Nga VLEN në një kumtesë për media thonë se “në mbledhjen e djeshme qeveritare, është miratuar propozimi për ndryshimin dhe plotësimin e Ligjit për Sigurim Pensional dhe Invalidor”. Ky ligj parasheh që të rriten pensionet për dy mijë denarë, deri në muajin mars të vitit të ardhshëm.

“Vetëm në 1 vit të qeverisjes sonë, pensionet janë rritur me 5.000 denarë, duke u ardhur në ndihmë mbi 340.000 qytetarëve. Me ndryshimet e reja, nga shtatori pensionet do të rriten me mbi 1.000 denarë, ndërsa rritja e radhës prej 1.000 denarësh do të ndodhë në marsin e vitit të ardhshëm”.

“Kjo nuk është propagandë, por politikë me vizion dhe përgjegjësi. Sepse për VLEN-in, pensionistët nuk janë mjete për vota, por shtylla të dinjitetit shoqëror. BDI për 20 vjet i përdori të moshuarit për fotografi dhe premtime boshe. Ne i nderojmë me veprim! Ata luajtën me ndjeshmëritë e kësaj kategorie VLEN po luan me kartën e përkushtimit, për çdo të moshuar që ka sakrifikuar për këtë vend”, thonë nga VLEN.

The post VLEN: Pensionet rriten, dinjiteti kthehet appeared first on Telegrafi.

Aleanca për Shqiptarët e Arben Taraavarit, ka reaguar në lidhje me informacionet se është refuzuar propozimi për t’u dhënë vendime pune 155 motrave medicinale në Spitalin e Tetovës. Nga ASH e Taravarit thonë se “propaganda nuk zgjat shumë”.

“E vërteta gjithmonë del në shesh. Për muaj me radhë, qytetarëve u është servirur një gënjeshtër e përsëritur se kinse Arben Taravari dhe Blerant Ramadani kanë qenë pengesë për punësimet në sistemin shëndetësor, në veçanti në Spitalin Klinik të Tetovës. Kjo narrativë u përdor me qëllim nga koalicioni VLEN për të hedhur fajin diku tjetër dhe për të mbuluar paaftësinë e tyre për të sjellë zgjidhje konkrete”.

“Sot është më se e qartë, edhe pse VLEN është në qeveri, edhe pse ka ministrin e Shëndetësisë dhe të gjitha mekanizmat në duar, punësimet vazhdojnë të zvarriten, premtimet mbeten vetëm në letër dhe qytetarët janë përsëri viktima të lojërave politike. Rasti me Spitalin e Tetovës e dëshmon realitetin – problemi nuk ishin Taravari apo Ramadani. Problemi ishte dhe mbetet mungesa e vullnetit politik, paaftësia për të qeverisur dhe keqpërdorimi i nevojave të njerëzve për qëllime propagandistike”.

“Prandaj sot pyesim eksponentët e VLEN-it, ishte kjo një propagandë e paramenduar, apo thjesht një dështim i radhës në qeverisjen tuaj? Aleanca për Shqiptarët nuk do të lejojë që qytetarët të mashtrohen pafundësisht. Koha e akuzave të rreme ka kaluar. Tani është koha për përgjegjësi dhe llogaridhënie, dhe tetori është afër, shumë afër”, thonë nga ASH e Taravarit.

The post ASH e Taravarit: Rasti i Spitalit të Tetovës rrëzon propagandën e VLEN-it, kush po pengon tani punësimet e shqiptarëve? appeared first on Telegrafi.

“Vazalët shqipfolës të OBRM-PDUKM-së edhe sot vazhduan me manipulimet e tyre ndaj opinionit publik. Kësaj radhe bëhet fjalë për Autostradën Shkup-Bllacë, një projekt me rëndësi strategjike për shqiptarët dhe për lidhjet me Republikën e Kosovës”, reagojnë nga Bashkimi Demokratik për Integrim.

Nga BDI janë revoltuar me njoftimin e VLEN-it se “Ndërmarrja Publike ‘Rrugët Shtetërore’ ka hapur procedurat për prokurim publik për fazën përgatitore të projektit final për ndërtimin e kësaj rruge”.

“Edhe pse janë përfunduar më shumë se dy kilometra të para të këtij aksi, projekti qëllimisht po zvarritet dhe refuzohet të lëshohet në përdorim. Fillimisht, Qeveria paralajmëroi gjoja një revision teknik, ndërsa sot deklarojnë se po e nisin nga e para procedurën për prokurim publik – një skenar i qartë për të bllokuar hapjen e Autostradës. Qëllimi i kësaj Qeverie është i lexueshëm: sabotimi sistematik i çdo projekti jetik që ka të bëjë me shqiptarët, duke u përpjekur të anulojë investimet që janë iniciuar nga BDI gjatë qeverisjes së kaluar. Në të njëjtën kohë, VLEN, në vend që të mbrojë interesin shqiptar, po zbaton pa diskutim urdhrat politikë të OBRM-PDUKM-së dhe po përqafon çdo vendim me prapavijë antishqiptare”, thuhet në reagimin e BDI-së.

BDI shton se pas tetorit, kur do të rikthehet si faktor udhëheqës, do të përfundojë me prioritet projektet e nisura që sot po bllokohen nga “Qeveria e re dhe aleatët e saj shqipfolës. Autostrada Shkup-Bllacë do të bëhet realitet – jo për inat të dikujt, por për të ardhmen tonë euroatlantike dhe për respektin që shqiptarët meritojnë në këtë shtet”.

The post BDI: Autostrada Shkup-Bllacë, peng i lojërave politike të Qeverisë appeared first on Telegrafi.

Nga ky shtator, Medreseja “Isa Beu” do të jetë zyrtarisht si shkollë e mesme e barabartë në sistemin arsimor të Maqedonisë së Veriut, pas më shumë se 40 vjetësh funksionimi jashtë kornizës ligjore, kështu sqarojnë nga koalicioni VLEN.

Shtojnë se vendimi i Qeverisë për miratimin e Propozim Ligjit është rezultat i përkushtimit të VLEN-it për zgjidhje ligjore e jo politika ditore.

“Ky hap i vonuar do t’i japë fund diskriminimit institucional dhe do t’u hapë rrugë të rinjve për të vazhduar studimet me diploma të njohura zyrtarisht.

Nga takimet me përfaqësuesit e Medresesë dhe BFI-së, është theksuar entuziazmi dhe falënderimi për këtë vendim, i cili ka rikthyer besimin dhe interesimin për regjistrim në këtë institucion arsimor.

Sa për dijeni, Ligji për shkollat fetare është hartuar në përputhje të plotë me Kushtetutën dhe legjislacionin në fuqi, i cili u jep të drejtë bashkësive fetare të themelojnë shkolla. Është reflektuar dhe çdo sugjerim i mëparshëm institucional nga ministritë përkatëse, në një proces të hapur dhe profesional.

VLEN siguron përkushtimin për ta çuar deri në fund këtë proces, me miratimin e ligjit në Kuvend dhe zbatimin e tij që nga ky vit shkollor.

Për VLEN-in, pushteti është amanet dhe përgjegjësi ndaj qytetarëve. Prandaj, do të vazhdojmë të jemi zë i barazisë dhe garant i të drejtave për çdo institucion që i përket trashëgimisë dhe identitetit shqiptar në Maqedoninë e Veriut”, thuhet në reagimin e VLEN-it.

The post VLEN: Pas më shumë se 40 vjetësh, medreseja do të funksionojë si shkollë e barabartë me të tjerat në sistemin arsimor në RMV appeared first on Telegrafi.

Përfaqësuesit e koalicionit VLEN, sot kanë vizituar Medresenë “Isa Beu” në Shkup, pas kalimit të ligjit në qeveri për akreditimin e Medresesë. Kryetari i Bashkësisë Fetare Islame, Shaqir Fetahu, shprehu falënderim për kalimin e ligjit në Qeveri dhe tha se kjo do të ndikojë në rritjen e numrit të nxënësve në medrese.

“Shprehim falënderime për punën që kanë bërë. këtë ditë dhe kalimin e këtij ligji e definojmë si ngjarje historike, pasi përpjekjet tona mbi katër dekada tashmë janë realizuar dhe tani medreseja dhe nxënësit e saj barazohen me nxënësit e shkollave të mesme në RMV”.

“Kam bindjen se ka pasur ambient për të shprehur gëzim për këtë ligj, kjo do të ndikojë në rritjen e numrit të nxënësve në gjithë territorin. Pasi të gjithë ata që duan të ndjekin procesin edukativo-arsimor në medrese, janë të bindur se do të kenë mundësi të vazhdojnë në të gjitha fakultetet e vendit dhe jashtë vendit”, tha mes tjerash Fetahu.

Ndërsa zv.kryeministri Izet Mexhiti, tha se është eliminuar një nga diskriminimet e të kaluarës, sa i përket nxënësve të medresesë.

“Eliminohet një diskriminim i të kaluarës, edhe përfaqësues të BFI edhe përfaqësues të politikës nuk në të kaluarën ne politikanët nuk kemi ditur të japim përgjigje pse nxënësit e medresesë “Isa Beu” nuk kanë mundur të shkollohen si të tjerët. Sot konstatojmë që eliminohet ky diskriminim dhe do të ketë barazi. Tani udhëheqësia e medresesë duhet të merret me cilësinë e mësimit dhe kushteve, ndërsa pjesa tjetër është realizuar”, tha Mexhiti.

I pyetur se kur do ta dorëzojnë në Kuvend, Mexhiti tha se pret që deri në shtator edhe zyrtarisht Medreseja “Isa Beu” të jetë e barabartë me të gjithë shkollat e mesme tjera./Telegrafi/

The post Liderët e VLEN-it vizitojnë Medresenë “Isa Beu”, Fetahu: Nxënësit e medresesë janë barazuar me nxënësit tjerë appeared first on Telegrafi.

Nga VLEN në një kumtesë për media thonë se me miratimin e Projektligjit për Lojërat e Fatit nga Qeveria, kanë nisur ofensivën më vendimtare kundër karteleve të lojërave të fatit që sipas tyre, prej vitesh e kanë shndërruar varfërinë e shqiptarëve në valutën e tyre.

Nga VLEN thonë se kanë “trashëguar një shoqëri në të cilën çdo cep, nga rrugët e fshatrave deri në qendrat e qyteteve, ishte i shënuar nga vitrinat ndriçuese të kazinove dhe pikave të basteve”.

“Mbi 7,000 aparate VLT zbrazën pa mëshirë xhepat e qytetarëve tanë, ndërsa qeveria e mëparshme betohej për “zhvillim ekonomik”. Ne po e thyejmë atë rreth vicioz: me këtë ligj, 4,000 aparate do të hiqen, duke e zvogëluar infrastrukturën e lojërave të fatit me të paktën 70%. Ky është vetëm hapi i parë, por i madh drejt një pastrimi të plotë të terrenit. Ligji ndalon reklamat e lojërave të fatit, s’ka më vende agresive që joshin mendjet e të rinjve me premtime verbuese për “fat të shpejtë”. Kazinotë dhe dyqanet e basteve po zhduken nga lagjet ku jetojnë të rinjtë”.

“Po krijojmë një zonë mbrojtëse prej 500 metrash rreth çdo objekti arsimor, në mënyrë që fëmijët të mund të arrijnë pragun e shkollës pa kaluar nëpër një korridor lojërash fati. Gjithashtu po u mbyllim derën licencave lakmitare: që tani e tutje, nuk do të ketë më një licencë për degë të pafundme. Detyrimet tatimore dhe tarifat e licencave po rriten në mënyrë dramatike, dhe çdo përpjekje për të anashkaluar sistemin do të përfundojë me konfiskim dhe përgjegjësi penale”.

“Lufta jonë nuk ndalet vetëm te adresat fizike, po e zgjerojmë atë edhe në internet. Deri më tani, kemi bllokuar më shumë se 200 faqe interneti të paligjshme që janë infiltruar në heshtje në shtëpitë e qytetarëve, duke e shndërruar jetën e tyre private të përditshme në një kazino pa mure”, thonë nga VLEN.

“Kemi filluar të çmontojmë perandorinë e lojërave të fatit që BDI ndërtoi mbi mjerimin e njerëzve. Ky është fillimi i një epoke të re në të cilën VLEN do të mbetet fort në pozicionet e saj derisa kanceri i lojërave të fatit të zhduket plotësisht nga shoqëria jonë”, thonë nga VLEN./Telegrafi/

The post VLEN: Jemi në ballë të betejës kundër lojërave të fatit, kemi filluar të çrrënjosim të keqen e mbjellë nga BDI appeared first on Telegrafi.

Kryetari aktual i komunës Bilall Kasami do të kandidojë edhe për një mandat tjetër në Komunën e Tetovës në zgjedhjet lokale që do të mbahen në tetor, njoftoi në konferencën e sotme për shtyp Zeqirija Ibrahimi, kryetar i Alternativës dhe njëri nga liderët e VLEN-it.

“VLEN deri më tani ka shpallur kandidaturat për kryetar komune me të cilat do të marrë pjesë në zgjedhjet lokale. Ne mbështesim kandidatin e pavarur për Strugën, Mendi Qyra. Ndërkohë, tashmë është e qartë se VLEN do të shkojë me Blerim Sejdiun në Zhelinë. Ende po diskutojmë për kandidatët e tjerë”, tha Ibrahimi.

Ai konfirmoi se Bilall Kasami do të kandidojë edhe për një mandat për Komunën e Tetovës.

“VLEN do ta nominojë kryetarin aktual Bilall Kasamin për një mandat tjetër në Komunën e Tetovës për zgjedhjet lokale që do të mbahen në tetor”, njoftoi ai në konferencën e sotme për shtyp.

Ai theksoi se deri në fund të këtij muaji pritet të shpallin emrat e shumicës së kandidatëve të tjerë për kryetar bashkie.

Lidhur me bashkëpunimin me OBRM-PDUKM-në, Ibrahimi theksoi se ata kanë një marrëveshje në parim për të mbështetur njëri-tjetrin në komunat në të cilat mund të ndihmojnë njëri-tjetrin./Telegrafi/

The post Bilall Kasami do të kandidojë edhe për një mandat për Komunën e Tetovës appeared first on Telegrafi.

VLEN ka reaguar ndaj pretendimeve të BDI-së se korridori 8 mban vulën e kësaj partie. Nga atje thonë gjatë qeverisjes së BDI-së nuk u ndërtua asnjë kilometër në perëndim të vendit.

“Qytetarët, shqiptarët, veçanërisht në Perëndim të Maqedonisë, e dinë mirë që nuk u ndërtua asgjë gjatë kohës kur BDI ishte në pushtet:

Zero kilometra autostradë të re në Perëndim të Maqedonisë.

Për dy dekada u asfaltua drejt Kriva Pallankës, drejt Koçanit, u bë autostrada drejt Shtipit, u ndërtua rruga drejt Radovishit dhe Strumicës, si dhe u përfundua autostrada Shkup–Gjevgjeli, ndërsa trasetë drejt Kërçovës, Strugës dhe Gostivarit u lanë në pluhur dhe harresë.

Asgjë nuk u ndërtua gjatë kohës kur BDI ishte në pushtet.

Nuk u ndërtua as drejt Bllacës, as drejt Qafë-Thanës, nuk u ndërtua rruga Kërçovë–Strugë, rruga drejt Gostivarit mbeti në gjendje tragjike – gjithçka u ndal2, thonë nga VLEN.

Nga atje thonë se korridori 8 për dhjetë vjet u shndërrua në album Facebook-u për ministra e BDI-së, pa asnjë përparim konkret në terren./Telegrafi/

The post VLEN: Gjatë qeverisjes së BDI-së në perëndim të Maqedonisë nuk u ndërtua asnjë kilometër autostradë appeared first on Telegrafi.

Koalicioni VLEN ka numëruar sot të arriturat e kësaj qeverisje në sektorin e bujqësisë.

Sipas tyre, që nga fillimi i mandatit janë paguar mbi 9 miliardë denarë subvencione të papaguara dhe janë ndërmarrë disa masa për mbrojtjen e produkteve vendore.

Njoftimi i plotë:

Me lejoni që sot t’ju informoj për masat konkrete që kemi ndërmarrë në sektorin e bujqësisë, pylltarisë dhe ekonomisë së ujërave – sektorë që përbëjnë shtyllën e jetës rurale dhe të sigurisë ushqimore në vend.

Subvencionet dhe pagesa direkte

Prej fillimit të mandatit tonë, janë paguar mbi 9 miliardë denarë subvencione të papaguara dhe aktuale për mbi 70.000 bujq, duke zhbllokuar vonesat që i kemi trashëguar dhe duke rikthyer besimin e bujqve tek shteti.

Kemi realizuar shumicën e masave dhe nënmasave të parashikuara në Programin vjetor të pagesave direkte, përfshirë:

– 2.43 miliardë denarë për prodhuesit e duhanit – subvencioni më i lartë ndonjëherë.

– 602 milionë denarë për lopët e shënuara (masë bazë dhe shtesë).

– 656 milionë denarë për prodhimin dhe dorëzimin e qumështit.

– 221 milionë denarë për delet e shënuara dhe 177 milionë denarë për qengjat e dorëzuar në thertore.

– 179 milionë denarë për bletarinë.

– 625 milionë denarë për kulturat bujqësore, përfshirë farën e certifikuar.

Masa ndërhyrëse për bujqit

Për të përballuar sfidat në treg, kemi miratuar masa ndërhyrëse si:

– 5 denarë për kg për prodhuesit e kumbullës.

– 3 denarë për kg për grurin e dorëzuar nga viti i kaluar.

– 6 denarë për kg për orizin e grumbulluar në vitin 2024.

– Rritje 100% e subvencioneve për elbin – nga 6.000 në 12.000 denarë për hektar.

Rritje rekord në çmimin e duhanit

Me përkrahje të drejtpërdrejtë dhe koordinim me blerësit e duhanit:

– Çmimi i blerjes u rrit nga 375 në 400 denarë/kg.

– Subvencioni u rrit nga 80 në 100 denarë/kg.

Kjo solli çmimin më të lartë historik për blerjen e duhanit dhe ndikoi në:

– Rritje prej 4.5 miliardë denarësh në çmimin eksportues.

– Zgjerim të sipërfaqeve të mbjella me duhan: nga 12.959 ha në vitin 2024, në 14.475 ha për vitin 2025.

Rritje e tregtisë bujqësore dhe kontraktimeve

Sipas Entit Shtetëror të Statistikës, kemi një rritje prej 5% në blerjen dhe shitjen e produkteve bujqësore në tremujorin e parë të vitit 2025 krahasuar me atë të 2024.

Janë lidhur mbi 2.100 kontrata për sipërfaqe prej 5.942 hektarësh.

Investime për bujqësinë moderne

Nga Programi për Zhvillim Rural, janë hapur thirrje publike për:

– Masa 112 – mbështetje për bujqit e rinj (18–40 vjeç), me grant 10.000 euro për nisje të aktivitetit bujqësor.

– Masa 121 – modernizimi i ekonomive bujqësore: për traktorë, mekanizëm ndihmës, sisteme ujitjeje dhe investime për prodhim vere, pijeve alkoolike dhe birrës me kapacitet të vogël.

Nga IPARD programi, janë shpallur thirrje për:

– Masa 7 – Diversifikimi i fermave dhe zhvillimi i bizneseve rurale, me fond 14 milionë euro.

– Masa 1 – Investime në asete themelore, me fond 7.4 milionë euro.

Po punojmë me intensitet për akreditimin e masave të reja të IPARD 3.

Ujërat, pylltaria dhe infrastruktura

Siguruam 250 milionë denarë për pagat në NP “Pyjet Kombëtare” dhe 100 milionë denarë për SHA “Ekonomia e Ujërave”, për të shlyer pagat e vonuara që i trashëguam nga qeveria e kaluar.

Investuam 132 milionë denarë shtesë për infrastrukturën e ujitjes, në gjithë territorin, përveç programit ekzistues mbi 7 milionë euro.

Me ndërmjetësim të drejtpërdrejtë të zëvendësministrit Albrim Hoxha, u zgjidh ngërçi për vazhdimin dhe përfundimin e projektit të sistemit të ujitjes në Kolibar – Cërvicë të Kërçovës, një projekt i rëndësishëm për bujqit dhe tokat e atij rajoni.

Mbështetje për institucionet shkencore dhe arsimin bujqësor

Janë ndarë 61.5 milionë denarë për:

– Institutin e Duhanit – Prilep,

– Institutin për Blegtori dhe Peshkim,

– Fakultetin për Shkencat Bujqësore dhe Universitetin e Tetovës.

Thjeshtim i procedurave dhe reforma ligjore

U thjeshtuan procedurat – bujqit tani dorëzojnë deklaratën e prodhimit vetëm një herë në vit për të përfituar subvencione.

U sollën ndryshime ligjore në:

– Ligjin për pyje,

– Ligjin për tokën bujqësore,

– Ligjin për gjahun dhe gjuetinë,

– Ligjin për fitofarmaci.

Po përgatisim një ligj të ri për bujqësinë dhe zhvillimin rural, për të cilin tashmë është mbajtur debat publik.

Është kryer analizë e Strategjisë Kombëtare për Bujqësi dhe Zhvillim Rural, dhe po përgatitet rishikimi i saj.

Policia pyjore dhe mbështetja për shoqatat

U pranua kërkesa e sindikatës së pavarur për njohjen e stazhit të beneficuar për pjesëtarët e policisë pyjore – kjo do të hyjë shumë shpejt në fuqi.

Në vitin 2025 janë mbështetur 54 shoqata me gjithsej 10.9 milionë denarë për panaire dhe aktivitete promovuese në zonat rurale.

Të nderuar qytetarë,

Këto nuk janë vetëm shifra. Janë ndryshime reale në jetën e bujqve, fermerëve, punëtorëve pyjorë dhe gjithë atyre që jetojnë dhe punojnë në fshat.

Si Koalicion VLEN, kjo periudhë flet vetë: kemi qenë pranë bujqve shqiptarë.

Gjatë kësaj kohe kemi dëshmuar me vepra përkushtimin tonë ndaj zhvillimit të bujqësisë dhe mbështetjes së bujqve shqiptarë. Kemi rritur subvencionet, kemi mbështetur fermerët e vegjël dhe kemi hapur mundësi të reja për investime në sektorin rural.

Angazhimi ynë ka qenë i qartë: një bujqësi më e fortë, më moderne dhe më e drejtë për të gjithë.

The post VLEN: Nga fillimi i mandatit kemi paguar mbi 9 miliardë denarë subvencione të papaguara për bujqit, kemi investuar për një bujqësi të fortë dhe të sigurt appeared first on Telegrafi.

Zgjedhjet lokale në Maqedoninë e Veriut po afrohen, ndërsa partitë politike kanë nisur me kalkulimet se si do të dalin në garë. Ende nuk është zyrtarizuar asgjë, por ajo që dihet është se partitë në pushtet do ta përkrahin njëra-tjetrën, madje që në raundin e parë në disa komuna.

Kryeministri Hristijan Mickoski, tha se negociatat me VLEN-in dhe ZNAM-in që janë partnerë qeverisës, po shkojnë në drejtim të mirë. Mickoski tha se pret që të kenë mbështetje reciproke të partive në qeveri.

“Sa i përket ZNAM-it, kemi marrëveshje në parim që ata do të kandidojnë me listat e tyre të këshilltarëve, koalicioni i udhëhequr nga OBRM-PDUKM do të kandidojë me listat e tyre, dhe në ato komuna ku vendosim të mbështesim një kandidat, qoftë nga koalicioni i udhëhequr nga OBRM-PDUKM apo ZNAM, njëri apo tjetri nuk do të nominojë kandidat, ata do të mbështesin njëri-tjetrin”.

“Sa i përket koalicionit VLEN, pres që të mbështesim kandidatët e këtij koalicioni në raundin e parë sepse besojmë fuqimisht se partia që nuk ka bërë asgjë për më shumë se 20 vjet dhe fokusi kryesor i së cilës ishte lëshimi i licencave të marihuanës, hapja e kazinove dhe loja e futbollit në zyra, mendoj se duhet të mposhtet në këto zgjedhje dhe të hyjë në histori në skenën politike maqedonase”, tha Mickoski, duke iu referuar BDI-së për dështimet në vitet e fundit.

Edhe kryetari i Komunës së Tetovës, Bilall Kasami, i cili pritet të nominohet edhe për një mandat nga radhët e VLEN-it, tha se do të kenë marrëveshje me partitë e qeverisë për zgjedhjet lokale.

“Jemi në fazën e analizës së kandidatëve të VLEN-it. Nuk kemi vendosur nëse do të nxjerrim kandidat në Shkup. Kur do të kemi vendim edhe për komunat tjera do të kemi qëndrim kandidatëve tjerë. Ajo që e kam thënë është që si koalicion qeveritar, do të ketë bashkëpunim, në drejtim të përkrahjes së kandidatëve që do të shkojnë në raundin e dytë”.

“Sa i përket raundit të parë ne do të shkojmë në të gjitha komunat ku ka gjasa reale që edhe kandidati shqiptarë të garojë për kreun e komunës”, tha Kasami.

Situata është më interesante në kampin opozitar shqiptar, e cila pritet të zgjerohet edhe me kalimin e Arben Taravarit nga qeveria. Ky i fundit në një deklaratë për media para disa ditëve tha se së shpejti do të dalin me emrat e kandidatëve për kryetarë së bashku me partitë tjera të siç e quajti ai “Aleancës Kombëtare”.

“Së shpejti në koordinim me partitë që do të dalim së bashku në zgjedhje si Aleancë Kombëtare, do të promovojmë emrat e kandidatëve të cilët do të jenë të pranuar nga të gjithë. Emri i koalicioni nuk është përfundimtar nëse do të jetë Aleanca Kombëtare ose Fronti Kombëtar”, tha Taravari.

Ndërsa i pyetur kur do të ketë takim me Ali Ahmetin për të definuar bashkëpunimin në zgjedhjet lokale, Taravari tha se do të ketë grupe pune që do të merren me këtë çështje.

“Do të ketë grupe pune që do të vazhdojnë të koordinohen dhe do të shohim nëse do të dalim me lista të përbashkëta ose të veçanta. Unë si kryetar jam që të dalim me lista të veçanta, por për këtë duhet të vendos kryesia e partisë”, tha Taravari.

Përveç kandidatëve partiak në zgjedhjet lokale do të marrin pjesë edhe kandidatë të pavarur. I tillë është Mendi Qyra për Komunën e Strugës, por i cili do të merr mbështetjen e koalicionit VLEN. Ndërsa sot kandidaturë të pavarur për Komunën e Gostivarit ka shpallur edhe Visar Ademi.

Lexo po ashtu Mendi Qyra shpall kandidaturë për Komunën e Strugës: Ftoj partitë politike të më mbështesin

Ndryshe, zgjedhjet lokale do të shpallen në muajin gusht ndërsa të njëjtat pritet të mbahen më 19 tetor, ndërsa do të votohet për 80 komuna dhe Bashkinë e Shkupit./Telegrafi/

The post Kush kë do ta mbështesë në zgjedhjet lokale – partitë politike nisin me deklarata zyrtare appeared first on Telegrafi.

Përfaqësuesi i VLEN-it Fatmir Sabriu, sot në konferencë për shtyp tha se do të dorëzojnë kallëzim penal kundër ish-udhëheqësisë së Entit Shtetëror për Statistikë, personave tjerë në kryesinë e ish-Qeverisë së BDI-së dhe LSDM-së, për siç tha, marrëveshjeve politike në lidhje me regjistrimin e popullsisë.

Siç tha ai, arsyeja për kallëzimin është dyshimi serioz për marrëveshje politike dhe si pasojë e kësaj, falsifikim i rezultateve të Regjistrimit të vitit 2021.

“Pasojat e këtij akti janë të thella: numri i shqiptarëve të paraqitur në shumë fshatra, vendbanime dhe qytete është ulur në mënyrë drastike dhe të vetëdijshme. Me këtë, shqiptarët humbasin shumë të drejta personale dhe individuale (të garantuara me Kushtetutë), siç janë: punësimi, përfaqësimi politik dhe barazia gjuhësore. Po ashtu, edhe institucionet janë vënë në pozitë të marrin vendime për ndarjen e mjeteve dhe fondeve bazuar në të dhëna të gabuara dhe të zvogëluara, me ç’rast qytetarët në shumë komuna janë dëmtuar. Kërkojmë nga Prokuroria Publike të hetojë këto dyshime”.

“Për më tepër, ditëve të fundit funksionarë të lartë të BDI-së kanë pranuar publikisht se “regjistrimi ishte në kuadër të marrëveshjes”, çka e përforcon edhe më shumë dyshimin për një skenar politik të gjithë operacionit. VLEN ndërmerr këtë iniciativë në mbrojtje të ligjshmërisë, barazisë dhe pasqyrës reale statistikore të shtetit. Presim që Prokuroria të hapë menjëherë lëndë, të sigurojë të gjitha provat materiale dhe të zhvillojë një hetim të plotë. Nuk ka kompromis kur preket dinjiteti dhe numri i popullatës tone. Lufta për drejtësi fillon tash dhe do ta vazhdojmë deri në fund, në interes të të gjithë qytetarëve të Republikës së Maqedonisë së Veriut”, thonë nga VLEN./Telegrafi/

The post VLEN: Do të dorëzojmë kallëzim penal për ish-udhëheqësinë e ESHS-së për manipulim të numrit të shqiptarëve appeared first on Telegrafi.

Zv.kryeministri në Qeverinë e RMV-së Arben Fetai, ka qenë i ftuari i radhës në emisionin “PodGo” me të cilin kemi diskutuar për Qeverinë e re, BDI-në, VLEN-in, si dhe zgjedhjet lokale.

Ai tha se BDI-ja ende nuk mund të ambientohet me rolin e opozitës për shkak të siç tha, më shumë se dy dekadave në pushtet. Ai i bëri thirrje opozitës shqiptare që të jenë konstruktive dhe të propozojnë zgjidhje konkrete.

“Janë opozitë e re, pas dy dekadave në pushtet e kanë të vështirë të ambientohen. Është mirë që të reflektojnë si opozitë dhe të propozojnë zgjidhje konkrete. Nuk janë aspak konstruktivë. Nga ana e tyre vetëm shohim përpjekje për të tensionuar situatën, për të rritur mosdurimin mes komuniteteve në vend, por të gjitha kanë dështuar. Ka një vit që flasin për protesta”.

“Në baza ditore i shohim pasojat e qeverisjes së BDI-së. Sot temë aktuale vendimi i Gjykatës Kushtetuese që e konfirmoi atë që atëherë e kemi thënë si opozitë në lidhje me regjistrimin e popullsisë. Është e pafalshme ajo që e bënë kur krijuan kategorinë e popullatës rezidente. Kushtetuta jonë përmend vetëm popullatë të përgjithshme. Këtë e bënë në mënyrë të paligjshme. Kjo nuk do të thotë se regjistrimi do të anulohet, po pasojat e regjistrimit janë të shumëfishta”, tha Fetai.

Sa i përket Ligjit për përfaqësim të drejtë dhe adekuat, ai tha se draftin e ka pasur gati para katër viteve dhe se i njëjti është bazuar në shembuj të shteteve evropiane.

“Draftin e kam pasur gati që para katër viteve. Ligji për përfaqësim të drejtë dhe adekuat, gjëra e parë që e kemi bërë është të shohim praktikat evropiane dhe kam qenë në kontakt me partnerët ndërkombëtar dhe disa shtete ku ka përvoja të tilla, siç janë Zvicra, Belgjika, Itali dhe Sllovenia. Në asnjë vend nuk ka ligj të tillë që detajon në atë masë praktikat e zbatimit. Zbatimi i ligjit do të ketë kontroll politik. Do të dërgohet në Komisionin e Venecias dhe pas skadimit të afateve do të kthehet për procedura tjera”, tha Fetai.

Ai shtoi se dakordimi që Ligji për përfaqësim të drejtë dhe adekuat të dërgohet në Komisionin e Venecias është arritur në mes Arben Taravarit dhe kryeministrit Hristijan Mickoski.

Ndërsa i pyetur për ASH-në, ai tha se ka vetëm një ASH dhe të tjerët i quajti patericë të BDI-së.

Ndërsa sa i përket VLEN-it, ai tha se për momentin funksionojnë si federatë partish dhe se në këtë model do të shkojnë në zgjedhjet lokale.

“Për momentin jemi federatë partish, në zgjedhje do të shkojmë në këtë format, besojmë që do të fitojmë pjesën dërmuese të komunave shqiptare. Për momentin bëjmë sondazhe për të gjetur kandidaturat më të mira. Është një kandidaturë e pavarur që është Mendi Qyra në Strugë, të cilin do ta mbështesim si VLEN”, tha Feta./Telegrafi/

The post Fetai: BDI nuk mund të ambientohet në opozitë, VLEN është më kompakt se kurrë appeared first on Telegrafi.

Bashkimi Demokratik për Integrim e akuzon  koalicionin VLEN se po legjitimojnë dhe zbatojnë një politikë nacionaliste antishqiptare të udhëhequr nga OBRM-PDUKM dhe Mickoski.

Sipas BDI-së, përmes institucioneve të kapura, po tentohet rrënimi i barazisë etnike, heqja e gjuhës shqipe nga institucionet, dhe përjashtimi i shqiptarëve nga pozitat kyçe.

Reagimi i plotë:

Që në vitin 2022, lideri i opozitës, Hristijan Mickoski, refuzoi publikisht t’i pranojë rezultatet e regjistrimit të popullsisë, duke aluduar veçanërisht në faktin se shqiptarët përbëjnë 29.5% të popullsisë së përgjithshme. Ai atëherë premtoi se, sapo të vinte në pushtet, do të organizonte një “regjistrim elektronik” për të “korrigjuar” rezultatet. Kjo nuk është një rast i izoluar, por pjesë e një sërë premtimesh nacionaliste të përmbledhura nën sloganin “t’iu tregohet vendi shqiptarëve”. Prandaj nuk na befasojnë as hapat e këtij segmenti të qeverisë, e as institucionet që ata kanë arritur t’i kapin, siç janë Gjykata Kushtetuese, Prokuroria Publike etj. Secila prej tyre po punon aktivisht për zbatimin e programit elektoral të OBRM-PDUKM-së dhe premtimeve të Mickoskit: përmes shfuqizimit të Balancuesit, rrënimit të mekanizmave kundër majorizimit, heqjes së gjuhës shqipe nga institucionet, si dhe përjashtimit të shqiptarëve nga pozitat e larta në administratë, në shërbimet e sigurisë, në mbrojtje, etj.

Të shantazhuar dhe të kapur, ata krijojnë përshtypjen e rreme se qeveria është multietnike dhe se brenda saj dikush po i mbron interesat e shqiptarëve.
Shqiptarët nuk janë naivë dhe nuk do të pranojnë kurrë të bëhen subjekt i një “inxhinieringu digjital” nga ana e pushtetit, pa marrë parasysh që në këtë operacion po marrin pjesë aktive edhe shqiptarët e VLEN-it. Keto perpjekje nuk do te kalojne. Për kete i sigurojme edhe shqiptaret por edhe ata qe jane duke i bere keto perpjekje te rrezikshme per ardhmërinë e shtetit”, thonë nga BDI.

The post BDI: Mickoski erdhi në pushtet me premtimin që “t’iu tregohet vendi shqiptarëve”, VLEN-i po i ndihmon në zbatimin e këtyre politikave diskriminuese appeared first on Telegrafi.

Koalicioni VLEN përmes një press konference ka reaguar ndaj temës aktuale për regjistrimin e popullsisë në vitin 2021, informon Telegrafi Maqedoni.

Ata akuzojnë ish-qeverisjen LSDM-BDI, duke shtuar se me urdhëra të asaj qeveria Enti Shtetëror i Statistikave ka manipuluar duke i ndarë shqiptarët në rezidentë dhe jorezidentë.

Reagimi i plotë:

Jemi mbledhur sot për të hedhur dritë mbi një nga padrejtësitë më të mëdha institucionale që i është bërë ndonjëherë popullit shqiptar në Maqedoninë e Veriut: regjistrimi i popullsisë i vitit 2021. Ky nuk ishte një proces statistikor. Ky ishte projekt politik, i ideuar për të zvogëluar shqiptarët në letra, për t’i fshirë nga statistikat, për t’i nxjerrë jashtë vendimmarrjes.
Me firmën e BDI-së dhe me zbatimin teknik të LSDM-së, Enti Shtetëror i Statistikave u shndërrua në instrument të manipulimit, duke ndarë shqiptarët në “rezidentë” dhe “jorezidentë”, një ndarje e paimagjinueshme, që kishte vetëm një synim: të përjashtojë nga llogaritja mijëra shqiptarë të diasporës. Diaspora jonë, që e ka mbajtur në këmbë ekonominë e këtij vendi për dekada, u trajtua si e padukshme, si statistikisht e pavlefshme, si problem për t’u shmangur.
Por pse? Sepse diaspora nuk mund të kontrollohej nga BDI-ja. Nuk mund të frikësohej, nuk mund të blinte vota, nuk mund të manipulohej. Kështu lindi mashtrimi më i madh i regjistrimit: etiketimi i qëllimshëm si “jorezidentë”. Kjo nuk ishte gabim, ishte kalkulim cinik tribal: Sa më pak shqiptarë në numra, aq më pak rrezik për pushtetin tonë.
Pyesim publikisht: Si është e mundur që në Reçicë të Vogël regjistrimi të numërojë vetëm 1.653 shqiptarë mbi 18 vjeç, ndërsa në zgjedhjet e fundit të dalin mbi 2.400 vota vetëm për partitë shqiptare?

Pyesim:
Si është e mundur që në fsh. Zhelinë të ketë 3432 banorë e 4103 votues? Si është e mundur që në fsh.Strimnic të ketë 1937 banorë të regjistruar e 2644 votues? Dhe kjo gjendje vazhdon edhe ne shume fshatra tjerë? A ka përdorur BDI lista të fryra për të mbushur kutitë? Apo ka shpërngulur njerëzit në “botën e statistikave të fshehta”? Dhe si në çdo skemë mashtrimi, në fund u shtua edhe “qershia mbi tortë”: një kategori fantazmë, “persona për të cilët të dhënat janë marrë nga burime administrative”. Kjo kategori nuk ekziston në asnjë ligj, por prodhoi mbi 132.000 banorë të panjohur, shumica maqedonas, ndërsa shqiptarët e vërtetë, ata të diasporës, u zhdukën qëllimisht nga numrat.
Dhe më në fund, Gjykata Kushtetuese, para dy ditësh, e rrëzoi këtë mashtrim të ligjshëm, duke shpallur antikushtetues ndarjen “rezident/jorezident”. Kjo është fitore e së vërtetës, dhe dënim moral për tradhtarët e interesit kombëtar”.

Nga VLEN shtojnë se janë për përfaqësim të drejtë dhe adekuat, duke potencuar se edhe mërgimatarët janë rezidentë.

The post VLEN: Me ndikimin e LSDM-së dhe BDI-së, Enti Shtetëror i Statistikave manipuloi duke i ndarë shqiptarët në rezidentë dhe jorezidentë appeared first on Telegrafi.

“Vendimi i Gjykatës Kushtetuese konfirmon atë që ne në VLEN e kemi thënë me kohë: regjistrimi i fundit i popullsisë, i udhëhequr nga qeverisja e atëhershme BDI-LSDM, ishte një ndër veprimet më të dëmshme dhe fyese për diasporën shqiptare”, kështu reagua nga koalicioni VLEN.

Sipas tyre, qeverisja e kaluar, përmes Entit të Statistikave dhe në koordinim të plotë me strukturat politike të BDI-së, krijoi kategori “popullsi rezidente” dhe “jorezidente”, duke i trajtuar mërgimtarët tanë si qytetarë të dorës së dytë.

“Kjo ishte akt i qëllimshëm politik për ta minimizuar peshën reale të shqiptarëve në shtet. Kjo ishte përpjekje për ta zhbërë kontributin dhe peshën politike të diasporës shqiptare, për interesa të ulëta partiake. Në një përpjekje të dëshpëruar për të larë duart nga përgjegjësia, BDI nxjerr një deputet për të mbrojtur padrejtësinë që ia bëri mërgatës shqiptare, me argumente të stërholluara por të zbrazëta. Ne në VLEN e themi qartë: dëmi është bërë, por ne do ta korrigjojmë kudo ku është e mundur! Vendimi i Gjykatës Kushtetuese është fitore e së drejtës, fitore e diasporës shqiptare dhe dëshmi se shteti nuk mund të sillet me arrogancë ndaj qytetarëve të vet.
VLEN është i përkushtuar që të vendos dinjitetin e mërgatës shqiptare, ta përfshijë plotësisht në jetën politike e institucionale dhe të korrigjojë çdo padrejtësi të trashëguar nga qeverisjet e kaluara”, thuhet në komunikimin e VLEN-it.

The post VLEN: Regjistrimi i popullsisë nga qeverisja LSDM-BDI ishte ndër veprimet më të dëshme dhe fyese për diasporën shqiptare appeared first on Telegrafi.

Kuvendi miratoi ligjin për “One Stop shop” për vendkalimin kufitar në Tabanoc. Deputeti i koalicionit VLEN Bekim Qoku tha se kjo po vjen në prag të hapjes së sezonit të pushimeve verore, ku mërgimtarët po kthehen tek familjet e tyre.

“Përveç shkurtimit të pritjeve, me këtë projekt, lehtësohet qarkullimi dhe tregtia, por edhe forcohen lidhjen me shqiptarët në Luginën e Preshevës”, thanë nga VLEN.

“Sot në Kuvend miratuam ligjin e “One stop shop-it”, për vendkalimin kufitar të Tabanocës. Me këtë u dhamë fund kolonave të gjata pritjeve me orë të tëra dhe nervozeve të shumta vetëm për të kaluar kufirin e fundit vetëm disa kilometra përpara se të arrijnë në shtëpi pranë të afërmve tanë”, tha Bekim Qoku, deputet i koalicionit VLEN.

The post Miratohet ligji për “One Stop Shop” në Tabanoc, Qoku: Mërgimtarët duhet të ndjejnë lumturi, jo stres appeared first on Telegrafi.

Koordinuesi i grupit të deputetëve të VLEN-it, Bekim Qoku, sot në konferencë tha se nuk do të ketë zgjedhje të parakohshme parlamentare së bashku me lokalet në vjeshtë, pasi që paraprakisht koordinuesi i grupit të deputetëve të Frontit evropian, Blerim Bexheti u bëri thirrje VLEN-it dhe OBRM-PDUKM-së në pushtet për zgjedhje të parakohshme.

“BDI me kërkesën për zgjedhje të parakohshme parlamentare edhe njëherë dëshmon se janë shndërruar në parti politike pa ide dhe vizion. Të vetëdijshëm e çdo ditë e më shumë po ngushtohen si subjekt politik, të përballur me largime të vazhdueshme nga anëtarësia e tyre, shpëtimin e shohin në gënjeshtra të trilluara ndaj simpatizuesve të vet se gjoja qeveria po bie dhe BDI po kthehet, por atë nuk e beson as rrethi i tyre më i ngushtë. Me VLEN-in në Qeveri nuk do të ketë më persona me 20 vite përvojë pune dhe akoma të jesh bashkëpunëtor i ri. Sot kemi shqiptarë të cilët gëzojnë dinjitet që në vitin e parë të sundimit tonë. VLEN-i e prezanton legjitimitetin e plotë të popullit shqiptar, diçka që fuqishëm dhe qartë e përjetuam në zgjedhjet e fundit parlamentare me 107 mijë vota, ndërkaq akoma më qartë do ta dëshmojmë me fitore absolute në zgjedhjet lokale”, theksoi Qoku.

Lexo po ashtu Bexheti: Fronti Europian kërkon zgjedhje të parakohshme parlamentare së bashku me ato lokale

Në pyetjen e gazetarëve lidhur me Ligjin për përfaqësim të drejtë, Qoku theksoi se nesër do të gjendet në mbledhje të Qeverisë dhe se së shpejti pritet të hyjë në procedurë parlamentare.

Ndërsa për atë nëse dihen kandidatët për kryetarë të komunave për zgjedhjet e ardhshme lokale dhe nëse janë sjellë vendime për ndonjë koalicionim parazgjedhor, Qoku tha se ende po zgjasin bisedimet dhe anketat, duke cekur se VLEN-i së shpejti do ta kumtojë kandidatin e pavarur për kryetar të Komunës së Strugës.

The post Qoku: Ligji për përfaqësim të drejtë nesër kalon në Qeveri, nuk do të ketë zgjedhje të parakohshme parlamentare appeared first on Telegrafi.

VLEN ka dalë me reagim pas bombardimeve amerikane në objektet bërthamore të Iranit, duke thënë se janë kundër përhapjes dhe përdorimit të armëve bërthamore, si dhe kundër çdo kërcënimi bërthamor.

Si pjesë e qeverisë, VLEN thekson mbështetjen për veprimet e vendosura dhe diplomacinë e partnerëve strategjikë si SHBA, NATO dhe BE.

“Maqedonia e Veriut gjithmonë angazhohet për paqe! Shteti ynë, VLEN mbështesin përpjekjet e partnerëve strategjikë për mbrojtjen e sigurisë globale. Si subjekt politik serioz pjesë e pushtetit, jemi kundër përhapjes dhe përdorimit të armëve bërthamore si dhe kundër kërcënimeve bërthamore, dhe në këtë drejtim japin mbështetje për veprimet e fuqishme dhe të vendosura si dhe diplomacinë e partnerëve tanë drejt arritjes së këtij qëllimi”.

“Maqedonia e Veriut është partnere e përkushtuar e ShBA-së, NATO-s dhe BE-së. Ne kemi nevojë për një botë ku siguria dhe dialogu janë vlera që askush nuk guxon t’i rrënojë”, thonë nga VLEN.

The post VLEN për bombardimet amerikane në Iran: Maqedonia e Veriut angazhohet për paqe appeared first on Telegrafi.

Koalicioni VLEN ka hapur sonte shtabin zgjedhor të zgjedhjeve lokale të tetorit, informon Telegrafi Maqedoni.

Para të pranishmëve në sheshin Skenderbeu në Shkup, fjalë rasti patën liderët e partive përbërëse të VLEN-it.

Bekim Qoku nga Vetëvendosje tha se kjo qeverisje ka punuar me vepra dhe jo fjalë, siç dikur bënte qeverisja e kaluar.

“Në fushatë kisha një thënjë “Erdhi dita, Ali opozita, erdhi data, BDI non-grata”, ne si mund te krahasohemi me ata që nuk investonin por shihnin interesin, me ata që  blenin qëndra tregtare teksa ne ndajme mjete për univeristetet shqiptare, ne ndërtojme korridorin tetë, teksa ata nuk lëshuan asnjë kilometër rrugë. VLEN janë me Albin Kurtin, janë me Shqipërinë, për NATO dhe BE” tha Qoku.

Zëvendëskryeministri, Arben Fetai tha se ish-bashkëpartiakëve të VLEN-it, ju ranë maskat, pasi tanimë po shihet se ASH po afrohet në bashkëpunim më BDI-në.

“U bashkuam kundër BDI-së, kunder llotarisë, kundër Soravisë. Shokëtë tanë ju ranë maskat, a torturuan për pesë muaj më tema për lista në ndara, duke dashur të kontrabandoj votuesin shqiptar për interesa tjera. Qeverisja e mirë është angazhim i përditshëm në interes të qytetarëve, ne duam institucione qe punojnë për popullin”, tha Fetai.

Kryetari i Komunës së Tetovës, Bilall Kasami tha se kryetarët e komunave që janë pjesë e VLEN-it kanë punuar për shumë projekte komunale në të mirë të qytetarëve.

“Sot jemi në sheshin Skenderbeu, ne Cairin e kryetarit të cilin po e sulmojnë vazhdimisht, mirëpo kjo komunë ka pasur zhvillimin ndoshta më të madh nga komunat e tjera të Shkupit. U bë Cairi, u bë ëdhe Tetova. Për një mandat përgjysmuam borxhin e Komunës së Tetovës, si një synim që tashmë e kemi realizuar. Sot Tetova flet për rini, flet për verën kulturore, flet për projekte të reja ne të mirë të shoqërisë”, tha Kasami.

Zëvendëskryeministri i parë, Izet Mexhiti tha se VLEN ka realizuar punë që BDI në 20 vitet e kaluara i kishtë lënë në harresë.

“Frontit tash me Taravarin bëhen 10 parti, po edhe me atë do t’i fitojmë. Anëtarësia e ASH-së e braktis Taravarin dhe bashkohen me Arben Fetain. Ne po përmirësojmë atë që ata nuk e bënë për 20 vite. Thanë që rrezikohet gjuha shqipe, mirëpo u shkarkuar gjykatësja që tentoi ta prekë atë ligj. Balancuesin e shfuqizoi gjykata e tyre, mirëpo ne do e rregullojmë me ligjin për përfaqësim të drejtë këtë punë. Për nje vit zgjedhim dhe problemin me medresantët, pra po sjellim ligj të veçantë për medresenë Isa Beu. Për një vit 226 faqe onlinë të kazinove të BDI-së dhe Grubit janë mbyll”, tha Mexhiti.

Kryetari i Alternativës, Zeqirja Ibrahimi në fjalimin e tij tha se hapja e shtabit zgjedhor është kapitull për një fitore të re.

“Sonte nuk po hapim shtab por po hapim kapitullin e fitores së këtij viti. Populli do të vendos a janë me VLEN-in për zhvillimin e komunave shqiptare, apo janë për kthimin e BDI-së? Nesër në Shkup do të mbahet parada e krenarisë, BDI-LSDM tentuan ta ndrrojnë kodin civil në vitin 2022, mirëpo ju doli dardhë me bisht. Nëse jo për diçka tjetër, së paku vetëm pse VLEN mbron familjen tradicionale, duhet ta përkrahni”, tha Ibrahimi.

Shefi i Shtabit Zgjedhor, Adnan Azizi tha se shqiptarët janë punësuar në qeverisjen e VLEN-it, ndaj me këtë ritëm do të vazhdojnë dhe tutje.

“Hapja e këtij shtabi qendror do të vijojë dhe më hapjen e shtabeve të tjera. Punësimet e shqiptarëve po ndodhin në këtë qeverisje, 600 punesime dhe avansime, ndaj duhet të angazhohemi maksimum në keto zgjedhje, të dëshmojmë se VLEN-I është projekt afatgjatë I shqiptarëve. Për një shoqëri më të pastër, më të ndershme dhe më dinjitoze”, tha Azizi. /Telegrafi/

The post VLEN hapi shtabin qendror zgjedhor: Për një vit qeverisje realizuam punët që BDI nuk i realizoi për 20 vite në pushtet appeared first on Telegrafi.

ASH, krahu i Arben Taravarit, sot ka shprehur shqetësimin serioz për diskriminimin që u bëhet shqiptarëve nëpër institucionet shtetërore.

“Derisa VLEN lavdërohet me disa punësime që numërohen në gishtat e njërës dorë, publiku është dëshmitar se brenda një viti ka pasur rreth 1.000 punësime maqedonasish, ndërsa numri i shqiptarëve të punësuar mbetet qesharak dhe shqetësues – madje edhe në institucione që drejtohen nga eksponentë të VLEN-it.

A është kjo mënyra se si VLEN dëshiron ta shesë dështimin si arritje, kur mbarë popullata shqiptare e thotë fuqishëm se më keq se sot, kurrë nuk kanë qenë?

E rikujtojmë VLEN-in se deshqiptarizimi i administratës dëshmohet me fakte: nga 205 punësimet e fundit, vetëm dy ishin shqiptarë.

Sipas të dhënave publike dhe lehtësisht të verifikueshme, nga gjithsej 205 punësime dhe avancime të fundit në institucione si Enti i Statistikave, Arkivi Shtetëror, Drejtoria e të Ardhurave Publike, Ministria e Kulturës, Dogana, TEC Manastir dhe të tjera, vetëm 2 shqiptarë janë punësuar apo avancuar, në krahasim me 203 maqedonas. Ky disproporcion është tregues i qartë i një politike të drejtuar për të zbehur përfaqësimin shqiptar në administratë.

Nga ana tjetër, afrimi i zgjedhjeve lokale gjithnjë e më shumë nxjerr në sipërfaqe dështimet e VLEN-it ndaj partnerëve maqedonas në qeveri. Kjo falë faktit se publikisht, Stoilkoviq ua ndalon të flasin shqip, si dhe me ndarjen e mjeteve për qindra projekte nga ministria që ai drejton për maqedonasit, serbët dhe romët, ndërsa shqiptarëve u pranohen vetëm tre projekte – edhe ato persona të afërt me Arben Fetain. Po ashtu, Angellov këto ditë, në një paraqitje publike, pohoi me zë dhe figurë se pas zgjedhjeve lokale do ta miratojnë Ligjin për “Branitellat” pa e pyetur fare VLEN-in”, thuhet në kumtesën e ASH-së./Telegrafi/

The post ASH, Taravari: Shprehim shqetësimin për diskriminimin që u bëhet shqiptarëve nëpër institucionet shtetërore appeared first on Telegrafi.