Kancelari gjerman Friedrich Mertz ka paralajmëruar se kërcënimi i presidentit amerikan Donald Trump për vendosjen e tarifave 30% ndaj produkteve evropiane do të godiste drejtpërdrejt industrinë eksportuese të Gjermanisë, ekonominë më të madhe të Evropës, nëse nuk arrihet një marrëveshje përmes negociatave gjatë javëve në vijim. Sipas mediave gjermane, Mertz deklaroi se në rast se […]

The post Tarifat e Trumpit/ Kancelari Merz: Do të godisnin industrinë tonë eksportuese appeared first on BoldNews.al.

Në një deklaratë të shkurtër, por të fuqishëm, kancelari gjerman Friedrich Merz i ka dërguar një mesazh të qartë presidentit rus, Vladimir Putin.

Gjatë një paraqitjeje publike, Merz u shpreh “lam një mesazh për Presidentin Putin. Dhe është mjaft i thjeshtë: Ne nuk do të dorëzohemi.”

Deklarata vjen në një kohë tensionesh të larta ndërkombëtare dhe rikonfirmon qëndrimin e vendosur të Gjermanisë dhe aleatëve të saj ndaj veprimeve të Rusisë. Merz theksoi vendosmërinë e Perëndimit për të qëndruar i bashkuar dhe për të mos lejuar që kërcënimet apo agresioni të ndikojnë në qëndrimin strategjik dhe demokratik të vendeve evropiane.

Kjo deklaratë është pritur me reagime të ndryshme në arenën ndërkombëtare, ndërsa vjen në një moment kritik për sigurinë dhe stabilitetin në Evropë.

Merz ka deklaruar sot se do të blejë sistem amerikan Patriot për t’ia transferuar drejt Ukrainës, e cila po lufton me Rusinë.

The post ‘Ne nuk do të dorëzohemi’, Merz sfidon Putinin: Perëndimi qëndron i bashkuar appeared first on Sot News | Lajme.

“Pas gjithë kësaj velloje fjalësh qëndron dëshira e maskuar keq e qeverisë Merz për të marrë pjesë edhe në goditje thellë brenda vendit tonë”, tha zëdhënësja e Ministrisë së Jashtme të Rusisë, Maria Zakharova, njofton agjencia shtetërore e lajmeve Tass. Gjermania është e gatshme të dërgojë raketa me rreze të gjatë veprimi Taurus në UkrainëFotografi: Defense […]

The post Moska akuzon Merzin se dëshiron të marrë pjesë në luftë appeared first on BoldNews.al.

Kancelari i Gjermanisë, Friedrich Merz, tha të mërkurën se Franca dhe Gjermania duhet t’u përmbahen marrëveshjeve të mëparshme mbi konfigurimin e projektit të përbashkët franko-gjerman për avionët luftarakë FCAS, pas u raportua në fillim të kësaj jave se Franca tani kërkon të marrë pjesë në 80 për qind të punës.

Merz tha se është në kontakt të rregullt me presidentin francez, Emmanuel Macron, për projektin, i cili vlen më shumë se 100 miliardë euro dhe ka hasur në vonesa dhe mosmarrëveshje për ndarjen e punëve dhe të drejtave të pronësisë autoriale.

Udhëheqësit e dy ekonomive më të mëdha të Evropës pritet të takohen në Berlin kah fundi i këtij muaji, raporton Reuters.

“Jam plotësisht i vendosur t’i qëndrojmë besnikë marrëveshjeve që kemi bërë me Francën dhe Spanjën në lidhje me FCAS”, tha Merz në një konferencë të përbashkët për shtyp me sekretarin e përgjithshëm të NATO-s, Mark Rutte.

Kompania franceze Dassault Aviation, si dhe Airbus dhe Indra – këto dy të fundit përfaqësojnë Gjermaninë dhe Spanjën – janë pjesë e projektit për t’i zëvendësuar avionët francezë Rafale dhe ata gjermanë e spanjollë Eurofighter, me avionë luftarakë të gjeneratës së pestë duke filluar nga viti 2040.

Megjithatë, Merzi e pranoi se ende ka dallime në qëndrime për mënyrën se si duhet të përbëhet konsorciumi.

“Çështjet që kanë të bëjnë me pikëpamjet e ndryshme për përbërjen e konsorciumit ende nuk janë zgjidhur. Por, jam i bindur se do t’ia dalim”, tha ai.

Franca ia ka bërë të ditur Gjermanisë se dëshiron të ketë rreth 80 për qind të ndarjes së punës në FCAS, tha një burim nga industria e mbrojtjes për Reuters në fillim të kësaj jave.

Nëse Franca nuk heq dorë nga kjo kërkesë, atëherë ndarja e punëve siç ishin pajtuar palët më herët, do të anulohet, tha burimi. Sipas tij, dallimet që do të krijoheshin mes partnerëve të projektit do ta bënin të pamundur që ai të kalonte në fazën e ardhshme siç ishte planifikuar deri në fund të këtij viti./REL

The post Merz i kërkon Francës t’i përmbahet ujdisë për projektin e përbashkët për avionë luftarakë appeared first on Sot News | Lajme.

BERLIN, 9 korrik /ATSH-DPA/- Kancelari gjerman Friedrich Merz do të vizitojë Londrën – në një përpjekje për të krijuar bashkëpunim më të ngushtë me Britaninë e Madhe në politikën e jashtme dhe të sigurisë.

“Unë kërkoj një bashkëpunim më të ngushtë, jo vetëm brenda Bashkimit Evropian, por edhe me Britaninë e Madhe – sepse ky vend është me rëndësi strategjike për sigurinë e Evropës”, tha Merz sot në parlamentin gjerman.

Kancelari gjerman tha se kishte pranuar një ftesë për të udhëtuar në Londër për bisedime.

Diskutimet me kryeministrin britanik, Keir Starmer pritet të përfshijnë gjithashtu një marrëveshje partneriteti.

Merz shprehu kënaqësinë e tij për përpjekjet e qeverisë britanike – për t’u harmonizuar me Bashkimin Evropian në politikën e jashtme dhe të sigurisë – pavarësisht Brexit.

“Nuk e fsheh faktin se ende më vjen shumë keq që Britania e Madhe u largua nga Bashkimi Evropian”, shtoi ai. //a.i/

The post BERLIN – Merz viziton Londrën mes përpjekjeve për bashkëpunim më të ngushtë me BM-në appeared first on Agjencia Telegrafike Shqiptare.

BERLIN, 9 korrik /ATSH-DPA/ – Kancelari gjerman, Friedrich Merz shprehu besimin se një marrëveshje do të arrihet së shpejti në mosmarrëveshjen për tarifat SHBA-BE, disa ditë pasi presidenti i SHBA-së Donald Trump e zgjati afatin e tij për arritjen e një marrëveshjeje deri më 1 gusht.

Në një debat të madh në Bundestag, Merz tha se ishte “optimist i kujdesshëm” se një marrëveshje mund të vuloset në ditët e ardhshme ose më së voni deri në fund të muajit.

“Qëllimi ynë është të arrijmë një marrëveshje tregtare me Shtetet e Bashkuara të Amerikës sa më shpejt të jetë e mundur, një që lidh tregtinë reciproke midis Amerikës dhe Bashkimit Evropian me tarifat më të ulëta të mundshme”, tha Merz.

“Arritja e këtij qëllimi nuk është e lehtë duke pasur parasysh kërkesat aktuale të qeverisë amerikane”, pranoi ai, duke shtuar se po ‘’punonte shumë për të gjetur një zgjidhje”, shtoi ai.

Komisioni Evropian ka negociuar me Uashingtonin për mosmarrëveshjen doganore për muaj të tërë.

Administrata Trump ka njoftuar një tarifë bazë prej 10% për të gjitha mallrat e BE-së, së bashku me tarifa të mëtejshme specifike për sektorët kryesorë si makinat, alumini dhe çeliku.

Një afat për bisedime që duhej të skadonte të mërkurën u shty për në gusht nga Trump, i cili më parë këtë javë publikoi më shumë se një duzinë letrash me detaje mbi kërkesat e tij tarifore ndaj vendeve të ndryshme, kryesisht në Azi./  /os/

The post BERLIN – Merz: Optimist mbi marrëveshjen tarifore BE-SHBA appeared first on Agjencia Telegrafike Shqiptare.

Gjermania po planifikon të prezantojë një shërbim ushtarak vullnetar gjashtëmujor me qëllim dyfishimin e numrit të rezervistëve, raportoi Reuters, duke cituar burime të informuara.

Që nga përshkallëzimi i konfliktit në Ukrainë në shkurt të vitit 2022, Berlini është përpjekur të forcojë forcat e tij të armatosura, duke përmendur një “kërcënim” që vjen nga Rusia. Moska i ka hedhur poshtë vazhdimisht si “të pakuptimta” pretendimet se synon të sulmojë vendet e NATO-s, duke thënë se politikanët perëndimorë po i trembin qëllimisht popullsitë e tyre për të justifikuar rritjen e shpenzimeve ushtarake.

Më herët këtë vit, kancelari gjerman Friedrich Merz u zotua ta bënte Bundeswehr-in “ushtrinë më të fortë” në kontinent, me ministrin e Mbrojtjes Boris Pistorius që synonte një “rritje drastike” të buxhetit ushtarak të Gjermanisë deri në 90 miliardë euro deri në vitin 2028.

Qeveria gjermane pret që tërheqja e vullnetarëve do t’i lejojë vendit të rrisë numrin e rezervistëve nga rreth 100,000 në 200,000, raportoi Reuters në një artikull të premten.

Berlini mund të shqyrtojë rikthimin e rekrutimit ushtarak, i cili është hequr në Gjermani që nga viti 2011, nëse skema nuk jep rezultate, sipas burimeve.

Gjatë shërbimit gjashtëmujor, vullnetarët do të mësonin “detyra të thjeshta” si detyra e rojes, ndërkohë që do t’u ofrohej mundësia për të marrë përfundimisht patenta për shoferë tankesh ose kamionësh.

Berlini shpreson që disa nga vullnetarët do të vazhdojnë të kenë një karrierë në ushtri, thanë burimet.

Sipas Reuters, Pistorius dëshiron që legjislacioni të miratohet deri në fund të gushtit, në mënyrë që vullnetarët e parë të fillojnë trajnimin e tyre në maj të vitit të ardhshëm.

The post Merz premtoi të krijonte ushtrinë më të fortë në kontinent, Gjermania përgatit rikthimin e shërbimit ushtarak appeared first on Albeu.com.

Kancelari gjerman, Friedrich Merz është kritikuar ashpër nga partitë e majta pasi refuzoi thirrjet për të valëvitur flamurin e ylberit i njohur si flamuri i krenarisë LGBT mbi Bundestagun më 26 korrik, në Ditën e Christopher Street.

Në një intervistë për televizionin publik ARD të martën, Merz mbështeti vendimin e mëparshëm të kryetares së Bundestagut, Julia Klöckner, për të refuzuar këtë kërkesë.

“Bundestagu nuk është një cirk ku mund të valëvitet çdo flamur”, tha shefi i qeverisë gjermane.

Ai shtoi se flamuri i ylberit duhet të shfaqet vetëm më 17 maj, në Ditën Ndërkombëtare kundër Homofobisë.

“Të gjitha ditët e tjera valëviten vetëm flamuri gjerman dhe ai evropian dhe ky është vendimi i duhur,” theksoi ai.

Deklaratat e kancelarit shkaktuan indinjatë tek deputetët e opozitës. Sophie Koch, komisionere qeveritare për të drejtat LGBT dhe deputete e Partisë Socialdemokrate, akuzoi Merzin se nënkupton se komuniteti LGBT trajtohet si “kafshë cirku”.

Kryetarja e Partisë së Gjelbër, Katharina Dröge, tha se flamuri i ylberit “përfaqëson një grup që po përballet gjithnjë e më shumë me armiqësi, dhunë dhe urrejtje” dhe meriton vend në parlament. Gjithashtu deputetët e Gjelbër organizuan një protestë të heshtur në sallën e Bundestagut duke veshur rroba me ngjyrat e ylberit, citon Euronews. 

The post Refuzoi të valëvisë flamurin e LGBT, Merz: Bundestagu nuk është tendë cirku appeared first on Lapsi.al.

Kancelari gjerman, Friedrich Merz është kritikuar ashpër nga partitë e majta pasi refuzoi thirrjet për të valëvitur flamurin e ylberit mbi Bundestagun më 26 korrik, në Ditën e Christopher Street.

Në një intervistë për televizionin publik ARD të martën, Merz mbështeti vendimin e mëparshëm të kryetares së Bundestagut, Julia Klöckner, për të refuzuar këtë kërkesë.

“Bundestagu nuk është një cirk ku mund të valëvitet çdo flamur”, tha shefi i qeverisë gjermane.

Ai shtoi se flamuri i ylberit duhet të shfaqet vetëm më 17 maj, në Ditën Ndërkombëtare kundër Homofobisë, shkruan euronews.

“Të gjitha ditët e tjera valëviten vetëm flamuri gjerman dhe ai evropian – dhe ky është vendimi i duhur,” theksoi ai.

Deklaratat e kancelarit shkaktuan indinjatë tek deputetët e opozitës. Sophie Koch, komisionere qeveritare për të drejtat LGBT dhe deputete e Partisë Socialdemokrate, akuzoi Merzin se nënkupton se komuniteti LGBT trajtohet si “kafshë cirku”.

Kryetarja e Partisë së Gjelbër, Katharina Dröge, tha se flamuri i ylberit “përfaqëson një grup që po përballet gjithnjë e më shumë me armiqësi, dhunë dhe urrejtje” dhe meriton vend në parlament.

Deputetët e Gjelbër organizuan një protestë të heshtur në sallën e Bundestagut duke veshur rroba me ngjyrat e ylberit.

Në vitet e kaluara, Bundestagu ka valëvitur flamurin gjatë ngjarjeve kushtuar komunitetit, dhe kancelarët e mëparshëm kanë marrë pjesë në festimet e Ditës Christopher Street – një traditë gjermane që rrjedh nga trazirat në Stonewall në New York në vitin 1969. /Telegrafi/

The post Kancelari gjerman refuzoi të valëvis flamurin e ylberit: Bundestagu nuk është një tendë cirku appeared first on Telegrafi.

Gënjeshtra të inskenuara qëllimisht për kancelarin Friedrich Merz janë duke qarkulluar në mediat sociale. Qeveria gjermane, sipas të dhënave të saj, ka regjistruar “një fluks të madh postimesh”, veçanërisht që nga betimi i tij si kancelar, tha një zëdhënës i qeverisë për Agjencinë Gjermane të Shtypit, dpa. Toni është bërë më i ashpër krahasuar me periudhën e fundit legjislative dhe “po vërejmë si dezinformim ashtu edhe diskreditim personal dhe propagandë në media sociale”, ka theksuar zëdhënësi.

Lajmet e rreme mbi Merz

Pretendimet e fundit të sajuara lidhen me futjen e një takse shkollore, rritje të orarit javor të punës, vizitave në shtëpi për ata që kanë raport mjekësor dhe një fillimi më të hershëm të kohës së gjumit. Lajme të tilla mund të shkaktojnë reagime emocionale edhe pse të gjitha janë tërësisht të sajuara. Edhe një video e rreme tregon kancelarin Merz duke reklamuar produkte financiare të dyshimta. Sekuenca e filmit duket sikur është e përfshirë në artikullin online të një gazete të përditshme. Por edhe ky artikull është i rremë – as teksti dhe as videoja nuk u shfaqën kurrë në faqen e internetit të gazetës.

Vetëm pak ditë pas emërimit të Merz si kancelar, qarkulloi një video në internet, duke pretenduar se presidenti francez Emmanuel Macron, gjatë udhëtimit të tij në Kiev me Merz, kishte marrë një qese me kokainë nga tavolina, – kur gazetarët mbërritën për një mundësi fotografimi – për ta fshehur atë. Merz, nga ana tjetër, sipas lajmit thuhet, se fshehu një lugë për konsumimin e kokainës. Thashethemi u përhapën me shpejtësi. Por droga e supozuar në klip ishte thjesht një facoletë. Edhe Pallati Elize e sqaroi këtë në Platformën X – dhe paralajmëroi kundër manipulimit të qëllimshëm të sekuencës së imazhit. Kurse pamjet me rezolucion të lartë zbuluan se objekti përpara Merz ishte një pipërz apo pirun i vogël për ushqime të lehta, jo një lugë.

Nga vijnë lajmet e rreme

Ekspertë në Institutin për Dialog Strategjik (ISD), një organizatë e pavarur që, ndër të tjera, përqendrohet në luftën kundër dezinformimit monitorojnë gjithashtu lajmet e rreme. Merz, si kandidat i CDU-së, u bë shënjestër e lajmeve të rreme pas rënies së qeverisë së koalicionit mes SPD, Të Gjelbërve dhe liberalëve në fund të vitit të kaluar, shpjegon analisti i ISD-së, Pablo Maristany de las Casas.

Analisti i ISD-së, Maristany de las Casas, shprehet se autorët e mundshëm të këtyre lajmeve të rreme mund të jenë të lidhur me Kremlinin. Mbrojtja e fortë nga ana e Merz-it për Ukrainën dhe deklaratat e forta për më shumë mbështetje financiare mund të shihen në Kremlin si një kërcënim i drejtpërdrejtë. Nga ana tjetër, sipas ekspertit, edhe faqet ekstremiste të krahut të djathtë e kanë në shënjestër kancelarin Merz./DW

The post Përhapen lajme të rreme për kancelarin Friedrich Merz appeared first on Sot News | Lajme.

BERLIN, 1 korrik /ATSh-DPA/ – Kancelari gjerman Friedrich Merz u përfshi sot në një debat të ashpër – duke u shprehur në favor të uljes së taksës së energjisë elektrike për të gjithë konsumatorët.

“Çdo gjë që na lejon mundësi buxhetore është e diskutueshme, por gjithashtu duhet të balancojmë buxhetin”, tha Merz në Berlin pas një takimi me kryeministrin e Luksemburgut, Luc Frieden.

Deklarata e tij erdhi pas kritikave në rritje ndaj vendimit të qeverisë për të ulur taksën e energjisë vetëm për industritë e mëdha – duke shkelur një marrëveshje të mëparshme të koalicionit midis CDU-së së Merz.

Deputeti i CDU-së, Mathias Middelberg, tha sot se përfitimet sociale mund të reduktohen për të financuar uljen e taksës së energjisë në afat të mesëm.

Përfaqësuesit kryesorë të të tre partive të koalicionit pritet të mblidhen nesër në takimin mujor të komitetit të koalicionit.

Merz tha se ulja e taksës së energjisë do të ishte në rendin e ditës. /Ad.Ab/ /a.i/

The post GJERMANI – Merz kërkon uljen e taksës së energjisë elektrike appeared first on Agjencia Telegrafike Shqiptare.

Qeveria e Gjermanisë dëshiron të përshpejtojë blerjen e armëve dhe pajisjeve të tjera mbrojtëse për të siguruar që vendi të jetë në gjendje t’i kundërvihet çdo kërcënimi nga Rusia.

Sipas mediave të huaja, përcjell Telegrafi, qëllimi kryesor i një projektligji të parë nga DPA, është të sigurojë “përshpejtimin dhe thjeshtimin e të gjitha prokurimeve për Bundeswehr-in”, citoi gazeta Handelsblatt nga qarqet e ministrisë.

Sipas dokumenteve, disa kontrata urgjente nuk duhet të shpallen më në tender në nivel evropian në të ardhmen, por vetëm në nivel kombëtar, gjë që duhet të kursejë kohë.

Gjithashtu duhet të jetë e mundur të jepen kontrata pas tenderëve edhe nëse një ofertues i pasuksesshëm ndërmerr veprime ligjore kundër tyre.

Deri më tani, çështjet procedurale kanë vonuar prokurimin e armëve me vite në disa raste.

Ligjvënësit gjithashtu mund të fillojnë një procedurë prokurimi edhe nëse financimi nuk është siguruar ende.

Për më tepër, disa kërkesa për dokumentacion “po reduktohen” në mënyrë që të zvogëlohen barrët burokratike.

Si rezultat i luftës në Ukrainë, qeveria po investon dukshëm më shumë fonde për të modernizuar Bundeswehr-in dhe për të rritur rezervat e saj të armëve.

Siç thuhet në fund, shpenzimet për ushtrinë janë pjesërisht të përjashtuara nga “frena e borxhit – rregullat strikte kushtetuese të Gjermanisë për huamarrjen” – dhe buxheti vjetor për forcat e armatosura do të rritet vit pas viti në përputhje me objektivin e ri prej 5% të NATO-s, të rënë dakord këtë javë në Hagë. /Telegrafi/

The post Qeveria gjermane lëviz për të përshpejtuar blerjet e armëve – mes kërcënimit rus appeared first on Telegrafi.

Kancelari gjerman Friedrich Merz bëri thirrje për përpjekje më të mëdha mbrojtëse gjatë një vizite sot në Bundeswehr. Merz vuri në dukje luftën e vazhdueshme të Rusisë në Ukrainë në fjalimin e tij në Komandën Operacionale të forcave të armatosura. “Nuk duhet ta marrim sigurinë tonë si të mirëqenë. Duhet të bëjmë më shumë për […]

The post Paralajmëron Merz: Nuk duhet ta marrim sigurinë tonë si të mirëqenë appeared first on BoldNews.al.

GJERMANI, 28 qershor /ATSH-DPA/ – Kancelari gjerman Friedrich Merz bëri thirrje për përpjekje më të mëdha mbrojtëse gjatë një vizite sot në Bundeswehr.

Merz vuri në dukje luftën e vazhdueshme të Rusisë në Ukrainë në fjalimin e tij në Komandën Operacionale të forcave të armatosura.

“Nuk duhet ta marrim sigurinë tonë si të mirëqenë. Duhet të bëjmë më shumë për të siguruar që të mund të jetojmë në liri, paqe dhe siguri”, tha kancelari gjerman.

“Dua që vlera e punës së bërë nga ushtarët në vendin tonë të shihet dhe të vlerësohet”, tha ai duke falënderuar ushtarët për shërbimin e tyre.

Komanda Operacionale është përgjegjëse për planifikimin, komandën dhe vlerësimin operacional për të katër degët e forcave të armatosura, ku përfshihet Ushtria, Forcat Ajrore, Marina dhe Forcat Kibernetike dhe Hapësinore të Informacionit.

Është gjithashtu komanda operacionale e misioneve të huaja dhe pika qendrore e kontaktit për autoritetet kombëtare, NATO-n dhe forcat e armatosura aleate.

Kancelari u informua mbi situatën e sigurisë nga shefi i komandës, Alexander Sollfrank. //a.i/

The post GJERMANI – Merz paralajmëron kombin: Nuk duhet ta marrim sigurinë tonë si të mirëqenë appeared first on Agjencia Telegrafike Shqiptare.

BRUKSEL, 27 qershor /ATSH-DPA/- Kancelari gjerman Friedrich Merz kaloi rreth 16 orë duke negociuar me udhëheqësit e 26 shteteve të tjera anëtare të BE-së lidhur me sanksionet kundër Rusisë, luftën në Gazë dhe mosmarrëveshjen tregtare me Shtetet e Bashkuara të Amerikës, gjatë pjesëmarrjes së tij në samitin e BE-së, në Bruksel.

“Samiti ishte i frytshëm, konstruktiv dhe gjithashtu kishte një atmosferë shumë kolegjiale”, tha Merz.

Për Merz, samiti shënoi një kthim në vendin ku ai nisi karrierën e tij politike si anëtar i Parlamentit Evropian nga viti 1989 deri në vitin 1994.

Tani, kancelari gjerman synon t’i rikthejë Gjermanisë rolin e vërtetë udhëheqës në Bashkimin Evropian.

Ai tha se donte të kontribuonte personalisht për të siguruar që Evropa të ecte përpara me sukses në vitet e ardhshme.

Asnjë marrëveshje për bashkëpunim me Izraelin

Merz dhe krerët e tjerë të shteteve dhe qeverive nuk arritën një marrëveshje për bashkëpunim të mëtejshëm me Izraelin.

Deklarata përfundimtare e samitit për këtë çështje – thjesht pranoi një raport të brendshëm shqyrtimi të BE-së, i cili deklaroi se veprimet e Izraelit në Rripin e Gazës kishin shkelur parimet e vendosura për bashkëpunim të ngushtë me BE-në.

Sipas deklaratës, bisedimet mbi masat e duhura pasuese do të vazhdojnë në korrik 2025, duke marrë parasysh zhvillimet në terren.

Disa qeveri të BE-së bënë thirrje për masa më të ashpra kundër Izraelit për shkak të shkeljeve.

Spanja, për shembull, dëshiron të pezullojë marrëveshjen e partneritetit midis BE-së dhe Izraelit, e cila ka qenë në fuqi që nga viti 2000.

Megjithatë, për një veprim të tillë do të kërkohej unanimiteti.  Sanksionet ekonomike ose bllokimi i aksesit të Izraelit në “Horizon Europe” programi kryesor i financimit të BE-së për kërkime dhe inovacione janë gjithashtu në shqyrtim.

Merz ka mbajtur një qëndrim të kundërt ndaj propozimeve të Spanjës dhe vendeve të tjera.

“Pezullimi ose edhe ndërprerja e kësaj marrëveshjeje është jashtë diskutimit për qeverinë gjermane”, tha ai.

Asnjë sanksion i ri ndaj Rusisë dhe asnjë përparim për Ukrainën

Samiti gjithashtu dështoi në miratimin e sanksioneve të reja kundër Rusisë.

Merz dhe shumë krerë të tjerë shtetesh dhe qeverish shpresuan në arritjen e një marrëveshjeje politike për këtë, por kryeministri sllovak Robert Fico njoftoi se do t’i vinte veton masave nëse ato do të hidheshin në votim të premten, siç ishte planifikuar.

Ndërkohë, samiti i BE-së dështoi gjithashtu për herë të tretë radhazi në miratimin e rezolutave të përbashkëta për mbështetjen e Ukrainës për shkak të Hungarisë.

Për Kievin, kjo kryesisht do të thotë se nuk mund të shpresojë për përparim të shpejtë në procesin e pranimit në BE.

Një ngushëllim i vogël për Ukrainën mund të jetë se të gjithë pjesëmarrësit e tjerë të samitit vlerësuan ritmin e saj në zbatimin e reformave, duke e përshkruar progresin e bërë si të rëndësishëm.

Hungaria kundërshton anëtarësimin e Ukrainës në BE pjesërisht sepse ka frikë se blloku mund të tërhiqet në një luftë me Rusinë.

Megjithatë, Budapesti premtoi se nuk do të bllokonte zgjatjen e sanksioneve ekzistuese ekonomike kundër Rusisë, e cila pritet në korrik.

Një pakt në mosmarrëveshjen tregtare me SHBA-në?

Komisioni i BE-së, i cili është përgjegjës për negociatat tregtare, nuk pranoi të komentojë publikisht mbi propozimin e SHBA-së në mosmarrëveshjen tregtare, por Merz e bëri të qartë pas diskutimeve se ai do të preferonte ta zgjidhte çështjen shpejt.

“Më mirë tani, shpejt dhe thjesht, sesa ngadalë dhe shumë e komplikuar”, tha ai në një konferencë për shtyp.

Tarifat e presidentit të SHBA-së, Donald Trump po rrezikojnë bizneset gjermane. Një zgjidhje është kryesisht e nevojshme për industrinë e automobilave, industrinë kimike, industrinë farmaceutike, inxhinierinë mekanike dhe sektorët e çelikut dhe aluminit.

Deklarata e Merz erdhi në sfondin e planeve të Trump për të vendosur tarifa shtesë duke filluar nga 9 korriku nëse BE nuk bënte lëshime ndaj SHBA-së për çështjet tregtare. //a.i/

The post BRUKSEL – Merz synon t’i rikthejë Gjermanisë rolin udhëheqës në BE appeared first on Agjencia Telegrafike Shqiptare.

Kancelari gjerman Friedrich Merz deklaroi se Bashkimi Evropian duhet të negociojë një marrëveshje tregtare “të shpejtë dhe të thjeshtë” me Shtetet e Bashkuara, duke e cilësuar këtë si një hap urgjent në një kohë sfidash globale ekonomike.

Në samitin e liderëve të BE-së në Bruksel, presidentja e Komisionit Evropian Ursula von der Leyen prezantoi një skicë të propozimeve të reja nga SHBA, sipas një burimi evropian për Reuters, pa dhënë më shumë detaje.

Merz theksoi se Von der Leyen sugjeroi gjithashtu krijimin e një organizate të re ndërkombëtare tregtare nga vetë BE-ja, me arsyetimin se Organizata Botërore e Tregtisë (OBT) është praktikisht jashtë funksionit dhe nuk garanton më rregulla efektive në tregtinë globale.

Këto komente vijnë në një moment kur marrëdhëniet ekonomike transatlantike po përballen me sfida, përfshirë konkurrencën me Kinën dhe pasojat e luftërave tregtare të viteve të fundit. BE synon të përforcojë aleancat strategjike dhe të krijojë instrumente të reja për të mbrojtur interesat e saj në skenën globale.

The post ‘Marrëveshje të shpejtë tregtare me SHBA’, Merz: Von der Leyen propozon një organizatë të re ndërkombëtare appeared first on Sot News | Lajme.

Kancelari gjerman Friedrich Mertz deklaroi se synon ta bëjë Gjermaninë përsëri forcën lëvizëse të Bashkimit Evropian, si dhe se dëshiron të japë një “kontribut personal për të siguruar që Evropa të ecë me sukses në vitet e ardhshme”.

Në pjesëmarrjen e tij të parë në samitin e BE-së në Bruksel që nga marrja e detyrës në maj, Mertz deklaroi gjithashtu se dëshiron të shohë një zgjidhje të shpejtë të mosmarrëveshjes tregtare të Bashkimit Evropian me Shtetet e Bashkuara të Amerikës, raporton Tageschau.

“Unë gjithashtu mbështes Komisionin Evropian në të gjitha përpjekjet e tij për të arritur shpejt një marrëveshje tregtare me SHBA-në”, tha Mertz.

Afati i fundit i vendosur nga Presidenti i SHBA-së Donald Trump për negociatat mbi tarifat me BE-në skadon më 9 korrik dhe Mertz akuzoi Komisionin Evropian se negociatat janë “shumë të komplikuara”.

Lidhur me veprimet e Izraelit në Rripin e Gazës, Mertz hodhi poshtë masat ndëshkuese kundër vendit ose pezullimin e Marrëveshjes së Asociimit të BE-së me Izraelin, të cilën disa vende e kanë kërkuar.

Kjo pasoi publikimin e një raporti auditimi të BE-së, i cili deklaroi se veprimet e Izraelit në zonën bregdetare shkelin parimet e vendosura të bashkëpunimit të ngushtë me bashkësinë ndërkombëtare.

Në një deklaratë të përbashkët, krerët e shteteve dhe qeverive të BE-së u bënë thirrje të gjitha palëve në Lindjen e Mesme të ushtrojnë përmbajtje dhe të respektojnë ligjin ndërkombëtar.

LEXONI GJITHASHTU:

• Kancelari gjerman Merz: Irani nuk duhet të ketë kurrë armë bërthamore
• Trump: Dita D e pakëndshme për Gjermaninë. Merz: Atë ditë u çliruam nga nazistët

The post Mertz: Gjermania duhet të jetë forca lëvizëse e BE-së, marrëveshje me SHBA appeared first on Euronews Albania.

Kancelari gjerman Friedrich Merz tha të enjten se dëshironte të shihte mosmarrëveshjen tregtare të Bashkimit Evropian me SHBA-në të zgjidhur shpejt.

“Evropa po përballet me javë dhe muaj vendimtarë”, tha Merz, duke mbërritur në samitin e tij të parë të BE-së në Bruksel që nga marrja e detyrës në maj.

“Unë mbështes Komisionin Evropian në të gjitha përpjekjet e tij për të arritur një marrëveshje tregtare me SHBA-në shpejt”, tha ai, shkruajnë mediat e huaja, përcjell Telegrafi.

Brukseli dhe Uashingtoni janë në mosmarrëveshje pasi presidenti i SHBA-së, Donald Trump fillimisht vendosi tarifa të larta importi për shumë vende, përfshirë anëtarët e BE-së, përpara se të pezullonte masat për 90 ditë.

Ky pezullim përfundon më 9 korrik.

Ndërkohë, zyrtarët e tregtisë së komisionit të BE-së janë aktualisht në negociata me homologët e tyre në Uashington duke u përpjekur të gjejnë një marrëveshje para afatit.

Çështje të tjera urgjente në agjendë, sipas Merz, janë finalizimi i marrëveshjes tregtare BE-Mercosur me vendet e Amerikës së Jugut Argjentinën, Brazilin, Paraguain dhe Uruguain, si dhe konkurrueshmëria e industrisë evropiane. /Telegrafi/

The post Evropa po përballet me javë dhe muaj vendimtarë – thotë Merz i Gjermanisë appeared first on Telegrafi.

BRUKSEL, 26 qershor /ATSH-DPA/- Mosmarrëveshja tregtare midis Bashkimit Evropian dhe SHBA-së duhet të zgjidhet sa më shpejt, tha sot kancelari gjerman Friedrich Merz.

“Evropa po përballet me javë dhe muaj vendimtarë”, tha Merz, ndërsa mbërriti në samitin e tij të parë të BE-së në Bruksel që nga marrja e detyrës në maj.

“Unë mbështes Komisionin Evropian në të gjitha përpjekjet e tij për të arritur një marrëveshje tregtare me SHBA-në sa më shpejt”, tha ai.

Brukseli dhe Uashingtoni janë në mosmarrëveshje pasi presidenti i SHBA-së Donald Trump fillimisht vendosi tarifa të larta importi për shumë shtete, përfshirë vendet anëtare të BE-së, përpara se të pezullonte masat për 90 ditë. Ky pezullim përfundon më 9 korrik.

Zyrtarët e BE-së për Tregtinë janë aktualisht në negociata me homologët e tyre në Uashington duke u përpjekur të gjejnë një marrëveshje para përfundimit të afatit.

Çështje të tjera urgjente në axhendë, sipas Merz, janë finalizimi i marrëveshjes tregtare BE-Mercosur me vendet e Amerikës së Jugut Argjentinën, Brazilin, Paraguain dhe Uruguain, si dhe konkurrueshmëria e industrisë evropiane. //a.i/

The post BRUKSEL – Merz: Mbështes përpjekjet e BE-së për të arritur një marrëveshje tregtare me SHBA-në appeared first on Agjencia Telegrafike Shqiptare.

HAGË, 25 qershor /ATSH-DPA/ – Kancelari gjerman, Friedrich Merz ka riafirmuar se një vendim i aleatëve të NATO-s për të rritur masivisht shpenzimet e mbrojtjes ishte i motivuar nga “bindja e vetë anëtarëve”.

“Dua të them shprehimisht se ne nuk po i marrim vendimet që po marrim për t’i bërë dikujt një favor”, u tha Merz gazetarëve në Hagë.

“Ne po i marrim këto vendime bazuar në njohuritë tona, nga bindja jonë se NATO si një e tërë – dhe kjo vlen mbi të gjitha për pjesën evropiane të NATO-s – duhet të bëjë më shumë në vitet e ardhshme për të siguruar aftësinë e saj mbrojtëse”, theksoi ai.

Udhëheqësit e NATO-s janë gati të miratojnë zyrtarisht një rritje masive të mbrojtjes dhe shpenzimeve të lidhura me të, në të paktën 5% të prodhimit të tyre ekonomik, një veprim i cili i është atribuuar gjerësisht presidentit Trump, që i shtyn aleatët të shpenzojnë më shumë.

Shefi i NATO-s Mark Rutte e quajti veprimin e Trumpit “sukses të madh”.

“Donald, na ke çuar në një moment vërtet, vërtet të rëndësishëm për Amerikën, Evropën dhe botën,” shkroi ai.

“Evropa do të paguajë shumë tashmë, ashtu siç duhet, dhe kjo do të jetë fitorja jote”, shtoi ai./ /os/

The post HAGË – Merz: Rritja e shpenzimeve për mbrojtjen nuk është favor për askënd appeared first on Agjencia Telegrafike Shqiptare.