Një 18-vjeçar i dënuar me 2 vjet e gjysmë burgim për plagosje të dyfishtë me armë zjarri rrëfen se e kreu veprën pasi fqinjët ia kishin rrahur babain me trauma lufte dhe Policia nuk kishte reaguar pavarësisht kërkesave për mbrojtje.

Në një intervistë nga brenda Qendrës Korrektuese në Lipjan, një 18-vjeçar i dënuar për plagosje të dyfishtë me armë zjarri rrëfen për Dukagjinin për herë të parë ngjarjen që i ndryshoi jetën.

Në emisionin “Prapa Grilave” të realizuar nga gazetari Liridon Llozani, i riu pretendon se Policia nuk ndërmori masa për mbrojtjen e familjes së tij, ndonëse kishin kërkuar urdhër mbrojtjeje pas sulmit.

Disa ditë më pas, ai hasi njërin nga të përfshirët në rrahjen e babait dhe në gjaknxehtësi e sipër e qëlloi me armë zjarri, duke plagosur dy persona.

“Me të thanë të drejtën unë babën e kam veteran të luftës, edhe është i sëmuërë prej luftës me trauma edhe ka prbl shëndetësore, edhe kanjëherë nuk është vetvetja por nuk është i dhunshëm, as sen por fol vet me vete me zë të lartë. Edhe u kanë tu u lëshu poshtë mahalles tu shku për spital edhe aty ka ndodh konflikti kojshija ka dalë i ka thanë pse po më shanë para shtëpisë anej knej, ka ndodh konflikti ku ai bashkë me djalin e tij ma kanë godit babën me shufër metalike…”

“Kjo ka zgjatë 10 ditë se jemi shku jemi anku në Polici anej kemi lyp vetmbrojtje a pe din urdhëmbrotje nuk ma kanë jep urdhërin e mbrojtjes…”

“Sdi unë e kam pasur gjakun e nxehtë edhe mu ka dokë se është duke më kesh si për inati e kam nxjerr revolen e kam gju e kam plagosur… Sa pluma i ke gju? Tash një plumb e kam gju një herë, ai ka hy në kerr e kam gju edhe një një xham… a është plagos? Po. kam ik nga vendi ngajrjes”, ka rrëfyer 18-vjeçari për Dukagjinin.

Për këtë vepër penale, ai u dënua me dy vjet e gjysmë burgim. Megjithëse thotë se nuk ka qenë problematik, veprimi i tij i vetëm i dhunshëm i ka kushtuar rëndë.

“Kam mësu që duhet me mendu dy herë para se me bo një send, duhet me menu gjatë, mos me pa deri te huna po me pa ma larg…”.

The post “E mora armën kur shteti nuk ma mbrojti familjen” – Rrëfimi i 18-vjeçarit që plagosi dy persona pasi ia rrahën babain appeared first on Telegrafi.

Një i burgosur arriti të arratiset gjatë një transporti të të burgosurve këtë mëngjes. Pavarësisht një kërkimi të bërë, nuk ka asnjë gjurmë të tij.

Të enjten pak para orës 9 të mëngjesit, një i burgosur në Baden arriti të arratiset ndërsa ndodhej në një transport të të burgosurve.

23-vjeçari shqiptar mbante veshur pantallona të zeza, një xhaketë të zezë me mëngë të bardha me motive dhe këpucë të bardha, transmeton albinfo.ch.

Ai ishte i prangosur kur u arratis.

Pavarësisht një kërkimi të menjëhershëm me qen policie, ai ende nuk është gjetur. Megjithatë, sipas Policisë Kantonale të Aargaut, ai nuk konsiderohet kërcënim për popullatën, shkruan badenertagblatt.ch.

Annette Kielholz, zëdhënëse e Departamentit të Çështjeve Ekonomike dhe të Punëve të Brendshme, thotë për gazetën.

“Nuk mund të komentojmë mbi faktet specifike të çështjes për arsye privatësie. I arratisuri është dënuar tashmë në shkallën e parë, por vendimi nuk është bërë ende i formës së prerë.”

Ai iku kur ishte gati të transferohej në një burg tjetër të distriktit.

Policia po kërkon ndihmën e qytetarëve. Kushdo që ka informacione relevante kërkohet të kontaktojë numrin e urgjencës së policisë 117.

The post I burgosuri shqiptar arratiset nga vetura e policisë teksa po transportohej me të burgosurit e tjerë në Zvicër appeared first on Telegrafi.

Punëtorët e sigurimit fizik në QKUK, të zhgënjyer e me gjendje të rënduar financiare po e vazhdojnë grevën derisa presin t’iu ofrohet zgjidhje në afatin e premtuar e që është nesër.

Në ndërkohë, organizatat monitoruese thonë se një kjo mund të arrihet nëse kontrata është njëburimore por lidhur me këtë, nuk është deklaruar SHSKUK.

Kësaj radhe janë më të pakët në numër, pasi shumica e tyre nuk kanë kushte financiare për të udhëtuar.

Punëtorët e sigurimit fizik të Qendrës Klinike Universitare të Kosovës kanë mbetur në mëshirën e menaxhmentit, në pritje të një kontrate të re.

Dy ditë më parë në takimin e mbajtur me drejtorin, punëtorëve u është premtuar se një zgjidhje do arrihet deri të premten.

Por një ditë para këtij afati, ata nuk shprehen optimist.

“Shtirë u bo për neve, ton ditën e lume në pllaka po rrimë këtu. Shtirë është boll po krejt kemi dalë për një kafshatë bukës me majt familje. E dini që ka plot sene te shtëpia. Është rryma, bërllogu, uji, nuk po mundemi me ia dal. Kemi kredi, s’kemi kah t’ia mbajmë se bankat po thërrasin çdo ditë Shpresat s’po i hupim, thonë me hup shpresën, e humb jetën po tu shpresu jemi. Fjalë po na japin po punë s’po kryejnë, një muj ditë. Na kanë thanë që për dy ditë zgjidhet kjo çështje. Kurgjo s’po zgjidhet”, ka thënë Hajriz Qeriqi, ish-punëtor i sigurimit në QKUK.

Gjatë së mërkures, me drejtorin e QKUK-së është takuar Ministri në detyrë i Shëndetësisë, Arben Vitia, por jo edhe me punëtorët por këta të fundit, kërkesën e njëjtë e kanë edhe për të.

“… Kërkojmë nga Ministri kthimin në punë. Nëse na thotë edhe një muaj, edhe dy, 280 punëtor rrini qysh jeni se kthehni në punë, ne s’bëjmë grevë, mbijetojmë ata muaj dhe kthehemi”, ka thënë Hakif Sylejmani, përfaqësues i punëtorëve grevist.

Rruga tek një kontratë e shpejtë, sipas njohëve të fushës së prokurimit, ekziston – përmes një prej formave që së voni është vënë në thumb të kritikave, për përdorim të shpeshtë.

“Kohëzgjatja për lidhjen e një kontratë te re nga koha e inicimit varet nga procedura që përdor autoriteti kontraktues, në këtë rast ShSKUK-ja. Në qoftë se ky autoritet, vendos të përdor procedurën e negociuar pa publikim të njoftimit për kontratë, që njihet edhe si kontrata një burimore, atëherë i gjithë procesi mund të përshpejtohet për disa ditë, pasi autoriteti kontraktues mund të nënshkruaj kontratën pa kaluar periudhat kohore të ankesave, që janë ankesat në shkallë të parë që parashihen 5 ditë kohë dhe ankesat potenciale në Organin Shqyrtues të Prokurimit, për të cilat ligji parasheh një dritare prej 10 ditëve për parashtrim pas refuzimit të ankesës në shkallën e parë. Pra, koha e lidhjes së një kontrate të re, varion varësisht nga procedura që ndjek autoriteti kontraktues, por ekziston mundësia në raste të emergjencave të jashtëzakonshme, që nuk janë krijuar si rezultat i veprimeve neglizhente ose të qëllimta, apo lëshimeve të autoritetit kontraktues që të përdoret kontrata një burimore”, ka thënë Ardit Dragusha, nga “Demokracia Plus”.

Kontratë njëburimore QKUK kishte pasur edhe me kompaninë paraprake pjestarë të cilës ishin këta punëtorë në mars të këtij viti por që u shfuqizua nga OSHP në qershor të këtij viti

Megjithatë, SHSKUK nuk i është përgjigjur interesimit të Dukagjinit rreth formës që po zhvillohet procedura dhe në çfarë faze mbetet ajo, raporton RTVDukagjini.

The post “Fjalë japin, punë s’po kryejnë” – Nesër, afati i premtuar punëtorëve të QKUK për zgjidhje appeared first on Telegrafi.

Dogana e Kosovës ka bërë të ditur sot se ka parandaluar një rast kontrabande me mallra të dyshuara si të falsifikuara në Pikën Kufitare të Vërmicës, ku janë arrestuar një zyrtar doganor dhe një transportues.

Sipas njoftimit zyrtar, Njësitë Antikontrabandë të Doganës, në bashkëpunim me Prokurorinë kompetente, kanë zhvilluar një operacion të planifikuar hetimor gjatë të cilit është identifikuar një përpjekje për të futur në Kosovë mbathje sportive të markave të mbrojtura, duke shmangur kontrollin doganor dhe pagesën e detyrimeve doganore.

“Hetuesit e Doganës, në bashkëpunim me Prokurorinë kompetente, kanë ndërmarrë të gjitha veprimet e nevojshme hetimore. Nga hetimet janë siguruar prova të mjaftueshme që dëshmojnë se zyrtari doganor nuk ka përmbushur detyrat ligjore duke mundësuar hyrjen e mallrave të kontrabanduara,” thuhet në komunikatë.

Me urdhër të Prokurorit të Shtetit, janë ndaluar për 48 orë dy persona:

Zyrtari doganor, për veprën penale “Keqpërdorim i detyrës zyrtare”;

Vozitësi i automjetit transportues, për veprat penale “Kontrabandim i mallrave” dhe “Shmangie nga pagesa e detyrimeve doganore”.

Dogana e Kosovës ka ritheksuar angazhimin e saj në luftën kundër kontrabandës dhe mbrojtjen e tregut të brendshëm, duke theksuar se do të ndjekë penalisht çdo rast të abuzimit me detyrën dhe veprimtaritë e paligjshme që dëmtojnë ekonominë e vendit.

The post Zbulohet kontrabandë në Vërmicë, arrestohet një doganier dhe një transportues appeared first on Telegrafi.

Qeveria në detyrë e Kosovës miratoi rreth 12 vendime pas datës 27 mars, kur u shpallën rezultatet përfundimtare të zgjedhjeve parlamentare.

Një nga vendimet e fundit, që u publikua më 9 korrik në Gazetën Zyrtare të Kosovës, ka të bëjë me ndërtimin e një shkolle muzike dhe të një muzeu në Luginën e Preshevës, në jug të Serbisë – për çka u ndanë rreth gjysmë milioni euro.

Aty ka edhe vendime për shqyrtimin e shpronësimit të tokës në rajonin e Gjilanit, emërimin e drejtorit të Bordit udhëheqës për ndërmarrje publike, rritjen e përfitimeve për nënat e të tjera.

Ministrat në Qeverinë në detyrë miratuan edhe udhëzime administrative – në mesin e tyre ai për përdorimin e pajisjeve fiskale elektronike, të cilin Gjykata Supreme, më 15 korrik, e shpalli të paligjshëm dhe e anuloi.

Gjykata konstatoi se një qeveri në detyrë mund të kryejë vetëm aktivitete të domosdoshme dhe ato të planifikuara në planin vjetor të punës së qeverisë, dhe se nuk ka të drejtë të miratojë akte të reja nënligjore.

Ky udhëzim ishte botuar në Gazetën Zyrtare më 16 prill dhe ishte lëshuar nga ministri në detyrë i Financave, Hekuran Murati, deputet në Kuvendin e Kosovës.

Përndryshe, shumica e ministrave në Qeverinë në detyrë të Kosovës janë deputetë në institucionin ligjvënës, i cili nuk është konstituuar ende, për shkak të mosmarrëveshjeve politike midis partive parlamentare.

Qeveria në detyrë, e udhëhequr nga kryeministri Albin Kurti, dhe vetë ministri në detyrë, Murati, e kritikuan vendimin e Gjykatës Supreme, duke e quajtur “arbitrar” dhe të pabazuar në ligj.

Ambasadori i BE-së në Kosovë, Aivo Orav, dhe ambasadori gjerman, Jorn Rohde, reaguan gjithashtu, duke vlerësuar se ndërhyrja politike në gjyqësor është “e papranueshme”.

Çka do të ndodhë me vendimet e marra?

Profesori Kadri Kryeziu, ish-nënkryetar i Gjykatës Kushtetuese të Kosovës, thotë për Radion Evropa e Lirë se Qeveria në detyrë, sipas vendimit të Gjykatës Supreme, është e detyruar t’i tërheqë vendimet e marra pas 27 marsit – datë kur u konfirmuan mandatet e deputetëve në Kuvendin e Kosovës.

“Vendimet e Gjykatës Supreme janë finale për aq sa i përket interpretimit të ligjit, përfshirë edhe atë për Qeverinë”, thotë ai, por shton se në vendimin e 15 korrikut, Gjykata Supreme “ka bërë referenca kushtetuese që lënë hapësirë për përfshirjen e mundshme të Gjykatës Kushtetuese”, nëse palët vendosin të ndjekin një rrugë të tillë.

“Sipas mendimit tim, Ligji për Qeverinë është i hartuar dobët dhe keq, ka shumë dykuptimësi, por edhe kontradikta. Kjo lë hapësirë që çështja të politizohet dhe kjo nuk është gjë e mirë”, thotë Kryeziu.

Ehat Miftaraj, nga Instituti i Kosovës për Drejtësi, vlerëson se vendimi i Gjykatës Supreme e ka bërë të qartë se Qeveria në detyrë ka shkelur Kushtetutën dhe ligjet, duke i lënë deputetët të kryejnë funksionin e ministrave.

“Prandaj, të tetë ministrat, përfshirë kryeministrin, të cilët mbajnë dy poste, po e shkelin ligjin”, thotë Miftaraj për Radion Evropa e Lirë.

Sipas tij, të gjitha vendimet e marra nga ministrat në Qeverinë në detyrë mund të kundërshtohen në gjykatë dhe të përmbysen.

“Qeveria është e detyruar ta respektojë dhe zbatojë vendimin e Gjykatës Supreme”, thotë Miftaraj.

Çfarë vendimesh mori Qeveria në detyrë?

Të gjitha vendimet e Qeverisë së Kosovës hyjnë në fuqi kur publikohen në Gazetën Zyrtare të Kosovës, dhe kështu shihet se më 28 mars është publikuar vendimi për shqyrtimin e kërkesave për shpronësime në interesin publik në rajonin e Gjilanit.

Pastaj, më 14 prill, u publikua vendimi për zgjatjen e mandatit të Komisionit Qeveritar për Njohjen dhe Verifikimin e Statusit të Personave të Përdhunuar gjatë Luftës në Kosovë, ndërsa më 16 prill u publikua vendimi për emërimin e drejtorit të Bordit udhëheqës të ndërmarrjes publike rajonale për furnizim me ujë në rajonin e Prizrenit, me mandat trevjeçar.

Vendimi për emërimin e drejtorit ekzekutiv të Agjencisë për Arsim dhe Trajnim Profesional dhe Arsim për të Rritur për një mandat katërvjeçar u botua në Gazetën Zyrtare më 29 maj, ndërsa vendimi për rritjen e përfitimeve në para për nënat u botua më 5 qershor.

Ndërkaq, më 27 qershor hyri në fuqi vendimi i Qeverisë së Kosovës për të miratuar ndarjet financiare – në vlerë prej 4 milionë eurosh – për zbatimin e masës “Mbështetje për Diasporën” nga Paketa e Rimëkëmbjes Ekonomike.

Në Gazetën Zyrtare të Kosovës mund të shihet, po ashtu, se ministritë në detyrë kanë nxjerrë edhe rregullore e vendime administrative.

Për shembull, Udhëzimi Administrativ, NR. 01/2025 për shfrytëzimin e pajisjeve elektronike fiskale, sistemeve fiskale dhe softuerëve elektronikë fiskalë, i lëshuar nga Ministria e Financave, Punës dhe Transfereve, u botua në Gazetën Zyrtare më 16 prill.

Udhëzimi Administrativ për ndryshimet dhe plotësimet e Udhëzimit Administrativ për lejet mjedisore, i lëshuar nga Ministria e Mjedisit, Planifikimit Hapësinor dhe Infrastrukturës, u publikua më 28 maj.

Udhëzimi Administrativ për ndryshimet në listën e organizmave të dëmshëm për bimët dhe produktet bimore, i lëshuar nga Ministria e Bujqësisë, Pylltarisë dhe Zhvillimit Rural, u botua në Gazetën Zyrtare më 20 qershor.

Edhe Prokuroria heton kontratat e Qeverisë

Prokuroria Speciale e Kosovës njoftoi më 10 korrik se ka nisur hetimet lidhur me ligjshmërinë e kontratës për ndërtimin e dy urave të reja mbi lumin Ibër në Mitrovicë, e cila u lidh nga Qeveria në detyrë e Kosovës.

Në deklaratë thuhej se hetimi i Prokurorisë nuk kundërshton ndërtimin e vetë urave, por fokusohet në “përmbushjen e detyrimeve ligjore” që lidhen me kontratën për ndërtimin e tyre.

Këto dy ura parashihet të ndërtohen në kuadër të një projekti të bazuar në një memorandum bashkëpunimi midis Ministrisë së Infrastrukturës së Qeverisë së Kosovës, përgjegjëse për komunat e Mitrovicës së Veriut dhe të Jugut.

Qeveria në detyrë e Kosovës ndau rreth 3 milionë euro për ndërtimin e tyre, ndërsa punimet pritet të përfundojnë në vjeshtë.

Zyra e Prokurorit tha se nuk është në juridiksionin e saj të vlerësojë ose miratojë projekte infrastrukturore, por se “roli i Zyrës së Prokurorit Special është të veprojë në përputhje me ligjet në fuqi, në rastet kur ka dyshime për keqpërdorim të fondeve publike”.

Pesë prokurorë u tha se janë angazhuar për të shqyrtuar dy mijë kontrata të lidhura nga Qeveria, raporton REL.

The post Nga fiskalizimi tek urat: Vendimet e Qeverisë në detyrë vihen në pikëpyetje appeared first on Telegrafi.

Ish-kryeministri i Kosovës, Avdullah Hoti, ka reaguar ashpër ndaj presidentes Vjosa Osmani, duke e akuzuar për mungesë të rezultateve gjatë mandatit të saj pesëvjeçar në krye të shtetit.

Në një deklarim për media, Osmani e quajti Hotin “njeriun më jorelevant”, duke thënë se nuk dëshiron të humbë kohë me të, ndërsa shtoi se akuzat për moszbatim të marrëveshjeve ndaj Kosovës vijnë vetëm nga Serbia.

Ndërkaq Hoti tha se Osmani po e përfundon mandatin pa ndonjë kontribut për shtetin dhe e cilësoi periudhën e saj si pesë vite “demagogji dhe mashtrime”.

“Pesë vite në shërbim të agjendës shtetrrënuese të bashkë-mashtruesit. Ky është problemi që ka Vjosa. Kjo e ka hallin se do të mbetet në histori si mashtruesja më e madhe e elektoratit djathtist të LDK-së,” ka shkruar Hoti.

Ai theksoi se Osmani në prill do të përfundojë mandatin e saj presidencial dhe, sipas tij, do të mbahet përgjegjëse për dëmet që i janë shkaktuar shtetit të Kosovës, përfshirë edhe rënien e reputacionit ndërkombëtar të vendit.

Hoti kritikoi edhe heshtjen e saj ndaj vendimeve të organeve të drejtësisë që, sipas tij, vërtetojnë uzurpimin e institucioneve nga Lëvizja Vetëvendosje dhe partnerët e saj, përfshirë edhe partinë Guxo, të cilën e kishte themeluar vetë Osmani.

The post Hoti i replikon Osmanit: Pesë vite demagogji e mashtrime, mandatin po e përfundon pa asnjë rezultat appeared first on Telegrafi.

“Ylli i Madh i Mirënjohjes Publike”. Medalja me nderimin më të lartë iu akordua këtë të mërkurë në Tiranë, Lartësisë së Tij, Presidentit të Emirateve të Bashkuara, Sheikh Mohammed Bin Zayed Al Nayan.

Nderimi iu rezervua kreut të Emirateve në vizitën e tij të dytë në Shqipëri, që kryeministri Rama e përshkroi si kthim për të parë nëse shkon gjithçka mirë në shtëpinë e të afërmve të vet.

Në fjalimin e nderimit të tij me Yllin e Madh të Mirënjohjes Publike, Rama kujtoi edhe ndihmën e Sheikh Muhammed Bin Zayed për Shqipërinë pas tërmetit shkatërrues të 2019.

Fjala e Kryeministrit Edi Rama: Lartësia Juaj, Zoti President, Të dashur miq, vëllezër dhe të ftuar,

Është një nder i madh t’ju mirëpresim sërish në vendin tonë, për herë të dytë brenda një periudhe kaq të shkurtër dhe, megjithëse nuk do të rrini aq gjatë sa do të dëshironim, prania juaj ndjehet si ajo e një të afërmi të dashur që kthehet për të parë nëse gjithçka shkon mirë në shtëpinë e të afërmve të vet.

Profeti Muhamed (paqja qoftë mbi të) thoshte: “Nuk i lejohet një myslimani të shmangë vëllanë e tij për më shumë se tri ditë… dhe më i miri prej të dyve është ai që përshëndet i pari”.

Ju, Lartësi, erdhët tek ne me këtë frymë, si ai që përshëndet i pari. Si një anëtar i dashur i familjes, që ndonëse larg, nuk i lë kurrë të këputen fijet e dashurisë. Dhe tani është krejtësisht e qartë kush është më i miri nga të dy, nëse ka ekzistuar ndonjëherë ndonjë dyshim.

Më lejoni ta them këtë edhe në emër të njerëzve të mi, të pranishëm në këtë mbledhje të vogël, por shumë të veçantë për ne: Në fillim dëgjuam për Emiratet e Bashkuara. Pastaj mësuam për to. Pastaj shkuam dhe i pamë. Dhe më pas mësuam të njohim dhe të vlerësojmë njerëzit që kujdesen për to.

Të llogarisim veten mes miqve të vendit tuaj të jashtëzakonshëm është për ne jo vetëm një nder i madh si popull, por një burim kënaqësie të sinqertë dhe krenarie të posaçme për ne që përfaqësojmë vendin tonë. Dhe kjo marrëdhënie është mbi të gjitha meritë e përkushtimit tuaj personal ndaj kësaj vëllazërie.

Lartësi, ju më mësoni çdo ditë se vëllazëria e vërtetë nuk shpallet, ajo jetohet. Ajo ndërtohet duke ecur së bashku në të njëjtën rrugë, duke qëndruar bashkë me të vërtetën, duke përqafuar urtësinë që ju e trashëguat nga i ndjeri babai juaj, Sheikh Zayed bin Sultan Al Nahyan, Zoti i ndriçoftë shpirtin në paqe të përjetshme:

“Ne jemi të gjithë krijesa të Zotit.” Dhe unë pata privilegjin të dëgjoj prej jush, që në takimin tonë të parë, se si babai juaj ua bëri të jetuara këto fjalë në atë moment të paharrueshëm, kur qindra mijëra shqiptarë, duke ikur nga spastrimi etnik në Kosovë, vërshuan drejt Shqipërisë.

Ju ishit atëherë një oficer i ri ushtrie që zbarkuat në pistën e ngritur nga babai juaj në veri të vendit tonë, për të mundësuar mbërritjen e avionëve me ndihma për qindra e mijëra refugjatë lufte. Ishit Ju vetë që më treguat si ju telefononte çdo mbrëmje për t’u siguruar që refugjatët ushqeheshin dhe trajtoheshin njëlloj pa dallim feje, si të barabartë para Zotit.

Ju, Lartësi, nuk e përqafuat thjesht këtë mësim në rininë tuaj, ju u bëtë mishërimi i tij i gjallë. E kthyet në mision jete dhe e shndërruat vendin tuaj në një flamurmbajtës të ndritur të këtij besimi: një vend, madhështia morale e të cilit qëndron mbi përkushtimin e palëkundur ndaj vëllazërisë universale dhe mbi bindjen e patrembur se, me çdo çmim  kjo është e vetmja rrugë drejt një bote më të mirë. Jo vetëm me fjalë të bukura, por me vepra të guximshme.

Siç thotë një tjetër hadith: “Nuk ka mysliman që viziton vëllanë e tij të sëmurë në mëngjes, pa shtatëdhjetë mijë engjëj që luten për të deri në mbrëmje. E nëse e viziton në mbrëmje, ata luten për të deri në mëngjes dhe ai do të ketë fruta nga Parajsa”.

Ky hadith nuk flet thjesht për shpërblime të padukshme. Ai flet për praninë ngushëlluese të solidaritetit dhe na kujton se të vizitosh të sëmurin apo të kujdesesh për njeriun në nevojë do të thotë që, për një çast, të bëhesh bartës i mëshirës hyjnore. Vetëm Zoti i di numrat dhe fuqinë e këtyre engjëjve.

Por unë di këtë: nga Kosova në Somali, nga India në Magreb, nga Toka e Shenjtë deri në Shqipëri dhe, po patjetër, në të gjithë rajonin tuaj dhe në mbarë botën, emri juaj dëgjohet me respekt, shqiptohet me mirënjohje dhe ndërmendet me shpresë. Njerëz të çdo ngjyre, gjuhe dhe besimi ju janë falënderues për praninë tuaj afër tyre, në orët më të errëta, jo si një sovran në kërkim të larjes së ndërgjegjes, por si një vëlla që nuk pranon të braktisë të ngjashmit e tij që lëngojnë në errësirë; që ecën me ta nëpër lugina lufte, vuajtjeje, dëshpërimi, ekstremizmi dhe shkatërrimi duke u përcjellë jo vetëm ndihma, por diçka që shkon edhe më thellë: fuqinë e heshtur të dhembshurisë dhe gjithashtu lehtësimin ndërsa i siguron se nuk janë vetëm.

Nuk do ta harroj kurrë që kur erdha te ju pas tërmetit shkatërrues, që la mijëra familje pa strehë, ju më morët dorën dhe më thatë: Vëlla, ti dhe populli yt nuk jeni vetëm! Dhe sot, një lagje e re e bukur me mbi një mijë apartamente qëndron si dëshmi se ju e mendoni atë që thoni dhe thoni tamam atë që mendoni.

Si ushtarak nga formimi dhe nga thirrja, ju keni zgjedhur të jeni një vëlla i armëve të Paqes. E kujtoj fjalën tuaj: “Në fenë tonë themi: ‘O Zot, Ti je paqja dhe prej Teje vjen paqja’. Kërkimi i paqes është një parim i lindur, por parimet marrin kuptim vetëm kur shndërrohen në veprim”.

Ku tjetër, dhe nën udhëheqjen e kujt përveç tuajës, mund të kishte ardhur bashkënënshkrimi i Dokumentit për Vëllazërinë Njerëzore, mes pasuesit të Shën Pjetrit dhe ndjekësve të Profetit? Dhe si do të mund të merrnin formë Marrëveshjet Abrahamike, kaq jetike për Lindjen e Mesme dhe frymëzuese për gjithë botën, pa guximin dhe dashurinë tuaj të sinqertë për paqen?

Pak mund ta kujtojnë, por tradita e Profetit  na mëson se kur e do vëllain për hir të Zotit, duhet t’ia thuash. Një njeri i tha Profetit, paqja qoftë mbi të:

“O i Dërguar i Zotit, e dua atë njeri”. Dhe Profeti e pyeti: “Ia ke thënë?” “Jo”. “Atëherë shko dhe thuaja”.

Dhe ai shkoi, duke i thënë:

“Të dua për hir të Zotit.” Dhe tjetri u përgjigj: “Dashtë Ai për hir të të cilit më do, të të dojë edhe ty.”

Ndaj sot, Lartësi, si një vëlla, dua t’ju shpreh me një gjest publik dashurinë dhe besnikërinë ndaj jush si një bartës i dritës së arsyes në një botë që e humb atë çdo ditë dhe errësohet gjithnjë e më shumë.

Mund të jetë një gjest i thjeshtë krahasuar me gjithçka keni bërë për ne, por me mirënjohje të thellë, në emër të popullit shqiptar, kam nderin t’ju dorëzoj Urdhrin e Madh me Yll të Mirënjohjes Publike.

E di që keni marrë shumë dekorata, më thonë mbi njëzet nga më prestigjiozet në botë.

Megjithatë, guxoj të shpresoj, e dini, jam kokëfortë se kjo kujtesë e mirënjohjes shqiptare mund të zërë një vend të veçantë mes tyre.

E kuqja dhe e zeza e shiritit tonë nuk janë vetëm ngjyrat kombëtare. Ato simbolizojnë, mbi të gjitha, dorëzimin e vetes ndaj providencës hyjnore në shërbim të tjetrit, dhe gjakun që vëllezërit tanë dhanë për këtë tokë, që kurrsesi nuk duhet të jetë derdhur kot.

Po këto ngjyra frymëzuan një himn të shkruar një shekull më parë nga një poet i madh shqiptar, një peshkop ortodoks e njëherazi Kryeministër:

“Një flamur që lindi Kostandinin e Shenjtë, Bashkon Kryqin dhe Shenjën e Gjysmëhënës, Shpall të gjitha besimet si vëllezër hyjnorë, Një flamur fisnik për njerëzimin mbarë.”

Ylli i këtij Urdhri, me formë të mprehtë, frymëzohet nga vula e heroit tonë kombëtar, Skënderbeut dhe nga 36 shkronjat e alfabetit tonë.

Kompozimi i tij risjell gjithashtu Vulën e Solomonit — Sulejmanit, mbretit të paqes — shpirti dhe trashëgimia e të cilit ndriçojnë në vetë udhëheqjen tuaj: si baba, burrë shteti, lider global, si njeri me besim dhe kulture të thellë.

Me një fjalë: si udhërrëfyes për njerëzimin. Lartësia Juaj, Sheikh Mohamed bin Zayed Al Nahyan, President i Emirateve të Bashkuara Arabe: Për përkushtimin tuaj të palëkundur ndaj marrëdhënies strategjike midis vendeve tona; Për kujdesin tuaj vëllazëror në momente nevoje për popullin tonë; Për kontributin tuaj të pakrahasueshëm në kauzën globale të paqes dhe bashkëpunimit shumëpalësh; Dhe për përulësinë tuaj që i përul të gjithë do të shtoja unë jashtë tekstit zyrtar… Në emër të Republikës së Shqipërisë, me respekt të thellë dhe mirënjohje, ju dorëzoj Urdhrin e Madh me Yll të Mirënjohjes Publike. Zoti ju ruajtë gjithmonë dhe Zoti i bekoftë të dy popujt tanë.

The post Rama nderon presidentin e Emirateve të Bashkuara Arabe: Më lejoni t’ju them në emër të shqiptarëve… appeared first on Telegrafi.

Presidentja e Kosovës, Vjosa Osmani, ka deklaruar se në fund të muajit maj, institucionet e sigurisë kanë pranuar informacione specifike që tregojnë për tendenca destabilizuese nga ana e Serbisë ndaj Kosovës.

Në një konferencë për media, Osmani theksoi se propaganda dhe gënjeshtrat nga Serbia janë të vazhdueshme, por siguroi qytetarët se nuk ka vend për panik.

“Gënjeshtrat e Serbisë janë pjesë e propagandës së tyre të vazhdueshme. I siguroj qytetarët që nuk ka nevojë për panik. Kërcënimet nga Serbia janë të vazhdueshme, megjithatë institucionet tona kanë gjithçka nën kontroll,” u shpreh presidentja Osmani.

Ajo nënvizoi se qytetarët janë informuar për këto zhvillime dhe përmendi në veçanti deklaratat e ministrit në detyrë të Mbrojtjes, Ejup Maqedonci, si pjesë e transparencës institucionale.

Në të njëjtën konferencë, Osmani foli edhe për vizitën e saj të fundit në Shtetet e Bashkuara të Amerikës, duke e cilësuar si një sërë takimesh jashtëzakonisht të rëndësishme.

“Shtetet e Bashkuara të Amerikës e shohin Kosovën si një aleat strategjik. Kjo u konfirmua qartë në të gjitha takimet që patëm atje,” tha presidentja.

Ajo përfundoi duke theksuar rëndësinë e mbështetjes ndërkombëtare dhe angazhimit të institucioneve vendore për garantimin e sigurisë dhe stabilitetit në vend./Telegrafi/

The post Osmani: Kam marrë informacione se Serbia ka tendenca destabilizuese ndaj Kosovës appeared first on Telegrafi.

Prokuroria Themelore në Pejë, Departamenti i Përgjithshëm, ka ngritur aktakuzë ndaj dhjetë personave për veprat penale “Shkaktimi i rrezikut të përgjithshëm”, ndihma në kryerjen e veprës penale “Shkaktimi i rrezikut të përgjithshëm”, veprën penale “Kanosja”, dhe  veprën penale “Asgjësimi apo dëmtimi i pasurisë se huaj” nga Kodi Penal i Republikës së Kosovës.

Sipas aktakuzës, i pandehuri B.K, me datë 23 prill 2024, rreth orës 1:10,  në një lokal në Pejë,  duke gjuajtur eksplozivë dhe me veprimet e tij të rrezikshme ndaj lokali,  ka rrezikuar jetën e njerëzve dhe ka shkaktuar dëme materiale, derisa i pandehuri paraprakisht ishte furnizuar  në pompë të derivateve prej 1.5 litra dhe me të njëjtën e kishte hedhur në drejtim të lokalit duke ia vënë zjarrin.

Gjithashtu, i pandehuri B.K, akuzohet edhe për veprën penale “Kanosja”, përderisa ishte duke u transportuar në stacionin policor, ka kanosur zyrtarin policor me fjalët “a e desh uniformën ti, shihemi pa uniforme, e sheh ti kush jam unë Peja është e vogël”, duke vazhduar me fjalë kanosëse edhe në stacionin policor ndaj zyrtarit policor me fjalët “pse po bëhesh si polici Triumf Riza, a e din se fati i tij te pret edhe ty”.

Në aktakuzën e ngritur nga prokurori i shteti, akuzohen edhe tre të pandehurit M.E, D.B dhe L.A, të cilët me veprimet e tyre kanë ndihmuar  të kryhet vepra penale “Shkaktimi i rrezikut të përgjithshëm” në lokalin i cili ishte cak i të pandehurve.

Gjashtë të pandehurit, A.R, A.M, T.M, E.B, A.K dhe Y.D, në bashkëkryerje natën kritike, pasi gjuhet eksplozivi në lokal nga i pandehuri, shkojnë tek të pandehurit, këtë rast të dëmtuarit dhe i grushtojnë e i shkelmojnë duke ju shkaktuar lëndime, për çka akuzohen për veprën penale “Lëndim i lehtë trupor”.

I pandehuri, A.R, akuzohet edhe për veprën penale “Asgjësimi apo dëmtimi i pasurisë se huaj” për shkak se natën kritike me thikë kishte shpuar gomat e veturës, e cila ishte shfrytëzuar nga të pandehurit për djegien e lokalit.

Me këto veprime ekziston dyshimi i bazuar mirë se të pandehurit  kanë përmbushur elementet e veprave penale të përshkruar si me lartë.

Prokurori i çështjes me rastin e ngritjes se aktakuzës, i ka propozuar gjykatës që të pandehurit të shpallën fajtorë dhe të dënohen sipas ligjit për veprat penale të cila ju vihen në barrë.

The post Atakuzë ndaj dhjetë personave për disa vepra penale në Pejë appeared first on Telegrafi.

Gjykata Themelore në Gjakovë ka miratuar kërkesën e Prokurorisë Themelore të Gjakovës, duke caktuar masën e paraburgimit prej një (1) muaji për të pandehurin R. M., shtetas i Republikës së Shqipërisë, i cili dyshohet për kryerjen e njëmbëdhjetë (11) veprave penale kundër pasurisë.

Sipas Prokurorisë, R. M. dyshohet se gjatë periudhës 6 deri më 15 korrik 2025, në disa fshatra dhe lagje të Komunës së Gjakovës, ka kryer një sërë veprash penale të natyrës së njëjtë, duke hyrë me forcë në shtëpi të personave që jetojnë jashtë vendit, me qëllim përvetësimi të kundërligjshëm të pasurisë.

Në disa raste, i dyshuari nuk ka arritur të vjedhë asgjë, por në shumicën e rasteve ka marrë pasuri të ndryshme, vlera e të cilave ende nuk është përcaktuar.

Në të gjitha rastet, ai ka depërtuar në hapësira të mbyllura duke thyer dritare apo dyer, ndërsa veprimet e tij janë dokumentuar nga kamerat e sigurisë apo janë vërejtur nga persona që kanë qenë duke e mbikëqyrur pronën.

Prokuroria e ngarkon të pandehurin me një (1) vepër të vjedhjes në tentativë, nëntë (9) vepra të vjedhjes së rëndë dhe një (1) vepër të vjedhjes së rëndë në tentativë.

Gjyqtarja e procedurës paraprake, Blerina Kurtaj, ka konstatuar se janë plotësuar kushtet ligjore për caktimin e paraburgimit, duke pasur parasysh rrezikun e ikjes, rrezikun e përsëritjes së veprave penale si dhe mundësinë e ndikimit në dëshmitarë.

I pandehuri do të mbahet në paraburgim për një periudhë prej një muaji, duke filluar nga data e arrestimit më 16 korrik 2025, deri më 17 gusht 2025.

Palët kanë të drejtë ankese ndaj këtij vendimi në Gjykatën e Apelit të Kosovës.

The post Një muaj paraburgim ndaj një personi të dyshuar për 11 vjedhje në Gjakovë appeared first on Telegrafi.

Kompania Kosovare për Distribuim me Energji Elektrike (KEDS) njofton se për shkak të erërave të forta, të përcjella me shi, aktualisht në mbarë Kosovën janë mbi 40 Dalje jashtë funksionit.

Sipas KEDS, rajonet më të prekura nga këto kushte atmosferike janë Peja, Mitrovica, Prishtina, Gjilani dhe Ferizaj, ku një numër i konsiderueshëm i konsumatorëve aktualisht janë pa furnizim me energji elektrike.

“Ekipet e KEDS-it ndodhen në terren dhe po punojnë vazhdimisht në eliminimin gradual të dëmeve të shkaktuara në rrjet, për çka kërkojmë mirëkuptimin e konsumatorëve tanë të afektuar në këto rajone”, thuhet në njoftim.

The post ​Erëra të forta, KEDS njofton për vendet që kanë mbetur pa rrymë appeared first on Telegrafi.

Stacioni Policor në Rahovec ka njoftuar se më 3 korrik ka pranuar informacione lidhur me zhvillimin e garave të rrezikshme shpejtësie në rrugën “UÇK” të kësaj komune, në orët e vona të natës.

Pas veprimeve hetimore, policia ka arritur të identifikojë tri vetura dhe tre persona të dyshuar si pjesëmarrës në këto gara.

Njërit prej kundërvajtësve i është shqiptuar gjobë prej 500 eurosh, i është konfiskuar patentë-shoferi për një periudhë 12-mujore dhe i janë vendosur 5 pikë negative në sistemin e pikëve të trafikut.

Ndaj dy personave të tjerë, përveç pjesëmarrjes në gara të shpejtësisë, është konstatuar edhe kundërvajtja shtesë për drejtim të automjetit pa leje të vozitjes.

Policia ka ndërmarrë masat e nevojshme ligjore ndaj tyre.

Policia ka bërë thirrje që drejtuesit e automjeteve të respektojnë rregullat e trafikut dhe të shmangin sjelljet e rrezikshme që cenojnë sigurinë rrugore.

The post Rahovec: Tri vetura të përfshira në gara të rrezikshme nate, njëri shofer ndëshkohet me 500 euro gjobë appeared first on Telegrafi.

Presidenti i Shqipërisë, Bajram Begaj, ka dekretuar më 14 korrik, lirimin nga detyra të ambasadores së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), Besiana Kadare.

Vajza e shkrimtarit të njohur Ismail Kadare, e ka mbajtur këtë post diplomatik për vite me radhë, duke luajtur një rol të rëndësishëm në promovimin e trashëgimisë kulturore shqiptare dhe përfshirjen e saj në listën e trashëgimive botërore të mbrojtura.

Besiana Kadare, u emërua në këtë post më 1 tetor të vitit 2021, me dekret të Presidentit të asaj kohe, Ilir Meta.

Më parë, ajo ka qenë ambasadore e vendit në OKB.

Ende nuk dihet arsyeja e këtij vendimi apo ndonjë informacion për pasuesin e diplomates.

The post Vajza e Ismail Kadaresë shkarkohet nga detyra si ambasadore në UNESCO appeared first on Telegrafi.

Policia e Kosovës ka konfirmuar se zjarri i mbrëmshëm që përfshiu dy depo në zonën industriale të Lipjanit po hetohet si rast i “zjarrvënies së qëllimshme”.

Intervenimi i zjarrfikësve zgjati për më shumë se pesë orë dhe, gjatë aksionit, një pjesëtar i Njësisë së Zjarrfikësve të Lipjanit ka pësuar lëndime.

Ngjarja ndodhi të martën në rrugën “Ibrahim Rugova”, ku fillimisht mori flakë depoja e kompanisë “Kipper”, e më pas zjarri u përhap edhe në depon ngjitur të kompanisë “Gorenje”.

Përmasat e zjarrit ishin të mëdha, me re tymi që u panë nga kilometra larg dhe që, edhe një ditë më pas, vazhdojnë të jenë të pranishme në zonë.

Sadri Shabani, Komandant i Njësisë së Zjarrfikësve në Lipjan, ka thënë se përhapja e shpejtë e flakëve u ndihmua nga temperaturat e larta dhe përbërja e materialeve brenda depove.

“Kam kërku ndihmë nga të gjitha komunat përreth dhe më kanë ardhur në ndihmë. Për pesë orë e kemi lokalizuar zjarrin dhe kemi arritur ta ndalojmë përhapjen”, deklaroi Shabani.

Ai po ashtu njoftoi se gjatë intervenimit, një zjarrfikës është lënduar por është liruar nga QKUK pas trajtimit.

Në raportin 24-orësh të Policisë së Kosovës, ngjarja është cilësuar si “zjarrvënie”, ndërsa Prokuroria Themelore në Prishtinë, edhe pse e kontaktuar nga mediat, nuk ka dhënë ende asnjë informacion shtesë lidhur me hetimet.

“ZJARRVËNIE / Rr. Ibrahim Rugova, Lipjan 15.07.2025 – 16:26. Raportohet se janë përfshirë nga zjarri dy depo të dy ankuesve meshkuj kosovarë. Në vendin e ngjarjes kanë dalë njësitet përkatëse dhe ekipet e zjarrfikësve. Lidhur me rastin është njoftuar prokurori”, thuhet në raportin e Policisë.

Ky incident vjen në një periudhë kur rastet e zjarreve në ndërtesa dhe objekte afariste janë shtuar ndjeshëm.

Vetëm gjatë javës së kaluar, një ndërtesë banimi në rrugën “UÇK” në Prishtinë u përfshi nga flakët, ndërsa para tre javësh, zjarri përfshiu edhe një ndërtesë në lagjen Emshir.

Hetimet për rastin e Lipjanit vazhdojnë, ndërsa autoritetet po punojnë për të zbuluar shkaktarët dhe motivet e mundshme të zjarrvënies.

The post Zjarri bën shkrumb depot në Lipjan – Policia e cilëson “zjarrvënie” appeared first on Telegrafi.

Pas suksesit të jashtëzakonshëm të edicionit të parë vitin e kaluar, Gjakova hap sërish dyert për festivalin “Ditët e Shqiptarit” edicioni i dytë, një ngjarje që do të shpaloset përgjatë katër fundjavave të verës: 18-19 dhe 25-26 Korrik, si dhe 1-2 dhe 8-10 gusht.

Ky festival është më shumë se një festë, është një urë që lidh shqiptarët nga të gjitha trevat, një thirrje për ta jetuar dhe përjetuar identitetin kombëtar në mënyrë moderne dhe kreative.

Me aktivitete që shtrihen nga muzika live, kolonia e piktorëve, filmi dokumentar, diskutimet tematike dhe deri te aktivitetet teatrale të rralla, “Ditët e Shqiptarit” kthehet në një platformë kulturore që bashkon brez pas brezi, veçanërisht ata që e vlerësojnë një përzierje të rrënjëve dhe ritmit të kohës.

Në zemër të lagjes së vjetër të Gjakovës, Çarshia e Madhe, në parkun kulturor “Ali Podrimja”, tek Çarshia e Jupave e te Lumi Krena Gjakovë, vizitorët do të mund të përjetojnë një mozaik të aktiviteteve që përfshijnë:

22 koncerte që do të ofrojnë muzikë nga artistë të njohur shqiptarë si Marigona që do të vijnë me një koncertë pas një kohe shumë të gjatë, Jericho, Blla Blla Blla, Elina Duni, Eda Zari, Eugent Bushpepa, Nezafete Shala, Don`t Listen to Your Neigbours, Vlashent Sata, Suad Mehmeti & Djemtë e Ulqinit, Offchestra dhe shumë të tjerë që do të elektrizojnë netët e qytetit.

Diskutime të hapura me figura si Ermal hasimja, Kim Mehmeti, Ermonela Jaho dhe Jeta Xharra, që sjellin reflektime mbi artin, kulturën dhe identitetin.

Ekspozita nga kolonia e piktorëve nga të gjitha trevat shqiptare, duke i dhënë jetë Çarshisë së Vjetër përmes ngjyrave dhe frymëzimit artistik.

Aktivitete sportive e artistike interaktive, nga kërcimet nga Ura e Fshajt deri te performancat ndërkombëtare me hulahop, origami dhe paradë me makina e motor klasik.

“Ditët e Shqiptarit” nuk është thjesht një festival, por një manifestim i përbashkët kulturor, ku të shkuarës i jepet vlerë përmes syve të së tashmes, ndërsa e ardhmja ndërtohet me art, dialog dhe bashkim.

Edicioni i dytë i festivalit është mbështetur me partneritet nga Komuna e Gjakovës, BPB Bank, Automita, Prishtina Ticket, Asgeto dhe shumë sponsor të tjerë.

Për më shumë rreth festivalit ndiqni faqet e “Ditët e Shqiptarit” në rrjete sociale sikurse Instagrami si dhe agjenden e plotë mund ta shihni këtu: Agenda – Fondacioni për Gjakovën

Kultura shqiptare më së miri festohet në Gjakovë!

The post Festivali “Ditët e Shqiptarit”, edicioni i dytë këtë verë në Gjakovë appeared first on Telegrafi.

Prokuroria Themelore në Prishtinë, në bashkëpunim me Drejtorinë për Hetimin e Krimeve Ekonomike dhe Korrupsionit të Policisë së Kosovës, ka realizuar një aksion të gjerë hetimor në kuadër të çështjes penale me shenjën “PP.I.126K/23”. Aksioni përfshiu bastisje të autorizuara nga gjykata në disa lokacione në Prishtinë, Ferizaj dhe Shtime.

Sipas njoftimit zyrtar, gjatë këtij aksioni janë bastisur dy institucione shtetërore – Agjencia Kadastrale e Kosovës dhe Agjencia e Arkivave të Kosovës – si dhe disa lokacione të tjera që kanë interes për hetimin.

Prokuroria bën të ditur se pesë persona janë shoqëruar në polici, të identifikuar me inicialet: M.B., V.B., B.Sh., M.B. dhe Z.Sh., dhe se disa prej tyre janë arrestuar pas intervistimit.

“Hetimet kanë të bëjnë me dyshimet për përfshirje në veprimtari të kundërligjshme, përkatësisht për bartjen e pronave publike në pronësi private përmes një aktgjykimi të falsifikuar”, thuhet në njoftim.

Sipas Prokurorisë, prona në fjalë ndodhet në lagjen Veternik të Prishtinës dhe i përket Agjencisë Kosovare të Privatizimit (AKP), përkatësisht ndërmarrjes shoqërore RTP.

Media KosovaPress raportoi më herët për bastisjet në dy institucionet shtetërore të përfshira në këtë rast.

Prokuroria Themelore në Prishtinë thekson se mbetet e përkushtuar në hetimin dhe ndjekjen e veprave penale që dëmtojnë interesin publik dhe pasurinë publike. Hetimet në këtë rast janë ende në zhvillim.

The post Pesë të arrestuar për keqpërdorim me pronat publike – Bastisje në Prishtinë, Ferizaj dhe Shtime appeared first on Telegrafi.

Eksperti i sigurisë, Agim Musliu, ka reaguar ashpër ndaj kompanisë serbe të telekomunikimit “MTS”, duke e akuzuar se ka punësuar një nga personat kyç të përfshirë në sulmin terrorist të Banjskës.

Musliu ka bërë të ditur se pas një statusi të tij publik ku kritikonte aktivitetet e dyshimta të kësaj kompanie në Kosovë, “MTS” ka reaguar përmes portaleve ndaj atyre që e shpërndanë lajmin.

Por, sipas Musliut, reagimet e tilla nuk mund të fshehin faktet.

“Operatorit serb MTS i paska penguar statusi im për ta. I paskan reaguar portaleve që e publikuan lajmin për reagimin tim për aktivitetin e tyre të dyshimtë. Ju mund të bëni edhe padi, por faktet nuk mund t’i zhdukni për implikimin e juaj në mbështetje të grupit terrorist”, ka shkruar Musliu.

Ai shtroi një pyetje direkte për kompaninë “MTS”. “A e dinit ju se personi i përfshirë në sulmin terrorist në Banjskë ishte punonjësi i juaj dhe ka marrë pagë nga kompania e juaj? Pse nuk reaguat për këtë?”

Sipas Musliut, burime të tij brenda strukturave të sigurisë në Kosovë konfirmojnë se Vladimir Radivojeviq, i njohur me nofkën “Mami”, ishte i punësuar si shofer personal i drejtorit të MTS-it, Zoran Millojeviq, dhe merrte një pagë mujore prej 1,246.26 euro.

Musliu përkujton se Radivojeviq ishte një nga figurat qendrore në organizimin e barrikadave në veri të Kosovës, i lidhur ngushtë me strukturat ilegale, Organizatën Terroriste “Mbrojtja Civile” dhe Listën Serbe. Ai akuzohet gjithashtu për futjen e armëve ilegale nga Serbia në Kosovë.

Në vitin 2021, sipas Musliut, “Mami” ka qenë pjesë e një delegacioni të udhëhequr nga Goran Rakiq dhe mbështetës të tjerë të Listës Serbe që kanë zhvilluar takim me presidentin serb Aleksandar Vuçiq.

“Punëtori i juaj e mbajti fjalën e dhënë Vuçiqit, bëri ‘diçka të madhe’, sulmoi Banjskën bashkë me Radoiçiqin dhe shokë të tjerë”, përfundon Musliu, duke kërkuar llogaridhënie për atë që ai e cilëson si përfshirje direkte të një kompanie të licencuar në Kosovë në mbështetje të terrorizmit./Telegrafi/

The post Musliu: MTS e Serbisë ka punësuar njërin nga autorët e sulmit terrorist në Banjskë appeared first on Telegrafi.

Rrjeti i organizatave joqeveritare AVONET ka reaguar me shqetësim të thellë ndaj, siç e cilëson, sulmit ndaj Kryeprokurorit të Prokurorisë Speciale të Kosovës, Blerim Isufaj, si dhe ndaj deklaratave publike të zyrtarëve të lartë qeveritarë për vendimin e Gjykatës Supreme në çështjen e arkave fiskale.

Në një deklaratë publike, AVONET thekson se sulmi ndaj kryeprokurorit Isufaj, në kohën kur ai ka nisur hetime për dyshime mbi keqpërdorime në tenderë publikë dhe menaxhimin e parasë publike, përbën një kërcënim serioz për sistemin e drejtësisë dhe përpjekjet kundër korrupsionit në vend.

“Ky sulm përbën kërcënim serioz ndaj sistemit të drejtësisë, funksionimit të shtetit ligjor dhe përpjekjeve për luftimin e korrupsionit në Kosovë”, thuhet në reagimin e AVONET.

Po ashtu, rrjeti i OJQ-ve dënon deklaratat denigruese të disa zyrtarëve të Qeverisë së Kosovës në drejtim të vendimit të Gjykatës Supreme për rastin e arkave fiskale, duke i cilësuar ato si cenim të pavarësisë së pushtetit gjyqësor dhe si retorikë të papërgjegjshme me prapavijë politike.

AVONET i ka bërë thirrje Prokurorisë që të nisë menjëherë hetime për çdo kërcënim apo presion ndaj kryeprokurorit dhe prokurorëve të tjerë që hetojnë raste të ndjeshme.

Organizata gjithashtu u ka kërkuar zyrtarëve qeveritarë të përmbahen nga deklaratat që mund të minojnë besimin e publikut ndaj drejtësisë dhe të respektojnë pavarësinë institucionale.

“Lufta kundër korrupsionit nuk mund të zhvillohet pa një sistem të drejtësisë të pavarur dhe të pakorruptueshëm. Çdo tentim për ta frikësuar apo diskredituar atë është sulm direkt ndaj demokracisë dhe interesit qytetar”, përfundon deklarata e AVONET.

The post AVONET shpreh shqetësim për sulmet ndaj kryeprokurorit Isufaj dhe vendimit të Gjykatës Supreme appeared first on Telegrafi.

Drejtoria e Policisë së Dibrës ka bërë publike rezultatet e operacionit policor të koduar “Bashkëfajësia”, që çoi në zbardhjen e vrasjes së 23-vjeçarit Renis Droba, trupi i pajetë i të cilit u gjet më 9 korrik pranë liqenit të Ulzës.

Në një konferencë për shtyp, drejtori Artion Duka deklaroi se ngjarja ka qenë një vrasje e planifikuar me rrëmbim të mëparshëm dhe pasoja fatale.

Sipas hetimeve, më 8 korrik, në fshatin Zenisht të Burrelit, Renis Droba është rrëmbyer dhe më pas është mbytur me litar nga tre vëllezërit Kristi, Fatjon dhe Aleksandër Bushgjokaj nga Tropoja, si dhe nga i dyshuari tjetër Petrit Çakrri.

“Nga hetimet e thelluara rezultoi se shtetasi R. D. është marrë peng dhe më pas është vrarë në mënyrë të dhunshme, nëpërmjet strangulimit. Më pas, autorët kanë tentuar të fshehin trupin duke e hedhur bashkë me automjetin në liqenin e Ulzës”, u shpreh drejtori Duka.

Megjithatë, ndërsa automjeti përfundoi në ujë, trupi i pajetë i 23-vjeçarit mbeti në sipërfaqe, pranë sektorit “C” të liqenit. Zbulimi i trupit çoi në një operacion intensiv hetimor, ku u përdorën metoda speciale dhe bashkëpunim ndërinstitucional.

Pas një jave hetimesh, Policia ka arrestuar dy prej autorëve të dyshuar: 55-vjeçarin Petrit Çakrri në fshatin Golaj të Kukësit dhe 34-vjeçarin Fatjon Bushgjokaj në zonën e Astirit në Tiranë. Të dy janë vënë në pranga me akuzat për “Vrasje me paramendim në bashkëpunim” dhe “Rrëmbim dhe mbajtje peng e personit”.

Ndërkohë, dy vëllezërit e tjerë, Kristi dhe Aleksandër Bushgjokaj, janë shpallur në kërkim dhe dyshohet se kanë rol të drejtpërdrejtë në ngjarje. Prokurorja e çështjes, Alisa Spahja, theksoi se “kemi të bëjmë me një akt të rëndë kriminal, të kryer me paramendim dhe bashkëpunim të strukturuar”.

Hetimet paraprake tregojnë se viktima ka pasur një të kaluar problematike dhe ka qenë më parë i dënuar në Gjermani për shpërndarje të lëndëve narkotike. Po ashtu, dyshohet se ka pasur konflikte të hershme me autorët për çështje që lidhen me veprimtari kriminale.

Policia hodhi poshtë zërat në rrjete sociale se autorët ishin të veshur me uniforma policie apo se përdorën automjete zyrtare gjatë rrëmbimit. Në kuadër të operacionit janë sekuestruar 20 telefona celularë, 7 automjete, një sasi kokaine, një shumë parash në euro dhe prova të tjera materiale.

“Hetimi ka qenë intensiv dhe profesional. Po punohet për kapjen e të kërkuarve dhe për individualizimin e përgjegjësisë së çdo personi të përfshirë”, theksoi drejtori Duka.

Ndërkohë, Forca e Posaçme Operacionale ka shoqëruar katër shtetas të tjerë në Komisariatin Nr. 6 në Tiranë, të cilët po hetohen për lidhje të mundshme me ngjarjen. Hetimet vijojnë.

The post Zbardhet vrasja e Renis Dobrës, policia: U rrëmbye, u mbyt dhe u hodh në liqenin e Ulzës appeared first on Telegrafi.

Krizës së gjatë për formimin e institucioneve në Kosovë së fundmi iu shtua edhe një sfidë e re: vendimi i Gjykatës Supreme që e konsideron nxjerrjen e akteve nënligjore nga ministrat që janë njëkohësisht deputetë, si të kundërligjshme dhe shkelje të dispozitave kushtetuese.

Vendimi i datës 15 korrik lidhet me shfuqizimin e udhëzimit administrativ për shfrytëzimin e pajisjeve fiskale, të nxjerrë nga ministri në detyrë i Financave, Hekuran Murati – i cili është edhe deputet – e që Gjykata Supreme e shpalli të paligjshëm.

Ky aktgjykim u pasua me reagime të ashpra: Qeveria në detyrë e cilësoi si “arbitrar” dhe “të pabazuar në ligj” – duke argumentuar se Ligji për Qeverinë nuk i ndalon shprehimisht ministrat në detyrë të nxjerrin akte nënligjore – ndërsa Gjykata Supreme paralajmëroi se çdo ndërhyrje në vendimet e saj gjyqësore është e papranueshme.

“Ndërhyrja në gjyqësor është e papranueshme”, tha edhe ambasadori i Bashkimit Evropian në Kosovë, Aivo Orav.

Njohësit e çështjeve kushtetuese thonë se vendimi i Supremes është i drejtë dhe i detyrueshëm për zbatim, duke theksuar se çdo mospërfillje e tij mund të përbëjë shkelje penale.

Radio Evropa e Lirë pyeti Qeverinë në detyrë të Kosovës dhe ministrin në detyrë, Murati, se çfarë hapash do të ndërmarrin pas këtij aktgjykimi, por nuk mori përgjigje.

Qeveria nuk dha qëndrim as lidhur me pyetjen nëse po shqyrton mundësinë që ministrat, të cilët janë njëkohësisht edhe deputetë, të ndalin ushtrimin e funksioneve ekzekutive.

Lidhja Demokratike e Kosovës iu drejtua Prokurorisë Speciale më 16 korrik për të kërkuar hetime penale ndaj Qeverisë në detyrë, duke dorëzuar si provë vendimin e Gjykatës Supreme për çështjen e arkave fiskale.

Sipas deputetëve të kësaj partie, Besian Mustafa dhe Alban Zogaj, ky vendim konfirmoi se Qeveria në detyrë ka vepruar në mënyrë të jashtëligjshme pas certifikimit të ministrave si deputetë, më 27 mars.

KDI: Vendimi i Supremes thekson shkeljet dhe hap rrugë për kontestime ligjore

Vullnet Bugaqku nga Instituti Demokratik i Kosovës (KDI), i cili përcjell punën e Kuvendit, vlerëson se vendimi i Gjykatës Supreme lidhur me Udhëzimin Administrativ të ministrit në detyrë të Financave, Hekuran Murati, është i drejtë dhe i plotfuqishëm.

Ai thekson se çdo mosbindje ose mosrespektim i këtij vendimi përbën shkelje penale.

“Konkretisht, në rastin në fjalë, ministri Murati, nëse vazhdon ta mbajë në fuqi – përkundër që Gjykata (Supreme) e ka anuluar ligjshmërinë apo përmbajtjen e këtij Udhëzimi Administrativ – atëherë ai nuk e zbaton këtë aktgjykim të Gjykatës Supreme dhe bën shkelje penale”, thotë Bugaqku për Radion Evropa e Lirë.

Ai thekson se vendimi i Supremes, aktualisht, ka efekt vetëm mbi Udhëzimin Administrativ të ministrit në detyrë, Murati. Të gjitha aktet tjera të ministrave në detyrë, që janë njëkohësisht edhe deputetë, mbesin në fuqi, përderisa nuk janë kontestuar në gjykatë.

Megjithatë, thotë Bugaqku, ky vendim lë të kuptohet se edhe vendimet tjera të ngjashme – të nxjerra nga zyrtarë me funksione të dyfishta – mund të jenë të paligjshme dhe të sfidohen juridikisht.

“Ky vendim i Gjykatës Supreme mund të shërbejë si një precedent i mirë ose si një bazë e mjaftueshme ligjore për të gjitha ato palë që janë të afektuara në kuptimin negativ nga vendimet e zyrtarëve publikë. Pra, ta përdorin këtë aktgjykim të Gjykatës Supreme si provë për t’i kontestuar [vendimet e ngjashme] në gjykata dhe, pastaj, edhe ato të anulohen”, thotë Bugaqku.

Ai shton se vendimi i Gjykatës Supreme e ka sqaruar mirë konfliktin që lind nga ushtrimi i njëkohshëm i funksioneve në ekzekutiv dhe legjislativ nga zyrtarët publikë, por shpreh shqetësimin se ai mund të përdoret nga partitë parlamentare për thellimin e përplasjeve politike.

“Situata e tillë veç i ashpërson dhe i betonizon edhe më tepër qëndrimet e palëve, në këtë rast të partive të mëdha parlamentare, që të mos bashkëpunojnë me njëra-tjetrën”, vlerëson Bugaqku.

Pasojat ligjore në duar të Prokurorisë

Profesori i së Drejtës Kushtetuese, Mazllum Baraliu, vlerëson se vendimi i Supremes për ta shpallur të paligjshëm udhëzimin në fjalë është i drejtë, por thotë se u takon organeve të ndjekjes të vlerësojnë nëse ekzistojnë kushte për nisjen e procedurave penale.

“Madje, edhe vetë ministrat në detyrë… unë besoj se e kanë të qartë se nuk duhet të veprojnë me konflikt interesi, sepse jo vetëm që mund të shkelin dispozita që janë përmendur në aktgjykim, por mund të gjendet edhe bazë juridike që dikush t’i ndjekë. Ajo që i ndjek, është Prokuroria e vendit dhe ne nuk mund të paragjykojmë se a do ta bëjë këtë”, thotë Baraliu për Radion Evropa e Lirë.

Ai shpjegon se Kosova nuk ka sistem gjyqësor që thirret në precedentë, ndaj vendimi i fundit i Gjykatës Supreme nuk zbatohet automatikisht për raste të tjera.

Sipas tij, qytetarët apo bizneset mund të kërkojnë drejtësi nëpërmjet padive, nëse mendojnë se janë dëmtuar nga ndonjë vendim i ministrave në detyrë që mbajnë edhe mandat deputeti.

“Pra, mund të iniciojnë (padi) patjetër, sepse parimi i analogjisë në drejtësi është parim që vlerësohet lart dhe është parim standard funksional”, thotë Baraliu.

Ministrat në detyrë përballen tashmë me së paku 17 kallëzime penale, të ngritura nga LDK-ja.

Kosova vazhdon të mbetet me qeveri në detyrë, pasi, pas zgjedhjeve të shkurtit, Kuvendi nuk ka arritur të konstituohet për shkak të mosmarrëveshjeve të thella politike.

Përpjekja e radhës për konstituim, e 48-a, do të bëhet më 17 korrik.

The post Supremja vendos kufijtë – shkelja mund të çojë në ndjekje penale appeared first on Telegrafi.