Analisti Artur Nura theksoi se vala e protestave po e trondit regjimin e presidentit Aleksandar Vuçiç. I ftuar në një studio televizive, Nura tha se nuk beson se protestat në Serbi nuk kanë prapavijë nga vendet perëndimore.

Policia serbe hoqi në orët e para të mëngjesit të së hënës barrikadat e ngritura në kryeqytetin Beograd nga mijëra protestues anti-qeveritarë, që kishin zënë rrugët si shenjë pakënaqësie ndaj arrestimeve të fundit dhe në kërkim të zgjedhjeve të parakohshme parlamentare.

Ai theksoi se protesta vjen si presion nga poshtë dhe regjimi do ta ketë të vështirë kontrollin e saj. Sipas tij, kërkesat e studentëve për zgjedhje janë legjitime dhe nuk ka arsye pse vendi të mos shkojë në zgjedhje.

Artur Nura:

“Protesta po tronditin regjimin e Vuçiçit. Qeveria serbe po mbyt me dhunë kryengritjet. Nuk besoj se ka nxitje të drejtpërdrejtë të vendeve të BE dhe vendeve të perëndimit, për studentët në serbi. Unë besoj se këtë rast do ta ketë shumë të vështirë të menaxhojë situatën.

Regjim i dhunshëm i Milloshevicit modern, sepse Vuçiç vjen nga ato radhë. Nuk besoj se perëndimi nuk bën presion ndaj Vuçiçit, presioni është të mos përdoret dhunë, të lirohen të arrestuarit. Presioni i studentëve është nga poshtë, shifrat flasin se janë 120 mijë protestues. Ajo protesta ka një energji që vjen nga poshtë dhe nuk besoja se do kontrollohet”.

The post “Po tronditet regjimi i Vuçiç”/ Protestat masive në Serbi, reagon ashpër analisti: Protesta ka energji që vjen nga… appeared first on Sot News | Lajme.

Në një intervistë televizive analisti Artur Nura u shpreh se plani është bërë në mënyrë profesionale, por se mund të ndalet nga pikëpamja politike.

Analisti thotë se SHBA është e përgatitur ushtarakisht për sulm ndaj Iranit dhe ka trupa ushtarake të përgatitura, të cilat janë vendosur në zona të ndryshme.

“Sipas të dhënave nga agjencitë e lajneve, janë përgatitur edhe trupa speciale izraelite dhe avionë ushtarakë të cilët janë të gatshëm. Plani është bërë në mënyrë profesionale për ndërhyrje. Gjasat janë që ai të jetë i gatshëm nga pikëpamja ushtarake, por mund të ndalet nga pikëpamja politike. Nëse do futen SHBA në konflikt të drejtpërdejt, mund të ketë pasoja të paparashikueshme. Politikisht, duket se nuk janë të përgatitur. Europa ka hapur kanalin e dialogut, është pengesë tjetër për sulmin. Janë të gjithë elementët ushtarakë të gatshëm për të vepruar, por nuk janë ato politikë. Regjimi i ajatollahëve nuk është në ditën më të mirë. Irani, para regjimit islamik, ka qenë një nga vendet më të zhvilluara në glob. Unë besoj se konflikt bërthamor nuk ka. Ekspertët e fushës thonë se do kemi një mbushje bërthamore, do fillojë aksion zinxhir, dhe do të thotë fundi i botës. Ky shqetësim është mbarë global”, theksoi ai.

The post “Trupa ushtarake të përgatitur në zona të ndryshme”/ Izrael-Iran, flet avokati: Gjasat janë që… appeared first on Sot News | Lajme.

Analisti Artur Nura thotë se SHBA është e përgatitur ushtarakisht për sulm ndaj Iranit dhe ka trupa ushtarake të përgatitura, të cilat janë vendosur në zona të ndryshme.

Në një intervistë për “Newsline” në ABC News, Nura u shpreh se plani është bërë në mënyrë profesionale, por se mund të ndalet nga pikëpamja politike.

“Sipas të dhënave nga agjencitë e lajneve, janë përgatitur edhe trupa speciale izraelite dhe avionë ushtarakë të cilët janë të gatshëm. Plani është bërë në mënyrë profesionale për ndërhyrje.  Gjasat janë që ai të jetë i gatshëm nga pikëpamja ushtarake, por mund të ndalet nga pikëpamja politike. Nëse do futen SHBA në konflikt të drejtpërdejt, mund të ketë pasoja të paparashikueshme. Politikisht, duket se nuk janë të përgatitur. Europa ka hapur kanalin e dialogut, është pengesë tjetër për sulmin. Janë të gjithë elementët ushtarakë të gatshëm për të vepruar, por nuk janë ato politikë. Regjimi i ajatollahëve nuk është në ditën më të mirë. Irani, para regjimit islamik, ka qenë një nga vendet më të zhvilluara në glob. Unë besoj se konflikt bërthamor nuk ka. Ekspertët e fushës thonë se do kemi një mbushje bërthamore, do fillojë aksion zinxhir, dhe do të thotë fundi i botës. Ky shqetësim është mbarë global”, theksoi ai./abcnews.al

Analisti Artur Nura në “Edicioni Fundit” në ABC News, foli për përplasjet mes Izraelit dhe Iranit.

Gjatë intervistës, komentoi kundërpërgjigjen e Iranit ndaj Izraeli. Nura tha se në konflikt sipas tij janë përfshirë disa aktorë.

“Kemi një përgjigje të sulmeve edhe nga Irani ndaj Izraelit”, tha ai. Gjithashtu Nura nënvizoi se Trump e kishte paralajmëruar Iranin para sulmit Izraelit.

Nga ana e tij eksperti i marrëdhënieve ndërkombëtare, Geron Kamberi tha se palët tani po sulmojnë me raketa balistike, duke shtuar se ekziston një rrezik për një front të ri lufte.

Më tej nënvizoi se Irani pas vitit ’79 u bë përkrahës i çështjes palestineze.

“Nga pikëpamja e mënyrës se si zhvillohen marrëdhëniet ndërkombëtare nuk shoh ndonjë zhvillim të papritur, E vetmja gjë që mund të themi se të dielën pritej të zhvilloheshin bisedime në Oman, por me sulmin tani ka një tërheqje. Duket se të gjithë e dinë se çfarë do të ndodhë”, tha ai.

/abcnews.al/

Analisti Artur Nura thotë se në SHBA, tanimë kemi model autoritar, pasi modeli perëndimor ka rënë.

Në emisionin ‘Real Story” në ABC News, Nura u shpreh lidhur me përplasjen e Donald Trump dhe Elon Musk, ku nënvizoi se të dy kanë influencë.

“Të dy figurat, janë figura të pushtetshme, që kanë infulenca të drejtpërdrejta. Se kush është më i forti, nuk dyshoj te pushteti që ka Trump. Kemi model autoritar tani edhe në SHBA. Në Evropë, jo rastësist kancelari gjerman i kujtoi Trump të shkuarën. Kemi modelin perëndimor që po qëndron në Evropë, dhe modelin perëndimor që po bie në SHBA. Ky është shqetësimi më i madh, goditja që po i vjen Perëndimit. Këtu është sfida dhe Shqipëria është e mberojtur, sepse është në NATO. Sepse sido të shkojnë gjërat, nuk do të ketë shpërbërje të NATO-s. Shqetësimi im është Kosova. Nuk është në NATO edhe pse ka prani trupash.”, theksoi ai./abcnews.al

TIRANË- Ditët e fundit e gjithë bota ka hedhur vështrimin drejt Vatikanit ndërsa sa vijnë e shtohen premisat për arritjen e paqes mes Rusisë dhe Ukrainës.

Me zgjedhjen e Papa Leonit XIV, shihet që Vatikani mund të marrë një rol thelbësor në arritjen e paqes mes dy vendeve.

Gazetari dhe analisti Artur Nura, i ftuar në emisionin “Real Story” komentoi dhe qëndrimin e presidentit Donald Trump, i cili e ka përgëzuar rolin e shprehur nga Vatikani për të negociuar marrëveshjen e shumëpritur e të kërkuara nga Ukraina dhe Rusia.

Ai theksoi se zgjedhja e Vatikanit ka një simbolikë thelbësore.

Sipas tij, nëse Vladimir Putin pranon të shkojë në Vatikan për arritjen e paqes, atëherë automatikisht bie dhe urdhër-arresti ndërkombëtar, që Gjykata Penale Ndërkombëtare ka lëshuar ndaj Presidentit të Rusisë.

“Trump vjen si konservator, ka një zgjedhje ideologjike për paqen. Ka premtuar për 24 orë paqen dhe ka një lloj presioni për atë që s’ka realizuar, Premtoi dhe mori pushtetin me këtë.

Janë një sërë zgjedhjesh, që është zgjedhur Vatikani.Unë besoj se ajo do të mbahet, sepse i konvenon edhe Putinit. Nëse Putini vjen në Vatikan, në Romë dmth, bie dhe mandati i arrestit dhe është një gjë e madhe në rastin konkret. Sigurisht dëmtohet perëndimi në filozofinë e vet dhe këtë e bën Vatikani që nuk është shtet si të tjerët”, tha ai./abcnews.al

Analisti Artur Nure në emisionin “Real Story” në ABC News komentoi zgjedhjen e Papa Leoni XIV, duke theksuar rëndësinë politike dhe gjeopolitike të Vatikanit dhe ndikimin e figurës së re papnore në arenën ndërkombëtare.

Nure theksoi se fuqia e Vatikanit nuk duhet nënvlerësuar dhe se zgjedhja e Papa Leoni XIV nuk është e rastësishme, por pasqyron një vendim të matur në mes të zhvillimeve globale.

“Unë mendoj se ne bëjmë një gabim shumë të madh kur themi një shtet i vogël sepse duhet të themi një shtet i madh. Forca politike që përcjell Vatikani është forca politike e një shteti shumë të madh dhe jo rastësisht njerëzit e lidhin me një filozofi paqeje dhe jo rastësisht është zgjedhur Papa Leoni XIV.”

Ai shtoi se të gjitha kandidaturat paraardhëse kishin prapavija të qarta gjeopolitike, por Leoni XIV ishte zgjedhja më e përshtatshme.

“Në të gjitha kandidaturat që kanë qenë para tij kanë qenë kandidatura politike ose gjeopolitike. Ose Ukraina në mes, ose Izraeli në mes, ose zhvillimet në Lindjen e Mesme, të gjitha kanë qenë kandidatura gjeopolitike dhe më e gjetura në analizën time ishte Leoni XIV.”

Në përfundim, ai e cilësoi Papën e ri si një figurë amerikane, por të distancuar nga ideologjitë politike të brendshme në SHBA.

“Që është amerikan, por nuk është ‘trumpist’. Sipas meje unë e gjykoj si ‘anti-trumpist’.”/abcnews.al

Gazetari Artur Nura e sheh qasjen e Sali Berishës për zgjedhjet e 11 majit dhe antimitingun më 16 maj, si justifikim për humbjen.

Në një intervistë për “Ora e Fundit” në ABC News, Nura u shpreh se te protesta e thirrur nga Berisha për mos njohjen e zgjedhjeve, do shkojnë vetë militantët

“Ishte justifikim për rezultatin. Berisha duhet ta kuptojë, autoritetet europiane, kanë uruar kryeministrin e ri. Në mitingun e protestës do shkojnë vetë militantët. Mesazhi është i qartë për Berishën, duam institucione, bëj opozitë, jo destabilitet. Qasja e Berishës ishte e ashpër, por ishte justifikim për humbjen”, theksoi ai./abcnews.al

Socialistët kanë arritur të marrin 82 mandate, ndërsa Partia Demokratike 52 mandate.

Në një intervistë në “ABC News”, analisti Artur Nura tha kreu i PD Sali Berisha pavarësisht koalicionit të cilin edhe e konsideronin madhështor, nuk pati asnjë rezultat të mirë.

“Unë kam sugjeruar që skema më optimale për zotin Berisha dhe koalicionin e tij që e quanin madhështore, me Berishën madhështore nuk mund të ishte. Hyri me modelin e Trump dhe doli me modelin e Biden. Berisha është konfirmuar si kryetari opozitës, do të mund të konfirmohet si nënkryetar i parlamentit”, tha Nura.

Më tej u shpreh se sipas tij Berisha do të vijojë me skemat e tij për të nisur akuzat për manipulim zgjedhjesh.

“Berisha besoj do t’i njohë zgjedhjet, do të akuzojë për manipulim. Nuk do të largohet nga politika dhe kjo do të ketë një kosto siç edhe e pati në këtë rast”, tha ai.

I ndalur edhe tek partitë e reja, Nura tha se të rinjtë janë me rezultate zhgënjyese në këto zgjedhje, pasi siç tha ai nuk formojnë dot asnjë grup parlamentar.

/abcnews.al/

Ish-kryeministri Sali Berisha ka zhvilluar një takim jashtë shtetit ku u duke se edhe u kërkoi ndihmë të djathtëve europianë në Këshillin e Europës.

Gazetari Artur Nure në “Edicioni i Fundit” në ABC News, u shpreh se këto lëvizje janë një strategji e njohur e Partisë Demokratike dhe se sipas tij, ish-kryeministri Berisha kërkon të marrë vëmendjen e ndërkombëtarëve.

“Tregojnë një strategji të njohur në PD për të marrë vëmendje nga faktori ndërkombëtar. Por duket se nuk kemi të bëjmë me takime zyrtare, pasi nuk tregohet seriozitet bashkëpunimi. Një takim i ngjashëm tregon që ka mungesa të pajustifikuara. Është strategji e qartë e zotit Berisha për të rritur pikët dhe rikthyer vëmendjen e ndërkombëtarëve”, tha gazetari Nura.

Nga ana e tij Avokati Edmond Petraj komentoi deklaratat e ish-kryeministrit Berisha kundër SPAK dhe planin e këtij të fundit për ta zhbërë.

“Zoti Berisha sot e ndjeu humbjen, kam përshtypjen. Sepse kanë tre muaj që kanë shpallur fitoren. Por duke parë Berishën në atë gjendje, tregon situatën ku ndodhet. Dhe pjesa e minoriteti grek që këta pretendojnë se kanë shkelje të të drejtave, është plotësisht një gënjeshtër. Minoriteti grek në Shqipëri i gëzon të gjitha të drejtat”, tha ndër të tjera avokati Petraj.

/abcnews.al/

Analisti Artur Nura thotë se tarifat e vendosura nga presidenti amerikan, Donald Trump janë si një tërmet për botën perëndimore.

Në emisionin “Real Story” në ABC News, Nura u shpreh se sot lufta po bëhet për gjeoekonominë.

Ka ardhur koha të flasim në mënyrë parësore për gjeoekonominë. Lufta është për gjeoekonominë. Bota perëndimore, me këtë tërmet, unë e shoh si tërmet dhe tërmetet nuk janë të kontrollueshme. Ta shohim nëse do të kontrollohet apo jo, risqet janë të mëdha. Ju iu referuat Ukrainës. Ukraina, me modelin Trump vjen për zgjidhje me ndarrje territoresh. Kjo mund të sjellë tërmete të tjera. Kina ka demonstuar forcë në Tajvan dhe jo rastësisht. Këto zgjidhjet e propozuara deri tani, gjysmë zyrtare, sjellin disa risqe të mëdha zinxhir. Ne i referohemi Ballkanit. Rasti i Kosovës dhe Bosnje dhe Hercegovinës mund të sjellë të njëjtat problematika? Ndarje territoresh. Projekti i Trump, ishte zyrtar në administratën e parë, për ndarje territoresh”, theksoi ai./abcnews.al

Gazetari Artur Nura e cilëson vendim politik atë të Gjykatës Speciale për të mos lejuar ish presidentin e Kosovës, Hashim Thaçin për të mos marrë pjesë në varrimin e të atit.

Në një intervistë për “Ora e Fundit” në ABC News, Nura u shpreh se ky vendim, politikisht do të kushtojë.

“Është vendim politik i një gjykate juridike. Politikisht do të kushtojë. Një postim të kryeministrit shqiptar, edhe Grenell mbajti qëndirmin, mbështeti qëndrimin politik të kryeministrit. Kjo mund të sjellë edhe zhvillime të mëtejshme politike. Procesi ndaj Thaçit mund të shihet në këndvështrim të ri juridik. Kjo nuk do të jetë rastësore, mund të kthehen projektet amerikane të Trump në Kosovë”, theksoi ai./abcnews.al

Gazetari Artur Nura thotë se ka pasur një kompromis mes qeverisë Rama dhe asaj të Melonit për arritjen e një marrëveshje të tillë për pensionet. Në një intervistë për “Ora e fundit” me gazetarin Emilian Islami, ai tha se edhe opozita italiane nuk e ka kundërshtuar këtë marrëveshje për pensionet.

I pyetur për mundësinë e arritjes së një marrëveshje të tillë me Greqinë, Nura tha se është e vështirë për shkak se marrëdhëniet me shtetin grek janë më komplekse.

“Politika njihet si art i kompromisit dhe duket se ka kompromis midis dy kryeministrave. Vendimi politik që mori Rama për vendosjen e një kampi të përkohshëm për refugjatët nga Afrika drejt Italisë, projekt i qeverisë Meloni që kundërshtohet nga opozita italiane, është rikthim i këtij nderi.

Debati ka qenë i ashpër pasi ka 550 mijë shqiptarë dhe pjesa më e madhe e tyre janë me të drejtë vote. E majta e ka kundërshtuar marrëveshjen Rama-Meloni për refugjatët, por jo marrëveshjen për pensionet dhe e kanë aprovuar në mënyrë unanime. Vetëm kompromisi politik ka bërë të mundur që ta aprovojë në senat në mënyrë “ekstravagante”, u shpreh ai./abcnews.al

TIRANË– Gazetari dhe analisti i njohur Artur Nura u shpreh në “Real Story” se shumica e qytetarëve të Ukrainës kërkojnë të anëtarësohen në NATO, por një dëshirë e tillë shtoi ai nuk do të realizohet dot.

Ai shtoi se ky synim i pretenduar nuk do realizohet për vetë faktin se rrezikohet stabiliteti ushtarak me Rusinë

“Kufijtë e NATO tashmë janë në dyert e Moskës, sigurisht kjo sjell shqetësim. Ukraina sot, është Shqipëria dikur dhe jo rastësisht ishim neutral. Neutraliteti kërkohet, nuk ka më demokraci.  Shumica e ukrainasve duan të hyjnë në NATO, por nuk do t’i lejojë njeri të hyjnë në NATO, sepse rrezikohet stabiliteti ushtarak me Rusinë.  Zgjerimi që ka bërë NATO ka qenë një kërcënim për Moskën”, tha ai./abcnews.al

TIRANË- Gazetari Skënder Minxhozi, tha në “Real Story” se pas arrestimit të Erion Veliajt, do ishte një risk për Ramën nëse do vendoste të shkonte në zgjedhje për Bashkinë Tiranë, para mbajtjes së parlamentareve të 11 majit.

Ai shtoi se kjo do ishte një risk për kryeqytetin, por jo dhe aq për Shqipërinë.

“Politikisht do ishte një risk për Ramën që të hynte në zgjedhje të parakohshme, duke i ndarë zgjedhjet  e Tiranës me 11 majin, kjo do ishte risk. Rama riskon Tiranën, më pak riskon Shqipërinë”, tha ai.

Gazetari Artur Nura, tha se një vendim i tillë do të ishte një akt i guximshëm politik për PS, i cili do garantonte vijimin e drejtësisë.

“Unë besoj se një politikë e guximshme e Ramës e garanton Tiranën për PS. Po para 11 majit, për të mbajtur betejën e drejtësisë, betejë që PS nuk i vë stërkëmbësha drejtësisë”, tha ai./abcnews.al

Gazetari Artur Nura deklaroi se opozitarët nuk bëjnë dot zhurmë me fjalë, por kur Sali Berisha nis të flas, tentojnë të bëjnë zhurmë me shashka.

Ai theksoi se me ardhjen e Donald Trump në pushtet, Berisha mendon se mund të heq ‘non gratën’, pasi dhe po financon fuqishëm.

“Kush ka memorie politike e kujton që zoti Berisha në pushtet ka qënë një autoritar i një modeli shumë më të forta. Këtë mund ta kujtojë vetë zoti Leka që e ka pësuar, I cili për ushtrimin e profesionit ka shkuar pas hekurave. Ne nuk mund ta harrojmë dot këtë gjë. Bashkë me Aleksandër Frangaj për memorin e teleshikuesve.

E dyta, nuk bëjnë dot zhurmë me fjalë dhe ai kur nisi fjalën filluan me shashka. Thonë Rama ik, po Rama nuk ikën. Njëjtë si Basha, që tha tani beteja rifillon.

Unë besoj që brenda Berishës, beteja më e rëndësishme është fitorja me drejtësinë. Po të shohësh një nga tabelat, ishte me zotin Trump dhe Sorosin me kryq nga mbrapa. Mendon se do t’i hiqet ‘non grata’ me ardhjen e Trump.

Për ti hequr ‘non grata’ Berisha do financojë dhe për këtë dihet. Ai do niset në Milano tani, ka avionin. Do financojë me fushatat e tij”.

Ndërsa, analisti Martin Leka theksoi se Berisha krijoi një regjim represiv, jo nga fjalës së lirë, por ndaj politikanëve. Sipas tij, edhe pas 34 vjetësh vazhdon të jetë po i njëjtë, një alternativ që po erdhi do të ketë një qeveri të korruptuar.

“Mendoj që zoti Berisha krijoi një regjim represiv, jo nga fjalës së lirë, por ndaj politikanëve. Në atë kohë u fut lideri Fatos Nano në burg. Pastaj ndodhën zgjedhjet e 96, që flasin për kulmin, për votën e lirë. Në vitin 97 nuk kemi pse I futemi, sepse nuk dha dorëheqjen me atë humnerë të krijuar. Në 98 u pushtua Radio Televizioni Shqiptar dhe mediat e tjera si Koha Jonë. Pas 34 vjetëve ne jemi përballë një alternative, që edhe pse është e korruptuar, kemi dhe një alternativë tjetër, që do të mendojë dhe thotë më mirë një qeveri e korruptuar se sa një qeveri që të vret si më 21 Janar”./abcnews.al

Anketa Kombëtare e Institutit Ndërkombëtar Republikan pohoi se SPAK rezulton se institucioni më i besueshëm në Shqipëri (76%).

Më pas renditen policia, ushtria dhe institucionet fetare, ndërsa institucionet më pak të besueshme janë Kuvendi dhe partitë politike.

Sa i takon mbështetjes së politikanëve, në sondazh del në pah diferencat e madhe ndërmjet kryeministrit Edi Rama (36%), përballë kryetarit të PD-së Sali Berisha (15 për qind).

Gazetari Artur Nura në një intervistë në “Ora e Fundit” në ABC News, u shpreh se rezultatet e sondazhit kanë treguar atë çfarë tashmë ishte e pritshme, duke nënvizuar se besueshmëria e qytetarëve ndaj SPAK është rritur. Ndërsa sa i përket situatës politike ai tha se ish-kryeministri Sali Berisha duhet të kuptojë sa më shpejt realitetin dhe se nuk mund të rrijë me mendimin se mund të marrë pushtetin.

“Berisha duhet të kuptojë mirë realitetin , nëse do të vazhdojë të mos e pranojë do të ketë një qasje të gabuar. E kemi thënë që Berisha nuk është i sinqertë me veten ose nuk do të pranojë realitetin. Berisha duhet të kuptojë që pushtetin nuk e merr. Unë dëshiroj të besoj që partitë e vogla të kenë praktika të Italisë apo të Greqisë. Në koalicionet e mëparshme të PD me partinë e lirisë, ka pasur shqetësime brenda partisë demokratike, nuk kanë dashur të japin vende të sigurta për të marrë vetë. Ne e dimë që PD nuk funksionon si duhet të funksionojë. Edhe Meta edhe Berisha janë në proces penal. Edhe zotit Berisha i duhet zoti Meta sepse ka ndjeshmërinë e tij personale”, tha ai.

Masa e re ndaj ish-kryeministrit Sali Berisha do e çojë drejt godinës së SPAK dy herë në muaj, ndërsa vetë ish-kryeministri nuk i ka ndalur sulmet ndaj prokurorëve. Lidhur më këtë çështje ka folur edhe avokati Edmond Petraj. Në “Ora e Fundit” në ABC News, avokati Petraj u shpreh se ish-kryeministri e ka kuptuar shumë mirë që vendimi i Gjykatës duhet respektuar.

“Berisha e kuptoi më në fund që vendimi i gjykatës duhet respektuar dhe beteja për të cilën ai ka pretendime i takon gjykatës. Nëse ndryshon akuza pozita e Berishës mund të rëndohet”, tha avokati Petraj.

Ndërsa gazetari Artur Nura komentoi thirrjet për protesta, i konsideroi si të gabuara.

“Opozita nuk është në kohën e saj më të mirë. Besoj që ka një dobësi dhe kërkon të bëjë presion. Ai do që të mbajë elektoratin e tij në energji, por besoj që është e gabuar”, u shpreh ai.

Avokati Petraj tha se Berisha sot është i pandehur duke shtuar se ka dështuar pasi nuk ka më mbështetje.

Më tej nënvizoi se ish-kryeministri Berisha duhet të respektojë masën “detyrim paraqitje”.

/abcnews.al/

Ambicia e Shqipërisë për të hapur të gjithë grupkapitujt e anëtarësimit me Bashkimin Europian brenda 2025, për ministrin për Evropën dhe Punët e Jashtme, Igli Hasani, jo vetëm është e realizueshme por nuk do të ndikohet as nga çështjet e pazgjidhura dypaleshe.

Lidhur me këtë ka folur në “Tirana Live”, gazetari Artur Nura, i cili u shpreh se Hasani paralajmëroi një jetë diplomatike intensive me synim integrimin e vendit në Bashkimin Europian.

Ai theksoi se tashmë Ballkani për Brukselin, është prioritet për shkak të zhvillimeve gjeopolitike.

“Dy nga elementët që vura re unë dhe që janë të rëndësishëm, le të themi, që ministri Hasani po korrekton dhe ‘gabimet’ e paraardhësve të tij. Për shembull, hapja jo e rastësishme e ambasadës sonë në Portugali dhe jo rastësisht ndaloi me greqinë që është një nga instrumentet më të komplikuar për ta zgjidhur Shqipëria. Jo rastësisht ju iu referuat dy elementëve të rëndësishëm që është marrëveshja për pensionet, që është një kosto që duhet llogaritur si një kontribut i shqiptarëve atje. Zotit Rama i duhet të negociojë siç ka bërë me Italinë. Ne Italinë e kemi pasur si avokate të Shqipërisë për BE, por mesa duket dhe Greqia synohet për tu bërë një avokate e Shqipërisë për në BE.

Kemi zhvillime të rëndësishme gjeopolitike, në të cilat Ballkani për Brukselin është prioritet. Edhe në vende të caktuara nuk mund të pengojnë këtë prioritet për problemet e vogla bilaterale”, tha Nura./abcnews.al

Gazetari Artur Nura thotë se konferenca e tretë ndërqeveritare Shqipëri-BE që do zhvillohet më 17 dhjetor, ku do hapen grup kapituj për politikën e jashtme, është hap i rëndësishëm për integrimin.

Në një intervistë për “Ora e Fundit” në ABC News, Nura u shpreh se kjo është arritje e qeverisë shqiptare pas një pune intensive.

“Zoti Rama po funksionon përsëri përtej së majtës dhe të djathtës. Presidenca hungareze, bën një hap cilësor. Ka një rezultat nga një punë intensive dhe strategjike. Ne, nëpërmjet Tiranës, duket se Prishtina po sinkronizohet me rezultate. Do ketë jehonë ky takim i dy Kuvendeve. Ka rezultate që nuk vijnë në mënyrë rastësore. Evropa është e interesuar që Ballkanin ta ketë nën kontroll, pa probleme, pa trazira. Pas këtij hapi, Tirana zyrtare po funksionon sipas standardeve dhe kërkesave të Brukselit, por edhe Uashingtonit. Mbrojtja në Shqipëri është e NATO-s, por edhe në Kosovë. Qeveria shqiptare ka punuar për të pasur rezultate.”, theksoi ai./abcnews.al