Arabia Saudite ka nisur punën për ndërtimin e atij që pritet të jetë aeroporti më i madh në botë. Aeroporti Ndërkombëtar Mbreti Salman pritet të hapet në vitin 2030 dhe do të jetë sa 14,000 fusha futbolli së bashku. Ky aeroport gjigand do të ndërtohet rreth aeroportit ekzistues Mbreti Khalid në kryeqytetin Riad. Zgjerimi i tij u njoftua për herë të parë në nëntor 2022 dhe kur të përfundojë, aeroporti do të shtrihet në 57 kilometra katrorë, prej të cilave 12 kilometra katrorë do të jenë të rezervuara për qendra tregtare.

Aeroporti Mbreti Khalid ka dy pista paralele për ulje-ngritje të avionëve. Me zgjerimin, numri i pistave do të shkojë në gjashtë dhe numri i pasagjerëve do të arrijë në 120 milionë deri në vitin 2030, ndërsa deri në vitin 2050 pritet të arrijë në 185 milionë. Me hapjen e këtij aeroporti, numri i ngritjeve dhe uljeve të avionëve në Arabinë Saudite do të rritet nga 211,000 në mbi një milion në vit. Kostoja e projektit vlerësohet në 30 miliardë dollarë.

Në janar 2025, përfundoi rikonstruksioni i terminalit ekzistues në aeroportin Mbreti Khalid, duke e çuar një hap më pranë përfundimit të projektit madhor. Terminali i ri ka 38 sportele check-in, 10 kioska vetëshërbimi, 26 sportele kontrolli pasaportash, 10 porta të automatizuara, 24 porta për hipje në avion, 40 sportele pasaportash në zonën e mbërritjes dhe 11 porta vetëshërbimi për daljen e shpejtë.

Dizajni i aeroportit është krijuar nga firma britanike e arkitekturës Foster + Partners, e njohur edhe për projekte si Battersea Roof Gardens, Stadiumi i Wembley-t, dhe memoriali kombëtar për Mbretëreshën Elizabeth II. Në maj të këtij viti, dy kompani amerikane; Bechtel dhe Parsons morën kontrata kyçe për zgjerimin, sipas Engineering News-Record (ENR).

Aeroporti do të ketë ambiente të shumta për ulje, zona të brendshme dhe të jashtme me shumë gjelbërim, dhe dritare të mëdha për të parë avionët. Ky projekt është pjesë e planit ambicioz “Vizion 2030” të Arabisë Saudite, që synon transformimin e vendit. Brenda këtij vizioni përfshihet edhe Qiddiya, një qytet argëtimi që pritet të hapet më vonë këtë vit dhe do të përfshijë një park tematik Six Flags, një ujëvarë gjigande me makina nënujore, katër atraksione që thyejnë rekorde botërore, përfshirë ujëvarën më të lartë në botë, rrëshqitësen më të gjatë për gara me tapeta, dhe rrëshkitësen më të madhe në botë.

Më shumë se 240 aktivistë të partisë opozitare Pakistan Tehreek-e-Insaf (PTI) janë arrestuar nga policia pakistaneze gjatë protestave të zhvilluara të martën, me rastin e dyvjetorit të burgosjes së ish-kryeministrit Imran Khan.

Sipas autoriteteve të sigurisë, të paktën 122 persona u ndaluan në qytetin Lahore, ku tentuan të bllokojnë rrugët dhe të cënojnë rendin publik. Zëvendës-inspektori i përgjithshëm i policisë, Faisal Kamran, tha se pjesa tjetër e arrestimeve u krye gjatë kontrolleve gjatë natës në rajonin e Punjab-it.

Ndërkohë, mijëra mbështetës të Khan dolën në rrugët e Khyber Pakhtunkhwa, një provincë e drejtuar nga PTI. Protesta të shumta u zhvilluan edhe në qytetet Karachi dhe Muzaffarabad, ku policia përdori gaz lotsjellës për të shpërndarë turmat.

Në Lahore, qindra protestues u mblodhën jashtë gjykatës me thirrjet “Lironi Imran Khan!”, ndërsa grupe më të vogla zhvilluan demonstrata në zona të ndryshme të qytetit.

Zëdhënësi i PTI-së, Zulfikar Bukhari, deklaroi se mbi 200 aktivistë janë ndaluar vetëm në Lahore.

Në Quetta, një grup grash protestuese brohoriste “Poshtë qeveria!”, ndërsa në Karachi, rreth 2,000 aktivistë organizuan një marshim me motocikleta, riksha dhe automjete të tjera, të pajisur me flamuj të partisë dhe postera të Khan, përpara se të shpërndaheshin nga policia me gaz lotsjellës.

Protestat vijnë në një kohë të tensionuar për politikën pakistaneze, ndërsa mbështetësit e Imran Khan kërkojnë lirimin e liderit të tyre, i cili ndodhet në burg që nga gushti i vitit 2023. / abcnews.al

Kryeministri suedez, Ulf Kristersson, është kritikuar ashpër pasi pranoi se përdor rregullisht mjetet e inteligjencës artificiale për të marrë një mendim të dytë në lidhje me drejtimin e vendit.

Kristersson, i cili drejton qeverinë e koalicionit të qendrës së djathtë, tha se përdor ChatGPT dhe shërbimin francez LeChat. Ai shtoi se edhe kolegët e tij përdorin AI-n në punën e përditshme.

Në një intervistë për gazetën suedeze Dagens Industri, Kristersson tha: “E përdor vetë mjaft shpesh. Nëse jo për asgjë tjetër, atëherë thjesht për një mendim të dytë. Çfarë kanë bërë të tjerët? Dhe a duhet të mendojmë krejt ndryshe? Pyetje të tilla.”

Megjithatë, ekspertët e teknologjisë kanë shprehur shqetësime për përdorimin e AI-t nga politikanët në këtë mënyrë, dhe gazeta Aftonbladet akuzoi Kristersson-in në një editorial se “ka rënë pre e psikozës oligarkike të inteligjencës artificiale”.

“Duhet të jesh shumë i kujdesshëm,” tha Simone Fischer-Hübner, kërkuese në shkencën kompjuterike në Universitetin Karlstad, duke paralajmëruar për përdorimin e ChatGPT-së për informacione të ndjeshme.

Zëdhënësi i Kristersson-it, Tom Samuelsson, tha më vonë se kryeministri nuk merr rreziqe në përdorimin e AI-t.

“Natyrisht, nuk është informacion i ndjeshëm ndaj sigurisë ai që përfundon atje. Përdoret më shumë si një platformë”, tha ai, citon The Guardian.

Por Virginia Dignum, profesoreshë e inteligjencës artificiale të përgjegjshme në Universitetin Umea, tha se AI nuk është në gjendje të japë një opinion të kuptueshëm mbi idetë politike dhe thjesht pasqyron mendimet e atyre që e kanë ndërtuar.

“Sa më shumë të mbështetet tek AI për gjëra të thjeshta, aq më i madh është rreziku i besimit të tepruar në sistem. Është një shpat i rrëshqitshëm,” tha ajo për gazetën Dagens Nyheter. “Duhet të kërkojmë që të garantohet besueshmëria. Ne nuk kemi votuar për ChatGPT.”

Mandati i dytë i Donald Trump ka sjellë një tronditje politike jo vetëm për Shtetet e Bashkuara, por për mbarë botën.

Deklaratat e vazhueshme të republikanit për një rikandidim në vitin 2028, edhe pse nuk ia lejon kushtetuta, kanë shkaktuar gjithmonë zhurmë dhe ende mbetet e paqartë se çfarë plani Trump ka përgatitur. Nga ana tjetër, tarifat tregtare ndaj thuajse çdo shteti në botë, kanë shkaktuar trazira ekonomike që ende mbeten të pazgjidhura.

Në një intervistë për NBC Neës, Trump iu rikthye sërish çështjes shumë të diskutuar: zgjedhjet presidenciale të vitit 2028. I pyetur nëse do të kandidonte sërish për president, Trump nuk dha një përgjigje të prerë: Ndoshta jo, tha ai, duke ripërsëritur se megjithatë do dontë ta bënte diçka të tillë.

“Do doja të kandidoja”, theksoi Trump, I cili pretendon se ka shifrat më të mira të sondazheve dhe vuri në dukje se në vitin 2024 fitoi edhe votën popullore.

Preidenti amerikan dërgoi edhe një mesazh përtej oqeanit. Trump paralajmëroi se nëse Bashkimi Europian nuk investon 600 miliardë dollarë në SHBA, siç u ra dakord në marrëveshjen e 27 korrikut, do të përballet me tarifa prej 35%.

Kërcënimi I ri I Trump vjen pasi dy partnerët tregtarë arritën një marrëveshje që I vendos tarifat amerikane ndaj importeve të unionit në 15%.

Teksa blloku 27 anëtarësh ia doli të merrte tarifat më të ulëta nga ato që ishin paralajmëruar, vende të tjera duket se po e paguajnë shtrenjtë mungesën e një marrëveshjeje.

Brazili kërcënohet nga tarifa 50% duke filluar nga 6 gushti, masë që do të godiste rëndë importet e kafesë.

Nëse bisedimet nuk përparojnë në një marrëveshje, një nga sektorët kryesorë të eksportit të Brazilit mund të marrë një goditje serioze.

Prandaj një pjesë e prodhuesve janë në kërkim të tregjeve të reja, me shpresën se kërkesa në rritje për kafe në Azi, mund të ndihmojë në rikuperimin e humbjeve që mund të shkaktojë mungesa e tregut amerikan

Read More...

Kosova po humb mundesi si pasoje e ngercit politik ne vend.
Ky eshte qendrimi i te ngarkuares me pune ne Ambasadën e SHBA-së në Prishtinë, Anu Prattipati.

Per mediat lokale ajo tha ndër të tjera tha se kompanitë amerikane kërkojnë stabilitet institucional për të investuar në Kosovë dhe se nëse kjo nuk ndodh bizneset kërkojnë vende të tjera.

“Formimi i një qeverie pas zgjedhjeve është një funksion bazik demokratik, dhe ky bllokim i vazhdueshëm politik po rezulton në humbje të mundësive për Kosovën. Administrata Trump kërkon aleatë të fortë me të cilët mund t’i avancojmë prioritetet tona; një vend pa institucionet bazë dhe me një rrugë të pasigurt drejt krijimit të tyre është një partner te i cili nuk mund të mbështetemi gjithmonë plotësisht.”

Diplomatja amerikane ka përmendur veprimet e Qeverisë së Kosores që po i rrezikojnë raportet në mes të dy vendeve.

“Shtetet e Bashkuara janë të përkushtuara për një marrëdhënie të fortë dhe produktive me Kosovën dhe duan të bashkëpunojnë për çështje që e avancojnë stabilitetin, sigurinë dhe prosperitetin rajonal. Kosova duhet t’i sigurojë kushtet në vend që ky partneritet të lulëzojë. Veprimet që ndikojnë negativisht tek qytetarët e Kosovës jo vetëm që i rrezikojnë marrëdhëniet bilaterale të Kosovës, por gjithashtu shkojnë drejtpërdrejt kundër prioriteteve kryesore të Shteteve të Bashkuara në rajon” deklaron Pratipatti.

E ngarkuara me pune e shba ne Prishtine ka takuar gjate dites se sotme edhe perfaqesues te opzoites ne vend si Ramush Haradinaj I AAK dhe Memli Kransiqi, i PDK.

/ abcnews.al

Qeveria synon të përmirësojë insfrastrukturën teknologjike në shkolla deri në vitin 2030. Ministria e Arsimit dhe Sportit ka hedhur për konsultim publik draftin për dixhitalizimin e arsimit të lartë dhe atë parauniversitar brenda një harku kohor të 5 viteve, si një kusht themeltar i procesit të integrimit të vendit në Bashkimin Europian.

Konkretisht, qeveria do të investojë 5.5 miliardë lekë për ngritjen e 654 laboratorëve Smart në 615 shkolla, furnizimin e 5,500 mësuesve me laptopë, përmirësimin e aksesit në internet me brez të gjerë dhe krijimin e platformave qendrore për menaxhimin e informacionit akademik e shkencor.

Sipas planit të propozuar, do të vijojë nisma e laboratorëve smart në të gjitha shkollat e arsimit bazë e të mesëm në vend.

32 milionë lekë të financuara nga buxheti i shtetit dhe partnerë ndërkombëtarë pritet të shkojnë për pilotime, me qëllim përfshirjen e inteligjencës artificiale në mësimdhënie.

Programi përfshin gjithashtu trajnimi për 16 mijë mësues me 10 module në Teknkologjinë e Informacionit dhe Komunikimit dhe ndërtimin e një platforme të dedikuar digjitale për trajnimin e mësuesve. Vlera totale e kostove për këto masa arrin rreth 417 milionë lekë, me burime të kombinuara nga buxheti i shtetit dhe donatorët.

Në mesin e objektivave është edhe zgjerimi i lidhjes me Ëi Fi, internet pa kabëll me shpejtësi të lartë në të gjitha institucionet e arsimit parauniversitar dhe të lartë.

Drafrti i propozuar prek edhe çështjet e ndjeshme të kohëve të fundit në lidhje me rreziqet e ekspozimit të fëmijëve në internet, ku parashikohen marrja e masave konkrete dhe rritja e sensibilizimiut në shkollsa për të parandaluar bullizmin kibernetik.

Në lidhje me arsimin e lartë, strategjia e re synon të përmirësojë lidhjen e universiteve me tregun e punës. Në këtë aspekt, Institucionet e Arsimit të Lartë duhet të reformohen dhe të ofrojnë programe që janë më të orientuara drejt nevojave të industrisë dhe punës, duke rritur kështu mundësitë për punësim të menjëhershëm të të diplomuarve. / abcnews.al

Një stuhi e pazakontë për stinën ka përfshirë pasditen e sotme qytetin e Vlorës, duke sjellë reshje intensive shiu dhe erëra të forta, të rralla për muajin gusht.

Fenomeni ka zgjatur për disa minuta, ku sipas raportimeve paraprake, deri tani nuk ka pasur njoftime për dëme materiale apo probleme në infrastrukturë.

Meteorologët e konsiderojnë këtë stuhi si atmosferike tipike të motit të paqëndrueshëm veror, ndikuar nga masa ajrore të lagështa dhe ndryshime të papritura të temperaturave. / abcnews.al

Qyteti i El-Fasherit në Sudan, ku jetojnë rreth 300 mijë banorë, po përballet me një krizë të thellë humanitare dhe urie për shkak të bllokadave që i kanë vendosur forcat paramilitare të Forcave për Mbështetje të Shpejtë (RSF).

Për më shumë se një vit, organizata e Kombeve të Bashkuara për Ushqimin (WFP) nuk ka mundur të dërgojë ndihma ushqimore në qytet për shkak të pengesave në rrugë dhe situatës së sigurisë. Konflikti mes ushtrisë sudaneze dhe RSF, që ka nisur në prill të vitit 2023, ka shndërruar Darfurin në një nga krizat më të mëdha humanitare në botë.

Situata është alarmante, me mungesë të theksuar ushqimesh, rritje të çmimeve dhe raporte që tregojnë se njerëzit po hanë ushqim për kafshë dhe mbetje për të mbijetuar. UNICEF paralajmëron se kequshqyerja është përhapur në të gjithë vendin, sidomos tek fëmijët nën moshën pesë vjeç, ku 38% në kampet për të zhvendosurit vuajnë nga kequshqyerja akute.

Megjithëse WFP ka kamionë të gatshëm për dërgim dhe ka marrë leje nga qeveria sudaneze, pritet ende miratimi nga RSF për të ndërprerë përkohësisht luftime dhe për të lejuar hyrjen e ndihmave. Përpjekjet për një armëpushim humanitar që do të zgjaste një javë janë bllokuar, pasi RSF ka refuzuar nismën, duke pretenduar se ajo do të përdorej për të furnizuar ushtrinë sudaneze.

Mbi një milion persona janë larguar nga El-Fasher që nga fillimi i konfliktit, përfshirë shumë nga kampi i zhvendosurve Zamzam, që u mor nën kontroll nga RSF në prill. Situata po përkeqësohet edhe nga kufizimet financiare në ndihmat ndërkombëtare, sidomos pas uljes drastike të ndihmave nga Shtetet e Bashkuara gjatë administratës Trump. / abcnews.al

Stuhia Floris ka paralizuar Skocinë, duke shkaktuar kaos në transport dhe vënë në rrezik sigurinë e qytetarëve. Autoritetet kanë lëshuar disa paralajmërime dhe u kanë kërkuar banorëve të tregohen të kujdesshëm.

Transporti hekurudhor është ndërprerë pothuajse tërësisht. Janë vendosur kufizime shpejtësie dhe anuluar shërbime, ndërsa linjat e trenave do të qëndrojnë të mbyllura deri në një inspektim të dëmeve.

Fluturimet nga aeroporti i Glasgout janë pezulluar. Rreziku i pemëve që bien dhe i ndërprerjeve të energjisë elektrike mbetet i lartë.

Autoritetet u bëjnë thirrje qytetarëve të kontrollojnë vazhdimisht përditësimet dhe të shmangin udhëtimet e panevojshme. / abcnews.al

Bashkimi Evropian ka marrë vendimin për të pezulluar kundërtarifat ndaj mallrave amerikane, një veprim që synon t’i japë fund luftës tregtare midis dy anëve të Atlantikut.

Sipas La Repubblica, ky vendim konsiderohet si hap për të qetësuar marrëdhëniet me SHBA-në.

Burime nga brenda Komisionit Evropian thonë se udhëzimet e presidentes Ursula von der Leyen kanë qenë të qarta. Sipas saj, duhet besuar te Shtetet e Bashkuara të Amerikës dhe të shmanget çdo provokim që mund të ndikojë në prishjen e marrëdhënieve.

Kjo lëvizje strategjike shihet si një përpjekje për të mbajtur hapur negociatat dhe për të shmangur një përshkallëzim të mëtejshëm të tensioneve.

Komiteti për barrierat doganore, që ka kompetencën për të zbatuar ndryshimet në tarifat e propozuara nga Komisioni, do të pezullojë masat e hartuara muajin e kaluar. Kjo hap rrugën për finalizimin e një marrëveshjeje të përbashkët. Ndër pikat kryesore të marrëveshjes së re është se pritet të përfshihet ulja e tarifave për makinat evropiane në 15%, nga 27.5% që ishin vendosur më parë nga administrata Trump, si dhe ulja e tarifave për barnat. Për industrinë e avionëve, tarifa do të bëhet zero.

Megjithatë, pikë diskutimi mbetet çështja e tarifave për çelikun dhe aluminin, ku SHBA-të vazhdojnë të mbajnë një qëndrim të fortë.

Pavarësisht kësaj lëvizjeje, disa zyrtarë të lartë janë skeptikë, duke theksuar se pezullimi i tarifave është i vlefshëm për 6 muaj.

Nga ana tjetër, Shtetet e Bashkuara duken të vendosura të shfrytëzojnë politikën e tyre tregtare. Vetëm nga prilli në gusht, tarifat kanë sjellë në arkat e qeverisë amerikane 152 miliardë dollarë, pothuajse dyfishi i shifrës së vitit të kaluar.

Shtetet e Bashkuara gjithashtu po rihapin bisedimet me Kanadanë dhe Zvicrën, të cilat janë prekur rëndë nga tarifat amerikane. Kjo lëvizje shihet si një përpjekje nga administrata Trump për të rregulluar marrëdhëniet me aleatët kryesorë. / abcnews.al

Read More...

Read More...

Gjashtë agjentë të policisë në burgun e Porto Azzurro, në ishullin Elba, janë dërguar në urgjencën e spitalit të Portoferraios të intoksikuar nga tymi. Incidenti ndodhi pasditen e së dielës, kur disa të burgosur dyshohet se i kanë vënë zjarrin dy qelive dhe sulmuan stafin e sigurisë. Agjentët ndërhynë për të shuar flakët dhe për të parandaluar përhapjen e mëtejshme të zjarrit, por u ekspozuan ndaj tymit të dendur dhe u lënduan gjatë përpjekjes për të kontrolluar situatën.

Autoritetet kanë nisur hetimet për të zbardhur shkaqet e incidentit dhe për të identifikuar autorët e këtij akti të rëndë brenda ambienteve të burgut. Ngjarja ka rindezur shqetësimet mbi kushtet në burgjet italiane dhe mbi sigurinë e stafit të policisë penitenciare, të cilët gjithnjë e më shpesh përballen me episode të dhunshme nga ana e të dënuarve. / abcnews.al

Ndoshta me të vërtetë do të largohet, por detyrën do ta bëjë deri në fund.

Jo vetëm kaq, por Kristian Asllani vazhdon me veçantinë e tij, atë që nuk humbet kurrë një penallti.

Mesfushori I kombëtares shqiptare shënoi sërish, këtë herë në miqësoren verore që Interi e fitoi 7-2 ndaj skuadrës U23 të klubit.

Lojtari 23-vjeçar ishte sërish titullar, dhe luajti pjesën e parë, ndërsa goditja e tij ishte e saktë për rezultatin e përkohshëm 3-2.

Vlen të theksohet se Asllani gjithmonë I gjuan penalltitë sikur t’i ketë fotokopje.

Nuk diskutohet që goditjet janë me të djathtën, dhe në shumicën e herëve janë të forta, në këndin e portës dhe poshtë.

Po kështu, shumica janë në krahun e djathtë të tij, ose në të majtë të portierit, ndonëse ka disa raste që sferën e ka dërguar në të majtën e vet.

Në karrierë, ai ka 11 penallti, dhe që të gjitha të shënuara.

E ka nisur në shtator 2018 në kampionatin italian U17 me Empolin në një fitore ndaj Sasuolos.

Ka vazhduar po në kampionatin U17 me gol ndaj Fiorentinës e dy herë kundër Juventusit, më pas në nivelin e Shpresave, apo siç I quajnë në Itali, Primavera, në fitoren 2-1 kundër Sasuolos.

Me ekipin e Shpresave të Empolit ka realizuar dy gola me 11-metërsha në Championsin për të rinj, në fitoren 5-0 kundër Crvena Zvezdës së Beogradit dhe në barazimin 1-1 kundër Domzhales nga Sllovenia.

Më pas, ka ardhur goli në miqësoren që Shqipëria e fitoi 2-0 kundër Bullgarisë në “Arenën Air Albania” në nëntor 2022.

Tre rrjetat e tjera nga pika e bardhë janë për Interin.

Me zikaltërit, siguroi fitoren 1-0 ndaj Veronës në “San Siro” në Serinë A sezonin e kaluar.

Po ashtu, shënoi golin e dytë në fitoren 2-0 në fushën e Torinos edicionin e shkuar në kampionatin italian, ndërsa tani erdhi rrjeta në miqësoren kundër ekipit U23 të Interit. / abcnews.al

Tregtia e armeve me Izraelin eshte bere shkak per nje perplasje mes presidentit kroat dhe kryeministrit Andrej Plenkovic.

Presidenti Zoran Milanovic i beri thirrje qeverise te ndaloje tregtine e armeve dhe pajisjeve ushatarke me Izraelin, duke permendur faktin se zyra e kreut te shtetit ka urdheruar nderprerjen e bashkepunimit ushatark me Tel Avivin qe ne maj.

Ishte Zedhenesi i presidences Nikola Jelic qe saktesoj se presidenti i republikes edhe ne rolin e komandatit te pergjithshem te forcave ushatarke perserit qendrimin e tij qe duhet zbatuar nga ekzekutivi.

Qeveria ka reaguar permes vet kryeministrit Andrej Plenkovic, duke deklaruar se nje kerkese e tille nuk ka pse perseritet dhe se tregeti armesh me Izraelin nuk ka.

Edhe ministri I mbrojtjes pergenjeshtroj pretendimin e presidentit.

“Ne nuk blejme arme nga Izraeli dhe as nuk dergojme” deklaroj ministri i mbrojtjes Ivan Anushiç.

Ai shtroj edhe se vendimi per te mos bashkepunuar me Izraelin per armet nuk do te ndikoj ne Forcat e Armatosura te Republikes se Kroacise, pasi ministria e mbrojtjes eshte e perqendruar tek furnizuesit europiane dhe amerikane dhe se armet dhe asetet e meparshme izraelite qe ka patur kjo ushtri mund te zevendesohen lehtesisht me blerjet europiane.

Konkretisht behet fjale per raketat antitank Spike, te cilat kryesisht prodhohen nga Izraeli, por Zagrebi tashme po i merr nga kompania gjermane Eurospike.

Ekzekutivi kroat perseriti qendrimin se per ta situata ne Gaza eshte jashtezakonisht e keqe dhe shqetesuese dhe se asnje veprim nuk do te shkoj ne kundershtim me udhezimet e Bashkimit Europian. / abcnews.al

Read More...

Një aksion i përbashkët mes IKMT-së dhe Policisë Bashkiake të Sarandës është zhvilluar sot në zonën e Ksamilit, ku është prishur një banesë që konsiderohej ndërtim pa leje.

Ndërhyrja u krye pa përplasje apo rezistencë nga ana e banorëve, ndërsa mësohet se objekti ishte ngritur në mënyrë të paligjshme dhe jashtë kritereve të lejuara nga ligji.

Aksioni vjen në kuadër të operacioneve të vazhdueshme për verifikimin dhe shembjen e ndërtimeve informale, veçanërisht në zonat turistike, ku autoritetet synojnë lirimin e hapësirave publike.

/ abcnews.al

Një zëdhënës i Autoritetit italian të Antitrustit në Milano tha bashkë me policinë financiare italiane janë kontrolluar zyrat e biznesit të filialit italian Meta. Hetimi po bëhet në bashkëpunim me autoritetet përkatëse të Bashkimit Europian. Akuza nga Milano është: Ofruesi i Whatsapp-it, Meta, ka instaluar chatbot-in me IA pa marrë shprehimisht miratimin e përdoruesve. Përmes lidhjes së aplikacionit të inteligjencës artificiale “Meta AI” me Whatsapp-in koncerni i SHBA-së i orienton klientët në drejtim të ofertave të veta, kritikon Autoriteti italian i Antitrustit. Kjo mund të pengojë konkurrencën, sepse përdoruesit janë të detyruar të instalojnë dy aplikacione të IA në aparatet e tyre, në rast se nuk duan ta përdorin “Meta AI”.

Sipërmarrja, së cilës i përkasin rrjeti online Facebook dhe Instagrami, në të kundërt thekson dobinë e ndërlidhjes së aplikacioneve. “Aksesi falas në funksionet tona të IA-së u jep miliona italianëve mundësinë të përdorin IA në një vend, që e njohin, tek i cili kanë besim dhe e kuptojnë.” Nëse akuzat nga Italia kundër Meta-s konfirmohen, kjo do të ishte një goditje e fortë ekonomike për koncernin Facebook. Në rast shkeljeje të rregullave europiane të konkurrencës kërcënojnë gjoba me deri në dhjetë për qind të xhiros vjetore mbarëbotërore.

Ditët e fundit ndërmjet BE-së dhe Meta-s ka pasur edhe një përplasje për një temë tjetër. Koncerni amë Facebook njoftoi, se nga tetori nuk do të lejojë më në platformat e veta njoftime dhe reklama politike në Bashkimin Europian. Arsyeja është se rregullorja e BE-së “nuk mund të zbatohet në praktikë”. Një zëdhënës i sipërmarrjes u ankua, se udhëzimet e BE-së krijojnë “pasiguri ligjore”. Kreu i Meta-s Mark Zuckerberg është mjaft kritik ndaj rregullave të BE-së. Në fillim të vitit ai e akuzoi Brukselin për “censurë”. / abcnews.al

Read More...