Përfaqësuesja e Lartë e Bashkimit Evropian për Punët e Jashtme dhe Politikën e Sigurisë, Kaja Kallas tha sot se çdo marrëveshje midis Uashingtonit dhe Moskës për t’i dhënë fund luftës në Ukrainë duhet të përfshijë Ukrainën dhe Bashkimin Evropian.

Kallas gjithashtu theksoi se ajo do të thërrasë një takim të ministrave të jashtëm evropianë të hënën për të diskutuar hapat e mëtejshëm.

“SHBA-të kanë fuqinë ta detyrojnë Rusinë të negociojë seriozisht. Çdo marrëveshje midis SHBA-së dhe Rusisë duhet të përfshijë Ukrainën dhe BE-në, pasi është një çështje për sigurinë e Ukrainës, por edhe për sigurinë e të gjithë Evropës”, tha Kalas në komentet e dërguara me email.

The post Kaja Kallas: Çdo marrëveshje midis SHBA-së dhe Rusisë duhet të përfshijë Ukrainën dhe BE-në appeared first on Albeu.com.

Ministria e Mbrojtjes ka bërë bilancin e zjarreve që kanë “pushtuar” vendin kohët e fundit.

Gjatë 24 orëve të fundit janë raportuar 21 vatra zjarri në gjithë vendin nga të cilat 7 janë shuar, ndërsa 14 të tjera vazhdojnë të jenë aktive.

Vatrat ende aktive ndodhen në Vlorë, Lezhë, Dibër, Berat, Shkodër, Tiranë, Durrës dhe Gjirokastër.

Aktualisht, janë aktive vatrat në:

Qarku Vlorë.

Në bashkinë Finiq vazhdon të jetë aktive vatra e zjarrit. Flakët kanë kaluar në fshatin Krane, njësia administrative Mesopotam. Në terren po operojnë: 37 efektivë me 6 automjete zjarrfikëse të bashkive Finiq, Sarandë, Konispol dhe Delvinë, 20 forca policore, 30 forca bashkiake dhe vullnetare, të ndihmuar nga Forcat e Armatosura me 28 efektivë, 4 automjete zjarrfikëse, 1 autoambulancë, 1 autobot, 60 forca ushtarake dhe mbështetje nga ajri. Gjithashtu ka operuar edhe avioni Kroat Canadair.

Në vendin e quajtur “Rëzom”, në afërsi të Tunelit të Skërficës, te maja e “Lucës”, ka rënë zjarr në një sipërfaqe me shkurre dhe pyjore. Për shkak të terrenit të thyer është e vështirë të operohet me mjete nga toka, por në vendngjarje kanë shkuar punonjësit e AdZM.

Në fshatin Bolenë, njësia administrative Horë-Vranisht, bashkia Himarë. Në terren janë duke operuar forcat e MZSH të bashkisë Himarë dhe Vlorë me 3 automjete zjarrfikëse, 10 efektivë dhe forca vullnetare, të ndihmuar dhe nga 20 forca të FA-së, të cilët kanë vënë zjarrin nën kontroll.

Në fshatin Lukovë, njësia administrative Lukovë, bashkia Himarë. Në terren po punojnë efektivët e MZSH Himarë me 1 automjet zjarrfikës dhe 3 efektivë, të cilët po punojnë për shuarjen e tij.

Qarku Lezhë.

Në fshatin Malaj i Epërm, në lagjen “Vjollcë”, njësia administrative Rrëshen, bashkia Mirditë, ku zjarri është izoluar në sipërfaqe pyjore me pisha, lis dhe shkurre. Vatra e zjarrit është nën kontroll të plotë dhe po punohet me 2 mjete zjarrfikëse, 6 efektivë nga MZSH, 6 forca të pyjores, 5 forca bashkiake dhe 2 forca vullnetare.

Qarku Dibër.

Malin e Allushit, në afërsi të fshatit Plani Bardhë, bashkia Klos, vatra e zjarrit është nën kontroll dhe po monitorohet nga 6 efektivë të MZSH dhe 1 automjet zjarrfikës.

Qarku Berat

Në bashkinë Poliçan, jashtë territorit të Uzinës Mekanike, vazhdon vatra e zjarrit në një sipërfaqe me shkurre dhe ullishte. Në terren janë duke operuar forcat e MZSH të bashkisë Poliçan, Berat dhe Skrapar me 7 automjete zjarrfikëse dhe 25 efektivë, por e kanë të vështirë vënien e zjarrit nën kontroll.

Në fshatin Kozare, pranë pusit 4, njësia administrative Kozare, bashkinë Kuçovë, ka rënë zjarr në një sipërfaqe me shkurre dhe ferra. Në terren janë angazhuar efektivë të MZSH Kuçovë, të cilët po punojnë për shuarjen e tij.

Në fshatin Goriçan, njësia administrative Kutalli, bashkinë Dimal, ka rënë zjarr në një sipërfaqe me ullinj. Në terren janë angazhuar efektivë të MZSH Dimal me 3 automjete zjarrfikëse dhe 9 efektivë, të cilët po punojnë për shuarjen e tij.

Qarku Shkodër

Në fshatin Zagore, njësia administrative Shkrel, bashkia Malësi e Madhe, ka rënë zjarr në një sipërfaqe me shkurre dhe barishte. Në vendngjarje kanë shkuar 1 automjet zjarrfikëse me 6 efektivë nga Shërbimi vendor i MZSH të bashkisë Malësi e Madhe, të cilët po ndërhyjnë me pompa shpine, por si pasojë e terrenit të vështirë dhe të paaksesueshëm nga mjetet është e vështirë vënia nën kontroll e vatrës.

Qarku Tiranë

Në vendin e quajtur “Mali i Bërzhitës”, fshati Ibë, njësia administrative Bërzhitë, bashkia Tiranë. Në terren janë angazhuar forcat operacionale, të cilët po punojnë për shuarjen e zjarrit.

Në fshatin Ballaj dhe Zhabjak, njësia administrative Kryevidh, bashkia Rrogozhinë, ku era e fortë vështirëson punën e forcave për të vënë nën kontroll flakët. Në terren po punojnë efektivët e MZSH Rrogozhinë, Peqin dhe Kavajë. Në ndihmë ka shkuar dhe një helikopter nga FA dhe 50 forca ushtarake, për të siguruar mospërhapjen e zjarrit drejt banesave.

Qarku Durrës

Në malin e Krujës, sipër fabrikës së çimentos, bashkia Krujë. Në terren janë angazhuar forcat operacionale, të cilët po punojnë për shuarjen e tij.

Qarku Gjirokastër

Në fshatin Turan, njësia administrative Qendër Tepelenë, bashkia Tepelenë. Në terren janë angazhuar forcat operacionale, të cilët po punojnë për shuarjen e zjarrit.

The post Situata e zjarreve në vend, Ministria e Mbrojtjes bën bilancin: Gjatë orëve të fundit janë evidentuar 21 vatra zjarri, 14 janë ende aktive appeared first on Albeu.com.

Ish-banorja e edicionit të katërt të “Big Brother VIP”, Rizarta Hoxha, ka zbuluar gjatë një interviste për “Pushime On Top” një sekret nga jeta e saj personale.

Blogerja e njohur u shpreh se ka një pëlqim për një djalë, por nuk ia ka thënë. Rizarta shtoi se edhe djali në fjalë e pëlqen atë, por ndryshe nga ajo, ai i ka treguar.

“Kemi një raport reciprok dhe kjo më pëlqen. Për momentin jemi crush, prandaj është i vogël dhe i ëmbël si sekret. Ua thashë juve por mos ia thoni njeriu, as atij se nuk i kam thënë akoma se e pëlqej. Rëndësi ka që ai më pëlqen mua dhe më ka thënë”, tha Rizarta.

Ish-banorja u shpreh se zakonisht është një partnere intense, pavarësisht se të jep përshtypjen e ëmbël dhe e qetë.

“Jam pikante në një marr ëdh ënie”, tha ajo.

The post Një romancë e re në horizont? Ish-banorja e BBV 4 e zbulon për herë të parë appeared first on Albeu.com.

Mëngjesin e sotëm ka ndodhur një shpërthim vullkanik në shpatin jugor të Bocca Nuova, në malin Etna, Sicili, në një lartësi prej rreth 3,000 metrash.

Instituti Kombëtar i Gjeofizikës dhe Vullkanologjisë raportoi për hapjen e një vrime efuzive në krahun jugor të Bocca Nuova.

Ndërkohë, vëzhgimet në terren janë duke u zhvilluar nga INGV , ndërsa aktualisht rrjedha e lavës po lëviz drejt jugut.

Nuk janë raportuar ndryshime të rëndësishme sizmike. Burimi i dridhjeve vullkanike ndodhet në një lartësi prej 2,800 metrash. Aeroporti i Katanias është aktualisht funksional, por mbetet në fuqi një alarm fluturimi i nivelit portokalli.

The post Shpërthen vullkani në malin Etna, lava po zbret drejt jugut! Çfarë do të ndodhë me fluturimet? appeared first on Albeu.com.

Të shtëna me armë zjarri janë regjistruar mesditën e së dielës në Tetovë. Nga të shtënat, ka mbetur i plagosur një person dhe janë tre të tjerë janë plagosur, sipas mediave në Maqedoninë e Veriut. Sipas policisë së Tetovës, ka pasur një shkëmbim zjarri mes dy automjeteve.

“Me date 10.08, ne SPB Tetovë, në ora 12:30, është raportuar se në kryqëzimin e rrugës “Ilinden” me rrugën “Bllagoja Toska” në Tetovë, ka ndodhur një shkëmbim zjarri mes personave nga dy automjete, për pasojë ka ndodhur edhe një aksident trafiku, pas së cilës të dyja automjetet e kanë lëshuar vendin e ngjarjes, njëri prej tyre është drejtuar drejt rrugës “113”, ndërsa tjetri në drejtim të panjohur”, thuhet ndër të tjera në njoftim.

The post Ngjarje e rëndë në Tetovë/ Shkëmbim zjarri mes dy automjeteve, një viktimë dhe disa të plagosur appeared first on Albeu.com.

Ish-fituesi i Big Brother VIP Albania, Gjesti, ka goditur përsëri me një postim intriguese në rrjetet sociale që ka ngjallur debat të gjallë ndër ndjekësit e tij. Me një kombinim të muzikës romantike turke dhe një imazhi misterioz, Gjesti ka lënë të gjithë në dyshim për statusin e tij të dashurisë.

A është ai duke sinjalizuar një lidhje të re? Ky postim ka ngritur pyetje të mëdha në mesin e ndjekësve të tij. Por imazhi që tërhoqi vëmendjen është një fotografi që fokusohet në këmbët e një vajze, ndoshta nga një pushim në plazh apo një udhëtim të veçantë.

Edhe pse ky nuk është hera e parë që ai provokon komente dhe spekulime, ndjekësit e tij duket se janë më të etur se kurrë për të zbuluar të vërtetën pas këtij postimi.

Disa të rinj e shohin si një tregim romancë të sapolindur, ndërsa të tjerë besojnë se është një provokim i qëllimshëm për të përforcuar imazhin e tij publik dhe për të mbajtur vëmendjen në nivelin e lartë.

Me reagime që bien në spektrin e dyshimit dhe entuziazmit, Gjesti nuk ka dhënë ende një përgjigje për të sqaruar situatën, duke lënë të gjithë në pritje për një koment të mundshëm nga ai vetë.

The post Gjesti dhe enigmat e dashurisë/ A është ky fillimi i një romance të re? appeared first on Albeu.com.

Një aksident rrugor ka ndodhur mesditën e sotme në rrugën nacionale Sarandë–Ksamil, në vendin e quajtur “Gjiri i Hartës”. Bëhet me dije se në ngjarje janë përfshirë një automjet tip Volvo, i drejtuar nga Aldrin Llodos, dhe një Range Rover, me drejtues Artan Rexhepin.

Fatmirësisht nga aksidenti nuk raportohet për persona të lënduar, por vetëm dëme materiale. Ndërkohë policia, e është e pranishme në vendngjarje dhe po punon për të përcaktuar shkaqet e aksidentit.

The post Aksident në aksin Sarandë–Ksamil/ Përplasen dy automjete, raportohet vetëm për dëme materiale appeared first on Albeu.com.

Ka ndërruar jetë edhe njëri nga personat e plagosur, duke shkuar kështu në gjithsej tre të vdekur si pasojë e një incidenti sot në Gjilan, ku u përdorën armë zjarri.

Burime të KosovaPress brenda policisë në Gjilan kanë njoftuar edhe për vdekjen e një personi tjetër ndërkohë.

Më herët u njoftua për dy të vrarë dhe dy të plagosur në incidentin e rëndë sot në Gjilan.

Sulmuesi aktualisht ndodhet në arrati dhe është në kërkim nga Policia.

The post Rasti i rëndë në Gjilan, thellohet bilanci tragjik, arrin në tre numri i viktimave appeared first on Albeu.com.

Radhe të gjata automjetesh janë krijuar në Pikën Kufitare të Kakavijës, si pasojë e fluksit të lartë të qytetarëve që udhëtojnë drejt Shqipërisë për të kaluar pushimet e verës. Kolona nga pala greke është shtrirë deri në 3 kilometra.

Për të përballuar këtë fluks, pala shqiptare po punon me tre sportele, ndërsa pala greke me dy, por vonesat vijojnë për shkak të numrit të madh të udhëtarëve.

Sipas të dhënave zyrtare nga PKK Kakavijë, gjatë 24 orëve të fundit janë përpunuar gjithsej 15,112 shtetas në hyrje dhe dalje, prej të cilëve 10,551 kanë hyrë në territorin shqiptar dhe 4,561 kanë dalë. Po ashtu, janë përpunuar 4,942 mjete, nga të cilat 3,578 në hyrje dhe 1,364 në dalje.

Ky fluks i lartë pritet të vijojë deri më 15 gusht, datë që përkon me festën e Shën Mërisë, një nga ngjarjet më të rëndësishme fetare për komunitetin ortodoks. Pas kësaj date, pritet që fluksi të rritet në dalje nga territori shqiptar, ndërsa muaji gusht konsiderohet si periudha më e ngarkuar për këtë pikë kufitare gjatë gjithë sezonit veror.

The post Radhe të gjata në Kakavijë, fluks i lartë hyrjesh në Shqipëri appeared first on Albeu.com.

Vera e ka gjetur sërish në Shqipëri këngëtaren me famë ndërkombëtare Dua Lipa.

Pas festivalit Sunny Hill në Kosovë, Dua Lipa sëbashku me partnerin e saj Calum Turner dhe familjen e Këngëtares, u nisën drejt jugut të Shqiëprisë.

Për të disatin vit radhazi Dua zgjedhe jugun e Shqipërisë, në një nga vilat dhe zonat më luksoze në vend, të kalojë disa ditë pushime.

The post “Po çlodh kockat e mija para se të shkoj 30”, vera e gjen Dua Lipën sërish në jug të Shqipërisë appeared first on Albeu.com.

Dashi

Ka mundësi qe një pjese e atyre qe janë ne një lidhje te kalojnë një dite goxha te vështirë sot. Ne këtë grup do futen kryesisht ata qe kane pasur debate prej kohesh. Beni kujdes! Beqaret mund te bëjnë ndonjë çmenduri vetëm e vetëm për te bere për vete atë qe ju pëlqen. Ne planin financiar do favorizohen transaksionet dhe investimet.

Demi

Edhe pse kohet e fundit atmosfera ne çift ka qene problematike, sot gjerat do ndryshojnë. Do e shihni gjithçka me një sy tjetër dhe do toleroni me tepër ne çift. Beqaret nuk ndihen keq vetëm kështu qe nuk do kërkojnë me ngulm dike për ta pasur pranë. Me financat do tregoheni shume te kujdesshëm dhe situata nuk do ketë as problemin me te vogël.

Binjaket

Ne përgjithësi klima ne jetën tuaj ne çift do jete goxha e mire. Do kuptoheni edhe me një shikim me atë qe keni ne krah dhe atmosfera sa vjen e do përmirësohet. Beqaret nuk do i realizojnë as sot takimet qe kane ëndërruar dhe do mërziten. Situata financiare nuk do jete e qëndrueshme. Do iu duhet te hiqni dore nga disa investime te tejskajshme.

Gaforrja

Dite shume dinamike kjo e sotmja për ata qe janë ne një lidhje. Çdo gjë do shkoje për mrekulli kështu qe shfrytëzojeni ditën deri ne maksimum. Beqaret do e gjejnë me ne fund princin e tyre te kaltër dhe do fillojnë një tjetër jete pranë tyre. Sektori i financave do ketë ndryshime pozitive. Do jeni disa me te qete kur te kryeni shpenzimet e dëshiruara.

Luani

Komunikimi ne çift do shtohet gjate kësaj dite dhe do i zgjidhni te gjitha paqartësitë qe keni pasur prej kohesh. Ne mbrëmje priten edhe momente romantike. Beqaret duhet ta lënë veten te lire dhe te përfitojnë nga ftesat qe do iu bëhen. Jo gjithmonë do ketë dite kaq me fat. Ne planin financiar do keni me shume fat se kurrë me pare vetëm kujdes mos e teproni me lotaritë.

Virgjeresha

Priten vështirësi dhe probleme gjate kësaj dite ne jetën tuaj ne çift. Nuk do kuptoheni aspak me atë qe keni ne krah dhe mund te thoni edhe gjera te nxituara për te cilat te pendoheni. Beqaret nuk do jene aspak te fiksuar pa krijimit te një lidhjeje sepse ndihen mire edhe ashtu si janë. Financat do jene te mira për aq kohe sa ju i menaxhoni me maturi.

Peshorja
Dita nuk do jete shume euforike për ju te dashuruarit sot, megjithatë duhet thënë se as probleme serioze nuk do ketë. Për pjesën me te madhe çdo gjë do jete rutine. Beqaret do realizojnë takime te shumta dhe nuk do e kuptojnë se njeri prej personave ka kohe qe i ka studiuar. Me financat do merreni shume sot dhe do mundoheni ta përmirësoni situatën.

Akrepi

Pasioni ne jetën tuaj ne çift do shtohet gjate kësaj dite. Do kaloni momente te mrekullueshme me atë qe keni ne krah dhe do dëshironi qe dita te mos mbaroje. Beqaret do jene pa fat edhe sot. Asgjë nuk do ndryshoje ne jetën e tyre sentimentale. ne planin financiar do iu dalin përpara goxha vështirësi kështu qe duhet te tregoheni me te matur se kurrë.

Shigjetari

Priten shume ndryshime sot ne jetën tuaj ne çift. Partneri do iu gjendet gjithë kohës pranë dhe do mundohet t’ua plotësojë te gjitha dëshirat. Beqaret do vazhdojnë te kërkojnë princin e kaltër, por me kot. Mundësitë do jene shume te pakta. Ne planin financiar do jete Jupiteri ai qe do iu beje me te kthjellet. Nuk do kryeni asnjë shpenzim pa qene te sigurte për situatën qe ekziston.

Bricjapi

Do i shtoni dozat e fantazisë ne çift gjate kësaj dite dhe emocionet do jene me te forta. Partneri do kujdestë ne çdo moment qe ju te ndiheni sa me mire. Beqaret ka rrezik te bien ne dashuri me njeriun e papërshtatshëm. Ky do jete një gabim fatal. Ne planin financiar nuk duhet te bëni çmenduri. Ulni shpenzimet dhe mos bëni gabim te merrni hua.

Ujori

Do ketë momente sot gjate te cilave zemra do iu rrahe shume fort. Do ia kaloni me se miri me partnerin dhe do jeni plotësisht te sigurte se është pikërisht ai me te cilin doni te jetoni përgjithmonë. Beqaret do kenë vetëm disa flirte ose maksimumi ndonjë aventure kalimtare. Ne planin financiar ka ardhur momenti te bëni një riorganizim tërësor.

Peshqit

Planetët ka rrezik t’ua ndërlikojnë paksa gjerat gjate kësaj dite. Asgjë nuk do ece si e kishit menduar ne jetën tuaj ne çift, prandaj do ketë edhe momente kur do mërziteni mjaft. Beqaret duhet te maten mire para se te pranojnë ftesat sepse jo te gjithë personat janë ashtu si duken. te ardhurat fatmirësisht nuk do kenë asnjë problem. Do jeni te qete ne këtë sektor.

The post Horoskopi 9 Gusht, ja çfarë kanë parashikuar yjet për ju appeared first on Albeu.com.

Një ngjarje tragjike është shënuar pak më parë në fshatin Bogdan të Beratit ku një shtetas ka mbetur viktimë nga pakujdesia.

Policia njofton se dy shtëtas kishin dalë për gjah, por fatkeqësisht shtetasi Th. K., 53 vjeç ka qëlluar me armë gjahu padashje shtetasin A. T., 57 vjeç, të cilin e ka ngatërruar më një kafshë të egër.

Pas goditjes me armë gjahu, 57-vjeçari është dërguar në spital, ku dhe ka ndërruar jetë.

Njoftimi i policisë:

Rreth orës 21:00, në fshatin Bogdan, Berat, shtetasi Th. K., 53 vjeç, banues në fshatin Bogdan, dyshohet se ka qëlluar me armë gjahu me qëllim për të vrarë një kafshë të egër dhe nga pakujdesia ka plagosur shtetasin A. T., 57 vjeç, i cili si pasojë e plagës së marrë ka ndërruar jetë në spital.

Shtetasi Th. K, është shoqëruar në ambientet e Drejtorisë Vendore të Policisë Berat, për veprime të mëtejshme.

The post Kishin dalë për gjah në fshatin Bogdan, 53-vjeçari qëllon për vdekje shokun, e ngatërron me një kafshë të egër appeared first on Albeu.com.

Armando Broja është prezantuar sot si futbollisti më i ri i klubit të Bërnlit. Dhe video e prezantimit të tij po bën xhiron e rrjeteve sociale.

Klubi i Bërnlit gjithmonë zgjedh video të pazakonta prezantimi të cilat bëhen virale dhe atë të Brojës e ka bërë duke përshtatur skena të një nga filmave të famshëm të Indiana Xhons. Aty fillimisht Broja shihet si pjesë e thesarit që gjen eksploratori i famshëm, ndërsa 89 vite më vonë, është sulmuesi që mban në duar thesarin në fjalë.

VIDEO

Broja ka firmosur për 5 vite me Bërnlin pasi finalizoi transferimin përfundimtar nga radhët e Çelsit, klub i cili e kishte nxjerrë jashtë planeve të tij dhe së fundmi nuk e lejonte as të stërvitej me ekipin e parë.

The post VIDEO/ “Fat dhe lavdi”, prezantimi i çuditshëm i Armando Brojës me stilin e Indiana Xhons bën xhiron e rrjetit: 89 vite më vonë… appeared first on Albeu.com.

Presidentja e Komisionit Evropian, Ursula von der Leyen i ka kërkuar Izraelit të rishqyrtojë zgjerimin e operacioneve ushtarake në Gaza, duke theksuar nevojën urgjente për armëpushim dhe ndihmë humanitare të pakufizuar.

“Të gjitha pengjet duhet të lirohen menjëherë,” deklaroi ajo, duke shtuar se ndihmat duhet të kenë qasje të lirë në territorin palestinez.

Në të njëjtën kohë, Gjermania njoftoi pezullimin e eksporteve të pajisjeve ushtarake drejt Izraelit që mund të përdoren në Gaza. Kancelari Friedrich Merz tha se vendimi synon të nxisë përpjekjet për paqe dhe lirimin e pengjeve, ndërsa shprehu shqetësim për vuajtjet e civilëve.

The post Von der Leyen thirrje Izraelit: Rishqyrtoni vendimin për Gazën appeared first on Albeu.com.

Gjykata Kushtetuese në Prishtinë ka dhënë vendimin e saj lidhur me mënyrën e zgjedhjes së Kryetarit të Kuvendit të Kosovës. Sipas këtij vendimi, Kuvendi duhet të konstituohet brenda një afati 30-ditor, ndërsa zgjedhja e kryetarit duhet të bëhet përmes votimit të hapur.

Gjykata gjithashtu ka sqaruar se një kandidat për postin e Kryetarit të Kuvendit mund të paraqitet për votim maksimumi tre herë. Kjo përcakton qartë rrugën që duhet ndjekur në procesin e konstituimit të këtij institucioni të rëndësishëm në jetën politike të vendit.

Zgjedhja e Kryetarit të Kuvendit të Kosovës duhet të bëhet nëpërmjet votimit të hapur dhe ky institucion duhet të Konstituohet brenda 30 ditësh. Ky ishte Vendimi i dhënë këtë të premte nga Gjykata Kushtetuese në Prishtinë ku shprehet qartë se një Kandidat për tu bërë Kryetar I Kuvendit mund të votohet deri në tri here.

Në vendimin e Gjykatës Kushtetuese të Kosovës, Institucionit më të lartë të vendit theksohet se Kyresuesi I Seancave Parlamentare nga Lëvizja Vetëvendosje Avni Dehari ka shkelur kushtetutën me seancat e mbajtura nga data 27 qershor deri më 26 korrik. Gjykata Kushtetuese I shpalli këto seanca konstituive të pavlefshme.

Gjykata Kushtetuese e Kosovës ka urdhëruar kryesuesin e seancës konstituive të Kuvendit të Republikës së Kosovës të vazhdojë me pikën 3 të rendit të ditës së seancës konstituive, të miratuar më 8 prill 2025, dhe të “ftojë përfaqësuesin e grupit më të madh parlamentar për të propozuar kandidatin/en për kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në tre herë për kandidatin/en e njëjtë”.

Lëvizja vetëvendosje e Albin Kurtit e cila u shpall force e parë në zgjedhjet parlamentare të 9 shkurtit duhet të paraqesë Kandidatin e tyre për tu votuar në Kuvend. Kjo force politike kishte propozuar deri më tani vetëm Albulena Haxhiun, e cila dështoi të bëhej kryetare e Kuvendit pas dhjetëra seanca votimesh.

Tashmë vendimi i Gjykatës Kushtetuese parashikon qartë se nëse një kandidat dështon të zgjidhet në tre seanca votimi, forca politike duhet të ndryshojë kandidatin e propozuar për kryetar të Kuvendit. Po ashtu Gjykata Kushtetuese në vendimin e publikuar këtë të premte thotë se gjatë procedures së zgjedhjes së Kryetarit apo kryetares si dhe nënkryetarit apo nënkryetares së Kuvendit, të pranishëm në votim duhet të jenë të gjithë deputetet.

Megjithatë për Vetëvendosjen e Albin Kurtit, është gjykata kushtetuese ajo që është në shkelje dhe jo partia e tij që gjithë këto muaj ka mbajtur të bllokuar Kuvendin. Në një reagim Vetëvendosje thotë se njoftimi I Gjykatës kushtetuese përbën një devijim të rrezikshëm nga roli I saj, pasi nuk ka qartësuar asgjë veccse që Gjykata ka tejkaluar kompetencat kushtetuese.

Për partinë e Kurtit Kushtetuesja ka zgjedhur arbitrarisht të shpikë rregulla dhe po ndërhyn në kompetencat e Kuvendit, duke cenuar rendin kushtetues. Madje Vetëvendosje pretendon se vendimi u dha I motivuar nga vendime partiake dhe se gjykata ka zgjedhur të mbajë anë duke shkelur parimet demokratike dhe duke sfiduar vullnetin popullor.

Vendimi I Kushtetueses cilësohet një fitore për Opozitën e Kosovës, e cila njëzëri tha se u shënua një fitore për shtetin e së drejtës dhe demokracinë.

The post Gjykata Kushtetuese e Kosovës: Kryetari i Kuvendit zgjidhet me votim të hapur brenda 30 ditëve appeared first on Albeu.com.

Ministria e Mbrojtjes ka reaguar lidhur me situatën e zjarreve në vend. Sipas njoftimit gjatë orëve të fundit janë evidentuar 13 vatra zjarri, nga të cilat janë shuar 6 vatra zjarri dhe 7 janë aktive. Aktualisht, janë aktive vatrat në qarku Vlorë, Tragjas, Fierit, Dibër, Elbasan dhe Tiranë.

Informacion mbi situatën e zjarreve

Gjatë orëve të fundit janë evidentuar 13 vatra zjarri, nga të cilat janë shuar 6 vatra zjarri dhe 7 janë aktive. Është bërë izolimi i plotë dhe shuarja e 6 vatrave zjarri në: Aktualisht, janë aktive vatrat në:

* Qarku Vlorë.
Fshatin Navaricë, zjarri është spostuar në drejtim të malit mbi fshat. Në fshatin Leshnicë e Poshtme pas punës dhe ndërhyrjen nga ajri është shmangur rreziku për banesat. Në mbështetje të forcave në terren operuan helikopteri i Forcës Ajrore dhe dy avionët Fireboss, të ardhur nga Suedia, të cilët kryen 44(2×22) hedhje

* Fshatin Tragjas, njësia administrative Orikum, bashkia Vlorë. Zjarri zhvillohet në sipërfaqe me shkurre dhe bimësi të ulët. Në zonë po operojnë 17 efektivë nga MZSH Vlorë dhe 3 nga Shërbimi Pyjor. Momentalisht nuk ka rrezik për banesa.

* Qarku Fier.
Fshatin Lofkënd, njësia administrative Qendër Dukas, bashkia Mallakastër. Nga angazhimi i forcave në terren dhe ndërhyrjes nga ajri është bërë i mundur izolimi i vatrës së zjarrit. Zjarri mbetet aktiv në dy vatra, në pjesën jugore dhe atë veriperëndimore. Në të dyja pikat është e pamundur operimi nga toka. Vijon puna për izolimin e vatrës së zjarrit me ndërhyrje nga ajri, ku operon avioni Kroat Canadair.

* Qarku Lezhë.
Fshatin Malaj Epërm, njësia administrative Rrëshen, bashkia Mirditë. Zjarri vijon të jetë aktiv në një sipërfaqe pyjore me pishë, lis, shkurre dhe bimësi të dendur, në një terren të vështirë dhe që nuk mundëson operimin me mjete ujë hedhëse. Në zonë po operojnë 33 forca operacionale nga strukturat vendore. Forcat po punojnë kryesisht në krijimin e brezave ndarës për pengimin e përhapjes së zjarrit. Sipërfaqja e përshkuar nga zjarri vlerësohet paraprakisht në 10 ha. Momentalisht nuk ka rrezik për zonat e banuara.

* Qarku Dibër.
Vendin e quajtur ”Mali i Allushit”, fshati Plan i Bardhë, bashkia Klos, është riaktivizuar vatra e zjarrit të shuar ditë më parë. Zjarri është vënë nën kontroll dhe nuk përbën rrezik për përhapje. Nuk ka rrezik për banesa.

* Qarku Elbasan
Fshatin Lleshaj, njësia administrative Poroçan, bashkia Gramsh. Zjarri zhvillohet në një sipërfaqe pyjore me dushqe në një distancë të largët dhe terren i vështirë në kufi me bashkinë Përrenjas. Është punuar gjatë ditës dhe vatra e zjarrit është izoluar plotësisht. Vatra e zjarrit po mbahet në monitorim nga punonjës të Shërbimit Pyjor për mos riaktivizime të mundëshme.

* Qarku Tiranë.
Malin e Bërzhitës, njësia administrative Bërzhitë, bashkia Tiranë. Zjarri zhvillohet në një sipërfaqe me bimësi të dendur. Në terren po punojnë 15 forca nga MZSH Tiranë. Vijon puna për shuarjen e zjarrit. Nuk ka rrezik për banesa.

The post Situata nga zjarret në vend, Ministria e Mbrojtjes: Sot u raportuan 13 vatra, 7 janë ende aktive appeared first on Albeu.com.

Një aksident ka ndodhur mbrëmjen e sotme në vendin e quajtur Qafë Koshovicë, ku një automjet tip “Benz” ka dalë nga rruga dhe është përmbysur.

Në mjet udhëtonin katër persona, tre prej të cilëve kanë mbetur të plagosur dhe janë transportuar me urgjencë në spitalin e Fierit për të marrë ndihmë mjekësore.

Mësohet se njëri prej tyre, një 17-vjeçar, ndodhet në gjendje të rëndë.

Policia dhe grupi hetimor ndodhen në vendin e ngjarjes për të zbardhur shkaqet e aksidentit.

The post Aksident i rëndë në Qafë Koshovicë, 3 të plagosur appeared first on Albeu.com.

Këshilli i Sigurimit i Kombeve të Bashkuara do të mblidhet të shtunën, më 9 gusht, në një seancë urgjente për të diskutuar planin e Izraelit për të marrë kontrollin e Rripit të Gazës, sipas burimeve diplomatike.

Sekretari i Përgjithshëm i OKB-së, Antonio Guterres, ka shprehur shqetësim të thellë për këtë vendim të qeverisë izraelite, duke paralajmëruar për një përshkallëzim të rrezikshëm.

“Jam thellësisht i shqetësuar nga vendimi i Izraelit për të marrë kontrollin e Gazës. Kjo mund të përkeqësojë krizën humanitare për miliona palestinezë dhe të rrezikojë jetët e shumë të tjerëve, përfshirë pengjet e mbetura. Apeloj për një armëpushim të menjëhershëm dhe të përhershëm, ndihmë humanitare pa pengesa dhe lirimin e menjëhershëm e pa kushte të të gjithë pengjeve,” deklaroi Guterres në rrjetin “X”.

Ndërkohë, kryeministri izraelit Benjamin Netanjahu ka këmbëngulur se qëllimi i Izraelit nuk është pushtimi i Gazës, por çlirimi i saj nga Hamasi dhe krijimi i një administrate civile paqësore, që nuk do të kontrollohet as nga Hamasi, as nga Autoriteti Palestinez, as nga ndonjë organizatë tjetër që Izraeli e konsideron terroriste.

“Ne nuk do ta pushtojmë Gazën – do ta çlirojmë atë nga Hamasi. Gaza do të çarmatose dhe do të ketë një administratë civile paqësore,” shkruan Netanjahu në “X”. Ai tha se ky plan do të ndihmojë në çlirimin e pengjeve dhe garantimin e sigurisë për Izraelin në të ardhmen.

Sipas mediave izraelite, në dokumentet zyrtare nuk është përdorur fjala “pushtim”, por “marrje kontrolli”, për të shmangur përballjen me përgjegjësi ndërkombëtare për menaxhimin civil të Gazës.

Në një tjetër zhvillim, Netanjahu bisedoi në telefon me kancelarin gjerman Friedrich Merz, ku shprehu zhgënjimin për vendimin e Berlinit për të pezulluar eksportet e armëve drejt Izraelit, pas shqetësimeve për përdorimin e tyre në luftën në Gaza.

“Në vend që të mbështesë luftën e drejtë të Izraelit kundër Hamasit, Gjermania po ndëshkon Izraelin dhe po shpërblen terrorizmin duke vendosur embargo armësh,” thuhet në deklaratën e zyrës së kryeministrit izraelit.

Netanjahu përsëriti se objektivi i Izraelit është çlirimi i Gazës nga Hamasi dhe krijimi i një administrate paqësore, jo pushtimi i saj.

The post Mbledhje urgjente e Këshillit të Sigurimit të OKB-së/ Në tryezë plani i Izraelit për Gazën appeared first on Albeu.com.

Një burrë ka humbur jetën në Greqi të premten, si pasojë e zjarreve të përhapura nga erërat e fuqishme. Më shumë se 200 zjarrfikës, të mbështetur nga 11 avionë dhe shtatë helikopterë, po i luftojnë zjarret në Keratea, në juglindje të Athinës, tha për televizionin shtetëror ERT, Kostas Tsigkas, kreu i zjarrfikësve grekë.

Ai tha se banorët në disa vendbanime janë evakuuar për shkak të “zjarreve të mëdha” si pasojë e erërat e forta. Zjarrfikësit gjetën trupin e një të moshuari brenda shtëpisë së tij të djegur në Keratea, ndërsa erërat e forta po ua vështirësojnë punën avionëve cisternë për të vepruar, tha zëdhënësi i shërbimit të zjarrfikësve, Vassilis Vathrakogiannis, në një konferencë për shtyp.

Një gazetar i AFP-së në qytetin e afërt Palaia Fokaia, rreth 45 kilometra në jug të Athinës, pa një shtëpi të përfshihej nga flakët dhe tym të dendur mbi të. Më herët, një zjarr tjetër në ishullin Kefalonia ishte vënë nën kontroll, sipas autoriteteve lokale, ndërsa situata “është përmirësuar” në gadishullin e Peloponezit, në perëndim të Athinës, njoftoi Vathrakogiannis.

Ministria e Mbrojtjes Civile kishte njoftuar se erërat do të arrinin deri në 88 kilometra në orë, veçanërisht në Egjeun Jugor dhe Detin e Kretës. Shërbimi Kombëtar Meteorologjik (EMY) tha se erërat do të dobësoheshin pas mesnatës, por Ministria e Mbrojtjes Civile vendosi disa zona në nivelin më të lartë të alarmit për zjarre për të shtunën, përfshirë rajonin e Atikës, ku ndodhet Athina.

Greqia dhe vende të tjera të Mesdheut ndodhen në një zonë që shkencëtarët e quajnë “pikë të nxehtë të zjarreve”, pasi ka zjarre të shpeshta gjatë verave të nxehta dhe të thata. Franca jugore, e tharë nga thatësira, po përballet aktualisht me zjarrin më të madh në dekada. Ekspertët thonë se ndryshimet klimatike të shkaktuara nga njeriu po shkaktojnë zjarre më të shpeshta dhe më intensive dhe katastrofa të tjera natyrore./REL

The post Zjarret bëjnë kërdinë në Greqi/ Raportohet për një viktimë, 200 zjarrfikës dhe 11 avionë në luftë me flakët appeared first on Albeu.com.

Janë zbardhur detaje të reja nga aksioni i SPAK, ku goditi një organizatë kriminale e trafikut ndërkombëtar të lëndëve narkotike, e drejtuar nga Franc Gergely alias Franc Çopja dhe vëllezërit Ervis dhe Ardian Çela.

Në total u lëshuan 14 urdhër-arreste, teksa janë ekzekutuar vetëm 8 prej tyre, ndërsa 6 të tjerë vijojnë të jenë ende në kërkim.

Burime bëjnë me dije se në kuadër të hetimeve në fjalë oficerët e BKH-së me urdhër të SPAK kanë ushtruar kontrolle edhe në ambientet e “Klajdi Resort”, i ndodhur në Golem të Kavajës.

Raportohet se gjatë operacionit, hetuesit kanë sekuestruar edhe telefonin celular të pronarit të resortit, Orman Kokoshi, si pjesë e provave që po grumbullohen në vijim të hetimeve.

Në kuadër të hetimeve në fdjalë SPAK sekuestroi edhe “AJMAN PARK” Resort , të vendosur në Xhafzotaj të Durrësit, në pronësi të shtetasit Fadil Balla alias Julian (Jul) Balla, i cili dyshohet si pjesë e organizatës kriminale dhe është një prej të shpallurve në kërkim.

Gjatë hetimeve ndërkombëtare, janë identifikuar dhe goditur dy ngarkesa të mëdha kokaine, të transportuara nga Amerika e Jugut drejt Evropës. Më konkretisht bëhet fjalë për një ngarkesë prej 11.6 ton dhe një ngarkes prej 16.4 ton gjatë viteve 2020 dhe 2021.

Ky grup kriminal, sipas SPAK-ut, paratë e përfituara nga aktiviteti kriminal i shitjes së kokainës, i investonte në prona dhe biznese në Shqipëri. Paratë e drogës transportoheshin “cash” nga vendet e BE-së drejt Shqipërisë, duke përdorur shoferë autobusësh kryesisht shqiptar të transportit ndërkombëtar të pasagjerëve.

The post SPAK kontrolle edhe te “Klajdi Resort”, i sekuestrohet telefoni pronarit Orman Kokoshi appeared first on Albeu.com.