dhe kthimi i praktikave të sekuestruara institucioneve përkatëse, ku në raste të tilla enteve publike u lind e drejta të fshijnë regjistrimin e AMTP-së të konstatuar me probleme dhe regjistrimin e saj në pronësisë shtetërore.

Lidhur me këtë kërkim, gjykata ka vendosur që praktikat e sekuestruara enteve përkatëse, të mbeten pjesë e fashikullit të gjykimit, për efekt të procedimit penal të ndarë ndaj të pandehurit Jerasimo Bashi.

The post Jorgo Goro u lirua nga burgu, por ja dënimi që mund ta kthejë në qeli ish-bashkiakun e Himarës appeared first on Albeu.com.

PD ka reaguar në lidhje me akuzat që Trump lëshoi ndaj George Soros, si dhe ndikimit të këtij të fundit në politikën shqiptare.

Në një dalje për mediat, deputeti i zgjedhur i PD, Klevis Balliu tha se “Hetimi i George dhe Alex Soros nuk mund të jetë kurrë i plotë pa hetimin në Tiranë të Edi Ramës, Linda Ramës dhe Delina Ficos”.

DEKLARATA E DEPUTETIT TË PD, KLEVIS BALLIU:

Partia Demokratike i kërkon këshillit bashkiak të Tiranës që të mblidhet në mënyrë urgjente dhe të heqë titullin “Qytetar Nderi i Tiranës” akorduar George Sorosit nga Edi Rama kur ishte kryebashkiak.

Në Shtetet e Bashkuara Presidenti Trump e ka shpallur George Soros “armik i demokracisë” dhe është e padenjë dhe sfiduese që në Shqipëri ai të jetë ende “nderi” i kryeqytetit.

Kur Edi Rama ishte kryetar bashkie i dha titullin “Qytetar Nderi i Tiranës” pikërisht atij personi që sot Presidenti i SHBA kërkon ta hetojë si drejtues të një organizate kriminale.

George Soros dhe djali i tij janë shpallur praktikisht ‘non grata’ nga Presidenti i Shteteve të Bashkuara. Jo vetëm kaq, por administrata Trump ka kërkuar që ata të hetohen mbi bazën e Aktit RICO, ligj që përdoret kundër organizatave kriminale.
Si është e mundur që i shpalluri nga Presidenti i aleatit tonë të madh si kreu i një strukture kriminale të gëzojë titullin si nderi i kryeqytetit të Shqipërisë?

Ndërsa në SHBA Sorosi konsiderohet një kartel dhune dhe kërcënim i drejtpërdrejtë ndaj demokracisë, në vendin me popullin më pro-amerikan në botë ai ka instaluar qeverinë e tij personale. Sot, praktikisht, kemi një qeveri që bashkëpunon hapur me armiqtë e shpallur të SHBA-së.

Është e domosdoshme që ky nder i pamerituar t’i hiqet menjëherë. Titulli “Qytetar Nderi i Tiranës” duhet t’u rezervohet vetëm personaliteteve që mbrojnë lirinë, demokracinë dhe vlerat universale dhe ato të kombit tonë.

Ky titull korruptiv është arsyeja më e vogël se pse FBI duhet të shtrijë hetimet ne Shqipëri, ku provat e krimeve të kartelit woke dhe anti-demokratik Soros janë të pafundme.

The post Balliu: Soros s’mund të jetë “Qytetar Nderi i Tiranës”, titulli duhet hequr appeared first on Albeu.com.

Një aksident rrugor është shënuar pasditen e sotme në “Rrugën e Kombit”, në afërsi të Repsit në Mirditë. Sipas informacioneve zyrtare policore, një automjet ka përplasur një këmbësor.

Ky i fundit ka marrë dëmtime dhe është dërguar me urgjencë në spitalin e Traumës. Drejtuesi i automjetit është shoqëruar në Komisariat, ndërsa grupi hetimor vijon punën për sqarimin e rrethanave të aksidentit.

NJOFTIMI I POLICISË:

Mirditë/Informacion paraprak

Rreth orës 16:00, në ‘Rrugën e Kombit’, në afërsi të Repsit, shtetasi N. A., duke drejtuar automjetin, ka përplasur këmbësorin, shtetasin A. N.

Shtetasi A. N. është transportuar në Spitalin e Traumës, Tiranë, ku ndodhet nën kujdesin e mjekëve.

Drejtuesi i automjetit është shoqëruar në Komisariat, për veprime të mëtejshme procedurale.

Grupi hetimor vijon punën për sqarimin e rrethanave të aksidentit.

The post Makina aksidenton një këmbësor në Rrugën e Kombit, i pl*gosuri në gjendje të rëndë te spitali i Traumës appeared first on Albeu.com.

Ministri i Drejtësisë, Ulsi Manja u shpreh sot, se aksioni për prishjen e ndërtimeve pa leje në gjithë territorin e Shqipërisë, nuk është një tekë e Kryeministrit Edi Rama, por një betejë për territorin dhe Shqipërinë evropiane.

Ministri Manja, në një postim në rrjetet sociale u shpreh se “sot, më shumë se kurrë, kjo nuk është vetëm beteja e qeverisë. Është beteja e çdo qytetari që do të jetojë në një vend normal, në një Shqipëri të qytetëruar, të barabartë me Evropën”.

Sipas Manjës, “kush mbron paligjshmërinë, mbron prapambetjen. Kush ngrihet për ligjin, ngrihet për të ardhmen. Shqipëria e 2030 nuk ndërtohet mbi rrumpallë, por mbi drejtësi, rregulla dhe respekt të interesit publik”.

Sipsa Manjës, “në këtë betejë, Edi Rama ka mandat popullor për të qenë në krahun e së mirës së përbashkët. Dhe në këtë betejë ai i ka ftuar të gjithë: prokurorinë, gjyqësorin, çdo qytetar që beson se nuk ka Shqipëri europiane mbi themelet e kaosit. Ai nuk po sulmon askënd; përkundrazi, po i thërret të gjithë në luftë kundër paligjshmërisë. Sepse një ndërtim pa leje është i paligjshëm edhe në pronën tënde, jo më në tokën e përbashkët apo në pronën e tjetrit”.

Deklarata e plotë:

Nga padrejtësia nuk lind e drejta: beteja për territorin dhe Shqipërinë europiane!

Që në momentin kur nisi prishja e ndërtimeve pa leje në Theth, shumëkush mendoi se kjo ishte një tekë vere e Edi Ramës. Një lojë politike, një manovër për të tërhequr vëmendjen e publikut nga temat e ditës apo aktualiteti politik.

Por koha po tregon, dhe do të tregojë deri në fund, se nuk është as kështu e as ashtu. Kjo është një betejë vizioni. Një betejë që lidhet drejtpërdrejt me horizontin e Shqipërisë 2030 në Bashkimin Europian.

Sepse është fare e thjeshtë. Dhe këtë më mirë se kushdo e dinë shqiptarët që jetojnë e punojnë prej dekadash në vendet e BE-së: në Europë nuk hyhet me ndërtime pa leje, me kioska dhe tenda metalike që zaptojnë hapësirën publike, që bllokojnë hyrjet e pallateve, me qoftehane mbi trotuarë, me tarraca pallatesh të kthyer në bahçe apo pemtore të paligjshme, me ndërtues që shesin tre herë të njëjtin apartament, me kasapë që therin bagëti pas dyqanit në mes të qytetit, me varreza makinash, me karburante të braktisura buzë çdo rruge kombëtare, me plehra që hidhen sa andej e këtej në çdo cep të Shqipërisë, pa pyetur fare për ndotje mjedisi apo prishje imazhi turizmi. Shkurt, në BE nuk shkohet me shtet rrumpallë, por me shtet rregullash, institucione të përgjegjshme dhe sundim ligji.

Prandaj të gjithë ata “vajtues publikë” që përpiqen ta paraqesin këtë operacion si një konflikt personal mes kryeministrit dhe qytetarëve, mes qeverisë dhe drejtësisë, apo si hakmarrje politike ndaj individëve e bizneseve, nuk bëjnë gjë tjetër veçse helmojnë publikun. Në fakt, ata janë tregtarët e paligjshmërisë, që duan të mbajnë gjallë kaosin, sepse vetëm aty gjejnë oksigjenin e tyre politik dhe ekonomik. E vërteta është krejt tjetër: në territor sot po ndeshen dy palë dhe vetëm dy — interesi publik dhe paligjshmëria e kthyer në mentalitet.

Në këtë betejë, Edi Rama ka mandat popullor për të qenë në krahun e së mirës së përbashkët. Dhe në këtë betejë ai i ka ftuar të gjithë: prokurorinë, gjyqësorin, çdo qytetar që beson se nuk ka Shqipëri europiane mbi themelet e kaosit. Ai nuk po sulmon askënd; përkundrazi, po i thërret të gjithë në luftë kundër paligjshmërisë. Sepse një ndërtim pa leje është i paligjshëm edhe në pronën tënde, jo më në tokën e përbashkët apo në pronën e tjetrit.

Si mundet, pra, që dikush që ngrihet në krah të ligjit të akuzohet si intimidues? Si mund të quhet cenim i drejtësisë kur thua thjesht: mos na pengoni të pastrojmë vendin nga ndërtimet pa leje dhe nga çdolloj paligjshmërie tjetër?

Që nga Roma e lashtë kemi trashëguar një postulat të hekurt: “Ex iniuria ius non oritur” – nga padrejtësia nuk lind e drejta. Dhe ky është thelbi: një gjë e paligjshme, një pronë e grabitur, një ndërtim pa leje, nuk mund të bëhet kurrë e ligjshme, kurrë jotja.

Prandaj, nëse ka përplasje sot, ajo nuk është Rama kundër drejtësisë, as Rama kundër qytetarëve, por e mira kundër së keqes. Dhe në këtë betejë, mandati i katërt është zotimi për të vendosur kontroll mbi territorin me çdo mjet ligjor, për t’i dhënë fund kaosit dhe ndotjes — jo vetëm në hapësirat publike, por edhe në mentalitetin e atyre që ende mendojnë se janë mbi ligjin.

Është e thjeshtë krejt!

Dhe sot, më shumë se kurrë, kjo nuk është vetëm beteja e qeverisë. Është beteja e çdo qytetari që do të jetojë në një vend normal, në një Shqipëri të qytetëruar, të barabartë me Europën. Kush mbron paligjshmërinë, mbron prapambetjen. Kush ngrihet për ligjin, ngrihet për të ardhmen. Shqipëria e 2030 nuk ndërtohet mbi rrumpallë, por mbi drejtësi, rregulla dhe respekt të interesit publik.

The post Prishja e ndërtimeve pa leje, Manja: Betejë për territorin dhe Shqipërinë evropiane appeared first on Albeu.com.

Instituti i Gjeoshkencave ka dalë me një njoftim lidhur me situatën e motit të keq që ka mbërthyer të gjithë vendin.

Në njoftim thuhet se sot dhe nesër priten reshje intensive në qarqet Lezhë Durrës dhe Tiranë. Në qarkun e Shkdorës, Dibrës, Elbasanit, Vlorës dhe Gjirokastrës priten reshje mesatare deri lokalisht intensive.

Bëhet me dije më tej se në qarkun e Kukësit dhe Fierit priten reshje të mesme, ndërsa në të gjitha qarqet reshjet do të shoqërohen me shtrëngata. Ndërkohë temperaturat do të shënojnë rënie.

POSTIMI I PLOTË:

RESHJET

Sot pasdite (e shtunë, dt. 30) dhe nesër (e diel, dt. 31) priten reshje intensive në qarqet Lezhë Durrës dhe Tiranë. Në qarqet Shkodër, Dibër, Elbasan, Vlorë dhe Gjirokastër priten reshje mesatare deri lokalisht intensive. Në qarkun Kukës dhe Fier priten reshje mesatare, ndërsa në qarqet e tjerë priten reshje të dobëta deri lokalisht mesatare (siç tregohet në tabelë, respektivisht për secilin qark).

Reshjet priten të shoqërohen me shtrëngata në të gjitha qarqet.

Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë, Elbasan, Fier dhe Vlorë.

The post IGJEUM njoftim për motin e keq: Ja cilat qarqe do të përballen me reshje intensive shiu, temperaturat shënojnë rënie appeared first on Albeu.com.

Artistja shqiptare me famë botërore, Dua Lipa dhe partneri i saj, Callum Turner kanë vendosur të hyjnë së bashku në botën e biznesit. Çifti, i cili u fejua disa muaj më parë, ka themeluar së fundmi TwentyTwo Films Limited. Kompania synon prodhimin e filmave dhe programeve televizive, me yllin 30-vjeçar të muzikës pop dhe aktorin 35-vjeçar që kanë aksione të barabarta.

Një burim pranë çiftit që foli për The Sun theksoi: “Dua dhe Callum janë njerëz shumë ambiciozë dhe kanë shumë plane për sipërmarrje që duan të bëjnë së bashku.

Ajo është përpjekur tashmë të përfshihet në kinema në të kaluarën. Por nëse ajo kalon në projekte të reja, ajo dëshiron të ketë më shumë kontroll krijues.” I njëjti burim shtoi: “Ajo dhe Callum kanë shumë ide që mendojnë se do të funksionojnë. Është ende shumë herët, por motorët po ecin përpara.”

Sipërmarrja e re e çiftit sjell në kujtesë rrugën e ndjekur nga Margot Robbie dhe bashkëshorti i saj, producenti Tom Ackerley, të cilët themeluan labelin e tyre LuckyChap, i cili ka prodhuar hite të tilla si “I, Tonya”, “Saltburn” dhe “Barbie”, ku merrte pjesë edhe Dua Lipa.

The post Partner në jetë dhe në biznes, Dua Lipa dhe Callum Turner themelojnë kompani për prodhimin e filmave dhe programeve televizive appeared first on Albeu.com.

Moti i keq largon pushuesit nga plazhet dhe bregdeti, trafik i rënduar në akset Shkodër- Lezhë dhe Lezhë-Milot

The post Moti i keq largon pushuesit nga plazhet dhe bregdeti, trafik i rënduar në akset Shkodër- Lezhë dhe Lezhë-Milot appeared first on Albeu.com.

Një 24-vjeçare ka humbur jetën në Prishtinë, pasi  është plagosur me armë zjarri në një poligon.

“Menjëherë është dërguar për trajtim mjekësor në QKUK, nga ku rreth orës 22:00 është konfirmuar vdekja e viktimës femër, L.S, 24 vjeçare. Njësitet policore menjëherë kanë dalë në vendngjarje dhe kanë ndërmarrë të gjitha veprimet e nevojshme hetimore”, thuhet në njoftim.

Policia njofton se në kuadër të hetimeve, është arrestuar një zyrtar përgjegjës i poligonit dhe me vendim të prokurorit është ndaluar për 48 orë.

Hetuesit policor në koordinim me prokurorinë po punojnë për sqarimin e plotë të rrethanave të rastit, i cili me urdhër të prokurorit është iniciuar Vetëvrasje, Shkaktim i rrezikut të përgjithshëm me pasojë vdekjen.

The post Kosovë/ U pl*gos me a*më në një poligon, humb jetën 24-vjeçarja në Prishtinë appeared first on Albeu.com.

Stuhia e erës së ditës së sotme ka shkaktuar zjarr në shkurret e ferrat e rrethimit të Bazës Ajrore të Natos në Kuçovë.

Stuhia e erës së ditës së sotme ka shkaktuar zjarr në Bazën Ushtarake të NATO-s në qytetin e Kuçovës. Era e fuqishme ka këputur kabujt e energjisë elektrike dhe si pasoje e kësaj, shkëndijat e kabllove kanë rënë në kontakt me barin e shkurret e thata përreth pistës së aviacionit, duke shkaktuar zjarr.

Zjarri është përhapur me shpejtësi të madhe përreth zonës, i favorizuar nga era e fortë, duke rrezikuar edhe banesat e vilat që ndodhen përreth Bazës Ajrore, në fshatin Moravë.

Në vendngjarje, në ndihmë të forcave ushtarake të kësaj baze ajrore, kanë shkuar 20 forca zjarrëfikëse dhe 4 mjete të Repartit tē MZSH-së Berat.

Në një kohë të shkurtër,zjarri është vënë nën kontroll, ndërkohë që për fikjen e plotë të zjarrit ka ndihmuar edhe shiu që ra me furi për pak minuta.

The post Era e fortë shkëput kabujt elektrikë, zjarr në zonën përreth Bazës Ajrore të NATO-s në Kuçovë appeared first on Albeu.com.