TIRANË, 1 gusht /ATSH/ Kryeministri Edi Rama tha sot se qeveria po përgatit një rregullore të re për kantieret e ndërtimit.

Në një komunikim të drejtpërdrejtë në rrjetin sociale Facebook, kreu i qeverisë tha se kantieret e ndërtimit nuk mund të bëhen problem për komunitetin dhe se duhet të merren masa që qytetarët mos ta ndjejnë. Rama tha se në rast se rregullorja nuk zbatohet, masat për ndërtuesit do të jenë drastike.

“Rregullorja e re kantiereve të ndërtimit. Kush ndërton pallat nuk mund të bëhet problem i zonës, por duhet të marrë të gjitha masat që zona aty ku bëhet fjalë për një zonë të banuar të mos e ndjeje fare mundësisht. Duhen marrë masat për të bërë rrethimet e duhura të kantiereve për të bërë pastrimet e duhura për të mos nxjerrë asgjë në rrugë nga ato që po punon brenda jo duke u hapur dhe duke marrë dhe trotuarin se po ndërton ti pallat, por duke bërë kalimet në trotuar me strehën mbrojtëse. Është një rregullore që do t’u jepet ndërtuesve dhe masat për to do të jenë drastike në rast se do të cenojnë komunitetin”, tha Rama.

Rama theksoi se përveç tendave dhe strukturave të përkohshme po kryhen kontrolle edhe në kantieret e ndërtimit.

“Ne nuk po bëjmë në këtë përpjekje një punë vetëm për t’i hequr tendat, apo struktura të përkohshme por edhe një kontroll të kantiereve. Mirëpo kantieret nuk dalin në televizor, sepse sikundër edhe kur beteja shkon në gjykatë, ata kanë në forcë të caktuar për të kontrolluar mediat dhe gjykatat. Kemi bërë konfiskime përsëri dhe do të vazhdojmë të bëjmë, pavarësisht së rrugës na del edhe ndonjë si një gjykatës i pacipë, krejtësisht i pacipë, që merr masë sigurie për një pallat të tërë të ndërtuar pa leje që tashmë është kthyer në një godinë për ASHK e cila duhet të largohej nga godina ekzistuese pasi është godinë me rrezik qysh pas rënies së tërmetit dhe tani del ky tipi dhe vë masë sigurie për ato që kanë ndërtuar komplet pa leje”, tha Rama.

Rama shtoi se qeveria është e vendosur në mbrojtjen e natyrës dhe hapësirës publike për qytetarët.

“Gjithsesi këto janë sfida, por Shqipëria e bukur, që jeton në harmoni me të drejtat e njerëzve, për të qenë zotër të hapësirës publike, për të qenë në harmoi me natyrën, është një ambicie që është një detyrim i gjeneratës sonë dhe në këto kohë kur forcat e zhvillimit janë bërë shumë të mëdha, duhet të vendosmi shumë më fort në mbrojtje të natyrës dhe ekuilibrave. Ekuilibrave të humbur siç e vumë re në Tiranë”, tha Rama.

Sa u përket komenteve për aksionin në kryeqytet për lirimin e hapësirave publike, kreu i qeverisë theksoi se ai është deputet i qarkut të Tiranës dhe se do të bëj edhe detyrën si deputet i kryeqytetit.

Rama ftoi qytetarët që mos të kursejnë dërgimin e denoncimeve në të gjitha rastet kur shikojnë se ka nevojë për ndërhyrje.

/m.q//a.f//r.e/

The post Rregullore e re për kantieret e ndërtimit, Rama: Masa drastike nëse cenohet komuniteti appeared first on Agjencia Telegrafike Shqiptare.

Analisti Artur Nura thotë se Sali Berisha po përpiqet të justifikojë humbjen e zgjedhjeve të 11 majit.

Në një intervistë për “Ora e Fundit” në ABC News, Nura u shpreh se Berisha nuk ka të ardhme politike.

“Berisha nuk ka moshën e Ramës. Politikisht, nuk ka hapësirën biologjike për të qenë eficent. Berisha do dalë çdo ditë për manipulimin e zgjedhjeve. Berisha hyri në garë për fitore, sot jemi në lajm motivin e farsës elektorale. Fakti është që në shkresën origjinale, është orientim diplomatik i palëve. Me adminsitratën Trump kemi një lloj autoritarizmi të SHBA. SHBA po shkojnë drejt një zhvillimi të pamenduar më parë. Në Ballkan ka interes të caktuar. Unë nuk e shoh të mbyllur këtë histori. Besoj se nuk ka të ardhme për zotin Berisha. Për të ardhme politike, unë nuk e besoj”, theksoi ai./abcnews.al

TIRANË- Analisti Artur Nura, i ftuar në “Ora e Fundit” analizoi daljet në konferencë me gazetarët të kreut të Partisë Demokratike, Sali Berisha.

Ai theksoi se këto konferenca duken më tepër me tipologji vetiake, sepse deputetët e PD me shumë gjasë duket se kanë nisir pushimet duke “braktisur” aksionin politik kundër mazhorancës.

Analisti theksoi se Sali Berisha duket disi i braktisur në selinë e PD, sepse janë shtuar zërat kundër tij.

“Berisha të gjithë deputetët i ka me pushime. Berisha duket i braktisur në seli, sepse ka zëra kundër”, tha ai.

Po ashtu, Nura komentoi telenovelën mes Adriatik Lapajt dhe Endri Shabanit, të cilët  duket se i kanë dhënë fund klimës miqësore dhe ka nisur pretendimet se kujt i takon mandati, që fituan më 11 maj.  Sipasd Nurës, kjo klimë duket e turpshme dhe nuk i bën aspak mirë të ardhmes politike të dy aktorëve të rinj, në rastin konkret Shabanit dhe Lapajt.

“U bënë lëmsh se cili prej tyre do bëhet deputet në Parlament. Kjo është një skemë e turpshme, i njoh të dy personalisht. Lajm shumë i keq për të ardhmen politike për këto organizmat e rinj, siç ishin këto të dy”, theksoi Artur Nura./abcnews.al

Një nga figurat më të komentuara të Big Brother VIP Kosova ka surprizuar ndjekësit me një postim nostalgjik në InstaStory.

Bëhet fjalë për një fotografi të realizuar plot 15 vite më parë, në të cilën siç shihet nuk ka ndryshuar shumë.

Modelja ka ndarë këtë imazh nga arkiva e saj personale, duke ngjallur menjëherë interesin e ndjekësve.

Pjesëmarrja në Big Brother VIP e ka rikthyer atë në qendër të vëmendjes, duke i dhënë një tjetër dimension figurës së saj publike.

Ndarja e kësaj fotografie nga e kaluara shihet edhe si një mënyrë për t’u lidhur emocionalisht me fansat, duke treguar jo vetëm glamurin e sotëm, por edhe rrugëtimin e saj personal.

Lexo po ashtu Të gjitha lajmet nga Bukuroshet Shqiptare

Në një kohë kur rrjetet sociale dominohen nga imazhe të kuruara dhe perfektë, një postim i tillë i sinqertë dhe i ngarkuar me nostalgji është pritur me ngrohtësi.

E njëjta tani po vazhdon me angazhimet e saj profesionale në fushën e modelingut, por edhe në ekran. /Telegrafi/

 

View this post on Instagram

 

A post shared by Juliana Nura (@iamjuliananura)

The post Xhuli Nura publikon fotografi të realizuar 15 vite më parë appeared first on Telegrafi.

Në një debat të zhvilluar së fundmi në emisionin “Kosova Live”, Xhuli Nura ndau me publikun një anë më të thellë dhe pak të njohur të saj: lidhjen me fenë dhe kërkimin shpirtëror që e ka shoqëruar ndër vite.

“E kam lexuar Kuranin në gjuhën finlandeze.

Kam studiuar të gjitha fetë, më ka interesuar gjithmonë”, u shpreh ajo, duke shtuar se qëllimi i saj nuk ka qenë fetar apo dogmatik, por kuptimi i thelbit të çdo besimi dhe reflektimi personal.

Deklarata e saj u komentua gjerësisht në rrjet, për shkak të kontrastit që shumëkush sheh mes botës së spektaklit dhe praktikave fetare. Megjithatë, Xhuli theksoi se për të, feja nuk është tabu, por një fushë e ndjeshme që meriton respekt dhe të kuptuar më thellë.

The post Xhuli Nura rrëfehet për marrëdhënien me fenë: Kam lexuar Kuranin në finlandisht appeared first on Albeu.com.

Në një debat të zhvilluar së fundmi në emisionin “Kosova Live”, Xhuli Nura ndau me publikun një anë më të thellë dhe pak të njohur të saj: lidhjen me fenë dhe kërkimin shpirtëror që e ka shoqëruar ndër vite.

“E kam lexuar Kuranin në gjuhën finlandeze. Kam studiuar të gjitha fetë, më ka interesuar gjithmonë”, u shpreh ajo, duke shtuar se qëllimi i saj nuk ka qenë fetar apo dogmatik, por kuptimi i thelbit të çdo besimi dhe reflektimi personal.

Deklarata e saj u komentua gjerësisht në rrjet, për shkak të kontrastit që shumëkush sheh mes botës së spektaklit dhe praktikave fetare. Megjithatë, Xhuli theksoi se për të, feja nuk është tabu, por një fushë e ndjeshme që meriton respekt dhe të kuptuar më thellë.

The post Xhuli Nura: “Kam lexuar Kuranin në finlandisht”/ Rrëfehet për marrëdhënien me fenë appeared first on iconstyle.al.

Analisti Artur Nura thotë se plani i rritjes, përmes së cilit Shqipëria do të përfitojë fonde nga BE, është lajm pozitiv për Tiranën.

Në një intervistë për Newsline në ABC News, Nura u shpreh se synimi i BE, është që të ketë stabilitet në Ballkan.

Nura shtoi se shanset e Shqipërisë janë optimale.

“Duket se po funksionoin integrimi i Shqipërisë me hapa që nuk mendoheshin që do të bëheshin. Shifrat janë domethënëse. Ky është lajm shumë i mirë për Shqipërinë. Duhet parë edhe një zhvillim gjeopolitik. I gjithë ky projekt, me thasë me para, tregojnë vullnetin e saj ndaj Ballkanit Perëndimor. Synimi është që të ketë stabiltiet, Tirana e ka kapur mesazhin. Shanset janë më optimale vetëm për Tiranën, duhet konvertuar në zhvillim ekonomik, në zhvillim demokratik. Mesazhi është i drejtpërdrejtë, i qartë për opozitën shqiptare, për të mos penguar integrimin e Shqipërisë. Ka një qendrim radikal të zotit Berisha me zhvillimet demokratike, me zhvillimet zgjedhore. Protesta është normale, por çështjet e integrimit janë themelore, strategjike, të jashtëzakonshme. Stabiliteti politik është domosdoshmëri. Shqiptarët të shkojnë në grup në BE.”, theksoi ai./abcnews.al

Analisti Artur Nura theksoi se vala e protestave po e trondit regjimin e presidentit Aleksandar Vuçiç. I ftuar në një studio televizive, Nura tha se nuk beson se protestat në Serbi nuk kanë prapavijë nga vendet perëndimore.

Policia serbe hoqi në orët e para të mëngjesit të së hënës barrikadat e ngritura në kryeqytetin Beograd nga mijëra protestues anti-qeveritarë, që kishin zënë rrugët si shenjë pakënaqësie ndaj arrestimeve të fundit dhe në kërkim të zgjedhjeve të parakohshme parlamentare.

Ai theksoi se protesta vjen si presion nga poshtë dhe regjimi do ta ketë të vështirë kontrollin e saj. Sipas tij, kërkesat e studentëve për zgjedhje janë legjitime dhe nuk ka arsye pse vendi të mos shkojë në zgjedhje.

Artur Nura:

“Protesta po tronditin regjimin e Vuçiçit. Qeveria serbe po mbyt me dhunë kryengritjet. Nuk besoj se ka nxitje të drejtpërdrejtë të vendeve të BE dhe vendeve të perëndimit, për studentët në serbi. Unë besoj se këtë rast do ta ketë shumë të vështirë të menaxhojë situatën.

Regjim i dhunshëm i Milloshevicit modern, sepse Vuçiç vjen nga ato radhë. Nuk besoj se perëndimi nuk bën presion ndaj Vuçiçit, presioni është të mos përdoret dhunë, të lirohen të arrestuarit. Presioni i studentëve është nga poshtë, shifrat flasin se janë 120 mijë protestues. Ajo protesta ka një energji që vjen nga poshtë dhe nuk besoja se do kontrollohet”.

The post “Po tronditet regjimi i Vuçiç”/ Protestat masive në Serbi, reagon ashpër analisti: Protesta ka energji që vjen nga… appeared first on Sot News | Lajme.

Në një intervistë televizive analisti Artur Nura u shpreh se plani është bërë në mënyrë profesionale, por se mund të ndalet nga pikëpamja politike.

Analisti thotë se SHBA është e përgatitur ushtarakisht për sulm ndaj Iranit dhe ka trupa ushtarake të përgatitura, të cilat janë vendosur në zona të ndryshme.

“Sipas të dhënave nga agjencitë e lajneve, janë përgatitur edhe trupa speciale izraelite dhe avionë ushtarakë të cilët janë të gatshëm. Plani është bërë në mënyrë profesionale për ndërhyrje. Gjasat janë që ai të jetë i gatshëm nga pikëpamja ushtarake, por mund të ndalet nga pikëpamja politike. Nëse do futen SHBA në konflikt të drejtpërdejt, mund të ketë pasoja të paparashikueshme. Politikisht, duket se nuk janë të përgatitur. Europa ka hapur kanalin e dialogut, është pengesë tjetër për sulmin. Janë të gjithë elementët ushtarakë të gatshëm për të vepruar, por nuk janë ato politikë. Regjimi i ajatollahëve nuk është në ditën më të mirë. Irani, para regjimit islamik, ka qenë një nga vendet më të zhvilluara në glob. Unë besoj se konflikt bërthamor nuk ka. Ekspertët e fushës thonë se do kemi një mbushje bërthamore, do fillojë aksion zinxhir, dhe do të thotë fundi i botës. Ky shqetësim është mbarë global”, theksoi ai.

The post “Trupa ushtarake të përgatitur në zona të ndryshme”/ Izrael-Iran, flet avokati: Gjasat janë që… appeared first on Sot News | Lajme.

Analisti Artur Nura thotë se SHBA është e përgatitur ushtarakisht për sulm ndaj Iranit dhe ka trupa ushtarake të përgatitura, të cilat janë vendosur në zona të ndryshme.

Në një intervistë për “Newsline” në ABC News, Nura u shpreh se plani është bërë në mënyrë profesionale, por se mund të ndalet nga pikëpamja politike.

“Sipas të dhënave nga agjencitë e lajneve, janë përgatitur edhe trupa speciale izraelite dhe avionë ushtarakë të cilët janë të gatshëm. Plani është bërë në mënyrë profesionale për ndërhyrje.  Gjasat janë që ai të jetë i gatshëm nga pikëpamja ushtarake, por mund të ndalet nga pikëpamja politike. Nëse do futen SHBA në konflikt të drejtpërdejt, mund të ketë pasoja të paparashikueshme. Politikisht, duket se nuk janë të përgatitur. Europa ka hapur kanalin e dialogut, është pengesë tjetër për sulmin. Janë të gjithë elementët ushtarakë të gatshëm për të vepruar, por nuk janë ato politikë. Regjimi i ajatollahëve nuk është në ditën më të mirë. Irani, para regjimit islamik, ka qenë një nga vendet më të zhvilluara në glob. Unë besoj se konflikt bërthamor nuk ka. Ekspertët e fushës thonë se do kemi një mbushje bërthamore, do fillojë aksion zinxhir, dhe do të thotë fundi i botës. Ky shqetësim është mbarë global”, theksoi ai./abcnews.al

Analisti Artur Nura në “Edicioni Fundit” në ABC News, foli për përplasjet mes Izraelit dhe Iranit.

Gjatë intervistës, komentoi kundërpërgjigjen e Iranit ndaj Izraeli. Nura tha se në konflikt sipas tij janë përfshirë disa aktorë.

“Kemi një përgjigje të sulmeve edhe nga Irani ndaj Izraelit”, tha ai. Gjithashtu Nura nënvizoi se Trump e kishte paralajmëruar Iranin para sulmit Izraelit.

Nga ana e tij eksperti i marrëdhënieve ndërkombëtare, Geron Kamberi tha se palët tani po sulmojnë me raketa balistike, duke shtuar se ekziston një rrezik për një front të ri lufte.

Më tej nënvizoi se Irani pas vitit ’79 u bë përkrahës i çështjes palestineze.

“Nga pikëpamja e mënyrës se si zhvillohen marrëdhëniet ndërkombëtare nuk shoh ndonjë zhvillim të papritur, E vetmja gjë që mund të themi se të dielën pritej të zhvilloheshin bisedime në Oman, por me sulmin tani ka një tërheqje. Duket se të gjithë e dinë se çfarë do të ndodhë”, tha ai.

/abcnews.al/

Analisti Artur Nura thotë se në SHBA, tanimë kemi model autoritar, pasi modeli perëndimor ka rënë.

Në emisionin ‘Real Story” në ABC News, Nura u shpreh lidhur me përplasjen e Donald Trump dhe Elon Musk, ku nënvizoi se të dy kanë influencë.

“Të dy figurat, janë figura të pushtetshme, që kanë infulenca të drejtpërdrejta. Se kush është më i forti, nuk dyshoj te pushteti që ka Trump. Kemi model autoritar tani edhe në SHBA. Në Evropë, jo rastësist kancelari gjerman i kujtoi Trump të shkuarën. Kemi modelin perëndimor që po qëndron në Evropë, dhe modelin perëndimor që po bie në SHBA. Ky është shqetësimi më i madh, goditja që po i vjen Perëndimit. Këtu është sfida dhe Shqipëria është e mberojtur, sepse është në NATO. Sepse sido të shkojnë gjërat, nuk do të ketë shpërbërje të NATO-s. Shqetësimi im është Kosova. Nuk është në NATO edhe pse ka prani trupash.”, theksoi ai./abcnews.al

Pas ndeshjes së shumëpritur mes Shqipërisë dhe Serbisë, e cila përfundoi me rezultat 0-0, Xhuli Nura ishte e ftuar në një emision televiziv për të ndarë përvojën e saj si tifoze në stadium.

Ndeshja u zhvillua në një atmosferë më ndryshe se herët e tjera, po ashtu edhe të sigurosh biletat ishte jashtëzakonisht e vështirë.

Gjatë intervistës, moderatorja e pyeti Xhulin se si ia kishte dalë të siguronte një biletë për një ngjarje kaq të kërkuar dhe të ishte mes të pranishmëve për të ndjekur Kombëtaren nga afër, duke e konsideruar atë me fat.

Xhuli tha: “Fati është pak edhe si e bën punën. Kam vite që e ndjek Kombëtaren, jam rritur në një familje sportistësh, kam qenë gjithmonë pranë sportit dhe kjo më ka ndihmuar të jem pjesë e çdo loje të rëndësishme të Shqipërisë”.

E pyetur drejtpërdrejt nëse e kishte siguruar biletën nëpërmjet shortit apo ndonjë tjetër rruge, ajo u përgjigj me sinqeritet: “Nuk e di a mund ta them publikisht, por i kam bërë një telefonatë Armand Dukës. Nuk e kam marrë me short, por përmes kontakteve që kam në Shqipëri.

Deklarata e saj solli diskutime në studio, por edhe vlerësim për transparencën dhe përkushtimin e saj ndaj sportit shqiptar. /Telegrafi/

The post “Fati është edhe si e bën punën”, Xhuli Nura zbulon si i mori biletën për Kombëtaren: Telefonova Armand Dukën appeared first on Telegrafi.

Xhuli Nura ka postuar një video në Instagram, në të cilën tregon se është gati për ndeshjen Shqipëri-Serbi.

Në video ajo shprehet: “Përshëndetje njerëz të bukur, jemi bërë gati të shkojmë të shikojmë lojën Shqipëri-Serbi.

Ju e dini, tifozja e flaktë që jam në tribunë e çdo loje që bëhet me Shqipërinë, por gjithashtu kjo lojë është shumë e rëndësishme, sepse kemi histori të tërë me okupatorin serb, kështu që mua nuk më vjen keq ta them këtë gjë që unë ndiej”.

Ajo tregon edhe veshjen e saj, duke thënë: “Sot kam veshur rrobat e Rugovës, e kam modifikuar pak.
Kjo është diçka që ma kanë bërë gratë e Rugovës si dhuratë, sot do të tregoj traditë, vlerë shqiptare”.

Me këtë postim, Xhuli Nura tregon jo vetëm mbështetjen e saj të zjarrtë për kombëtaren, por edhe lidhjen e thellë me traditat dhe vlerat shqiptare që ajo dëshiron t’i mbajë gjallë. /Telegrafi/

The post Xhuli Nura poston video në Instagram, tregon se është gati për ndeshjen Shqipëri-Serbi appeared first on Telegrafi.

TIRANË- Ditët e fundit e gjithë bota ka hedhur vështrimin drejt Vatikanit ndërsa sa vijnë e shtohen premisat për arritjen e paqes mes Rusisë dhe Ukrainës.

Me zgjedhjen e Papa Leonit XIV, shihet që Vatikani mund të marrë një rol thelbësor në arritjen e paqes mes dy vendeve.

Gazetari dhe analisti Artur Nura, i ftuar në emisionin “Real Story” komentoi dhe qëndrimin e presidentit Donald Trump, i cili e ka përgëzuar rolin e shprehur nga Vatikani për të negociuar marrëveshjen e shumëpritur e të kërkuara nga Ukraina dhe Rusia.

Ai theksoi se zgjedhja e Vatikanit ka një simbolikë thelbësore.

Sipas tij, nëse Vladimir Putin pranon të shkojë në Vatikan për arritjen e paqes, atëherë automatikisht bie dhe urdhër-arresti ndërkombëtar, që Gjykata Penale Ndërkombëtare ka lëshuar ndaj Presidentit të Rusisë.

“Trump vjen si konservator, ka një zgjedhje ideologjike për paqen. Ka premtuar për 24 orë paqen dhe ka një lloj presioni për atë që s’ka realizuar, Premtoi dhe mori pushtetin me këtë.

Janë një sërë zgjedhjesh, që është zgjedhur Vatikani.Unë besoj se ajo do të mbahet, sepse i konvenon edhe Putinit. Nëse Putini vjen në Vatikan, në Romë dmth, bie dhe mandati i arrestit dhe është një gjë e madhe në rastin konkret. Sigurisht dëmtohet perëndimi në filozofinë e vet dhe këtë e bën Vatikani që nuk është shtet si të tjerët”, tha ai./abcnews.al

Analisti Artur Nure në emisionin “Real Story” në ABC News komentoi zgjedhjen e Papa Leoni XIV, duke theksuar rëndësinë politike dhe gjeopolitike të Vatikanit dhe ndikimin e figurës së re papnore në arenën ndërkombëtare.

Nure theksoi se fuqia e Vatikanit nuk duhet nënvlerësuar dhe se zgjedhja e Papa Leoni XIV nuk është e rastësishme, por pasqyron një vendim të matur në mes të zhvillimeve globale.

“Unë mendoj se ne bëjmë një gabim shumë të madh kur themi një shtet i vogël sepse duhet të themi një shtet i madh. Forca politike që përcjell Vatikani është forca politike e një shteti shumë të madh dhe jo rastësisht njerëzit e lidhin me një filozofi paqeje dhe jo rastësisht është zgjedhur Papa Leoni XIV.”

Ai shtoi se të gjitha kandidaturat paraardhëse kishin prapavija të qarta gjeopolitike, por Leoni XIV ishte zgjedhja më e përshtatshme.

“Në të gjitha kandidaturat që kanë qenë para tij kanë qenë kandidatura politike ose gjeopolitike. Ose Ukraina në mes, ose Izraeli në mes, ose zhvillimet në Lindjen e Mesme, të gjitha kanë qenë kandidatura gjeopolitike dhe më e gjetura në analizën time ishte Leoni XIV.”

Në përfundim, ai e cilësoi Papën e ri si një figurë amerikane, por të distancuar nga ideologjitë politike të brendshme në SHBA.

“Që është amerikan, por nuk është ‘trumpist’. Sipas meje unë e gjykoj si ‘anti-trumpist’.”/abcnews.al

Gazetari Artur Nura thotë se Shqipëria doli e nderuar nga samiti i komunitetit politik evropian, që u mbajt në Tiranë.

Në një intervistë për “Ora e Fundit” në ABC News, Nura u shpreh se kjo përbën një hap më shumë drejt integrimit evropian.

“Mund të themi, parimisht, Tirana, Shqipëria del e nderuar nga ky takim ndërkombëtar. Fut Tiranën në hartën gjeopolitike. Autoritetet më të larta evropiane erdhën në Tiranë, është një hap plus në integrimin evropian. Besoj se është në protagonizmin e Edi Ramës. Për takimin e sotëm, në thelb ishin negociatat për luftën Rusi-Ukrainë. Evropa po kërkon të marrë një rol të veçantë”, theksoi ai./abcnews.al

Gazetari Artur Nura e sheh qasjen e Sali Berishës për zgjedhjet e 11 majit dhe antimitingun më 16 maj, si justifikim për humbjen.

Në një intervistë për “Ora e Fundit” në ABC News, Nura u shpreh se te protesta e thirrur nga Berisha për mos njohjen e zgjedhjeve, do shkojnë vetë militantët

“Ishte justifikim për rezultatin. Berisha duhet ta kuptojë, autoritetet europiane, kanë uruar kryeministrin e ri. Në mitingun e protestës do shkojnë vetë militantët. Mesazhi është i qartë për Berishën, duam institucione, bëj opozitë, jo destabilitet. Qasja e Berishës ishte e ashpër, por ishte justifikim për humbjen”, theksoi ai./abcnews.al

Socialistët kanë arritur të marrin 82 mandate, ndërsa Partia Demokratike 52 mandate.

Në një intervistë në “ABC News”, analisti Artur Nura tha kreu i PD Sali Berisha pavarësisht koalicionit të cilin edhe e konsideronin madhështor, nuk pati asnjë rezultat të mirë.

“Unë kam sugjeruar që skema më optimale për zotin Berisha dhe koalicionin e tij që e quanin madhështore, me Berishën madhështore nuk mund të ishte. Hyri me modelin e Trump dhe doli me modelin e Biden. Berisha është konfirmuar si kryetari opozitës, do të mund të konfirmohet si nënkryetar i parlamentit”, tha Nura.

Më tej u shpreh se sipas tij Berisha do të vijojë me skemat e tij për të nisur akuzat për manipulim zgjedhjesh.

“Berisha besoj do t’i njohë zgjedhjet, do të akuzojë për manipulim. Nuk do të largohet nga politika dhe kjo do të ketë një kosto siç edhe e pati në këtë rast”, tha ai.

I ndalur edhe tek partitë e reja, Nura tha se të rinjtë janë me rezultate zhgënjyese në këto zgjedhje, pasi siç tha ai nuk formojnë dot asnjë grup parlamentar.

/abcnews.al/

Sot janë përkujtuar komandanti Ilaz Kodra dhe 315 dëshmorë e martirë në 26 vjetorin e rënies së tyre, më 30 prill 1999.

Në aktivitetin e homazheve kanë marrë pjesë kryetari i Komunës, Fadil Nura, nënkryetari Sami Lushtaku, kryesuesja e Kuvendit, Adelina Spahiu, familja Kodra, kryetari i Partisë Demokratike të Kosovës, Memli Krasniqi, shkruan Telegrafi.

Po ashtu morën pjesë deputetë të Parlamentit të Kosovës, gjeneralë e ish-komandantë të Ushtrisë Çlirimtare të Kosovës, drejtorët komunalë, anëtarë të Kuvendit, përfaqësues të shoqatave të dala nga lufts dhe qytetarë të shumtë.

Me këtë rast, është lartësuar vepra dhe heroizmi i Ilaz Kodrës, si bashkëluftëtar i komandantit legjendar Adem Jashari.

“Lavdi komandantit Ilaz Kodra dhe të gjithë dëshmorëve e martirëve të Kosovës!”, thuhet në njoftim. /Telegrafi/

The post Përkujtohen komandanti Ilaz Kodra dhe 315 dëshmorë e martirë në 26-vjetorin e rënies së tyre appeared first on Telegrafi.