Presidenti amerikan, Donald Trump do të takohet me homologun rus, Vladimir Putin vetëm nëse diktatori takohet gjithashtu me presidentin ukrainas, Volodymyr Zelensky.

“Putini duhet të takohet me Zelenskyn që takimi të ndodhë”, i tha një zyrtar i Shtëpisë së Bardhë, New York Post. “Nuk është caktuar asnjë vendtakim”, shtoi ai.

Kremlini të enjten pretendoi se Moska dhe Uashingtoni ranë dakord “në parim” për të mbajtur një takim ballë për ballë midis Putinit dhe Trumpit.

“U ra dakord në parim për të mbajtur një takim bilateral në ditët në vijim, pra një takim midis presidentit Vladimir Putin dhe Donald Trump,” tha ndihmësi i Putinit, Yuri Ushakov, duke pretenduar se kjo u bë “në propozimin e palës amerikane”.

Shtëpia e Bardhë nuk kishte konfirmuar një takim bilateral — as nuk e përmendi gjatë një konference për shtyp të mërkurën, ku foli për një takim të mundshëm trilateral me presidentët e SHBA-së, Rusisë dhe Ukrainës.

Një takim trilateral do të përfaqësonte një hap të madh drejt përfundimit të luftës në Ukrainë./abcnews.al

Numri i migrantëve të paligjshëm që shkojnë në ishullin grek të Kretës ka rënë që kur ndjeshëm që kur Qeveria njoftoi një pezullim tremujor të seancave dëgjimore për azil – një vendim që është dënuar nga grupet për të drejtat e njeriut – tha Ministri greke e Migracionit më 7 gusht.

Një rritje e paprecedentë e mbërritjeve të migrantëve nga Libia në Kretë këtë verë e gjeti Greqinë të papërgatitur, pasi rruga që rëndom përdoret për migrim kalon përmes Detit Egje, përgjatë kufirit me Turqinë.

Më shumë se 7.000 migrantë kanë zbarkuar në Kretë dhe në ishullin e vogël fqinj, Gavdos, që nga fillimi i vitit, krahasuar me 4.935 në vitin 2024.

Rritja e numrit të migrantëve rriti zemërimin në mesin e popullsisë lokale, përfshirë edhe të sektorit të turizmit, duke rritur presionin ndaj Qeverisë së Kyriakos Mitsotakis. Më pas, ekzekutivi mori vendimin për pezullimin e procesit të azilit.

Një plan i propozuar nga rrethi i presidentit amerikan, Donald Trump synon ndalimin e luftimeve në Ukrainë, me njohje të territoreve të pushtuara dhe lehtësim të sanksioneve ndaj Rusisë.

Një ofertë e fshehtë për armëpushim mes Rusisë dhe Ukrainës, e iniciuar nga rrethi i Trumpit është zbuluar nga media polake Onet.

Sipas raportimit, propozimi i është dërguar Moskës dhe thuhet se është koordinuar me disa fuqi evropiane. Burimet thonë se oferta nuk parashikon një marrëveshje paqeje të plotë, por një armëpushim afatgjatë, me kushte që janë potencialisht të favorshme për Rusinë.

Pikat kryesore të propozimit:

Armëpushim, jo paqe: Luftimet do të ndaleshin, por statusi ligjor i territorit do të mbetej i pazgjidhur.

Njohje de facto e territorit të pushtuar nga Rusia, ndërsa bisedimet zyrtare për statusin përfundimtar do të shtyhen për 49 deri në 99 vjet.

Lehtësimi i sanksioneve ndaj Rusisë, përfshirë rikthimin e eksporteve të naftës dhe gazit në Bashkimin Evropian.

Asnjë premtim për moszgjerimin e NATO-s, një çështje kyçe për Moskën.

Vazhdimi i ndihmës ushtarake amerikane për Ukrainën, që sipas burimeve raportohet se është e pranueshme për Rusinë.

Mijëra qytetarë dolën në protest në Prishtinë kundër padrejtësive të Gjykatës Speciale kundër ish krerëve tëv Ushtrisë Çlirimtare të Kosovës, që akuzohen për krime lufte dhe krime kundër njerëzimit.

Me organizim të veteranëve të luftës, mijëra njerëz nga qytete të ndryshme të Kosovës u mblodhën në sheshin “Skenderbeu” në kryeqytet dhe kërkuan lirimin e ish krerëve të UÇK.

Kreu I organizatës së Veteranëve të Luftës, Hysni Gucati, në fjalën e tij para protestuesve tha se sot rrezikohet e vërteta e luftës së UÇK.

Sipas tij, Gjykata special po përhap narrativën e rreme se Kosova është çliruar nga kriminelët.

Në protestë ishte edhe kreu i Bashkimit Demokratik për Integrim në Maqedoninë e Veriut, Ali Ahmeti.  Ai bëri thirrje për lirimin e ish krerëve të UÇK, për të cilët tha se po trajtohen padrejtësisht.

Edhe qytetarët shprehën indinjatën e tyre kundër speciales, duke theksuar padrejtësinë që po bëhet. Ata thanë se presin rikthimin  sa më shpejt në Kosovë të atyre që çliruan vendin.

Katër ish-krerët e UÇK, Hashim Thaçi, Kadri Veseli, Jakup Krasniqi dhe Rexhep Selimi  ndodhen në paraburgim në Hagë që nga nëntori i vitit 2020. Qëndrimi për pesë vjet në paraburgim shpesh është cilësuar si shkelje e të drejtave të njeriut nga veteranët në Kosovë.

Procesi gjyqësor ka nisur që në prill të vitit 2023. Më 16 prill të këtij viti, Zyra e Prokurorit Special njoftoi se kishte përfunduar paraqitjen e provave kundër ish-krerëve të UÇK, të cilët janë në pritje të gjykimit./abcnews.al

Ministri i Mbrojtjes, Pirro Vengu ndodhet në fshatrat Lofkënd dhe Drenie, ku po ndërhyrhet nga toka dhe ajri për izolimin dhe shuarjen e flakëve që kanë përfshirë një sipërfaqe me pisha dhe bimësi të dendur ne zonën midis Bashkisë Mallakastër dhe Bashkisë së Patosit.

Vengu vlerësoi profesionalizmin dhe përkushtimin e të gjithë forcave të angazhuara, duke theksuar se mbrojtja e jetës së qytetarëve dhe e mjedisit është prioritet absolut.

“Na duhet shumë ndihma juaj në këto momente, të krijojmë një farë sigurie. Mos të na zërë një 24 orësh tjetër, gjithë kjo vatër, temperaturat rriten. Do jetë më e vështirë, edhe rreziku rritet. Prioritet, banesat. Të ndërhyjmë aty nuk nuk ka vatra, të krijojmë një perimetër.”, theksoi ai./abcnews.al

Në terren janë angazhuar trupat e Forcave të Armatosura, në bashkëpunim të ngushtë me strukturat e emergjencave civile të qarkut Fier dhe shërbimet zjarrfikëse nga disa bashki dhe institucione.

Volodymyr Zelenskyy ka këmbëngulur që zëri i Evropës “do të dëgjohet” në negociatat për t’i dhënë fund luftës në Ukrainë.

Presidenti ukrainas e ka kaluar ditën duke informuar aleatët evropianë të Kievit pas telefonatës së tij me Donald Trump.

“BE-ja do të luajë gjithashtu një rol të madh në rindërtimin e vendit tonë pas luftës dhe ky do të jetë një nga projektet më të mëdha ekonomike për të gjithë Evropën në dekada”, tha presidenti ukrainas.

“Pra, zëri i Evropës do të dëgjohet në diplomaci.”, shtoi ai.

Kremlini ka njoftuar të enjten se është arritur pajtueshmëri për një takim mes presidentit të Shteteve të Bashkuara, Donald Trump, dhe atij të Rusisë, Vladimir Putin.

Takimi mund të zhvillohet javën e ardhshme dhe palët janë pajtuar “në parim” edhe për vendtakimin, u tha gazetarëve këshilltari për çështjet e jashtme i Putinit, Yuri Ushakov./abcnews.al

Flakët kanë përfshirë në mënyrë të shpejtë dhe të pakontrolluar rajonin Aude, që ndodhet në jug të Francës.

Zjarri tashmë është përhapur në një sipërfaqe më të madhe se qyteti i Parisit, duke rrezikuar një pjesë të konsiderueshme të territorit dhe duke krijuar situatë alarmante për banorët dhe autoritetet lokale.

Zjarri, i cili ka marrë përmasa të mëdha në pak orë, ka përfshirë pyje të dendura dhe ka shkatërruar të paktën 25 shtëpi në fshatrat përreth, raporton The Mirror.

Si pasojë, mijëra banorë janë detyruar të largohen nga shtëpitë e tyre, ndërsa turistët që ndodheshin në zonë janë evakuuar për t’u siguruar nga rreziku i zjarrit.

Për shkak të përhapjes së flakëve dhe tymit të dendur, autoritetet kanë mbyllur shumë rrugë dhe kanë ndaluar qarkullimin në disa zona për të lehtësuar punën e zjarrfikësve dhe për të parandaluar aksidentet.

“Është një katastrofë me përmasa të papara më parë,” tha kryeministri francez, François Bayrou gjatë vizitës në zonën e prekur, duke shprehur solidaritetin me të gjithë të prekurit dhe duke siguruar se qeveria po mobilizohet në maksimum për të ndihmuar në menaxhimin e situatës dhe në ringritjen e zonave të dëmtuara.

Në Finiq ku situata po shkon drejt normalizimit. Pas ndërhyrjes nga ajri me helikopterin e Forca Ajrore dhe punës së pandërprerë dhe heroike nga toka, ku morën pjesë 28 efektivë me 8 automjete zjarrfikëse nga MZSH-të e bashkive Finiq, Sarandë, Delvinë, Konispol, Gjirokastër dhe Dropull, 30 të Forcat e Armatosura të Shqipërisë dhe 3 zjarrfikëse, të ndihmuar nga 5 forca të pyjores dhe 40 forca vullnetare, zjarret janë vënë nën kontroll!

Aktualisht po vijon puna nga toka për të shuar çdo vatër që mund të riaktivizohet gjatë orëve në vijim në fshatrat Dhivër, Shëndre dhe Cerkovicë, ku dalëngadalë banorët po kthehen në shtëpitë e tyre.

Vigjilencë maksimale gjatë orëve në vijim!

Në përditësim…

Një zjarr ka përfshirë një pjesë toke në fshatin Cangonj të Devollit. Sipas informacioneve, mësohet se zjarri ka rënë në barishte ndërsa në afërsi ka qenë një plevicë e cila u dogj totalisht.

Në vendngjarje aktualisht janë 3 mjete zjarrfikëse dhe 9 forca zjarrfikës, së bashku me banorë të fshatit, të cilët po ndërhyjnë për shuarjen e flakëve.

Momentalisht zjarri është izoluar dhe po punohet për fikjen totale të tij. Në vendngjarje ndodhet edhe policia e cila do të kryejë hetimet lidhur me shkaqet e rënies së zjarrit./abcnews.al

Në sheshin “Skënderbeu” në Prishtinë ka nisur përgatitja e skenës për fjalime gjatë protestës gjithëpopullore në mbrojtje të vlerave të Ushtrisë Çlirimtare të Kosovës.

Sakaq kanë mbërritur autobusët e parë për t’iu bashkuar protestës kundër padrejtësive në Hagë.

Në protestë merr pjesë edhe bashkëshortja e Jakup Krasniqit.

Ajo u shpreh se pret lirimin e bashkëshortit të saj, por edhe të ish krerëve të tjerë të UÇK.

“Jam shumë e emocionuar, gjykata duhet të ketë parasysh, jo gjykim dënues. Në emër të popullit duhet gjykim lirues. Mirë është me shëndet. Presim ne të rikthehen ata, si të lirë. Po, edhe më herët edhe të vazhdojmë deri në gjykimin përfundimtar”, theksoi ajo./abcnews.al

Arben Taravari, Kryetari i “Aleanca per Shqiptaret” ne Maqesonine e Veriut nga Pogradeci, pas një takimi me kryebashkiakun e këtij qyteti, është shprehur për thirrjet raciste të maqedonasve gjatë një ndeshje basketbolli midis Maqedonise së Veriut dhe Rumanisë.

“Ishte ngjarje skandaloze, të cilën realisht e kemi komentuar të gjithë politikamët në Maqedoninë e Veriut edhe të disa partive politike shqiptare, por edhe disa maqedonase. Dua të falenderoj publikisht për solidarizimin që dha Shqipëria edhe Kosova.  Ky është një trend muajt e fundit që rritet nacionalizmi maqedonas  he kjo është edhe arsyeja që Aleanca për Shqiptarët e lëshoi edhe qeverinë pata tre muajsh dhe tani jemi në opozitë dhe po përgatitemi për zgjedhjet lokale.”, theksoi ai..

“Disa ditë para ngjarjes në ndeshjen e basketbollit në Kumanovë, kryeministri në mënyrë fyese ndaj shqiptarëve fliste në parlament dhe kjo natyrisht reflektohet tek qytetarët.  Gjithashtu edhe atë që e tha që qëndron edhe në raportin e BE se bota serbe ka ndërhyrë thellë në Maqedoninë e Veriut dhe këto janë pasoja të funksionimit të inkuadrimit së botës serbe në politikat maqedonase.  Shqiptarët e Maqedonisë janë të ndarë në dy blloqe diçka që është e shëndetshme.  Janë disa parti por të ndara në dy blloqe çka është me e shëndetshme për një shoqëri”, shtoi Taravari.

Më 2 gusht në Kumanovë, gjatë ndeshjes së basketbollit mes Maqedonisë së Veriut dhe Rumanisë pati thirrje antishqiptare nga tifozët.

Prokuroria Themelore në Kumanovë ka nisur hetime lidhur me elementet e një vepre të mundshme penale, që lidhet me thirrje që përmbajnë gjuhë të urrejtjes, pas brohoritjeve antishqiptare të bëra nga persona të panjohur gjatë ndeshjes në Kumanovë./abcnews.al

Kryeministri Edi Rama ka ndarë pamje nga aksioni për çlirimin e hapësirave publike në rrugët kombëtare.

Përmes një postimi në rrjetet sociale, ku shihet se një lavazh nuk e ka respektuar distancë, Rama u shpreh se distanca duhet ruajtur sipas kritereve të programit të ri të Rilindja Urbane 2.0.

“Ka nisur edhe çlirimi i buzërrugëve kombëtare, duke përcaktuar një kufi tërheqjeje të subjekteve, të cilat njëkohësisht duhet të sigurohen se asnjë rraqe nuk do të jetë më nën qiell të hapur dhe njëkohësisht, sipas kritereve të programit të ri të Rilindja Urbane 2.0 do të kontribuojnë me një sasi gjelbërimi, bashkarisht me qeverinë, duke e trajtuar hapësirën buzë e përballë akseve kombëtare si pjesë të shtëpisë sonë të përbashkët dhe jo si tokë të askujt”, shkruan Rama./abcnews.al

Ukraina ka marrë përgjegjësnë e sulmit mbi një rafineri nafte në Rusi.

Zjarri në rafinerinë e naftës Afipsky në rajonin Krasnodar të Rusisë me sa duket u shkaktua nga mbeturinat e rrëzuara të një droni, thanë shërbimet lokale të emergjencës, shkruan Sky News.

Ushtria ukrainase ka konfirmuar se njësitë e saj me dronë goditën rafinerinë e naftës, duke shkaktuar flakë në pajisjet e përpunimit të gazit.

Një zjarr ka rënë mesditen e së enjtes në fshatin Visokë të Mallakasrtrës, duke shkaktuar shqetësim mes banorëve të zonës.

Sipas informacioneve paraprake, shërbimi i Mbrojtjes nga Zjarri dhe Shpëtimit (MZSH) Mallakastër ka marrë njoftim për flakët dhe ka ndërhyrë menjëherë në terren.

Zjarri ka përfshirë një sipërfaqe me bimësi dhe shkurre, ndërsa përhapja e tij nga era ka rritur rrezikun për disa banesa pranë zonës së prekur.

Forcat zjarrfikëse po punojnë me intensitet për të vënë nën kontroll flakët dhe për të parandaluar përhapjen e mëtejshme të zjarrit. Deri më tani nuk raportohet për persona të lënduar, por dëmet materiale janë ende të pakonfirmuara.

Autoritetet u bëjnë thirrje banorëve të tregohen të kujdesshëm dhe të raportojnë menjëherë çdo rrezik të mundshëm, ndërsa hetimet për shkaqet e zjarrit kanë nisur./abcnews.al

Një helikopter ushtarak u rrëzua në rajonin Ashanti të Ganës jugore të dielën dhe si pasojë e aksidentit ajror mbetën të vdekur tetë personat që ndodheshin në bord.

Helikopteri ushtarak Z-9 u rrëzua në rrethana të paqarta menjëherë pas ngritjes nga kryeqyteti Accra, gjatë rrugës për në qytetin Obuasi.

Si pasojë e përplasjes kanë ndërruar jetë edhe ministrat e Mbrojtjes dhe Mjedisit të vendit. Julius Debra, shefi i Shtabit të Presidentit John Mahama, njoftoi në një konferencë për shtyp se ministri i Mbrojtjes Edward Omane Boama dhe ministri i Mjedisit, Shkencës dhe Teknologjisë Ibrahim Murtala Mohammed u vranë tragjikisht në aksident.

Ministri kroat i Mbrojtjes, Ivan Anushiq ka shpërndarë në rrjetet sociale një video që tregon veprimin e dronëve FPV kroatë gjatë një stërvitjeje demonstrative në Knin.

Në video shihet një dron që fluturon drejt një objektivi dhe përplaset me të gjersa nga objektivi shpërthen një flakë.

Dronët FPV janë mjete ajrore pa pilot që kontrollohen në mënyrë që piloti të shohë në kohë reale pamjen nga kamera e dronit, sikur të ishte vetë duke fluturuar, raporton index.hr.

“Ushtria kroate dje për herë të parë demonstroi përdorimin e dronëve luftarakë FPV të prodhuar në Kroaci përmes një stërvitjeje të Komandës së Forcave Speciale, ku u tregua shkatërrimi i një pozicioni të fortifikuar armik”, deklaroi Anushiq.

“Bëhet fjalë për një armatim të ri që përbën një hap të madh përpara në modernizimin dhe pajisjen e Forcave të Armatosura me zgjidhje teknologjike të industrisë mbrojtëse kroate”, shtoi ai.

Të paktën 38 palestinezë janë vrarë të mërkurën në Rripin e Gazës derisa kërkonin ndihma në kamionët e Kombeve të Bashkuara dhe në qendrat e drejtuara nga një kontraktor amerikan i mbështetur nga Izraeli, sipas zyrtarëve lokalë të shëndetësisë.

Ushtria izraelite tha se ka shtënë me armë në mënyrë paralajmëruese kur turmat e njerëzve i ishte afruar forcave të saj.

Ndërkohë, 25 palestinezë të tjerë, përfshirë disa gra dhe fëmijë, u vranë nga sulmet ajrore izraelite, sipas spitaleve lokale në Gazë.

Ushtria deklaroi se objektivat e saj janë vetëm militantët e Hamasit – grupit të shpallur organizatë terroriste nga SHBA dhe BE.

Vdekjet e fundit ndodhën në një kohë kur pritet që kryeministri i Izraelit, Benjamin Netanyahu, të njoftoi për veprime të mëtejshme ushtarake – dhe mbase plane që Izraeli ta ripushtojë plotësisht Gazën.

Read More...

Read More...