Presidenti iranian, Masoud Pezeshkian u plagos gjatë një prej sulmeve izraelite ndaj Iranit muajin e kaluar.

Burimet thanë për CBS News se raportet e mediave shtetërore iraniane janë të sakta, dhe se Pezeshkian ishte i pranishëm në një takim të Këshillit të Lartë të Sigurisë Kombëtare kur ndodhi sulmi izraelit. Mediat shtetërore raportuan se ai mori lëndime në këmbë ndërsa po ikte përmes një daljeje sigurie.

Mbetet e paqartë nëse ai ishte synuar qëllimisht në këtë sulm.

Gjatë një interviste me Tucker Carlson më herët këtë muaj, Pezeshkian pretendoi se Izraeli kishte tentuar ta vriste duke bombarduar zonën ku po mbahej takimi.

Kur u pyet nëse besonte se Izraeli kishte tentuar ta vriste, Pezeshkian u përgjigj se “po, u përpoqën. Vepruan në përputhje me këtë, por nuk arritën”.

Ministri i Jashtëm i Iranit, Abbas Araqchi, u ka bërë thirrje fuqive evropiane t’i ndalin kërcënimet ndaj Teheranit, përfshirë paralajmërimet për rivendosjen e sanksioneve të OKB-së.

Diplomati kryesor i Teheranit shkroi të premten në X se u tha homologëve të vet nga Britania, Franca, Gjermania, si dhe shefes së politikës së jashtme të BE-së, gjatë një bisede të përbashkët telefonike se Evropa “duhet të veprojë me përgjegjësi” dhe të heqë dorë nga “politikat e shteruara kërcënuese dhe të trysnisë”.

Ai tha se BE-ja dhe grupi evropian i quajtur E3 nuk kanë “asnjë bazë morale apo ligjore” për të aktivizuar “rikthimin e menjëhershëm” të sanksioneve të OKB-së kundër Iranit.

Ditë më parë, ministri i Jashtëm i Francës, Jean-Noel Barrot, u tha ministrave të tjerë të BE-së se E3-ja është e gatshme t’i rivendosë sanksionet e OKB-së ndaj Iranit, nëse Teherani nuk shpreh “angazhim të fortë, të dukshëm dhe të qartë”.

Nga Athina, ku mori pjesë në Traktatin e Komunitetit të Energjisë, Zv, kryeministrja Belinda Balluku tha se Shqipëria po punon për kuadrin ligjor që përafron sektorin e energjisë me atë të Bashkimit Europian, tanimë që jemi në prag të çeljes së grupkapitullit “Agjenda e Gjelbërt dhe Ndërlidhja e Qëndrueshme”.

“Sot kur flitet për energjinë si një nga çështjet më të rëndësishme gjeopolitike, sot kur Europa është duke luftuar për të ruajtur kapacitetet e saj, sidomos për të krijuar kapacitete të tjera të energjisë së rinovueshme, padyshim Shqipëria ka shumë për të thënë, ka shumë për të bërë dhe për të ndihmuar edhe shtetet e tjera të cilat janë pjesë e Ballkanit Perëndimor.

Por mbi të gjitha, ne sot ndodhemi në tryezën e negociatave dhe në atë tryezë negociatash roli i Sekretariatit të Energjisë është jetësor. Është një rol i cili nuk mund të zëvendësohet dhe mbi të gjitha ne sot jemi duke bashkëpunuar për të ndryshuar edhe ato kuadre rregullatore të cilat do të na përafrojnë me ligjet e sektorit europian, por nga ana tjetër do të na ndihmojnë edhe për të përmbushur të gjitha ato kërkesa që ka agjenda e gjelbërt.”

Balluku tha se Traktati i Komunitetit të Energjisë është kthyer në një udhërrëfyes për Shqipërinë, teksa u ndal edhe tek lidhja nënujore me Italinë.

“Unë uroj shumë në këtë 20-vjetor që të gjitha vendet e Ballkanit Perëndimor të gjejnë rrugën e tyre sa më të lehtë drejt sigurimit të energjisë, nga ana tjetër sidomos përsa i përket pjesës së interkonjektivitetit që është një çështje e rëndësishme që diskutohet në tavolinat tona, por që nga ana tjetër duhet të bëjmë më shumë, ashtu siç Shqipëria tashmë është e lidhur me Maqedoninë e Veriut, me Greqinë dhe jemi duke punuar intensivisht për një lidhje nën ujore me Italinë.”

Agjenda e Gjelbër dhe Ndërlidhja e Qëndrueshme  përfshijnë politikën e transportit që synon përmirësimin e infrastrukturës dhe sigurisë rrugore e hekurudhore, sektorin e energjisë dhe garantimin e furnizimit të qëndrueshëm dhe të përballueshëm me energji, mbrojtjen e mjedisit dhe përballimin e ndryshimeve klimatike, përmes standardeve të larta të BE-së, rrjetet trans-evropiane dhe ndërlidhjen infrastrukturore të Shqipërisë me vendet e BE-së, si pjesë e rëndësishme e Korridoreve Evropiane./abcnews.al

Dhoma e Përfaqësuesve  ne Shtete e Bashkuara te Amerikes e dominuar nga republikanët miratoi mengjesin e kesaj të së premtene planin e presidentit Donald Trump për të anuluar 9 miliardë dollarë në fonde për ndihmë ndërkombëtare dhe transmetime publike, duke i dhene miratimin final keshtu reduktimit te shpenzimeve qeveritare. Paketa prej 9 miliarde dollaresh preku punen e USAID , Agjencise Amerikane per Zhvillim nderkombetar ndersa tek mediat solli mbylljen perfundimtare te Zerit te Amerikes.

Ne seancen e votimit pati 216 persona qe votuan pro shkurtimit te shpenzimeve dbe 213 vota kunder. Ne mesin e votave kunder ishin edhe dy republikan , Brian Fitzpatrick nga Pennsylvania dhe Mike Turner nga Ohio . Vendimi i aministrates Trump  ishte miratuar pak ditë më parë edhe në Senat me 51 vota pro dhe 48 kunder.

Republikanet e pershkruan kete hap si nje hap drejt arsyeshmerise Fiskale, ndersa lideri i pakices Hakeem Jeffries, paralajmeroi se shkurtimi I ketij financimi do te kete ndikim negative tek siguria dhe roli nderkombetar I Shteteve te Bashkuara ne mbare boten, duke e kritikuar masen si goditje per informacionin emergjent qe shperdnahet ne zonat rurale.

Shkurtimet e financimit nga Administrata e Donald Trump perfshijne rreth 8 miliarde dollare per programe te ndihmes nderkombetare permes USAID dhe organizatave si OKB dhe OBSH si dhe 1,1 miliarde dollare per Korporaten e Transmetimeve Publike qe perfshin financimin per Zerin e Amerikes.

Pas votimit në Dhomën e Perfaqesuesve , projektligji u dërgua për nënshkrim tek Presidenti Donald Trump në Shtëpinë e Bardhë .

Demokratët e konsideruan këtë “ditë të errët” për amerikanët që mbështeten te transmetimet publike në raste emergjencash natyrore. Kritika është shprehur se veprimi bie ndesh me procesin dypartiak të miratimit të buxhetit. Nga ana tjetër, republikanët pritet të hasin rezistencë në Senat për miratimin e financimit të ardhshëm, pasi nevojiten 60 vota për të vazhduar funksionimin e qeverisë pas shtatorit ./abcnews.al

Kryeministri Edi Rama thotë se ndaj institucioneve shtetërore ka çdo ditë sulme kibernetike nga Irani.

Nga Berati, në një takim me përfaqësues të teknologjisë, Rama u shpreh se nuk mund të lejohen që të sulmohen banka apo spitale private.

“Ne jemi në luftë, kemi çdo ditë sulme sistematike. Ishte jashtë sistemit të mbrojtjes, ne nuk mund ta lejojmë këtë gjë. Nesër mund të sulmojnë një bankë, spital, mund të përbëjë problem të madh. Si të ndërtojmë një sistem, ku nga një anë t’i vendosim detyrim institucioneve, që të kenë një përqindje investimi në teknologji. Me sektorin privat, të shohim që investimi të jetë i zbritshëm nga taksat.”, theksoi Rama./abcnews.al

Kryeministri Edi Rama, nga Berati, në takim me përfaqësues të teknologjisë, deklaroi se sektori publik ka shënuar progres në mbrojtjen ndaj sulmeve kibernetike, por diçka e tillë nuk ka ndodhur në sektorin privat.

Rama u shpreh se tashmë sektori publik, është i pavarur në shërbimet digjitale.

“Unë jam shumë krenar që kemi bërë progres. kemi Cloud tonë në shërbimet tona digjitale, jemi të pavarur. Por jam i vetëdijshëm sa boshllëqe kemi, sidomos në sektorin privat. Ndërkohë që po forcojmë mbrojtjen tonë në sektorin publik, sektori privat nuk po ecën me të njëjtin ritëm. Mund të kemi një ofertë për sektorin privat. Ajo që do ju kërkoja, është që të jeni totalisht të hapur. Ne ju kemi ftuar që të na flisni shumë hapur. Ju e keni edhe lirinë të thoni atë që doni, që mendoni, nuk keni varësi nga ne. Mendoj që ia vlen të kemi një Këshill, një forum, ku të mblidhemi 1 herë në vit, për të diskutuar mbi çështjen dhe mbi të rejat, qofshin për mirë, qofshin të keq”, theksoi ai./abcnews.al

ABC News ka siguruar pamje nga lokali në Rrugën e Durrësit, ku në orët e para të mëngjesit u vendos një sasi lëndë plasëse.

Nga pamjet shihet se janë shkaktuar dëme materiale, teksa është dëmtuar xhami i portës hyrëse në lokal.

Ndërkaq, pronari i lokalit, Arbër Sinani ka deklaruar në polici se nuk ka dijeni se kush mund ta ketë vënë tritolin dhe shtoi se nuk ka konflikte me askënd.

Arbër Sinani për disa kohë ka jetuar në Gjermani, ku dyshohet se mund të ketë qenë i përfshirë në aktivitet ilegal me lëndë narkotike. Dyshohet se mund të ketë përplasje me persona të tjerë në lidhje me konfliktet për drogën.

Kamerat e sigurisë në lokal nuk janë të pajisura me DVR, çka e bën të vështirë punën e hetuesve për identifikimin e aktorëve të dyshuar.

Ndërkohë që janë sekuestruar kamerat e bizneseve të tjera në zonë./abcnews.al

Zbardhjet ngjarja në Sarandë, ku dy persona u plagosën mbrëmjen e së enjtes.

Shpallen në kërkim 4 shtetas të përfshirë në këtë ngjarje, njëri prej të cilëve tentoi të vriste me armë zjarri dy shtetasit.

Mësoht se plagosja u bë pas një sherri mes tyre.

Ndërkaq, një prej të plagosurve u arrestua, pasi gjatë kontrollit iu gjet dhe iu sekuestrua një armë zjarri pistoletë.

Në vendngjarje u sekuestruan, në cilësinë e provës materiale, 4 gëzhoja arme zjarri, një armë zjarri pistoletë tip “Beretta” dhe një krehër me 9 fishekë./abcnews.al

Read More...

Një lokali në Tiranë i është vendosur tritol. Ngjarja ka ndodhur rreth orës 03:45, në Rrugën e Durrësit. Lënda plasëse ishte vendosur pranë derës hyrëse të lokalit.

Burime pranë grupit hetimor sqaruan për gazetaren e ABC News, Bleona Sari se pronari i lokalit, Arbër Sinani, ka deklaruar në polici se nuk ka dijeni kush mund të jenë autorët që i kanë vendosur sasinë e tritolit në biznesin e tij, ai ka thënë se nuk ka konflikte.

Arbër Sinani për disa kohë ka jetuar në Gjermani, ku dyshohet se mund të ketë qenë i përfshirë në aktivitet ilegal me lëndë narkotike. Dyshohet se mund të ketë përplasje me persona të tjerë në lidhje me konfliktet për drogën.

Kamerat e sigurisë në lokal nuk janë të pajisura me DVR, çka e bën të vështirë punën e hetuesve për identifikimin e aktorëve të dyshuar.

Ndërkohë që janë sekuestruar kamerat e bizneseve të tjera në zonë.

Vau i Dejës

Finalizohet operacioni policor i koduar “Brezi”.

Kapet në flagrancë me armë zjarri pistoletë, në fshatin Nënshat, vihet në pranga 28-vjeçari.

Sekuestrohet arma e zjarrit me municion luftarak.

Në vijim të aksioneve policore me objektiv identifikimim dhe ndalimin e shtetasve që lëvizin të armatosur, duke rrezikuar sigurinë publike dhe jetën e qytetarëve, shërbimet e Komisariatit të Policisë Vau i Dejës, në kuadër të operacionit “Brezi”, goditën një rast të armëmbajtjes pa leje.

Për këtë rast u vu në pranga shtetasi E. P., 28 vjeç, banues në fshatin Nënshat.

Ky shtetas u kap në flagrancë nga shërbimet e Policisë, në fshatin Nënshat, duke lëvizur me armë zjarri pistoletë me municion luftarak, që i posedonte pa leje.

Materialet procedurale iu referuan Prokurorisë së Shkodrës, për veprime të metejshme.

Tiranë/Informacion paraprak

Rreth orës 03:45, në Rrugën e Durrësit, në lokalin në pronësi të shtetasit A. S., dyshohet se ka plasur një sasi e vogël lënde plasëse, e vendosur pranë derës hyrëse të lokalit.

Si pasojë janë shkaktuar vetëm dëme materiale. Nuk ka persona të lënduar.

Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes.Tri

President amerikan, Donald Trump është diagnostikuar me pamjaftueshmëri kronike venoze, një problem me qarkullimin e gjakut, pasi kishte vënë re “ënjtje të lehtë në pjesën e poshtme të këmbëve,” bëri të ditur të enjten zëdhënësja e Shtëpisë së Bardhë, Karoline Leavitt.

Kjo e fundit dha këtë informacion të papritur gjatë një deklarate për të adresuar spekulimet lidhur me disa mavijosje të dukshme në duart e 79-vjeçarit, të cilat ajo tha se ishin vlerësuar si “irritim i lehtë i indeve të buta nga shtrëngimi i shpeshtë i duarve dhe përdorimi i aspirinës” si masë parandaluese për shëndetin e zemrës.

“Në përpjekje për transparencë, presidenti dëshironte që t’ju ndaja një shënim nga mjeku i tij me të gjithë ju sot,” tha ajo.

“Gjatë javëve të fundit, Presidenti Trump vuri re një ënjtje të lehtë në pjesën e poshtme të këmbëve. Në përputhje me kujdesin rutinë mjekësor dhe me shumë kujdes, ky shqetësim u vlerësua plotësisht nga njësia mjekësore e Shtëpisë së Bardhë,” pohoi zëdhënësja.

“Presidenti iu nënshtrua një ekzaminimi të plotë, duke përfshirë studime diagnostike të sistemit vaskular; ekografi doppler venoze të gjymtyrëve të poshtme nga të dyja anët zbuluan pamjaftueshmëri kronike venoze… një gjendje e zakonshme, veçanërisht te personat mbi moshën 70 vjeç.”

Ajo shtoi se “me rëndësi, nuk u gjetën shenja të trombozës së venave të thella apo sëmundjes arteriale… U krye gjithashtu edhe një ekokardiogram, i cili konfirmoi strukturë dhe funksion të rregullt të zemrës; nuk u identifikuan shenja të insuficiencës kardiake, dëmtimit të veshkave apo ndonjë sëmundjeje sistematike”.

Kryeministri Edi Rama ka ndarë pamje nga shkolla “Angela Merkel” në Kamëz, punimet e së cilës kanë përfunduar.

Përmes një postimi në rrjetet sociale, Rama shprehet se kjo shkollë do të hapër dyert për të pritur mbi 1300 nxënës, me standarde europiane.

Rama shtoi se në të gjithë vendin janë ndërtuar 400 shkolla të reja.

“Mirëmangjes dhe me shkollën e re 9-vjeçare “Angela Merkel” në Kamëz, e cila hap dyert në shtator për të pritur mbi 1 300 nxënës me standartet europiane tanimë të afirmuara si standarde në shumicën dërmuese të shkollave të kësaj bashkie, edhe të afro 400 shkollave të reja që kemi ndërtuar në mbarë vendin, ju uroj një ditë të mbarë”, shkruan Rama./abcnews.al

Kancelari gjerman Friedrich Merz ka pranuar akuzat e SHBA-së se Evropa po bënte shumë pak për të financuar mbrojtjen dhe sigurinë e saj, por tani beson se janë në të njëjtën linjë.

“E dimë që duhet të bëjmë më shumë vetë dhe në të kaluarën kemi bërë shaka,” i tha ai programit Today të BBC-së, “ata po na kërkojnë të bëjmë më shumë dhe ne po bëjmë më shumë.”

Merz ishte në Mbretërinë e Bashkuar për të forcuar lidhjet e mbrojtjes me Gjermaninë, si pjesë e një traktati historik miqësie që synon gjithashtu të trajtojë migracionin e parregullt dhe të promovojë shkëmbimet e të rinjve.

Lufta e Rusisë me Ukrainën ka qenë një element që ka ndikuar në javët e para të mandatit të tij si kancelar, ashtu si edhe kërcënimi i Presidentit të SHBA-së Donald Trump për të vendosur tarifa importi prej 30% mbi eksportet e Bashkimit Evropian nga 1 gushti.

Merz i tha Nick Robinson, në intervistën e tij të parë televizive në Mbretërinë e Bashkuar si kancelar, se ai e kishte takuar Trumpin tre herë dhe se ata kishin marrëdhënie të mira bisede: “Mendoj se Presidenti Trump është në të njëjtën linjë; ne po përpiqemi ta çojmë këtë luftë drejt fundit.”

“Jemi në telefon një herë në javë; po koordinojmë përpjekjet tona. Një çështje është lufta në Ukrainë, dhe e dyta janë debatet dhe tarifat tona tregtare.”

Merz ishte një mbështetës i zëshëm i Ukrainës gjatë fushatës zgjedhore dhe vizitoi Kievin muaj përpara se t’i çonte Kristian Demokratët e qendrës së djathtë të Gjermanisë drejt fitores në zgjedhjet e shkurtit.

Katër ditë pasi u betua në fillim të majit, ai ishte në një tren për në Kiev në një shfaqje solidariteti me kryeministrin Sir Keir Starmer dhe presidentin Emmanuel Macron të Francës.

“Po shohim një kërcënim të madh dhe kërcënimi është Rusia. Dhe ky kërcënim nuk është vetëm për Ukrainën. Është për paqen tonë, për lirinë tonë, për rendin politik të Evropës”, paralajmëroi ai./abcnews.al

Presidenti i Turqisë, Recep Tayyip Erdogan e ka akuzuar të enjten Izraelin se është duke e përdorur pakicën e druzëve në Siri, si pretekst për t’u zgjeruar në këtë shtet të shkatërruar nga lufta.

“Izraeli, duke i përmendur druzët si arsyetim, është duke zgjeruar banditizmin e vet nëpër lagje të Sirisë në dy ditët e fundit”, ka thënë Erdogan në një fjalim televiziv.

“Dua ta theksoj edhe një herë, qartë dhe direkt, Izraeli është shtet i paligjshëm dhe pa parime”.

“Në këtë drejtim, problem ynë më i madh në rajon është agresioni i Izraelit, dhe nëse nuk ndalet menjëherë, ai nuk do të hezitojë që t’ia vë flakën rajonit tonë dhe më pas botës”.

Provinca Sveida e druzëve, në jug të Sirisë, ka qenë në qendër të konfliktit të përgjakshëm sektarian prej të dielës. Qindra persona është raportuar të jenë vrarë në përleshje mes luftëtarëve druzë kundër fiseve sunite beduine dhe ushtrisë me aleatë.

Izraeli i ka goditur trupat ushtarake qeveritare me sulme ajrore kur ato janë pozicionuar në provincat jugore, ashtu sikurse edhe selinë ushtarake në Damask, duke paralajmëruar që sulmet do të intensifikohen derisa Qeveria të tërhiqet.

DASHI

Dëshira juaj për afirmim është e fortë, por Hëna inkurajon durimin. Sot, mund të ndiheni pak të presionuar në aspektin familjar ose emocional. Jo gjithçka mund të zgjidhet me veprime të menjëhershme: merrni kohë për të kuptuar se ku doni të shkoni vërtet. Një mbrëmje më e qetë.

DEMI

Sipas horoskopit të Paolo Fox (e premte, 18 korrik 2025), po ndërtoni themele të reja dhe, edhe nëse udhëtimi është i ngadaltë, është i fortë. Kjo është një ditë e mirë për sqarime, veçanërisht në punë. Dikush më në fund po e kupton vlerën tuaj. Në dashuri, siguria ka më shumë rëndësi sesa emocionet kalimtare. Ji konkret, por mos u mbyll në vetvete.

BINJAKËT

Është një ditë reflektimi. Ndiheni pezull, duke pritur përgjigje që po vijnë ngadalë. Kjo nuk është koha e duhur për të marrë vendime drastike. Në dashuri, është më mirë të mos detyroni asgjë: lërini ngjarjet të flasin për ju. Duke filluar nga e enjtja, do të shfaqet një vrull i ri.

GAFORRJA

Qielli është në anën tuaj. Hëna dhe Jupiteri po punojnë së bashku për t’ju sjellë njohuri të vlefshme dhe takime pozitive. Nëse keni një projekt për të nisur, guxoni ta bëni. Emocionet janë të gjalla dhe ata që kanë një partner mund të mbështeten në një mirëkuptim më të madh. Beqarët janë në ngritje.

LUANI

Sipas horoskopit të Paolo Fox (e premte, 18 korrik 2025), disa pengesa po ju shqetësojnë, por jo gjithçka varet nga ju. Përqendrohuni në atë që mund ta kontrolloni vërtet, pa e shfryrë frustrimin tuaj tek ata përreth jush. Zemra juaj ka nevojë për vëmendje: nëse diçka po ju shqetëson, flisni hapur. Nesër, do të keni energji më të mirë.

VIRGJËRESHA

Nuk ju mungon preciziteti dhe metoda, por sot qielli ju kërkon fleksibilitet. Shmangni përpjekjen për të kontrolluar gjithçka. Në dashuri, jini më pak kërkues dhe më shumë dëgjues: dikush duhet të ndihet i kuptuar. Kjo është një ditë e mirë për hapa të vegjël dhe strategjikë.

PESHORJA

Tensionet e ditëve të fundit po fillojnë të zhduken. Një ftesë, një telefonatë ose disa lajme mund ta ringjallin entuziazmin tuaj. Është koha të besoni përsëri në atë që dyshonit. Zemra juaj po kërkon ekuilibër: dialogu është i favorizuar.

AKREPI

Sipas horoskopit të Paolo Fox (e premte, 18 korrik 2025), një intuitë e shpejtë mund të bëjë gjithë ndryshimin sot. Qielli po ju mbështet, veçanërisht profesionalisht: besoni instinkteve tuaja. Megjithatë, në dashuri, kini kujdes me fjalët e ashpra. Ata që ju duan duhet të ndihen të sigurt, jo të vënë në provë.

SHIGJETARI

Është një ditë e trazuar. Je i etur për ndryshim, por të mungojnë siguritë konkrete. Mos ki frikë të kërkosh ndihmë ose të diskutosh gjëra. Në dashuri, mund të rishfaqet pak nostalgji: mos e ngatërro të kaluarën me një kthim të dobishëm. E ardhmja ka shumë më mirë për të ofruar.

BRICJAPI

Stabiliteti dhe këmbëngulja do t’ju shpërblejnë sot. Nëse keni afate, përballuni me to me vendosmëri: puna juaj po monitorohet dhe mund t’ju sjellë shpërblime. Megjithatë, në dashuri, keni nevojë për një qasje më të lehtë. Jo gjithçka duhet të planifikohet: lini hapësirë për improvizim.

UJORI

Sipas horoskopit të Paolo Fox (e premte, 18 korrik 2025), qielli po ju shtyn të ndryshoni, por sot mund të ndiheni paksa jashtë kontrollit. Shumë ide dhe shumë pak fokus. Ngadalësoni dhe shmangni debatet, veçanërisht në punë. Në dashuri, sqarimet janë të nevojshme. E vërteta, edhe nëse është e pakëndshme, mund t’ju bashkojë.

PESHQIT

Sot është një ditë frymëzuese. Keni mundësinë të bëni paqe me një anë të vetes që e keni lënë pas dore. Kreativiteti është në nivel të lartë; përdoreni atë për të shprehur ndjenjat tuaja. Në dashuri, gjestet e vogla flasin më shumë se fjalët. Emocione të reja i presin beqarët.

Kanioni i Holtës, një nga perlat e bukurisë natyrore të Gramshit vijon të jetë pika më e frekuentuar e zonës.

Janë të shumtë turistët vendas apo të huaj që zgjedhin të kalojnë disa orë mes maleve dhe ujit të akullt që të ofron Kanioni i Holtës.

Të huajt, thonë se natyra është fantastike ndërsa shtojnë se edhe mikpritja është një element që e bën Shqipërinë  të preferuar për t’u vizituar.

Po është hera e parë që vijmë në Shqipëri , na pëlqeu shumë. Njerzit janë shumë të këndshëm dha natyra është vërtetë e bukur. Do ta rekomandoja patjetër Shqipërinë për tu vizituar.

Më pëlqen këtu është shumë bukur. Është një vend shumë argëtues dhe ne po kënaqemi.

Shqipëria është shumë e bukur, edhe kanioni i cili është me ujë natyral është diçka shumë tërheqëse. Babai im ka ardhur disa herë në Shqipëri ndërsa për mua është hera e dytë që vij këtu. Dikush ia rekomndoi dhe babai im lexoi për këtë vend dhe ne vendosëm të vijmë këtu.

Më pëlqen ky vend. Për ne është një vend i bukur, det i mrekullueshëm dhe male mahnitëse. Për ne ishte shumë interesante të udhëtonim drejtë Shqipërisë. 

Sipas të dhënave nga bashkia e Gramshit numri i turistëve që vizitojnë pikat turistike të Gramshit arrinë deri në 140 mijë në vit.

Lumi i Holtës ka një gjatësi rreth 3 km. Vizitorët befasohen dhe mahniten me ngjyrën karakteristike të ujit, shpatet e thepisura 100 – 150 metra, flora dhe fauna që shtrihet përreth.

Lumi vende-vende arrin thellësinë deri në 3 metra.

Gramshi është konsideruar vitet e fundit si një nga befasitë turistike në mbarë vendin për shkak të kanioneve, shpellave, ujëvarave, liqeneve, pyjeve etj./abcnews.al

Shërbimet e Komisariatit të Policisë Kurbin, pas marrjes së njoftimit se një shtetas i maskuar po tentonte të vidhte në një dyqan ushqimor në Mamurras, kanë organizuar punën dhe janë nisur menjëherë drejt adresës së dhënë.

Si rezultat i veprimeve të shpejta, shërbimet e Policisë kanë kapur në flagrancë në dyqan, autorin e dyshuar, me maskë dhe me kapuç, duke mbajtur një dorë një çekiç me të cilin dyshohet se kishte thyer xhamin e derës së dyqanit.

Nga veprimet hetimore u identifikua autori i dyshuar i vjedhjes, shtetasi A. M., 36 vjeç, banues në Mamurras, i cili u arrestua në flagrancë nga specialistët për Hetimin e Krimeve të Komisariatit të Policisë Kurbin, për veprat penale “Vjedhja”, mbetur në tentativë, “Sigurimi i mjeteve për vjedhje” dhe “Shkatërrimi i pronës”.

Eksperti i turizmit, Isa Krasniqi thotë se ky sezon turistik, mund të konsiderohet nga më të sukesshmit.

Në një intervistë për “Money Report” në ABC News, Krasniqi u shpreh se Shqipëria ka turizëm cilësor dhe ekonomik.

Krasniqi shtoi se vendi ynë mbetet destinacion për të huajt.

“Ky sezon turistik, është një nga më të suksesshmit sa i takon turizmit. Shqipëria vijon të mbetet destinacion për turistët e huaj. Nga jugu në veri, vendi ofron mundësi të ndryshme, për turizëm cilësor, por edhe ekonomik. Shifrat zyrtare flasin për rritje të madhe të turistëve të huaj, në krahasim me vitin e kaluar. Zona e Golemit dhe Durrësit ka fluks më të madh, për shkak edhe të çmimit. Pjesa e Golemit, Velipojës, janë në fokus. Sektori turistik ka nevojë për mbështetje. Ne duhet të kemi mikpritje të mirë, dhe turisti është i gatshëm të paguajë.”, theksoi ai./abcnews.al