Darka Gala që FIFA do të organizojë të enjten në Neë York, në kuadër të Botërorit të Klubeve, të ftuar speciale dhe performuese kryesore do të ketë Rita Orën, këngëtaren me famë botërore.

Kjo mbrëmje që do të mbahet në ambientet luksoze të Cipriani Ëall Street, në bashkëpunim me platformën “Big Art Festival”, pritet të mbledhë emra të njohur nga bota e futbollit, drejtues të lartë të FIFA-s, si dhe figurat e mëdha nga moda, biznesi dhe arti.

Përveç se mysafire nderi, Rita Ora, do ta mbyllë mbrëmjen me një performancë muzikore, duke e vendosur në qendër të vëmendjes bashkimin e sportit dhe kulturës në skenën ndërkombëtare./ KultPlus.com 

E ftuar në televizionin e famshëm amerikan ABC, këngëtarja shqiptare me famë botërore, Rita Ora, flet me krenari për prejardhjen e saj shqiptare dhe për rrugëtimin si një ikonë globale e muzikës pop.

E pyetur nga gazetari për rrugëtimin dhe ndikimin e rrënjëve nga Kosova në formimin e saj në Londër në artin që krijon, Rita shprehet se thelbi i formimit të saj artistik dhe personal është pikërisht prejardhja e saj. Rita nuk heziton të shpreh krenarinë e saj për origjinën shqiptare:

“Mund të flas për këtë përgjithmonë. Kurrë nuk e harroj nga vij. Qysh në fillimet e mia, më shumë se një dekadë më parë, kam folur gjithmonë hapur për prejardhjen time si emigrante, për familjen time si refugjatë dhe sa shumë do të thotë kjo për mua. Më është dhënë mundësia të arrij ëndrrat e mia, dhe kjo është diçka që nuk e marr kurrë si të mirëqenë.” – u shpreh artistja.

Pos të tjerave, Rita e ndien veten edhe si përkrahëse të brezit të ri. Nisur nga shembulli i vetes, si një refugjate në Mbretërinë e Bashkuar, e shndërruar në ikonë të muzikës pop, Rita i mbështet gjeneratat e reja në ndjekje të ëndrrave dhe në të qëndruarit optimist për të ardhmen.

“Arti im gjithmonë është mbështetur në integritetin personal, jo në atë që është “cool” për momentin.” – shtoi Rita.

Gjithashtu ajo foli edhe për ndikimin dhe rolin e rrjeteve sociale në jetën e saj, duke pranuar se i pëlqen TikTok-u dhe rrjetet e tjera, por në procesin krijues mbetet besnike ndaj vetvetes dhe thelbësore e sheh të qenur reale dhe e vërtetë me veten.

Në formimin e saj personal dhe në rrugën e krijimit të një identiteti të pavarur, Rita e konsideron si hap të madh edhe momentin kur i propozoi martesë bashkëshortit të saj:

“Ishte momenti im me mikun tim më të mirë. Ende është. Dhe nuk e mendova shumë derisa njerëzit filluan të më thoshin: ‘Wow!’ Por unë mendoj se kjo duhet të normalizohet. Jemi po aq të fuqishme sa burrat që propozojnë tradicionalisht.”/ KultPlus.com 

Këngëtarja e njohur britanike, Rita Ora, tregoi edhe një herë stilin dhe përkushtimin ndaj formës fizike gjatë një dite të ngarkuar në New York, të martën.

Ajo u fotografua duke dalë nga palestra me një veshje sportive në ngjyrë vishnje – një palë reçipeta dhe pantallona të shkurtra të ngjashme, të kombinuara me atlete të bardha.

Në çantën e saj të fitnesit, interpretuesja e hitit “I Will Never Let You Down” kishte një lodër me push ‘Labubu’, e cila është shndërruar në senzacionin e momentit në mbarë globin.

Më vonë, 34-vjeçarja ndërroi pamje për disa evente që kishte në qytet, shkruan DailyMail.

Fillimisht u shfaq me një bra transparente të zezë dhe pantallona “cargo” në ngjyrë blu të ndezur, të kombinuara me taka të holla elegante.

Ndërsa në pamjen e saj të tretë, Rita veshi një fustan të shkurtër me shkëlqim, të kombinuar me një këmishë me vija të vendosur nën fustan, një xhaketë të zezë elegante me jakë me shkëlqim, dhe takat klasike.

Përveç paraqitjes në rrugët e New York-ut, Rita së fundmi ka folur për marrëdhënien e saj me Beyoncé dhe thashethemet që u përhapën në vitin 2016, ku ajo u spekulua si “Becky with the good hair” – një referencë e përfolur në albumin e famshëm të Beyoncé, “Lemonade”, që prekte temën e tradhtisë bashkëshortore.

Në një intervistë për podcastin “Begin Again” të Davina McCall, Rita rrëfeu: “Pas dyerve të mbyllura, Beyoncé është si një zanë mbrojtëse për mua, ajo ka qenë gjithmonë aty për të më mbështetur – është e çuditshme sa shumë dashuri ka pasur gjithmonë mes nesh”.

Rita tha se u ndje vërtet e lënduar dhe e hutuar nga zhurma që u krijua, duke pasur parasysh se Beyoncé është një figurë që ajo e ka parë gjithmonë si një “motër të madhe” dhe mbështetëse në industrinë e muzikës.

Ajo tregoi se Beyoncé kishte marrë pjesë në koncertin e saj të parë në New York kur ishte vetëm 21 vjeç, dhe se kishte kënduar për të këngën “Say My Name”.

Duke sqaruar përfundimisht spekulimet, Rita tha: “Asgjë nuk ishte e vërtetë. Ishte hera e parë që përjetova atë që do të thotë të jesh pjesë e një situate kaotike në media”.

Me humor, ajo shtoi: “I vetmi problem ishte që unë s’kam aq ‘flokë të bukur’ sa Becky!”

Rita, e cila është e martuar me regjisorin Taika Waititi që nga viti 2022, përmbylli thashethemet duke postuar një selfie me Beyoncé në Met Gala-n e vitit 2016, duke treguar se nuk kishte asnjë konflikt mes tyre: “Dhe pas kësaj, gjithçka u shua. Sepse asgjë nuk kishte ekzistuar në të vërtetë”.

Sot, Rita vazhdon të jetë një ndër emrat më të spikatur në skenën botërore, si në muzikë, ashtu edhe në modë, ndërkohë që ruan një lidhje të veçantë me yjet më të mëdha të industrisë. /Telegrafi/

The post Rita Ora nuk i reziston lodrës së famshme ‘Labubu’, shfaqet me një të tillë në çantën e saj të palestrës në New York appeared first on Telegrafi.

Këngëtarja me origjinë shqiptare dhe famë botërore, Rita Ora, ka përkujtuar me emocion 11-vjetorin e hitit të saj “Black Widow”, duke ndarë me ndjekësit një video të veçantë nga performanca e saj në Kosovë, e mbajtur në vitin 2018 për nder të 10-vjetorit të Pavarësisë së Kosovës.

Në InstaStory, Rita ka rishpërndarë një video të publikuar fillimisht nga një faqe fansash, ku ajo shihet duke kënduar “Black Widow” në sheshin “Nënë Tereza” në Prishtinë, ndërsa vallëzon me valle tradicionale shqiptare – vallen e Rugovës. E veshur me flamurin shqiptar dhe e shoqëruar nga balerinë që interpretonin motive kombëtare, kjo performancë u kthye në një nga momentet më të paharrueshme të koncertit historik.

Në postimin e saj, Rita ka shkruar: “Urime përvjetorin Black Widow, faleminderit që ndryshove jetën time”.

Kënga “Black Widow”, një bashkëpunim mes Rita Orës dhe reperes australiane Iggy Azalea, u publikua në verën e vitit 2014, dhe shumë shpejt u bë një ndër këngët më të suksesshme të karrierës së saj.

Ajo ka mbi 685 milionë klikime në YouTube dhe mbi 640 milionë dëgjime në Spotify, duke u renditur në krye të top-listave në ShBA, Mbretërinë e Bashkuar dhe shumë vende të tjera.

Performanca në Kosovë, ku Rita Ora ndërthurte elementët e një hiti global me trashëgiminë kulturore shqiptare, u vlerësua gjerësisht dhe mbetet një simbol i lidhjes së saj të fortë me rrënjët dhe dashurisë që ka për vendin e origjinës.

Ky përvjetor është jo vetëm një moment për të festuar suksesin e një kënge ikonike, por edhe për të rikujtuar se si muzika dhe identiteti kulturor mund të bashkohen fuqishëm në skenë. /Telegrafi/

The post Rita Ora shënon 11-vjetorin e hitit “Black Widow” me një rikujtim emocionues nga koncerti në Kosovë appeared first on Telegrafi.

Rita Ora ka treguar se Beyonce ka qenë gjithmonë një lloj “mbrojtëseje” për të, teksa ka folur për kohën kur u përfshi në spekulime që e lidhnin me figurën e “Becky with the good hair” – një referencë që u bë shumë e diskutuar në albumin “Lemonade” të vitit 2016 nga vetë Beyonce.

Në atë album të suksesshëm, Beyonce përfshinte tekste të ndjeshme që flisnin për tradhtinë, dhe në këngën “Sorry”, ajo përmendte një grua misterioze të quajtur “Becky with the good hair”. Kjo nxiti shumë spekulime nga fansat, të cilët sugjeronin se bëhej fjalë për një grua me të cilën Jay-Z mund të kishte pasur një lidhje jashtëmartesore.

Rita Ora, 34 vjeç, u gjend në qendër të këtyre thashethemeve, pasi u akuzua gabimisht se kishte pasur një lidhje me Jay-Z – gjë të cilën ajo e mohoi kategorikisht, shkruan DailyMail.

Tani, në një intervistë për podkastin “Begin Again” të prezantuar nga Davina McCall, Rita ka treguar se ndjehej veçanërisht e prekur nga këto akuza, sepse Beyonce gjithmonë ka qenë një lloj mbrojtëseje për të, në jetën profesionale dhe personale.

“Pas dyerve të mbyllura, [Beyonce] ishte si zanë e mirë për mua – një mbrojtëse e vërtetë. Ishte e pabesueshme, sepse mes nesh ka pasur gjithmonë vetëm dashuri”, tregoi Rita.

Ajo kujtoi gjithashtu momentin kur, në moshën 21-vjeçare, këndoi këngën “Say My Name” në një koncert në New York, me Beyonce në publik. “Ajo ishte frymëzimi im më i madh”, shtoi Rita.

Këngëtarja e hitit “For You” tha se u ndje sinqerisht e tronditur dhe e hutuar nga gjithë kjo histori, pasi Beyonce ka qenë gjithmonë si një “motrë e madhe” për të në industrinë e muzikës.

Rita theksoi se edhe sot e kësaj dite e takon shpesh Beyonce dhe mohoi sërish me forcë të ishte “Becky with the good hair (Becky me flokë të bukura)”.

“Jo, nuk ishte e vërtetë,” deklaroi ajo, duke shtuar me humor: “Ah, sikur t’i kisha flokët e bukura të ‘Becky-t’!”

Ajo shtoi se kjo ishte hera e parë që përjetoi se si është të jesh në një situatë “kaotike” publike, pa pasur fare lidhje me të.

Për t’i dhënë fund zërave, Rita bëri një selfie me Beyonce në Met Gala-n e vitit 2016, çka u pa si një sinjal i qartë se nuk kishte asgjë të vërtetë pas thashethemeve.

“Dhe pastaj gjithçka u shua,” shtoi ajo. “Sepse në të vërtetë nuk kishte kurrë asgjë aty”.

Nuk është hera e parë që Rita Ora flet për këtë temë – në vitin 2022, ajo e mohoi gjithçka edhe në podkastin e Louis Theroux.

Ajo u bë subjekt spekulimesh në prill 2016 kur publikoi në Snapchat një fotografi me reçipeta ngjyrë limoni dhe një varëse me shkronjën “R” – që shumë fansa e interpretuan gabimisht si “J”.

“Oh Zot, ishte thjesht rastësi,” kishte thënë Rita në atë kohë. “Nuk e kisha menduar fare. Dhe nuk ishte J, ishte R. Ata e kthyen në mënyrë të tillë që dukej si J”.

Ajo foli edhe për një tjetër fotografi, ku shfaqej me një reçipetë të tejdukshme të koleksionit të saj me brendin Tezenis, e dizajnuar me limonë.

“Nuk kishte aspak lidhje me atë histori. Ishte një dizajn i imi, pjesë e bashkëpunimit me kompaninë e të brendshmeve Tezenis”, sqaroi ajo.

Rita zbuloi gjithashtu se mikja e saj e ngushtë, Katy Perry, i kishte dhuruar një distinktiv qesharak ku shkruhej “Not Becky” (Jo Becky).

Albumi “Lemonade” i Beyonce, që fitoi dy çmime Grammy, përmbante disa referenca për tradhtinë e mundshme të Jay-Z. Teksti i famshëm nga kënga “Sorry” thotë: “Ti më do vetëm kur nuk jam aty / Më mirë thirre Becky-n me flokë të bukura”.

Përveç Rita Orës, edhe emra të tjerë të famshëm u përfshinë në këto thashetheme, si dizajnerja Rachel Roy – ish-bashkëshortja e partnerit të dikurshëm të biznesit të Jay-Z, Damon Dash – e cila gjithashtu i mohoi akuzat.

Diana Gordon, bashkautore e këngës dhe e njohur më parë si Wynter Gordon, sqaroi më vonë se “Becky” nuk përfaqësonte një person të veçantë.

“U habita se si një varg i tillë u interpretua aq shumë. Si është e mundur të nxirret gjithë kjo histori nga një fjali e vetme?” tha ajo.

Edhe nëna e Beyonce, Tina Knowles, ka deklaruar se referenca për “Becky” nuk i drejtohej një personi specifik, por ishte më shumë një reflektim mbi martesën.

“Ky mesazh mund të vlejë për çdo martesë”, kishte thënë ajo.

“Të gjithë ne, në një moment të jetës, jemi ndjerë të tradhtuar apo të gënjyer. Kjo është për dhimbjen, për procesin e shërimit dhe për mënyrën se si ia del të ecësh përpara”. /Telegrafi/

The post Rita Ora rrëfen se si Beyonce ka qenë gjithmonë “mbrojtësja” e saj, ndërsa flet për thashethemet që e përfshin dikur atë në një aferë të supozuar me Jay Z appeared first on Telegrafi.

Rita Ora ka nisur verën me një shpërthim, kënga e re “Heat” është një himn energjie, guximi dhe feminiteti, publikuar në të njëjtën ditë me performancën e saj në World Pride Music Festival në Washington D.C.

Me këtë këngë, Rita hap një kapitull të ri artistik, më e çliruar dhe më e vërtetë se kurrë. “Më duhej të shpërtheja,” rrëfen ajo, duke e cilësuar “Heat” si hyrjen ideale në botën e saj të re kreative.

Publikimi gjatë Muajit të Krenarisë ishte një zgjedhje e qëllimshme, për të nderuar komunitetin LGBTQIA+ që, sipas saj, ka qenë gjithnjë burim frymëzimi dhe mbështetjeje.

Por “Heat” është vetëm fillimi. Rita po përgatit një album të ri, projekte në kinematografi përfshirë rolin e saj si mbretëreshë e keqe në “Descendants: Wicked Wonderland” dhe po zgjeron linjën e produkteve për kujdesin ndaj flokëve.

Nga CD-të në BRIT Billion Award, ajo mbetet një ikonë që s’e harron prejardhjen: “Jam vajza e prindërve emigrantë dhe dua ta tregoj këtë histori me zë të lartë. Të jesh ndryshe është superfuqi.”

The post Nga skena te zemra e komunitetit: Rita Ora ndez gjithçka me “Heat” appeared first on iconstyle.al.

Këngëtarja me famë botërore, Rita Ora, është ylli i ditës në edicionin digjital të Numero Netherlands, ku ka realizuar një fotosesion të zjarrtë që po bën xhiron e rrjeteve sociale.

Në njërën prej fotografive më të komentuara, Rita shihet duke pozuar mbi një motor, me një paraqitje jashtëzakonisht atraktive, ndërsa vë në pah linjat e saj trupore të tonifikuara dhe elegancën që e karakterizon. Pjesë e këtij fotosesioni janë edhe disa poza të saj me kostume verore, ku ylli shqiptar shfaqet në top formë fizike, duke reflektuar stil dhe vetëbesim.

Në përshkrimin e publikuar nga revista në Instagram, thuhet: “Numéro Netherlands Digital prezanton Rita Orën, yllin e ditës në kopertinë, realizuar nga fotografi Lee Malone. Rita ngriti temperaturat me publikimin e këngës së shumëpritur ‘Heat’, e cila u lansua në të njëjtën ditë me performancën e saj në World Pride Music Festival në Washington D.C.”.

Revista thekson gjithashtu arritjet mbresëlënëse të artistes: “Me mbi 10 miliardë dëgjime globale dhe 13 këngë në Top 10 në Mbretërinë e Bashkuar – katër prej tyre në vendin e parë – Rita ishte ndër të parat që mori çmimin BRIT Billion, pasi kaloi një miliard dëgjime në Mbretërinë e Bashkuar”.

Përveç muzikës, ajo po shkëlqen edhe në fusha të tjera. Në vitin 2024, Rita lansoi brendin TYPEBEA, një linjë për kujdesin e flokëve që bazohet në performancë dhe që e zhvilloi në bashkëpunim me Anna Lahey.

Ndërkohë, në televizion ajo ka qenë pjesë e jurive në emisione të njohura si The Masked Singer në SHBA dhe Britani, si dhe The Voice Australia.

Karriera e saj në aktrim po zgjerohet me projekte të reja kinematografike. Ajo pritet të shfaqet në filmat “He Bled Neon”, “Voltron”, dhe së fundmi është konfirmuar për rolin në “Descendants: Wicked Wonderland”.

Ky fotosesion i fundit e gjen Ritën më të pjekur artistikisht, më të guximshme në stil dhe më të përkushtuar se kurrë për të dhënë mesazhe fuqizuese për gratë, komunitetin LGBTQIA+ dhe për vetë përfaqësimin e rrënjëve të saj shqiptare në skenën globale. /Telegrafi/

The post Rita Ora vjen me një fotosesion të zjarrtë për revistën “Numero Netherlands” – shfaqet në top formë appeared first on Telegrafi.

Këngëtarja shqiptare me famë botërore, Rita Ora, ka ndarë së fundmi disa komente të rralla dhe plot dashuri për rolin që luan në jetën e dy fëmijëve të bashkëshortit të saj, regjisorit të njohur Taika Waititi.

Në një intervistë për podcastin “Begin Again” me Davina McCall, 34-vjeçarja tregoi se sa shumë i shijon momentet që kalon me fëmijët e Taikas – Te Kāinga o te Hinekāhu (13 vjeçe) dhe Matewa Kiritapu (nëntë vjeçe) – të cilat ai i ka nga martesa e mëparshme me regjisoren Chelsea Winstanley, shkruan Revista People.

“Është kaq zbavitëse. E kaloj për mrekulli me ta”, rrëfen Rita me entuziazëm. “Jam si ajo zana e mirë e përrallave që u sjell gjithë sheqerin dhe akulloret, pastaj i kthen prapë në shtëpi. Dhe e ëma e tyre – që e dua pafund – më thotë: ‘Janë bërë për të ngritur murin përpjetë!’”.

Ajo shton se një nga bukuritë e të qenit njerkë është fakti që mund të bësh gjëra “paksa të ndaluara”.

“I nxjerr nga shtëpia, i çova në një koncert të Ed Sheeran, madje u takuan edhe me të! Ua dhashë gjithçka këtyre fëmijëve”, thotë me buzëqeshje interpretuesja e hitit “Let You Love Me”.

Rita dhe Taika nisën të përfliteshin për një romancë në vitin 2021, ndërsa në gusht të 2022-ës u konfirmua se ata ishin martuar në një ceremoni shumë të vogël dhe private.

Në një intervistë të mëvonshme për “Heart Breakfast” në janar 2023, Rita konfirmoi zyrtarisht martesën duke thënë: “Thonë që gjithçka ndodh për një arsye. Jam zyrtarisht e zënë, njerëz!”.

Gjatë një paraqitjeje në “The Drew Barrymore Show” në shkurt 2023, Rita zbuloi se lidhja e tyre nisi si miqësi kur të dy po punonin në Australi:

“Ai është i mrekullueshëm. Ishim miq për gjashtë vite para se të vendosnim të ‘prishnim gjithçka’,” tha ajo me shaka.

Dashuria e tyre ka ndikuar edhe në krijimtarinë artistike të Ritës. Albumi i saj i fundit, “You & I”, përfshin një këngë me të njëjtin titull që është frymëzuar pikërisht nga dita e dasmës së tyre.

“Më i madhi mbështetës dhe avokat i imi është Taika,” theksoi ajo në një intervistë për revistën People në korrik të vitit 2023.

Në të njëjtën kohë, Rita pranoi se ëndërron të zgjerojë familjen me Taikën: “Kjo ka qenë gjithmonë një ëndërr për mua”, tha ajo, duke lënë të kuptohet se planet për të ardhmen janë plot dashuri, bashkëpunim dhe ndoshta edhe fëmijë të përbashkët.

Një martesë që nisi me miqësi dhe u kurorëzua me dashuri, ndërsa Rita Ora, përtej skenës, po ndërton me përkushtim dhe ndjeshmëri rolin e saj të ri në jetë. /Telegrafi/

The post Rita Ora flet si rrallë herë për marrëdhënien e saj me dy vajzat e bashkëshortit nga martesa e tij e parë: Jam si një nënë për to appeared first on Telegrafi.

Rita Ora ka folur hapur për vitet e saj të “vështira” si adoleshente, kur jeta e saj “u shemb” pasi nëna e saj, Vera, u diagnostikua me kancer të gjirit.

Këngëtarja shqiptare me famë botërore, 34 vjeçe, ishte vetëm 13 vjeç kur nëna e saj u diagnostikua në vitin 2005, në moshën 39-vjeçare, dhe iu nënshtrua një mastektomie të pjesshme, kimioterapisë dhe rrezatimit.

Gjatë një bisede në podcastin Begin Again me Davina McCall, këngëtarja foli për periudhën e vështirë të sëmundjes së nënës së saj.

Ajo tha:

“Ishte e vështirë të shihje diçka që beson se gjithmonë ka qenë dhe gjithmonë do të jetë aty për ty, të shembet përpara syve”.

“Edhe kur je fëmijë – unë isha adoleshente, 13 vjeç – isha shumë e hutuar. Doja të isha me të gjithë kohën, por ajo donte që të shkoja në shkollë. Po shkoja në një shkollë shumë të mirë që ata po e paguanin, mes gjithë atyre trajtimeve që ajo po kalonte. Ishte një periudhë shumë e vështirë për prindërit e mi”.

Rita tha se të shihte të gjithë procesin e trajtimit të Verës ndikoi edhe në shëndetin e saj personal, dhe ajo filloi të shkonte “shumë shpesh” te mjeku.

Ajo vazhdoi:

“Është e çmendur për të menduar për statistikat dhe përqindjet e kancerit të gjirit, dhe kjo më shqetësoi shumë. Fillova të bëja kontrolle të rregullta dhe në një farë mënyre kjo u reflektua edhe në shëndetin tim. Sepse me të vërtetë e përjetova gjithë përvojën me mamanë time”.

“Doja me patjetër të isha aty për të, kështu që nuk e kuptova në fakt se ajo çfarë po ndodhte me mua ishte reale, derisa fillova terapinë”.

“Mendova me vete: ‘Ndoshta po shkoj te mjeku më shumë se ç’duhet.’ Por besoj se kjo ishte arsyeja – sepse e pashë gjithë atë që ndodhi dhe gjithë atë proces trajtimi”.

Këngëtarja shtoi se nëna e saj ka PTSD dhe përjeton një “frikë të vazhdueshme” sa herë i afrohen kontrollet e rregullta, për shkak të mendimit të vazhdueshëm “po sikur?”.

Ajo shtoi:

“Edhe ajo ndjen ende të njëjtën frikë kur shkon për kontrolle. Duhet t’i bësh gjithmonë ato, por mamaja ime gjithmonë ka atë frikën gjatë asaj periudhe: ‘po sikur?’ Dhe sigurisht që kjo është PTSD.”

“Zoti e di se si është ndier duke kaluar atë përvojë, por po – është një frikë që nuk të lë kurrë, kur ke pasur një përvojë që ta ndryshon jetën”.

The post Rita Ora flet për periudhën e vështirë kur nëna e saj Vera u diagnostikua me sëmundjen e rëndë appeared first on Albeu.com.

Rita Ora ka folur hapur për periudhën e saj të vështirë si adoleshente, kur jeta e saj u trondit pas diagnozës së nënës së saj, Vera, me kancer të gjirit. Ajo ishte vetëm 13 vjeç kur nëna e saj u diagnostikua dhe iu nënshtrua trajtimeve të rënda. Në një intervistë për podcastin Begin Again, Rita tregoi se kjo përvojë e thellë ka pasur një ndikim të madh në shëndetin e saj mendor, duke përfshirë PTSD dhe sulme paniku.

“Ishte e vështirë të shihje dikë që gjithmonë ke besuar se do të ishte aty për ty, të shembet përpara syve të tu. Edhe kur je fëmijë, kjo është shumë e vështirë”, shprehet Rita. Ajo kujton gjithashtu periudhën kur përpiqej të balancohej mes shkollës dhe ndihmës që mund t’i ofronte nënës së saj, e cila po kalonte një trajtim të vështirë. “Ishte një periudhë shumë e vështirë për prindërit e mi”, shtoi ajo.

“Fillova të bëja kontrolle të rregullta dhe kjo më shqetësoi shumë. E përjetova çdo pjesë të kësaj përvoje me mamanë time dhe kjo më ka ndikuar thellësisht,” tha ajo.

The post Rita Ora rrëfen periudhën e vështirë si adoleshente: Si ndikoi kanceri i nënës në shëndetin e saj appeared first on iconstyle.al.

Rita Ora ka folur hapur për vitet e saj të “vështira” si adoleshente, kur jeta e saj “u shemb” pasi nëna e saj, Vera, u diagnostikua me kancer të gjirit.

Këngëtarja shqiptare me famë botërore, 34 vjeçe, ishte vetëm 13 vjeç kur nëna e saj u diagnostikua në vitin 2005, në moshën 39-vjeçare, dhe iu nënshtrua një mastektomie të pjesshme, kimioterapisë dhe rrezatimit.

Rita, e cila më herët ka treguar se ka përjetuar PTSD (çrregullim të stresit post-traumatik) dhe sulme paniku pas betejës së Verës me shëndetin, zbuloi se tani vuan nga hipokondria dhe i nënshtrohet rregullisht kontrolleve shëndetësore.

Gjatë një bisede në podcastin Begin Again me Davina McCall, këngëtarja foli për periudhën e vështirë të sëmundjes së nënës së saj.

Ajo tha:

“Ishte e vështirë të shihje diçka që beson se gjithmonë ka qenë dhe gjithmonë do të jetë aty për ty, të shembet përpara syve”.

“Edhe kur je fëmijë – unë isha adoleshente, 13 vjeç – isha shumë e hutuar. Doja të isha me të gjithë kohën, por ajo donte që të shkoja në shkollë. Po shkoja në një shkollë shumë të mirë që ata po e paguanin, mes gjithë atyre trajtimeve që ajo po kalonte. Ishte një periudhë shumë e vështirë për prindërit e mi”.

Rita tha se të shihte të gjithë procesin e trajtimit të Verës ndikoi edhe në shëndetin e saj personal, dhe ajo filloi të shkonte “shumë shpesh” te mjeku.

Ajo vazhdoi:

“Është e çmendur për të menduar për statistikat dhe përqindjet e kancerit të gjirit, dhe kjo më shqetësoi shumë. Fillova të bëja kontrolle të rregullta dhe në një farë mënyre kjo u reflektua edhe në shëndetin tim. Sepse me të vërtetë e përjetova gjithë përvojën me mamanë time”.

“Doja me patjetër të isha aty për të, kështu që nuk e kuptova në fakt se ajo çfarë po ndodhte me mua ishte reale, derisa fillova terapinë”.

“Mendova me vete: ‘Ndoshta po shkoj te mjeku më shumë se ç’duhet.’ Por besoj se kjo ishte arsyeja – sepse e pashë gjithë atë që ndodhi dhe gjithë atë proces trajtimi”.

Këngëtarja shtoi se nëna e saj ka PTSD dhe përjeton një “frikë të vazhdueshme” sa herë i afrohen kontrollet e rregullta, për shkak të mendimit të vazhdueshëm “po sikur?”.

Ajo shtoi:

“Edhe ajo ndjen ende të njëjtën frikë kur shkon për kontrolle. Duhet t’i bësh gjithmonë ato, por mamaja ime gjithmonë ka atë frikën gjatë asaj periudhe: ‘po sikur?’ Dhe sigurisht që kjo është PTSD.”

“Zoti e di se si është ndier duke kaluar atë përvojë, por po – është një frikë që nuk të lë kurrë, kur ke pasur një përvojë që ta ndryshon jetën”.

The post Rita Ora flet për periudhën e vështirë kur nëna e saj Vera u diagnostikua me sëmundjen e rëndë appeared first on Telegrafi.

Rita Ora u gjend në një situatë të pazakontë kur këngëtari i njohur për serenatat e tij të improvizuara, Liam Cowan – i njohur si ‘Liam C’ – hipi në makinën e saj për t’i kënduar këngën origjinale “Dolla Dolla”.

Liam, i cili u bë viral vitin e kaluar pas një performance të sikletshme për Dua Lipën dhe përpjekjeve të tij për t’u afruar me yje si Stormzy në Glastonbury, këtë herë iu afrua Ritës teksa ajo shoqërohej nga sigurimi mes fansash dhe fotografësh.

Në një video të postuar në Instagram, ai shfaqet duke hyrë në makinën e këngëtares me kameramanin e tij, prezantohet dhe nis të luajë me ukulele këngën e tij, shkruan DailyMail.

Ndërkohë, Rita, 34 vjeçe, duket e hutuar dhe pa fjalë nga situata, ndonëse i përgjigjet me mirësjellje: “Më pëlqeu shumë”.

Komentet në rrjete sociale s’e kursyen momentin, duke vënë në dukje sikletin e Ritës përmes mimikës së saj.

Liam, i cili më parë ka deklaruar se ka hyrë në Festivalin Glastonbury pa biletë për të promovuar veten, vazhdon të tërheqë vëmendje me qasjen e tij të pazakontë ndaj famës. /Telegrafi/

The post Pas Dua Lipës, Liam Cowan “sulmon” edhe Rita Orën, këngëtari me ukulele i hyn në makinë për të performuar appeared first on Telegrafi.

Rita Ora ka befasuar fansat së fundmi duke shpërndarë në InstaStory një video të realizuar nga një faqe fansash ku ishte bërë ‘tag’, e ku në sfond dëgjohej kënga e Taynas, “Si Ai”.

Edhe pse nuk ka lënë një koment të drejtpërdrejtë, gjesti i yllit të famshëm është konsideruar nga shumë ndjekës si një përfshirje në valën e suksesit që po përjeton kjo këngë shqiptare, e cila është bërë virale në TikTok dhe në platformat e tjera muzikore.

Ky veprim i thjeshtë nga Ora, e cila numëron miliona ndjekës në rrjetet sociale dhe ka një ndikim të jashtëzakonshëm në skenën ndërkombëtare, shihet si një mbështetje ndaj një tjetër artisteje shqiptare që po shkëlqen në industrinë e muzikës.

“Si Ai” ka arritur të depërtojë në tregje të reja dhe të jetë pjesë e sfidave e trendeve globale.

Me këtë veprim, bukuroshja nga Peja jo vetëm që përforcon lidhjet me komunitetin shqiptar, por edhe krijon ura bashkëpunimi e frymëzimi për artistët e rinj që synojnë sukses ndërkombëtar.

Prania e saj, edhe kur është e heshtur, është një dëshmi e vlerës që ajo u jep talenteve shqiptare dhe një motivim për ta për të vazhduar rrugën e artit me besim e ambicie.

Nga ana tjetër, ajo e ka theksuar në intervista të shumta krenarinë që ndjen për Kosovën dhe kulturën shqiptare, duke qenë një zë i fortë për vendin e saj në skena të mëdha ndërkombëtare.

The post Edhe Rita Ora përfshihet në frymën e këngës “Si ai” – një mbështetje indirekte për suksesin viral të Taynës appeared first on Albeu.com.

Rita Ora ka mahnitur me paraqitjen e saj trupore, teksa u shfaq me një veshje provokuese të kombinuar gjatë një performance surprizë së bashku me aktorin Will Smith, të mërkurën pranë stacionit King’s Cross në Londër.

Këngëtarja 34-vjeçare dhe aktori i famshëm 56-vjeçar ndezën atmosferën mes fansave duke marrë pjesë në një transmetim të drejtpërdrejtë në TikTok LIVE me DJ AG në këtë zonë të njohur të veriut të Londrës.

Rita tregoi format e saj trupore me një xhaketë të shkurtër bardh e zi, të kombinuar me një palë pantallona të shkurtra me të njëjtin dizajn, shkruan DailyMail.

Ajo kompletoi stilin me një palë taka të veçanta, syze dielli dhe vëthë të mëdhenj rrethorë në ngjyrë argjendi.

Më pas, Will Smith iu bashkua atmosferës, duke tërhequr vëmendjen me një xhaketë të kuqe lëkure, ndërsa të dy performuan disa nga hitet që i entuziazmuan të pranishmit.

Në mesin e turmës ndodhej edhe bashkëshorti i Ritës, regjisori Taika Waititi. Pas performancës, Rita dhe Will u përqafuan mes brohoritjeve të fansave.

Më herët gjatë javës, Rita kishte ndarë me ndjekësit një video ku shfaqej në bikini të vogël gjatë pushimeve, për të promovuar këngën e saj më të re “Heat”, të publikuar të premten.

Në video, ajo shihej pranë pishinës duke dëgjuar këngën, e veshur me bikini ngjyrë portokalli që i nxirrte në pah fizikun dhe format trupore.

Ajo kishte zgjedhur të shtonte një zinxhir trupi dhe disa byzylykë kyçinsh për të kompletuar pamjen e saj verore, ndërsa në përshkrim shkruante: “Vera 2025 sapo u bë më e nxehtë”.

“Heat” është publikuar pak para performancës së saj në festivalin World Pride Music Festival që do të mbahet këtë fundjavë në Uashington.

Rita e përshkroi këngën si shumë të veçantë për të, duke u shprehur: “Jam e fiksuar pas kësaj kënge. Thjesht doja të argëtohesha me të – është e guximshme, lozonjare dhe e mbushur me energji pozitive që të bën të ndihesh mirë. Për mua, ajo përfaqëson lirinë, gëzimin dhe fuqinë për të qenë vetvetja pa ndjesë”.

Ajo shtoi se publikimi i “Heat” në të njëjtën ditë me performancën në World Pride është një moment shumë i rëndësishëm për të dhe fansat që e kanë mbështetur ndër vite.

Kjo këngë pritet të jetë pjesë e albumit të ardhshëm të Ritës, i cili ende nuk ka marrë një emër zyrtar.

Ndërkohë, Rita ka qenë pjesë e turneut “Tension” të Kylie Minogue, si mbështetje në fazën e parë të koncerteve, dhe kishte zbuluar më herët se hiti viral i Kylie-t nga viti 2023, “Padam Padam”, fillimisht ishte menduar për të. /Telegrafi/

The post Rita Ora shfaq muskujt e barkut në veshje sportive, ndërsa dhuron një performancë befasi jashtë stacionit të trenit “King’s Cross” në Londër appeared first on Telegrafi.

Rita Ora u shfaq tejet provokuese në skenën e World Club Dome Festival të shtunën në Frankfurt të Gjermanisë, duke lënë shumë pak vend për imagjinatë.

Këngëtarja 34-vjeçare dhuroi një performancë dinamike, e shoqëruar nga balerinë të veshura minimalisht, duke ngritur temperaturat në mesin e turmës së entuziazmuar.

Në skenë, ajo mahniti me këmbët e saj të gjata, e veshur me pantallona të shkurtra dantellë ngjyrë blu të ndezur dhe çizme të gjata deri në gjunjë, shkruan DailyMail.

Ylli i “Hot Right Now” e kompletoi pamjen me një bluzë të grisur të shkurtër dhe mëngë të vijëzuara, ndërsa këndonte hitet e saj më të mëdha.

Në një moment, ajo hoqi edhe bluzën, duke zbuluar reçipetat e bardha poshtë saj dhe duke treguar barkun e tonifikuar, gjë që entuziazmoi audiencën.

Rita dukej në qiellin e shtatë teksa vallëzonte, tundte ijet dhe lëvizte plot vetëbesim nëpër skenë.

Më mbresëlënëse është fakti që performanca e saj në Gjermani ndodhi vetëm një ditë pasi kishte kënduar në World Pride Music Festival në Washington DC, SHBA.

Atje, ajo dha një tjetër shfaqje energjike në Festival Grounds at RFK Campus, përkrah emrave të mëdhenj si Jennifer Lopez dhe Troye Sivan.

Në festival ajo mbërriti me stil, duke udhëtuar në avionin privat të Paris Hilton, së bashku me Cara Delevingne. Paris ndau disa fotografi nga fluturimi luksoz, duke shkruar: “Duke hipur në Sliv Air me skuadrën më të zjarrtë. World Pride, po vijmë!”.

Ndërkohë, të premten u publikua edhe videoklipi i ri i Rita Orës për këngën “Heat” – një këngë provokuese që përmban vargje të nxehta si:
“Sex në çast, kudo që dëshiron. Brenda ose jashtë,” dhe “E vetmja gjë që dua, është nxehtësia jote mbi mua”.

Në një intervistë për The Sun, Rita tha: “Kënga flet për dëshirën që të ndodhë menjëherë, në këtë moment. Nuk dua të dëgjoj për më vonë – dua tani ose hiç. Është një kërkesë e guximshme dhe e drejtpërdrejtë, që mund ta përdorësh si të duash”.

“Heat” pritet të jetë pjesë e albumit të saj të katërt, ende pa titull, që do të jetë publikimi i parë që nga albumi “You & I” i vitit 2023.

“Këtë herë doja të festoja seksualitetin dhe natyrën time si grua”, tha ajo.

“Albumi i kaluar ishte më personal – për dashurinë dhe martesën time – por tani doja të rikthehem tek muzika e lirë, argëtuese, si në fillimet e mia. Është një rikthim tek vetvetja”.

Rita gjithashtu ka shoqëruar Kylie Minogue në pjesën e parë të turneut të saj “Tension Tour”, duke filluar që nga prilli në State Farm Arena në Atlanta. Ajo tregoi se kënga hit “Padam Padam”, e cila u bë virale për Kylien, ishte ofruar fillimisht edhe për të, por nuk u mendua si këngë tipike për stilin e Kylie-t.

Pas natës së parë të turneut, Rita shprehu emocionet: “Ishte një natë e mrekullueshme, dhe jam shumë mirënjohëse për mundësinë për t’u lidhur me publikun e Amerikës së Veriut. Është një nder i madh të hapësh koncertet për një ikonë të tillë”.

Rita Ora po shijon një fazë shumë të ngarkuar e të suksesshme në karrierën e saj – mes performancave të zjarrta, projekteve të reja muzikore dhe bashkëpunimeve me emra të njohur ndërkombëtarë. /Telegrafi/

The post Rita Ora ndez skenën në ‘World Club Dome’ në Frankfurt, shkëlqen me performancën dhe paraqitjen e saj appeared first on Telegrafi.

Këngëtarja shqiptare me famë ndërkombëtare, Rita Ora, ka ngritur temperaturat në rrjetet sociale duke paralajmëruar projektin e saj më të ri muzikor.

Kënga “Heat”, e cila do të publikohet këtë të premte, më 6 qershor – në të njëjtën ditë me festën e Bajramit – pritet të sjellë ritme të ngrohta dhe atmosferë të pastër verore.

Rita ka ndarë me ndjekësit e saj në Instagram disa imazhe provokuese, ku ajo shfaqet e veshur me pantallona të shkurtra dhe një këmishë të bardhë të hapur, duke krijuar një atmosferë relaksuese dhe të nxehtë verore.

“Videoklipi i këngës HEAT publikohet të premten. Bashkohuni në premierën në YouTube në orën 17:00 sipas kohës së Britanisë së Madhe, do të bëhet shumë nxehtë”, ka shkruar 35-vjeçarja në mbishkrimin e videove të publikuara në llogarinë e saj.

Klipi i ri muzikor pritet të jetë një përjetim autentik i verës – me Rita Orën në plazh, nën një çadër dielli, teksa freskohet dhe interpreton vargjet e këngës së re.

Fansat e saj nga mbarë bota janë tashmë në pritje të premierës, e cila premton të sjellë një tjetër hit në repertorin e pasur të artistes shqiptare. /Telegrafi/

The post Me një klip veror në plazh, Rita Ora paralajmëron publikimin e këngës së re “Heat” që do të publikohet për Bajram appeared first on Telegrafi.

Këngëtarja shqiptare me famë botërore, Rita Ora, ka ngjallur entuziazëm te fansat duke publikuar një video të shkurtër përmes së cilës paralajmëron projektin e saj më të ri muzikor, me titullin “Heat”.

Në videon e postuar në rrjete sociale, Rita shfaqet në ambiente bregdetare, duke dhuruar vibra të nxehta verore, me skena sensuale dhe plot energji që paralajmërojnë një klip dinamik dhe estetikisht tërheqës.

Sipas njoftimit të saj, kënga do të publikohet më 6 qershor, dhe duket se pritet të jetë një himn i verës 2025, duke ndjekur traditën e Ritës për të sjellë ritme freskuese dhe vizuale mbresëlënëse në sezonin më të ngrohtë të vitit.

 

View this post on Instagram

 

A post shared by RITA ORA (@ritaora)

Ky projekt vjen pas një pauze të shkurtër nga lansimet muzikore, dhe fansat mezi po presin të dëgjojnë se çfarë ka përgatitur artistja shqiptare këtë herë.

Kënga “Heat” pritet të shënojë një tjetër sukses në karrierën ndërkombëtare të Rita Orës, e cila vazhdon të jetë një nga zërat më të njohur shqiptarë në skenën botërore. Ajo ka premtuar se kjo verë do të jetë më e zjarrtë se kurrë me ritmet e reja që po sjell. /Telegrafi/

 

View this post on Instagram

 

A post shared by RITA ORA (@ritaora)

 

View this post on Instagram

 

A post shared by RITA ORA (@ritaora)

The post Rita Ora vazhdon të paralajmërojë publikimin e këngës së re “Heat”, ku do të shfaqet në skena mjaft ‘të nxehta’ appeared first on Telegrafi.

Ylli shqiptar me famë botërore, Rita Ora, ka shënuar një tjetër sukses të madh në karrierën e saj shumëdimensionale.

Ajo është nominuar për herë të parë në çmimet prestigjioze Nickelodeon Kids’ Choice Awards, në kategorinë “Favourite Villain” (Antagonistja më e preferuar) për rolin e saj si Queen of Hearts në filmin “Descendants: The Rise of Red”.

Lajmin e bukur e ka ndarë vet këngëtarja me ndjekësit e saj në rrjetet sociale, duke e cilësuar këtë nominim si një moment të veçantë dhe të rëndësishëm në karrierën e saj artistike. Për publikun e ri të Nickelodeon, roli i saj si Mbretëresha e Zemrave ka qenë një paraqitje mbresëlënëse, që e bëri Ritën të spikaste në një univers të dashur për adoleshentët dhe fëmijët.

 

View this post on Instagram

 

A post shared by Rita Ora | Daily News (@ritaora_eu)

Ky nominim vjen si dëshmi e shkathtësisë së saj artistike, jo vetëm në muzikë, por edhe në aktrim – dhe përforcon pozicionin e saj si një artiste që sfidon vetveten vazhdimisht dhe prek audienca të reja në çdo projekt që merr përsipër.

| Have you ever went to sleep and thought, ‘I’d love to see @RitaOra get slimed one day?’

Well now is your chance.

Vote for her at the Kids Choice Awards in the ‘Favourite Villain’ category for a chance to witness this spectacle! 🫟

VOTE NOW: https://t.co/kMBFwDlAMo pic.twitter.com/4jbT0cNqI0

— RitaBot | UK Owen (@RitaBotOwen) May 15, 2025

Ndërkohë, Rita Ora nuk ndalet me kaq. Së fundmi, ajo ka paralajmëruar këngën e saj më të re, që mban titullin “Heat”, e cila do të publikohet më 6 qershor. Fansat e saj në mbarë botën tashmë janë në pritje të këtij projekti muzikor, i cili pritet të jetë një hit i verës.

Me çdo hap të ri, Rita dëshmon se është një emër i fuqishëm në industrinë globale të argëtimit, duke përfaqësuar me krenari origjinën e saj shqiptare në skena ndërkombëtare. /Telegrafi/

The post Rita Ora e nominuar për herë të parë në Kids’ Choice Awards – një tjetër sukses i madh për yllin shqiptar appeared first on Telegrafi.

Rita Ora ndezi rrjetet sociale me një paraqitje tejet provokuese, ndërsa vazhdoi të ngacmonte publikun për publikimin e radhës me një klip joshës të ndarë në Instagram të hënën.

Këngëtarja 34-vjeçare dukej mahnitëse, e veshur me një bikini të kuqe me gurë shkëlqyes, të cilën e kishte kombinuar me një këmishë të bardhë të tejdukshme, shkruan DailyMail.

E shtrirë mbi një shezlong blu, ajo pozoi me pantallona të shkurtra xhinsi dhe sandale me taka të gjata deri tek gjunjët, duke e theksuar stilin e saj të guximshëm veror.

Nën hijen e një çadre të verdhë e të bardhë, Rita kishte vënë syze të mëdha të bardha ndërsa freskohej me ndihmën e një ventilatori.

Në vazhdim të promovimit të këngës së saj të re me titull “Heat”, ajo u shfaq sërish në një pamje verore, këtë herë me syze të verdha dhe një bluzë të kaltër që i përshtatej ngushtë trupit.

Kënga e re, e cila pritet të dalë më 6 qershor, e gjen Ritën në një version më sensual dhe provokues, me vargjet: “Nxehtësia jote mbi mua. Seks me të parë. Kudo që do. Brenda ose jashtë”.

Ky projekt do të jetë pjesë e albumit të saj të katërt në karrierë, ende pa titull zyrtar, dhe shënon publikimin e parë që nga albumi “You & I” i vitit 2023.

Së fundmi, Rita ka qenë duke e mbështetur Kylie Minogue në fazën e parë të turneut të saj muzikor.

Interesant është fakti se hiti i Kylie, “Padam Padam”, i cili shpërtheu në vitin 2023, ishte afër të përfundonte në repertorin e Ritës. Kënga e zhanrit synth-pop, e shkruar nga kantautorja norvegjeze Ina Wroldsen dhe producenti Lostboy, u bë një sukses viral për Kylie, por fillimisht ishte ofruar edhe disa artistëve të tjerë, përfshirë Ritën, pasi kishte pasiguri nëse kënga i përshtatej stilit të Kylie-t.

Lostboy rrëfeu për gazetën The Sun se: “E shkruam ‘Padam’ në shkurt të 2022-s dhe për katër apo pesë muaj nuk e publikuam. Më pas e dërgova në label, dhe dikush më tha: ‘Kylie do ta shkatërronte këtë këngë!’”. Ajo shtoi se pati një moment kur Rita ishte gati ta incizonte këngën, ndërsa ajo po qarkullonte mes disa artistëve në labelin e saj. “Po përpiqeshin ta bënin të funksiononte, por nuk mendonin se ishte këngë për Kylie-n”, shtoi ai.

Turneu “Tension” i Kylie-t përfundon më 26 gusht, pas së cilës ajo do të udhëtojë drejt New York-ut për dy koncerte në Madison Square Garden, dhe më pas për një koncert në Capital One Arena në Washington D.C. Kylie Minogue është artistja më e shitur australiane e të gjitha kohërave dhe e treta më e suksesshme në Mbretërinë e Bashkuar.

Megjithatë, vetëm së fundmi ajo ka arritur të depërtojë në tregun amerikan, falë suksesit të hitit të saj viral “Padam Padam”.

Në të kaluarën, Kylie kishte pranuar se fakti që nuk ishte shumë e njohur në SHBA nuk e shqetësonte. Në një intervistë më 2022, ajo kishte deklaruar: “E kisha pranuar faktin që Amerika nuk do të ishte si pjesa tjetër e botës për mua. Aty jam anonime – gjë që, të them të drejtën, më pëlqen.” Ndërsa në një intervistë më të hershme për The Express më 2009, kishte thënë: “Nuk më frustron që nuk kam arritur sukses në Amerikë. Më frustron që më pyesin për këtë, sikur është diçka që më mungon në jetë apo karrierë”.

Suksesi i jashtëzakonshëm i “Padam Padam” dhe albumit pasues “Tension” e ka kthyer Kylie-n në një figurë të fuqishme në tregun amerikan, duke i sjellë asaj një çmim Grammy, vendin e parë në listën amerikane të Billboard për albumet elektronike/dance, dhe një rezidencë në Las Vegas. /Telegrafi/

The post Rita Ora vazhdon të ngacmojë imagjinatën e ndjekësve me pozat provokuese nga prapaskenat e klipit të ri në ardhje appeared first on Telegrafi.

Në një vlerësim të veçantë për suksesin ndërkombëtar të artistëve me prejardhje shqiptare, revista prestigjioze kanadeze Douglas Magazine i ka kushtuar numrin e saj të fundit tri emrave të mëdhenj që ndajnë një të përbashkët të veçantë – Pejën e Kosovës.

Rita Ora, Donna Dafi dhe Dua Lipa janë tri figurat që jo vetëm kanë ngritur emrin e tyre në skenën globale, por kanë ndriçuar edhe kulturën shqiptare përtej kufijve.

Kopertina e revistës këtë muaj i është dedikuar Rita Orës, yllit të pop-it që prej vitesh ka ndërtuar një karrierë të suksesshme ndërkombëtare, me bashkëpunime të rëndësishme dhe hite që kanë kryesuar toplistat botërore. Prezenca e saj në këtë kopertinë është një dëshmi e ndikimit të saj të vazhdueshëm në industrinë e muzikës dhe modës.

Në të njëjtin artikull, Douglas vlerëson edhe Donna Dafin, sipërmarrësen dhe krijuesen me origjinë nga Peja, e cila ka sjellë një ndikim të veçantë në industrinë e parfumeve me brendin e njohur Escada. Ajo përfaqëson një kombinim të fuqishëm të kreativitetit dhe lidershipit femëror në një treg global gjithnjë e më konkurrues.

Ndërsa Dua Lipa, fituese e shumë çmimeve Grammy dhe një nga emrat më të kërkuar në industrinë e muzikës pop, përmendet për bashkëpunimin e saj me markën prestigjioze Libre. Lipa vazhdon të jetë një zë i fuqishëm jo vetëm në muzikë, por edhe në fushën e modës dhe aktivizmit kulturor.

Ky artikull i Douglas Magazine shërben si një njohje e rëndësishme për tri gratë që, ndonëse kanë ndërtuar karrierat e tyre në vende të ndryshme të botës, nuk e kanë harruar kurrë rrënjën e tyre – qytetin e Pejës. Ai vjen si një frymëzim për të rinjtë shqiptarë kudo në botë dhe një dëshmi e qartë se suksesi global mund të fillojë nga qytete të vogla, por me zemra të mëdha. /Telegrafi/

The post Tri yjet nga Peja në skenën botërore: Rita Ora, Donna Dafi dhe Dua Lipa në fokusin e revistës kanadeze “Douglas” appeared first on Telegrafi.