Këngëtarja me famë botërore, Rita Ora, ka ndarë me ndjekësit një moment shumë të veçantë familjar, duke uruar bashkëshortin e saj, regjisorin e njohur Taika Waititi, për 50-vjetorin e lindjes.

Çifti e festoi këtë ditë të rëndësishme me një organizim madhështor në Ibiza të Spanjës, ku të pranishëm ishin miq e familjarë nga e gjithë bota.

Rita publikoi disa fotografi të paharrueshme nga mbrëmja festive, shoqëruar me një dedikim emocional për partnerin, i cili shënon një prej kapitujve më të rëndësishëm në jetën e tij.

Në postimin e saj në Instagram, këngëtarja shkroi: “Gëzuar 50-vjetorin, dashuri! E di që është një moment i madh për ty. Jam kaq krenare për gjithçka që ke arritur dhe për të gjitha ëndrrat e pafundme që ende ke dhe dëshiron t’i realizosh”.

Lexo po ashtu Të gjitha lajmet nga Rita Ora

“Ti më frymëzon çdo ditë. Faleminderit gjithë familjes dhe miqve tanë që erdhën nga e gjithë bota për të festuar me ne! Nuk po qaj unë… po qani ju! Më në fund jam më mirë dhe mund të postoj për këtë”, shtoi mes tjerash.

E në fund tha: “Dhe një falënderim i madh për Max dhe Jane për mikpritjen tuaj të mrekullueshme! Për vëllanë tim dhe familjen, Vas Morgan që gjithmonë janë mbështetja jonë dhe më ndihmuan ta bëjmë këtë magji realitet”.

Festa në Ibiza u përshkua nga muzikë, atmosferë festive dhe praninë e njerëzve më të dashur për ta, duke e kthyer këtë 50-vjetor në një kujtim të paharrueshëm për Taika Waititin. /Telegrafi/

 

View this post on Instagram

 

A post shared by RITA ORA (@ritaora)

The post Rita Ora me fjalë emocionuese për bashkëshortin Taika Waititin në 50-vjetorin e lindjes – publikon pamje nga festa në Ibiza appeared first on Telegrafi.

Aktorin e njohur të “Thor”, Chris Hemsworth, e gjeti fundjava duke festuar 42-vjetorin në stil madhështor, i rrethuar nga miq të famshëm në Ibiza – dhe Rita Ora spikati me paraqitjen e saj mahnitëse.

Pas një dreke në restorantin e njohur për VIP-a Casa Jondal dhe një udhëtimi me jaht luksoz në ujërat e kristalta të Ibizas, festa mori vëmendje jo vetëm për listën e të ftuarve, por edhe për stilin e pop-yllit shqiptar.

Rita, e veshur me bikini elegante dhe syze dielli, dukej plot gjallëri teksa qeshte dhe bisedonte me Hemsworth-in dhe miqtë e tjerë të pranishëm, shkruan DailyMail.

Në mesin e të ftuarve ishin gjithashtu bashkëshorti i saj, regjisori Taika Waititi, Matt Damon, vëllezërit Liam dhe Luke Hemsworth, si dhe Patrick dhe Pia Whitesell.

Atmosfera ishte e gjallë, me dolli, biseda të qeshura dhe momente të paharrueshme buzë detit.

Ndërsa Chris shijonte festën, Rita shkëlqente nën diellin e Ibizas, duke tërhequr vëmendjen me karizmën dhe elegancën e saj natyrale.

Ky ishte një nga ato raste ku prania e saj sillte një energji të veçantë në çdo imazh të kapur nga kamera.

Megjithëse bashkëshortja e Chris, Elsa Pataky, nuk ishte e pranishme në festë, ajo i bëri një urim të ëmbël në rrjetet sociale ditën tjetër, ndërsa Hemsworth dhe miqtë e tij vazhdonin të përmbyllnin një fundjavë të paharrueshme në stilin më luksoz të mundshëm. /Telegrafi/

The post Rita Ora shkëlqen në ditëlindjen luksoze të Chris Hemsworth në Ibiza, vë në pah linjat e definuara të trupit në paraqitje me bikini appeared first on Telegrafi.

Rita Ora, bleu rezidencën në fjalë në vitin 2021 një pronë historike me vlerë 7.5 milionë paund (8.6 milionë euro) në veri të Londrës, e klasifikuar si ndërtesë e mbrojtur (Grade II). Por, duket se ajo nuk e dinte se ishte zhvendosur pranë një grupi fqinjësh NIMBY (“Not In My Back Yard”), të cilët më herët ishin ankuar edhe për renovimet e shtëpisë së saj.

Tani, pas paraqitjes së projektit nga arkitekti i Ritës, për një palestër të vendosur në oborrin e ulët të pronës, fqinjët janë sërish në alarm. Një grup banorësh nga një bllok apartamentesh aty pranë, kanë dorëzuar një ankesë të përbashkët.

Në dokumentin e tyre thuhet: “Banorët që zgjodhën këtë zonë për qetësinë e saj, nuk duhet të detyrohen të jetojnë me ndriçim artificial, zhurma të amplifikuara apo humbje të privatësisë”.

Ata shtuan gjithashtu se, pavarësisht se projekti përmend izolim akustik, dyert e mëdha rrëshqitëse sugjerojnë se mund të ketë muzikë dhe zëra me volum të lartë në çdo orë.

Fqinjët përmendën se në një pronë ngjitur ekziston një rregull strikt që ndalon grumbullimet e mëdha apo festat, pikërisht për të ruajtur qetësinë dhe respektin mes banorëve.

Ankesa vijon: “Ky propozim minon marrëveshjen e përbashkët për ruajtjen e paqes dhe rrezikon të shkaktojë konflikte, ankesa apo edhe procese gjyqësore”.

Një tjetër banor, kagritur madje shqetësimin nëse ndërtimi i palestrës do të pengojë ketra dhe dhelpra që jetojnë aty pranë. Pavarësisht gjithë kësaj polemike, palestra e planifikuar nga Rita do të jetë e izoluar plotësisht nga zhurma. Megjithatë, tensionet me fqinjët mbeten të larta.

The post Rita Ora në telashe, banorët lokalë ankohen për rinovimet e shtëpisë së saj appeared first on iconstyle.al.

Këngëtarja shqiptare me famë botërore, Rita Ora, bleu rezidencën në fjalë në vitin 2021 një pronë historike me vlerë 7.5 milionë paund (8.6 milionë euro) në veri të Londrës, e klasifikuar si ndërtesë e mbrojtur (Grade II).

Por, duket se ajo nuk e dinte se ishte zhvendosur pranë një grupi fqinjësh NIMBY (“Not In My Back Yard”), të cilët më herët ishin ankuar edhe për renovimet e shtëpisë së saj.

Tani, pas paraqitjes së projektit nga arkitekti i Ritës, për një palestër të vendosur në oborrin e ulët të pronës, fqinjët janë sërish në alarm.

Një grup banorësh nga një bllok apartamentesh aty pranë, kanë dorëzuar një ankesë të përbashkët.

Në dokumentin e tyre thuhet: “Banorët që zgjodhën këtë zonë për qetësinë e saj, nuk duhet të detyrohen të jetojnë me ndriçim artificial, zhurma të amplifikuara apo humbje të privatësisë”.

Ata shtuan gjithashtu se, pavarësisht se projekti përmend izolim akustik, dyert e mëdha rrëshqitëse sugjerojnë se mund të ketë muzikë dhe zëra me volum të lartë në çdo orë.

Fqinjët përmendën se në një pronë ngjitur ekziston një rregull strikt që ndalon grumbullimet e mëdha apo festat, pikërisht për të ruajtur qetësinë dhe respektin mes banorëve.

Ankesa vijon: “Ky propozim minon marrëveshjen e përbashkët për ruajtjen e paqes dhe rrezikon të shkaktojë konflikte, ankesa apo edhe procese gjyqësore”.

Një tjetër banor, kagritur madje shqetësimin nëse ndërtimi i palestrës do të pengojë ketra dhe dhelpra që jetojnë aty pranë.

Pavarësisht gjithë kësaj polemike, palestra e planifikuar nga Rita do të jetë e izoluar plotësisht nga zhurma.

Megjithatë, tensionet me fqinjët mbeten të larta.

Siç thotë autori i artikullit origjinal në The Sun me ironi, “Nëse do të isha Rita, do të shkoja në një palestër si Virgin Active dhe me paratë do të vendosja në fund të kopshtit një skulpturë gjigante, që ndriçon në errësirë… vetëm për t’i acaruar edhe më shumë”.

The post Rita Ora në konflikt me fqinjët, ankesa për rinovimet e shtëpisë së saj në Londër appeared first on Albeu.com.

Rita Ora, këngëtarja e hiteve si “I Will Never Let You Down” dhe “Let You Love Me”, duket se këtë Krishtlindje nuk do të marrë ftesa për verë dhe meze nga fqinjët e saj. Arsyeja? Planet e saj për të ndërtuar një palestër futuriste në kopshtin e shtëpisë kanë shkaktuar pakënaqësi të madhe në lagje.

Këngëtarja shqiptare me famë botërore bleu rezidencën në fjalë në vitin 2021 një pronë historike me vlerë 7.5 milionë paund (8.6 milionë euro) në veri të Londrës, e klasifikuar si ndërtesë e mbrojtur (Grade II). Por duket se ajo nuk e dinte se ishte zhvendosur pranë një grupi fqinjësh NIMBY (“Not In My Back Yard”), të cilët më herët ishin ankuar edhe për renovimet e shtëpisë së saj.

Tani, pas paraqitjes së projektit nga arkitekti i Ritës për një palestër të vendosur në oborrin e ulët të pronës, fqinjët janë sërish në alarm. Një grup banorësh nga një bllok apartamentesh aty pranë kanë dorëzuar një ankesë të përbashkët.

Në dokumentin e tyre thuhet: “Banorët që zgjodhën këtë zonë për qetësinë e saj, nuk duhet të detyrohen të jetojnë me ndriçim artificial, zhurma të amplifikuara apo humbje të privatësisë”.

Ata shtuan gjithashtu se, pavarësisht se projekti përmend izolim akustik, dyert e mëdha rrëshqitëse sugjerojnë se mund të ketë muzikë dhe zëra me volum të lartë në çdo orë. Fqinjët përmendën se në një pronë ngjitur ekziston një rregull strikt që ndalon grumbullimet e mëdha apo festat, pikërisht për të ruajtur qetësinë dhe respektin mes banorëve.

Ankesa vijon: “Ky propozim minon marrëveshjen e përbashkët për ruajtjen e paqes dhe rrezikon të shkaktojë konflikte, ankesa apo edhe procese gjyqësore”.

Një tjetër banor ka ngritur madje shqetësimin nëse ndërtimi i palestrës do të pengojë ketra dhe dhelpra që jetojnë aty pranë.

Pavarësisht gjithë kësaj polemike, palestra e planifikuar nga Rita do të jetë e izoluar plotësisht nga zhurma. Megjithatë, tensionet me fqinjët mbeten të larta.

Siç thotë autori i artikullit origjinal në The Sun me ironi, “Nëse do të isha Rita, do të shkoja në një palestër si Virgin Active dhe me paratë do të vendosja në fund të kopshtit një skulpturë gjigante, që ndriçon në errësirë… vetëm për t’i acaruar edhe më shumë”. /Telegrafi/

The post Rita Ora përfshihet në një konflikt me fqinjët e shtëpisë së saj milionëshe në Londër – ata dorëzojnë ankesë të përbashkët në komunë për rinovimet appeared first on Telegrafi.

Këngëtarja shqiptare me famë botërore, Rita Ora, ka publikuar këngën e saj më të re me titull “Joy”, duke emocionuar fansat në të gjithë botën.

Në rrjetet sociale, Ora ndau një fotografi shoqëruar me njoftimin se kënga tani është e disponueshme në të gjitha platformat digjitale, përfshirë Spotify, Apple Music dhe YouTube.

Kënga “Joy” shënon një tjetër hap të rëndësishëm në karrierën e 34-vjeçares, e njohur për hitet “Anywhere”, “Your Song” dhe “Let You Love Me”. E veçanta e kësaj kënge është se do të shërbejë si kolonë zanore për versionin britanik të emisionit të njohur “Love Is Blind UK”, një format i famshëm televiziv për takime dashurie.

Sipas burimeve për The Sun, Rita pranoi me shumë entuziazëm të realizonte këtë projekt. “Nuk është sekret që Rita e adhuron dashurinë, ndaj pranoi menjëherë të realizojë një këngë për Love Is Blind UK,” citohet të ketë thënë një burim pranë këngëtares.

“Joy” është përshkruar si një këngë me mesazh të fuqishëm, që flet për gjetjen e lumturisë dhe paqes së brendshme, në një botë ku ndjenjat shpesh sfidohen nga realiteti. Stili muzikor përmban elemente të pop-it modern dhe një interpretim emocional nga Ora, që e bën këngën të prekë zemrat e dëgjuesve.

Fansat dhe ndjekësit e artistes kanë reaguar menjëherë pozitivisht, duke shpërndarë këngën dhe duke shprehur vlerësime për vokalin dhe mesazhin që ajo përcjell.

“Joy” është tashmë e disponueshme për dëgjim në të gjitha platformat online dhe pritet të jetë një nga kolonat zanore më të suksesshme të verës në Mbretërinë e Bashkuar. /Telegrafi/

The post Rita Ora sjell këngën e re “Joy” appeared first on Telegrafi.

Me vargjet “You bring me joy…”, Rita Ora vjen me një këngë që ngroh shpirtin dhe frymëzon zemrën. “Joy”, balada më e re e artistes me rrënjë shqiptare, u publikua sot si pjesë e kolonës zanore të “Love Is Blind: UK” në Netflix .

Kënga flet për gjetjen e gëzimit në ndjenjat e sinqerta, në lidhjen e thellë mes dy njerëzve dhe në çastet që na rikujtojnë sa bukur është të duash dhe të jesh i dashuruar.

Me këtë këngë, Rita Ora nuk sjell thjesht një melodi, ajo sjell një ndjesi, një gjendje shpirti, që përputhet në mënyrë të përsosur me atmosferën e “Love Is Blind: UK”, një spektakël që flet për dashurinë e vërtetë përtej dukjes./KultPlus.com

Sonte në mbrëmje, në kuadër të DokuFest në Prizren, do të ketë premierën dokumentari “Palace of Youth”, një projekt i realizuar ndër vite që sjell në ekran realitetin e të rinjve kosovarë përmes muzikës, tregimeve personale dhe shprehjes kreative.

Regjisorja Maddie Gwinn sjell një pasqyrë të skenës muzikore underground në Kosovë, duke ndjekur jetën, sfidat dhe ëndrrat e një brezi që përfaqëson mbi 55% të popullsisë, të rinj nën moshën 25 vjeç, shkruan KultPlus.

Këngëtarja me prejardhje shqiptare Rita Ora, që është edhe producente ekzekutive e dokumentarit, ndau emocionet në rrjetet sociale:

“Jam shumë e emocionuar që sonte ‘Palace of Youth’ do të ketë premierën në DokuFest – ka qenë një proces shumëvjeçar. Kur Odessa, Maddie dhe ekipi ma prezantuan këtë projekt, e pranova menjëherë për të vënë në pah talentin e jashtëzakonshëm të të rinjve në Kosovë. Përmes muzikës zbulojmë historitë, rrugëtimet, sfidat dhe fitoret e tyre. Të dëgjosh gjithçka ka qenë jashtëzakonisht prekëse. Jam e nderuar që jam pjesë e diçkaje kaq të vërtetë.”

View this post on Instagram

A post shared by RITA ORA (@ritaora)

Muzika në dokumentar vjen nga artistë të rinj kosovarë si Suada Abazi, Edona Vatoci, Lekë Morina dhe Donat Vatoci, të cilët sjellin një tingull autentik dhe bashkëkohor që lidhet ngushtë me realitetin kulturor të vendit.

Palace of Youth zgjat 66 minuta dhe përmes pamjeve, tingujve dhe tregimeve personale, sjell në ekran një brez të rritur në një vend me sfida të shumta, por me një potencial të jashtëzakonshëm përmes artit dhe vetë-shprehjes./KultPlus.com

Këngëtarja me famë botërore, Rita Ora, ka publikuar së fundmi një seri fotosh në Instagram që kanë tërhequr vëmendjen e ndjekësve të saj nga e gjithë bota.

Në tri imazhe të ndryshme, ajo na fton në një udhëtim të shkurtër përmes rutinës së saj ditore, nga studioja muzikore luksoze, palestra, e deri te një vizitë në klinikën dentare – gjithçka me një stil të sigurt dhe që rrezaton vetëbesim.

Në foton e parë, Rita shfaqet në një studio futuristike muzikore, e rrethuar nga pajisje të teknologjisë së lartë. E veshur me një palë veshje sportive që theksojnë linjat e saj trupore, këngëtarja duket se është gati për të sjellë projekte të reja muzikore, ndërsa prania e saj karizmatike dominon hapësirën.

Fotoja e dytë e kap në një moment pas ushtrimeve në palestër, ku ajo pozon përpara pasqyrës. E veshur me një komplet sportiv ngjyrë e verdhë neon me detaje blu, ajo tregon pa hezitim fizikun e tonifikuar dhe muskujt abdominalë të formuar – rezultat i një rutine të disiplinuar fitnesi.

Veshja është kombinuar me atlete sportive, peshë të vendosur në kyçin e këmbës dhe një qëndrim që flet qartë për fuqinë e brendshme dhe përkushtimin ndaj vetes.

Në imazhin e tretë, Rita Ora shihet në një klinikë dentare, duke buzëqeshur gjerësisht përpara një pasqyre. Me një kapelë sportive dhe një pulovër të bardhë, ajo reflekton thjeshtësinë dhe pozitivitetin që e karakterizon, duke treguar për ndjekësit kujdesin për shëndetin oral – një tjetër aspekt i rëndësishëm i mirëqenies së përgjithshme.

Ky kolazh fotosh nuk është vetëm një përditësim nga jeta e saj, por një mesazh i fuqishëm për rëndësinë e përkushtimit, balancës mes karrierës dhe kujdesit personal, dhe vetëdashurisë. Fansat janë entuziastë dhe e kanë përgëzuar për pamjen e saj të jashtëzakonshme dhe stilin e jetës që promovon.

Rita Ora, si gjithmonë, vazhdon të jetë një frymëzim – jo vetëm për suksesin në muzikë, por edhe për mënyrën se si jeton me pasion, disiplinë dhe dashuri për veten. /Telegrafi/

The post Rita Ora shkëlqen në postimet e fundit në Instagram – trupi i saj dëshmon përkushtimin ndaj palestrës dhe mirëqenies personale appeared first on Telegrafi.

Këngëtarja shqiptare me famë botërore, Rita Ora, së fundmi ka shpërndarë në InstaStory një postim nga faqja Eja, e cila rendit shqiptarët më të suksesshëm në arenën ndërkombëtare. Ajo çka e bëri këtë postim edhe më të veçantë ishte fakti që shoqërohej me këngën “Houdini” të Dua Lipës, një tjetër yll shqiptar që ka arritur sukses global.

Në postimin origjinal, faqja Eja e kishte përfshirë Rita Orën në listën e 10 personaliteteve shqiptare më të ndikueshme, duke e përshkruar atë si një nga artistet më të suksesshme të muzikës ndërkombëtare, me më shumë se 10 miliardë dëgjime globale dhe një figurë të fuqishme në skenën e muzikës pop.

Ajo që tërhoqi veçanërisht vëmendjen e ndjekësve ishte përdorimi i këngës së Dua Lipës, një zgjedhje që shumë e kanë interpretuar si një sinjal afrimi mes dy artisteve.

Pavarësisht se të dyja janë shqiptare nga Kosova dhe kanë arritur karriera të jashtëzakonshme, Rita Ora dhe Dua Lipa nuk janë parë kurrë së bashku në publik dhe kanë shmangur gjithmonë komentet për njëra-tjetrën në intervista apo në rrjetet sociale, duke shkaktuar spekulime mbi një raport të mundshëm të ftohtë mes tyre.

Megjithatë, ky veprim i Ritës shihet nga shumëkush si një hap i vogël drejt një afrimi të mundshëm. Në rrjetet sociale kanë shpërthyer komentet pozitive, ku fansat shprehen të entuziazmuar për mundësinë e një bashkëpunimi të ardhshëm mes dy ikonave shqiptare të muzikës./KultPlus.com

Rita Ora do të publikojë këngën e saj më të re brenda pak ditësh.

Këngëtarja 34-vjeçare, e njohur për hitin “How We Do”, ka qenë kohët e fundit në studio duke punuar për këngën e re që do të jetë pjesë e emisionit të njohur të takimeve “Love Is Blind UK”.

Sipas raportimeve, kënga mban titullin “Joy” dhe ka një mesazh të fuqishëm për gjetjen e paqes së brendshme. Ajo pritet të publikohet gjatë ditëve në vijim, shkruan DailyMail.

Një burim ka treguar për The Sun se: “Nuk është sekret që Rita e adhuron dashurinë, ndaj pranoi menjëherë të realizojë një këngë për Love Is Blind UK”.

Edhe pse ajo pritet të publikojë shumë shpejt albumin e saj të katërt në studio, “Joy” nuk do të jetë pjesë e tij.

Sipas burimit, kjo këngë konsiderohet si një “mini projekt anësor” dhe nuk është menduar si pjesë e materialit të albumit të ri.

“Kënga do të përdoret në emision dhe do të jetë e disponueshme për dëgjim në platforma digjitale, por nuk ka plane për videoklip apo promovim shtesë”, është thënë më tej.

Ndërkohë, Rita ka folur edhe për një moment delikat në karrierën e saj, kur u përfshi në mënyrë të pavërtetë në thashethemet rreth identitetit të “Becky with the good hair”, një figurë misterioze e përmendur në albumin “Lemonade” të Beyoncé-s.

Albumi i vitit 2016 përmbante këngë me tekste të fuqishme që flisnin për tradhti, përfshirë këngën “Sorry” ku Beyoncé i referohej një gruaje që besohej se kishte qenë në një lidhje me bashkëshortin e saj, Jay-Z.

Spekulimet në internet shpërthyen dhe shumë fansa aluduan se kjo “Becky” ishte Rita Ora, e cila në atë kohë ishte pjesë e labelit Roc Nation të Jay-Z.

Ajo u akuzua padrejtësisht për një lidhje me reperin dhe u detyrua të mohojë publikisht gjithçka. Tani, në një intervistë në podkastin “Begin Again” të Davina McCall, Rita ka rrëfyer se ishte thellësisht e lënduar nga këto akuza, pasi Beyoncé kishte qenë gjithmonë mbështetëse e saj.

“Ajo ka qenë si një zanë e mirë për mua prapa kamerave, një mbrojtëse e vërtetë. Kjo është ajo që e bën edhe më të pabesueshme, sepse midis nesh ka pasur gjithmonë vetëm dashuri”, ka thënë Rita.

Ajo ka folur gjithashtu për mënyrën se si është ndjerë me trupin e saj gjatë viteve të fundit. Në një intervistë tjetër në podkastin “Happy Place” të Fearne Cotton, në bashkëpunim me projektin për vetëvlerësim të Dove, Rita ka treguar se ka pasur periudha kur nuk e pranonte veten dhe ndihej “e shëmtuar” në fund të të njëzetave.

“Në fund të të njëzetave fillova ta ndiej më shumë këtë presion. Nuk kisha më energji, nuk kujdesesha për trupin tim, sëmuresha shpesh dhe nuk ndihesha mirë me veten. Nuk pranoja faktin që nuk isha aq e dobët sa të tjerët dhe e barazoja këtë me të qenit e shëmtuar. Tani kur e mendoj, e di që nuk ka qenë ashtu.

Është njësoj si në terapi, kur përballesh me versionin më të ri të vetes dhe kupton se ajo vajzë ka qenë gjithsesi shumë e bukur”, ka përfunduar ajo. /Telegrafi/

The post Rita Ora do të publikojë këngën e re brenda pak ditësh, pasi thuhet se ka incizuar kolonën zanore të një seriali të madh televiziv në Netflix appeared first on Telegrafi.

Këngëtarja shqiptaro-britanike Rita Ora po përgatit muzikë të re për serialin e njohur të takimeve “Love Is Blind UK” në Netflix. Kënga me titullin “Joy” është një baladë e fuqishme që flet për gjetjen e paqes së brendshme dhe pritet të publikohet shumë shpejt.

Burime për mediat britanike kanë bërë të ditur se kjo këngë nuk do të jetë pjesë e albumit të saj të katërt në studio, por shërben si një projekt anësor i dedikuar ekskluzivisht për serialin. “Joy” do të jetë e disponueshme për streaming, por nuk planifikohet të ketë videoklip apo promovim të gjerë.

Rita Ora ka folur edhe për momentet e vështira që ka kaluar gjatë karrierës së saj, duke përmendur mbështetjen e madhe që ka marrë nga Beyoncé, e cila e ka mbrojtur publikisht nga spekulimet dhe akuzat e padrejta lidhur me jetën personale.

Në një intervistë të fundit, Rita rrëfeu edhe për sfidat që ka pasur me vetëbesimin dhe marrëdhënien me trupin e saj, duke theksuar se tani ndihet më e fortë dhe më e mirë.

Kënga e re dhe lidhja me serialin e Netflix-it janë një hap i ri në karrierën e këngëtares, e cila vazhdon të jetë një figurë e rëndësishme në skenën muzikore ndërkombëtare./KultPlus.com

Edhe pse fizikisht nuk ishte në Prishtinë, Rita Ora në njëfarë mënyre “u bë prezente” mbrëmë në natën e parë të festivalit “Sunny Hill”, falë një momenti të veçantë në performancën e DJ legjendar Fatboy Slim në skenën C4.

Teksa atmosfera në C4 po arrinte kulmin, Fatboy Slim vendosi të lëshojë hitin e tij në bashkëpunim me Rita Orën, “Praising You”. Në atë çast, në ekranin gjigant të vendosur pas DJ-it nisën të shfaqen pamje të Rita Orës, duke sjellë një ndjesi simbolike prezence të saj në festival.

E menjëhershme ishte edhe reagimi i artistes shqiptare me famë botërore: Rita Ora ndau në InstaStory një video nga ky moment, duke treguar edhe një herë lidhjen e saj të fortë me Kosovën dhe përkrahjen për këtë festival.

Interesante është se ky moment nuk ishte i planifikuar. Gjatë intervistës së shkurtër për Telegrafin të realizuar në Prishtinë, Fatboy Slim tregoi se “Praising You” nuk ishte në listën e këngëve që do të performonte, por se një pyetje e gazetarit ia ndryshoi mendjen.

“Pasi më pyete për të, mendova… pse jo?”, u shpreh ai.

@telegrafi DJ me famë botërore Fatboy Slim vjen në Prishtinë #Telegrafi #SunnyHill #FatboySlim ##SunnyHillFestival #Prishtina ♬ original sound – Telegrafi.com

Si rezultat, “Praising You” u kthye në njërën nga këngët më të dashura dhe më të kërkuara të mbrëmjes, duke bërë që audienca të shpërthejë në duartrokitje dhe kërcim.

Ky moment dëshmon edhe një herë ndikimin e muzikës dhe fuqinë që ka ajo për të lidhur artistë dhe publikun, edhe në mungesë fizike. /Telegrafi/

The post Edhe pse jo fizikisht, Rita Ora ishte “pjesë” e festivalit ‘Sunny Hill 2025’: Kënga e saj hit u lëshua nga Fatboy Slim në skenë appeared first on Telegrafi.

Këngëtarja me famë botërore, Rita Ora, ka marrë vëmendjen e revistës prestigjioze Vogue, duke u renditur në mesin e yjeve më të veshura me stil të javës.

Në artikullin me titull “The Best Dressed Stars of the Week Had Looks With Personality”, stilisti i njohur Christian Allaire përzgjedh pamjet më të spikatura, ku ndër to shquhet edhe Rita Ora me një veshje të mahnitshme të markës Prada. Ajo u shfaq elegante dhe me klas në një gala verore në Gassin, Francë, më 24 korrik, përcjellë KultPlus.

E veshur me një fustan të zi klasik me detaje të rafinuara, Rita përçoi finesë dhe individualitet, duke reflektuar si gjithmonë personalitetin e saj përmes modës. Pamja e saj u shoqërua edhe me komente pozitive për stilin e veçantë dhe mënyrën e përkryer se si e përfaqëson elegancën moderne.

Për më tepër, Vogue fton lexuesit të votojnë për pamjen e tyre të preferuar të javës dhe Rita Ora është padyshim një nga favoritët./KultPlus.com

Rita Ora ka qenë në qendër të vëmendjes gjatë Gala-s së Verës në Saint-Tropez, që u mbajt më 24 korrik 2025 në Gassin, Francë. Këngëtarja 34-vjeçare i dha ngjarjes një sharm të veçantë me një triko të bardhë me dantella, që theksoi trupin e saj të jashtëzakonshëm dhe e bëri atë të duket tejet tërheqëse.

Performanca e saj ishte një ngjarje e paharruar për të pranishmit, ndërsa Rita shtoi elegancën e saj me një palë çorape dhe këpucë të zeza me taka të larta. Pas performancës, ajo zgjodhi një fustan të zi midi me dekolte në formë zemre, duke e kombinuar me këpucë të zeza dhe duke krijuar një look të përsosur me flokët e saj të artë të stiluara me onde, shkruan Daily Mail.

Rita ishte shoqëruar nga bashkëshorti i saj, regjizori i famshëm Taika Waititi, i cili u duk elegant në një kostum ngjyrë blu në të gjelbërt, duke i shtuar një mëngë të bardhë për të kompletuar pamjen.

Yjet e tjerë të njohur që morën pjesë përfshinin modelen Frida, e cila u shfaq elegante në një fustan të gjatë satin ngjyrë kafe, dhe Kelly Rutherford, që shkëlqeu në një fustan të bardhë me dantella, të kombinuar me një çantë Birkin.

Gjithashtu, Leonardo DiCaprio ishte i pranishëm, por qëndroi i fshehur nën një kapele të zezë. Pjesëmarrës të tjerë të njohur përfshinë Victoria Silvstedt, Casey Affleck dhe Chantel Jeffries./dailymail/KultPlus.com

Rita Ora ka tërhequr vëmendjen gjatë pjesëmarrjes së saj në Gala-n e Verës nga Gala One në Saint-Tropez të enjten. Këngëtarja 34-vjeçare shkëlqeu në tapetin e kuq, duke pozuar me shumë elegancë dhe duke u bashkuar me emra të njohur si Jamie Foxx, Frida Aasen, dhe Kelly Rutherford në këtë ngjarje të shkëlqyer.

Rita ishte veshur me një fustan të zi midi, që theksonte trupin e saj të mrekullueshëm, dhe e kombinonte me taka të zeza. Ajo e kompletoi pamjen me taka të zeza dhe një çantë kadifeje, të qëndisur me lule vintage blu, shkruan daily mail

Kjo ngjarje erdhi disa ditë pasi Rita tregoi se si ndihej “e shëmtuar” në vitet e fundit të 20-ve për shkak të faktit se “nuk ishte aq e hollë si njerëzit e tjerë”. Këngëtarja foli për këtë temë në podcast-in “Happy Place” të Fearne Cotton, në bashkëpunim me Dove’s Self Esteem Project, duke ndarë mendimet e saj rreth besimit në trup.

Rita foli hapur për mënyrën se si është ndryshuar marrëdhënia e saj me trupin vitet e fundit dhe shpeshherë ndjente se trupi i saj nuk ishte “atraktiv”. Ajo tha:

“Unë mendoj se për mua, për të dukur në një mënyrë të caktuar filloi të më rëndonte kur isha në fund të 20-ve, ka filluar të më godasë atëherë, sepse qëndroja pa energji, nuk po kujdesesha për trupin tim, po sëmuresha shpesh dhe nuk ndihesha si trupi im të ishte i nxehtë,” shpjegoi Rita.

Ky rrëfim i saj ndihmoi shumë individë të reflektojnë mbi marrëdhënien e tyre me trupin dhe të kuptojnë se besimi në trup është një proces i vazhdueshëm dhe personal./KultPlus.com

Rita Ora dhe bashkëshorti i saj Taika Waititi duken më të lumtur se kurrë.

Dyshja ishin miq për gjashtë vite para se të kurorëzonin dashurinë në martesë në vitin 2022. Tashmë, tre vite më vonë, Rita ka zbuluar pse lidhja e tyre vazhdon të jetë kaq e fortë.

“Mendoj se çelësi është respekti dhe mbështetja e ndërsjellë – pavarësisht projekteve apo karrierave të ndara që kemi. Të dish të ruash hapësirën e njëri-tjetrit dhe të jesh aty si mbështetje – kjo është shumë e rëndësishme”, – tha këngëtarja e hitit “Praising You”, 34 vjeç, në një intervistë për People, gjatë një performance të saj në eventin The Hill në Brooklyn Bridge Park, në Nju Jork, organizuar në kuadër të Wimbledon, më 11 korrik.

Rita shtoi se në martesën e saj me regjisorin 49-vjeçar, Taika Waititi, miqësia ka luajtur rol thelbësor: “Të jesh i martuar me shokun më të mirë është diçka fantastike”, – tha ajo.

Pak kohë më parë, gjatë një interviste në emisionin Live with Kelly & Mark, Rita zbuloi me humor se ishte ajo që u ul në gjunjë dhe i kërkoi Taikës të martohej me të.

“E surprizova partnerin tim. Ishte momenti im i fuqisë si grua. Dhe po, unë ia kërkova dorën!” – tregoi ajo për Entertainment Weekly. “Besoni ose jo, kjo ndodh!”

Reagimi i Taikës ishte po aq i sinqertë: “Ma ktheu me një të qeshur dhe më tha: ‘Çfarë po bën? Ngrihu menjëherë! Sigurisht që po!’”

Gjatë intervistës me People, Rita foli edhe për këngën e saj më të re “Heat”, e cila është paralajmërimi i parë për albumin e saj të katërt në studio.

“E gjithë tema e këtij albumi është drejtpërdrejtësia – të jem e qartë me mesazhin tim, të heq çdo shtresë të panevojshme nga produksioni, dhe të rikthehem tek thelbi im,” – shpjegoi ajo.

Duke folur për atmosferën e nxehtë dhe ritmin ngjitës të Heat, këngëtarja tregoi se bashkëpunimi me artistin Troye Sivan ishte frymëzues: “E admiroj shumë seksualitetin e tij dhe mënyrën si e feston atë,” – tha ajo. “Më frymëzoi të bëj të njëjtën gjë për veten time si grua – të rikthehem tek sensualiteti, feminiteti, dhe trupi im. Kjo këngë mishëron saktësisht këtë ndjesi”. /Telegrafi/

The post Rita Ora zbulon sekretin e martesës së saj të suksesshme tri vjeçare me regjisorin Taika Waititi appeared first on Telegrafi.

Rita Ora është vënë në qendër të vëmendjes pas një deklarate të papritur në lidhje me një “gabim mode”, i cili në fakt është pjesë e koleksionit të saj me Primark.

Këngëtarja 34-vjeçare ka bashkëpunuar me këtë markë të njohur veshjesh që nga viti 2023, duke sjellë disa koleksione për publikun. Por gjatë një interviste për Off Trend HQ, ajo u pyet se cili ishte për të një “red flag” në modë – dhe përgjigjja e saj ngjalli reagime të menjëhershme, shkruan DailyMail.

“Nuk më pëlqen kur duken astaret në veshje. Nëse ke një fund të gjatë, nuk dua të shoh që astari ndalet në mes të këmbës”, tha ajo. Intervistuesja u pajtua me të, duke shtuar: “O të jetë tërësisht i tejdukshëm, ose të mbulojë gjithçka”.

@offtrendhq we don’t want to see ur linings, pattern up! #ritaora #styling #layering #fashionopinion #streetinterview ♬ original sound – Offtrend

Rita shtoi më tej: “Është dembelizëm… rregullojeni!”

Por ndjekësit e vëmendshëm në rrjete sociale e kuptuan menjëherë kontradiktën: në koleksionin më të fundit të verës që Rita ka sjellë me Primark, ndodhet pikërisht një fund i tillë me astar të dukshëm, të cilin ajo sapo e kishte kritikuar. Fundi prej dantelle, me çmim 14 paund, përmban atë dizajn që ajo e quajti të papranueshëm.

Komentet nuk vonuan: “Pra, si ai fundi që ajo e ka me emrin e saj në Primark?”, “A është në dijeni të koleksionit të saj?”, “E dija që do kishte diçka të tillë aty”, “E kapët mat si duhet”, “Është kaq qesharake kjo situatë”, “Rita Ora duket se s’ka pasur asnjë dorë në koleksionin e saj”.

Nuk është hera e parë që Rita kritikohet për bashkëpunimin e saj me markën Primark, e cila njihet si pjesë e industrisë së modës së shpejtë (fast fashion).

Që në vitin 2023, fansat kanë shprehur shqetësime për faktin se ajo ka promovuar një markë e cila lidhet me ndikime negative në mjedis, ndërkohë që paralelisht ka lançuar një brend të vetin të qëndrueshëm, të quajtur Human Beings.

Disa ndjekës e akuzuan se “nuk i intereson”, duke dyshuar gjithashtu se një yll me famë botërore si ajo, që është milionere, e përdor realisht Primark për blerje personale.

Një komentues shkroi: “Moda e shpejtë po e shkatërron planetin – a nuk të intereson fare?”.

Megjithatë, Rita vazhdon të punojë me markën edhe pas dy vitesh. Së fundmi ajo ka reklamuar koleksionin e saj të ri të verës për Primark, ku është shfaqur me bikini të guximshme në pozat buzë detit, duke tërhequr shumë vëmendje.

Në një nga fotot, ajo shihet me bikini saten në ngjyrë burgundy, teksa pozuar përpara një perëndimi dielli magjepsës. Koleksioni, sipas saj, është frymëzuar nga “ditët e gjata nën qiellin e artë dhe netët e paharrueshme të verës”, dhe përfshin fustane pa shpinë, funde të lehta maksi dhe copa të punuara me grep – perfekte për sezonin veror. /Telegrafi/

The post Rita Ora kritikohet për një vërejtje të bërë gjatë një interivtse, që duket se prek koleksionin e saj me “Primark” appeared first on Telegrafi.

Pas suksesit me “Thor: Ragnarok”, regjisori i njohur, Taika Waititi, do të sjellë në ekran një tjetër figurë ikonike nga komikët britanikë: superpolicin e rreptë Judge Dredd.

Projekti i ri, i cili është ende në fazat e hershme të zhvillimit, do të bazohet më shumë në materialin origjinal të komikut legjendar “2000 AD”, dhe jo në filmat e mëparshëm.

Skenari do të shkruhet nga Drew Pearce, i njohur për “The Fall Guy” dhe “Mission: Impossible – Rogue Nation”.

Pearce dhe Waititi, të cilët janë miq të vjetër dhe fansa të hershëm të komikëve, kanë dashur prej kohësh të punojnë së bashku në një projekt të tillë.

Judge Dredd, i krijuar në fund të viteve të 70-ta nga John Wagner dhe Carlos Ezquerra, është një gjyqtar i së ardhmes në qytetin distopik Mega-City One, ku vepron njëkohësisht si polic, jurist dhe ekzekutues.

Ai është kthyer në një simbol të kulturës pop, me një trashëgimi që përfshin histori të panumërta, lojëra, libra dhe produkte të tjera mediatike.

Filmi i ri synon të sjellë një version më argëtues, me humor të zi dhe një botë të ndërtuar me kujdes, me synimin për të hapur një univers të ri filmik për Dredd.

Në një intervistë të fundit, Waititi foli hapur për përvojën e tij me Marvel, duke rrëfyer se nuk kishte qenë i apasionuar pas komikëve të “Thor” dhe se fillimisht e kishte pranuar punën për arsye praktike.

“Nuk ishte pjesë e ëndrrës sime si regjisor, por sapo më kishte lindur fëmija i dytë dhe kisha nevojë për punë”, u shpreh ai me humor. /Telegrafi/

The post Bashkëshorti i Rita Orës, Taika Waititi, rikthehet në botën e komikëve me filmin e ri për Judge Dredd appeared first on Telegrafi.

Rita Ora ka folur me sinqeritet për një periudhë të errët të jetës së saj, kur pasiguritë për pamjen fizike i rënduan mendjen dhe vetëvlerësimin.

E ftuar në podcast-in “Happy Place”, këngëtarja shqiptaro-britanike tregoi se në fund të të njëzetave ndjeu se nuk përmbushte pritshmëritë e shoqërisë për “trupin perfekt”.

“Fillova të sëmuresha shpesh, nuk kisha energji dhe nuk ndihesha mirë me veten. Nuk kujdesesha për trupin tim. Dhe pastaj erdhi mendimi: ‘Nuk jam aq e dobët sa të tjerët – prandaj jam e shëmtuar’. Sot më duket tronditëse që e besoja këtë”, u shpreh ajo.

Në bashkëpunim me markën Dove dhe projektin “Self Esteem”, Rita theksoi rëndësinë e përballjes me versionin e mëparshëm të vetes. “Është si të takosh atë vajzën e vogël që ishe dikur dhe t’i thuash: ‘Ti je shumë më e bukur se ç’mendon’. Të gjithë meritojmë ta ndiejmë këtë.”

The post Rita Ora rrëfen periudhën e vështirë: Mendova se isha e shëmtuar, vetëm sepse nuk isha aq e dobët sa të tjerët appeared first on Albeu.com.