Falë largimeve të një numri të madh lojtarësh, Barcelona arriti të çlirojë një sasi të konsiderueshme parash në buxhet, gjë që do të mundësojë regjistrimin e lojtarëve të rinj.

Inigo Martinez është lojtari i pestë që largohet nga klubi dhe ai do ta zëvendësojë Kataluninë me Arabinë Saudite.

Duke marrë parasysh që rregulli 1 me 1 ende nuk vlen për klubin, d.m.th. që çdo shpenzim që zgjidhet mund të llogaritet si pjesë e buxhetit, Barcelona nuk do të jetë në gjendje ta përfshijë plotësisht pagën e tij prej 14 milionë eurosh në “fair play”, por do të jetë në gjendje të llogarisë 60 për qind të asaj shume ose rreth 8.4 milionë euro.

Pau Victor u solli katalunasve pothuajse tre milionë euro me transferimin e tij te Braga, Pablo Torre 3.5 milionë euro me largimin e tij te Mallorca, Ansu Fati me rreth 8 milionë euro me transferimin e tij te Monaco, me kursime shtesë në pagën e Clement Lenglet pas transferimit të tij te Atletico Madrid.

Lexo po ashtu Ter Stegen nënshkruan raportin mjekësor që i lejon Barcelonës të regjistrojë lojtarë – klubi ia kthen shiritin e kapitenit

Hapat e fundit për të regjistruar lojtarë të rinj varen nga gjëra që nuk janë më nën kontrollin e klubit, siç është miratimi i auditorëve për të dhënë llogari për 100 milionë euro nga vendet VIP ose ndonjë marrëveshje e minutës së fundit.

Gjithashtu interesante është ndihma nga Republika Demokratike e Kongos, e cila do t’i sjellë klubit dhjetë milionë euro në vit për katër vitet e ardhshme. /Telegrafi/

The post Barcelona doli nga problemet financiare falë transferimeve dhe të ardhurave nga Kongo appeared first on Telegrafi.

Sulmuesi kosovar, Fatjon Bunjaku, në një intervistë për portalin Telegrafi.com, ka rrëfyer prapaskenat e transferimit të tij nga FC Malisheva te AF Elbasani, pritjen që i është bërë në klubin shqiptar dhe pritshmëritë e trajnerit Ivan Gvozdenovic. Ai ka folur gjithashtu për synimet ambicioze këtë sezon, arsyet pse nuk u realizuan ofertat nga Rumania, idhullin e tij në futboll dhe ëndrrën për të veshur fanellën e Kombëtares A të Kosovës.

Pas një sezoni të shkëlqyer me FC Malishevën dhe paraqitjeve të spikatura në Ligën e Konferencës, por edhe më parë në futbollin e Kosovës, Fatjon Bunjaku ka nisur aventurën e tij të parë jashtë Kosovës me fanellën e AF Elbasanit.

Bunjaku ka treguar se transferimi te AF Elbasani ishte rezultat i punës së tij të palodhur dhe formës së mirë që tërhoqi vëmendjen e drejtuesve shqiptarë. Pas bisedimeve mes klubeve dhe përfaqësuesit të tij, marrëveshja u finalizua shpejt, duke i hapur rrugën një kapitulli të ri në karrierën e tij. Ai u prit me krahë hapur nga shokët e skuadrës, stafi dhe trajneri Gvozdenovic, i cili pret shumë nga ai.

Lexo po ashtu Konfirmohet lajmi i Telegrafit, Fatjon Bunjaku prezantohet te Elbasani

“Transferimi im te Elbasani erdhi si rezultat i paraqitjeve të mira individuale me klubin e FC Malishevës, duke shtyrë drejtorin sportiv të AF Elbasanit, Elton Guranjakun të kontaktoj me mua qysh para përfundimit te sezonit. Por, pasi përfunduam ndeshjet në Ligën e Konferencës me skuadrën e Malishevës, unë lajmërova përfaqësuesin tim, Labinot Talla, që të flas me klubin e Malishevës dhe të gjejmë një zgjidhje që i kënaq të dyja palët. Pas bisedimeve me klubin e FC Malishevës dhe AF Elbasanit, ne gjetëm një rrugë së bashku dhe finalizuam transferimin”, ka thënë fillimisht Bunjaku për Telegrafin.

“Pritja në ekipin e AF Elbasanit ishte tepër e mire si nga lojtarët, stafi i trajnerëve, drejtuesit e klubit, por po ashtu edhe nga trajneri Ivan Gvozdenovic, i cili ka pritshmëri mjaft të mëdha nga unë këtë sezon”, shtoi vushtrriasi.

Synimet e tij janë të qarta: pjesëmarrja në garat evropiane për të tretin vit radhazi dhe, pse jo, lufta për titullin kampion me Elbasanin. Me ofertat e dështuara nga Rumania pas Ligës së Konferencës, Bunjaku ka zgjedhur të fokusohet te projekti i ri në Shqipëri, duke u frymëzuar nga idhulli i tij Cristiano Ronaldo, por duke ruajtur stilin personal.

“Synimet e mia me klubin e Elbasanit janë sigurisht dalja në Evropë pasi që kam dy vite radhazi që e arrij këtë gjë me ekipin që kam qenë dhe pse jo të synojmë  diçka shumë të madhe për klubin që është titulli kampion. Për synimet e mia individuale ashtu si çdo sulmues pretendoj të shënoj gola dhe ti ndihmoj ekipit me asistime”.

“Kisha marrë dy oferta nga Rumania pas ndeshjes se parë në Ligën e Konferencës kundër Vikingur nga përfaqësuesi im Labinot Talla, nga klubi UTA në Superligë dhe Sepsi në Ligën e Parë, por që dështuan pasi që klubi UTA nuk kishte mundësi të paguante kartonin tim të plotë pa mundësi përqindjeje kurse pas bisedave të gjata me përfaqësuesin tim Labinot Talla ne vendosem që mos të shkoj në Sepsi pasi ka qenë në Ligën e Parë”, nënvizoi 21-vjeçari.

“Lojtari im i preferuar është Cristiano Ronaldo, dhe gjatë gjithë karrierës sime kam përcjell atë si luan, por që nuk e kam kopjuar dhe aq shumë. Unë jam Fatjoni, kam stilin tim të të luajturit dhe dua te mbahem mend për lojën time dhe si Fatjon Bunjaku”.

Paraqitjet me Kosovën U21 i kanë dhënë shtysë për të ëndërruar një thirrje nga Kombëtarja A në të ardhmen e afërt.

“Po kam bërë paraqitje të mira me Kosovën U21 dhe jam krenar, dhe po në të ardhmen pres ftesë edhe nga Kombëtarja A për ndeshje zyrtare apo miqësore”, përfundoi sulmuesi kosovar. /Telegrafi/

The post Fatjon Bunjaku: Nga Malisheva te Elbasani – synon Evropën dhe ëndërron Kombëtaren e Kosovës appeared first on Telegrafi.

Mesfushori i Paris Saint-Germain, Vitinha, beson se shoku i tij i skuadrës, Ousmane Dembele, është kandidati më i merituar për Topin e Artë këtë vit.

Topi i Artë 2025 ka ngjall shumë debat në mesin e dashamirëve të futbollit, të cilat kanë mendime të ndryshme rreth fituesit.

Revista prestigjioze, France Football, e cila e ndan çmimin më të madh individual ka publikuar tashmë 30 futbollistët e nominuar për Topin e Artë.

PSG përfaqësohet me nëntë lojtarë, pasi fituan Ligën e Kampionëve dhe trofetë vendor dhe një futbollistë i tyre shihet si fituesi më i mundshëm.

Lexo po ashtu Ronaldo befason me përgjigjen kur pyetet se kush do ta fitojë Topin e Artë 2025

“Të gjithë ëndërrojnë që një ditë të fitojnë Topin e Artë. Nëse e fitoj këtë çmim, do të jetë e pabesueshme. Do të ishte e mrekullueshme ta ngrija trofeun”, ka thënë fillimisht Vitinha për Ligue 1+.

“Por, mendoj se Ousmane Dembele e meriton më shumë. Ai ishte lojtari që na frymëzoi dhe na udhëhoqi drejt trofeve sezonin e kaluar. Ai është një nga ata që me të vërtetë e meriton çmimin”, përfundoi mesfushori portugez.

Ndryshe, ceremonia e Topit të Artë 2025 do të mbahet me 22 shtator në Théâtre du Châtelet të Parisit. /Telegrafi/

The post Vitinha e do Topin e Artë, por mendon se një futbollist i PSG-së e meriton më shumë appeared first on Telegrafi.

Klubi anglez, Manchester United ka konfirmuar zyrtarisht transferimin e sulmuesit Benjamin Sesko nga RB Leipzig.

Djajtë e Kuq kanë kryer edhe transferimin e tretë në fazën sulmuese këtë verë, duke përforcuar shumë këtë repart.

Pas Mattheus Cunha dhe Bryan Mbeuema, Unitedi ka transferuar edhe Seskon, me njoftimin që ka ardhur zyrtarisht sot (e shtunë) nga faqet zyrtare.

Transferimi i Seskos thuhet se ka kushtuar 76.5 milionë euro plus 8.5 milionë euro bonuse.

Welcome to United, Benjamin!

@Snapdragon x #ShotOnSnapdragon https://t.co/lORWhh0teQ pic.twitter.com/HeC2TB2gO9

— Manchester United (@ManUtd) August 9, 2025

“Manchester United ka kënaqësinë të konfirmojë se Benjamin Sesko i është bashkuar klubit, me kusht që të përfundojë regjistrimi”.

“Slloveni ka nënshkruar një kontratë deri në qershor të vitit 2030”, thuhet në njoftim.

He’s here!

Benjamin Sesko is officially a Manchester United player!

— Manchester United (@ManUtd) August 9, 2025

Ndryshe, gjatë dy sezoneve të fundit, Sesko ka shënuar më shumë gola se çdo lojtar nën moshën 23 vjeç në pesë ligat kryesore të Evropës. 22-vjeçari shënoi 21 gola dhe regjistroi gjashtë asistime për RB Leipzig gjatë sezonit të fundit.

Ai ka luajtur 41 ndeshje dhe ka shënuar 16 gola për Slloveninë që kur u bë debutuesi më i ri i vendit të tij në vitin 2021. /Telegrafi/

The post Zyrtare: Benjamin Sesko, lojtar i ri i Man Utd appeared first on Telegrafi.

Përgjigja e Cristiano Ronaldos kur u pyet se kush do ta fitojë Topin e Artë në vitin 2025 flet shumë dhe tregon maksimalisht egon e tij.

Sulmuesi i Al Nassr dështoi të nominohej për çmimin e madh individual për të dytin vit radhazi.

Asnjë lojtar jashtë pesë ligave më të mira të Evropës nuk është në listën e ngushtë prej 30 lojtarësh, që do të thotë se si Ronaldo ashtu edhe Lionel Messi nuk janë përfshirë.

Ronaldo e ka fituar çmimin pesë herë, por është bërë gjithnjë e më kritik ndaj tij vitet e fundit.

Lexo po ashtu 30 emra në listë për Topin e Artë, por vetëm një fitues absolut - zbulohet emri i favoritit

Në vitin 2024, ai e përshkroi Topin e Artë si “pa besueshmëri” sepse mesfushori i Manchester Cityt, Rodri, u shpall fitues ndaj Vinicius Junior të Real Madridit.

Tani në moshën 40 vjeçare dhe pasi ka nënshkruar një kontratë të re dyvjeçare për të vazhduar të luajë në Superligën Saudite, duket se shansi më i mirë i Ronaldos për t’u nominuar është të luajë mirë në Kupën e Botës 2026 me Portugalinë.

Cristiano Ronaldo on the Ballon d’Or:

“It’s fictional to me.”

pic.twitter.com/fItOG6mnLP

— CristianoXtra (@CristianoXtra_) August 8, 2025

Në një intervistë të premten në mbrëmje, Ronaldo u pyet nga Sport.tv për mendimin e tij se kush do ta fitonte Topin e Artë këtë vit.

“Jo, për mua është imagjinar”, u përgjigj Ronaldo, duke befasuar të gjithë. /Telegrafi/

The post Ronaldos befason me përgjigjen kur u pyet se kush do ta fitojë Topin e Artë 2025 appeared first on Telegrafi.

Mbrojtësi brazilia, Eder Militao ka shënuar një super-gol në një ndeshje miqësore të zhvilluar pasditen e së premtes.

Real Madridi luajti një ndeshje miqësore parasezonale me dyer të mbyllura kundër Leganes në qendrën stërvitore Valdebebas.

Pavarësisht se pësoi një gol të hershëm ndaj Leganes, Real Madridi bëri një rikthim të fortë për të fituar 4-1.

Golat për Los Blancos u shënuan nga Eder Militao, Brahim Diaz, Dean Huijsen dhe Thiago Pitarch.

pic.twitter.com/Hb4qi0x8mY

— Éder Militão (@edermilitao) August 8, 2025

Megjithatë, Militao tërhoqi vëmendjen e të gjithëve duke shënuar një gol të pabesueshëm nga më larg se gjysma e fushës.

Pamjet nga qielli treguan Militaon duke e dalluar portierin jashtë vijës së tij dhe duke shënuar pas një goditje perfekte nga distanca. /Telegrafi/

The post Ylli i Real Madridit shënon një gol mahnitës nga më larg se mesi i fushës kundër Leganes appeared first on Telegrafi.

Barcelona vendosi të mos e shiste Ferran Torres në afatin kalimtar të verës, pavarësisht se mori dy oferta prej 50 milionë eurosh nga Liga Premier për ta tërhequr spanjollin nga Blaugranët. Tottenham Hotspur dhe Newcastle United ishin dy klubet që bënë lëvizje në javët e fundit.

Lojtari spanjoll, i cili më parë ishte në listën e transferimeve, ka fituar një vend në skuadër pas performancave të shkëlqyera sezonin e kaluar.

Roli i tij si një zëvendësues i vlefshëm i ka fituar atij besimin e Hansi Flick, i cili ka kërkuar posaçërisht që bërthama e ekipit të tij të mbetet e pandryshuar.

La oferta millonaria que rechazó el Barcelona por Ferran Torreshttps://t.co/R1i1TAE86V

— Fichajes.net (@fichajesnet) August 9, 2025

Interesimi nga Liga Premier

Interesi për Ferranin nuk është asgjë e re. Klube si Aston Villa, i menaxhuar nga Unai Emery, u përpoqën ta nënshkruanin atë verën e kaluar me një ofertë prej 20 milionë eurosh, shumë larg nga 55 milionë eurot që Barça i pagoi fillimisht Manchester Cityt. Tani, shifra është rritur në 50 milionë euro, duke reflektuar zhvillimin e lojtarit dhe vlerën e tregut.

Përveç Aston Villas, Tottenham dhe Neëcastle e kishin vendosur emrin e tij në listën e objektivave të tyre prioritarë. Përvoja e mëparshme e Torres në Ligën Premier, ku luajti për një sezon e gjysmë me Cityn, ishte një nxitje shtesë për këto ekipe, të cilat e shohin atë si një nënshkrim të menjëhershëm me cilësi dhe potencial për të shënuar gola.

Laporta dhe Deco mbrojnë lojtarin

Pavarësisht tundimit financiar, Laporta dhe Deco e kanë mbrojtur Ferranin. “Nuk duam të shkaktojmë trazira midis stafit të trajnerëve me largime më të rëndësishme”, deklaruan anëtarët e bordit.

Ky qëndrim përforcon mesazhin se Barcelona dëshiron stabilitet sportiv për të garuar në La Liga dhe në Evropë.

Vetë Torres e ka bërë të qartë se qëllimi i tij është të qëndrojë në Camp Nou. Sipas burimeve të brendshme, sulmuesi është i hapur për të rinovuar kontratën e tij dhe për të mbetur i lidhur me projektin e Flick për një kohë të gjatë. Kjo besnikëri, e kombinuar me shkathtësinë e tij në sulm, e bën atë një aset strategjik për Barcelonën.

Një e ardhme e lidhur me Camp Nou

Vendosmëria e Barçës do të thotë që, të paktën për këtë sezon, Torres do të vazhdojë të vishet Blaugrana. Bordi është i bindur se lojtari do ta ruajë ose edhe do ta tejkalojë formën e tij aktuale, duke e vendosur veten si një forcë sulmuese.

Me tregun e transferimeve ende të hapur, klubet kryesore evropiane do të vazhdojnë të monitorojnë situatën e tij. Megjithatë, qëndrimi i Barçës është i qartë: nuk do të ketë negociata, pavarësisht se sa miliona vijnë nga Anglia.

/Telegrafi/

The post Zbulohet oferta e lartë që Barcelona ia refuzoi dy klubeve të Ligës Premier për yllin e skuadrës appeared first on Telegrafi.

Barcelona ka konfirmuar se çështja e tyre kundër Marc-Andre Ter Stegen ka përfunduar, pasi ai nënshkroi një raport mjekësor të nevojshëm për të përpunuar dokumentacionin e regjistrimit në La Liga dhe pas këtij gjesti klubi vendosi t’ia rikthej shiritin e kapitenit.

Ter Stegen më në fund ka nënshkruar raportin mjekësor që i lejon Barcelonës të shkurtojë 80% të pagës së tij dhe të regjistrojë dikë tjetër si Marcus Rashford apo Joan Garcia.

“Barcelona njofton se lojtari Marc-Andre ter Stegen ka nënshkruar autorizimin për Shërbimet Mjekësore të Klubit për të paraqitur raportin e detyrueshëm mjekësor në La Liga pas ndërhyrjes kirurgjikale”.

“Dosja disiplinore konsiderohet e mbyllur dhe lojtari rifillon shiritin e kapitenit të ekipit të parë me efekt të menjëhershëm”, thuhet në njoftim.

FC Barcelona official statementhttps://t.co/igQa8YJln6

— FC Barcelona (@FCBarcelona) August 8, 2025

Nënshkrimi i dokumentit do t’i lejojë Barcelonës të informojë La Ligën se një lojtar i ekipit të parë, Ter Stegen, do të mungojë për katër ose më shumë muaj, gjë që do të aktivizojë një klauzolë në rregullore që u lejon atyre të kompensojnë pagën e tij.

Lufta midis Ter Stegen dhe Barcës tani ka mbaruar zyrtarisht, por kjo nuk do të thotë që gjermani do të jetë numri 1 i Barcelonës këtë sezon.

Portieri gjerman pritet të rikuperohet nga operacioni në 3-5 muajt e ardhshëm. /Telegrafi/

The post Ter Stegen nënshkruan raportin mjekësor që i lejon Barcelonës të regjistrojë lojtarë – klubi ia kthen shiritin e kapitenit appeared first on Telegrafi.

Real Madridi ka zbuluar setin e tretë të fanellave për sezonin e ardhshëm, dhe pamja dhe ngjyra e tyre kanë kënaqur tifozët e Klubit Mbretëror, si dhe publikun e futbollit.

Marka e njohur gjermane Adidas, e cila është furnizuesja e pajisjeve për klubin nga Santiago Bernabeu, ka krijuar një fanellë të bukur blu me detaje të bardha.

Stema e Realit paraqitet me ngjyra tradicionale, në anën e djathtë të gjoksit është një logo e vjetër e Adidasit, dhe detajet paraqiten me të bardhë.

Duke qenë se ky është seti i tretë, kjo fanellë rrallë do të përdoret në ndeshje, por tifozët tashmë janë çmendur pas saj dhe nuk ka dyshim se të gjitha kopjet nga dyqani zyrtar i tifozëve do të blihen në kohë rekord.

Estilo modo #RMCFThird | @adidasfootball pic.twitter.com/ssE9X7MCFw

— Real Madrid C.F. (@realmadrid) August 8, 2025

Edhe pse disa tifozë i krahasojnë ato me fanellat e Arsenalit dhe Chelseat, nuk ka komente negative, dhe shumë prej tyre kanë njoftuar tashmë se do të bëhen pronarë të kësaj fanelle.

Më herët, Klubi Mbretëror prezantoi kompletin e tij kryesor – të ndeshjeve si vendas, të cilat janë në ngjyrën tradicionale të bardhë me detaje të arta dhe të zeza.

Sezoni i ri i La Ligës spanjolle fillon më 15 gusht, kur është planifikuar xhiro e parë, dhe Los Blancos do të luajnë ndeshjen e tyre të parë katër ditë më vonë kur do të presin Osasunën në Madrid. /Telegrafi/

@David_Alaba #RMCFThird | @adidasfootball pic.twitter.com/CvhCluSiqW

— Real Madrid C.F. (@realmadrid) August 8, 2025

The post Real Madridi zbulon fanellën e re, tifozët janë të kënaqur appeared first on Telegrafi.

Atltico Madridi ka hyrë në tregun e transferimeve me një objektiv që premton të ngjallë entuziazmin e tifozëve të saj: Jadon Sancho.

Sulmuesi anësor anglez, aktualisht te Manchester United, është në listën e lojtarëve të padëshiruar të klubit të tij pasi nuk është më pjesë e planeve të Ruben Amorim, dhe Rojiblancos kanë vendosur të pozicionohen si një nga kandidatët për të siguruar atë.

Një rikthim në Bundesliga është opsioni që i pëlqen më shumë lojtarit, i cili ka një lidhje të veçantë me Signal Iduna Park. Megjithatë, hyrja e Atletico Madridit mund ta ndryshojë situatën nëse ata arrijnë ta joshin atë me një projekt ambicioz sportiv dhe një shans për të fituar tituj.

Manchester United, i cili nuk e ka lojtarin në zotërim për sezonin e ardhshëm, është i hapur për të përfunduar largimin e tij sa më shpejt të jetë e mundur.

Si Dortmund ashtu edhe Atletico Madrid kanë propozuar një marrëveshje huazimi, me vlerë rreth pesë milionë euro, një shifër e ngjashme me atë që Chelsea pagoi për huazimin e tij sezonin e kaluar.

Jadon Sancho, i vendosur të përfundojë kohën e tij në Old Trafford, thuhet se është i gatshëm të ulë pagën e tij me 30% për të lehtësuar negociatat.

Sezoni i tij i fundit, në të cilin ai grumbulloi 39 ndeshje midis Ligës Premier dhe Ligës së Konferencës, rezultoi në pesë gola dhe dhjetë asistime.

Borussia Dortmund, nga ana e saj, nuk dëshiron ta humbasë mundësinë për të rikthyer një nga idhujt e saj të kohëve të fundit. Klubi gjerman është i bindur se përvoja dhe kujtimet pozitive të Sanchos nga koha e tij atje do të jenë faktorë vendimtarë në kthimin e peshores në favor të tyre.

Megjithatë, forca financiare e klubit dhe tërheqja për të garuar në La Liga dhe Ligën e Kampionëve me një ekip si Atletico mund ta balancojnë ekuilibrin.

Pavarësisht se nuk ka qenë në formën e tij më të mirë vitet e fundit, sulmuesi anësor do të ishte një nënshkrim që do t’u sillte një dozë entuziazmi tifozëve të Atleticos. /Telegrafi/

The post Jadon Sancho, nënshkrimi sekret i Atletico Madridit appeared first on Telegrafi.

Kombëtarja e Kosovës U16 në basketboll luajti për 30 minuta baras me Kroacinë, por humbja e çerekut të parë ishte fatale për humbjen finale me rezultat 72:61.

Dardanët e rinj pësuan me rezultat 72:61 (19:10, 20:19, 18:19, 15:13), në FIBA Kampionatin Evropian, Divizioni B, që po zhvillohet në Shkup të Maqedonisë Veriore.

Çereku i parë ishte vendimtar, të cilin Kroacia e fitoi 19:10. Periudha e dytë ishte e baraspeshuar, duke përfunduar 20:19, ashtu si e treta 18:19.

Basketbollistët e Kosovës tentuan rikthimin në dhjetëminutëshin e fundit, por përkundër se e fituan me rezultat 15:13, nuk ia arritën qëllimit dhe pësuan 72:61.

Megjithatë, basketbollisti i talentuar, Almir Dullovi, ishte ai i cili u dallua më shumë dhe shkëlqeu te Dardanët me 27 pikë.

Ndeshja e ardhshme, dhe e tretë në grupe do të jetë nesër (e shtunë) ndaj Danimarkës. /Telegrafi/

The post Kosova U16 mposhtet nga Kroacia, por shkëlqen Almir Dullovi appeared first on Telegrafi.

Edon Zhegrova pritet të qëndrojë te Lille edhe për një vit tjetër. Të paktën, ky është thelbi i deklaratave të presidentit, Olivier Letang, këtë të premte.

Larg fushës për shumë muaj, tashmë nëntë që nga dhjetori, Zhegrova u tha se do të largohej nga Lille në ditët apo javët në vijim dhe njëri nga distinacionet u përmend rivali i tyre, Marseille. Megjithatë, nuk duhet përjashtuar kurrë një surprizë, e cila është pikërisht ajo që sapo ka ndodhur.

Pavarësisht kësaj situate të vështirë në të cilën është gjendur kosovari, largimi i tij është larg të qenit i sigurt. Këtë të premte, presidenti i Lille, Olivier Letang, e përmendi rikthimin e mundshëm të lojtarit të tij në skuadrën e tij për të luajtur sezonin 2025/26.

Lexo po ashtu Fabrizio Romano zbulon se ku po transferohet Edon Zhegrova

“Edon (Zhegrova) është këtu, me ne. Është e mundur që ai të jetë me ne, prandaj e përmenda në mundësitë tona ofensive. Ai është mirë. Ai po stërvitet mirë. Është rikthyer mirë. Është e mundur që ai të rifillojë stërvitjen me ekipin profesional nga e hëna që të mund të mbështetemi tek ai për këtë sezon”, ka thënë fillimisht Letang.

“Nuk kam pasur kontakt me klube të tjera franceze. Edon (Zhegrova) është emocional. Ne menduam se ai mund të largohej në një moment. Por sot, kushtet nuk janë domosdoshmërisht të përshtatshme që ai të largohet”.

“Ne i themi vetes se në vend që të kërkojmë dikë jashtë, kemi dikë në shtëpi që po bën mirë. Folëm për këtë së bashku. Ai është i uritur. I mungojnë ndeshjet, garat”, përfundoi i pari i Lille. /Telegrafi/

The post Presidenti i Lille sqaron të ardhmen e Edon Zhegrovës appeared first on Telegrafi.

Ylli i Manchester United, Alejandro Garnacho thuhet se ka arritur marrëveshje me Chelsean për një transferim gjatë kësaj vere.

Gazetarit Fabrizio Romano ka dhënë një përditësim mbi ndjekjen e Chelsea për sulmuesin anësor të United, Garnacho.

Sipas italianit, ylli argjentinas ka arritur tashmë marrëveshje personale, por ka mbetur edhe ajo mes klubeve.

“Kuptoj që Alejandro Garnacho ka rënë dakord për çdo detaj të kushteve personale me Chelsean!”.

“Marrëveshja është bërë nga ana e lojtarit, ai dëshiron vetëm Chelsean, siç është zbuluar këtu që nga korriku”.

“Bisedimet me Man United rreth tarifës do të pasojnë së shpejti. Chelsea është duke kërkuar shërbimet e Garnachos dhe Xavi Simons”, ka shkruar Romano. /Telegrafi/

The post Garnacho arrin marrëveshje personale me Chelsean appeared first on Telegrafi.

Mesfushori kosovar, Florent Muslija ka kaluar si huazim me opsion blerje nga Freiburg te Fortuna Dusseldorf.

Reprezentuesi i Kosovës është rikthyer në Bundesliga 2, pasi nuk ka arritur të tregoj më të mirën në edicionin e fundit në Bundesliga.

Muslija është huazuar me mundësi blerje nga Freiburg te Fortuna Dusseldorf, me klubin gjerman që ka njoftuar sot marrëveshjen.

“Mirë se vini në Fortuna, Florent Muslija!”, shkruan fillimisht në postimin e klubit gjerman.

“27-vjeçari është i huazuar nga SC Freiburg për sezonin aktual dhe mban numrin 24. Fortuna gjithashtu siguroi një opsion blerjeje”, mbyllet postimi. /Telegrafi/

The post Florent Muslija kalon te Fortuna Dusseldorf appeared first on Telegrafi.

Marrëdhënia e tendosur e Real Madridit me Topin e Artë nuk tregon shenja shkrirjeje, me klubin që vazhdon të distancohet nga çmimi më prestigjioz individual i futbollit, duke e trajtuar atë sikur nuk ka asnjë vlerë.

Sipas gazetës Sport, pavarësisht se disa lojtarë të Real Madridit u emëruan në listën e ngushtë të vitit 2025, klubi ka ruajtur një heshtje të dukshme, duke nënvizuar një përçarje të thellë që filloi në vitin 2024 kur Vinicius Junior humbi çmimin ndaj Rodri të Manchester Cityt.

Tensionet shpërthyen vitin e kaluar kur Real Madridi anuloi papritur planet e udhëtimit për në ceremoninë e Parisit vetëm disa orë para ngjarjes, duke e bojkotuar atë në shenjë proteste pasi mësoi se Vinicius nuk do të fitonte.

Real Madrid have decided not to talk about the Ballon d’Or. The club did not congratulate any of the nominees on social media or on RMTV.

— @partidazocope pic.twitter.com/sxGTbAsJWU

— Madrid Universal (@MadridUniversal) August 7, 2025

Vendimi, i përshkruar nga Marca si një “deklaratë e fortë”, u nxit nga dyshimet për ndikimin e UEFA-s, duke pasur parasysh partneritetin e ri të organizatës me France Football në menaxhimin e Topit të Artë.

Mosmarrëveshjet e gjata të Real Madridit me UEFA-n, veçanërisht mbi projektin e Superligës Evropiane, kanë intensifikuar mosbesimin, me burime të klubit të cituara nga gazeta AS që sugjerojnë se rezultati i çmimit ishte “i motivuar politikisht”.

Lexo po ashtu France Football zbulon emrat e 30 lojtarëve të nominuar për Topin e Artë 2025

Këtë vit, pavarësisht nominimeve për lojtarë si Kylian Mbappe dhe Jude Bellingham, Real Madridi është përmbajtur nga pranimi i çmimeve në faqen e tyre zyrtare ose në kanalet e mediave sociale, një kontrast i fortë me angazhimin e tyre të zakonshëm.

Heshtja shtrihet edhe tek vetë të nominuarit meshkuj, asnjëri prej të cilëve nuk ka komentuar publikisht mbi nominimet e tyre. /Telegrafi/

The post Refuzimi i Real Madridit për Topin e Artë thellohet me protestë të heshtur për nominimet appeared first on Telegrafi.

Real Madridi ka rinovuar interesin për Vitinhan, një nga mesfushorët më të lakmuar për performancat e tij të shkëlqyera me Paris Saint-Germain, me qëllimin për të forcuar mesfushën e tyre me një lojtar të aftë për të organizuar dhe krijuar nga themelet.

Bordi madrilen e konsideron lojtarin portugez si profilin ideal për të shoqëruar lojtarë si Jude Bellingham dhe Federico Valverde, dhe përfundimisht për të udhëhequr mesfushën, dhe ka vendosur të rinovojë ofertën e tyre për nënshkrimin e tij.

Vitinha po vjen nga një sezon i shkëlqyer me PSG-në, duke qenë një nga lojtarët më të qëndrueshëm në skemën e Luis Enriques që e çoi ekipin parisien drejt tripletës.

Kësaj i shtohet edhe performanca e tij e jashtëzakonshme me ekipin kombëtar portugez, me të cilin fitoi Ligën e Kombeve. Pjekuria, vizioni dhe aftësia e tij për të thyer linjat e sulmit e bëjnë atë një objektiv prioritar.

Lexo po ashtu France Football zbulon emrat e 30 lojtarëve të nominuar për Topin e Artë 2025

Megjithatë, negociatat po rezultojnë të jenë një betejë e vështirë. PSG e ka bërë të qartë qëndrimin e saj: nuk do të pranojë më pak se 130 milionë euro për largimin e tij.

Kjo shifër përfaqëson një pengesë pothuajse të pakapërcyeshme për Real Madridin, përveç nëse mund të lirojë hapësirë dhe burime në skuadrën e saj. Largimet e Rodrygo Goes dhe Brahim Diaz mund të jenë çelësi për të hapur rrugën për nënshkrimin e lojtarit portugez.

Xabi Alonso e ka dhënë tashmë miratimin e tij. Ai e konsideron Vitinhan një lojtar kyç për stilin e tij të lojës, veçanërisht për aftësinë e tij për të gjeneruar avantazh dhe për të ruajtur posedimin nën presion. Por që lëvizja të materializohet, Real Madridi do të duhet të veprojë me saktësi kirurgjikale në tregun e transferimeve.

Për momentin, Vitinha mbetet në Paris. Por interesi i Real Madridit mbetet dhe gjithçka do të varet nga ajo që do të ndodhë në javët në vijim. Vera premton lëvizje të rëndësishme… dhe kjo mund të jetë një nga më të shtrenjtat. /Telegrafi/

The post Real Madridi synon një nënshkrim të ri prej 130 milionë eurosh appeared first on Telegrafi.

Revista prestigjioze, France Football ka shpallur sot (e enjte) gjatë ditës kandidatët për Topin e Artë 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat në sezonin paraprak.

Fituesi i mëparshëm është Rodri i Manchester Cityt, i cili këtë vit nuk gjendet fare në listë, por ka shumë yje tjerë që përbejnë listën pre 30 lojtarëve të nominuar.

Në listë nuk mungojnë emra si favoritët e përmendur tashmë si Lamine Yamal, Ousmane Dembele, Gianluigi Donnarumma, Vitinha, Mohamed Salah dhe Raphinha.

Here are the 2025 Ballon d’Or nominees!#ballondor pic.twitter.com/tehmbU4R0j

— Ballon d’Or (@ballondor) August 7, 2025

Përveç tyre lista përfshin edhe yje tjerë si Kylian Mbappe, Jude Bellingham, Lautaro Martinez, Harry Kane, Pedri, Erling Haaland dhe Achraf Hakimi.

Më poshtë keni listën më të gjithë 30 emrat e nominuar për Topin e Artë 2025:

– Ousmane Dembele (Paris Saint-Germain);

– Gianluigi Donnarumma (Paris Saint-Germain);

– Jude Bellingham (Real Madrid)

– Desire Doue (Paris Saint-Germain)

– Denzel Dumfries (Inter)

– Serhou Guirassy (Dortmund)

– Erling Haaland (Man City)

– Viktor Gyokeres (Arsenal)

– Achraf Hakimi (Paris Saint-Germain)

– Harry Kane (Bayern Munich)

– Khvicha Kvaratskhelia (Paris Saint-Germain)

– Robert Lewandowski (Barcelona)

– Alexis Mac Allister (Liverpool)

– Lautaro Martinez (Inter)

– Scott McTominay (Napoli)

– Kylian Mbappe (Real Madrid)

– Nuno Mendes (Paris Saint-Germain)

– Joao Neves (Paris Saint-Germain)

– Pedri (Barcelona)

– Cole Palmer (Chelsea)

– Michael Olise (Bayern Munich)

– Raphinha (Barcelona)

– Declan Rice (Arsenal)

– Fabian Ruiz (Paris Saint-Germain)

– Virgil van Dijk (Liverpool)

– Vinicius Jr (Real Madrid)

– Mohamed Salah (Liverpool)

– Florian Wirtz (Liverpool)

– Vitinha (Paris Saint-Germain)

– Lamine Yamal (Barcelona)

/Telegrafi/

The post France Football zbulon emrat e 30 lojtarëve të nominuar për Topin e Artë 2025 appeared first on Telegrafi.

Real Betis u përball me ekipin e Serie A, Como, në një ndeshje miqësore para-sezonale të mërkurën, por ndeshja në Cadiz ishte gjithçka përveçse miqësore.

Një numër lojtarësh nga të dyja ekipet u përfshinë në një përleshje masive, gjatë së cilës u qëlluan edhe me grushte.

Pasi fishkëllyeu përfundimin e pjesës së parë, në të cilën pikë Como po udhëhiqte 2-0 falë golave të ish-lojtarit të Betis, Assane Diao dhe Lucas de Cunha, shpërtheu një sherr pasi Pablo Fornals dhe Massimo Perrone shkëmbyen grushte.

Things got heated between Cesc Fàbregas’ Como and Manuel Pellegrini’s Betis… in a preseason friendly! #como #betis pic.twitter.com/ps1kuz6ymR

— MARCA in English (@MARCAinENGLISH) August 6, 2025

Pati edhe një moment mjaft komik pak më vonë kur sulmuesi i Los Verdiblancos, Cucho Hernandez, hyri me shpejtësi, por në vend që të godiste një lojtar të Comos, ai goditi shokun e skuadrës Natan.

Pas kësaj përleshje, gjyqtari kryesor vendosi t’i përjashtoj Fornals nga Betis dhe Perrone nga Como.

Grindja mund të ketë pasoja negative për të dy klubet

Betis dhe Como, të cilët përballen me Barcelonën në miqësoren e tyre të radhës para-sezonale, treguan shumë luftë, megjithëse në këtë rast, shkuan shumë larg.

Kjo mund të ketë një efekt negativ për ata që janë përfshirë në sherr, nëse gjyqtari vendos ta çojë çështjen më tej – gjë që mund të rezultojë në pezullime për fillimin e sezonit të ri, i cili fillon për Betisin pas 12 ditësh kur ata përballen me Elchen e sapongjitur në kategori.

The preseason friendly between Real Betis and Como wasn’t so friendly pic.twitter.com/GsndxRloom

— B/R Football (@brfootball) August 6, 2025

Nëse do të ketë ndonjë pezullim nga kjo për Betisin, me kandidatët e mundshëm Hector Bellerin, Fornals dhe Cucho, ky do të ishte një lajm i tmerrshëm për trajnerin Manuel Pellegrini.

Njësoj mund të ketë efekt edhe për Comon, duke humbur ndonjë lojtar për ndeshjet e fillimit të Serie A, pasi këto miqësore janë miqësore zyrtare, të cilat lajmërohen në UEFA. /Telegrafi/

Intercambio de

Por favor, no más amistosos con el @Como_1907 pic.twitter.com/dYmKKqAphP

— 𝙊𝙧𝙜𝙪𝙡𝙡𝙤 𝘽𝙚𝙩𝙞𝙨 (@OrgulloBetis) August 6, 2025

The post Kur ndeshja miqësore eskalon plotësisht, lojtarët e Real Betis dhe Como u sqaruan me grushte e shqelma appeared first on Telegrafi.

Revista prestigjioze, France Football, ka shpallur gjatë ditës së sotme (e enjte), 7 gusht, kandidatët për Trofeun Kopa 2025.

Ceremonia e Topit të Artë 2025 do të zhvillohet në Paris më 22 shtator. Aty do të merren parasysh vetëm performancat e sezonit të fundit.

Para ndarjes së Topit të Artë, aty do të jetë edhe Trofeu Kopa, i cili i jepet lojtarit më të mirë të ri të sezonit.

They are the best U21 footballers in the world… here are our 2025 Kopa Trophy nominees! #ballondor pic.twitter.com/m9muaKCqkE

— Ballon d’Or (@ballondor) August 7, 2025

France Football tashmë ka zbuluar se kush janë kandidatët për ta fituar këtë çmim dhe me të vërtet të gjithë këta emra e meritojnë, pasi kanë pasur super-sezone me skuadrat dhe kombëtaret e tyre.

Pau Cubarsi (Barcelona, Spanjë), Ayyoub Bouaddi (Lille, Francë), Desire Doue (PSG, Francë), Estevao (Chelsea, Brazil), Dean Huijsen (Real Madrid, Spanjë), Myles Lewis-Skelly (Arsenal, Angli), Rodrigo Mora (Porto, Portugali), Joao Neves (PSG, Portugali), Lamine Yamal (Barcelona, Spanjë), Kenan Yildiz (Juventus, Turqi) janë emrat që luftojnë për çmimin e madh individual.

Myles Lewis-Skelly
Rodrigo Mora
Joao Neves
Lamine Yamal
Kenan Yildiz

2/2#ballondor pic.twitter.com/RV05G4ZUpc

— Ballon d’Or (@ballondor) August 7, 2025

Megjithatë, Lamine Yamal nuk do të jetë në gjendje ta fitojë çmimin për shkak se e kishte fituar atë herën e kaluar.

Këtë çmim më parë e kanë fituar edhe emra si Jude Bellingham, Gavi dhe Pedri. /Telegrafi/

The post Nga Cubarsi te Huijsen e Douse – emërohen kandidatët për Trofeun Kopa 2025 appeared first on Telegrafi.

Fillimi i sezonit të ri po afron gjithnjë e më shumë në ligat më të forta evropiane, dhe pak para fillimit të La Ligës, të gjithë u befasuan pozitivisht nga transformimi i yllit të ri të Real Madridit, Arda Guler.

20-vjeçari turk është dikush nga i cili pritet shumë në Madrid, veçanërisht tani pas largimit të Luka Modric, dhe ai bëri shumë përpjekje këtë verë për të përmirësuar formën e tij.

Pas një pune të palodhur, Guler duket vërtet fenomenal, dhe gazeta AS shkruan se turku shtoi tetë kilogramë masë muskulore gjatë pushimeve të verës.

Today’s AS front page

“The New Güler”
• The Turk has gained 10 kilos of muscle mass since arriving 2 years ago.
• He lives with a fitness coach, physiotherapist, and cook. pic.twitter.com/NWDysZ746u

— Arda Güler (fan) (@iHQGuler) August 6, 2025

Pas Guler janë dy sezone në të cilat ai ishte në prapavijë, pasi u pengua shumë nga dëmtimet e shpeshta. Në sezonin e parë, ai grumbulloi vetëm 440 minuta në fushë, por arriti të shënonte gjashtë gola, dhe në sezonin e mëparshëm luajti më shumë – 2,200 minuta, gjatë së cilës kohë shënoi gjashtë gola dhe dha 11 asistime.

Turku është i vetëdijshëm se sezoni i ardhshëm është më i rëndësishmi në karrierën e tij deri më tani dhe se duhet t’i imponohet trajnerit Xabi Alonso.

Guler luajti në Kampionatin Botëror për Klube të mbajtur së fundmi, ku Real Madridi u eliminua në gjysmëfinale, dhe ishte titullar në pesë ndeshje.

L’évolution physique folle d’Arda Güler. pic.twitter.com/5tsWDQY43u

— Güler Fr (@ArdaGuler_Fr) August 6, 2025

Krahasuar me fundin e sezonit të kaluar, Guler hyn në sezonin e ri tetë kilogramë më i rëndë, pasi tani peshon 70 kilogramë dhe e ka rikompozuar trupin e tij, i cili tani duket shumë më muskuloz.

Ndryshe, Real Madridi e nis sezonin e La Ligës më 19 gusht me një duel me Osasunën në stadiumin Santiago Bernabeu. /Telegrafi/

The post Ylli i Real Madridi bëri një mrekulli me trupin e tij gjatë pushimeve verore, shtoi tetë 8 kg masë muskulore appeared first on Telegrafi.