Kryeministri Edi Rama i ka bërë thirrje bizneseve që ushtrojnë aktivitetet e tyre në rrugë nacionale, që deri më 31 korrik, për të larguar vetë çdo lloj materiali që ndodhet më pak se 20 metra nga aksi i rrugës.

Përmes një postimi në rrjetet sociale, Rama u shpreh se kjo duhet të jetë edhe distanca ligjore e sigurisë.

Sipas kreut të qeverisë, do të ketë masa ndëshkimore për bizneset që shkelin afatin.

“Ka nisur edhe përpjekja për çlirimin e buzërrugëve kombëtare nga rraqet e llojllojshme të bizneseve anë rrugës Bizneset në anë të segmenteve rrugore kanë afat deri në 31 korrik për të larguar vetë çdo lloj materiali që ndodhet më pak se 20 m nga aksi i rrugës, që është edhe distanca ligjore e sigurisë – përjashtuar objektet e ndërtuara me leje, po jo materialet në oborret e tyre të përparme, gardhet e të cilëve po ashtu do të duhet të tërhiqen në maksimumin e mundshëm, sipas projektit që do t’u dorëzohet më tutje nga ARRSH

Mbajtja buzë rrugëve e rraqeve si këto në foto apo të tjera, nga materialet ndërtimore tek inertet dhe makinat e vjetra e me radhë, përtej afatit të paralajmëruar do të shoqërohet me masa të rënda ndëshkimore sipas parashikimeve ligjore në fuqi. Tanimë Shqipëria po troket në derën e Bashkimit Europian dhe kjo fazë kalimtare e ushtrimit të aktivitetit ekonomik në dëm të komunitetit e të mjedisit në tërësi, po edhe të sigurisë së qarkullimit në rrugët kombëtare në veçanti, duhet të konsiderohet e mbyllur. Nga të gjithë dhe me mirëkuptimin më të madh kombëtar, për Shqipërinë 2030 në BE.”, shkruan Rama./abcnews.al

Mbi 100 mijë persona kanë ikur nga luftimet kufitare më të përgjakshme mes Tajlandës dhe Kamboxhias në dekadë, ka thënë Bankoku të premten, përderisa rriten thirrjet ndërkombëtare për ndalje të armiqësive.

Mospajtimet e moçme kufitare janë përshkallëzuar në luftime intensive me artileri, tanke dhe trupa ushtarake në fushëbetejë të enjten.

Këshilli i Sigurimit i Kombeve të Bashkuara pritet të mbajë një takim urgjent për krizën më vonë gjatë së premtes.

Ministria e Brendshme e Tajlandës ka thënë se mbi 100.000 njerëz nga katër provinca kufitare janë larguar në 300 zona të përkohshme strehimi, ndërsa numri i viktimave është rritur në 15, si dhe ai i të plagosurve në 46.

Autoritetet e Kamboxhias nuk i kanë publikuar të dhënave e tyre.

Në qytezën Samraong të Kamboxhias, rreth 20 kilometra larg kufirit, gazetarët kanë raportuar të kenë dëgjuar zhurmë të artilerisë në mëngjesin e së premtes.

Read More...

Një 26-vjeçar në Vlorë është plagosur me thikë nga dy vëllezër.

Njëri prej vëllezërve është arrestuar në flagrancë nga policia, ndërsa tjetri u procedua në gjendje të lirë.

Dyshohet se ngjarja ndodhi për motive të dobëta.

26-vjeçari i plagosur ndodhet në spital, nën kujdesin e mjekëve./abcnews.al

Një aksident me pasojë vdekjen ka ndodhur mbrëmjen e së enjtes në aksin rrugor Palasë–Dhërmi.

Drejtuesi i një automjeti, 36-vjeçar, i cili ishte në gjendje të dehur, ka humbur kontrollin mbi drejtimin e mjetit dhe është përplasur me bordurën anësore të rrugës.

Si pasojë e aksidentit, ka humbur jetën në vendngjarje njëri prej pasagjerëve, një i mitur 9 vjeç.

Gjithashtu, është dëmtuar pasagjeri tjetër, i i cili ndodhet në Spitalin e Traumës, nën kujdesin e mjekëve./abcnews.al

Emmanuel Macron ka thënë se Franca do ta njohë Palestinën si shtet më vonë këtë vit.

Udhëheqësi francez njoftoi ndryshimin e madh të politikës në një letër drejtuar presidentit të Autoritetit Palestinez, Mahmoud Abbas, të cilën zoti Macron e publikoi edhe në internet të enjten në mbrëmje.

Presidenti Macron tha se do ta bëjë njoftimin zyrtar në Asamblenë e Përgjithshme të OKB-së, që do të mbahet në shtator, shkruan Sky News.

Franca do të bëhet anëtari i parë i G7-ës – një grup prej shtatë ekonomive më të mëdha të përparuara në botë – që njeh një shtet palestinez. G7 përfshin Kanadanë, Francën, Gjermaninë, Italinë, Japoninë, Mbretërinë e Bashkuar dhe SHBA-në.

Në postimin e tij ku shpjegonte vendimin, zoti Macron bëri thirrje për një armëpushim të menjëhershëm në Gaza , lirimin e pengjeve nga Hamasi dhe për më shumë ndihmë humanitare që të arrijë tek ata në territor.

Arabia Saudite nënshkroi marrëveshje të rëndësishme investimi dhe partneriteti me Sirinë më 24 korrik, me vlerë prej 6.4 miliardë dollarësh, për të ndihmuar në rindërtimin e infrastrukturës, telekomunikacionit dhe sektorëve kryesorë të tjerë të vendit të shkatërruar nga lufta.

Mbretëria e pasur me naftë në Gjirin Persik është një nga mbështetëset kryesore të Qeverisë e re siriane, e cila mori pushtetin pas një ofensive të udhëhequr nga islamistët që rrëzoi nga pushteti udhëheqësin e komtshëm të Sirisë, Bashar al-Assad, në dhjetor.

Duke folur në Forumit të Investimeve Siri-Arabi Saudite të mbajtur në pallatin presidencial në Damask, ministri saudit i Investimeve, Khalid Al-Falih, njoftoi për “nënshkrimin e 47 marrëveshjeve dhe memorandumeve mirëkuptimi… me një vlerë totale prej gati 6.4 miliardë dollarëve”.

Me praninë e presidentit të përkohshëm sirian, Ahmed al-Sharaa, dhe zyrtarëve të tjerë, ministri sirian i Ekonomisë, Mohammed al-Shaar, e quajti këtë forum “një hap të madh në historinë e marrëdhënieve midis dy vendeve tona vëllazërore”.

Falih tha se 2.9 miliardë dollarë do të dedikohen për infrastrukturë dhe do të ndërtohen tri fabrika të çimentos.

Kompanitë saudite të telekomunikacionit do të investojnë rreth 1.07 miliardë dollarë “me qëllim zhvillimin e infrastrukturës dhe përmirësimin e kapaciteteve të sigurisë kibernetike”, shtoi ai.

Arabia Saudite njoftoi të enjten investime prej 6.4 miliardë dollarësh në Siri, duke reflektuar lidhjet e thella të mbretërisë me qeverinë e Presidentit të përkohshëm Ahmed al-Sharaa, ndërsa kërkon të rindërtojë Sirinë pas një lufte civile 14-vjeçare.

Marrëveshjet, të zbuluara nga Ministri Saudit i Investimeve Khalid Al-Falih në një forum në Damask, janë një nxitje e madhe financiare për Sharaa-n, ndërsa ai përpiqet të vendosë kontrollin mbi Sirinë, e cila u trondit këtë muaj nga dhuna sektare në jugperëndim.

Al-Falih tha se vizita e tij në Siri ishte urdhëruar nga Princi i Kurorës së Arabisë Saudite dhe sundimtari de facto Mohammed bin Salman, duke e quajtur udhëtimin “konfirmim të qëndrimit të fortë dhe mbështetës të mbretërisë ndaj Sirisë motër”.

Marrëveshjet e investimeve përfshinin 2.93 miliardë dollarë për projekte të pasurive të paluajtshme dhe infrastrukturës dhe rreth 1.07 miliardë dollarë për sektorin e telekomunikacionit dhe teknologjisë së informacionit, tha Al-Falih.

Bizneset e përfshira në plane përfshijnë firmat e telekomunikacionit Saudi Telecom Company (STC) dhe GO Telecom, kompaninë e sigurisë dixhitale Elm, firmën e sigurisë kibernetike Cipher dhe Classera, një kompani e teknologjisë arsimore.

Disa pasuri janë sekuestruar në Durrës, pasi dyshohet se janë përfituar nga veprimtaritë kriminale.

Shtetasit Luan Kërtalli, iu sekuestruan 1050 m2 truall, si dhe një objekt njëkatësh me oborr dhe pishinë. Pasuria iu dorëzua Agjencisë për Administrimin e Pasurive të Sekuestruara dhe të Konfiskuara.

Nga hetimet e deritanishme rezulton se ky shtetas i ka përfituar këto pasuri nga veprimtaria kriminale e 2 djemve të tij, të cilat janë të dyshuar për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i vulave, i stampave ose i formularëve”.

2 vëllezërit janë hetuar në kuadër të një procedimi penal të vitit 2017, të dyshuar për kryerjen e veprave penale “Vrasja”, në rrethana të cilësuara, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”./abcnews.al

Teherani është duke u përballur me krizë aq të madhe me ujin, prandaj 15 milionë banorët e tij mund të detyrohen të zhvendosen, kanë raportuar të enjten mediat iraniane, duke cituar presidentin e shtetit, Masoud Pezeshkian.

“Situata është serioze dhe Teherani thuajse nuk ka më ujë”, është cituar të ketë thënë Pezeshkian.

Sipas tij, nuk mund të përjashtohet mundësia e zhvendosjes nga qyteti si zgjidhje emergjente.

Irani është duke u përballur me krizë uji në më shumë se 20 prej 31 provincave që ka.

Agjencia shtetërore e lajmeve IRNA ka raportuar se njëri prej rezervuarve më të mëdhenj të ujit mund të thahet plotësisht brenda 3-4 javëve.

Nivelet kanë rënë nën 10 për qind në shtatë rezervuarë në këtë shtet, dy diga në janë tharë plotësisht, si dhe 80 për qind e rezervuarve janë pothuajse krejtësisht pa ujë.

Ekspertë për klimën kanë thënë se furnizimet normale me ujë nuk do të jenë të mundshme edhe për dy muaj derisa shiu ta stabilizojë situatën.

Një fikëse zjarri ka plasur në ambientet e një marketi në Tiranë.

Ngjarja ka ndodhur në Rrugën e Dibrës, teksa është lënduar një punonjës 30-vjeçar.

Punonjësi ndodhet ndodhet në spital, nën kujdesin e mjekëve. Policia po punon për sqarimin e rrethanave të rastit./abcnews.al

Greqia e ka paralajmëruar Turqinë se mund t’ia bllokojë qasjen në një fond të Bashkimit Evropian në fushën e mbrojtjes, nëse Ankaraja nuk ofron garanci se armët nuk do të përdoren për ta shënjestruar Athinën.

Greqia, vend anëtar i Bashkimit Evropian dhe Turqia fqinje kanë marrëdhënie të tensionuara me dekada lidhur me të drejtat e sovranitetit në Detin Egje, dhe së fundmi edhe për shkak të çështjeve të energjisë dhe migrimit.

Turqia, vend anëtar i NATO-s, por jo edhe i bllokut evropian, e gëzon mundësinë që të ketë qasje në programet e BE-së për industrinë e mbrojtjes dhe në programet e përbashkëta për prokurim, në kuadër të Iniciativës së BE-së për Veprim në Siguri, në vlerë të 150 miliardë eurove.

Mirëpo, kryeministri grek, Kyriakos Mitsotakis, ka thënë se shteti i tij nuk do ta lejojë Turqinë të marrë pjesë në skemën e mbrojtjes, nëse vazhdon të kërcënojë me luftë kundër Greqisë dhe ia vë në pikëpyetje sovranitetin në Detin Egje.

“Greqia nuk do ta lejojë këtë”, ka thënë lideri konservator për televizionin Skai.

Turqia kërcënon shpesh me luftë, në rast se Greqia i zgjeron njëanshëm veprimet në ujërat e Egjeut.

Gjatë 24 orëve të fundit, janë raportuar 34 vatra zjarri, nga të cilat 8 vijojnë të jenë ende aktive dhe 3 janë në monitorim. Situata më problematike është evidentuar në qarqet Shkodër, Lezhë, Dibër, Elbasan dhe Gjirokastër.

Në vatrën e zjarrit, në vendin e quajtur “Maja e Paliskës”, mbi fshatin Dukat pati një përmirësim të situatës pas ndërhyrjes edhe nga 2 helikopterë të Forcës Ajrore. Por më vonë në mbrëmje zjarri u riaktivizua. Gjatë natës vatra është mbajtur në monitorim nga forcat zjarrfikëse. Ditën e sotme në terren kanë shkuar forca nga strukturat vendore dhe 40 efektivë nga Forcat e Armatosura. Pritet gjithashtu edhe ndërhyrje nga ajri me 1 helikopter të Forcës Ajrore.

Po ashtu, në vatrën e zjarrit pranë Parkut Kombëtar të Lurës, dje u ndërhy edhe me avionin Canadair kroat nga Mekanizmi Evropian i Mbrojtjes Civile, gjë që solli një përmirësim të situatës në njërën nga vatrat. Megjithë përpjekjet e forcave operacionale në terren, nuk u arrit të shuhej zjarri. Puna po vijon sërish sot.

Një tjetër vatër problematike është ajo në vendin e quajtur “Përroi i Zi” , ku dje, ndërhyrja edhe me avionin Canadair kroat ngadalësoi përhapjen e flakëve drejt disa banesave dhe staneve në zone, por temperaturat e larta dhe erërat e forta ndikuan negativisht në vënien nën kontroll të vatrës, e cila pati një perimetër shumë të madh. Sot vijon puna për shuarjen e zjarrit.

Gjatë orëve të pasdites, pati një riaktivizim të fuqishëm të vatrës së zjarrit nga kufiri me Mirditën. Sot në terren pritet të operojnë 2 helikopterët hungarezë dhe avioni kroat Canadair.

Në operacionet për shuarjen e zjarreve janë angazhuar:

–           40 automjete zjarrfikëse

–           776 forca operacionale nga strukturat vendore dhe qendrore

Gjatë ditës së djeshme morën pjesë në operacione:

–           345 forca nga Forcat e Armatosura (FA), me 3 mjete dhe 3 helikopterë

–           1 avion Canadair i ardhur nga shteti kroat

–           2 helikopterë për misione rikonjicioni nga Hungaria

Për ditën e sotme, janë në vijim të operacioneve:

–           215 efektivë të FA

–           1 helikopter nga FA

–           1 avion Canadair kroat

–           2 helikopterë hungarezë, në kuadër të Mekanizmit Evropian të Mbrojtjes Civile

Sipas IGJEO-s, sot nuk priten reshje në të gjithë territorin. Sa i përket zjarreve, sot pritet nivel rrezik “I LARTË” në të gjitha qarqet.

Autoritetet qëndrojnë në gatishmëri të plotë dhe janë në bashkëpunim të ngushtë me strukturat vendore dhe ndërkombëtare për menaxhimin dhe shuarjen e zjarreve. U bëjmë thirrje për kujdes dhe bashkëpunim qytetarëve, për të shmangur çdo veprim që mund të shkaktojë zjarr dhe të raportojnë menjëherë çdo vatër të dyshuar pranë autoriteteve përkatëse.

Policia Rrugore ka vijuar kontrollet intensive kundër parkimeve të gabuara që pengojnë lëvizjen në kryeqytet.

Procedohen penalisht 24 shtetas, të cilët kishin parkuar automjetet në mënyrë të parregullt, duke bllokuar lëvizjen e lirë të mjeteve dhe qytetarëve.

Automjetet e konstatuara janë tërhequr me mjet ngritës nga Policia Rrugore e Tiranës.

U proceduan penalisht shtetasit:

-R. M., 23 vjeç; E. H., 34 vjeç; I. M., 24 vjeç; F. H., 65 vjeç; S. D., 30 vjeç; K. F., 24 vjeç; E. N., 43 vjeç; R. C., 50 vjeç; E. Sh., 23 vjeç; K. M., 59 vjeç; J. M., 32 vjeç; L. G., 38 vjeç, R. K., 26 vjeç, R. T., 42 vjeç, K. K., 34 vjeç, R. P., 32 vjeç, H. K., 50 vjeç, E. B., 47 vjeç, E. H., 32 vjeç, K. B., 32 vjeç, O. S., 41 vjeç, G. F., 44 vjeç, E. Sh., 27 vjeç dhe R. Z., 23 vjeç.

Një 59-vjeçar është proceduar penalisht nga policia në Finiq.

Kosta Çavo ndezi zjarr dhe dogji një sipërfaqe me bimësi në malin e Finiqit.

Si pasojë janë djegur një sipërfaqe toke me shkurre dhe bimësi të dendur./abcnews.al

Një aksident i rëndë ka ndodhur në Urën e Kardhiqit në aksin Gjirokastër-Tepelenë.

Si pasojë kane mbetur të lënduar tre persona dy drejtues të automjeteve të përfshira me aksident dhe pacienti i cili transportohej me autoambulancen e përfshirë në aksident.

Bëhet e ditur nga veprimet fillestare hetimore se automjeti tip BMW me targa TR8732L i ka prerë rrugën autoambulancës së Spitalit të Tepelenës me targa AB220AT. Për pasojë autoambulanca pas përplasjes në krahun e djathtë, ka përfunduar anës rrugës ndërsa automjeti BMW është dëmtuar në pjesën frontale.

Kjo e fundit vinte nga drejtimi jugor ndërsa autoambulanca transpoetonte një pacient në Reanimacionin e Spitalit të Gjirokastrës. Pacienti pas përplasjes është dëmtuar edhe më ndërsa kanë ngelur të lënduar lehtë dy drejtuesit e mjeteve respektive. Policia po heton për të zbuuar shkaqet e aksidentit./abcnews.al

Një konflikt i dhunshëm ka ndodhur në orët e para të mëngjesit të sotëm në zonën turistike të Lumit të Shalës, ku dy të rinj kanë mbetur të plagosur rëndë pas një përplasjeje fizike me mjete të forta.

Ngjarja është regjistruar rreth orës 02:00, ku sipas burimeve paraprake, përplasja ka ndodhur mes disa të rinjve shqiptarë që ndodheshin aty si turistë dhe disa personave të tjerë që ushtrojnë aktivitet privat në këtë zonë.

Sherri ka përfshirë përdorimin e sendeve të forta dhe ka zgjatur për disa minuta, duke shkaktuar panik mes pushuesve të pranishëm. Dy prej të rinjve janë lënduar rëndë dhe janë dërguar me urgjencë për ndihmë mjekësore.

Ende nuk dihen shkaqet e sakta të konfliktit, ndërsa policia ka nisur hetimet për zbardhjen e plotë të ngjarjes.

Banorë dhe turistë të zonës shprehen të shqetësuar për mungesën e patrullimeve të rregullta të forcave të rendit, duke theksuar se kjo nuk është hera e parë që raportohen përplasje të dhunshme në këtë destinacion turistik gjithnjë e më të frekuentuar./abcnews.al

Read More...

Read More...

Dy persona u arrestuan në Tiranë në kuadër të operacionit policor të koduar “Apartamentet”.

Gjatë 24 orëve, Seksioni për Hetimin e Krimeve Ekonomiko-Financiare vë në pranga autorët e 2 rasteve të mashtrimit.

Uniformat blu të kryeqytetit vunë në pranga një 31-vjeçar, Marjo Qose që i mori një shtetasi, 75 000 euro, duke e mashtruar se do t’i blinte një apartament në kryeqytet.

Ndërkaq, u arrestua edhe një 48-vjeçar, Nani Kolovani që shiti 2 herë, apartamentin e tij.

Shpallet në kërkim noterja që përpiloi 2 kontrata shitjeje për të njëjtën pronë./abcnews.al