Philippa Snow, një nga eseistet më të zgjuara të Britanisë, eksploron dhimbjet e famës në librin Janë të tmerrshme gjërat që duhet të bëj për të qenë vetvetja [It’s Terrible the Things I Have to Do to Be Me]

Nga: Megan Nolan / The Daily Telegraph
Përkthimi: Telegrafi.com

Një grua e imët në një apartament londinez, e brishtë dhe e rrënuar nga varësia, shikon vazhdimisht regjistrimet e performancave të saj të vjetra. “Djalli le ta hajë, çfarë zëri që kisha,” i thotë ajo truprojës. Një grua me ngjyrë, që e përdori zërin e saj si askush tjetër në botë, vdiq e prangosur në një shtrat spitali, pasi ishte përndjekur nga FBI-ja. Një grua bionde me grim palaçoje, që vuante nga një lloj psikoze, pëshpëriti për një kukull plastike të cilën e konsideronte si foshnjë të saj të sapolindur.

Këto janë disa nga imazhet që përshkruhen në studimin brutal dhe brilant të Philippa Snowit mbi famën e grave, Janë të tmerrshme gjërat që duhet të bëj për të qenë vetvetja. Është njëkohësisht kënaqësi për t’u lexuar – sepse gufon nga inteligjenca – dhe thellësisht dëshpërues. Fama, ashtu siç e paraqet Snow, është një fat që duhet parë me të njëjtën neveri siç do të shihnim çdo dëm tjetër të vetëshkaktuar.

Ky është disi një terren i njohur për Snowin, e cila vitin e kaluar botoi një libër të shkurtër të mrekullueshëm me titull Trophy Lives, mbi nocionin e të famshmeve si objekt arti; por Janë të tmerrshme… është më i gjatë dhe më shtrirë. Është i hapur për devijimet e saj – herë të këndshme, herë tronditëse – dhe, mbi të gjitha, karakterizohet nga një ndjeshmëri e vazhdueshme ndaj subjekteve.

Secili nga shtatë kapitujt fokusohet te dy gra të famshme, të trajtuara ndaras, por në dialog të heshtur me njëra-tjetrën. Çiftimet kontekstuale janë të skicuara lehtë, dhe nuk bëhen krahasime të thjeshta apo të vrazhda: Lindsay Lohan dhe Elizabeth Taylor, apo Britney Spears dhe Aaliyah. Përkundrazi, ne shohim se si kufizimet dhe kërkesat e ngjashme prekin gra të ndryshme, në kohë të ndryshme, në mënyra të ngjashme, ndërkohë që Snow përpiqet gjithashtu të veçojë secilën si individ.

Ajo nuk lejon që as formati, as analiza e saj të rëndojnë mbi detyrën kryesore: të shqyrtojë se si gratë e famshme detyrohen të mbajnë mbi supe dëshirat dhe neverinë e kulturës më të gjerë – dhe çfarë ndodh me qenien njerëzore që qëndron pas këtij imazhi. “Unë nuk jam historiane,” shkruan Snow, “as biografe. As studiuese nuk jam. Ajo që jam, është një palë e interesuar.” Kjo është forca më e madhe e librit: ajo sjell pak nga pafajësia e një adhuruesi të sinqertë, por atë e pasuron me thellësinë e saj analitike.

Eseja e parë trajton Anna Nicole Smithin dhe Marilyn Monroen. Snow botoi një version të saj në The White Review në vitin 2021, dhe duket se ka qenë kjo ese që i hapi rrugën pjesës tjetër të librit. Ajo ia jep edhe titullin veprës: “Është shumë e kushtueshme të jem unë,” kishte thënë dikur Smith. “Është e tmerrshme çfarë më duhet të bëj për të qenë unë.”

Pjesa për Smithin dhe Monroen është më e forta në libër. Smith ishte e fiksuar pas Monroes – mbante me vete kaseta VHS të filmave të saj, bënte pretendime se ishte vajza e saj, dhe i lyente flokët në të njëjtën nuancë të ndritshme biondeje. Të dyja gratë adhuroheshin dhe përbuzeshin për linjat e trupit të tyre dhe për qëndrimet që rrinin në kufirin mes “të pambrojturës” dhe “të vetëdijshmes.” Të dyja kishin marrëdhënie të trazuara me burrat në jetën e tyre – jo vetëm me partnerët romantikë, por edhe me profesionistët e mjekësisë, fotografët dhe njerëzit e parasë. Të dyja vdiqën të vetmuara, si pasojë e mbidozës me drogë, përpara se të kishin mundësi të arrinin moshën e mesme.

Kjo ese e parë ilustron tezën që Snow paraqet në hyrje: ajo merret me gratë e famshme sepse ato janë përfaqësime ekstreme të asaj që përjetojnë gratë e zakonshme. Edhe gratë e zakonshme tipizohen, minimizohen dhe futen në një kuti të vetme; trajtohen me zemërim kur marrin përsipër një rol që nuk u është paracaktuar. Me Smithin dhe Monroen, i shohim këto kërkesa – aq të padurueshme për to, krahasuar me një grua të zakonshme – si litarë që shtrëngohen dhe ndërpresin pulsin. Vdekjet e tyre janë bërë të pandashme nga joshja e tyre fillestare, dhe në retrospektivë duken disi të pashmangshme – po aq pjesë e realizimit të ëndrrës amerikane sa gjoksi i madh apo flokët bionde. Seksi, vëren Snow, rivalizohet vetëm nga vdekja si burim argëtimi. Kombinimi i të dyjave është i pakonkurrueshëm.

“Problemet me babanë” janë të pranishme kudo në këtë libër – nga vlerësimi i ftohtë i Peter Fondas për pamjen e vajzës së tij të re, Jane, te babai abuziv i Lindsay Lohanit. Në rastin Britney Spears dhe Aaliyah, një vajzë adoleshente ngrihet në lartësi të paimagjinueshme dhe mësohet njëkohësisht të theksojë dhe të mjegullojë faktin e rinisë së saj. A ishte uniforma e shkollës katolike e Britneyt, në videon për këngën Baby One More Time, një pasqyrim i pafajshëm i moshës së saj – ajo ishte vetëm 18 vjeçe – apo një referencë ndaj konventave të pornografisë së vajzave adoleshente? Aaliyah, ndërkohë, iu nënshtrua një shtrembërimi literal të moshës kur R. Kelly falsifikoi dokumentet për ta bërë 18 vjeçe, në vend të 15, që të mund të martohej me të.

Ka mjaft tregime të panjohura dhe magjepsëse këtu, megjithëse, sipas përkufizimit, gratë më të famshme janë edhe më të njohurat për ne. Disa nga pasazhet më biografike, për figurat si Joan Collins apo Elizabeth Taylor, do të jenë të njohura për adhuruesit e Holivudit. Por, Snow e di se ne nuk po lexojmë vetëm për anekdotat, por edhe për kënaqësinë që vjen nga vlerësimi i saj dhe mënyra e re përmes së cilës na ndihmon të shohim sërish atë që na është bërë tepër e njohur.

Është domethënëse, për shembull, që eseja për Pamela Andersonin synon të rrëzojë idenë se ajo ka qenë një viktimë e pavetëdijshme e kulturës patriarkale – një qëndrim i përforcuar nga seriali televiziv i vitit 2022, Pam & Tommy. “Gabimi më i rëndë që bënë krijuesit e Pam & Tommy,” shkruan Snow, “ishte të supozonin se, për të rritur martirizimin e saj dhe për të siguruar simpatinë e audiencës, ata duhej ta paraqisnin versionin e tyre të Pamela Andersonit si një vajzë budallaqe, e habitur, e pafajshme, me të cilën ndodhnin gjërat – dhe jo si një grua që i bënte gjërat të ndodhnin – një që kishte kaluar pjesën më të madhe të jetës duke e bërë veten pikërisht personin që dëshironte të ishte.”

Snow shmang prirjen për të rënë në atë që ndonjëherë quhet “feminizëm i zgjedhjes” – pra, idenë se çdo zgjedhje e bërë nga një grua është domosdoshmërisht feministe, vetëm sepse është bërë nga një grua. Megjithatë, ajo e shpjegon vetëkrijimin që solli kuptim dhe kënaqësi për disa prej këtyre grave – edhe nëse, në disa raste, ai përfundoi në vetëshkatërrim. Kur u pyet për koment mbi serialin televiziv, një burim tha: “Pamela nuk pendohet për jetën e saj.” Snow spekulon se kjo ka ardhur drejtpërdrejt nga vetë Anderson.

Edhe pse kjo thënie nuk është plotësisht e saktë – Anderson ka shprehur pendesë për ndërhyrjet kirurgjikale që ka bërë – ajo është e vërtetë në thelb, sepse Anderson duket se i përjeton përvojat e saj me qetësi, më shumë sesa me zemërim. Pasi kishte përjetuar abuzim seksual në fëmijëri, ajo shkruan në kujtimet e saj se sesioni i parë me Playboy ishte një zbulim: deri në fund të javës së parë “duhej të më ndalonin të mos dilja lakuriq nga dera.” Kjo, siç vëren Snow, është sa më larg që mund të jetë nga Pamela e shtypur dhe me sytë e zgurdulluar që na dha seriali televiziv.

Gjëja më e vlefshme në libër është aftësia e Snowit për të trajtuar seriozisht atë që shpesh përbuzet si zbukurim i cekët, pa rënë në gjuhë të ngatërruar akademike. Nuk ka asnjë nënkuptim ironik ndaj idesë për t’u marrë seriozisht me këto gra. Në vend të kësaj, ka një pranim të sinqertë dhe një admirim për atë cilësi të pashpjegueshme që quhet “fuqi ylli” – ose që mund të quhet thjesht “karizëm”. Ne kemi një prirje natyrore për t’i konceptuar të famshmit si jonjerëzorë – qoftë sepse i kemi zili për muret e pasurisë që i rrethojnë dhe mendojmë se përballojnë çdo goditje, qoftë sepse jemi aq të mësuar t’i shohim nëpër imazhe, sa nuk i perceptojmë më si diçka tjetër. Snow bën të kundërtën – ajo i fton ata përsëri në botën reale. Sepse, në fund të fundit, çfarë është karizma, veçse të jesh njeri. Yjet janë vërtet si ne – vetëm më të mirë, dhe për këtë arsye, në mënyrë të pashmangshme, edhe më të këqij. /Telegrafi/

The post Pse fama mund të të vrasë appeared first on Telegrafi.

Britney Spears ka reaguar me fjalë të ashpra në rrjetet sociale kundër ish-partnerëve të saj, pak pasi ish-bashkëshorti Sam Asghari deklaroi se martesa me të dëmtoi karrierën e tij.

“Një javë jashtëzakonisht e errët dhe nuk ndjej aspak dashuri – dhe sinqerisht, do t’ua ktheja me të njëjtën mënyrë!!!” shkroi Spears në një postim të gjatë në Instagram të martën.

Spears  tha se ndjenja e zhgënjimit ndaj njerëzimit kishte filluar që në fillim të vitit dhe se ishte e lodhur nga mënyra sesi njerëzit e trajtojnë njëri-tjetrin.

Artistja përmendi dy ish-partnerë  duke thënë se i donte më shumë qentë e tyre sesa vetë burrat. “Ata ishin dy k**va të vërtetë dhe kuptova se i doja më shumë qentë e tyre sepse më përuleshin sa herë hyja në dhomë!!!”

“Djemtë ishin absolutisht mizorë dhe nuk më kapën dorën asnjëherë gjatë 6 viteve në makinë!!! Unë gjithmonë zgjedh kafshët përpara njerëzve,” shtoi këngëtarja.

Postimi vjen vetëm një ditë pasi Asghari deklaroi në Page Six Radio se marrëdhënia me Britney i dha famë, por njëkohësisht e pengoi në karrierë.

“Nuk mund të gënjej – marrëdhënia më dha një platformë publike,” tha ai. “Por më pas njerëzit mendonin: ‘A duam të punojmë me një trajner të zakonshëm që është i lidhur me një yll popi?’”

Britney dhe Sam u njohën në vitin 2016 gjatë xhirimeve të klipit Slumber Party. U martuan në qershor 2022, por Asghari kërkoi divorcin në gusht 2023. Divorci u finalizua në maj 2024 dhe sipas burimeve, u zgjidh në mënyrë “paqësore” falë një kontrate paramartesore.

Në kujtimet e saj, The Woman in Me, Spears e quajti Asgharin “një dhuratë nga Zoti”, por nuk përfshiu ndarjen, pasi ndodhi pas botimit të librit. Nga ana tjetër, Asghari e quajti komentin e saj “të bukur” dhe tha se ndihet krenar për të.

Spears ka qenë më parë e martuar me Kevin Federline, me të cilin ka dy djem, si dhe me Jason Allen Alexander në vitin 2004.

The post Britney Spears shpërthen pas intervistës së Sam Asghari appeared first on Lapsi.al.

Britney Spears rikthehet në qendër të vëmendjes së modës me një bashkëpunim të papritur, por krejtësisht të përshtatshëm me Balenciaga, për koleksionin Pranverë 2026 të titulluar Exactitudes. Është koleksioni i fundit i Demnës si drejtoreshë artistike e shtëpisë së modës, një projekt lamtumire që kombinon modën, muzikën dhe nostalgjinë në një mënyrë unike.

Koleksioni përfshin veshje, aksesorë, si dhe një listë muzikore ekskluzive të kuruar personalisht nga Britney, së bashku me dy rimiksime të këngëve të saj klasike nga BFRND, muzikanti që e ka lidhur emrin e tij me tingujt e Balenciaga.

Veshjet e koleksionit sjellin ndjesi të forta nga fillimi i viteve 2000: bluza, bluza me zinxhir dhe shalle mëndafshi me flamur, të gjitha me firmën dhe stilin personal të Britney. Emri i saj është kudo në dizajne, ndërsa estetika plotësohet me fotografi nga legjendarët Rankin dhe Steven Klein, duke krijuar një ndjesi të epokës pop vintage. Dizajnet me shkronja të shkruara me dorë dhe prekjet e simboleve të saj personale, u japin veshjeve karakter dhe vlerë sentimentale, si suvenirë personalë.

«Gjithmonë e kam dashur modën dhe kur Demna dhe Balenciaga më kontaktuan për këtë bashkëpunim, u emocionova shumë», thotë Britney. «Shpresoj ta shijoni aq sa unë. Këto imazhe janë disa nga momentet më të bukura të jetës dhe karrierës sime dhe jam e emocionuar t’i ndaj ato me botën».

Lista e këngëve që shoqëron koleksionin është e disponueshme në të gjithë botën nëpërmjet Balenciaga Music Hub, me mundësi transmetimi nga platforma të tilla si Spotify dhe Apple Music.

The post Britney Spears dhe Balenciaga bashkëpunojnë për koleksionin më të ri appeared first on iconstyle.al.

Britney Spears shpjegoi në librin e saj “The Woman in Me” pse iu prezantua publikut si e virgjër kur fitoi famë.

Ajo shkroi se kur filloi karriera e saj, ekspertët e PR donin që ajo të prezantohej në një mënyrë specifike, gjë për të cilën ajo fillimisht pranoi. “E vërteta është se, nëse je e re dhe beqare në Hollywood dhe fillojnë të qarkullojnë thashetheme se ke bërë seks, menjëherë etiketohesh si kurvë, kështu që ekipi im krijoi të gjithë këtë histori për mua”, tha ajo.

Spears theksoi se historia nuk kishte kuptim duke pasur parasysh marrëdhënien e saj me Justin Timberlake.

“Meqenëse kisha shumë fansa adoleshentë, menaxherët dhe ekipi im i PR u përpoqën për një kohë të gjatë të më portretizonin si një virgjëreshë të përjetshme, edhe pse unë dhe Justin Timberlake jetonim bashkë dhe kisha pasur lidhje që kur isha 14 vjeç”, shkroi ajo në librin e saj.

Ajo histori e rreme, pretendon ajo, i shkaktoi shumë dëme. Në një pjesë të kujtimeve, Spears zbuloi se kishte pasur një abort gjatë lidhjes së saj me Timberlake, por nuk shkoi në spital sepse kishte frikë se lajmi mund të dilte në dritë. Ajo përshkroi se kishte “qajtur dhe ulëritur” në dyshemenë e banjës sepse ilaçi po i shkaktonte dhimbje të forta dhe shtoi se Timberlake mendoi se muzika do ta ndihmonte, kështu që solli një kitarë dhe luajti pranë saj.

Pas ndarjes së tyre, Spears vazhdoi gënjeshtrat që ekipi i saj i kishte imponuar. Në vitin 2003, ajo deklaroi se “vetëm pas dy vitesh lidhjeje me Justin ajo bëri seks për herë të parë”. Megjithatë, në kujtimet e saj, ajo shpjegoi se kishte bërë seks që nga mosha 14 vjeç dhe se për herë të parë kishte fjetur me shokun më të mirë të vëllait të saj, Bryan.

“Pse menaxherët e mi këmbëngulnin kaq shumë që unë të isha një lloj vajze e virgjër edhe në të njëzetat? Kujt i intereson nëse kam bërë seks apo jo?” deklaroi ajo në libër.

Spears shkroi se ajo “u paraqit si një virgjëreshë e përjetshme, edhe pse kjo nuk ishte e vërtetë”. Gjatë pjesës më të madhe të karrierës së saj, Spears ishte nën mbikëqyrjen e dikujt, dhe nga viti 2008 deri në vitin 2021 ajo ishte nën kujdestari, të cilën ajo e kundërshtoi.

Pasi arriti t’i hiqej kujdestaria, ajo deklaroi se nuk do t’ia dëshironte atë dhimbje askujt dhe se e kishte jashtëzakonisht të vështirë të pranonte atë që i kishte bërë familja e saj. /Telegrafi/

The post Britney Spears zbulon në librin e saj: Kam bërë seks që kur isha 14 vjeçe dhe më portretizuan si një virgjëreshë të përjetshme appeared first on Telegrafi.

Britney Spears ka kërkuar ndjesë pasi piu duhan në një avion, por thotë se nuk është ajo përgjegjëse për ndezjen e cigareve.

“Mikesha ime ma vuri në gojë dhe e ndezi për mua, ndaj mendova ‘Qenka avion ku lejohet të pish duhan”, shkroi këngëtarja në Instagram të premten, krahas një videoje në avion.

“Me të vërtetë kërkoj ndjesë ndaj kujtdo që u ofendua, por stjuardesat gjithmonë më vendosin në fund të avionit gjithsesi !!!”

Spears e minimizoi çështjen duke e quajtur “jashtëzakonisht qesharake” në postimin e saj dhe tregoi se ka qenë në avion ku ndalohet duhani, por mendoi se ky ishte ndryshe “sepse mbajtëset e pijeve ishin jashtë sediljes.”

Ajo pranoi gjithashtu se kishte konsumuar alkool gjatë fluturimit nga Cabo San Lucas, Meksikë drejt Aeroportit të LAX në Los Angeles, dhe sipas TMZ, ajo deklaroi se ishte “hera e parë që pi VODKË!!!”

Sipas TMZ, stjuardesat menduan se Spears po sillej “vështirë” – edhe pse ajo e fiku cigaren kur ia kërkuan – ndaj u thirrën autoritetet për ta pritur kur zbriste nga avioni.

“Mendova se zyrtarët më pritën për mbështetje dhe thashë: ‘WOW, ndihem e veçantë!!!’ S’kam qenë kurrë në një aeroport ndërkombëtar !!! Jam e famshme apo diçka e tillë ???”, tha ajo me ironi.

Spears pretendoi gjithashtu se një stjuardesë në veçanti ishte sjellë keq me të dhe “nuk e linte të ngrihej nga vendi”, edhe pse në avion nuk kishte askënd tjetër për 20 minutat e para.

“Ajo sillej shumë çuditshëm për t’u siguruar që unë të ulesha dhe ishte shumë e çuditshme!!! S’më pëlqeu mënyra si ma vendosi rripin e sigurimit dhe më hyri në hapësirën personale!!!”

Postimi i Britney përfundoi me një referencë për bizhuteritë e saj, duke u pyetur fansave: “Ju pëlqen chokeri im me lule ??? ‘B tiny’ po vjen së shpejti dhe kjo është diçka që kemi shtuar!!! Është sinqerisht i adhurueshëm!!!”

Sapo zbriti nga avioni, një punonjës dogane thuhet se e la të lirë vetëm me një paralajmërim.

The post Britney Spears kërkon falje pas incidentit në avion appeared first on Lapsi.al.

Sean “P. Diddy” Combs dyshohet se kishte bërë një listë të ftuarish me statusin A për festën e 21-vjetorit të ditëlindjes së Cassie Ventura.

Cassie dëshmoi se në festën e saj të 21-vjetorit në Las Vegas, Diddy kishte ftuar Spears dhe producentin Dallas Austin. Ajo tha se ishte në atë festë ku Combs e puthi për herë të parë, gjë që e tronditi dhe e bëri të qante, pasi lidhja e tyre deri atëherë ishte platonike.

Në gjyq u përmendën edhe mesazhe të nxehta midis tyre, të cilat mbrojtja i përdori për të treguar se Cassie ishte pjesëmarrëse e gatshme në “freak-offs”, orgji seksuale që ajo më herët i kishte përshkruar si traumatike.

Cassie pranoi se ndonjëherë ishte ndjerë si “e dashura për fantazitë” e Diddy-t dhe jo partnerja e tij e plotë. Gjykatësi ka urdhëruar që marrja e saj në pyetje të përfundojë brenda kësaj jave.

The post Pse Britney Spears u përmend në gjyqin e P Diddy? appeared first on iconstyle.al.

Ben Affleck ka pranuar se dikur ndiente dhembshuri për Britney Spears kur paparacët e shqetësonin gjatë një periudhe të vështirë për të.

“Shumë kohë më parë, vite më parë, ndjeja me të vërtetë shumë empati për Britney Spears,” tha së fundmi aktori i “Argo”-s në podcastin “This Past Weekend With Theo Von”.

“Sepse më kujtohet se dukej sikur … këta njerëz po e ndiqnin kudo në një kohë kur ajo mund të kishte apo jo vështirësi.”

Affleck, 52 vjeç, sqaroi se po spekulonte kur thoshte se Spears, 43 vjeç, mund të ketë qenë në vështirësi në atë periudhë, pasi ai nuk e njihte personalisht.

“Nuk e di me siguri, sepse nuk e njoh,” tha ai. “Por e di që njerëzit që të ngacmojnë, të bërtasin, të bezdisin e të ndjekin, dukej sikur vetë ky proces po e përkeqësonte situatën.”

“Kjo ishte hera e parë që mendova se kjo është një lloj mizorie kolektive, ndoshta e pavetëdijshme,” shtoi aktori.

Affleck shpjegoi se fotot e famshme ku personazhet duket të zemëruar janë shpesh rezultat i provokimeve të vazhdueshme nga fotografët.

“Gjithçka që sheh është ‘kafsha që gërhet’,” tha ai.

Ndërsa Affleck nuk specifikoi se për cilën periudhë po fliste, ka të ngjarë që i referohej periudhës së vitit 2007, kur Britney Spears pati një krize publike dhe rruajti kokën.

Në vitin 2008, këngëtarja e “Toxic” iu nënshtrua vlerësimeve për shëndetin mendor dhe u mbajt në spital psikiatrik pasi thuhet se u mbyll në banjë me dy fëmijët e saj gjatë një konflikti për kujdestarinë me ish-bashkëshortin Kevin Federline.

Spears më pas u vendos nën një kujdestari ligjore në tetor të atij viti, e cila përfundoi zyrtarisht në vitin 2021.

Ndërkohë,  Brn theksoi se nuk e njihte Spears, pasi ajo kishte pretenduar më parë se kishte pasur një puthje me të “vite më parë.”

“Foto interesante e imja me Ben Affleck dhe Diane Warren vite më parë!” shkroi Spears në Instagram në shkurt 2024, së bashku me një foto të vitit 1999.

“Ai është një aktor i jashtëzakonshëm. A përmenda që jam puthur me Ben atë natë … Sinqerisht kisha harruar … çmenduri!!!”

The post Ben Affleck flet për Britney Spears: Ndjeja empati për të appeared first on Lapsi.al.

Britney Spears ka lënë të kuptohet se mund të nisë një rrugëtim të ri profesional, ndoshta në drejtim të ligjit – ashtu si Kim Kardashian.

Në një video të postuar (dhe më pas fshirë) në Instagram, këngëtarja 43-vjeçare u shfaq duke vallëzuar dhe shkroi: “Shkollë juridike, kompjuter i ri… kështu që vishuni siç duhet”.

Ky postim ka ngritur dyshime se Britney mund të synojë të studiojë për avokate, një zgjedhje e ngjashme me rrugën e Kim Kardashian, e cila që nga viti 2018 ka ndjekur ëndrrën për të ushtruar profesionin e avokates dhe ka kaluar disa provime kyçe drejt licencimit, shkruan DailyMail.

Ndërkohë, Britney ka qenë në vëmendje edhe për shkak të ndarjes me ish-bashkëshortin Sam Asghari, i cili është shfaqur publikisht me të dashurën e re, Brooke Irvine.

Postimet e fundit të Spears – të ngarkuara me mesazhe të fshehura dhe vallëzime provokuese – janë parë si përgjigje ndaj zhvillimeve në jetën e Asgharit. /Telegrafi/

The post Britney Spears sinjalizon një kthesë të madhe në karrierë appeared first on Telegrafi.

Marrëdhënia e Britney Spears me Paul Soliz duket se i ka ardhur sërish fundi. Sipas informacioneve të raportuara nga TMZ nga njerëz të njohur me situatën, ylli i popit u nda me Soliz disa javë më parë, rreth Ditës së Shën Valentinit.

Çifti kishte kaluar tashmë një krizë në marrëdhënien e tyre në korrik 2024, përpara se të rilidheshin shkurtimisht në shkurt. Arsyet e ndarjes mbeten të paqarta, por burime nga mjedisi i tyre vlerësojnë se këtë herë fundi është përfundimtar – edhe pse, siç theksojnë ata, “nuk mund të jesh kurrë i sigurt me këta të dy”. Të njëjtat informacione raportojnë se Soliz së fundmi hoqi të gjitha sendet e tij personale nga shtëpia e Spears në zonën e Los Anxhelosit, ku ata jetonin së bashku ndërsa ishin bashkë.

Britney Spears u nda nga ish-bashkëshorti i saj, Sam Asghari, në vitin 2023 dhe finalizoi divorcin e saj në maj 2024. Soliz punoi si kujdestare e shtëpisë së yllit të popit në vitin 2022 dhe ka një precedentë të rëndë kriminale që përfshin shkelje të ndryshme, duke përfshirë prishjen e qetësisë, rrezikimin e një të mituri dhe drejtimin e automjetit pa patentë. Përveç kësaj, ai është akuzuar edhe për vepra penale, si mbajtja e lëndëve të kontrolluara me qëllim shpërndarje dhe armëmbajtje. Në vitin 2020, ai u arrestua dhe u dënua me dy vjet provë dhe 90 ditë burg.

TMZ kishte zbuluar se në maj të vitit 2024, çifti pati një sherr të madh në hotelin e famshëm Chateau Marmont. Ngjarja ka nisur në dhomën e tyre dhe ka përshkallëzuar shpejt në një përplasje fizike. Dëshmitarët okularë raportuan në atë kohë se këngëtarja dukej se po bërtiste dhe ishte jashtë kontrollit në korridoret e hotelit, duke ngritur shqetësimin se ajo mund të kishte një krizë. Më pas, 911 u thirr dhe shpëtuesit mbërritën, dhe përfundimisht Spears u largua nga vendi i ngjarjes nga sigurimi i saj dhe u dërgua në shtëpinë e saj.

The post Britney Spears ndahet nga partneri i saj, Soliz largohet nga banesa appeared first on iconstyle.al.

Një nga veshjet më ikonike të Britney Spears, nga koncerti special i vitit 2001, është shitur për një shumë të konsiderueshme në ankand.

Veshja e zbukuruar me kristale, u bë e famshme gjatë performancës së Spears në specialen “Britney Spears Live from Las Vegas”. Sipas burimeve, veshja u shit për $14,080, duke dëshmuar edhe një herë ndikimin e madh që ka ende ylli i pop-it në kulturën popullore.

Britney Spears ka qenë një ikonë e stilit që nga vitet 2000, dhe kjo veshje është vetëm një nga shumë look-et e saj që kanë mbetur në memorien kolektive të fansave. Ankandi përfshinte edhe objekte të tjera të lidhura me karrierën e saj, por ky kombinim ishte ndër më të kërkuarit.

The post Veshja ikonike e Britney Spears shitet për mijëra dollarë appeared first on iconstyle.al.

Në një intervistë të re në “The Nikki and Brie Show”, Sam Asghari bëri deklarata për lidhjen dhe martesën e tij me Britney Spears.

Aktori dhe modeli 31-vjeçar, në veçanti ka folur për fillimin e karrierës dhe njohjen me yllin e popit.

“Ne u takuam në një set dhe nuk mund të mos mendoja se ajo ishte ylli më i madh në botë, gjë që më dha, në një farë mënyre, një shkëndijë”.

Marrëdhënia e tyre filloi ndërsa Spears ishte në një betejë ligjore me babanë e saj për t’u liruar nga kujdestaria e tij . Ajo u martua me Asghari në qershor 2022, në një ceremoni në Los Anxhelos me 60 të ftuar (midis tyre ishin Madonna dhe Drew Barrymore), rreth nëntë muaj pasi kishin shpallur fejesën e tyre. Megjithatë, çifti u nda brenda vitit të ardhshëm dhe divorci i tyre u finalizua në maj 2024.

Asghari aktualisht është në një lidhje me Brooke Irvine, e cila punon në pasuri të paluajtshme, një lidhje që çifti e konfirmoi në Instagram në janar 2025.

The post Sam Asghari: Çfarë e tërhoqi fillimisht te Britney Spears kur u takuan? appeared first on iconstyle.al.

Britney Spears ka postuar një video të re kërcimi në rrjetet sociale.

Këngëtarja, e cila rifitoi kontrollin e jetës dhe financave të saj pas përfundimit të kujdestarisë nga babai i saj në nëntor 2021, nuk ndalet së ndari me miqtë e saj online, video provokuese.
Kësaj radhe ylli i popit 43-vjeçar ka postuar një video në profilin e saj personal në Instagram, ku kërcen edhe një herë, e veshur vetëm me të brendshme dhe çizme të vogla seksi.

The post Britney Spears provokon sërish, kërcen me të brendshme dhe çizme në Instagram appeared first on Albeu.com.

Britney Spears ka kaluar Krishtlindjen në shoqërinë e djalit të saj 18-vjeçar, Jayden James. Ajo ndau momente të veçanta me të në Instagram, duke shprehur emocionet e saj për këtë ribashkim të shumëpritur.

“Krishtlindja më e bukur e jetës sime. Nuk e kisha parë djalin tim prej dy vitesh. Lot gëzimi dhe tronditje absolute. Më mungojnë fjalët. Faleminderit, Jezus,” shkroi Britney në përshkrimin e postimit të saj. Në fillim të një videoje të publikuar, ajo e prezantoi Jayden si “bebi i saj,” duke e puthur në faqe dhe duke treguar dashurinë e madhe për të. Më pas, ata u filmuan pranë pemës së Krishtlindjes, duke uruar ndjekësit e Britney-t për festën.

Përveç Jayden-it, Britney ka edhe një djalë tjetër, Sean Preston, 19 vjeç, të cilin gjithashtu e ka nga martesa me ish-bashkëshortin Kevin Federline. Britney dhe Federline u ndanë në vitin 2006, pas tre vitesh martesë.

 

View this post on Instagram

 

A post shared by XILA MARIA RIVER RED (@britneyspears)

Marrëdhënia e Britney-t me djemtë e saj ka kaluar nëpër faza të ndryshme, shpeshherë të trazuara. Megjithëse i ka përshkruar ata si burimin më të madh të lumturisë dhe krenarisë së saj, vitet e fundit ata janë larguar ndjeshëm nga njëri-tjetri. Në vitin 2007, pas një krize të saj mendore, Federline fitoi kujdestarinë e plotë për djemtë. Britney, e cila më pas u vu nën kujdestarinë e të atit, Jamie Spears, u pajtua me një marrëveshje për kujdestari të përbashkët.

Në vitin 2019, gjykata ndryshoi përsëri vendimin dhe Federline mori 70% të kujdestarisë. Në atë kohë, Jayden dhe Sean Preston ndaluan së qëndruari në shtëpinë e Britney-t. Takimet e mbikëqyrura u bënë gjithnjë e më të rralla, deri sa ndaluan plotësisht. As pas heqjes së kujdestarisë së të atit në vitin 2021, marrëdhënia e saj me djemtë nuk u përmirësua.

Ata nuk morën pjesë në dasmën e saj me Sam Asgharin dhe shpërngulja e saj në Hawaii e bëri edhe më të vështirë komunikimin. Në një intervistë të rrallë, Jayden shprehu shpresën se, pavarësisht sfidave dhe dramave që kanë ndjekur jetën e Britney-t, ata do të mund të rindërtojnë marrëdhënien e tyre një ditë. “Jam i vetëdijshëm që drama rreth saj nuk do të ndalet kurrë,” tha ai. /Telegrafi/

The post Britney Spears kaloi Krishtlindjet me djalin e saj 18-vjeçar, të cilin nuk e ka parë prej dy vitesh appeared first on Telegrafi.

Britney Spears po  realizon dëshirën e saj të vetme këtë vit!

Artistja zbuloi në një postim në Instagram të mërkurën, se po festonte  Krishtlindjet me djalin e saj më të vogël Jayden James, 18 vjeç, duke shpjeguar se ka dy vjet që nuk e ka parë atë.

Ribashkimi i tyre i ëmbël u kap në video. Në klip, Jayden i tha kamerës “përshëndetje”, ndërsa qëndronte pranë mamasë së tij, e cila e prezantoi me ndjekësit e saj duke thënë: “Ky është fëmija im”.

“Krishtlindja më e bukur e jetës sime !!!”, ka shkruar Spears në postimin. “Unë nuk i kam parë djemtë e mi për 2 vjet !!!”

View this post on Instagram

A post shared by XILA MARIA RIVER RED (@britneyspears)

“Lot gëzimi dhe fjalë për fjalë në tronditje çdo ditë , kaq e dashuruar dhe e bekuar!!!”, shtoi ajo. “Jam pa fjalë faleminderit Jezus!!!”

Këngëtarja e “Lucky” ndan Jayden dhe Sean Preston, 19 vjeç, me ish-bashkëshortin Kevin Federline. Ajo bëri kërkesë për divorc në 2006 pas tre vitesh martesë.

Që kur divorci i tyre u finalizua në korrik 2007, ata kanë pasur diskutime të ndryshme për kujdestarinë, megjithëse djemtë kanë qenë së fundmi me babain e tyre, me të cilin u transferuan në Hawaii në vitin 2023.

Pas një viti jete në Hawaii, një burim i tha PEOPLE se Jayden u ribashkua me nënën e tij në Los Anxhelos muajin e kaluar dhe dyshja kanë qenë duke qëndruar në shtëpinë e saj.

“Kalimi i kohës së bashku e ka bërë atë të lumtur”, tha një burim i brendshëm për PEOPLE.

Ndërsa u shfaq në kopertinën e PEOPLE në tetor 2023 për të promovuar kujtimet e saj The Woman in Me, ylli i popit e quajti amësinë një “ëndërr”. Ajo tha për rritjen e djemve të saj: “Ngritja e një familjeje ishte ëndrra ime e realizuar. Të bëhesha nënë ishte ëndrra ime e realizuar.”

The post Britney Spears ribashkohet me djalin e saj: Lot gëzimi appeared first on Lapsi.al.

Festat u ndjenë ndryshe këtë vit në shtëpinë e Britney Spears. Kjo sepse yllit të popit i shkoi për vizitë djali i saj, Jayden.

Britney ishte e emocionuar teksa në Instagram ka publikuar një video që tregonte ambientin festiv në ditën e Krishtlindjeve.

Në mbishkrim shkroi: “Krishtlindja më e mirë e jetës sime!! Nuk I kam parë djemtë për dy vjet!!”, shkroi ajo postim i cili mori pëlqime të shumta nga fansat.

The post Pas 2 vitesh, Britney Spears takohet me djemtë e saj appeared first on iconstyle.al.

Britney Spears nuk planifikon të rikthehet në Las Vegas për një tjetër rezidencë muzikore, duke hedhur poshtë spekulimet e fundit për një rikthim në Sin City.

Thashethemet nisën pas një postimi të blogerit të famshëm Scott Roeben nga Vital Vegas, që ngacmoi një rikthim të mundshëm të yllit.

Megjithatë, një burim i afërt me këngëtaren konfirmoi për DailyMail.com se çdo lajm për një rikthim është i pavërtetë, shkruan DailyMail.

Rezidenca e saj e parë, “Britney: Piece of Me” (2013-2017), ishte një sukses i jashtëzakonshëm, duke fituar 137 milionë dollarë (129 milionë euro) nga 248 shfaqje.

Planet për një rezidencë të dytë në 2019, “Britney: Dominion” u anuluan kur ajo u tërhoq nga performanca.

Ndërkohë, Britney ka tërhequr vëmendjen me sjelljet e saj në rrjete sociale. Në një video të fundit, ajo pretendoi se “mbushte pesë vjeç” dhe përmendi një zhvendosje të përhershme në Meksikë, duke shtuar dyshime për mirëqenien e saj.

Sipas burimeve, këto veprime janë të qëllimshme. “Ajo është e varur nga fama dhe e di si ta mbajë botën të flasë për të, thanë burimet, duke shtuar se Britney po shijon kohën me familjen dhe po udhëton nëpër Evropë e Meksikë. /Telegrafi/

The post Britney Spears nuk po kthehet në Las Vegas, pavarësisht thashethemeve për rikthim appeared first on Telegrafi.

Britney Spears po punon për të rregulluar marrëdhënien e saj me nënën e saj, Lynne Spears, dhe djemtë përpara festave, ka mësuar ekskluzivisht Page Six.

“Ajo dhe djemtë e saj po përqendrohen vërtet në rindërtimin e lidhjes së tyre”, thotë një burim për Page Six, duke shtuar se ajo dhe fëmijët e saj janë në rrugën e të qenit “super afër” sërish.

“Këto gjëra janë një proces në çdo dinamikë familjare,” shton insajderi.

Page Six raportoi ekskluzivisht në nëntor se Jayden pa nënën e tij për herë të parë në vite që kur ai, vëllai Preston, babai Kevin Federline dhe gjysmëvëllezërit e tij u transferuan në Hawaii në gusht 2023.

“Ata kanë kaluar shumë kohë së bashku,” zbuloi një burim i brendshëm, ndërsa një tjetër shtoi: “Britney është e emocionuar që do të bashkohet me fëmijën e saj”.

Ky lajm vjen pasi Britney tha se është zhvendosur në Meksikë për t’u larguar nga paparacët.

“Më lëndon vërtet ndjenjat e mia që paparacët e bëjnë fytyrën time të duket sikur kam veshur si një maskë të bardhë Jason. Nuk ngjan fare me mua”, tha ajo në një video në Instagram. Ata kanë qenë gjithmonë tepër mizorë me mua, paparacët dhe mënyra se si më kanë ilustruar të jem në disa prej tyre. Sepse trajtimi ka qenë “jashtëzakonisht i keq dhe mizor”, tha Spears. ‘Kjo është arsyeja pse unë jam zhvendosur në Meksikë.’

The post Britney Spears bën paqe me familjen e saj? appeared first on Lapsi.al.

Britney Spears vendosi të transferohej nga ShBA në Meksikë dhe si arsye kryesore përmendi nevojën për t’u larguar nga paparacët.

Ajo deklaroi se qëndrimi i paparacëve ndaj saj ishte i poshtër dhe mizor, ndaj vendosi të shkonte në Meksikë.

“Paparacët kanë qenë gjithmonë tepër mizorë me mua”, tha ajo.

 

View this post on Instagram

 

A post shared by XILA MARIA RIVER RED (@britneyspears)

Britney u filmua duke zbritur në Cabo San Lucas dy ditë më parë dhe ajo ishte në humor të mirë pas mbërritjes. Në ditëlindjen e 43-të të Britney-t, divorci i saj nga Sam Asghari u përfundua zyrtarisht. Spears u takua me Asghari gjatë xhirimeve të videoklipit për këngën “Slumber Party”, e cila ishte ylli kryesor mashkull.

Modelja i dha këngëtares numrin e telefonit pas xhirimeve dhe ajo zbuloi se iu deshën pesë muaj për ta telefonuar. Martesa mes Spears dhe Asghari u përfundua dy vjet e gjysmë më parë dhe në dasmën e tyre morën pjesë Madonna, Donatella Versace dhe Paris Hilton.

Një vit pas dasmës, Asghari njoftoi se ata po divorcoheshin. Arsyeja e divorcit ishin thashethemet për pabesinë e Britney-t, si dhe zënkat e shpeshta, të cilat bënë që Asghari të largohej nga shtëpia e tyre. Së fundmi këngëtarja ka publikuar një video në profilin e saj në Instagram ku u ka treguar fansave se është martuar sërish dhe me veten. /Telegrafi/

The post Britney Spears po largohet nga vendlindja – zbulon arsyen se pse nuk dëshiron më të jetojë në ShBA appeared first on Telegrafi.

Sam Asghari ka nxitur së fundmi aludimet për një romancë dashurie meBrooke Irvine, gjatë një shëtitjeje me qenin që i bleu ish-gruas së tij, Britney Spears.

Aktori dhe agjentja e pasurive të paluajtshme u fotografuan puthje njëri-tjetrit ndërsa ishin jashtë për një shëtitje para Falënderimeve në Los Anxhelos të mërkurën. Dyshja më vonë bënë një pushim  dhe u përqafuan me njëri-tjetrin ndërsa ishin ulur. Më herët gjatë ditës, ata ndaluan për drekë në Gracias Madre.

Ndërsa Irvine dhe Asghari ende nuk  kanë konfirmuar spekulimet, ish-trajneri personal u pa duke u kontaktuar me një bionde misterioze në shtator. Megjithatë, është e paqartë nëse gruaja e paidentifikuar ishte Irvine.

Asghari ka qenë beqar që kur paraqiti kërkesën për divorc nga Spears në gusht 2023.

Megjithatë, para ndarjes, aktori i “Family Business” e befasoi këngëtaren “Toxic” me Doberman, duke pretenduar se ai kishte marrë qenushin për ta mbrojtur atë.

“Emri i saj është Porsha, dhe ajo ka për qëllim të të dojë pa kushte dhe do të trajnohet për të të  mbrojtur nga çdo person që  vjen me qëllime të këqija,” i tha ai Spears, 42 vjeç, përmes një video në Instagram në atë kohë. Megjithatë, pas divorcit, Asghari thuhet se mori kujdestarinë e vetme të qenushit. Spears, ndërkohë, fitoi kujdestarinë e qenve të tyre të tjerë, raportoi më parë TMZ.

Marrëdhënia e fitueses së Grammy me modelin daton në vitin 2016 kur ata u takuan në xhirimet e videoklipit të saj “Slumber Party”. Ata u fejuan në shtator 2021 dhe më pas u martuan në qershor 2022 në Thousand Oaks, Kaliforni. Dyshja u ndanë një vit pas dasmës së tyre mes akuzave se këngëtarja e “Gimme More”  e kishte tradhëtuar. Sipas TMZ, Spears “u lidh me të paktën një nga anëtarët meshkuj të stafit”.

The post Sam Asghari në një romancë të re dashurie appeared first on Lapsi.al.

Britney Spears, 42 vjeç, është në rrugën e ribashkimit me djalin e saj të vogël, Jayden, 18 vjeç, sipas raportimeve nga Page Six. Një burim i afërt me familjen ka zbuluar se këngëtarja e famshme po kalon më shumë kohë me të birin, një hap i rëndësishëm drejt forcimit të marrëdhënieve të tyre.

“Britney është e emocionuar që po krijon një lidhje të re me Jayden-in. Ajo është e lumtur që ai është kthyer dhe po punojnë për të ndërtuar një marrëdhënie të shëndetshme,” ka thënë burimi.

Jayden, i cili ishte zhvendosur në Hawaii vitin e kaluar së bashku me babanë Kevin Federline dhe vëllain Sean Preston, është rikthyer në Kaliforni, ku jeton Britney. Aktualisht nuk dihet nëse ai po qëndron në shtëpinë e nënës së tij në Thousand Oaks, por ribashkimi i tyre po konsiderohet si një hap pozitiv.

Ndërkohë, djali i madh i Spears, Sean Preston, 19 vjeç, thuhet se ende jeton në Hawaii. Britney nuk ka pasur ende kontakte të raportuara me të, një fakt që Jayden e kishte përmendur më parë në një intervistë për Daily Mail në shtator 2022. “Mendoj se mami ka hasur vështirësi të na kushtojë vëmendje të barabartë. Ndihem keq për Preston-in, sepse nuk ka marrë mjaftueshëm dashuri,” kishte thënë ai.

Spears, e cila pritet të ndërpresë pagesat e mbështetjes për fëmijët pas mbushjes së 18-vjetorit të Jayden-it, mund të vazhdojë t’i ofrojë ndihmë derisa ai të përfundojë shkollën e mesme këtë vit, raportojnë burimet për People. Gjatë 17 viteve, ajo ka paguar rreth 5 milionë dollarë për të mbështetur jetesën e djemve të saj.

The post Britney Spears ribashkohet me djalin e vogël pas shumë vitesh appeared first on iconstyle.al.