Ambasadat e Shteteve të Bashkuara dhe Italisë në Kosovë u kanë bërë thirrje deputetëve të Kuvendit të Kosovës që ta respektojnë vendimin e fundit të Gjykatës Kushtetuese lidhur me konstituim të Kuvendit, pasi nga bllokada vendi është duke humbur shumë mundësi.

Ato i janë referuar dispozitivit të 8 gushtit të Gjykatës Kushtetuese në të cilin është thënë se kryetari i Kuvendit duhet të zgjidhet me votim të hapur brenda 30 ditëve, dhe që partia, e cila ka fituar më së shumti vota – të cilës i takon pozita e kryeparlamentarit – mund ta propozojë një kandidat deri në tri herë.

Ambasada e Italisë në Prishtinë i ka thënë Radios Evropa e Lirë se Gjykata Kushtetuese ka qenë e qartë në vendimin e saj.

“Të gjitha forcat politike duhet të pajtohen për ta zgjidhur ngërçin institucional për të mirën e Kosovës dhe qytetarëve të saj”, është thënë në përgjigje.

Ambasada amerikane në Prishtinë i ka thënë mediumit lokal në Kosovë, KOHA, se bllokimi i vazhdueshëm politik po rezulton në mundësi të humbura për Kosovën.

“Populli i Kosovës pret nga udhëheqësit e tyre t’i përmbushin angazhimet për të punuar në interesin më të mirë të vendit. Ky bllokim i vazhdueshëm politik po rezulton në mundësi të humbura për Kosovën. Është koha që lidershipi të prioritizojë progresin dhe stabilitetin në dobi të qytetarëve”, është cituar të ketë thënë ambasada.

Seanca konstituive nuk mund të thirret pa u publikuar aktgjykimi i plotë i Gjykatës Kushtetuese.

Lëvizja Vetëvendosje (LVV), partia që ka fituar më së shumti vota në zgjedhjet parlamentare të 9 shkurtit, e ka parë vendimin e Kushtetueses si “devijim të rrezikshëm nga roli kushtetues” dhe që, sipas saj, është “në kundërshtim me parimet themelore të shtetit të së drejtës dhe ndarjes së pushteteve”.

Partitë tjera të mëdha shqiptare, që në legjislaturën e kaluar kanë qenë në opozitë, e kanë mirëpritur vendimin duke e konsideruar fitore kushtetuese dhe demokratike.

Janë bërë muaj që partitë nuk kanë arritur të gjejnë një kompromis për konstitutim të Kuvendit, fillimisht sepse partitë e mëdha shqiptare e konsideronin të propozuarën e LVV-së për kryeparlamnetare, Albulena Haxhiun, figurë “përçarëse” dhe më vonë për shkak të ndryshimit të mënyrës së votimit nga të hapur në të fshehtë.

Një ditë para publikimit të vendimit të gjykatës, Ambasada britanike në Kosovë ka vlerësuar që funksionimi i Gjykatës Kushtetuese në mënyrë të pavarur është jetik për demokracinë dhe që të gjitha vendimet e saj duhet të respektohen dhe zbatohen.

Ish-kryetari i Gjykatës Kushtetuese, Enver Hasani, i ka thënë Radios Evropa e Lirë ditë më parë se dispozitivi është shumë i qartë dhe nëse palët kanë vullnet, mund ta finalizojnë lehtësisht procesin e konstituimit, ndonëse në të i ka vërejtur “dy defekte”: urdhrin që seancën ta vazhdojë Avni Dehari, edhe pse, sipas Hasanit, ai ka kryer shkelje kushtetuese, dhe pse deputetët janë urdhëruar të marrin pjesë në seancë dhe të votojnë, por pa u bërë publike masat ndëshkuese.

Që Kuvendi të konsiderohet i konstituuar, duhet që të zgjidhet kryetari dhe pesë nënkryetarët. Vetëm pas kësaj, nisin afatet për formimin e Qeverisë së re të Kosovës./REL

The post Ambasadat e SHBA-së dhe Italisë thirrje për respektimin e vendimit të Kushtetueses: Të gjitha forcat politike të pajtohen për të zgjidhur ngërçin appeared first on Albeu.com.

Vala e të nxehtit afrikan ka kulmuar sot në vend tonë, ku në Tiranë është shënuar temperatura 42°C në mesditë, duke shënuar një nga ditët më të nxehta të verës.

Temperaturat ekstreme kanë përfshirë edhe Beratin, Shkodrën, Elbasanin dhe Gjirokastrën, me vlera mbi 41°C.

Edhe zonat malore si Kukësi nuk kanë shpëtuar nga i nxehti, me temperatura deri në 38°C.

Sinoptikanët apelojnë për kujdes të shtuar, sidomos për të moshuarit dhe fëmijët, dhe rekomandojnë qëndrimin në ambiente të freskëta gjatë orëve të pikut (11:00 – 17:00). Nga e mërkura pritet një rënie graduale e temperaturave, por moti mbetet kryesisht me diell gjatë gjithë javës.

The post “Përvëlohet” Tirana, termometri shënon 42°C! Apel urgjent për qyetarët: Mos dilni nga shtëpia appeared first on Albeu.com.

Ministri izraelit i Mbrojtjes, Israel Katz, ka rinovuar deklaratat e tij të ashpra kundër udhëheqësit suprem të Iranit, Ali Khamenei, në një përplasje të re verbale mes dy vendeve.

Përmes një postimi në rrjetin social X, Katz shkroi:
“Kur të dalë nga bunkeri, Khamenei duhet të ngrejë sytë nga qielli dhe të dëgjojë me kujdes çdo shushurimë.”
Ky mesazh u interpretua gjerësisht si një kërcënim i drejtpërdrejtë që i referohet aktivitetit të dronëve izraelitë në rajon.

Deklarata e Katz erdhi si reagim ndaj një grafike të shpërndarë nga Teherani, e cila tregon zyrtarë izraelitë si objektiva për atentate, përfshirë edhe vetë ministrin e Mbrojtjes, të etiketuar si “Ministri i Terrorizmit Israel Katz”.

Grafika në fjalë thuhet se është një version i ndryshuar i një materiali izraelit të përdorur më parë për të njoftuar eliminimin e zyrtarëve iranianë gjatë konfliktit.

Ende nuk është e qartë ku është krijuar kjo grafikë dhe sa gjerësisht është shpërndarë, por Katz e ka publikuar atë si provë të kërcënimeve që, sipas tij, vijnë nga Irani.

The post Ministri izraelit i Mbrojtjes kërcënon Khamenein: Kur të dalësh nga bunkeri, shiko nga qielli appeared first on Albeu.com.

15-vjeçari që u aksidentua në aksidentit rrugor në vendin e quajtur “Qafa e Koshovicës” ka ndërruar jetë në spitalin e Traumës. I mituri u shpëtuar vetëm pak ditë më parë falë ndërhyrjes heroike të efektivit 26-vjeçar, Klajdi Mustaj, i cili rrezikoi jetën duke nxjerrë nga automjeti të dëmtuar personat që ishin në bord.

Automjeti kishte humbur kontrollin dhe ishte përmbysur dhe kishte mbetur i bllokuar në anë të rrugës, me katër persona të plagosur brenda. Situata u bë edhe më e rrezikshme kur nga mjeti filloi të dilte tym i dendur, duke rrezikuar shpërthim. Aksidenti ndodhi mbrëmjen e të premtes rreth orës 20:00.

The post U plagos nga aksidenti rrugor në vendin e quajtur “Qafa e Koshovicës”/ Ndërron jetë 15-vjeçari i shpëtuar nga efektivi Mustaj appeared first on Albeu.com.

Bisedat në SKY ECC nxorën zbuluar grupin kriminal që drejtohej nga Ervis Çela dhe Franc Çopja dhe trafikonin kokaine nga Amerika Latine drejt Europës. Syri Tv ditën e sotme ka publikuar një pjesë nga dosja e hetimeve. Siç u raportua kokaina blihej në Amerikën Latine për tregun e Europës dhe fitimet miliona euro pastroheshin duke ndërtuar rezidenca luksoze.

Në dosje janë bisedat në SKY ECC të Franc Çopës dhe Ervis Çelës dhe këtij të fundit me të vëllanë. Franc Çopja, i njohur dhe me mbiemrin Gergeli i çon një foto ku ai është i shtrirë mbi ngarkesën me kokainë. Ndërsa Çela më pas i dërgon foton të vëllait duke i treguar dhe objektivin e tij për ti blerë të vëllait një vilë 1 milionë dollarëshe si dhuratë për lindjen e djalit.

Në dosje shkruhet se nga konteksti i bisedës dhe nga terësia e komunikimeve dyshohet së ngarkesat me lëndë narkotike i ka nxjerrë Franc Gergely, të cilin në komunikime i referohen me termat “elb, elbasani”, për shkak të vendlindjes së tij.

Pjesë nga dosja

11.36.30. Në vijim në orën 18:49:40, Franc Gergely i dërgon Ervisit një fotografi, e cila dyshohet se paraqet një sasi të konsiderueshme lënde narkotike e dyshuar kokainë e paketuar në çanta prej letre dhe një person i shtrirë mbi to dhe pas kësaj fotografie i shkruan “Ja shif e fol…Sa marun me emtalin…

Ervisi në vijim i shkruan “Dolen tomon?; De harbohet tregu; Ahahahahahaha; Qeka shiri lari; Si puna ime siper paletit…”.

11.36.31. Në orën 18:51:49, Ervis Çela komunikon me Riza Çela të cilit i dërgon fotografinë në vijim dhe i shkruan mesazhin “…Se mos kujton qe te rrej un… Esht lodhur ai robi… Po flen gjum te malli…”. Rizai e pyet vëllain e tij “Ore elb e nzorri”, pyetje të cilën Ervisi e pokon.

Javen qe vjen mor até shpin per çunin… Te kam thon qe e bleva?… Shpi për Xhem… 1 mln $… Dhuratë pëer çunin … Esht shum e modhe… Vile shum e bukur… Duhet te bosh 50 çuna të marojnë lekët e mia… 50 mln vëllai sot.

Në dosje gjithashtu janë edhe bisedat mes Ervis Çelës dhe Fadil Ballës i cili ka në pronësi kompaninë AMR shpk që zotëron dhe kompleksin “Ajman Park Resort” në Xhafzotaj, i cili u sekuestrua nga Gjykata e Posaçme me kërkesë të SPAK. Gjatë bisedave në SKY ECC ata flasin për çmimin e kokainës. Ai thotë se i është ofruar një sasi prej 15 kg kokainë me 31.5 mijë euro çmimin. Gjatë bisedës ai i tregon fotografi të kompleksit Ajman Park në Shijak.

Pjesë nga dosja ku flitet për Resorti në Shijak

…Ka ra bro por ja te flas…Me 31.5 ma dha bobo para ca ditesh e sja mora se kishte ja 150 buk se me aq ishte pernaj them…”.

Ervisi i përgjigjet “E di un te 28 rrafin cekicat ty”, në vijim Ervisi pyet Fadilin për sasinë që kërkon të marrë

“Sa copa do…Mos u bon tafmaqar…”. Fadili nuk i përcakton sasinë që kërkon të marrë, duke ja lenë në dorë Ervisit, Fadili i shkruan “500…Dyqind…një qind…

Sa dush o bro…Shyqyr kan dal tjerat ca dush ti sa dush ti…” dhe në vijim i dërgon një fotografi të punimeve të cilat dyshohet që Fadil Balla po realizon për ndërtimin e kompleksit “Ajman Park” në Shijak dhe i shkruan “Me more ne qaf…Tashti nuk naloi mo un…”, duke lënë të kuptohet që të ardhurat nga trafikimi dhe shitja e lëndeve narkotike do t’i investojë në në kompleksin “Ajman Park”.

The post “Eshtë lodhur ai robi, po flen gjum te malli”/ Bisedat në SKY ECC për vila 1 mln $ e resortin “Ajman Park” në Shijak! Si trafikantët tregonin fotografitë e rezidencave appeared first on Albeu.com.

Situata e zjarrit në Sojnik të Gramshit është përkeqësuar gjatë orëve të fundit. Kryebashkiaku i Gramshit, Besian Ajazi, thotë se një tjetër vatër zjarri ka shpërthyer mbi fshatin Sojnik që është akoma më agresive. Me anë të një postimin në Facebook, Ajazi shkruan se flakët janë përhapur deri në fshatin Snosëm dhe rrezikon banesa. Kryebashkiaku i Gramshit thotë gjithashtu se flakët kanë rënë si pasojë e zjarrvënieve të qëllimshme.

“Situatë emergjente në pyjet e Gramshit. Një zjarr i përmasave të mëdha ka përfshirë një sipërfaqe të konsiderueshme pyjore në Mukaj të Sojnikut, Njësia Administrative Kukur ndërsa tani në mesdrekë është ndezur një vatër e re zjarri më e madhe dhe më agresive mbi fshatin Sojnik i cili është përhapur deri në fshatin Snosëm duke rrezikuar edhe banesa. Dyshohet se shkaku është veprimtaria kriminale e piromanëve, që me papërgjegjshmëri të tmerrshme po rrezikojnë jetën, natyrën dhe pronën publike.

Pavarësisht angazhimit maksimal të shërbimit tonë zjarrfikës, shërbimit pyjor, drejtorisë së shërbimeve, vullnetarëve dhe ndihmës së Agjencisë Kombëtare të Mbrojtjes Civile – me 20 efektivë në terren dhe 2 helikopterë në operacion – zjarri vijon të jetë aktiv dhe i vështirë për t’u vënë nën kontroll për shkak të terrenit të vështirë, temperaturave të larta dhe erës të cilat favorizojnë përhapjen e flakëve. Dënojmë me forcë aktet barbare të zjarrvënies së qëllimshme. Autorët do të përballen me ashpërsinë më të madhe të ligjit dhe me zemërimin e një komuniteti që nuk lejon askënd të dëmtojë pasurinë e përbashkët. Jemi në monitorim të pandërprerë dhe do të vijojmë betejën për të mbrojtur pyjet dhe banorët tanë”, shkruan ai.

The post Përkeqësohet situata me zjarret në Gramsh/ Kryebashkiaku: Vatër e re zjarri më agresive, rrezikohen banesa appeared first on Albeu.com.

Organizatat ndërkombëtare të medias e cilësuan bllokimin e godinave të përdorura nga Focus Media Group dhe ndërprerjen e transmetimit të News 24 si joproporcional dhe i kërkuan autoriteteve të jepnin shpjegime të qarta ligjore mbi veprimet e kryera.

Organizatat ndërkombëtare për lirinë e medias kanë reaguar ndaj bllokadës së vendosur nga Policia e Shtetit më 9 gusht ndaj redaksisë së televizionit informativ, News 24 si dhe mediave të tjera të grupit, Balkanweb, Panorama dhe Gazeta Shqiptare.

Instituti Ndërkombëtar i Shtypit, IPI, u shpreh në një postim në X “i alarmuar nga bllokada e policisë” dhe kërkoi “sqarim të menjëhershëm të bazës ligjore” për këtë veprim, të cilin e cilësoi si pengim të punës së gazetarëve.

“Kërkojmë që autoritetet të shpjegojnë menjëherë arsyet ligjore për këtë veprim, i cili ka penguar punën e gazetarëve,” tha IPI në deklaratë publike.

Qendra Evropiane për Lirinë e Shtypit dhe të Medias, ECPMF, e quajti ndërhyrjen “masë joproporcionale” nga autoritetet shqiptare. “Pengimi i gazetarëve për të hyrë në ndërtesë, ndërprerja e energjisë elektrike dhe ndalimi i sinjalit televiziv janë masa të tepruara,” theksoi ECPMF duke iu referuar situatës.

Edhe rrjeti rajonal SafeJournalists shprehu “shqetësim të thellë” për operacionin, duke theksuar se “çdo veprim që ndikon në punën e mediave duhet të ndjekë procesin e rregullt ligjor, të bazohet në një mandat të qartë dhe të sigurojë ndërhyrje minimale në punën e gazetarëve dhe të drejtën e publikut për t’u informuar”. Organizata kërkoi gjithashtu që autoritetet të japin kohë të mjaftueshme për zhvendosjen e redaksive në raste të tilla, për të shmangur ndërprerjen e punës.

Ndërtesa e përdorur nga Focus Media Group u bllokua mëngjesin e 9 gushtit nga policia. Kjo e fundit rrethoi godinën në Shkozë, ndërpreu furnizimin me energji elektrike dhe ndaloi hyrjen e gazetarëve, duke ndërprerë transmetimin e News24 në orën 07:36. Më vonë, televizioni rifilloi transmetimin vetëm përmes YouTube. Godina, e cila përdorej nga televizioni përmes një kontrate qiraje është objekt i një mosmarrëveshjeje gjyqësore.

Ministria e Ekonomisë Kulturës dhe Inovacionit, e cila menaxhon pronat publike, këmbuguli se bllokimi me polici i godinës ishte i ligjshëm dhe bazohej në vendim gjykate, ndërsa u ankua se kompanitë mediatike nuk kishin paguar qiratë. “MEKI vepron me kujdes institucional dhe respekt të plotë për lirinë e medias dhe të shprehjes. Por këto të drejta nuk mund të përdoren si justifikim ose si mekanizëm për të gëzuar padrejtësisht pronën publike dhe për të shmangur shlyerjen e detyrimeve kontraktuale,” deklaroi MEKI./BIRN

The post BIRN: Organizatat ndërkombëtare dënojnë bllokadën e policisë ndaj News24 appeared first on Albeu.com.

Presidenti francez Emmanuel Macron bëri thirrje të hënën për një përfundim të menjëhershëm të luftës në Rripin e Gazës, duke bërë thirrje për një armëpushim të përhershëm për të ndaluar gjakderdhjen. Duke folur për rrjetin televiziv francez BFMTV, Macron dënoi njoftimin e kabinetit izraelit për të zgjeruar operacionet ushtarake në Qytetin e Gazës dhe kampet Mawashi, si dhe për të ripushtuar këto territore nga Izraeli.

“Njoftimi i kabinetit izraelit për të zgjeruar operacionet e tij në Qytetin e Gazës dhe kampet Mawashi dhe për t’i ripushtuar ato paralajmëron një katastrofë me përmasa të papara, e cila do të jetë një lëvizje drejt një lufte të pafundme”, tha ai.

Siç nënvizoi ai, vazhdimi i kësaj strategjie do të rezultojë që pengjet izraelite dhe banorët e Gazës të vazhdojnë të jenë viktimat kryesore. Për të arritur një armëpushim, Macron propozon një mision stabilizimi nën kujdesin e OKB-së, i cili do të sigurojë sigurinë e Rripit të Gazës, do të mbrojë popullsinë civile dhe do të mbështesë qeverinë palestineze.

“Franca dëshiron të veprojë për sigurinë e Izraelit, lirimin e pengjeve, rifillimin e veprimeve humanitare dhe mbështetjen për popullin palestinez”, tha Macron.

The post Macron bën thirrje për armëpushim të përhershëm në Gaza: Kjo luftë duhet të përfundojë tani appeared first on Albeu.com.

Shqipëria është “mbërthyer” sërish nga zjarret, kjo dhe për shkak të rritjes së frikshme të temperaturave.

Situata më problematike paraqitet në jug të vendit, ku zjarri ka kaluar rrugën Sarandë-Muzinë dhe po përhapet me shpejtësi drejt Parkut të Syrit të Kaltër, por ende nuk ka hyrë në par.

Forca të shumta zjarrfikëse ndodhen në vendin e ngjarjes, ndërkohë që autoritetet kanë bërë të mundur evakuimin e turistëve.

Në terren aktualisht ndodhen dy helikopterë, 20 forca të ushtrisë dhe 4 mjete zjarrfikëse ndërkohë që është bllokuar qarkullimi i rrugës Sarandë-Muzinë.

The post Alarmante situata në Sarandë/ Flakët i afrohen Syrit të Kaltër, evakuohen me urgjencë turistët appeared first on Albeu.com.

Gjykata Kushtetuese ka urdhëruar përsëri deputetët e Kuvendit të Kosovës ta konstituojnë përbërjen e re parlamentare – e dalë nga zgjedhjet e 9 shkurtit – por këtë herë me udhëzime më të qarta.

Ata urdhërohen ta konstituojnë Kuvendin brenda një afati 30-ditor dhe ta zgjedhin kryeparlamentarin përmes votimit të hapur, duke e hedhur në votim të njëjtin kandidat jo më shumë se tri herë.

Por, kur mund të thirret seanca konstituive?

Nuk dihet saktësisht. Mund të jetë gjatë kësaj jave, apo më së largu javën e ardhshme, varësisht se kur publikohet aktgjykimi i plotë nga Kushtetuesja.

Seanca konstituive nuk mund të mbahet derisa Kushtetuesja ta publikojë aktgjykimin e plotë.

Sipas Eugen Cakollit nga Instituti Demokratik i Kosovës, bazuar në praktikat e mëparshme, Kushtetueses i nevojiten një deri në dy javë më së shumti për ta publikuar të plotë aktgjykimin.

“Ta zëmë nëse aktgjykimi publikohet të mërkurën, atëherë seanca mund të thirret menjëherë të enjten dhe pastaj të vazhdojë cikli 48-orësh”, tha Cakolli në KTV më 8 gusht.

Seanca konstituive e Kuvendit u thirr për herë të parë më 15 prill nga presidentja e vendit, Vjosa Osmani. Që atëherë, deputetët kanë mbajtur 54 vazhdime të kësaj seance, të cilat janë udhëhequr nga kryesuesi Avni Dehari, si deputeti më i vjetër i legjislaturës së re.

Kushtetuesja tha se kryesuesi Dehari nuk ka vepruar në bazë të aktgjykimit të mëhershëm të kësaj gjykate të 26 qershorit, duke shtuar se të gjitha seancat e mbajtura nga 27 qershori deri më 26 korrik “të shpallen të pavlefshme”.

Sipas Rregullores së Kuvendit, për mbarëvajtjen e seancës kujdeset kryesuesi i seancës konstituive dhe Dehari pritet ta thërrasë seancën sapo Kushtetuesja ta publikojë aktgjykimin e plotë në Gazetën Zyrtare.

Si është pritur vendimi?

Vendimi është mirëpritur nga partitë që mandatin e kaluar ishin në opozitë, por është kritikuar nga partia fituese e zgjedhjeve, Lëvizja Vetëvendosje (LVV).

LVV-ja e quajti vendimin arbitrar, Partia Demokratike e Kosovës (PDK), dhe Lidhja Demokratike e Kosovës (LDK), e cilësuan fitore kushtetuese e demokratike, ndërsa Aleanca për Ardhmërinë e Kosovës (AAK) foli për rrëzimin e diktatit.

Sipas LVV-së, njoftimi i Kushtetueses “përbën devijim të rrezikshëm nga roli kushtetues” dhe se është “në kundërshtim me parimet themelore të shtetit të së drejtës dhe ndarjes së pushteteve”.

Deputetja e LVV-së dhe ministrja në detyrë e Drejtësisë, Albulena Haxhiu, thanë një konferencë për media më 10 gusht se “njoftimi i Gjykatës Kushtetuese përbën shqetësim serioz, sepse është tejkalim flagrant i kompetencave që ka Gjykata Kushtetuese”.

E pyetur nëse partia e saj do ta respektojë vendimin, Haxhiu tha: “Se cili do të jetë veprimi jonë pas këtij njoftimi, pas aktvendimit, do ta kuptoni kur të vijë koha”.

Kreu i PDK-së, Memli Krasniqi, tha se me këtë vendim të Kushtetueses, u vërtetuan qëndrimet e partisë së tij, që LVV-ja “e ka mbajtur peng Kuvendin e Republikës së Kosovës, duke e bllokuar qëllimisht dhe në mënyrë të planifikuar funksionalizimin e tij për interesa të ngushta pushteti, me veprime tërësisht jashtë Kushtetutës”.

Kryetari i LDK-së, Lumir Abdixhiku, e mirëpriti vendimin e Gjykatës Kushtetuese duke e cilësuar si “fitore të madhe për demokracinë”.

Ardian Gjini nga AAK-ja tha se me vendimin e Kushtetueses, “fitoi demokracia, u rrëzua diktati”.

Çfarë pritet nga aktgjykimi i plotë?

Aktgjykimi i plotë i Kushtetueses, përveç se hap rrugën për mbajtjen e seancës konstituive në ditën pasuese, pritet të sqarojë më shumë gjëra.

Ajo ka mundësi t’i përgjigjet edhe një kërkese tashmë të tërhequr të presidentes së Kosovës, Vjosa Osmani, se çfarë do të ndodhte nëse Kuvendi i Kosovës nuk do të konstituohej deri më 26 korrik – afati i përcaktuar më herët nga gjykata përmes një aktgjykimi.

Në aktgjykimin e saj të mëparshëm, të cilin deputetët e shpërfillën, Kushtetuesja nuk kishte treguar pasojat juridike të një shpërfilljeje të tillë.

Kushtetuesja mund të tregojë tani se cilat do të jenë pasojat, nëse deputetët e shpërfillin sërish urdhrin 30-ditor për bërjen e Kuvendit të ri.

“Ndonëse presidentja e ka tërhequr kërkesën, Kushtetuesja ka të drejtë ligjore ta shqyrtojë atë, sepse duhet qartazi se kjo është çështje me interes publik dhe kushtetues”, tha Cakolli.

Cakolli tha se afate të tilla do të jenë të destinuara për të mos u respektuar nga aktorët politikë, pasi atyre “u mungon vullneti politik për të gjetur zgjidhje, jo sepse nuk i dinë procedurat”.

“Partitë do të vazhdojnë t’i shkelin afatet për sa kohë që gjykata nuk e shkruan në mënyrë të qartë se cilat do të jenë pasojat që deputetët dhe Kuvendi do t’i bartin, në rast të dështimeve të mëtejme”, tha ai.

Kush sa vota i ka?

E gjithë kjo krizë disamujore vjen si pasojë e mungesës së një marrëveshje politike mes partive parlamentare, pasi asnjëra parti nuk e fitoi shumicën për të qeverisur e vetme.

LVV-ja e kryeministrit në detyrë, Albin Kurti, i fitoi 48 ulëse dhe partitë e tjera parlamentare nuk kanë pranuar ta votojnë kandidaten e saj për kryetare të Kuvendit, për emërimin e së cilës nevojiten të paktën 61 vota.

Derisa LVV-ja ngul këmbë se Albulena Haxhiu është kandidate meritore, disa prej partive më të mëdha parlamentare, si PDK, LDK dhe AAK, e përjashtojnë atë si “përçarëse”.

PDK-ja doli e dyta me 24 ulëse, LDK-ja e treta me 20, pasuar nga Lista Serbe – partia më e madhe e serbëve në Kosovë me 9, dhe koalicioni mes AAK-së dhe Nismës Socialdemokrate, me 8 të tilla. Edhe 11 ulëse tjera janë të pakicave./ REL

The post Çfarë ndodh tani pas udhëzimeve të Kushtetueses për krijimin e Kuvendit të Kosovës? appeared first on Albeu.com.

Në zemër të një prej lagjeve më të kërkuara të Prishtinës në Emshir po merr jetë një histori e re, e ndërtuar mbi përkushtim, vizion dhe vlera të qëndrueshme.

Mercom Invest prezanton me krenari kompleksin më të ri shumëbanesor: një projekt modern që sjell një standard të ri të jetesës urbane.

Me fokus të veçantë në cilësi të lartë, funksionalitet dhe estetikë bashkëkohore, ky kompleks është projektuar për të ofruar një përvojë jetese të ngrohtë, të rehatshme dhe afatgjatë. Çdo detaj – nga organizimi inteligjent i hapësirës deri te zgjidhjet moderne arkitektonike dhe të sigurisë është menduar për ta përmirësuar jetën e përditshme të banorëve.

Ky nuk është thjesht një ndërtim tjetër është një vend ku krijohen kujtime, ndërtohen ëndrra dhe jetohen përditshmëritë më të bukura.

Nga efikasiteti energjetik te përfundimet elegante, kompleksi pasqyron përkushtimin e Mercom Invest për profesionalizëm dhe respekt ndaj çdo individi që e quan shtëpi.

Teksa Emshir po zhvillohet me hapa të shpejtë dhe po tërheq vëmendjen e blerësve më kërkues, ky projekt përfaqëson një mundësi të rrallë për të investuar në një banesë të vërtetë – të ndërtuar me kujdes, integritet dhe vizion të qartë.

SHITJA KA FILLUAR – për më shumë informata, na kontaktoni në:

045 507 506; 046 500 070 apo na shkruani në shitja@mercominvest.com, info@mercominvest.com.

Adresa: Rr. Shefqet Shkupi, Emshir, Prishtinë

Mercom Invest – Building your future home!

The post Krijuar për jetesë moderne – MERCOM INVEST prezanton projektin më të ri banesor! appeared first on Telegrafi.

Dashi

Pas një periudhe paksa delikate dhe te paqëndrueshme për jetën tuaj ne çift, me ne fund do e stabilizoni situatën. Do jeni me te kuptueshëm dhe me tolerante. Beqaret do jene te vendosur ta bëjnë për vete personin qe pëlqejnë dhe do ia arrijnë qëllimit. Me financat duhet shume kujdes sepse ne çdo moment situata mund te dale jashtë kontrollit.

Demi

Dielli do jete planeti qe do e mbroje gjithë kohës jetën tuaj ne çift sot. Qe ne pret e para te mëngjesit do mendoni ta suprimoni partnerin ne mënyrë qe ai ta ketë vëmendjen vetëm tek ju. Beqareve do iu rrahe zemra fort për një person qe për fatin e tyre te keq është ne një lidhje. Financat duhet t’i mbani ne gjendjen qe janë. Po e tejkaluat me shpenzimet do keni vështirësi.

Binjaket

Jeta juaj ne çift do kaloje ne plan te pare gjate kësaj dite. Do bëni çfarë te mundni qe ta stabilizoni sa me pare situatën. Beqaret do jene me shume fat dhe do e gjejnë princin e tyre te kaltër. Gjithçka do ndryshoje ne jetën e tyre. financat do jene te qëndrueshme ne përgjithësi, megjithatë nuk duhet abuzuar me shpenzimet sepse situata edhe mund te tronditet serish.

Gaforrja

Dita e sotme do jete goxha e animuar dhe e mbushur me momente fantastike për ta a qe janë ne një lidhje. Emocionet do jene te njëpasnjëshme kështu qe shfrytëzojeni çdo moment. Nëse jeni ende beqare duhet te përfitoni nga ftesat qe do iu bëhen sepse koha ikën shpejt. Neptuni do ndikoje mjaft ne planin financiar. Do jeni te qarte sa shpenzime te kryeni.

Luani

Do i zgjidhni një pjese te problemeve qe keni pasur ne çift kohet e fundit dhe do i shihni gjerat me një sy tjetër tashme. Edhe beqaret do jene me te kujdesshëm me hapat qe do hedhin. Vërtet e vuajnë vetminë, por nuk duhen bere sakrifica te rrezikshme vetëm për te pasur dike ne krah. Me financat bëni kujdes sepse mund edhe te përballeni me surpriza te këqija.

Virgjeresha

Asgjë e rëndësishme nuk ka për te ndodhur sot ne jetën tuaj ne çift, përkundrazi për disa do mbizotërojë rutina. Nga ana tjetër beqaret do kenë një dite shume energjike dhe te mbushur me takime te njëpasnjëshme. Gjithçka mund te ndryshoje për ta nëse vërtet e dëshirojnë. Për sa iu përket financave do ketë disa vështirësi, por me kujdes edhe mund t’ia dilni.

Peshorja

Ne orët e para te mëngjesit jeta juaj ne çift do ketë disa tronditje, por me kalimin e orëve situata do stabilizohet. Do ndiheni disi me te qete. Beqaret duhet te tregohen realiste dhe te mos kërkojnë gjera te pamundura. Ne këtë mënyrë nuk do e lëndojnë veten. Ne planin financiar duhet te shpenzoni me shume maturi sepse situata nuk do jete aspak e favorshme.

Akrepi

Jupiteri do sjelle fat ne jetën tuaj ne çift sot. Do i zgjidhni te gjitha mosmarrëveshjet qe keni pasur dikur dhe do ndiheni me te qete. Beqaret do kërkojnë ne çdo vend princin e kaltër, pa e ditur se ai është shume me afër sesa ata e mendojnë. Financat do jene goxha te stabilizuara. Përfitoni për te kryer ndonjë investim te rëndësishëm.

Shigjetari

Kujdes mos e prekni partnerin ne pikat e tij te dobëta sot sepse ai nuk do jene ne humorin duhur dhe mund te keni debate te zjarrta. Beqaret nuk do arrijnë dot ta gjejnë as sot personin e ëndrrave dhe here pas here do e vuajnë vetminë. Ne planin financiar duhet ti merrni gjerat me seriozisht dhe te mos prisni përkeqësimin e situatës për te marre masa.

Bricjapi

Mos krijoni iluzione te kota sot ne jetën tuaj ne çift dhe qëndroni gjithë kohës me këmbë ne toke. Beqaret duhet te përfitojnë nga ftesat qe do iu bëhen dhe jo te mbyllen ne vetvete. Vetëm ne këtë mënyrë jeta e tyre mund te ndryshoje. Financat do fillojnë qe sot te kenë disa përmirësime. Shume shpejt gjendja do behet edhe me e favorshme.

Ujori

Lidhja me partnerin do jete me e mire se kohet e fundit, megjithatë serish disa çështje do mbeten te pazgjidhura. Beqareve do iu shfaqet papritur një person interesant ne pamje dhe qe vlen me te vërtetë shume ne çdo ane. Mos e humbni për asnjë lloj arsyeje. Financat do kenë disa tronditje, megjithatë gjendja nuk do jete aq e keqe sa disa kohe me pare.

Peshqit

Asgjë e veçante nuk ka për te ndodhur sot ne jetën tuaj ne çift. Do kaloni një dite te zakonshme, por fatmirësisht pa debate apo probleme. Beqaret do kenë njohje te reja me persona qe vërtet ja vlejnë për t’u pasur ne krah. Merrni kohen e duhur para se te kaloni ne një tjetër stad. Financat do kenë përmirësime fale një shume parash qe do merrni nga familjaret.

The post Horoskopi 11 Gusht, ja çfarë kanë parashikuar yjet për ju appeared first on Albeu.com.

Udhëheqësit evropianë po i bëjnë presion Uashingtonit që të shtrëngojë sanksionet ndaj Moskës përpara një takimi midis Donald Trump dhe Vladimir Putin në Alaska, i cili mund të jetë vendimtar për të ardhmen e Ukrainës dhe si rrjedhojë për të ardhmen e sigurisë së BE-së. Në një samit të organizuar nga Sekretari i Jashtëm i Mbretërisë së Bashkuar David Lamy dhe Zëvendëspresidenti i SHBA-së J.D. Vance, këshilltarët e sigurisë evropiane dhe ukrainase argumentuan se Uashingtoni duhet të ushtrojë më shumë presion mbi Rusinë përmes kërcënimeve me sanksione. Ky qëndrim mbështetet edhe nga kancelari gjerman Friedrich Merz, i cili në deklaratat e tij sot të cituara nga Financial Times, argumentoi se Putini po vepron vetëm nën presion.

“Është e qartë se presioni ushtarak nuk është mjaftueshëm i fortë dhe se sanksionet e SHBA-së nuk janë zbatuar ende. Nëse ato zbatohen, ndikimi në ekonominë ruse do të jetë i rëndësishëm. I kam kërkuar presidentit të SHBA-së ta bëjë këtë. Ose në drejtim të rritjes së presionit ndaj Rusisë, ose në drejtim të bërjes së Rusisë të kuptojë se kjo luftë nuk mund të vazhdojë”, tha kancelari gjerman, i cili kishte planifikuar një bisedë telefonike me presidentin e SHBA-së sot.

Në të njëjtën kohë, evropianët po ushtrojnë presion mbi Presidentin Volodymyr Zelensky që të marrë pjesë në takimin në Alaska, tha Merz për Financial Times. Zyrtarët evropianë kanë argumentuar gjithashtu se çdo marrëveshje e ardhshme armëpushimi duhet të zbatohet me sanksione të ashpra për çdo shkelje, për të siguruar që Rusia të mos mund të përfitojë ekonomikisht nga paqja përpara se të ndalojë sulmet e saj ndaj Ukrainës.

Vance e quajti takimin e planifikuar një përparim të madh për diplomacinë amerikane, duke i thënë Fox News se qëllimi është të gjendet një zgjidhje e negociuar për territorin ku ndalen vrasjet. Zëvendëspresidenti i SHBA-së paralajmëroi gjithashtu Evropën se SHBA-të nuk do ta financojnë më Ukrainën siç ka bërë deri më tani.

“Nëse ju intereson kaq shumë ky konflikt, duhet të jeni të gatshëm të luani një rol më të drejtpërdrejtë dhe thelbësor në financimin e kësaj lufte”, tha ai.

Nga ana e saj, megjithatë, Evropa po i sheh asetet shtetërore të ngrira të Rusisë si një mjet presioni, me Brukselin që propozon idenë e përdorimit të aseteve për të financuar Ukrainën, sipas dy zyrtarëve të BE-së. Një propozim që po diskutohet do të përfshinte huazimin e parave të grumbulluara në shtëpinë belge të kliringut Euroclear nga asetet ruse me vlerë 190 miliardë euro dhe huazimin e tyre për Ukrainën, thanë ata.

“Në një moment mund të ketë një diskutim rreth asaj se çfarë do të ndodhë me këto asete nëse Rusia nuk e kompenson Ukrainën për dëmin që ka shkaktuar”, tha një zyrtar i lartë i BE-së për Financial Times.

Ndërsa Trump kërkon të diskutojë lëshime të mundshme territoriale me Putinin, evropianët kanë kërkuar garanci të forta sigurie për Ukrainën si pjesë të çdo marrëveshjeje.

“Garancitë e sigurisë janë me rëndësi të madhe për Ukrainën. Garancia më e fortë do të ishte që të mos ketë kufizime për forcat e armatosura të Ukrainës dhe për mbështetjen e vendeve të treta për Ukrainën”, tha një zyrtar i BE-së.

Evropa mbetet kundër çdo kufizimi ndaj ushtrisë ukrainase dhe mbështetjes ushtarake dhe ekonomike për Ukrainën nga Perëndimi. Evropianët kanë paralajmëruar gjithashtu kundër një shkëmbimi territoresh, një ide që Trump e hodhi në pah javën e kaluar, duke pasur frikë se kjo do të përbënte një lëshim të Ukrainës ndaj Rusisë.

“Për çështjet territoriale, qëndrimi rus është shprehur në terma të një shkëmbimi territoresh, por duket më e mundshme që një shkëmbim i tillë do t’i sillte vetëm dobi Rusisë”, tha zyrtari i BE-së.

Ndërsa Sekretari i Përgjithshëm i NATO-s, Mark Rutte, i tha ABC të dielën se bisedimet do të trajtonin gjithashtu nevojën absolute për të njohur që Ukraina vendos vetë për të ardhmen e saj pa kufizime në madhësinë e trupave të saj, zyrtarë të lartë në Kiev kanë shprehur shqetësim se Trump mund të përpiqet të bëjë presion mbi Zelenskyn që të pranojë çdo marrëveshje të arritur për Alaskën. Zyrtarë të lartë ukrainas dhe evropianë thanë se prisnin që Putini të akuzonte presidentin ukrainas si pengesë për arritjen e një marrëveshjeje.

“Ne nuk mund ta pranojmë që Rusia të vazhdojë të kërcënojë të gjithë sistemin evropian të sigurisë. Kjo është arsyeja pse nuk mund të ketë një paqe që do të shpërblente veprimin agresiv të Rusisë dhe potencialisht do të inkurajonte veprime të mëtejshme”, përfundoi Merz.

The post Evropa presion SHBA-së për më shumë sanksione ndaj Rusisë para takimit Trump-Putin në Alaksë/ Merz: Presioni ushtarak nuk është i mjaftueshëm appeared first on Albeu.com.

Ambasada e Kosovës në Ankara ka njoftuar se gjatë mbrëmjes të së dielës rrethi i qytetit Balikeshir është goditur nga një tërmet me magnitudë 6.1 të shkallës Rihter. Në njoftimin e lëshuar nga kjo ambasadë është bërë thirrje për qytetarët e Kosovës që ndodhen në zonat e prekura të tregojnë kujdes maksimal, të ndjekin udhëzimet e autoriteteve lokale dhe në rast nevoje të kontaktojnë menjëherë përmes kanaleve të komunikimit.

“Sot, më datë 10 gusht 2025, në orën 19:53 sipas kohës lokale, në rrethin Sindırgı të qytetit Balıkesir ka ndodhur një tërmet me magnitudë 6.1 të shkallës Rihter. Lëkundjet janë ndjerë gjithashtu në qytetet Manisa, Izmir, Uşak dhe Bursa. Aktualisht, autoritetet kompetente po vazhdojnë inspektimet dhe vlerësimet në terren. U bëjmë thirrje qytetarëve të Republikës së Kosovës që ndodhen në zonat e prekura të tregojnë kujdes maksimal, të ndjekin udhëzimet e autoriteteve lokale dhe, në rast nevoje, të kontaktojnë menjëherë përmes kanaleve të komunikimit”, thuhet në njoftim.

The post Tërmeti i fuqishëm në Turqi/ Ambasada e Kosovës thirrje qytetarëve: Tregoni kujdes maksimal dhe ndiqni udhëzimet e autoriteteve lokale appeared first on Albeu.com.

Rusia po sulmon ashpër vendet evropiane, duke i akuzuar ato për bojkotimin e përpjekjeve të Donald Trump për të arritur paqe në Ukrainë, pesë ditë para samitit të tij me Vladimir Putin në Alaska.

“Euro-idiotët po përpiqen të pengojnë përpjekjet amerikane për të ndihmuar në zgjidhjen e konfliktit ukrainas”, tha ish-presidenti Dmitry Medvedev, pasi udhëheqësit e Francës, Italisë, Gjermanisë, Polonisë, Finlandës dhe BE-së, riafirmuan angazhimin e tyre të palëkundur ndaj integritetit territorial të Ukrainës, në një deklaratë të përbashkët.

Një deklaratë që zëdhënësja e Ministrisë së Jashtme ruse, Maria Zakharova, e hodhi poshtë si një fletëpalosje naziste. Në tekst, theksoi Zakharova, grupi i vendeve evropiane bën thirrje për një armëpushim, por jo të llojit që do të arrihej, duke ndërprerë furnizimet me armë për terroristët e Kievit.

“Përkundrazi, një tjetër fletëpalosje naziste thotë se suksesi në arritjen e paqes në Ukrainë mund të arrihet, vetëm duke ushtruar presion mbi Rusinë dhe duke mbështetur Kievin”, shtoi zëdhënësja në një koment në kanalin e saj Telegram.

Shefja e Politikës së Jashtme të BE-së, Kaja Kallas, duke thirrur një takim të jashtëzakonshëm të ministrave të jashtëm të hënën, tha se të gjitha territoret e pushtuara përkohësisht (nga Rusia) i përkasin Ukrainës. Ndërkohë, në orët e fundit, zëvendëspresidenti i SHBA-së J.D. Vance këmbënguli në nevojën për kompromis në një intervistë me Fox News, duke vënë në dukje se marrëveshja në fund të fundit nuk do ta bëjë as Rusinë dhe as Ukrainën të lumtur.

Prandaj, pamja duket shumë e qartë. Vendet evropiane, së bashku me Kievin, pohojnë se nuk mund të gjendet asnjë zgjidhje pa pjesëmarrjen e Ukrainës. Por deri më tani, nuk ka shenja që Presidenti Volodymyr Zelensky ta ftojë atë në samitin e mesit të gushtit. Një takim trepalësh është i mundur, tha ambasadori i SHBA-së në NATO, Mattheë Ëhitaker, në një intervistë me CNN.

“Nuk mendoj se një takim midis Putinit dhe Zelensky do të ishte produktiv para takimit me Trump”, deklaroi Vance.

Disa vëzhgues theksojnë gjithashtu se në takimin e tyre të parë, që nga kthimi i manjatit në Shtëpinë e Bardhë – dhe i pari midis një presidenti rus dhe një amerikan, në më shumë se katër vjet Ukraina do të jetë vetëm një nga temat e diskutuara. Të dy udhëheqësit pritet gjithashtu të diskutojnë çështje urgjente në marrëdhëniet dypalëshe, duke filluar me ekuilibrin strategjik. Shkurtin e ardhshëm, skadon traktati i fundit bërthamor në fuqi midis dy vendeve, ‘New START’, i cili kufizon numrin e raketave balistike ndërkontinentale.

Ditët e fundit, Moska ka paralajmëruar se nuk ndihet më e detyruar të respektojë një moratorium mbi vendosjen e raketave me rreze të mesme dhe të shkurtër veprimi, pas vendimit të Trump për t’u tërhequr nga Traktati i INF në vitin 2019, gjatë mandatit të tij të parë. Sipas zëvendësministrit të jashtëm rus Sergei Ryabkov, kjo situatë paraqet rrezikun e një konflikti bërthamor global. Por edhe më shqetësuese për Kievin dhe kryeqytetet evropiane është përsëritja nga Vance e dëshirës së administratës Trump, për të mos financuar më mbrojtjen e Ukrainës.

“Mendoj se amerikanët janë të lodhur duke vazhduar të dërgojnë dollarët e taksave të tyre në këtë konflikt”, tha zëvendëspresidenti Vance.

Nëse evropianët duan të paguajnë që armët amerikane të dërgohen në Kiev, “kjo është në rregull për ne”, shtoi Vance. Ky është i njëjti qëndrim i shprehur muajin e kaluar nga Trump, i cili pranoi se për SHBA-në, ky është një biznes. Ndërkohë, në terren, autoritetet lokale thanë se pesë persona u vranë nga sulmet ajrore ruse në Ukrainë dhe dy nga bastisjet e forcave të Kievit në Rusi. Ushtria ukrainase tha se kishte sulmuar me dronë një rafineri nafte në rajonin e Saratovit të Rusisë, rreth një mijë kilometra larg vijës së frontit./ANSA

The post Moska kundër Evropës: Euro-idiotët po përpiqen të pengojnë përpjekjet amerikane appeared first on Albeu.com.

Një automjet është gjetur i djegur në rrugën e Kuçit, pranë urës së Laskut. Ende nuk dihen shkaqet e zjarrit, ndërsa pranë automjetit nuk është konstatuar asnjë person.

Automjeti tip Ford, nuk kishte targa dhe nuk mund të konfirmohet ende nëse zjarri është shkaktuar nga një shkëndijë elektrike apo është djegur qëllimisht. Policia ka nisur hetimin për zbardhjen e rrethanave të ngjarjes.

The post Gjendet një makinë e djegur pa targa në rrugën e Kuçit pranë urës së Laskut në Vlorë appeared first on Albeu.com.

Milani ka gjetur heronjtë e rinj, që japin shpresë për të ardhmen. Nga manovrat e Igli Tares në merkato, te paraqitja e Ardon Jasharit, shqiptarët po lënë shenjë te kuqezinjtë. Mesfushori i blerë nga Brugge ishte titullar në debutimin me ekipin e ri dhe luajti 60 minuta në miqësoren e barazuar 1-1 përballë Leeds në Dublin. Me paraqitjen e tij në fushë, 23-vjeçari meritoi elozhet nga trajneri Massimiliano Allegri.

“Më mrekulloi mënyra si luajti, sepse gjatë këtyre ditëve ishte stërvitur gjithmonë veçmas dhe nuk e kishte prekur asnjëherë topin. Ashtu si për të gjithë, tashmë duhet të përmirësojë gjendjen fizike dhe psikologjike.”

Shqiptari tjetër që ka mahnitur, por me manovrat në merkato, është Igli Tare. Opinioni publik dhe tifozët e cilësojnë si drejtorin sportiv që Milanit i mungonte. Përpos afrimeve të Jasharit dhe Modric, vlerësime ka edhe për largimet.

Lëvizja më e fundit ishte shitja e Malick Thiaws te Newcastle për 40 milionë euro, edhe pse bëhej fjalë për një rezervë. Më parë, Tare vendosi rekordin me transferimin e Reijnders te Manchester City për 70 milionë euro, por edhe me shitjet e Theo Hernandez, Emerson Royal dhe Pellegrino. Tashmë synohet edhe shitja e Yunus Musah për 30 milionë euro te Napoli ose Nottingham Forest.

The post Milani në shenjën e shqiptarëve appeared first on Albeu.com.

Me marrjen e njoftimit, menjëherë eshte organizuar puna për identifikimin dhe kapjen e autoreve. Rreth orës 15.30, Salla operative e DVP Lezhe, ka marre njoftim për një konflikt ne rrugën e Kunes, Shëngjin si pasoje e te cilit ka mbetur i dëmtuar shtetasi F. P., 50 vjeç, lindur dhe banues ne Lezhe.

Fale reagimit te shpejte të shërbimeve operacionale të DVP Lezhë, Komisariatit të Policisë Lezhë, Forcës së Posaçme “Shqiponja” dhe ato të Policisë Rrugore, rreth 1 ore pas ngjarjes, ne fushe Milot u bë e mundur ndalimi i automjetit me te cilin udhëtonin dy autoret e dyshuar, përkatësisht shtetasit F. D, 67 vjeç dhe E. D, alias E.D, 40 vjeç (babë e bir).

Nga veprimet e para hetimore, dyshohet se konflikti midis autoreve dhe te dëmtuarit ka filluar për motive të dobëta, dhe me pas njeri nga autoret, konkretisht shtetasi F. D., 67 vjeç, dyshohet se ne konflikt e sipër ka goditur me send te forte ne koke shtetasin F. P, duke i shkaktuar dëmtime te renda dhe me pas janë larguar nga vendngjarja.

Në përfundim te veprimeve të para hetimore, u be arrestimi ne flagrance i shtetasit F. D., vjeç 67, si dhe u procedua shtetasi E. D, vjeç 40, si të dyshuar për kryerjen veprës penale “Plagosje e rende me dashje”, e kryer ne bashkëpunim.

Materialet hetimore do t’i referohen Prokurorisë pranë Gjykatës se Shkalles se Pare te Juridiksionit te Përgjithshëm Lezhe, për hetime te mëtejshme.

The post Konflikti me një të plagosur për parkimin në Shëngjin/ Arrestohet autori, nën hetim edhe djali i tij appeared first on Albeu.com.

Mijëra turistë që i drejtohen bregdetit të Shëngjinit, Tales dhe Velipojës janë përballur me pritje disa orëshe. Mbrëmja e sotme ka sjellë një trafik të rënduar, mbi 24 kilometra të gjatë, nga Shëngjini deri në Milot.

Pavarësisht punës së policisë rrugore, rrugët në Lezhë vijojnë të mbingarkohen, kryesisht për shkak të fluksit të lartë të pushuesve, por edhe mungesës së infrastrukturës rrugore.

Situata është përkeqësuar më tej nga mbyllja e urës së vjetër të Milotit, e cila shërbente si rrugë dytësore për të shmangur bllokimet.

The post Kaos në akset rrugore/ Rrugët pushtohen nga trafiku, mijëra turistë mbeten të bllokuar appeared first on Albeu.com.

Vatra zjarri kanë përfshirë edhe Tiranën, konkretisht në zonën e Bërzhitës. Siç raportohet vatrat e zjarrit rrezikojnë të djegin kodrat me pyje e shkurre, duke përbërë rrezik edhe për zonat e banuara.

Gjatë orëve të fundit janë evidentuar 21 vatra zjarri, nga të cilat janë shuar 7 vatra zjarri, ndërsa 14 janë aktive.

Situata dramatike paraqitet edhe në dia vende të tjera. Situata alarmante është në Poliçan, pasi zjarri po përparon drejt qytetit dhe deri tani janë evakuuar të moshuarit në azilin e pleqve, si dhe po evakuohen banorët e Plirezës.

The post Vatra zjarri edhe në Tiranë, flakët përfshijnë zonën e Bërzhitës appeared first on Albeu.com.