Aktori legjendar britanik Malcolm McDowell ka folur me sinqeritet për serialin e njohur të Netflix, Emily in Paris, ku luan nusja e tij, Lily Collins. Në një intervistë ekskluzive për People, 82-vjeçari pranoi se seriali i suksesshëm nuk është aspak “tipi i tij”.

“Për të qenë i sinqertë, nuk është gjëja ime. Dhe Lily e di këtë shumë mirë,” u shpreh McDowell, duke iu referuar bashkëshortes së të birit, regjisorit Charlie McDowell.

Megjithatë, aktori i A Clockwork Orange nuk kurseu lavdet për Collins. “Jam fansi më i madh i nuses time. Ajo është një aktore e shkëlqyer, me një aurë të veçantë dhe një karizëm që e dallon,” tha ai, duke shtuar se kur Lily shfaqet në ekran “nuk sheh askënd tjetër.”

Seriali Emily in Paris, i krijuar nga Darren Star, nisi në tetor 2020 dhe aktualisht po xhiron sezonin e pestë. McDowell beson se popullariteti i tij ka ndikuar edhe në turizmin e kryeqytetit francez. “Jam i sigurt se Parisi i detyrohet shumë Lily-t. Pas serialit, njerëzit nga Amerika mendojnë: ‘Le të shkojmë në Paris’,” u shpreh ai.

Ndërkohë, McDowell feston suksesin e filmit të tij të ri, Et Tu, ndërsa të gjitha sezonet e Emily in Paris mund të shihen në Netflix.

The post Malcolm McDowell, i sinqertë për “Emily in Paris”: Jo, faleminderit appeared first on iconstyle.al.

Ylli Limani ka bërë një reagim që ka ngjallur shqetësim te fansat e tij në Shkodër dhe jo vetëm. Përmes një postimi në Instastory, këngëtari i njohur falënderoi publikun për mbështetjen, por njëkohësisht bëri një njoftim të papritur: ai bëri me dije se koncerti i planifikuar në “Mad Summer Club” nuk u mbajt dot, pasi policia ndërhyri për të dytën herë radhazi duke bërë kështu të pamundur realizimin e tij.

“Shkodër Faleminderit që keni ardh për mu sonte… Më falni që është hera e dytë që policia na pamundëson mbajtjen e eventit. E du këtë qytet edhe juve shumë! I will see you soon,”-ishte ky njoftimi që Yll Limani ka bërë orët e para të mëngjesit nëpërmjet një postimi të shpërndarë në llogarinë e tij personale të Instagramit.

Mesazhi i tij u interpretua menjëherë nga ndjekësit si një situatë e tensionuar me autoritetet. Megjithatë, Limani nuk dha më shumë detaje për arsyet e anulimit të koncertit, duke lënë hapësirë për spekulime të shumta.

Ylli Limani është një nga artistët më të dashur të muzikës moderne shqiptare, dhe koncertet e tij grumbullojnë gjithnjë mijëra fansa. Ndërprerja e dy eventeve radhazi në Shkodër ka zhgënjyer publikun, por vetë këngëtari premtoi se do të rikthehet shumë shpejt në këtë qytet.

The post Ylli Limani në duart e policisë? Njoftimi që shqetësoi fansat appeared first on iconstyle.al.

Kjo e diel pritet të sjellë një ditë të qetë dhe të kthjellët në të gjithë vendin, duke krijuar kushte ideale për pushime dhe aktivitete në natyrë. Pas disa ditësh me luhatje të lehta të motit, atmosfera do të jetë e qëndrueshme, tipike për fundin e gushtit.

Temperaturat do të variojnë nga 22°C në orët e para të mëngjesit, duke ofruar freski për ata që preferojnë të fillojnë ditën herët, deri në 29°C gjatë mesditës dhe pasdites. Këto vlera konsiderohen të përshtatshme, pasi sjellin ngrohtësi pa krijuar ndjesinë e vapës së rënduar që shpesh shoqëron verën në muajt më të nxehtë.

Era do të jetë shumë e lehtë, me një shpejtësi rreth 2 km/h, çka e bën klimën më të durueshme dhe të favorshme si për pushuesit në bregdet, ashtu edhe për ata që zgjedhin zonat kodrinore apo malore. Ky element i vogël freskie e bën edhe më të këndshme atmosferën përgjatë gjithë ditës.

Në përgjithësi, dita e sotme (e dielë) do të kalojë pa surpriza atmosferike. Një ditë e ngrohtë, e kthjellët dhe tepër e qetë, e cila u jep qytetarëve mundësinë të shijojnë fundjavën në plazh, shëtitje apo aktivitete familjare, në një klimë të butë dhe të qëndrueshme.

The post Kthjellime dhe temperatura mesatare, si parashikohet moti në vendin tonë për këtë të diel appeared first on iconstyle.al.

Robert Berisha dhe Ana Skrel, një nga çiftet e showbiz-it shqiptar shpesh shumë të komentuar, duket se po kalojnë një tjetër moment të ndërlikuar në marrëdhënien e tyre.

Pas një krize të parë që u bë publike disa muaj më parë, Ana Skrel riktheu në Instagram fotot me Robert Berishën, gjë që u pa si një shenjë ribashkimi për çiftin.

Por së fundmi, ato fotografi janë zhdukur sërish nga profili i modeles, dhe kaq ka mjaftuar për t’u ngritur aludime për një tension të ri mes dyshes.

Detaji që ka shtuar edhe më shumë dyshimet është mungesa e një urimi publik nga Robert Berisha në ditëlindjen e Anës, ndonëse modelja festoi me miqtë dhe ndjekësit e saj.

Megjithatë, dyshja vazhdojnë të ndjekin njëri-tjetrin në rrjete sociale, duke lënë hapur mundësinë që bëhet fjalë vetëm për një periudhë të ftohtë e jo përfundimin e historisë së tyre.

Sakaq rikujtojmë që ende nuk ka asnjë deklaratë publike prej tyre, as prej Robert Berishës dhe as prej Ana Skrelit. Fansat mbeten në pritje për të parë nëse Roberti dhe Ana do të kapërcejnë sërish këtë krizë, apo nëse kësaj here bëhet fjalë për një ndarje të vërtetë.

Deri atëherë mbetet veç të presim…

The post Robert Berisha dhe Ana Skrel në qendër të vëmendjes sërish, çfarë po ndodh me çiftin e njohur? appeared first on iconstyle.al.

Dashi

Sot do keni me shume nevoje se kurrë te verifikoni ndjenjat e atij qe keni ne krah. Gjeni mënyrën e duhur për ta bere ne mënyrë qe ai te mos dyshoje dhe te mos ndihet keq. Beqaret do kenë disa takime, por duhet te mos nxitohet ne mënyrë qe te mos bëjnë zgjedhjet e gabuara. Ne planin financiar tregohuni objektive dhe te matur.

Demi

Do kaloni çaste te lumtura sot pranë atij qe dashuroni dhe do dëshironi qe dita te mos mbaroje. Do i shprehni gjithçka qe ndjeni. Beqaret jo vetëm qe do kenë takimi interesante, por do mund te fillojnë dhe një histori te bukur dashurie. Me financat nuk do i keni punët aspak mire. Do shpenzoni pa fund dhe nuk do arrini dot te ruani qëndrueshmërinë.

Binjaket

Mos u mundoni ta kontrolloni sot atë qe keni ne krah sepse do keni debate te forta dhe atmosfera do iu përkeqësohet pa mase. Beqareve do iu ndërlikohet goxha jeta nëse fillojnë një lidhje. Personi qe do mundohet t’i joshe nuk do jete aspak i përshtatshëm. Ne planin financiar duhet te tregoheni me te matur se kurrë sepse çdo pakujdesi e vogël mund t’iu shkatërrojë.

Gaforrja

Fale konfigurimit pozitiv te yjeve do mbizotërojë harmonia sot ne jetën tuaj ne çift. Gjithçka do shkoje me se miri dhe nuk do mërziteni për asnjë çast. Beqaret duhet ta dëgjojnë me kujdes atë qe do iu thotë zemra sepse veten ne këtë mënyrë do e ndryshojnë rrjedhën e jetës. Për financat merrni vetëm këshilla nga specialistet, te tjerët mund t’iu prishin pune.

Luani

Dite goxha e vështirë kjo e sotmja për ata qe janë ne një lidhje. Nuk do kuptoheni me atë qe keni ne krah dhe here pas here do keni debate te forta me te. Beqaret nuk do jene ne humorin e duhur për te filluar një histori dashurie. Financat nuk do kenë ndonjë ndryshim te madh. Vazhdoni te shpenzoni me kujdes ne mënyrë qe edhe e ardhmja te jete e qëndrueshme.

Virgjeresha

Çfarëdo qe te ndodhe sot lidhja juaj nuk do ketë ndryshime shume te mëdha. Merrini gjerat si t’iu vijnë dhe shprehini ndjenjat ashtu si t’i ndjeni. Beqaret do e gjejnë princin e tyre te kaltër dhe do fillojnë një histori te bukur dashurie me te. Financat nuk do kenë nevoje për shume përkujdesje sepse situata do jete gjate gjithë kohës e qëndrueshme.

Peshorja
Jeta sentimentale e çifteve do jete me e mire se me pare, megjithatë nuk duhet te prisni qe pasioni te rikthehet menjëherë fuqishëm. Merrini gjerat ashtu si t’iu vijnë. Beqaret do kenë mundësi te bëjnë zgjedhjet e duhura fale takimeve impresionuese qe do realizojnë. Financat do i keni me ne vëmendje se kurrë me pare. Situata nuk do ketë asnjë problem.

Akrepi

Dite normale dhe pa ndonjë gjë te veçante kjo e sotmja për te dashuruarit. Do kaloni momente te këndshme pranë partnerit tuaj dhe do flisni qetësisht me te. Beqaret do dashurohen me personin e gabuar. financat nga ana tjetër do mbrohen gjithë kohës nga Jupiteri. Do e dini shume mire se çfarë hapash te hidhni për te mos pasur probleme.

Shigjetari

Dite shume e bukur dhe e mbushur me emocione te mëdha kjo e sotmja për te dashuruarit. Gjithçka do shkoje sipas planeve. Beqaret nuk do jene aspak ne humor dhe me mire te mos fillojnë ndonjë lidhje sepse do bëjnë gabime te renda. Ne planin financiar do iu buzëqeshe fati me ne fund dhe do mund te kryeni transaksione te rëndësishme.

Bricjapi

Nëse keni pakënaqësi ndaj partnerit flisni lirshëm me te pa qene ende vone. Ai do jete i qete dhe ne humorin e duhur për t’iu dëgjuar. Mos u druani nga asgjë. Beqaret ka shume gjasa te fillojnë ndonjë aventure kalimtare me disa persona qe i kane njohur qe ne fëmijëri. Do jete thjeshte një eksperience e bukur. Ne planin financiar gjendja do jete goxha e mire.

Ujori

Asgjë nuk do shkoje sipas planeve sot ne jetën tuaj ne çift. Do keni here pas here konflikte dhe situata mund t’iu dale jashtë kontrollit. Beqaret nuk do kenë takime, por miqtë e ngushte nuk do i lënë asnjë çast te mërziten. Financat do jene te mira. Filloni te hiqni disa para mënjanë ne mënyrë qe te siguroni edhe te ardhmen. Mund t’ia dilni edhe duke shpenzuar nga pak.

Peshqit

Do i kaloni me lehtësi te gjitha problemet qe keni pasur me partnerin tuaj gjate kësaj dite. Te dy do toleroni dhe do bashkëpunoni për me te mirën. Beqaret do kalojnë çaste te këndshme me një person qe kane disa dite qe e kane njohur. Një tjetër etape mund te filloje për ta. Ne plani financiar duhet te tregoheni strikte me shpenzimet nëse doni qe gjendje te jete e qëndrueshme.

The post Horoskopi ditor, e Diel 24 Gusht 2025 appeared first on iconstyle.al.

“Ike, mami im, do të më mungosh shumë. E di që do të na shohësh atje lart, por Dinos, unë dhe Asimina të duam shumë. Je përgjithmonë në jetën tonë”. Janë këto fjalët e Katerina Nakolecit, vajzës së madhe të çiftit Pandeli dhe Mariola Nakoleci, e cila nëpërmjet një postimi në rrjete sociale ka shprehur dhimbjen e pafund pas ndarjes tragjike nga jeta të nënës së saj.

36-vjeçarja Mariola Nakoleci u vra mëngjesin e djeshëm në Volos nga bashkëshorti i saj, duke tronditur familjarët dhe komunitetin lokal. Ngjarja e rëndë ndodhi në sy të katër fëmijëve të çiftit.

Autoritetet greke janë duke kërkuar intensivisht 40-vjeçarin Pandeli Nakoleci, i cili ende nuk është lokalizuar. Mediat greke raportojnë se ekziston mundësia që autori i vrasjes së gruas së tij të ketë kryer vetëvrasje pas aktit të tmerrshëm.

Policia gjithashtu njofton se autori kishte një histori të rëndë psikiatrike. Në qershor 2025, ai kishte tentuar vetëvrasjen, duke çuar në shtrimin e tij në një klinikë psikiatrike. Ndërkohë, familjarët dhe komuniteti në Volos mbeten të tronditur nga kjo ngjarje tragjike.

The post “Ike, mami im, do të më mungosh shumë…”/ Fjalët prekëse të Katerina Nakolecit pas vrasjes së nënës appeared first on iconstyle.al.

Një urë hekurudhore në ndërtim në provincën Qinghai, Kinë, është shembur duke shkaktuar të paktën 12 viktima. Katër persona të tjerë vijojnë të rezultojnë të zhdukur, ndërsa ekipet e kërkim-shpëtimit po punojnë pa ndërprerje.

Sipas People’s Daily, aksidenti ndodhi rreth orës 03:00 të mëngjesit, kur një kabllo u këput gjatë punimeve. Në atë moment, në kantier ndodheshin 15 punëtorë dhe një mbikëqyrës.

Pamjet e publikuara nga mediat kineze tregojnë urën e papërfunduar mbi lumin e Verdhë, të rrethuar nga vinça gjigantë dhe skela ndërtimi. Struktura e re pritej të shërbente për transportin hekurudhor, duke kombinuar arkitekturë harkore dhe shtylla mbajtëse të rrjetëzuara.

Autoritetet lokale kanë nisur një hetim për shkaqet e shembjes së urës, ndërsa operacionet e kërkimit vijojnë në zonë.

The post Tragjedi në Kinë, shembet ura: 12 viktima, 4 të zhdukur appeared first on iconstyle.al.

Aktorja e mirënjohur amerikane Christine Baranski, 73 vjeçe, dhe këngëtarja King Princess, 26 vjeçe, janë kthyer së fundmi në qendër të vëmendjes pasi u fotografuan duke ecur dorë për dore. Një postim i përbashkët i këngëtares, ku mbi fotot e tyre shkruante “Love is love”, i shtoi zërat se mes tyre mund të kishte lindur një romancë.

Megjithatë, menaxheri i Baranskit i mohoi këto zëra, duke theksuar se ato janë vetëm mike dhe asnjëherë nuk kanë qenë në një lidhje romantike.

Dyshja u njohën gjatë xhirimeve të filmit Nine Perfect Strangers vitin e kaluar dhe, sipas tyre, u afruan shumë shpejt. Baranski ka treguar më herët për revistën Interview se momenti i parë i lidhjes së tyre të veçantë ishte gjatë një bisede të gjatë për gjyshet e tyre, ndërsa e ka përshkruar marrëdhënien me King Princess si “dhuratën më të madhe”, duke e cilësuar atë një artiste të talentuar dhe plot humor.

Pavarësisht thashethemeve, për momentin të dyja flasin për një miqësi të fortë që i bashkon më shumë sesa çdo romancë.

The post Fotot që ndezën thashetheme: çfarë e lidh Christine Baranskin me King Princess? appeared first on iconstyle.al.

Këngëtari i njohur shqiptar, Ermal Fejzullahu, feston sot 37-vjetorin e lindjes së tij. Ermali vjen nga një familje me traditë muzikore, babai i tij, Sabri Fejzullahu, një ndër këngëtarët më të njohur në Shqipëri ndikoi që në fëmijëri tek Ermali dhe pasioni për muzikën.

Fillimet e tij artistike datojnë që në moshë të hershme, ndërsa karriera e tij sot e ka vendosur mes emrave më të spikatur të showbizit shqiptar. Ermali ka ndërtuar jo vetëm një karrierë të suksesshme, por edhe një familje të lumtur. Ai është baba i katër fëmijëve, tre vajzave dhe një djali dhe është i martuar me influenceren Ariana Fejzullahu, me të cilën ndan momente të veçanta familjare dhe personale.

Fansat kanë uruar këngëtarin përmes rrjeteve sociale, duke e bërë këtë ditë edhe më të veçantë dhe të paharrueshme. Përtej muzikës, Ermali njihet për qetësinë, modestinë dhe përkushtimin ndaj familjes, duke e bërë figurën e tij jo vetëm të dashur për publikun, por edhe një model për jetën familjare në showbiz.

The post Ermal Fejzullahu feston ditëlindjen, sa vjeç mbush këngëtari? appeared first on iconstyle.al.

Warner Bros. Pictures ka blerë skenarin e një filmi bazuar në historinë reale të NBA-legjendës Kobe Bryant dhe rrugëtimin e tij drejt Los Angeles Lakers. Projekti, i titulluar përkohësisht “With the 8th Pick?”, vjen nga skenaristët Alex Sohn dhe Gavin Johannsen.

Bryant u zgjodh nga Charlotte Hornets me pickun e 13-të në draftin e vitit 1996 dhe më pas u shkëmbye tek Lakers për Vlade Divac.

Filmi përshkruhet si një miks “Moneyball” dhe “Air”, duke treguar sfidat dhe vendimet që formësuan karrierën e tij të hershme.

Kobe Bryant luajti 20 sezone me Lakers, fitoi pesë kampionate, u emërua 18 herë All-Star dhe MVP i sezonit 2007-2008. Ai vdiq tragjikisht në një aksident helikopteri në janar 2020, duke lënë pas edhe vajzën e tij, Gianna.

The post Filmi mbi karrierën e Kobe Bryant-it, në duart e Warner Bros appeared first on iconstyle.al.

Gjykata e Tiranës ka vendosur masën e sigurisë “arrest shtëpie” për Roxhensa Kapuranin, vajzën e këngëtares së njohur Eli Fara, e ndaluar më 21 gusht nga forcat “Shqiponja” në Vorë, gjatë një kontrolli rutinë.

39-vjeçarja, e njohur gjithashtu si Marina Fara, u kap me 2.4 gramë kokainë në automjetin e saj. Para trupës gjykuese, Kapurani deklaroi mes lotësh se substanca narkotike ishte për përdorim vetjak. Megjithatë, gjykata vendosi që ajo të qëndrojë në arrest shtëpie, ndërkohë që hetimet do të vazhdojnë për të sqaruar rrethanat e plota të rastit.

Ky nuk është rasti i parë ku emri i saj lidhet me drejtësinë. Më parë, Marina Fara ishte përfshirë në përgjimet e operacionit “Mezhgorani”, ku u arrestuan mbi 30 persona, ndërsa dyshimet përfshinin ndihmën e mundshme për arratisjen e dy të dyshuarve për trafik narkotikësh.

Aktualisht, hetuesit po verifikojnë nëse ndalimi i fundit lidhet me episodet e mëparshme apo nëse kemi të bëjmë vetëm me përdorim personal, siç pretendoi ajo para gjykatës.

The post U kap me kokainë, Gjykata merr vendimin për vajzën e Eli Farës appeared first on iconstyle.al.

Japonia prezanton një kapsulë futuristike të larjes me inteligjencë artificiale që të pastron, të thanë dhe të relakson trupin në vetëm 15 minuta.

E quajtur Mirai Ningen Sentakuki, kjo kapsulë elegante, përdor rryma uji të ngrohta të kombinuara me mikrobulëza ajri për të pastruar butësisht lëkurën, ndërsa sensorët inteligjentë monitorojnë rrahjet e zemrës dhe nivelet e stresit për të rregulluar temperaturën dhe presionin, duke ofruar komoditet maksimal.

Gjatë gjithë ciklit, brenda kapsulës projektohen imazhe relaksuese, duke kthyer një larje të thjeshtë në një përvojë të automatizuar si spa që freskon trupin dhe mendjen.

The post Dembel për t’u larë? Japonia prezanton “lavatriçen njerëzore” që të lajë dhe të thajë trupin në 15 minuta appeared first on iconstyle.al.

Të luash lojëra online është bërë një mënyrë efektive për të forcuar marrëdhëniet në distancë, duke u ofruar çifteve një mënyrë argëtuese dhe interaktive për të qëndruar të lidhur.

Duke luajtur së bashku, partnerët ndajnë përvoja, komunikojnë rregullisht dhe reduktojnë ndjenjat e vetmisë, edhe pse ndodhen larg njëri-tjetrit. Lojërat bashkëpunuese nxisin bashkëpunimin, besimin dhe afërsinë emocionale, ndërsa konkurrenca e lehtë sjell emocion dhe argëtim.

Studimet e fundit tregojnë se çiftet që angazhohen në aktivitete interaktive online raportojnë nivele më të larta të kënaqësisë në marrëdhënie dhe lidhje më të forta emocionale. Për më tepër, lojërat mund të shërbejnë si një “ritual virtual”, një kohë e rregullt gjatë ditës ku çiftet lidhen dhe bashkëpunojnë, duke krijuar kujtime të përbashkëta.

Përtej argëtimit, kjo mënyrë komunikimi mund të ndihmojë në përmirësimin e aftësive të zgjidhjes së konflikteve dhe mirëkuptimit, pasi lojërat shpesh kërkojnë koordinim, strategji dhe diskutim të vendimeve. Çiftet mund të zgjedhin lojëra që promovojnë bashkëpunimin, sfidat e përbashkëta ose kreativitetin, duke përshtatur përvojën sipas stilit dhe dinamikës së marrëdhënies së tyre.

Këshilla praktike:
•Zgjidhni lojëra që të dy ju pëlqejnë për të ruajtur argëtimin.
•Vendosni orare të rregullta “takimesh” virtuale për të krijuar një rutinë.
•Shfrytëzoni momentet e lojës për të diskutuar jo vetëm strategji, por edhe për t’u ndjerë më afër emocionalisht.

The post Lojërat online forcojnë marrëdhëniet në distancë? Ja ç’thotë studimi appeared first on iconstyle.al.

Një ngjarje e rëndë ka tronditur ishullin Paksos pasditen e së premtes, kur një vajzë 4-vjeçare me origjinë shqiptare humbi jetën tragjikisht. E mitura po luante në oborrin e shtëpisë rreth orës 15:00, kur për pak çaste i shpëtoi vëmendjes së nënës.

Pas kërkimeve të menjëhershme, vajza u gjet pa shenja jete në një pishinë rreth 150 metra larg, nga kuzhinieri i një vile turistike aty pranë. Ajo u dërgua menjëherë në qendrën shëndetësore të ishullit, por pavarësisht ndërhyrjes së mjekëve, nuk arriti të mbijetojë.

Ndërkohë, nëna e vajzës është shoqëruar në komisariat dhe pritet të merret në pyetje nga prokuroria për të sqaruar rrethanat e ngjarjes. Komuniteti vendas është i shokuar nga kjo tragjedi që ka tronditur të gjithë ishullin.

The post Tragjedi në Paksos: Vajza 4-vjeçare me origjinë shqiptare humb jetën pas rënies në pishinë appeared first on iconstyle.al.

Zbulohen të tjera detaje nga ngjarja e rëndë që ka tronditur komunitetin në Greqi, ku një 40-vjeçar shqiptar, Pandeli Nakoleci, vrau gruan e tij 36-vjeçare, Marjola, para fëmijëve të tyre. Sipas mediave greke, shkak i krimit dyshohet të ketë qenë një mesazh në celularin e gruas, që nxiti xhelozinë e sëmurë të autorit, i cili dyshonte për një lidhje jashtëmartesore të saj.

Pas krimit, 40-vjeçari u arratis dhe mori me vete edhe thikën e përdorur për vrasjen. Policia nisi menjëherë kërkimin, duke përdorur pamjet nga kamerat e sigurisë për të hartëzuar rrugën e ndjekur nga autori dhe duke kontrolluar qytetin dhe strehimet e mundshme ku ai mund të fshihej. Nuk përjashtohet mundësia që ai të ketë vrarë edhe veten, pasi ka një historik të problemeve psikike dhe tentativash për vetëvrasje.

Sipas raportimeve, më 28 qershor 2025, ai ishte transferuar në klinikën psikiatrike të Volosit pasi kishte tentuar të vriste veten në verandën e shtëpisë, përpara fëmijëve, dhe thuhet se ndodhej nën ndikimin e drogës. Në vitin 2019, ai ishte arrestuar tre herë për posedim dhe trafik droge, duke qëndruar në burg vetëm për dy muaj dhe duke pasur më pas probleme financiare.

Dëshmitarët okularë tregojnë skena tronditëse. Njëri prej tyre tha: “Dëgjova fëmijët duke vrapuar poshtë shkallëve. E pashë në verandë duke vrapuar. Pastaj dëgjova zëra, fëmijët po bërtisnin. Ai mbante diçka në duar.” Një fqinj shtoi: “Pashë një dritare të thyer dhe një grua me gjak. Pashë një zotëri që po vraponte me një mjet të mprehtë në duar, duke bërtitur ‘po më ndjekin’, zbathur.”

Ngjarja ndodhi brenda shtëpisë, ku pas një debati, 40-vjeçari sulmoi gruan me thikë. Ajo tentoi të arratisej, por u ndoq poshtë shkallëve dhe në hyrje të pallatit e goditi përsëri, duke rënë mbi një vetratë xhami dhe duke marrë plagë që sipas spitaleve nuk dukeshin fatale, por që dyshohet se çuan në vdekjen e saj.

Fëmijët e familjes, të moshës 5 deri 18 vjeç, janë të tronditur nga tmerri që panë. Njëri prej tyre i pëshpëriti policisë: “E pashë babin duke e goditur mamin me thikë”. Komuniteti vendas është i shokuar, pasi nuk kishte pasur histori dhune në familje dhe askush nuk e priste një tragjedi të tillë.

The post “Pa mesazhin në telefon”: Zbardhen detaje tronditëse të vrasjes së shqiptares nga i shoqi appeared first on iconstyle.al.

Hollywood-i ka një tjetër sekret të zbuluar: aktorja Kirsten Dunst ka treguar së fundmi se emri i saj është shqiptuar gabimisht gjatë gjithë karrierës. Në një video të publikuar në TikTok, Dunst shpjegoi se, megjithëse përgjigjet në çdo version, shqiptimi i saktë është “Kirr-sten”.

“Mendoj se të gjithë ma shqiptojnë gabim emrin, ndaj e kam lënë pas dore. Nuk më intereson më”, tha aktorja, duke treguar se nuk shqetësohet për gabimet e të tjerëve. Ajo shtoi se njerëzit e shqiptojnë ndryshe edhe në vende të ndryshme: “Për shembull, në Angli pothuajse kurrë nuk e shqiptojnë saktë. Madje edhe kolegët në xhirime e kanë gabuar shpesh.”

Në filmin e saj të fundit, Dunst tregoi se kolegët e saj e quanin ndryshe sipas vendit të origjinës së tyre: “Ishte suedezë, ishte edhe hungarezë. Thjesht dorëzohesh.”

The post Kirsten Dunst: Të gjithë e shqiptojnë emrin tim gabim, kam hequr dorë nga korrigjimi i tij appeared first on iconstyle.al.

Një trend i ri po pushton pasarelat dhe rrjetet sociale: nonnacore. I frymëzuar nga garderoba e gjysheve, ky stil ndërthur nostalgjinë me estetikën vintage, duke sjellë në qendër të vëmendjes shamitë e mëndafshta me printe të guximshme, çantat e vogla të dorës dhe fundet klasike që duket sikur kanë dalë nga dollapi i një gjysheje ballkanike.

Termi ka filluar të përdoret nga revista e blogerë mode ndërkombëtarë, ndërsa ikonat e pop-kulturës si Rihanna e kanë bërë pjesë të stilit të tyre, duke e kthyer në një fenomen. Në rrjete sociale, #nonnacore shoqërohet shpesh me përshkrime si “vintage, i pazakonshëm dhe plot hijeshi të ekzagjeruar.”

Ky rikthim i elegancës së harruar vjen si një kundërpeshë ndaj minimalizmit modern: është i guximshëm, emocional dhe të fton të eksplorosh një anë më nostalgjike të modës. Nga sheshi i qytetit deri në pasarela, nonnacore po provon se moda e gjysheve nuk plaket kurrë.

The post Eleganca e gjysheve rikthehet: Çfarë është “Nonnacore”? appeared first on iconstyle.al.

Ish-nënpresidentja amerikane Kamala Harris dhe bashkëshorti i saj, Doug Emhoff, kanë festuar përvjetorin e martesës. Harris, 60 vjeç, publikoi një foto në Instagram ku shfaqet e përqafuar me Emhoff, duke i shkruar: “Gëzuar përvjetorin, Dougie im. Ti ma mbush zemrën me dashuri e me të qeshura, faleminderit që je partneri më i mirë në këtë aventurë të quajtur jetë.”

Çifti u njoh në vitin 2013 përmes një takimi të organizuar nga një mikeshë e Harris, ndërsa u martuan një vit më vonë në Santa Barbara, Kaliforni.

Edhe Emhoff ndau një dedikim në rrjete sociale: “11 vite! Përmes gjithçkaje, dashuria ime për @kamalaharris vetëm është rritur. Jam krenar për të dhe i emocionuar për gjithçka që na pret përpara.”

The post Kamala Harris dhe Doug Emhoff festojnë 11-vjetorin e martesës appeared first on iconstyle.al.

Ditën e Shtunë vendi ynë do të ndikohet nga kushte atmosferike relativisht të paqëndrueshme.

Moti parashikohet fillimisht me kthjellime si dhe vranësira të pakta kalimtare ndërsa prej orëve të mesditës deri ato të pasdites vonë mot me vranësira mesatare deri të dendura si dhe intervale të herëpashershme me diell.

Vranësirat e dendura do të shoqërohen me reshje shiu të herëpashershme me intensitet të ulët në pjesën më të madhe të territorit ndërsa në relievet malore në zonën e veriut reshjet në peridha afatshkurtra në formën e shtrëngatave shoqëruar me shkarkesa elektrike. Pas orëve të pasdites mot përsëri i kthjellët në të gjithë territorin.

Era do të fryjë me drejtim veriperëndim – jugperëndim me shpejtësi mesatare 8 m/s, ndërsa në zonat luginore dhe përgjatë vijës bregdetare hera-herës do të fitojë shpejtësi 15 m/s.

Deti – Valëzimi forcës 2-3 ballë.

The post Moti/ Kthjellime dhe vranësira të pakta këtë të shtunë, ja sa shkojnë temperaturat appeared first on iconstyle.al.

Dashi

Nëse flisni shumë mund të ketë komplikime, sidomos në dashuri, ku fundjava do të jetë e vështirë. Parashikohet që të ketë debate. Mund të ndiheni të demotivuar nga sjelljet tuaja, kështu që mundohuni që të rigjeni entuziazmin. Po ashtu mundohuni që të rrini me miq që i keni përzemër dhe mos u pushtoni nga nervozizmi.

Demi

Ju pret një ditë pozitive, ku do të ketë shtysa të rëndësishme lidhur me çështje që i keni përzemër. Mund ta përballoni situatën me më shumë qetësi. Vetëm gjendja fizike nuk do të jetë shumë e mirë. Me afrimin e mbrëmjes dhe me kontaktet që do të keni me njerëz që i doni, situata do të përmirësohet.

Binjakët

Do të keni mundësi për të pasur kontakte të reja, edhe pse në dashuri do të ketë jo pak tensione. Jeni jo pak të lodhur, por pavarësisht kësaj ky është një moment i mirë për të bërë atë që doni. Do të jeni më të hapur me të tjerët në sferën sentimentale, veç nuk duhet ta teproni me ankesat, sidomos ndaj njerëzve të cilët tashmë i keni larg.

Gaforrja

Ju pret një e shtunë shumë interesante në sajë të ndikimit të Hënës në shenjën tuaj. Jeni shumë të pasionuar ndaj të tjerëve dhe fati do ju prijë. Edhe sfera sentimentale do të jetë tejet e favorshme. Gjithashtu mundohuni që të gjeni stimujt e duhur brenda vetes pasi keni nevojë për emocione të vërteta.

Luani

Në dashuri do të merrni konfirmime të rëndësishme, ndonëse sfidat nuk do të mungojnë. E shtuna do të jetë mjaft e veçantë, ndaj mundohuni që të mos debatoni sidomos me të lindurit e shenjës së Dashit dhe Demit. Lëreni veten të rrëmbeheni nga ndjenjat, pa menduar për pasojat. Humbja e kontrollit ndonjëherë mund të dhurojë kënaqësi.

Virgjëresha

E shtuna do të jetë më e mirë, pasi do ju lejojë që të ktheni në plan të parë raportet me të tjerët. Në dashuri gjërat do të përkeqësohen, për shkak të keqkuptimeve me të cilat do të përballeni. Ndikimi i kundërt i Venusit, do të shkaktojë mjaft konfuzion dhe ende nuk do arrini që t’iu besoni njerëzve që keni përreth. Përmirësimi do të nisë vetëm pas tre ditëve.

Peshorja
Mundohuni që të mos humbni qetësinë. Pavarësisht ndikimit të Hënës në shenjën tuaj, lodhja do të ndihet. Ndoshta jeni të zhgënjyer nga sjellja e një personi të cilin e ndjeni të largët. Nëse do ju bëhet një ftesë pranojeni dhe mundohuni që të rigjeni qetësinë.

Akrepi

Kjo fundjavë do të jetë shumë pozitive sidomos në sferën sentimentale. Ndikimi i Hënës do të ngjallë erosin dhe pasionin, duke përjetuar emocione të bukura. Me njeriun e zemrës jini vetvetja dhe mos krijoni probleme aty ku nuk ka.

Shigjetari

Lidhjet e dashurisë duhen jetuar me kujdes. Momentalisht asgjë nuk iu bën që të ndiheni mirë. Një moment reflektimi mund t’iu bëjë shumë mirë.

Bricjapi

Hëna do të ketë ndikim të kundërt në shenjën tuaj. Të lindurit e shenjës së dashit dhe gaforres, nuk do të jenë në harmoni. Do të ndiheni disi dembelë, por bëni mirë që të mos përhumbeni nga rrjedha juaj normale.

Ujori

Duhet të rikuperoni energjinë, pasi kjo fundjavë është ideale sa i takon ndjenjave. Mundohuni që të përgatiteni ndaj të papriturave. Nëse dashuria nuk shkon ashtu siç duhet, kjo ndodh edhe për fajin tuaj, shkruan noa.al. Mundohuni që të bëni diçka më shumë dhe rezultatet nuk do të mungojnë.

Peshqit

Do të jeni mjaft tërheqës dhe gjithashtu edhe më sensual. Në dashuri do të keni rikuperim terreni. Fundjava është shumë interesante ku ndikimi i favorshëm i Hënës do të sjellë një sërë dobish si dhe mundësinë për të jetuar një histori të re dashurie.

The post Horoskopi ditor, e Shtunë 23 Gusht 2025 appeared first on iconstyle.al.