Analisiti Artan Hoxha i ftuar këtë të hënë në emisionin “Now” me Erla Mëhillin në Euronews Albania ka folur lidhur me miratimin e marrëveshjes së huasë mes Shqipërisë dhe Shteteve të Bashkuara të Amerikës në fushën e mbrojtjes.

Gjatë fjalës së tij, Hoxha u shpreh se neni 83 i Kushtetutës kërkon që edhe për miratime të përshpejtuara të zbatohet afati prej të paktën 7 ditësh, ç’ka shtoi se miratimi i sotëm përbën një shkelje të procedurës kushtetuese nga mazhoranca.

Ndër të tjera, ai e ka cilësuar marrjen e dokumentit nga deputeti Agron Shehaj si një ‘mosbindje civile’. Hoxha e ka cilësuar rezultatin e sotëm si arrogancë të mazhorancës dhe mosdhënies së të drejtës për të lexuar atë që po votohet.

“Me datë 24 korrik, Këshilli i Ministrave miraton një projekt-marrëveshje dhe ja përcjell po atë datë si projektligj Kuvendit. 24 i shtati i këtij viti, firmosur nga vetë Shkëlqesia e Tij, Kryeministri i Shqipërisë.

Kushtetuta në nenin 83 thotë: mund të bëhet miratim i përshpejtuar, por asnjëherë jo më pak se një javë. Tani sot jemi me datë 27. A jemi përballë një shkeljeje ashiqare të Kushtetutës? Nga 24 në 27? Çfarë urgjence paska patur që duhet me patjetër sot?

Përsëritet ngjarja kur ishte marrëveshja për Bordin e Paqes. Pra, e njëjta arrogancë në këtë rast sot është edhe në shkelje ashiqare të Kushtetutës. Kushtetuta thotë 7 ditë minimumi, jo më pak se 7 ditë! Këta e bëjnë me 3.

Pse e bën? Për të demonstruar zell prej shërbëtori, për të demonstruar dhunë prej autoritari në shtëpi dhe shërbëtori në raport me Shtetet e Bashkuara, s’ka shpjegim tjetër! Dhe të dyja anët e së njëjtës medalje janë, natyra e autokratit.

Opozita thotë shumë qartë, respektojmë marrëveshjen, respektojmë dhe Kushtetutën. Pse nuk e pranojnë këta? Sepse duan edhe që në një mënyrë a një tjetër ta vendosin opozitën në pozicionin antiamerikan. Po nuk e pësoi opozita fare, asgjë.

Sepse dhe ata amerikanët atje në fakt çuditen me qeverinë, sepse atyre ç’u duhet miratimi i marrëveshjes së Amerikës në shkelje të Kushtetutës së Shqipërisë.

Një marrëdhënie ndërshtetërore i vihet një dampë, dhe po që se do kishte nevojë Amerika për një urgjencë kaq të madhe nga Shqipëria, ore ne dhe Kushtetutën e ndërronim. E ndërronim atë nenin, bëhen 96 vota më shumë dhe e ndërronim. Shteti serioz e respekton Kushtetutën e vet.

Pra, rezultati i kësaj gjëje është karagjozllëk nga një krah dhe arrogancë nga krahu tjetër. E dyta, çfarë sekreti ka në atë marrëveshje që u rruaka me 7 palë zinxhirë? Ku është argumentimi i sekretit të kësaj marrëveshjeje?”, tha ai ndër të tjera.

Gazetari Berat Buzhala ka folur për zhvillimet rreth rastit të profilit të dyshuar të rremë “Lule Gjeli”, duke përmendur emrin e Gent Prokshit dhe duke kërkuar sqarime publike nga kryeministri në detyrë, Albin Kurti.

Gjatë një paraqitjeje në emisionin “Rubikon” në Klan Kosova, Buzhala ka deklaruar se posedon informacione nga burime të tij, sipas të cilave Prokshi është parë duke hyrë në shtëpinë e Kurtit.

“Ka burime që Gent Prokshin e kanë parë duke u futur edhe në shtëpinë e kryeministrit. Do të ishte mirë që të flasë kryeministri Kurti dhe të tregojë në çfarë rrethanash është parë”, ka thënë Buzhala.

Ai ka përmendur gjithashtu edhe një deklaratë të ish-zëvendëskryeministrit Haki Abazi, për të cilin ka thënë se ka pranuar se është takuar me Gent Prokshin gjatë kohës sa ishte në Shtetet e Bashkuara të Amerikës.

Deri më tani, nuk ka pasur një reagim publik nga kryeministri Albin Kurti lidhur me këto pretendime.

Sinjali – aty ku e vërteta flet para lajmit!

/GazetaSinjali/

The post Rasti “Lule Gjeli”, Buzhala: Gent Prokshi është parë duke hyrë në shtëpinë e Albin Kurtit appeared first on Sinjali.

Të shtënat me armë gjatë një ahengu familjar kanë alarmuar Policinë në fshatin Mramor të Prishtinës, duke çuar në sekuestrimin e armës dhe nisjen e procedurës penale ndaj një 52-vjeçari.

Burimet e Sinjalit bëjnë me dije se i dyshuari është Rexhep Gashi (52-vjeç).

Sipas informacioneve, dje rreth orës 13:00, Policia ka pranuar një njoftim se në rrugën “Pellazgët” po dëgjoheshin të shtëna me armë. Njësitë policore kanë dalë menjëherë në vendin e ngjarjes, ku kanë hasur Rexhep Gashin.

I dyshuari ka pranuar para policëve se kishte shtënë me armë zjarri gjatë një ahengu familjar, duke deklaruar se armën e posedonte me leje.

Në vendngjarje kanë dalë edhe hetuesit dhe forenzika, të cilët kanë sekuestruar një armë zjarri, një karikator, tetë gëzhoja të kalibrit 9×19, dy fishekë të të njëjtit kalibër, si dhe kartelën e lejes për armë.

Rexhep Gashi është shoqëruar në Stacionin Policor, ku është intervistuar në prani të avokatit mbrojtës.

Me urdhër të Prokurorit të Shtetit, ndaj tij është iniciuar rasti për veprën penale “Përdorim i paautorizuar i armës”, ndërsa pas intervistimit është liruar në procedurë të rregullt.

Rasti mbetet nën hetime.

Sinjali – aty ku e vërteta flet para lajmit!

/GazetaSinjali/

The post Ekskluzive | Të shtëna me armë në një aheng familjar në Mramor – Policia ia konfiskon armën dhe lejen 52-vjeçarit appeared first on Sinjali.

ATHINË, 27 korrik /ATSH-DPA/ – Sekretari i përgjithshëm i OKB-së, Antonio Guterres, pritet të mbërrijë sonte në Qipro për një vizitë treditore, e para e një kreu të OKB-së në ishull që nga viti 2010.

Vizita synon t’i japë një shtysë të re përpjekjeve për rifillimin e bisedimeve mes komunitetit grekoqipriot dhe atij turkoqipriot, të cilat prej vitesh kanë mbetur në ngërç.

Kjo mund të jetë përpjekja e fundit e Guterres për të ndërmjetësuar një zgjidhje, pasi mandati i tij si Sekretar i Përgjithshëm i OKB-së përfundon në fund të këtij viti.

Ai pritet të zhvillojë takime me udhëheqësit e të dyja palëve dhe të nxisë dialogun për të gjetur një rrugëdalje nga konflikti i gjatë.

Qiproja mbetet e ndarë që nga viti 1974, kur një grusht shteti i nacionalistëve grekoqipriotë u pasua nga ndërhyrja ushtarake e Turqisë.

Ndarja çoi në krijimin e Republikës Turke të Qipros Veriore në vitin 1983, e cila njihet zyrtarisht vetëm nga Turqia.

Edhe pse Bashkimi Evropian e pranoi të gjithë ishullin si shtet anëtar në vitin 2004, legjislacioni i BE-së zbatohet vetëm në pjesën jugore të kontrolluar nga Republika e Qipros. Kryeqyteti Nikozia vazhdon të jetë i vetmi kryeqytet i ndarë në Evropë, me një zonë tampon të mbikëqyrur nga paqeruajtësit e OKB-së. /Ad.Ab./ a.jor.

The post QIPRO – Guterres në vizitën e parë që nga viti 2010 appeared first on Agjencia Telegrafike Shqiptare.

Të shtënat me armë në një aheng familjar në fshatin Rekë të Mitrovicës kanë alarmuar Policinë, e cila ka ndërhyrë menjëherë dhe ka nisur hetimet për rastin.

Burimet e Sinjalit bëjnë me dije se i dyshuari është A.M. (26 vjeç).

Sipas informacioneve, Policia ka pranuar një njoftim se gjatë një dasme po dëgjoheshin të shtëna me armë. Në vendin e ngjarjes kanë dalë patrullat policore, njësia e hetimeve dhe ekipi i forenzikës, të cilët gjatë këqyrjes kanë sekuestruar nëntë gëzhoja dhe një fishek si prova materiale.

Më pas, Adonis Musliu është paraqitur vullnetarisht në Polici dhe ka dorëzuar një pistoletë me gaz të kalibrit 9 mm, së bashku me një karikator të zbrazët.

Nga ekzaminimet fillestare është konstatuar se fisheku i gjetur në vendngjarje përputhet me armën e dorëzuar nga i dyshuari, ndërsa nëntë gëzhojat e tjera nuk përputhen me atë armë, çka ka ngritur dyshime për përdorimin e një arme tjetër gjatë ahengut.

Për këtë arsye, me udhëzim të Prokurorit të Shtetit, Policia ka hapur edhe një rast tjetër për hetimin e gëzhojave që nuk përputhen me armën e dorëzuar.

Ndaj Adonis Musliut është iniciuar procedurë për veprat penale “Mbajtja në pronësi ose posedim të paautorizuar të armës” dhe “Përdorim i armës”.

Pas intervistimit në praninë e avokatit mbrojtës, me vendim të Prokurorit, i dyshuari është liruar në procedurë të rregullt, ndërsa hetimet për identifikimin e personit apo personave që dyshohet se kanë përdorur armën tjetër janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Të shtëna me armë në një dasmë në Mitrovicë – dorëzohet vullnetarisht 26-vjeçari, Policia zbulon edhe gëzhoja të një arme tjetër appeared first on Sinjali.

Gazetari Mentor Nazarko duke analizuar marrëveshjen e huasë së Shqipërisë me SHBA-të, thotë se opozita po bën teatër, megjithatë mazhoranca duhet t’ia jepte PD-së edhe një javë kohë. Sipas Nazarkos një vendim i tillë nga PS nuk do të cenonte seriozisht afatin e shtatorit, sikurse pretendon deputeti Vengu.

I ftuar në emisionin “Off the Record” nga Andrea Danglli në A2CNN, Nazarko vuri në dukje se ka një farë arbitrariteti në sjelljen e mazhorancës në sjelljen e saj në raport me opozitën. Sipas gazetarit Shqipëria do të duhej të ndiqte modelin kroat, ku në kuadër të integrimit të kishte një mirëkuptim parlamentar, ose më të gjerë.

“Kjo nuk përjashton që qeveria është sjellë gjatë një viti e pak në mënyrë triumfaliste me opozitën. Kjo opozitë e drejtuar nga z.Berisha e ka ndryshuar faqen, s’është ajo e fundit të mandatit të tretë. Kishte kuptim që mazhoranca t’i ofronte kësaj opozite, pa filluar protesta, se tani që ka filluar protesta është tjetër dinamikë…Unë e kuptoj që opozita s’do të dali konsensuale as për marrëveshjen me Amerikën, as për Reformën Territoriale apo Zgjedhore. Por në periudhën para protestës kishim mundësi të ndiqnim modelin kroat, që në kuadër të integrimit të kishim një lloj mirëkuptimi parlamentar, apo edhe më gjerë, dhe t’i përgjigjeshim kësaj sjellje të opozitës, e cila ka qenë përgjithësisht konstruktive. Unë mendoj që edhe opozita po bën teatër. Ose duhet të na tregojë z.Vengu që shiko po ta shtynim edhe një javë…Unë mendoj që duhet t’ia jepnit edhe një javë deri të premten tjetër, atëherë kjo cenonte seriozisht afatin e shtatorit, por unë s’besoj se është kështu. Unë mendoj që ka një farë arbitrariteti, ka qenë sistematike kjo, edhe mohimi i komisioneve hetimore, përjashtimet nga Parlamenti”, tha Nazarko.

Një 50-vjeçar ka përfunduar nën hetim në Gjakovë, pasi gjatë një kontrolli rutinë nga Policia iu gjet një armë zjarri në automjet.

Burimet e Sinjalit bëjnë me dije se bëhet fjalë për A.T. (50 vjeç).

Sipas informacioneve, rasti ka ndodhur dje rreth orës 22:00 në fshatin Osek Hylë, derisa njësia e Trafikut Rajonal të Gjakovës ishte duke zhvilluar kontroll rutinë të automjeteve.

Gjatë ndalimit, zyrtarët policorë e kanë pyetur drejtuesin e automjetit nëse posedonte ndonjë send të paligjshëm. Fillimisht ai është përgjigjur se nuk kishte asgjë ilegale, por pasi u pyet për çantën që ndodhej në ulësen e pasagjerit, ai ua ka paraqitur policëve një armë zjarri, duke deklaruar se për të posedonte leje përkatëse.

Pavarësisht kësaj, Policia e ka shoqëruar në Stacionin Policor në Gjakovë, ku është intervistuar, ndërsa arma, dy karikatorë dhe fishekët janë sekuestruar.

Me urdhër të Prokurorit të Shtetit është iniciuar rasti për veprën penale “Mbajtja në pronësi, kontroll apo posedim të paautorizuar të armëve”, ndërsa Avni Thaqi është liruar në procedurë të rregullt.

Rasti mbetet nën hetime.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ndalet nga Policia e Gjakovës në pikë kontrolli, 50-vjeçari përfundon nën hetim për armëmbajtje appeared first on Sinjali.

Një konflikt brenda një familjeje në fshatin Llapashticë e Epërme të Podujevës ka eskaluar në përleshje fizike mes babait dhe dy djemve të tij, duke bërë që të gjithë të përfundojnë në Polici.

Burimet e Sinjalit bëjnë me dije se të dyshuar janë S.K. (53 vjeç), M.K. (20 vjeç) dhe një i mitur me inicialet E.K. (16 vjeç).

Sipas informacioneve, fillimisht mosmarrëveshja kishte shpërthyer mes M.K dhe babait të tij, Sh.K, konflikt që më pas eskaloi në përleshje fizike, ku dyshohet se të dy kanë goditur njëri-tjetrin me grushte.

Gjatë konfliktit, vëllai i mitur, E.K., kishte tentuar t’i ndante, por sipas Policisë, edhe ai dyshohet se është përfshirë në incident duke sulmuar vëllain e tij.

Lidhur me rastin janë njoftuar Prokurori Kujdestar për Dhunë në Familje dhe Prokurori për të Mitur, të cilët kanë urdhëruar inicimin e rastit për veprën penale “Dhunë në familje”.

Pas intervistimit, të tre të dyshuarit janë liruar në procedurë të rregullt, ndërsa hetimet lidhur me rastin vazhdojnë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Dhuna shpërthen brenda familjes në Podujevë – babë e dy djem përfundojnë në Polici appeared first on Sinjali.

Një mosmarrëveshje për një vendparkim në fshatin Baicë të Lipjanit ka eskaluar në kanosje me armë zjarri dhe sulm fizik, duke përfunduar me arrestimin e dy personave.

Burimet e Sinjalit bëjnë me dije se të dyshuar janë Blerim Bellagoshi (34 vjeç) dhe Liman Bellagoshi (66 vjeç), ndërsa viktimë është Faton Bellagoshi (38 vjeç)

Sipas informacioneve, konflikti ka shpërthyer mes dy familjeve të afërta për shkak të një parkingu të veturave përballë shtëpive të tyre. Fillimisht palët janë fyer dhe shtyrë mes vete, ndërsa situata më pas ka eskaluar.

Policia, pas pranimit të informacionit për kanosje me armë, ka dalë menjëherë në vendin e ngjarjes, ku nga Blerim Bellagoshi është konfiskuar një armë zjarri e tipit Ekol.

Sipas hetimeve fillestare, ai dyshohet se e ka kanosur viktimën me armë, ndërsa Liman Bellagoshi dyshohet se është përfshirë në konflikt duke përdorur një shkop druri.

Viktima Faton Bellagoshi ka pranuar tretman mjekësor, ndërsa ndihmë mjekësore ka kërkuar edhe Liman Bellagoshi.

Me urdhër të Prokurorit të Shtetit, ndaj Blerim Bellagoshit është iniciuar procedurë për veprën penale “Kanosja me armë zjarri”, ndërsa ndaj Liman Bellagoshit për veprën penale “Sulmi”.

Të dy të dyshuarit janë ndaluar për 48 orë, ndërsa hetimet për rastin janë në vazhdim

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Sherri për parking në Lipjan eskalon me armë e shkop druri – babë e bir përfundojnë në ndalim appeared first on Sinjali.

Një grua është gjetur pa shenja jete mbrëmjen e së dielës në fshatin Pataqan i Epërm të Rahovecit, ndërsa rasti është marrë në hetim nga organet kompetente.

Burimet e Sinjalit bëjnë me dije se viktima është Hazbije Bellaqa (61-vjeçar).

Sipas informacioneve, rreth orës 20:00, Qendra Kryesore e Mjekësisë Familjare në Rahovec ka njoftuar Policinë se 61-vjeçarja ishte dërguar nga familjarët në urgjencë pa shenja jete, ku mjeku kujdestar ka konstatuar vdekjen e saj.

Sipas deklarimit të kunatit të viktimës, Hazbije Bellaqa ishte gjetur e shtrirë në shtëpinë e saj, ku në atë moment kishte qenë e vetme, pasi bashkëshorti ndodhej jashtë shtëpisë.

Në vendin e ngjarjes kanë dalë njësitë policore të Stacionit Policor në Rahovec, hetuesit rajonalë dhe ekipet përkatëse, të cilat kanë ndërmarrë veprimet e nevojshme hetimore.

Me urdhër të Prokurorit të Shtetit, është iniciuar rasti “Hetim i vdekjes”, ndërsa trupi i pajetë është dërguar në Institutin e Mjekësisë Ligjore (IML) për obduksion, me qëllim të sqarimit të shkakut të vdekjes.

Sinjali – aty ku e vërteta flet para lajmit!

/GazetaSinjali/

The post 61-vjeçarja gjendet pa shenja jete në shtëpinë e saj në Rahovec – trupi dërgohet për obduksion appeared first on Sinjali.

Tre gra, njëra prej tyre shtatzënë, u sulmuan me thikë pranë një stacioni tramvaji, në veri të Parisit.

Autoritetet franceze raportuan se dy nga të plagosurat u dërguan në spital në gjendje të rëndë, ndërsa njëra pësoi lëndime më të lehta.
Për ngjarjen u arrestua një 31-vjeçar, i cili sulmoi gratë në rrugë me dy thika kuzhine. Sipas policisë, të plagosurat në veri të kryeqytetit ishin të moshës 19, 24 dhe 36 vjeçe.

“Pamë një burrë që kaloi me dy thika dhe goditi tre persona. Pastaj një i ri e goditi autorin me çantën e tij, duke e rrëzuar përtokë”, thanë dëshmitarët nga vendngjarja.

Ndërkohë, një oficer policie jashtë detyrës ndërhyri menjëherë, duke neutralizuar dhe arrestuar autorin. Identiteti i të dyshuarit dhe motivi i sulmit nuk janë ende të qarta.

Ministri i Brendshëm i Francës, Laurent Nunez, tha se i dyshuari ka bërë deklarata të paqarta para grupit hetimor, ndërsa kërkoi të mos nxirreshin përfundime të nxituara mbi motivin e sulmit.

Referuar dëshmive dhe videove nga vendngjarja, Reuters shkruan se menjëherë pas sulmit, autori i dyshuar është dëgjuar të thotë “Allahu më urdhëroi ta bëj këtë”.
Zyra e Antiterrorizmit në Francë bëri të ditur se po ndjek procedurën e zhvilluar nga Prokuroria e Parisit.

Një rast i pazakontë është zbuluar në fshatin Bardhosh të Prishtinës, ku një 15-vjeçar dyshohet se, përmes kërcënimeve të vazhdueshme, i ka marrë një bashkëmoshatari rreth 20 mijë euro.

Burimet e Sinjalit bëjnë me dije se i dyshuari është A.K. (2011), ndërsa viktimë B.RR. (15-vjeç).

Sipas informacioneve, rasti dyshohet të ketë ndodhur gjatë periudhës 6 deri më 25 korrik, kur i mituri dyshohet se e detyronte vazhdimisht viktimën t’i jepte para, duke e kërcënuar me fjalë.

Rasti u zbulua pasi babai i viktimës, F. Rr. (1979), së bashku me djalin e tij, shkuan të bisedonin me babanë e të dyshuarit, për shkak të dyshimeve se djali i tij po i merrte vazhdimisht para të miturit.

Gjatë intervistimit në Polici, ankuesi ka deklaruar se shuma e përgjithshme që dyshohet se i është marrë djalit të tij arrin në rreth 20 mijë euro.

Pas ndërmarrjes së veprimeve hetimore dhe intervistimit të palëve, lidhur me rastin është njoftuar Prokurori Kujdestar për të Mitur.

Me urdhër të Prokurorit, është iniciuar rasti për veprën penale “Detyrim”, ndërsa 15-vjeçari është dërguar në mbajtje për 24 orë.

Hetimet për zbardhjen e plotë të rrethanave të rastit janë në vazhdim.

Sinjali – aty ku e vërteta flet para lajmit!

/GazetaSinjali/

The post Ekskluzive | E pazakontë: 15-vjeçari nga Bardhoshi dyshohet se i zhvati rreth 20 mijë euro një bashkëmoshatari, përfundon në ndalim appeared first on Sinjali.

Presidenti amerikan, Donald Trump do të presë homologun e tij ukrainas, Volodymyr Zelensky dhe kryeministrin izraelit, Benjamin Netanyahu në Shtëpinë e Bardhë, të marten.

Një zyrtar i Shtëpisë së Bardhë tha për CNN se takimet do të jenë ndaras dhe që pritet të përqendrohen në konfliktet në Ukrainë dhe Lindjen e Mesme.

Sipas zyrtarit, Trump do të takohet me Netanyahun për të diskutuar luftën në Iran, përparimin në negociatat me Libanin dhe përpjekjet për të zgjeruar Marrëveshjet e Abrahamit.

Trump pranoi se ai dhe Netanyahu nuk janë plotësisht dakord për Iranin, por tha se të dy udhëheqësit mbeten të lidhur ngushtë.

“Kemi një ndryshim të vogël, por mjaft të afërt”, u tha Trump gazetarëve të hënën.

Gjatë takimit të Trump me Zelenskyyn, udhëheqësit do të diskutojnë procesin e vazhdueshëm të paqes midis Rusisë dhe Ukrainës.

Si Netanyahu ashtu edhe Zelenskyy planifikojnë të marrin pjesë në funeralin e senatorit të ndjerë Lindsey Graham në Uashington të martën.

Sinjali – aty ku e vërteta flet para lajmit!

/GazetaSinjali/

The post “Takime ndaras”, Trumpi nesër pret Zelenskyn dhe Netanyahun në Shtëpinë e Bardhë appeared first on Sinjali.

TIRANË, 27 korrik /ATSH/ Deputetja e Partisë Demokratike, Jorida Tabaku, përshëndeti marrëveshjen e vendeve të Ballkanit Perëndimor me Shtetet e Bashkuara të Amerikës për forcimin e kapaciteteve ushtarake dhe të sigurisë në rajon, duke e cilësuar një hap të rëndësishëm në kushtet e sfidave të reja globale.

Përmes një reagimi në rrjetet sociale, Tabaku u shpreh se Shqipëria përballet me një realitet të ri sigurie, ku kërcënimet hibride, sulmet kibernetike, teknologjitë e reja ushtarake dhe cenueshmëria e infrastrukturës kritike kërkojnë rritje të kapaciteteve kombëtare dhe një NATO më të aftë për të vepruar.

Ajo theksoi rëndësinë e anëtarësimit në NATO si një garanci për sigurinë e vendit, por nënvizoi se Shqipëria duhet të marrë më shumë përgjegjësi si aleate dhe të investojë në kapacitete reale mbrojtëse.

“Anëtarësimi në NATO ka qenë dhe mbetet një nga objektivat jetikë të Shqipërisë dhe një garanci e pazëvendësueshme për sigurinë e shqiptarëve. Por Aleanca po ndryshon dhe bashkë me të duhet të ndryshojë edhe mënyra se si ne i kuptojmë dhe i përmbushim përgjegjësitë tona”, tha ajo.

“Çdo hap që forcon partneritetin strategjik me Shtetet e Bashkuara dhe kapacitetet tona brenda NATO-s meriton mbështetje. Detyra e opozitës është të mbështesë drejtimin strategjik, por njëkohësisht të kërkojë seriozitet, përgjegjësi, transparencë dhe rezultate në zbatimin e tij. Shqipëria nuk duhet ta shohë NATO-n vetëm si një garanci që të tjerët i japin vendit tonë. Ne duhet të jemi një aleat që kontribuon, përmbush detyrimet dhe ndërton kapacitete që i shërbejnë sigurisë së përbashkët”, shkruan ajo.

Sipas saj, investimet në mbrojtje duhet të përqendrohen në fusha strategjike si siguria kibernetike, mbrojtja ajrore, kapacitetet detare, sistemet pa pilot, inteligjenca dhe infrastruktura strategjike.

Tabaku kërkoi që përdorimi i fondeve për mbrojtjen të shoqërohet me transparencë dhe kontroll institucional, duke theksuar se konfidencialiteti për çështjet operacionale nuk duhet të kthehet në mungesë llogaridhënieje për përdorimin e parave publike.

Tabaku kërkoi që fondet të drejtohen te partnerë të besueshëm dhe investime që lidhen me nevojat reale të Forcave të Armatosura dhe standardet e NATO-s.

“Parlamenti dhe institucionet përgjegjëse duhet të kenë mundësi të ushtrojnë kontroll real mbi zbatimin financiar dhe institucional të marrëveshjes. Shqiptarët kanë të drejtë të dinë se cilat janë objektivat e përgjithshme, çfarë kapacitetesh synohen të ndërtohen dhe si ndikojnë këto angazhime në sigurinë e vendit.

“Fondet për mbrojtjen duhet të shkojnë te partnerë seriozë, të besueshëm dhe me standarde të provuara. Në këtë sektor nuk ka vend për improvizim, klientelizëm apo interesa të ngushta. Çdo kontratë dhe çdo investim duhet të udhëhiqet nga nevojat reale të Forcave të Armatosura, ndërveprueshmëria me NATO-n dhe interesi kombëtar”, theksoi Tabaku.

Tabaku u ndal edhe te sfidat e reja të Aleancës, duke theksuar se Shqipëria duhet të përshtatet me një NATO më kërkuese dhe të ndërtojë projekte konkrete me rezultate të matshme.

“Në këtë realitet të ri, Shqipëria duhet të përshtatet dhe të forcohet për një NATO të re, me projekte konkrete dhe rezultate të matshme. Asambleja e NATO-s në Ankara dëshmoi se sfidat e Aleancës janë bërë më të vështira. Për Shqipërinë, ato janë dyfishuar nga mungesa e investimeve serioze dhe nga keqmenaxhimi i sektorit të mbrojtjes. Kjo nis nga modernizimi i Forcave të Armatosura dhe mbrojtja kibernetike, por përfshin edhe infrastrukturën strategjike rrugore, hekurudhore, portuale dhe detare, e cila është lënë pas dore ose është dëmtuar nga projekte korruptive”, tha ajo.

Sipas saj, një Shqipëri më e fortë brenda NATO-s është edhe një garanci më e madhe për stabilitetin e Ballkanit Perëndimor, për sigurinë e Kosovës dhe për orientimin euroatlantik të rajonit.

“Angazhimi ynë ndaj NATO-s nuk është një detyrim formal. Por është në interesin jetik të Shqipërisë, të shqiptarëve dhe të gjithë rajonit”, shkruan Tabaku.

/m.q/

The post Tabaku: Përdorimi i fondeve për mbrojtjen të shoqërohet me transparencë appeared first on Agjencia Telegrafike Shqiptare.

Raketat përdoren si në mënyrë ofensive, për të goditur objektiva, ashtu edhe në mbrojtje, për të ndërprerë sulmet iraniane.

Burime për prestigjiozen amerikane Wall Street Journal theksojnë se në Uashington ka shqetësime në lidhje me numrin e raketave që i kanë mbetur ushtrisë amerikane.

Sipas Qendrës për Studime Strategjike dhe Ndërkombëtare, mund të duhen nga tre deri në pesë vjet për prodhimin e një rakete të re, në varësi të llojit të raketës. Shtëpia e Bardhë dhe Pentagoni po u bëjnë presion kontraktorëve të mbrojtjes që ta përshpejtojnë këtë proces, por prodhimi mund të rritet vetëm deri në një nivel të caktuar. Prodhimi i një rakete është shumë më i ndërlikuar sesa prodhimi i një kositëseje bari.

“Qeveria nuk dëshiron të zbulojë se sa raketa i kanë mbetur, pasi nuk dëshiron t’i tregojë Iranit, Rusisë, Kinës apo Koresë së Veriut se Shtetet e Bashkuara mund të kenë dobësi. Për të qenë të qartë, këto janë shifra që qeveria nuk dëshiron t’i publikojë kurrë, madje as në kohë paqeje.

Stoqet e municioneve ruhen me kujdes. Në një shenjë të epokës në të cilën ndodhemi, nëse u kërkoni platformave të inteligjencës artificiale të profilit të lartë të vlerësojnë stokun e mbetur të raketave amerikane, do të merrni një përgjigje. Sigurisht, ky nuk është grupi i të dhënave aktuale të qeverisë.”

Presidenti i Shteteve të Bashkuara, Donald Trump, nga ana e tij, ka deklaruar se SHBA-të kanë raketa më se të mjaftueshme. Megjithatë, brenda qeverisë amerikane ekziston shqetësimi se, nëse lufta me Iranin përshkallëzohet me shpejtësi, ky tension mund të bëhet edhe më i madh.

Kjo është arsyeja pse, me SHBA-të në një pikë të re kthese në përballjen me Iranin, zyrtarët po përpiqen të përcaktojnë mënyrën më të mirë të veprimit, edhe pse nuk do të zbulojnë shifrat specifike që qëndrojnë në themel të këtij shqetësimi.

BERLIN, 27 korrik /ATSH-AFP/ – Qeveria gjermane ka premtuar masa më të ashpra sigurie pas sulmit vdekjeprurës të së shtunës pranë Paradës së Krenarisë në Berlin, ku një 21-vjeçar i njohur nga autoritetet për lidhje me ekstremizmin islamik vrau një grua 65-vjeçare dhe plagosi 29 persona.

Sipas hetimeve, autori, Abdul Ballout, fillimisht përplasi një minibus me turmën dhe më pas sulmoi kalimtarët me një hanxhar.

Ai u vra nga policia një ditë më vonë gjatë një operacioni në Berlin, pasi iu afrua efektivëve i armatosur me një armë të ftohtë.

Ministri i Brendshëm Alexander Dobrindt njoftoi se qeveria do të forcojë legjislacionin, duke zgjeruar përdorimin e byzylykëve elektronikë dhe paraburgimin parandalues për personat që konsiderohen kërcënim për sigurinë.

Ai kërkoi gjithashtu  ndryshime në ligjin për të miturit, duke argumentuar se nuk duhet të zbatohet për persona të rritur që paraqesin rrezik të lartë.

Rasti ka shkaktuar debat të fortë në Gjermani, pasi Ballout kishte qenë i dënuar më parë për dhunë, grabitje dhe përpjekje për t’iu bashkuar grupit terrorist Shteti Islamik (ISIS), por ishte liruar me kusht.

Ekspertët e sigurisë dhe sindikatat e policisë e kanë cilësuar lirimin e tij si një gabim të rëndë, duke kërkuar mbikëqyrje shumë më të rreptë për individët e radikalizuar.

Sulmi ka rritur edhe tensionet politike në prag të zgjedhjeve në Berlin, me partitë opozitare që kërkojnë masa më të forta kundër ekstremizmit dhe dhunës.

Kancelari Friedrich Merz deklaroi se autoritetet duhet të shpjegojnë se si një person me një profil të tillë arriti të afrohej pa pengesa pranë një aktiviteti me pjesëmarrje masive. /Ad.Ab./  a.jor.

The post BERLIN – Gjermania ashpërson ligjet e sigurisë pas sulmit terrorist appeared first on Agjencia Telegrafike Shqiptare.

Presidenti i SHBA-së, Donald Trump, deklaroi se Irani ka kërkuar të zhvillojë bisedime me Shtetet e Bashkuara, si përmes ndërmjetësve ashtu edhe drejtpërdrejt, duke theksuar se kontaktet mes dy vendeve tashmë kanë nisur.

“Po flasim me Iranin tani dhe bisedimet po shkojnë mirë. Gjëra të mira mund të ndodhin,” u shpreh Trump para gazetarëve, duke shfaqur optimizëm për ecurinë e negociatave.

Presidenti amerikan shtoi se, sipas tij, Teherani ka kërkuar dialog pas presionit të ushtruar nga SHBA. “Ata nuk do të kishin kërkuar takim nëse gjërat do të shkonin keq për ne. Arsyeja e vetme është se i kemi goditur shumë rëndë,” deklaroi ai.

Komentet e Trump vijnë në një kohë kur përpjekjet diplomatike për uljen e tensioneve mes Uashingtonit dhe Teheranit mbeten në qendër të vëmendjes ndërkombëtare.

Gjykata e Lartë e Brazilit ka rrëzuar kërkesën për lirimin e Ervin Matës teksa vijon arresti gjatë procesit të ekstradimit. Ajo ka vendosur të mbajë në fuqi arrestin parandalues me qëllim ekstradimi ndaj shtetasit shqiptar Ervin Mata, duke rrëzuar kërkesën e mbrojtjes për heqjen e masës së arrestit dhe zëvendësimin e saj me masa të tjera shtrënguese.

Vendimi mban datën 21 korrik 2026 dhe është marrë nga ministri Alexandre de Moraes, relator i çështjes së ekstradimit nr. 1.925, ku kërkues është Qeveria e Republikës së Shqipërisë.

Sipas dokumentit gjyqësor, Shqipëria kërkon ekstradimin e Ervin Matës për procedim penal për veprat e dyshuara të trafikut të lëndëve narkotike, kryerjes së veprave penale në kuadër të organizatës kriminale dhe grupit të strukturuar kriminal, të parashikuara nga nenet përkatëse të Kodit Penal të Republikës së Shqipërisë.

Në vendim përshkruhet e gjithë kronologjia e procedurës. Gjykata bën të ditur se masa e arrestit parandalues ndaj Matës ishte caktuar më 11 mars 2025, ndërsa arrestimi i tij nga Policia Federale braziliane u ekzekutua më 25 prill 2026.

Pas arrestimit, Gjykata e Lartë Federale zhvilloi procedurat për marrjen në pyetje të personit të kërkuar për ekstradim, ndërsa mbrojtja paraqiti kundërshtimet e saj dhe kërkoi rrëzimin e kërkesës për ekstradim ose zëvendësimin e arrestit me masa alternative.

Avokatët e Ervin Matës pretenduan se Shqipëria nuk kishte respektuar afatin ligjor për formalizimin e kërkesës për ekstradim. Sipas tyre, duhej të shqyrtoheshin edhe çështje të tjera që lidhen me juridiksionin për veprën e pretenduar penale.

Gjykata e Lartë braziliane nuk e pranoi këtë argument. Në arsyetimin e tij, ministri Alexandre de Moraes thekson se nga aktet rezulton se kërkesa formale për ekstradim ishte protokolluar pranë autoriteteve braziliane më 7 mars 2025 dhe ishte rikonfirmuar përmes Notës Verbale nr. 46/2026 të Ambasadës së Republikës së Shqipërisë, të përcjellë më 2 korrik 2026.

Sipas vendimit, kjo dokumentacion dëshmon vazhdimësinë e interesit të shtetit shqiptar për ekstradimin dhe përmbushjen e kërkesave procedurale. Gjykata i referohet edhe qëndrimit të Prokurorisë së Përgjithshme të Republikës së Brazilit, e cila kishte dalë në favor të pranimit të kërkesës për ekstradim dhe kundër lirimit të Ervin Matës.

Në vendim argumentohet se arresti parandalues në procedurat e ekstradimit është një masë thelbësore për të garantuar që personi i kërkuar të jetë në dispozicion të autoriteteve dhe për të mundësuar zbatimin e një vendimi të mundshëm pozitiv për ekstradimin.

Ministri Alexandre de Moraes vlerëson se në rastin konkret nuk ekzistojnë rrethana të jashtëzakonshme që do të justifikonin heqjen e arrestit, duke përmendur edhe rrezikun e largimit të personit të kërkuar.

Në përfundim, Gjykata e Lartë Federale e Brazilit vendosi:

– rrëzimin e kërkesës për shfuqizimin e arrestit parandalues ndaj Ervin Matës;

– moszëvendësimin e arrestit me masa të tjera sigurie;

– rrëzimin e kërkesave të mbrojtjes për veprime të tjera hetimore.

Me këtë vendim, Ervin Mata mbetet në arrest në Brazil, ndërsa vijon shqyrtimi i kërkesës së Shqipërisë për ekstradimin e tij.

Vendimi i Gjykatës së Lartë braziliane lidhet vetëm me masën procedurale gjatë procesit të ekstradimit dhe nuk përbën një vendim mbi fajësinë ose pafajësinë e tij për akuzat e ngritura nga autoritetet shqiptare.

Çmimet e naftës në tregjet ndërkombëtare kanë shënuar rënie të ndjeshme pas sinjaleve për një ndërprerje të përkohshme të sulmeve mes Shteteve të Bashkuara dhe Iranit, duke rritur shpresat për një zbutje të konfliktit.

Nafta bruto Brent, standardi kryesor ndërkombëtar, ra me mbi 9 për qind gjatë tregtimit, duke zbritur në 87.59 dollarë për fuçi, pasi vetëm javën e kaluar kishte kaluar pragun e 100 dollarëve.

Rënia e çmimit erdhi pasi autoritetet amerikane njoftuan se sulmet ndaj Iranit ishin pezulluar për t’i lënë hapësirë përpjekjeve diplomatike, ndërsa nga Teherani u raportua se ishin ndalur edhe sulmet hakmarrëse.

Konflikti mes dy vendeve kishte nxitur shqetësime të mëdha në tregjet globale të energjisë, veçanërisht për shkak të ndikimit në Ngushticën e Hormuzit, një nga rrugët më të rëndësishme të transportit të naftës dhe gazit në botë.

Megjithatë, analistët paralajmërojnë se tregjet mbeten të paqëndrueshme, pasi situata në Lindjen e Mesme vazhdon të jetë e brishtë dhe çdo përshkallëzim i ri mund të ndikojë sërish në çmimet e energjisë.

Ekspertët vlerësojnë se, pavarësisht rënies së fundit, pasiguritë mbi furnizimin global me naftë dhe gaz vazhdojnë të mbajnë presion mbi tregjet, ndërsa Evropa përballet me sfida për sigurimin e rezervave energjetike për sezonin e dimrit.

Sinjali – aty ku e vërteta flet para lajmit!

/GazetaSinjali/

The post Çmimi i naftës bie pas uljes së tensioneve mes SHBA-së dhe Iranit appeared first on Sinjali.

UASHINGTON, 27 korrik /ATSH/ Presidenti amerikan Donald Trump, deklaroi se Uashingtoni është në “bisedime shumë të thella” me Iranin, por paralajmëroi se është i gatshëm të ndërmarrë veprime të forta ushtarake nëse përpjekjet diplomatike nuk japin rezultat, sipas Reuters.

Në një intervistë për “Axios”, Trump tha se koha për arritjen e një marrëveshjeje është e kufizuar.

“Nuk ka shumë kohë. Ose ecën shpejt, ose nuk ecën fare”, u shpreh ai, duke lënë të kuptohet se administrata amerikane nuk është e gatshme për negociata të zgjatura.

Deklaratat vijnë në një moment tensionesh të larta mes SHBA-së dhe Iranit, ndërsa përpjekjet diplomatike për të zbutur krizën vazhdojnë.

Presidenti Trump nuk dha detaje mbi afatin e bisedimeve apo mbi natyrën e mundshme të veprimit ushtarak, por theksoi se të gjitha opsionet mbeten në tryezë. /Ad.Ab./ a.jor.

The post SHBA – Trump: Veprime ushtarake nëse dështojnë bisedimet me Iranin appeared first on Agjencia Telegrafike Shqiptare.