Në tregun e këmbimit valutor shqiptar, një dollar amerikan, do të blihet sot me 82.3 lekë dhe do shitet me 83.3 lekë.

 

Ndërkohë monedha evropiane euro, do blihet me 96.8 lekë dhe do shitet me 97.7 lekë.

Franga zvicerane, sot në tregun shqiptar do blihet me 103.1 lekë dhe do shitet me 104.4 lekë.

Ndërsa paundi britanik, do blihet me 110.3 lekë dhe do shitet me 111.8 lekë.

The post Këmbimi valutor/ Çfarë po ndodh me monedhat e huaja? Me sa po blihen dhe shiten dollari dhe euro appeared first on Albeu.com.

Në orët e para të mëngjesit të sotëm rreth orës 06:00, një ngjarje e rëndë është regjistruar në qytetin e Pogradecit, ku një grua 52-vjeçare ka humbur jetën si pasojë e një zjarri në banesën e saj.

Sipas informacioneve paraprake, rreth orës 06:00, në lagjen nr. 1 të qytetit, në banesën e shtetases K. T., ka rënë zjarr ende në rrethana të paqarta.

Si pasojë e asfiksimit nga tymi, 52-vjeçarja ka ndërruar jetë në vendngjarje.

Menjëherë pas njoftimit, në vendin e ngjarjes kanë mbërritur shërbimet zjarrfikëse dhe grupi hetimor, të cilët kanë bërë të mundur shuarjen e flakëve dhe po punojnë për të zbardhur shkaqet që çuan në këtë ngjarje tragjike.

Autoritetet janë duke kryer veprimet hetimore për të sqaruar plotësisht rrethanat e rastit.

The post E rëndë në Pogradec/ Banesa e saj u përfshi nga flakët, asfiksohet dhe ndërron jetë 52-vjeçarja appeared first on Albeu.com.

Ditën e djeshme, Papa Leo XIV, ka lëshuar një paralajmërim të ashpër për krizën humanitare “jashtëzakonisht të rëndë” në Gaza , duke thënë se popullsia civile po “shtypet nga uria” dhe vazhdon të përballet me “dhunë dhe vdekje” mes sulmeve dhe rrethimit të vazhdueshëm të Izraelit.

“Po e ndjek me shqetësim të thellë situatën jashtëzakonisht të rëndë humanitare në Gaza, ku popullsia civile po shtypet nga uria dhe vazhdon të jetë e ekspozuar ndaj dhunës dhe vdekjes”, tha Papa gjatë lutjes së tij javore Angelus, raportoi Vatican News.

Komentet e tij vijnë pas zemërimit global në rritje për kushtet katastrofike në enklavën e rrethuar, ku agjencitë e ndihmës raportojnë zhvendosje masive, uri dhe rritje të vdekshmërisë foshnjore për shkak të kufizimeve disamujore izraelite në ushqim, ilaçe dhe akses humanitar.

Leo përsëriti thirrjen e tij urgjente për një armëpushim, duke bërë thirrje për lirimin e të gjithë pengjeve dhe akses të papenguar për ndihmë humanitare, duke theksuar se çdo person “ka një dinjitet të brendshëm të dhuruar nga vetë Zoti”.

Ai u bëri thirrje udhëheqësve politikë dhe të gjitha palëve në konflikt që ta “njohin këtë dinjitet” dhe “të ndërpresin të gjitha veprimet që e shkelin atë”.

Duke refuzuar thirrjet ndërkombëtare për armëpushim, ushtria izraelite ka ndërmarrë një ofensivë brutale në Gaza që nga 7 tetori 2023, duke vrarë gati 60,000 palestinezë, shumica prej tyre gra dhe fëmijë. Bombardimet e pamëshirshme kanë shkatërruar enklavën dhe kanë çuar në mungesë ushqimi.

Në nëntorin e kaluar, Gjykata Ndërkombëtare Penale, lëshoi urdhër-arreste për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli përballet gjithashtu, me një padi për gjenocid në Gjykatën Ndërkombëtare të Drejtësisë për luftën e tij në enklavë.

The post Papa Leo XIV paralajmëron se civilët në Gaza po “shtypen nga uria”, po ekspozohen ndaj dhunës appeared first on Albeu.com.

Këtë të hënë vendi ynë, do të jetë në ndikimin e kushteve atmosferike relativisht të paqëndrueshme.

Moti parashikohet me kthjellime dhe alternime vranësirash, të cilat do të pasohen me reshje lokale shiu, me intensitet të ulët kryesisht në Veri e qendër të vendit.

Në relievet e larta kodrinore-malore, priten shtrëngata afatshkurtra të izoluara.

Era e lehtë me drejtim kryesor Juglindje-Jugperëndim me shpejtësi mesatare 5 m/s, në bregdet dhe lugina hera-herës do të arrijë deri 9m/s

Deti – Valëzimi forcës 1-2 ballë.

The post Parashikimi i motit 28 Korrik 2025, kthjellime dhe alternime vranësirash appeared first on Albeu.com.

Një ekip studentësh të elektronikës industriale të aplikuar nga Universiteti i Aalborgut në Danimarkë përdorën një printer 3D për të prodhuar dhe më pas për të testuar një dron hibrid që mund të fluturojë, të zhytet në ujë, të manovrojë nën sipërfaqe dhe pastaj të kthehet në ajër, të gjitha në një sekuencë të vetme pa ndërprerje.

Prototipi u krijua për një punim diplome dhe demonstron kalime të shpejta nga ajri në ujë, gjë që madje i habiti krijuesit e tij.

Pjesa më e rëndësishme e performancës së dronit është sistemi i helikës së ndryshueshme, fletët e të cilit rrotullohen në kënde të ndryshme në ujë dhe ajër.

Pjerrësia e fletëve është më e madhe në ajër për të krijuar rrjedhje ajri, ndërsa në ujë është më e vogël për të zvogëluar rezistencën dhe për të rritur efikasitetin.

Këto helika gjithashtu mund të krijojnë shtytje negative për manovrim më të saktë nënujor.

Pamjet tregojnë mjetin duke u ngritur nga një pishinë e madhe, duke u zhytur, duke “notuar” shkurtimisht dhe pastaj duke u kthyer vertikalisht në ajër, duke përsëritur rutinën disa herë, të treguar nga kënde të ndryshme kamerash.

Ndryshe, dronët hibridë nuk janë krejtësisht të rinj.

Një raport i Live Science thotë se studiuesit nga Universiteti Rutgers prezantuan një prototip të ngjashëm ajër-ujë në vitin 2015, dhe shkencëtarët kinezë demonstruan një manovër të ngjashme tranzicioni në vitin 2023.

Ajo që e dallon projektin e studentëve të Aalborg është butësia e tranzicionit midis dy mjediseve të kapura në një kornizë të vazhdueshme dhe të arritur me një zgjidhje të thjeshtë të bazuar në helikë në vend të rikonfigurimeve mekanike më komplekse.

Enkileda Carja ka arritur rezultate mbresëlënëse në Kampionatin Europian për 17-vjeçarët që po zhvillohet në Madrid, duke u shpallur kampione e trefishtë e Europës dhe duke thyer tre rekorde europiane gjatë garës.

Kryeministri Edi Rama përcolli pamje nga ceremonia e ndarjes së medaljeve në kampionat ku luhet himni shqiptar, ndërsa përcolli urimet për kampionen e re.

“Peshëngritësja e talentuar Enkileda Carja fiton medaljen e artë në Kampionatin Europian të Peshëngritjes për të Rinj, që po zhvillohet në Madrid, duke thyer 3 rekorde europiane për të rinj, në peshën 63 kg”, shkroi Rama në rrjetet sociale.

Me një kombinim prej 204 kilogramësh, Enkileda Carja fitoi 3 medalje ari dhe la pas të gjitha rivalet, duke e ngjitur flamurin kuqezi në majën e podiumit në Madrid.

Peshëngritja shqiptare ka nxjerrë ndër vite talente duke shënuar suksese në arenën ndërkombëtare./ KultPlus.com

Si qëndrimi i gjatë ulur dhe pozicioni i gabuar ndikojnë në dobësimin e trupit dhe ngurtësimin e muskujve

Ne kalojmë orë të tëra çdo ditë ulur përpara tavolinës së punës, në makinë, apo në kolltuk. Edhe pse duket e padëmshme, qëndrimi i gjatë ulur sjell pasoja: ngurtësi në kyçe, muskuj të dobësuar dhe ulje të lëvizshmërisë bëhen probleme të zakonshme. Megjithatë, ekziston një zgjidhje e thjeshtë, falas dhe mjaft e papritur që mund të lehtësojë këto shqetësime – shtrirja në dysheme.

Pse është e mirë shtrirja në dysheme

Nuk është mit – shtrirja në dysheme, qoftë në shpinë apo në bark, ka më shumë përfitime sesa mund të mendoni. Nuk po flasim për gjumë të shkurtër me batanije përpara televizorit, por për një pushim të vetëdijshëm mbi një sipërfaqe të fortë dhe të qëndrueshme që detyron trupin tuaj të pozicionohet ndryshe nga zakonisht.

“Muskujt fleksorë të ijëve ngurtësohen kur ulem shumë. Shtrirja në bark kundërshton këtë pozicion“, shpjegon fizioterapistja Rachel Prusinski nga Shoqata Amerikane e Terapisë Fizikale.

Kjo është e rëndësishme sepse shumica prej nesh jo vetëm që qëndrojmë ulur për kohë të gjatë, por e bëjmë këtë në një mënyrë që ndikon pasivisht në tërë trupin tonë – ne ulemi duke mbështetur shpinën në mbështetësen e karriges, e lëmë trupin të përkulet prapa, dhe muskujt tanë të barkut nuk punojnë fare. Me kalimin e kohës, kjo na dobëson dhe çon në ngurtësi, transmeton Telegrafi.

Sa e vështirë mund të jetë?

Përveç shtrirjes së muskujve, ulja dhe ngritja aktivizon të gjithë trupin. “Përfshin kyçet, gjunjët, ijët, muskujt e barkut dhe shumë më tepër. Është një test i mirë i lëvizshmërisë sepse përdor thuajse çdo nyje në trup“, thotë Prusinski.

Nëse po ju bëhet e vështirë, është një sinjal i madh që diçka duhet të ndryshojë. Ndoshta keni humbur ekuilibrin, forcën ose fleksibilitetin, që rrit rrezikun për rrëzime dhe dëmtime me kalimin e moshës. Dhe këtu mund t’ju ndihmojnë fizioterapistët, jo vetëm pasi të ndodhë diçka, por edhe si masë parandaluese.

E rëndësishme për të moshuarit, por edhe për këdo që qëndron ulur shumë gjatë

“Nëse një person i moshuar rrëzohet, duhet të dijë si të ngrihet në mënyrë të sigurt. Dhe nuk do ta bëjë dot nëse nuk ka provuar për vite të tëra të ulet dhe të ngrihet vetë“, paralajmëron fizioterapistja Jennifer Kostik-Jonson nga Sistemi Shëndetësor i Universitetit të Virgjinisë Perëndimore.

E njëjta gjë vlen për këdo që qëndron ulur dhjetë ose më shumë orë në ditë – trupi thjesht mësohet me lëvizjet që dikur i kishte natyrale. Dhe pa lëvizje vjen ngurtësia, dobësia dhe dhimbja.

Lajmi i mirë? Nuk keni pse vuani me orë ushtrime, thjesht ndryshoni pozicionet gjatë ditës. Nuk ka një “pozicion ideal”, më i miri është gjithmonë ai që vjen më pas, thotë Prusinski. Uluni për një kohë, pastaj ngrihuni, mbështetuni në tryezë, pastaj shtrihuni në dysheme për disa minuta. E kështu me radhë.

Më e keqja që mund të bëni është të qëndroni të palëvizur për orë të tëra, edhe nëse mendoni se po ulni “saktë“.

Jini të kujdesshëm nëse keni probleme me lëvizshmërinë

Sigurisht, nëse keni histori rrëzimesh, probleme me gjunjët, qarkullimin ose nuk jeni shtrirë në dysheme prej kohe, mos e provoni këtë vetëm. Fizioterapistët rekomandojnë që përpjekjet e para t’i bëni me ndihmën e një personi tjetër ose me një karrige për t’u mbajtur. Zbrisni ngadalë dhe dëgjoni trupin tuaj.

Nëse shtrirja në dysheme për momentin nuk është e mundur, synoni për çdo lloj përmirësimi të lëvizshmërisë. Ecja, zgjatjet, ushtrimet në karrige – çdo gjë ndihmon. E rëndësishme është të lëvizni vazhdimisht dhe të mos qëndroni gjatë në të njëjtin pozicion. /Telegrafi/

The post Duket e çuditshme, por funksionon: Shtrirja në dysheme mund të jetë ilaç për qëndrimin e gjatë ulur në punë appeared first on Telegrafi.

Sardenja po përjeton një tjetër ditë të vështirë, teksa zjarret vijojnë të përhapen në disa zona të ishullit, me situatën më alarmante të regjistruar pranë plazhit Molentis në Villasimius, ku flakët janë afruar rrezikshëm pranë bregdetit.

Sipas mediave italiane, rrugët e evakuimit janë thuajse të bllokuara, duke vënë në rrezik jetën e qindra pushuesve që ndodheshin në zonë.

Në vendngjarje u ndërhy menjëherë nga Roja Bregdetare e Cagliarit, e cila së bashku me njësitë detare speciale, shpëtoi mbi 140 persona nga deti.

Më konkretisht, 102 pushues u evakuuan me patrullën bregdetare Cp320, ndërsa 39 të tjerë nga mjetet e policisë financiare.

Operacionet e shpëtimit u vështirësuan ndjeshëm për shkak të erërave të fuqishme, që kanë përfshirë jugun e ishullit dhe po përhapin flakët me shpejtësi.

Në përpjekje për të shpëtuar, shumë qytetarë nxituan drejt makinave të parkuara afër plazhit, por mbi 200 automjete mbetën të rrezikuara, dhe disa prej tyre u përfshinë nga zjarri.

Autoritetet lokale janë në terren dhe po punojnë intensivisht për kontrollin e vatrave dhe evakuimin e plotë të zonës, ndërsa situata mbetet e paqëndrueshme për shkak të kushteve atmosferike sfiduese.

The post Itali/ Zjarri i madh në Sardenja rrethon turistët appeared first on Albeu.com.

Deputeti i zgjedhur i Partisë Demokratike, Belind Këlliçi ka paralajmëruar arrestimin për korrupsion të ish-kryebashkiakut të Tepelenës, Tërmet Peçi.

Sipas Këlliçit, arrestimi i Tërmet Peçit do të ndodhë para se ai të marrë mandatin e deputetit në shtator, të fituar në zgjedhjet e 11 Majit.

Deputeti i PD-së e bazoi deklaratën e tij edhe në përgjimet për Erion Veliajn, i cili është shprehur se Tërmet Peçi kandidoi për deputet për t’i shpëtuar arrestimit.

“Prisni edhe një muaj e pak dhe do të shihni, edhe skandalet e reja të qeverisë, edhe denoncimet e reja, do të shihni edhe çështjet e reja që do të ngrejë opozita… Nuk e dimë a do të ketë kohë që të futet në Parlament në shtator, apo do të arrestohet para shtatorit?

Oreksi i Edi Ramës. Sa herë i është dashur, çdo dy tre muaj… Nuk të bën përshtypjen që Erion Veliaj në përgjime thotë që Agron Malaj dhe Tërmet Peçi po bëhen deputetë për t’i shpëtuar drejtësisë dhe kështu duhet të vepronte edhe ai.

Por për ata kështu kishte vendosur Rama, për Veliajn kishte vendosur që duhet të bëjë burgun edhe për shokët.” – tha Këlliçi në A2 CNN.

The post Deputeti paralajmëron arrestimin e Tërmet Peçit: Prisni edhe një muaj dhe do të shihni! appeared first on Albeu.com.

Një 33 vjecar i identifikuar si Elmaz Fejzaj u arrestua nga Policia e Vlorës, si përgjegjes për ndezjen e zjarrit që mori përmasa të frikshme  në Malin e Shashicës.

Sipas policisë, ai ndezi zjarin për pastrimin e një zonë me qëllim hapken e kullotave te reja, por flakët dolën jashtë kontrolllit duke djegur një pjesë të malit, ndërsa rrezikuan  edhe zonat e Banuara në Kaninë e Sherishtë.

Një 63 vjeçar ndërkohë u arestua si autori i zjarrit në zonën e mbrojtur të Malit me Gropa.

Flakët atje përfshinë rreth 600 hektarë tokë me kullota dhe bimësi të ndryshme te lugina e Grykës së Mullinit dhe Qafa e Qershisë, të cilat ndodhen brenda kufijve të Parkut Kombëtar të Dajtit.

Në Shijak një 58 vjeçar u arrestua si autor i dyshuar i zjarrit që përfshiu një sipërfaqe pyjore në fshatin Shetel.

Sipas policisë, ai dogji mbeturina në tokën e tij dhe zjarri doli jashtë kontrollit, duke rrezikuar banesat përreth.

Në pranga përfunduan edhe autorët e dyshuar të zjarrvënieve në Kakavijë të Gjirokastrës, Frakull e Vogël në Fier, dhe Cërrik.

6 persona të tjerë u vunë nën hetim në gjendje të lirë si shkaktarë të zjarreve në Fier, Sarandë, Kurbin, Dibër, Shkodër e Polican.

Policia e Shtetit thotë se ka kaluar në gatishmëri të gjitha strukturat vendore, me porosi të qarta për intensifikimin e masave parandaluese, hetimore dhe ndëshkimore ndaj çdo rasti zjarrvënieje, të qëllimshme apo të shkaktuar nga pakujdesia.

Sipas kodit Penal, dënimet për zjarrvënien  shkojnë deri në 20 vjet burg, në varësi të pasojave.

The post Zjarrvënësit rrezikojnë deri 20 vjet burg/ Policia: 6 në pranga, 6 në hetim për zjarrvënie në 72 orë appeared first on Albeu.com.

Drafti për Kodin e Ri Penal u prezantua të premten nga Ministrii Drejtësisë Ulsi Manja, drejtuesi i grupit të punës dhe me prezencën e drejtuesve të institucioneve kryesore të drejtësisë në vend.

Në një nga nenet e kodit të ri parashikohen masa të reja ndëshkuese ndaj kujtdo që përpiqet të ndikojë vendimmarrjen e gjykatës përmes komenteve publike.

Sipas nenit 536, bërja apo publikimi i komenteve me anë të të cilave synohet haptazi të ushtrohet ndikim në aftësinë e gjykatës për të marrë vendimet, nëpërmjet krijimit të rrethanave shtypëse ndaj pavarësisë së saj, shtrembërimit të qëllimshëm të cilësisë së provave apo paraqitjes së tyre në kundërshtim me përmbajtjen e vërtetë, imponimit për të krijuar pabesueshmërinë në publik të aftësisë së gjykatës për të qenë e pavarur, të kryera për çdo interes apo përfitim, për të dëmtuar apo favorizuar persona të veçantë, e kryer përpara dhënies së një vendimi gjyqësor, dënohet me gjobë ose me burgim deri në 3 vjet.

Gjithashtu në nenin 516 të draftit parashikohet dënimi për ata që zbulojnë të dhëna sekrete.

Konkretisht në pikën 1 të këtij neni thuhet se: “Zbulimi i të dhënave sekrete apo konfidenciale, që kanë lidhje me identitetin, procesin e bashkëpunimit, të mbrojtjes ose për vendndodhjen e dëshmitarëve e të bashkëpunëtorëve të drejtësisë, të cilët përfitojnë mbrojtje të veçantë sipas ligjeve në fuqi, dënohet me burgim nga dy deri në gjashtë vjet”.

 Nga ana tjetër pika 3 i referohet publikimit të të dhënave konfidenciale.

Neni 516

Zbulimi i bashkëpunëtorit të drejtësisë

Zbulimi i të dhënave sekrete apo konfidenciale, që kanë lidhje me identitetin, procesin e bashkëpunimit, të mbrojtjes ose për vendndodhjen e dëshmitarëve e të bashkëpunëtorëve të drejtësisë, të cilët përfitojnë mbrojtje të veçantë sipas ligjeve në fuqi, dënohet me burgim nga dy deri në gjashtë vjet.

Zbulimi që ka sjellë si pasojë vdekjen, plagosjen e rëndë ose ka rrezikuar seriozisht jetën apo shëndetin e dëshmitarëve ose të bashkëpunëtorëve të drejtësisë, të familjarëve të tyre apo të punonjësve të policisë, të ngarkuar me mbrojtjen e tyre dënohet sipas dispozitës penale të posaçme bazuar në llojin e pasojës së ardhur dhe, konkurron me paragrafin një të këtij neni.

Publikimi me çfarëdolloj forme i akteve të përmendura në paragrafin e parë të këtij neni, shton dënimin deri në një të tretën e tij. Nëse kjo vepër kryhet nga personat juridikë dënohet me gjobë ose me një nga dënimet sipas nenit 123 të këtij Kodi.

Neni 536

Ndikimi në pavarësinë e gjykatës

Bërja apo publikimi i komenteve me anë të të cilave synohet haptazi të ushtrohet ndikim në aftësinë e gjykatës për të marrë vendimet, nëpërmjet krijimit të rrethanave shtypëse ndaj pavarësisë së saj, shtrembërimit të qëllimshëm të cilësisë së provave apo paraqitjes së tyre në kundërshtim me përmbajtjen e vërtetë, imponimit për të krijuar pabesueshmërinë në publik të aftësisë së gjykatës për të qenë e pavarur, të kryera për çdo interes apo përfitim, për të dëmtuar apo favorizuar persona të veçantë, e kryer përpara dhënies së një vendimi gjyqësor, dënohet me gjobë ose me burgim deri në tre vjet.

The post RISHIKIMI I KODIT PENAL/ Burg për gazetarët që zbulojnë “sekretet” dhe për komentet “intimiduese” ndaj drejtësisë appeared first on Albeu.com.

Kryeministrja italiane Giorgia Meloni ka reaguar pas marrëveshjes së arritur SHBA-BE. Sipas saj është pozitive që BE ka arritur një marrëveshje me SHBA-në, por duhet të shohë detajet, raporton agjencia italiane e lajmeve Ansa. Italia është ekonomia e tretë më e madhe e BE-së. Presidenti amerikan, Donald Trump përshëndeti marrëveshjen si “marrëveshjen më të madhe të arritur ndonjëherë” dhe…

Source

Enkileda Carja nuk ndalet. Peshëngritësja e talentuar shqiptare ka arritur të tjera rezultate të jashtëzakonshme në arenën ndërkombëtare, duke u konfirmuar si një prej talenteve më të mëdha që ka nxjerrë ndonjëhere shtanga shqiptare.

Carja është shpallur kampione e trefishtë në Kampionatin Europian për moshat U-17, aktivitet që po zhvillohet në Madrid dhe këtë e ka bërë me një perfomancë të pabesueshme, duke thyer plot gjashtë rekorde europiane për këtë grupmoshë.

Kryeministri Edi Rama ndau pamje nga ceremonia e ndarjes së medaljeve në kampionat ku po luhej edhe himni shqiptar.

“Peshëngritësja e talentuar Enkileda Carja fiton medaljen e artë në Kampionatin Europian të Peshëngritjes për të Rinj, që po zhvillohet në Madrid, duke thyer 3 rekorde europiane për të rinj, në peshën 63 kg”, – shkroi Rama në rrjetet sociale.

The post Peshëngritësja Enkileda Carja mori tre medalje evropiane dhe theu edhe 3 rekorde të tjera, Rama: Urime kampione! appeared first on Albeu.com.

Deti është një nga destinacionet më të frekuentura gjatë verës, sidomos në këto ditë të nxehta të korrikut. Dhe kjo si për vendasit, ashtu edhe për të huajt.

Një numër i madh nga këta të fundit zgjedhin Sarandën, por deti nganjëherë nuk është aq dashamirës. I tillë mund të jetë rasti edhe për një turist portugez, i cili është futur në ujë orë më parë, por nuk është dukur më në breg.

Njoftimi i Policisë:

Më datë 27.07.2025, rreth orës 18:00, në afërsi të lagunës, në vendin e quajtur “Buka e Vivarit”, shtetasi portugez A. G., 57 vjeç, që ndodhej me disa miq të tij, nuk është parë më nga momenti që ka hyrë me not në det.

 

Shërbimet e Policisë Kufitare Sarandë, në bashkëpunim dhe me patrullat nga toka, vijojnë kërkimet në det dhe në zonën përreth bregut, për gjetjen e tij.

Grupi hetimor i ngritur nga Komisariati i Policisë Sarandë po punon për sqarimin e plotë të rrethanave të ngjarjes.

The post Hyri me not në det rreth orës 18:00, një portugez 57-vjeçar nuk del më në breg. Policia në kërkim të turistit appeared first on Albeu.com.

Një marrëveshje është arritur midis SHBA-së dhe BE-së për tarifat. Presidenti i SHBA-së Donald Trump dhe Presidentja e Komisionit Evropian Ursula von der Leyen nënshkruan marrëveshjen për tarifën prej 15% gjatë një takimi  në Skoci.

Gjatë konferencës për shtyp para takimit dypalësh, të dy udhëheqësit folën për një shans të mirë për të arritur një marrëveshje, “nëse ka ndonjëherë një të tillë, do të jetë më e madhja ndonjëherë”, deklaruan ata.
Dhe tani marrëveshje është arritur. Në fakt, Trump e bëri të ditur se tarifat nuk do të uleshin poshtë 15% dhe kështu ndodhi. Kjo tarifë është e njëjtë me atë të Japonisë. Krahasuar me 30% që Trump vendosi më 9 korrik dhe kur afati i fundit ishte 1 gushti, duket një e marrëveshje e mirë edhe për BE-në.

The post Trump arrin akordin me BE për tarifat prej 15%, Presidenti i SHBA-së: Marrëveshje mbresëlënëse! appeared first on Albeu.com.

Teksa IKMT-ja ndërmori një aksion për prishjen e rreth 80 objekteve të ndërtuara pa lejë në zonën e Parkut Kombëtar të Thethit, në skajin tjetër të Shqipërisë në Ersekë, kryetari i bashkisë Ersekë, është angazhuar personalisht të prishë forcërisht stallën e një fermeri të zonës.

Kryebashkiaku i Ersekës Erion Isai, ka vendosur ti vërsulet një stalle të ndërtuar para vitit 2020 nga fermeri Elodjan Beqo.

Ky i fundit prej muajit qershor 2021 ka aplikuar pranë Agjensisë Shtetërore të Kadastrës dhe aktualisht është në proces legalizimi të objektit stallë, ku mban qindra bagëti.

Objektin fermeri e ka ndërtuar në tokën e tij të hipotekuar për nevoja të familjes dhe fermës së tij ku mbarështon bagëtitë. Por përmes një vendimi të menjëhershëm, kryetari i Ersekës, Erjon Isai, ka vendosur t’ia prishë.

Përmes një njoftimi të firmosur nga vetë kryebashkiaku Isa, ai ka paralajmëruar fermerin, Elodjan Beqo, se ditën e nesërme ditë e hënë në datën 28 Korrik 2025,në orën 11:00 do kryejë me fadromat e bashkisë objektin (stallë) në vendin e quajtur “Pyllëzimi i Ersekës”.

Nga ana tjetër para se të kryhet kjo procedurë, fermeri Elodjan Beqo pretendon se është tërësisht i rregullt, ka paguar taksat e femerit dhe ka ndërtuar në një sipërfaqe toke që është tërësisht e tij dhe me dokumenta hipotekorë.

Për shkak të veprimeve arbitrare të zyrtarëve të bashkisë Ersekë dhe veprimeve të personalizuara nga kryebashkiaku i zonës, Erion Isai, Beqo, ka paraqitur një kallëzim penal ndaj zyrtarit të bashkisë.

Kallëzimi është referuar nëprokurori për akuzën e “Shpërdorimit të detyrës”, “Mbajtjes pa të drejtë të titujve” dhe “Kryerja e veprimeve arbitrare”.

Kjo pasi sipas kallëzimit kryetari i bashkisë Ersekë ka shmangur qëllimit Inspektoriatin e Mbrojtjes së Territorit, duke marë kopetencat e këtij organi dhe vepruar edhe si kryebashkiak edhe si drejtor IMT-je.

Ndërkohë të kallëzuar në prokurorinë e Shkodrës janë dhe Petro Risto, me detyrë zv/kryetar i bashkisë Ersekë, Brikena Ali me detyrë Drejtoreshë e Shërbimeve Publike, Ermal Zylfo me detyrë Drejtor i Policisë Bashkiake dhe Orgest Lifo me detyrë Drejtor i Çështjeve Juridike dhe Prokurimeve Publike.

The post Pas aksionit të IKMT-së në Theth, godet Erion Isai në Ersekë. Njofton fermerët se do i prishë stallat, ata e kallëzojnë në prokurori appeared first on Albeu.com.

Në Kalasë, Delvinë, situata paraqitet serioze për shkak të përhapjes së zjarrit nga era e fuqishme pranë zonës së banuar, sipas Ministrisë së Mbrojtjes.

Në aksion janë angazhuar zjarrfikësit e Delvinës dhe Sarandës, efektivët e Forcave të Armatosura, zjarrfikës nga Baza e Mbështetjes së Emergjencave Civile dhe një helikopter Black Hawk.

Ministri i Mbrojtjes, Pirro Vengu, dhe Kryetari i Bashkisë Delvinë Besmir Veli ndodhen në terren, ku po ndjekin nga afër operacionin në mbështetje të banorëve dhe përpjekjet për minimizimin e rrezikut për jetën e qytetarëve.

The post FOTO/ ”Zjarri në Kalasë të Delvinës, serioz’’, Ministria e Mbrojtjes: Jemi në “luftë” … appeared first on Albeu.com.

Shqipëria ka rreth tre ditë që po lufton me flakët. Në të gjithë vendin, por veçanërisht në zonat jugperëndimore, zjarret po djegin mijëra hektarë bimësi. Gjatë natës të së shtunës, më 26 korrik, flakët u përhapën drejt shtëpive dhe hoteleve në vendpushimet bregdetare, përfshirë Borshin.

Të dielën, më 27 korrik, 40 persona, përfshirë shumë turistë, u evakuuan. Aktiviteti njerëzor është shkaku i zjarreve, por edhe valët e të nxehtit po i ushqejnë flakët. Pranë Vlorës, në jug të vendit, një bari u arrestua me dyshimin për zjarrvënie të qëllimshme
Shqetësimi po rritet për zjarret e pakontrolluara ose të vështira për t’u kontrolluar: mbi 1,000 zjarrfikës dhe njësi emergjence janë të angazhuara në operacionet e shuarjes së tyre. Forcat italiane, hungareze dhe kroate janë gjithashtu të përfshira në mbështetje, duke përfshirë një avion Canadair nga Departamenti Italian i Mbrojtjes Civile.

Fjalët e Ramës

 

Mëngjesin e së dielës, më 27 korrik, Kryeministri Edi Rama shprehu mirënjohjen e tij për personelin e përfshirë në menaxhimin e zjarreve. Në një postim në Facebook, duke përfshirë një seri fotosh të zjarreve që po vazhdonin, ai përgëzoi dhe falënderoi pjesëtarët e forcave të armatosura dhe policinë e shtetit për shpëtimin e atyre që ishin në rrezik.

“Mendimet tona shkojnë gjithashtu për zjarrfikësit, forcat kombëtare të emergjencës dhe forcat e mbrojtjes civile që po luftojnë me flakët” – shkroi Rama.

Ndërkohë, megjithatë, situata mbetet e rëndë, me disa zjarre aktive midis Borshit, Piqerasit dhe Sasajt. Në këtë të fundit, zjarret janë përshkruar si “të pakontrollueshme”.

Mbështetje për popullsinë

Një zjarr shkatërroi një pjesë të fshatit Kopaçez, duke dëmtuar të mbjellat, bagëtinë, rrjetet elektrike dhe tubacionet e ujit. Vetëm falë ndërhyrjes së zjarrfikësve u shmang një tragjedi.

Megjithatë, fshati është i izoluar dhe kërkon punë të shumta për të riparuar, si rrjetin e ujit, ashtu edhe atë të energjisë elektrike. Për më tepër, tubat e dëmtuar kanë lënë dy fshatra të tjerë pa ujë të pijshëm. Mbështetja tashmë po vjen nga Ministria e Bujqësisë, me iniciativa për të ndihmuar fermerët e prekur nga zjarret dhe të cilët tani përballen me mungesë ushqimi për bagëtinë e tyre.

The post Mediat italiane shkruajnë për zjarret në Shqipëri: Mbi 1 mijë zjarrfikës në punë, banorë të evakuuar. Situata mbetet e rëndë appeared first on Albeu.com.

Ish-banori i Big Brother VIP Kosova 3, Eduart Kuqi, ka komentuar së fundmi konfliktin mes Jozit dhe Gjestit, që shpërtheu në javët e fundit të formatit dhe vazhdon të përflitet edhe jashtë.

I ftuar në emisionin “Koment për Koment”, Eduarti lexoi një nga komentet që e përmendte mbështetjen e tij ndaj Gjestit në kohën e sherrit me Jozin. Dhe këtë herë, ai vendosi të japë një reflektim ndryshe.

“Ky koment është shumë i vërtetë dhe shumë i saktë se kemi folur fjalë të mëdha për Jozin, por në fakt unë mund të them një gjë: unë Jozin tani neve si Dukagjinit na ka penguar pak, kur ta shikon hollë e hollë, nuk ka faj. Jozi nuk ka pasur faj”, u shpreh ai.

Eduarti ka qenë banor vetëm për dy javë në shtëpinë më të famshme në Kosovë, por kjo kohë ka mjaftuar për t’i formuar një mendim të qartë për Gjestin.

“Unë dy javë sa kam qëndruar brenda nuk kam mundur ta duroj, e leje më që ka dalur sa ditë para finales. E kish paralajmëruar demek: ‘Mos më provoko më’, por ai e ka shfrytëzuar atë mundësi, nuk i ka nervat e veta. Secili njeri reagon ndryshe në ato momente.”

Madje, ai theksoi se nëse do të ishte në vend të Jozit, ndoshta reagimi i tij do të ishte edhe më i ashpër:

“Po të isha në vend të Jozit ndoshta kisha reaguar edhe më keq”, përfundoi Eduarti, duke shtuar se nuk ka më kontakte me asnjërin prej tyre.

The post Eduart Kuqi komenton sherrin Jozi–Gjesti: Kur e sheh hollë, Jozi kishte të drejtë appeared first on Albeu.com.

Dy ditë pas një sërë takimesh intensive në Como të Italisë me përfaqësues të CDU dhe Partisë Popullore Europiane, deputetja e Partisë Demokratike dhe njëherësh kryetare e Komisionit për Çështjet Europiane në Kuvendin e Shqipërisë, Jorida Tabaku, ka reaguar në rrjetet sociale me një mesazh ku ka prekur kësaj radhe gjendjen ekonomike dhe mungesën e reformave reale në vend.

“Shqiptarët kanë të ardhura më të ulëta se gjithë rajoni. Reformat e qeverisë kanë qenë një lojë propagande: tani shqiptarët fitojnë më pak dhe shpenzojnë më shumë”, – shprehet në videon e saj nga Como, ku ndodhet me ftesë të Fondacionit Konrad Adenauer (KAS).
Duke theksuar se rruga drejt Bashkimit Europian kalon përmes reformave të thella dhe një sistemi të ndershëm, Tabaku denoncoi se në 12 vite qeverisje, socialistët “kanë ndëshkuar punën, biznesin e vogël dhe dijen”. Ajo shtoi se përmirësimi i standardeve të jetesës nuk mund të vijë me propagandë, por me një vizion të qartë për zhvillimin ekonomik dhe luftën kundër klientelizmit.

The post Tabaku nga Como: Reformat e qeverisë, propagandë që ka ndëshkuar punën dhe biznesin e ndershëm appeared first on Albeu.com.