Dhoma e Tregtisë e Los Angelesit ka shpallur listën e 35 personaliteteve që do të nderohen me një yll në ‘Hollywood Walk of Fame’ në vitin 2026.
Lista përfshin emra të njohur nga fusha të ndryshme si filmi, televizioni, muzika, teatri dhe sporti.
Në kategorinë e filmit do të nderohen aktorë të njohur si Miley Cyrus, Demi Moore, Timothee Chalamet, Rachel McAdams, Rami Malek, Emily Blunt, Stanley Tucci, dhe Franco Nero.
Miley Cyrus
Një moment historik do të jetë për Deepika Padukone, e cila do të bëhet aktorja e parë nga Bollywood-i që do të ketë një yll në Hollywood.
Në televizion, mes të përzgjedhurve janë Gordon Ramsay, Lucero, si dhe prezantuesit Robin Roberts dhe George Stephanopoulos.
Kategoria e muzikës përfshin emra të tillë si Josh Groban, Lyle Lovett, The Clark Sisters, grupi meksikan Intocable dhe vetë Miley Cyrus, e cila do të nderohet edhe për kontributin në skenën muzikore.
Në skenën e teatrit dhe performancës live do të vlerësohen Lea Salonga, ylli filipinas i “Miss Saigon” dhe komediani Gabriel Iglesias (Fluffy).
Në kategorinë e sportit, Shaquille O’Neal do të jetë i vetmi që do të marrë një yll, ndërsa regjisori Tony Scott dhe Carlo Rambaldi do të nderohen pas vdekjes.
Kjo listë shumëngjyrëshe përfaqëson një përzierje ndërkombëtare talentesh që kanë dhënë kontribute të rëndësishme në industrinë e argëtimit. /Telegrafi/
Miley Cyrus po kthen kokën pas në një nga momentet më të bujshme të karrierës së saj — performanca në MTV Video Music Awards në vitin 2013 — dhe po i jep meritë një emri për ndihmën: Jimmy Kimmel.
Këngëtarja fituese e çmimit Grammy, tani 32 vjeçe, u shfaq në emisionin Jimmy Kimmel Live!, ku foli për rrugëtimin e saj artistik dhe pranoi se Kimmel ka qenë dëshmitar i transformimeve të saj ndër vite.
Gjatë bisedës, ajo zbuloi se fillesat e epokës së saj të njohur si “Bangerz” kishin rrënjë pikërisht në një vizitë të mëparshme në këtë emision.
“Jam shumë e lumtur që po më sheh në këtë epokë të re,” tha Cyrus. “Kjo epokë është më e sofistikuar, por duhet të them që shfaqja jote më ndihmoi të krijoja momentin në VMA 2013.”
Cyrus shpjegoi se e kishte përdorur paraqitjen e saj në Jimmy Kimmel Live! si një provë para se të shfaqej në skenën e VMA-ve.
“Erdha këtu më parë dhe e përdora si një test, ku kërceva me një kostum të veshur si arush, dhe të gjithë menduan që isha e çmendur,” kujtoi ajo. “Por e bëra këtu fillimisht për të parë nëse do funksiononte.”
Në qershor 2013, Cyrus mbajti një koncert të jashtëm për emisionin e Kimmel, ku interpretoi disa nga hitet e saj, duke shfaqur një imazh shumë më rebel krahasuar me kohën e saj në Disney Channel.
Vetëm dy muaj më pas, në gusht, ajo tronditi skenën e MTV VMAs me një performancë provokuese përkrah Robin Thicke, që shokoi publikun dhe i ndryshoi përfundimisht imazhin publik.
Edhe pse momenti shkaktoi polemika, ai përbën një pikë kthese në karrierën e saj. Në një intervistë për revistën Wonderland në vitin 2018, Cyrus tha:
“Jo vetëm që kultura u ndryshua, por edhe jeta dhe karriera ime ndryshuan përgjithmonë. Më frymëzoi të përdor platformën time për diçka më të madhe. Nëse bota do fokusohet tek unë, atëherë ajo që bëj duhet të ketë ndikim dhe të jetë e madhe.”
Në një video për British Vogue në vitin 2023, Cyrus u kthye te veshja e saj e famshme në VMA, një kostum me tematikë arushi lodër. Duke folur me kamerën, ajo tha me humor:
“Kjo ishte tepër kontroverse dhe bëri shumë njerëz të zemëruar. E përsëris: ky kostum arushi i zemëroi shumë njerëz.”
Ajo gjithashtu ndau frymëzimin pas pamjes:
“U frymëzova nga një skulpturë e artistit Todd James që më pëlqeu shumë. Arushi më kujtoi veten time për disa arsye – më dukej i bukur.”
Naomi Campbell dhe Miley Cyrus u panë së bashku në një dalje të sofistikuar në Londër të shtunën, duke tërhequr vëmendjen me elegancën e tyre të padiskutueshme.
Supermodelja 55 vjeçe, mahniti me një fustan dantelle të zezë që i theksonte linjat e tonifikuara, i kombinuar me taka elegante dhe syze të errëta që plotësonin pamjen e saj glamuroze.
Ndërkohë, Miley, 32 vjeçe, shkëlqeu me një veshje minimaliste, por plot stil – një bluzë e zezë e shkurtë dhe fund saten që i dhuronte një hijeshi klasike, shkruan DailyMail.
Me syze dielli në formë ovale dhe doreza të zeza sateni, këngëtarja e hitit “Flowers” u shfaq në eventin promovues të albumit të saj më të fundit “Something Beautiful”, duke marrë pjesë edhe në nënshkrimin e disqeve për fansat.
Në të njëjtin ambient, edhe babai i saj, Billy Ray Cyrus, u pa me partneren e tij, Liz Hurley.
Mbrëmja përkon me kthimin e Miley-t në vëmendjen mediatike për shkak të rrëfimeve të saj të sinqerta për marrëdhëniet familjare dhe sfidat personale që ka përballuar ndër vite, një tjetër dëshmi e transformimit të saj nga yll i Disney-t në një ikonë të muzikës dhe stilit. /Telegrafi/
Miley Cyrus ka treguar me humor për marrëdhënien e saj me Maxx Morando, duke e quajtur veten një “pumë” për shkak të diferencës në moshë.
Gjatë një bisede në podkastin familjar “Sorry We’re Cyrus”, këngëtarja dhe fituesja e çmimit ‘Grammy’ u shpreh për romancën me bateristin 26-vjeçar, me të cilin është në lidhje që nga viti 2021.
Ajo tregoi se janë shumë të afërt, pavarësisht diferencës gjashtëvjeçare në moshë, madje tha me të qeshur se ndonjëherë diferenca zbret në vetëm katër vjet për disa ditë, shkruan DailyMail.
Gjatë episodit, ajo ndau edhe mendime për mënyrën se si e sheh lidhjen e tyre dhe karakterin e Maxx, duke e krahasuar me karakteristikat tipike të shenjës së Akrepit.
Miley e përshkroi partnerin si dikë që “di të pickojë” dhe shtoi se nuk do të mund të ishte me dikë që nuk kishte këtë lloj “shkëndije”.
Përveç kësaj, ajo kujtoi se si lidhja e tyre nisi nga një “takim i verbër” dhe theksoi se kanë vendosur ta mbajnë jetën e tyre private larg syrit të publikut.
Megjithatë, çifti është parë së bashku në disa evente të rëndësishme këtë vit, përfshirë ceremoninë e çmimeve Oscar dhe ngjarje të tjera publike në Los Angeles dhe New York.
Në po të njëjtin episod, Miley foli edhe për bashkëpunimin me familjen e saj dhe e bëri me humor faktin që si nëna, ashtu edhe motra e saj janë gjithashtu në lidhje me burra më të rinj. Ajo madje theksoi se ka “diferencën më të madhe” në moshë dhe prandaj është “më e mira” nga të treja.
Në fund, këngëtarja komentoi edhe mbi një deklaratë për bashkë-yllin e saj në “Hannah Montana”, Mitchel Musso, duke përmendur në mënyrë spontane një episod të shkuar, të cilin ai e mohoi publikisht, por gjithashtu la të hapur mundësinë për të ndarë historitë e tij nga ajo kohë.
Në mënyrën tipike të Miley-t – pa komplekse, me humor dhe e drejtpërdrejtë – artistja vazhdon të flasë hapur për jetën, dashurinë dhe të kaluarën e saj, duke e ruajtur statusin e saj si një nga zërat më autentikë në industrinë e muzikës dhe showbizit. /Telegrafi/
Miley Cyrus dhe babai i saj, Billy Ray Cyrus, me sa duket kishin më të mirën e të dy botëve në sheshxhirimin e serialit “Hannah Montana”.
32 vjeçarja, ishte e ftuar në podkastin “Sorry We’re Cyrus” të nënës së saj Tish Cyrus dhe motrës së saj Brandi Cyrus, aty ku iu përgjigj një sërë pyetjesh.
«Cili është një kujtim thelbësor nga ditët e Hannah Montana-s që të bën ende të qeshësh?» pyeti Tish.
Pa hezitim, këngëtarja e “Flowers” u përgjigj: “Babi pinte marijuanë dhe të gjithë më fajësonin mua për këtë.”
Dyshja baba-bijë luajti në sitcom-in për adoleshentë, i cili u transmetua në Disney Channel nga viti 2006 deri në vitin 2011.
Miley e kujtoi situatën si “për të qeshur”, ndërsa Tish i kujtoi gjërat pak më ndryshe. Tish, e cila u divorcua nga Billy Ray në vitin 2022 pas 28 vitesh martesë, tha se merrte telefonata se këngëtari i “Achy Breaky Heart” “po pinte marijuanë”, por nuk do t’i besonte kurrë raportet.
«Po thoja, ‘Absolutisht jo, ai nuk do ta bënte kurrë këtë,’» tha Tish.
Miley Cyrus ka zbuluar se nuk e ka harruar incidentin me tortën në formë penisi që i kushtoi një rol të rëndësishëm në fillim të karrierës së saj.
Gjatë një interviste në podkastin e Monica Lewinsky, këngëtarja 32-vjeçare foli për përjashtimin e saj nga filmi “Hotel Transylvania” kur ishte vetëm 18 vjeç, pasi doli një foto ku ajo i dhuronte një tortë në formë penisi të dashurit të atëhershëm, Liam Hemsworth.
“Si shaka, i bleva të dashurit tim një tortë në formë penisi për ditëlindje dhe më pushuan nga puna,” tha ajo. “Isha aktorja kryesore në ‘Hotel Transylvania’ dhe më zëvendësuan sepse bëra një shaka për të rritur, edhe pse isha 18 vjeç.”
Fillimisht, ylli i “Hannah Montana” ishte caktuar për të dhënë zërin e personazhit Mavis Dracula në filmin e animuar nga Sony Pictures që doli në vitin 2012. Pas publikimit të fotos, ajo u zëvendësua nga Selena Gomez, një tjetër yll i Disney Channel.
“Ajo që më duket absurde është se në çdo festë beqarie sheh torta në formë penisi, gota, e gjithçka tjetër. Nuk është ndonjë gjë e madhe,” shtoi ajo.
Cyrus sqaroi se fotoja nuk ishte postuar prej saj, por i kishin vjedhur çantën dhe kamerën në një festë private. “Nuk ishte asgjë që e postova vetë. Ishte një ngjarje private dhe më grabitën.”
Ajo tregoi gjithashtu se incidenti e kishte lënduar shumë emocionalisht. “Mbaj mend që u hodha në pishinë dhe thashë: ‘Nuk do dal derisa të më ktheni punën’. Ishte shumë e vështirë për mua.”
Pas këtij episodi, këngëtarja e hitit “Flowers” nisi të takonte një terapist për të përballuar pasojat emocionale të situatave të tilla.
Nëse një situatë e tillë do të ndodhte sot? Cyrus u përgjigj: “Nuk e di nëse sot i vendosim yjet e Disney-t në piedestalin që i vendosnim atëherë, por ende ndodh që aktorët përballen me pasoja për veprime që nuk përputhen me audiencën për të cilën janë bërë filmat.”
Më herët në intervistë, ajo rrëfeu se kishte humbur edhe një marrëveshje me Walmart kur ishte adoleshente, për shkak të një videoje ku shfaqej duke pirë marijuanë.
“M’u desh t’i dërgoja email CEO-s së Walmart dhe të kërkoja falje që isha 16 vjeç dhe po pija hashash, si shumica e adoleshentëve,” përfundoi artistja.
Miley Cyrus ka zbuluar se Disney dyshohet se e ndaloi të këndonte këngët “Hannah Montana” pasi seriali përfundoi në vitin 2011.
“Pasi u largova nga Disney, nuk më lejohej të performoja asnjë nga këngët e ‘Hannah Montana’”, tha Cyrus në podkastin “The Ringer”.
Në atë kohë, artistja po lëvizte në një drejtim tjetër, me labelin e saj të ri, RCA, që do të rezultonte në LP-në “Bangerz” të vitit 2013. Pra, interpretimi i materialit të “Hannah Montana” që e kishte lënë pas dore nuk ndihej më i përshtatshëm për të.
“Nuk është ashtu siç doja,” tha ajo. “Dua të them, interpretimi i “The Best of Both Worlds” midis “We Can’t Stop” dhe “Wrecking Ball” nuk do të kishte kuptim.”
Megjithatë, pasi u bë një sensacion adoleshent duke luajtur Hannah Montana në serialin e Disney Channel nga viti 2006 deri në vitin 2011, ishte e çuditshme për Cyrus të shkëputej nga ato melodi që formësonin identitetin e saj televiziv.
“Ishte ende e trishtueshme të dija se ato këngë kishin zërin tim, fytyrën time dhe nuk më lejohej t’i këndoja,” tha ajo.
Tani, megjithatë, Miley lejohet përsëri të këndojë këngët e “Hannah Montana” nëse dëshiron. E gjitha kjo ndryshoi në gusht të vitit 2024, kur ajo u nderua si Legjendë e Disney-t gjatë një ceremonie në Qendrën Honda në Anaheim, Kaliforni.
“Pasi u pranova si Legjendë e Disney-t, më dhanë leje të performoja ato këngë në të ardhmen, gjë që është mjaft interesante,” tha ajo për “The Ringer”.
Miley Cyrus ka bërë një koment të rrallë dhe me humor për ish-bashkëshortin e saj, Liam Hemsworth, gjatë një interviste në podcastin “Every Single Album” më 5 qershor 2025.
Gjatë diskutimit për karrierën e saj muzikore, ajo përmendi filmin “The Last Song” (2009), ku u njoh me Hemsworth dhe shkroi shumë këngë për të. Ajo e përshkroi këtë si një periudhë kur ai merrte kritika të padëshiruara përmes muzikës së saj.
Në të njëjtën intervistë, Cyrus gjithashtu përmendi lidhjen e saj të kaluar me Nick Jonas, duke e quajtur atë “d–k” dhe “a–hole” pas ndarjes së tyre në vitin 2009, por më pas sqaroi se e pëlqen ende dhe tha “Niley përjetë”. Ajo gjithashtu nënshkroi një vinil për një fans me emrin Liam, duke e adresuar si “Liam më i miri”, një tjetër goditje e mundshme për Hemsworth.
Cyrus dhe Hemsworth filluan lidhjen në vitin 2010, u fejuan në vitin 2012, u martuan në dhjetor 2018 dhe u ndanë para se të kalonin vitin e parë të martesës. Ata kanë vazhduar jetët e tyre: Cyrus është në një lidhje me muzikantin Maxx Morando, ndërsa Hemsworth me modelen Gabriella Brooks.
Në albumin e saj të fundit, “Something Beautiful”, Cyrus ka eksploruar temat e ndarjes dhe dhimbjes, duke përfshirë këngë që besohet se janë frymëzuar nga marrëdhënia e saj me Hemsworth.
Miley Cyrus shkëlqeu në tapetin e kuq teksa mori pjesë në premierën e albumit të saj të ri vizual ‘Something Beautiful’, mbajtur të premten në Festivalin Tribeca 2025 në New York City.
Këngëtarja 32-vjeçare mahniti me një fustan transparent prej rrjete, të zbukuruar me një thekë dramatike, ndërsa poshtë kishte veshur një bluzë të ngushtë nudo pa mëngë që theksonte stilin e saj unik dhe të guximshëm., shkruan DailyMail.
Pamjen e kompletoi me një shall elegant me thekë, flokët me kaçurrela të valëzuara dhe vathë të gjatë, duke përçuar një kombinim të sofistikimit dhe rebelimit që e karakterizon.
Eventi u mbajt në teatrin Beacon, ku Miley prezantoi projektin e saj më të fundit artistik, duke tërhequr vëmendjen e të gjithë të pranishmëve me stilin dhe karizmën e saj. /Telegrafi/
Këngëtarja e njohur Miley Cyrus ka folur hapur për të kaluarën e saj, duke përfshirë vitet kur shpenzonte shuma të mëdha parash për drogë, duke e mbajtur këtë të fshehtë madje edhe nga llogaritari i saj, siç rrëfen vetë ajo.
Në një episod të ri të podcastit “Every Single Album” për platformën The Ringer, 32-vjeçarja është ndalur tek gjendja mendore që kishte gjatë realizimit të albumeve të saj, përfshirë Bangerz dhe Endless Summer Vacation. Në mënyrë të veçantë ajo foli për albumin eksperimental të vitit 2015, “Miley Cyrus & Her Dead Petz”, duke zbuluar se pikërisht atëherë kishte shpenzuar më së shumti për drogë.
“Drogat ishin shpenzimi më i madh. Për ta fshehur nga llogaritari, i regjistronim si shpenzime për rroba”, ka treguar Miley.
Foto: Getty Images
Ajo shton se këto shpenzime “fiktive” për rroba i shfaqeshin gjatë turneve, dhe me kalimin e kohës, llogaritari filloi të dyshonte.
“Sa herë më takonte më pyeste: ‘Ku është ajo bluza origjinale e John Lennon për të cilën the se pagove 15 mijë dollarë?’ Unë i përgjigjesha: ‘Është lart, po e ruaj se materiali është shumë i ndjeshëm’”, rrëfen ajo me humor.
Duke ironizuar me këtë periudhë, Miley thotë se atë vit “bleu shumë rroba të shtrenjta” – duke lënë të kuptohet se ishte një mënyrë për të fshehur abuzimin me substanca.
Duke u kthyer pas në kohë, ajo pranon se ndihet me fat që ka shpëtuar nga ajo periudhë e errët: “Jam shumë e lumtur që e mbijetova atë fazë. Nuk do ia rekomandoja askujt të shkonte kaq larg, por jam e kënaqur që e kalova dhe dola nga ajo”.
Foto: Getty Images
Miley ka qenë e hapur ndër vite për luftën e saj me varësinë. Që në vitin 2017, në një intervistë për Billboard, ajo kishte deklaruar: “Nuk kam pirë marihuanë për tre javë, që është periudha më e gjatë për mua. Nuk përdor drogë, nuk pi alkool, jam totalisht e pastër. E bëra sepse kështu desha”.
Megjithatë, gjatë pandemisë ajo kishte rifilluar të konsumonte alkool, por pa u kthyer tek drogat. Në një intervistë për Rolling Stone në vitin 2021, ajo tha: “Për vite të tëra nuk kam përdorur asgjë. Nuk dua të parashikoj të ardhmen apo të pretendoj se nuk mund të ndodhë më. Por sinqerisht, diçka shumë e keqe do të duhej të më ndodhte që të kthehesha sërish tek drogat”.
Së fundmi, Miley ka folur edhe për mendimet e saj lidhur me mëmësinë, duke shkaktuar reagime të shumta në rrjetet sociale. Në podcastin The Interview të New York Times, ajo rrëfeu mbi uljet dhe ngritjet në jetën personale, përfshirë mendimet për të pasur fëmijë.
Foto: Getty Images
“Është një përgjegjësi e madhe, kërkon shumë energji dhe sakrifica”.
Ajo e bëri të qartë se aktualisht nuk ka plane për të pasur fëmijë, duke përmendur një bisedë me njerkun e saj: “Më tha: ‘Pse nuk ke një markë tënden të grimit?’ Unë i thashë: ‘Sepse nuk më intereson.’ Ai u përgjigj: ‘Kjo është përgjigjja e duhur.’”
Këtë filozofi ajo e aplikon edhe për mëmësinë: “Nuk kam një linjë grimi sepse nuk jam grimere. E njëjta gjë ndodh edhe me idenë e të qenit nënë. Asnjëherë s’më ka tërhequr shumë. Është një barrë e madhe, një përkushtim i vazhdueshëm. Nëse nuk është pasioni yt, nuk e di si mund t’i përballosh netët pa gjumë dhe 18 vite përkushtim, siç ka bërë nëna ime”.
Miley, edhe pse shpesh kontroverse, vazhdon të frymëzojë shumë njerëz me sinqeritetin dhe reflektimin e saj të hapur, duke treguar se rritja personale shpesh vjen pas periudhave më të vështira. /Telegrafi/
Pas publikimit të albumit vizual “Something Beautiful”, Miley Cyrus është shfaqur shpesh në publik, duke u parë së fundmi edhe në krah të të dashurit të saj, Maxx Morando. Çifti mori pjesë në darkën vjetore të “Vanity Fair Directors’ Dinner”, ku Miley ndau disa foto nga mbrëmja.
Në njërën prej tyre, këngëtarja shihet duke e puthur në faqe Morandon, i cili duket i ftohtë dhe pa asnjë shprehje në fytyrë. Kjo ka nxitur komente të shumta nga ndjekësit, të cilët sugjerojnë se ai nuk duket rehat kur ajo i shfaq dashuri në publik.
“Pse duket sikur është në dhimbje sa herë që ajo i jep vëmendje?”, shkroi një komentues. Të tjerë shprehën mendimin se Miley meriton dikë më të përkushtuar emocionalisht.
Miley dhe Maxx janë në një lidhje që nga viti 2021, pas një takimi të organizuar në mënyrë anonime dhe një paraqitjeje të përbashkët në një event të Gucci.
Miley Cyrus ka folur hapur për një periudhë të errët të jetës së saj, kur shpenzimet për drogë i fshihte nga kontabilistja duke i maskuar si… “rroba vintage”.
Në një episod të fundit të podcast-it Every Single Album nga “The Ringer”, këngëtarja 32-vjeçare bëri një retrospektivë të gjendjes së saj mendore në secilin album, veçanërisht tek ai i vitit 2015, Miley Cyrus & Her Dead Petz.
“Shpenzimi më i madh ishin drogat, por për t’i fshehur nga kontabilistja ime, i quanim rroba vintage,” tha Miley me ironi.
Ajo shtoi se kontabilistja i kërkonte llogari për “blerejet” e shtrenjta: “Më thoshte: ‘Ku është ajo bluzë origjinale e John Lennon prej 15 mijë dollarësh?’ dhe unë i thosha: ‘Është lart, po e ruaj se është delikate’.”
Cyrus pranoi se ka kaluar shumë që prej asaj kohe dhe ndjehet mirënjohëse për rrugëtimin e saj: “Isha në një vend krejt tjetër në atë periudhë dhe e shoh tani me sy tjetër,” tha ajo.
Miley Cyrus, këngëtarja 32-vjeçare dhe një nga figurat më të njohura të muzikës pop, u shfaq në formë të shkëlqyer në rrugët e New York-ut këtë të enjte, ndërsa pozoi për selfie dhe ndau çaste me fansat e saj jashtë hotelit luksoz Four Seasons.
E veshur me një fustan të hollë me korse dhe një fund me thekë që nxirrte në pah këmbët e saj të gjata, Miley përçoi elegancë dhe vetëbesim.
Ajo e kompletoi pamjen me taka të larta ngjyrë kafe dhe bizhuteri të vogla argjendi, ndërsa flokët kaçurrela ishin lënë natyrale në një stil të çrregullt dhe modern, shkruan DailyMail.
Cyrus po promovon albumin e saj më të fundit, “Something Beautiful”, i cili u publikua më 30 maj dhe është përshkruar si një projekt vizualisht i thellë, i frymëzuar nga temat e shërimit dhe introspeksionit.
Ndërkohë, një moment i ëmbël dhe ironik ndodhi gjatë një seance autografesh në trotuar.
Një fans që quhet Liam ndau në rrjetet sociale një fotografi të vinilit të firmosur nga Miley, ku ajo kishte shkruar “Liam më i miri” – një thumb i qartë, por me humor, ndaj ish-bashkëshortit të saj të famshëm, aktorit Liam Hemsworth.
Kujtojmë se marrëdhënia e çiftit filloi në vitin 2010 gjatë xhirimeve të filmit The Last Song, duke kaluar nëpër ndarje dhe ribashkime, për të përfunduar përfundimisht në janar 2020, pas më pak se një viti martesë.
Prej asaj kohe, Miley ka reflektuar shpesh për raportin e tyre nëpërmjet muzikës, duke përfshirë edhe insinuata për pabesi.
Aktualisht, këngëtarja është në një lidhje me Maxx Morando, bateristi i grupit Liily dhe një nga producentët e albumit të saj të ri.
Me paraqitjen e saj më të fundit dhe suksesin e albumit, Cyrus vazhdon të jetë një nga yjet më të spikatur të skenës muzikore dhe kulturore, duke provuar se transformimi i saj artistik është gjithnjë në evoluim. /Telegrafi/
Dashuria e Miley Cyrus për tatuazhet nuk mund të kalojë pa u vënë re, edhe nëse ajo nuk është plotësisht e kënaqur me shumë nga artet e trupit të saj.
Ylli i popit pranoi së fundmi se ka mbi 70 tatuazhe dhe pendohet për 80% të tyre. Madje ajo theksoi disa pa të cilat mund të kishte jetuar. Por, pavarësisht ndjenjave të saj, ajo nuk mund të ndalet së bëri tatuazh në lëkurën e saj, duke zbuluar një tatuazh të ri menjëherë pasi pranoi se për çfarë pendohet.
Miley Cyrus foli hapur rreth ndjenjave të saj të ndërlikuara në lidhje me koleksionin e saj të tatuazheve në një video të New York Times më 2 qershor. “Një gabim që bëra dhe për të cilin ende mendoj është, si 80 përqind e tatuazheve të mia”, tha ajo, duke shtuar, “Sigurisht që nuk pendohem aq shumë për to sa të bëj një lazer dhe t’i heq.”
Ajo tregoi dy tatuazhe në krah të frymëzuara nga kafshët e saj të ndryshme shtëpiake, si disa nga të paktat pa të cilat mund të jetonte.
«E dua macen time, por nuk kisha nevojë për këtë», tha Cyrus, duke treguar me gisht fytyrën e vogël të maces në bërrylin e saj të majtë.
“E dua qenin tim, por nuk e di. Të kem një pit bull në çdo foto për pjesën tjetër të jetës sime është paksa intensive“, tha ajo gjithashtu, duke ngritur krahun e djathtë për të treguar tatuazhin e qenit të saj.
Këngëtarja bëri tatuazhin e saj të parë rreth ditëlindjes së saj të 17-të në fund të vitit 2009, ishte fraza “Just Breathe” e shkruar në gjoksin e saj, pak poshtë zemrës. Ajo e bëri atë në nder të një shoqeje të ngushtë që vdiq nga fibroza cistike, si dhe gjyshërve të saj që vdiqën nga kanceri në mushkëri.
Miley Cyrus nuk i kurseu ironitë ndaj ish-bashkëshortit të saj, aktorit të njohur Liam Hemsworth, gjatë një eventi për nënshkrimin e autografeve të albumit të saj më të ri, “Something Beautiful”.
Një fans, i cili ka të njëjtin emër si aktori australian – Liam – ndau në rrjetin social X (ish-Twitter) një moment interesant ku këngëtarja i kishte nënshkruar një kopje të vinilit duke shkruar me dorë: “Liam-i më i mirë”.
“Miley shkroi ‘Liam-i më i mirë’ në vinyl-in tim ”, shkroi fansi, i emocionuar, duke bashkangjitur edhe një foto të autografit si provë.
Në një tjetër postim, ai publikoi edhe një foto me artisten gjatë takimit, duke shkruar: “Unë kur jam Liam-i më i mirë”.
Cyrus dhe Hemsworth u martuan në fshehtësi në dhjetor të vitit 2018 pas më shumë se një dekade marrëdhënie të ndërlikuar me ndarje dhe ribashkime.
Megjithatë, vetëm disa muaj pas martesës, në gusht të vitit 2019, Miley njoftoi ndarjen, ndërsa Hemsworth depozitoi kërkesën për divorc duke përmendur “mospërputhje të pakapërcyeshme”. Divorci i tyre u finalizua në janar të vitit 2020.
Që nga ajo kohë, Miley ka qenë e rezervuar për detajet e ndarjes, por në disa raste i është referuar martesës së tyre si një përvojë e dështuar. Gjatë një koncerti në festivalin Lollapalooza në vitin 2022, ajo u shpreh me humor: “Shpresoj që martesa juaj të shkojë më mirë se e imja. E imja ishte një katastrofë e vërtetë!”
Aktualisht, Miley Cyrus është në një lidhje me bateristin Maxx Morando, anëtar i grupit “Liily”, ndërsa Liam Hemsworth është i lidhur me modelen australiane Gabriella Brooks, me të cilën ka nisur romancën që nga fundi i vitit 2019.
Çifti bëri debutimin e tyre në tapetin e kuq në premierën e filmit të Hemsworth, “Poker Face”, në nëntor 2022.
Miley Cyrus ka thyer heshtjen lidhur me raportin e saj me babain, Billy Ray Cyrus, pas lajmeve për romancën e tij të re me Elizabeth Hurley. Në një intervistë për The New York Times, Miley zbuloi se tashmë nuk janë më të larguar dhe tha se “koha është gjithçka.”
Këngëtarja shpjegoi se ndarja e mëparshme kishte ndodhur për shkak të divorcit të prindërve dhe dhimbjes që kishte përjetuar nga ndarja e nënës së saj, Tish Cyrus. Sipas Miley, tani ajo ka më shumë mirëkuptim dhe empati për të dy prindërit e saj. “Kam marrë shumë nga dhimbja e mamit tim, sepse ajo ishte më e dhimbshme për të se sa për mua si e rritur,” tha Miley, duke shtuar se tani që nëna e saj është e lumtur me bashkëshortin e saj të ri, Dominic Purcell, dhe babai i saj ka gjetur lumturinë me Elizabeth Hurley, ajo është mësuar t’i duajë të dy si individë dhe jo më si një çift prindëror.
Miley theksoi se ka arritur të kuptojë më mirë rolin e prindërve të saj në jetën e saj dhe tani është më e gatshme t’i duajë ata për atë që janë, jo për atë që ishin si prindër.
Miley Cyrus po feston dashurinë në jetën e babait të saj, Billy Ray Cyrus.
Në një intervistë për The New York Times të publikuar të shtunën, më 31 maj, këngëtarja 32-vjeçare tregoi se marrëdhënia e saj me artistin është përmirësuar. Ajo foli gjithashtu për romancën e tij të re me aktoren Elizabeth Hurley.
“Besoj se koha është gjithçka. Kam filluar t’i respektoj prindërit e mi si individë, jo vetëm si prindër — sepse nëna ime e ka dashur babanë për gjithë jetën e saj, dhe mendoj që të jesh i martuar me dikë nga industria e muzikës pa qenë pjesë e saj, është jashtëzakonisht e vështirë,” tha Miley.
Ajo shtoi se ka ndjerë dhe përvetësuar një pjesë të dhimbjes së nënës së saj: “E ndjeva si timen, sepse atë e lëndoi më shumë sesa mua si e rritur. Mora shumë nga dhimbja e saj.”
“Por tani që nëna ime është shumë e dashuruar me bashkëshortin e saj të ri, që unë e adhuroj plotësisht, dhe tani që edhe babai im po gjen lumturi — unë mund t’i dua të dy si individë, jo si çift. Po sillem si një e rritur,” shtoi ajo, duke iu referuar martesës së Tish Cyrus me aktorin Dominic Purcell dhe lidhjes së Billy Ray me Hurley-n, 59 vjeç.
Billy Ray dhe Tish u divorcuan në vitin 2022 pas gati tre dekadash martesë. Çifti u martua në vitin 1993 dhe kanë tre fëmijë së bashku: Miley, Braison dhe Noah. Billy Ray gjithashtu adoptoi fëmijët e Tish, Brandi dhe Trace.
Miley rrëfeu se të pranojë ndarjen e prindërve dhe të shohë përtej saj si një e rritur ishte një proces.
“Në fillim është e vështirë, sepse fëmija brenda teje reagon para se i rrituri brenda teje të kuptojë: ‘Po, ai është babai yt, por ai është edhe një person që meriton të jetë i lumtur,” shtoi ajo. “Tani, fëmija brenda meje është pjekur.”
E pyetur se si përballen si familje me dramat që shfaqen në publik, Miley u përgjigj sinqerisht:
“Më pëlqen që bota sot funksionon më shpejt. Në vitet ’90, kur diçka dilte në tabloide, zgjaste një vit. Sot, një lajm zgjat disa orë, pastaj një video virale e në Walmart e zëvendëson.”
“Gjërat që ndodhin në publik mund të jenë turpëruese për personin që po i përjeton, por jo aq për mua,” u shpreh Miley. “Unë përpiqem të jem më e dhembshur ndaj prindërve të mi, sepse më dhemb për ta. Më vjen keq veçanërisht për vëllezërit dhe motrat, sepse ata nuk zgjodhën të jenë në qendër të vëmendjes.”
“Por për mua,” përfundoi ajo, “jam mësuar aq shumë me këtë sa që them: ‘Nëse ky është çmimi — të përballesh ndonjëherë me gjykime publike të turpshme — atëherë është një çmim që jam e gatshme ta paguaj për jetën që kemi.’”
Miley Cyrus është rikthyer me albumin e saj të nëntë në studio, “Something Beautiful”, i publikuar ditën e sotme.
Projekti muzikor vjen i shoqëruar edhe me një film vizual të plotë, që do të ketë premierën më 6 qershor në Festivalin e Filmit Tribeca në Nju Jork.
Albumi, i prodhuar në bashkëpunim me producentin e njohur Shawn Everett, është përshkruar si një punë introspektive, eksperimentale dhe emocionalisht e qëndrueshme.
Në të marrin pjesë emra të njohur si Brittany Howard, që shfaqet në këngën “Walk of Fame”, dhe supermodelja Naomi Campbell në “Every Girl You’ve Ever Loved”. Edhe partneri i këngëtares, Maxx Morando, ka kontribuar në realizimin e albumit.
Në prag të publikimit, Cyrus ndau një mesazh emocional në rrjetet sociale, duke u shprehur:
“Sonte ishte parajsë, e rrethuar nga ata që dua, duke mbushur veshët tanë me tinguj të bukur ndërsa numërojmë sekondat deri në momentin kur do të ndaj këtë album që adhuroj me ju.”
Filmi vizual që shoqëron albumin është realizuar nga vetë Cyrus së bashku me Brendan Walter, Jacob Bixenman dhe regjisorin e njohur Panos Cosmatos.
Gjatë një interviste në “Jimmy Kimmel Live”, këngëtarja tha se filmi “nuk ka një narrativë të drejtpërdrejtë, sepse muzika është vetë historia.”
“Jam vetë personazhi. Nuk dua të bëhem dikush që nuk jam,” – u shpreh ajo.
Albumi “Something Beautiful” u njoftua për herë të parë në mars, ndërsa vizualet nisën të publikoheshin që në prill me këngën “End of the World”, e ndjekur nga “More to Lose” në maj.
Ky projekt pason albumin shumë të suksesshëm “Endless Summer Vacation” të vitit 2023, i cili i solli Miley gjashtë nominime në çmimet Grammy 2024 dhe dy fitore për këngën “Flowers”: Regjistrimi i Vitit dhe Performanca më e Mirë Solo Pop.
Në një intervistë për Apple Music me Zane Lowe, Cyrus e përshkroi përvojën e fitimit të çmimeve si “shëruese”, duke theksuar:
“Kisha nevojë të mbaja një trofe në duar, të ndjeja se po përjetoja një arritje të vërtetë.”
Cyrus konfirmoi gjithashtu se “Something Beautiful” është vetëm fillimi, një “aperitiv” për një projekt tjetër muzikor që ajo e quan “jashtëzakonisht eksperimental” dhe që do të vijë së shpejti.
Nuk ka asnjë armiqësi mes Miley Cyrus dhe Jennifer Lawrence.
Në videoklipin e saj të vitit 2023 për këngën “Flowers,” Cyrus veshi një fustan të artë që fansat menduan se ngjante me fustanin që Jennifer Lawrence kishte veshur në premierën e “The Hunger Games” në vitin 2012 — dhe ndoshta ishte një thumb ndaj bashkëshortit të saj të atëhershëm, Liam Hemsworth, dhe partneres së tij në film, mes thashethemeve për tradhti.
Por javën e kaluar, teksa po jepte autografe para daljes së saj në “Jimmy Kimmel Live!”, Cyrus hodhi poshtë këto thashetheme kur një fans e pyeti nëse fustani në “Flowers” ishte një referencë ndaj Jennifer Lawrence.
“Jo, por më pëlqen shumë fustani i saj,” u përgjigj këngëtarja në një video të shpërndarë në X (ish-Twitter).
Edhe Jennifer Lawrence reagoi ndaj thashethemeve, duke thënë në një episod të “Watch What Happens Live with Andy Cohen” në vitin 2023: “Mendoj se ishte thjesht një rastësi.”
Në të njëjtën intervistë, aktorja mohoi gjithashtu që të kishte qenë në një lidhje me Hemsworth ndërkohë që ai ishte me Cyrus: “Nuk është e vërtetë,”tha ajo. “Thjesht një thashethem.”
Shumë fansa besojnë se kënga “Flowers” është shkruar për Liam Hemsworth, me të cilin Cyrus kishte një marrëdhënie të gjatë, me ndarje dhe ribashkime të herëpashershme që nga viti 2009, deri kur u ndanë përfundimisht në vitin 2020, pas dy vitesh martesë.
Miley Cyrus ka zbuluar se zëri i saj unik është rezultat i një çrregullimi në kordat vokale të quajtur Reinke’s edema.
Në një intervistë të dhënë për Zane Lowe në Apple Music, Cyrus e përshkroi këtë gjendje si “abuzim me kordat vokale.”
“Kur je 21 vjeç dhe rri zgjuar, pi, tymos dhe feston pas çdo koncerti, kjo nuk ndihmon,” tha ajo. “Por në rastin tim, kjo nuk është arsyeja. Pra, zëri im gjithmonë ka tingëlluar kështu — është pjesë e anatomisë sime unike.”
Sipas Cleveland Clinic, Reinke’s edema është një gjendje beninje që shkakton ënjtje të kordave vokale. Është më e zakonshme te femrat dhe te njerëzit që kanë një histori të gjatë të pirjes së duhanit.
Këngëtarja e “Flowers” sqaroi se ka një “polip të madh” në kordat e saj vokale “i cili më ka dhënë shumë nga toni dhe tekstura që më karakterizojnë si artiste.”
“Por është jashtëzakonisht e vështirë për të performuar me të,” shtoi artistja, “sepse është si të vraposh maratonë me pesha në kyçet e këmbëve.”
“Edhe kur flas ndonjëherë, në fund të ditës i telefonoj mamit dhe ajo më thotë: ‘Dukesh sikur po flet nëpërmjet një radioje,’” vazhdoi Cyrus. “Dhe atëherë e kupton që jam vërtet e lodhur, sepse kjo krijon atë ‘vocal fry’ të theksuar.”
Megjithë vështirësitë, ajo e quajti gjendjen e saj një “bekim” dhe tha se nuk ka asnjë plan për të bërë operacion.
“Zëri im është jashtëzakonisht unik falë kësaj, por unë kam këtë Reinke’s edema dhe këtë polip të madh, dhe nuk dua ta heq kurrë, sepse ekziston mundësia që pas operacionit të mos tingëlloj më si vetja,” zbuloi këngëtarja.
Login
