Luka Modric është një nga temat pas finales së Kupës së Mbretit. Barcelona e fitoi trofeun duke e mposhtur Real Madridin me rezultat 3-2 pas vazhdimeve.  

Golin e fitores e shënoi Jules Kounde në minutën e 116-të pas një gabimi të Luka Modric dhe Brahim Diaz.  

Kjo ishte arsyeja pse Modric mori shumë kritika nga mediat spanjolle dhe tifozët e futbollit. 

Megjithatë, më pas u shfaqën pamjet që tregonin se Jude Bellingham bëri një gabim jo më pak të rëndë, përpara golit të parë të Barcelonës.

Fillimisht, Pau Cubarsi ndërpreu lojën e tij në qendër dhe ia kaloi topin Pedrit. Më pas ai luajti një pasim diagonal te Lamine Yamal në krahun e djathtë.  

Bellingham e shoqëroi gjithë këtë duke shtrënguar kokën dhe duke qëndruar në vend. 

Gjatë kësaj kohe, Pedri e mori topin të cilin Bellingham e kishte pasur dhe e dërgoi në krah, pastaj kaloi kah krahët e asin të Real Madridit dhe më pas, ai mbërriti i papenguar para zonës së rreptësisë, ku shënoi një gol të bukur për të kaluar Barcelonën në epërsi. 

Bellingham gives the ball away and spends his time standing still reacting, meanwhile Pedri makes a pass, runs by him, and scores. pic.twitter.com/vLPiEOjimT

— Luis Mazariegos (@luism8989) April 27, 2025

Tensionet ishin të mëdha dhe Real Madridi mori tre karton të kuq në fund të ndeshjes, ku njëri prej tyre ishte Jude Bellingham. /Telegrafi/  

The post Të gjithë po flasin për mënyrën se si Bellingham veproi kur Barcelona e shënoi golin e parë në El Clasico appeared first on Telegrafi.

Humbja e së shtunës në finale të Kupës së Mbretit do të thotë se Real Madridi me gjasë do ta përfundojë sezonin pa një trofe të madh.

Pati shumë nervozizëm në kampin e tyre pas fishkëllimës së fundit në ‘La Cartuja’, por reflektimi për disa prej lojtarëve tashmë ka filluar të ndodhë.

Fede Valverde ka qenë njëri prej lojtarëve më të mirë të Real Madridit këtë sezon, por ai nuk ishte në gjendje që të bëjë diferencën ndaj Barcelonës. Dhe përmes një postimi në Instagram, ai i ka kërkuar falje tifozëve të klubit.

“Ndodhi sërish. Dhe do të ndodhë natyrisht shumë herë të tjera, sepse është rruga të cilën po endërtojmë dhe është normale që të rrëzohesh pas shumë kilometave. Më mërzit mua, më bën të zemëruar, të pafuqishëm”.

Fede Valverde on IG. pic.twitter.com/T0dckF71I8

— Madrid Zone (@theMadridZone) April 27, 2025

“Ndjej se i kam dështuar. Ka qenë një vit i komplikuar, fizikisht dhe mentalisht shumë i vështirë, por një ditë unë isha i qartë; derisa këmbët nuk ma lejojnë më. Ky klub nuk meriton asgjë më pak”.

“Ne do të rikthehemi, ne do të vazhdojmë dhe unë do të jem aty duke lënë gjithçka për respektin që Real Madridi, njerëzit e saj dhe gjithçka që vjen duke luajtur në ekipin më fitues në histori”, ka thënë Valverde.

Lexo po ashtu Dalin pamjet: Shikoni se si Gavi festoi në fytyrën e yllit të Real Madridit pas triumfit në ‘El Clasico’

Tani me Ligën e Kampionëve dhe Kupën e Mbretit që kanë shkuar në duar të dikujt tjetër, Real Madridi mudn të fokusohet vetëm për ta ngushtuar deficitin prej katër pikësh me Barcelonën në La Liga.

‘Los Blancos’ nuk kanë shumë gjasa për ta fituar garën për titull teksa kanë mbetur pesë ndeshje për t’u luajtur, por me një tjetër ‘El Clasico’ pas dy javësh, ka gjasa që ata të shpëtojnë krenarinë e tyre para fundit të sezonit./Telegrafi/

The post “Ndjej se kam dështuar”, ylli i Real Madridit i zhgënjyer pas humbjes në finale ndaj Barcelonës appeared first on Telegrafi.

Pas fitores së Barcelonës ndaj Real Madridit në finalen e Kupës së Mbretit, Lamine Yamal e gjeti veten në qendër të vëmendjes për gjestin e tij të diskutueshëm gjatë ceremonisë së medaljeve.  

Gjatë festës së fitimit të trofeut dhe dhënies së medaljeve, Yamal doli përpara zyrtarëve dhe mbretit me dy palë syze në kokë dhe fanellën e kthyer prap, gjë që disa e interpretuan si mosrespekt ndaj mbretit spanjoll Felipe VI. 

Gjithashtu, në vend që ta përshëndes mbretin me një shtrëngim duarsh miqësore, Yamal vendosi t’ia drejtonte dorwn sikurse miqëve të tij. 

Lamine Yamal is accused of showing a ‘lack of respect’ to the King of Spain during Barcelona’s Copa del Rey celebrations after chaotic win over Real Madrid https://t.co/LxiregjfiJ

— Mail Sport (@MailSport) April 27, 2025

Kjo situatë ka ngjallur debate në rrjetet sociale dhe në media, ku disa tifozë shprehen të pakënaqur për sjelljen e lojtarit të ri. 

Megjithatë, është e rëndësishme të theksohet se nuk ka pasur deklarata zyrtare as nga familja mbretërore dhe as nga klubi i Barcelonës lidhur me këtë. 

Lamine Yamal dapping up King Felipe of Spain and Barcelona president Joan Laporta while wearing two pairs of sunglasses pic.twitter.com/iKkZ50TBhD

— ESPN FC (@ESPNFC) April 26, 2025

Gjithashtu, Yamal ende nuk ka komentuar publikisht mbi situatën. Duke pasur parasysh rininë e tij dhe mungesën e përvojës në situata të ngjashme, është e mundur që ai nuk ishte në dijeni të perceptimit të mundshëm të veprimeve të tij. /Telegrafi/  

The post Yamal në shënjestër të kritikave për shkak të stilit dhe gjestit që bëri përballë mbretit spanjoll appeared first on Telegrafi.

Finalja e Kupës së Mbretit la disa momente të denja për analizë dhe ripërsëritje. Alfonso Pérez Burrull, analist i gjykimit komentoi shfaqjet më të diskutueshme në programin “Marcador” në Radio MARCA. 

Në minutën e 16-të, Valverde preku topin me dorë në përpjekje për të bllokuar një krosim të Raphinhas.  

Gjyqtari Ricardo De Burgos Bengoetxea e interpretoi dorën si të drejtuar nga toka dhe nuk dha penallti.  

Los comentaristas están justificando que esta mano de Valverde no es penalti pic.twitter.com/SSvJt1tPJe

— Manutinho (@GxlDeManutinho) April 26, 2025

Analisti i gjyqtarëve të Radio MARCA e konsideron të saktë vendimin e De Burgos Bengoetxea. 

“Dora është drejtuar drejt tokës. Gjyqtari ishte afër lojës. Rregullat e thonë këtë. Nuk është një penallti”, deklaroi Pérez Burrull në programin “Marcador” të Radio MARCA. 

Lufta midis Ceballos dhe Cubarsí 

Pjesa e parë pa gjithashtu një incident të diskutueshëm në zonën e penalltisë së Real Madridit: një “luftë” midis Ceballos dhe Cubarsi për një goditje këndi. De Burgos Bengoetxea vendosi të mos jepte penallti.  

Interpretimi u mbështet nga Pérez Burrull, i cili theksoi se të dy lojtarët mbajtën njëri-tjetrin, pa asnjë veprim të qartë që justifikonte një faull në favor të njërit apo tjetrit. 

Look at Ceballos grabbing Cubarsi and because of that he can’t get to the ball…no penalty

pic.twitter.com/d5QM4ck7iF

— MessiMania (@M10Update) April 26, 2025

Ndalimi i Mbappes nga De Jong 

Një tjetër lojë nën vëzhgim ndodhi në minutën e 67-të, kur De Jong rrëzoi Mbappé në një lëvizje që ndërpreu një akison të rrezikshëm. Gjyqtari dha karton të verdhë dhe nuk e përjashtoi holandezin.  

Pérez Burrull e konsideroi vendimin të saktë: “Kishte një mbrojtës të Barcelonës pranë lojës, kështu që nuk ishte një karton i kuq. Nuk ka dyshim për këtë, është një karton i verdhë për një sulm premtues”. 

FRENKIE DE JONG DID NOT HESITATE, HE TOOK DOWN MBAPPE BEFORE HE COULD EQUALIZE! pic.twitter.com/SFMadBMw7N

— KinG £ (@xKGx__) April 26, 2025

Goditja e Asencios ndaj Raphinhas 

Para kohës shtesë, ndodhi një nga incidentet më të debatuara: kontakti mes Asencios dhe Raphinhas, i cili fillimisht u dha penallti dhe më pas u përmbys pas një rishikimi VAR.  

Pérez Burrull nuk u pajtua me vendimin e arbitrit: ” Mbrojtësi i Real Madridit mbërriti me vonesë dhe e faulloi sulmuesin brazilian, është penallti . Nuk kishte asnjë gabim të qartë që justifikonte ndërhyrjen e VAR-it dhe korrigjimin e gjyqtari në monitor”.

Hostiazo de Asencio a Raphinha en la espalda, penalti anulado.pic.twitter.com/pw8SH3XwZ6

— Zona Blaugrana (@Zona_Blaugrana) April 27, 2025

Pas ndeshjes, Pérez Burrull dha vlerësimin e tij përfundimtar për performancën e Ricardo de Burgos Bengoetxea: “Ishte një finale e shkëlqyer dhe gjykimi ishte në të njëjtin nivel me ndeshjen”. 

Barcelonës iu desh të shkonte në kohën shtesë për të siguruar fitoren 3-2. Me këtë fitore, Blaugranas kanë 32 tituj të Copa del Rey. Ishte finalja e gjashtë radhazi e luajtur në La Cartuja të Seviljes. /Telegrafi/  

The post Të gjitha momentet e diskutueshme nga finalja e Kupës së Mbretit: Analiza për gjykimin e De Burgos Bengoetxea appeared first on Telegrafi.

Mbrojtësi i Real Madridit, Antonio Rudiger, u përjashtua me karton të kuq në fund të ndeshjes me Barcelonën në finale të Kupës së Mbretit, ku tani ka kërkuar falje për sjelljen e tij. 

Gjermani tentoi ta sulmonte gjyqtarin në sekondat e fundit të humbjes 3-2, kur ishte në bankë pasi ishte larguar paraprakisht nga fusha për shkak të një lëndimi.  

Për shkak të sjelljes, ai u ndëshkua me karton të kuq dhe tani ka ardhur kërkim falja. 

“Definitivisht s’ka asnjë arsyetim për sjelljen time mbrëmë. Më vjen shumë keq për këtë. Luajtëm shumë mirë që nga pjesa e dytë e tutje”.  

“Pas 111 minutash nuk isha në gjendje të ndihmoja ekipin tim më shumë dhe para fundit bëra një gabim. I kërkoj falje prapë gjyqtarit dhe të gjithëve që i kam zhgënjyer mbrëmë”, ka shkruar ai në Instagram. 

Reali u mposht pas vazhdimeve nga Barcelona, ku fundi u përcoll me shumë tensione, me tre lojtarë të Real Madridi që panë kartonin e kuq. 

Lexo po ashtu Gjyqtari De Burgos Bengoetxea ka përjashtuar tre lojtarë të Real Madridit në finalen e Kupës së Mbretit 

Jude Blleingham dhe Lucas Vazques po ashtu u ndëshkuan me karton të kuq. /Telegrafi/  

The post Vjen reagimi i Antonio Rudiger pas kartonit të kuq – ai ka disa fjalë për gjyqtarin appeared first on Telegrafi.

Barcelona ka shënuar fitore me rezultat 3-2 ndaj Real Madridit në kuadër të finales së Kupës së Mbretit.

Pothuajse gjatë tërë pjesës së parë blaugranasit ishin më të rrezikshëm dhe më kërkues duke detyruar Real Madridin që të mbyllet mbrapa për të mos lënë hapësira.

Pas disa përpjekjeve të njëpasnjëshme, të besuarit e Hansi Flick ia dolën që më në fund të gjejnë golin e epërsisë.

Po luhej minuta e 28-të e takimit kur Lamine Yamal me mençuri bëri një super pasim te Pedri i cili nga jashtë zonës me një goditje të bukur realizoi për 1-0.

pic.twitter.com/LjPbb5cG92

— FC Barcelona (@FCBarcelona) April 26, 2025

Në pjesën e dytë Real Madridi reagoi duke përmbysur gjithçka me dy gola të shënuar.

Fillimisht Kylian Mbappe realizoi për 1-1 në minutën e 70-të nga goditja e dënimit, teksa për epërsinë e ‘Los Blancos’ u përkujdes Aurelien Tchouameni që realizoi me kokë për 2-1 në minutën e 77-të.

Madrilenët nuk ia dolën ta mbajnë rezultatin pasi Barcelona realizoi në minutën e 87-të me Ferran Torres për të barazuar gjithçka në 2-2.

Pak sekonda para fundit të takimit Barcelona fitoi penallti me Raphinhan, por ajo u anulua nga gjyqtari pas rishikimit nga VAR-i.

Të besuarit e Hansi Flick ia dolën ta fitojnë ndeshjen në kohën shtesë duke realizuar për 3-2 në minutën e 117-të me Jules Kounde.

Kjo ishte finalja e dytë këtë edicion që Barcelona e mposht Real Madridin pas triumfit në Superkupën e Spanjës me rezultat 5-2./Telegrafi/

The post Barcelona mban gjallë ëndrrën për tripletë, mposht Real Madridin në finale të Kupës së Mbretit appeared first on Telegrafi.

Ka përfunduar me rezultat të bararbartë 2-2 pas 90 minutave finalja mes Barcelonës dhe Real Madridit në kuadër të Kupës së Mbretit.

Pothuajse gjatë tërë pjesës së parë blaugranasit ishin më të rrezikshëm dhe më kërkues duke detyruar Real Madridin që të mbyllet mbrapa për të mos lënë hapësira.

Ata patën një rast serioz me Jules Kounde i cili me kokë rrezikoi portën e Real Madridit, por Courtois bëri një super pritje për t’ia mohuar golin.

Pas disa përpjekjeve të njëpasnjëshme, të besuarit e Hansi Flick ia dolën që më në fund të gjejnë golin e epërsisë.

Lexo po ashtu Barcelona në epërsi ndaj Real Madridit pas pjesës së parë falë super golit të Pedrit

Po luhej minuta e 28-të e takimit kur Lamine Yamal me mençuri bëri një super pasim te Pedri i cili nga jashtë zonës me një goditje të bukur realizoi për 1-0.

Në pjesën e dytë Real Madridi reagoi duke përmbysur gjithçka me dy gola të shënuar.

Fillimisht Kylian Mbappe realizoi për 1-1 në minutën e 70-të nga goditja e dënimit, teksa për epërsinë e ‘Los Blancos’ u përkujdes Aurelien Tchouameni që realizoi me kokë për 2-1 në minutën e 77-të.

Madrilenët nuk ia dolën ta mbajnë rezultatin pasi Barcelona realizoi në minutën e 87-të me Ferran Torres për të barazuar gjithçka në 2-2.

Pak sekonda para fundit të takimit Barcelona fitoi penallti me Raphinhan, por ajo u anulua nga gjyqtari pas rishikimit nga VAR-i.

Tani do të luhen vazhdimet dy herë nga 15 minuta dhe eventualisht penalltitë për t’u përcaktuar fituesi i kësaj finaleje./Telegrafi/

The post Gola, luftë dhe penallti e anuluar, ‘El Clasico’ shkon në vazhdime appeared first on Telegrafi.

Legjenda e Barcelonës, Rivaldo, ka paralajmëruar lojtarët për dëshirën e Real Madridit për të fituar një trofe këtë sezon përpara finales së Kupës së Mbretit.

Takimi mes Barcelonës dhe Realit do të luhet në stadiumin La Cartuja të Seviljes nga ora 22:00 dhe ky do të jetë dueli i dytë i dy klubeve më të mëdha spanjolle në betejën për trofe këtë sezon.

Për këtë El Clasico është folur shumë tashmë dhe i fundit që ka dhënë mendimin e tij, duke paralajmëruar Barcelonën, është legjenda braziliane, Rivaldo.

Lexo po ashtu Barcelona – Real Madrid, formacionet e mundshme të finales së Copa del Rey

“Real Madridi do të bëjë gjithçka që mundet për të ngritur Kupën kundër rivalëve të tyre më të mëdhenj”, ka thënë fillimisht Rivaldo përpara ndeshjes.

“Kjo është mundësia e tyre e artë për ta mbyllur sezonin me një trofe”.

“Në letër, Barcelona mund të duket më e fortë, por gjithçka mund të ndodhë në një finale të vetme”.

“Forma ka rëndësi, por në ndeshje si kjo, shpesh varet se kush e trajton më mirë presionin”, përfundoi ish-ylli i Barcelonës. /Telegrafi/

The post Rivaldo komenton finalen e Kupës së Mbretit mes Barcelonës dhe Real Madridit appeared first on Telegrafi.

MADRID, 26 prill /ATSH-DPA/ – Real Madrid ka kritikuar zgjedhjen e gjyqtarit për finalen e sotme të ”Copa del Rey” kundër rivalëve të mëdhenj të Barcelonës dhe i ka bërë thirrje organit drejtues RFEF të marrë masa përkatëse.

Reali lëshoi ​​një deklaratë dhe publikoi një video në faqen e tij të internetit mbi gjyqtarin Ricardo de Burgos Bengoechea, i cili sipas tyre ka marrë vendime kundër klubit në të kaluarën.

Reali është gjithashtu i zemëruar sepse Burgos i hodhi poshtë kritikat dhe tha në një konferencë për shtyp se kjo ishte një gjë negative për gjyqtarët dhe familjet e tyre.

RFEF tha në X se Real Madridi ka anuluar konferencën e tyre për shtyp para ndeshjes dhe stërvitjen në Sevilje ku luhet finalja.

“Real Madridi i konsideron të papranueshme deklaratat publike të bëra sot nga gjyqtarët e caktuar për finalen e ‘Copa del Rey”, tha klubi.

Real Madridi tha se tregoi “edhe një herë se këta gjyqtarë shfaqin qartë dhe shprehin armiqësi ndaj Real Madridit”.

Reali nuk tha se cilat masa pret që RFEF të marrë.

Disa media sportive spekuluan se Reali mund ta bojkotonte ndeshjen nëse nuk do të kishte ndryshim të gjyqtarit.

Të tjerë, duke cituar burime nga klubi, thanë se ishte e pamundur, gjithashtu sepse janë shitur më shumë se 30 000 bileta.

Reali i ka humbur të dyja ndeshjet deri më tani këtë sezon kundër Barcës, e cila është gjithashtu katër pikë përpara tyre në ligë.

Barca fitoi takimin e tyre të parë në LaLiga 4-0 në Madrid dhe i mundi ata 5-2 në finalen e Superkupës së Spanjës në janar në Arabinë Saudite./  a.jor.

The post FUTBOLL – Reali kritikon gjyqtarin përpara finales të ”Copa del Rey” kundër Barçës appeared first on Agjencia Telegrafike Shqiptare.

Finalja në ‘La Cartuja’ vlen “dy” tituj: Kupa, e cila është në lojë dhe titulli i La Ligës, që mund të ndikohet nga ajo që do të ndodhë këtë të shtunë. Real Madridi dhe Barcelona janë të përfshirë në të dyja garat, dhe renditja e tyre aktuale mund të ndryshojë sa hap e mbyll sytë. Konkretisht, gjatë kohës që zgjat përballja ballë për ballë.

Finalja e Kupës së Mbretit do të shkaktojë një tërmet që do të ketë pasgoditjet e tij në ligë. Për mirë apo për keq. Kushdo që fiton në Sevilje, jo vetëm do të largohet me një tjetër titull në brez, por do të forcohet edhe për synimet e ardhshme.

Ndikimi i përplasjes mes Real Madridit dhe Barcelonës lë një hije pasigurie se çfarë mund të ndodhë me të dyja skuadrat ditën e nesërme. Ajo që është e zezë mund të jetë e bardhë për skuadrën e Carlo Ancelottit, dhe ajo që është e bardhë mund të jetë e zezë për skuadrën e Hansi Flick. Është fuqia që vjen nga të dyja skuadrat që luftojnë njëra-tjetrën për një titull.

Lexo po ashtu Barcelona – Real Madrid, formacionet e mundshme të finales së Copa del Rey

Në këtë kuptim, finalja në ‘La Cartuja’ i paraqitet Real Madridit si një mundësi për të destabilizuar Barcelonën, e cila aktualisht është në një pikë ku gjithçka po shkon mirë për ta: favoritë në Kupë, liderët solidë në Ligë dhe në gjysmëfinale të Ligës së Kampionëve. Por, një fitore e Los Blancos mund ta kthejë përmbys momentin idilik të Barçës.

Dhe ky është atuti i dyfishtë që njerëzit e Ancelottit duan të luajnë. Nga njëra anë, për të shpenguar veten, për të rrëmbyer një trofe nga Blaugranët dhe për t’u hakmarrë për Superkupën e Spanjës. Nga ana tjetër, ata duan t’i japin një goditje katalanasve në ndjekjen e tyre për një rikthim në ligë, me El Clasicon vendimtare të Ligës më 11 maj.

Për ta arritur këtë, mposhtja e tyre në finalen e Kupës së Mbretit është e vetmja mënyrë për të tentuar të transferojnë krizën nga një ekip në tjetrin dhe të përfitojnë prej saj në luftën e dëshpëruar për të rifituar epërsinë.

Katër El Clasico për tre tituj

Nga ana e saj, Barça ka mundësinë t’i japë dorën e fundit rivalit të saj të madh. Fitimi i kupës do të përfaqësonte një pohim pothuajse definitiv të autoritetit për skuadrën e Flick në një sezon në të cilin Barcelona do të rifitonte një pjesë të dominimit të saj të humbur dhe do të vinte në distancë goditëse nga një tripletë e Ligës, Kupës dhe Superkupës së Spanjës, diçka që ishte e vështirë të imagjinohej në fillim të sezonit.

Përveç kësaj, do të ishte një përforcim spektakolar i vetëbesimit për objektivin kryesor të Barçës, që nuk është tjetër veçse Liga e Kampionëve.

Ky është një sezon në të cilin të gjitha El Clasicos janë vendimtare. Katër do të kontestohen dhe të gjitha kanë qenë ose do të jenë kyç për tre titujt në lojë. Titulli i Ligës mund të vendoset në grupin prej gjashtë pikësh që luhet mes të dyve gjatë gjithë kampionatit, duke pasur parasysh barazinë mes të dyve, dhe dy të tjerët ballë për ballë vendosën Superkupën e Spanjës, së pari, dhe tani Kupën e Mbretit. /Telegrafi/

The post Një finale e El Clasicos me vlerë ‘dy’ tituj appeared first on Telegrafi.

Real Madridi është akuzuar prej vitesh se ka punuar me gjyqtarët në avantazhin e tyre. Thuhet se mbretërit nuk mund të fitojnë pa ndihmën e zyrtarëve – veçanërisht arbitrave spanjollë në La Liga.

Në sezonin 2024/25, Barcelona kryeson tabelën, por a kanë pushuar vërtet gjyqtarët favorizimet e Madridit? Aspak – incidente të shumta të diskutueshme tashmë janë grumbulluar, raporton Dioario Sport.

Lexo po ashtu Deklarata skandaloze e gjyqtarit të VAR-it që nxiti reagimin brutal të Realit para finales

Më poshtë mund t’i shikoni 19 vendimet që kanë shkuar në favor të Real Madridit:

Një goditje e rrezikshme nga Eduardo Camavinga në ndeshjen kundër Mallorcas – por ai nuk merr karton të kuq.

Lojë e pastër me dorë në ndeshjen kundër Leganes, por nuk u dha penallti.

Një penallti e dhënë për Real Madridin, edhe pse faulli ndodhi jashtë zonës së rreptësisë.

Asnjë karton për Vinicius Jr. pas kësaj ndërhyrje të ashpër.

Endrick godet një lojtar këmbëve – dhe nuk merr një karton.

Asnjë karton për Antonio Rudiger, edhe pse godet kundërshtarin.

Federico Valverde gjithashtu shpëton pa karton të verdhë.

Jude Bellingham fyen arbitrin – dhe gjithashtu mbetet i pandëshkuar.

Në kontrast: në ndeshjen e Barcelonës kundër Rayo Vallecano, gjyqtari Soto Grado e anuloi golin që e kaloi Barçën në epërsi – për shkak të një goditjeje të supozuar nga Kounde, edhe pse Barça kishte zotërimin e topit dhe pasimi ishte luajtur tashmë.

Një penallti e pastër ndaj Dani Olmos nuk është dhënë në të njëjtën ndeshje.

Në ndeshjen kundër Villarrealit: Dy goditje brutale ndaj Lamine Yamal – synimi i qartë për ta lënduar atë. Si Cardona ashtu edhe Ilias shmangin një karton të kuq.

Në ndeshjen kundër Osasuna, gjyqtari e anashkaloi lojën e ashpër kundër Lamine Yamal për një kohë të gjatë – derisa më në fund u rrëzua.

Kundër Real Sociedad, goli 1–0 i Barcelonës anulohet për shkak të një pozicioni inekzistent nga Robert Lewandowski.

Kundër Celtas, Mingueza shkel në këmbën e Raphinhas, por nuk përjashtohet. Në të kundërt, Ferran Torres mori një karton të kuq për të njëjtin veprim.

Sjellje e përsëritur e pamatur dhe agresive nga Chimy Avila gjatë ndeshjes kundër Real Betis. Ai u largua nga fusha pa marrë as karton të verdhë.

Në ndeshjen kundër Las Palmas, nuk u dha asnjë penallti për ndërhyrjen në Cubarsin dhe asnjë penallti për një kapje të pastër. /Telegrafi/

The post E kundërta nga ajo që thuhet prej Real Madridit, mediumi spanjoll shfaq 19 “gabimet” nga të cilat përfituan Los Blancos appeared first on Telegrafi.

Raportimet e fundit nga Spanja kanë bërë me dije se Real Madridi po synon të ndërmarrë masa drastike para finales së Kupës së Mbretit ndaj Barcelonës. 

Barcelona dhe Real Madridi është paraparë që të përballen nesër (e shtunë) me fillim nga ora 22:00 në ‘La Cartuja’ të Sevillas për finalen e Kupës së Mbretit. 

Megjithatë, gjatë ditës së sotme (e premte) një konferencë për shtyp e gjyqtarit Ricardo De Burgos Bengoetxea i cili është caktuar të ndajë drejtësinë në këtë finale, ka shkaktuar polemika të shumta. 

Gjyqtari në fjalë shpërtheu në lot gjatë konferencës për shtyp duke akuzuar në mënyrë indirekte Real Madridin për presionin që po i bëjnë atij para finales. 

Lexo po ashtu Shpërthen në lot para ‘El Clasicos’ gjyqtari i njohur spanjoll – shkak u bë Real Madridi

Burgos Bengoetxea tha se pasojat për videot që publikon Real Madridi po i vuan familja e tij. 

Nga ana e Real Madridit kanë mbetur të shokuar nga pretendimet e gjyqtarit spanjoll dhe ata kanë kërkuar nga Federata e Spanjës që të caktojë një gjyqtar tjetër për të ndarë drejtësinë në finale si dhe dhomën e VAR-it. 

#ÚltimaHora Máxima tensión arbitral en la Copa: el Madrid no se presenta a la previa de La Cartuja en respuesta a los árbitros… Y se plantea no jugar la final https://t.co/gPkpdec07C

— EL MUNDO (@elmundoes) April 25, 2025

Siç është raportuar deri më tani, kjo kërkesë e madrilenëve është refuzuar nga Federata diçka që ka frustruar Real Madridin. 

Ata tashmë kanë anuluar konferencën për media që është paraparë të mbahet sot si dhe seancën e fundit stërvitore. 

Media të ndryshme kanë konfirmuar se Real Madridi ka mundësi të mos paraqitet fare në fushë nesër në rast se Federata nuk cakton një gjyqtar tjetër./Telegrafi/

The post Finalja e ‘El Clasicos’ rrezikon të mos luhet fare pas vendimit drastik të Real Madridit appeared first on Telegrafi.

Real Madridi është bërë i njohur për publikimin e videove të vendimeve të gjyqtarëve, dhe e fundit e tyre është postuar në prag të finales së Kupës së Mbretit, që i sheh ata të përballen me Barcelonën në La Cartuja.

Në fillim të kësaj jave, u konfirmua se njeriu në mes për Superclasicon do të jetë Ricardo De Burgos Bengoetxea, i cili është një nga gjyqtarët më me përvojë në futbollin spanjoll. 39-vjeçari ka marrë drejtimin e El Clasico në disa raste dhe kjo do të jetë e fundit.

Por të enjten, De Burgos Bengoetxea u bë referi i fundit që u bë objekt i videove të kontrollit të arbitrave të Real Madrid TV. Sipas Marca, RMTV ka nxjerrë në pah “gabimet” e supozuara të bëra nga zyrtari në ndeshjet që përfshijnë Los Blancos.

“Me arbitrin bask, Real Madrid ka vetëm 64 për qind fitore. Nga ana tjetër, Barcelona ka një përqindje fitoresh 81 për qind. Një ndryshim i pabesueshëm, të cilit i shtohet edhe fakti se skuadra e Ancelottit ka fituar vetëm dy nga pesë ndeshjet e fundit me të në fushë”, ka shkruar Marca.

Lexo po ashtu Perez bën premtim tek lojtarët e Real Madridit nëse mposhtin Barcelonën në finalen e Kupës së Mbretit

Por gjëja më e habitshme vjen më pas, sepse edhe pse Ricardo de Burgos nuk ka qenë kurrë një referencë ndërkombëtare nga FIFA për garat ndërkombëtare.

“FIFA nuk ka llogaritur tek ai as për asnjë nga kompeticionet e saj. Megjithatë, në Spanjë kjo do të jetë tashmë finalja e tij e tretë mes Real Madridit dhe Barcelonës, pas Superkupave të 2017 dhe 2023. Një njohje në Spanjë që nuk e ka në nivel ndërkombëtar, por edhe kështu vazhdon të arbitrojë ndeshje të këtij kalibri”, thuhet më tej.

Shpresa e të gjithë të përfshirëve në këtë ndeshje është që ajo të kalojë pa polemika, gjë që ka ndodhur në dy takimet e mëparshme të El Clasico këtë sezon.

Barcelona i fitoi të dyja, por me Kylian Mbappe dhe Ferland Mendy të rikthyer nga lëndimi, Real Madridi do të shpresojë se mund të hakmerret. /Telegrafi/

The post Real Madrid TV publikon video të gjyqtarit që do ta drejtojë finalen e Kupës së Mbretit appeared first on Telegrafi.

Real Madridi tani është duke u fokusuar në finalen e Copa del Rey, një kompeticion në të cilin madrilenët shpresojnë të kenë një ndikim të rëndësishëm.

Bardhezinjtë do të përballen me një provë të vështirë dhe vendimtare këtë të shtunë në La Cartuja.

“Dy titujt që kemi në lojë, pa llogaritur Kupën e Botës për Klube, varen nga mposhtja e Barcelonës. Ky është i vetmi dyshim që nuk kemi për momentin”, deklaroi Ancelotti para mediave.

“Nëse duam të fitojmë të dyja kompeticionet, duhet t’i fitojmë këto dy ndeshje. Ne do të duhet të bëjmë mirë në ndeshjen e ardhshme dhe të fokusohemi në finalen e Kupës”.

Lexo po ashtu Ancelotti kryqëzon lojtarin e Real Madridit në konferencë për media para ndeshjes me Barcelonën

“Jemi të sigurt se mund ta bëjmë këtë dhe ta arrijmë diçka, në lidhje me këtë duhet të ndryshojmë, natyrisht”, shtoi më tek italiani.

Këto fjalë bënë të qartë rëndësinë e fitimit të titullit të Kupës së Mbretit, pasi ndjenjat e bardhezinjve në javët e fundit nuk kanë qenë aspak pozitive.

Për më tepër, fakti që finalja është kundër Barcelonës e bën atë edhe më të rëndësishme, aq më tepër që bota e futbollit do t’i ketë sytë në fushën e stadiumit La Cartuja.

Kjo shpjegon pse Florentino Perez pati një takim të rëndësishëm me lojtarët e tij në orët e fundit për të diskutuar mbi Copa del Rey, raporton Diario OK.

Lexo po ashtu Flick duket se ka gati formacionin startues përballë Realit në finalen e Kupës së Mbretit

Presidenti i Real Madridit raportohet se u ka premtuar lojtarëve një bonus të veçantë nëse mposhtin Barçën, përtej atij të rënë dakord tashmë për turneun eliminator, kjo është një kënaqësi e minutës së fundit. /Telegrafi/

The post Perez bën premtim tek lojtarët e Real Madridit nëse mposhtin Barcelonën në finalen e Kupës së Mbretit appeared first on Telegrafi.

Të shtunën e kësaj fundjave (26 prill), Real Madridi dhe Barcelona do të përballen me njëri-tjetrin në finalen e Copa del Rey.

Blaugranasit do të kërkojnë të vendosin gurin e themelit për ‘tripletën’ e lakmuar për të cilin janë ende në garë. Dhe skuadra e Carlo Ancelottit ka mundësinë të rregullojë një pjesë të një sezoni të ‘çuditshëm’.

Një El Clasico është gjithmonë një ndeshje ndryshe nga të tjerat, një ndeshje ku gjithçka mund të ndodhë. Dhe aq më tepër nëse është një finale për një titull.

Çdokush mund të fitojë një ndeshje të vetme, pavarësisht se çfarë ka bërë njëri prej tyre deri më tani. Këto janë ndeshje ku nuk duhet folur për favoritët. Diçka që ka habitur fansat me fjalët e Ancelottit.

Lexo po ashtu Ancelotti kryqëzon lojtarin e Real Madridit në konferencë për media para ndeshjes me Barcelonën

Trajneri italian e di shumë mirë se e ardhmja e tij në klub varet nga mposhtja e Barçës të shtunën. Ndeshja në ‘La Cartuja’ është shumë më tepër se një titull, dhe presioni është në rritje te italiani. Ndoshta për këtë janë të kuptueshme deklaratat e tij pas fitores së ngushtë në Getafe.

Bardhezinjtë luajtën një pjesë të parë të rrjedhshme me presion të lartë dhe rikuperime të shpejta. Por në pjesën e dytë gjithçka ndryshoi dhe ne pamë sërish një Real Madrid të rrethuar nga kundërshtarët dhe pa kontroll të ndeshjes.

Kjo është arsyeja pse trajneri i Real Madridit u pyet për këtë në një konferencë për shtyp: “Qëllimi ishte të merrnim tri pikë dhe ne e bëmë. Luajtëm një pjesë të parë shumë të mirë dhe një pjesë të dytë më të vështirë sepse Getafe shtyu pak më fort dhe e bëri të vështirë kontrollimin e topit”.

Megjithatë, i pyetur nëse ajo lojë duhet të përsëritet të shtunën në finale, fjalët e tij nuk u pritën mirë: “Siç thashë, Barça mund të vijë si favorit, por është një finale, gjithçka mund të ndodhë”.

Pavarësisht inercisë së të dyja skuadrave, askush nuk e kupton sesi trajneri i Real Madridit e bën kundërshtarin favorit. Është diçka që ai mund ta mendojë, por jo ta shprehë publikisht, të paktën jo para fansave të tij.

I vetmi shpjegim është se italiani mendon se është më mirë që rivali i tij i përjetshëm të arrijë në finale me më shumë besim. Sidomos pasi mësova shkallën e lëndimeve të Edouardo Camavingas dhe David Alabas.

The post Ancelotti bën parashikimin për finalen e Kupës së Mbretit përballë Barcelonës appeared first on Telegrafi.

Presidenti i Barcelonës, Joan Laporta ka shprehur besimin se skuadra ka një shans të mirë për të fituar tre trofe, pas fitores së tyre të ngushtë ndaj Mallorcas që i vendosi shtatë pikë më shumë në krye të La Ligës. 

 Duke folur përpara finales së Kupës së Mbretit kundër Real Madridit, Laporta vlerësoi performancën e ekipit dhe shprehu mirënjohjen e tij për trajnerin Hansi Flick dhe lojtarët. 

 “Atmosfera është fantastike. Njerëzit janë shumë të emocionuar dhe kjo është shumë e këndshme për t’u parë”. 

 “Ajo që duhet të bëjnë tifozët e Barcelonës është t’i besojnë trajnerit dhe lojtarëve tanë. Jam i bindur se nën drejtimin e Hansi Flick dhe këtij talenti që lojtarët vendosin ne do të kemi një shans për tre trofe”, deklaroi i pari i Barcelonës.  

 Laporta paralajmëroi gjithashtu skuadrën të qëndrojë në tokë dhe të përqendruar. 

Lexo po ashtu Figo zbulon favoritin e Ligës së Kampionëve dhe cilën skuadër do të mbështesë mes Interit dhe Barcelonës

“Ne po luajmë shumë mirë, por nuk kemi arritur ende asgjë. Një finale është koka ose bishti – çdo gjë mund të ndodhë, por ne jemi shumë të sigurt”, përfundoi ai. /Telegrafi/  

The post Joan Laporta tregon se çfarë synon Barcelona këtë sezon nga tri garat appeared first on Telegrafi.

Po afrohet finalja e madhe e Copa del Rey, ku do të ketë një El Clasico mes Real Madridit dhe Barcelonës.

Finalja e madhe mes Barcelonës dhe Real Madridit do të zhvillohet këtë të shtunë me fillim nga ora 22:00 në Estadio de La Cartuja.

Trajneri i Real Madridit, Carlo Ancelotti, ka komentuar situatën në lidhje me përzgjedhjen e portierëve për finalen e Kupës së Mbretit kundër Barcelonës.

Kur u pyet se cili portier do të luaj në finale, Ancelotti nuk e ka përjashtuar as të tretin Fran Gonzalez.

“Lunin është rikthyer në skuadër. A do të luajë në finale? Mund të jetë Lunin apo Courtois. Nuk do ta përjashtoja as Fran Gonzalez , ai gjithashtu po tregon formë të mirë,” tha Ancelotti.

Andriy Lunin u përfshi në skuadër për herë të parë në katër xhiro gjatë ndeshjes së raundit të 32-të të La Ligës kundër Athletic Bilbaos. /Telegrafi/

The post Ancelotti pyetet se cili portier do të mbrojë në finalen e Copa del Rey, befason me përgjigjen e tij appeared first on Telegrafi.

Lojtarët e Real Madridit duket se kanë gjetur mënyrën se si të triumfojnë ndaj Barcelonës kur të takohen në finale të Kupës së Mbretit më vonë gjatë këtij muaji. 

Barcelona u kualifikua në finale të Kupës së Mbretit pasi e mposhti Atletico Madridin me rezultat të përgjitshëm 5-4 pas dy ndeshjeve. 

Kjo fitore bëri që të kemi ‘El Clasicon’ e parë në një finale që nga viti 2014. Tani, sipas një raportimi nga El Chiringuito, liderët e Real Madridit besojnë se ata kanë gjetur një mënyrë se si t’i mposhtin blaugranasit. 

‘Los Blancos’ beson se në rast ata arrijnë të konkurrojnë për 60 minutat e para të ndeshjes, duke qëndruar me rezultat të barabartë ose duke fituar, do të sigurojnë trofeun. 

Grupi i liderëve të Real Madridit beson se Barcelona vuan në aspektin fizik në fazat e fundit të ndeshjes. 

Në këtë mënyrë, Madridi ka besim se ata janë superior ndaj rivalit të tyre në aspektin fizik dhe kjo mund t’i jap atyre një dorë ndihme në këtë ndeshje. 

Lexo po ashtu Real Madridi përfitoi një shifër rekord parash pasi fituan Ligën e Kampionëve vitin e kaluar

Kujtojmë se në dy përballjet e para të këtij sezoni mes dy skuadrave, Barcelona i ka fituar të dyja me rezultat 4-0 dhe 5-2 respektivisht. 

Të dy ekipet do të rikthehen në aksion gjatë vikendit, me Real Madridin që do të jetë nikoqir i Valencias, ndërsa Barcelona e Real Betisit./Telegrafi/

The post Real Madridi ka zbuluar planin se si ta mposhtë Barcelonën në finale të Kupës së Mbretit appeared first on Telegrafi.

Real Madrid dhe Barcelona do të luajnë finalen e Kupës së Mbretit të Spanjës më 26 prill në stadiumin La Cartuja.  

Stadiumi i Sevillas ka pritur finalen e Kupës së Spanjës që nga sezoni 2019/2020, pasi iu dha e drejta për ta pritur atë për katër vjet, e cila më pas u zgjat edhe për dy të tjera.  

Vitin e kaluar në finale luajtën Mallorca dhe Athletic Bilbao, por në këtë stadium, ku baskët triumfuan. 

Pas ndeshjeve gjysmëfinale, në të cilat Real Madridi dhe Barcelona eliminuan Real Sociedadin dhe Atletico Madridin, është planifikuar që përfaqësuesit e të dyja klubeve të takohen këtë të premte në orën 12 për të rënë dakord për detajet e finales, duke përfshirë afatet dhe mënyrën e shpërndarjes së biletave. 

Stadiumi La Cartuja zgjeroi kapacitetin e tij këtë vit, në mënyrë që 72,000 shikues të mund të ndjekin finalen e 26 prillit.  

Pas përmirësimit të fundit, stadiumi Andaluzian është bërë i katërti më i madhi në Spanjë, pas Spotify Camp Nou të ri (104,000), Santiago Bernabéu (81,044) dhe Civitas Metropolitano (70,460), shkruan Mundo Deportivo. 

Lexo po ashtu Flick krijoi një përbindësh - rekordet që po ndjek Barcelona këtë sezon me trajnerin gjerman

Shpërndarja e biletave do të ndjekë modelin e zakonshëm – secili nga finalistët do të marrë 40 për qind të numrit të përgjithshëm të biletave, ndërsa 20 për qind e mbetur do të shpërndahet nga Federata Spanjolle e Futbollit (RFEF).   Kjo do të thotë se çdo klub do të ketë rreth 28,000 bileta në dispozicion për tifozët e tyre. 

Mediat spanjolle po raportojnë sot se si duket stadiumi La Cartuja në këto momente, 23 ditë para finales së Copa del Rey.  

Në videon e publikuar, shihet që stadiumi nuk është ende gati, kur kanë mbetur më pak se katër javë para ndeshjes. 

Així està l’Estadi de La Cartuja de Sevilla a 23 dies de la final de la Copa del Rei

via @LibreDirectoSEV #FCBlive pic.twitter.com/l7A68QNbYH

— Què T’hi Jugues (@QueThiJugues) April 3, 2025

Por spanjollët besojnë, që ky stadium do të jetë në gjendjen më të mirë në ditën e takimet. /Telegrafi/   

The post Real Madrid dhe Barcelona do të luajnë këtu finalen e Kupës së Mbretit pas 23 ditësh – pamjet e fundit nga stadiumi që po rinovohet appeared first on Telegrafi.

Raphinha priti Rodrigo De Paul në korridorin që të çon drejt dhomave të zhveshjes dhe e ngushëlloi pas eliminimit të Atlético Madrid nga Kupa e Mbretit, pas humbjes ndaj Barcelonës. Një përqafim dhe një gjest i madh sportiviteti, që shuan polemikat e ndezura gjatë përplasjes mes Argjentinës dhe Brazilit.

Futbollisti brazilian e ngushëlloi kundërshtarin e tij argjentinas pas betejës në “Metropolitano”, ku Barça e Hansi Flick siguroi një vend në finalen e turneut kombëtar kundër Real Madridit. Një moment i bukur pas tensioneve të shumta që ishin krijuar në Superklasikun mes dy përfaqësueseve.

Raphinha ngushëllon De Paul pas Atlético-Barça

Raphinha e priti De Paul në korridor dhe e përqafoi pas eliminimit të Atlético Madrid nga Kupa e Mbretit – një veprim që ndihmoi në shuarjen e polemikave dhe tensioneve të përplasjes Argjentinë-Brazil disa ditë më parë.

Braziliani kishte qenë në qendër të një polemike të madhe përpara sfidës mes dy rivalëve të përjetshëm të Amerikës së Jugut, për shkak të disa deklaratave provokuese të tij (“Do t’i mundim patjetër, brenda dhe jashtë fushës”). Pas humbjes së rëndë 4-0 ndaj Argjentinës, Raphinha u bë objekt talljeje në mbarë botën nga lojtarët e “Albiceleste”, të cilët nuk e kishin harruar fjalët e tij, si dhe nga e gjithë atmosfera e “Monumental”-it në Buenos Aires.

El saludo de Rodrigo De Paul y Raphinha, con intercambio de camisetas, post Atlético-Barça hoy… pic.twitter.com/QdBGC5ZLS9

— Ataque Futbolero (@AtaqueFutbolero) April 3, 2025

Scaloni kishte bërë të njëjtën gjë…

Trajneri i Argjentinës, Lionel Scaloni, pas ndeshjes dha një shembull të madh sportiviteti, duke e përqafuar brazilianin dhe duke treguar klas. Përplasjet mes Argjentinës dhe Brazilit janë gjithmonë të zjarrta dhe deklaratat e Raphinhës i kishin ndezur edhe më shumë gjakrat.

Pas gjithë këtij kaosi, Raphinha bëri një hap pas dhe me një gjest të vetëm tregoi se të gjitha ato tensione tashmë i përkisnin së kaluarës – të paktën për momentin.

The post Raphinha takohet me De Paul dhe e përqafon: respekt pas kaosit të Argjentinë-Brazil appeared first on Lapsi.al.