Mbrëmjen e djeshme, një konflikt i dhunshëm ka ndodhur në zonën e “Ujit të Ftohtë”, në Vlorë. Ngjarja ështe regjistruar pranë vendit të njohur si “Rrapi”, në ambientet e një hoteli, ku disa persona janë përfshirë në një përleshje fizike.

Përplasja ka eskaluar në dhunë me grushta, shkelma dhe sende të forta, ndersa raportohet se është përdorur edhe një mjet prerës, dyshohet thikë.

Si pasojë e përplasjes, dyshohet për persona të plagosur.

Burime nga Policia e Vlorës, bëjnë me dije se katër persona jane shoqëruar në Komisariat për sqarimin e rrethanave. Hetimet vijojnë për zbardhjen e plotë të ngjarjes dhe identifikimin e të përfshirëve.

The post Plas sherri në Vlorë, dyshohet për të plagosur appeared first on Albeu.com.

Ndërhyrja e shërbimeve të Policisë parandalon përshkallëzimin e konfliktit ndërmjet 4 vëllezërve dhe 5 shtetasve të tjerë.

Vihen në pranga 2 nga vëllezërit dhe punohet për kapjen e 2 të tjerëve, pasi në ambientet e një lokali, për motive të dobëta, goditën me grushte dhe me sende të forta, 5 shtetas.

Procedohet penalisht kamerierja e lokalit, pasi dyshohet se ka prishur provat në vendngjarje.

Shërbimet e Komisariatit të Policisë Librazhd, dje, pas njoftimit për një konflikt ndërmjet disa shtetasve, në fshatin Dragostunjë, kanë shkuar menjëherë në vendin e ngjarjes, me qëllim parandalimin e përshkallëzimit të konfliktit dhe identifikimin e shtetasve të përfshirë.

Si rezultat i veprimeve të shpejta hetimore u identifikuan shtetasit e përfshirë në konflikt dhe në vijim të veprimeve procedurale për rastin, specialistët për Hetimin e Krimeve të Komisariatit të Policisë Librazhd:

-arrestuan në flagrancë shtetasit I. Xh., 29 vjeç dhe A. Xh., 31 vjeç (vëllezër), për veprat penale “Plagosja e lehtë me dashje”, kryer në bashkëpunim dhe “Prishja e qetësisë publike”;

-shpallën në kërkim shtetasit V. Xh., 38 vjeç dhe K. Xh., 35 vjeç (vëllezër të shtetasve të arrestuar);

-referuan materialet në Prokurori ku nisi procedimi penal për shtetasen E. G., 50 vjeçe (kameriere), për veprën penale “Veprime që pengojnë zbulimin e së vërtetës”.

Nga hetimet dyshohet se më datë 09.07.2025, në ambientet e një lokali, në fshatin Dragostunjë, shtetasit I. Xh., A. Xh., V. Xh. dhe K. Xh. kanë goditur me grushte dhe me sende të forta, për motive të dobëta, shtetasit A. N., B. B., E. A., F. F. dhe M. F., të cilët janë jashtë rrezikut për jetën.

Ndërsa miliarderi Elon Musk grindet me Presidentin Trump për legjislacionin e tij të rëndësishëm për taksat dhe politikën e brendshme, Musk ka ripërsëritur thirrjet e tij për të lançuar një parti të re politike, një detyrë e vështirë edhe për personin më të pasur në Tokë. Musk fillimisht propozoi lançimin e një partie të tretë, të quajtur “Partia e Amerikës”, në fillim të këtij muaji pjesë e një debati të ashpër midis presidentit dhe drejtorit ekzekutiv të Teslës që shënoi fundin e mundshëm të aleancës së tyre politike. Musk e ngriti idenë përsëri këtë javë, ndërsa ligjvënësit nxituan për të dërguar Aktin One Big Beautiful Bill në tavolinën e Trump, dhe këtë herë, Musk vendosi një afat kohor për planin. “Nëse ky projektligj i çmendur për shpenzimet miratohet, Partia Amerikane do të formohet të nesërmen”, shkroi Musk në një postim në X të hënën në mbrëmje, përpara se projektligji të miratohej me një diferencë të ngushtë në Senat të martën dhe në Dhomën e Përfaqësuesve të enjten.

Partia e re

“Vendi ynë ka nevojë për një alternativë ndaj unipartisë Demokrat-Republikan në mënyrë që njerëzit të kenë një ZË.” Musk anketoi ndjekësit e tij X rreth idesë së lançimit të një partie të tretë të premten, disa orë përpara se zoti Trump të planifikonte ta nënshkruante projektligjin në ligj në një aktivitet në Shtëpinë e Bardhë për 4 Korrikun. “Dita e Pavarësisë është koha ideale për të pyetur nëse doni pavarësi nga sistemi dypartiak (disa do të thoshin njëpartiak)!”, shkroi Musk. Mbetet e paqartë nëse Musk do ta mbajë premtimin e tij, por ideja mund të jetë më e lehtë të thuhet sesa të bëhet. Nëse Musk vendos të lançojë një parti të re politike, ai do të duhet të përballet me një mori ligjesh të ndërlikuara shtetërore, rregulla që kërkojnë kohë për aksesin në fletën e votimit dhe padi të ashpra gjyqësore.

Rënia e shitjeve

Sakaq, edhe pasi Elon Musk u distancua nga Presidenti i SHBA-së, Donald Trump, shitjet e automjeteve Tesla vazhduan të binin. Shitjet e makinave Tesla në tregun global ranë ndjeshëm në tremujorin e dytë të këtij viti, duke vazhduar rënien që filloi vitin e kaluar. Kompania raportoi se dorëzoi 384,000 automjete nga prilli deri në qershor, krahasuar me 444,000 në të njëjtën periudhë të vitit të kaluar. Kjo është një rënie prej 14 përqind. Prodhimi i vjetëruar i Teslës nuk po arrin të përballojë konkurrencën në rritje nga prodhuesit e rinj kinezë të makinave si BYD dhe kompanitë perëndimore të themeluara si General Motors, Volkswagen dhe BMW, vlerëson The New York Times. BYD e Kinës vendosi rekorde të reja shitjesh në qershor.

Pasojat

Shitjet e Teslës kanë rënë në nivelin më të ulët në tre vjet, ndërsa prodhuesi i makinave elektrike vazhdon të vuajë për shkak të pikëpamjeve politike të Elon Musk, sipas gazetës britanike The Independent. Ndërsa konflikti midis Musk dhe Trump u nxeh përsëri këtë javë, aksionet ranë me dy përqind të hënën dhe me pesë përqind shtesë të martën, sipas CNN. Wall Street kishte pritur që aksionet të binin pas raportit të fundit mbi rënien e shitjeve, por aksionet e Teslës u rritën në hapjen e bursës të mërkurën. Në total, çmimi i aksioneve të Teslës ka rënë me rreth 20 përqind këtë vit. Në vend të modeleve të reja për të tërhequr klientë të rinj, kompania vendosi t’i kushtojë më shumë rëndësi drejtimit autonom. Si CEO i Teslës, Musk tha se e ardhmja e kompanisë qëndron te automjetet autonome dhe taksitë robotike. Një numër i konsiderueshëm investitorësh e mbështesin këtë vizion, kështu që ata e rritën vlerën e aksioneve të Teslës në bursë në më shumë se 940 miliardë dollarë, sipas NYT. Që nga muaji i kaluar, taksia robotike e Teslës, Model Y, ka ofruar shërbime për klientët në Austin të Teksasit, me një numër problemesh të vogla, të tilla si frenimi i papritur ose lënia e pasagjerëve në mes të një kryqëzimi. Në SHBA, shitjet e Teslës ranë me 21 përqind në tremujorin e dytë. Shitjet në Evropë ranë me 28 përqind në maj, sipas të dhënave nga Shoqata Evropiane e Prodhuesve të Automobilave, pavarësisht prezantimit të një versioni të përmirësuar të Model Y, modelit më të njohur të Teslës.

The post Si synon ta sfidojë presidentin së shpejti? Pas konfliktit me Trump, Musk ka një ‘plan të madh’ appeared first on Sot News | Lajme.

Katër të mitur janë konfliktuar dhe përleshur me njëri-tjetrin në Obiliq në Prishtinë. Mësohet se njëri prej të miturve është plagosur me thikë gjatë sherrit. Policia e Kosovës shton se ngjarja ka ndodhur të dielën rreth orës 19:45, në Obiliq.

“Raportohet se pas një mosmarrëveshje katër të dyshuar, të mitur meshkuj kosovarë janë rrahur mes veti, ku njëri nga viktimat ka pësuar lëndime të rënda trupore nga therja me thikë. Të lënduarit kanë pranuar tretman mjekësorë”, thuhet në raport. Më tej bëhet me dije se një nga të miturit është arrestuar ndërsa dy të tjerë janë lënë të lirë.

The post Agravon konflikti mes 4 të miturve, plagoset me thikë njëri prej tyre appeared first on Sot News | Lajme.

PARIS, 23 qershor /ATSH-AFP/ – Tregjet evropiane të aksioneve u hapën sot me rënie të ndjeshme, pas sulmeve të SHBA-së në centralet bërthamore iraniane.

Investitorët janë tani në pritje të reagimit të Teheranit.

Në tregtimin e hershëm, bursa e Parisit humbi 0,64%, ajo e Frankfurtit 0,55%, ajo e Londrës 0,27% dhe ajo e Milanos 0,98%./  a.jor.

The post FOKUS – Bursat evropiane të gjitha në rënie pas sulmeve amerikane kundër Iranit appeared first on Agjencia Telegrafike Shqiptare.

Disa persona janë përfshirë ditën e sotme në një sherr të dhunshëm në lagjen nr. 1 të Pogradecit.

Dy prej katër personave të përfshirë kanë përfunduar në spital pas lëndimeve të marra nga goditja me gota qelqi.

Sipas burimeve për media, ngjarja ndodhi teksa shtetasit K.N., N.Ç. dhe D.Xh., janë futur brenda në një lokal të zonës. Në ato momente ata janë konfliktuar me shtetasin M. Xh., për motive të dobëta, teksa ky i fundit ka përdorur ndaj personave të tjerë thikë dhe spraj neutralizues.

Fillimisht ata janë goditur me karrige e më pas me thikë. Sipas raportimeve, shtetasi K. N., është goditur mbi 5 herë në kokë.

Shtetasi K. N., është dërguar menjëherë për ndihmë mjekësore në spitalin e Traumës ndërsa shtetasi M. Xh., pasi ka marrë fillimisht ndihmë mjekësore është dërguar në komisariat për të dhënë dëshminë e tij e më pas ka kërkuar që të rikthehet në spital.

Të shoqëruar në polici janë dhe dy personat e tjerë ndërsa hetimet vijojë për zbardhjen e plotë të rrethanave të ngjarjes.

“Pogradec / Informacion paraprak

Në lagjen nr. 1, Pogradec, pas një konflikti për motive të dobëta në një lokal, janë dëmtuar me gota shtetasit M. Xh. dhe K. N., të cilët ndodhen në spital për ndihmë mjekësore, jashtë rrezikut për jetën.

Shtetasit A.K., N.Ç dhe D.Xh, janë shoqëruar në Komisariat për veprime të mëtejshme.

Grupi hetimor po punon për sqarimin e rrethanave dhe dokumentimin ligjor të rastit”, thuhet në njoftimin e policisë.

The post Sherri masiv në Pogradec, konflikti në lokal degjeneron në përleshje me thika e karrige! Dy persona përfundojnë te Trauma appeared first on Albeu.com.

Një konflikt për motive të dobëta ka degraduar në konfrontim fizik dhe goditje me gota në një lokal në Pogradec.

Sipas informacioneve parapake, mësohet se gjatë sherrit dy persona, shtetasit me iniciale M. Xh. dhe K. N., kanë pësuar dëmtime dhe janë dërguar në spital për ndihmë mjekësore, jashtë rrezikut për jetën.

Ndërkohë, policia bën me dije se dy të tjerë, shtetasit me iniciale A.K., N.Ç dhe D.Xh, janë shoqëruar në Komisariat për veprime të mëtejshme.

Pogradec / Informacion paraprak

Në lagjen nr. 1, Pogradec, pas një konflikti për motive të dobëta në një lokal, janë dëmtuar me gota shtetasit M. Xh. dhe K. N., të cilët ndodhen në spital për ndihmë mjekësore, jashtë rrezikut për jetën.

Shtetasit A.K., N.Ç dhe D.Xh, janë shoqëruar në Komisariat për veprime të mëtejshme.

Grupi hetimor po punon për sqarimin e rrethanave dhe dokumentimin ligjor të rastit.

The post Konflikt mes disa personave në Pogradec, dy prej tyre dërgohen në spital appeared first on Lapsi.al.

Fushata e Izraelit kundër Iranit, duke synuar programet e tij bërthamore dhe balistike, rrezikon dështim strategjik, edhe nëse Benjamin Netanyahu arrin t’i fusë Shtetet e Bashkuara në konflikt në ditët në vijim, paralajmërojnë diplomatë, analistë ushtarakë dhe ekspertë të sigurisë, sipas Guardian.

Pavarësisht sukseseve taktike, siç janë sulmet e synuara ndaj objekteve dhe personelit iranian, qëllimi strategjik i shkatërrimit të programit bërthamor apo edhe ndryshimi i regjimit në Teheran, duket i paarritshëm.
Ekspertët shprehin rezerva nëse edhe bombat me kalibër të rëndë amerikanë (GBU-57) mund të neutralizojnë centralin bërthamor nëntokësor Fordow, i cili është varrosur nën dhjetëra metra shkëmb.

Si funksionojnë bombat GBU-57

“Regjimi në Iran është më i qëndrueshëm nga sa portretizohet shpesh, dhe progresi i tij teknologjik nuk mund të shkatërrohet vetëm me një bombë”, komenton profesor Toby Dodge, i Shkollës së Ekonomisë në Londër.

Zgjedhja e Izraelit për të provokuar një konflikt të drejtpërdrejtë me qëllim angazhimin e presidentit Trump, i cili mbetet i kujdesshëm, shihet nga shumë si një veprim i rrezikshëm.
Trump thuhet se nuk është ende i bindur për efektivitetin e “shkatërruesve të bunkerëve” dhe po pret të shohë nëse kërcënimi i angazhimit do ta detyrojë Iranin në negociata.

Edhe nëse përdoren GBU-57, depërtimi deri në thellësinë 90 metra që vlerësohet të jetë aty ku ndodhet Fordow nuk është i garantuar. Siç paralajmërojnë ish-zyrtarët amerikanë Daniel Kurtzer dhe Steven Simon, “përfshirja e SHBA-së do t’i vendoste menjëherë ata në shënjestrën e Teheranit, me viktima të mundshme civile dhe një reaksion zinxhir”.

Mundësia e një sulmi të synuar edhe kundër Udhëheqësit Suprem Ajatollah Khamenei, i cili thuhet se u konsiderua nga burime izraelite, por u refuzua nga Trump, ka shkaktuar alarm në rajonin e gjerë, me udhëheqësin shiit të Irakut, Ajatollah Sistani, i cili lëshoi ​​një paralajmërim të rrallë publik.
Profesori Andreas Krieg i King’s College London na kujton se vetëm fuqia ajrore nuk është e mjaftueshme për të arritur qëllime politike. “Mund ta vrasësh udhëheqësin, por nuk do ta shkatërrosh një sistem të rrjetëzuar si ai i Iranit, i cili bazohet në decentralizim”, vëren ai.

Në të njëjtën kohë, Izraeli duket se po përballet me probleme me furnizime të mjaftueshme, lodhje të ekuipazhit, cikle mirëmbajtjeje të avionëve dhe shterim të objektivave të paracaktuara, gjë që e bën të vështirë mbajtjen e një shkalle të lartë sulmesh. Një reduktim i mundshëm i sulmeve do t’i ofronte Teheranit një narrativë qëndrueshmërie.

I vetmi rezultat realist, sipas disa analistëve, është ringjallja e një rruge diplomatike si shembulli i Kosovës në vitin 1999. Kontaktet kanë filluar tashmë me negociatorët iranianë në Gjenevë, ndërsa vetë Trump deklaron se ka kohë për diplomaci.

Edhe në rast të një marrëveshjeje, strategjia izraelite mund të zbulojë kufijtë e fuqisë ushtarake të vendit dhe të forcojë një regjim në Teheran me një qëndrim edhe më armiqësor ndaj Izraelit.
Siç komenton në mënyrë karakteristike Profesor Dodge: “Nëse Khamenei ka qetësinë për t’u tërhequr dhe Amerika nuk përfshihet, atëherë Izraeli ka futur gishtin në fole grerëzash.”

The post Analiza e The Guardian/ Ja pse rezultati i konfliktit Iran-Izrael është i paparashikueshëm edhe nëse përfshihen SHBA-të appeared first on Sot News | Lajme.

Dy atentate mafioze, në dy rrethe të ndryshme, Tiranë dhe Lezhë. Një orë e 45 minuta distancë kohore mes krimeve. 50 kilometër distancë gjeografike. Disa rastësi të dyshimta që dukej sikur lidhnin ngjarjet, për të ngritur edhe më tepër mister.

Gjovalin Prendi, u vra në fshatin Pllanë pranë biznesit të tij, pa mbushur 1 vit nga ekzekutimi mafioz i të birit, Sidorel Prendi, i njohur si Roan Brahimi. Me sa duket eliminimi i atij personazhi të njohur të botës së errët, nuk e kishte mbyllur kapitullin e hakmarrjes nga rivalët…

“Rasti në fjalë që supozohet që është saga e një gjakmarrjeje që mund të ketë lindur prej 10 apo 15 viteve është pikërisht për arsyen se ky zinxhir nuk është shkëputur. Nqs ky zinxhir do ishte shkëputur që në vrasjen e parë do ishim duke folur ndryshe dhe nuk do ishim tek viktima e disatë’- u shpreh Ermal Hamataj, avokat.

“Motivi i atyre ngjarjeve është hakmarrja dhe gjakmarrja bashkë. Është një familje që ka pasur edhe më parë viktima në vitin 2014, Sidorel Prendit, i është ekzektuar djali i hallës dhe djali i xhajes, në vitin 2014 në Urën e Milotit”- u shpreh Alban Qafa, avokat.

Referuar skenës së atentatit dhe dëshmive, 64-vjeçari Prendi, nuk i trembej një atentati të mundshëm pasi nuk ruhej. Atij nuk i tërhoqi vëmendjen as mjeti i dyshimtë i atentatorëve dhe dy personat e veshur me rroba të errëta që iu afruan pranë verandës së lokalit.

Njëri prej tyre, nxori armën dhe hapi zjarr duke e lënë të vdekur në vend ndërsa tjetri rrinte në gatishmëri. Brenda në lokal ishte edhe bashkëshortja e viktimës, e cila e shtangur nuk arrin të reagojë…….Mjeti i autorëve do të gjendej i shkrumbuar në Gjorm.

The post Hasmëria e vjetër apo konflikti me grupin e Vis Martinaj, pse u eliminua ‘Sidi’ dhe i ati? appeared first on Sot News | Lajme.

UASHINGTON, 18 qershor /ATSH/ – Dilema nëse SHBA-të duhet t’i bashkohen Izraelit në sulmin ndaj Iranit, apo të qëndrojnë krejtësisht jashtë ofensivës, ka ekspozuar përçarjet midis mbështetësve të presidentit të SHBA-së, Donald Trump, sipas BBC.

Presidenti republikan thuhet se po shqyrton ndihmën për të synuar objektet bërthamore të Republikës Islamike, pas një takimi me këshilltarët e tij të sigurisë kombëtare në Dhomën e Situatave të Shtëpisë së Bardhë.

Gjatë fushatës zgjedhore, Trump shpesh u ankua kundër “luftërave të pafundme dhe budallaqe” në Lindjen e Mesme, por gjithashtu pohoi se Irani “nuk mund të ketë një armë bërthamore”.

Mundësia që ai të tërheqë SHBA-në në një tjetër ngatërresë të huaj i ka vënë krahët izolacionistë dhe ”skifterët” e partisë së tij kundër njëri-tjetrit.

Dje, kongresmeni konservator republikan Thomas Massie nga Kentucky u bashkua me demokratët për të prezantuar një projektligj që do ta bllokonte Trumpin nga angazhimi i forcave amerikane në “armiqësi të paautorizuara” me Iranin, pa miratimin e Kongresit.

“Kjo nuk është lufta jonë. Edhe nëse do të ishte, Kongresi duhet të vendosë për çështje të tilla sipas Kushtetutës sonë”, postoi Massie në X.

Disa mbështetës të doktrinës “Amerika e para” të Trump theksuan se ai u zotua ta mbante SHBA-në larg “luftërave përgjithmonë”, të tilla si ato që çuan në vdekjen e mijëra trupave amerikane në Afganistan dhe Irak.

Ish-prezantuesi i Fox News, Tucker Carlson, ka bërë thirrje që SHBA-të të qëndrojnë larg konfliktit me Iranin.

Në podcastin e tij, ai i kritikoi ashpër “luftëtarët” republikanë, duke provokuar një qortim nga Trump, i cili e quajti Carlson “të çuditshëm”.

Kongresmenia e Xhorxhias dhe besnikja e Trump, Marjorie Taylor Greene, iu hodh në mbrojtje Carlson në një ndarje shumë të pazakontë me presidentin.

Ajo tha se kushdo që mbështeti një ndërhyrje të tillë nuk ishte “Amerika e para”.

Tensionet shpërthyen në një ndeshje britmash dje gjatë një interviste midis Carlson dhe senatorit të Teksasit, Ted Cruz, i cili është ”skifter”.

Cruz u mbrojt kur u pyet nëse e dinte popullsinë dhe përzierjen etnike të Iranit.

Carlson i tha se “ju jeni një senator që po bën thirrje për përmbysjen e qeverisë dhe nuk dini asgjë për vendin!”.

Cruz u përgjigj “jo, ju nuk dini asgjë për vendin!”.

Steve Bannon, ish-strategu politik i Trump, argumentoi në podcastin e Carlson se lejimi i “deep state” për të shtyrë SHBA-në në një luftë me Iranin do të “hedhë në erë” koalicionin e mbështetësve të Trump.

“Nëse përfshihemi në këtë luftë, e cila në mënyrë të pashmangshme duket se do të ndodhë, ajo jo vetëm që do ta hedhë në erë koalicionin, por do të pengojë edhe gjënë më të rëndësishme, që është deportimi i ‘pushtuesve’ të paligjshëm të huaj që janë këtu”, tha ai.

Senatori i Kentucky-t, Mitch McConnell, tha se kishte “qenë një javë paksa e keqe për izolacionistët” në parti.

“Ajo që po ndodh këtu është se disa nga lëvizjet izolacioniste të udhëhequra nga Tucker Carlson dhe Steve Bannon janë të shqetësuara se mund të jemi duke i ndihmuar izraelitët të mposhtin iranianët”, tha McConnell për CNN.

Anëtarë të tjerë të luftës në parti po e nxisin Trumpin të synojë Iranin.

Senatori i Karolinës së Jugut, Lindsey Graham, tha se ishte në interesin e sigurisë kombëtare të SHBA-së të parandalonte Iranin nga pajisja me një bombë bërthamore.

Teherani pohon se programi i tij bërthamor është për qëllime paqësore dhe civile, siç është energjia.

“Presidenti Trump e kupton kërcënimin që ajatollah Khamenei paraqet për ne, jo vetëm për Izraelin, dhe se ai, në fund të fundit, do ta ndihmojë Izraelin të përfundojë punën”, tha Graham për ”Fox News”.

Zëvendëspresidenti JD Vance, duke kërkuar të kapërcejë përçarjen, tha në një postim në mediet sociale se Trump “mund të vendosë se duhet të ndërmarrë veprime të mëtejshme për t’i dhënë fund pasurimit iranian të uraniumit”.

“Ky vendim në fund të fundit i përket presidentit”, shtoi ai.

“Dhe sigurisht, njerëzit kanë të drejtë të shqetësohen për përfshirjen e huaj pas 25 viteve të fundit të politikës së jashtme idiote”, theksoi JD Vance.

Një sondazh i opinionit publik ditët e fundit tregon se votuesit e Trump do ta mbështesnin gjerësisht ndihmën e SHBA-së për Izraelin për të sulmuar Iranin.

Sondazhi i ”Gray House” zbuloi se 79% e të anketuarve do ta mbështesnin SHBA-në që t’i siguronte Izraelit armë sulmuese për të goditur objektivat ushtarake iraniane.

Rreth 89% ishin të shqetësuar se Irani do të siguronte bombën atomike.

Ndërsa bënte fushatë për Shtëpinë e Bardhë në shtator, Trump tha se “ne do ta rivendosim shpejt stabilitetin në Lindjen e Mesme. Dhe do ta kthejmë botën në paqe”.

Me konfliktin Iran-Izrael në tehun e thikës, pyetja nëse presidenti amerikan është izolacionist apo ndërhyrës mund të marrë përgjigje më shpejt sesa më vonë./  a.jor.

The post KOMENT – Dilema e Trumpit për Iranin ekspozon përçarjet e mëdha në rrethin e presidentit appeared first on Agjencia Telegrafike Shqiptare.

Presidenti amerikan Donald Trump ka mbledhur prej disa orësh këshillin e sigurisë kombëtare, në Shtëpinë e Bardhë, ndërsa përgatitet të marrë një nga vendimet më të mëdha të presidencës së tij: nëse do të angazhojë forcat amerikane në luftën midis Izraelit dhe Iranit. Para takimit me gjeneralët e tij, Trump ka bërë një deklaratë tronditëse […]

The post Edhe SHBA përfshihet në konflikt? Bombarduesit B-52 pranë Iranit appeared first on BoldNews.al.

Kancelari gjerman, Friedrich Merz, ka shprehur mbështetje të fuqishme për Izraelin dhe për fushatën e tij ushtarake kundër Iranit, gjatë një deklarate për mediat gjermane në kuadër të samitit të G7, që po zhvillohet këtë vit në Kanada.

“Kjo është puna e ndyrë që Izraeli po e bën për të gjithë ne,” u shpreh Merz në një intervistë për transmetuesin ZDF, duke e konsideruar regjimin iranian si një kërcënim global.
“Edhe ne jemi viktima të këtij regjimi. Ky regjim i mullahëve i ka sjellë botës vdekje dhe shkatërrim,” theksoi ai.

Merz sugjeroi se sulmet izraelite mund të kenë potencialin të rrëzojnë udhëheqësinë aktuale të Republikës Islamike.
“Besoj se sulmet e ditëve të fundit e kanë dobësuar regjimin e mullahëve dhe nuk e shoh që do të mund t’i kthehen forcës së dikurshme, duke e bërë të ardhmen e shtetit më të paqartë,” u shpreh ai.
“Për të qenë i sinqertë, e kam vështirë të imagjinoj se regjimi i mullahëve do t’iu kthehet funksioneve të vjetra. Figura të mëdha të udhëheqësisë ushtarake dhe Gardës Revolucionare Islamike nuk janë më gjallë dhe gjërat nuk do të jenë siç ishin.”

I pyetur për mundësinë e përfshirjes së Shteteve të Bashkuara në këtë fushatë ushtarake, Merz tha:
“Besoj që nuk ka ende një vendim nga Qeveria amerikane. Tani varet se sa do të jetë gati regjimi i mullahëve për t’u kthyer në tavolinën e negociatave. Nëse jo, atëherë mund të ketë zhvillime të këtij lloji.”

Izraeli ka nisur të premten një fushatë ajrore të gjerë duke goditur qendra ushtarake dhe bërthamore brenda Iranit, me qëllim pengimin e këtij vendi të arrijë të zotërojë armë bërthamore.
Kryeministri izraelit, Benjamin Netanyahu, ka deklaruar se fushata mund të ketë objektiva më të gjera se thjesht çështja bërthamore, duke thënë se Izraeli “po ndryshon fytyrën e Lindjes së Mesme” dhe kjo mund të çojë në “ndryshime radikale” brenda Iranit.

Netanyahu ka sugjeruar se vrasja e liderit suprem të Iranit do t’i jepte fund konfliktit.

Ndërkohë, liderët e G7 kanë bërë thirrje për ulje tensionesh, duke riafirmuar të drejtën e Izraelit për vetëmbrojtje, por duke kërkuar që civilët të mbrohen në të dyja anët e konfliktit.

The post Konflikti në Lindjen e Mesme, kancelari gjerman: Mbështetje e fortë për fushatën ushtarake kundër Iranit appeared first on Sot News | Lajme.

Një seri shkrimesh me tituj sensacionalë dhe alarmistë u publikuan të hënën në më shumë se një duzinë faqesh online në shqip, përfshirë Agjencinë Telegrafike Shqiptare (ATSH), duke pretenduar se Pakistani do të përdorte bomba atomike ndaj Izraelit, nëse ky i fundit do të sulmonte Iranin me to.

Shkrimet në shqip iu referuan kryesisht tabloidit britanik Daily Mail, ndërsa ATSH citoi si burim një faqe ‘online’ nga India. Disa nga këto tekste, që duket se janë qarkulluar në modalitetin “copy-paste”, u përditësuan disa orë më vonë, për të reflektuar ndryshimet në artikullin e Daily Mail, pasi Pakistani mohoi kërcënimin.

Megjithatë, si tabloidi brtianik, ashtu edhe mediat në shqip që i ripublikuan – përfshirë publikime në Kosovë dhe në Maqedoninë e Veriut, i qëndruan të njëjtit titull bombastik, në të cilin paralajmërohej një luftë atomike, duke përdorur fraza si: “Çmendet bota” apo “Kërcënimi apokaliptik”. Lajmi kishte si burim të vetëm një nga ushtarakët e lartë iranianë, dhe deklarata e tij dukej si pjesë e propagandës së Teheranit për të krijuar idenë e një fronti shtetesh islamike kundër Izraelit.

Sipas ekspertëve të medias dhe të dezinformimit, shpërndarja e këtyre informacioneve propagandistike – nga njëra palë ose tjetra në konflikt është tregues i dobësive sistematike dhe i tërheqjes së mediave drejt titujve ‘karrem’ [clickbait] që gjenerojnë reagime kryesisht në rrjetet sociale.

“Mediat në Shqipëri bien lehtësisht pre e lajmeve të tilla, jo vetëm për shkak të mungesës së verifikimit profesional të burimeve dhe kontrollit rigoroz të fakteve, por edhe për shkak të problemeve strukturore dhe sistemike”, tha Blerjana Bino, drejtore ekzekutive e qendrës SCiDEV.

Izraeli hapi një kapitull të ri në konfliktin afatgjatë me Iranin të premten, kur Tel Avivi ndërmori një seri sulmesh ajrore duke shënjestruar programin bërthamor të Teheranit dhe gjeneralët e tij kryesorë. Irani është kundërpërgjigjur duke e sulmuar Izraelin me raketa balistike. Sulmet e ndërsjella ajrore dhe me raketa, të cilat hynë në ditën e pestë të martën, kanë shkaktuar qindra të vrarë dhe të plagosur. Ato vijnë si pasoje e tensioneve të krijuara midis dy shteteve nga avancimi i programit bërthamor iranian, të cilën Izraeli e sheh si një rrezik ekzistencial.

Kjo nuk është hera e parë që mediat shqiptare bien pre e propagandës së luftës nga palët në konflikt. Siç tregoi një studim i BIRN dhe SCiDEV mbi lajmet e rreme të lidhura me luftën në Ukrainë, mungesa e politikave editoriale dhe përpjekjet për të gjeneruar klikime bëjnë që shumë prej këtyre lajmeve të përhapen lehtësisht në media online në gjuhën shqipe.

“Duke qenë se lajmet e rreme krijohen shpesh për t’u shpërndarë në mënyrë virale në rrjetet sociale, ato bëhen tërheqëse për ripublikim nga media që ndjekin tituj ‘karrem’ dhe klikime, në vend të fakteve të verifikuara dhe informacionit të thelluar”, shkruhet në studim.

Isa Myzyraj, kryetar i Aleancës për Media Etike, i tha BIRN se kjo situatë vjen për shkak të mungesës së “kapaciteteve dhe vullnetit të mediave për verifikimin e fakteve”. Ai shton se situata mund të përmirësohej nëse mediat shmangnin burimet tabloide. Emirjon Senja, gazetar dhe trajner për dezinformimin, thekson se lajmet e rreme në media shqiptare nuk qarkullojnë për arsye ideologjike, por shumica e rishpërndarjeve bëhen për qëllime përfitimi.

“Besoj që shumica e mediave dhe gazetarëve që rishpërndajnë lajme të tilla e bëjnë këtë për qëllime tërësisht financiare, përmes reklamave në platforma të ndryshme”, tha ai.

Edhe Blerjana Bino i tha BIRN se rastet e tilla janë të përsëritura tashmë në kontekstin e konfliktit mes Izraelit dhe Iranit dhe vijnë si pasojë e problemeve të brendshme të mediave shqiptare.

“Këto probleme lidhen me mungesën e modeleve të qarta të financimit që inkurajojnë cilësinë, varësinë e tepruar nga reklamat dhe klikimet, si dhe me kufizimet në burime njerëzore dhe teknologjike brenda redaksive”, tha Bino.

Ajo shton se Shqipëria nuk ka imunitet ndaj propagandës, pavarësisht burimit. Duke analizuar lajmin mbi kërcënimin bërthamor të shpërndarë gjerësisht të hënën, Bino tha se qëllimi është përhapja e një narrative destabilizuese.

Ajo vë në dukje se, ndryshe nga aktorë të tjerë, Irani mbështet drejtpërdrejt dhe tërthorazi disa media në gjuhën shqipe, duke targetuar veçanërisht Shqipërinë.

“Përmes këtyre mjeteve, Irani kërkon të krijojë konfuzion, të dobësojë lidhjet strategjike të Shqipërisë me Perëndimin dhe të ndikojë në stabilitetin e brendshëm të vendit”, theksoi Bino.

Media iraniane ose pro-iraniane në gjuhën shqipe përfshijnë agjencinë ‘Pars’ dhe portali Gazeta Impakt.

Megjithatë, propagandë shpërndahet dhe nga armiqtë e regjimit. Sipas Isa Myzyrajt, gazetarëve u dërgohen me e-mail apo mjete të tjera komunikimi, video në shqip të prodhuara me Inteligjencë Artificiale (IA) nga MEK, grupi opozitar i muxhahedinëve iranian i strehuar në Manëz të Durrësit.

Videot e krijuara me IA shpërndahen edhe nëpërmjet platformave sociale.

“Profile në rrjetet sociale që mbështesin narrativën pro-Iranit apo pro-Izraelit po shpërndajnë lajme të pavërteta, të cilat duken si pjesë e fushatave më të mëdha të propagandës së strukturuar”, tha Emirjon Senja.

Sipas tij, këto postime shfrytëzojnë kontekstin e luftës në Rripin e Gazës – i cili e ka polarizuar komunitetin ndërkombëtar, përfshirë edhe Shqipërinë, duke bërë që palët të pozicionohen dhe të shpërndajnë narrativat përkatëse pa verifikim.

“Kohët e fundit në platformën X po qarkullojnë shumë video të krijuara me AI që pretendojnë të tregojnë shkatërrimet e shkaktuara nga raketat iraniane në Tel Aviv”, tha Senja, ndërsa shtoi se, përveç publikut, në disa raste viktima të këtyre postimeve kanë qenë edhe vetë gazetarët. /Reporter.al

The post BIRN: Konflikti midis Izraelit dhe Iranit përmbyt median shqiptare me lajme të rreme appeared first on Sot News | Lajme.

UASHINGTON, 15 qershor /ATSH/ – Presidenti i SHBA-së, Donald Trump tha sot se në mandatin e tij të parë, Kosova dhe Serbia po shkonin drejt një lufte, por kjo u ndalua nga administrata e tij.

Në një postim në Truth Social, Trump shkroi se ish-presidenti Joe Biden i ka dëmtuar perspektivat e tij afatgjata me disa vendime, por theksoi se ai do t[i “rregullojë përsëri”.

”Gjithashtu, gjatë mandatit tim të parë, Serbia dhe Kosova po përballeshin, siç kanë bërë për shumë dekada, dhe ky konflikt i gjatë ishte gati të shpërthente në LUFTË.
Unë e ndalova atë (Biden ka dëmtuar perspektivat afatgjata me disa vendime shumë budallaqe, por unë do ta rregulloj përsëri!)…”, shkruan Trump në Truth Social.

”Do të kemi PAQE, së shpejti, midis Izraelit dhe Iranit! Shumë telefonata dhe takime po zhvillohen tani. Unë bëj shumë, dhe kurrë nuk marr merita për asgjë, por nuk ka problem. POPULLI e kupton. BËJENI LINDJEN E MESME TË MADHE PËRSËRI!”, përfundon Trump me germa kapitale shënimin e tij në Truth Social./ a.jor.

The post SHBA – Trump: Unë e ndalova një konflikt Kosovë-Serbi appeared first on Agjencia Telegrafike Shqiptare.

TEL AVIV/TEHERAN, 15 qershor /ATSH/ – Për momentin, luftimet midis Izraelit dhe Iranit duket se janë të kufizuara në të dy vendet dhe Në OKB dhe gjetkë ka pasur thirrje të gjera për përmbajtje, sipas BBC.

Po sikur këthirrje të bien në vesh të shurdhër? Po sikur luftimet të përshkallëzohen dhe të zgjerohen?

Ja vetëm disa skenarët e mundshëm, në rastin më të keq.

Amerika përfshihet në konflikt

Pavarësisht të gjitha mohimeve të SHBA-së, Irani beson qartë se forcat amerikane i kanë mbështetur dhe të paktën i kanë mbështetur në heshtje sulmet e Izraelit.

Irani mund të godasë objektiva amerikane në të gjithë Lindjen e Mesme – siç janë kampet e forcave speciale në Irak, bazat ushtarake në Gjirin Persik dhe misionet diplomatike në rajon. Forcat e Iranit – Hamasi dhe Hezbollahu – mund të jenë shumë të pakësuara, por milicitë e tij mbështetëse në Irak mbeten të armatosura dhe të paprekura.

SHBA-ja kishte frikë se sulme të tilla ishin një mundësi dhe tërhoqën një pjesë të personelit. Në mesazhet e saj publike, SHBA-ja e ka paralajmëruar Iranin me vendosmëri për pasojat e çdo sulmi ndaj objektivave amerikane.

Çfarë mund të ndodhë nëse një qytetar amerikan do të vritej, të themi, në Tel Aviv ose gjetkë?

Donald Trump mund ta gjejë veten të detyruar të veprojë. Kryeministri i Izraelit, Benjamin Netanyahu, është akuzuar prej kohësh se dëshiron të tërheqë SHBA-në që ta ndihmojë të mposhtë Iranin.

Analistët ushtarakë thonë se vetëm SHBA-ja ka bombardues dhe bomba që shkatërrojnë bunkerë që mund të depërtojnë në thellësitë e objekteve bërthamore iraniane, veçanërisht atë të Fordow.

Trump i premtoi elektoratit të tij se nuk do të fillonte asnjë të ashtuquajtur “luftë të përjetshme” në Lindjen e Mesme. Por, po aq shumë republikanë mbështesin si qeverinë e Izraelit ashtu edhe pikëpamjen e saj se tani është koha për të kërkuar ndryshimin e regjimit në Teheran.

Por, nëse Amerika do të bëhej një luftëtare aktive, kjo do të përfaqësonte një përshkallëzim të madh me pasoja potencialisht shkatërruese.

Edhe vendet e Gjirit përfshihen në konflikt

Nëse Irani nuk arrin të dëmtojë ushtrinë dhe objektivat e tjera të mbrojtura mirë të Izraelit, atëherë ai gjithmonë mund t’i drejtojë raketat e tij në objektiva më pak të mbrojtura në Gjirin Persik, veçanërisht në vendet që Irani beson se i kanë ndihmuar dhe mbështetur armiqtë e tij gjatë viteve.

Ka shumë objektiva energjie dhe infrastrukture në rajon.

Irani u akuzua për sulmin ndaj fushave të naftës të Arabisë Saudite në vitin 2019 dhe përfaqësuesit e tij Houthi goditën objektiva në Emiratet e Bashkuara Arabe në vitin 2022.

Që atëherë ka pasur një lloj pajtimi midis Iranit dhe disa vendeve në rajon.

Por, këto vende strehojnë baza ajrore amerikane. Disa gjithashtu – diskrete – ndihmuan në mbrojtjen e Izraelit nga sulmi raketor iranian vitin e kaluar.

Nëse Gjiri do të sulmohej, atëherë edhe ai mund të kërkonte që avionët luftarakë amerikanë të vinin në mbrojtje të tij, si dhe të Izraelit.

Izraeli dështon të shkatërrojë aftësinë bërthamore të Iranit

Po sikur sulmi izraelit të dështojë? Po sikur objektet bërthamore të Iranit të jenë shumë të thella, shumë të mbrojtura mirë? Po sikur 400 kilogramë uranium i pasuruar 60% – karburanti bërthamor që është vetëm një hap i vogël larg të qenit plotësisht i aftë për armë, i mjaftueshëm për 10 bomba ose më shumë – të mos shkatërrohet?

Mendohet se mund të jetë fshehur thellë në miniera sekrete. Izraeli mund të ketë vrarë disa shkencëtarë bërthamorë, por asnjë bombë nuk mund të shkatërrojë njohuritë dhe ekspertizën e Iranit.

Po sikur sulmi i Izraelit të bindë udhëheqjen e Iranit se e vetmja mënyrë për të penguar sulme të mëtejshme është të garojë për kapacitet bërthamor sa më shpejt që të jetë e mundur?

Po sikur ata udhëheqës të rinj ushtarakë rreth tryezës të jenë më kokëfortë dhe më pak të kujdesshëm se paraardhësit e tyre të vdekur?

Të paktën, kjo mund ta detyrojë Izraelin të ndërmarrë sulme të mëtejshme, duke e lidhur potencialisht rajonin në një raund të vazhdueshëm sulmesh dhe kundërsulmesh. Izraelitët kanë një frazë brutale për këtë strategji, ata e quajnë “kositja e barit”.

Ka një tronditje ekonomike globale dhe çmimi i naftës tashmë është rritur ndjeshëm.

Po sikur Irani të përpiqet të mbyllë Ngushticën e Hormuzit, duke kufizuar më tej lëvizjen e naftës?

Po sikur – në anën tjetër të Gadishullit Arabik – Houthët në Jemen të dyfishojnë përpjekjet e tyre për të sulmuar anijet në Detin e Kuq? Ata janë i ashtuquajturi aleat i fundit i mbetur i Iranit me një histori të paparashikueshmërisë dhe oreksit të lartë për rrezik.

Shumë vende anembanë botës tashmë po vuajnë nga një krizë e kostos së jetesës. Një çmim në rritje i naftës do të shtonte inflacionin në një sistem ekonomik global që tashmë po shkatërrohet nën peshën e luftës së tarifave të Trump.

Dhe të mos harrojmë, i vetmi njeri që përfiton nga rritja e çmimeve të naftës është presidenti rus Putin, i cili papritmas do të shihte miliarda dollarë të tjerë të derdheshin në arkën e Kremlinit për të paguar luftën e tij kundër Ukrainës.

Regjimi i Iranit bie duke lënë një boshllëk

Po sikur Izraeli të arrinte qëllimin e tij afatgjatë për të detyruar rrëzimin e regjimit revolucionar islamik në Iran?

Netanyahu pretendon se qëllimi i tij kryesor është të shkatërrojë aftësinë bërthamore të Iranit. Por, ai e bëri të qartë në deklaratën e tij të djeshme se qëllimi i tij më i gjerë përfshin ndryshimin e regjimit.

Ai i tha “popullit krenar të Iranit” se sulmi i tij po “hapte rrugën për ju për të arritur lirinë tuaj” nga ajo që ai e quajti “regjimi i tyre i lig dhe shtypës”.

Rënia e qeverisë së Iranit mund t’u pëlqejë disave në rajon, veçanërisht disa izraelitëve. Por çfarë boshllëku mund të lërë kjo? Çfarë pasojash të paparashikuara do të kishte? Si do të dukej konflikti civil në Iran?

Shumë veta mund të kujtojnë se çfarë ndodhi si me Irakun ashtu edhe me Libinë kur u hoq një qeveri e fortë e centralizuar.

Pra, shumë varet nga mënyra se si do të përparojë ky konflikt në ditët në vijim.

Si – dhe sa fort – do të hakmerret Irani? Dhe çfarë përmbajtjeje – nëse ka – mund të ushtrojë SHBA-ja ndaj Izraelit?

Nga përgjigja e këtyre dy pyetjeve do të varet shumë edhe ky konflikt./ a.jor.

The post ANALIZË – Cilët janë skenarët më të këqij të konfliktit izraelito-iranian? appeared first on Agjencia Telegrafike Shqiptare.

TEL AVIV/TEHERAN, 15 qershor /ATSH-DPA/ – Numri i të vdekurve në konfliktin e vazhdueshëm në Lindjen e Mesme vazhdon të rritet, ndërsa Teherani nisi një valë të re sulmesh vdekjeprurëse ndaj Izraelit gjatë natës dhe Izraeli shënjestroi industrinë energjetike të Iranit.

”Të paktën tetë persona u vranë dhe rreth 200 u plagosën në Izrael pas sulmeve gjatë natës”, raportuan sot mediet lokale duke cituar punonjësit e shpëtimit.

Sipas shërbimit të shpëtimit ”Magen David Adom”, dy fëmijë dhe të paktën dy persona të tjerë u vranë në qytetin izraelit Bat Yam kur një raketë goditi një ndërtesë banimi sot herët në mëngjes.

Kishte gjithashtu raportime për ndërtesa të goditura në Tel Aviv dhe Jerusalem.

Ndërkohë, Forcat e Mbrojtjes Izraelite (IDF) thanë se kishin kryer një “seri të gjerë sulmesh ndaj objektivave në Teheran”.

IDF tha se objektivat përfshinin Ministrinë iraniane të Mbrojtjes dhe vende të tjera që lidhen me “përpjekjet e regjimit iranian për të siguruar një armë bërthamore dhe ku regjimi iranian fshehu arkivin e tij bërthamor”.

Izraeli sulmoi Iranin të premten në mëngjes, duke synuar objektet bërthamore, figurat kryesore ushtarake, shkencëtarët më të lartë bërthamorë, pozicionet e mbrojtjes, qytetet dhe objektet e naftës.

Që atëherë, sipas shifrave zyrtare, dhjetëra njerëz janë vrarë dhe qindra të tjerë janë plagosur në Iran.

Irani tha se sulmet ajrore ishin një deklaratë lufte dhe ka qëlluar qindra raketa dhe dronë drejt Izraelit në shenjë hakmarrjeje.

IDF tha sot herët se objektivat e fundit përfshinin selinë e një organizate shtetërore iraniane për kërkime bërthamore në Teheran, e njohur si Organizata e Inovacionit dhe Kërkimit Mbrojtës./ a.jor.

The post LM – Numër viktimash në rritje, ndërkohë që konflikti Iran-Izrael përshkallëzohet appeared first on Agjencia Telegrafike Shqiptare.

Një 26-vjeçar është arrestuar në Tiranë lidhur me ngjarjen e ndodhur më datë 10 qershor në zonën e “Ali Demit” nga ku u raportua për një konflikt ku dyshohet se ishte përdorur dhe armë zjarri.

Policia bën me dije se i riu u vu në pranga për veprat penale “Veprime që pengojnë zbulimin e së vërtetës”, “Moskallëzimi i krimit” dhe “Deklaratat e rreme përpara oficerit të policisë gjyqësore”.

Gjithashtu për këtë rast është shpallur në kërkim në28-vjeçar pasi dyshohet se është përfshirë në konflikt.

The post Konflikti me armë zjarri te “Ali Demi”, arrestohet 26-vjeçari appeared first on Lapsi.al.

Të paktën tetë persona u qëlluan për vdekje të martën në mëngjes në qytetin bregdetar jugperëndimor të Ekuadorit, Guayaquil, në mes të një vale dhune kriminale, njoftoi policia kombëtare.

Sulmi ndodhi në distriktin Pascuales, përgjatë autostradës Daule. “Tetë persona u vranë nga të shtënat me armë zjarri,” tha policia në një deklaratë, duke shtuar se oficerët u dërguan menjëherë për të hetuar dhe ndjekur autorët e sulmit.

Mediat lokale raportuan se viktimat u qëlluan në zonën industriale të Guayaquil-it, pranë zonës Peca dhe jashtë një tregu komunal, në kohën kur shitësit ambulantë sapo kishin nisur ditën e punës. Sipas raporteve televizive lokale, pesë nga viktimat ishin drejtues taksish me motor.

Policia sugjeroi se rritja e dhunës mund të ketë lidhje me sekuestrimin e katër pushkëve gjatë fundjavës. Guayaquil, një nga qytetet më të rrezikshme në Ekuador, ka përjetuar një sërë sulmesh vdekjeprurëse ditët e fundit. Të dielën, katër burra u vranë në një banesë në lagjen Bastion Popular. Të hënën, një çift bashkëshortësh u vra me armë pasi kishin lënë fëmijët në shkollë në lagjen Mucho Lote.

Qyteti, kryeqyteti i provincës Guayas, është nën gjendje të jashtëzakonshme që nga prilli për shkak të asaj që qeveria e quan “shqetësim i rëndë i brendshëm”.

Ekuadori po përballet me një krizë të rëndë sigurie që nga janari 2024, kur Presidenti Daniel Noboa shpalli një “konflikt të armatosur të brendshëm” kundër grupeve të krimit të organizuar të lidhura me trafikun e drogës.

The post Konflikt i armatosur mes bandave të drogës në Ekuador, 8 të vrarë appeared first on Lapsi.al.

Një konflikt mes disa personave është regjistruar mbrëmjen e djeshme në zonën e “Ali Demit” në Tiranë. Dyshohet se ka gjatë konflikti ka patur edhe të shtëna me armë zjarri, teksa burime për mediat bëjnë me dije se Policia ka gjetur në vendin e ngjarjes dy gëzhoja. Nuk dihet nëse ka patur persona të plagosur. […]

The post Sherr masiv në Tiranë, Policia gjen gëzhoja, dyshohet për të shtëna me armë zjarri appeared first on BoldNews.al.

UASHINGTON, 7 qershor /ATSH-ANSA/ – Presidenti amerikan, Donald Trump tha sot se shpresonte që lufta midis Ukrainës dhe Rusisë të mos shndërrohej në “një konflikt bërthamor”.

“Shpresoj që jo”, iu përgjigj ai pyetjeve të gazetarëve.

Trump më pas kritikoi sulmin me dron ukrainas brenda kufijve të Rusisë.

“Ata i dhanë Putinit një arsye për t’i bombarduar ata. Kjo është gjëja që nuk më pëlqeu. Kur e pashë këtë, mendova se tani do të ketë hakmarrje'”, u tha presidenti gazetarëve.

Vetëm tri ditë më parë, Trump tha se kishte diskutuar me presidentin rus, Vladimir Poutin për ”sulmin e Ukrainës ndaj avionëve rusë të ankoruar në port dhe sulme të ndryshme të tjera nga të dyja palët. Ishte një bisedë e mirë, por jo një që do të çojë në paqe të menjëhershme”./  a.jor.

The post SHBA – Trump: Shpresoj që lufta ruso-ukrainase të mos shndërrohet në një konflikt bërthamor appeared first on Agjencia Telegrafike Shqiptare.